#أذَابّنَي_دِفَئ_الُْعنَاقً 🔥🌎♥
#لُلُڴاتْبّة:
#Bayan_Alrohban 🔥🌍♥
#الُجْزُء_الُسِابّْع…&
______
بصباح اليوم التالي ……
فايق وقاعد ع البلكونة عم يشرب قهوتو …
جود: معقول ما فاقت لساها نايمة …
جود: قايم شوفها لانو بدي اطلع ع شغلي …
بقوم جود وبيدخل لجوا بلاقيها نايمة وشعرها منثور. ع مخدتها وعم يطلع عليها …
جود: فيقها ولا لا احسن شي فيقها بلا ما روح ويصرلا شي …
بيفتل لعندا ع الجهة التانية وبيقعد جنبا وبصير بفيقها …
جود: (عم يطلع عليها وهو مبتسم) ملاك ..يا ملاك .. يلا فيقي …
ملاك بتحرك ايديها بنعس. وهي مغمضة عيونها بتقول …
ملاك: شام امانة تركيني كمان شوي …
جود: انا جود ماني شام …
ملاك: بتغطي وجها كرمال تضل نايمة …
جود: ملااك صحصحي …
ملاك: بتنزل الغطى عن وجها شوي شوي ببينو بس عيونها …
جود: شو …
ملاك: صباح الخير …
جود: صباح النور شو ناوية ما تقومي اليوم وبدك شام تتركك نايمة …
ملاك: شام ليش وينها …
جود: مجنونة انتي كنتي عم تقولي ل شام تتركك …
ملاك: اي يمكن كنت عم احلم …
جود: مو يمكن اكيد يلا قومي قعدي …
ملاك: اي هي قعدت …
بتجلس حالها وجود بساعدها وبحطلها ورا ضهرها مخدة …
جود: هيك تمام …
ملاك: اي يسلمو مرتاحة …
جود: اوك ما قلتيلي شو صايرلك حتى عم تحلمي ب شام …
ملاك: مابعرف شكلي مشتاقتلا
جود: مو شكلك مشتاقيتلا اكيد
ملاك: اي
جود: طيب صحصحي كرمال تحكي معون …
ملاك: (بفرح) عنجد
جود: اي
ملاك: طيب عطيني الكرسي من جنبك بدي قوم غسل لاقدر صحصح احسن ما ضل نعسانة …
جود: هه من كل عقلك ليش فيكي لحالك…
ملاك: قلتلك قبل بمرة اني بدير اموري لحالي بس ما يكون في حدا بالبيت وانا متعودة هيك …
جود: بتعجبني مقاومتك…
بتخجل من كلامو وبتقلو …
ملاك: طيب بعد اذنك عطيني الكرسي من جنبك…
جود: اي يلا…
بقوم جود بياخدلا الكرسي وبساعدها ليقعدها عليه بتتناول من جنبا لقاطة الشعر تبعها بتنزل شعرها كلو لتحت وبتمسكو وبتفتل فيه لتضبو كعكة وتشبك المشبك فيه
بيتعجب من جود منها كيف قدرانة لكل شي …
بتاخد الكرسي وبتفتح باب الحمام ووبتدخل تغسل وتعدل امورها …
جود: الله يهدي البال احسن شي
رح قوم بدل تيابي كرمال كون جاهز وقت اطلع ع المشفى …
بقوم بطلع بنطال بيج وكنزة زرقة وبيبلسهون وبيبلس بوطو وبجهز امورو وبتكون طلعت ملاك …
ملاك بتنزل راسها. وما بتطلع فيه …
جود: شو رايك تجهزي حالك …
ملاك: ليش اليوم بدك تاخدني معك للمشفى …
جود: هيك الظاهر بتوقع. نبلش فيه من هلق احسن شو رايك.…
ملاك: ماعندي مشكلة ...
جود: طيب انا خلصت لبس انتي كيف رح تلبسي …
ملاك: لا تاكل هم بلبس بس هنن معلقين معليش بس تناولني ياهون …
جود: طيب تعالي اختاري لنزلك ياهون …
ملاك: اي يلا…
بتجي ملاك لعندو وبتوقف كرسيها جنبو بتقلو …
ملاك: ما رح اعرف اختار معليش تسندني شوي لوقف كرمال شوف…
جود: اي يلا تعي …
بقرب جود لعندا وبيمسكها من زند ايديها وببيرفعا لعندو وبعدها بشدها من خصرها لتقدر توقف …
بتتكركب ملاك من لمسة ايديه بتتنهد وبيفتلا لتشوف الخزانة والتياب وهو عم يحس قلبو بدق بقوة كل مرة بتصدف وبقربها منو ومو متمني يبعدها عنو بالمرة …
جود: يلا اختاري انا مساكك …
ملاك: اوك …
بتشوف شو بدها تلبس وبتقلو …
ملاك: عطيني هاد ابرد …
جود: انو هاد الفستان النيلي بدك …
ملاك: اي هاد …
بياخدو جود وبيرفعو بيطلع عليه وبقلا …
جود :هلق بهاد بدك تروحي للمشفى …
ملاك: اي فيها شي…
جود: (بنرفزة) برأي بلاه مو لايق لروحة مشفى …
ملاك: بس برا شوب …
جود: معليش بلاه احسن سمعي كلامي …
ملاك: بس …
جود: (بحدة) حكيت بلاه …
ملاك: طيب شو بدي اخد…
جود: استني …
بيقلب بين التياب وبيطلعلا بنطال عريض مريح بارد اسود مع خطوط من الجنبين وكنزة نص كم زهر مريحة مع زرين من قدام …
جود: بتوقع هاد انسب شوي من هداك …
ملاك: طيب ماشي
جود: انا طالع خلصي لبس وناديلي اذا ما قدرتي ع شي …
ملاك: ان شالله …
بيطلع جود بعد ما قعدها ع التخت وحطلا التياب جنبا …
ملاك: ماني عرفانة ليش ماني قدرانة جادلك كل ما بحس حالي بدي قلك لا ع شي بشوف شخصيتك وعصبيتك و وقارك وهيبتك منفرضين بكل مكان بسكت وماعد يطلع معي الحكي
اه منك بس مابعرف شو يلي عم يسكتني وما يخليني عاندك …
بتبلس بصعوبة المهم ما تناديلو …
عم تلبس وهي عم تنزل كنزتها وخلصت بيفتح الباب جود بدون ما يدقو …
بتجفل من حركتو …
جود: خفتي مني …
ملاك: (بتوتر) ها لا عادي …
جود: فكرت صار معك شي لهيك دخلت دغري …
ملاك: يلا بسيطة …
جود: خالصة لننزل …
ملاك: اي …
بقرب جود لعندها وبينحني. بيقعد ع ركبة ونص وبقلا …
جود: رجليكي بلا ما تضلي هيك عم توقفي عليون …

ملاك: شو يعني ما فهمت عليك …
جود: استني لحظة …
بقوم جود بجيب خفافة بيت مُريحة وبيرجع لعندا …
جود: برأي تلبسي هي برجلك معليش احسن ما يضلو على الحديد تبع الكرسي وترتاحي ……
ملاك: ما كان في داعي تعذب حالك …
جود: ماني عم عذب حالي بالعكس هي مشان ترتاحي …
ملاك: شكرا الك …
جود: العفو …
بيرفعلا رجليها بكل حنية وهدوء وبلبسها ياها على الهدا …
جود: يلا خلينا ننزل كرمال نلحق نحكي اهلك واهلي و نفطر ونطلع للمشفى …
ملاك: طيب ماشي…
بيحملها وبينزلها لتحت بحطها ع سفرة الاكل …
ملاك: يعطيكي العافية حبيبتي …
نغم: يعافي قلبك يارب …
ملاك: ما شاءلله من ايمت جاي حتى لحقتي …
نغم: اجيت بكير …
ملاك: امم …
بينزل جود الكرسي وبحطو ع جنب وبيجي بيقعد ع سفرة الاكل معها ……
ملاك: قديشها حبابة هالنغم …
جود: اي لا كتير تشدي ع ايدك مو كل الحبابين حبابين متلك…
ملاك:(بتطليعة بريئة) :شو يعني …
جود: بعدين بتعرفي يلا خلينا نبلش اكل …
ملاك: ماشي…
ببلشو اكل وكل واحد ملتهي بأكلو ……
ببيت ام غدير قاعدين عم يفطرو كلهون …
ام غدير: هاتي الشاي من عندك سمر …
سمر: اي ماما خدي …
بتاخد وبتصب بكاستها …
غدير: طيب مازالنا ع الاكل دقو ل جود خلونا نطمن عليه شو اخبارو …
محمد: اي والله شوفولنا شو اخبار العريس ……
هديل: هههه ينعن شكلك …
محمد: هههه اي شو مو لازم نطمن عليه …
ابو غدير: تأدب يا ولد …
محمد: امرك بابا…
سمر: اي والله دقولو مازالنا قاعدين كلنا …
ام غدير: يا ويلي شو بتنقو …
الكل :هههه …
سمر: حقنا يعني اتجوز وما قعدنا مع مرتو غير يوم لهيك دقو نحكي معون ماني يلا …
ام غدير: هاتي الموبايل من عندك لشوف بس وين ام منذر …
هديل: بالمطبخ …
ام غدير :اي اندهولا خليها تحكي مع ملاك اكيد بتكون بدها تحكي …
هديل: اي خطي …
ام غدير: ام منذر……… يا ام منذر ……
بتجي ام منذر لعندون…
ام منذر: اي يا خانوم …
ام غدير: تعالي قعدي معنا ع السفرة كرمال تحكي مع ملاك …
ام منذر(بتردد) :اه ا ……
ام غدير: يلا تعالي قعدي …
ابو غدير: يلا ام منذر قعدي انتي منا وفينا …
بتقعد ام منذر معهون ع سفرة الفطور لاول مرة ……
ببلشو ياكلو ……
ام غدير: هاتي الموبايل سمر من عندك …
سمر: اي ماما خدي …
بتعطيها الموبايل …
ام غدير: يلا لندق …
بتبلش تدقلون ……
ملاك: الحمدالله …
جود: شو اكلتي هلق لسا بلشتي …
ملاك: لا الحمدالله اكلت …
جود: طيب براحتك …
بيرن موبايلو …
جود: هي اهلي …
ملاك: بالله …
جود: اي سبقونا كنا بدنا نحاكيون قام هنن دقو …
ملاك: (بعفوية) القلب على القلب …
جود بيبتسم لعفويتها بيرد عليها ……
جود: الو …
ام غدير: كيفك امي …
جود: الحمدالله تمام انتو كيفكون …
ام غدير :والله الحمدالله الكل بخير داعينلك …
جود: الله يسلمكون شو كأنكون قاعدين ع الفطور …
ام غدير: اي والله …
سمر: هاييز اخي …
جود: لك اهلين يا زعرة …
سمر :كيفك …
جود: مشتقلك …
سمر: وانا كمان لك وين مرتك انا شتقتلا …
جود: ليكا قدامي …
غدير: اي لكن يا عمي تتهنا …
جود بيرفع عينو ع ملاك يلي سامعة الحكي بتتلبك بس تسمع اخواتو عم يحكو هيك …
جود: ضب حالك غدير …
غدير: هههه …
محمد: ليكك جوود …
جود: اي قلي …
محمد: بالله لا تطولو رجعو بدي علم مرتك كيف منلعب شدة …
سمر: اي امانة يا اخي والله ما شفناها غير يوم واحد …
جود:(بهيبة وعفوية) :تعلم العصي ع جنابك منك الها على هالتعليم …
ام غدير: لا ترد عليهون امي هات لنحكي معها …
جود: اي يلا امي ثانية …
بوقف جود الصوت وبقلا ل ملاك …
جود: رح افتل الموبايل عليكي واحكي معون …
ملاك :مابدي كاميرا بخجل خلص بحكي صوت …
جود: معليش احكي ماحدا غريب حتى ستك قاعدة …
ملاك: طيب …
بيفتح الصوت وبيعطيه ل ملاك تحكي وهو بيققعد يدخن ويشرب شاي ونغم عم تلم السفرة …………
ام غدير: كيفك ملاك …
ملاك: (بخجل وتوتر) :تمام الحمدالله …
ام غدير: طمنيني عنك حبيبتي ان شاءلله بخير …
ملاك: والله الحمدلله انتو كيفكون …
ام غدير: والله الكل بخير وناطرينك ترجعي والكل حابك وبدو ياكي …
ملاك: (ماعرفت شو ترد ف بتقول) الله يسلمك يارب ان شاءلله برجع …
ام غدير: شو رحتو ع الدكتور …
ملاك: اليوم رايحين …
ام غدير: اي الله يسهل امورك يا بنتي …
ملاك: الله يسلمك …
ام غدير: خدي احكي مع ستك ليكها معنا …
ملاك: اي …
بتعطيها الموبايل ل ام منذر …
ام منذر: يسلمو …
بتكتفي ام غدير بهز راسها بطريقة ونظرة مُريحة ل أم منذر …
ام منذر: كيفك يا روح ستك …
ملاك بخنق صوتها وبتتجمع الدموع بعينها بس تشوفها وجود عم يراقب برائة ورقة أحساسها وحنيتها ل ملاك ……
ملاك: الحمدالله تيتة انتي كيفك …
ام منذر: يا روح تيتة الحمدالله انا بخير انتي كيفك طمنيني عنك مرتاحة…

ملاك (بتوتر مافيها تحكي ل ستها يلي عم تعيشو مع جود من توتر خلال هالكم يوم يلي قضتهون معون) :اي الحمدالله تيتة مرتاحة …
ام منذر: والله قلبي متل النار عليكي …
ملاك: لا تهكلي همي تيتة صدقيني راجعة وما رح خليكي تحسي بشي لا بتعب ولا بغيرو …
ام منذر: يحميلي ياكي يا روح ستك ان شاءلله بتطيبي يارب …
ملاك: ان شاءلله وين شام …
ام منذر: شام بالجامعة مقضيتا دراسة هلق عندون امتحانات …
ملاك: اي الله يسهل عليها يارب كيفها كيف صحتها …
ام منذر: الحمدالله بخير وكتير فاقدينلك بالبيت …
بينزلو دموعها ل ملاك وهي تحكي وبتحط ايديها ع عيونها وستها بيتقطع قلبها عليها بس تشوفها هيك ……
بيسحب الموبايل جود من ايديها وبيحكي …
جود: اي خالتي …
ام منذر: امانة يا جود لا تخليها تبكي …
جود :لا تهكلي هم خالتي معليش اول فترة صعبة بعدها عنكون بس رح تتعود ان شاءلله …
ام منذر: يا عمري عليها دير بالك عليها الله يرضى على اسمك …
جود :ولو يا خالتي بالحفظ والصون بعيوني …
ام منذر: الله يرضي عليك يا ابني يوفقك …
جود: الله يسلمك يا خالتي يلا ديرو بالكون ع حالكون صار لازم نسكر كرمال نرروح للمشفى …
ام منذر: ماشي ابني الله يسهل دربكون …
جود: الله يسلمك يلا بخاطرك …
ام منذر: الله معك …
بيسكرو الخط مع بعض ………
ام منذر: تفضلي …
ام غدير: ام منذر لا تضلي تبكي قدامها لازم تشوفيها انكون بخير حتى لو هي بعيدة هيك حرام رح تضل زعلانة وتبكي عليكون وياعمري عليها هي كل طلعتها اجر ورا واجر قدام اهدي انتي لتقدر تكفي العلاج ونفسيتها ما تتعب
ام منذر: ان شاءلله خير …
ام غدير: ان شاءلله
بقومو الكل بعد الاكل وبيروح كل شي بيلتفت ل مهامو ……
بعد ما سكر الخط حط الموبايل ع الطاولة وضل عم يطلع عليها كيف حاطة ايديها الناعمين على عيونها وما عم تطلع صوت بالبكي تبعها وحابستو …
بيطفي السيكارة وبقوم وبيلتفت لعندها بيفتل الكرسي لجهتو وبينزل بيقعد ع ركبة ونص قبالها وهو قريب منها ……
جود: (بجدية):نزلي ايدك عن عيونك …
ملاك عم تبكي وجسمها عم ينهز من اثر البكي المكتوم …
جود: شو عم احكي انا …
بتنزل ايديها عن عيونها بتعب وعيونها بكونو مبينين حمر من البكي وماعم تطلع صوت وبس دموعها عم ينزلو ……
جود: ليش البكي …
ملاك: ……………
جود: عم حاكيكي انا ردي عليّ
ملاك بتحكي بشهقات متتالية …
ملاك: بدي ارجع ماني قدرانة ضل بلا ستي وشام …
جود بيعقد حاجبو وبقلا …
جود: مسكي شربي مي بالاول …
بتاخد بتشرب وهي عم تبكي …
جود: هيك احسن بتوقع …
ملاك: امم …
جود: شو هي يلي مو قدرانة عليه المسافة،؟!…
ملاك: بتهز براسها وعيونها مليانين دموع …
بيفهم انو محتاجة حنية و ورغم هيك مستعد يعمل اي شي مقابل انو ما يشوف دموعها نازلة …
جود: طيب مشتاقة لحضن ستك او شام …
بيزدادو دموعها وبتقلو …
ملاك: اي بدي روح لعندون …
جود: طيب شو رايك هالمرة تعتبري هنن موجودين ...
ملاك: وين …
جود بيقرب لعندها وبقلا وجهو مقابل وجها …
جود: انا هلق كل هدول العالم ضميني اذا بترتاحي …
ملاك: ايديها عم يرجفو بقلا …
جود: (بحنية وعطف ووقار): انا ماني غريب عنك وعادي اذا ضميتيني انا زوجك اذا بترتاحي ضميني …
ملاك بتحس حالها محتاجة انها تضمو بترفع ايديها وهنن عم يرجفو ووهو قلبو ما عم يهدا ……
وشوي شوي بتقرب منو وهو بقرب عليها لتقدر تضمو …
بتضمو وهو بيحضنا وبحسسها بالدفى يلي محتاجتو …
بتضمو وهي عم تبكي وهو محتويها بين ايديه وعم يمسح ع شعرها ويقلا …
جود: اهدي اهدي …
وهي ماسكة بقبة كنزتو وعم تبكي…
بتحس حالها فعلا كانت محتاجة لهل الشي …
بعد مدة قصيرة ……
بتبعد عنو ووبيمسحلا دموعها وبقلا …
جود: اهدي انا معك لابقى تبكي اتفقنا…
ملاك: اي …
بيشربها مي وبيرن موبايلو …
جود: ثانية لرد …
بوقف ع حيلو وبيرد بكون سوار …
جود: اي دكتور سوار…
سوار: كيفك جود …
جود: تمام الحمدالله وانت …
سوار: تمام. سمعني …
جود: اي قلي …
سوار: انا عندي مرضى بعد ساعة ونص من هلق اذا بدك تجيب المريضة يلا تعال …
جود: طيب ماشي يلا لكن مسافة الطريق ومنكون بالمشفى …
سوار: ماشي رح خبرهون انو رح نقعد بمكتب التحاليل اقرب واخف الك بالدخول …
جود: ولا يهمك …
سوار: يلا بانتظاركون …
جود: ماشي …
بيسكر الخط مع سوار وبقول ل ملاك …
جود: نحنا لازم نمشي لانو الدكتور ناطرنا …
ملاك: ماشي …
جود: يلا طالع شغل السيارة تمام …
ملاك: اي …
ببلش جود يشغل السيارة وينقلها ع السيارة ويضب الكرسي معو …
رهف: متأكد يا حسين …
حسين: ولو اكيد متأكد هلق الدكتور سوار حكى قدامي وقلي جهز غرفة التحاليل …
رهف: ممتاز خبرية محرزة يلا كفي شغلك ودير بالك ما صرلك متوظف عندون كتير لهيك مابدي حدا يشك فيك …

حسين :ولو عيب هالحكي …
رهف: لنشوف يلا سلام …
بتسكر الخط معو وهي بتكون واقفة قبال بيتو ل جود ……
رهف: وانا عم قول ليش مجهز حالك ع ال24 اي بسيطة هيك بتسهل عليي اللعب كتيرر يا دكتور جود هلق بتشوف كيف ....
بعد ما ركب بالسيارة وطلع ملاك معو شغل سيارتو وطلع فيها للمشفى……
ورهف دعست ورا وكملت بطريقها وهي ملاحقتو من بعيد منشان ما ينتبه لوجودها ويغير مسارو بما انو ملاك معو………
جود: بشو صافنة …
ملاك: ها، ، ولا شي
جود: كيف ولاشي شبك احكيلي…
ملاك: مافي شي بس عم اطلع ع الطريق بيختلف عن الطرقات يلي عنا حتى هون كل شي غير …
جود: اي صح هون كل شي متوفر مافي متل عنا …
ملاك: اي صح بس كتير حلو هالمكان …
جود: اي صح هون الطبيعة حلوة …
ملاك: امم وبتدير ع الشباك وبتضل تتفرج …
جود (بنفسو) :مابعرف شو الشي يلي خلاني قلها تضمني لترتاح حاسس حالي انا يلي ارتحت كمية الراحة بهالمخلوقة مو طبيعية …
بيرجع بركز ع طريقو وبكفي فيه للمشفى …………
بيوصلو بعد مدة قصيرة وهنن ع الطريق …
ملاك: وصلنا …
جود: اي
بينزل من السيارة وبيطلع الكرسي وبيطلع ملاك من السيارة وبحطها عليه بكل هدوء …
جود: مرتاحة هيك …
ملاك: اي شكرا …
جود: العفو …
بيسكر السيارة وبيدخل فيها لجوا …
جود: كيفكون يا شباب …
الامن تبع المشفى :هلا دكتور جود …
بيفتح باب المشفى وبيدخلو ل جوا …
الممرضين: كيفك دكتور …
جود (بهيبة ):تمام …
دكتور فراس :يسعد صباحك دكتورنا …
جود: هلا دكتور فراس ويسعد صباحك…
ماشي فيها وكل المشفى عم تحكي بأسمو وتسلم عليه وكلهون بحبوه …
ام عدنان (المريضة) :جوود …
جود: هلا خالتي ام عدنان …
ام عدنان: كيفك يا احسن دكتور …
جود: يخليلنا ياكي يا خالتي. بخير طمنيني كيف صار وضعك …
ام عدنان:والله يا ابني بعد تيسير من الله والدوا يلي عطيتني. ياه صرت بخير لحمدالله …
جود: الله يسمعنا الاخبار الطيبة يلي متل هيك بالشفى يارب …
ام عدنان :الله يسلمك ويسعدك يا ابني…
جود: والك بالمثل خالتي …
بكمل فيها لعند الدكتور سوار …
ملاك (بنفسها) :قديشك شخص منيح حتى كل هالعالم يلي بالمشفى بتحبك وبتحترمك شو هالاختلاف يلي عندك فعلا انك السند …
بتحس بالراحة معو بالامان بتحس حالها مع شخص بكون الها كل شي بترتاح وبتحس بسكينة داخلها تجاهو بتنعجب بشخصيتو وتصرفاتو وحكمتو ....
بيوصلو بدق الباب جود ……
سوار: تفضل ……
بيدخل جود وبيدخل معو ملاك …
جود: كيفك دكتور …
سوار: هلا دكتور جود …
وبيلتفت ل ملاك يلي بتكون قاعدة ومو عاطية اي ردة فعل وعم تسمع يلي عم يصير …
سوار: شو اسم الصبية جود: ملاك …
بترفع راسها ملاك بمجرد ما انذكر اسمها وبشوفها الدكتور سوار وبينبهر فيها وبجمالها وبقول …
سوار :ما شاءلله ما اتوقعت هيك تكوني بهالجمال الله يحميكي…
جود بس يسمع هيك بحس الدم غلي براسو انو مرتو والدكتور عم يحكي هيك …
جود (بجدية ممزوجة بعصبية) بيضرب كف ايدو ع الطاولة وبيطلع فيه نظرات بتخوف …
بتجفل ملاك من صوت ضربتو وبتطلع فيه وبتشوفو كيف معصب…
جود:(بيحكي من بين سنانو وهو بقول) :رجاءً دكتور اهتم بالشي يلي جايين منشانو احسن ما يصير شي تاني …
سوار بيتغاضى عن نظرتو يلي بتحرق وبيحكي …
سوار :معك ملفات المريضة …
جود:(بنرفزة) :اي هي هنن …
سوار: شكرا …
بياخد سوار ملف ملاك وبشوفو ……
وع هالاثر بتدخل رهف دغري …
رهف: مرحبا ..
بينتبهو الكل ل ناح صوت دقة الكعب يلي بالارض واللبس يلي كان مكشف اكتر مو مستر والصوت …
سوار: عفوا انتي كيف بتدخلي بهي الطريق …
جود عينو قلبت متل الجمر منها بس شافها وملاك عم تطلع ……
رهف: (بدلع ومياعة) :اي لا تواخدنا دكتور بس بدي جود …
حكتها بطريقة جدا مقرفة بلفظها …
ملاك بترفع حواجبها مستغربة وبتدايق مين هالبنت وبتنزل راسها وهي معكرة …
جود بيطلع ب ملاك ومنتبه انها انزعجت وبقول …
جود: دكتور سوار كمل شغلك وملاك شوي وبرجع…
بتطلع فيه ملاك وبتهز براسها …
بيطلع من الغرفة وبيمسك رهف من زندها وبيشحطها دغري لبرا غرفة ملاك ع غرفة يلي جنبون وبيرميها جوا ……
سوار: اي يا ملاك هلق لازم اخد جرعة من دمك لحتى نحللها هي اولا ولازم اتاكد من كذا شغلة بعدها منقرر موعد العملية تمام …
ملاك: تمام دكتور …
سوار: كيف امكانياتك …
ملاك: الحمدالله …
ببلس سوار ياخد ويعطي مع ملاك بالحكي عن موضوع العلاج والعملية ……
بعد ما طلعها من الغرفة الموجودة فيها ملاك ع الغرفة التانية وهو معصب ومو شايف قدامو وهي عم تستفزو لسا مستمرة بالمياعة والغلاظة ……
جود (بعصبية جنونية) :انتي براسك مافي عقل هاا شبك شو هالتصرفات …
رهف: (ببرودة اعصاب) :اي ع مهلك بيبي ليش معصب كل هالقد كنت ناطرتك لتجي وهي اجيت لشوفك كتير شتقتلك …

جود: لك انتي عرفانة حالك شو عم تخبصي هااا لعما بقلبك ع هالذوق …
رهف: لك انا بحبك ما عم تفهم بحبك …
جود: لك كرامتك صارت بالاراضي يا قذرة سمعيني لهون وبس اذا بقى بشوفك بوجهي صدقيني مو نيالك …
رهف: (بفجارة وصوت عالي) اي شو مفكر حالك انت لهدرجة ما بتحس ع شو مسمينك دكتور بس فهمني لك حس فيني شوي شبك …
جود (بحدة) يلي متلك ما بيستاهل حدا يحس فيه وهلق انقلعي لبرا وماعد بدي شوف وجهك فهمانة …
رهف: لا ماني طالعة …
جود: عم احكي انقلعي
رهف: وانا عم قلك ماني رايحة فهام بقى …
خلص الدكتور سوار كلامو …
سوار: وهيك ان شاءلله بعد ما تخضعي لهل علاج بتتحسني وبتصيري تمام التمام …
ملاك : ان شاءلله …
بيسكتو والدكتور سوار عم يطلع فيها نظرات مدايقتا ل ملاك …
ملاك: طيب شكرا دكتور وان شاءلله لما تطلع نتيجة الفحص منبلش بمراحل العلاج وهلق بالاذن منك…
سوار: ان شاءلله بس لوين انطري جود ليجي …
ملاك: لا مافي داعي بنطرو برا…
سوار :طيب خليني ساعدك …
بتتذكر دغري ملاك كيف كان معصب لما خلت حدا يساعدها دغري بتقلو …
ملاك: شكرا مافي داعي بطلع لحالي بالاذن …
سوار: العفو اذنك معك …
بتطلع من عند سوار وبتسكر الباب انها خلصت من نظراتو وفجاة بتسمع صوت جود من جوا الغرفة التانية …
ملاك: هاد والله صوت جود …
بتقرب ل ناح الباب وبينتابها الفضول انها تفتح وتتاكد …
بتفتح وبتتاكد وبتشوف جود ورهف جوا …
رهف: ماني حالة عنك عم تفهم …
جود بيفقد اعصابو وبيخبطها كف بيرن صداه بكل الغرفة ومسامع ملاك رن وبوقعها ع الارض وملاك بيدب الخوف فيها وماعد تقدر تحكي حرف والدموع متجمعين بعيونها ومو قدرانين ينزلو بشوفتو كيف معصب …
بترفع راسها رهف والكف معلم ع وجها احمر واصابعو محفورة حفر. وبتشوف ملاك قبالها …
رهف:(بتصنع البكي لتحط اللوم عليه)
بتقوم وبتروح بتنحني عند ملاك وهي عم تبكي وبتصير تقول …
رهف: كرمال الله قوليلو ليش هيك عمل فيني ليش علقني فيه خلاني حبو واتعلق فيه والله ما ذنبي انا …
وبتضم ملاك ك حركة تصديقة الها ضد جود …
وجود عم يطلع ع ملاك المصدومة وكيف عم تطلع فيه وكيف رهف قلبت كل شي عليه بيغلي الدم لراسو وماعد قدر يتحملها …
بقوم وبيروح لعندا بيسحبا من عند ملاك ووبقلا …
جود (من بين سنانو) انقلعي احسن ما اعمل شي تندمي عليه …
رهف بتنتر ايدها منو وبتقلو …
رهف: رايحة بس حقي رح اخدو منك …
جود: ايدك وما تعطي انقلعيي …
بتحمل حالها رهف بعد كل شي عملتو وبتطلع برا المشفى …
بيلتفت جود ل ملاك وبدو يقرب منها ل يحكي …
جود: ملاك …
ملاك: (بينزلو دموعها وبتقلو) :خليك بعيد كرمال الله لا تقرب لا تقرب…
جود عم يطلع فيها كيف خايفة وعم ترجف …
جود: طيب اهدي سمعيني …
ملاك: ما مابدي لا تقرب انا ماعملت شي صدقني لا تأذيني…
جود بحس حالو اختنق وهو عم يسمعها هيك عم تقول …
جود: طيب اهدي ماني عاملك شي خلينا نروح لل بيت …
ملاك: لا لا ما بدي روح معك الله يخليك خلص تركني …
جود: (بيعلى صوتو) لك ملاك شو اتركك خليني احكي …
ملاك: لا تحكي لا تحكي خليك بعيد …
بيدخل ساهر وبشوف جود كيف معصب وحالتو حالة وكيف ملاك عم تبكي وترجف من الخوف …
ساهر: لك شوفي جود شفت هديك طالعة من هون شو صاير…
جود: الله يلعنا هالواطية ما بكون اسمي جود اذا ما بندما ع الساعة يلي فكرت تجي فيها لهون…
ساهر: اهدى شوي هي السبب بيلي صاير هون …
جود: لكن في غيرها…
ساهر :طيب اهدى روح انت وانا رح جيب ملاك معي واجي …
جود: يا ساهر كيف يعني هي …
سااهر: خلص روح منيح بهالقسم مافي حدا انا لولا الصدفة كيف شفتا مارقة من الكاريدور مابعرف انكون موجودين هون خلص اسبقني ع البيت بلا. ما تداوم اليوم وانا رح جيب ملاك واجي …
جود: بيخبط الطاولة وبيطلع وهو معصب بعد يلي شافو …
بيطلع من المشفى وهو مو شايف قدامو بيركب السيارة وبروح فيها للبيت ……
ساهر: اهدي ملاك خدي مي بسم الله عليكي …
بشربها مي وهي مرعوبة من الخوف …
ساهر: اهدي اهدي …
ملاك: (ببكي وخوف) :لا تاخدني لعندو الله يوفقك
ساهر: اهدي اهدي ما رح يصير شي انا معك اي اتفقنا …
ملاك: لا تاخدني لا تاخدني …
ساهر: طيب اهدي انا رح ضل معك خلينا نطلع من هون اي اتفقنا …
ملاك: اي اي …
بياخد ساهر ملاك من المشفى وبيحطها بالسيارة و بشغلها وبيمشي فيها لتهدى ملاك. ويقدر يرجعها ع البيت ……
رهف: صح اكلت هالكف منك بس وحياتك ووحياة هالبنت البريئة يلي معك لامسك نقطة ضعفك ودمرك فيها بسيطة ولدفعك تمن هالكف غالي يا بيك المهم اول خطوة ونفذتها انا بفرجيك شو رح اعمل لسا هههه …………………
رجع على البيت وخلاقو للسما طالعة بيدفش باب البيت وبيدخل بيرمي غراضو بقوة على الارض وهو جانن ومو متحمل كلمة من حدا …

جود: الله يلعنك الله يلعنك يا حقيرة …
والله لألعن الساعة يلي عملتي فيها هيك …
انا هدفك لكن والله حاسسني قلبي من البداية هالمخلوقة مو لالله وراي بسيطة انا بفرجيكي …
بكون قدامو كاسة مي بيمسكها بيشرب المي…
وعيونو متل الجمر قالبين بيشربها كلها دفعة وحدة وبضل ماسكها وشادد عليها …
ما بحس الا وطقت الكاسة من شدة غضبو …
بيرميها وايدو عم تنزف وبيطلع لفوق ل ياخد دوش بلكي يهدا …
الوقت عم يمر وقدر ساهر بصعوبة يخليها تهدا وما تخاف …
ساهر: اهدي معليش رجاءً لا تضلي تنفعلي …
ملاك: (بخوف مسيطر عليها) لا ترجعني ع البيت مابدي ارجع …
ساهر: طيب سمعيني شوي معليش بس اهدي خليني احكي …
ملاك ودقات قلبها عم تتضارب مع بعضها بتقلو …
ملاك: شو …
ساهر: هلق انا وياكي رح نرجع ع البيت اتفقنا …
ملاك: بتضل معي …
ساهر: كيف بدي ضل …
ملاك: (بينزلو دموعها) امانة لا تتركني معو والله بخاف …
ساهر: حاج تبكي ليكي عيونك كيف صارو ما رح اتركك رح روح معك وضل عندكون تمام …
ملاك: اي لا تخليه يقرب مني ابدا …
ساهر: طيب رح نروح هلق وانتي لاعد تبكي اتففنا …
ملاك بتهزلو براسها بمعنى اي وعيونها عم يلمعو من البكي ……
بشغل السيارة ساهر وبيتجه لعند جود ……
بعد ما طلع من الحمام لبس تيابو وسرح شعرو ولف ايديه بالشاش ونزل يقعد تحت …
جود: وينو هاد لهلق هفف …
بكون قاعد والقزاز معبى ع الطاولة بعد ماطقت بايدو وصارت متل الطحين ………
بيعمل قهوة وبيقعد وبيتصل ب ساهر …
ساهر: الو اي جود …
بتنتبه ملاك لاسمو وبتتكركب …
جود: وينك انت وملاك …
ساهر: ملاك معي ونحنا هلق جايين ع البيت …
جود: اي بسرعة تعال ليكني ناطرك …
ساهر: اي اهدى يلا رح جيبها واجي …
جود: كيفها …
ساهر: بس اجي بتشوف بعينك الرعب …
جود:الله يفرجيني فيكي يوم يا ندلة …
ساهر: اهدى هي الها تصريفة طول بالك …
جود: بصير خير والله لاجعل ليلها نهار بس لشوف مبتغاها ……
ساهر: وهو هيك …
جود: قديش بدك لتوصل …
ساهر: نص ساعة بالكتير …
جود: ماشي يلا ليكني ناطرك …
ساهر: ماشي …
بيسكر الخط معو وهو عم يتوعد ل رهف وخلاقو طالعة ……
ملاك: شو بدو …
ساهر: ولاشي عم يسال وينك …
ملاك: اكيد بدو يعصب عليّ والله ماعملت شي…
ساهر: اهدي اهدي شو يعصب انا معك خلص قلتلك اهدي ليكني انا معك بس لا تضلي تبكي…
ملاك: اي اي …
بهزلو براسها وهي خايفة ومتوترة من شوفة جود ……
ساهر:(بنفسو) : ينعن ديبك يا جود ع هالعادة بتعصب ما بتشوف حدا قدامك والمصيبة خبرناك وقلنالك المخلوقة عم تتعالج لا حول ولا قوة. الا بالله هلق لنشوف شو الكارثة يلي رح تصير بس نوصل الله يستر من جنانك ……
بكفي طريقو باتجاه بيت جود ………
ام منذر: اي شام …
شام: تيتة ليكي انا شوي وبوصل ع البيت بدك جبلك معي شي …
ام منذر: لا قلبي تعالي مابدي شي …
شام: طيب يلا شوي وبوصل انا …
ام منذر: ماشي …
بتوصل شام ع البيت وبتدخل …
ام منذر: شو كتير شوب برا
شام: اي والله منيح ملاك مو هون خطي كيف كانت بدها تتحمل …
عم تبدل تيابها …
ام منذر: اليوم حكيت معها واتطمنت عليها …
شام :عنجد طيب وانا …
ام منذر: خلص وحياة عيونك الحلوة لجيب الرقم وتصيري انتي تحكي معها …
شام: طيب ماشي بس كيفها هي …
ام منذر: الحمدالله بس حسيتا مو مرتاحة صارت تبكي…
شام: يعلي عليها ع هالحالة اجباري يعني هي كانت بجو وصارت بجو تاني طبيعي اول فترة هيك تكون …
ام منذر: اي صح يلا بدلي تيابك وتعي ارتاحي …
شام: اي والله يلا جاي اصلا عندي دراسة خير ان شالله ايمت بخلص مابعرف …
ام منذر:ههه اي يلا تعي …
بيقعدو سوا وام منذر بترتاح وشام بتضل تدرس ……
بيوصل ساهر للبيت …
ساهر :وهي وصلنا …
ملاك بتطلع وهي خايفة …
بيفتح باب السيارة ساهر …
ملاك: وين رايح …
ساهر: نازل شيل الحجرة من تحت الدولاب وبعدها منطلع
ملاك: اي …
بينزل ساهر لورا السيارة وبيتصل ب جود …
جود: اي ساهر …
ساهر: سماع نحنا صرنا تحت بس ما رح طلعها مو ناقصني تطلع فشة خلقك فيني لهيك انزل خود مرتك متل الشاطر وبعدها انا بطلع وراكون …
جود: اي يلا نازل خير ما عملت …
ساهر: مو قصة خير ما عملت ل كف بلاك عني مو اكتر …
جود: ساهرر
ساهر: يلا تعال …
بيسكر الخط وبينزل لتحت لعندون …
بتشوفو ملاك عم يفتح باب البيت وجاي بأتجاهون …
ملاك: ساهر ويننك …
ساهر: يلا جاي بس لطلع الحجر …
ملاك: لك جود اجا …
بتطلع بكون جود عم يطلع عليها …
بيوصل لعندها بتبلع ريقها من وقفتو قبالها
جود: شو مو ناوية تنزلي يعني …
ملاك عم تطلع عليه وعم تتجمع الدموع بعيونها بدها تبكي …
بيفتح باب السيارة وبيدخل بفكلها الحزام وبيحملها وبقول …
جود: رح اتركلك الباب مفتوح بس تطلع سكرو…
ساهر: اي ماشي…
بيطلع وبياخدها معو لفوق ع البيت …

بيوصل ل فوق وبحطها بقعدها …
جود: اي انسة ملاك …
ملاك عم ترجف ايديها وشفافها خوف منو لاحظ هالشي عليها …
ملاك : (بتوتر) خليك خليك بعيد لا تقرب…
جود: سمعيني بدي احكي …
ملاك: امانة لا تقرب خليك بعيد لا تجي ناحي الله يوفقك …
وبتحط ايديها ع عيونها وبتصيرر ترجف كلها …
جود:(عم يعلى صوتو بشوفتها بهالمنظرخايفة منو) : لك ليش خايفة عم احكي
بترتفع حرارتها دغري وهالشي بيتوضح عليها من ملامح وجها وبتصير ترجف كلها …
بقرب لعندا وبجن جنونو بس يشوفها هيك كيف خايفة ومرتفعة حرارتها بقرب بلمس ع جبينها ورقبتها وخدها وبلاقيها مرتفعة …
جود: ينعن ع هالحالة …
بيدخل ساهر لعندو وبشوفو كيف متوتر ومعصب وهي عم تبكي …
ملاك: بعد بعد …
جود: لك مجنونة مرتفعة حرارتك …
ملاك: لا تقرب لا تقرب …
جود: يا عفوا الله ما اعندك لك شبك.
بيدخل ساهر وبقلو …
ساهر: ينعن ديبك يا زلمة تركها شوي …
جود: لك ما عم تخليني احكي وفوق كل هاد عليها حرارة …
ساهر: اهدى وطول بالك عليها مو بهي الطريقة ليك خايفة منك …
جود: وبعدين يعني …
ساهر: اهدى …
بيقعد ساهر عندا وبيغسل قماشة بحطها عليها وبشوف شو عند جود ادوية بيعطيها ياها وبترتخي ع اثر الادوية والقماشة الباردة …
ساهر: عطيني غطى من جو …
جود: عم يطلع وروحو رح تطلع وبركان جواتو عم يغلي متل النار ……
بقوم بجيب غطى وبيعطيه ياه …
بيمسك ساهر وبحطو عليها وبتغفى ع اثر الادوية ……
ساهر: تعال معي شوي …
بقوم جود بروح معو وعيونو عليها …
بيقعدو بالمطبخ وبشوف القزاز …
ساهر: يا زلمة شبك قلتلك رح تشوف الرعب بعيونك كيف صار فيها …
جود: (عم ينتفض غضب) شو يعني لك انا بدي حاكيها بدي وضح كرمال ما تضل خايفة ما بعرف شو صرلا ماعد قبلت تسمع ولا حرف وجن جنانها متل مو شايف…
ساهر: اي حقها تخاف المخلوقة لك يا جود شبك ما صرلك معها غير. كم يوم ولا شايفتك قبل بمرة ولا بتعرف طبعك شو بتتوقع منها وانت ما بتشوف حالك لما تعصب لك حمم بركانية بتصير ملامحك تعطي انرعبت منك …
جود: يا ويلي يا رهف اذا بمسكك بين ايديه لاشرب من دمك يا ندلة …
ساهر: هي رهف بعد الكف يلي اكلتو ماعد تقرب وملاك معها معها بتصير تتقبلك بس بدها شوية وقت هي خايفة منك لا اهدى وطول بالك عليها وخلي عصبيتك ع جنب شوي …
جود: كيف يعني خليها لك ما فيني شبك وحدة اجت بنص المشفى بدها تعملي مشاكل اجي اسكتلا والله بقتلها بحسب الله ما خلقها …
ساهر: طيب اهدى معليش هلق انسى كل شي وركز ع ملاك خطي ووقف جنبها البنت خايفة منك حرام لا تضل معصب لانو كل ما بتضل هيك رح تشوفها بتخاف وماعد تتقبل منك ولاشي حتى الاكل ماعد تقبل تاكلو اذا انت موجود …
جود :بسيطة بصير خير ع كل حال …
ساهر: اهدى وروق انا هلق رايح رح اتركك تدير بالك عليها هي مرتك قد ما كان الموضوع يلي هلق منشانو معك انت خليك معها وسندها لا تخليها تخاف كرمال تقدر تتعالج …
جود (برفعة حاجب) ان شاءلله …
ساهر: يلا انا رح امشي اذا صار واعتزت شي دقلي وبكون عندك ماشي …
جود: ان شاءلله ما بتقصر …
ساهر :يلا بخاطرك …
جود :الله معك …
بيطلع ساهر من عندو ل بيتو بوقف جود وبروح بيطلع بيقعد عند ملاك بشوف اذا الحرارة. …
جود: حسبي الله ونعم الوكيل …
بقرب وبشوف الحرارة ولساها عليها بياخد القماشة بيغسلها وبحطها ع راسها وبيقعد ع كرسي بجيبو بحطو بوجها كرمال يضل يشوف حرارتها …
بعدين بغير رأيو برجع الكرسي وبيحملها وبياخدها للغرفة بسطحها وبشلحها البوط ع الهدى وبغطيها وبيقعد جنبها ع التخت ليضل يطمن ع حرارتها
وهو متوتر من يلي صار وبكل حنية عم يمسح ع راسها …
جود: طولي بالك ولله لاخد حق هالشي من هديك يلي ما بتتسمى هي السبب يلي وصلتك لهل الحالة بصير خير ……
وبضل قاعد ليتأكد من الحرارة …
وبضل سهران طول الليل عليها ………

يتبع، ،،،،،،،،،،،،،،،،،،،،،،

#أذَابّنَي_دِفَئ_الُعنَاقً🔥🌎♥
#لُلُڴاتْبّة:
#Bayan_Alrohban 🔥🌎♥
#الُجْزُء_الُثُامٌنَ…&
_________
قاعد ومرتكي جنبها ع التخت والضو بلش يشق مجراه لتعلن الشمس شروقها…
عم يطلع عليها وهو كتير تعبان وفارط نعس …
بيحط ايديه ع راسها وبشوف الحرارة …
جود: واخيراً الحمدالله يلي نزلت …
بشيل القماشة من على راسها وبيحطا ع جنب بتحس عليه ملاك وهي عم تفتح عيونها ببطئ …
بشوفها جود بركز قعدتو قبالها …
ملاك بتشوفو قبالها وبتجفل من وجودو وبتصير تقلو بصوت يا دوب مسموع ودموع عم تتجمع لتنزل …
ملاك: و والله انا ما عملت شي لا تضربني …
جود بحس بركان من جواه عم ينتفض من كلامها …
بقرب لعندها وبيرفع الغطا عنها بساعدها وبجلسها لتصير قبالو وهي خايفة منو…
جود: (باعصاب متوترة) انتي شو مشكلتك فهميني ليش هيك عم تحكي…
ملاك بتنزل راسها وهي ماعرفانة تجاوبو وخايفة منو …
جود: (عم يطلع عليها وعيونو جمر من سهر طول الليل عليها) :فهميني احكيلي ما رح اذيكي انت واعية لكلامك …
بترفع راسها والدموع بعيونها وبتقلو …
ملاك :(بلبكة) انا خايفة ت تضربني متلا انا عم خاف منك …
جود بيطلع عليها كيف متوترة والخوف بعيونها واضح تجاهو بيمسك اعصابو وبيسحب نفس عميق وببلش يهدى وبقول …
جود: انا دكتور ومسؤول عن جمعيات والي اسمي وشغلي وهي المخلوقة بدها تشوه اسمي وتحط عليّ مستمسك وانا اتحملتا بس صبري نفذ واضطريت اتصرف معها بهالطريقة استوعبتي لهون …
ملاك بتهز براسها بمعنى اي …
جود: لا تخافي مني انا مستحيل فكر مجرد تفكير اذيكي فهمانة …
ملاك بتطلع بعيونو وبتبلش ترتاح تدريجياً لكلامو …
جود :بيطلع ع الساعة وبقوم بجيبلا كاسة مي وشراب دوا …
جود: يلا منيح يلي فقتي لازم تاخدي دواكي …
ملاك: بس مافي دوا بينشرب بدون اكل كرمال ما تنضرب المعدة …
جود (بيبتسملا ليحسسها بالامان تجاهو وبقلا) :بالله منيح يلي قلتيلي دكتورة ملاك لو بعرف عندك خبرة كنت خليتك تداومي معي بالمشفى …
ملاك :ما بصير انا ماني دكتورة …
جود: طيب انت بنظري احلى دكتورة بس دكتورة قلبا وعقلا مجانين واصغر من عقل ولاد صغار …
ملاك: انو …
جود:انو شو رايك تاخدي الدوا وتنامي وانا حط راسي ونام لانو فرطان تعب …
ملاك: باخد الدوا بس ما بدي نام ماعد اقدر …
جود: لا بتقدري يلا فتحي تمك هلق وبعدا بقلك كيف رح تنامي …
ملاك : حاضر …
بيفتح جود قنينة الدوا وبيشربها ل ملاك الدوا …
بيقشعر بدنها من طعمتو وبتحس حالها بدها تكبو …
جود: يلا بلعيه بسرعة …
ملاك: عم تأشرلو بمعنى مافيها …
جود: (بحدة) :بلعييه يلا …
بتبلعو غصب عنها وبتقلو …
ملاك: بدي مي مابقدر طعمتو مو طيبة …
جود: استني شوي وبعدا بشربك …
ملاك: (بطفولة) والله ماعد اقدر طعمتو مو طيبة …
جود: مسكي شربي بلا لا تضلي ترفرفي لفوق وتحت …
بتاخد الكاسة من ايديه ببرائة ويتشربا كلها لتروح وتخف طعمة الدوا …
جود: ياويلي عليكي شربتيا كلا …
ملاك: شو بدي اعمل طعمتو مو طيبة …
جود: بعمرك شفتي دوا طيب …
بتهز براسها متل الولاد يمين ويسار وبتقول …
ملاك :لا …
جود: هه طيب يلا شاطرة ع النوم …
ملاك: مابدي نام …
جود: هلق بتنامي هاد الدوا فيو نسبة منوم هلق بتنامي…
ملاك: واذا ما قدرت نام …
جود: اه يلي بضل يجادلك وهو تعبان بيتعب استني عليّ …
بقوم جود بيشغل الكوندشِن كرمال يترطب جو الغرفة وبسكر الجلايل وبيتعم ضو الغرفة وبيبرد جوها …
ملاك: انو والله صار برد ليش كتير هيك قويتو …
جود: كرمال النومة تصير اطيب …
ملاك: والله حاسة حالي بالقطب المتجمد الشمالي …
جود: هه اي منيح …
بيشلح كنزتو قبالها بتنزل عيونها وبتصير تتهرب فيهون يمين ويسار بينتبه عليها انها خجلانة من لون خدودها المتورد بيبتسم وبقرب وهو لسا بشيالو الحفر الاسود الضب ع جسمو بيرمي الكنزة ع جنب وبيقرب لعند التخت وبيقعد جنبها وهو كتير قريب منها …
ملاك: بدي انزل لتحت …
جود: ع النوم لسا بكير ع الفيقة يلا …
ملاك: بس انو ……
بقاطعها بكلامو وبحط اصبعتو ع شفافها وبقلا …
جود: هششش يلا نامي…
بشيل المخدة من ورا ضهرها وبسطحها وهو حاط ايدو ورا ضهرها …
بيسطحها وبنزل ايدو دغري تحت راسها وبيتسطح جنبها وهي نايمة ع ايديه …
ملاك (بتوتر) :جو جود ه هيك بدك تنام …
جود: اي هيك بدي نامي كرمال ما تضلي فايقة وما تبردي …
ملاك: حاسها نفسها ماعم يهدى …
ملاك :خلص بتغطى وبنام …
بشدها من ايدها لعندو لتصير بقربو اكتر واكتر وبقلا وهو عم يطلع بعيونها وهنن دبلانين وهي ضايعة ومتخربطة …
جود: حاج تحكي غمضي عيونك يلا ونامي انا بدي نام بس هلق سمعي كلمتي ونامي …
بتغمض عيونها بس قربو منها موترها بتحس حالها مو قدرانة تهدا …

وهي نايمة ع ايديه بعد ما غمضت وعم يتابع توترها وخجلها يلي هزو كيانو بقرب ايديه شوي شوي بخفة وبيحاوط خصرها وهي نفسها عم يتسارع …
بقرب من اذنا وبقلا …
جود :اهدي ونامي …
هي متوترة ومغمضة بين ايديه …
بغمض عيونو وهو حاضنها بين ايديه ومن التعب بيغفى …
وبعد تعب وهي عم تصارع التفكير مع حالها وعلى اثر الدوا بتنام …
وبيدخلو هنن الاتنين بنوم عميق من تعبهون وبنامو ……
عم يمر الوقت والضو عم يشق صباه …
ام منذر: ام غدير …
ام غدير: اي ام منذر تعالي قعدي …
ام منذر: هو لا مو هيك بس بدي اسالك عن ملاك اذا جود عم يحكي لهون او لا لانو متل ما بتعرفي رقمو ما معي ياه ورقم ملاك بدو جمركة حسب البلد يلي هنن فيه …
ام غدير لا تاكلي هم انا هلق بس يمر الوقت كمان شوي منحكي ومنطمن عليون وبخلي جود يعطي موبايل ل ملاك او يعملا موبايلا منشان تتواصلي معها براحتك…
ام منذر: دخيل عينك اي مافي مشكلة يلا رايحة كمل شغلي …
ام غدير: ماشي …
بتروح ام منذر ل شغلا …
بينزل عم يركض ع الدرج طاير …
غدير: امي امي …
ام غدير: بسم الله عليك شبك امي …
غدير: لك هديل موجوعة كتير وعم تبكي …
ام غدير: ييي لسا في كم يوم لموعد ولادتها معقول هيك …
سمر: اخي طلاع جيبا ونحنا منلحقك مع محمد بالسيارة …
غدير: يلا يلا انا رح اخدها وروح ع المشفى …
ام غدير: اي امي …
بيطلع غدير متل الطير لعندا …
غدير: يلا اهدي طولي بالك …
دموعها عرض خدودوها وموجوعة وحاسة روحها رح تطلع …
هديل : امانة يا غدير والله رح موت …
غدير: طولي بالك اهدي …
بساعدها وبشيلها بين ايديه وبينزل فيه باتجاه السيارة …
ام غدير: الله يحمل معك يا بنتي …
غدير: يلا دوعولنا …
الكل: الله يسرلكون يارب …
بيطلغ غدير باتجاه ل المشفى كرمال ولادة هديل …
ام غدير: سمر ضبي الغراض ل مرة اخوكي يلا خلبنا نمشي…
محمد: الله يحمل معها يارب وتقوم بالسلامة …
الكل : امين …
بجهزو حالهون ل يطلعو لعند غدير ع المشفى …
عند رهف قاعدة وعم تحكي …
…
رهف: سمعي منيح شو رح قلك بالضبط …
سيمازا: تفضلي رهف خانوم …
رهف: رح تعملي كل شي بحذافيرو متل ما عم فهمك تمام …
سيمازا: اكيد تفضلي …
رهف: عند جود بيك في وحدة بتخدم ولازم تروحي بديل عنها…
سيمازا: اي بروح بس كيف …
رهف: انا دبرت كل الامور وبكرا متل هاد الوقت بتروحي ع بيت جود ورح خلي الشوفير يوصلك لهنيك لعندون ع البيت …
سيمازا: اي وشو بستفاد …
رهف (بحدة) : فهمي عليي شو رح احكي بدي تفصيل كل دقيقة ثانية شو بيعملو شو بياكلو شو بيشربو حتى فوتة الحمام ايمت بدي اعرف كل شي بالتفصيل عم تفهمي
بدي يكون عندي علم ايمت بيبدا العلاج بتشمي ولا لساتها ع الكرسي
مين بساعدها بقومها بقعدها
جود ايمت بروح بيرجع بدي كل هالتفاصيل ادق تفصيل بالشي يلي بتشوفيه بفيدني ورح يكون مهم …
سيمازا: اكيد يا خانوم …
رهف: ما بدي وصيكي ابدا اي غلط هيك ولا هيك اذا حسو عليكي بتروحي انتي بشربة مي وبتروحينا كلنا لا تنسي ابنك بين ايدينا …
سيمازا بتاخد نفس وبتقلا …
سيمازا: امرك يا خانوم تكرمي بس كل شي الا ابني …
رهف بابتسامة نصر: برافو هيك انتي عيني …
سيمازا: بس ممكن سؤال …
رهف: احكي …
سيمازا: شو رح يصير بهديك يلي بتشتغل عندون …
رهف وهي عم تلعب بالكاسة وتحكي ببرود …
رهف:كنت بدي اقتلا بس شفقت عليها بسبب ولادها الصغار وزوجها قلت خطي بس هددتون وحملو حالون وطلعو لبرا وغيرو طريقهون …
سيمازا: ماشي …
رهف: يلا ع بيتك بكرا عندك شغل كتير واياكي ثم اياكي بيلي اتفقنا عليه …
سيمازا بتبلع ريقها وبتقلا …
سيمازا: اي اكيد بالاذن …
رهف: الله معك …
بتطلع سيمازا من عندا وبتقعد رهف وهي مبتسمة وببالها مخطط كبير …
رهف: جاي اليوم يلي رح ترجع فيه الي ورجعك للصفر وما تلاقي غيري ينشلك من يلي انت فيه هههه …
بالمشفى بهد ما وصلو وفاتت هديل لتولد …
غدير واقف برا وحاسس روحو رح تطلع …
بيوصلو اهلو لعندو وبكون معهون الغراض…
ام غدير: شو امي طمنا …
غدير: (بتوتر) والله ما بعرف فوتوها وما بعرف ايمت بتطلع …
ام غدير: اهدى امي الله يقومها بالسلامة يارب…
الكل: آمين …
بضلو ناطرين برا لحتى تمر مدة الولادة ……
قاعدين بالكافيه تبع الجامعة وعم يشربو قهوة …
حسام :اي حبيب شو مشقرق هالايام …
عصام: شو قصدك …
تالا: وانت شو بدك فيه تركو للزلمة بحالو …
هبة: هه عنجد …
شام ساكتة وعم تطلع …
عصام: ليش مزعوج…
حسام: له يا صاحبي شو بدو يزعجني بس انو صاير تطورات جديدة وانا ما بعرف فيها …
عصام: ريحلي جمالك بس يصير شي من يلي ببالك بتعرف وبتدرى لحالك …
حسام :اي الله يسمعنا الاخبار الطيبة …
تالا: اي شام كيفها بنت عمك ملاك…

شام: الحمدالله بخير …
حسام: اي كيفها الامورة ماعد شفناها …
شام: (برفعة حاجب) الامورة اتزوجت الاحسن نلزم حدنا بالحكي عنا مو هيك …
هبة : اي الله يوفقا يارب …
عصام: هلق بلا هالمشاكل من عند الضهر يلا قومو نطلع ع المحاضرات كرمال نلحق نخلص ع بكير …
تالا: معك حق يلا شباب صبايا…
الكل: ماشي …
بقومو الكل ليبدو محاضراتهون ……
بتفتح عيونها ملاك وبترفع ايديها.بنعس وعم تفرك عيونها بنعس وحاسة بتقل حوالين بطنها وخصرها …
بتصحصح وبتفتح عيونها وبتشوف جود بوجها …
ملاك: هاد شو عم يعمل هون …
بتتذكر كيف نامت ونيمها بين ايديه …
غفلان هو حاضناها مو حاسس ع شي …
عم تطلع فيه ملاك كيف نايم وهي ماسكة ايديه المحطوتين ع خصرها …
بترفع اصبعتا وبتنقرو ع خدو …
ملاك: جود ...جود …
جود: امممم…
ملاك: بعد عني بدي قوم
جود :ملاك نامي لسا بكير …
ملاك وهي ماسكة كم كنزتو من عند الكتف …
ملاك: لا بدي قوم مليت رح تصير الدنيا المسا وانا شبعت نوم …
جود بفتح عينو ببطئ وبيطلع فيها بنعس …
جود: شو وراكي نامي طيب ماعنا شي …
ملاك: لا انا جعت والدنيا صارت عصر …
جود: قديش الساعة …
ملاك: اربعة ونص …
جود: يي …
ملاك :لهيك فيق كرمال تنام بالليل لانو اذا شبعت نوم بالنهار ماعد تنام بالليل …
بجلس حالو وهو مستند عليها وهي متسطحة ع ايديه …
جود: ماعرفتك صايرة عم تعطي نصايح …
ملاك: انو انو هيك …
جود مبسوط انو هي بين ايديه حاسس بفرحة جواتو انو هي معو …
جود: (بقرب منها قصداً ليشوف ردة فعلها) …
بيرجع بميل عليها وهو عم يلعب بشعراتها ويلمس ع وجها ونظرات المركزة عليها …
جود: ما قلتيلي شو حابة تاكلي …
ملاك بتشوفو هيك بتتوتر وبتصير ترجف وبتتلبك ماعد تعرف شو تقول …
جود :شو ما قلتيلي شو حابة تاكلي …
ملاك :ا اي هلق بس ننزل بقلك …
بشوف وجها كيف ورد وخدودها حمر من الخجل. بقلا …
بيعملا بأصبعتو ع خدها وبقلا …
جود: ههه قومي يلا …
بقوم جود بساعدها بقلا …
جود : انا فايت اخد دوش انطريني لاطلع كرمال ساعدك …
ملاك: اوك …
بيدخل جود وبياخد تيابو بيتحمم …
ملاك: هلق انا ليش هيك عم يصير معي عنجد عم اتخربط
بحس معو بكل شي ع قد ما بكون خايفة منو ع قد ما برتاح معو وحنيتو هالشخص قلبني رأساً على عقب
هفف احسن شي انفض هالافكار يلي ببالي …
بتطلع حواليها بتلاقي في مسافة قليلة بينها وبين الخزانة …
ملاك: لازم بلش حاول لازم اتعالج وساعد حالي مافيني ضل هيك …
بتمسك حالها شوي شوي وبصعوبة بتنزل رجليها ع الارض …
ملاك: يلا ملاك لازم تحاولي …
بتسند حالها ع البيرو يلي جنب التخت بتشد حالها وبتقوم …
بتوقف وبتحس حالها صارت تشوف كل شي من فوق …
بتنبسط وبتبسم وبتبلش تتمسك بكل قوتها وتحاول ترفع رجليها وتخطي اول خطاها ك طفل صغير اول مشيو …
بتبلش تمسك بالغراض وتركي حالها عليون وبصعوبة وجهد كبير وهي عم ترفع رجليها وتنقلهون من نقطة ل نقطة …
بتمشي كم خطوة باتجاه الخزانة وبتجي لتمسك ب مسكة الباب تبعها …
بطلعة جود من الحمام وهو عم ينشف شعرو …
جود: لك هبلة شو عم تعملي …
بتطلع عليه وبيتشتت تفكيرها وما بتحس ع حالها غير فقدت توازن وقفتها لتوقع …
دغري بيروح لعندها وبشدها من ايديه ليقدر يمسكها ويرفعها لعندو وهو ماسكها من خصرها …
جود: لك مجنونة شو عم تعملي …
ملاك: ولاشي …
جود: لكن شو هاد يلي شفتو …
ملاك: كنت عم حاول ماعد بدي ضل هيك ماني قدرانة اتكل ع حدا بشي …
جود: انا معك حاولي بس هالمحاولة بدك فترة لتبلشي فيها ومو لحالك وانا معك هي الطريقة ما بصير افترضي وقعتي وبدل ما نكون بشي منصير بشي …
ملاك : والله انو …
جود: انو شي بعدين بعرف انو بتحبي تعتمدي ع حالك بس هالفترة طولي بالك لبعد ما نشوف شو رح يصير بالتحاليل ليبين معنا شو رح نعمل غيرك هيك مابدي شوفك عم تعملي هيك وما حدا معك فهمانة …
ملاك: حاضر …
جود: بس مبين عندك فرصة منيحة للعلاج ان شالله المسا منحكي مع الدكتور ومنشوف شو بقلنا ومنروح لعندو بكرا الصبح ان شالله …
ملاك :ماشي …
جود: يلا هلق قليلي شو بدك لساعدك …
ملاك: ولاشي بس بدي بدل تيابي ممكن تعطيني ياهون …
جود: اي يلا …
بضل ماسكها وبتنقي شو بدها تلبس وبيعطيها ياهون …
جود: يلا بدلي …
ملاك: ها …
جود: شو
ملاك: ممكن تطلع …
جود : مو جاي ع بالي …
ملاك: طيب انا كيف بدي بدل …
جود: انا زوجك مو غريب …
بتسكت ملاك بتخجل منو بتحس حالها بدها تبكي …
بينتبه جود عليها بيبتسم وبقلا …
جود: هه بدلي ليكني طالع احكي تلفون بس خلصتي ناديلي لننزل ناكل …
ملاك: ماشي …
بيطلع جود بيحكي تلفون …
ملاك: هفف هبطلي قلبي غريب شو صايرلو اليوم هاد بينقلب دغري يلا خليني بدل قبل ما يرجع …

جود: اي ساهر …
ساهر: شو اي شو عم تعمل …
جود: ولاشي …
ساهر: كيف صارت ملاك …
جود : منيحة راحت الحرارة اصلا هلق لفقنا …
ساهر: يي لهلق …
جود: اي شبك …
ساهر: ههههه ماعرفتك والله نومة لهل وقت …
جود: ندالتك ما بتبطلها مو بايدك تافه وكلامك اتفه منك كنت سهران عليها كرمال الحرارة …
ساهر : عم نهز الورد ل نشمو ما قلتلي لساها خايفة منك …
جود: فهمتا وحكيت معها حاليا مافي شي …
ساهر: اي منيح الله يهدي بالكوون …
جود: الله يسلمك ليك حاكيلي الدكتور بخصوص التحاليل تبع ملاك …
ساهر: اي تكرم هلق وانا رايح ع المشفى عندي مريض بشوفو وبمر ع الدكتور بشوف شو فيه وبخبرك …
جود :تمام ناطر ردك
ساهر: اوك ماشي …
جود: يلا قحط رايح اكل …
ساهر: ماشي سلام …
بيسكر الخط وبيدخل جود لعند ملاك …
بدق الباب …
ملاك: فوت …
بيفتح جود الباب وبتكون لابسة كنزة حمرة قبة سبعة نص كم مع بنطال اسود بيتي وورافعة شعرها كعكة لفوق ومنزلة خصل من الجوانب وطالعة كتير كيوت ولذيذة …
جود: والله سريعة…
ملاك: اي انو ما رح ضل كل عمري عم بدل …
جود: اي يلا خلينا ننزل ناكل …
ملاك: اي ماشي …
بيتقدم لعندها وبيحملها بين ايديه وبينزل فيها دغري لسفرة الاكل …
ملاك: شكرا…
جود: العفو …
نغم: هي كل شي خالص …
ملاك: يعطيكي الف عافية حبيبتي…
نغم: يعافي قلبك…
جود: يلا بلشي اكل ولا تضلي تحكي…
ملاك: مين عم يحكي…
جود: انتي …
ملاك: ها …
جود: بلا مجادلة كلي …
ملاك بتحس حالها ما فهمت شي ف بتبلش اكل وجود عم ياكل ……
بعد مدة بتطلع ممرضة حاملة بين ايديها بنوتة كتير حلوة …
الممرضى مين والد الطفلة …
بيفتل غدير لعندها اول ما يسمع مناغاتها …
غدير: (بلهفة ودموع عم تنزل من الفرح) ا انا ابواها …
الممرضة: تفضل هي طفتلك الله يحميلك ياها يارب …
غدير بيحملها بين ايديه وبتكون كتير صغيرة وحلوة …
الكل: الف مبروك غدير …
غدير: الله يبارك فيكون …
ام غدير: ياعمري عليها ماشالله ما اجملها …
غدير: امي شايفة ايديها شو صغار …
محمد: اتوقعت صبي…
ام غدير: الحمدالله ع الخلقة التامة لك ابني هي اهم شغلة الحمدالله …
بعدين بنت ولا صبي نفس الشي اصلا حتى لو معها صبي واجت بقولو بين الطلقة والطلقة بتختلف الخلقة …
محمد: يلا ماعلينا الحمدالله نورت حياتنا الف مبروك اخي …
غدير :يبارك بعمرك اخي …
غدير: ايمت فيني شوف.هديل …
الممرضة: هلق بس ننقلها ع الغرفة تبعها فيكون تشوفوها وهلق بدي البنوتة لنكمل فحوصاتها منشان اذا حابين تخرجوها …
غدير: اي تفضلي …
بتاخد البنت وبضلو ناطرين لينقلو هديل للغرفة التانية ويشوفوها ……
خلصو اكل وهي عم تطلع هون وهون مالة …
وجود قاعد بين ملفاتو وعم يشتغل ع الكمبيوتر …
بتجي نغم لعندون …
نغم: يا بيك انا صار لازم امشي اتاخر الوقت…
جود: طيب فيكي تمشي…
نغم: ماشي بالاذن …
الكل: اذنك معك …
ملاك قاعدة بيخطرلا تقلو …
ملاك عم تطلع هون وهون بدها تحكي بينتبه عليها وبقلا …
جود: فيكي شي بدك تحكي شي …
ملاك: هو بصراحة بدي قلك انا مالة وبدي تعطيني احكي مع شي شام …
جود: طيب استني شوي لدقلك …
ملاك :مافيك تشغلي موبايلي …
جود: مافي داعي للموبايل يكون معك بتحكي معي هلق لوقتا ما افضى بجبلك واحد…
ملاك: بس انا مابدي غير موبايلي فيك تعملي ياه…
جود: (بيطلع فيها وبيرجع بركز بالكمبيوتر بدون مايقول او يعلق ع شي)…
بتضل ساكتة وبتنزعج منو بتحط ايديها ع طرف الكرسي وبتنزل راسها بدون ولا صوت …
وبضل قاعد مدة عم يشتغل ومركز بشغلو لدرجة بينسى يعطيها تحكي …
رهف: شو يا شاطرة…
نغم: متل ما امرتي انا انسحبت بس المهم عندي عيلتي …
رهف: اطمني بما انك عملتي معي صافي ف اطمني كل شي تمام…
نغم: ماشي وهلق بالاذن
رهف :الله معك بس اوعك المحك…
نغم:ماشي…
بتطلع نغم من عندا بعد ما تحكي معها وبتتصل ب سيمازا وبتقلا …
رهف: اي سيمازا…
سيمازا: تفضلي يا خانوم …
رهف: متل ما نبهتك هلق كل شي صار تمام بكرا رح تعملي متل يلي اتفقنا عليه…
سيمازا: اكيد ولوو …
رهف: يلا بكرا بتبين معنا النتائج…
سيمازا: اي …
رهف: يلا بحكي معك بكرا باي…
سيمازا: باي …
بتسكر رهف وهي قاعدة عم تفكر كيف ممكن تنفذها للخطة تبعها ……
ساهر: ماشي انت بكرا بتجبلي ملفات المريض يلي بالغرفة 309 وبتحطو على مكتبي بدي ياه ضروري …
الممرض: حاضر دكتور …
الدكتور سامي :كيفك دكتور ساهر …
ساهر : هلا دكتور سامي …
د.سامي:دكتور جود بتعرف عنو شي…
ساهر: اي ليش صاير شي.
د.سامي: بدنا ياه عم ندقلو ع موبايلو خارج التغطية وفي كم ملف لازم يطلع عليهون للمرضى وماحدا بيقدر يعرف فيهون غير هو…
ساهر: خلص انا بحكي معو وبخبرو …
د.سامي: ماشي بس دخيلك لا تنسى بالمناسبة صار شي جديد بالجمعية الجديدة يلي عم يشتغل عليها سمعت عم يفتح فيها اقسام كبيرة …

ساهر: اي والله لسا عم يشتغل فيها …
د.سامي: والله هالدكتور جود بينضرب فيه المثل مالقيت متلو وبعمرو شب دكتور اول طلعتو بيقدر يشتغل هالشغل كلو الله يحميه ل شبابو والله كل المشفى بتحبو وبتحترمو دكتور صاحب كلمة سبق بخبرتو دكاترة الهون سنين بمجال الطب وبمجال الجمعيات …
ساهر: اي والله جود مافي منو الله يحميه …
د.سامي: ع كل حال خبرو بيلي قلتلك عليه …
ساهر: بيوصل دكتور يلا بالاذن …
د.سامي: الله معك …
بيتركو وبيطلع لعند الدكتور سوار …
بيدق الباب …
…
دكتور سوار: تفضل …
بيدخل ساهر لعندو …
ساهر: كيفك دكتور …
دكتور سوار:هلا دكتور ساهر تفضل …
ساهر: شو اخبارك …
سوار: والله الحمدالله انت كيفك كيف اوضاعك بالمشفى هالايام...
ساهر: والله غير شكل وانت طمني عنك…
سوار: بخير تفضل في شي حتى جاي لعندي فيه …
ساهر: بصراحة بدي اسالك عن نتائج ملاك يلي كانت مع الدكتور جود هداك اليوم عندك …
سوار: اي ملاك عرفتها …
ساهر: اي لو سمحت بدي تخبرني شو طلع معها …
سوار: هلق ما رح اقدر اتعمقلك بالتفاصيل بس يلي بقدر خبرك ياه انو فرصة نجاح العملية تبعها اتجاوزت 60% وهي نسبة كتير منيحة وكان في فرق كبير بين تحاليلها القديمة وتحاليلها الجديدة والواضح انو الدكتور يلي عملت عندو الفحوصات في شغلات كتير نسيان يشوفلها ياهون والحمدالله انا عملت كل شي بيطلع بايدي بالتحاليل وهلق اذا هي مؤهلة للعملية خبروهون تكون عندي وتتواجد بكرا المسا لناخد احتياطاتنا لنبدا بالعملية صباح اليوم التالت باذن رب العالمين رح تكون العملية ناجحة وساعتها بتخلص من عندي بتبلش عند الدكتور جود هو بيهتم بباقي العلاج يلي ضل من المعالجات الفيزيائية وانت طالع …
ساهر: واو ما شالله ما توقعت بهالسرعة تكون العملية سريعة …
سوار: لو كانت النسبة ضعيفة يضمنلك تطول بس الحمدالله النسبة قوية ومنقدر نعملها بس العلاج الفيزيائي بياخد وقت معون لترجع تمشي متل اول ……
ساهر: اي الف الحمدالله بس دكتور في موعد تاني للعملية غير انو يجو بكرا …
سوار: انا عندي عملية منطقة تانية ومتابعة حالة طارئة لهيك ضغطت حالي بهاد المشفى وخلصت كل الاجراءات تبع مرضاي وسلمتهون لمختصين كرمال المرضى يلي بمشفى تانية بس اذا هنن مابدون بعد بكرا بتتاجل لخلص العلاج بالمشفى التاني وهيك رح يطول وبدي اقل شي لارجع لهون شهر او اكتر شوي…
ساهر: خلص بما انو هيك الموضوع انا بحكي معو ومنشوف شو بصير معنا وع الاكيد ان شالله العملية رح تصير بالمدة يلي حددتها حضرتك…
سوار: اكيد ان شالله ……
ساهر: طيب دكتور: رح امشي هلق وخبرو وانشالله بصير خير …
سوار :ان شالله
ساهر: بالاذن من حضرتك دكتور غلبتك معي …
سوار: ولو تكرم …
ساهر: الله يكرمك يلا بالاذن دكتور …
سوار: الله معك دكتور ساهر …
بيطلع ساهر وبيركب سيارتو
بيتصل ب جود …
ساهر: اي جود …
جود: شو قلي ساهر …
ساهر: اي هلق طلعت من عند الدكتور خبرني عن ملاك …
جود (بركز بكلامو) :اي قلي شو قلك …
ساهر: فرصة نجاح العملية اكتر من 60% وهي نسبة كبيرة لهيك حددلك موعد العملية لانو مافيو يتاخر فيها …
جود: اي كتير منيح بس ايمت حددها …
ساهر: قال بسبب روحتو ع مشفى تاني لانو عندو حالات طارئة لهيك بدو يعمل العملية ع بكير …
جود: مافي مشكلة ايمت فينا نكون عندو…
ساهر: بكرا بالليل كرمال يهيئو ملاك للعملية والصبح رح يبدو فيها …
جود : ممتاز …
ساهر: هلق رايح نام بدك شي …
جود: تعال اسهر …
ساهر: لا تعبان اليوم حكيت مرتي المستقبلية منشان امور الزواج …
جود: اي الله يتمملك شو نويت …
ساهر: اي والله لهيك اتفقنا ع كل شي واخر الشهر نازل منتزوج ومنطلع لهون …
جود: يعني نويت تستقر هون …
ساهر: اي احسن شو منزلني اذا انت هون وشغلي هون واذا بدي انقل كل شي بدي سنة تانية …
جود :معك حق يلا الله يوفقك ويختارلك الخير يا صاحبي…
ساهر: والك بالمثلل يلا رايح نام تصبح ع خير …
جود: وانت بخير…
بيسكر الخط مع ساهر وبيطلع ع ملاك بلاقيها نايمة وهي مستندة ع ايد الكرسي…
جود: انا كيف نسيتك هيك والله ما بعرف …
بيقوم لعندها بينحني وببيبعد شعرها الواقع عن وجها …
جود عم يطلع فيها ويشوف ملامحها الجذابة وبشرتها الناعمة وتفاصيلها الحلوة يلي اخدت قلبو …
جود: (بياخد نفس وبيتنهد وبقلا):ملاك …ملاك …ملاك يلا قومي لا تنامي هيك …
بتفتح عيونها وهي متدايقة وبترفع راسها …
جود: شو ليش نمتي …
ملاك: لا ابدا مافي شي …
جود :تحكي مع شام …
ملاك: ماعد بدي …
جود: (بيرفع حاجي وبنزل التاني وبقلا) شبك معصبة قومي قتليني …
بشكل عفوي بتشدو لعندا من قبة قميصو وبتقلو وهو مستغرب من حركتا …
ملاك: اي لانو انت ما بترد علي عم تشتغل وانا مالة لا خليتني احكي ولا بتخليني اعمل …

بكل هداوة بخلي ايديه تتسلل لخصرها وتحاوطها وهو مركز عيونو بعيونها بتحس ملاك ايديها بلشو يرتخو بمجرد ما ايديه لامست خصرها وبتصير بدها ترجع لورا بشدها لعندو اكتر وبنزلها من الكرسي لتصير بحضنو …
جود: طيب يلا قتليني اذا بترتاحي شو بشوف ايديكي ارتخو …
ملاك عم تهرب بعيونها يمين ويسار بتبعد ايديها …
بيمسك ايديها بيضمون ورا ضهرها …
جود: اي ما قلتيلي شو ليش ماعم تحكي …
ملاك: انا ما عملت شي وتركني ومابدي احكي معك وهي زعلت …
بتفتل وجها للجهة التانية متل الولاد الصغار وبتعقد حواجبها ومابدها تحكي …
جود: هه عم حاكيكي انا …
ملاك: نزلني مابدي ضل قاعدة هيك يلا بسرعة …
جود: لا بالله وهيك بهالبساطة …
ملاك: لكن شو …
جود: بتعرفي ايمت اخر شخص مد ايدو بهالطريقة شو صار فيه …
ملاك وهي عم تهز براسها يمين ويسار بتقلو …
ملاك: (بعفوية) لا اكيد مابعرف شو صرلو لانو ما كنت بعرفك من الاساس ما حصلي الشرف واتعرفت عليه …
جود: اممم طيب رح قلك انا شو ضريبة هالحركة …
ملاك :مابدي اعرف بعتقد كل شخص يكتفي بمعلوماتو لحالو …
جود: لا ما بصير …
ملاك :لا مين قلك، ،،،
بقاطعها جود وبيقرب منها بنزللها الكنزة من على كتفها وببوسها بوسة ممزوجة بعضة ع كتفها …
ملاك: لك لاااا وجعتني بعد …
بيبعد جود وهو مبسوط من الحركة يلي عملها بيطلع فيها وبقلا …
جود: شو استني لسا في الجهة التانية …
ملاك :لا امانة والله وجعتني
جود: طيب وهلق بتعيديها …
ملاك: حسب الظرف …
جود: ملاااك
ملاك: هههه خلص ما بعيدا بس انت كمان لابقى تعيدا ليك كيف علمت …
جود: معليش اثاري لازم تبقى معلمة عليكي …
بتطلع فيه ملاك. بتتلبك من كلمتو بتقلو …
ملاك: ممكن ترفعلي عن كتفي لو سمحت …
جود: ليش بالعكس منظرك هلق صار احلى بكتير …
ملاك :شو قصدك هلق انا بشعة …
جود بيطلع عليها وعلى برائة تفكيرها وبقلا …
جود: هههه لا بالعكس انت كتير حلوة وهلق حليتي اكتر …
ملاك: تباً للتواضع بعرف حالي بس هلق يلا خليني اطلع ارتاح وبكرا بحكي معون …
جود: طيب متل مابدك
بس بدي قلك شي قبل ما نطلع نام …
ملاك: ليش بدك تنام …
جود: شو رايك …
ملاك: اي لا بأس كمل شو كنت بدك تقلي …
جود: بكرا بالليل بدنا نطلع ع المشفى كرمال العملية تبدا تالت يوم الصبح …
ملاك: عنجد عم تحكي …
جود: اي …
ملاك: مافي طريقة تنحل فيها غير العملية …
جود: ليش شبك شو عدا ما بدا حتى ماعد بدك عملية …
ملاك: (بترغر الدمعة بعينها وبتقول) امانة جود لا تخليني لحالي بالعملية والله بخاف مابدي عملية خلص بلاها انا ماعد بدي …
جود: ملاك بلا جنان شو هالحكي بعدين شبك ليكي وجهك اصفر …
ملاك: مابدي عملية مابدي …
جود: اهدي انا معك طولي بالك خدي نفس خدي نفس …
بتاخد نفس وهي حاسة حالها رح تختنق واعصابها عم ترجف …
بقوم فيها جود وبياخدها ع الغرفة لترتاح …
بحطها وبيقعد جنبها …
ملاك: جود امانة لا تتركني هنيك لحالي…
جود: ياعفو الله انتي بعقلك شي كيف بدي اتركك فهميني …
ملاك: وعدني جود وعدني …
جود: بوعددك بس بالاول لازم تحكيلي من شو خايفة …
ملاك: اي اي بحكيلك …
جود: طيب انطريني نازل جيب شي وطالع …
ملاك: ماشي …
بيتركها وبينزل بجيبلها كاسة حليب ومي وبيطلع لعندا ليفهم شبها ……
بيفوت لعندا وبيقعد جنبا …
جود: شربي هي منيحة الك …
ملاك: شكرا …
بحط الصينية جود وبيقعد جنبها …
جود: (بتركيز) يلا احكيلي شو يلي غيرك دهشتك بهي الطريقة مو عاجبتني …
ملاك: هو بصراحة انا مابدي فوت لحالي ع العمليات …
جود:(بنظرة جدية): ملاك احكي هالحكي بعرفو انا شو مخبية قوليلي…
ملاك: بصراحة مرة صارت …
جود: اي …
بتخنق وبتصير تحكي والخوف ساكنها ومتلبكة …
جود:كملي …
ملاك: ق قبل بمرة كنا عند دكتور قام عملي الفحوصات …
وصار بخبرني انو رح يساعدني ومن هالكلام ونحنا صدقناه فكرناه طيب …
جود : اي وبعدين …
ملاك: عملنا كل الاجراءات اللازمة والتحاليل وتيتة حطت كل شي بتملكو لهل العلاج …
بعدها بلشت اتعالج وبيوم العملية …
جود : شو صار
ملاك: يلي صار انو هاد الدكتور كان متفق مع عدة دكاترة ومخبرين انو ياخدوني وياخدو اعضائي وتحت العمليات قبل ما يبدو بهالشي اجت الشرطة بسبب خيانة واحد الهون لينفذ حالو خبر عن الكل وسحبوهون ع الشرطة …
جود بحس حالو رح يختنق وعم يشد ع ايديه من هالكلام يلي عم يسمعو …
ملاك: بعدا كان واحد من الدكاترة ماسك المشرط من ناحية الكلية عندي وجرحني ولهلق مكان المشرط معلم ومن وقتها انا ماعد قدرت امن وارجع اتعالج لهيك بترجاك لا تتركني لحالي بالعمليات كرمال الله والله بخاف مالي غيرك هون …
بحط ايديه ع وجها بكل رجولة ووقار وحنية ليخفف عنها …
جود: هسس خلص اهدي انا هون معك واتاكدي مازالك معي ما بصيرلك شي ان شالله …

ملاك: شكرا الك ولكل شي عم تعملو معي …
جود: لا تتشكريني، بس …
ملاك والدموع متجمعين بعيونها …
ملاك: بس شو …
جود: بدي شوف الجرح الاثر تبع هداك العملية …
ملاك بترفع حواجبها لفوق مستغربة طلبو …
ملاك: كان جرح وراح …
جود: انا بدي شوفو …
ملاك: بس …
جود: لا تضلي تقولي بس انا زوجك ماني غريب عنك ملاك …
ملاك: مو هيك القصة انو …
جود: بدون انو انا بدي شوفو …
ملاك بتتوتر منو وهي بتعرف حالها بتخجل كيف بدها تفرجيه ياه …
جود: يلا …
ملاك :كيف بدي ورجيك ياه …
جود: فكي الكنزة او رفعي سحابها …
ملاك: ج جود ما بقدر …
جود: بتثقي فيني …
بتسكت ملاك وهي عم تطلع عليه …
جود: شو …
ملاك بتهز براسها بمعنى اي …
جود: خليكي عادي تمام …
بتحس حالها مو قدرانة تاخد نفس ولونها بلش يتقلب من وجودو بجنبها وهو عم يفكلا الكنزة …
ببلش جود يفك زرار الكنزة من الجوانب وهي كاتمة انفاسها ببن ايديه وخجلانة …
بفكون كلون وببجي بدو يشيلهابتحط ملاك ايديها وبتشدها …
ملاك :جود…
جود: ملاك انا دكتور قبل ما كون زوجك بعدي ايديك …
ملاك: بس جود …
جود: هسس …
ببعدلها ايديها وبنزل الكنزة عنها وبتبقى ب كات قطع اسود بغطي منطقة الصدر فقط …
بلف ايديه ورا ضهرها وايديه بتلامس جسمها بتجفل من حركتو …
بشدها لعندو وهو ماسكها بسطحها ليقدر يشوف مكان الجرح …
ملاك متوترة بين ايديه وخايفة …
بيقلبها ع بطنها وببين دغري اثر الجرح يلي بضهرها بالمشرط …
جود: (بنفسو) الله يلعنكون يا كلاب لك الطب متبري من اشكالكون يا كلاب الله يجعل نهاية واحد من امثالكم ع ايدي والله لاشرب من دمو مافي بقلبكون رحمة لتعملو هالشي اخ بس …
بغمض عيوني وبشد ع ايديه بعد ما شاف الندبة يلي عندا من اثر التجربة الاولى …
لا اراديا بينزل بحط شفافو مكان الجرح بكل حنية ببوسو وبيمسحلا عليه …
بتحس ملاك حالها بمكان تاني واعصابها تلفت من قربو ولمستو …
بيبعد جود عنها وبجلسها …
جود : (بجدية وصوت حاد) سمعي لقلك انا مستحيل خلي بني ادم يأذيكي فهمانة انتي معي هلق مرتي …
ملاك: ممكن تفوت معي ع العمليات بترجاك …
جود: بيطلع عليها وهي كلها رجا …
جود: انا معك باي مكان اهدي هلق ع كل حال صار لازم تنامي …
ملاك: طيب ماشي …
جود: بكرا منحكي مع اهلي واهلك ومنخبرون اتفقنا …
ملاك: متل مابدك بس معليش تعطيني الكنزة من جنبك بدي البسا …
جود: مافي داعي خلص بلا ما تضلي متشددة باللبس بسبب وجودي واذا كتير خجلانة مني اعتبريني مو هون ولا كأني عم اطلع بس لا تضلي هيك خدي راحتك متلي …
ملاك :ماشي
بقوم جود ببدل تيابو وبيبلس كنزة حفر شيال رمادي ضب ع الجسم مع شورت للنوم مريح …
وبيقعد جنبا ل ينام …
جود: يلا لازم تنامي بكرا عنا شغلات كتير بدنا نعملون …
ملاك: اي طيب …
بتسحب ملاك المخدة من ورا ضهرا وبتقلو…
جود: استني لحظة …
بيمسكها جود وبسطحها وبمد ايدو دغري تحت راسها.…
ملاك: ايدك جود …
جود: اي بعرف انا حطيتا …
ملاك: ليش …
جود بقرب لعندا اكتر ووبيرفعها وبنيمها ع ايدو وبقلا …
جود :بدي تنامي هيك …
ملاك: (بتوتر)انو جود …
جود: بدون صوت يلا انا بدي هيك وبعرف رح ترتاحي هيك …
بتسكت ملاك وبتضل بين ايديه …
بعدل نومتو وبيقلبا لعندو …
جود: هيك احسن لازم تتحركي تغيري نومتك منشان ترتاحي لانو النومة ع نفس النمط كل مرة بتضرك…
ملاك: ماشي…
جود: يلا نامي …
ملاك: اوك …
بتغمض عيونها بصعوبة وهي متوترة من قربو وبنفس الوقت فعلا مرتاحة انو هو معها احساس الامان يلي عم تحسو بقربو مخليها مرتاحة وساندها …
غمض عيونو وهو حاضنها بين ايديه بكل دفى وما عم يقدر ما يخليها قريبة منو كل ما يشوفها بحب يضل معها وكانها ضلع من ضلوعو …
وبضلو على هالحالة ليغفو اتنيناتهون ويدخلو بنوم عميق 😴😴😴……………………………………………………

يتبع، ،،،،،،،،،،،،،،،،،،،،،،،

#أذَابّنَي_دِفَئ_الُْعنَاقً🔥🌎♥
#لُلُڴاتْبّة:
#Bayan_Alrohban 🔥🌎♥
#الُجْزُء_الُتْاسِْع…&
_________
بصباح يوم جديد بيحمل معو لكتير من التفاصيل …
رهف: فهمانة متل ما فهمتك بالتفصيل رح تعملي …
سيمازا :امرك يا خانوم…
رهف: يلا روحي وبس تصيري بقلب البيت بتبعتيلي رسالة ماشي …
سيمازا: امرك …
رهف:يلا تحركي ناطرة منك خبر …
سيمازا: اي ماشي بالاذن …
رهف: اذنك معك …
بتطلع سيمازا من عندا باتجاه بيت جود…
فايق جود بس ما اتحرك لانو ملاك نايمة …
جود: (مبتسم ابتسامة رجولية وهو عم يطلع فيها)
بتتحرك ملاك وبتفتح عيونو بسبب الضو الضارب عليها من برا …
ملاك: يي ع هالضو …
جود: كتير زاعجك …
بتطلع فيه وبتلاقيه فايق …
ملاك: شو فايق بكير …
جود :اي من شوي فقت …
ملاك: معناها صباح الخير …
جود: صباح النور …
ملاك: دغري صار صبح …
جود: ليش شو بدك تضلي نايمة …
ملاك :انو لازم يعني لا بأس …
جود: اي قومي يلا عنا شغلات كتير بدنا نعملا …
ملاك: شغلات شو انا ماعندي شي …
جود: اي انا بدي اطلع شوي ع الشركة بعدها برجع منتغدا ولبين ما نضب شوية غراض لناخدون للمشفى معنا بكون صار المسا وهي لسا بدك تحكي مع اهلك …
ملاك: اي والله طلع عنا شغلات كتير لكن يلا بدي قوم …
جود: دغري بتغيري رأيك هلق كان بدك تنامي …
ملاك: انو نوم هاد وعنا كل هالشغلات بدنا نعملون …
جود :اي ولله شايفة
عم يطلع عليها كيف فايقة ورايقة ارتاح بشوفتها هيك …
بيدق جرس البيت …
جود :مين هاد …
ملاك: بتكون نغم وصلت …
جود: ما بعتقد نغم انا عطيتا نسخة …
ملاك :معناها افتح لنعرف …
جود: ماشي …
بقوم جود من جنبا وملاك بتجلس حالها بتحط الكنزة عليها بدون ما تسحبا …
بينزل جود بيفتح الباب …
سيمازا: صباح الخير …
جود: (بعقدة) صباح النور …
سيمازا: هون بيت الدكتور جود اذا ماني غلطانة …
جود:وصلتي مين حضرتك…
سيمازا: انا من سيمازا من طرف نغم يلي كانت تشتغل بهاد البيت …
جود: اي بس وين نغم …
سيمازا: نغم اضطرت تطلع مع جوزها وولادها لبيت اهلها وعطتني خبر اجي قوم عنها بهاد البيت اذا ماعندك مانع …
جود: امم بس نغم ما خبرتني استني لدقلا …
سيمازا: براحتك بس هي لغت رقمها …
جود: افف لغتو …
سيمازا: اي ف لهيك هي قالتلي اجي لعندك بما انو مافي وحدة عندكون لترجع هي …
جود: طيب يلا فوتي هلق بعدين بحكي مع نغم …
سيمازا: متل مابدك دكتور …
بيدخل جود وبيتركلا باب البيت مفتوح لتدخل …
جود: فوتي وسكري باب البيت وراكي وعملي قهوة وكاسة حليب …
سيمازا: حاضر …
بتضل واقفة ع الباب بتسحب موبايلها وبتبعت رسالة ل رهف وبتخبرها انها صارت بالبيت …
رهف عم تقرا الرسالة…
سيمازا: يا خانوم صرت بالبيت بس بحب قلك انو الدكتور جود مو قليل وبالزور لرضي وفهم اني من طرف نغم …
بتبعتلا رهف وبتقول …
رهف: ما عليكي انتي ديري بالك وكل شي محلول …
بتقعد رهف تتذكر شو بدا تعمل …
بتدخل وبتسكر الباب وبتفوت بوجها بتدور ع المطبخ وبتلاقيه …
بيطلع جود لعند ملاك …
ملاك: شو مين …
جود: شغالة جديدة بدل نغم …
ملاك: ليش نغم وينها …
جود: قال نغم سافرت مع زوجا وبعتت هي بدالا …
ملاك: يلا ع خير بسيطة …
جود: بس ما بعرف حاسس في إن بالموضوع لانو شكلها ما بيوحي انها شغالة …
ملاك: كيف يعني …
جود: خلص انسي بعدين بقلك بس ديري بالك …
ملاك: حاضر …
جود: فايت اخد دوش كرمال اطلع ع الشركة …
ملاك ماشي بس نزلني ع الحمام الارضي بدي اتحمم …
جود: خليكي هون هلق ببعتلك ياها ل سيمازا تساعدك …
ملاك: لا ما بدي ما بحب حدا يساعدني نزلني لو سمحت …
جود: طيب رح نزلك بس احتجتي شي ناديلي تمام …
ملاك: تمام بس ثواني لاخد هدول معي …
بتأشرلو ملاك ع التياب بيعطيا ياهون وبيحملا وبينزل فيها ل تحت …
جود: فوتي طالع اتحمم وانزل اذا صار معك شي دغري عيطي صوت واحد بكون عندك …
ملاك: ماشي …
بتدخل ملاك ل تتحمم وجود بيطلع بيتحمم …
بعد ما وصلو للبيت والكل قاعد ……
ام غدير : يا خطي عليها تعبانة …
غدير: خلص خليها نايمة …
سمر: يالله ليك اخي كيف البنوتة عم تعمل …
غدير: هههه اي
محمد: انا طالع نام كتير تعبان طول الليل بالمشفى …
ام غدير: اي امي طلعو ارتاحو وريحو حالكون....
سمر: امي رح اخد البنوتة معي دير بالي عليها …
ام غدير: الله يعينك يا حفيدتي الصغيرة على هالعلقة امي تركيا جنب امها وروحي نامي …
سمر : اميي …
ام غدير: شو حكيت انا …
سمر: حاضر …
بيطلعو الكل ليرتاحو …
غدير :رح ضل قاعد هون منشان اذا فاقت وبدا شي اعطيها ياه …
ام غدير: اي امي …
ابو غدير: الله يحن عليكون …
بيتسطحو الكل ليرتاحو بعد ليلة مبارح …
بعد ما طلعو وخلصو حمام …
بيبلس جود تيابو تبع الشركة يلي كلهون وقار وجمال ويينزل لتحت بلاقي حدا عم يدق ع باب الحمام

جود:ييي ملاكك …
بيروح دغري لاتجاه الحمام بيفتحو وبلاقيها وراه …
جود:(بلهفة) فيكي شي …
ملاك: لا بس اتسكر الباب علي وانا جوا مابعرف كيف …
جود: كيف ما بتعرفي مو دخلتي تتحممي …
ملاك: اي بس ما طبقتو كلو منشان اقدر اطلع …
جود: (بتوتر واعصابو طالعة) :اهدي هلق انتي منيحة …
ملاك: اي …
بياخدها جود وبيطلعها ع الصالون بقعدها …
جود: سيمازاااا …
بتجي لعندو …
سيمازا: نعم دكتور …
جود :كل هالدق ع باب الحمام ومو سمعانة …
سيمازا: لا يا بيك كنت عم اجلي مفتوحة وماني منتبهة …
جود :(بحذر) سمعي لقلك هالكلمتين لو بتكون الدنيا برا قايمة القيامة وع وشك الموت بتتركي كل شي بايدك وبتجي لعند ملاك متل البرق عم تسمعيي …
سيمازا: اي يا بيك …
جود: يلا لشغلك ولا تطلعي قبالي شو هالتسيب هادد…
بيتدخل للمطبخ وبتصير تقول …
سيمازا: كيف بدي اعمل هيك ما بعرف وانت متل الاسد صرت قبالي الله يستر من فعايلك يلي عم انجبر اعملها يا رهف ……
جود:انتي منيحة حاسة بشي…
ملاك: لا منيحة انا …
جود: طيب وانتي كمان تاني مرة ما بقى فيه تتحممي اذا ما كنا موجود هون انا عم تفهمي …
بتشوفو كيف معصب وخلاقو طالعة بسبب يلي صار …
جود: خدي شربي هي …
ملاك: طيب …
بيقعد بشغل سيكارة وبدخنها بشراهة وعم يشرب قهوة وهو ساكت …
ملاك بتحط الكاسة ع جنب وبتفك المنشفة عن راسها لتنشف شعرها …
جود بيطلع عليها وهي عم تنشف شعرها بدها تمشطو …
جود :بدك تمشطيه …
ملاك :اي مي لانو بدي ارفعو …
جود:استني شوي …
بيروح بجيب المشط وبقلا …
جود: انا رح اعملك ياه …
ملاك: لا ما بدي غلبك معي هلق انا بعملو …
جود: سكتي احسن …
ملاك :ما بترد وبتدير وجها …
بيمسك شعرها بين ايديه وببلش يمشطلا ياه شوي شوي …
ملاك: في مقص هون …
جود: شو بدك بالمقص …
ملاك: بدي قول ل سيمازا بلكي تقصلي ياه …
جود: بلكي ابتلي فيكي …
ملاك: شو يعني …
جود: خليني شوفك مقربة المقص ناحك صدقيني لخلي القيامة تقوم عليكي تقصو قال …
ملاك: طيب شوب وانا مو خرج ضل مشطو بتعبني …
جود: انا بمشطو ريحي حالك عم تفكري كتير واكبر من حجمك …
ملاك: ما بعرف شو مشكلتك معي …
جود: ملاك سكتي وكل شي بخير …
ملاك: اي هي العادة …
بمشطلا ياه وبتضبو هي وبيفتل بيقعد قبالها …
جود: رح اتصل باهلي …
ملاك :ماشي …
بيتصل بأهلو جود …
ام غدير: غدير هات التلفون من عندك …
غدير: هي جود …
ام غدير: هات لاحكي معو…
غدير: طيب خدي …
ام غدير بتفتح الخط …
ام غدير: الو …
جود: كيفك ماما …
ام غدير: الحمدالله ابني وانت كيفك كيفا ملاك …
جود: الحمدالله نحنا بخير طمنونا عنكون …
ام غدير: والله بخير الحمدالله مبارح ولدت مرة اخوك …
جود :عنجد …
ام غدير : اي والله وجابت بنوتة ماشالله عليها متل فلقة القمر …
جود: اي الحمدالله ع سلامتها يارب كيفها الصغيرة …
ام غدير: الله يسلمك يا امي ع قبال ما شوف وكحل عيني بشوفة ولادك …
جود: الله يسلمك يارب …
ام غدير: وين ملاك مو حوليك …
جود: ليكها قبالي اليوم المسا عمليتها …
ام غدير :بالله…
جود: اي حددناها ورح نعملها الصبح بكير …
ام غدير: ياعمري عليها يلا ان شالله بتتعافى ع خير …
جود: الله يسلمك خدي احكي معها…
بيعطيها الموبايل …
ملاك: الو …
ام غدير: كيفك يا عمري شو اخبارك …
ملاك:الحمدالله بخير الله يسلمك كيفون هديل وسمر وعمي ومحمد وغدير …
ام غدير :والله كلون بخير داعينلك بالسلامة …
ملاك :الله يسلمكون يارب …
ام غدير: هديل ولدت وجابت بنوتة ع قبال عندك …
ملاك: ما شالله الحمدالله ع سلامتها …
ام غدير : الله يسلمك وانتي شدي حيلك بقى بدنا تطيبب وترجعي اقوى من اول …
ملاك: ان شالله ،ستي عندك …
ام غدير: اي ليكها هون …
ملاك: عطيني حاكيها لو سمحتي …
ام غدير: طيب حبيبتي …
بيندهو ل ام منذر …
ام منذر: اي…
ام غدير :ملاك ع الخط وبدها تحاكيكي …
ام منذر: يي يقلبي عليها …
بتاخد لتحكي معها …
ام منذر: كيفك يا عيون ستك …
ملاك: الحمدالله تيتة انتي كيفك كيفا شام ان شالله مرتاحين …
ام منذر: يا عمري انتي لا تاكلي همنا نحنا الحمدالله بخير انتي طمنيني عنك …
ملاك: الحمدالله تيتة بدي قلك انا عمليتي بكرا …
ام منذر: تؤبري قلبي يلا شدي حالك عيوني …
ملاك: ان شالله تيتة ادعيلي …
ام منذر: يا قلبي انتي لا تتوتري اهدي بعدين جود معك خليكي قد حالك انا هيك بعرفك …
ملاك: ان شالله تيتة …
ام منذر: لا تخلي بالي عندك ملاك وانسي كل شي وركزي بيلي جاي تمام تيتة …
ملاك: حاضر تيتة ان شالله …
ام منذر: الله يرضى عليكي وين جود …
ملاك: هون …
ام منذر: هاتي …
بتعطي ملاك التلفون ل جود …
جود: اي خالتي
ام منذر: دخيل عينك كيفك …
جود: الحمدالله بخير…

ام منذر: جود ابني يخليلك حبابك ملاك بتخاف …
بقاطعهاجود بكلامو وبقلا …
جود: لا تاكلي هم خالتي بعرف شو بدك تحكي اعتبري ان شالله مرق كل شي ع خير …
ام منذر: الله يحميك لشبابك يا ابني هاد عشمي فيك …
جود : الله يسلمك خالتي …
ام منذر: يلا ما رح اخرك اكتر من هيك انا بعرف حالي عاطية بنت ابني لابن اصول واكيد رح يخاف عليها اكتر من حالو …
جود بيرمق نظرة ع ملاك وبقول …
جود: اكيد بعيوني …
ام منذر : يحميون يلا بخاطرك ابني …
جود: الله معك خالتي …
بتسكر الخط معون …
جود: ملاك ضلي مرتاحة هلق لارجع من الشركة مناكل وبعدا منطلع تمام …
ملاك: تمام …
جود: اذا بدك شي واعتزتي شي دقيلي تمام …
ملاك: ماشي بس....
جود: بس شو …
ملاك: ممكن لا تتاخر …
جود: (بنظرة عم تلمع) :ليش قليلي …
ملاك :انو هيك عادي كمان منشان المخلوقة بدها تروح لبيتها …
جود: طيب لا تاكلي هم بدك شي هلق …
ملاك: لا سلامتك …
جود: بخاطرك …
بياخد جود غراضو وهو طالع بمر ع المطبخ بقول …
جود: (بصوت واحد) :سيمازا …
سيمازا: نعم يا بيك …
جود: انا طالع ديري بالك بغيابي واذا صار شي دقيلي بسرعة …
سيمازا: حاضر يا بيك…
جود: يلا كملي شغلك سلام …
بيطلع جود برا البيت باتجاه شركتو وبتضل ملاك قاعدة وعم تتفرج ع الشاشة بتصفن للحظة وبتقول بينها وبين نفسها …
ملاك :انا غبية ليش قلتلو لا تتاخر ويتاخر شو دخلني انا صايرة عم خبص انا بس المصيبة ولله ما بعرف ع قد ما بحب شوفو قبالي ع قد ما جبروتو وهيبتو بتخليني هابو يلا هلق احسن شي ركز هون بلا هالتفكير هاد ……
رهف بتتصل ع موبايل سيمازا …
سيمازا بتركض بتحكي ورا الباب …
رهف: شبك يعني بدك واسطة لتردي ع التلفون …
سيمازا: مو هيك يا خانوم بس ما بدي حدا يحس علي من اهل البيت…
رهف: هلق بلا علاك وخبريني شوفي مافي …
سيمازا :ولاشي عملت يلي قلتيلي عليه بس لو تشوفي كيف بس سمعا عم تدق الباب وهو نازل من غرفتو جن جنانو وطار فتحلا الباب ولهفتو عليهها قوية …
رهف :(بانزعاج) اي وبعدا …
سيمازا: ولاشي طلعها شربها حليب ومشطلا شعرا وطلع لشغلو وكان عم يحكي مع اهلو وقال انو اليوم بالليل رايحين يعملو العملية …
رهف: عملية شو …
سيمازا: بالضبط ما بعرف بس ع الاغلب عملية ل مرتو وعلاجها …
رهف: برافو وشو كمان …
سيمازا:وبس هيك بعدا طلع ع شغلو ونبه علي دير بالي عليها …
رهف: ممتاز الحكي هي الاخبار يلي بتنسمع المهم ركزي بشغلك ولا تخليه يحس وبس قلك شي بتعمليه …
سيمازا: امرك يا خانوم …
رهف: يلا كملي سلام …
بتسكر مع سيمازا وبتقول …
رهف: كل هالقد خايف عليها اي بسيطة منشوف وقت تروح. كيف رح تخاف عليها …
وصل للشركة وهو عم يشتغل ويعطي اوامرو بكل حذر ودقة …
جود: يلا تحركو انت وياها ع جميعة *** جيبو هدول المكتوبين …
الشباب والصبايا:امرك يا بيك …
جود: انت تعا لهون …
الشب عم يشتغل مو فاضي …
جود: (بعصبية) لك انتتت تعااا لهون عم حاكيك …
بيلتفت الشب ل جود …
الشب: امرك يا بيك لا تواخذني بس كنت عم دقق بالوراق …
جود (بلا فزلكة ركز معي )بتاخد هدول ع مكتب التدقيق وبتنادي ل ساهر بطريقة مر عليه بكون بقسم المشروع تحت …
الشب: امرك يا بيك …
بيطلع من عندو وبيعمل يلي طلبو وبنادي لساهر …
قعد ورا مكتبو ورفع عن زنود ايديه ووبلش يوقع ع الوراق يلي لازمهون توقيع …
السكرتيرة: وهي يا بيك ……
جود: غيرا …
السكرتيرة: وهي …
جود بحط ببلش يوقع ليصدرو يشتغلو …
وبضل ع هالحالة ليدخل ل ساهر لعندو …
ساهر: جود …
جود بدون ما يطلع عليه بقلو …
جود :تعال فوت ساهر …
بيدخل ساهر لعندو وبيقعد …
ساهر: يا زلمة شبك عم تشتغل وتقول بكرا اخر يوم …
جود :لك بسفرتي لعند اهلي مخربين الدنيا وهلق عم وقع ع الشغلات الضرورية ثانية بس …
ساهر:ماشي …
بيخلص عليه كل شي بقدرتو وتركيزو ودقتو العالية بالشغل بينهي عليه وبقلا…
جود: خالصين وانتي بتعرفي شغلك برا …
السكرتيرة: اي اكيد يا. بيك …
بتطلع لبرا وبضلو هنن الاتنين سوا …
ساهر: اي ما قلتلي شو قال طالبني …
جود :اي كان بدي اسالك عن مقصوفة الرقبة رهف…
ساهر: ههه قديشك حاقد عليها …
جود: لو علي والله لخلص عليها بس نفدت بريشها …
ساهر: اي اهدى اصلا ماعد بينت بعدين في حدا بياكل كف متل فراق الوالدين وبدك ياه يضل عندك ويرجع …
جود :هو لا بس انا بدي ياها ترجع لاشفي غليلي منها …
ساهر: هههه اي روق وهديلي اعصابك ما قلتلي كيفها ملوكة…
جود برفعة حاجب بقلو …
جود :شو هي ملوكة …
ساهر: اي ليش شو فيه …
جود :ركز بكلامك هي يلي عم تغنجلا بأسما بتكون مرتي فهمان …
ساهر: روق ولو بعدين شبك ما عم تتحمل حدا يحكي عنها حرف …
جود: شو يحكي مستوعب حجم هالكلام …
ساهر: اي بس انو لا تقلي عشقانها …

جود :شو دخل …
ساهر :شوف لقلك هالبنت غيرت فيك كل شي انت حاببها طلع بعيونك بالمراية شوف كيف حاببها عيونك فاضحتك …
جود: ماني خجلان لو حابب بحكي …
ساهر: طيب قلي بتحبا ولا بس هيك …
جود: بعتقد بكير ع هالكلام …
ساهر: وليش بقى شو ناطر بس تروح من ايدك مثلا …
جود: شو تروح هي مرتي …
ساهر: صارحني جود ممكن معليش لمرة وحدة شيل كبريائك وحاكيني بصفتك انت …
جود:اي طيب شو بدي احكي …
ساهر: عم تحس شي تجاه البنت …
جود بيسكت بيتذكر كيف حضنها وباسلها جروحها ومشطلا شعرا. وبقول …
جود :مو حب بس انو يمكن صار عندي حدا اهتم فيه …
ساهر: افترض بعد ما اتعالجت قالتلك بدنا نترك …
بحس حالو اختنق وبشد ع قبضة ايدو وبقول …
جود :ما بعرف هي مالها شي معي بس تفاصيل هالمخلوقة غيرتني مابعرف بس بعتقد لهداك الوقت بصير حكي تاني …
ساهر: ما رح اضغط عليك اكتر ارتاح بعدين بدون ياك بالمشفى وغير هيك لازم تكون معك ملاك كرمال العملية …
جود: بعرف يلا بسيطة …
ساهر: تشرب قهوة…
جود: اي بشرب …
ساهر :اي تكرم …
جود: الله يكرمك …
بيقعدو يحكو شوي بتفاصيل الشغل وهنن عم يشربو قهوة ……
ببيت ام غدير الكل مشلوش بالبنت الصغيرة …
هديل : هههه لك عطوني بدي طعميا …
محمد: مرة اخي البيبي ايمت بيمشي …
هديل: بكرا…
محمد: عنجد …
غدير: يا ذكي هات البنت كيف بدا تمشي وهي ما صرلا الا كم ساعة خلقانة…
محمد: اي والله عم قول شو هالسرعة يا روح عمك انتي …
سمر: يالله ايمت بدا تمشي ونصير ننغايها …
ام غدير: ياويلي عليكون ع هالعقل يا سمر ومحمد بعمركون مو شايفين بيبيات …
ابو غدير: ههه تركيون مبسوطين فيها …
غدير بقوم لعندون بياخد البنت لتطعميها هديل …
غدير : جننوكي يا بابا …
سمر: شو بدنا نسميها …
محمد: حلا …
غدير: اوركيد …
سمر: لا لا ملاك ع اسم مرة جود …
هديل: اي والله حلو.
ام غدير: انا ماعندي مشكلة …
غدير : اي ليش لا مو غلط اسمها وهي ما شالله حلوين …
ام غدير: ع سيرة ملاك بكرا الصبح عمليتا …
غدير :واو بهالسرعة …
ابو غدير :يلا الحمدالله المهم تتعافى …
الكل: اي والله …
وبضلو قاعدين عم يحكو …
شام: لا والله حبيبي بدي كمل دراسة كنت عم اكل مع ستي …
عصام: ماشي حبيبي ومتل ما قلتلك لابقى تاخدي ع كلامو ل حسام لانو طايش …
شام: لا تاكل هم انسى اصلاً اتعودنا عليه هيك …
عصام: اي يؤبرني الفهمان …
شام: (بخجل) بعيد الشر عنك …
عصام: يلا حبيبي رح سكر انتي اهتمي بحالك اتفقنا …
شام: حاضر …
عصام: يلا باي …
شام: باي …
بتطلع شام لعند ستها لبرا بتلاقيها عم تقرا قرآن …
شام: فيكي شي تيتة …
ام منذر:لا حبيبتي بس كنت عم اقرا هالكم اية ل ملاك بكرا عمليتا …
شام: عنجد طيب كيف عم تحكي معا وانا بدي حاكيها …
ام منذر: بحكي معها وقت عم كون عند بيت ابو غدير لانو لهلق ما عملت موبايلا بلكي ان شالله بتعملو وبتصيري تحاكيا …
شام: ان شالله يا عمري عليها هي بتخاف من العمليات كيف رح تفوت …
ام منذر: اي حكيت ل جود بس كانو ملاك مخبرتو بهالشي لانو قلي لا تاكلي هم …
شام: يلا ان شالله خير يارب وتقوم بصحة وعافية وتصير يلي بتتمنى …
ام منذر: امين يا تيتة …
شام: طيب تيتة انا فايتة كمل دراستي بس بدك شي ناديلي …
ام منذر: ماشي الله يرضى عليكي…
بتدخل شام لتكمل دراستها. وستها بتكمل قراءة قرآن ……
عم يمر الوقت والنهار. بدا عم يخلص …
ملت وهي قاعدة …
سيمازا بتجي لعندا بتقلا …
سيمازا: محتاجة شي يا خانوم …
ملاك: لا حبيبتي سلامتك …
سيمازا: الله يسلمك…
ملاك: بالمناسبة انتي شو بتقربيا ل نغم …
سيمازا: بنات عم …
ملاك :اي يخليكون لبعض.…
سيمازا: البيت حلو وتصميمو كتير فيو دقة …
ملاك وهي عم تطلع ع البيت بتقول …
ملاك:اي جود شكلو بحب هيك …
سيمازا: لا تواخذيني ع سؤالي بس كانك ما بتعرفيه للبيك…
ملاك :بسيطة اي ما صرلنا متزوجين …
سيمازا:يعني عن حب …
بتصفن ملاك وبتجي لترد بتسمع صوت الباب انفتح …
ملاك:(بلهفة) هاد اكيد جود …
بيدخل جود بلاقي ملاك عم تطلع باتجاه الباب وسيمازا واقفة من جهتها …
بكمل دخولو وهو شايف عيون ملاك عم تضحك …
جود: مرحبا …
سيمازا: اهلين يا بيك …
ملاك: اهلين …
جود: الاكل جاهز …
سيمازا: اي يا بيك …
جود: اكلتي …
ملاك : لا كنت ناطرتك…
جود: ليش ما اكلتي …
ملاك: ما بعرف قلت بنطرك …
جود :افترضيني تاخرت …
ملاك: اي بضل بنطرك …
جود مستغرب منها وبنفس الوقت مبسوط بأجوبتها وبقلا …
جود: طيب طالع بدل وانتي حضري الاكل …
سيمازا: حاضر يا بيك …
بيطلع جود ببدل تيابو وبغسل وبينزل لعندا …
بحط البشكير ع جنب وبيقعد جنبا …
جود: اي ما قلتيلي كيف قضيتي وقتك اليوم …
ملاك: لا بأس فيه يعني مافي شي جديد …

جود: اي يلا هلق رح ناكل ونجهز حالنا اتفقنا …
ملاك :دغري بهالسرعة …
جود: اي ليش …
ملاك: ما بعرف بصراحة قلبي قامطني …
جود : من شو …
ملاك :ما بعرف …
جود: طيب هلق شيلي كل هالافكارر من راسك وخليكي ايجابية لنقدر نحكي …
ملاك: طيب متل مابدك …
بتجي سيمازا وبتقول …
سيمازا: الاكل جاهز …
جود: ماشي …
بقوم جود وبياخد ملاك ليقعدو ياكلو …
جود: يلا كلي لشوف …
ملاك: اي …
ببلشو اكل وكل واحد ملتهي بصحنو …
ملاك: (بنفسها) شبني انا عم اتقلب
ليش هيك عم يصير معي خايفة يبعد عني ما بعرف بس اكيد هو عم يعاملني بهالطريقة شفقة خلص لازم شيل اي فكرة بتقرب ناحو …
بعد مدة صغيرة وهنن عم ياكلو …
بخلص جود وبغسل وبيرجع بشغل سيكارة وبيشربا …
ملاك: سيمازا ممكن تساعديني بدي غسل …
جود: خليكي مكانك انا بساعدك …
سيمازا: امرك يا بيك ملاك: ارتاح انت خلص انا بتصرف …
جود: انتي ريحي حالك بدون ولا صوت …
ملاك: بس …
بيطلع فيها جود نظرة بترهبها وبتسكت …
بحط السيكارة وبقوم بيرفعها من خصرها وهو لاففها من بطنها بايد وبالايد التانية ماسك ايديها …
بياخدها شوي شوي وبوقفها ع المغسلة وهو حاضنها من ورا وعم يقلا …
جود: يلا غسلي هي انا ماسكك …
دقات قلبها عم يرجفو من نفسو يلي عم يضرب برقبتها واحساسها عم يختلط ببعضو …
عم تغسل وهو لافها بايديه
بقرب قصدا من رقبتها وبشمها وهو مغمض عيوني وبيتنقل بقرب وبشم شعرها وهو هيمان بتفاصيلها وضامها بين ايديه بكل حنية …
بتخلص ملاك وبتقلو …
ملاك :جود جود انا خلصت وين ليش ماعم ترد علي …
بيبعد وبينفض راسو وبقلا …
جود: اي يلا نشفتي …
ملاك: اي …
بياخدها وبقعدها ع الكرسي وبقلا …
جود: يلا لازم نطلع للمشفى …
ملاك :(ببتنهد) اي متل مابدك …
بتجي سيمازا: انا لازم امشي يا بيك …
جود: ماشي الله معك …
سيمازا: بالاذن …
ملاك: الله معك …
بتطلع سيمازا. من البيت وبتتصل ب رهف …
رهف: اي سيمازا شوفيه …
سيمازا: هنن طالعين ع المشفى …
رهف: متاكدة …
سيمازا: اي اكيد ليكون رح يلبسو انا هلق خلصت دوامي وانصرفت …
رهف: ممتاز يلا انتي روحي ع بيتك وانا بتصرف بالباقي …
سيمازا: امرك يا خانوم …
بتسكر الخط مع سيمازا وبتروح بتلبس تياب سودة بالكامل ……
رهف: اليوم هو اليوم المراد هههههه …
بتجهز حالها وبتبلش خطتها ……
بيطلعو كل من جود وملاك ل يلبسو …
ملاك: جود ممكن تعملي السحاب من ورا ماني قدرانة طولو …
جود: دقيقة بس عم اربط البوط …
ملاك: طيب ماشي …
بخلص ربط البوط وبدور لعندا وبقلا …
جود: ليش لابسة هاد …
ملاك :احسن واريحلي …
جود: طيب مسكي هي خليها ع زند ايديكي …
ملاك :ما بدي حطها ما بتطلع حلوة …
جود: (بعناد) : لا حطيها احسن …
ملاك :جود ما بتلبق مع التياب …
جود: ملاك لا تطلعي خلاقي …
ملاك: ماني لابستا …
جود: عندك خل من الحلين بتبدلي تيابك او بتحطي شي ع زند ايديكي …
ملاك: شو مشكلتك انت بلبسي …
جود:(بصوت مرتج قوة) لك انتي مرتي شبك يعني تطلعي هيك والكل يشوفك شبك بعدين جسمك ما بصير ينكشف انا هيك بدي وبدي تسمعي كلامي …
ملاك: بس جود …
جود: بدون بس استهدي بالله ولبسي هالجاكيت الكنزة هي مو مناسبة …
ملاك: طيب ليش هيك عم تعاملني …
جود: هففف يا امة الله على عقلك انتي فهمي عليّ
نحنا رايحين ع مشفى هالحفر هاد ما حلو وغير هيك دكاترة اشكال الوان والشاطر يلي بدو يطلع لهيك بلا ما نبتلي بشي واحد بالمشفى بسبب هاللبس صح …
ملاك بتنزل راسها وهي عم تلعب بايديها بتقلو …
ملاك :طيب ممكن تعطيني هداك البضي والجاكيت الابيض …
جود وهو معصب …
جود: يلا …
بجبلا ياهون وبيفتح الخزانة بضب تيابو كرمال تقدر تلبس بدون ما تخجل منو …
بتخلص ملاك وبتضفر شعرها وبتنزل خضل من الجوانب …
ملاك: انا خلصت …
جود: طيب …
بيطلع عليها وبشوف كل شي تمام بياخدها وبينزل فيها تحت …
جود: انطريني طالع شغل السيارة وجاي …
ملاك: ماشي …
بيطلع جود بشغل السيارة وبيتصل تلفون …
ساهر: اي جود …
جود: نحنا جايين ع المشفى كل شي تمام …
ساهر: اي كلو تمام …
جود : يلا شوي ومنصير بالمشفى …
ساهر: ماشي بس شبو صوتك مو ع بعضو …
جود: لك ولاشي …
ساهر :بالله شبك …
جود: ولاشي هي ملاك عيطت عليها …
ساهر: هه ليش …
جود: هيك بتجبرني عصب عليها لابسة كنزة ماعجبتني وضلت تعند ما بدها تبدلها وطلعت خلاقي عليها قام بدلتا …
ساهر: اي طول بالك يا زلمة شو عمرها يعني خليا تلبس يلي بدا ياه …
جود :بالله لانو مافي وراها حدا لخليها تلبس ع كيفها وخلي العالم تطلع عليها كيف ما كان والله بقلع عيونو يلي بشوفو عم يرمش رمش الها …
ساهر: هههه دخيل الغيران …
جود: ساهرر …
ساهر: طيب ناطرتك …
جود: ماشي.
بيسكر الخط مع ساهر وبيطلع لعند ملاك لينزلها للسيارة ……

جود :يلا لازم نروح …
ملاك :ماشي …
جود بقرب ليمسكها بتبعد ايدو…
جود: شبك يعني كيف بدك تنزلي …
ملاك: هيك بنزل لحالي
جود: شبك …
ملاك :ولاشي …
جود: الله يصبرني على هالنهار …
ملاك: خلص مو مجبور تعالجني ماعد بدي رجعني عند اهلي …
جود: ملاك بلا جنان …
ملاك: وين الجنان …
جود: لا تضلي تحكي …
ملاك: بدي احكي ع طول انت بتحكي وبتخليني ساكتة …
جود: طيب شو بفهم من كلامك هلق …
ملاك بعيون دامعة …
ملاك: يعني وقت بدك تعيط لاقي غيري وعيط عليه واضرب قد ما بدك اصلا ماعد بدي احكي معك …
بيفهم جود انها متدايقة منو …
بتنزل راسها وبتصير تمسح دمعتا وملامح وجها بتحّمر. …
بينزل ع ركبو قبالها وهي دايرة وجها لجهة تانية …
جود : هلق معليش حاج تبكي…
ملاك: ما دخلك …
جود: انا دخلني بكل شي …
ملاك :لا ما دخلك ومافيك تمنعني ابكي …
جود: انا زوجك ودكتورك وفيني اعمل كل شي …
ملاك: لا مانك زوجي …
جود: هههه (بيضحك جود ع كلامها الممزوج بعناد وبكي)
ملاك: اصلا هي الشاطر انت فيه تبكيني وتضحك…
جود: انا
ملاك: جود ماعد بدي احكي معك …
بنزل ايديها ووبتجي لتبعدون بشد عليون جود …
جود: اهدي …
بتطلع فيه وبيرفع ايديه لوجنتيها وبيمسحلا دموعها بايديه …
ملاك: ما طلبت منك تمسحون …
جود: (بكل هدواة لاول مرة بقول) انا ماني ناطرك تحكي لامسحون انا بمسح يلي ببكيكي انتي عندي كل شي وانا لو مو خايف على انو حدا يطلع عليكي ما بقلك بدليها ولو ما بتهميني ما بقلك شي كنت تركتك تعملي يلي براحتك …
ملاك بتسكت وهي عم تسمع كلامو …
جود: يعني هالدموع انا ما بحب شوفون تمام لهيك لابقى تبكي وعرفي اني لما بزعلك بكون منشانك مو منشاني …
ملاك: (بغصة وخنقة بتقلو) اي بس انا ما بدي شفقتك عليّ مافي داعي تحس بالشفقة تجاهي انا بعرف سبب زواجنا لهيك مانك متضطر تمثل ع حالك وعلي بانو هالشي محبة من جواك …
بيصفن بكلماتها وبقلا وهو شادد ع الكرسي وعلى مقبض ايديها …
جود: (من بين سنانو) انا بعمري ما اتصرفت مع شخص على انو شفقة انا دكتور وانسان واذا ممكن حدا يحس بوجع التاني غير الدكتور الك حق تلوميني
بس حطي ببالك اني ماني شفقان عليكي انا ....
بيسكت وبقوم بدير الكرسي وبياخدها تجاه السيارة بركبها فيها وبحط حزام الامان الها وبيركب جنبا وبيطلع عم يسوق بسرعة ……
طول الطريق وكلامها عم يتردد ب اذنو …
جود (بنفسو) :انا. ما بعرف شو صرلي متغير كتير ولا مرة كنت بهالحالة وبهالموقف لازم ركز ع يلي انا فيه الظاهر احسن حل …
خلف المشفى كانت عم تترتب لحظة غريبة …
رهف: سماع لقلك هالحكي ما بينفع معي لازم انا ادخل وبايدي اعمل هالشي فهمان …
مجهول: بس هالشي صعب ومرحلة متل هيك وخصوصي زوجة دكتور بتقوم القيامة علينا بالمشفى …
رهف:بتمسك ايديه وبتحط فيون مبلغ مصاري …
رهف: وهيك بتدبر ولا لا …
مجهول: طيب ماشي بس شو ما صار انا ما دخلني …
رهف: ما عليك …
مجهول: طيب رايح رتب الامور …
رهف: طيب ناطرة تلفون منك بس يصير كل شي جاهز …
مجهول: اوك…
بيطلع يرتبلها الاعمال بالمشفى …
رهف: هاد يلي لازم يصير ومن الاول جسيت نقطة ضعفك وهلق رح اعدملك ياها ع الخالص.
وبتضل واقفة عم تتوعد وتنطر كل شي جاهز لتعمل عملتها …
وصلو للمشفى …
بينزل من السيارة وبينزل بنزلها …
بتخبط رجليها بالارض
جود من عصبيتو ما بشوف شو يلي صار …
ملاك: جود استنى لحظة …
جود: بعدين منحكي…
بيجي ليمشي الكرسي بتشحط رجليها بالارض وبتتجروح …
بتعلي صوتها وبتقلو …
ملاك: لك جود رجلي عم تقحط بالارض.رد عليي …
بينتبه جود الها وبقف دغري وبيفتل لعندا …
جود: شو صرلك …
ملاك بتتجمع الدموع بعيونا وبتقلو …
ملاك: لهدرجة كرهان تسمع صوتي حتى ما عد اهتميت اذا دقت رجلي بالارض …
جود: ملاك انا …
ملاك: خلص لا تحكي شي جود استنى لحظة بس لارفع رجلي عن الارض
بيجي ليساعدها بتبعدلو ايدو وبترفع رجليها…
ملاك: فيك تدخل…
بيسكت وبقوم بيمشي فيها وهو ماقدر يوضحلا وانو ما انتبه …
بيدخل للمشفى بكل هيبة والكل عم يسلم عليه ويعطيه الاحترام والتقدير …
بشوفو ساهر بالاستعلامات …
ساهر: جوود…
بيفتل بشوفو وبوقف …
ساهر: مرحبا كيفكون …
جود: اهلين …
ملاك: اهلين …
ساهر: منيح وصلتو ع الوقت رح نبعت ملاك ع الغرفة ليجهزوها ويعملولا شوية فحوصات وانت جود تعا معي كرمال تشوف المرضى هدول الك كم يوم ما مريت عليون وعطوني خبر قلك …
جود :طيب ماشي …
ساهر: جنان تعالي …
جنان: نعم دكتور …
ساهر: خدي المريضة ع الغرفة 211 هنيك الدكتور سوار والممرضين عندا وانتي خليكي معا …
جود: شو عم يعمل الدكتور سوار هنيك …
ساهر: لك مو هو المسؤول عن العملية تبعا اجباري لازم تشوفو وتلتقي فيه …
جود: طيب بطلع معها بخلص كل شي وبنزل لعندك …