Блогер Отабек Сатторий озодликка чиқарилди

Суд ажрими билан Отабек Сатторий ўталмай қолган 2 йил 11 ой 25 кун озодликдан маҳрум қилиш жазоси Жиноят кодексининг 74-моддаси (жазони енгилроғи билан алмаштириш) 3-қисми «в» бандига асосан ахлоқ тузатиш иши жазосига алмаштирилиб, иш ҳақининг 20 фоизини давлат даромади фойдасига ундирилиши белгиланди.

Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy

⚡️Боласини мактабга юбормайдиган ота-оналар 5 млн сўмдан кўпроқ жарима тўлаши мумкин

Қонунчиликка кўра, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик 340 минг сўмдан 1 млн 700 минг сўмгача жарима солишга сабаб бўлади.

Шунингдек, болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш БҲМнинг 10 бараваридан 15 бараваригача (3 млн 340 минг сўмдан 5 млн 100 минг сўмгача) миқдорда жарима солишга сабаб бўлади.

Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy

Бойсун туманида экин ер майдонини ўзбошимчалик билан эгаллаб олиш ҳолати аниқланди
 
Бош прокуратура ҳузуридаги Департаментнинг Бойсун туман бўлими томонидан ўтказилган терговга қадар текширувда фуқаро С.Ж. “Тиллакамар” МФЙ ҳудудидаги 35 сотих захирадаги суғориладиган экин ер майдонини ўзбошимчалик билан эгаллаб олиб, ернинг унумдор қатламига зарар етказган ҳолда уй-жой қуришни бошлаганлиги аниқланган.

Мазкур ҳолат юзасидан Жиноят кодексининг 229-1-моддаси (ер участкаларини ўзбошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.
 
Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy

#инспекторлардан

👮‍♀️Рейд жараёнларида

🚦Йўл ҳаракати қоидалари 175-банд

⚠️ Механик транспорт воситаларининг (трамвайлардан, троллейбуслардан ташқари) ва тиркамаларнинг кўзда тутилган жойларида тегишли намунадаги рўйхатдан ўтказиш давлат рақам белгилари ўрнатилган бўлиши шарт.
Юк автомобиллари, тиркамалар (енгил автомобиллар ва мотоцикллар тиркамаларидан ташқари) ва автобуслар (микроавтобуслардан ташқари) кузовининг орқа деворига унинг давлат рақам белгиси ва ҳарфлари ёзилиши керак. Рақамнинг баландлиги 300 миллиметр, кенглиги 120 миллиметр, чизиғининг йўғонлиги 30 миллиметрдан кам бўлмаслиги, ҳарфлар баландлиги эса рақам ўлчамларининг 2/3 қисмига тенг бўлиши керак.
Трамвайларга ва троллейбусларга тегишли ташкилот томонидан рўйхатга олинган рақамлар ёзилади.

Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy

Сурхондарёда келинини 6 марта пичоқлаган қайнота 10 йилга озодликдан маҳрум қилинди !

Шўрчилик Ўлмас Очилов (исм-фамилиялар ўзгартирилди) 2023 йил 21 август куни эрталаб соат 04:00 лар атрофида турмуш ўртоғи Хосият Маҳмудова билан ўзаро тортишиб қолгач, унинг ҳовлида кўринмаётганидан ажабланиб, излашга тушади. Алоҳида хўжалик сифатида яшовчи келини Дилбар Оролованинг хонадонига боради. Тополмагач, яна ўз хонадонига келгач, турмуш ўртоғи Хосиятнинг уйда эканига кўзи тушади. Шу орада онасидан хавотирланиб, қўнғироқ қилган ўғли Ҳамдам Очилов билан телефонда тортишиб қолади. 

Шу лаҳзаларда турмуш ўртоғи Холиёр Очилов билан гаплашган Дилбар Оролова чамаси соат 07:00 ларда қайнонаси Хосиятни ўз уйига олиб кетиш учун уларнинг яшаш хонадонига маҳалла раиси, маҳалла фаоли ва қайнопаси билан келади. Ўз уйида Ўлмас Очилов келини билан оғзаки тортишиб қолиб, ўтирган кроватида бўлган ошхона пичоғини олади ва қўлида вояга етмаган фарзанди Даврон Ўлмасов билан қочаётган Дилбар Ороловани қувиб етади. Уни ўлдириш мақсадида иккинчи вояга етмаган фарзанди Дониёр Ўлмасов кўз ўнгида ўта шафқатсизлик билан орқа томонидан баданининг турли жойларига олти марта пичоқ уриб йиқитган ҳолда ҳодиса жойини тарк этади. 

Жабрланувчи Дилбар Ороловага ўз вақтида кўрсатилган тиббий ёрдам туфайли унинг ҳаёти сақлаб қолинган. 

Судда судланган Ўлмас Очилов айбига тўлиқ иқрор ва пушаймонлик билдириб, суддан қонуний енгиллик беришни сўрайди. 

Ушбу жиноят ишини Жиноят ишлари бўйича Шўрчи туман суди кўриб чиққан. Иш ҳужжатлари атрофлича ўрганилиб, суднинг ҳукмига кўра, Ўлмас Очиловга нисбатан Ўзбекистон Республикаси Жиноят кодексининг 25,97-моддаси 2-қисми “ж” банди билан ўн йил муддатга озодликдан маҳрум этиш жазоси тайинланган. 

Ҳукмдан норози бўлган судланувчи Ўлмас Очилов ҳимоячиси билан ишни қайта кўришни сўраб, Сурхондарё вилоят судининг Жиноят ишлари бўйича судлов ҳайъатига апелляция шикояти киритган. Шунингдек, жабрланувчи Дилбар Оролова ҳам давоси йўқлигини маълум қилиб, апелляция тартибида шикоят берган. Енгил жазо беришни сўраган. Шунга асосан мазкур жиноят иши Сурхондарё вилоят судининг Жиноят ишлари бўйича судлов ҳайъати апелляция инстанциясида кўриб чиқилиб, ҳар бир ҳолат қайта ўрганилди. Шикоятдаги важларга асос топилмади. Жиноят ишлари бўйича Шўрчи туман судининг ҳукми ўзгаришсиз, шикоятлар қаноатлантирилмасдан қолдирилди. 

Халқимизда кўза кунда эмас, кунида синади, деган пурмаъно гап бор. Ўлмас Очилов ҳам бу қилмиши учун ҳаётининг муайян қисмини панжара ортида ўтказадиган бўлди. Зеро, қонун устувор юртда жазодан қочиб қутилиб бўлмайди.   

Жасурбек Худойбердиев,
Сурхондарё вилоят суди судьяси

Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy