رواية ;عالم الظلام [ المتاهة ] ،،،

الموسم ;الثاني

بقلمي ; براءة نجار

الجزء ;السادس عشر ( 16 ) ،،،،

"""""""""""""
وصل بسيارته لقدام بيتها وترجل من سيارته ومشي بكل غرور طبعاً بعد ماتعقب امجد من اشارة التعقب وعرف وين ممكن يكون وطال متل شنتة صغيرة ومشي ناح البيت وبلش يرن ع الجرس، ،،

""""
جوى كان الوضع مابيطمن والكل عم يتخانقو وامجد عم يصرخ عليهن ليسمعو صوت رنة الجرس تطلعو الكل في بعض بصدمة، ،،

اركان ; ناطرين حدا

افنان ; الكل هون

وقف مراد وحكى ; انا رح افتح

ليمار ; لا انت خليك انا بشوف مين

ومشيت ليمار ناح الباب وتطلعت من العين الساحر لتشوف عتمة مافي حدا، ،،

استغربت ليجي اركان من وراها ويحكي ;شبك

ليمار ; حدا حاطت ايده ع الناظور

مسكها اركان من ايدها وزاحها ;بعدي لشوف، ،،

ليفتح اركان الباب بسرعة وينصدم في يلي موجود ع الباب ،،

زين بمكر ;مسالخير شو مافي تفضل ،،،

بقيو ليمار واركان صافنين فيه باستغراب وهوة صافن فيهن بمكر، ،،

""""""""""""
روسيا، ،،

كان قاعد بارضه وعم يلهث والدم عم يطلع من كل خليه من جسمه وايديه مقيدة بسلاسل حديد ومرفوعين لفوق، ،،

ليقرب منه ويتطلع فيه بشر ; وين جواد

تف قصي الدم من فمه وحكى ;قرب لقلك

قرب منه الشب وهوة ناطرة يحكي ليحكي قصي ;عند امك يا ابن ال***

نصدف ازار وبعد عنه لقصي وهوة صافن فيه بغل ليحكي ;شكلك بدك تموت من التعذيب انت

قصي بضحكة ;ههههه بكون ممنون، ،،

مشي ازار وهوة عم يفك قميصة ويرفع كمامة بمكر وطال متل عصاية حديد وبلش يمشيها ع الارض وهوة ماشي ناح قصي وعلى وجهو ابتسامة ماكرة، ،،

وقصي صافن فيه بقهر، ،،ليرفع ازار العصاية الحديد ويخبطو على وجهو لقصي فيها ليقلب قصي ويوقع والدم مغرق وجهو وازار صافن فيه بشر ;شبك بشوفك تلقحت خلص من اول ضربة هههههه

قصي بوهن ;هاد اخرك يعني، ،،

رفع ازار العصاي الحديد ونهال على قصي بالضرب بكل قوته وقصي رح يموت بين ايديه بس مافكر حتى يقاوم كان عم يعاقب نفسه وكانه عم ينتقم من نفسه بضربات ازار المميتة ع الي عمله بأخواته كان بدو يموت قبل مايشوف وحدة من اخواته عم تتعذب قدام عيونه غمض عيونه باستسلام وهوة متمني الموت يجيه بأي لحظة، ،،،

""""""""""""""""
قطع وعودة في بيت ليمار، ،،

كانو كل الموجودين قاعدين وصافنين في زين الي عم يشرب قهوته بكل رواق، ،،

رفع زين فنجان قهوته ورشف منه ونزله وشبك ايديه في بعض وحكى ;اكيد كلكن مفكرين اني جاي لكون ضدكن واحكي اني كشفت كلشي، ،،

اركان ;مابيهمنا شو بدك تعمل اعميل

زين ;ع القليل احترم اني اعلا منك رتب مو رتبة وحدة

اركان ;مابيهمتي

زين ;حلو انكن دخلتو الجيش بلواسطة بس هي شغلات بتصير كتير مو بس انتو وبالنهاية فيه اختبار وانتو نجحتو فيه بجدارة

امجد ;شو بدك زين

مد زين ايده وطال من السنتة الصغيرة الي معه متل كاميرا شكلها غريب شوي كانت صغيرة كتير لتصفن افنان بالكاميرا بتركيز، ،

حط زين الكاميرا ع الطاولة وحكى ; وقت صار انفجار المستودع وكنا رح نمشي حاولت لاقي اي دليل كرمال تثبت التهمة على اركان بس بعد مالاقيت هل كاميرا وفكيت الشيفرة وعرفت محتواها غيرت رئيي، ،،

قطب اركان حواجبه ; كيف يعني

زين ;ببساطة هي الكاميرا من 20 سنة مزروعة بهاد المستودع ومصورة كلشي صار فيه تقريبا وكانه فيلم طويل كتير بس انا بطبعي صبور كملت التسجيل وشفت كلشي من 20 سنة لهلق، ،

امجد ;شو شفت

ركى زين حاله ع الكنبة وركز بعيون اركان وحكى ;من لما اخدو اركان عليه وهوة صغير لوقت اركان قتل جلال وزيد، ،،

اركان ;،،،،،،،

زين ;الكاميرا عبارة عن الفلاشة الي نشرتوها وقصيتو منها المشاهد على كيفكن المشاهد الي قصيتوها انو اركان ومراد ووليد من عالم الظلام ومشهد موت امه لا اركان بحضنه كتير مشاهد قصيتوها كان ممكن تساعدكن وعلى فكرة الكاميرا لو وقعانة بأيد حدا غيري مستحيل يقدر يفك الشيفرة ويعرف شو محتواها، ،

افنان ;وكيف حضرتك فكيتها

زين ;الي مابتعرفيه يا انسة انو انا ضابط وبيقولو متل كل الضباط الي من نفس رتبتي بس انا ما تدربت متل الكل انا خالي اغيد وخااي غسان وجدي صهيب شخصيا الي دربوني يعني مافي شي بيصعب علي ولا شي بعرف كيف فك شيفرات صعبة وبعرف كيف فكر وما اتهور قبل ما اتهم حدا زور ووقت شفت اركان وهوة صغير شو كانو يعملو فيه وشفت البنات الي كانو يغتصبوهن رح اتخلى عم مهنتي هل مرا واتغاضى عن مقتل زيد وجلال لانه لو كنت مكانه كنت موتتهن ابشع ما موتهن بكتير كلنا بالنهاية بشر وكل واحد فينا اتربى بالطريقة الي هوة فيها واركان من الاساس بدي بالغلط وقت كان مع زيد بس عندي طلب وانا بأيدي رح ساعدكن لتلاقو المقنع بس بدون تهور واجرام والا هلئ بمشي ومابداخل بأي شي، ،،

ابتسم امجد وحكى ; مو من قليل بيقولو عنك ضابط ولا كل الضباط حضرة الرائد بس انا مابدي تفوت بهل متاهة مو مشان شي لانو هي المتاهة نهايتها ياقاتل يا مقتول، ،

زين بشجاعة ;بكون متت شهيد فدا مهنتي وحماية الوطن من هيك شبكة، ،،

اركان ;سيادتك نحن منعرف كيف نلاقيهن ونحاسبهن كمان انت طلاع منها

زين ;انت حر بس انا رح اطرح عليك فكرة

قطب اركان حواجبه وحكى ;الي هية

زين ; انت بتتذكر البار الي صارة فيه المعركة بزمانها

اركان ;اكيد

زين ;المقنع اله هنيك بنت بتساعده وهوة بيتردد عليه بلخفى

تطلع اركان في ليمار الي صافنة في زين وحكى ;قومي انتي طلعي لبرا

ليمار ;ليش

اركان ;لانو مصايبك مابتخلص هلئ بتفكري حالك بطلة قومية وبتشرفي ورانا ع البار

ليمار ;كيف عرفت

اركان ;والله بلعن الي نفضك هاااا لا تجني

ليمار: انت مادخلك

امجد ;لك خرسووو خرسوووو، ،،كمل حضرة الرائد

بقي زين صافن في ليمار ليحكي ; بصراحة الانسة ليمار تعاملنا معها قبل مرا وفعلا نجحت وقدرنا نمسك زيد، انا خطرت في بالي خطة

اركان ;لا يخطر على بالك لو سمحت وتكبرها براسها هية خلقة راسها كبير وبدو تكسير

ليمار ;مافي حدا راسه بدو تكسير غيرك، ،،

قرب زين وشبك ايديه وحكى ;اسمعوني عندي خطة كتير حلوة والانسة افنان كمان رح تكون فيها

قيس ;نعم

زين ;لك سمعوووني وبطلو تعلقو

اركان ;تفضل اتحفنا، ،،

زين ;الخطة انو ****

"""""""""""""""
رفع جواد تلفونه واتصل في لورين، ،،ونطر الرد ليجيه ردها ;الو

جواد ;لورين بتتواصلي مع امجد بدي شوفه ضروري، ،،

لورين ;في شي معلم

جواد ;ضيفي امجد ع المكالمة مابدي حدا يعرف انو نحن عم نتواصل،وسكري انتي الخط، ،،

لورين ;حاضر، ،،

ضافت فعلا امجد ع المكالمة ونطرو الرد، ،،

"""""""""""
عند امجد كان عم يتابع خطة زين معهن ليرن جواله تطلع بجواله باستغراب وقت شاف لورين مع رقم غريب، ،،عن اذنكن، ،

وقف امجد ومشي ناح المطبخ ليستغرب اركان وهوة صافن فيه،،ماقدر اركان يكبت فضولة ليلحقه لا امجد، ،

زين ;ع فكرة مابيصير تقتحم خصوصيات الناس هوة راح يحكي على انفراد مابده حدا يسمعه، ،

اركان ;متل ما اقتحمت خصوصيات عيلتنا

زين ;والله عيلتكن بتشرف كلها مجرمين

افنان ;سيادتك ركز معي وتركك منهن انا فيني ساعدك وكلامك كله صح وداخل المنطق

قيس ;لك كيف داخل المنطق عم يحكي رح يصير اشتباك انتي مجنونة يابنت بركي اجتك رصاصة طايشة

افنان ;انت شو دخلك خايف لا تروح

قيس ;انا خايف عليكي

افنان ;ماحدا طلب منك تخاف علي

زين ;لا تخافو امير والعناصر رح يحاوطو القصر ماحدا رح يتأذا وانا رح كون مع اركان وليمار كمان يعني مافي خوف هيك. ،

ليمار ;انا لهلئ مافهمت انا شو دخلني وليش لروح

زين ;انتي الطعم لا اله هوة اكيد بدو يتخلص منك

ليمار ;بس على حسب معلوماتي هوة عمي

افنان ; وزيد كان عمي كمان واذاني وطلب من رجاله يموتوني، ،،

ليمار ;،،،،،،،

افنان ;ليمار انتي وين عايشة كل هاد الشي الي صار معك ولساتك بتوثقي بالناس لاتوثقي غير بحالك لو سمحتي وبطلي تفكري بقلبك

زين ;تماماً انسة افنان كلامها صح ومية مية هوة صح عمك بس عنده استطاعة يقتلك ومايرفله جفن

ليمار ;شو غايته

زين ;يقهر اركان مثلا ويكسرو فيكي

ليمار ;،،،،،

مراد بملل ;اي خلاصة الكلام

زين ;انا حكيت معكن واتفقنا على كلشي بتمنى من هون لا اسبوع تكونو جاهزين وتاخدو احتياطاتكن احتمال يدخل البلد بغير هوية ومو احتمال اكيد، ،،

قيس ;فهمنا سيادتك بس مو حاسس انو وجود البنات مو مهم وخطورة عليهن يشاركو

زين ;اذا البنات ماكانو معنا صعب عم احكي هنن رح يكونو الطعم، ،،

تنهد قيس وهوة صافن في افنان الي عم تطلع في زين وتبتسم بفرح ; بيسعدنا نتعامل مع سيادتك

زين ;ولو انسة افنان فيكي البركة مشالله طلعتي اذكى ماتوقعت سمعت كتير عن ذكائك بس مافكرت هيك، ،

ابتسمت افنان ليوقف زين ويمدلها ايده ويصافحها وهوة مبتسم ;تشرفت كتير بمعرفتك انسة افنان، ،

افنان ;الي الشرف سيادتك

ليمار وهية صافنة فيه ;صحي سيادتك بدي اسألك سؤال

زين ;تفضلي

ليمار ;تزوجتو انت وسما

ابتسم زين وحكى ;تزوجنا وناطرين الازعر ع الطريق ههه

ابتسمت ليمار ;الف مبروك وسلملي عليها كتير لسما

زين ;لا تقبلي غير بعرسكن انتي والسفاح اجيبها لعندك تباركيلها بنفسك، ،،

تلاشت ابتسامة ليمار وحكت ;معناها بيكون ابنكن صار شب

ضحك زين وحكى ; ايمت ماكان بيصير، ،،يلله سمحولي ياجماعة صار لازم امشي، ،

وقفو ليمار وافنان وودعوه لزين وهنن مبتسمين وقيس قالب خلقته ومو عاجبه الوضع، ،،

""""""""
عند امجد، ،،

امجد ;شووو انت شو عم تحكي قصي كان معك

جواد ;عم قلك المقنع اخدو لقصي قدر يغدره ابن الحرام وخايف لا يعملو شي

امجد ;لك اااخ من مصايبك ليش لتتصرف من كيفك

جواد ;بلش العد التنازلي لرجوع زياد ع البلد ومو ناوي على خير

امجد بغضب ;والله حتى احسب الله ماخلقه

جواد ;انا خبرتك يمكن يستدرج ليمار ويقتلها عن طريق اخوها خلي اركان مراقبها ولا تغيب عن عينه لحظة، ،،

امجد ;سكر انا رح اتصرف، ،،

سكر جواد التلفون وامجد رح يفقع من الغضب ليلتفت ويتفاجئ في اركان راكي حاله ع الباب وعم يتطلع في امجد بقهر ;عم تحكي مع جواد

امجد ;ومن ايمت هل حركات ليش لتراقبني

اركان ;من ايمت منخبي على بعض

امجد ; من وقت فقدة السيطرة على حالك وبلشت تشتغل من كيفك وما تسمع الكلام، ،،

اركان بقهر ;شو الك حكي معه وليش لتهربو وتتستر عليه، ،

امجد بقهر ;لانه صاحب عمري ومافيني اغدر فيه اذا انتي بتغدر في مراد انا بغدر بجواد، قد ماغلط بيبقى رفيق عمري هوة نهايتو باينة ندم كتير ع يلي عمله معك وعم ينتحر ع البطيئ كرمال ينتقم الك من نفسه شو بدك اكتر من هيك ،،

ابتسم اركان بقهر وحكى ;شو يعني اشفق عليه وعم تسألني شو بدي اكتر ( نسب وقفته ومشي لعنده لا امجد ووقف مواجهته وحكى بكل قهر ) بدي سنين عمري الي راحت بعالم جواد الي رماني فيه، ،،

امجد ;،،،،

اركان بغل ;صدقني اذا هلئ بشوفه عم يموت قدام عيوني وحياتو بأيدي صدقني مارح ارحمه ورح راقبه كيف عم يموت ويطلع روحه رح اقعد وولع سيجارتي بكل رواق واستمتع في منظره وهوة عم يطلع روحي لانو مابظن انه يكون في متعه اكبر من اني شوفو عم يصارع الموت قدامي ههه، ،،

بقي امجد صافن في اركان بصدمة ليحكي ;شو كمية الحقد الي بقلبك انت

اركان ;هوة السبب هوة الي ربا الحقد بقلبي وبيستاهل كل كره وحقد بحسه اتجاهو ولسا قليل عليه هل حقد انا نحرمت من امي كل عمري بسببو مارح سامحه لو بموت مستحيل الفظ كلمة اني سامحته حتى، ،،

امجد ;،،،،،،

لتفت اركان وطلع من المطبخ وهوة بقمة غضبه ومشي وطلع من بيت ليمار متل الاعصار تحت انظار الكل ليستغربو وخصوصي ليمار، ،،،

ليطلع امجد بعده، ،،

ليمار ;شبو

امجد ;تركوه لحاله مقهور

بقيت ليمار صافنة في امجد بقهر، ،،

امجد ;يلله قيس خلينا نروح وانت مراد خود مرتك وعلى السويت بكرى منحكي تأخر الوقت، ،،

وقف قيس وحكى ;يلله عمي، ،

مشيو قيس وامجد ومراد اخد ريتاج ومشي وليمار وافنان وغزل قاعدين بصالة وصافنين في بعض، ،،

غزل ;رح تخاطرو بحالكن

ليمار ;متطرين لازم نضحي كرمال ننهي هل مهذلة، ،

افنان ;نشالله رح تنجح الخطة، ،،

لتصفن فيهن ليمار بشرود وتقرب من افنان وتحكي ;افنان

تطلعت فيها افنان بشرود وبلحظة وحدة متلا قلبهن بلحزن هنن التنتين، ،،

افنان ;ليمار بترجاكي اذا رح تحكي متل ماعم فكر سكتي

ليمار بغصة ;اذا متت ومارجعت من هل مهمة بدي ياكي تديري بالك على زينب بغيابي، ،،

غصت افنان بدموعها وحكت ; ليمار لو سمحتي ماتحكي هيك وبعدون لمين رح تتركينا نحن مافينا بلاكي ليمار بترجاكي ماتعملي هيك، ،

غصت ليمار بدموعها وحكت ;حاسة النهاية مارح كون موجودة معكن بس لو متت روحي مارح تفارقكن ابدا، ،،

غزل ;لك خرسي ولييي شو هل حكي هاد، ،

ليمار بغصة ;حاسة نهاية هالطريق مو منيحة وكأني مارح كمل للأخير معكن، ،

غصت افنان بدموعها وقعدة حدها لا ليمار وحضنتها بقوة وحكت ;مارح اسمحلك تتركيني ليمار انا ماعاد الي حدا غيرك بهي الدنيا صرت وحيدة تماماً، ،،

ضمتها ليمار بحزن وحكت ; رح كون معك حتى بعد مماتي

لتبعد عنها افنان وتضربها كف بقوة، ،،

بلشت ليمار تضحك متل المجنونة، ،

افنان بغضب ;والله بموتك انا هاا خرسييي خرسييي

ليمار ;خلص ولوو عم امزح شبك عاد ههههه، ،

غزل ;هلئ خلونا مبسوطين في شكل سموحة هههههه

افنان ;صحي شو رح تعملي مع غياث

ليمار ;رح نسلمه للأمن وهنن رح يعاقبوه

افنان ;للحظة فكرتك مجرمة ورح تقتليه ع الخالص، ،

ليمار ;لااا بيكون صار بين ايدين السفاح وليد مابيخبي عم اركان شي، ،،

افنان ;معناها الله يرحمه هههههه

ليمار ;بنات انا رح روح مشوار

افنان ;لعندو مو

ليمار ;،،،،،،

افنان ;سلميلي على صهري هههههه

وقفت ليمار وهية عم تزورها لا افنان وطلعت لبست وطلعت من البيت ونطلقت، ،،

""""""""""
وصلو ريتاج ومراد ع السويت الخاص فيهن ودخل مراد وهوة حامل ريتاج بين ايديه، ،،

ريتاج ;يا الله شو نعسانة بدي نام

رماها مراد ع التخت وبلش يتطلع فيها بمكر ;نعسانة لكن مو مشكلة حبيبي انا بصحيكي

ريتاج بدلع ;بتسخى فيني

مدد مراد فوقها وهوة صافن بعيونها وهمس ;خمس شهور بعيد عنك وكانو عدو علي عشر سنين مشتقلك كتير

ريتاج ;مرااد

بقي صافن بعيونها وهايم فيهم لينزل نظره ويثبته على شفافها ويقرب منها ويغمر شفافها في بوسة طويلة مليانة شوق وشغف وعشق لترفع ايديها وتغرزهن بخصلات شعره وتتفاعل معه بكل عشق وشغف، ،،،

""""""""""""""
بحديقة القصر، ،،

كان واقف وصافن بلفراغ وعم يدخن بشراهة وكانه قهر الدنيا كله بقلبه، ،،

ليسمع صوتها من وراه ;عم تدخن

لتفت جاد لتجي عيونه المدماية بعيون نورا الي صافنة فيه بقهر، ،،انت منيح

جاد بسخرية ;رواااق مافي احلا من هيك بصراحة

لتمشي نورا من قدامه وتقعد على الكرسي الخشبي الي بالحديقة وتحكي ; قبل عشرين سنة من هلئ نفس احساسك حسيته وقت خنتني مع سماح وبنفس المكان كمان كنت منهارة ع الاخر ومو مصدقة انو انت حب حياتي ممكن تفكر تخوني بلحظة، ،

جاد بقهر ;عم تشمتي فيني

نورا ;ابداً ماشمتت فيك بس برئيك مو متعة شوفك وانت عم تنكوي بنار الخيانة متل ماحرقت روحي وخنتني وبتتذكر شو قلتلي كمان جاد، ،

وقفت وقربت منه وتطلعت بعيونه وعيونها كلها دموع مابتعرف دموع قهر انتصار شماتة ماعاد تعرف تحدد شعورها بهي اللحظة لتحكي ;قلتلي الشرع حلل اربعة صح، ،،

جاد وهوة صافن بعيونها ابتسم بحزن وحكى ;انا مابعرف كيف فرطت فيكي نورا مابعرف بس الشي الوحيد الي بعرفه اني بعمر ماتطلعت في سماح متل مابتطلع فيكي بعمري ماعشقت حدا متل ماعشقتك برغم البعد والجفى ماكنا نشوف بعض غير وقت المشاكل صرت اتمنى حياتي كلها تكون مشاكل بس مشان شوفك صدقيني نورا انا دفنت حبك جوى قلبي ومانسيتك ولا لحظة حتى، ،

نورا وهية صافنة بعيونه بقهر ;لكن ليش خنتني

جاد ;كانت غلطة ونجبرت صلحها كرمال الولد الي في بطنها هاد ابني ماقدرت فرط فيه نورا، ،،

ابتسمت نورا وربتت على كتفه وحكت ;بتمنى تكون منيح جاد لو حتى بقينا منفصلين كل حياتنا رح تبقى رفيق طفولتي وابو ابني وصدقني قد ماحاولت اقسى عليك قلبي ماعم يرضى يسخى فيك، ،خليك حدو لسامر صار لازم امشي تركته غفيان بغرفته دير بالك عليه، ،،

هية اجت لتمشي نورا مسكها من ايدها جاد لتلتفت عليه وتطلع فيه ليحكي ; بتمنى من قلبي يصفى قلبك اتجاهي وتسامحيني، ،

نترت نورا ايدها من ايده وحكت ;تصبح على خير، ،،

ومشيت وغصب عنها نرسمت ابتسامة خفيفة على ثغرها وجاد صافن فيها بقهر، ،،،

"""""""""""""
على شط البحر ومع نسمات الهوى الباردة وحبات المطر الي عم تتساقط بخفة كان قاعد ع الرمل وبايده متل حجر صغير وعم يرميه ع البحر كانو عيونه عم يلمعو بلحقد والحزن والقهر والحنين، ،مارح حن هاد انسان حقير دمرني اي دمرني اذا بيموت قدامي مستحيل اشفق عليه شو ماعمل بكرهو اكتر شي، ،،( وغص بدموعه وكمل) حرمني حضن امي ياقساوة قلبه بس كيف عمل فينا هيك وضيعنا كييف، ،،

ماحس غير حدا قعد حده ع الرمل، ،لتفت بسرعة لتجي عيونه الي مليانة دموع بعيونها الي عم يلمعو بلهفة ;ليمار

ليمار ;كنت بعرف انك رح تكون هون، ،

غمض عيونه وابتسم وحكى بقلبه ;ويا الله ما احلا حنيتك ياليمار ونبرة صوتك الي كلها حنية، ،،

ليمار بحزن ;انت منيح

دار اركان وجهو وصفن بموج البحر وسكت، ،،

رفعت ايدها غصب عنها وكانه قلبها الي بلش يتحكم فيها هل مرا وحطت ايدها على كتفه بحزن، ،،

تطلع اركان على ايدها ورفع عيونه وصفن بعيونها وعيونو كلهن دموع وحكى بوجع ;ممكن تحضنيني

ماقدرت هل مرا ليمار ترفض لتفتحله ايديها وتبتسم بحزن قرب منها وحضنها بقوة وغمر راسه بشعراتها ونزلو دموعه بحرقة، ،،

ليمار بحزن ;احكيلي شبك ليش طلعت وانت مقهور

اركان، ،،،،،

سكتت ليمار وقت شافته ما بدو يجاوب وكانه متل طفل صغير بحاجة لحضن امه كان حضنها ملجئه الوحيد حنية الدنيا كلها فيه بلشت تطبطب على ضهرو بحنية وهوة عم يبكي بسكات بحضنها رفع ايديه وغمر خصرها بقوة وحكى بغصة ;بس خليكي حدي انا تعبان كتير، ،،

همست ليمار بحنية ;انا معك ومستحيل اتركك لو شو ماصار اركان، ،،

اركان بغصة وحرقة ;بدو ياني سامحه بعد ماضيع سنين عمري وحرمني من امي بدو ياني سامحه بعد كلشي عملو فيني ليمار تخيلي، ،،

بعدت ليمار عنه وحكت ;مين

اركان بقهر ;اب،،جواد مين يعني

ليمار ;بس هاد ابوك

وقف اركان بقهر وحكى ;وزيد كان ابوكي ليش ما سامحتيه ليش

ليمار بقهر ;وضعنا مختلف

اركان بصريخ ;لا مو مختلف فرق توقيت بس ليمار فرق توقيت انتي ابوكي رماكي بالميتم وانتي صغيرة وانا جواد رماني بعالم الظلام وانا بعمر ال 8 سنين لك تخيلي انو كان عم يراقب ابنه كيف عم يتحول لوحش بشري وكيف عم يتعذب تحت ايدين ناس مابترحم ولا نهزله شعرا ولا كاني ابنه

ليمار بغصة ;ابي قتل امي

اركان ;وانا نقتلت امي بسببه اناااا عشت بلا ام كل حياااتي بسببه مستحيل سامحه لو بدو يموت قدام عيوني، ،،

ليمار ;صدقني الايام كفيلة تصلح كلشي وابوك باين عليه ندمان، ،،

اركان ;مستحيل

لتفت وصفن في موج البحر بغضب وليمار عم تراقبه لتبتسم بمرح وتحكي ; لك لاتزعل ياحلو انت والله مو لايق الغضب على وجهك اصلاً شكلك كتير كيوت وكتكوت، ،،

تطلع فيها اركان وغصب عنه ابتسم ;بربك مرمطتي هيبتي بالأراضي كتكوت وكيوت، ،،

وقفت ليمار وبايدها كمشة من الرمل ورمتها بوجهو ليغمض عيونه ;يا بنت المجنونة، ،،

ليمار ;خليك هههههههه، ،،

فتح اركان عيونه وتطلع فيها ; يعني خلص صافي يالبن

قطبت ليمار حواجبها وقت تذكرت انو لورين كانت قريبة منه لتحكي ;لا مو صافي وقلبي مارح يصفى اتجاهك الا لا العن ابوك ع ابوها يا ابن جواد وهااا

ضحك اركان ;كل هلقد غيرانة منها

تخنصرت ليمار وبلشت ردح ;بلله شو لتكون مفكر عنجد اني غيرانة عليك ياا ولا من هديك عامود الكهربا فشرتو انت وهية ويلااا

فرط اركان ضحك ;هههههههه بعشق ردحك يا شبر الارض

ليمار ;ايوا ايوا ظهار على حقيقتك وقول انك حاببها لانها طويلة اي شو عليه ويونس طويل

تلاشت ابتسامة اركان وكز ع سنانه ;ليمار قلتلك لا تختبري صبري بهي الشغلات احسن ما شرحو قدامك هااا

ليمار ;انت بلشت

اركان ;لا انتي بلشتي بالعرس وقت وافقتي ترقصي معه لهداك الجحش

ليمار ;وانت مشالله لفيتها لحبيبة القلب وبلشت ترقصو رقصات حلوة ومميزة

اركان بمكر ;يعني بتعترفي انو انا ولورين لايقين على بعض، ،

جنت ليمار وهجمت عليه وصرخت ;رح موووتك يا كلب، ،،

وضربته براحات ايديها على صدره لوقع ع الرمل وقعدة فوقه وبلشت تحاول تضربه بعصبية وهوة ماسك ايديها وفارط ضحك، ،،

ليمار بقهر وهية عم تحاول تضربه ;هوة انت مفكر اني رح اتركك تتهنى مع هي عامود الكهربا ام وجه مربع انت ليلة امك سودا معي يا اركان انا بورجيك لك خليني اضربك لاتمسك ايدييي، ،

بحركة سريعة شدها اركان وغمرها من خصرها وقلبها لتصير تحته وهية عم تضربه بايديها ورجليها بعشوائية ;تركنييي ياحقيير ولييييي لحقووونييي عم يتعدا علي

اركان ;هههههههه لك هوائية والله هوائية ههههههه

ليمار بغضب ;اركااااان

ثبت اركان ايديها بايديه ع الرمل وحط رجله فوق رجليها لتثبت وهية عم تلهث ويصفن بعيونها الي ماليهن الغضب والغيرة ويحكي بعشق ;والله بحبك ومابحب حدا غيرك ولا بنات الدنيا كلهم بيسوو عندي ضفرك يا فصعونة، ،،

ليمار ;على فكرة انا كبيرة وناضجة ومو فصعونة ابدا ماناقصني غير شوية طول

اركان ;هلئ تركتي كل الكلام الي حكيته وركزتي في فصونه، ،وبعدون انتي ماناقصك غير تصيري ليمار اركان الشامي وتنكتبي على اسمي ( وغمزها بمكر) وتنامي بحضني ههههه

ليمار وهية صافنة فيه ;اركان

اركان وهوة هايم بعيونها العسلية: قلبه لا اركان

ليمار ;كأنك صاير منحرف كتير

اركان ; انا مافي حدا حباب ومحترم قدي

لتصفن ليمار بعيونه وبضحكته وتنسى كلشي للحظة لتحكي ;اركان تركني

اركان بمكر ;مو قبل ماترديها، ،،

ليمار وهية صافنة بعيونه ;شو هية

قرب منها اركان وهمس حد اذنها البوسة الي كنتي رح ترديلي ياها قبل مايجي كنان، ،،

خجلت ليمار وحكت ;بعد اركان

رفع حاله وصفن بعيونه وبلشت ينقل نظره على جميع تفاصيل وجها بشغف ليثبت نظره على شفافها الصغار الي بيعشقهن وقرب شفافه من شفافها لتغمض عيونها باستسلام ونفسه السخن عم يلفح وجها وقبل مايوصل لمراده سمع صوتهن، ،،

قيس ;اركاان

معن ;نحن خايفين عليك وانت عم تتمعشق، ،

دارت ليمار وجها عنه بخجل ليوصل اركان لقمة غضبه ونرفزته ويبعد عن ليمار ويوقف وهوة صافن في معن وقيس بنرفزة ;نعععععم خيييير

معن ;شبك عم تصرخ

قيس ;حكالنا عمو امجد انو طلعت مقهور متل التور الهايج

معن ;وانا بعرف بس تنزعج بتجي لهون

كانت ليمار دايرة وجها عنهن بخجل وحاطة ايدها على صدرها وعم تحاول تاخد نفسها، ،

اركان بغضب ;لك نشالله انهفى شو دخلكنننن ليش لتلحقوني لك ماعم اعرف بوس البنت كل واحد بينطلي شكل، ،

خجلت ليمار كتير من كلامه لتوقف وتمشي بسرعة ناح سيارتها ليصرخ اركان ;استني انا رح وصلك تأخر اوقت انطريني بسيارتي، ،،

قيس بمكر ; يااي شو حنوون

تطلع فيه اركان بنرفزة: ماخلصت قيسي الك عندي وحدة انت وفوفا، ،،

تطلع معن في قيس بسرعة ;شو قصدو

قيس بتوتر ;لك كذاب لاتصدقه

غمزه اركان وهوة ماشي ; كذاب قلتلي لكن سمعت سند بكرى رح يروح على بيت افنان ويلتقو لحالهن ههه وانت طبعا مابتحبها لهيك مارح تروح

تنح قيس وهوة صافن في اركان ليحكي ;لحظة بحياة ربك عم تحكي جد

معن بخبث;صح وانا سمعت من سند انه رح يقابل افنان

قيس بغضب ;لك هاد ماعنده كرامة لك البنت مو طايقته لعمااا

اركان بمكر ;والله الظاهر انت الي ماعندك كرامة مابقي غير تشلح كندرتها وتضربك فيها يا كاريزما عيلة الشامي هيهيهييي

قيس ;لك تافه تافه كيف انت سفاح مابعرف الله يعين ليمار على هل علقة

معن بمكر ;ابقى ورجيني حالك ياقيسي بكرا كيف الكاريزما تبعك رح تصير تحت الرجلين ههههههه

تطلع فيهن قيس بغضب ;عم تشمتو بلله

معن واركان سوا ;كتييير ههههههه

هجم عليهن قيس وضربهن صوا ليوقعو هنن التلاتة ع الرمل ويبلش قيس ضرب فيهن بغل وهنن عم يضحكو

معن ;لك اااخ ياتيس هي رجليييي ههههههه

اركان بضحك ;لك عم يدغدغني هههههههه وليييي فرطتتت، ،،

كانت ليمار عم تراقبهن بصدمة كيف مددو فوق بعض ع الرمل لتحكي ;انا من زمان شاكة فيكن، ،،

ترجلت من السيارة ومشيت لعندهن وحكت بردح ;نشالله بعدمكن طلعتو الوان شو عم تعملو عم تتباوسو كمان ومددين فوق بعض، ،،

رفع نظره قيس وتطلع فيها بصدمة ;شووو

معن ;هههههههه ولييي شو تفكيرك وسخ ههههههه

معن واركان غميو من الضحك وقيس وقف يبرر لا ليمار ;والله مو متل مافكرتي نحن بس عم تنناقش

ليمار ;والنقاش مابيصير غير وانتو مددين فوق بعض

اركان) ;ههههههههههه

قيس ;لك خرسووو حاج تضحكوووو

وقف اركان وحكى ;شو عم تغاري علي من قيس بعدون قيس بيحب ،،،وقبل مايكمل كلمته كممله قيس فمه وحكى ;خراااس اقسم بلله بدفنك تحت الرمل، ،،

رفع اركان بحوجبه لقيس، ،،

ليمار ;شوفيي

قيس بتوتر وهوة مكمم فمه لا اركان ;لك مافي شي هاد بلش يهستر ولو

ليمار بشك ;اممم انا ناطرتو بالسيارة

ومشيت ليتنهد قيس براحة وهمس ;الله يخرب بيتك شو فضيحة

اركان ;اممم

شال قيس ايده عم فمه، ،،

اركان بهمس ;لك تقال ياكر البنت بتحب الشب التقيل

معن ;بعلامة انت حفيت وراها لست ليمار ومارضيت عنك

اركان ;انا وضعي مختلف

قيس ;شو اعمل يعني

اركان ;جيب وحدة من هدول الكلاس الي بتعرفهن وطلاع معها خليها تشوفك وتغار صدقني الغيرة بتجيب نتيجة ليك ليمار غارت من لورين وشكلنا تصالحنا

معن ;لك هي ليمار مصروعة شوي بتحبك شوي بتسبك هههه

اركان ;لكن خاف على غزالتك لانو هل فترة صايرة صحبة مع ليمار خانم وانت بتعرف نكد ليمار يعني بثانية وحدة بتقلبها ضدك

معن ;هوة انا ماقلتلك انو انا وغزالتي تصالحنا وشكلو عنا عرس جديد

اركان ;ايه ياعمي نيالك مو متل الي عندي شيبتني وماكانت تحن، ،

قيس ;لك تركووني منكن وركزو معييي

اركان ;الي قلتلك عليه عملو

قيس بشرود ;ما الي غير رولا

اركان باندفاع ;لااا رولا لا

تطلعو فيه معن وقيس باستغراب ونطقو سوا ;ليش انت من وين بتعرف مين رولا

اركان بتوتر ;لك اسم نحس وبعدون شفتها هي الي دخلت ع الحفلة يازلمة كبيرة كبيرة كتير بدك تجاكرها جيب وحدة اصغر منها

قيس ;هايدي

معن باندفاع ;لااا كمان هايدي لا

قيس ;انتو شو قصتكن

بقي معن عم يفكر ليحكي ;ماسة ما الك غيرا

قيس ;شوووو لااا ماسة صغيرة كتير ولو

معن ; بس حلوة وناعمة

قيس ;بربك لا مو ظابطة ماسة

اركان ;لك كلهن كم يوم تحمل

قيس ;خلص رولا يعني رولا

اركان بقلبه ;ولي على حظك النحس يا اركان شكلها الكاريزما تبعي انا الي رح تصير تحت الرجلين، ،،

قيس ;يلله معن خلينا نروح ع القصر وانت وصل الحبيبة ولحقنا نخطط، ،

اركان ;نقلعو

مشيو معن وقيس قدامه لا اركان وطلعو بسيارتهن ونطلقو ليتطلع ع سيارته ويشوف ليمار قاعدة جواها، ،ابتسم ومشي ناح السيارة وطلع مكان السائق ;شو حبيبي الطلعة معي غير مو هيك

ليمار ;ليك والله بنزل وبروح لحالي

لتفت لعندها اركان ورفع ايده ومسك خصلة من شعرها وبلش يفتلها على اصبعه وهمس ;لو تعرفي قديش اشتقتلك مابتحاكيني هيك ابداً

ليمار بقلبها ;بيكفي خلص حاج تلعب بقلبي اركان، ،ممكن نمشي

قرب منها اركان وطبع بوسة رقيقة على خدها وهمس ;اكيد ياقلبه لا اركان، ،،

غمضت ليمار عيونها ودقات قلبها صارة مليون بعد ماقرب منها وريحة عطره تفلغلت جوى روحها، ،،

بعد عنها وشغل السيارة ونطلق ليمد ايده ناح المسجل ويضغط الزر لتشتغل غنية عليكي عيون وعلا الصوت، ،،

لتغمض ليمار عيونها وحست وكان قلبها طاير وهية شابكة ايديها في بعض وعم تسمع كلمات الاغنية بحب وعم تتذكر كل لحظة جمعتها فيه لا اركان من لمى قابلته، ،،

فلاش باك،""""

ليمار بصدمة ;جايبتيلي قاتل مأجور مشان يقتلني يا هديل، ،

اركان ; ماعندك خيار تاني سلمي نفسك بهدوئ

ليمار ;علي وعلى اعدائي، ،،( وركضة ليلحقها اركان)

باك،"""""

ابتسمت وقت تذكرت اول لقاء واركان كل شوي يسرق نظرات عليها وهوة مبتسم، ،،

فتحت ليمار عيونها وحكت ;بس افهم كيف حبيتك

اركان ;هية قصة غريبة مو

ليمار ;كتييير

اركان بضحكة ;مابنسى وقت شفتك بمكتب اكرم وفضحته وعملتيلو قتلة هههههه

ليمار بضحكة ;ولا يوم حملتني متل الولد لصغير ودليتني ع النهر وقع قلبي من الرعبة بيومها فكرت عنجد رح ترميني هههههه، ،،

اركان ;حبيتك من لمى ربطتي الفولار على ايدي وانا مجروح مع اني كنت حقير معك

دارت ليمار وجها لعنده وحكت ;لساتك حقير بس قلبي ابن كلب حبك هههههه،،،

وقف اركان سيارته ولتفت لعندها وصفن بعيونها بفرح ;يعني

ليمار وهية صافنة بعيونه ;بحبك

ماقدر اركان يصمد قدام نظراتها لا اله وحس وكانه روحو طارت بالسما ليقرب منها ويغرمها بقوة لتلفه بحب وشوق كبير وهمس ;بعشقك يا بنت، ،،

"""""""""""""""""
تاني يوم، ،،

اخبار فضيحة سماح جاد الشامي التي تم نشر مقطع فيديو لها مع عشيقها كانت مطبولة الدنيا كلها فيها وقيس عم يحاول بكل جهدو يلم هل فضيحة وجاد مو قابل يطلع من بيته حتى مشان مايشوف الناس، ،،

وصل قيس على شركته وترجل من السيارة ومشي لتهجم عليه الصحافة وتبلش تسأله ;قيس بيك هل اخبار المدام سماح حقيقية ولا تلفيق

قيس وهوة ماشي والباديغارد عم يبعدو الصحافة عنه ; ممنوع اي حدا يسأل عن هاد الموضوع والي رح يتطفل ويسأل انا رح اتطر ارفع عليه دعوة، ،،

وكمل طريقه لشركة، ،،

لتصف سيارة اركان بعد شوي ويترجل من السيارة وهوة حاطة نضارة الشمسية على عيونه وخلال دقايق انتشرو العناصر حوالي الشركة وبعدو الكل ليمشي اركان بكل هيبة ناح شركة قيس، ،

واحد من الصحافة ;اركان بيك صحيح الخبر الي سمعناه عن المدام سماح

لتفت لعنده اركان وحكى بشر ; اخي حكى اذا حدا تطفل بأسألته رح يرفع عليه دعوة بس انا بقول الي يتطفل معنا مستعد اسجنه طول حياته وانا الملازم اركان الشامي ،،،

تبلجمو كل الموجدين ورجعو لوراه ليتابع اركان ناح الشركة، ،،

""""""""""
بمكتب قيس، ،،

كان قاعد قدام المحامي وعم يحكي ;رح يتم الطلاق غيابي

المحامي ;قيس بيك مابيصير تلطلاق غيابي لشهرين 60 يوم ع التمام بيحقله يطلق غيابي اذا ماحضرت المدام

كان كنان قاعد على الكرسي وغامر راسه بين ايديه ومعن صافن فيهن ،،،

ليفتح اركان الباب فجأة ويطل ويحكي ;شو مشي الحال تطلقو

رفع كنان راسه وتطلع في اركان بتعب ;ما مشي الحال مابيقدرو يتطلقو غيابي لشهرين ولا لازم توقع

اركان ;بس هيك بسيطة عطوني الورقة وانا رح لاقيها وخليها توقع

قيس ;كيف

اركان ;انتو عطوني الورقة بعد مايوقع عليها عمي وانا رح اتصرف خلص، ،،

قيس ;بس بدون تهور

اركان ;شو يعني رح اقتلها

المحامي ;ممنوع تطلقها غصب

مشي اركان ووقف قدامه وهوة عم يتمايزه لينطق ;ومين حضرتك

المحامي ;انا المحامي عدنان

اركان ;محامي على حالك فهمت ومابتدخل واذا كلمة من يلي حكيتها بتطلع لبرا اعتبر حالك ميت

وقف المحامي بغضب ;انت عم تهددني

اركان ;اي عم هددك وشكلي رح نفذ

معن ;اركااان

اركان ;شو مالك سامعه يعني شو عم يخبص

كنان ;خلص ياجماعة خلصونا من هل قصة والله حاسس كانه فيه جبل فوق كتافي

ربت معن على كتفه وحكى ;لا تخاف اخي اذا مشان سامر رح يكون منيح نشالله

كنان ;اوووف بس شو كان صار لو ليمار ماعرضت الفيديو لكل الناس

اركان;اقل واجب بتعمله معها بعد الي عملته في زينب

معن ;الي عملته مو قليل ماتوقعت بحياتي تعمل هيك

قيس ;انا من زمان شاكك فيها والله بس عم اعمل حالي مو شايف كتير ايام تجي ع القصر مدووخة من كتر الشرب وشغلات غريبة بتيابها يعني ملاحظات مدري كيف ،،

كنان ;كلنا منعرف وساكتين كرمال سامر

معن ;اي شو رح يكون حظه احسن من حظنا

اركان للمحامي ;حط الورقة وتفضل من هون، ،

وقف المحامي وهوة عم يزاور اركان ومشي، ،،

قيس ;وين ممكن تكون

ابتسم اركان بمكر ;مكان واحد مافي غيره في بيت غياث اكيد

كنان ;شو رح تعمل

اركان ;سقفها كفين وبتوقع مابتوقع يطلع معها شي

قيس ;بتمنى يكون كلامك صح

صفنو في بعض هنن التلاتة ونطقو ;الا اذا كانت شريكة بعالم الظلام

معن ;لااا ولو مابتوقع

اركان ;شاكك بصراحة

قيس ; انا بلشت خاف من هدول الي بقيو من عالم الظلام حاسس هل حرب والمتاهة مارح تنتهي الا واحد فينا يموت، ،،

اركان ;بتمنى هل حدا يكون انا ولا شوف فقدان حدا فيكن بعيني لاني مارح اقدر اتحمل، ،،

ابتسمو بوجع كلهن وهنن صافنين في بعض، ،،

"""""""""""""
طلع ملهم من الحمام وهوة لافف المنشفة على خصره بينما شهد عم تمشط شعرها قدام المراية، ،،

لتفتت لعنده لتشوفه بلمنشفة غمضت عيونها وصرخت ;يخررب بيتاااك ياقليل الحيااا مو قلتلك لبيس بلحمام

ملهم ;هههههههه شووو لك انا زوجك

شهد وهية مغمضة عيونها ;شو يعني اذا زوجي بتصيع على كيفك وبتطلع بلا تياب فعلا انك قليل ادب، ،،

قرب منها ملهم في بطئ وهوة صافن فيها بمكر ليوقف وراها ويحكي ;لبست فتحي عيونك

شهد ;كذاب شو هالسرعة

ملهم ;انا سريع بالبس وبالشلح هههههه

فتحت شهد عيونها لتشوفه من المراية واقف وراها ولساته بلمنشفة ;ولييييي يا حقييير، ،،

ملهم ;استني بس بدي احكي شغلة

وقفت شهد وبلشت تركض ;لااااا تركني والله بروح لعند اخي اركان بخليه يقتلك، ،

ملهم ;شو دخلو فيني صرتي مرتي خلص ،،

ليرن فجأة جوال ملهم ;لك مين

شهد ;رد بيكون من الفرع

ملهم ;يولعو هنن والفرع تعالي بدي احكيلك سر

شهد بصريخ ;والله مابدددي نقلع عم تخوفني ملهمتي بتسخى فيني مو انا شوش حبيبتك، ،،

مشي لعندها ملهم وهية عم ترجع لورى لضربة بالحيط وحاوطها بين ايديه وهوة صافن فيها بحب ;ولانك شوش وبحبك بدي ياكي

رفعت شهد عيونها وصفنت بعيونه العسلية وهامت فيهم للحظة لتحكي بقلبها ;الله يخرب بيت عيونك شو حلوين ليش بس تصير قريب مني ماعم اقدر قاومك مابعرف، ،،

قرب منها ملهم لتغمض عيونها ليرجع يصدح صوت رنة جواله بعد عنها بنرفزة ;لك مين هل سقيل عند الصبح، ،

ليطول جواله من ع الطاولة ويشوف اركان ع الخط ;هاا اخوكي الغليظ

شهد ;ابقى قول عنه غليظ بوجهو، ،،

فتح ملهم الخط ;نعم

اركان ;نعامة ترفسك ليش ماعم ترد

ملهم ;والله عريس بصباحية عرسه برئيك بيكون فاضي

اركان ;شو قصدك ولااا والله اذا بتعمل شي لشهد لا تلوم الا حالك

ملهم ;شو انت مجنون يعني ليش تزوجتها مشان اصمدها يعني

اركان ;خراس وتعال ع الفرع بسرعة عنا اقتحام

ملهم ;ملاحظة انا بالفرع اعلا منك رتب مو رتبة يعني عم ذكرك بس، ،،

اركان ;شو يعني بدك تذل اهلي انك نقيب لك انا بدعسك ولا

ملهم ;لا عم امزح بس شبك عصبت

اركان ;ربع ساعة وبدي شوفك بالفرع

ملهم بسخرية ;امرك سيدي أوامر تانية

اركان ;لا ناطرك

نزل ملهم جواله وفصل وهوة منرفز ;لك نشالله بيموت حظي لك ليش ليتطوع بالشرطة مشان ينكد عيشتي انا مابيكفيني انور ،،

شهد ;يقبرني لابقله يكون احلا ضابط هاد اركاني لكن، ،،

ملهم بغيرة ;انا زوجك الي لازم تتغزلي فيه ترا مو حضرتو، ،،

شهد ; وانت كمان احلا ضابط حبيبي

ابتسم ملهم ;اااخ بس لو مو متطر روح لكنت ورجيتك يا شهد بس بسيطة المسا رح نلتقي اكيد هههههه

شهد ;وصلني لعند ليمار

ملهم ;اي تكرم عينك انتي وشبر الارض، ،،

مشي ملهم ليلبس وشهد عم تظبط حالها وهية مبسوطة لانها بدها تروح لعند ليمار، ،،

""""""""""""""
عند مراد كان مجهز حاله وريتاج كمان جهزت حالها بدو يوصلها لعند ليمار، ،،

مراد ;افهم بس ابي شو بدو مننا مابعرف اووف

ريتاج ;شبك حبيبي وكأنك عريس جديد عنجد ههههه

مراد ;عريس لكن مو عريس وبعدون الك خمس شهور بعيدة عني

ريتاج ;معلش حبيبي تحمل وبعدون المسا رح ترجع تاخدني على بيتنا، ،،

مراد ;الله يصبرني بس

ضحكت ريتاج بدلع وهية عم تعدل شعرها ع المراية ومراد صافن فيها بوله ليوقف ويمشي لعندها ويحضنها من وراها ويفمر راسه برقبتها ويتنشق عطرها بحب ويهمس ;بعشق ريحتك يابنت

ريتاج ;مرادي رح نتأخر

بعد عنها مراد وحكى ;بسيطة بس ارجع بنتواجه هههههه،،

"""""""""""
عند علي كان مجهز حاله وزينب كمان جاهزة، ،،

علي ;شو خلصتي

زينب ;اي روحي خلصت بس لا ضب جزداني، ،

وقف وحط ايديه بجيابه وهوة عم يراقبها كيف معجوقة وعم تعدل شكلها وماسكة بايدها جوالها ومكياجها بايدها وعم تضبه بجزانها ابتسم وحكى ;اجي ساعدك

زينب ;بس بقي البس بوطي يا

مشي علي وشال البوط بايده وحكى ;قعدي لا لبسك ياه

زينب بخجل ;لا لا انا بلبسه

علي ;معلش انا حابب لبسك ياه

زينب ;لك شو انا طفلة ولووو

علي ;انتي طفلتي الي

ابتسمت زينب بنعومة لينرسمو غمازاتها على خدودها وعلي صافن فيها، ،

قعدة ع التخت ليحمل رجلها ويحطها على ركبته ويبلش يلبسها الشوز ويربطه وهية صافنة فيه بخجل كبير، ،،

علي وهوة ماسك رجلها الثانية ;مو معقول شو رجليكي صفار تقولي رجلين بيبي صغير ههههههه، ،،

بقيت عم تبتسم بخجل لبسها علي الشوز وحمل جاكيتها ووقفها وبلش يلبسها ياه وهيه صافنة فيه بحب اول مرا حدا بيعاملها هيك وبيهتم فيها وبأدق تفاصيلها) ،،،

لبسها علي الجاكيت ورفع نظره ليشوفها صافنه فيه وعيونها عم يلمعو ليهيم بعيونها السود ويبتسم، ،

تجرئت زينب وقربت منه وطبعت بوسة رقيقة على خده وحضنته بقوة ليلفها وهوة فرحان ومو واسعته الدنيا لتهمس ; انت احلا شي صار بحياتي كلها بحبك، ،،

شد عليها اكتر وغمر راسه بشعراتها وبلش يتنشق عطرها وهمس ;بعشقك، ،،

""""""""""""""
كانت واقفة بلمطبخ ومعجوقة ورافعة شعرها بقشطة وفاتحة ع اليوتيوب وعم تاخد وصفة، ،

ليمار ;اي كل هاد اووف انا كيف رح اعمل هل ورق عنب والله صعب ولييي وينها ريتاج اوف، ،،

مشيت ناح الثلاجة وطالت كيس الرز وبلشت تغسله وتصفيه وجابت من البراد الخضرى وبلشت تقطيع فيهن وبلشت تقلي الخضرا ع الغاز لتسمع صوت جرس الباب، ،تركت المقلاية ع الغاز وركضة ناح الباب وفتحت لتطلع بوجها افنان ;صباحو

ليمار ;لك وينك مبارح رجعت ماشفتك

افنان ;لك مابرتاح لنام في بيتي واشتقت لتخت ماما رحت نمت فيه

ليمار ;فوتي فوتي في كتير شغلات بدي احكيلك ياها

افنان ;صار بدها فنجان قهوة لكن

ليمار ;واطيب فنجان قهوة كمان

افنان ;ليش هيك شكلك انتي وكانك داخل حرب

ليمار بصدمة ;لك الخضرا

وركضة ع المطبخ لتشوف الخضرا الي كانت عم تقليها تفحمت لتركض ناح الغاز وتطفيه وتحمل المقلاية وترميها بلمجلا وتفتح المي، ،،

عبا الدخان المطبخ كله لتبلش تسعل، ،،

مشيت افنان لعندها ودخلت المطبخ لتنصدم وتحكي ;يخرب بيتك ولعتي في المطبخ

ليمار ;قال بدي اطبخ قال لك انا خرجي اعمل ورق عنب لعما، ،،

شمرت افنان عن زنودها وهية عم تضحك لتحكي ;نقلعي بدلي تيابك وانا رح ساعدك بالتنضيف

ليمار ;رح اتحمم تعبيت توم وبصل

افنان ;ههههههه

وفعلا طلعت ليمار لفوق لتتحمم وافنان بلشت تنضيف بهل مطبخ، ،،

"""""""""""""""
بالفرع، ،،

وبغرفة التحقيق المظلمة كان غياث قاعد على كرسي ورى الطاولة وقلبه مقطوع من الخوف وهوة صافن في اركان الي واقف وعاطيه ضهرو وعم يدخن بكل برود، ،،

غياث ;سيدي

لتفت اركان لعنده ورمقه بمكر ; شو قررت تحكي من غير ما اسألك

ومشي اركان ناح غياث وهوة صافن فيه وغياث مفلوج من رعبته، ،،

قعد اركان ورفع رجليه ع الطاولة وحكى ;سامعك

غياث ;شو بدك تسمع بالضبط

اركان ;سماح وعدي

غياث بخوف ;والله مابعرف وين ممكن يكون عدي والله ولا سماح حتى انا محجوز عند الانسة ليمار من قبل والله

اركان ببرود ;كيف عملت هيك في زينب

غياث ;،،،،،،،

اركان ;وكان فيه بنات قبل زينب عملت فيهن نفس الشي

غياث ;،،،،،،،،

وقف اركان ومشي لعنده في بطئ ونطق بصوت مرعب ;يعني انت مغتصب وبتعرف انا اكتر ناس بكرهن في حياتي المغتصبين، ،،

غياث بخوف ;والله ياسيدي تبت وماعاد عيدها والله

اركان وهوة عم يلف حوالين ايده متل مشد ; والبنات الي سببتلهن حالة نفسية وسلبت منهن اغلا شي عندهن هدول شو وضعهن

غياث ;،،،،،،

لتفت لعنده اركان ولكمه على وجهو بكل قوته ليقلب غياث من ع الكرسي ويوقع ووجهو معبا دم وصرخ ;جااااوب ولاااااك

نقض اركان على غياث وكانه وحش مفترس ونزل لكم على وجهو بكل غل وقهر وهوة عم يصرخ ;يا قليللل الشرف يا وسخ شو كاااان شعورك والبنات عم يترجوك تتركهن شوووو، ،،

ورفع ايده ولكمه بنص بوجهو ليحس غياث انه خلص نهايته على ايدين اركان، ،،

بعد عنه اركان وهوة عم يلهث وحمل كباية المي من ع الطاولة ورشقها بوجهو ليشهق غياث، ،،

ووطى اركان لعنده وشده من كنزته بقوة وقعدو ع الكرسي وقعد قدامه بكل رواق ونطق ;وين عدي

غياث بوجع ;عدي كان عم يخطط مع الزعيم يقتله لمعن بحفلة راس السنة، ،،

اركان ;وليش براس السنة حصراً يعني

غياث ;بيكون فيه العاب نارية وماحدا رح ينتبه على صوت الرصاص

اركان ;اهااا وهي الحفلة وين رح تصير

غياث ;رح تصير بالقصر الكبير تبع البلد ورح يكونو موجودين فيه كل رجال الاعمال المشهورين والعيلات المشهورة كمان والزعيم جلال حكى انه كل سنة كل العيلة بتكون موجودة بهاد الاحتفال، ،

اركان ;ابن ال*** ،،وسماح

غياث ;بتكون تواصلت مع ازار يدبرلها مكان

اركان ;من عالم الظلام سماح

غياث ;اي والزعيم عمل كل هل مخطط ليزوجها لعمك مشان تطلق نورا منه وتبعد عن القصر لانو بلشت تداخل بشغلات ما الها فيها والدكتورة نورا ذكية كتير يعني مارح يكون صعب عليها تكشف انك عايش لو بقيت ثانية بقصر الشامي، ،،

اركان بقهر ;وليش قتل امي

غياث ;كرمال يقهرك ويخليك تنكسر وتنهار ماكان بده توقف بوجهو بقوة وانت اكيد اذا رجعت ع القصر رح تكشفه وهوة الي حرض قيس بيك يقوص عليك كمان بس من غير ما يحاكيه هوة كان زيد ايده اليمين للزعيم هوة رتب كلشي وامر كمان عدي يقتل بنته لزيد، ،،

بقي اركان صافن فيه لغياث بغل وقهر لينطق ;وين ممكن لاقيه لهاد ازار

غياث ;اخر مرا قابلت فيها الزعيم حكى انه في روسيا بس بظن رح يرجع عدي رح تلاقي عنده كلشي بدك ياه

رفع اركان حواجبه ونطق ;عم تبيع اخوك

غياث ;اذا رح تتركني عيش اي قتله قدامي مابيأثر، ،،

ضحك اركان بسخرية ووقف وحكى ;لك انتو من شو مصنوعين لك شو مافي دم عندكن مافي نخوة مافي شي اسمه اخي لك انا عشت كل حياتي مجرم مافكرت بحياتي كلها ارفع سلاحي بوجه اخي مجرد ما اخي ينوجع كنت اتوجع اضعاف وجعه شو هل حقد الي عندكن انتو، ،،،

غياث ;،،،،،،،

لتفت لعنده اركان وحكى ;وين ممكن شوف عدي

غياث ;ما اله مكان محدد بس رح ينوجد بالحفلة

اركان ;كيف شكله بيشبهك

غياث ;لا اسمر وشعرو اسود وعيونه عسلي وطويل واله وشم متل طير على ايده، ،،

بقي اركان صافن فيه لغياث بغل وللحظة فكر يقتله بس كان في باله شغله تانية ليوقف ويطلع من غرفة التحقيق وغياث لساته بغرفة التحقيق، ،،،

""""""""""""
تقريبا وصلو كل البنات سوى لعند بيت ليمار، ،،

ترجلو من السيارات الشباب وتطلعو في بعض ،،

مراد ;كمان انتو

ملهم ;شو بشوف مافي شهر عسل

علي ;والله مو باين هههههه

ملهم ;لسى كنان بس بدي شوف وجهو واشمت فيه

علي ;ما احقرك

شهد ;هااي بنات سوا ع الموعد

ضحكت زينب وركضة لعند شهد وشنكلتها وحكت ;يا الله شو مبسوطة ياشوش من مبارح ع الي صار في سماح

شهد ;لك اييي شفتي العقربة هههههه

ريتاج ;لك خرسو عم تحكو ع الناس لحالكن انطروني جيب جزداني من السيارة، ،،

وركضو لبنات لقدام بيت ليمار وبلشو يدقو ع الباب باستمرار بحماس كبير والشباب عم يراقبوهن بنرفزة، ،،

مراد ;لك حاسس ليمار امها

ملهم ;لك مو امها هون مرتك

مراد ;لا راحو على بيتهن هية ويونس

ملهم ;ع الضيعة

مراد ;لاا اشترا يونس شقة هون بالبلد

علي ;انا رح روح ع الشركة، ،،

ملهم ;لا شرف معنا ع الفرع السيد اركان الملازم عم يأمرني انا النقيب الي اعلا منه رتب اجيبك معي ع الفرع، ،،

مراد ;كنت ورجينا رتبك يابعدي وعميل الي عمله اركان تقريبا هوة الي انهى شبكة عالم الظلام وانت ومعن قضيتوها مصابين وعم تنازعو

ملهم ;شكلك نسيت حضرتك كيف ن

تكملة الجزء السادس عشر ( 16 )

ملهم ;شكلك نسيت حضرتك كيف نعطبت وقتلت ونحن ركضنا وراك مشان ابوك ينبسط

فتح مراد عيونه بصدمة ;لك صحي ابييي طلعو ننقلع والله ليقوم قيامتي تأخرت، ،

علي ;ماحكى شو بدو مني

ملهم ;شو بيعرفني انا ولاد عم بين بعض

طلعو الشباب بسياراتهن ونطلقو بعد ما امنو ع البنات دخلو، ،،

""""
عند البنات، ،

كانت زينب حاضنة ليمار ومبسوطة كتير والبنات قاعدين حواليها

شهد ;اما شو ليلة الله يخرب بيتك خربتي الدنيا ومشيتي

افنان ;كانت بتستاهل على فكرة ولسا كان نفسي ادق فيها اقتلها، ،،

ريتاج ;اي جد بدها ياها هل عقربة يقطعها شو كهينة

شهد ;بنات بما انو مافي حدا صغير بينا حابة اسأل عن شغلة

ليمار ;شو هية

شهد بتوتر ;لك ملهم طلع سافل كتير وقليل ادب تخيلو

ريتاج ;شو عمل ضربك

شهد ;لك لاا بس ثبتني ع الحيط وكان بده شغلات قلة ادب وسفالة ووقت رفضت غصب عني

ليمار ;ولي انتي مو بتحبي لملهم كيف يعني غصب عنك

شهد ;يعني باسني وانا رضيت مدري كيف

ريتاج ;هههههههه ياحوينتك ياملهم على هل وقعة

افنان ;يااع عنجد هي الشغلات مقرفة

زينب ;اتفق

تطلعو الكل في زينب باستغراب لتنطق ليمار ;ليكون

زينب بتوتر ;اي ماقدرت وحتى صارحته لعلي من قبل مانتزوج وهوة حكالي مستعد ينطرني العمر كله

ريتاج ;ولي جدبة انتي مجنونة شي لك الرجال كلهن بيحكو هيك بالبداية بس هنن بيموتو في قلة الادب اسأليني الي

زينب ;شو اعمل ماعم اقدر

شهد ;بكرى بيتعرف على وحدة شرشوحة وبيشبع رغباته هههههه

ليمار ;ورصاص تفش نيعك انتي، ،ولتفتت لعند زينب وحكت، ،،حبيبتي اسمعيني علي مو متل هداك الكلب انا بعرف انك اخدتي فكرة مو منيحة عن الزواج وهيك بس علي كتير حنون معك ومستحيل يأذيكي وثقي فيه حبيبتي

زينب ;يا الله شو حنون يا ليمار لك لبسني شوزي وجاكيتي ومبارح نشفلي شعري بلمنشفة، ،،

ليمار ;هاا شفتي معناها بيحبك وكتير كمان حاولي تسعديه وتكوني معه مطيعة

غصت زينب بدموعها ;بس كل مابتذكر شو صار عم احترق ليمار، ،

ضمتها ليمار بحنية ;ياعمري كلشي مضي وكلنا معك وهداك الكلب اخد جزاءه لهيك لاتخافي وحاولي تنسي وفكري بالمستقبل بس، ،،

زينب ;رح حاول

ليمار ;رح توعديني

بعدة عنها زينب وصفنت بعيونها ;شو اعمل

ليمار ; رح تكونو انتي وعلوش زوج وزوجة حقيقيين حبيبتي ورح تنسي كلشي وبعدون بدي ابن اخت انا بدي صير خالتو وكلامي للكل ها الكل بدو يجبلي هدية هههههه

ريتاج ;نشالله الله يسمع من تمك يا ليمار وعد اذا بجيب بنت رح سميها ليمار

شهد ;وانا كمان رح سميها ليمار

زينب بابتسامة ;وانا اذا صرت ماما رح سميها ليمار

افنان ;انو ما احقركن ياكلاب اشتهيت وحدة تقول رح سمي افنان

ليمار ;لو ماكان اركان مصر على اسم حياة لسمي افنان هههههه

تطلعت فيها شهد بفرح ;تصالحتو

ليمار ;ما انتو من وقت دخلتو عم تلعو عن نفسكن وما سألتوني عن حالي ياكلاب، ،،

افنان ;كيف تصالحتو

ليمار ;مبارح وقت لحقته تصالحنا

افنان ;لك مو اتفقنى تفقعي مرارته

شهد ;ولي حية عم تعمليها على اخي

افنان ;اخوكي بيستاهل جرح قلبها

شهد ;بس بيعشقها

ليمار ;خلص انتو التنين تصالحنا ومشي الحال وبصراحة ماقدرت اصمد قدام نظرات عيونه وريحة عطره، ،،

ريتاج ;هلله هلله الله يسمعنا الاخبار الطيبة

افنان ;يعني عنا عرس تاني

تطلعت فيها ليمار بمكر وحكت ;شكلهن عرسين ههههههه

افنان ;ولي ليمار والله بقصه للسانك ها

ليمار ;اي شو حكيت، ،،

صفنت افنان بلفراغ وما اجا في بالها الا قيس لتغمض عيونه وتنفض هل افكار من راسها، ،،

"""""""""""""
بالفرع، ،،

كانو الكل متجمعين بمكتب امجد ماعدا مراد وملهم، ،

ليفتح باب المكتب ويدخل زين ويأدي التحية ;احترامي سيدي

امجد ;احترمتك حضرة الرائد تفضل، ،

مشي زين وقعد خده لا اركان وحكى ; جاهزين لا احكي الي عندي، ،

امجد ;بس يرصلو مراد وملهم، ،،

بعد مدة قصيرة فتح باب مكتبه وطلو مراد وملهم وعلي، ،،

امجد ;عمهل كمان غيبو ساعتين

مراد ;لك بابا مابيكفي صباحية عرسي ساحبني لهون

ملهم ;ومين سمعك

امجد ;دي قعدو وحاج فزلكة

قعدو الكل ليأمر امجد علي ينطرهن برا بالنسبة لمعن استغرب بوجود علي، ،،ليتطلع في اركان بسرعة الي غمضله بعيونه، ،

معن بقلبه ;اووف اركان شو ناوي تعمل

امجد ;انا جمعت الكل وكل واحد فيكن عنده معلومة رح تفيدنا وفي عنا مجزرة تانية للأسف ،اركان بلش، ،

اركان ; عدي حفلة راس السنة معن المستهدف

امجد ;سيادة الرائد

زين ;المقنع المطار البار تبع دانيال الي صارة فيه المجزرة القديمة

مراد ;ليش عم تحكو شيفرة

وقف اركان وحكى ;رح بلش شرح، ،حفلة راس السنة الي معتادة يعملها جلال بالقصر الكبير تبع المدينة الخاص بعيلة الشامي وطبعاً اسمه القصر الذهبي الي كل سنة بتحتفلو فيه باقي اسبوع لراس السنة ورح يتم الاحتفال طبعاً

معن ;بس نحن مابدنا نحتفل

اركان ;رح تحتفلو لا اخر مرا بحياتكن انت مستهدف معن من قبل عدي وليمار مستهدفة كمان بس ليمار بعيد عنه يطولها انا حاطت الها حارس شخصي يراقبها من بعيد لبعيد بس بحفلة راس السنة وبعد موت جلال كان المفروض تكون بس انت المستهدف بس بعد موت جلال ودخول المقنع ع الخط رح يتم استهداف الكل لهيك رح اطلب بهالحفلة الكل يلبسو ماسكان بدي يضيعكن وبدال مايوقعكن بالفخ انتو توقعوه واكيد مو بس عدي رح يكون هنيك في واحد اسمه ازار واكيد رح يتم زرع رجالهن بالحفلة كرمال يسيطرو ع الوضع ومو بعيدة عنهن يقتلو كل الموجودين بالحفلة او يفجرو القصر لهيك نحن رح نكون حريصين اكتر منهن ورح يتم زراعة رجال امن على انهن غراصين بالحفلة وحوالي القصر كله رح يكون فيه قناصين او اكتر كرمال ضمان سلامة الموجودين

زين ;بلاضافة لفرقة ضد المتفجرات بحال اذا نزرعة قنبلة يكون في حدا يفككها ويفضل هل حدا تكون المحامية افنان انا بحثت عن هي البنت متدربة داخل فرقة روسية ضد المتفجرات تحت ايدين امها، ،،

معن ;مو غلط هيك انو خطر عليها

ملهم ;هي رح تخرب كلشي برئيي بلاها

زين ;بالعكس لاحظت عليها انو سرعتها بديهة وبتقدر تفكك قنبلة في اقل من خمس دقايق انا برأيي تكون هنيك هية، ،،

سند ;انا برئيي افنان خليها برا هاد الموضوع سيادتك

غزل ;بالعكس افنان كتير ذكية ورح تكون كفائة على فكرة

امجد ;فيها وجهة نظر وبلمناسبة البنت وحشة مابينخاف عليها

اركان ;فككت لغم كنت داعس عليه قبل بمرا

مراد ;اي صح فككته بكل رواق وسهولة حتى بس بتذكر بدها حدا يغنيلها

زين ;بظن الحفلة رح تكون شغالة فيها الموسيقى

امجد ;تمام كلام زين مظبوط كمل اركان، ،،

اركان ; بالوقت الي رح يدخلو ع الحفلة رح يكون ملهم واقف عند البوابة وعم يراقب الكل بتركيز ملهم بس شفت شب طويل وعيونو عسلية واسمر هاد عدي رح يدخل ورح يعطوه الماسك الي واقفي على بوابة القصر كرمال يلبسه وهوة رح يفكر هي الخطوة لصالحه

ملهم ;بس سيادة الرائد زين عيونه عسلية وطويل واسمر

اركان ;شعرو اسود وعلى ايده وشم طير على وجه ايده

ملهم ;وسيادتو عندو وشم

رفع زين كم البدلة العسكرية بنرفزة وحكى ;تاج وشمي انا مو طير طس لعما ما اغباك شو هاد، ،،

ملهم ;اسف نسيت شو مكتوب تحت التاج سما قلبي

زين ;استغفر الله بس على عالنهار

امجد ;ملهم خراس اركان كمل، ،،

اركان ; كل الماسكات رح تكون بالون الذهبي بس ماسك غياث رح يكون ذهبي واله اسود مشان يميزوه والوشم رح يساعدكن لتعرفوه كمان.،،،

مراد ;بس غياث صار بأيدنا خلص يعني رح نقدر نمسك الكل، ،

اركان ;نحن انا وانت ووليد وزين رح نكون بالبار لانو المقنع رح يتواجد هنيك حبيب ،،،

معن ;وانا

اركان ;انت وقيس وكنان وملهم وعمي امجد رح تكونو بالحفلة يفضل عمي جاد وعمي جود مايروحو، ،

انور ;وانا

امجد ;رح تاخدو الكل ع قصر الشامي وتنزرع انت والحرس بالقصر بحيث اذا صار هجوم

انور ;علم سيدي، ،،

اركان ;البار

زين ;رح تحاوطو البار بالعناصر المتنكرة ويفضل اكتر الزباين يكونو عناصر امن وانا رح اتواجد بس من بعيد لبعد وانتو كمان مارح ندخل لحتى الانسة ليمار تقابله

اركان ;ليمار لا

زين ;للأسف هية اطعم الوحيد الي رح تقدر تساعدنا نمسكه

اركان ;مستحيل مابخاطر فيها

زين ;ماعندك حل تاني

امجد ;اركان رح تكون منيحة صدقني رح نحاوط كل البار

اركان بقهر ;آخر مرة مات ابي صبري بهداك البار انا مو مستعد اخسر ليمار والله اذا بيصرلها شي مستحيل سامح حالي

امجد ;اركان متطرين نخاطر كرمال ننهي هل مهذلة، ،،

اركان ; مستحيل

امجد وهوة صافن في اركان ;طيب متل مابدك

اركان ;لا تحاول تاخدني على قد عقلي صدقني اذا ليمار بيصرلها شي مارح سامحكن ولا سامح حالي حتى، ،،

امجد ; انت جحشت وماعم تقبل ترضى اصلا ليمار بنت قوية ورح تقدر تواجه المقنع متل ما واجهت زيد قبل

مراد ;واجهت جلال وواجهت اهل ريتاج بكل شجاعة

بقي اركان صافن فيهن للحظة حس بغصة ليحكي ; واذا صرلها شي

امجد ;انا رح كون مسؤول تعال واقتلني اذا بيصير شي ع البنت، ،،

قعد اركان وحكى ;انا خلصت وطلعت من ايدي الشغلة، ،،

امجد ; سيادة الرائد زين، ،

زين ;سيدي اختفاء جواد الشامي وقصي سوا فيه من وراه لغز وحكى قبل شوي انه في واحد اسمه ازار

اركان ;اي

زين ;انه ممكن هاد ازار يكون اله علاقة في اختفاء قصي بما انو هوة في روسيا وجواد مافيه يطلع برا البلد بس قصي بيقدر، ،،

ملهم بغل ;خليه بركي يكون مسكه وقطعه

زين ;بتوقع قصي يفيدنا كتير اذا ظهر، ،،

امجد بشرود ;قصي صار بين ايدين المقنع

زين ; سيدي انا شاكك انه المقنع يكون وصل ع البلد

امجد ;كيف

زين ;اسم غريب داخل البلد انا حطيت عناصر امن خاصين فيني بالمطار وكان فيه شخص حاطة طاقة حمرا يمكن شكلها غريب، ،،

امجد ;ليش ما وقفتوه

زين ;فجأة ظهرو خمسة لابسن متله وع بين ما العناصر وقفو كل الشباب كان فيه واحد منهن طلع وبظن صار بالبلد وجوده خطر، ،،

اركان ;حلوو كتير انه صار بالبلد شو عليه، ،،

زين ;حفلة راس السنة رح تنهي كلشي

اركان ;وهية هيك

ملهم ;انا بعترض

تطلعو كلهن فيه ليحكي امجد ;عفواً ماسمعتك عيد

ملهم ;شبكن عم امزح مابتلقو مزح

امجد ;حبيبي ملهم لاعاد تمزح احسن مافشلك نيعك شو رئيك

سكت ملهم وهوة عم يزاور امجد، ،،

ليوقف امجد ويحكي ;متل ماسمعتو وجود المقنع هون خطر خليكن حذرين وديرو بالكن على حالك واكتر حدا مستهدف عنده حاليا ليمار اكيد رح يروح لعندها، ،

اركان بغل ;عندي هاد الموضوع، ،،

"""""""""""""""
عند حلول المسا وبقصر الشامي، ،،

كانو متجمعين كل الشباب على سفرة الاكل طبعاً بوجود ريتاج وميلا، ،،

وسامر كان قاعد وماعم ياكل، ،،

تطلع امجد في جاد الي الاكتئاب باين عليه وحول نظره على سامر الي كل شوي يبكي ويسكت وحكى ;اووف نفس الزناخة هوة وابوه، ،

جاد ;بحياة ربك اعتقني

جود ;خلص يازلمة شو بدك فيه

امجد لسامر ;انت ليش عم تبكي

سامر ; ليش يعني مابتعرف

صرخ امجد ;بتمسك دموعك يا ولد ومابتبكي قدامي لانو عم تلعي نفسي منك الرجال مابيبكي غير اذا تعبه تخطى حمل الجبال مو ع الفاضي والمليان بيبكي بدك تتعلم كيف تواجه مشاكلك وماتتهرب ورى دموعك متل النسوان فهمت، ،،

سامر ; بس انا شايل حمل جبال

امجد ;لا مو شايل حمل جبال فيك تواجه مشكلتك كل همك لا يتنمرو عليك رفقاتك

جاد ;تركه بحاله امجد

وقف سامر بقهر وطلع على غرفته اجا ليوقف كنان ويلحقه ليصرخ امجد ;تركه خليه يعتمد على حاله مو على كل شغلة تلحقه وتحضنه ماعاد صغير صار عمرو 20 سنة شو هال مسخرة

كنان ;بس

امجد ;متل ماعم احكي خليه يعتمد على حاله

قعد كنان بقلة حيلة ليحكي اركان ;شكلك مخربط بينا وبين سامر على فكرة جرحته

مراد ;ههههههه

اركان ;انت ضحكة عنزة

علي ; خلص ياشباب عم تدايقوه لشب شبكن

زينب ;اذا بدكن انا بطلع براضيه

تطلع امجد في زينب وتبدلت ملامحه وابتسم وحكى ;حبيبتي زنزون انتي الي بتنجرحي لانك نعومة وصغيرة مو هوة هوة شب يعني خشن مو ناعم، ،

ابتسمت زينب وخجلت ;شكرا عمو

جود ; حبيبتي مرتاحة في حدا عم يزعجك شي ( قصده على نرجس 😂)

زينب ;لا عمو مبسوطة كتير انا

نرجس وهية صافنة فيها بحنية ;زنزونة بنتنا الصغيرة ولوو

كانت زينب الفرحة غامرة قلبها وهية شايفة اهتمام عيلة علي فيها، ،

معن ;انا بصراحة بالنسبة الي زينب اختي الصغيرة بس ريتاج اختي الدودة

ابتسمت ريتاج ليكز مراد ع سنانه بغيظ ;ليش عم تقول اختك يا كلب

معن ;شو اعمل هية وليمار واقرب بنتين مني وبيفهموني ع الطاير

كنان ;وشوش يقبرني ربا والله اشتقنالا لهل زعرة البيت ما اله قيمة بلاها، ،،

اركان ;وينو قيس

كنان ;مابعرف طلع من الشركة قال عنده شغل، ،،

ضيق اركان عيونه وابتسم بمكر ،،ووقف وحكى: دايمة

امجد ;لك شبك التسعتت

ركض اركان لبرى القصر من دون مايسمع كلام حدا وطلع بسيارته ونطلق ناح بيت افنان وهوة عم يضحك بمكر، ،،

#يتبع

رواية ;عالم الظلام

الموسم ;الثاني

بقلمي ;براءة نجار

الجزء ; السابع عشر ( 17 ) ،،،،

""""""""""""""""
فتح بوابة المستودع ودخل عليه ليشوفه كيف قاعد على ركبه بتعب ووجهو مورم من القتل والسلاسل ملفوفة حوالين رقبتة وايديه، ،

ليبتسم ويمشي اعنده ويحمل سطل مي ويرشه عليه، ،ليشهق قصي بقوة ويفتح عيونه ويبلش يكح، ،،

زياد ;شو عجبتك الاقامة هون

قصي بتعب ;وين انا

زياد ;لا تخاف نحن صرنا بالوطن الام هههههههه وقويباً كتير رح جبلك اختك لعندك تونسك

قصي بتعب ;اصحك والله بقتلك

زياد ;هههههه وانت شايف حالك بموقف بتقدر حضرتك تهدد فيه، ،

قصي بوجع وتعب ;بترجاك تركها هية ما الها ذنب بشي تركها الها واقتلني الي، ،،

بقي زياد صافن فيه بغل وهوة عم يسترجع ذكرياته لقبل يوم، ،،

فلاش باك """"""""

دخل على المستودع الي بروسيا واعطوه رجاله لقصي ابرة مخدر لينام ع الخالص وحطوه داخل شنتة للسفر وسكروها ولبس المقنع لبسه الاسود المعتار وحط طاقية حمرا، ،،

ازار ; متل ما امرت ياكبير رح يتواجدو بالمطار كذا شب لابسين ماسكات على وجهن ومتل لبسك تماماً

المقنع ;ازار انت رح ترجع معي

ازار ;سيدي بس انا مطلوب

المقنع ;انا رح احميك بس بدي حفلة راس السنة تحضرها انت مو عدي وبتقتل كل الموجودين الكل من غير استثناء

ازار ;وعدي

المقنع ;بتصفيه خلص دوره لانو اكيد بيكون اخوه اعترف عليه مابدي شوشرا بتقتل كل الموجودين واذا تطريت تلبس حزام ناسف وتفجر حالك لاتقصر بس بدي افنان عايشة فهمت بتجيبها لعندي عايشة، ،،

ازار ;امرك يا كبير

المقنع ;يلله الطيارة صار وقتها، ،،

وصلو المقنع وازار ع المطار باصطحاب رجالهن وقصي وطبعا المقنع طلع بطيارته بهوية مزورة باسم ايوب وانه وجهو تشوه وطبعا الشخص الي طلع باسمه مقتول ومو باين عنه شي بس هوة ماشي بهويته، ،،

وطبعاً بعد ما وصل زياد ع الوطن ونزل من الطيارة اخدو هويته الي عية باسم ايوب والشنتة تبع السفر هربها عن طريق ازار مجرد ما قطعت كهربة المطار وطفيت الاضواء تم تهريب الشنتة مع ازار مشان ماحدا يتعرف عليه وخلال دقايق طلعت ازار مع قصي الي داخل الشنتة ومشان زياد يضلل على نفسه بقي واقف بارضه لدخلو الشباب المقنعين وهوة طلع من المطار وتوجه ناح سيارته الي ناطره فيها ازار ونطلق، ،،،

باااك """""""

زياد لقصي ;خليتك تجرب جميع انواعرالتعذيب الجسدي صار وقت التعذيب النفسي جهز حالك اسبوع بس، ،

قصي بصريخ ;لااااا مارح تعمل هييييك زياااد

طلع زياد من المستودع وضحكاته معبية جميع اركان المكان وقصي عم يصرخ ودموعه عرض خدوده شو كان متمني يموت قبل مايشوف اخته عم تتعذب قدام عيونه، ،،

"""""""""""
عند بيت افنان، ،،

وصل سند بسيارته وهوة بكامل اناقته وترجل من سيارته ومشي ناح البيت وهوة حامل بايده بوكيه ورد احمر ودق الباب، ،لتفتح افنان بعد مدة وتبتسم ;اهلين سند تفضل، ،

دخل سند وسكرت افنان الباب، ،

من بعيد وبسيارته كان قاعد وعم يراقبهن وقلبه عم يولع من الغيرة ;لك هاد الكلب مارح يذوق على دمه الا احسب الله ماخلقه لعما، ،،وانا شو عم اعمل تسطفل شو بدها تعمل شو دخلني فيها، ،،

ماقدر يكبت غيرته وفضوله ليترجل من السيارة ويمشي ناح البيت ع الهدى، ،ومشي لورى البيت ليشوف شباك مفتوح وسند وافنان باينين وهنن قاعدين بصالة قرب الشباك ليوقف على طرف ويبلش يراقبهن بغيرة كبيرة، ،،

جوى عند افنان، ،،

سند ;بتعرفي اشتقت كتير لقعداتنا سوا

افنان ;بصراحة وانا كمان بس شفت المشاكل الي مرينا فيها

سند ; ماصار شي حبيبي ليكني اجتمعنا

غض قيس على ايده بغيظ وهوة عم يحكي بقلبه ;لك عم يقلبها حبيبي لك نشالله يحبك برص يا كلب البدو يااا لك موووت

افنان ;بس لو كانت غزل معنا

سند ;لك تركينا منها هية مع حبيبها مو فاضية النا هههههه وبعدون شوفي احلا انو نكون لحالنا، ،

قيس بقهر ;لا لا لا هاد زودها وكتير كمان لك شو اعمل اطحش عليهن واقتلهن، ،،

ليجيه صوت اركان وهوة عم يهمس وراه ويفزع ويلتفت لعنده بسرعة، ،،

اركان بهمس ;مو عيب تراقب الناس من شبابيكها انا هيك ربيتك

قيس بهمس ;لك انت شو حابك لهون عم تراقبني

اركان بهمس ;كنت بعرف رح اجي وشوفك عم تطلع شياط من راسك من القهر والغيرة ههههه،،

قيس بهمس ;اركان نقلع من هون مو ناقصك هااا واصلة معي لسما

اركان بمكر ;يالله شو طالع كيوت وانت مقهور وغيران هههه

لتحس افنان بهمس وقفت وحكت ;كانو في حدا هون

تطلعو قيس واركان في بعض بصدمة، ،

مسك اركان ايده لقيس وركضو ع الهدى ومددو بين العشب الطويل، ،،

طلت افنان من الشباك وتطلعت باستغراب بس ماشافت حدا، ،غريب والله سمعت همس

اركان وهوة منبطح وحدو قيس مدد ;مبسوط خليتنا نتخبا متل الحرمية، ،،

قيس ;مين قلك تلحقني،،

اركان بهمس ;وطي صوتك لانو اذا شافتنا رح يكون منظرنا زبالة

سكتو قيس واركان وهنن صافنين في بعض وافنان عم تطلع ليطلع من وزاها سند ويحاوط كتافها بايديه ويحكي ;مافي حدا حبيبي

بقيت افنان صافنة في ايده لترفع ايدها وتنزلها عم كتفها ;لو سمحت سند قلتلك الف مرا مابحب هل حركات وبعدون شو هي حبيبي انا مو حبيبتك على فكرة انا بعتبرك، ،

ليقاطعها سند ;خلص افنان لا تقوليها وتحرقي قلبي انتي لازم تسمعيني

افنان ;مابدي اسمعك

سند بقهر ;لك انا بحبك ليش انتي ماعم تحسي فيني

فتح قيس عيونه بصدمة وكز ع سنانه وهمس ;هاد ناوي على اخرته

اركان بهمس ;صبور شوي لنشوف ردها وبعدون طحاش بركي كانت بتحبه

افنان ;وانا بحبك سند

نرسمت ملامح الخيبة على وجهو لقيس ليحكي اركان بهمس ;معلش حظك نحس شو بدك تعمل انا بدالك بنتحر

ليحسم قيس امره ويحكي ;خلينا نمشي، ،

رفع اركان نظره ليشوف افنان وسند عاطينهن ضهرن ليحكي ;يلله بسرعة، ،،

وقفو قيس واركان وركضو بسرعة من غير ماحدا ينتبه لينتبه سند انه في حدا مسك افنان من ايدها وسحبها لوراه وطال مسدسه وقوص رصاصة بين العشب وصرخ ;مييين فيه هون

اركان ;وقعت وماحدا سما عليك

توتر قيس وهوة واقف ورى الحيط وما كان عرفان شو يعمل ليهمس ;سامحني اركان

اركان ;ليش لتكون ناوي تقوصني مرا تانية

قيس ;رح تتمنى اني كون مقوصك، ،

ورفع قيس ايده ودفشه لا اركان ليوقع اركان ع العشب واستغل انشغال سند وافنان فيه وركض، ،،

اركان وهوة مدد ع الارض ;الله ياخدك شو طلعت واطي، ،،

ليجو افنان وسند لعنده وسند رافع سلاحه رفع اركان وجهو وتطلع فيهن وابتسم هيك 🙂

افنان ;اركان شو عم تعمل

قلب اركان وهوة مدد وحط ايديه تحت راسه وصفن بالسما وحكى ;ولا شي عم اتأمل منظر السما بتجنن بصراحة

سند ;هون في بيت افنان

جلس اركان حاله وحكى ;اخي انا حر وين بدي بتسطح شو ممنوع لتكون ارض ملك ومالي خبر

ضحكت افنان ; البيت بيتك اركانو

اركان ;دخيل عينك فوفا بس سمعت كانو سند رفع صوته عليكي وشكلي رح اقطعله احباله الصوتية

سند ;ممكن افهم شو دخلك

اركان ;كيف يعني شو دخلني افنان بنت عمي

سند ;لا مو بنت عمك

افنان ;لا بنت عمه وتفضل سند بتمنى تكون وصلت رسالتي، ،،

بقي سند صافن فيها بقهر ليحكي ;عم تقلعيني

افنان ;لا بس تأخر الوقت وانا بنت لحالي بالبيت

سند ;واركان كمان بنت

اركان بغضب ;زين كلامك احسن ما قوم عليك اعجنك قدامها ساعتها رح تنزل من عينها اكتر مانزلت ياغبي، ،،

افنان ;اركان متل اخي وابن عمي يعني مو غريب تفضل انت ورجيني عرض كتافك لانو شكلك بدك تخليني انسا الصداقة الي بينا

سند ;ايه شو عليه منتواجه يا افنان ان ماخليتك تترجيني مابكون سند

افنان ;لك رووح من هون عمو مين انت لا اترجاك كلك على بعضك شقفة ولد قاعد عم تهدد لعما بقلبك شو صاير زنخ يلله نقلع، ،،

مشي سند وهوة مكسور قلبه وعيونه قلبه دم من القهر وافنان عم تراقبه بقهر، ،،

اركان ; انا بورجيه هل كلب

افنان ;تركه اركان خلاص نكسر قلبه بيكفي

اركان ;لتكوني بتحبيه عنجد

افنان ; هوة رفيقي الوحيد ما الي حدا غيره رفيق، ،

غمرها اركان من كتافها وضحك بمرح ;شو هاد رفيقي ما رفيقي ولي نحن ماعندنا اخوات يرافقو شباب، ،

ضحكت افنان ;يقطعك يا اركان كانو عم تقعد مع ملهم وكنان كتير حتى صاير متلهن، ،،

بعد اركان عنها وتطلع فيها ورسم ابتسامة مريحة على ثغره ;ابدا بس الي بحبهن والهن معزة بقلبي بحاكيهن بهي الطريقة، ،،

ابتسمت افنان بحزن ومتلو عيونها بالدموع لتنطق ; اخي فراس كان يشبهك كتير كان مايتركني لحالي دائما معي، ،،

بقي اركان صافن فيها بحزن ليحكي ;اعتبريني هوة

رفعت نظرها وتطلعت فيه ليفتحلها ايديه ويحكي ;كل ماتشوفي حالك تعبانة حضن اخوكي اركان رح يكون عم يستقبلك بكل حب، ،،

بقيت صافنة فيه وشعور من الامان تغلغل جوى قلبها لتقرب منه وتحضنه بقوة وهوة يلفها بحنية بلشت تبكي افنان بحرقة وهوة عم يمسد على شعرها بحنية، ،،

افنان ببكي ومن بين شهقاتها ; انا من وقت ماتت ماما وانا لحالي انت اول خدا بيحاكيني هيك، ،

ضحك اركان بشقاوة ;لكن ليش انا اخوكي وموجود يازعرة، ،،

ابتسمت من بين دموعها وللحظة حست وكأنها طفلة صغيرة وبحضن اخوها الوحيد، ،بعدة عنه ليرفع ايديه ويغمر خدودها بين ايديه ويبلش يمسح دموعها بحنية ويحكي ;صدقيني مستعد موت ولا شوف دمعة من عيون وحدة من الي بحبهن بلأول كانت اختي شهد وزينب وهلئ افنان، ،،

ضحكت وحكت ;واحلا سند كمان

اركان ;يقطعه لاتجيبيلي سيرته هههههه

ضحكت افنان وحكت ;مجنوون ههههههه، ،،

ليسمعو صوتها عم تصرخ وينفزعو وينزل اركان ايديه بسرعة عن وجه افنان، ،،

ليمار بصريخ ;يا نهااار ابوكن اسووود شو جو العشق الممنوع هاااد، ،

افنان ;لك خرسي لفهمك

ليمار ;شو رح تفهموني خلص انا شفت كلشي بس ماتوقعتا منك يا افنان انا تخونيني اااا

اركان ;لك يابنت لاتجني افنان اختي التانية

بقيت متخنصرة وصافة فيهن وهية مكشرة ماقدرة تمثل اكتر من هيك لتنفجر بالضحك ;هههههههه لو تشوفي شكلك كيف خفتي ههههه

تنهدة افنان براحة ;الله يقطعك يا ليمار ،،والله لموتك

وهجمت عليها وبلشت تضربها وليمار عم تضحك، ،

افنان وهية قاعدة فوقها وعم تضربها ;عم تلعبي بأعصابي ما احقرك ،،،

ليركض اركان لعندهن ويحمل افنان ويبعدها عن ليمار ويصرخ ;يخرب بيتك موتيلي البنت

افنان وهية عم تضربه وتلعبط بين ايديه ;تركنيييي بدي موتك انت

ليمار ;وليييي عم تضرب بنت عمييييي

وقفت ليمار وهجمت على اركان واخدة وضعية الهجوم ودفشته ليمسكها من ايدها ويشدها ويوقعو كلهن بلأرض وهنن فارطين ضحك، ،،

من بعيد كان قيس صافن فيهن ومبتسم وهوة سامع كلشي وخصوصي انه افنان مابتحبه لسند ليمشي لعندهن ويحكي ;احم

تطلعت فيه افنان باستغراب ;قيس

جلسو حالهن هنن التلاتة واركان صافن في قيس بغل ; كاريزما عيلة الشامي خير شو جابك ،،

قيس بتوتر ;ام ولا شي كنت مالل وو

لتقاطعه ليمار ;انا قلتله يجي مشان نسهر سوا عند فوفا، ،،

تطلع قيس في اركان وابتسم لانها فعلا انقذته لتغمزه ليمار ابتسم وغمضلها بعيونه بمعنى شكر، ،،

اركان بغيرة ;هي هييي شو عم تغمزو بعض قدامي لعما

تطلعت افنان في ليمار بغضب وكزت ع سنانها وهية عم تتوعدلها، ،

اركان ;اي لكن صار بدها فنجان قهوة

وقفت افنان ومشيت وحكت ;تفضلو ياجماعة

وقف اركان وقرب من قيس وهمس ;شو عليه بنتواجه عم تغدر فيني ياكريزما عيلة الشامي، ،،

قيس ;لكن تمسكني في بيتها متل الحرامي بس انت اخدة وجه عليك وبعدون مافي حيا بوجهك انت

اركان بمسخرة ;يا محترم يا كاريزما يا انت

قيس ;خلص خراس خلينا نلحقهن قبل مايسكرو بوجهنا وينسونا برا وتتمرمط كرمتك مع كرامتي هالمرة، ،

اركان ;اي والله بيعملوها حيايا امشي امشي، ،

ركضو قيس واركان ناح البيت واركان متشعلق في قيس ومشنكله وقيس جاي عباله يقتله لا اركان، ،،

""""""""""""""""
بغرفة علي وزينب الي بالقصر كانت زينب قاعدة ع التخت بتوتر ولابسة بيجامة ساتان ناعمة وقصيرة، ،

زينب بهمس ;ولي كيف علي رح يشوفني هيك لك الله يقطعكن انتو ونصايحكن اووف احسن شي قوم اتستر والله عيب، ،

وقفت زينب لتمشي ناح الخزانة ماحست غير علي فتح باب الحمام وطلع وهوة عم ينشف شعره ولابس بنطلون بس بلا كنزة 🙂

رجفت زينب من هل مشهد وغمضت عيونها بتوتر لتتذكر كلمة شهد ( لك هاد زوجك زوجك كوني جريئة ولا تخجلي)

فتحت زينب عيونها بخجل وتطلعت فيه واخيرا انتبهت انه علي جسمع كله عضلات صفنت فيه بوله وهمست ;شو حلو

نزل علي المنشفة عن وجهو وتطلع ناح زينب لينصدم فيها شو لابسة كانت طالعة كتير ناعمة ومغرية ،،

خجلت زينب من نظراته ورفعت ايديها وغمرت كتافها بخوف وحكت ;انا انا كنت رح البس

رما علي المنشفة ومشي ناحها في بطئ وحكى ;ليش طالعة كتير حلوة

زينب بتوتر ;لك علييي

بقي علي يقرب منها لضرب ضهرها بالخزانة وحاوطها بين ايديه لترفع نظرها وتصفن بعيونه ;علي

علي وهوة هايم فيها ;ياعمرو لعلي ياروح علي احلا علي بسمعها بحياتي هي، ،

زينب بخجل ; خلاص بترجاك بعد

غمرها علي من خصرها ورفعها بخفة لتصير بطوله وصفن بعيونها وهمس ; بحبك

غمضت زينب عيونها ونبضات قلبها مليون لتحكي بترجي ;بترجاك علي

قرب منها علي ليبوسها نتفض قلبها وغمضت عيونها لينزلو دموعها حس علي انه زودها عليها لينزلها ويبعد عنها ويحكي ;خلص حبيبتي اسف اسف ياعمري بس لا تبكي، ،،

كانت زينب مقهورة من حالها اكتر ما تنقهر منه، ،،

مشي علي وطال كنزته ولبسها ومدد ع التخت وحكى ;تعالي ياعمري تسطحي لاتخافي مارح اعمل شي

مشيت زينب وهية مكورة ايديها بقهر وحاسة بغصة، ،

مددة ع الطرف الثاني من التخت ودارت وجها ع الطرف الثاني وبلشت تبكي بالنسبة لعلي كان عم يراقبها ومن خركة جسمها ونفسها عرف انها عم تبكي ليقرب منها ويحضنها من وراها ويطبع بوسة رقيقة على كتفها ويهمس ;ليش عم تبكي ياعمري

زينب ببكي ;لاني عم احرمك من حقك وماعم اقدر

علي بحنية ;ياعمري انا اسعد انسان بكل الدنيا مجرد وجودك حدي لاتزعلي ياروحي تبكي عيون كل الدنيا وعيونك لا، ،

لتفتت لعنده زينب وحكت ;يعني مو زعلان مني

بعد عنها علي ومدد على ضهرو وحكى ;والله بدي ازعل اذا ماقبلتي تنامي بحضني، ،

ابتسمت زينب وقربت منها وحطت راسها على صدره ليلفها بين ايديه ويغمض عيونه بفرح ; احلا شي بالحياة انك بحضني بدي موت وانتي بحضني هي امنيتي بالحياة، ،

زينب ;علييي بزعل منك لا تحكي هيك

شدها لحضنه وغمض عيونه لغمض عيونها وهية حاسة بدفا حضنه والامان تسلل لقلبها، ،،

"""""""""""""
كانت قاعدة عنده في بيته وهية شبه لابسة، ،

ليطلع عدي من الحمام ويحكي ;شبك صابك حالة جمود يعني

سماح بقهر ;ابني مقهور وانا عندك وكأني بنت ليل

عدي ;كأنك هههههه ما انتي بنت ليل بيبي

سماح ;عدي بدي اطلب منك طلب

عدي ;خير

سماح بغل ;ليمار بنته للكلب زيد هي اللعنة الي دخلت حياتي ودمرتها

عدي ;اقتلها

سماح ;لا بدي تنومها وتاخد منها كلشي وتغتصبها وترميها قدام بيته لا اركان وتحرق قلبه عليها

عدي ;ههههههههه

سماح ; ليش عم تضحك

عدي ;على خيالك الواسع انتي بتعرفي اذا بتطلع فيها بس نظرة شو رح يعمل فيني السفاح

سماح ;خايف منه يعني

عدي ;طبعاً قليل ماسمعت عنه في روسيا لك كان كل ماقتل حدا يعرضو صورته بتعرفي كييف ملامح وجهو مو باينة من تشطيب موس السفاح الي بيعتبره قلم رسم بدك ياه يشرحني ومشان مين مشان وحدة مابتسوى متلك، ،

وقفت سماح وصرخت ;ايااك تحاكيني بهاد الاسلوب

عدي ; ياعمري زعلتي ما انا نسيت احكيلك انو انتي ماعدتي سماح خانم كنت عيلة الشامي انتي صرتي شقفة رخيصة الرايح بيدعس عليكي والجاي بيدعس عليكي ههههه يا الله شو كان صار لو كنتي مال ضرتك نورا ادب اخلاق حشمة بنت حسب ونسب واهم شي دكتورة قد الدنيا ولا جمالها يا ويل قلبي اصلا كيف الجحش جاد فرط فيها مابعرف ومع مين مع وحدة ساقطة متلك، ،،

متلو عيونها لسماح بالدموع ماكانت قادرة ترد على عدي لانه بأي لحظة ممكن يرميها بشارع ومن جهة تانية كان كل كلامه صح ،،،

""""""""""""""
في بيت نورا، ،

كانت نرجس قاعدة ونورا قاعدة مقابيلها وباين عليها التوتر، ،،،

نورا وهية عم تشرب قهوتها برواق ;شبك نرجس في بتمك حكي

نرجس بتوتر ;بصراحة كنت بدي صارحك بشغلة وانا بعرف انه سماح مارح تسكت ورح تخربها عليي معها ( متلو عيونها بالدموع وكملت) بس انا والله ماكان بدي هيك الندم عم ياكل قلبي وروحي صدقيني كل مابتطلع بعيونها لزينب عم اتمنى اموت، ،

قطبت نوزا حواجبها وهية صافنة في نرجس وعم تحاول تترجم كلامها ;شو.دخلك بسماح انتي

نرجس ببكي ;انا انا الي طلبت منها تجيب شب يتصور مع زينب مشان علي يتركها، ،

فتحت عيونها نورا على وسعهن ونطقت ; شوو

نرجس بقهر وحزن ;بترجاكي نورا ساعديني حاسة بوجع جوى قلبي، ،

وقفت نورا ومتلو عيونها بالدموع وهية صافنة في نرجس بصدمة وحكت ;انتي تعملي هيك نرجس

نرجس ببكي ;والله ماكان بدي يصير هيك والله انا بس كان بدي خوفها كان بدي تبعد عن علي بأي طريقة بس مو هيك سماح اشتغلت من عقلها، ،

بقيت نورا ساكتة وصافنة فيها لنرجس وعيونها كلهن دموع، ،لتوقف نرجس وتمشي لعند نورا وتوقف قدامها وتحكي ;نورا انا،،

لتقاطعها نورا وقت رفعة ايدها رصفعتها على وجها بقوة وصرخت ;حقيييييرة نرجس حقيرة لك انتو شووو كلكن وسخين كلكن مافيكن حدا منيح كلكن كلااب لك انتو بأيدكن عم تجرحو ولادكن شو شعورك بس يعرف علي انو بسببك اغتصبو حبيبته شو رح تكون ردة فعلة لمعن بس يشوف امه القدوة رخصت بحالها لناس وسخين واذت بنت بريئة، ،،

كانت نرجس سامعة كلام نورا وعم يغرز سكاكين جوى قلبها وعم تبكي بسكات ونورا صافنة فيه بقهر، ،

نورا بقهر وبكي ;لك كنت مستحيل صدق انك تأذي حدا كنتي انتي وحياة القدوة بنظري كيف طاوعك قلبك كيييف

نرجس ببكي ;بترجاكي نورا بيكفي عم تحرقي قلبي

نورا ;ااا والله عم احرق قلبك والبنت الي حرقتي روحها شو نشانها لك كيف عملتي هيك في ابنك

نرجس ;ورحمة حياة ماكنت بعرف انها رح تعمل هيك انا بس كنت بدي خوفها والله يا نورا

بقيت نورا صافنة فيها بقهر لتحكي ;انا اسفة مافيني وقف مع الظلم لو كنتي رفيقة عمري واختي مستحيل وقف معك

نرجس بصريخ ;لكن كيف وقفتي مع اركان وانتي بتعرفي انه ماضيه وسخ كيف

نورا ;لا تجيبي سيرة اركان اركان بحياته ما اذى حدا بريئ متل ماعملتي انتي لك دمرتي البنت الله يلعنك يا نرجس

نرجس ببكي ;ماكنت بعررف ماكنت بعرف فهميني انا كان بدي خوفها

نورا بغضب ;خليكي بتستاهلي كلشي رح يصير معك خرجك الله لا يقيمك، ،

نرجس ;يعني مارح تساعديني

نورا ;الشي الوحيد الي بقدر ساعدك فيه اني ما احكي لحدا مو مشان شي مشان ولادك بس، ،،

بقيت نرجس صافنة بسماح وعيونها كلهن دموع ;لا تتخلي عني

نورا ;للأسف انتي تخليتي عن مبادئك واخلاقك وقت فكرتي تأذي بنت بريئة بس لانه ابنك حبها، ،،

لتفتت نرجس واخدة جزدانها وطلعت من بيت نورا مسرعة ونورا واقفة بأرضها وعم تراقبها بقهر لتقعد على الكنبة وتغمر راسها بين ايديها وهية عم تبكي، ،،

""""""""""""""
في بيت افنان، ،

كانو مجتمعين ليمار واركان وقيس وافنان وعم يلعبو ورق شدة، ،

قيس وهوة عم يطبق الورق ;لك انا كلي ما الي بهل لعبة ليش لوافق

اركان بمكر ;شو شريك رح تستسلم

افنان بحماس ;رح ندمركن هلئ بتشوفو

اركان ;والله يا فوفا عم لاحظ تشابه افكار كبير بينا هههههه

ليمار ;بلله شو والله حتى بلش جلد هههههه

رما اركان ورقة الكوبا وسحب كل الورق وهوة عم يضحك ;هههههههاي وهي احلا كوبا لعيونكن صبايا

قيس ;برافو عليك شريك

اركان ;ارضي وملعبي الشدة انا

افنان ;اي لاتفرح كتير هلئ رح ورجيك فت ورقق لشوف، ،

رما قيس ورقة لترمي ليمار الختيار نصدمو افنان واركان من غباء ليمار ليضحك اركان ;هههههههه

افنان بغضب ;لك ليش فرشتي ختيااار

ليمار ;مشان نربح

افنان بنرفزة ;شو شو بدنا نربح ورقة الله ياخدك ياليمار كان الختيار الي معك املي الوحيد لك مابقي معي ولا كوبا غبية

ليمار ;وليش عم تبهدلي لعما ما احقرق هلئ بسحب الورقة

مدة ايدها لتسحبها ليحط اركان ايده فوق ايدها ويحكي ;ممنوع فرشتي ختيار ممنوع تتراجعي هاد قانون الشدة

ليمار ;بس حبك لا الي فوق القانون مو هيك

اركان بهمس ;حبيبتي رح تخلي شكلي زبالة قدامهن هالمرة سمحيلي مستحيل اتنازل

نترت ليمار الورقة وحكت ;لا رح اسحبها

رمت افنان الورق بنرفزة وحكت: يقطع عمرك بطلت العب

ليرمي قيس الورق ويحكي صرنا تنين، ،

مشيت افنان ع المطبخ، ،ليتطلع اركان في قيس بسرعة ويحكي ;لحقها هي فرصتك

قيس ;فرصة شو

اركان ;لك جحش جحش لحقها بسرعة

وقف قيس وحكى ;شو احكييي

اركان ;الي بيقولو قلبك بسرعة

قيس ;مستحيل

ليمار ;لك يلله لعما شو انك جلطة، ،

نتهد قيس بتوتر ولحقها لا افنان وليمار عم تراقبهن وهية مبتسة، ،

دارت وجها لعند اركان لتشوفه صافن فيها ;شبك

اركان بهيام ;قاعد مع احلا بنت بكل الدنيا في احلا من هيك

ليمار ; وشو عرفك اني احلا بنت دورت

اركان ;بصراحة انتي اول بنت بدور عليها دائما البنات كانو يجو لعندي ويحبوني

ليمار ;حقير وعم تعترف

اركان ;شو بدك كذب عليكي واحكي انك اول بنت بحياتي

ليمار ;بس بيقولو انو الحب للحبيب الاولي كيف حبيتني وانا اخر وحدة

اركان ;انتي الحبيب الاولي ليمار بعمري ماحبيت غيرك اي صاحبت بنات كتير بس ولا مرا حبيتهن بقلبي ولامرا شفت وحدة فيهن بقلبي متل مابشوفك انتي. دائما كانو مليكانات بالنسبة لا الي شكل وبس ولا ( وقرب منها وحط ايده على قلبها ونطق وهوة هايم بعيونها) انتي اول حدا بحبه من هون من قلبي اول خدا بحبه من قلبه مو من شكله وقت بصفن بعيونك الي بعشقهن بشوف قلبك الكبير والحنون بشوف طفلة صغيرة نقية كتير متخبية ورى لسانها الطويل بس بالحقيقة هية هشة كتير، ،

بقيت ليمار صافنة فيه لتحكي ; حبيتك من لمى تنازلت عن انتقامك ومااذيتني كنت مفكرة انك رح تقتلني بس وقت شفت عيونك لا اول مرا كانت وقت تصاوبت بأيدك وانت عم تنقذ امك كانت اول مرا بشوفك بقلبي فيها شفت جوى عيونك وجع كبير طفل صغير بحاجة لحنية متخبي ورى قسوة رجل مجرم، ،

ابتسم اركان وحكى ;بعمري ماتوقعت حب بنته لزيد ههههههه

ليمار ; والله متلك بعمري مافكرت حب سفاح ههههه،،

غمرها اركان لحضنه وهوة مبسوط لتغمض عيونها وكانه امان الدنيا بحضنه، ،،،

"""""""""""
كانت افنان واقفة قدام الرخامة وناطرة يتعبى ماج القهوة، ،

ليدخل قيس ويصفن فيها ويركي حاله على باب المطبخ ويبتسم ;ممكن يكونو تنين

لتفتت افنان لعنده بفزع وحكت ;قيس

قيس ;خفتي

افنان ;ابدا انا مابخاف

قيس ;مافي انسان مابيخاف

ركت افنان ايديها ع الرخامة وحكت ;وياترا قيس الشامي عنده مخاوف

قيس ;طبعاً قلتلك مافي انسان ما بيخاف

افنان ;بصراحة عندي فضول اعرف مخاوفك

قيس ;اذا عملتي الي ماج قهوة معك وقعدنا بالحديقة اكيد رح احكي، ،،

ومشي قيس قدامها من غير مايسمع منها ولا كلمة حتى وهية صافنة فيه لترفع ايدها وتحطها على قلبها وتحكي ;اهدى بترجاك شو عم يصرلك بس تشوفه اووف، ،

ولتفتت لتعبي ماج تاني لقيس، ،

""""""
وصل ع الحديقة وقعد ع المرجودة لكبيرة ورفع راسه لفوق وصفن بالقمر ليبتسم وعيونه عم يلمعو كان عم يتخيل ملامح وجها بالقمر ليهمس ;شو عملتي فيني يابنت، ،،

ليجيه صوتها ;تفضل

لتفت لعندها واخد من ايدها ماج القهوة وابتسم ;شكرا

افنان ;العفو

بقيت افنان واقفة وعم تطلع بسما ونسمات الهوى عم تتناغم بين خصلات شعرها بشكل ساحر كانت عم تتجنب تطلع بعيونه الي عم يلمعو تحت ضي القمر، ،،

ابتسم وهوة صافن فيها وولهان وهايم فيها، ،

افنان ;شو مابدك تحكي عن مخاوفك

قيس ;اني اخسر حدا بحبه

لتفتت لعنده وصفنت فيه ;معقول

قيس ;سبق وخسرت اركان وهوة صغير وامي كمان ( غص بدموعه) وفرطت في اركان للمرة التانية بأيدي بتصدقي لحد هلئ مابسامح حالي كيف قدرت اعمل هيك بأخي بتعرفي رح احكيلك شغلة بس خليها سر بينا

قعدة حده افنان بفضول ;شو هية

قيس ; بتتذكري يوم كنت واقف على حفة الجبل وعم احكي وحكيتيلي شو جنيت

افنان ;اي

قيس ;بوقتها انا فعلا كنت عم احكي مع حالي تجسد قدامي شخص تاني نسخة مني وكأنه انا بس كان بيختلف عني انه هوة كتير شرير تفكيره شيطاني كان بس عم يحرض فيني اني اجرم واقتل، ،،

افنان بشرود ;ولحد هلئ بيظهر الك

قيس ;لا تعالجت عند خالتي نورا هية ساعدتني اتخطى هالمرحلة من خياتي بتصدقي برغم وجود الكل حدي الا انو مابحس انه حدا بيشبهني فيهن

افنان ;اركان بيشبهك بالشكل

قيس ;شكل بس غير طبع

افنان ;معك حق هوة نيراني وانت بارد

ضحك قيس ;لا مو بارد

افنان ;مبلا بارد ومستفز كمان

بلش يضحك قيس لتبتسم افنان وهية صافنة فيه، ،

رفع نظره وتطلع فيها بحب ; بس بتعرفي من فترة اكتشفت انو نولد خوف جديد جواتي

افنان ;شو هوة

بقي قيس صافن فيها ليتشجع ويحكي ;اني اخسرك

تلاشت ابتسامة افنان وهية صافنة فيه وحكت بقلبها ;لا بترجاك لا تقولها، ،

وقفت افنان وحكت ;انا صار لازم فوت ليمار رح تقلق

وقف ومسكها من ايدها وشدها لعنده لتضرب بصدره وهوة صافن فيها بهيام ليهمس ;مابدك تعرفي ليش

كانت افنان مغمضة عيونها ونبضات قلبها مليون ريحة عطره سحرت قلبها ومو قادرة تحكي ولا كلمة حضن قيس بالنسبة الها كان مصدر تعذيب لقلبها مابدها تحبه وغصب عنها قلبها عم ينبض لا اله بس، ،،

قيس ; صرت خاف عليكي من نسمة الهوى صرت خاف اخسرك بالأول كنت مفكر اني بدي بس انتقم منك لانك كنتي تبتزيني بس بعدون اكتشفت اني، ،

افنان بهمس ;بترجاك قيس

حط ايده قيس تحت دقنها ورفع وجها بايده لتلتقي عيونها بعيونها ويهيم بعيونها ويحكي ;اكتشفت اني ،، بحبك، ،اكتشفت انك اخدتي قلبي ورحي اكتشفت اني يوم بعد يوم عم اغرق بحبك اكتر واكتر يوم الي اجيتي على حفة الجبل وقوصتيني بأيدي فجرتي المشاعر الي بقلبي لا الك واكتشفت اني متيم فيكي مو بس بحبك، ،،

كانت افنان صافنة بعيونه ونبضات قلبها عم تتعالا وكل كلمة كان يحكيها عم تخلي قلبها يضرب جوى ضلوعها، ،،

بقي قيس عم ينقل نظره على عيونها بشغف وحب ليتجرئ ويقرب منها ليبوسها ماحس غير وقت دفشته عنها بسرعة وصرخت ;لك انت شو عم تقول، ،،

بقي قيس صافن فيها بصدمة، ،،

افنان بغضب ;انت كيف بتتجرئ تقرب مني اصلا شو هال حكي الي عم تحكيه مفكر انك رح تضحك علي بكلامك المعسول وتخليني حبك، ،

قيس ;افنان وطي صوتك شو صرلك

افنان بغضب ;طلاع من حياتي قيس انا بكرهك ومستحيل حبك بحياتي كلها، ،،

حس قيس وكانه سكين ونغرزة بنص قلبه بعد كلمتها بقي صافن فيها بقهر، ،،

ليطلعو اركان وليمار على صوت صريخ افنان، ،،

ليمار ;افنان شبك

تطلع اركان بقيس وحس عليه مقهور ;شو صار

افنان ;ولا شي قيس بيك بدو يروح

بقي قيس صافن فيها بقهر ليحكي ; انا اسف تصبحو على خير، ،

ولتفت ومشي مسرع ليتبعه اركان بسرعة، ،،

وافنان صافنة فيه بقهر متلو عيونها بالدموع وركضة لجوى لتتبعها ليمار ;لك شببك شو صرلك يابنت

قعدة افنان ع الكنبة وحكت بقهر ;قال انه بيحبني

ليمار بفرح ;جد وانتي شو قلتي

افنان ;وانتي ليش مبسوطة ااا اصلا انا مابحبه

ليمار ; كذابة ولي

افنان ;لا ماعم كذب

ليمار ; حرام عبيكي جرحتيه

افنان ;ااا والله جرحته وحضرتك وقت حبيتي اركان وكسرتي قلبه ماشفتي حالك هاد بدو يشفي جروحه من حبك فيني فهمي

ليمار بغضب ;لك اناي شو عم تحكي لك انا وهوة ماصار بينا اي شي علاقتنا كانت اخوية لا اكتر انتي بلشتي تخبصي يابنت

افنان ;خلص ليمار تركيني بحالي

ليمار ;غبية رح اندفس عندك اليوم

افنان ;ندفسي مين ماسكك

وطلعت على غرفتها بقهر تاركة ليمار وراها لتلحقها ليمار بغضب وتدخل على غرفتها

افنان ;خير

ليمار ;بدي نام حدك

مددة افنان على التخت لتمدد حدها ليمار وحضنها غمضت افنان عيونها لتنزل دمعه من عينها بقهر، ،

"""""""""""""
في بيت عدي، ،،

كان قاعد فدام الtv وعم يتابع فيلم ليصرخ ;وينك وليي شو صار ساعة لتعملي جاط بوشار

اجت سماح وهية حاملة جاط البوشار بأيدها لتمشي لعنده وحطه قدامه وهوة صافن فيها بمكر، ،

اجت لتقعد ليحكي عدي ;لت تقعدي ع الكنبة مشان ماتسوخيها قعدي ع الارض

بقيت سماح صافنة فيه بقهر لتحكي ; عدي بترجاك بكفي

عدي ;قعدي ع الارض لا بتنقلعي

قعدة سماح بالأرض بكل قهر وعدي يستمتع وهوة عم يذلها، ،،

قطع عليهن هالقعدة وقت سمعو خبطة الباب ونتفضو هنن التنين، ،لتفت عدي بسرعة لوراه ليشوف شب طويل وباين عليه التجبر من شكله ليحكي بصدمة ;ازار

ازار ;كيفك شريك

وقف عدي بصدمة ;انت شو جابك

مشي ازار وقعد ع الكنبة وحمل جاط البوشار وبلش ياكل منه ;امم لذيذ، ،

تطلع عدي ناح الطاولة ليشوف مسدسه ورجع حول نظره على ازار ،،وبلمح البصر طال عدي المسدس ووجهو على ازار الي قاعد عم ياكل بوشار بكل برود وضحك بشر ;منيح انك اجيت على اخرتك برجليك، ،،

وضغط ع الزناد لينصدم انه المسدس فاضي من الرصاص بلش يضغط ع الزناد بخوف ليبلش ازار يضحك ويحول نظره ناح سماح الي مبتسمة بمكر وصافنة فيه لعدي، ،،

حول عدي نظره لعند سماح ;انتي علمتي هيك يا وسخة

ازار ;لااا مابسحلك كلشي الا الجنس اللطيف، ،

لتفت عدي بخوف وركض ليوقف ازار ويصول مسدسه من خصره ويبلش يقوص على عدي باستمرار ليوقف عدي بأرضه جثة هامدة، ،

نزل ازار سلاحه وحكى ;سامحني ياصاحبي بس الأوامر فوق كلشي هههههههه، ،،

ليتطلع ازار ناح سماح ويحكي ;دموزيل تفضلي معي

وقفت سماح بفرح وحكت ;شكرا الك

ازار ;ولو انا مع الجنس اللطيف كتير لطيف هههه، ،

مدلها ايده ازار وحكى ;تفضلي السيدات اولاً، ،،

مشيت سماح قدامه وهوة صافن فيها بمكر ليرفع سلاحه ويقوصها لسماح شهقت ووقعت على ركبها، ،

ليمشي بكل برود ويوقف قدامها ويوطي لعندها ويغرز المسدس بنصه لقلبها ويحكي ;شفتي ما الطفني هههههه

بقيت سماح صافنة فيه بصدمة لتغمض عيونها بأستسلام ليأطلق ازار الرصاصة وتخترق قلبها لسماح وتوقع جثة هامدة حده لعدي، ،

نسب وقفته بكل برود وضب سلاحه بخصره ومشي ناح الطاولة وحمل جاط البوشار واخد حفنة من ومشي بكل برود ليدعس فوق جثة سماح وهوة ماشي بكل مكر، ،وطلع من البوابة تبع البيت توجه ناح سيارته وطلع فيها وانتطلق بكل رواق ولا كانه عمل شي، ،

( ازار شخصية اجرامية بأمتياز بيلبقوه الزيبق عقد مو خبيث وماكر المقنع الي رباه وبطبيعة رجال المافيا كل زعيم من رجال المافيا عنده حارس خاص فيه تماما متل مازيد رباه لا اركان المقنع ربا ازار وجواد رباها لا لورين وجلال عدي وغياث) ،،،

""""""""""""""
في غرفة قيس كان واقف قدام شباكه بكل برود بتعكس ع الاعصار الي جواه واركان ومعن قاعدين عنده، ،

اركان ;وبعدون مارح تحكي شو صار ليش صرخت عليك

قيس ببرود ;ولا شي حكيتلها اني بحبها وهية حكت انها بتكرهني وخلصت القصة

معن بردح ;يصحلها عم ترفضك كمان لك اذا هية محامية شاطرة انت مبك عالم الموضة لسى بدها ترفض لعما شو مغرورين هية وليمار لك زودوها لسى ليمار اشوا منها ع القليل مشاعرها ظهرت اتجاه اركان بسرعة بس هي متل لوح التلج ما كانت تلين لعما

اركان ;والله كذابة وبتحبك انا بعرف

قيس ;خلص مو مهم رفضت ومشي الحال تنازلت عن كرامتي كتير كرمتلها بس لهون وبس عيب عليي اذا بشوفها بشارع التفت لعندها او اعمل حالي بعرفها خلص اكتشفت اني مادخلني في موت اخوها لك كلكن ماكرهتكن متلي الا انا بتكرهني اكتر من الكل بس بيكفي لهون ماعاد تهمني تنازلت عن كرامتي مشان كتير شغلات مابقي غير اترجاها تحبني ههه بنت نرجسية شو بدي فيها

اركان ;عم قلك باين عليها بتحبك وبعدون خرسو شبكن ع البنت قليل الي صار معها يعني

معن ;لا تدافع عنها هية كل مابتشوفه بتهين رجولته هاد مو اسلوب ابدا ليك ليمار كيف وقت عاشرتها كيف صارة متلها

قيس ;بالعكس ليمار قلبها طيب وما بتسخى بس افنان حقودة وكتير

اركان ;متلك يعني

لتفت قيس لعنده ;انا بعمري ماكنت حقود انا مابحب اختلط مع البشر اخي انا ضد الطبيعة، وممكن تنقلعو لانو بدي اندفس

اركان ;مشان تبكي

قيس ;وليش لا ابكي بيكفي لهون

وقف معن وحكى ;يلله اركان خلينا نطلع ونتركه مع نفسه

اركان ;لك انت مو كنت رح تجيب بنت تجاكرها فيها

قيس ;ههه متل الولاد يعني انا مابحب هي الحركات، ،

اركان ; تسطفل براحتك

وطلعو معن واركان من غرفته ليمدد على تخته ويصفن بسقف الغرفة بقهر وهوة كازز على سنانه بقهر وشادد على قبضة ايده بغل ; شو بدي فيها تسطفل شو بدي موت حالي لتحبني ولا تحبني بالناقص اصلا انا غبي غبيي كيف بعترف بحبها بهالسهولة، ،

ماحس غير باب غرفته فتح وطلو معن واركان ليغمر وجهو بنرفزة ويحكي: خيييير

اركان ;بدنا ننام عندك

قيس ;نعم يخويا عندي شو شايفيني فاتح بيبي سيتر، ،

رمو حالهن معن واركان فوقه لقيس ليصرخ ;لك ايييي وجعتوني

بالصدفة كان امجد مارق من حد غرفته ليسمع صوته وهوة عم يحكي وجعتوني فضوله غلبه ليطحش ويفتح عليهن الباب ويتفاجئ كيف مددين حد بعض هنن التلانة ومعن واركان عم يتغالظو عليه فتح عيونه بصدمة ونطق ; شو عم تعملو

رفع قيس حاله ونطق ;اقسم بلله هنن والله

كان مراد ماشي بالكريدور ليشوف ابوه واقف قدام غرفه قيس ومصدوم قطب حواجبه باستغراب ومشي لعندهن ليتطلع يشوف اركان ومعن وقيس مددين حد بعض وقيس عم يبرر لا امجد واركان ومعن عم يضحكو لتتوسع ضحكته ويصرخ ;اناام معااكوو انام معاااكو، ،وركض لعندها ونط ليرفع قيس ايديه ويصرخ ;لاااااا

ليوقع مراد فوقهن ويخبصو لقيس واركان ومعن رح يموتو من الضحك، ،،

امجد ;الله لايكبركن كل واحد فيكن قد الجحش وعم تلعبو وبعدون سيد مراد وينها مرتك

مراد وهوة مدد حده لا اركان ;نامت رورو بتحب تنام بكير وانا اجيت اسهر مع الشباب الطيبة ههههههه

اركان ;هاد منظر عريس هاد علي الحلال بس اتزوج ليمار لا ابقى بغرفتي سنة كاملة ما اطلع منها

مراد ;دير بالك من هرمونات الحمل لكن ههههههه

مشي امجد وهوة عم يزورهن بنرفزة ليرفع حاله قيس بنرفزة ويوقف بغضب ; لك يقطع عمركن انا عايف حالي وانتو قاعدين تتزانخو، ،

ليفتح الباب فجأة ويطل كنان ; شو عم تعملو كلكن هون

قيس ;دي تفضلو كمل الطقم مبسوطين هيك

دخل كنان وسكر الباب وتنهد بقهر ; مقهور كتير على سامر هلئ لغفي

اركان ; وانت تارك مرتك وعم تنام مع اخوك

مراد ;خطيتها هل ميلا ماتهنت

كنان ;اي شمتو انتو

اركان ;شبك ولوو يعني رح ينسى شو بدو يعمل بكرى بيسامحها بالنهاية هية امه

كنان ;بتمنى

قعد كنان وغمر راسه بين ايديه

معن ;شبك كنانو والله مو متعودين عليك هيك

كنان ;شو اعملك مثلا ابي مرتو خانتو واخي لصغير شاف امه مع عشيقها على تخته شو اعمل ارقص

طال قيس باكيت دخان من درج الكومدينا وفتحه وطال سيجارة ليدخنها، ،

اركان ;قيس انت بتدخن

قيس ;بس كون متدايق بس مع اني مابحب الدخان

اركان ;عطيني هالباكيت لكن نشاركك وكستك واحزانك

قيس ;بتصدق انو ماعندك دم عم تضحك حط حالك محلي

اركان ;اووو نحطيت كتير محلك لاتخاف ،،

اخدو الشباب دخان وولعو كلهن وقيس واقف قدام الشباك وصافن بقهر، ،

مراد لا اركان ;شبو اخوك متل اثير الاحزان في وحدة لطمتو يعني متل ماعملت فيك رولا، ،،

نصدم اركان وهوة شايف كيف مراد فضحه ليحولو الكل نظرهن ناح اركان ومراد ويحكو ;مين رولا

معن ;يخرب بيتك عم تخبي عليي

رما اركان السيجارة بالأرض لتطير على كنان وتجي بين رجليه لينط كنان ;يححح لك بدط تحرقني قبل ما اتزوج الله يحرقك

بقي مراد صافن في اركان بمكر ليحكي ;اوبس خربتلك الليلة شكلي والكاريزما تبع السفاح عم تندعس تحت الرجلي هههههه

وقف اركان بغضب وحكى ;تشاهد على روحك مراد

مراد ;لك روح عني بدك تتعنتر عليي مشان وحدة لطمتك وتركتك هههههههه، ،

قيس ;ههههههههه مشان هيك مابدك رولا

معن ;معقول انت تلتطم يا اركان

جن اركان ع الاخر وهجم على مراد ولكمه على وجهو ليقلب من ع التخت ويوقع ع الارض ونزل فيه اركان ضرب ومراد عم يضحك ويتوجع ;ااااخ عم توجعمي ياجحش بعد عنيييي

اركان وهوة داقق بخوانيقه لمراد ;والله لا اخرب بيتك وافضحك يا هوليا يا واطي انا عم تلعب معي ولاااك انا تفضحني

قيس بمكر ;شكلي رح نفذ الخطة وجيب رولا ههههه

قام اركان عن مراد ولتفت لعند قيس وحكى ;ليك ولا قيس اوعك تلعب بأعصابي

قيس ;من مبارح لليوم تلفت اعصابي وبدك ارحمك اي مافشرت

اركان ;هيك لكن، ،ولتفت لعند الشباب وحكى ; شباب افنان لطمتو لقيس وقلعته من بيتها بعد ما اعترف بمشاعره الها

مراد ;ههههههههه صرتو ملطومين انتو التنين

اركان. ;وانت وقت كوليا كبتلك مي باردة ومارضيت تتزوجك شبك صايرة ذاكرتك ضعيفة

كنان ومعن كانو عم يتابعو الحديث بمتعة وعم يضحكو، ،،

معن ;الحمدلله انا ماحدا لطمني

كنان ;ولا انا ههههه

وقف مراد وهوة عم ينفض تيابه ;طانا رايح عند رورو حبيبة قلبي اشتقتلها لشقرا ،،،

اركان ;اي روح روح ودعها منيح، ،،

طلع مراد ليتبعه اركان ويطلع على غرفته، ،

معن ;وانا رايح نام

كنان ;خدني معك

طلعو الكل ليبقى قيس واقف لحاله وهوة مبتسم بمكر ;شو عليه يا اركان صار دوري احرق دمك انت وافنان بسيطة هههههه، ،،

""""""""""""""
دخل كنان على غرفته ليشوف ميلا قاعدة وناطرته ابتسم اول ماشافها ومشي لعندها، ،

ميلا بعفوية ; بعرف رح تقول هلئ ليش ناطرتني لهلئ بس من مبارح وقت نمت بحضنك ماقدرت نام بدونك

غمزها كنان ;تعودتي على حضني من اول يوم ياقطة

ابتسمت بنعومة ;كنان عم تخجلني

مدد كنان ع التخت وشدها لعنده بسرعة لتوقع بحضنه وصفن بعيونها بوله وحكى ;نشالله يقبروني هالعيون شو بعشقهن

ميلا بدلع ;بيبي عم تخجلني

كنان بوله ;ولي على بعضي الدلوع انا

وشدها لعنده وغمر شفافها بشفافه بشوق كبير لترفع ايديها على كنزتها وترفعله ياها وتتفاعل بمعه بكل حب، ،،

شلح كنان كنزته ورماها وقلبها لتصير تحته وقرب منها وبلش يوزع قبلاته على شفافها و جميع انحاء وجها وهية مستسلمة لقبله ع الاخر، ،،( تركوهن لحالهن عرسان شو دخلنا 🙂🙂💔)

"""""""""""""""
تاني يوم، ،

لتقو جثة عدي وجثة سماح بشقة عدي والشرطة خبرته لجاد، ،

بلمشفى، ،

كان جاد واقف فوق جثة سماح وسامر عم يبكي بحرقة والشباب متجمعي حواليه وصافنين فيه بحزن، ،،

دخلت نورا على ثلاجة الموات لتشوف سامر منهار على جثة سماح متلو عيونها بالدموع وركضة لعنده وشدته لحضنها وحضنته بقوة وبلشت تبكي معه، ،،

نورا ببكي ;خلص ياعمري بكفي الله يرحمها انت هيك عم تعذبها

سامر ببكي ;ماتت وهية بعيدة عنيي خالتي شو ماعملت بتضل امي راحت امي ياخالتي راحت، ،،

كانو اركان وقيس صافنين فيه وقيس عيونه مليانين دموع للحظة تذكر وقت اجاه خبر موت حياة، ،

غمض عيونه لينهمرو دموعه بحرقة وطلع من الثلاجة تبع الموات تاركهن وراه، ،،

بينما اركان صافن فيه بقهر وعيونو مدماي، ،،

ليرن جواله ويتطلع ع اسم المتصل يشوف ليمار تنهد براحة وكانه تلفونها انقذه من نوبة حزن كبيرة، ،طلع من الثلاجة وفتح الخط ;الو

ليمار ;صحيح الي سمعتو

اركان ;كيف عرفتي

ليمار ;الاخبار وبعدون شبو صوتك انت منيح

تنهد اركان بقهر وحكى ;منيح

ليمار ;وينك انت جاي لعندك

اركان ;بالمشفى سامر عم يودع امه مشان تتم مراسم الدفن، ،

ليمار ;سكة الطريق وبكون عندك، ،

اركان ;بحبك

ليمار ;وانا ياروحي

نزل التلفون وفصل الخط، ،

ورجع لجوى لعند سامر ومشي لعنده وسحبه من حضن نورا ووقفه وحكى ;تعال معي لاعاد تبكي عم تعذبها هيك سامر

سامر ببكي ;عم عيش نفس الوجع اركان نفس وجعك انا كمان فقدة امي اركان امي راحت، ،

حضنه اركان بحزن وحكى ;هاد قدر الله بدك تعترض يعني الله يرحمها ويغفرلها، ،،

وبعد عنه وسحبه لبرا وهوة سانده وجاد عيونو كلهن دموع على ابنه، ،،

طلعو الكل من الثلاجة، ،،

ومشي جاد ليجهز لمراسم الدفن ويطلعو الجنازة، ،،

""""""""""""""
قدام شاشة التلفزيون كان قاعد وعم يشرب قهوة بكل رواق وهوة عم يتابع الاخبار ليضحك بمكر ;ههههههه والله برافو عليك يا ازار، ،