Clinical Surgery 37

🔵🔵الجراحة🔵🔵

مادة مهمة جداً، بالعملي والنظري ،،وممتعة جداً، وماتحتاج تفاصيل كثير زي الباطنة،لكن ضروري تهتم بالحضور ،وأنك تشل حالات واصل ،وبنبدأ طوالي بالنقاط حقها..

🔻أهم الكتب العملي فيها كتاب متولي بالعملي ،بس الأهم بالجراحة الفيديوهات العملي كمذاكرة..

🔻الفيديوهات ضروري تشوفوهن ، وأهم من شرح العملي (الدكتور علي حسيب في معاه فيديو تقريباً ساعتين شرح على حالات قدام الطلاب رهيب جدا، وفي معاه فيديوهات غيرهن، ومعاكم الدكتور أشرف خاطر معاه فيديوهات رهيبة، وكمان في الدكتور وهدان) وأنتم حسب اللي ترتاحوا له شوفوه ،ولو في وقت شوفوهم كلهم...

🔻كيفية التصرف وقت، الكورس ،زي ماتكلمنا بالباطنة فوق ،معاك القواعد ضروري تلتزم بهن تسأل وتفحص عن يمين السرير ،ماتجلس فوق سرير المريض، تبدأ تسلم على المريض وتستأذن منه وكمان وقت الفحص السريري تستأذن منه مرة
ثانية، تعرف عن نفسك..إلخ

🔻زي ماقلنا فوق القصة المرضية للجراحة ،ماتحتاج تفاصيل كثير ( ومعظم حالات الجراحة تنحصر بين ثلاث حاجات ك chief complain* وهن....

🔅swelling...
🔅pain
🔅ulcer

وبتبني باقي القصة المريضة على chief complain اللي جاء فيه المريض...وتحلله لما توصل للتشخيص أو التشخيصات المحتملة...وهنا في معانا examination مختلف شوية، الفحص العام (General Examination) مشترك بين كل الحالات، وفي لكل حالة بعض النقاط في ال General exam. ضروري جدا تركز عليها، ومعانا الأهم أنه غالباً في كل حالة فحوصات سريرية خاصة فيها ،ضروري تكون عارف لها خصوصاً الحلات المشهورة، مثلا ال Thyroid معاها فحوص خاصة، معاكم ال Hernia معاها فحوص خاصة ،وغيرهن حسب الحالة ....وبتحصلوهن سواء بالفيدوهات العملي أو الكتاب ،أو بالموضوع نظري..

🔻ضروري تكون مهتم بالحضور مع الدكاترة لأن أغلب الدكاترة في معاهم معلومات خاصة بهم ويدوروها، وكمان ضروري تشل حالات يومياً، كتدريب لك، وياحبذا تكون مخطط أو مذاكر للموضوع النظري حق الحالات اللي ناوي تشلهن، أو مواضيع الدكتور اللي بيحضر معاكم...

🔻معاكم موضوع دفتر الحالات، ياحبذا من بداية الكورس تهتم فيه، وتكتب الحالات أول بأول ،وماتخليه لآخر أيام، من باب الفائدة لنفسك، وتدريب لنفسك، وكمان آخر الأيام بتكون محتاج الوقت، تقرأ لك معلومات ،أو تجارب، بدل مايضيع الوقت بالكتابة...

🔻الآن نوصل لنقطة الاختبارات، هنا ضروري ضروري قبل أي شي ،تكون قارئ لتجارب سابقة للطلاب مع الدكاترة، وتقرأ تلخيصات الدكاترة، اللي بيختبروا، لأنه بعض الدكاترة يشددوا يشتوا إلا اللي براسهم، فأنت تكون مجهز نفسك ودامك مهتم بالحضور ،وتشل حالات زي ماقلنا بيكون يوم مثله مثل باقي ايام الدوام ،وبالأخير التوفيق من الله ، أدعي ربي يدي لك دكتور تمام وحالة تمام...وحتى لو قدر الله وما كانت الحالة والدكتور على ما بالنفس ،لاتقلق أهم شي خليك واثق بنفسك، وبتشوف أنك بتدي أفضل درجة،وأعرف أنه أهم حاجة أنك تكون فاهم وفي علم براسك أكثر من الدرجة اللي بعمرها ماكانت مقياس 👏

🔻وكمان معاكم مواضيع مهمة جداً جداً، تكون قارئ لها قبل الاختبار ،سواء درستها نظري أو لا وهن
(Thyroid ,Breast,Hernia ,Intestinal obstruction,Appendix ,varicose vein)
ضروري ضروري تكون قارئ لهن نظري وعارف فحوصاتهم👏...وكمان تحاولوا تشوفوا الحالات الموجودة في القسم وقت اختباركم ، وتقرأوا عليهن...

🔻وآخر شي ،دامك مهتم طول الكورس وتعودت تشل حالات وتعمل فحص سريري ومذاكر المواضيع المهمة في النظري ،الاختبار بيكون يوم زيه زي باقي الايام وبالراحة بتعديه وتدي أفضل درجة إن شاء الله،وبالأخير أحنا كطلاب ندي جهدنا ،ونبذل اللي نقدر عليه، والتوفيق كله من رب العالمين ،وربي مايضيع جهد أي شخص❤️ بالتوفيق لنا ولكم يارب❤️

4.6K viewsمـحـمـدصـلاح الـسـلـمي, 17:08