​​خطوة بخطوة طريقة التسجيل والاشتراك في Real-Debrid + استخراج الـ API Token عشان تربطه مع Stremio 👇


1)
ادخل على موقع Real-Debrid من هنا ريل ديبريد
من الأعلى اضغط زر Sign Up عشان تبدأ إنشاء حساب جديد.



2)
عبي نموذج التسجيل:
• Username
• Password
• الإيميل
اخترYes في خانة الموافقة على الشروط والخصوصية،
بعدها اضغط زر Sign Up أسفل النموذج.



3)
افتح الإيميل اللي سجلت به، بتوصلك رسالة من Real-Debrid.
اضغط رابط التفعيل الموجود في البريد عشان تفعّل حسابك.
بدون هالخطوة ما تقدر تشترك في الباقات.



4)
بعد ما يتفعّل الحساب، ارجع للموقع واضغط زر Login من الأعلى.
ادخل اليوزر + الباسورد وسجّل دخولك.



5)
الآن اختر الباقة اللي تناسبك من صفحة العروض:
١٥ يوم = ٣ يورو = 13 ريال
٣٠ يوم = ٤ يورو = 17 ريال
٩٠ يوم = ٩ يورو = 39 ريال
١٨٠ يوم = ١٦ يورو = 70 ريال
اضغط زر Subscribe تحت الباقة اللي تبيها.



6)
بيطلع لك اختيار طريقة الدفع:
في المثال موضح خيار Credit Cards.
بعد إتمام العملية حسابك يصير Premium مباشرة



7)
بعد ما يصير حسابك Premium، نروح نجيب API Token:
من الشريط العلوي اضغط My Devices



8)
انزل لأسفل صفحة حسابك لين تشوف خانة:
API Private Token
هذا هو المفتاح اللي تستخدمه في إضافات وتطبيقات مثل Stremio/Torrentio.
انسخه وخله محفوظ عندك، ولا تشاركه مع أي أحد أو تنشره علناً.


9)
مبروك كذا أنت:
• عندك حساب Real-Debrid Premium شغال ✅
• وعندك API Token جاهز تربطه مع Stremio والإضافات اللي تدعم RD ✅

وهنا شرح الربط مع تورينتو:
https://t.me/StremioLabAR/21

وهنا عشان تعرف وش بيفرق معك الاشتراك:
https://t.me/StremioLabAR/36

🎥إضافة Streaming Catalogs على #ستريميو #stremio

💡فكرتها بسيطة: تعرضلك فهرس المحتوى على Stremio مفلتر حسب خدمات البث اللي تختارها (مثل نتفليكس، ديزني+ وغيرها).

🔗رابط الإضافة:
https://7a82163c306e-stremio-netflix-catalog-addon.baby-beamup.club


بعطيك الخطوات بالتفصيل بناءً على الأرقام الواضحة في الصورة 👇

1️⃣ اختيار الدولة
من خيار Filter providers by country فوق، تقدر تختار دولة عشان يرشّح لك المنصات اللي تشتغل فيها.
لو تبغى اكبر عدد ممكن من القوائم خلها ANY.

2️⃣ تحديد منصّات البث
اضغط على شعارات المنصات اللي تبغى تشوف قائمتها في #ستريميو
كل شعار تضغطه يضيء/يتحدد، يعني الكتالوج حقه بينضاف لـ Stremio.

3️⃣ إدخال RPDB key
في خانة RPDB key (optional): حط ال API KEY المجاني: t0-free-rpdb

4️⃣ تثبيت الإضافة
اضغط زر Install addon بالأسفل.
بعدها الإضافة تنضاف لحسابك في Stremio، وتبدأ تظهر لك كتالوجات المنصات اللي اخترتها داخل التطبيق.

اضافة بديلة نفس فكرة اللي فوق لنقل المباريات والاحداث الرياضية:

https://addon3.gstream.stream/manifest.json

⁣🎬 إضافة TMDB Collections على ستريميو stremio

ترتيب ذكي لسلاسل الأفلام في ستريميو
الإضافة تعطيك طريقة مرتّبة وواضحة لاستعراض سلاسل الأفلام وتجمع لك كل الأجزاء في كوليكشن واحد مرتب.
بدل ما تنتشر أجزاء السلسلة في الكتالوج، الإضافة تجمعها لك في مكان واحد 👌.

وش تقدّم فعليًا؟
• تجمع لك السلاسل الشهيرة في مجموعة واحدة: مثل Harry Potter، Mission: Impossible، The Dark Knight Trilogy 🔗
• ترتيب رسمي حسب TMDB بدون لخبطة 🔢
• تسهّل الماراثونات السينمائية. تشغيل الجزء اللي بعده بضغطة وحدة ▶️
• إضافة خفيفة وإعدادها بسيط ⚡

رابط الإضافة:
https://61ab9c85a149-tmdb-collections.baby-beamup.club/configure

https://status.elfhosted.com
شباب هذا رابط تقرون حاله الاضافات اذا معطله او لا اغلب الاضافات حاليا معطله

الفرق بين Cached VS Uncached مع Real-Debrid / TorBox (في إضافات Stremio مثل Torrentio)

شرح مبسّط للي يطلع له RD و RD+ وما يدري وش الفرق 👇


Cached
يعني الملف جاهز ومتحمّل مسبقاً على سيرفرات Real-Debrid أو TorBox.
تقدر تشغّله مباشرة بدون انتظار.
في إضافة Torrentio مثلاً يطلع لك بشكل: RD+ أو ما يشبهها حسب الخدمة والإضافة.


Uncached
يعني الملف لسه مو موجود على السيرفرات.
تضغط عليه كانك بتشغلهReal-Debrid أو TorBox يبدون يحملونه أول، وبعد ما يخلص يصير جاهز للتشغيل الفوري.
هذه الروابط غالباً تظهر كـ RD (بدون +) أو صيغة مشابهة.


بعض الإضافات ما تستخدم RD/RD+ ، لكن توضح نفس الفكرة برموز أو إيموجيز مثل ⚡✅ للأسرع أو الجاهز مسبقًا، فانتبه لوصف الإضافة.


وش تختار؟
الأفضل دائمًا تبدأ بالروابط الـ Cached (مثل RD+ أو ما يعادلها) لأنها أسرع وأثبت، وغالباً متوفرة في حوالي ٩٠٪ من الأفلام والمسلسلات المشهورة.
لو ناوي تشوف عمل نادر، اختر روابط Uncached بدري وخَلِّ Real-Debrid أو TorBox يحمّلونه مسبقاً عشان يكون جاهز وقت ما تحب تتفرج.

⚙️شرح سريع للاشتراك في TorBox البديل الارخص ل real-debrid + استخراج API Key عشان تربطه مع Stremio / Torrentio 👇



🔹 التسجيل على موقع TorBoxمن هذا الرابط بيعطيك 7 أيام إضافية يعني لو اشتركت شهر بيجيك 37 يوم:

https://torbox.app/subscription?referral=7ec65918-f220-485c-ba78-e74758a747ac

✅ادخل موقع TorBox
✅اضغط زر:
Get Started For Free Now
عشان تبدأ إنشاء الحساب.


🔹 إنشاء الحساب
في صفحة التسجيل:
✅اكتب الإيميل
✅اكتب كلمة المرور
✅بعدين اضغط Continue


🔹 تفعيل الحساب
بتوصلك رسالة على الإيميل من TorBox.
✅ افتح الرسالة واضغط زر:
ACCESS DASHBOARD
✅بعدها بينقلك للداشبورد وحسابك يتفعل.



🔹الترقية لخطة مدفوعة
من داخل TorBox:
✅اضغط Upgrade Now
✅فوق اختر تبويب One-Time او subscribe اذا تبغى اشتراك يتجدد تلقائي
✅بعدين اختر المدة.



🔹اختيار الباقة
عندك 3 خطط رئيسية:
✅الاولى Essential – 3$
✅الثانية Standard – 5$
✅الثالثة Pro – 10$

للاستخدام اليومي على ستريميو الباقة الأولى تكفي وزيادة.


🔹الدفع
TorBox يدعم أكثر من طريقة دفع:
✅بطاقة (Visa / MasterCard / Amex)
✅باي بال PayPal
✅ابل/قوقل باي Apple Pay / Google Pay

اختر الطريقة وكمّل عملية الدفع.



🔹استخراج API Key (أهم خطوة)
بعد ما يتم الاشتراك:
✅من القائمة الجانبية افتح Settings
✅انزل لقسم API Key
✅اضغط Copy API Key

هذا الكي تستخدمه في إضافات Stremio اللي تدعم TorBox.


🔹كذا تكون فعّلتTorBox واخدت الـ API Key جاهز للربط مع إضافات التورنت في ستريميو

الباقي إعدادات داخل الإضافات نفسها Torrentio تقدر تتابع هذا الشرح:

https://t.me/StremioLabAR/21

🧠🎬 أخيراً.. وداعاً لمعاناة الترجمة في ستريميو Stremio

بعد التجربة المبدئية أقدر أقول الإضافة اللي راح تنهي معاناة ملفات الترجمة وصلت SubMaker.

وش يميزها ⭐ :

✳️معتمدة على الذكاء الاصطناعي .. في تجارب كثيرة تفوقت على الترجمة البشرية.
✳️العملية بالكامل تتم داخل تطبيق ستريميو بعكس الإضافات الثانية اللي تحتاج تدخل لموقع خاص عشان تطلب الترجمة.
✳️والاهم من هذا كل انها مجانية بالكامل.

💡بالبداية من الشرح بتحسها شغلة طويلة ومعقدة لكن مع الوقت الموضوع كامل يأخذ من 2-3 دقايق بالكثير وتكون عندك ترجمة مضبوطة.


⚙️نبدا بالشرح حسب الارقام في الصورة👇:

1️⃣ مفاتيح مصادر الترجمة Subtitles API Keys
هذا القسم يحدد من وين SubMaker يجيب ملفات الترجمة الأصلية قبل ما يترجمها:
◼️الأول OpenSubtitles
◾خله شغّال مثل الصورة (الزر الأزرق On).
◾تحت Implementation Type:
▪️اختر Auth (Recommended) عشان تربط حسابك وتعطيك نتائج أكثر وثبات أفضل.
▪️حط Username و Password لحسابك في OpenSubtitles.

◼️الثاني SubSource
◾فعّلها (On)
◾الصق الـ API Key في الخانة واضغط Test تتأكد إنه شغّال.

◼️الثالث SubDL
◾نفس الفكرة: فعّل، حط الـ API Key، اضغط Test.

💡الفكرة هنا: تفتح أكبر عدد ممكن من مصادر الترجمة الموثوقة عشان SubMaker يلقى ملف مناسب يترجمه لك للعربي.

2️⃣مفتاح الترجمة بالذكاء الاصطناعي AI Translation API Keys
هذا قلب الإضافة:
◼️في خانة Gemini API Key:
◾حط المفتاح اللي أخذته من Google AI Studio.
◾اضغط Test، لو عطاك نجاح فكل شيء تمام.

◼️تحتها Translation Model:
◾اختر Gemini 2.5 Flash-lite (خفيف وسريع، مناسب للترجمة المستمرة).

📌بدون هالخطوة، الإضافة تتحول لمجرد “ساحب ترجمات” فقط، وما تستفيد من الترجمة العربية بالذكاء الاصطناعي.

3️⃣ لغة المصدر Source Language
هنا تقول لـ SubMaker: الترجمة الأصلية غالبًا بأي لغة؟
◼️من القائمة اختَر:
◾الانجليزيةEnglish (ENG) كلغة مصدر أساسية.

◼️الأفضل تخلي مصدر واحد فقط مفعّل عشان:
◾ترتيب القوائم يكون واضح.
◾ما يصير خلط بين ترجمات بلغات مختلفة.

💡عمليًا: تقول له “خذ لي ملفات الترجمة الإنجليزية، وبعدين حوّلها للعربي”.

4️⃣اللغة المستهدفة Target Languages
هنا تحدد وش اللغات اللي تبي SubMaker يحوّل لها:
◼️تحت Target languages for subtitles and translations:
◾فعّل Arabic (ARA).

5️⃣ إعدادات إضافية مهمة Other Settings
هذا القسم يعطيك جودة وسرعة أفضل:
◼️الأولى Enable “Translate SRT”
يضيف خيار في قائمة الترجمة يخلّيك ترفع ملف SRT من جهازك ويترجمه للعربي مباشرة غالبا ما بتحتاجه.

◼️الثانية Enable SubMaker Database
يقرأ من قاعدة بيانات الترجمة الجاهزة:
◾لو أحد قبلك ترجم نفس العمل يأخذ النسخة الجاهزة.
◾يقلل استهلاك الـ API ويحسّن السرعة بشكل كبير.

◼️خيار Bypass SubMaker Database Cache:
◾خله مقفول إلا لو كنت تختبر أو تبغى إجبار إعادة الترجمة لنفس العمل يدويًا.

6️⃣ حفظ الإعدادات Save Configuration
◼️بعد ما تخلص من (1 - 5):
◾اضغط زر Save Configuration.
◾هذي الخطوة تحفظ كل شيء، عشان ما تعيد إدخال المفاتيح في كل مرة.

7️⃣تثبيت الإضافة في ستريميو Install in Stremio
◼️آخر خطوة:
◾اضغط زر Install in Stremio.
◾وافق على تثبيت الإضافة.
◾من هنا SubMaker يرتبط بحساب Stremio حقك.