مالك: بيرتعب وبيتطلع فيه شو صرلك
مازن: وعاملي حالك وادخلو البيوت من ابوابها وشريف مكة مين هي يلي عم تحكيها اه
مالك: يخرب بيت عقلك خراس حدا بيسألك مع مين عم تحكي افندي
مازن: ماحدا بيسألني بس بتهتوني اني نسونجي وانت شو رجالي واطفال ياحنون انت
مالك: ستنى علي بيبعت لحنين انو بدو يسكر وبزت موبايله وبقوم تعا لنتفاهم تعا
مازن: شوف مالك مالي قد تكسرني ايوا خليك بعيد ابو حنونة وبيضحك هههه
مالك: لك مازن انت شو عرفك بحنين
مازن: حبيبي انا ابو المزون يلي مافي شي عنه بتوه هيهي
مالك: انا بفرجيك لخليك تتوه وماتعرف تلتقى وبيركد عليه وببلشو يتناقرو فورا مازن بصير بهالارض ومالك عم يلطوش فيه
مازن: يااميييي شاديةةة خانمممم
مالك: لك خراس خراس
مازن: عاااااا
مالك: بسدله تمه بخنقك ها ولا حرف بشيل ايدي
مازن: اممما اما اممم عم يأشرله بعيون انو خرس
مالك: بشيل ايده من على تمه وبشيله وبيرفعه ايوا هيك انت عيني
مازن: عم ياخد نفسه بصعوبة
مالك: برتبله تيابه صوتك وحشريتك الزايدة بطلهن اي حبيبي كرمال ما يصير مشاكل بينا
مازن: بهزله براسه
مالك: ياعيني عليكي ياقطة محلاكي وبيمشي وبيتسطح على تخته اطفي الضو ياابو الميز يلي مابهيز
مازن: بيتطلع فيه وببلش يبربر عليه من وراه الله يلعن
مالك: سامعككك
مازن: بيركد بيطفي الضو وبيتسطح
بعد مرور اسبوعين
بالنادي
بكون واقف مالك وعم يتمرن ووراه الشباب عم يتمرنو معه
وحنين عم تلعب على المشاية وكل شوي بتخطف عليه نظرات وبتبتسمله طبعاً بهالاسبوعين تطورت العلاقة وبلشو ياخدو راحتهن على بعض ويحكو وحنين ماعاد تنكر انها حبته لمالك وحبت ركازته وكلامه
بتدخل على النادي ريم بنت عمته لمالك بتسأل على مالك وبتشوفه وبتركد عليه
ريم : بتوقف وراه وبتشط حالها لطول مالك وبتحط ايدها على عيونه حزر فزر مين انا
حنين: بتوقف المشاية وبترفع حاجبها وبتشتغل نار جواتها بتنزل من على المشاية وبتوقف
مالك: بيمسك ايدين ريم وبنزلهن من على وشه وبيلتفت عليها هو ومحروج بيتطلع فيها ريم شو عم تعملي هون وشوهالحركات هي
ريم: بتبتسم اجيت سجل هون عندك مافرحت بشوفتي
مالك: اووو بيضحك عليها هههههه انا يلي فرحت بيلتفت على الشباب منكمل بعد شوي شباب
ريم: بتمسك ايده يلايلا مالك فرجيني على النادي
مالك: بيتطلع على حنين بتكون رح تاكل حالها من الغيظ
بيبتسم لريم اي يلا روحي اسبقيني على الاستقبال رح غسل واجيكي بعلي صوته احلى ريمو
حنين: بتغمض عيونها بغيظ وبتفتحهن وبتطلع فيه وبتزوره
بتروح ريم وبيمشي مالك على مكتبه هو وعم يضحك
ما بتسيطر على حالها حنين وبتركد وراه على المكتب
بيدخل مالك وبده يسكر الباب بتحط رجلها حنين وبتدخل
مالك: اوف انسة حنين خير
حنين: بتطلع فيه بعصبية مالك بدك تجنني شي عم تجدبها يعني !
مالك: خير شوفي
حنين: مين ريموو وليش حطت ايديها على عيونك لك بتمسك ايده شدتك من ايدك
مالك: بيضحك هههههه هي ريمو انتي ليش معصبة
حنين: لك ما تجنني قال ريمو قال
مالك: بيضحك وبتبين غمازته وبقرب وشه منها شو بتغاري علي
حنين: بتطلع فيه بعصبية وبتمسكه من دقنه وبتقرب وشها من وشه اي بغار عليك انت الي وبس فهمان كابتن مالك

‏ الجزء الخامس

مالك: بيتطلع بعيونها وبأيدها يلي على دقنه بيضحك وبتبين غمازته بيرفعلها ايديه افكورس جانم انا الك وبس دخيل الغيور
حنين: بتطلع فيه وبحالها كيف تصرفت وبتخجل وبتجي لتنزل ايدها ااانا
مالك: بيمسك ايدها يلي على دقنه هوب هوب استني فكرك ايدك تنحط على دقني هيك وتنزل
حنين: بتتوتر خلص بدي امشي وبدها تخلص ايدها من ايده
مالك: احم بشد ايدها اكتر وبقربها منه بيتطلع بعيونها وبيحكي فكرك مين ماكان بيقدر يوقف وقفتك وبقوتك وبحط ايده على دقني وبهددني كمان
حنين: بتتوتر وبتخجل وبتنزل راسها كرمال ماتطلع فيه اكتر خخلص مالك تركني امشي بعتزر
مالك:بيبتسم وبيرفعلها وشها بايده التانية وقت قربتي مني وين كان فكرك
حنين: بتقلب بندورة حمرا وبتضل ساكتة وعم تهرب عيونها منه
مالك: المفروض لو حدا غيرك ايده هي شو يصير فيها تنكسر
حنين: بتطلع فيه بصدمة وبتبلع ريقها مالك قلتلك بعتزر
مالك: امم بدك تتحاسبي
حنين:ببين على وشها علامات الخوف شو حتعمل
مالك: هلق بتشوفي بشد على ايدها اكتر
حنين: بتغمض عيونها وخايفة منه
مالك: بيبتسم وبيرفع ايدها وبيطبع بوسة عليها بكل حنية
حنين: بتفتح عيونها وبتبتسم بخفة
مالك: بقرب ايدها وبحطها على قلبه هي الايد ماخلقت غير لتنحط على القلب وهي الوحيدة بتمون علي
حنين: بتبتسم وعيونها بتغزل وبتنكشه على كتفه بخفة رعبتني فكرت بدك تعاقبني عنجد
مالك: بيضحك من قلبه هههههههه من كل عقلك يامجنونة بدي اعملك شي لك انا بفديكي بروحي بدي اعمل شي يضرك!؟
حنين: بتبتسم قلتلي ممكن تتركلي ايدي طيب ياكابتن
مالك: اي مو تكرمي بيبعد ايده عن ايدها
حنين: بتبتسم طيب انا رايحة سلام وبتلتفت بدها تمشي
مالك: بيمسكها من ايدها وبشدها لعنده وبيمسك وشه بين ايديه وبيطبع بوسة على خدها بكل حب وهي عقابك
حنين: بتحط ايدها على خدها بصدمة وبتتجمد مكانها
مالك: بيتطلع فيها وبيضحك
حنين: بتصحى من صدمتها وبتطلع فيه وبتنفعل انت كيف بتعمل هيك
مالك: سؤال حلو بس جوابه احلى
حنين: بتقرب منه وشو جوابه دخلك
مالك: بيبتسم وبيتكتف انا بحبكك
حنين: بتضحك وبتحط ايدها على وشها مالها عرفانة تحكي بتطلع فيه وبتركد لااخر المكتب بدها تطلع
مالك: بيتطلع فيها وبدو يعرف كلامها
حنين: بتطلع فيه وبتضحك وفي شي جواتها عم يدفعها لتركد عليه وماتضيع اللحظة منها بتضحك وبتلفظ اسمه مالكك وبتركد لعنده وبتنط وبتحضنه بكل قوة وانا بعشقك
مالك: بيضحك وبيحملها وبشد عليها وبنزلها وبيتطلع فيها لك طلعتي قزومة واصلة لعند قلبي بس هههههههه
حنين: بتضحك وبتضربه بخفة ههههه
‏
مالك: بيرجع بضمها لقلبه انتي هون مكانك اصلا وبيبتسم
حنين: بتضحك وبتتعلق فيه
مالك: احم يعني مابدي تبعدي عني صراحة بس لازم اطلع شوف ريم بنت عمتي
حنين: بتبعد عنه وبتطلع فيه شو حكيت حبيبي ماسمعتك
مالك: لا لا اذا حبيبي ماحكي تشي ان شاء الله عمرها ريم ويلي جاب ريم ههههههه
حنين: بتضحك ههههههه لا خلص منطلع سوا وبتندهلي قدامها على اساس بدك انا فرجيها النادي وانت عندك شغل
مالك: اوو فشو هالتكتيك هاد
حنين: بتضحك انا طتالعة وانت الحقني كابتن
مالك: اي تكرمي والله وصرت تنعطى اوامر يا ابو الملوك
بتطلع حنين وبتوقف قريبة من ريم وبتعمل حالها عم تلعب بموبايلها
ببدل تيابه مالك وبيطلع على الاستقبال
ريم: بتشوفه وبتقرب منه مالك تأخرت علي كتير مليت وطقيت
مالك: لاتواخذيني لبين مابدلت تيابي لان عندي شغل كتير ولازم روح
ريم: طيب يلا فرجيني على النادي وبتمسك ايده
مالك: اه بيتطلع بحنين بتكون عم تزوره كرمال يندهلها بنزل ايد ريم من على ايده ريم هي الانسة حنين حتفرجيكي على النادي انسة حنين وبيندهلها
حنين: بترتب حالها وبتبتسم وبتروح لعنده نعم كابتن ماالك
مالك: انا عندي شغل فرجي الانسة ريم على النادي اي
حنين: اي من عيوني
ريم: بس انا مابدي ياكي تفرجيني على شي بدي مالك
حنين: بتطلع فيها وبتجقرها حبيبتي اسمو الكابتن مالك
مالك: بيكتم ضحكته احم
ريم: وانت يشو دخلك شو بقله
حنين: انتي بالنادي بتحترمي حفظ الالقاب بينكن ايوا ولا عم بحكي غلط كابتن
مالك: عداكي العيب
ريم: مالك هي شو دخلها لتدخل بينا
حنين: بخاف قلك مين انا يصيبك جلطة لهيك برأي الله معك
ريم: وعم تقلعيني كمان لااا انتي تجاوزتي حدودك
حنين: بتبتسملها ابتسامة باردة
ريم: بتطلع بمالك انا اجيت على النادي تبعك وانهنت فيه ياسيد مالك ماشيي ماشيي وبتتركهن وبتمشي لبرا النادي
حنين: الله معك
مالك: بيضحك هههههه لك انت يشو صابك
حنين: يعني عاجبك هي وعم تقلك مالكك مالكك وبتقلد صوت ريم
مالك: ههههههه والله اسمي حلو
حنين: بتهمسله بغيظ مالككك
مالك: اي عيونو لمالك وقلبه لمالك وروحه لمالك وكل دقة بقلبه لمالك
حنين: بتبتسم اي يخليلي كل يلي ذكرتهن تشاو كابتن وبتلتفت وبتمشي

المسا ببيت طيف بكون اعدين الكل بالصالون وعم يتفرجو على التلفزيون ومندمجين بيندق الباب
كريم: شادية افتحي الباب
شادية: مالك فتاح الباب ابني
مالك: قوم فتاح مازن
مازن: قومي فتحي طيف
طيف: بتطلع فيهن وانا لمين بدي قول قوم فتاح هفف بتقوم وبتفتح الباب
وائل: بيبتسم اول مايشوف طيف شو هالصدفة الحلوة كنت عم بدعي انتي تفتحيلي الباب
طيف: بتبتسم ليه بالله
وائل: دعيت مايفتحلي اخوكي مالك من غير شي مابحبني كير
طيف: ههههه تفضل وائل فوت فوت
وائل: يلا
بيدخل وبتسكر الباب طيف
مالك: مين طيفي
طيف: بتدخل هاد وائل تفضل وائل فوت
وائل: مسا الخير للجميع
مالك: بيتطلع فيه وبرد بنشافة مسا النور
كريم: فوت ابني اعود اهلا وسهلا ليش ماجو اهلك معك
وائل: ماكنت بالبيت كنت مارق من ناح بيتكن قلت بطلع بسلم عليكن
شادية: نورتنا ابني اهلا وسهلا
وائل: كيفك ابو المزون
مازن: اهلين حجينا
وائل: بيضحك كيفك طيف كيف جامعتك
مازن: الحمدلله تمام وانت كيف شغلك
وائل: الحمدلله كيفو الكابتن اليوم
مالك: منيح بشوفتك وبيبتسمله ابتسامة باردة
بضل عندهن وائل شي سااعتين وبيمشي
مالك: طيف
طيف: اي اخي
مالك: تعي ندخل على غرفتك بدي حكيكي بموضوع بينا
طيف: يلا اخي
بيدخلو وبيعدو
طيف: اي اخي
مالك: احم شفتي البنت يلي حكيتلك عنها انو معجب فيها
طيف: اي
مالك: صارحتها اليوم وقلتلها اني بحبها
طيف: بتبتسم ييي اي وشو ردت
مالك:بيبتسم وهي كمان بتحبني
طيف: اي الحمدلله وهي عروستك جهزت باقي نخطبها
مالك: هو هيك بدي نروح لعند اهلها بس مو هلق رح اتروى شوي
طيف: اي اخي اهدى شوي ومنروح نخطبها وهيك كلشي رسمي بصير
مالك: طيب اختي انا رايح كرهو عيشته لااخوكي تصبحي على خير
طيف: ههههه وانت من اهله حبيب قلبي

طيف: بتمسك موبايلها بكون حاطته بالغرفة بتفتحه وبتشوف كومة رسايل من مطر ييي كل هاد ومالي حاسة على موبايلي بتفتحهن وبترد مطري انا اسفة ماكنت سامعة موبايلي وكان بغرفتي على الشحن
مطر: بتوصله الرسايل بيفتح هو ومتدايق وبرد بصير هيك طيف لو انا يلي عاملها كنتي هلق عم تبهدليني
طيف: والله بعتزر كتير بس اجا ابن عمتي وائل واعدنا معه وهيك واخدنا الوقت
مطر: اها طيف اعدة مع وائل قلتيلي وليش تذكرتيني طيب هلق اه
طيف: مطر انو قلتلك بعتزر كان بالغرفة موبايلي
مطر: لكن خليكي كنتي اعدة مع وائل تصبحي على خير طيف رايح نام
طيف: مطر شو صرلك
مطر: جاية وماعم تردي على رسايلي الك مدري كم ساعة وبالاخير بتقوليلي كنت اعدة مع زفت الطين
طيف: بتبتسم وبتكتبله انت غيران علي مطر!
مطر: شو رايك مابدي غار من البطيخ بكل برود عم تقوليلي ياها انك اعدة معه
طيف: بتضحك ياا ياا وقت تغار بتصير متلي واكتر هههههه
مطر: عم تضحكي هلق
طيف: ههههه خلص ماعاد بعد معه مرة تانية منيح هيك روق
مطر: مابدي روق
طيف: يي مطر لاتصير متل الولد لصغير وتعند قلتلك ماعاد اعد معه اصلا شو بدي فيه انا انا بحياتي شخص واحد وهو انت
مطر: بيبتسم عنجد طيف
طيف: والله مافي غيرك بحياتي
مطر: بيضحك طيب سامحتك لاتعيديها تمام
طيف: حاضر مطري تاني مرة بفتحله الباب وبوشي على غرفتي منيح
مطر: وكمان انتي يلي فتحتيله
طيف: هيهي علينا مطررر
مطر: ههههه خلص خلص رح نسكر على الموضوع منيح
طيف: اي هيك ها بلا سيرته هو متل اخواتي
مطر: خلص ماشي لكن
طيف: كيفو المطر لكن
مطر: المطر مشتاق لطيفو
طيف: بتبتسم وطيفو مشتاقة للمطر
مطر: مشاعر متبادلة يعني
طيف: هههههه اي اكيد مطر ماصار لازم نلتقى!؟ مشتهية شوف الانسان يلي من ورا هالشاشة وهالموقع بدي شوف الانسان يلي سلمته مشاعري وقلبي بدون ماالمحه مو صار لازم
مطر: بيصفن شوي بكلامها ومابيعرف شو بدو يجاوبها ومابيقدر يتهرب منها اكتر بيتنهد وبياخد نفسه بعمق

مطر: معك حق لازم نلتقى لو بتعرفي الشوق يلي بقلبي كرمال شوفك
طيف: طيب شو مستني خلينا نختار وقت
مطر: بس
طيف: بس شو مطر ام تتهرب مني شي خبرني بصراحة مابزعل منك في شي!؟
مطر: لا لا ليش بدي اتهرب منك انا بدي نلتقى اكتر منك
طيف: طيب ايمتى
مطر: بكرا بحديقة** الساعة ١ الضهر تمام
طيف: بتبتسم وقلبها بطير من الفرحة اي اي تمام اصلا قريبة مني اتفقنا
مطر: بيبتسم طيب ان شاء الله
طيف: مطر
مطر: عيونو
طيف: يخليلي ياهن
مطر: بغصة ويخليلي ياكي
طيف: بتبتسم وبتكتب بحماس مالي مصدقة حشوفك مطر واخيراً
مطر: وانا متحمس اكتر لشوفك
طيف: بتبتسم طيب لكن قايمة نام كرمال فيق بكرا نشيطة
مطر: طيب انتبهي على حالك وتغطي منيح
طيف: وانت كمان تصبح على شي حلو
مطر: انتي الحلو يلي بحياتي
طيف: بتبتسم سلام
مطر: سلام

بتفتح لستوري طيف وبتحط فيديو لفيروز
(موعدنا بكرا وشو تأخر بكرا قولك مش جاية حبيبي عم شوفك بالساعة بتكات الساعة من المدى جاية حبيبي) بتبتسم وبتحط عبارة تحته إلى أن يحين موعدنا ، وعناقنا ، وبكاؤنا معاً وبتنشره
بيفتح الستوري مطر وبيسمعها بيبتسم وبقلبه مليان جروح خايف اول مرة بخاف هيك قلبه عم ينعصر عيونو مدمعة بغمض عيونه لثواني لينزلو دموعه على خده
بيندق الباب وبتدخل حنين
حنين: مطر
مطر: بفتح عيونه وبيتطلع بحنين
حنين: حبيبي عم تبكي شبك بتسكر الباب وبتقرب منه وبتعد على التخت جنبه شبك ياروحي
مطر: بصوت مخفوت خايف
حنين: خايف؟ خايف من شو
مطر: بكرا رايح لاالتقى بطيف
حنين: بتبتسم وبتمسك ايده لتطمنه ليش خايف طيب هي بتحبك وانت خبرتني انو هي بتعرف بكلشي
مطر: بيمسح دموعه اختي طيف مابتعرف اني عاجز
حنين: بتطلع فيه بصدمة لكن ككيف بتقلي انو هي تقبلتك هيك
مطر: انا قلتلها انو صديقي هو يلي هيك وهيك ردت فعلها كانت انو حتى لو شريك حياتها هيك هي رضيانة اختي كذبت عليها انا كذبت بس ماعاد فيني اتهرب منها اكتر
حنين: بتطلع فيه بنظرات حيرة وهلق شو !
مطر: بيتطلع على الكرسي

مطر: صار لازم تعرف حقيقة المقعد الرمادي بيتطلع بحنين مافي خيار تاني اذا بدي ضل كذب عليها رح موت انا من جواتي بكرا بتشوفني وبتعرف الحقيقة والخيار الها لا بتكفي وبحطها بقلبي لا بغص بكلمته بتترك وانا الي الله
حنين: بتمسك ايده وبتشد عليها حط عينك بعين رب العالمين وصدقني كلشي حينحل
مطر: ونعم بالله وكلت امري لاالله
حنين: بتبتسم الله ينولك مرادك يا خيي
مطر: بيحضن حنين وعم يستمد القوة منها
حنين: بتشد عليه وعم تحاول تخفف عنه بتطلع فيه تطلع فيني انت مالك ناقص واحسن العالم ورح تطيب وتتحسن عم تفهم مطر انت ماحدا احسن منك تمام
مطر: بيبتسم وبهز براسه
حنين: يلا هلق نام وارتاح وبكرا احلى ان شاء الله
مطر: ان شاءالله
بتمرق هالليلة وعيون مطر ماعرفت طعم النوم مجرد تفكيره انو طيف تبعد عنه عم يسببله خوف كبير
اما طيف
بتصحى وبتفطر وبتضل ساعة واقفة عم تختار تيابها وبتختار لبسها باللون الاسود متل مابحب مطر بتبلبس بنطلون جلد وفوقه بلوزة سودة وبيضة وجاكيت جلد وبترتب شعرها وبتحط بارفان وميكاب ناعم وخفيف كتير وبتبعت لمطر
طيف: يسعدلي صباحك جاهز
مطر: بكون لبس وجهز حاله وعم يرتب شعره وقلبه منطفي بيمسك موبايله وبرد
مطر: وصباحك اي جاهز وانتي
طيف: وانا بس رح انزل هلق بدي امرق على المكتبة جيب كتب لازميني ورايحة على الحديقة تمام
مطر: تمام انتبهي على حالك
طيف: وانت كمان
بتنزل طيف وبتروح على المكتبة بتشتري روايات الها وبتمرق بتجيب وردة حمرا وبتبتسم وبتكفي مشي على الحديقة
عند مطر بتجي حنين
حنين:بتبتسم شو اخي جاهز
مطر: اي اختي جاهز رح روح انا والشوفير انتي خليكي هون
حنين: بس اخي
مطر: تركيني على راحتي اختي
حنين: طيب متل مابدك انتبه على حالك
مطر: تمام
بتساعده ليركب بالسيارة وبيمشي
بتوصل طيف وبتكون واقفة ومتحمسة كتير وقلبها طاير من الفرحة وضحكتها غامرة وشها
بينزل مطر وبساعده الشوفير وبحطه على كرسيه
الشوفير: معلم امشي معك
مطر: استناني هون تمام
الشوفير: حاضر
مطر: بيكبس زر الكرسي وبيمشي فيه وعم يتطلع بعيونه ليدور عليها بيلمحها من بعيد واقفة بيرجف قلبه وعيونه بتتجمع فيهن لدموع وببلش يفرك بايديه بيمشي وهو منزل راسه لعندها
طيف: بتلتفت لتطلع وراها بتخبط بكرسي المتحرك تبعه وبيوقعو الكتب والوردة على الارض اخخ
مطر:صصرلك شي
طيف: بترفع راسها وبتطلع فيه وكأنها عرفته قلبها ببلش يدق بسرعة وانفاسها بتتلخبط صدمتها قوية بتصفن فيه بعيونه بشعره هو اي هو
مطر: بيمسك ايدها ليساعدها وعم يخبي وشه منها كرمال ماتشوف عيونه

طيف: بتوقف وبيرجف قلبها بتدخل بحالة صدمة وعم تحاول تكذب قلبها بس ماعم تقدر بترجع بذاكرتها
#ذكريات
(مطر: بس صديقي عاجز ياطيف يعني مابيقدر يمشي)
مطر: بينزلو دموعه وعم يمسحهن ويلم الكتب بيمسك الورد بغصة ومابيقدر يعمل شي بيرفع ايده وبمدلها ياهن
طيف: بتطلع فيه بتقرب منه وبتحكي بوجع صرلك شي انا بعتزر مانتبهت
مطر: بكون منزل عيونه ودموعه عم تنزل لحالها وقلبه عم يوجعه عاجز عاجز يحكيلها هو مين بهز راسه بالنفي انو ماصارله شي وبيرجع بمدلها غراضها
طيف: بتطلع فيه وبتمد ايدها وبتمسكهن وبتلمس ايدها بايده وبتنزل دمعته على ايدها بتشوف دمعته وبعيونه لدموع والكسرة بيوجعها قلبها وبتبلش ترجف وبتتجمع دموعها بعيونها اول مرة بتحس حالها مكبلة ومالها قدرانة تحكي بتلتفت وبتمشي هي وايدها على تمها لتخفي شهقاتها
مطر: بيتطلع عليها هي وعم تمشي وشادد على قبضة ايده ووشه احمر متل الدم وعيونه حمر ودموعه ماعم توقف العجز صارمو عجز الجسد العجز صار عجز القلب

اول لقاء الهن تحول لصمت قاتل ماحدا قادر يقول انا هو اصعب لحظة انك واقف قبال حبيب روحك ومو قادر تلفظ اسمه وتقله انا يلي بحبك انا
بيرجع على السيارة مطر وبيمشي بوصل على الفيلة
بيدخل على غرفته وبتلحقه حنين
حنين: مطر اخي شو صار
مطر: بيرفع راسه وعيونه حمر متل الدم ماقدرت بيضرب ايده بالكرسي ماقدرت بصرخ اكتر ماقدرتتت ايدي لمست ايدها وماقدرت احكيلهاا انيي انا مطر انا ياطيف انا بينزلو دموعه بقسى ماقدرتت ماقدرتتتتت وبيكسر كلشي على البيرو عنده بيصرخ من وجعه المكبوت المخلوط بدموعه اخخخخخ ياطيف اخخخخ
حنين: بتركد عليه وبتحضنه لتهدي
مطر: عم يتنفس بصعوبة ويردد كلمته ماقدرت ماقدرت
عند طيف
بتدخل على غرفتها بسرعة وبتزت الكتب من ايدها والوردة ودموعها عم تنزل بحرقة وعم ترجف بتعد بالارض لا ياربي لا مو هيك ياطيف مو هيك هو هو مو رفيقو هاد هو ياربي لا تمتحن صبري بيلي حبيته يارب يارب عم تبكي وتشهق ومالها عرفانة كيف تطفي نارها
طيف: شو بدي اعمل ياربي شو بدي اعمل ماقدر ماقدر يحكيلي انا مطر ماقدر عيونه عم تحكي عن وجعه كيف قدرت اتركه وامشي عم تحكي ودموعها مليت خدودها اللحظة يلي عم بنتظرها ياربي ليش ليش شو بدي اعمل شو بترمي حالها على التخت وبتبلش تبكي وتشهق سامحني سامحني يامطري سامحنيي والله انا بحبك بحبكك سامحنيي ماقدرت
(ليس الحكاية حكاية مقعد رمادي بالحكاية روحاً نقية غبرها ظلام الماضي فأصبحت رمادية )
ومتل ماقال وائل كفوري لو حبنا غلطة تركنا غلطانين 🖤

بتمر ساعات وهنن على نفس الحالة مو قادرين يعملو شي لتنين عايشين حالة من الخوف والوجع
عند مطر
بكون اعد ساكت وصافن بالشباك وحنين اعدة وعم تنتظرو يعمل شي
حنين: وبعدين مطر مو لازم تحكيها تشوفها
مطر: بيتنهد وبيمسح دقنه بضيق وبيمسك موبايله وبيفتح على اسمها وبيرجع بسكر موبايله مابقدر
حنين: طيب هي عرفتك!؟
مطر: مابعرف بس لو عرفتني كانت وقفت عصبت حكت شي اكتفت بالاعتزار ومشيت
حنين: لو ماعرفتك كانت بعتتلك وينك او انتظرتك !؟
مطر: بياخد نفسه بصعوبة وبيزفره مابعرفف مابعرففف راسي حينفجر اختي بيضرب ايده على الكرسي بسبب هالكرسي مجبور عيش بكذبة بسبب هالحياة مجبور اكذب اكذب على الانسانة يلي حبيتها وحبتني بدون ماتطلع بعيوني حتى ومتل مابتدت القصة بكذبة رح انهيها بكذبة
حنين: بتوقف بعدم حيلة شو بترديني اعمل قلي روح خبرها حكيها انا قلي
مطر: اوعك طيف هي يلي بتقرر مو انا هي اذا عرفتني بتكون انصدمت صدمة عمرها لانها عايشة كانت بوهم وكذبة اختي ولو بدي افترض وقلك ماعرفتني كانت حكت
حنين: بعدم حيلة الله يجبر بخاطركن ويقوي قلبكن هاد يلي بقدر قوله
عند طيف
بترفع راسها من على مخدتها وعيونها حمر متل الدم من كتر مابكيت عايشة حالة ضياع مابتعرف شي ماعم تقدر تعمل شي صراع بداخلها حيموتها بتمسح دموعها وبتمسك موبايلها وبتفتح على اسم مطر وبتبلش تكتب
طيف: مطري ليش مااجيت ستنيتك كتير وبتبعتها وبتغص بحروفها وبينزلو دموعها بتعرف يلي عم تعمله غلط بس بدها وقت لتقدر تستوعب مشاعرها وصدمتها بدها شي يهدي قلبها وتعرف تقرر
بيفتح الرسالة مطر وبينوجع اكتر
مطر:اسف كتير اجاني شغل طارئ وماقدرت اجي وحتى صار في مشاكل بالشغل ولازن سافر لااقدر حلها لهيك متجه على المطار هلق بس ارجع على البلد بحكيكي انتبهي على حالك 🖤 واتذكري اني حبيتك طيف وبيبعتها وبسكر موبايله نهائي
طيف: بتقرأ الكلمات ودموعها بتبلش تنزل بزيادة لا يامطر لاتعذبني اكتر انت هيك اثبتلي بكلامك انك انت نفسه انت اي بهالكلام عم تخبرني اني نهيت كلشي لااا لاا بترد عليه لوين رايح خبرني طيب كيف مابتقدر تحكيني رد علي مطر
شو يعني اتذكر انك حبيتي رد يامطر رد بتبلش تبعتله اكتر من رسالة وهو ببطل يرد عليها نهائي بتزت موبايلها بكل قوة وبتصرخخ لاااا لاااا لاتعذبني لاتعذبنيي بتوقع على الارض وبتبلش تضرب بايدها على الارض وتصرخ لاتعذبنيي وتبكيي لاتعذبنيي يامطر
بتدخل عليها شادية
شادية: بسم الله طيفي امي شبك
طيف: بترفع راسها وبتطلع على امها

شادية: بتركد على طيف وبتنزل لعندها ولي على قلبي ياامي شبك روحي ليش عم تبكي
طيف: بترتمى بحضن امها وهي ماعم تقدر تحكي من كتر شهقاتها ودموعها
شادية: ولي على قلبي لك احكي شبك طيف طيفي امي شبك
طيف: عم تحكي وتشهق امي اخخخ ياامي
شادية: بتضمها لقلبها اهدي ياعيوني اهدي وحكيلي
طيف: بتغمر امها بقوة وعم تشهق من قلبها وماعم تقدر تهدا
عند مطر
حنين: شو عملت
مطر: مابدي تشفق علي خبرتني اني ليش مااجيت وانا قلتلها ماقدرت اجي معناها ماعرفتني خبرتها اني حسافر ومارح اقدر حكيها وسكرت وماعاد رد

حنين: مطر انت عنجد عم تحكي هيك الواحد بواجه يلي بحبه
مطر: بيتطلع بحنين بكسرة ماعنديي حل ماعندييي لا بضل عم كذب عليها لا رح احكيلها الحقيقة هي ماعرفت ومابدي ياها تعرف نهيتها متل مابلشتها مالي قدران اكسر قلبها او ينكسر قلبي اكتر هيك احسن الي والها
حنين: مابتقدر تحكي شي كرمال ماتزعله وبتطلع
مطر: بس يشوف حنين طلعت بينهار وبيغمر راسه بمخدته وببلش يبكي بحرقة قلب وشادد على انفاسه وقاطع صوته
عند طيف
بتهديها امها وبتضل حاضنتها
شادية: هديتي ياعيوني
طيف: بتهز براسها
شادية: حكيلي مين مطر
طيف: بينزلو دموعها وبتحكيلها لاامها كلشي وهي عم تشهق
شادية: بتطلع بطيف نظرة حيرة وهلق شو
طيف: نهى كلشي امي بدون مايخبرني انو هو العاجز مو رفيقو مابدو ياني اشفق عليه بتاخد نفسها وعم تأشر لاامها على قلبها امي شو ذنبه يعيش الوجع والكسر عاشهن مرة بدو يرجع يعيشهن مرة تانية مني انا انا مابدي اتركه ولا مفكرة اتركه انا قلبي عم ينعصر اكتر من اي شي امي بس انصدمت وبدي وقت لااقدر وقف مرة تانية وارجع لعنده انا مستحيل اتخلى عنه مو شفقة او رحمة لا لا انا بحبه وخبرته هالشي انو لو نحطيت بنفس الموقف رح اختاره رغم كلشي مو طيف يلي بتتخلى عن حبها مارح سامح حالي اذا بصرله شي بسببي
شادية: بتتجمع لدموع بعيونها وبتمسك وشها بين ايديها عيوني طيفي انتي مالك ذنب لاتحملي حالك ذنب ياروحي انتي انتي هلق تركيه هالفترة حددي قرارك وشوفي يلي بناسبك واذا الشب نيته طيبة وبدو يجي يخطبك انا ماعندي مشكلة مهم تكوني انتي مبسوطة
طيف: بتضمها وبدها بس شي يخفف عنها
شادية: بتضل ضاممتها حتى تهدا وتنام بحضنها بتغطيها وبتطلع
بيمضي هاليوم وهنن دموعهن بتشرح يلي جواتهن كل واحد مفكر التاني مابيعرف بيلي عم بصير محتارين الوجع عم يتسرب لقلبه عم يحاولو يصدقو الكذب يلي عم يكذبوه على بعض كرمال بعض بس يلي مابيعرفو انو لتنين عايشين نفس الوجع ونفس الحيرة والصمت القاتل
تاني يوم
بتصحى طيف راسها تقيل وعم يوجعها وحلقها عم يوجعها من كتر البكى بتضل بتختها ومالها قدرانة تقوم
بيندق الباب وبيدخل مالك
مالك: طيفي صباحو شو كسلانة اليوم
طيف: مابترد عليه وبتضل ساكتة
مالك: بقرب عليها ياعمري شبك بحط ايده على جبيها بتكون حرارتها مرتفعة حرارتك مرتفعة امي يااميي
بتدخل شادية
شادية: شوفي ابني
مالك:طيف حرارتها مرتفعة خليكي عندها رايح جيب دوا
شادية: بتقرب من طيف وبتدوس جبينها يعمري روح ابني بسرعة جيب دوا خافض حرارة عم يوجعك شي
طيف: حلقي امي
شادية: وجيب دوا التهاب يلا بسرعة ابني
مالك: يلا يلا بينزل مالك على الصيدليه بيشتري دوا وبيطلع فورا
شادية: بتجيب كمادات مي باردة وبتحطهن على جبين طيف
مالك: بجيب كاسة مي وبيعطي الدوا لطيف
طيف: بتاخد لحبوب وبتتسطح وبتدور وشها وبينزلو دموعها
مالك: ليش عم تبكي طيفي
طيف: بتغص وبتكتم شهقاتها
مالك: حتتحسني ياروحي لاتبكي مرض خفيف بيمسحلها دموعها
شادية: قوم ابني روح على شغلك وانا جنبها
مالك: طيب امي اذا بدكن شي رنولي ماشي طيفي الله يعافيلي ياكي ببوس جبينها وبيمشي
عند مطر
اعد بتخته وعم يفكر بطيف وتعبان
بتدخل حنين
حنين: اخي جبتلك اللكل والدوا يلا
مطر: خديهن وطلعي حنين
حنين: لا بدك تاكل وتاخد الدوا صرنا بنص العلاج مافيك تقطعو
مطر: حنين اختي خديهن وطلعي لابدي علاج ولا اكل
حنين: ماحزرت بتمسك الحبة وبتقربها منه
مطر: بينتر ايدها وبتوقع الحبة وبصرخ عليها قالتلكك مابدي خلص مابدي مابدي
حنين: بتطلع فيه بصدمة
مطر: بينزلو دموعه مابدي مابدي
حنين: خلص اخي مابدك براحتك لاتدايق حالك
مطر: عم يحاول يمسح دموعه ويخبيهن
حنين: بتقرب منه وبتحضنه خلص كرمالي لاتدايق كرمالي
مطر: بشد عليها بدي صورة طيف

‏ الجزء السادس

حنين: بتطلع فيه كيف بقدر جيبها
مطر: روحي على الجامعة وسألي على رفيقتها تاليا مرة خبرتني عنها هي بجامعة علم النفس
حنين: رح حاول جبلك ياها تكرم من عيوني وهلق رايحة بدك شي تاني
مطر: بهز براسه بالنفي لا
بتلبس حنين وبتطلع على الجامعة وبتروح لعند ادارة الجامعة وبتسأل على طيف ورفيقتها بخبرو تاليا وبتجي على المكتب
بتدخل تاليا
تاليا: نعم دكتور
حنين: بتوقف انتي تاليا صاحبة طيف
تاليا: اي نعم انا مين حضرتك
حنين: ممكن نحكي على انفراد
تاليا: اي تفضلي
حنين: شكرا الك دكتور
دكتور الجامعة: ولو العفو
بتطلع حنين وتاليا وبينزلو لتحت على الكافيه وبيعدو
تاليا: تفضلي مين حضرتك
حنين: انا حنين بكون اخته لمطر
تاليا: تشرفنا انتي اخته لمطر يلي بتحكيه رفيقتي طيف
حنين: تماماً انا هي
تاليا: اهلين في شي
حنين: يلي رح احكيلك ياه بدي ياه يضل سر بينا حتى طيف ماتعرفه
تاليا: طيب تفضلي
حنين: بتحكيلها القصة كلها
تاليا: بتنصدم وشو المطلوب مني
حنين: مابدي تحسسيها بشي بس طلبي منك تبعتيلي صورتها
تاليا: بس
حنين: اي بترجاكي
تاليا: هاتي رقمك
حنين: بتعطيها رقمها
تاليا: بتسجله وبتبعتلها صورة لطيف
حنين: بتبتسم وقت تشوفها كتير حلوة ملامحها بريئة كتير
تاليا: اممم مو بس ملامحها بريئة حتى هي بريئة وقلبها ابيض وصدقيني حتلاقيها حترجع لعند مطر بس بحب خبرك طيف عرفت انو مطر مابيقدر يمشي امها خبرتني اليوم وصحية اليوم مالها قدرانة ومريضة وهي بعتت لمطر هيك كرمال تعطي فرصة لقلبها يقرر بس السيد مطر حب ينهي كلشي كرمال طيف لتنين عم يتعذبو ويعذبو بعض
حنين: بتتنهد انا مارح خبر اخي لان هو التاني ماعم يقبل شي لا اكل ولا دوا
تاليا: متل مابدك وانا مارح خبر طيف اني شفتك
حنين: ياريت اي شي صار رقمي معك خبريني
تاليا: ان شاءالله وانتي كمان
حنين: ماشي بتوقف صار لازم امشي تشرفت بمعرفتك وشكرا الك
تاليا: الي الشرف ولو اذا كل هالشي كرمالهن منعمل اكتر
حنين: يلا سلام
تاليا: سلام
‏
بتطلع حنين على مكتب صور وبتطبع صورة طيف وبترجع على البيت
بتدخل على غرفة مطر بكون اعد على كرسيه وصافن بالشباك
حنين: مطر
مطر: بيلتفت عليها وبعيونه عم يتوسلها انو تكون جابت صورتها
حنين: بتبتسلمه وبتفتح شنتايتها وبتطلع صورة طيف وبتمدها لمطر
مطر: بيتطلع بالصورة وبيبتسم وعيونه بتدمع بيمسك الصورة بايده وبيتطلع فيها بكل حب بقربها لقلبه وبضمها وبيرجع بشوفها وببوسها بيمسح دمعته وبيبتسم شكرا اختي
حنين: ولو يااعيوني تطلب روحي بعطيك ياها
مطر: بيبتسملها وبيمسك الصورة وببلش يتأملها بكل حب وشوق
بعد مرور ساعات
عند طيف
بتصحى على همس ايد امها على شعرها وعم تقرألها قران
طيف: بتطلع بأمها وبتبتسم يخليلي ياكي
شادية: بتبتسم صدق الله العظيم بتبوس جبينها كيف صرتي ياعيوني
طيف: منيحة امي منيحة اديه الساعة
شادية: صرنا بنص الليل مارضيت صحيكي قلت بتصحي براحتك
طيف: بتهز براسها
شادية: رح قوم جبلك اكل
طيف: لا امي لاتجيبيلي بدي ارجع نام
شادية: مابصير بنتي لساتك بلا اكل
طيف: صدقيني مالي نفس اكل شي بس بدي نام وارتاح
شادية: نامي ياروحي نامي
طيف: بتغمض عيونها بتعب وبتغفى
شادية: بتبوس جبينها وبتقوم على غرفتها
بعد ساعة
بتكون طيف نايمة وعم تحلم
#الحلم
بتكون الدنيا عم تشتي شتى قوي كتير
و بكون مطر بعيد عنها اعد على الكرسي وهي واقفة وعم تلتفت حوليها لتشوفه بتطلع بمطر وبتشوفه عيونه مليانة دموع وكسرة ومو قدران يتطلع فيها بيلتفت وبدو يمشي
طيف: بتصرخ باعلى صوتها مطرر مطرر لاتروح وبتركد وراه وهو ماعم يسمعها بتضل عم تركد وتصرخ وتبكي مطرر لاتتركنيي وقف وقف
بوقف مطر وبيطلع صوته
مطر: انا ماتركتك طيف انا موجود بقلبك انتي يلي عم تحاولي تتركيني راجعي قلبك ودوري علي حتلاقيني عم بنتظرك رح انتظرك طيف رح انتظرك وبكفي مشي وبيختفي
طيف: مطرر لاتروح مطررر بتوقع على الارض والمطر عم يبللها بترفع راسها على السما لتخطلت دموعها بالمطر وبيطلع صوت مطر بيتكرر عم بنتظركك
#باك
بتصحى طيف مرعوبة وانفاسها متسارعة وعم تهمس مطر مطر مطر بتحط ايدها على جبينها وبتطلع حوليها لتهدي حالها بتمسك كاسة المي وبتشرب منها

بتمسك موبايلها وبتفتح على محادثة مطر بتلاقي مسكر واخر ظهور اله من وقت ماحكاها اخر مرة ومو رادد على رسايلها بينزلو دموعها بقهر وبتهمس لحالها ليش عم تعذبني هيك ليش تركتني بحيرتي كنت بدي استمد القوة منك متل مااستمدت القوة مني هيك مشيت ونهيتها هيك يامطر والله انا بحبك مابدي شي غير تحكيني وحكون معك بس شوية وقت بس بتسكر الموبايل وبتضمه وبتحاول تهدي حالها هيك لترجع تغفى

#بعد_مرور_اسبوع
(بيمرق اسبوع وهنن على هالحالة كل واحد عم يلوم حاله وماعم يقدرو يواجهو الحقيقة لبعض ويعترفو بكلشي مطر تعب امتنع عن الاكل ولشرب لاعلاج عم ياخد ولاشي وكل مالها صحته عم تتراجع وعجزو اهله فيه بس مافي فائدة طول نهاره اعد قبال الشباك وماسك صورة طيف وبس اما طيف مو احسن من مطر حالتها نفسه لا اكل ولا شرب بالغصب بتاكل كم لقمة قدام اهلها كرمال مايحسو بشي )

المسا اعدة طيف على مكتبها وعم تقرأ محادثتها مع مطر شوي بينزلو دموعها وشوي بتبتسم وعقلها حينفجر من التفكير بتغمض عيونها للحظة لتسمع صوت المطر عم يطرق على الشباك بتفتح عيونها وبتبتسم وبتوقف وبتفتح الشباك وبتمد ايديها لتتبلل ايديها وبتمسح وشها وبتبتسم وبترفع ايديها للسما وبتدعي
طيف: يارب تهدي قلبي وتختارلي الطريق الصح يارب يارب
عند مطر
بكون اعد جنب الشباك وعم يتطلع على المطر وعم تتبلل ايديه
مطر: بيبتسم يارب احميلي طيف يارب ورجعها لقلبي اشتقتلك ياطيفي الاسبوع ببعدك كأنه دهر
عند طيف
طيف: بتفتح موبايلها وبتصور المطر وبتبلش تحكي بصوت مبحوح ومكسور المطر هو الذي جمعنا
لم اعلم إنك كالمطر يحمل الكثير من المعاني والاسرار الخوف والقوة الوجع والضعف
رحلت ورميتني خلفك كصندوق اسود في بئر الحيرة أصبح قلبي كالسحابة الرمادية وانت كالمطر الغزير الذي يتساقط الان بتبتسم وبينزلو دموعها وبتكفي حكي رحت وتركتلي المطر ليذكرني فيك رح ابعت قلبي مع المطر ليوصل لعندك وين ماكنت ويخبرك هالغنية بتشغل غنية وائل كفوري
( ياهوى روح وقله قله كتير اشتقتله لو بدو عمري كله بعطيه وبما ياحب ترده رح كمل عمري حده ناري تطفيله برده دفيي رده ياهوا لعندي قصرلي المسافات حامل بأيدي وردة اهاات وذكريات ) وبتنشره
بهالوقت بتفتح لستوري حنين بعد مااخدت الحساب من موبايل مطر بدون مايحس وبتسمع كلامها وبيوجعها قلبها عليها بتنزل على غرفة مطر وبتدق الباب
مطر: تفضل
حنين: بتدخل وبتشغل لستوري
مطر: بيسمع صوت طيف وعيونه بتدمع وقلبه بيرجف بيلتفت وبيتطلع بحنين
حنين: بعرف انك مشتاق لصوتها وحبيت سمعك ياه طيف مشتاقتلك يامطر

مطر: بأشرلها على الموبايل سكري سكري حنين
حنين: بتسكر الموبايل وبعدين بدك تضل ماترد عليها
مطر: اختي الموضوع منتهي وخلص
حنين: مارح ناقشك متل مابدك وبتلتفت وبتطلع
عند طيف بتسمع صوت ابوها عم يندهلها
كريم: بابا طيف تعي لعندي
طيف: بتسكر الشباك وبتطلع لعند ابوها نعم بابا
كريم: اعدي بنتي بدي حكيكي بموضوع
طيف: بتعد شو هو تفضل بابا
كريم: ابن عمتك وائل كان عندي وحكاني بخصوصكن وحكالي انو هو بحبك وانتي بتحبي
طيف: بتنصدم من كلام ابوها وبتوقف استنى بابا شو هالحكي يلي عم تقوله مين قلك انو انا بحب وائل
كريم: هو بنتي مافي داعي للانكار حكالي قصتكن وانا قبلت عليه انو يجي يخطبك ووافقت
طيف: بابا انا مابحب وائل ولا بعمري رح فكر فيه وحبه تمام هو عم يألف من عقله هالحكي اصلا انا كل رقمه مامعي ياه ولا بعمري حكيته غير لما يكون عنا وقدام الكل
كريم: بوقف شو يعني هلق ابن عمتك كذاب
طيف: تماماً كذاب وستين كذاب ولا بعمري رح اقبل فيه قال خطبة قال وبتجي لتمشي
كريم: بس انا حكيت كلمة قدام ابوه وكل الرجال ومارح اتراجع فيها
بيدخلو شادية ومازن على صوت كريم وطيف ومالك بكون مسافر على غير منطقة عم يشوف اجهزة للنادي
شادية: شوفي ليش صواتكن طالعة
طيف: بابا حكيت كلمة هي مشكلتك مو مشكلتي انا ماحكيت شي ولا رح اقبل بأبن اختك
كريم: بدك تكسري كلمتي طيف
طيف: انا ماعم بكسر كلمتك بس انا مابحبه لوائل الزفت ولا بعمري رح اقبل فيه لا هلق ولا بعدين
كريم: الشغلة عناد يعني وتكبير راس
طيف: اي انا مابينفرض علي لا وائل ولا غيره
كريم: طيب وشو رايك انو بكرا حيجو ونقرأ الفاتحة ياست طيف
طيف:وانا بقلك بتقرأها على روحي قبل ماتقرأها على خطبتي انا ما بحب وائلللل
كريم: بعصب اكتر بتحبي مطرر المعاق
طيف: بتنزل الكلمة متل لرصاصة بقلبها بتلفت على امها وبتطلع فيها امي
شادية: بتنزل راسها بعدم حيلة
طيف: بعيون مدمعة متل الجمر بتطلع بأبوها بقوة اي بحبو ومارح اتزوج غيره ومطر ماله معاق نحن المعاقينن عم تفهم بابا بتصرخ اكتر عم تفهمم
كريم: بيرفع ايده وبيضربها كف على وشها
مازن: لا بابا شو عملت بقرب من طيف وبيمسكها
طيف: بتحط ايدها على خدها وبتطلع بابوها وعيونها مليانة دموع وبتحكي بقهر صدقني لو بتضربني مية كف مارح اخد غير مطر يلي حكيت عنه هلق معاق ماشي بابا ماشيي وبتلتفت وبتركد على غرفتها

بتركد طيف على غرفتها وبتسكر الباب وبتنزل على الارض وبتعد وبتركي راسها على الباب وبتبلش تبكي بوجع لا لا مستحيل لو بدي موت مارح كون غير لمطر بتدفن وشها بايديها وبتبلش تبكي بزيادة

(بالصالون)
مازن: بعصبية مكتومة بابا انت كيف هيك بتعمل بتضرب طيف طيف يابابا يلي بعمرك مازعلتها بكلمة وحدة
كريم: بيعد على الكنباية بتأنيب ضمير بغمض عيونه استغفر الله هي استفزتني قال بدها تتزوج واحد
مازن: معاق متل ماحكيت بابا بعمرها الاعاقة ماكانت بالجسد الاعاقة هون وبحط ايده على عقله بالتفكير بابا ممكن انت تسرعت وقت حكيت هالكلام رجاع فكر بالحكي انت مو بس اذيت طيف بكلامك اذيتنا كلنا واذيت نفسك بعمره ماكانت الزلم بشكلها الزلم بأخلاقها وتربيتها ويمكن هاد الشب يلي حكيت عنه يكون احسن من الزفت ابن اختك بمية مرة
كريم: وانت عم تحكي هيك كمان انا حكيت كلمتي وموافق ومارح اتراجع قدام العالم
مازن: بيضحك بمسخرة وبيوقف وبيلتفت على ابوه حتى لو انت موافق على وائل يكون بعلمك لا انا ولااخي مالك موافقين ولا طيف وهالشي هاد مارح يصير لو بدنا نوقف بوشك بابا لاتواخذني بس كلامك مو منطقي بنوب ومارح يصير
كريم: بوقف بعصبية كمان انت ولاك بدك توقف بوشي
شادية: بتمسك كريم مشان الله خلص خلص شو صرلكن
مازن: بيتطلع بأبوه وبهز براسه وبيطلع
كريم: شايفة تربايتك لوين وصلتنا ولادك بدهن يوقفو بوشي
شادية: بتطلع فيه بقسى تطلع فيني كريم انا وقت حكيتلك كرمال اذا اجا الشب تعرف شو تطيب خاطر طيف مو تروح انت وابن اختك تخبصو وتضرب البنت
كريم: لك يابنت الحلال وائل اجا وخبرني هالحكي وانا نحرجت قدام ابوه والزلم وقلتله اهلا وسهلا شو بدك ياني اعمل وبنتك عم ترد كلمتي واكلت نصيبها وطول ما انتهت علاقتها مع الشب ابن عمتها اولى فيها
شادية: بتطلع فيه بغل تصتفل وبتمشي على غرفتها
مازن: بقرب من غرفة طيف وبدق الباب طيفي افتحيلي ياعمري
طيف: بترفع راسها وبتقوم بتفتح الباب وبتطلع بمازن
مازن: بيدخل وبسكر الباب وراه وبيتطلع فيها بحنية وبيفتحلها ايديه
طيف: بتشهق وبتركد وبتتخبى بحضنه وبتبلش تبكي
مازن: بشد عليها وبيمسحلها على شعراتها بحنية اهدي ياروحي اهدي طيفي ويلي بدك ياه رح يصير صدقيني
طيف: بترفع راسها وبتطلع فيه اكيد
مازن: بيبتسم ليش ابو الميز بقول شي ومابكون اكيد انا ابو المزون يلي مافي شي عليه بهون
طيف: بتضحك بنص بكاها هههه
مازن: اي هيك ها ضحكي يانفسية عصبية وام بلوزة مهرية ههههه
طيف: بتضحك هههههه بتضربه بخفة تضرب شو مهضوم وبتضحكني
مازن: ههههه اي دخيل هالضحكة

طيف: بترجع بتحضنه لو مالك هون
مازن: بيتطلع فيه ماعاجبينك ست طيف
طيف: تضرب ماقصدي هيك مبلا بس لو بيدرى مالك كان فعوسه لوائل الزفت
مازن: وهي جايته هالفعوسة اذا مابخليلك ياه يمشي ويحكي حاله مابكون مازن انتي بس لا تزعلي حالك وانا حشوف شغلي
طيف: يخليلي ياك
مازن: ويخليلي ياكي نفيستي
طيف: بتضحك هههههه
مازن: هههههه ابشني هالضحكة
طيف: بتبتسم بعيد الشر
مازن: انا بغرفتي بدك شي تعي لعندي او اندهيلي ماشي
طيف: ماشي لا تاكل همي روح ارتاح
مازن: بيبتسم وبيطلع
طيف: بتتنهد وبتعد على تختها بعدم حيلة وهلق كيف بدي اوصل لمطر انا مستحيل اتركه مستحيل برن موبايلها بأسم تاليا
بتفتح وبترد
طيف: الو
تاليا: الو طيفي كيفك
طيف: كيفني هه منيحة انا وانتي
تاليا: شبو صوتك بكيانة؟
طيف: اي
تاليا: من شو
طيف: بتحكيلها القصة وشو حكالها ابوها
تاليا: لعما لعما كل هاد صاير وشو بدك تعملي هلق!؟
طيف: مابعرف ايدي مربطة تاليا بدي اعرف عنوان مطر لااقدر شوفه انا مستحيل اتركه بدي شوفه وحكيه وهو ماعم يرد علي ولاعلى رسائلي غرقانة ببحر كبير ومالي عرفانة اطلع منه لازم شوف مطر لنصلح كلشي
تاليا: انتي متأكدة بدك مطر طيف
طيف: لكن شو فيها لعب هالشغلة تاليا انا بحبو لمطر بحبو ومستحيل كون لغيره عم تفهمي علي تاليا انا بس مالي قدرانة اوصل اله قطع التواصل الوحيد يلي بينا حتى على رقمه ماعم برد موبايله مغلق
تاليا: طيف تركيها علي
طيف: شو حتعملي
تاليا: بكرا الصبح بكون عندك عنوان بيت مطر
طيف: عنجد عم تحكي تاليا لا تخيبيلي املي
تاليا: عم قلك وعد خلص
طيف: طيب مأمنة فيكي انا لازم بكرا بكرا
تاليا: بكرا الصبح عم قلك بيوصلك العنوان
طيف: طيب بنتظارك بدك شي
تاليا: سلامتك
بتسكر الموبايل وبتوقف على الشباك بتاخد نفسها بعمق وبيرجف قلبها من نسمة الهوا يلي بتدخل على ضلوعها
وبتمضى هالليلة عيون طيف ما نغمضلها جفن عم تمشي بغرفتها وتبكي ومو طالع بأيدها تعمل شي هيك للفجر
بتسمع اذان الفجر بتوقف على الشباك وبترفع ايديها ودموعها نازلة يارب لاتتعب قلبي اكتر وتيسرلي اموري وتدلني على الطريق الصح يارب بتمسح وشها وبتطلع بتوضى وبتمد سجادتها وبتلبس غطا صلاتها وبتصلي الفجر وبعدها بتتسطح على تختها لتغفى من تعبها

بتشرق الشمس على قلوب غفيانة لتعلن أمل جاية من جديد
بينفتح باب غرفة طيف وبتدخل شادية
شادية: بتقرب من طيف وبتصحيها بحنية طيفي طيفي
طيف: بتفتح عيونها بتعب وبتطلع بأمها بعتب نعم امي
شادية: قومي جهزي حالك يلا الساعة ١١ عمتك جاية لعنا
طيف: بتتجلس وبتحكي بعصبية امي ومين خبرك انو انا بدي استقبلهن اذا بشوفهن بهالبيت رح قلعهن قدامك
شادية: مشان الله يابنتي سترينا ابوكي واقف برا
طيف: يسمعني انا بدي ياه يسمع انو يلي عم يساويه اكبر غلط بحياتو
كريم: بيدخل على الغرفة وبيتكتف حاجتك تكبير راس وقومي جهزي حالك انا رايح جيب اختي وبناتها وبعدها حروح نجيب العالم كرمال نقرأ الفاتحة وبيمشي
طيف: بتنتر الغطى عنها وبتوقف شو عم يحكي هيك كلشي عنده ليكي امي لا رح وافق على هالشي واذا بدكن تقرأو الفاتحة حتشوفها على روحي عم تفهميي
شادية: لك بنتي شو بأيدي ساوي وماساويت وينو سيد مطر يلي بدو يخطبك خليه يجي وانا اول وحدة معك
طيف: حيجي حيجي صدقيني وحتشوفو وبابا مستعجل كتير شكلو مابدو اخواتي يكونو موجودين استناهن واحد بشغله وواحد مسافر بس شو عليه هالموقف يلي عم يعملو فيني مارح انساله ياه
شادية: لا حول ولا قوة الا بالله بتطلع وبتسكر الباب
طيف: بتضرب بايدها على رجلها اوفف اوفف بتمسح على وشها لتهدي حالها بتفتح خزانتها وبتطلع فستان اسود وبتلبسه وبتلبس جاكيت جلد اسود وبوط اسودو بتمسك موبايلها وبترن على تاليا
تاليا: بترد الو اي طيفي
طيف: وين العنوان تاليا وينو
تاليا: خمس دقايق وبحكيكي وببعتلك ياه
طيف: عم بنتظر لا تتأخري
تاليا: لا يلا سلام
بترن تاليا على حنين
حنين: الو
تاليا: مرحبا انسة حنين
حنين: اهلين انسة تاليا خير في شي
تاليا: طيف بدها عنوان بيتكن بدها تجي
حنين: بتبتسم اي فورا رح ابعتلك ياه يلا
تاليا: بتبتسم بسرعة الله يخليكي
بتسكر حنين وبتبعتلها العنوان وفوراً تاليا بتحول الرسالة لطيف
بتوصل الرسالة لطيف وبرن موبايلها
طيف: اي تاليا
تاليا: هي الموقع وصلك
طيف: متأكدة هاد هو
تاليا: اي اي جبته من اخته لطيف
طيف: كيف انتي بتعرفي اخته!؟
تاليا: لك طيف انتي بدك العنب ولا تقاتلي الناطور روحي بسرعة يلا
طيف: اي اي يلا باي
بتسكر موبايلها وبتفتح باب غرفتها بهدوء بتطلع حوليها بتشوف امها ملتهية بالمطبخ بتقفل غرفتها وبتنزل فورا بدون ماحدا يحس

بتركد طيف بالشارع وبتوقف تكسي وبتخبره العنوان وبيطلع فورا
طيف: طول الطريق عم تفكر ودموعها ماعم توقف شو بدها تحكي شو بدها تقله دموعها عم يشرحو يلي بقلبها بتوصل على العنوان وبتنزل وبتحاسب التكسي وبتطلع على الفيلة
بتوقف وبترن الجرس
بتفتحلها الخادمة
طيف: بلهفة مرحبا
الخادمة:اهلين امر
طيف: بدي بدي مطر هون بيت مطر
الخادمة: اي هون بيت مطر مين حضرتك
طيف: بتاخد نفسها براحة انا
حنين: بيطلع صوتها روحي على شغلك سيرا بتطلع بطيف انتي طيف
طيف: بتبتسم اي انا طيف انتي اخته لمطر
حنين: تفضلي
بتدخل طيف وكلها لهفة وعم تطلع حوليها لتلمحه
حنين: بتمدلها ايدها انا حنين
طيف: بتسلم عليها انا طيف
حنين: اسمك بعبر عن حلاوتك
طيف: بتبتسم تسلمي وينو مطر
حنين: بتبتسملها مطر بغرفته ومابيعرف انك جاية
طيف: ممكن شوفه بترجاكي
حنين: اكيد طبعا
بتدخل ام مطر ست مقدرة وعلى راسها شال ابيض وشقرة بعيون خضر بتقرب منهن اهلين يابنتي مين حضرتك
حنين: امي هي طيف
ام مطر: انتي طيف
طيف: اي انا كيفك خالة وبتمدلها ايدها وبتصافحها
ام مطر:بفرحة جاية كرمال مطر
طيف: بتهز براسها بدي شوفه اذا سمحتو
ام مطر: اكيد حنين خديها على غرفته
حنين: بتبتسم بتأشرلها على الغرفة هي غرفة مطر رح اتركك براحتك تروحي
طيف: بتبتسم وبتدمع عيونها وبتركد فورا على الغرفة وبعقلها مية كلمة وكلمة وبقلبها مية شعور الشوق الخوف الحب القوة الضعف بدها توصل لعنده ورجليها عم يثبتوها بالارض اكتر بتقرب من الغرفة وبايدين عم ترجف ودموعها عم تشرح عن يلي بقلبها وبتفتح الباب

بتفتح باب الغرفة وبتدخل وبتسكره بكون مطر داير ضهره للباب ووشه على الشباك
طيف: بتبتسم ودموعها عم تنزل بغزارة بتجمع حروفها هي وساندة ضهرها على الباب وبتحكي خبرتني بأول مرة منحكي فيها بالغرام هالكون ابتدا
مطر: بيسمع صوتها وبيرجف قلبه وبيتجمد بمكانه
طيف: ورجعت قلتلي لو بتكون بسابع سما رح بتكون لوحة راسمة بتشهق وقلتلي كمان كلما بتشرق شمس نهار بتاخد لعيونك صور وانا خبرتك موعدنا بكرا وشو تأخر بكرا اتاري بكرا رح يجي ويروح وقلك رده ياهوا لعندي قصرلي المسافات وانا هلق بتشهق اجيت لخبرك لو حبنا غلطة تركنا غلطانين
مطر: بيلتفت عليها بالكرسي ولدموع بعيونه

طيف: بتشهق وبتضحك باللهفة وشوق مطرر وبتركد عليه وبتحضنه بكل قوة
مطر: بينزلو دموعه وبشدها لقلبه وبيحضنها بكل قوته اااااه يا طيفي ااااااه
طيف: دموعها عم تنزل وماعم توقف وشادة عليه سامحنيي سامحنيي
مطر: بشد عليها انتي سامحيني انا غلطت بحقك كتير وكذبت عليكي وماخبرتك اني انا معاق
طيف: بتطلع فيه لا لا وبتمسك وشه بين ايديها اوعك تقول هالكلمة مرة تانية مطر عم تفهم علي اوعككك وعم تهزه بايديها انت موهيك انت احسن انسان بالدنيا انت حبيبي يلي بدي كفي معه لااخر العمر عم تفهم مطرر عم تفهمم وعم تهزله راسه وترجع بتحضنه وبتشد عليه بكل قوتها كأنها خايفة يضيع منها
مطر: بيبتسم وبشد عليها اكتر بيلمسلها شعراتها بحنية وكأنه روحه رجعتله بيضحك وبيمسك وشها بين ايديه طيفي بيضحك ويمسح دموعه انا بحبك
طيف: بتضحك بنص دموعها وبتشهق بتلمس وشه بحنية انا بموت فيك يامطري
مطر: بيمسك ايدها بحب بتقبلي تتزوجيني وتكوني شريكة حياتي
طيف: بتضحك وبتهز براسها بقبل بتحط جبينها على جبينه بقبل كون علاجك وقوتك وسندك وحبيبتك لااخر نفس بتنفسه
مطر: بيضحك بالغرام
طيف: بتبتسم هالكون ابتدا
مطر: بيحضنها لقلبه وببوس جبينها بحنية
بيندق الباب
طيف: بتوقف وبتمسح دموعها
مطر: ادخل
حنين: بتبتسم اسفة على الازعاج بس ماقدرت ماشوفكن باحراج شو صار
مطر: بيبتسم وبيمسك ايد طيف جاهزين تخطبولي
حنين: بتضحك لا تقولها ييي للللللللليييييييششش بتركد على طيف وبتحضنها بقوة ياحبيبة قلبي
طيف: بتضحك وبتخجل وبتحضن حنين
حنين: لك من بكرا شو بكرا من اليوم
طيف: برن موبايلها
طيف: بتشوف رقم مالك بترد
مالك: الو طيفي
طيف: اهلين اخي رجعت
مالك: اي رجعت انا بالبيت ودريت بيلي صار والبيت قايم عليكي وينك انتي اختي
طيف: انت واقف معهن اخي
مالك: مستحيل وقف معهن انا بدي اعرف وينك بس خايف عليكي والزواج يلي حكا عنه ابوكي مابصير طول ماانا موجود انا بسيارتي هلق وينك انتي
طيف: انا عند مطر
بكون مطر وحنين عم يتطلعو فيها ومالهن عرفانين شو صاير
مالك: مطر! لحالك طيف
طيف: اخي عيلته موجودة
مالك: بعتيلي العنوان بسرعة جاية لعندك يلا
طيف: طيب يلا بتسكر وبتبعتله الموقع
مطر: ممكن نعرف شو عم بصير طيف
طيف: اكيد وبتعد وبتحكيلهن القصة بس مابتجيب سيرة مطر
حنين: وابوكي شو موقفه انو سمع من ابن عمتك وماسمعك
طيف: بتضحك مابعرف شو مخبص هداك بعقل بابا وانا على هالاساس اجيت لهون
مطر: بيبتسم وبيتطلع فيها بنظرة حب بقلبه ( هلق تأكدت انو انتي ياطيف شريكة عمري لان رفضتي الاحسن مني واجيتي لعندي) بيبتسم لاتخافي طيفي انتي بأمان وانا اليوم رح اجي واطلبك رسمي وتصيري الي قدام الكل وبموافقة ابوكي تركي هالشي علي
طيف: بتبتسم وبتمسك ايده وبتشد عليها ان شاء الله
بعد دقايق برن جرس الباب
طيف : هاد اكيد اخي
حنين: حقوم استقبله
بتطلع حنين وبتقرب من الباب وبتفتحه
مالك: بيلتفت مرحب بيبتسم بصدمة وبغمض عيونه وبيهمس اكيد عم بتخيل انا
حنين: بتنصدم اكتر منه مالك انت شو جابك لهون
مالك: بيفتح عيونه والله ماعم بحلم بقرب من حنين انتي شو جابك لهون
حنين: بتدرلها القصة اااه انت اخوها لطيف
مالك: اااه اي انا وانتي مين
حنين: بتضحك لك حبيبي انا اخته لمطر
مالك: بيضحك بربك
حنين: ليك انت على اساس بتعرفني بس بالنادي بتبتسم تفضل دخول
مالك: بيضحك ماتوصي حريص وبيغمزها وينهن
حنين: بالغرفة تفضل
بيدخل مالك على غرفة مطر
مالك: بشوف طيف طيفي
طيف:بتركد على مالك وبتحضنه اشتقتلك هيك بتروح وبتتركني
مالك: ياعيوني انتي ببوس جبينها انتي منيحة
طيف: بتطلع فيه اي منيحة
حنين: بتطلع فيهن وبتبتسم بقلبها( وانا عم قول وين شايفة طيف فكرت اني شفت الصورة لهيك طلعتي انتي يلي كنتي بأحضان مالك تحت المطر ) بتضحك على الكتم
مالك: بيبعد عن طيف وبقرب لعند مطر

الجزء السابع

مالك:بيبتسم وبمد ايده لمطر
مطر: بيبتسم وبيمسك ايده وبصافحه تشرفنا استاذ شو الاسم
حنين: بتنط الكابتن مالك
مطر: بيلتفت عليها هو وطيف
طيف: انتي بتعرفي مالك !؟
مالك: الانسة حنين بتتدرب عندي بالنادي
مطر: بيبتسمله اهلين كابتن مالك نورتنا
مالك: اهلين فيك اخي مطر
مطر: تفضلو على الصالون ماحلوة نضل بالغرفة
مالك: كرمال راحتك
مطر: انا برتاح لما تكونو مرتاحين تفضلو يلا
مالك: متل مابدك
بيطلعو كلهن وبيأعدو بالصالون
مالك: انا عرفت بيلي صار ولو كنت موجود اكيد ماكنت سمحت لهالشي يصير من الاصل ونوصل لهون وطيف ماخبرتني عن حضرتك اخي مطر وانا بوثق بأختي وبقراراتها واختياراتها وطول ماهي مرتاحة ومبسوطة انا مرتاح ومبسوط
مطر: صدقني يااخي مالك انا بحبها لطيف اكتر من روحي هي السبب بسعادتي هلق انا متل مو شايف انصبت بحادث من تقريباً سنة وانصبت بشلل ويمكن هي اول مرة بحكي هالقصة انا نصبت بيوم خطبتي
طيف: بتطلع بمطر بزعل
مطر: بيبتسملها ليهديها وعلى اثر الحادث انصبت بالشلل وخطيبتي تركتني بنفس اليوم يلي عرفت فيه اني مشلول ومابقدر امشي وعلى اثر هالشي دخل لحياتي كابوس ماعاد اقدر اطلع منه ليوم تعرفت فيه على طيف يمكن ماتصدقني بس هي يلي غيرت حياتي بسببها بلشت اتعالج كرمال امشي من بعد ماكان هالقرار مرفوض بسبب حبها وكلامها تحسنت نفسيتي وصرت احسن بكتير عم قبل ذكرتني بحالي ذكرتني مين انا قوتني رغم ماكانت بتعرف اني عاجز ومع هيك كلامها كان ينحفر بقلبي لوقت ماقررنا نلتقى ورحت لاالتقي فيها هي وقت شافتني انصدمت وماقدرت تحكي وانا ماقدرت احكي شي لاني محمل حالي ذنب اني كذبت عليها وهي حتى لو مااختارتني بكفي انها اثبتتلي صدق حبها الي تقدملها الاحسن بس اختارت قلبي بيتطلع بطيف صدقني يا اخي مالك طيف لو بتطلب روحي بقدملها ياها بدون تفكير طيف اجت لقلبي متل نسمة الهوا
طيف: بتبتسم وعيونها بتدمع
مالك: بعد هالكلام ماعندي اي شي ضيف اذا بدي كون مأمن على اختي الامان عندك يامطر بس هلق بتسمحولي رح اخد طيف على البيت لنحل المشكلة
مطر: اخي مالك اليوم المسا ان شاء الله جايين نزوركن بخصوصي انا و طيف
مالك:بتشرفونا ايمتى ماحبيتو البيت بيتكن الصدر الكن والعتبة النا وان شاء الله مامنكون غير اهل وحبايب باذن الله وهلق صار لازم نمشي يلي طيفي
‏
طيف: بتبتسم حجيب شنتايتي من الغرفة واجي
حنين: بتبتسم لمالك وبتروح ورا طيف
بتدخل طيف وبتمسك الشنتاية ووراها حنين
طيف: بتبتسم وبتهمس لحنين انتي الصبية يلي بحبها مالك مو هيك
حنين: بتتوتر اه
طيف: بتبتسم اخي حاكيلي عنك لاتخافي
حنين: بتبتسم كاشفتيني يعني
طيف: هههه شو بدي احسن من هيك مرت اخ بتجنن
حنين: بتضحك بخجل تسلميلي انتي الاحلى ياروحي
طيف: بتضحك يلا صار لازم امشي والكلام بضل بينا ماتخافي
حنين: بتبتسم معلش احضنك
طيف: بتبتسم اكيد وبتحضن حنين
حنين: انتي احلى شي صار بحياة اخي شكرا الك كتير طيف
طيف: بتشد عليها ومطر احلى شي صار بحياتي بتبسملها وبتطلع من الغرفة ووراها حنين
مالك: يلا طيفي
طيف: بتبتسم يلا
مطر: انتبهي على حالك
طيف: بتبتسم وانت كمان سلام
مطر: بيبتسملها سلام
وبيطلعو وبيركبو بالسيارة وبيطلعو على البيت
طيف: شو بدك تعمل مالك ابوك
مالك: ابوكي عم برد على واحد واطي حقو نص فرنك ومابيسمع بنته بس اول ماروح على البيت رايح لمكان نزبط انسان ونعلمه كيف يكذب
طيف: كرمالي مالك لاتقرب عليه مو ناقصنا
مالك: لك اذا بمرقله ياه بكون انا الواطي
برن موبايل مالك باسم مازن
مالك: الو اي اخي
مازن: وينك طيف معك
مالك: اي معي
مازن: ليك حسيت بروح التوأم انك رايح لعند حبيبنا اللزم كرمال تعملو اللزم
مالك: بيضحك يااخي بحبك اوقات لانك توأمي وبتفهم بدون مااحكي
مازن: بيضحك شكرا على التقدير يلي حكيته انا واقف قبال المحل اعد جوا الصوص
مالك: دقيقة وبكون عندك
مازن: يلا لكن واقف عم بستناك ياحب
مالك: سلام وبسكر
طيف: اخوك عند وائل
مالك: بيضحك رح تتفرجي على فلم اشبه للرعب ستني شوي
بيوصل مالك على المحل وبوقف السيارة بتشفيط وبينزل من السيارة
مالك: طيف خليكي بالسيارة وتفرجي
طيف: بتهز براسها وبتضل بالسيارة
بقرب مازن لعند مالك
مازن: احلى شريك
مالك: تتفضل حجي
مازن: من بعدك نحن
بيدخلو على المحل

مالك: بيبتسمله لوائل كيفك ياصهرنا
وائل: بيتوتر وبوقف خير شباب شوفي
مازن: ولاشي شو بدو يكون اجينا نباركلك سمعنا بدك تخطب اختي وقال شو هي بتحبك بتصدق وقت سمعت هالخبرية قلبي زلغط وصار يرقص هيك صار يعمل وبولغط لللللييييشش
وائل: بيبلع ريقه اي والله طبعا بعد شوركن ورأيكن

مالك: بيمسح دقنه ليهدي حاله اممم فيك الخير ها بقرب منه بخطوات وبيمسكه من قميص بعصبية سماع ولاك الكذبة يلي كذبتها هلق بتمشي بتروح بتنقبر وبتقله لاابوك وابي وعم يهزه ويرجعه لعنده وللكل انو انت لا بتحب طيف ولا طيف بتحبك وانو مافي بينكن شي ياواطيي عم تفهممم
وائل: عم بفهم عم بفهم
مازن: ابو الملوك بس شوي بس شوي عطيني هالشخصية الحلوة
مالك: ولو ياا ابو المزون على حسابك وبينترله وائل
مازن: بيمسكه نفس مسكة مالك ليك ياحلو كرمال مايصير بوشك خريطة الوطن العربي ودرب التبانة بتروح بتنقبر هلق وبتحكي يلي حكاه مالك لانك واطي وكلب وحشرة تفه عليك
وائل: خلص بحكي بحكي يلي بدكن ياه بس تركوني
مالك: انشحط ركاب بطيختك وعلى بيتنا فورا بتحكي يلي نقبرت كذبت فيه يلا
وائل: طيب طيب
مالك: بيلتفت وبيرجع بلف لعند وائل وبيضربه كف بكل قوته هاد الكف بدل الكف يلي اكلته اختي انقبر طلاع يلاا
بوقف وايده على خده وبيطلع وائل بدون مايحكي ولاحرف من المحل ووراه مالك ومازن
بيطلع مازن ومالك بالسيارة وبيمشو ورا وائل
طيف: شو صار
مالك: بيبتسم هلق بتشوفي
بوصلو على البيت وبيطلعو
بكون البيت قايم مو قاعد على غياب طيف والزلم مجتمعة جوا وعم يستنوها ويستنو وائل
بيدخل مالك ومقرب طيف لحضنه ومازن جنبها ووائل وراهن
شادية: بتركد على طيف وبتحضنها ياعيون امك وين رحتي
طيف: بتحضن امها
مالك: كانت بالنادي عم تنتظرني
ام وائل: يبعتلك حمة يا طيف نشفتي دمنا
طيف: بتطلع بعمتها صراحة مابعرف شو رد عليكي اذا بدي احترمك ومارد هلق لانك كبيرة بالعمر بس
ام وائل: شو بدك تحكي ياام نص اللسان
مالك: عمتيي اذا نحن محترمينك لا تزودي بالحكي كرمال كرامتك يعني
ام وائل: خرسنا
بيطلع كريم وبشوف طيف
كريم: وين كنتي وليه
طيف: كنت مطرح ماكون انت ليش سألت عني
مالك: بابا لو سمحت خلينا ندخل لعند الزلم
شهد: كرمال نقرأ الفاتحة
مازن: على روح اخوكي
شهد: شو يلي عم تخبصه
مازن: بشد وائل لعند كريم وائل بيك بدو يحكي كلمتين قدام الموجودين
كريم:دخلو
بيدخل وائل والكل

كريم: شو بدك تحكي وائل
وائل: ياجماعة انا مابحب طيف ولا طيف بتحبني والبنت ولا مرة حكتني غير كاابن عمتها بس وماصار حكي بينا ابدا وانا ماعاد بدي اخطبها لان هي رافضة
كريم: بيتطلع بأبن اخته وبيهمس الله يلعنك
بقومو كل الموجودين وبيطلعو من البيت وبضلو بس عيلة وائل
بقوم ابوه لوائل وبيضربه كف قدام الموجودين
ابو وائل: ياقليل الناموس والحيا تفوو عليك
كريم: ما بتستحي على دمك انت تفو عليك
ام وائل: بتمسك ابنها امشي ابني يلا نحن ماعاد النا اعدة بهالبيت
شادية: درب السد مايرد انتي وابنك
بيطلعو كلهن ومازن وراها بدو يسكر الباب
شهد: بتوقف قدام مازن وبتطلع فيه اختك مارح تكون احسن منك هه
مازن:بيمسكها من ايدها بقوة وبيتطلع فيها بقرف اختي بتشرفك وبتشرف اخوكي وعيلتك كلها ماشي انقلعي وبينتر ايدها
شهد: بتطلع فيه وبتمشي
بسكر الباب مازن وبيدخل لجوا
مازن: بدق كفه مع كف مالك الله حيو ابو الملوك
مالك: على راسي ابو المزون ههههه
شادية: بتطلع فيهن وبتضحك
طيف: بينزلو دموعها وبتركد عليهن وبتحضنهن الله لايحرمني منكن ياسندي
مالك: ولو ياطيفي يلي بيرميكي بوردة منرميه بجهنم يلي تحرقه
مازن: انتي شمعة بيتنا منرضى حدا يأذيكي بكلمة مستحيل بيمسحلها دموعها هدول مابدنا نشوفهن غير بالفرح
طيف: بتبتسم
بقرب كريم وبعيونه الخجل
كريم: بابا طيف
طيف: بتلتفت وبتطلع فيه
كريم: سامحيني يابنتي ياريت انكسرت ايدي ولا مديتها عليكي او حكيت يلي حكيته سامحيني انا غلطت بحقك
طيف: بتبتسم وبتركد وبتحضن ابوها انت بتمون بابا انا مابزعل منك يخليلي ياك
كريم: بيحضنها ماانحرم منك ياحنونة انتي
طيف: بتبتسم وبتبوس ايده ولايحرمني منك
مالك : بعدولي هيك لااخد حضن لكن
مازن: ستنوني وانا
شادية: شو وقفت علي ستنو
بيركدو كلهن وبيحضنو بعض
مازن: وعلى قولة ابو الملوك يلي بيرميكي بوردة براسه بخرطش فردي
مالك: ويلي بيرميكي بواردة براسه بخرطش فردي
مازن: ههههههه وللللليييشش
طيف: بتضحك هههههههه
مازن: نفسية
مالك: عصبية
مازن ومالك: وام بلوزة مهرية ههههههههه
طيف: ههههههه

المسا
( بخبر مالك ابوه انو اهل مطر جايين اليوم ليطلبو طيف وبزبطو حالهن وبتبلس طيف فستان رمادي قصير عليه لولو وبترتب حالها وبجهزو حالهن كلهن )
بيندق الباب
بقرب مالك وبيفتح الباب
مالك :بيبتسم اهلا وسهلا نورتونا تفضلو
بيدخلو ابو مطر وامه ورنيم وناس قرايبينهن وحنين بتدخل اخر شي بتبتسم وقت تشوف مالك
مالك: بيغمزها وبيبتسم
حنين:بتبتسم وبتدخل
شادية: يلا طيف جيبي القهوة ودخلي بعد ماادخل اي

طيف: بحماس اي اي امي خلص ماشي
تاليا: هههههه شبك متوترة كتير
طيف: اكيد بدي اتوتر تاليا رح اخد حبيب قلبي بتعرفي شو يعني مطر مطر
تاليا: بتضحك فهمت انو مطر مطر يلا حملي القهوة لندخل يلا
طيف: بتبتسم وبتاخد نفسها وبتمسك صينية القهوة وبتدخل بتضيف الكل وبتوصل لعند مطر وبتبتسم
مطر: بيمسك الفنجان وبيبتسم وبيهمسلها بحبك
طيف: بتضحك وبتمشي وبتعد جنب اخواتها
ابو مطر: بيشرب شفة من القهوة وبحطها اخي ابو مالك نحن اليوم جايين وكلنا أمل انك ماتردنا جايين نطلب ايد بنتك طيف لاابننا مطر ويلي بتأمروه نحن جاهزين الدهب بيرخصلها لبنتنا طيف
مازن: بينكش مالك وبيهمسله ليش قلو ابو مالك مو ابو مازن
مالك: بينكشه عيب مو وقتها
مازن: اي منشوف
كريم: شرفتنا اخي ابو مطر وان شاء الله طلبك مجاب انا بالنسبة الي بيتطلع بطيف وبيبتسملها عاطيك اذا الله عطاك ونسأل العروس شو طيفي
طيف: بتبتسم من بعد رأيك ورأي اخواتي انا موافقة
كريم: على بركة الله عطيناكن اذا الله عطاكن الف مبروك
بيعلى صوت الزلاغيط والتصفيق
ابو مطر: لكن خلونا نقرأ الفاتحة على نية التوفيق
بيقرأو الفاتحة كلهن
مطر: عمي ابو مازن وبيتطلع بمازن وبيبتسم
مازن: بيبتسمله بقلبه( حبيتك ياصهري)
مطر: انا وهي قدام الحاضرين طيف بقلبي وبعيوني وانا لما حبيت بنتك ياعمي حبيتها بصدق وماكنت بتردد لحظة اجي هالجية واطلب ايدها رسمي منك لان نحن منعرف بالاصول ومابيرضيني ينحكى على طيف كلمة وحدة برا الطريق وطيف متل ماكانت عندك معززة مكرمة حتكون عندي معززة ومكرمة ومحطوطة على الراس وجوا القلب
كريم: الله يوفقكن ياابني ونحن وقت وافقنا شاريين رجال وسند لبنتنا وانت اشهد بالله اثبتت انك زلمة ورجال من ضهر رجال وسند

ابو مطر: من بعد اذن الحاضرين خلينا نلبس المحابس لكن
كريم: يلا بسم الله بوقفو كلهن وبتقرب طيف وقلبها عم يرجف بالثانية مية رجفة وبسمتها ماعم تفارقها وعيونها مدمعة بتعد طيف على كرسي جنب مطر
مطر: بيبتسملها وعيونه مدمعة وبيمسك ايدها بحنية وبلبسها الخاتم وبيطلع صوت الزلاغيط
طيف: بتبتسم وبتلبسه الخاتم
مطر: بيمسك ايدها وببوسها بحنية ان شاء الله لااخر العمر ياكل العمر
طيف: بتنزل دمعتها لااخر نفس بتنفسه
مطر: بيبتسملها وبيمسحلها دمعتها بحنية
حنين: بتوقف وبتبلش تزلغط ويردو وراها اوهاا بينك وبينها مش فارقة اويهاااو ومحبتك جوات قلبها خارقة اويهااا ومبارح ياعريس شفناك لوحدك اويهاااا واليوم الشمس حدك شارقة وللللللللللييييييششش
رنيم: اويهااا ورق ورق اويهااا نزل على الارض وبرق اويهااا الى واقف يقول ماشاءالله ويغزي العين اويهااا ويلي قاعد يقول قل اعوذ برب الفلق ولللللللييييييششش
ابو مطر: اخي ابو مالك طلباتك مجابة بأذن الله
كريم: انا ماعندي طلبات طلبي انو تعيش طيف بأمان وسعادة هاد يلي بكفيني والمتقدم والمتأخر بيتفقو عليه النسوان مالي علاقة فيه
ابو مطر: والعرس
كريم: هي العرسان هنن يحددو
مطر: بيبتسم العرس بعد شهر من اليوم اذا مافي اي مشكلة
طيف: بتبتسم انا موافقة
كريم: على بركة الله لكن الف مبروك ان شاء الله

بخلصو حفلتهن وفرحتهن وبيرجعو على البيت
بغرفة مالك ومازن اعد مالك وعم يحكي حنين وعم يبتسم
مازن: بقرب منه وبيصرخ بأدنه هالله هالله
مالك: يبعتلك الصرع شو صرلك
مازن: لك مالك شو مفكرني مااشتلقت عليك انا ابو المزون حنونة هي نفسها اخته لمطر مو هيك
مالك: يبعتلك حمة بسكر موبايله وبوقف شو عم بصير معك فارة لطحين
مازن: مبينة متل عين الشمس من الابتسامات يلي وزعتها حنكك علق وحنونة وحنين
مالك: بيمسك مازن وبخرسه اذا بدرى او بسمع انك حكيت لحدا بقبرك ها
بيندق الباب وبتدخل طيف وبتشوفه ماسك مازن
طيف: يي ليش هيك ماسكه وبتقرب منهن
مالك: عرف انو حنين هي يلي بحبها
طيف: بتضحك تركه تركه وبتبعد ايده عنه
مازن: عاملي شيخ مكة هيهي على بابا ياماما
مالك: خراس مازن
مازن: لا تخاف لاتخاف على كلن ان شاء الله منصير عدايل
مالك: مافهمت
مازن: اختها صاروخ
طيف ومالك: بصدمة رنيم
مازن: اي شبكن البنت حلوة وعجبتني
طيف: البنت بكلوريا اخي
مازن: اي بينا خمس سنين يعني عمرها ١٩ وانا ٢٤ وين المشكلة
طيف: بتطلع بمالك بأستغراب كلشي بصير
مالك: اذا خليتها تحبك لاتقصر
مازن: هه انت مابتعرف ابو المزون خلينا نخلص منكن اول ليفضالنا الجو

طيف ومالك: بيضحكو عليه ههههههههه
بتتركهن طيف عم يتناقرو وبتدخل على غرفتها بتتسطح وبتطلع على الخاتم يلي بأصبعها وبتبتسم برن موبايلها برقم
بتمسك الموبايل وبتستغرب بتفتح
طيف: بترد الو
بيطلع صوت الغنية خلي ليلي بالحنان يطول وخلي حالي بالهوا مشغول كتبني كلمة للزمان تقول بالغراام بالغراام بالغراام

بيطلع صوت مطر
مطر: بالغرام هالكون ابتدا وياسلام مش باقي حدا وقلبي انا على حاله اهتدا بالغراام مافي نجوم مابدها قمر ومافي ليل مابدو سهر ومافي عيون مافيها نظر بالغرااام
طيف: بتضحك اذا بقلك هي احلى مكالمة بتمر علي بتصدقني
مطر: بيبتسم امم بصدقك اكيد
طيف: بتضحك ههههه طلع صوتك حلو مطري
مطر: يخليلي هالضحكة اي لكن في مواهب مدفونة هههههه
طيف: معناها بكرا مع الايام بتضلك بتغنيلي
مطر: اي من عيوني طيفي شو بدك تنامي
طيف: كنت عند مازن ومالك عم يتناقرو تركتهن واجيت اتسطحت وكنت عم فكر فيك فرنيت
مطر: امم يعني اتصالي كان بوقته
طيف: اكيد ليش بتعمل شي مو بوقته انت
مطر: هههههه لا
طيف: ممكن اسأل سؤال
مطر: انتي مو بس بتسألي عيوني انتي بتأمري اسألي
طيف: يخليلي عيونك انت ليش نهيت كلشي بدون ماتحكيلي شي
مطر: طيفي انا عملت هيك كرمال ماخليكي تحسي بذنب ماكنت بعرف انك عرفتيني ومابدي ياكي تشفقي علي بدي تكوني مقتنعة ومختارتيني من قلبك مو كرمال شي تاني
طيف: انا كذبت عليك وقلتلك ليش مااجيت كرمال ضل عم بحكيك لااقدر رتب افكاري بعدين لو بدي ضل معك شفقة لاسمح الله مابجي لعندك ركد بدون تفكير مجرد فكرة اني كون لغيرك قتلتني مطر انا حبيتك بقلبي وروحي وخبرتك قبل انا مابهمني الشكل وقت حكيت هالكلمة انا قدها بس وقت شفتك تلخبطت مشاعري وهلق وبعدين انا مالي معك شفقة واوعك تفكر بهالشي لو تفكير بس انا معك لاني بحبك وبحب حبك الي وبحب قلبك وروحك بس ورح نتخطى المحن كلها سوا انا وياك ايد بأيد تمام
مطر: بيضحك تمام حضرة الفيلسوفة وغيره
طيف: ههههه حلوة حضرة الفيلسوفة
مطر: انتي الحلوة ههههه
بقضو هالليلة كلها حكي وشوق وحب هيك ليغفو

تاني يوم الصبح بتبلبس طيف وبترتب حالها وبتمسك كتباها وبتطلع
طيف: بأبتسامة صباح الخير للجميع
مالك: اوف اوف شو هالنشاط صباح النور
مازن: لوين
طيف: رايحة على الجامعة وبعدها ممكن مر لعند مطر فيها شي
كريم: بيبتسملها روحي بنتي الله ييسرلك
مالك: بيغمزها قوليلي بروح باخدك لعند مطر
طيف: بتضحك اي ماشي اخي بدكن شي
مالك: ستني بوصلك يلا سلام
مازن: خدوني وصلونيي بيركد وراهن
شادية: الله يحميكن وييسرلكن
بيطلعو بالسيارة كلهن
مالك: شو نوصل مازن اول ولا طيف
مازن وطيف: بقولها بنفس الوقت انا
مازن: انا بدي اول
طيف: انا مازن بلا غلاظة
مازن: حجرة ورقة مقص بسرعة
طيف: يلا حجرة
مازن: ورقة
طيف: مقص وبتحط هي ورقة ومازن مقص
مازن: واااااو ههههههه يلا انا اول
طيف: بتمدلها اللسانها اننننن تضرب
مالك: الله يكبركن اي وبيمشي بالسيارة
بوصل مازن وطيف وبيطلع على النادي
بيوصل هو وحنين على النادي سوا
مالك: بينزل من سيارته وبيبتسم وبقرب من حنين وبصفر
حنين: بتوقف وبتبتسم بتشيل نضارتها من على عيونها كابتن مالك كيفك
مالك: الكابتن قلبه دايب على شوفتك ياحلو
حنين: بتضحك هههه مالك مبارح لسا شفتني
مالك: ولو كان بشتقلك بكل ثانية انا
حنين: اممم قلتلي يلا تفضل كابتن على التدريب
مالك: معلش اعزمك على فنجان قهوة اول
حنين: اممم معلش تفضل
مالك: بيضحك وبينحنيلها تفضلي وبمدلها ايده تفضلي برنسيس
حنين: بتضحك وبتمشي لعند السيارة بدها تفتح الباب
مالك: لا لا بقرب وبيفتح الباب تفضلي
حنين: كمان هي
مالك: افكورس جانم بيضحك يلا طلعي
حنين: بتركب السيارة
مالك: بيطلع بالسيارة وبيمشو
بشغل غنية لفرقة تكات يما ويايابي
حنين: بتضحك بتعرف اني كل مااسمع هالغنية بتذكرك
مالك: بيضحك وبتبين غمازته
حنين: بتغني معهن يما ويايابي الاسمر قتلني شاعل بقلبي النار هو القتلني
مالك: بيبتسم وبيمسك ايدها وببوسها بحنية يخليلي هالصوت
حنين: بتبتسم يخليلي ياك اسمري
بيوصلو على الكافيه وبيعدو
مالك: اسعد لحظة حاليا انا وياكي والحب تالتنا هههه
حنين: بتضحك هههههه

بعد مرور ساعات
بتخلص طيف جامعة وبترن على مالك
مالك: بكون اعد هو وحنين وعم يحكو ومنسجمين ونسيو حالهن بيتطلع على الموبايل لك هي طيف قالتلي بدها تروح لعندكن
حنين: رد رد
مالك: الو اهلين طيفي
طيف: مالك انا خلصت بدك تجي تاخدني ولا روح
مالك: انا اعد مع حنين رح جيبها واجي اخدك ونطلع على البيت
طيف: بتضحك ايوا اذا اعد انت وحنين معناها قطعتلكن الاعدة بروح لحالي اخي مو مشكلة
مالك: لا ليكنا جايين مابطول
طيف: اي بنتظارك بتضحك وبتسكر
حنين: يلا نقوم
مالك: يلا تفضلي بيطلب لحستب وبحاسب وبينزلو وبيطلعو لعند طيف
طيف: بتكون واقفة هي وخلود
خلود: اخوكي لحليوة جاية ياخدك
طيف: بتبتسم مابعرف شو بدنا نقلك بس لحليوة مرتبط
خلود: لاتقوليها عاااا
طيف: بتضحك ههههه
بيوصل مالك وحنين بتنزل من السيارة وبتأشر لطيف

طيف: هي حبيبته
خلود: اصلا عادي مالنا نصيب تعي هاتي بوسة ومبروك الخطبة مرة تانية
طيف: الله يبارك فيكي بدك شي
خلود: سلامتك
بتركد طيف وبتفتح باب السيارة وبتعد جنب مالك وبتعد حنين ورا وبيمشو لبيتهن
بيوصلو وبينزلو على البيت بيدخلو بشوفو مطر اعد بالحديقة وعم ينتظرهن
حنين: بتبتسم اول ماتشوف اخوها وبتوقف ياجماعة مطر هي اول مرة بيطلع على الحديقة من وقت الحادث
طيف: بتبتسم
حنين: بتضحك نحن اجيناا
مطر: بيلتفت عليهن وبيضحك اهلا وسهلا نورتو تفضلو
بيمشي حنين ومالك لعند مطر وطيف وراهن
طيف: بتبتسم وعم تطلع على مطر وعم تمشي ما بتنتبه على الحجر يلي قدامها بتتفركش فيه وبتوقع بتصرخ اخخخ
مطر: بخوف طيفي ةبحركة لاارادية بنزل رجليه من الكرسي وبدو يقوم
بيركد مالك لعندها وبيسندها
طيف: بتطلع على مطر وبتشوفه منزل رجليه بتضحك وبتنسى وجعها ممطرر وبتأشر على رجليه انت نزلتهن
مطر: بينتبه على حاله انو منزل رجليه على العشب بيضحك وبيتطلع فيهن
حنين: بضحكة اخيي وبتركد عليه
طيف: بتنسى رجلها وبتركد لعنده

طيف: مطر انت نزلت رجليك يعني رح تقدر تمشي وحتتعالج
مطر: بيبتسم مابعرف كيف قدرت نزلهن ماانتبهت على حالي من خوفي عليكي
طيف: بتبتسم اااه حبيبي يلي خاف علي
مطر: بيضحك على منظر طيف الطفولي اذا عليكي ماخفت على مين بدي خاف ياقلب مطر
طيف: يخليلي هالقلب اي
مالك وحنين: احمم
طيف: بتضحك وبتطلع فيهن شبكن
حنين: احترمو مشاعرنا مو هيك كابتن
مالك: هيك ونص هههه
طيف: ههههههه
مطر: تفضلو ندخل لجوا يلا
مالك: انا بدكن تعذروني عندي شغل بدي روح بس تخلص طيف برجع باخدها
مطر: لا ولو بدك تقعد معنا
مالك: يخليلي ياك ياصهر بس والله عندي شغل
مطر: متل مابدك بس ترجع لتأخد طيف منعد سوا
مالك: ان شاءالله يلا بالاذن
الكل: اذنك معك
مطر: رجلك فيها شي عيوني
طيف: لا حبيبي مافيها شي تطمن
حنين:لكن يلا اخي لندخل نقول لاامي ليطير عقلها وبتقرب بدها تجره
طيف: بتبتسم تركيلي هالمهمة الي
حنين: بتبتسملها متل مابدك رح اسبقكن الحقوني
طيف: بتوقف وبتمسك الكرسي من ورا وبتحني وبتطبع بوسة على خد مطر بكل حنية
مطر: بيبتسم وبيتطلع فيها اووو اذا كل مابدك تمشيني انتي في هيك مكافأة ماعاد امشي غير معك
طيف: هههه بس لا تكون طماع خلينا ندخل
مطر: يلا
بيدخلو لجوا الفيلة
طيف: مرحبا كيفك مرت عمو
ام مطر: يامية اهلا وسهلا بنور العين تقبروني محلاكن بتقرب من طيف وبتبوسها بكل محبة يخليلي هالوش شو حلو
طيف: تسلميلي يارب
ام مطر: بتنحني لعند مطر وبتبوسه صحيح يانور عيوني حركت رجليك
مطر: بيبتسم صحيح من خوفي على طيف تحركت
ام مطر: ربي يسعدك ياطيف متل مافرحتيلي ابني وان شاء الله بشوفكن احلى عرسان بكل الدنيا ونشوف ولادكن يارب
طيف: بتبتسم بخجل ان شاء الله بوجودك فوق راسنا
ام مطر: يخليلي هالكلام يلي مابنقط غير عسل
بتنزل رنيم من فوق
رنيم: ها هي مرت اخي عنا اهلين وسهلين وبتقرب وبتبوس طيف
طيف: بتضحك اهلين فيكي ياروحي
ام مطر: حنين جيبي دوا اخوكي صار وقته بالغرفة
طيف: انا بجيبه مرت عمو
مطر: مندخل سوا لكن
طيف: بتبتسم يلا لكن بتمشي فيه على الغرفة
مطر: الدوا على الكومدينا
طيف: يلا بتبتسم وبتجيبه وبتنحني على ركبها وبتشربه ياه بايدها
مطر: بيمسك ايدها اول مرة بشرب هالدوا وانا مبسوط
طيف: بتشد على ايده هههه وبتقوم و بتحضنه من ورا ضهره لك ريتو هالبسمة ماتفارق وشك اي
مطر: بقرب من خدها وببوسه بحب وبيتطلع بعيونها ولايحرمني منك ياسبب سعادتي
طيف: بتضحك وبتغني شو بحبك لما بتحكي بترسم على شفافك ضحكة
مطر: بيضحك هههه بحبكككك
طيف: بتحضنه واناا بحبككك

الجزء الثامن

طيف: مبارح غنيتلي واليوم بدي تغنيلي يلا مطر غني
مطر: لا طيف بلاها
طيف: لا لا بدك تغني يلا
مطر: شو بدي غنيلك
طيف: اي غنية لوائل كفوري
مطر: طيب بيبتسم بس رح نستعين بعمو وائل كفوري ونشغل الغنية بتبلش الغنية
طيف: بتضحك وبتحضنه من ضهره وعم تتمايل على النغمة هي وياه وعم يضحكو
مطر: بيضحك وبيتطلع فيها وبغني مع وائل كفوري مدللتي وقصبتي مدللتي وقصبتي عمري وروحي ودنيتي انسى الدنيا كلها الا مدللتي انسى الدنيا كلها الا مدللتي انت الوفى بتعلمني ازعل مجبور تتحملني لاتزيد علي علي جنون مجنون عليك انا اكتر لا تجنننيي مدللتي وقصبتي مدللتي وقصبتي عمري وروحي ودنيتي انسى الدنيا كلها الا مدللتيي انسى انسى الدنيا كلها الا مدللتي
مطر: مبسوطة هيك
طيف: بتضحك يخليلي هالصوت شو بحبه ماتوقعت لاقي صوت حبه متل وائل كفوري بس طلعت في انت سيد مطر
مطر: ههههههه بعدين من حبك لوائل كفوري بغار ها
طيف: بالله شو هههههه
مطر: لكن شو مفكرة وانا بغار عليكي
طيف: بتضحك انت حبيبي ماشفت شي من الغيرة بتلتفت وبتعد على كرسي جنبه وبتقرب وشها من وشه انا يلي بمووت غيرة اذا بس بشوف وحدة جنبك بقتلها بأيدي
مطر : يا اميي هههههه اووف اوفف كل هالقد
طيف: لسا ماجربت غيرتي بقلب ابو لهب ههههه
مطر: الله لايورجينا ابو لهب لكن هههه
طيف:هههه امين تعا نطلع نعد معهن يلا
مطر: تفضلي
بيطلعو وبيعدو بالصالون وبضحكو وبيتناقرو مع رنيم وحنين وبقضوها ضحك ومزح وضحكهن واصل لكل الفيلة
المسا بيوصل مالك لعندهن كرمال ياخد طيف
بدق الباب مالك
بتركد رنيم وبتفتح الباب
مالك: بيبتسملها مسا الخير
رنيم: مسا النور
مالك: ممكن تندهيلي لطيف
حنين: مين يارنيم وبتقرب منها بتشوف مالك بتبتسم اهلين كابتن مالك تفضل
مالك: بيبتسملها اهلين فيكي لا اندهولي لطيف
حنين: لا والله مابصير دخول نشربك فنجان قهوة يلا بابا ومطر بيزعلو بعدين
مالك: بيبتسم طيب ماشي بيدخل يالله يالله
ام مطر: ادخول ابني اهلا وسهلا تفضل
مالك: بيبتسملها السلام عليكم كيفك خالتي
ام مطر: داعية بسلامتك اهلا وسهلا
بيطلع ابو مطر من مكتبه
ابو مطر: يااهلا وسهلا تفضل تفضل
مالك: بقرب منه وبسلم عليه اهلين عمي كيفك كيف صحتك
ابو مطر: الحمدلله
مالك: والله خجلان منكن على جيتي
ابو مطر: له له شو هالحكي نحن اهل ابني اهلا وسهلا فيك بتدفش الباب وبتدخل البيت بيتك ولو
مالك: يسلم البيت وصحابه
حنين: بتطلع فيه بقلبها ( يخليلي الراكز والكلام تبعو دخيل قلبو اسمري الحلو )
طيف: بتطلع هي ومطر من المطبخ اهلين اخي
مالك: شو اختي عجبتك الاعدة هون ههههه
طيف: بتبتسم
ام مطر: البيت بيتها وبعدين فرحانين فيها قد الدنيا
طيف: يخليلي ياكي يامرت عمو
ام مطر: يا بنتي عمليلنا قهوة
حنين: ماما سيرا راحت
ام مطر: معناها خدي طيف ويلا عملولنا قهوة انتو
حنين: بتبتسم يلا تعي طيف
طيف: بتبتسم يلا
بيدخلو على المطبخ
طيف: وين غراض القهوة
حنين: بحماس لا اعدي انتي انا بعملها بعيوني
طيف: بتضحك وبتعد ايوا نيالو يلي بدو يشربها حتى متحمسة هيك
حنين: بتضحك بس طيف لاتسمع رنيم والله مابتخلي حدا مابتحكيله
طيف: ههههههه ساوي قهوة ساوي بتزبط اعدتها وبتعمل روزة لندوق قهوتك يابنتي مشان اعرف كنتنا كيف قهوتها وستني جيب جوزة تكسريها تحت سنانك
حنين: بتضحك هههههه يبعتلك الهنا هههههه
طيف: ههههههه يعليكي خلصي القهوة بدنا نروح يلا
حنين: اي من عيوني
بتعمل القهوة وبيطلعو
بتقرب حنين وبتضيف مالك القهوة
مالك: بيبتسملها يسلمو ايديكي
حنين: الله يسلمك
بتكفي ضيافة وبتعد بيشربو قهوتهن وبيطلعو على البيت
_____
بيمرقو الايام وكلهن فرحانين ومشغولين بتجهيز للعرس زبطو كلشي وومابقي من الشهر غير يومين
قبل بيوم من العرس بيكتبو لكتاب
وبينزلو حنين ورنيم وطيف وعم يتسوقو ويختارو فساتين لحنين ورنيم وعم يجيبو النواقص
بيدخلو على المحل وبكونو وراهن مالك ومازن كل واحد راسم خطة بباله لينفذها بيتطلعو ببعض وبيضحكو وبيمشو لعندهن
حنين: شو رأيك طيف بالفستان هاد
مالك:بوقف جنبها وبيستند بشل
حنين: بتطلع فيه برعبة انت شو عم تعمل هون
مالك: مرينا من هون وحبيت شوفك
حنين: هسس رنيم هلق بتسمعك
مالك: استلمها مازن هههه
حنين: بتضحك وبتكفي حكي معه
رنيم: بتمون واقفة وعم تختار اكسسوار
مازن: بيمسك عقد وبيتطلع فيها برأي هاد حيعجبك اكتر
رنيم: بتطلع فيه وبتبتسم اهلين استاذ مازن
مازن: بيبسملها اهلين فيكي انسة رنيم
رنيم: عنجد هاد العقد احلى
مازن: اوو كتير ولسا على رقبتك حيحلى اكتر واكتر
رنيم: بتضحك بخجل شكرا الك على المجاملة
مازن: بالعكس تمام انا مابجامل الحلو بقول عنه حلو
رنيم: بتضحك ما شاء الله عليك
مازن: بيبتسم وبيلتهى معها بالحكي

طيف: بتلتفت عليهن بتشوفهن كل واحد مستلم وحدة بتتكتف ايوا هاد الناقص بتقرب من مالك وبتنكشه احمم
مالك: بيلتفت عليها اهلين اختي شبك
طيف: بتشده من ايده وبتمشي لعند مازن بتنكشه
مازن: شبك طيف
طيف: بتشدهن من ايديهن وبتطلع بحنين ورنيم وراي انتو التنتين وبتطلع هي واخواتها من المحل ووراهن حنين ورنيم عم يضحكو
مالك: طيف شو صرلك
مازن: مابدك تشتري طيب
طيف: امشوو قداميي
مالك ومازن: بيضحكو وبيمشو كلهن وبيطلعو بالسيارة
_
تاني يوم
بالكوافير
مجتمعين كل الصبايا مع طيف وعم يعملو شعرهن ومكياجهن ومعجوقين بالتحضيرات
حنين: هي وعم تعمل شعرها بتبلش تزلغط وللللللللللييييييششش اويهاااا وياياسمينة معربشةةة اويهااا وياحلوة ومنغرشة اويهااا والي مابحب طيف ومطر اويهااا ريتو يروح فركشةةة وللللليييييييييششششش
رنيم: اويهاااا يالابسى البدلة البيضا على قدك اويهاا الشمس تخدم يسارك والقمر عبدك اويهااا مافي متلك لا قبلك ولا بعدك وللللللللللييييييششش
طيف: بتضحك عليهن ههههههه
بخلصو مكياج وشعر وبيلبسو فساتينهن حنين بتلبس فستان ازرق بحري ورنيم فستان زهري فاتح وبيطلعو كلهن على بيت طيف كرمال تطلع من بيت ابوها
بتدخل طيف على غرفتها وبتبلبس فستانها الابيض وبتبتسم وعيونها مدمعة وبسمتها بتعبر على فرحتها بتفتح الباب وبتطلع طيف والكل مجتمعين عندها بالبيت اخواتها وابوها واقفين وامها وقرايبينهن وحنين ورنيم وام مطر بتطلع وبتشتغل غنية طلي ياقمر الليالي
بيعلى صوت الزلغيط وطلي ياقمر الليالي بالابيض والطرحة تلالي
بوقف مالك يكون لابس بدلة سودا مفصلة عضلاته ومرتب حاله وعم يبتسم ومازن لابس بدلة كحلي وزي توأمه دخيل قلبهن 😂👌
بتوقف طيف بالنص وعم تبتبسملهن
شادية: بتقرب من طيف وبتبوسها ياعيون امك طالعة بتجنني بينزلو دموعها مااحلى عروستنا اويهاااا عروس عروس اويهاا ويامحلا معانيكيي اويهاا حرة اصيلة وجنس العيب مافيكي اويهاا ياجنة الفردوس نيال يلي حظه فيكي ولللللللييييييششش
طيف: بتمسح دموع امها وبتبوسها وبتقرب من ابوها وبتحضنه وبتبتوسه
كريم: الله يهنيكي يانور هالبيت وفرحتنا
طيف: يخليلي ياك يارب

طيف: بتبتسم وبينزلو دموعها وبتقرب من مالك
مالك: بغص وعم يكابر كرمال ماتنزل دمعته بيضحكلها وبقرب منها وبيحضنها لقلبه بغصة هيك حتتركينا نفسية ههه
طيف: بينزلو دموعها وبتشد عليه هههه ربي مايحرمني منك ياروحي هلق لوين بدي الجأ وقت اتدايق
مالك: بشد عليها اكتر وبتخونو دمعته وبتنزل بيتطلع فيها وبيمسحلها دموعها اخوكي هون بضهرك سيف وقدامك امان طيفي مافي شي بضيمها طول مالي موجود وحتضلي لما تدايقي تجي لعند ابو الملوك
طيف: بتمسحله دمعته وبتبتسم اكيد مالي غيرك ياخيي
مالك: ببوسها من جبينها وبيضحك وبيبعد عنها
مازن: بقرب منها ودمعته بعيونه وبيحضنها بقوة حبيبة اخوها نفسية عصبية وام بلوزة مهرية ههههه
طيف:بتشهق و بتحضنه بقوة اغلظ واحن اخ يخليلي ياك يارب
مازن: بيضحك وبينزلو دموعه عيوني يلي بشوف فيهن بيتطلع فيها ليكي وقت بدك تتغالظي على حدا مافي غيري ها
طيف: بتضحك بنص دموعها اكيد اكيد
مازن: بيبتسملها
بقرب مالك منهن وهو ومازن بيمسحولها دموعها وبيحضنوها هنن لتنين
مازن: بيمسح دموعه وبيضحك شغلولنا غنية
بتشتغل غنية ويلي بيرميكي بوردة
بيمسكو ايدين طيف وبيرقصو هنن لتلاتة على الغنية
مالك ومازن بصوت واحد: ويليي بيرميكي بواردة براسه بخرطش فاردي ويلي بيرميكي بواردة براسه بخرطش فردي
مالك: عم يتمايل عليها ومش فرقاني عندي قلبك انا رجاله
مازن: بقرب وبيمسك ايدها وحدك ما بمشيكي انا يلي بحميكي
مالك ومازن: ويلي بيتطلع فيكي لا يتملو عيالو ايواااا
طيف: عم تضحك وترقص معهن وتتمايل عليهن
بوقف مالك: وبشيلها بين ايديها وبدور فيها والكل عم يصفقلهن
بقرب مازن: وبيحملها من مالك وبدور فيها وبنزلوها وبيحضنوها
طيف: بتبتسم ماانحرم منكن
شادية: يلا السيارات عم ينتظرونا تحت
بينزلو كلهن من البيت والزلاغيط عم تعلى اكتر واكتر بكون مطر لابس بدلته واعد على كرسيه ومستني طيف اول مابشوفها بيبتسم وبتشتغل العراضة والطبل والزمر
طيف: بتقرب من مطر وبتنحني لعنده
مطر: بيبتسملها وببوس ايدها وجبينها ياكل كلي يااكثري واقلي بحبك
طيف:بتبتسم بموت فيك بتوقف وبتمسك ايده وبيطلعو كلهن بالسيارات وبيتجهو على الصالة

بوصلو على الصالة وبينزلو بوسط الزلاغيط والطبل والزمر بتنفتح بواب الصالة وبيدخلو كلهن ومطر وطيف بيدخلو يستريحو بالغرفة لحالهن
طيف: بتبتسم لمطر فيك شي مطري
مطر: بيبسملها ليطمنها لا بس خايف شوي
طيف: بتضحك وبتقرب منه وبتعد على ركبها وبتمسك ايده ليش خايف

مطر: العالم و انا و
طيف: بتحط اصبعها على تمه اوعك تفكر فيهن حبيبي انا وياك وبس والباقي ما بهمنا انت حبيبي وزوجي وقلبي وكل حياتي العالم يحترق انا وياك فرحانين وهاد يلي بكفي مابهمني مين بدو يتطلع ومين بدو يحكي يلي بهمني عيوني يلي ماشايفة حدا بالدنيا غيرك مطري بتشبك ايدها بايده انا وياك صرنا لبعض رغم كلشي مافي داعي للخوف المجتمع اذا بدنا نضل نحسبله حساب ونقول العالم شو بتحكي مستحيل نفرح تذكر انا وياك ومن بعدنا الطوفان
مطر: بيبتسم يخليلي ياكي ياطيفي وحبيبة قلبي ونور عيوني
طيف: بتضحك ويخليلي ياك يلا نطلع بدنا نرقص ههههه
مطر: يلا بيشبك ايده بايدها وبيكبس الزر تبع الكرسي وبيمشي الكرسي وطيف مع بعض
بتنفتح بواب الصالة وبوقفو الكل وبيعلى التصفيق والزلاغيط بتشتغل غنية ادخلي عمري
طيف: بتتوسع ابتسامتها وعيونها على مطر
مطر: بشد على ايدها وبيدخلو على كلام الغنية ادخلي عمري بخطواتك اليمين اضوي ايامي وعتمات السنين
بيمشو وعم يوزعو سلامات للكل والتصوير شغال عليهن
حنين: بتبلش تزلغط وبتمشي وراهن وبتشيل فستان طيف ورنيم ومالك ومازن والكل وراهن
بوقفو بالنص وبتشتغل غنية بالغرام
طيف: بتضحك وبتوقف قبال مطر وبتمسك ايده وببلشو يتمايلو على النغمة
مطر: بغني خلي ليلي بالحنان يطول وخلي حالي بالهوا مشغول كتبني كلمة للزمان يقول بالغرام
طيف: بتضحك وبتلف من وراه وبتحضنه من ضهره وببلشو يتمايلو بالغراام هالكون بتدا وياسلام مش باقي حدا وقلبي انا على حاله هتدااا
طيف: بتمسك ايده وبتلف وبتنزل حالها لحضنه بالكرسي وبتضحك بحبكك
وبيعلى التصفيق وكل الموجودين متفاجأين من فرحة طيف بمطر
مطر: بقرب من جبينها وببوسه بحنية بموت فيكي
طيف: بتبتسم وبتقوم بتوقف وبتمسك ايده وبقربو على الاعدة وبتعد طيف وجنبها مطر ماسك ايدها
وبتشتغل الاغاني بصوت عالي وبقومو الناس وبتبلش ترقص وانا بدي ارقص معهن تركولنا العرسان شوي لنروح لعند الاسمر 🥲

مالك: بكون واقف على الطاولة جنب حنين ورنيم وام مطر وابوه وشادية وكريم ومازن وعم يصفقو
شادية: يلا يا صبايا على الرقص بسرعة عرس اخوكن يوه
مازن: ونحن امي مابدك يانا نرقص عرس اختنا يوه وبقلد امه
شادية : بتضحك عليه هههههه تضرب شو غليظ روح ارقص حدا ماسكك
مازن: مافي حدا ارقص معه تروح مالك وبيغمزه
مالك: لا تركني مابحب ارقص غير رومانسي هههههه
شادية: خود وحدة من الصبايا من بعد اذن اختي ام مطر
ام مطر: البنات بناتك اختي ام مازن
مازن: بصرخ باعلى صوته الله واكبر الله واكبر احلى خالتي ام مطر بالكون
ام مطر: بسم الله شبك ابني هههههه
مالك: بيضحك لانك قلتيليها لاامي ام مازن مو ام مالك
ام مطر: هههههههه الله عليك يامازن روحو رقصو روحو
بيطلعو رنيم ومازن على تبع الرقص وبتبلش رنيم تتمايل ومازن عم يتطلع فيها ويبتسم ويصفقلها ويحرك بايديه متل المساحات
شادية: بتمسك حنين يلا بنتي لنشوف رقصك يلا
حنين: بخجل ياخالتي والله
شادية: يوه قال بتخجل خدي هي مالك معك يلا روحو
مالك: بيزورها امي مابعرف برقص
شادية: خراس وروح يلا بتدفشهن للنص وبتبلش تزلغط
حنين: بتخجل منه وبتضحك
مالك: بيضحك وبيتطلع فيها طالعة بتشلي
حنين: يعني انشليت كابتن
مالك: اي مو بس انشليت حدوب بأرضي دخيل البحري انا
حنين: بتضحك وبتبلش ترقص وتتمايل على الاغاني بتمسك ايده يلا صفقلي
مالك: بيضحك ههه ماشي بيرفع ايديه وببلش يصفقلها ويتمايل معها بركازة
طيف: بتمسك ايد مطر وبينزلو لعندهن وبتبلش ترقص طيف معهن ومطر يصفقلها
بيلتمو حنين ورنيم لعند اخوهن وببلشو يرقصو معه ومالك ومازن مع طيف وببلشو يتمايلو معها
بيطلع صوت بالمكروفون انو الكل يرجع في رقصة للعروس والعريس
بيبعدو الكل من النص وبضل مطر اعد وعم يتطلع بطيف
بتشتغل غنية درس العشاق
طيف: بتقرب من مطر وبتمسك ايده وبتبلش تتمايل على الغنية بتقرب وبتعد بحضنه وبتضحك وعم تغني مع الغنية وتتمايل بتنزل ضهرها لتحت وبترفع وبتحط راسها على راس مطر وعم تضحك وبتقوم وبترجع لورا وبتبلش ترقص وتتمايل على مطر
مطر: بكون عم يضحك وعم يصفقلها ويحرك ايديه معها
طيف: بتقري منه وبتنحني على ركبها وبتصرخ باعلى صوت ونعيش الايام الحلوة نتخطى الواقع والعالم تحكي قصتنا بهالكون الواسع بكتاب الحب نعلمهن للجيل الطالع درس العشاق درس العشااق
مطر: بيضحك مجنونة
طيف: بتقرب منه مجنونة فيكك بتحضنه وبتغني عمري كان رايح ضيعان قبلك على الفاضي تايه على شط النسيان يفتش على وجودك حبك عوضني حرمان هالعمر الماضي عيشني بجنة الوان حققلي وعودي

بتخلص الغنية وبيعلى التصفيق الهن فعلاً طالعين احلى تنين والناس مالها شايفة غير جمالهن وسعادتهن وحبهن لبعض

بتشتغل غنية رومانسية وكل واحد بيمسك حبيبته وزوجته وبيطلعو ليرقصو
مالك: بيتطلع بأبو مطر بكون طلع هو وابوه لبرا الصالة مدري شو بدهن يجيبو بيستغل الفرصة وبينحني وبمد ايده لحنين بتسمحيلي بهالرقصة
حنين: بتتلبك وبتطلع بامها بتهز براسها بتضحك وبتمسك ايده بحب اكيد بيسحبها للنص
مالك: بشدها لعنده وبحط ايده على خصرها وبيتطلع بعيونها
حنين: بتحط ايديها على رقبته وبتضحك
مالك: بيهمسلها بحبك
حنين: بتبتسم بخجل وبترد عليه بموت فيك يااسمر السمر انت
مالك: بشدها لعنده اكتر ليصيرو قبال بعض عيونهن بعيون بعض انفاسهن عم تتسرع
حنين: مالك هلق امي بتشتلق
مالك: تشتلق مهم اني بدي عيش اللحظة معك انا بعشق الحنية كلها
حنين: بتضحك وبتطلع بعيونه العسلية الدبلانين وانا بعشق السمر كله
مالك: بيضحك هههههه وبتنحفر غمازته
حنين: وبعشق هي يلي بتنحفر بتاخد قلبي
مالك: بيبتسم وبيفتلها وبكفو تمايل
مازن: بيشلح جاكيته وبضل على قميصه الابيض بيتطلع برنيم مابقي غيرنا ترقصي!؟
رنيم: بتضحك بخجل متل مابدك
مازن: بمدلها ايده
رنيم: بتمسك ايده وبقربو للنص وببلشو يتمايلو شوف كيف الصبايا عم تطلع علينا شكلهن غارو
مازن: بيبتسم وبيتطلع بعيونها متمنينن يكونو مطرحك
رنيم: هيك شكلهن ما شاء الله عليك الك جاذبية يعني
مازن: بيضحك هههههه شو رأيك شب بحلاوتي هي مابدو يكون الو جاذبية
رنيم: اووف لا تكون مغرور بس عرفنا انك حلو
مازن: بيبتسم انتى الاحلى لهيك اخترت ارقص معك
رنيم: بتبتسم بخجل عنجد
مازن: اكيد خبرتك اني مابجامل
رنيم: بتضحك وبتكفي رقص معه
حنين: بتطلع على رنيم ومازن يي هدول عم يرقصو
مالك: بيضحك ههههه مازن عاجبته رنيم
حنين: بتضحك لاتقولها يااا ههههه
مالك: الله وكيلك هههه عملي حالك مو شايفة
حنين: هو هيك هههه
بتخلص الغنية وبوقفو رقص وبيرجعو
بيرجعو ابو مطر وكريم
ابو مطر: عمي مازن عمي مالك تعو معي شوي
مالك ومازن: تفضل عمي بيمشو

بيمشي مطر لعندهن وبوقفو بالنص
طيف: بتوقف وعم تطلع فيهن شوفي
مطر: بيبتسم ليطمنها بيعد ابو مطر على كرسي ومالك على كرسي وبيربطو رجلين مطر مع رجليهن
بتشتغل غنية بس عشانك وبوقفو ابو مطر ومالك وبوقف مطر معهن ومازن بسند ضهر مطر من وراه وبيبتسم
طيف: بتطلع فيه وبينزلو دموعها
مطر: بيبتسم تعي
طيف: بتضحك وبتقرب منه وبتبوس جبينه وبتحط ايديها على قلب مطر وببلشو يتمايلو كلهن معهن
مطر: بيتطلع فيها وبيضحك كرمالك ياعيوني
طيف: بتضحك وبتمسح دموعها وبتحضنه بقوة ربي مايحرمني منك
مطر: بيضحك ولايحرمني منك ببوس جبينها طيفي
طيف: بتبتسم مطري اعود حاجة
مطر: بيبتسم وبيعد وبفك رجليه من رجليهن وبيضحك
طيف: بتمسك الميكروفون وبتمسح دموعها
قلت لك خذ من فؤادي نبضة العمر .. احي فؤادك ياضيا القمرِ
وانت حصلت على جميع نبضاتي وقلبي وكياني جميعهم ملك يديك عمري فداكَ وكل أيامي انا في هواك رأيت أحلامي انت هو بطل حكاية #المقعد_الرمادي
بالليلة مظلمة وسماء رمادية أتت ذخات المطر تطرق نافذتي ولتجمعني بكَ
بتضحك الايام واللحظات يلي عشتها معك من ورا شاشة كانت اسعد أيامي مطر لما دخلت على حياتي كملتها بحبك وحنانك وكلامك نحن مثال ليلي بدو يتعلم الحب مافي شي اسمو ظروف قبال الحب قدام الحب الحقيقي نسلم على لظروف شو ماكانت لظروف تخطيناها بحبنا
لما حبيتك يامطر صدقني حبيت روحك وقلبك قبل شكلك انا كنت اتخيلك كل يوم بمخيلتي لصغيرة بس تخيلاتي قدامك عجزت كل الخيال يلي بالكون ما بعبر شي من جمالك
الحب مو شكل وجمالك والحلم مو فارس على حصان ابيض بالعكس تمام الحب هو الحب الحقيقي يلي جوا القلب والروح والحلم هو انت الرجل والسند يلي رح كفي معه لااخر عمري
ومتل ماقلتلك لو حبنا غلطة تركنا غلطانين بوعدك قدام الدنيا كلها انا وانت مايفرقنا غير الموت بحبكككك لااخر نفس بتنفسه
بيعلى صوت التصفيق
مطر: بيبتسم وبمدلها ايده
طيف: بتقرب منه وبتحط جبينها على جبينه بتبتسم بحبك
مطر: بحبككك
بتخلص الحفلة وبيرجعو كلهن على بيوتهن

بتدخل طيف على الفيلة ايدها بايد مطر وبكونو جهزو بيتهن بالطابق التالث للفيلة فيه اعدة وغرفة ومطبخ صغير الهن كرمال ما تترك اهل مطر اعدت فوق وبيفصل بينهن وبين اهله باب بس وفيه مصعد كرمال مطر بيطلعو على بيتهن وبسكرو الباب

طيف: بتبتسم وبتعد على ركبها وبتمسك ايد مطر من هاليوم انا سندك وعلاجك وقوتك وضعفك انا انت وانت انا مستحيل خليك تحتاج شي و انا موجودة جنبك حكون دايما معك متل رمش عينك
مطر: وانا حكون الك كل اهلك وناسك سندك وقوتك وحبك وقلبك وحياتك كلها
‏ طيف: بتبتسم وبتشد على ايده ومطر بشد على ايدها