"شعورك بالتشَتُّت الآن لا يعني أنك ستبقى هكذا طويلًا، بطريقةٍ ما ستأخذ الأمور مسارها الصحيح، فوضى الأفكار في رأسك ستترتَّب، القلق الذي يسكنك ستحلّ الطمأنينة مكانه، القرارات التي تتخبَّط فيما بينها سيختار الله لك أصلَحها مادُمت قد استخرته و دعوته و صبرت، و الغد الذي كان كابوسًا غير واضح المعالم سيصبح واقعًا جميلًا.. فقط المزيد من الصبر و الدعاء، و الثقة الحق في ربِّ الأرض والسماء."💙
#لقائلها

وفي حد سئلني في البوت (ما نقدرش نرد في البوت ☹)
ان نتاكد من ان الامينو اسيد اللي في الmyoglobin من داخل هما الnon polar
فاهني هادي هي الفقرة :
ان فسطه من داخل في ال non polar امينو اسيد الا زوز histidine

اي حد عنده سؤال او حاجة شاك فيها ان لخبطته فيها او قلتها غلط قولولي اهني ✨
https://t.me/joinchat/G1XTQkXExy0GUj-kUpS3Qg
لاني انسان يغلط عادي 😂 ونتقبل التصحيح ونفرح بيه 💛
واي حاجة مشيتها فيسع وهكي ولا تبو فيها لقطة حتى هي قولولي عليها وبعون الله لو قدرني ربي نديرها 💛
اعتبروني زي اختكم تقدرو تطلبو مني ما تتحشموش مني 😂💛

https://t.me/micro_sfl

هادي قناة للميكرو بس بناء على طلب بنية 💛

السلام عليكم💛

منقول حاجات مش بش نخوفكم لكن نبيكم تردو بالكم منها بش ما تنخلعوش في الامتحان 😂💔
اليوم شفت اسئلة بتاع وحدة من الدفعات اللي قبلنا ولاحظت التالي :

1. ان الantimicrobial agents يجيب في اسماء الادوية ويركز على كل دواء ولاما تصنيفة يتبع يعني مثلا cell wall وهكي

2. في الmycology يجيب في الامثلة اللي كاتبهم يعني اسماء الفطريات اللي موجودة في الشيت حفظ 😂💔💔

3. الimmunology جزئية الدكتور خالد يجيب من كلامه

4. بالنسبة للعملي اللي يقولو منجيبوه يجيبو فيه وهو جو سؤالين ثلاثة من كل شيت

5 . ما يطلعوش من شيتاتهم ودوتهم واهم شي لازم تركزو عليها هي دوتهم 😂

6. شيت العملي الculture media يشرح من شيت السلايدات ويسئل فيه مش من الشيت اللي اسمه lab 5 من pdf ثاني اسمه culture media

شوفو الصورة اهيا بتاع الvisual pathway
بتاع توضح لقطة ان الصورة تنعكس لما نشوفوها

صباح الخير جميعا 💛

نقوللكم حاجة تبدو بيها قرايتكم
شوفو صور بقدر الامكان من البداية يا دورو في النت يا خوذو سلايدات العملي. علاش ؟

🌸نعطيكم مثال :

مثلا بنية قابلتها لاول مرة في حياتي وقالتلي اسمها وبعدين معاش شفتها لي بعد شهور فشن بيصير ؟
لما نشوفها نتذكر اني شابحتها لكن ما نتفكرش اسمها
🔥لان دماغنا يحفظ الصور اكثر من الكلام فبش تسهلو على روحكم القراية شوفو هلبا صور


🌸وحاولو تربطو الصورة بالكلام. كيف ؟

مثلا في صورة قطوسة والكلام يقول ان القطوسة ذيلها طويل ، فنمشي للصورة نشوف الذيل
مثلا وذنها اليمين منتوشة فنمشي نشوف الوذن اليمين وندور النتشة وين

🔥يعني الكلام اللي تقروه دوروه في الصورة بش يثبت

🔥لان اهني درتو حاجتين الاول انكم قريتو الكلام (هادا عيبه ان ممكن ينتسى ) الثاني والاهم انكم ركزتو في تفاصيل الصورة ولانكم ركزتو فيها حتتفكروها في الامتحان

🌸وحاجة بالنسبة للاناتومي

🔥اقرو عملي قبل احفظو اسماء واماكن كل شيء بعدين خشو على النظري بش يجيكم اسهل بهلباااا

لان الاناتومي حيقولك على كدس حاجات وعلاقاتهم ببعض وشن فسطهم
فشن فايدة ان تقرا الكلام هادا كله ومازال ما تزبطش وين مكان الكدس حاجات اهيا 😂💔

فايدتها ان لما الواحد يقرا الصورة تكون في دماغه ولما يلقى اسم عظمة ولا اسم عضلة ما يخافش لان already يعرفها ويعرف مكانها وين

🔥هو العملي عبارة على صور للاسماء اللي منلقوهم في النظري فنشوفو الصور ونحفظو كل حاجة واسمها وبعدين نشوفو النظري 😂

هادا pdf فيه صور بتاع اناتومي (رسمات) تساعد
فيه كل الاناتوميات

في حاجات درتها ساعدتي في القراية :

1. اول شيء ماشية بالدور على حسب جدول الامتحانات النهائية
يعني اول مادة نقراها في اليوم هي السكلز بعدين بارا بعدين فارما وهكذا والمادة اللي ما نلحقش عليها اليوم الاول نديرها اليوم اللي بعده بش كل المواد نمشي فيهم مش وحدة تقعد متراكمة

2. مش شرط نقرا كل المواد في اليوم نقرا جو ساعة في مادتين او ثلاثة على حسب حيلي لان ما نبيش نرهق روحي وفي نفس الوقت ما نبيش ضميري يقعد يأنب فيا الهدف اللي ماشية بيه الفترة هادي ان اننقص تعب رمضان لان ما نضمنش ان نحصل وقت نقرا فيه

3. نقرا كفهم فقط نفهم الشيت ونقعد ندور في قوقل صور او تعريفات لاي شيء ما فهمتاش الحفظ نخلي فيه لقبل الامتحان

4. حاجة مهمة على الحفظ ان مش ضروري تحفظو كل الشيت لان مش كله مهم افهمو الشيت وبعدها شوفو اسئلة لان الاسئلة هي اللي توريكم شن هي حاجات الحفظ

* اللقطة لو بتحفظو كل الشيت حتضيعو هلبا وقت وفي الاخير اغلب الشيت تنسوه في الامتحان، لكن لو تفهموه ياخذ وقت اقل و حيقعد للامتحان وان تحفظو حاجات بسيطة حتثبت اكثر من ان تحفظو الدنيا كلها

5. بالنسبة كيف تقسمو بين شيتات وتسجيلات في لقطة جاية في بالي :

مش قلتلكم امشو بالدور في المواد فتقدرو مثلا اديرو مادتين تقرو الشيت بتاعهم ومادتين تسمعو تسجيلات واليوم اللي بعده تعكسو اللي سمعتو تسجيله تقرو شيته وهكذا

6. في لقطة جديدة بديت ندير فيها كل يوم نكتب اللي درته اللي قريته بش نعرف روحي قداش قريت كل يوم ولما نشوف روحي كتبت اكثر من حاجة نتحفز ان نزيد الليستا بتاع اليوم 😂

7. Last but not least
اهم حاجة في الموضوع واحلى حاجة هي المكافئة نكافىء روحي كل ما نقرا بحاجة نحبها سواء نلعب ولا نتفرج بش نقعد متحفزة ان نقرا

نعرف ان القراية حاجة مهمة والامتحان مهم لكن لو الواحد بيرهق روحه ويحمل روحه فوق طاقته معاش بيولي عنده حيل للقراية فلازم ما يكون في راحة لان الدماغ وقت الراحة هادا وين يثبت المعلومات
راهو المعلومات ما تثبتش من كثرة القراية تثبت من الراحة اللي الواحد ياخذها بعد القراية زي لما تقرو حاجة قبل ما ترقدو ولما تنوضو من النوم تلقو روحكم حافظينها (حفظتوها لان ارتحتو رقدتو بعد ما قريتوها )

كل عام وانتو بخير وينعاد عليكم بالصحة والسلامة 💛✨

فروق الEggs :

🌞Ascaris lumbrecoides = mammilated

☁️Ansylostoma duodenale = 2-8 cell division

🗜Enterobius vermicularis = D-shaped

🍋Trichuris trichura = lemon or barrel shaped

🥝Taenia saginata = radially striated , circular , hexacanth embryo

⭐️Hymenolepsis diminuta = 2 polar segment, no filaments , hexacanth embryo

💫Hymenolepsis nana = polar filaments , hexacanth embryo

الفروق بتاع الWorms (nematodes) :

🍄Ancylostoma duodenale = anterior end bend dorsally , males have copulatory bursa

🍄Strongyloides stercolaris = transparent (larva = notched )

🍄Ascaris lumbrecoides = large

🍄Trichuris trichura = thick part and thin part

🍄Enterobius vermicularis = cervical alae , esophageal bulb

🍄Wuchereria bancrofti = no nuclei at tip of tail

🍄Loa loa = nuclei at tip of tail

فروق الworms(Cestodes) :
كلهم اربعة suckers

🧊Taenia saginata :
No rostellum , no hooks
Longer than broad with scattered testes in mature segment

🧊Echinococcus granulosus :
Armed rostellum (double crown ) , 2 rows of hooks

🧊Hymenolepsis diminuta :
Rostellum, no hooks

🧊Hymenolepsis nana :
Rostellum , one row of hooks

🧊Both hymenolepsis diminuta and nana :
Mature segment broader than long ,3 testes

صباح الخير 💛
كل عام وانتو بخير وينعاد عليكم بالصحة والسلامة يا رب 💛

ونصيحة بش اتثبتو معلوماتكم اقرو اسئلة محلولة من التجميعات
والحاجة اللي ما تعرفوهاش اكتبوها هكي تثبت معلومات
مشحا تثبت المعلومات من تكرار الشيتات ومن التسجيلات ضروري اسئلة
وبعدين تقدرو تختبرو روحكم لكن في البداية ضروري تبدو بحاجة محلولة بش تثبتو حاجات وتزيدو ثقتكم بروحكم
بالتوفيق ✨

توا الجزء الثاني من الموضوع هادا كيف منقراه في وقت قصير ؟

اول شيء من اسم المادة pharmacology فهي ليها علاقة بالادوية فعندنا كدس ادوية منحفظوهم فنصيحتي ابدو بيهم ما تخلوهمش اخر شيء

عندكم طريقتين اديروهم :

1. ان تجمعو الادوية واديرولهم قصص بحيث ان ينحفظو

2. ان اديرو الطريقة العلمية اللي هي spaced repetitions ان تقرو الحاجة مثلا توا وبعدها تراجعوها بعدها بساعة وبعدين بعدها بيوم

*بالنسبة ليا عندي قصص يثبتو اكثر من الطريقة العلمية لان حننسى اليوم اللي بعده ان نراجع اللي حفظته امس 😂

باهي كيف نكمله في تسعة ايام ولا في خمسة ايام ؟
اني مشحا نقوللكم اعطو شيت الkinetic يوم وشيت مش عارفة شني يبي يومين لا ابداً
اللي منقولهولكم ان مشو اللي تمشوه اكتبو اللي وراكم بش تفهمو راسكم من رجليكم وتوكلو على ربي وابدو اللي تكملوه خطو عليه

مثلا توا اني شن وراي في الفارما ؟
اول شيء نبي نعرف الدكاترة على شني يركزو معناها نبي نسمع تسجيلاتهم ( فمنكتب ليستا فيها كل التسجيلات اللي منسمعهم )

به ونبي نشوف اسئلة بش نعرف على شن يركزو وبش يثبتو جزئيات الحفظ اللي نبي نحفظها (فمندير ليستا بالpdf او التجميعات اللي منقراهم )

وشن نبي ثاني ؟ نبي نحفظ اسماء الادوية معناها منكتب اسم كل شيت واللي نحفظ اسماء الادوية منخط عليه لين نكملهم

وزيادة عليها منمر على الشيتات طبعا فمنكتب اسماء الشيتات بش نقراهم

فكبداية حندير وحدة من الزوز :
1. نبدا باللي نخمم فيه اكثر شيء واللي هو التسجيلات بالنسبة ليا لان نحس فيهم بياخذو مني وقت وفي نفس الوقت نبي نعرف المهم وبعدها نشوف اسئلة ونحفظ الادوية وبعدها نمشي للشيتات

2. او اللي على الاغلب منديرها هي ان نخلط من كل بستان زهرة يعني مثلا نقعمز نسمع تسجيل او زوز بعدها نشوف اسئلة لمدة نص ساعة وبعدها نحفظ ادوية لمدة نص ساعة وبعدها نمشي نقرا شيت ونكرر العملية لين تنتهي الليستا بنجاح او ان نقرر نفوت حاجات مثلا التسجيلات

وطبعا الليستا حنبدا بالشيتات المهمة قبل يعني kinetic وdynamic والعملي والcholinergic والadrenergic هادو لما نضمنهم نمشي للي بعدهم
⚠️ديما ابدو بالمهم مش بالساهل⚠️

وهادا مثال على الليستا كيف تكون

هادا كل اللي خطر في بالي توا لو تفكرت حاجة ثانية تو نقوللكم 😂

كل عام وأنتم بخير وينعاد عليك بالخير واليمن والبركات 💛💛