مازن: لك لك هيك صار الحكي ياانسة شهد بسيطة انا بتفصلي بوشي
‏
مالك: بتطلع صوت ضحكته له له هيك صار ياامازن شهد تفصل بوشك تؤتؤتؤ ياحرام شو قاسية ههههههههه
مازن: بلا غلاظتك مالك تصور قال انا عم خونها وقال كلشي بينا انتهى
مالك: مالها حق تقول هيك ابدا اخي انت اجدب شي ولا عم تجدبها علي جاية تقلي هالحكي انا يلي بعرف انك نسونجي ومن بنت لبنت اخوك التوأم انا هه مو عيب عليك اعقال حاج تلعب بمشاعر البنات
مازن: انننننن يااخي هي سوسة سوسة متل سوسة لعب الشدة انا بحب حكي البنات بس صديقات مو اكتر فرند يعني
مالك: ههههههه ليك شو مصدق حالك مفكر هيك انت بتحبهن يعني هنن جدبان بيوقعو بتدبيلة عيونك وانت سايق فيها استاذ
مازن: اي روح روح من غيرتك اصلا
مالك: فهمني من شو بدي غار اول شي ليكني متل موشايف حلو ورياضي وعندي شغل ونادي ومافي شي يمنعني ارتبط واذا بدي دور على الارتباط كنت شايف هلق بحكي شي 100 بنت بس انا وقت حب بروح بنقي شريكة حياتي وبعطيها حبي وكل اهتمامي وتكون خطيبتي مو حكي بس ولعي فاضي
بتدق الباب طيف
مالك: دخلي
طيف: بتدخل وبتعد جنب مالك مساكن سكر يااخوتي ماذا تفعلون
مازن:مساكي راحة وبسكوت كهكهكه
طيف: بايخة لاتعيدها
مالك: اخونا تركته شهودة هههههه
طيف: اوفف لا تقولها هههههه ليش
مازن: تصوري قال انا نسونجي
طيف: لااا مالها حق انت اكتر انسان مؤدب عينك مابترفعا من الارض
مازن: ها شفت قوليلها هالحكي بركي بتصدق
طيف: اخي مع احترامي الك انت نسونجي وبتستاهل انت عم تلعب على البنت مو هيك مالك
مالك: اوفكورس جانم قلتله شوفني انا عندي كلشي بس وقت بدي حب بدي حب وحدة واخطبها مو اتسلى فيها
مازن: بيمسك لمخدة وبزتها عليهن كلو هوا انتو لتنين بعدين على شو شايفلي حالك اسمر افندي
طيف: من غيرتك ياابيض افندي اسمري مافي منه
مالك: تركيه تركيه بعدين شو بقولو الصبايا يارب اسمر ملتحي ومن البنات يستحي مو عينه هالقد على النسوان وبيضحك لتبين غمازته هههههه
طيف: يي يخليلي هالاسمر
مازن: قوم انت وياها نقلعو بربكن قومو
طيف: ههههه قوم اخي قوم
مالك: لا حبيبتي بدو يقوم يقوم هو انا اعد على تختي وبأملاكي الخاصة واصلا نعست وبدي نام
طيف: بتبتسم تصتفلو انا رايحة نام تصبحو على خير
مالك: وانتي من اهله
بتطلع طيف وبتدخل على غرفتها تنام
مالك: وانت مارح تنام
‏
مازن: تركني لحالي بيتسطح وبشغل غنية وانا لساتني جنبي انا بضمد جروحي بيدي وبيدخل بالجو
مالك: بيكتم ضحكته وببلش يضحك غصب ههههههه
مازن: بصرخ وانا لساتنيي جنبييي
مالك: يي يابعيد ماتقدر تعد على جنبك اندفس لنام طفي هالبطيخ
مازن: مابرد وبزيد بالغنية انااا بطيبب جروحيي بيدييي
بوصل الصوت لعند امه بتصحى مرعوبة وبتمسك شحاطتها وبتركد على غرفته
مازن: انااااا
بتدخل شادية
شادية: لخليك ماتعرف تعد على جنبك ياابن يلي انت ابنه
مازن: وليي امي عم بمزح عم بمزح
مالك: بيضحك عليه هههههه
شادية: قومتني من اربعتي الساعة 12 بالليل نام ولاه
مازن: خلص شادية خانم حنام حنام بيطفي الغنية وبيتسطح
شادية: ايوا نام نوم الظالمين عبادة قال لساتني جنبي قال بتطلع وبتسكر الباب
مالك: الله لا كان قامك
مازن: صرت بهالعمر ولسا بخاف من شحاطة امك يازلمة اقوة من سكوب 8 بالقنص
مالك: هههههه اي والله
مازن:ههههههه
(تاني يوم الصبح )
بتجهز حالها طيف وبتلبس فستان اسود صوف طويل وفوقه جاكيت جلد احمر وجزمة سودة وبترفع شعرها ديل فرس وبتاخد شنتايتها وبتطلع
بيفتح باب غرفته مالك وبيطلع
مالك: اوبااا صباح الورد ياورد
طيف: صباح النور ابو الملوك
مالك: اختي شو الاحمر على عيد الحب
طيف: تطلع فيني انا وياك في اعياد حب بحياتنا
مالك: لا والله ههههه
طيف: اي خلص لكن نحن عيد استقلال سنغلة سعيد
مالك: بيضحك وببوس اخته استقلال سعيد اختي تعي نشرب قهوة بالمطبخ
بروحو على المطبخ وبيعدو يشرب قهوة
طيف: اسير الاحزان وينه سمعت مبارح حياكل شحاطة من نبع الحنان
مالك: الله ستره تعي شوفيه واقف عم يتبخبخ عند الصبح وطاقملي بلوزة حمرا وعم يوصي على بوكيه ورد بتعرفي
طيف: ههههه بدو يصالح شهد غريبة
مالك: لك مين شهد اختي البوكيه كرمال ياخد كل وردة لحال ويوزعهن على الفرند ههههه
طيف: معناها جدول مواعيده ممتلي اليوم
مالك: اوفكورس جانم
مازن: بيطلع
‏
مازن: عم تحكو على طنت ادني
مالك: من غرامنا فيك وبهالاحمر يلي لابسه بتعرف
طيف: مايبلى الاحمر ابو الميز
مازن: ميرسي توتو
طيف: توتو!! اخي لاتدلعني حكيلي طيف بس
مازن: ماشي طيف طيف مهم وين فنجاني
طيف: فنجانك على المجلى جيبه
مازن: وليه اعدين بالمطبخ ماتعدو بالصالون

مالك: ابوك وامك اعدين قلنا نخلليهن الجو بتعرف عيد حب
مازن: لا والنبي بدي شوفهن قومو لشوف
مالك: قليل ذوق مو بأيدك
بيطلعو بلاقو شادية اعدة على كنباية عم تشرب قهوة وكريم مو موجود
مازن: امي وين ابي
شادية: راح على شغله من زمان ليه
مازن: شو هداكي
شادية: بمناسبة شو!!!!
مازن: بيضحك قلتلي عيد حب ابي وعيد الحب ما بجيتمعو سلام بياخد غراضه وبينزل
مالك: بيضحك انا كمان بدي روح وصلك طيفي
طيف: اي اي خدني معك بينزلو وبيركبو بالسيارة وبيمشو
مالك: شغلك شي
طيف: اي شغل غنية بعيوني لوائل كفوري ويارا بدي صور ستوري اليوم
مالك: بامرك ست طيف
بتمسك موبايلها وبتشغله على التصوير وبتوجهه على الطريق
طيف: وياصباح الحب اليوم الكل عم يحتفل بعيد الحب كل صبية وشب بحبو بعض بدهن يحتفلو بالحب بستغرب ليش منستنى هاليوم لنحتفل بالحب ونجيب هدايا لبعض وشرط انو تكون باللون الاحمر بتضحك انا بالنسبة الي مابحتفل فيه ابدا بس بحترم الناس يلي بتحتفل فيه انا الحب عندي كل يوم مو بس بهاليوم المميز الحب بقلبي وبقدمه للشخص يلي بحبه كل يوم ليه سموه عيد الحب ليش مايكون اسمه عيد السلام الصدق عيد الوفا والاخلاص لان كل هالصفات هي بتمثل الحب وليه مثلا عيد الحب بس للعشاق ليه مايكون لام بتحب ابنها ولااب بحب ولاده ولولد بحب اهله لااخت بتحب اخوها واخ بحب اخوه لرفيقة بتحب رفيقتها لشخص بحب نفسه هالعيد ليلي بيعرف كلمة حب وبقدرها الحب مو ورد ودباديب وعزومة عشا فخم ولا مفاجأة بشي هدية الحب بالقلب يلي بحب بصدق بيعرف معناه وهلق بقلكن بحبكن بتمنى تلاقو شريك حياتكن يلي يحبكن ويقدركن ويشارككن حياته
بتطلع غنية وائل كفوري
(بعيوني انت بعدك بعيوني مابنساك لو عينيك نسيوني كيف بكون لو ماتكون على بالي انا مابكون لو ماانت بعيوني) بتوجه الكميرا على ايدها وبتمسك ايد مالك وبتضحك وبتتنشر الستوري
مالك: بيبتسم يخليلي هالاخت يلي كلامها بيسحر القلب
طيف: يخليلي ياك اسمري
‏
بوقف السيارة مالك قبال الجامعة تفضلي
طيف: يسلمهن حبيب قلبي بدك شي
مالك: سلامتك انتبهي على حالك طيفي
طيف: ماشي سلام
مالك: سلام
بيمشي مالك وبتدخل طيف على الجامعة
بتوقفها رفيقتها خلود
خلود: ايامك انسة طيف
طيف: بتبتسم اهلين خلود ايام شو
خلود: مين هالشب الجنتل يلي نزلتي من سيارته
طيف: يعليكي هاد اخي مالك
خلود: اوباا اخوكي بربك
طيف: اي اخي
خلود: اعذب!!!
طيف: اي عذابي
خلود: لكن مرت اخوكي جاهزة
طيف: بتضحك ههههه الله يثبت علينا العقل والدين انا بدي جيب كاسة نسكافيه تجي معي
خلود: على حسابي بنت حماي ههههه بتشنكلهاوبتطلع
بيدخلو على مقصف الجامعة وبياخدو كاستين نسكافيه وبيعدو يشربوها
عند مطر
بكون كالعادة عم يشرب قهوته قبال الشباك وعم يسمع كلام طيف بيبتسم وقت بشوف اخر لستوري بتنقلب ملامح وشه بشوفها مسكت ايد شب بسكر لستوري فورا
بيندق الباب
مطر: بانزعاج ادخل
حنين: بتبتسم وبتركد عليه وبتضمه الله يسعدلي هالصباح انت يلي باعت الهدايا صح
مطر: بيبتسم بصير عيد الحب وانساكي اكيد لا كل سنة وانتي احلى اخت بكل الكون
حنين: رغم كلشي صار لسا بعيد الحب بتحتفل فيني فكرتك رح تنسى
مطر: بيبتسم مستحيل فوت هاليوم بدون ماعايد عليكي
حنين: بتبتسم تركت رنيم طاير عقلها بالايفون لجديد ههههه
مطر: بالهنا ان شاء الله
حنين: رايحة وراجعة تمام
مطر: تمام
بتطلع حنين ومطر بيفتح موبايله وبيدخل على حساب طيف وبرد على لستوري
مطر: كل عيد حب وانت الأمل الحلو كلامك هاد هو لهدية بهالعيد
بتفتح الرسالة طيف وبتبتسم
طيف: وانت كل عيد حب وقلبك ما يشوف غير الفرح
مطر: بيحكي قصداً الله يخليكن لبعض
طيف: عفواً تسلم بس انا ومين؟؟
مطر: انتي وحبيبك خطيبك يلي مسكتي ايده اخر لستوري
طيف: بتضحك على رسالته معقول غار بتجاوبه هاد اخي انا مالي مرتبطة
مطر: بيقرأ رسالتها وبيضحك وبحك جبينه معناها الله يخليكن لبعض على الحالتين
طيف: ويخليلك حبابك بترد عليه متل طريقته حبيبتك خطيبتك مع ايموجي يلي عم يضحك😅
مطر: بتطلع صوت ضحكته ههه وبرد مالي مرتبط حالياً اعذب
بتكون حنين لتدخل وقت تسمع ضحكته بتوقف وبتبتسم وعم تطلع عليه هو مو منتبه

الجزء الثالث

طيف: بتبتسم وبترد معناها الله يخليلك اخواتك واهلك
مطر: بيبتسم تسلمي يارب شو بالجامعة
طيف: اي والله عم بشرب نسكافيه بالكافيه تفضل
مطر:صحتين وهنا
طيف: على قلبك وانت وين؟
مطر: بيسكت شوي وبيصفن بكلمتها انا بالبيت عطلة اليوم عم بحتفل بااخواتي وامي بعيد الحب
طيف:اوو ان شاء الله بالهنا يارب كم اخ واخت عندك ليه؟؟
مطر: بيبتسم عندي اختين وانا بس وانتي
طيف: عندي اخين وانا بس وبتضحك
مطر: بعكس بعض لكن
طيف: اي الله يخليلك ياهن
مطر: ويخليلك اخواتك
طيف: انت لكبير؟
مطر: اي انا وانتي؟
طيف: لا انا لصغيرة اخواتي توأم واكبر مني
مطر: حلو عندك نسختين لكن
طيف: لا توأم مختلف ما بيشبهو بعض لا بالشكل ولا بالمضمون هههه
مطر:ههههه احلى هيك
طيف: اي احلى
مطر: يلا مابدي عطلك روحي على محاضراتك وموفقة
طيف: تسلم يارب
مطر: بدك شي؟
طيف: سلامتك سلام
مطر: سلام
بسكر مطر موبايله وبيبتسم
حنين: بتدخل احم
مطر: دخلي حنون
حنين: نياله يلي خلاك تبتسم
مطر: بيضحك مين قصدك!؟
حنين: يلي فرجاني ضحكتك هلق ومن شوي طول ماماسك موبايلك عم تبتبسم مين صاحب هالضحكة
مطر: مابعرف
حنين: بتبتسم اخي شو عم تخبي علي اذا انا شفتك بعيني عم تضحك وانت الك زمان ماضحكت ولاشفت ضحكتك
مطر: بيبتسم عنجد !
حنين:هههه والله
مطر: بيبتسم طيف
‏
حنين: بتبتسم مين طيف
مطر: صبية تابعتني بالغلط فكرت صفحتي عامة وحكيتها واعتزرت يعني بعدين تابعتها انا وصرت شوف حالاتها وعجبوني مثقفة وبتحكي كلام بريح كتير فصرت رد على ستورياتها وهلق كنا عن ندردش بس
حنين: وليش انت وعم تحكيها عم تبتسم
مطر: يي حنين شو صرلك مابعرف ليش عم ببتسم ومالاحظت اني ضحكت وابتسمت
حنين: معناها عاجبتك
مطر: البنت كلامها عاجبني مو هي لسا الي تلت ايام بعرفها حتى مابعرفها كلو من ورا هالشاشة
حنين: هي هون ساكنة!؟
مطر: اي بالمدينة تقريبا عم تدرس علم نفس
حنين: حلوة!؟؟
مطر: لك اختي شبك مخك سمك بقلك مابعرفها بتقوليلي حلوة
حنين: شبعرفني فكرت ناشرة صورتها يعني او اي شي
مطر: لا مالها ناشرة شي
حنين: ايوا يلا بالهنا
مطر: بيضحك قومي قومي الله يرضى عليكي جيبيلي لفطور
حنين: ها شفت كيف متغير صاير عم تطلب لفطور انت
مطر: بعصب ماعاد بدي اكل منيح اختي قومي قوميي
حنين: بتضحك ههههه لا لا خلص من عيوني حجبلك لفطور
مطر: يلا قومي رفعتي ضغطي
حنين: بتضحك وبتطلع
مطر: مجنونة وربي ههههه
بعد مرور وقت
بالنادي
واقفين حنين ورفقاتها على الالات وعم يتدربو
حنين: بتكون لابسة بجامة رياضة سودة على قد جسمها ورابطة الجاكيت على خصرها وباذانها سماعات وشعرها البني عسلي رافعتو ديل فرس ونازل على ضهرها وعم تركد على المشاية وعم تسمع موسيقة
وسالي عم تركد على المشاية التانية جنبها
سالي: بتوقف بتعب وبتنزل بتوقف جنب حنين وعم تاخد نفسها بصعوبة حنين حنين وعم تأشرلها لتسمعها
حنين: بتشيل سماعاتها اي نعم
سالي: بتستند على لوحة المشاية تعبت خلصينا ماتعبتي
حنين: عم تركد لا
سالي: اي خلصينا
حنين: روحي اعدي سالي انا ماتعبت لسا
سالي: عم تحكي ومالها منتبها بتجي ايدها على زر زيادة السرعة
حنين: بتكون عم تأشرلها لسالي ومالها ماسكة بايد المشاية بتزحط رجلها من السرعة ومابتلحق تمسك بتكون المشاية مرجعتها لورا بسرعة بتصرخ

بكون مالك ماشي وراها بيتطلع فيها
مالك: هوب هوبب بيمسكها من ضهرها ومابلحق يتوازن و بيوقع هو وياها على الارض
حنين:بترفع راسها وشعرها نازل على وشها وبتطلع بعيونه
مالك: بكون ماسكها من ايديها وعم يتطلع فيها بصدمة
سالي: بتكون حاطة ايديها على تمها بصدمة وواقفة عم تطلع فيهن
حنين: هاد انت
مالك: بيضحك بدون فهم انتي مرة تانية
حنين: بتخجل كيف واقعة عليه وبتوقف بسرعة
مالك:بنط وبوقف وبيتطلع فيها
سالي: بتركد على حنين صرلك شي حنونة
حنين: بتعصب وبيعلى صوتها على سالي لك سالي انتي حتموتيني بغباءك كيف اجت ايدك على زر السرعة
مالك: بيتكتف بيضحك
سالي: احم خرسي حنين
حنين: بتطلع بمالك بخجل انا اسفة صرلك شي؟
مالك: بيضحك وبتنحفر غمازته على دقنه لا ولايهمك اكيد مارح يصرلي شي من ريشة وقعت علي مو انتي صرلك شي؟
حنين: بتبتسم بخجل لا ماصرلي شي شكراً الك انك مسكتني
مالك: ولو العفو بس انتبهو تاني مرة اذا مابتقدري تركدي بهالسرعة الزايدة لا تدوسي على زر السرعة الفائقة تمام
حنين: لاتواخذني رفيقتي داست عليه بالغلط مو هيك سالي وبتزورها
سالي: اي اي اسفة
مالك: ولايهمكن حصل خير بيتطلع على حنين نظرة اعجاب وبيبتسم
حنين: بتخجل من نظراته يلي بتدوب بتطلع فيه وبترفع حاجبها
مالك: بيبتسم ويمسك بشكيره وبنشف جبينه بقرب من حنين خطوات بطيئة وبيتطلع فيها بعيونه العسلية يلي عم يغزلو تاني مرة انتبهي اي

حنين: بتبلع ريقها من جماله وبتهز راسها اي
مالك: بيغمزها بخفة تمام وبيلتفت وبيمشي
حنين: بتمسح خدودها يلي صارو بندورة وبتمشي تغير تيابها
عند طيف بتطلع من الجامعة وبتخد تاكسي وبتنزل قريبة من نادي مالك بس بدها شوية مشيي وبتكفيها مشي وسارحة بخيالها فجأة بتبلش
تمطر الدنيا بتبتسم طيف وبتوقف بتطلع على العالم والشارع كيف عم يركدو ليتخبو من المطر هي عم تضحك وتتبلل ومبسوطة
بتفتح تلفونها وبتصور الشارع والسيارات والناس هي وعم تتخبى وفاتحة شماسيها
طيف: بتكفي مشي بتفتح موبايلها وعم تصور المطر هاد الشي يلي بخليني فرحانة من قلبي وقت امشي واتبلل بحباته يلي بتغسل لقلوب ياريت قلوب العالم نظيفة متل هالمطر وجماله ريحة الشوارع بعز المطر الناس هي وعم تركد العشاق يلي ماسكين ايدين بعض ويمشو الشبابيك يلي عم تطرق بوابها حبات المطر هي كلها تفاصيل تفاصيل ابدية بتضل مترسخة بالقلب خليكن متل المطر قوي وخيره كتير مابوقف بوشيه شي بفرح لقلوب وبيغسل لهموم بتوقف وقت تشوف تنين عشاق عم يرقصو تحت المطر بتوجه الكميرا عليهن وبتصورهن وهي عم تضحك بتكفي مشي

بتقلب الكميرا على طرف وشها ومبين شعرها مبلول بحبكن قد هالمطر وبتنشره
بتوصل طيف على النادي وبترن على مالك ليطلع لعندها ماخرج تدخل هي ومبلولة هيك
ببدل تيابه مالك وبكون ماسك شمسيته وبدو يطلع وحنين وسالي وراه طالعين بيركد مالك لعند طيف وبتوقف حنين وسالي وراه عم يتطلعو فيه وعم يفتحو الشماسي ليتحامو من المطر
مالك: طيف ليش هيك ياعمري مبلولة
طيف: بتكون عم ترجف من البرد وعم تضحك مشيت تحت المطر
مالك: بيفتح شمسيته وبيشلح جاكيته وبلبسها ياه وبيحضنها لقلبه ياروحي انتي عم ترجفي
طيف: ببتخبى بحضنه وبتبتسم دفيني دفيني
مالك: بيضحك تعي لقلبي
بتطلع سالي فيهن وبتنكش حنين
حنين: بتطلع فيه ببرود
سالي: شكلها حبيبته
حنين: حتى ولو مابصير يحضنها هيك يستحي واقف بالشارع
سالي: وشوبدك فيه انتي صاححلك حدا يحضنك هيك بهالجمال وقلتي لا امشي امشي
حنين: بتنغاظ امشي تفضلي
بيركب مالك وطيف بسيارته وبيمشي وبوقف قبال حنين وسالي وبيفتح الشباك
مالك: بزمرلهن
طيف: مين هدول مالك
مالك: صبايا بالنادي بس حرام يروحو لهالمطر لطلعهن
مالك: انسة سالي انسة حنين
حنين: بتلتفت عليه نعم استاذ مالك
مالك: طلعو وصلكن
سالي: بتبتسم وبدها توفق
حنين: بتمسكها لا شكرا التاكسي جاية ياخدنا
طيف: بتبتسملهن طلعو الدنيا مطر كتير ماتخافو
حنين: بتردلها الابتسامة لا شكرا الكن ها اجا التكسي سلام
طيف: سلام
بيركبو بالتالكسي وبيطلعو وبيطلع مالك على البيت
طيف: بتبلش تعطس هاتشووو
مالك: لك يادبة هيك هلق بتمرضي
طيف: بتضحك وبتعطس اخي بتعرفني بحب المطر
مالك: المجنون مابيعمل عملتك والله
طيف: بعرف هاتشووو
بوصلو على البيت وبينزلو وبياخدها لحضنه مالك وبيطلعو على البيت
بيدخلو وفورا بتدخل طيف وبتبدل تيابها وبتتدفى
بدق مالك الباب عليها
طيف: ادخل
مالك: دفيتي
طيف: اي دفيت حالي ورح نشف شعري

مالك: بيبتسم هاتي السشوار لنشفلك ياهن
طيف: بتبتسم يلا
بتعطيه السشوار وبشغله وببلش ينشفلها ياهن
مالك: يخليلي هالشعرات
طيف: يخليلي الحنون اديه مرتك حتكون امها داعيتلها عليك اه
مالك: ههههه كتير مو
طيف: شي اكيد شب حلاوة وهضامة ورجولة وحنية وكلشي
مالك: ههه يخليلي يلي بتمدحني اي انتي يلي زوجك محظوظ فيكي
طيف: هههه كتير بدو يكون يحب المطر متلي عشان ننزل سوا
مالك: الله يعينو لكن
طيف: ههههههه بتاخد السشوار من ايده وبتبلش تنكشله شعراته السود وتنشفهن
مالك: لا طيف لا هههههه
طيف: عم تضحك وتنكشله شعره لينزلو كلهن على وشه
مالك: بيضحك هيك صار الحكي هلق
طيف: هيك احلى ههههههه
مازن: بدق الباب وبيدخل شووو عمرانة الضحكة بلاي شايف
طيف: ههههه تعا دخول
مازن: بعدولي هيك وبنط وبيعد على التخت شو كيف عيد الحب معكن
مالك: لك صحيح ذكرتني وبقوم على غرفته
مازن: لك وين رحت عمو
طيف: صالحت شهد
مازن: لا ماعم بترد علي اصلا
طيف: مو عيب عليك ماجبتلها شي
مازن: مبلا هديتها بالخزانة بس لترد
مالك: بيدخل وماسك علبة مسكرة ووردة حمرا طيفي تفضلي
طيف: بتبتسم ياااا مالك بتركد عليه وبتحضنه يخليلي يلي بيتذكرني ايه
مالك: بيضحك يخليلي ياكي يااحلى اخت وفيلسووفة بكل العالم
مازن: بيلوي حنكه وبيحكي لا احنين يا خويا
مالك: خراس حبيبي
طيف: بتضحك شو بقلبها
مالك: افتحيها
طيف: بتفتحها بكون بقلبها تلت اساور مكتوب عليها اسمائهن مالك وطيف ومازن بتبتسم احلى هدية
مازن: اوبااا الي قسم من الهديا بنط على مالك وبيحضنه حبيبي يااخوياااااا
مالك: ههههههه الله يكبرك نزيل عني

مازن: ببوس مالك حبيبييي
طيف: بتضحك وبتلبسهن الاساور وبتلبس اسوارتها
طيف: يلا نطلع نتعشى
مازن: يلا تفضلو
مالك: بيبتسم يلا
بيطلعو بيتعشو وبيشربو شاي
طيف: انا داخلة ادرس
مالك: وانا رايح اتسطح
مازن: تعا تعا خدني معك
مالك: تفضل
بيدخلو على غرفهن وبتعد طيف على مكتبها وبتفتح موبايلها بتلاقي رسايل من حساب مطر بتدخل عليهن
مطر: رادد على لستوري المطر وانتي هي السعادة بذات نفسها انتبهي لاتمرضي من المطر
طيف: بتقرأ الرسالة وبتبتسم بقلبها (عم يغازلني وبكل صراحة شو بدك يامطر اطلعت بحياتي فجأة متل المطر تماماً معقول تكون انت يلي حكفي معه هالمشوار ) بتصحى من شرودها وبترد عليه
طيف: تسلم على هالكلام المعسول ومشي الحال شكلنا حنمرض بس فدا المطر
عند مطر بكون اعد وعم يستنى طيف لترد بيفتح وبشوف رسالتها وبيبتسم وبرد
مطر:اسف على صراحتي الزايدة بس انا صريح يلي بيعجبني بقلو انت عاجبني ومابكون ابدا مجاملة بتحبي المطر كتير!
طيف: بتبتسم حلو الواحد يكون صريح مو غلط بعشق المطر
مطر: بيبتسم احلى شي بالدنيا
طيف: اي والله
مطر: بتعرفي اهلي سموني مطر لان اجيت بيوم نزلت فيه المطر مانزل متلها ابدا
طيف: بماانك صريح وانا صريحة اسمك هو يلي شدني لصفحتك مطر ويمكن هو يلي مخليني حكيك هلق بهالثانية
مطر: بيضحك حلوة الصراحة وانا كلامك هو يلي عم بشدني حكيكي اكتر خبرتك كلامك ريحني كتير
طيف: تاني سبب اني نشديتلك وائل كفوري
مطر: بيضحك ههههه وائل كفوري وشو دخله!؟
طيف: بتبتسم اي وائل كفوري كنت حاطط غنية بالغرام اول مادخلت على لستوري لهيك تابعتك انا من عشاق وائل كفوري
مطر: انسة طيف
طيف: نعم
مطر: انتي انسانة غريبة كتير بتعشقي التفاصيل وبتهتمي فيهن مع اني الي كم يوم بعرفك وحسيتك هيك مثلا بتحبي المطر وائل كفوري ريحة لتراب يلي مخلوط بمية المطر الكلام الرزين يلي بتحكيه كأنك مختارتيه بأتقان واهم شي انك صادقة
طيف: بتبتسم وقت تقرأ كلامه وانت انسان غامض صريح وشكلك شوي نسونجي او بتقدر النساء هههه
مطر: اوف لا مالي نسونجي تاخدي فكرة غلط عني بالعكس بحترم المرأة وجميع النساء
طيف:ههههه طيب ياسيدي بسحبها استاذ مطر
مطر: ممكن نشيل استاذ ونقول مطر بس!؟؟

طيف: يعني قلك مطر بس!
مطر: اي برتاح اكتر هيك مابحب الرسميات
طيف: اممم تمام معناها وانت اندهلي طيف بس بدون انسة لان الرسميات بتعمل خطوط وحدود مو هيك
مطر: بالضبط معناها اتفقنا طيف
طيف: اتفقنا مطر
مطر: بيبتسم ايوا هيك طيف
طيف: نعم
مطر: بدي اطلب طلب وخايف
طيف: هههه لا لاتخاف اطلب
مطر: ممكن نصير اصحاب!؟؟؟
طيف: بتبتسم وبتحكي مع حالها شو احكي شو رد ييي ليش تحمست بس كيف هيك معقول نكون صداقة لا لا مافي صداقة بين شب وبنت هو بده نصيرصحبة كرمال تتطور العلاقة اكيد مابعرف مابعرف بتتذكر كلام رفيقتها تاليا انو تعطي حالها فرصة بتاخد نفس عميق
مطر: بتتغير ملامحه وبحس بخيبة انو تسرع وبيبعتلها اسف اذا ازعجتك خلص مابدي نصير صحبة
طيف:مابدك نصير صحبة يعني غيرت رأيك!؟؟
مطر: لا مو هيك بس مابدي ازعجك واتطفل عليكي
طيف: بتبتسم هههه بس انا موافقة نصير اصحاب
مطر: بيضحك عنجد!!
طيف: اي شو فيها يعني منصير اصحاب اصلا شو بدي احسن يصير عندي رفيق متل حضرتك
مطر: بيبتسم والله انا يلي شو بدي احسن من هيك صبية تكون مصدر للأمل بحياتي
طيف: بتفرح بكلامه خجلتني صراحة
مطر: مافيها خجل هي الحقيقة والواقع انا بهالاسبوع تغيرت نفسيتي للاحسن من وقت ماغلطتي ودخلتي على صفحتي ممكن تكون صدفة الله بعتلي ياكي لتفرحيني مو !؟؟
طيف: اكيد ربا صدفة خير من الف ميعاد وممكن انت بحاجة للكلام يلي كنت عم قول وقدرت اسعدك شي عظيم
مطر:صحيح شكرا الك طيف
طيف: ولو العفو كل يوم تعا يا سيد مطر
مطر: اذا بدك ياني كل يوم اجي بتملي بعدين ها انا بصدق فوراً هههههه
طيف: هههههه ياسيدي صدق وايمتى مابدك تحكي انا موجودة مو الرفقة لبعض!
مطر: بيبتسم صحيح
طيف: وهلق ياسيد مطر بدك تعذرني بدي روح ادرس لان فارطة تعب وشكلي رح امرض
مطر: خدي دوا وتدفي منيح كرمال ماتمرضي وموفقة بدراستك
طيف: شكرا على الاهتمام وانت قوم اشتغل شي شغلة
مطر: شغلة شو !
طيف: تغالظ على اخواتك ولا ما بتتغالظ عليهن بس اخواتي ههه
مطر: بيصفن بكلماتها وبيتذكر اله اديه ماتغالظ عليهن وضحكوسوا من وقت الحادث ما دخل على غرفتهن واعد معهن بيبتسم هو هيك رايح كرهن حياتهن شوي هههههه
طيف: احسن شي بتعمله هههه بدك شي
مطر: سلامتك معافية
طيف:الله يعافيك ويسلمك سلام
مطر: سلام

بتسكر طيف موبايلها وبتفتح كتبها وبتبلش تدرس وهي عم تعطس وبتبلش تسعل
عند مطر بيطلع بكرسيه على الصالون بلاقي اهله اعدين عم يتفرجو على مسلسل بيبتسم وبيمشي بالكرسي لعندهن

مطر: بيبتسم شو الحبايب متجمعين عيب عليكن اندهولي طيب
بيلتفتو عليه
ام مطر: يي تقبرني هالضحكة وهالوش بتقوم لعنده يارةحي انت بدك تعد معنا
مطر: ليش مالي ابنك ام مطر ولاشو هههه
حنين: اي مية اهلا وسهلا وبتغمزو منيح شفنا هالضحكة
ابو مطر: تعا ابني تعا مطرح موجود رنيم هاتي صحن البوشار لااخوكي
رنيم: بابا هلق بياكلي ياهن كلهن بعرفو ولا تغيرت هلق اه ؟
حنين: بتزور رنيم كرمال مايزعل مطر
مطر: بيتطلع فيها وبيضحك لا حبيبتي ماتغيرت ولابتغير وبجكارة فيكي رح اخد صحن بالذات بيمشي لعندها وبياخد الصحن وبيرجع بكرسيه وببلش ياكل ويمدلها اللسانه ويجاكرها
رنيم: طول عمرك يا زبيبة اصلا عادي انا بفرجيك يامطر وبتمدله اللسانها
بيضحكو عليهن الكل وبكفو المسلسل وبيعدو
مطر: عم ياكل وببلش يسألهن على المسلسل كل لقطة بدو يعرف شو قصتها
حنين: بتلتفت عليه اوووف حاج مطر بتكرهني اتفرج على مسلسل لسا شو هاد وشو هاد
مطر: بدي اعرف الاحداث يي
حنين: مطر تفرج وسكوت ولامابتقدر
رنيم: بيجي باخر احداث المسلسل عطول وبدنا نشرحله
مطر: اي وجع شبكن احكولي شو وراكن
حنين: ولاشي سيد مطر ورانا دلالك بس
ام مطر: بتضحك عليهن لك كبرو بدكن تضلو تتناقرو هيك على طول
ابو مطر: اللسانهن تجمد صرلهن زمان ماتناقرو هههه
مطر: اي نعم مين هاد يلي قتل ابو البطل
حنين ورنيم: مطررر
مطر: نعااام هههههه
بكفو المسلسل على شو صار ومين هاد هيك ليخلص
ابو مطر: ابني
مطر: اي بابا
ابو مطر: عملنا بحث كتير والدكتور يلي اشرف عليك اقترحلنا طبيب للعلاج الفيزيائي كرمالك بدنا نعمله لفترة معينة وبعدها في عملية بدك نعملها برا البلد ونسبتها مضمونة بالنجاح شو رايك
مطر: بيصفن وبحط الصحن من ايده لشو بابا
ام مطر: كرمالك ياعيوني على شان ترجع تمشي وتتفتل بهالبيت وترجع على الشركة بكفي الك تقريباً نص هالسنة تاركينك لتتحسن
مطر: امي انا هلق مو جاهز اتعالج واصلا هه بحط ايده على الكرسي تعودت على هالمقعد صار منا وفينا
حنين: شو هالحكي اخي مابدك تقوم وتوقف مرة تانية
رنيم: اي اخي بدنا نرجع نفرح فيك ونزوجك احلى الصبايا مو متل هديك الواطية

مطر: بتتغير ملامح وشه وبيتطلع فيهن تطلعو فيني كلكن انا مالي عاجز لاانتقم من هديك الواطية يلي تخلت وتركت كلشي كرمال اني صرت مقعد على هالكرسي يلي بدي اتزوجها بدي ياها تقبل بهالكرسي قبلي بيعلى صوته مو تحب مطر يلي واقف بدي ياها تكون معي بكلشي تحارب الكل كرمالي وانا علاج حالياً مابدي ماشي وسيرتها لهديك لاعاد حدا يجيبها عم تفهمو عليي وبحط ايده على زر الكرسي وبمشيه وبدو يدخل على غرفته
حنين: بتوقفه مطر انت يلي عم تعملو اسمو انتقام من حالك مو من خطيبتك السابقة مو كل تجربة حنمر فيها بالحياة نوقف عندها الحياة تجارب وقوة وضعف وانت عم تأثبت الضعف لنفسك مو القوة والصلابة انت لازم تمشي وترجع متل اول واحسن كرمال تأثبت للكل انك قادر وربك معك الله عم يختبر صبرك ان الله مع الصابرين يامطر وانت عم تستسلم وتعتاد على كرسيك كلنا متقبلينك انت وعلى الكرسي وانت وواقف لانك بالنسبة النا مطر هو مطر وما بيتغير بس انت تطلع على حالك وشوف متقبل حالك ولا عم تعتاد ممكن كلامي يجرحك بس يقويك اصحى على حالك واقوة كرمالك انت اختار هلق في نسبة للعلاج اذا بتتاخر شوي يمكن تفقدها اختار لا بتضل هيك لا بتتغير للاحسن بأذن الله ونحن معك بقراراتك للاخير ومارح نسمحلك تدمر حالك وحياتك كرمال ماضي خلصنا منه عم تفهم
مطر: بيلتفت عليهن وبعيونه حيرة كبيرة
حنين: بتتنهد وبينزلو دموعها وبتقرب منه وبتنحني فكر اخي فكر كرمالنا فكر
مطر: اديه بدها فترة العلاج الفيزيائي ؟
حنين: بتبتسم شغلة كم شهر واذا تحسنت شوي فورا بتعمل العميلة مو هيك بابا
ابو مطر: اكيد اكيد
مطر: بيبتسم وبيمسحلها دموعها خلص انا موافق منيح هيك انسة حنين
حنين: بتهز براسها وبتضحك وبتحضنه يخليلنا ياك
رنيم: اي بعدولي لكن وانا بدي حضن
مطر: بيضحك اي تعي تعي بيحضنهن لقلبه مايحرمني ربي منكن
رنيم وحنين: ولا ننحرم منك
حنين: اشقرنا
مطر: بيضحك هههه
#بعد_مرور_شهر
(بهالشهر تعو نحكي شو صار مطر بلش بأول جلستين فيزيائية بس نسبة التحسن كتير بسيطة وهو وطيف بلشت صحبتهن تقوة اكتر تعرفو على بعض اكتر وصارو يعرفو تفاصيل عن بعض بس مطر ماجبلها سيرة ابدا انه مقعد ومافي انكار انو مطر عم ينعجب فيها كل يوم اكتر وهي كمان بس ما بتبينلو هالشي هو ببين هالشي مالك وحنين لسا من بعيد لبعيد بس سلام بالنادي وكلام عادي لان مالك ما بحب يحكي كتير اذا ماله متاكد انو مارح تصده مازن وحركاته لسا متل ماهي وهو وشهد مارجعو لبعض )

عند طيف
بتكون اعدة وعم تحكي مع مطر
طيف: لك يامطر اذا انت ما بعتت بخجل ابعت

مطر: طيف النا شهر صحبة ولسا بتخجلي
طيف: انا هيك طبعي يي
مطر: طيب ياستي متل مابدك انا ببعت منيح ؟
طيف: ايوا منيح انت الشب وانت يلي لازم تبعت مو انا
مطر: لا تواخذيني معك حق ياام تفاصيل انتي
طيف: ليش بتقلي ام تفاصيل
مطر: لانك بتقدسي التفاصيل بتعشقيهن ههههه
طيف: اوك بعترف اني بقدس التفاصيل مثلا بغار كتير بحب كلشي متل مابدي مابنسى شي وبحب احتفظ بأصغر تفصيل بالاشخاص يلي بعرفهن
مطر: اي لهيك مابتنسي اي شي
طيف: اي لكن مهم هداك اليوم خبرتني انك مجروح من شخص بس ماقلتلي مين ؟
مطر: بدك تعرفي ضروري
طيف: اكيد مو انا طبيبتك النفسية هيك قلتلي ههههه
مطر: بدك تسجليها بالملف ههه
طيف: طبعا يلا احكي
مطر: ماشي مع اني مابحب هالسيرة بس كرمالك يااستي خطيبتي السابقة ولا تقوليلي اسمها شو او شو الخلاف لان مارح احكي
طيف: بتنزعج وقت تعرف انو كان خاطب كنت خاطب؟
مطر: اي كانت حبيبتي وبعدها خطبنا وكان حيصير العرس بس صار مشكلة والتغا كلشي انكشفت على حقيقتها يعني
طيف: اممم كمان حبيبتك يعني ؟؟
مطر: اي بيتقصد يحكي كنت حبها كتير
طيف: اي بالهنا يارب بقصد الله يبعتلك الاحسن بتحس على حالها انو نزعجت ونار واشتغلت جواتها بدون سبب
مطر: بيضحك وبحس فيها انو تدايقت ههههه شو بالهنا الله معها انو كنت كنت حبها هلق ما بطيقها
طيف: اي وليش عم تخبرني خلص بس كنت بدي اعرف يعني السيرة وعرفتها بدك شي بدي قوم ادرس
مطر: يي وين رايحة انتي حكيتي انو اليوم عطلة وفينا ندردش براحتنا مو هيك ست طيف
طيف: مبلا حكيت هيك وهلق بدي ادرس ممنوع سيد مطر
مطر: اووف اوفف كلو انو حكيت على حبيبتي السابقة كنا ماحكينا ست طيف
طيف: ليش شو بدي فيها انا ومابهمني اصلا
مطر: بيضحك ههههه واضح ليش نزعجتي لكن
طيف: مانزعجت مطر انت رفيقي وانزعجت على القصة بس
مطر: اممم قلتيلي اي ماتزعلي على غالي طيفي
طيف: نعم
مطر: انتي ماارتبطي شي مرة او حبيتي حدا مثلاً
طيف: ليش هالسؤال
مطر: فضول
طيف: امممم والله يا مطر افندي لا لاارتبطت ولاحبيت ارتاح فضولك
مطر: بيبتسم ارتاح ارتاح طيب كنت بدي استشيرك بشغلة عن الحب مالك بالطيب نصيب
طيف: بفهم بهيك موضيع هات لشوف شو الشغلة؟

الجزء الرابع

مطر: امم رفيقي معجب بوحدة بس ماله متاكد من مشاعرها تجاهه اذا نفس الشيي كيف بيتاكد بما انك انثى وبتفهمي على البنات يعني
طيف: ايوا والله يا سيد مطر بدك تقلو لرفيقك يتاكد من مشاعرها اذا بتبادلو هالشي يلمحلها بشغلات ملموسة يعني بكلام وهيك يشوف ردت فعلها واذا مافهمت عليه يصارحها وهي لا بتتقبل لا لا مافي حل تاني وبالنهاية العلاقة تفاهم وتبادل مشاعر من الطرفين يمكن هي في مشاعر بقلبها بس خجلانة
مطر: كلام سليم بس رفيقي ماكتير حلو يعني والصبية حلوة كيف رح تتقبله
طيف: ليش الحب بيبدأ بالشكل مثلاً الحب بالقلب بالروح ابدا مو بالشكل كلنا خلقة الله ومافي حدا ماحلو كل واحد عنده جاذبية وشكل معين ربنا واهبو ياه ومافي انسان مافيو جمال والله خلقه جميل وبأحسن صورة
مطر: هو خايف من ردت فعلها
طيف: اذا بيعرفها بتتعامل بالشكل والمظاهر بالناقص منها ومن حبها مابدو وحدة بهالعقل المتخلف
مطر: بس صديقي عاجز ياطيف يعني مابيقدر يمشي
طيف: بتنصدم وبتتدايق على رفيقه مااسمو عاجز مافي حدا عاجز هو ممكن ربنا اخد منه قدرة المشي بس وهبو قدرات تانية ماحدا عنده ياها ويلي معجب فيها اذا مارح تتقبله هيك لايفكر فيها الحب بعمرو ماكان بالشكل اينعم هاد الشي صعب بس يلي بحب بواجه المستحيلات
مطر: انتي اذا نحطيتي بموقفها شو بتتصرفي ؟ عم يشرحلها ومدايق وموجوع لان هاد يلي عم يحكي عليه هو عم ينتظر جوابها
طيف: اممم موقف صعب قلتلك ومابعرف اذا رح اقدر اشرحلك شعورها عن طريقي انا بفكر من زاوية تانية كطيف اذا بحب هالشخص وشوما كان بقبله لاني وقت حبيته حبيت قلبه اهتمامه مثلاً مابتطلع على الشكل ممكن كون انا مطرحه لاسمح الله واختار يلي يحبني يحبني انا وهيك مابقدر غير قدرة رب العالمين مخترلي قدري كفي مع هالانسان حكفي معه بس بس هي من وجهة نظري انا مابعرف هيك شو ردت فعلها ويمكن لو نحطيت بهالموقف مااعرف اتصرف مطر هالموقف صعب على قد مالو سهل وجعني قلبي على رفيقك صراحة
مطر: بيتنهد صحيح اسف اذا تدايقتي
طيف: لا مطر بالعكس اذا بقدر ساعد رفيقك مابقصر ممكن احكي مع البنت كمان
مطر: انتي احلى واطيب بنت تعرفت عليها
طيف: بتضحك ههههه وانت اروع شب تعرفت عليه انت وصراحتك ياريت رفيقك صريح متلك كانت نحلت مشاكله
مطر: هو صريح بس بهالموضوع بيتردد
طيف: مطر الصريح صريح بكلشي اصلا مابصير يخاف او يتردد هو شب ويلي هو فيه موبأيده اول شي وتاني شي بعمرو الشكل ماعاب انسان والحلاوة حلاوة الروح والكمال لوجه الله بس
مطر: بيبتسم صحيح دخيل العاقل
‏
طيف: هههههه بدي قوم اجلي وشوف اخواتي شو عم يعملو بدك شي
مطر:سلامتك ويعطيكي العافية فيلسوفة
طيف: الله يسلمك ويعافيك تشاو مطري
مطر: بيبتسم تشاو ورحمة الله وبركاته هههه
طيف: ههههه
بتسكر موبايلها وبتروح بتجلي وبتنظف المطبخ وبتخلص وبتدق الباب على غرفة اخواتها
مازن:ادخل
طيف: ماذا تفعلون
مازن: والله اعدين على البحر يعني شوفة عينك عم نكش دبان
مالك: بكون عم يعمل تمارين الضغط ومتسطح بهالارض وعم يطلع وينزل وفوق ضهره متسطح مازن وعم يعدله فوتي طيفي فوتي لاتردي عليه
طيف: مارح رد بتدخل وبتعد
مازن: تفضلي اعدي معي
طيف: هههههه يعليك وليش متسطح على ضهره
مازن: هو هيك بده مية و24 كفي يلا
طيف: لك حاج تطلع وتنزل زاغ نظري
مالك: بيقلب ضهره وبوقع مازن على الارض وبوقف
مازن: بيمسك ضهره اخخخ الله لايعطيك العافية
مالك: ههههههه الله يعافيك قوم قوم
مازن: هاتو ايدكن
طيف: بتمسك ايده وبتشده قوم صرلك شي
مالك: يعني رضوض بسيطة مافيو شي متل القرد
مازن: بزت حاله على تخته اخخ
طيف: ابو الملوك شو مابدنا نفرح فيك اخي
مالك: بيضحك هههههه تفرحي فيني افرحي قومي
مازن: نجوزك ياافندي بتقصد
مالك: ان شاء الله ربي بفرحني فيك اربعة حاملينك والمطرب شيخ
مازن: ييي بعيد الشر عني ياحقود مقهورر
طيف: بعيد الشر ههههه طيب نفرح فيك ابو المزون
مازن: مالقينا شريكة الحياة لسا
طيف: كل هالبنات ومافي
مازن: فرند اختي فرندات هدول
مالك: افكورس جانم فرندات لعب عليهن بتقصد يا ابن الذين امنو
مازن: وعملو الصالحات وانت ليش متدايق اخوي
طيف: اي خلص خلص مابدكن تتزوجو يعني
مازن: قومي اختي قومي نفسية عصبية وام بلوزة مهرية على غرفتك بدنا انام
طيف:هههههه اي شو عليه باي
مالك: لاتزعلي طيفي
طيف: مازعلت وانا رايحة نام تصبح على خير
مالك: وانتي من اهلو

(بعد مرور اسبوع)
بالنادي
عم تلعب حنين تمارين وبتوقف بتعب وبتشرب مي بشوفها مالك بقرب منها بخطوات بطيئة
مالك: بيمسح على دقنه بخفو احم انسة حنين
حنين: بتنزل راسها وبتسكر المي اهلين استاذ مالك

مالك: بيبتسم اهلين فيكي ممكن نحكي شوي!
حنين: بشو؟
مالك: نعد بالمكتب احسن
حنين: بتبتسم تمام تفضل
بيمشو على المكتب وبيعدو
مالك: اتفضلي اعدي
حنين: بتبتسم وبتعد وهو بيعد على الكرسي يلي قبالها
مالك: انا صراحة حابب احكي معك انتي الك شهر بشوفك كل يوم وصراحة يعني انو انا بغمض عيونه انتي بنت اكابر و يعني بيضرب ايده بالكرسي يعني انا مابحب لف ودور بوقف بتوتر وبيحكيها بسرعة انا معجب فيكي
حنين: بتضحك على عفويته هههههه معجب فيني انا؟
مالك: بحك جبينه وبيبتسم اي معجب فيكي
حنين: الواحد هيك بيحكيها خبط لزق طيب تأكد من قبولي او رفضي مثلاً
مالك: انا مابحب هالحركات خلص انا معجب فيكي وعم بسمع جوابك وبحترمه شو ما كان يعني
حنين: بتبتسم صراحة فاجأتني
مالك: بيبتسم انا هيك
حنين: طيب شو
مالك: شو شو جوابك اي او لا بأختصار
حنين: بتضحك هههههه غريب انت ها
مالك: كمان بعرف
حنين: بتبتسم بخجل وبتوقف طيب اي
مالك: شو يعني اي
حنين: انو ممكن كون معجبة فيك انا كمان
مالك: بيضحك وبتبين غمازته مافي ممكن في اي انا معجبة فيك وفي لا
حنين: طيب ياسيدي وانا كمان معجبة فيك بتضحك منيح هيك
مالك: بيبتسم وبيلمعو عيونه افكورس جانم منيح منيح كتير يسعد الله وعم يفتل بالمكتب من فرحته
حنين: بتضحك هههههه شو هي افكورس جانم
مالك: كلمتي الشهيرة ههههه
حنين: صحيح انت مو مرتبط ليش؟؟
مالك: لحظة كيف بدي كون مرتبط وقلك اني معجب فيكي
حنين: مابعرف شفتك مع صبية وحضنتها تحت المطر و
مالك: لاتكفي لاتكفي هي اختي ضروري يعني تكون حبيبتي اه
حنين: بتضحك ههههه اختك
مالك: هههههه اي اختي ليش استغربتي
حنين: من لهفتك عليها مبينة حبيبتك
مالك: انتو البنات عليكن كل فهم شي بسطل ها
حنين: ههههه شبعرفني اول احتمال بقول انها حبيبتك
مالك: لو في بحياتي حدا مابلعب ببنات العالم والناس بس قلبي طلع من حظك
حنين: بتخجل طيب انا بدي روح
مالك: ممكن رقمك لنحكي ونتفاهم يعني
حنين: بتبتسم ماشي سجل عندك *****
مالك: بسجله تمام انتبهي على حالك بمدلها ايده ليصافحها
حنين: بتبتسم وبتمسك كف ايده وانت كمان سلام
مالك:بشد على ايدها وبيتركها سلام

بترجع حنين على بيتها
وبتطلع هي ومطر على الجلسة الفيزيائية
بالمركز
حنين: شو دكتور مني في تحسن
الدكتور: صراحة ياانسة حنين في تحسن حتى لو ضئيل بس عم يعطينا مؤشرات كتير منيحة انو الاستاذ مطر عم يستجيب حتى نفسيته متحسنة
حنين: الحمدلله الله يطمنك يادكتور
بتاخد مطر وبيطلعو على الفيلة
بيدخل مطر على غرفته وبيمسك موبايله وبيبعت لطيف
مطر: مسا الخير
طيف: بتفتح موبايلها بس يرن بالاشعار وبترد مسا النور استاذ مطر وينك مختفي من مبارح
مطر: نمت بكير ليه
طيف: بانزعاج اممم نوم العوافي
مطر: الله يعافيكي شبكَ!
طيف: ولاشي بدي ادرس بدك شي
مطر: اوف بهالسرعة
طيف: عندي دراسة وامتحانات بدي لحق
مطر: طيب مابدي عطلك بالتوفيق
طيف: بتنغاظ منه شكرا سلام
مطر: بيضحك عليها سلام
مطر: خلينا نغيظك لنشوف غلاوتنا عندك يا ست طيف
طيف: بتفتح قصداً وبتصور ستوري بتوجه على الشباك وبتبلش تحكي يا مسا الخير اليوم رجعتلكن ورح احكي اليوم لكل وحدة او وواحد مزعل الشخص يلي بحبه وأهمله يروح ويراضيه لان الحياة عم نعيشها مرة وحدة بس حبو بصدق لاتزعلو يلي بتحبوهن ودللوهن بتنفعل زيادة اهتمو اهتمو اهتمو التفاصيل بتقتلنا كلنا ومنحب الاهتمام يكون مبادر عطول الاهتمام اساس العلاقات ففي بعض البشر مابيملكو اي ذرة من الاهتمام ولا بحسو فيها فلهيك بنصحكن تهتمو وتروحو تراضو حبايبكن امك اختك اخوكي خطيبك حبيبك زوجك بادروهن بالاهتمام ورح تشوفو اهتمامهن فيكن وبس بحبكن وبتنشره وبعدها بتنشر فيديو لوائل كفوري (شو قيمة النظرة )
بيوصل الاشعار لمطر انو طيف حطت ستوري بيفتحها وببلش يسمع حكيها ويضحك
مطر: اوف ساوتني بلا مشاعر هي يالطيف شو بتعشق التفاصيل وبس تزعل بتتحول لاابو لهب ههههه
بيبعتلها
مطر: على اساس امتحانات ودراسة ست طيف
طيف: بترد بتوقع ماخصك شو بعمل مو
مطر: مبلا خصني انا بلا مشاعر طيف
طيف: مابعرف
مطر: كلو لاني ماحكيتك مبارح
طيف: مابهمني اصلا اذا حكيتني او لا
مطر: مبلا لو مابهمك وما نزعجتي مابتحكي كل هالحكي
طيف: عم بحكي هيك مو جديد علي هالحكي
مطر: ليش هيك عم تحكيني طيب!؟؟
طيف: بحكي كيف مابدي ماخصك مو
مطر: لا خصني
طيف: لا ماخصك
مطر: خصني طيف وبدك تحكي منيح
طيف: مابدي احكي منيح بعدين بصفتك شو عم تدخل فيني اه احكي ولاتحكي !؟

مطر: كأنه جديدة هالكلمة بصفتي شو ست طيف مابكفي اني صديقك؟؟
طيف: شكلك لسا ما عرفتني ياسيد مطر انا بعمل يلي بدي ياه تمام وماباخد اذن من حدا لا صديق ولاشي

مطر: طيب ياستي مو بصفتي صديق
طيف: بصفة شو لكن
مطر: بيتشجع وبقلها بصفتي معجب فيكي ومو بس هيك انا بلشت حبك واتعلق فيكي ياطيف
طيف:بتبتسم وبتهدا فجأة بتضحك ومابتعرف شو ترد بتسكر موبايلها وبتوقف بصدمة انا قرأت صح بترجع بتفتح موبايلها وبتشوف الرسالة وبتتلبك شو بدي قول شو بدي رد بترن فورا لتاليا
تاليا: الو اهلين طيف
طيف: تاليا تاليا قلي انو معجب فيني وبلش يحبني ياتاليا مابعرف متحمسة ومابعرف شو رد شو قول
تاليا: يي يي لللللييييشش لك جدبة ردي اي اي قال شو بدي رد ركدي ردي وقوليلو وانا كمان
طيف: بس انو
تاليا: لا تتحيوني ها وتطيري قولي اي انتي دايبة اكتر منه روحي يلا
طيف: طيب طيب باي
تاليا: طمنين يشو بصير اي
طيف: هههههه ماشي
بتسكر وبتفتح المحادثة
مطر: وين رحتي طيف؟؟
طيف: بتاخد نفس عميق احم معك
مطر: شو
طيف: شوشو !؟؟
مطر: شو رأيك بكلامي قلتلك بكل صراحة ووضوح انا معجب فيكي وبلشت حبك
طيف: بهالسرعة ؟؟
مطر: الحب لما يدق القلب مابيعرف وقت وزمن مو!
طيف :بتبتسم مو طيب مطر وانا كمان
مطر: بيبتسم شو يعني؟؟
طيف: وانو انا كمان بلشت حبك ومشاعري تجاهك مو مشاعر لصديق بس
مطر: بصرخ باعلى صوته بالفيلة الللهههههههه وببلش يتحرك بالكرسي ويروح يمين وشمال ويضحك من قلبه هههههه وبقرب الشاشة وببلش يبوسها ويضحك
بتدخل حنين وامه على صوته
حنين: برعبة شبك اخي
ام مطر: ابني فيك شي
مطر: ههههههههه لا لا مبسوط كتير هههههههه
حنين: بتصير تضحك معه ههههههههه شو عم يصير معك الله يديم الفرحة وبتغمزه
مطر: بردلها الغمزة وبأشرلها انو يطلعو
حنين: امشي امي امشي بيطلعو وبسكرو الباب
بيمسك الموبايل مطر

طيف: شو كل هالقد جوابي صدمك
مطر: اكتر مابتتصوري ماكنت مفكر انو رح تتقبلي كلامي انو انا وانتي بعمرنا ماالتقينا وكل كلامنا دردشة هون كيف رح تنعجبي فيني!؟؟
طيف: سؤال حلو انا نشديتلك واعجبت فيك من كلامك بدون ماشوفك يعني وعلى هوا ماوصفتلي حالك اشقر برتقالي هههههه وخبرتك قبل هالمرة انا مابهمني شكلك بفكر من زاوية طيف بس انت كيف نعجبت فيني يامطر
مطر: ليش يلي بيسمع صوتك وكلامك بفكر قبل ماينعجب فيكي اكيد لا كلامك لحاله بنقط جمال مابالك شكلك!
طيف: هههههه اتفقنا على نقطة لكن زاويتنا مشتركة ياسيد مطربعدين نحن كنا عم نتعرف على بعض ممكن نشوف بعض مو هيك
مطر: بوقف عند هالكلمة بيرجع كلشي بذاكرته فوراً بيتطلع على حاله وبيرجع لواقعه المؤلم انه مقعد بيجي ليتراجع بس بيتذكر كلام طيف عن رفيقه وانو مابهمها الشكل بيبتسم وبرد اكيد حشوفك رح زبط وقت ونشوف بعض
طيف: ان شاء الله واخر شي تصدمني وتطلع ختيار مهرهر ههههههههه
مطر: هههههههه لا الله وكيلك شب وعمري 25 سنة وحياتك
طيف: ههههه ان شاء الله
مطر: طيف
طيف: نعم
مطر: ليش كنتي جانة!؟
طيف: هههههه صراحة كنت مقهورة انك ما سألت علي مبارح وفكرتك عم تلعب بمشاعري وانا اذا الاهتمام بقل يوم واحد بجن عودتني كل يوم تبعتلي وتجي ماتبعتلي يوم كامل اي بطق مابقدر انا بعشق شي اسمه اهتمام وتفاصيل
مطر: هههههههه يالطيف يالطيف وبالاخير طلعت ماعندي ذرة الاهتمام عيب ولو
طيف: انا هيك الغلطة معي بكفرة استاذ مطر
مطر: اوف الله يعيني يعني
طيف: والله خود حزرك مني
مطر: مستحيل انسى شي خلص وحضل اهتم فيكي ومستحيل زعلك مني تمام
طيف: هههههه تمام حفظت درسك وشي تاني انا مريضة غيرة
مطر: ايو اشو هي كمان
طيف: يعني لا تفكر تشعل غيرتي لان بهستر هههههه
مطر: بطلنا السلام عليكم حبك عذاب ها
طيف: ياااا انا حبي عذاب مطر
مطر: هههههه حبك عذاب ياما تحملته تحملت غياب قلبك وانطرته
طيف: بتضحك وبتكفي الغنية شو الي قساك ما بتسأل عني يعني معقول ماترد علي وعني مشغول ماتفكر فيي حبيبي قول دخلك طمني
مطر: متل الغريب ولحالي عايش ليالي الهوا حبيبي جاوب سؤالي قولك رح نرجع سوا
طيف: حبك عذاب ياما تحملته تحملت غياب قلبك وانطرته
مطر: هههههههه دخيل وائل كفوري يلي عرفني عليكي
طيف: ههههه دخيل قلبه

مطر: شايفك بطلتي بدك تدرسي هههه
طيف: كنت بدي غيظك بس
مطر: وانا قصداً عملت هيك لغيظك واعرف مشاعرك هههههه
طيف: يعليك كلها خطة يعني!
مطر: اي لكن كله مخططله
طيف: اوباا وبتعرف تخطط لكن
مطر: لكن هههههههه
طيف: اي شو عليه يامطر اخدت جوابك ارتحت يعني
مطر: اي اكيد هيك بصير بحكي براحتي ما بضل خايف تزعلي او تفهميني غلط
طيف: ليش شو بدك تحكي يعني؟
مطر: يعني مثلا اني بحب صوتك ومأدمنه
طيف: اي اي لا تحكي خليك عند الحد مطر
مطر: ههههههه ليش بتخجلي اذا كفيت
طيف: بتبتسم انو خلص ليش هالحكي
مطر: بكفي ومابرد بحب تفاصيلك يلي بتهتمي فيهن بحسد الموبايل لان بيلمس ايديكي بحسد لمرايا كل يوم الصبح انو بتتصبح فيكي وانا لهلق ماشفتك ولا لمست ايدك

طيف: بتبتسم بخجل اي الله كريم وبتشوفني
مطر: وبلمس ايديك ههههه
طيف: مابتعرف لما الصدف تجمعنا ممكن تلمس ايدي
مطر: الله يقربهن لهالصدف
طيف: امين انا نعست بدي نام بتسمحلي هههه
مطر: اكيد نوم العوافي ياطيفي اتغطي منيح
طيف: بتبتسم بحب وقلبها مو واسع فرحتها الله يعافيك وانت كمان تصبح على خير مطري
مطر: بيبتسم وانتي من اهلي طيفي
بسكرو هنن لتنين وهنن مو عاطيين فرحتهن لحدا
مطر: بينده لحنين لتساعده حنين ياحنونةة
بتدق الباب حنين وبتدخل اي اخي
مطر: بيبتسم ممكن تساعديني بدي اتسطح
حنين: اكيد من عيوني بتجر الكرسي لعند التخت وبتسند مطر وبيعد على التخت وبرجع حاله لورا وبتنزله رجليه وبتغطيه منيح هيك سيد مطر
مطر: بيضحك ههههه الله يخليلنا ياكي يا نفجة قلبي
حنين: اوفف اووف نفجة قلبي بفرد مرة شو سر هالسعادة خبرنا لنفرح معك الك شي شهر مبسوط شو
مطر: ممنوع الواحد ينبسط !؟
حنين: لا اكيد موممنوع بس في سبب

مطر: بدك تعرفي السبب
حنين: اي
مطر: بيبتسم بفرحة متل الطفل وعيونه متجمعة لدموع فيها انا اعترفت لطيف اني معجب فيها بيضحك وبحط ايده على تمه بفرحة
حنين:بتطلع فيه وبتبتسم وبتغص بدمعتها وشو صار
مطر: بيضحك وبيهمسلها قال وهي معجبة فيني وبلشت تحبني عم يحكي واللهفة مالية قلبه بيمسك ايد حنين بفرحة اختي قال انها معجبة فيني مندون ماتشوفني وهي ماعندها مشكلة اني مقعد هي حكت مابهمها الشكل طيف اختي طيف انا بحبها بتعرفي شو يعني بهالشهر تغيرت حياتي للاحلى بسبب طيف بينزلو دموعه انا مو بس بلشت حبها انا بحبها عنجد بأشر على الكرسي هي حتتقبل هالكرسي حتقبل المقعد الرمادي قبلي حبت قلبي يااختي والله والله مصدقتيني مو طيف بتحبني هههههه
حنين: بينزلو دموعها وبتضحك وبتهز براسها مصدقتك مصدقتك والله
مطر: بيضحك وبيمسح دموعه وبيحضنها انا بحبها بحبها هههههه
حنين: بتضحك وبتشد عليه وهي بتحبك اكيد بتمسح دمعتها اصلا مين مابحبك انت
مطر: بيتطلع فيها وبيبتسم انا بنحب اصلا مو وشو يعني مابقدر امشي طيف قالتلي انو يمكن الله بياخد مننا شي وبعوضنا بشي احسن

حنين: كلمته بتوجعلها قلبها بس ما بتبينله انت حتقدر تمشي وتعمل العملية مو هيك

مطر: بيضحك اي اي رح كفي العلاج واعمل العملية كرمال وقف واحضن طيف واتزوجها بهالشهر يلي تعرفت عليها فيه حسيته احلى شهر بمر بكل حياتي ماحسيت بالسعادة غير معها اختي و بتحكي لتقولي اكتر من هيك تصوري ما بتحب تزعل حدا رقيقة كتير حساسة بتعشق التفاصيل بتغار هههه غيورة اي وكمان بتحب تهتم وينردلها هالاهتمام متلها وزيادة صوتها دفة وراحة عيونها من شهد العسل بتحسي بشي بشدك لتفاصيلها يلي بتخيلهن بعقلي بكل ليلة قبل مانام بيضحك وعم يحكي ويأشرلها ويشرحلها تفاصيل طيف كأنه شايفها مو هيك
حنين: عم تراقبه ودموعها عم ينزلو وتمسحهن وتضحك
مطر: بيبتسم حكيت كتير شي؟
حنين: بتهز راسها بالنفي لا بالعكس فرحانة بحكيك وتشوقت اتعرف على طيف اصلا
مطر: بيضحك ان شاء الله وقت تتعرفي عليها حتحبيها صدقيني
حنين: ان شاء الله وهلق بتقوم انا رايحة نام بدك شي
مطر: سلامتك بدي سلامتك يااحلى اخت
حنين: بتبتسم تصبح على خير
مطر: وانتي من اهلو
بتطلع حنين على غرفتها وبتدخل وبتتسطح وبالها عند مطر
حنين: ببالها ياالله يااخي اليوم شفت بعيونك لمعة الفرح يلي ماشفتها ولامرة بعيونك الله يديم هالفرحة وتكمل معك يانور عيوني
بيقطعلها شرودها رنة موبايلها برسايل على الواتس
حنين: بتمسك موبايلها وبتفتحه بتشوف رقم غريب ورسايل بتعرف انو هاد مالك

بتبتسم وبتفتح الرسايل
مالك: مسا الخير كيفك
حنين: بتجدبها وبترد وبترد مسا النور مين الكابتن مالك؟؟
مالك: بيبتسم وقت يشوفها ردت بيفتح مااحلى كلمة كابتن من تمك برد اي مالك كيفك!
حنين: اهلين تمام انت كيفك
مالك: انا منيح كتير اسف اذا ازعجتك
حنين: لا لا صاحية لسا مافي ازعاج ولاشي
مالك: اي منيح شو عم تساوي
حنين: ولاشي وانت
مالك: ولاشي اعد عم بسمع صوت اخي الشحرور
حنين: ههههه ليش اخوك صوته حلو!
مالك: لاحلو ولاشي بس بيقرفني فيه اخي التوأم يعني
حنين: عندك اخ توأم مالك عنجد
مالك: بيبتسم وقت يشوف اسمه شو حلو اسمي منك
حنين: بتخجل بتغير الحديث اخوك بيشبهك!
مالك: بيضحك لا مافي شبه هو ابيض وانا اسمر هو غليظ وانا مهضوم يعني لا منشبه بعض لا بملامح ولا بمضمون
حنين: اممم احلى لازم يكون انت وبس موهيك!
مالك: افكورس جانم انا مالك بس واحد ومافي غيره
حنين: بتبتسم شو هالكلمة الخاصة هي
مالك: اختراعي حبيتيها
حنين: من تمك حلوة
مالك: بيضحك خلص كل يوم منسمعك ياها
مازن: انساااك وفل بيتطلع بمالك بشوفه عم يضحك بوقف غنى وبقرب من مالك بوقف فوق راسه بدون ماينتبهله مالك وبشوف اسم حنين بيصرخ باعلى صوت الله هالله

مالك: بيرتعب وبيتطلع فيه شو صرلك
مازن: وعاملي حالك وادخلو البيوت من ابوابها وشريف مكة مين هي يلي عم تحكيها اه
مالك: يخرب بيت عقلك خراس حدا بيسألك مع مين عم تحكي افندي
مازن: ماحدا بيسألني بس بتهتوني اني نسونجي وانت شو رجالي واطفال ياحنون انت
مالك: ستنى علي بيبعت لحنين انو بدو يسكر وبزت موبايله وبقوم تعا لنتفاهم تعا
مازن: شوف مالك مالي قد تكسرني ايوا خليك بعيد ابو حنونة وبيضحك هههه
مالك: لك مازن انت شو عرفك بحنين
مازن: حبيبي انا ابو المزون يلي مافي شي عنه بتوه هيهي
مالك: انا بفرجيك لخليك تتوه وماتعرف تلتقى وبيركد عليه وببلشو يتناقرو فورا مازن بصير بهالارض ومالك عم يلطوش فيه
مازن: يااميييي شاديةةة خانمممم
مالك: لك خراس خراس
مازن: عاااااا
مالك: بسدله تمه بخنقك ها ولا حرف بشيل ايدي
مازن: اممما اما اممم عم يأشرله بعيون انو خرس
مالك: بشيل ايده من على تمه وبشيله وبيرفعه ايوا هيك انت عيني
مازن: عم ياخد نفسه بصعوبة
مالك: برتبله تيابه صوتك وحشريتك الزايدة بطلهن اي حبيبي كرمال ما يصير مشاكل بينا
مازن: بهزله براسه
مالك: ياعيني عليكي ياقطة محلاكي وبيمشي وبيتسطح على تخته اطفي الضو ياابو الميز يلي مابهيز
مازن: بيتطلع فيه وببلش يبربر عليه من وراه الله يلعن
مالك: سامعككك
مازن: بيركد بيطفي الضو وبيتسطح
بعد مرور اسبوعين
بالنادي
بكون واقف مالك وعم يتمرن ووراه الشباب عم يتمرنو معه
وحنين عم تلعب على المشاية وكل شوي بتخطف عليه نظرات وبتبتسمله طبعاً بهالاسبوعين تطورت العلاقة وبلشو ياخدو راحتهن على بعض ويحكو وحنين ماعاد تنكر انها حبته لمالك وحبت ركازته وكلامه
بتدخل على النادي ريم بنت عمته لمالك بتسأل على مالك وبتشوفه وبتركد عليه
ريم : بتوقف وراه وبتشط حالها لطول مالك وبتحط ايدها على عيونه حزر فزر مين انا
حنين: بتوقف المشاية وبترفع حاجبها وبتشتغل نار جواتها بتنزل من على المشاية وبتوقف
مالك: بيمسك ايدين ريم وبنزلهن من على وشه وبيلتفت عليها هو ومحروج بيتطلع فيها ريم شو عم تعملي هون وشوهالحركات هي
ريم: بتبتسم اجيت سجل هون عندك مافرحت بشوفتي
مالك: اووو بيضحك عليها هههههه انا يلي فرحت بيلتفت على الشباب منكمل بعد شوي شباب
ريم: بتمسك ايده يلايلا مالك فرجيني على النادي
مالك: بيتطلع على حنين بتكون رح تاكل حالها من الغيظ
بيبتسم لريم اي يلا روحي اسبقيني على الاستقبال رح غسل واجيكي بعلي صوته احلى ريمو
حنين: بتغمض عيونها بغيظ وبتفتحهن وبتطلع فيه وبتزوره
بتروح ريم وبيمشي مالك على مكتبه هو وعم يضحك
ما بتسيطر على حالها حنين وبتركد وراه على المكتب
بيدخل مالك وبده يسكر الباب بتحط رجلها حنين وبتدخل
مالك: اوف انسة حنين خير
حنين: بتطلع فيه بعصبية مالك بدك تجنني شي عم تجدبها يعني !
مالك: خير شوفي
حنين: مين ريموو وليش حطت ايديها على عيونك لك بتمسك ايده شدتك من ايدك
مالك: بيضحك هههههه هي ريمو انتي ليش معصبة
حنين: لك ما تجنني قال ريمو قال
مالك: بيضحك وبتبين غمازته وبقرب وشه منها شو بتغاري علي
حنين: بتطلع فيه بعصبية وبتمسكه من دقنه وبتقرب وشها من وشه اي بغار عليك انت الي وبس فهمان كابتن مالك

‏ الجزء الخامس

مالك: بيتطلع بعيونها وبأيدها يلي على دقنه بيضحك وبتبين غمازته بيرفعلها ايديه افكورس جانم انا الك وبس دخيل الغيور
حنين: بتطلع فيه وبحالها كيف تصرفت وبتخجل وبتجي لتنزل ايدها ااانا
مالك: بيمسك ايدها يلي على دقنه هوب هوب استني فكرك ايدك تنحط على دقني هيك وتنزل
حنين: بتتوتر خلص بدي امشي وبدها تخلص ايدها من ايده
مالك: احم بشد ايدها اكتر وبقربها منه بيتطلع بعيونها وبيحكي فكرك مين ماكان بيقدر يوقف وقفتك وبقوتك وبحط ايده على دقني وبهددني كمان
حنين: بتتوتر وبتخجل وبتنزل راسها كرمال ماتطلع فيه اكتر خخلص مالك تركني امشي بعتزر
مالك:بيبتسم وبيرفعلها وشها بايده التانية وقت قربتي مني وين كان فكرك
حنين: بتقلب بندورة حمرا وبتضل ساكتة وعم تهرب عيونها منه
مالك: المفروض لو حدا غيرك ايده هي شو يصير فيها تنكسر
حنين: بتطلع فيه بصدمة وبتبلع ريقها مالك قلتلك بعتزر
مالك: امم بدك تتحاسبي
حنين:ببين على وشها علامات الخوف شو حتعمل
مالك: هلق بتشوفي بشد على ايدها اكتر
حنين: بتغمض عيونها وخايفة منه
مالك: بيبتسم وبيرفع ايدها وبيطبع بوسة عليها بكل حنية
حنين: بتفتح عيونها وبتبتسم بخفة
مالك: بقرب ايدها وبحطها على قلبه هي الايد ماخلقت غير لتنحط على القلب وهي الوحيدة بتمون علي
حنين: بتبتسم وعيونها بتغزل وبتنكشه على كتفه بخفة رعبتني فكرت بدك تعاقبني عنجد
مالك: بيضحك من قلبه هههههههه من كل عقلك يامجنونة بدي اعملك شي لك انا بفديكي بروحي بدي اعمل شي يضرك!؟
حنين: بتبتسم قلتلي ممكن تتركلي ايدي طيب ياكابتن
مالك: اي مو تكرمي بيبعد ايده عن ايدها
حنين: بتبتسم طيب انا رايحة سلام وبتلتفت بدها تمشي
مالك: بيمسكها من ايدها وبشدها لعنده وبيمسك وشه بين ايديه وبيطبع بوسة على خدها بكل حب وهي عقابك
حنين: بتحط ايدها على خدها بصدمة وبتتجمد مكانها
مالك: بيتطلع فيها وبيضحك
حنين: بتصحى من صدمتها وبتطلع فيه وبتنفعل انت كيف بتعمل هيك
مالك: سؤال حلو بس جوابه احلى
حنين: بتقرب منه وشو جوابه دخلك
مالك: بيبتسم وبيتكتف انا بحبكك
حنين: بتضحك وبتحط ايدها على وشها مالها عرفانة تحكي بتطلع فيه وبتركد لااخر المكتب بدها تطلع
مالك: بيتطلع فيها وبدو يعرف كلامها
حنين: بتطلع فيه وبتضحك وفي شي جواتها عم يدفعها لتركد عليه وماتضيع اللحظة منها بتضحك وبتلفظ اسمه مالكك وبتركد لعنده وبتنط وبتحضنه بكل قوة وانا بعشقك
مالك: بيضحك وبيحملها وبشد عليها وبنزلها وبيتطلع فيها لك طلعتي قزومة واصلة لعند قلبي بس هههههههه
حنين: بتضحك وبتضربه بخفة ههههه
‏
مالك: بيرجع بضمها لقلبه انتي هون مكانك اصلا وبيبتسم
حنين: بتضحك وبتتعلق فيه
مالك: احم يعني مابدي تبعدي عني صراحة بس لازم اطلع شوف ريم بنت عمتي
حنين: بتبعد عنه وبتطلع فيه شو حكيت حبيبي ماسمعتك
مالك: لا لا اذا حبيبي ماحكي تشي ان شاء الله عمرها ريم ويلي جاب ريم ههههههه
حنين: بتضحك ههههههه لا خلص منطلع سوا وبتندهلي قدامها على اساس بدك انا فرجيها النادي وانت عندك شغل
مالك: اوو فشو هالتكتيك هاد
حنين: بتضحك انا طتالعة وانت الحقني كابتن
مالك: اي تكرمي والله وصرت تنعطى اوامر يا ابو الملوك
بتطلع حنين وبتوقف قريبة من ريم وبتعمل حالها عم تلعب بموبايلها
ببدل تيابه مالك وبيطلع على الاستقبال
ريم: بتشوفه وبتقرب منه مالك تأخرت علي كتير مليت وطقيت
مالك: لاتواخذيني لبين مابدلت تيابي لان عندي شغل كتير ولازم روح
ريم: طيب يلا فرجيني على النادي وبتمسك ايده
مالك: اه بيتطلع بحنين بتكون عم تزوره كرمال يندهلها بنزل ايد ريم من على ايده ريم هي الانسة حنين حتفرجيكي على النادي انسة حنين وبيندهلها
حنين: بترتب حالها وبتبتسم وبتروح لعنده نعم كابتن ماالك
مالك: انا عندي شغل فرجي الانسة ريم على النادي اي
حنين: اي من عيوني
ريم: بس انا مابدي ياكي تفرجيني على شي بدي مالك
حنين: بتطلع فيها وبتجقرها حبيبتي اسمو الكابتن مالك
مالك: بيكتم ضحكته احم
ريم: وانت يشو دخلك شو بقله
حنين: انتي بالنادي بتحترمي حفظ الالقاب بينكن ايوا ولا عم بحكي غلط كابتن
مالك: عداكي العيب
ريم: مالك هي شو دخلها لتدخل بينا
حنين: بخاف قلك مين انا يصيبك جلطة لهيك برأي الله معك
ريم: وعم تقلعيني كمان لااا انتي تجاوزتي حدودك
حنين: بتبتسملها ابتسامة باردة
ريم: بتطلع بمالك انا اجيت على النادي تبعك وانهنت فيه ياسيد مالك ماشيي ماشيي وبتتركهن وبتمشي لبرا النادي
حنين: الله معك
مالك: بيضحك هههههه لك انت يشو صابك
حنين: يعني عاجبك هي وعم تقلك مالكك مالكك وبتقلد صوت ريم
مالك: ههههههه والله اسمي حلو
حنين: بتهمسله بغيظ مالككك
مالك: اي عيونو لمالك وقلبه لمالك وروحه لمالك وكل دقة بقلبه لمالك
حنين: بتبتسم اي يخليلي كل يلي ذكرتهن تشاو كابتن وبتلتفت وبتمشي

المسا ببيت طيف بكون اعدين الكل بالصالون وعم يتفرجو على التلفزيون ومندمجين بيندق الباب
كريم: شادية افتحي الباب
شادية: مالك فتاح الباب ابني
مالك: قوم فتاح مازن
مازن: قومي فتحي طيف
طيف: بتطلع فيهن وانا لمين بدي قول قوم فتاح هفف بتقوم وبتفتح الباب
وائل: بيبتسم اول مايشوف طيف شو هالصدفة الحلوة كنت عم بدعي انتي تفتحيلي الباب
طيف: بتبتسم ليه بالله
وائل: دعيت مايفتحلي اخوكي مالك من غير شي مابحبني كير
طيف: ههههه تفضل وائل فوت فوت
وائل: يلا
بيدخل وبتسكر الباب طيف
مالك: مين طيفي
طيف: بتدخل هاد وائل تفضل وائل فوت
وائل: مسا الخير للجميع
مالك: بيتطلع فيه وبرد بنشافة مسا النور
كريم: فوت ابني اعود اهلا وسهلا ليش ماجو اهلك معك
وائل: ماكنت بالبيت كنت مارق من ناح بيتكن قلت بطلع بسلم عليكن
شادية: نورتنا ابني اهلا وسهلا
وائل: كيفك ابو المزون
مازن: اهلين حجينا
وائل: بيضحك كيفك طيف كيف جامعتك
مازن: الحمدلله تمام وانت كيف شغلك
وائل: الحمدلله كيفو الكابتن اليوم
مالك: منيح بشوفتك وبيبتسمله ابتسامة باردة
بضل عندهن وائل شي سااعتين وبيمشي
مالك: طيف
طيف: اي اخي
مالك: تعي ندخل على غرفتك بدي حكيكي بموضوع بينا
طيف: يلا اخي
بيدخلو وبيعدو
طيف: اي اخي
مالك: احم شفتي البنت يلي حكيتلك عنها انو معجب فيها
طيف: اي
مالك: صارحتها اليوم وقلتلها اني بحبها
طيف: بتبتسم ييي اي وشو ردت
مالك:بيبتسم وهي كمان بتحبني
طيف: اي الحمدلله وهي عروستك جهزت باقي نخطبها
مالك: هو هيك بدي نروح لعند اهلها بس مو هلق رح اتروى شوي
طيف: اي اخي اهدى شوي ومنروح نخطبها وهيك كلشي رسمي بصير
مالك: طيب اختي انا رايح كرهو عيشته لااخوكي تصبحي على خير
طيف: ههههه وانت من اهله حبيب قلبي

طيف: بتمسك موبايلها بكون حاطته بالغرفة بتفتحه وبتشوف كومة رسايل من مطر ييي كل هاد ومالي حاسة على موبايلي بتفتحهن وبترد مطري انا اسفة ماكنت سامعة موبايلي وكان بغرفتي على الشحن
مطر: بتوصله الرسايل بيفتح هو ومتدايق وبرد بصير هيك طيف لو انا يلي عاملها كنتي هلق عم تبهدليني
طيف: والله بعتزر كتير بس اجا ابن عمتي وائل واعدنا معه وهيك واخدنا الوقت
مطر: اها طيف اعدة مع وائل قلتيلي وليش تذكرتيني طيب هلق اه
طيف: مطر انو قلتلك بعتزر كان بالغرفة موبايلي
مطر: لكن خليكي كنتي اعدة مع وائل تصبحي على خير طيف رايح نام
طيف: مطر شو صرلك
مطر: جاية وماعم تردي على رسايلي الك مدري كم ساعة وبالاخير بتقوليلي كنت اعدة مع زفت الطين
طيف: بتبتسم وبتكتبله انت غيران علي مطر!
مطر: شو رايك مابدي غار من البطيخ بكل برود عم تقوليلي ياها انك اعدة معه
طيف: بتضحك ياا ياا وقت تغار بتصير متلي واكتر هههههه
مطر: عم تضحكي هلق
طيف: ههههه خلص ماعاد بعد معه مرة تانية منيح هيك روق
مطر: مابدي روق
طيف: يي مطر لاتصير متل الولد لصغير وتعند قلتلك ماعاد اعد معه اصلا شو بدي فيه انا انا بحياتي شخص واحد وهو انت
مطر: بيبتسم عنجد طيف
طيف: والله مافي غيرك بحياتي
مطر: بيضحك طيب سامحتك لاتعيديها تمام
طيف: حاضر مطري تاني مرة بفتحله الباب وبوشي على غرفتي منيح
مطر: وكمان انتي يلي فتحتيله
طيف: هيهي علينا مطررر
مطر: ههههه خلص خلص رح نسكر على الموضوع منيح
طيف: اي هيك ها بلا سيرته هو متل اخواتي
مطر: خلص ماشي لكن
طيف: كيفو المطر لكن
مطر: المطر مشتاق لطيفو
طيف: بتبتسم وطيفو مشتاقة للمطر
مطر: مشاعر متبادلة يعني
طيف: هههههه اي اكيد مطر ماصار لازم نلتقى!؟ مشتهية شوف الانسان يلي من ورا هالشاشة وهالموقع بدي شوف الانسان يلي سلمته مشاعري وقلبي بدون ماالمحه مو صار لازم
مطر: بيصفن شوي بكلامها ومابيعرف شو بدو يجاوبها ومابيقدر يتهرب منها اكتر بيتنهد وبياخد نفسه بعمق

مطر: معك حق لازم نلتقى لو بتعرفي الشوق يلي بقلبي كرمال شوفك
طيف: طيب شو مستني خلينا نختار وقت
مطر: بس
طيف: بس شو مطر ام تتهرب مني شي خبرني بصراحة مابزعل منك في شي!؟
مطر: لا لا ليش بدي اتهرب منك انا بدي نلتقى اكتر منك
طيف: طيب ايمتى
مطر: بكرا بحديقة** الساعة ١ الضهر تمام
طيف: بتبتسم وقلبها بطير من الفرحة اي اي تمام اصلا قريبة مني اتفقنا
مطر: بيبتسم طيب ان شاء الله
طيف: مطر
مطر: عيونو
طيف: يخليلي ياهن
مطر: بغصة ويخليلي ياكي
طيف: بتبتسم وبتكتب بحماس مالي مصدقة حشوفك مطر واخيراً
مطر: وانا متحمس اكتر لشوفك
طيف: بتبتسم طيب لكن قايمة نام كرمال فيق بكرا نشيطة
مطر: طيب انتبهي على حالك وتغطي منيح
طيف: وانت كمان تصبح على شي حلو
مطر: انتي الحلو يلي بحياتي
طيف: بتبتسم سلام
مطر: سلام

بتفتح لستوري طيف وبتحط فيديو لفيروز
(موعدنا بكرا وشو تأخر بكرا قولك مش جاية حبيبي عم شوفك بالساعة بتكات الساعة من المدى جاية حبيبي) بتبتسم وبتحط عبارة تحته إلى أن يحين موعدنا ، وعناقنا ، وبكاؤنا معاً وبتنشره
بيفتح الستوري مطر وبيسمعها بيبتسم وبقلبه مليان جروح خايف اول مرة بخاف هيك قلبه عم ينعصر عيونو مدمعة بغمض عيونه لثواني لينزلو دموعه على خده
بيندق الباب وبتدخل حنين
حنين: مطر
مطر: بفتح عيونه وبيتطلع بحنين
حنين: حبيبي عم تبكي شبك بتسكر الباب وبتقرب منه وبتعد على التخت جنبه شبك ياروحي
مطر: بصوت مخفوت خايف
حنين: خايف؟ خايف من شو
مطر: بكرا رايح لاالتقى بطيف
حنين: بتبتسم وبتمسك ايده لتطمنه ليش خايف طيب هي بتحبك وانت خبرتني انو هي بتعرف بكلشي
مطر: بيمسح دموعه اختي طيف مابتعرف اني عاجز
حنين: بتطلع فيه بصدمة لكن ككيف بتقلي انو هي تقبلتك هيك
مطر: انا قلتلها انو صديقي هو يلي هيك وهيك ردت فعلها كانت انو حتى لو شريك حياتها هيك هي رضيانة اختي كذبت عليها انا كذبت بس ماعاد فيني اتهرب منها اكتر
حنين: بتطلع فيه بنظرات حيرة وهلق شو !
مطر: بيتطلع على الكرسي

مطر: صار لازم تعرف حقيقة المقعد الرمادي بيتطلع بحنين مافي خيار تاني اذا بدي ضل كذب عليها رح موت انا من جواتي بكرا بتشوفني وبتعرف الحقيقة والخيار الها لا بتكفي وبحطها بقلبي لا بغص بكلمته بتترك وانا الي الله
حنين: بتمسك ايده وبتشد عليها حط عينك بعين رب العالمين وصدقني كلشي حينحل
مطر: ونعم بالله وكلت امري لاالله
حنين: بتبتسم الله ينولك مرادك يا خيي
مطر: بيحضن حنين وعم يستمد القوة منها
حنين: بتشد عليه وعم تحاول تخفف عنه بتطلع فيه تطلع فيني انت مالك ناقص واحسن العالم ورح تطيب وتتحسن عم تفهم مطر انت ماحدا احسن منك تمام
مطر: بيبتسم وبهز براسه
حنين: يلا هلق نام وارتاح وبكرا احلى ان شاء الله
مطر: ان شاءالله
بتمرق هالليلة وعيون مطر ماعرفت طعم النوم مجرد تفكيره انو طيف تبعد عنه عم يسببله خوف كبير
اما طيف
بتصحى وبتفطر وبتضل ساعة واقفة عم تختار تيابها وبتختار لبسها باللون الاسود متل مابحب مطر بتبلبس بنطلون جلد وفوقه بلوزة سودة وبيضة وجاكيت جلد وبترتب شعرها وبتحط بارفان وميكاب ناعم وخفيف كتير وبتبعت لمطر
طيف: يسعدلي صباحك جاهز
مطر: بكون لبس وجهز حاله وعم يرتب شعره وقلبه منطفي بيمسك موبايله وبرد
مطر: وصباحك اي جاهز وانتي
طيف: وانا بس رح انزل هلق بدي امرق على المكتبة جيب كتب لازميني ورايحة على الحديقة تمام
مطر: تمام انتبهي على حالك
طيف: وانت كمان
بتنزل طيف وبتروح على المكتبة بتشتري روايات الها وبتمرق بتجيب وردة حمرا وبتبتسم وبتكفي مشي على الحديقة
عند مطر بتجي حنين
حنين:بتبتسم شو اخي جاهز
مطر: اي اختي جاهز رح روح انا والشوفير انتي خليكي هون
حنين: بس اخي
مطر: تركيني على راحتي اختي
حنين: طيب متل مابدك انتبه على حالك
مطر: تمام
بتساعده ليركب بالسيارة وبيمشي
بتوصل طيف وبتكون واقفة ومتحمسة كتير وقلبها طاير من الفرحة وضحكتها غامرة وشها
بينزل مطر وبساعده الشوفير وبحطه على كرسيه
الشوفير: معلم امشي معك
مطر: استناني هون تمام
الشوفير: حاضر
مطر: بيكبس زر الكرسي وبيمشي فيه وعم يتطلع بعيونه ليدور عليها بيلمحها من بعيد واقفة بيرجف قلبه وعيونه بتتجمع فيهن لدموع وببلش يفرك بايديه بيمشي وهو منزل راسه لعندها
طيف: بتلتفت لتطلع وراها بتخبط بكرسي المتحرك تبعه وبيوقعو الكتب والوردة على الارض اخخ
مطر:صصرلك شي
طيف: بترفع راسها وبتطلع فيه وكأنها عرفته قلبها ببلش يدق بسرعة وانفاسها بتتلخبط صدمتها قوية بتصفن فيه بعيونه بشعره هو اي هو
مطر: بيمسك ايدها ليساعدها وعم يخبي وشه منها كرمال ماتشوف عيونه

طيف: بتوقف وبيرجف قلبها بتدخل بحالة صدمة وعم تحاول تكذب قلبها بس ماعم تقدر بترجع بذاكرتها
#ذكريات
(مطر: بس صديقي عاجز ياطيف يعني مابيقدر يمشي)
مطر: بينزلو دموعه وعم يمسحهن ويلم الكتب بيمسك الورد بغصة ومابيقدر يعمل شي بيرفع ايده وبمدلها ياهن
طيف: بتطلع فيه بتقرب منه وبتحكي بوجع صرلك شي انا بعتزر مانتبهت
مطر: بكون منزل عيونه ودموعه عم تنزل لحالها وقلبه عم يوجعه عاجز عاجز يحكيلها هو مين بهز راسه بالنفي انو ماصارله شي وبيرجع بمدلها غراضها
طيف: بتطلع فيه وبتمد ايدها وبتمسكهن وبتلمس ايدها بايده وبتنزل دمعته على ايدها بتشوف دمعته وبعيونه لدموع والكسرة بيوجعها قلبها وبتبلش ترجف وبتتجمع دموعها بعيونها اول مرة بتحس حالها مكبلة ومالها قدرانة تحكي بتلتفت وبتمشي هي وايدها على تمها لتخفي شهقاتها
مطر: بيتطلع عليها هي وعم تمشي وشادد على قبضة ايده ووشه احمر متل الدم وعيونه حمر ودموعه ماعم توقف العجز صارمو عجز الجسد العجز صار عجز القلب

اول لقاء الهن تحول لصمت قاتل ماحدا قادر يقول انا هو اصعب لحظة انك واقف قبال حبيب روحك ومو قادر تلفظ اسمه وتقله انا يلي بحبك انا
بيرجع على السيارة مطر وبيمشي بوصل على الفيلة
بيدخل على غرفته وبتلحقه حنين
حنين: مطر اخي شو صار
مطر: بيرفع راسه وعيونه حمر متل الدم ماقدرت بيضرب ايده بالكرسي ماقدرت بصرخ اكتر ماقدرتتت ايدي لمست ايدها وماقدرت احكيلهاا انيي انا مطر انا ياطيف انا بينزلو دموعه بقسى ماقدرتت ماقدرتتتتت وبيكسر كلشي على البيرو عنده بيصرخ من وجعه المكبوت المخلوط بدموعه اخخخخخ ياطيف اخخخخ
حنين: بتركد عليه وبتحضنه لتهدي
مطر: عم يتنفس بصعوبة ويردد كلمته ماقدرت ماقدرت
عند طيف
بتدخل على غرفتها بسرعة وبتزت الكتب من ايدها والوردة ودموعها عم تنزل بحرقة وعم ترجف بتعد بالارض لا ياربي لا مو هيك ياطيف مو هيك هو هو مو رفيقو هاد هو ياربي لا تمتحن صبري بيلي حبيته يارب يارب عم تبكي وتشهق ومالها عرفانة كيف تطفي نارها
طيف: شو بدي اعمل ياربي شو بدي اعمل ماقدر ماقدر يحكيلي انا مطر ماقدر عيونه عم تحكي عن وجعه كيف قدرت اتركه وامشي عم تحكي ودموعها مليت خدودها اللحظة يلي عم بنتظرها ياربي ليش ليش شو بدي اعمل شو بترمي حالها على التخت وبتبلش تبكي وتشهق سامحني سامحني يامطري سامحنيي والله انا بحبك بحبكك سامحنيي ماقدرت
(ليس الحكاية حكاية مقعد رمادي بالحكاية روحاً نقية غبرها ظلام الماضي فأصبحت رمادية )
ومتل ماقال وائل كفوري لو حبنا غلطة تركنا غلطانين 🖤

بتمر ساعات وهنن على نفس الحالة مو قادرين يعملو شي لتنين عايشين حالة من الخوف والوجع
عند مطر
بكون اعد ساكت وصافن بالشباك وحنين اعدة وعم تنتظرو يعمل شي
حنين: وبعدين مطر مو لازم تحكيها تشوفها
مطر: بيتنهد وبيمسح دقنه بضيق وبيمسك موبايله وبيفتح على اسمها وبيرجع بسكر موبايله مابقدر
حنين: طيب هي عرفتك!؟
مطر: مابعرف بس لو عرفتني كانت وقفت عصبت حكت شي اكتفت بالاعتزار ومشيت
حنين: لو ماعرفتك كانت بعتتلك وينك او انتظرتك !؟
مطر: بياخد نفسه بصعوبة وبيزفره مابعرفف مابعرففف راسي حينفجر اختي بيضرب ايده على الكرسي بسبب هالكرسي مجبور عيش بكذبة بسبب هالحياة مجبور اكذب اكذب على الانسانة يلي حبيتها وحبتني بدون ماتطلع بعيوني حتى ومتل مابتدت القصة بكذبة رح انهيها بكذبة
حنين: بتوقف بعدم حيلة شو بترديني اعمل قلي روح خبرها حكيها انا قلي
مطر: اوعك طيف هي يلي بتقرر مو انا هي اذا عرفتني بتكون انصدمت صدمة عمرها لانها عايشة كانت بوهم وكذبة اختي ولو بدي افترض وقلك ماعرفتني كانت حكت
حنين: بعدم حيلة الله يجبر بخاطركن ويقوي قلبكن هاد يلي بقدر قوله
عند طيف
بترفع راسها من على مخدتها وعيونها حمر متل الدم من كتر مابكيت عايشة حالة ضياع مابتعرف شي ماعم تقدر تعمل شي صراع بداخلها حيموتها بتمسح دموعها وبتمسك موبايلها وبتفتح على اسم مطر وبتبلش تكتب
طيف: مطري ليش مااجيت ستنيتك كتير وبتبعتها وبتغص بحروفها وبينزلو دموعها بتعرف يلي عم تعمله غلط بس بدها وقت لتقدر تستوعب مشاعرها وصدمتها بدها شي يهدي قلبها وتعرف تقرر
بيفتح الرسالة مطر وبينوجع اكتر
مطر:اسف كتير اجاني شغل طارئ وماقدرت اجي وحتى صار في مشاكل بالشغل ولازن سافر لااقدر حلها لهيك متجه على المطار هلق بس ارجع على البلد بحكيكي انتبهي على حالك 🖤 واتذكري اني حبيتك طيف وبيبعتها وبسكر موبايله نهائي
طيف: بتقرأ الكلمات ودموعها بتبلش تنزل بزيادة لا يامطر لاتعذبني اكتر انت هيك اثبتلي بكلامك انك انت نفسه انت اي بهالكلام عم تخبرني اني نهيت كلشي لااا لاا بترد عليه لوين رايح خبرني طيب كيف مابتقدر تحكيني رد علي مطر
شو يعني اتذكر انك حبيتي رد يامطر رد بتبلش تبعتله اكتر من رسالة وهو ببطل يرد عليها نهائي بتزت موبايلها بكل قوة وبتصرخخ لاااا لاااا لاتعذبني لاتعذبنيي بتوقع على الارض وبتبلش تضرب بايدها على الارض وتصرخ لاتعذبنيي وتبكيي لاتعذبنيي يامطر
بتدخل عليها شادية
شادية: بسم الله طيفي امي شبك
طيف: بترفع راسها وبتطلع على امها

شادية: بتركد على طيف وبتنزل لعندها ولي على قلبي ياامي شبك روحي ليش عم تبكي
طيف: بترتمى بحضن امها وهي ماعم تقدر تحكي من كتر شهقاتها ودموعها
شادية: ولي على قلبي لك احكي شبك طيف طيفي امي شبك
طيف: عم تحكي وتشهق امي اخخخ ياامي
شادية: بتضمها لقلبها اهدي ياعيوني اهدي وحكيلي
طيف: بتغمر امها بقوة وعم تشهق من قلبها وماعم تقدر تهدا
عند مطر
حنين: شو عملت
مطر: مابدي تشفق علي خبرتني اني ليش مااجيت وانا قلتلها ماقدرت اجي معناها ماعرفتني خبرتها اني حسافر ومارح اقدر حكيها وسكرت وماعاد رد

حنين: مطر انت عنجد عم تحكي هيك الواحد بواجه يلي بحبه
مطر: بيتطلع بحنين بكسرة ماعنديي حل ماعندييي لا بضل عم كذب عليها لا رح احكيلها الحقيقة هي ماعرفت ومابدي ياها تعرف نهيتها متل مابلشتها مالي قدران اكسر قلبها او ينكسر قلبي اكتر هيك احسن الي والها
حنين: مابتقدر تحكي شي كرمال ماتزعله وبتطلع
مطر: بس يشوف حنين طلعت بينهار وبيغمر راسه بمخدته وببلش يبكي بحرقة قلب وشادد على انفاسه وقاطع صوته
عند طيف
بتهديها امها وبتضل حاضنتها
شادية: هديتي ياعيوني
طيف: بتهز براسها
شادية: حكيلي مين مطر
طيف: بينزلو دموعها وبتحكيلها لاامها كلشي وهي عم تشهق
شادية: بتطلع بطيف نظرة حيرة وهلق شو
طيف: نهى كلشي امي بدون مايخبرني انو هو العاجز مو رفيقو مابدو ياني اشفق عليه بتاخد نفسها وعم تأشر لاامها على قلبها امي شو ذنبه يعيش الوجع والكسر عاشهن مرة بدو يرجع يعيشهن مرة تانية مني انا انا مابدي اتركه ولا مفكرة اتركه انا قلبي عم ينعصر اكتر من اي شي امي بس انصدمت وبدي وقت لااقدر وقف مرة تانية وارجع لعنده انا مستحيل اتخلى عنه مو شفقة او رحمة لا لا انا بحبه وخبرته هالشي انو لو نحطيت بنفس الموقف رح اختاره رغم كلشي مو طيف يلي بتتخلى عن حبها مارح سامح حالي اذا بصرله شي بسببي
شادية: بتتجمع لدموع بعيونها وبتمسك وشها بين ايديها عيوني طيفي انتي مالك ذنب لاتحملي حالك ذنب ياروحي انتي انتي هلق تركيه هالفترة حددي قرارك وشوفي يلي بناسبك واذا الشب نيته طيبة وبدو يجي يخطبك انا ماعندي مشكلة مهم تكوني انتي مبسوطة
طيف: بتضمها وبدها بس شي يخفف عنها
شادية: بتضل ضاممتها حتى تهدا وتنام بحضنها بتغطيها وبتطلع
بيمضي هاليوم وهنن دموعهن بتشرح يلي جواتهن كل واحد مفكر التاني مابيعرف بيلي عم بصير محتارين الوجع عم يتسرب لقلبه عم يحاولو يصدقو الكذب يلي عم يكذبوه على بعض كرمال بعض بس يلي مابيعرفو انو لتنين عايشين نفس الوجع ونفس الحيرة والصمت القاتل
تاني يوم
بتصحى طيف راسها تقيل وعم يوجعها وحلقها عم يوجعها من كتر البكى بتضل بتختها ومالها قدرانة تقوم
بيندق الباب وبيدخل مالك
مالك: طيفي صباحو شو كسلانة اليوم
طيف: مابترد عليه وبتضل ساكتة
مالك: بقرب عليها ياعمري شبك بحط ايده على جبيها بتكون حرارتها مرتفعة حرارتك مرتفعة امي يااميي
بتدخل شادية
شادية: شوفي ابني
مالك:طيف حرارتها مرتفعة خليكي عندها رايح جيب دوا
شادية: بتقرب من طيف وبتدوس جبينها يعمري روح ابني بسرعة جيب دوا خافض حرارة عم يوجعك شي
طيف: حلقي امي
شادية: وجيب دوا التهاب يلا بسرعة ابني
مالك: يلا يلا بينزل مالك على الصيدليه بيشتري دوا وبيطلع فورا
شادية: بتجيب كمادات مي باردة وبتحطهن على جبين طيف
مالك: بجيب كاسة مي وبيعطي الدوا لطيف
طيف: بتاخد لحبوب وبتتسطح وبتدور وشها وبينزلو دموعها
مالك: ليش عم تبكي طيفي
طيف: بتغص وبتكتم شهقاتها
مالك: حتتحسني ياروحي لاتبكي مرض خفيف بيمسحلها دموعها
شادية: قوم ابني روح على شغلك وانا جنبها
مالك: طيب امي اذا بدكن شي رنولي ماشي طيفي الله يعافيلي ياكي ببوس جبينها وبيمشي
عند مطر
اعد بتخته وعم يفكر بطيف وتعبان
بتدخل حنين
حنين: اخي جبتلك اللكل والدوا يلا
مطر: خديهن وطلعي حنين
حنين: لا بدك تاكل وتاخد الدوا صرنا بنص العلاج مافيك تقطعو
مطر: حنين اختي خديهن وطلعي لابدي علاج ولا اكل
حنين: ماحزرت بتمسك الحبة وبتقربها منه
مطر: بينتر ايدها وبتوقع الحبة وبصرخ عليها قالتلكك مابدي خلص مابدي مابدي
حنين: بتطلع فيه بصدمة
مطر: بينزلو دموعه مابدي مابدي
حنين: خلص اخي مابدك براحتك لاتدايق حالك
مطر: عم يحاول يمسح دموعه ويخبيهن
حنين: بتقرب منه وبتحضنه خلص كرمالي لاتدايق كرمالي
مطر: بشد عليها بدي صورة طيف

‏ الجزء السادس

حنين: بتطلع فيه كيف بقدر جيبها
مطر: روحي على الجامعة وسألي على رفيقتها تاليا مرة خبرتني عنها هي بجامعة علم النفس
حنين: رح حاول جبلك ياها تكرم من عيوني وهلق رايحة بدك شي تاني
مطر: بهز براسه بالنفي لا
بتلبس حنين وبتطلع على الجامعة وبتروح لعند ادارة الجامعة وبتسأل على طيف ورفيقتها بخبرو تاليا وبتجي على المكتب
بتدخل تاليا
تاليا: نعم دكتور
حنين: بتوقف انتي تاليا صاحبة طيف
تاليا: اي نعم انا مين حضرتك
حنين: ممكن نحكي على انفراد
تاليا: اي تفضلي
حنين: شكرا الك دكتور
دكتور الجامعة: ولو العفو
بتطلع حنين وتاليا وبينزلو لتحت على الكافيه وبيعدو
تاليا: تفضلي مين حضرتك
حنين: انا حنين بكون اخته لمطر
تاليا: تشرفنا انتي اخته لمطر يلي بتحكيه رفيقتي طيف
حنين: تماماً انا هي
تاليا: اهلين في شي
حنين: يلي رح احكيلك ياه بدي ياه يضل سر بينا حتى طيف ماتعرفه
تاليا: طيب تفضلي
حنين: بتحكيلها القصة كلها
تاليا: بتنصدم وشو المطلوب مني
حنين: مابدي تحسسيها بشي بس طلبي منك تبعتيلي صورتها
تاليا: بس
حنين: اي بترجاكي
تاليا: هاتي رقمك
حنين: بتعطيها رقمها
تاليا: بتسجله وبتبعتلها صورة لطيف
حنين: بتبتسم وقت تشوفها كتير حلوة ملامحها بريئة كتير
تاليا: اممم مو بس ملامحها بريئة حتى هي بريئة وقلبها ابيض وصدقيني حتلاقيها حترجع لعند مطر بس بحب خبرك طيف عرفت انو مطر مابيقدر يمشي امها خبرتني اليوم وصحية اليوم مالها قدرانة ومريضة وهي بعتت لمطر هيك كرمال تعطي فرصة لقلبها يقرر بس السيد مطر حب ينهي كلشي كرمال طيف لتنين عم يتعذبو ويعذبو بعض
حنين: بتتنهد انا مارح خبر اخي لان هو التاني ماعم يقبل شي لا اكل ولا دوا
تاليا: متل مابدك وانا مارح خبر طيف اني شفتك
حنين: ياريت اي شي صار رقمي معك خبريني
تاليا: ان شاءالله وانتي كمان
حنين: ماشي بتوقف صار لازم امشي تشرفت بمعرفتك وشكرا الك
تاليا: الي الشرف ولو اذا كل هالشي كرمالهن منعمل اكتر
حنين: يلا سلام
تاليا: سلام
‏
بتطلع حنين على مكتب صور وبتطبع صورة طيف وبترجع على البيت
بتدخل على غرفة مطر بكون اعد على كرسيه وصافن بالشباك
حنين: مطر
مطر: بيلتفت عليها وبعيونه عم يتوسلها انو تكون جابت صورتها
حنين: بتبتسلمه وبتفتح شنتايتها وبتطلع صورة طيف وبتمدها لمطر
مطر: بيتطلع بالصورة وبيبتسم وعيونه بتدمع بيمسك الصورة بايده وبيتطلع فيها بكل حب بقربها لقلبه وبضمها وبيرجع بشوفها وببوسها بيمسح دمعته وبيبتسم شكرا اختي
حنين: ولو يااعيوني تطلب روحي بعطيك ياها
مطر: بيبتسملها وبيمسك الصورة وببلش يتأملها بكل حب وشوق
بعد مرور ساعات
عند طيف
بتصحى على همس ايد امها على شعرها وعم تقرألها قران
طيف: بتطلع بأمها وبتبتسم يخليلي ياكي
شادية: بتبتسم صدق الله العظيم بتبوس جبينها كيف صرتي ياعيوني
طيف: منيحة امي منيحة اديه الساعة
شادية: صرنا بنص الليل مارضيت صحيكي قلت بتصحي براحتك
طيف: بتهز براسها
شادية: رح قوم جبلك اكل
طيف: لا امي لاتجيبيلي بدي ارجع نام
شادية: مابصير بنتي لساتك بلا اكل
طيف: صدقيني مالي نفس اكل شي بس بدي نام وارتاح
شادية: نامي ياروحي نامي
طيف: بتغمض عيونها بتعب وبتغفى
شادية: بتبوس جبينها وبتقوم على غرفتها
بعد ساعة
بتكون طيف نايمة وعم تحلم
#الحلم
بتكون الدنيا عم تشتي شتى قوي كتير
و بكون مطر بعيد عنها اعد على الكرسي وهي واقفة وعم تلتفت حوليها لتشوفه بتطلع بمطر وبتشوفه عيونه مليانة دموع وكسرة ومو قدران يتطلع فيها بيلتفت وبدو يمشي
طيف: بتصرخ باعلى صوتها مطرر مطرر لاتروح وبتركد وراه وهو ماعم يسمعها بتضل عم تركد وتصرخ وتبكي مطرر لاتتركنيي وقف وقف
بوقف مطر وبيطلع صوته
مطر: انا ماتركتك طيف انا موجود بقلبك انتي يلي عم تحاولي تتركيني راجعي قلبك ودوري علي حتلاقيني عم بنتظرك رح انتظرك طيف رح انتظرك وبكفي مشي وبيختفي
طيف: مطرر لاتروح مطررر بتوقع على الارض والمطر عم يبللها بترفع راسها على السما لتخطلت دموعها بالمطر وبيطلع صوت مطر بيتكرر عم بنتظركك
#باك
بتصحى طيف مرعوبة وانفاسها متسارعة وعم تهمس مطر مطر مطر بتحط ايدها على جبينها وبتطلع حوليها لتهدي حالها بتمسك كاسة المي وبتشرب منها

بتمسك موبايلها وبتفتح على محادثة مطر بتلاقي مسكر واخر ظهور اله من وقت ماحكاها اخر مرة ومو رادد على رسايلها بينزلو دموعها بقهر وبتهمس لحالها ليش عم تعذبني هيك ليش تركتني بحيرتي كنت بدي استمد القوة منك متل مااستمدت القوة مني هيك مشيت ونهيتها هيك يامطر والله انا بحبك مابدي شي غير تحكيني وحكون معك بس شوية وقت بس بتسكر الموبايل وبتضمه وبتحاول تهدي حالها هيك لترجع تغفى

#بعد_مرور_اسبوع
(بيمرق اسبوع وهنن على هالحالة كل واحد عم يلوم حاله وماعم يقدرو يواجهو الحقيقة لبعض ويعترفو بكلشي مطر تعب امتنع عن الاكل ولشرب لاعلاج عم ياخد ولاشي وكل مالها صحته عم تتراجع وعجزو اهله فيه بس مافي فائدة طول نهاره اعد قبال الشباك وماسك صورة طيف وبس اما طيف مو احسن من مطر حالتها نفسه لا اكل ولا شرب بالغصب بتاكل كم لقمة قدام اهلها كرمال مايحسو بشي )

المسا اعدة طيف على مكتبها وعم تقرأ محادثتها مع مطر شوي بينزلو دموعها وشوي بتبتسم وعقلها حينفجر من التفكير بتغمض عيونها للحظة لتسمع صوت المطر عم يطرق على الشباك بتفتح عيونها وبتبتسم وبتوقف وبتفتح الشباك وبتمد ايديها لتتبلل ايديها وبتمسح وشها وبتبتسم وبترفع ايديها للسما وبتدعي
طيف: يارب تهدي قلبي وتختارلي الطريق الصح يارب يارب
عند مطر
بكون اعد جنب الشباك وعم يتطلع على المطر وعم تتبلل ايديه
مطر: بيبتسم يارب احميلي طيف يارب ورجعها لقلبي اشتقتلك ياطيفي الاسبوع ببعدك كأنه دهر
عند طيف
طيف: بتفتح موبايلها وبتصور المطر وبتبلش تحكي بصوت مبحوح ومكسور المطر هو الذي جمعنا
لم اعلم إنك كالمطر يحمل الكثير من المعاني والاسرار الخوف والقوة الوجع والضعف
رحلت ورميتني خلفك كصندوق اسود في بئر الحيرة أصبح قلبي كالسحابة الرمادية وانت كالمطر الغزير الذي يتساقط الان بتبتسم وبينزلو دموعها وبتكفي حكي رحت وتركتلي المطر ليذكرني فيك رح ابعت قلبي مع المطر ليوصل لعندك وين ماكنت ويخبرك هالغنية بتشغل غنية وائل كفوري
( ياهوى روح وقله قله كتير اشتقتله لو بدو عمري كله بعطيه وبما ياحب ترده رح كمل عمري حده ناري تطفيله برده دفيي رده ياهوا لعندي قصرلي المسافات حامل بأيدي وردة اهاات وذكريات ) وبتنشره
بهالوقت بتفتح لستوري حنين بعد مااخدت الحساب من موبايل مطر بدون مايحس وبتسمع كلامها وبيوجعها قلبها عليها بتنزل على غرفة مطر وبتدق الباب
مطر: تفضل
حنين: بتدخل وبتشغل لستوري
مطر: بيسمع صوت طيف وعيونه بتدمع وقلبه بيرجف بيلتفت وبيتطلع بحنين
حنين: بعرف انك مشتاق لصوتها وحبيت سمعك ياه طيف مشتاقتلك يامطر

مطر: بأشرلها على الموبايل سكري سكري حنين
حنين: بتسكر الموبايل وبعدين بدك تضل ماترد عليها
مطر: اختي الموضوع منتهي وخلص
حنين: مارح ناقشك متل مابدك وبتلتفت وبتطلع
عند طيف بتسمع صوت ابوها عم يندهلها
كريم: بابا طيف تعي لعندي
طيف: بتسكر الشباك وبتطلع لعند ابوها نعم بابا
كريم: اعدي بنتي بدي حكيكي بموضوع
طيف: بتعد شو هو تفضل بابا
كريم: ابن عمتك وائل كان عندي وحكاني بخصوصكن وحكالي انو هو بحبك وانتي بتحبي
طيف: بتنصدم من كلام ابوها وبتوقف استنى بابا شو هالحكي يلي عم تقوله مين قلك انو انا بحب وائل
كريم: هو بنتي مافي داعي للانكار حكالي قصتكن وانا قبلت عليه انو يجي يخطبك ووافقت
طيف: بابا انا مابحب وائل ولا بعمري رح فكر فيه وحبه تمام هو عم يألف من عقله هالحكي اصلا انا كل رقمه مامعي ياه ولا بعمري حكيته غير لما يكون عنا وقدام الكل
كريم: بوقف شو يعني هلق ابن عمتك كذاب
طيف: تماماً كذاب وستين كذاب ولا بعمري رح اقبل فيه قال خطبة قال وبتجي لتمشي
كريم: بس انا حكيت كلمة قدام ابوه وكل الرجال ومارح اتراجع فيها
بيدخلو شادية ومازن على صوت كريم وطيف ومالك بكون مسافر على غير منطقة عم يشوف اجهزة للنادي
شادية: شوفي ليش صواتكن طالعة
طيف: بابا حكيت كلمة هي مشكلتك مو مشكلتي انا ماحكيت شي ولا رح اقبل بأبن اختك
كريم: بدك تكسري كلمتي طيف
طيف: انا ماعم بكسر كلمتك بس انا مابحبه لوائل الزفت ولا بعمري رح اقبل فيه لا هلق ولا بعدين
كريم: الشغلة عناد يعني وتكبير راس
طيف: اي انا مابينفرض علي لا وائل ولا غيره
كريم: طيب وشو رايك انو بكرا حيجو ونقرأ الفاتحة ياست طيف
طيف:وانا بقلك بتقرأها على روحي قبل ماتقرأها على خطبتي انا ما بحب وائلللل
كريم: بعصب اكتر بتحبي مطرر المعاق
طيف: بتنزل الكلمة متل لرصاصة بقلبها بتلفت على امها وبتطلع فيها امي
شادية: بتنزل راسها بعدم حيلة
طيف: بعيون مدمعة متل الجمر بتطلع بأبوها بقوة اي بحبو ومارح اتزوج غيره ومطر ماله معاق نحن المعاقينن عم تفهم بابا بتصرخ اكتر عم تفهمم
كريم: بيرفع ايده وبيضربها كف على وشها
مازن: لا بابا شو عملت بقرب من طيف وبيمسكها
طيف: بتحط ايدها على خدها وبتطلع بابوها وعيونها مليانة دموع وبتحكي بقهر صدقني لو بتضربني مية كف مارح اخد غير مطر يلي حكيت عنه هلق معاق ماشي بابا ماشيي وبتلتفت وبتركد على غرفتها

بتركد طيف على غرفتها وبتسكر الباب وبتنزل على الارض وبتعد وبتركي راسها على الباب وبتبلش تبكي بوجع لا لا مستحيل لو بدي موت مارح كون غير لمطر بتدفن وشها بايديها وبتبلش تبكي بزيادة

(بالصالون)
مازن: بعصبية مكتومة بابا انت كيف هيك بتعمل بتضرب طيف طيف يابابا يلي بعمرك مازعلتها بكلمة وحدة
كريم: بيعد على الكنباية بتأنيب ضمير بغمض عيونه استغفر الله هي استفزتني قال بدها تتزوج واحد
مازن: معاق متل ماحكيت بابا بعمرها الاعاقة ماكانت بالجسد الاعاقة هون وبحط ايده على عقله بالتفكير بابا ممكن انت تسرعت وقت حكيت هالكلام رجاع فكر بالحكي انت مو بس اذيت طيف بكلامك اذيتنا كلنا واذيت نفسك بعمره ماكانت الزلم بشكلها الزلم بأخلاقها وتربيتها ويمكن هاد الشب يلي حكيت عنه يكون احسن من الزفت ابن اختك بمية مرة
كريم: وانت عم تحكي هيك كمان انا حكيت كلمتي وموافق ومارح اتراجع قدام العالم
مازن: بيضحك بمسخرة وبيوقف وبيلتفت على ابوه حتى لو انت موافق على وائل يكون بعلمك لا انا ولااخي مالك موافقين ولا طيف وهالشي هاد مارح يصير لو بدنا نوقف بوشك بابا لاتواخذني بس كلامك مو منطقي بنوب ومارح يصير
كريم: بوقف بعصبية كمان انت ولاك بدك توقف بوشي
شادية: بتمسك كريم مشان الله خلص خلص شو صرلكن
مازن: بيتطلع بأبوه وبهز براسه وبيطلع
كريم: شايفة تربايتك لوين وصلتنا ولادك بدهن يوقفو بوشي
شادية: بتطلع فيه بقسى تطلع فيني كريم انا وقت حكيتلك كرمال اذا اجا الشب تعرف شو تطيب خاطر طيف مو تروح انت وابن اختك تخبصو وتضرب البنت
كريم: لك يابنت الحلال وائل اجا وخبرني هالحكي وانا نحرجت قدام ابوه والزلم وقلتله اهلا وسهلا شو بدك ياني اعمل وبنتك عم ترد كلمتي واكلت نصيبها وطول ما انتهت علاقتها مع الشب ابن عمتها اولى فيها
شادية: بتطلع فيه بغل تصتفل وبتمشي على غرفتها
مازن: بقرب من غرفة طيف وبدق الباب طيفي افتحيلي ياعمري
طيف: بترفع راسها وبتقوم بتفتح الباب وبتطلع بمازن
مازن: بيدخل وبسكر الباب وراه وبيتطلع فيها بحنية وبيفتحلها ايديه
طيف: بتشهق وبتركد وبتتخبى بحضنه وبتبلش تبكي
مازن: بشد عليها وبيمسحلها على شعراتها بحنية اهدي ياروحي اهدي طيفي ويلي بدك ياه رح يصير صدقيني
طيف: بترفع راسها وبتطلع فيه اكيد
مازن: بيبتسم ليش ابو الميز بقول شي ومابكون اكيد انا ابو المزون يلي مافي شي عليه بهون
طيف: بتضحك بنص بكاها هههه
مازن: اي هيك ها ضحكي يانفسية عصبية وام بلوزة مهرية ههههه
طيف: بتضحك هههههه بتضربه بخفة تضرب شو مهضوم وبتضحكني
مازن: ههههه اي دخيل هالضحكة

طيف: بترجع بتحضنه لو مالك هون
مازن: بيتطلع فيه ماعاجبينك ست طيف
طيف: تضرب ماقصدي هيك مبلا بس لو بيدرى مالك كان فعوسه لوائل الزفت
مازن: وهي جايته هالفعوسة اذا مابخليلك ياه يمشي ويحكي حاله مابكون مازن انتي بس لا تزعلي حالك وانا حشوف شغلي
طيف: يخليلي ياك
مازن: ويخليلي ياكي نفيستي
طيف: بتضحك هههههه
مازن: هههههه ابشني هالضحكة
طيف: بتبتسم بعيد الشر
مازن: انا بغرفتي بدك شي تعي لعندي او اندهيلي ماشي
طيف: ماشي لا تاكل همي روح ارتاح
مازن: بيبتسم وبيطلع
طيف: بتتنهد وبتعد على تختها بعدم حيلة وهلق كيف بدي اوصل لمطر انا مستحيل اتركه مستحيل برن موبايلها بأسم تاليا
بتفتح وبترد
طيف: الو
تاليا: الو طيفي كيفك
طيف: كيفني هه منيحة انا وانتي
تاليا: شبو صوتك بكيانة؟
طيف: اي
تاليا: من شو
طيف: بتحكيلها القصة وشو حكالها ابوها
تاليا: لعما لعما كل هاد صاير وشو بدك تعملي هلق!؟
طيف: مابعرف ايدي مربطة تاليا بدي اعرف عنوان مطر لااقدر شوفه انا مستحيل اتركه بدي شوفه وحكيه وهو ماعم يرد علي ولاعلى رسائلي غرقانة ببحر كبير ومالي عرفانة اطلع منه لازم شوف مطر لنصلح كلشي
تاليا: انتي متأكدة بدك مطر طيف
طيف: لكن شو فيها لعب هالشغلة تاليا انا بحبو لمطر بحبو ومستحيل كون لغيره عم تفهمي علي تاليا انا بس مالي قدرانة اوصل اله قطع التواصل الوحيد يلي بينا حتى على رقمه ماعم برد موبايله مغلق
تاليا: طيف تركيها علي
طيف: شو حتعملي
تاليا: بكرا الصبح بكون عندك عنوان بيت مطر
طيف: عنجد عم تحكي تاليا لا تخيبيلي املي
تاليا: عم قلك وعد خلص
طيف: طيب مأمنة فيكي انا لازم بكرا بكرا
تاليا: بكرا الصبح عم قلك بيوصلك العنوان
طيف: طيب بنتظارك بدك شي
تاليا: سلامتك
بتسكر الموبايل وبتوقف على الشباك بتاخد نفسها بعمق وبيرجف قلبها من نسمة الهوا يلي بتدخل على ضلوعها
وبتمضى هالليلة عيون طيف ما نغمضلها جفن عم تمشي بغرفتها وتبكي ومو طالع بأيدها تعمل شي هيك للفجر
بتسمع اذان الفجر بتوقف على الشباك وبترفع ايديها ودموعها نازلة يارب لاتتعب قلبي اكتر وتيسرلي اموري وتدلني على الطريق الصح يارب بتمسح وشها وبتطلع بتوضى وبتمد سجادتها وبتلبس غطا صلاتها وبتصلي الفجر وبعدها بتتسطح على تختها لتغفى من تعبها