مرام :اوكي شكرا ....ثم اخرجت من حقيبتها ٥٠٠ دولار واعطتهم له وقالت له ان لا يخبر احد
............
في السيارة احمد يقود ومرام تجلس بجواره
مرام : وهلق شو رح نعمل
احمد : ولا يهمك عندي
مرام : كيف عندك فهمني اياها
احمد " راس الخيط هو ياسر الي قال عليه الناطور واكيد رح يساعدنا
مرام : وكيف بدنا نوصلو لياسر
احمد : هههه سهلة رح نخطفو
مرام : شوووو نخطفو انت اكيد جنيت
احمد : لا ما جنيت بنخطفو وبنهددو وبنعطيه مبلغ محترم واكيد رح يساعدنا
مرام : بنفكر بالموضوع .....احمد ممكن اطلب منك طلب
احمد : احكي عم اسمعك
مرام : بدي اياك تتصل برقم يوسف وتحكي معو
احمد : هههه ليش قلو لقيتلك مرام
مرام : صحيح انك بايخ
احمد : صح ليش صورتك كانت مع الناطور وليش يوسف عم يدور عليكي
مرام : انا فكرت فيها كتير وبرمتا بعقلي هو اكيدماعرف انو انا مظلومة بس الله اعلم شو كان ناوي يعمل فيني لحتى يبرد قلبو لانو انا هلق بنظرو خايني
....المهم هلق دقلو
احمد : وشوبدي قلو
مرام : انت دق ولا تحكي شي
اتصل احمد بالرقم الموجود على الصورة وفتح السبيكر ....فتح الخط
يوسف : الو ...الو ...مين معي ...الووووو ...
مرام كانت تضع يديها على فمها وانفها لكي تخفي صوت انفاسها العالية وكان قلبها يدق وكأنه سيخرج من بين اضلاعها والدموع تنزل من عينيها
مازل يوسف يتكلم :الووووو ....اذا مابدكن تردو انا رح سكر الخط ....الو مرام هيدي انت ....الووووو
مرام انصدمت عندما سمعت اسمها واشارت بسرعة الى احمد لكي يغلق الخط ....اغلق احمد الخط ..واقترب منها ووضع يده على كتفها وبدأ يطبطب لها
احمد : خلص مرام اهدي قلتلك انو مالازم نتصل ...وهلق شو رح نعمل يمكن فكر انو انت الي عم تتصل
مرام تمسح دموعها بيديها : ارجع اتصل فيه وقلو انك مخربط وانو لما اتصلت اول مرة راحت التغطية
احمد :حاضر بس انت سكتي وحاج تبكي انت قوية ومازلام تضعفي بعرف انك لسه بتحبيه بس لانتسي في حاجز كبير بيناتكن .....اتصل مرة اخرى
احمد :الو ...مرحبا حضرتك مسيو ناجي
يوسف : اهلا ..لا ياخيي غلطان
احمد : اااه سورري ...يمكن غلطت بالرقم ...ولاتعذرني لاني اتصلت بحضرتك بس اول مرة راحت التغطية من عندي
يوسف : عادي ولا يهمك
اغلق الهاتف احمد ونظر الى مرام : هلق سمعتي صوتو ريحتي قلبك ...هلق بدنا نبدأ بخطتنا ....
مرام : اوك ...يلله امشي ....
ومر يومين ومرام واحمد وعلي يراقبون الوضع ...وجاء وقت تنفيذ الخطة
في المساء في غرفة تحت الارض تقع تحت مستودع تابع للشركة ...ياسر مغمض العينين ومربوط على كرسي .... وكان يصرخ مين انتو وشوبكن مني
دخلت مرام وكان احمد على يمينها وعلي على شمالها
مرام " علي من بعد اذنك شيل الربطة عن عيونو
اقترب على وشال الغطاء عن عيونه ....
فتح ياسر عيونه وجاءت عينه على مرام وعرفها لكنها هية لم تعرفه لانها لم تنتبه عليه يوم الحادثة ...
ياسر : مراا مرام ...هيدي انت
نظرت مرام اليه بصدمة : انت بتعرفني
ياسر : اي بعرفك ليش انت مابتعرفيني
مرام : لا ....كيف بدي اعرفك وانا ولا مرة شفتك
ياسر : انا كنت موجود هيداك اليوم
مرام : بس انا ما انتبهت ....المهم انت بتعرف ليش جبتك لهون
ياسر : ببوس ايدك يامرام انا مادخلني ...هنن ..هنن
مرام : بعرف كلشي
ياسر :شو المطلوب مني وانا جاهز اذا بتحبي بروح لعند يوسف وبعترفو بالحقيقة ...بس مشان الله اتركيني ولا تأذيني
مرام : هههههه لا ماحزرت ...ومابدي يوسف يعرف شي انا معد يهمني لايوسف ولا غيرو
ياسر :شو المطلوب
مرام : اذا تعاونت معنا اول شغلة بوعدك انك ماتنضرب وتاني شغلة رح اتركك تروح وتالت شغلة رح ساعدك ...شو قلت
ياسر : انا من ايدك هاي لايدك هاي
مرام : اصبح احكيللي كلشي من الاول لليوم شو عم يصير ....انا هلق تقريبا بعرف جزء من القصة بس بدي اسمعها كاملة يلا احكي
ياسر : حاضر حاضر ....مها بتكون صديقة قديمة لنيرمين وكانت تشتغل معها نفس الشغل بس بعدين تركت ومعد اشتغلت معها لانو مها اتعرفت ع يوسف وهو كان يصرف عليها وضلت هيك ع هالحالة يمكن لحتى ظهرتي انتي وصرتو تحبو بعضكن انتو ويوسف واجت لعند نيرمين واتفقت هية واياها مشان الي عملوه معك وانت بتعرفي ...وانا كنت دق ليوسف وابعتلو صورك وانا الي خبرتو عن العنوان وقلتلو مشان يجي يلقطك بالجرم المشهود ...وهيدي هية كل القصة
مرام : اممم ....انا بدي منك تساعدني مشان نكمشون للدرك وبدنا دليل
ياسر : الدليل موجود
مرام : وينو وشوهو ؟؟
ياسر :فيديوهات ...نيرمين حاطة بالبيت كاميرات مراقبة مشان تستغل الزباين وتهددهم مشان يعطوها مصاري ...وكماااااان
مرام:كمان شو احكي

ياسر : بصراحة الي صار هداك اليوم معك مصور
مرام : شووو انت متأكد ..
ياسر : اي متأكد ...مشان تستغل فيهم مها وترجع تشتغل معها
مرام : يعني مها عم تشتغل مع نيرمين
ياسر : اي اي صح
مرام : كتير حلو ....هلق بدي منك تروح ع بيت نيرمين تجبلي الفيديوهات لعندي ...ورح اعطيك خمس الاف دولار ...والمهم الفيديو الي انا فيه هيدا اهم واحد ...وهلق رح نفكك لانك باين عليك جبان واعترفت من غير ولا كف ...وبتروح بتنفذ الي قلتلك عليه واذا حاولت تلعب بديلك رح يكون عقابك الموت ...واصحك حدا يعرف انك كنت مخطوف او انك شفتني
ياسر : حاضر ...حاضر ..بس ايمت رح تعطيني المصاري
مرام : لحتى تجبلي الفيديوهات واذا كملت معي للأخير ونفذت كلشي رح ضاعفلك المبلغ
ياسر : عنجد
مرام : اي عنجد ....علي فكو خليه يروح
علي : حاضر
ذهب ياسر وكان فرح جدا ...لكنه تذكر ان الفيديو الذي مصورة به مرام يوجد منه اكثر من نسخة وبدأ يقول بنفسه : وانا من وين بدي اعرف وين نيرمين حاطة كل النسخ ...مارح جبلا غير نسخة اصلا هية مابتعرف ....بس مرام من وين جابت كل هالمصاري ....ههه واخيرا رح اخلص من وسخ نيرمين
....................
احمد : مرام انت متأكدة انو مارح يلعب من ورا ضهرنا
مرام : لا مابظن ...انت ماشفتو حكا كلشي من غير ولا كف .... وكيف فرح لما عرضت عليه مصاري
علي : وانا رأيي من رأي مرام ...مابظن يحكي
...........
في المساء في نفس المستودع جاء ياسر معه كل الفيديوهات اخذت مرام الفيديو الذي يخصها ...وتكلمو قليلا عن الخطة
ياسر : اناااا مستحيل اعمل هيك ...بدك ياني سلم حالي للدرك
مرام : اي لانو انا مابدي اظهر لا انا ولا اي حدا بيقربلي ....لانو اذا نحنا خبرنا عنهم رح ندخل بسين وجيم وبصير بدون يعرفو شو دخلنا مشان هيك انت انسب شخص بتسلم حالك وبتعترف ...وانت اصلا مانك مشتغل معهم شغلهم القذر ومافي شي بيسبت هالشي وبعدين لاتخاف بالمبلغ يلي رح اعطيك اياه بتوكل احسن محامي وبتطلع خلال اشهر قليلة ...شو قلت
ياسر : بسسس ...
احمد : بس شو ...بدك ولا لأ
ياسر : اشقد رح تعطوني
مرام : اشقد بدك
ياسر : مية الف دولار ....
مرام : والمية صارت الك ...خمسين قبل وخمسين بعد... وهلق روح وفرجيني شطارتك
ياسر : بس انا عم قول
مرام : احكي
ياسر : عم قول مابدي نيرمين تعرف انو انا الي بلغت عنهم
مرام : انا مادخليني هيدي شغلة بينك وبين الدرك اتفق معهم وعطيهم العنوان والمعلومات وعطيهم الفيديوهات وارجاع ع البيت وبيجو الدرك وبيلقطوكم
واذا بتكون مها بالبيت لما بيجي الدرك بكون افضل
ياسر: اوكي اصلا اليوم مها عندها موعد مع زبون المسا
نظرت مرام الى الساعة التي بيدها : اوكي هلق الساعة خمسة الساعة الثامنة انا رح كون قدام البناي وبدي راقب كلشي واصحك تكون عم تلعب بديلك واي حركة هيك او هيك امك واخوتك تحت ايدنا وبتعتبر حياتهم خالصة
ياسر : والله مارح اعمل اي شي والمسا رح اكدلك
..................
الساعة الثامنة امام العمارة تقف سيارة مرام وبداخلها مرام واحمد وعلي يراقبون الوضع وبعد قليل رئو مها تدخل العمارة
.................
في منزل نيرمين
طرقت مها الباب ودخلت
نيرمين: اهلا اهلا
مها بقرف : انت معد تحلي عني انا مليت منك ومن القرف الي عم تشغليني اياه لو بعرف هيك ماكنت طلبت منك تساعديني بخصوص البطيخة مرام
نيرمين : محدا ضربك ع ايدك وقلك تطلبي مساعدتي
مها : من الاخير شوبدك لحتى تعطيني الفيديو
نيرمين : هههههههه ماحزرتي هيدا الفيديو غالي وغالي كتير ....انا بمجرد اني اعطيه ليوسف بيعطيني يلي بدي اياه
مها : وانت مفكرة يوسف اذا عرف مارح يعملك شي انا وانت اجرينا بالفلقة سوى
نيرمين : يلله ياحلوى فوتي وجهزي حالك الزبون رح يوصل
مها : بسيطة يانيرمين اذا مابحصل ع الفيديو بطريقتي مارح يكون اسمي مها
نيرمين : ههههههههههه وانا مشان هيك عاملي حسابي وعاملي منو اكتر من نسخة وكل نسخة مخباي بمحل الجن الازرق مابيعرف وينها ههههههه
مها : اووووووف منك لك الله ياخدك لارتاح
نيرمين : ياااسر
ياسر : حاضر يانيرمين خانم امري
نيرمين : اعملي فنجان قهوة وجعتلي راسي هيدي الحقيرة
مها : ماحدا حقير وانت موجودة
نيرمين : ههههههههههههههه
...............................
مرام : معقول ياسر ماخبر الدرك ...اتأخرو كتير
احمد : طولي بالك عم ننطر
مرام : والله اذا بكون عم يلعب بديلو لخلي ايامو سودة
احمد : مابظن ...لانو ياسر شخص جبان
علي : مرام احمد ليكو الدرك اجو وعم يحاوطو المنطقة
مرام : يسسس ....واخيرا اجا اليوم يلي كنت عم انطرو
.....................................

في منزل نيرمين ينطرق الباب بقوة
نيرمين : مين عم يدق ع الباب هيك ...ياسر روح شوف مين
ياسر:حاضر حاضر ...ذهب وفتح الباب ودخلت عناصر الدرك
نيرمين بصدمة :شو عم يصير هون ...
الضابط حيدر : والله وقعتي يانيرمين وماحدا سما عليكي
نيرمين خافت لكنها تظاهرت بالقوة : ههههههه اهلين والله بحيدر باشا ....وان شاء الله هل المرة معكم دليل ولا بدكم تظلمونا متل كل مرة
خرجت مها من الغرفة كانت تلبس فستان سهرة قصير
مها : نيرمين شو عم يصير هون
نيرمين : لا تخافي فوتي ع غرفتك ...كالعادة بيجو بفتشو ومابلاقو شي
حيدر : ههههههه وحياتك هالمرة غير ...ومعنا دليل ودليل قوي ....ياعناصر القو القبض على كلشي موجود وفتشو البيت منيح وكلشي بتلاقوه قدامكم جيبوه بيلزم
نيرمين : انت كيف بتسمح لحالك ...وبعدين انت مامعك دليل بيسبت إيدانتنا .....
حيدر : هههه وحياتك كلشي موجود بين ادينا ...ومشان وضحلك اكتر ...نحنا كنا حاطين جاسوس ببيتك وانت مابتعرفي وهالجاسوس جبلنافيديوهات انت مصورة فيهم الزباين مشان تستغليهن ....ومتل مابقول المثل من حفر حفرة لاخيه وقع فيها ...وهالفيديوهات هلق صارو دليل ضددك ...شو رأيك
نيرمين: بس انا بس
حيدر :اخرسي ولا كلمة .....يلله ياعناصر نفذو الي قلتكم عليه
العناصر : امرك سيدي
مها : بس انا مادخليني هية الي ورطتني
حيدر :ههههههه هلق بالمخفر بنعرف كلشي وبنقعد نحنا وانتو وبنتفرج ع الفيديوهات وكل شخص بيظهر فيهم رح نجيبو ورح ياخد عقابو .....ههههههه شو مفكرين البلد سايبة ومافي قانون بسيطة انا بفرجيكن

دخلو العناصر واحضرو جميع الاشخاص الموجودن في الشقة ووضعو بيديهم الكلبشات وكان عدد الموجودن ١٥ شخص بين نساء ورجال
وبعدها انتهى العناصر من تفتيش الشقة
احد العناصر :سيدي فتشنا الشقة منيح وهيدي يلي لقينا " ووضعو على الطاول مال وذهب وفيديوهات كثيرة وحبوب مخدرة
حيدر : ياسلام شي حلو كمان عم اتاجرو بالمخدرات....يا ابني جبيهم والحقتني
ونظر الى عنصر اخر وقال : انت بتختم هيدي الشقة بالشمع الاحمر
العنصر : حاضر سيدي
نزل حيدر ومعه العناصر كانو يجرون نيرمين ومها وياسر وباقي المعتقلين....
..........................
في السيارة مرام تراقب الوضع والفرحة بعينيها
مرام :الف حمد وشكر الك يارب ...واخيرا شفتون متل الكلاب عم ينجرو ع السجن
احمد :الله كبير .....وهلق شو بدك تعملي
مرام : خلينا واقفين شوي لحتى اشبع من هالمنظر وبعدها رايحين
احمد : اوكي ...واقفين شو ورانا
وبعد قليل خفت التجمعات وذهبت سيارات البوليس
مرام : احمد امشي ...
مشا احمد بالسيارة اتجاه فيلات مرام
مرام : احمد انا بدي سافر بكرى
احمد : ليش مستعجلة
مرام : مابعرف قلبي عم يقلي لازم سافر ...وانت ضل هون وخبرني بالتطوارت
احمد : اوكي ....متل مابدك هلق بحجزلك ع اول طيارة مسافرة بكرى .......مرام انا عندي سؤال
مرام : احكي عم اسمعك
احمد : شو رح تعملي بالفيديو يلي جبلك اياه ياسر
مرام : هههه عملت وخلصت
احمد :شو عملتي
مرام : حرقتو
احمد : شوووووو..... ليش لك هيدي الفيديو دليل على برأتك
مرام : انا بعرف انو انا برئية ...وبعدين لمين بدي قدمو كدليل لبرائتي
احمد : ليوسف لازم يعرف الحقيقة
مرام دمعت عينها : لو كان بحبني وبيثق فيني كان سمعني ....وانا خلص شلتو من حياتي ورجاءً لاتذكري فيه مرة تانية
احمد : انا اسف ....بس انت هيك عم تغلطي ...وانت يلي عم تضيعي حب حياتك
مرام والدموع في عينيها : هو هيك هيك ضايع ....وانا ماممكن سامحو بالعملو فيني والضرب والاهانة والكلام الجارح يلي سمعني اياه اصغر كلمة قلي اياها ياشرشوحة
احمد : بس كمان هو يلي شافو ماسهل يعني شاف حبيبتو وخطيبتو بحض واحد تاني ...وهو كمان بكون مجروح كتير ....يعني ع القليلة كان لازم تبعتيلو الفيديو مع حدا مشان يعرف انك برئية وشريفة وساعتها اذا بدك لاترجعيلو .....
مرام :حاسستك واقف معو
احمد : يا مرام يامرام انا واقف معك ومعو لانو انتو الاتنين كنتو ضحية لعبة وسخة ومتل ماانتي عم تتعذبي وهو كمان بكون عم يتعذب لاتكوني حقودي
مرام : احمد مشان الله حاج تحكي والفيديو خلص حرقتو ومعد ينفع الندم وهيك احسن خليه يشوف حياتو ويبلش من جديد لانو اذا عرف الحقيقة يمكن يدور علي ويضل طول عمرو معلق حياتي فيني وعم يحس بالندم
احمد : ليش لحتى يضل طول عمرو عم يدور عليكي ....ارجعيلو وكملو حياتكم انتو بتحبو بعض ولا مانك ناوي ترجعيلو
مرام : احمد خلص ... لاتحسسني بالندم والفيديو احترق ومعد معي دليل لحتى ارجعلو وانا كمان بدي كمل حياتي ومابدي ارجع لورا ولا خطوة
احمد : خلص سكتت ....وبدي قلك انك رح تتعذبي كتير وانت بعيدي عنو وانت كان بأيدك ترجعي حبك

مرام : اه يعني انت لو كنت مكاني كنت عملت نفس الشي ....واصلا انا كنت بدي انتقم من يوسف كمان بس بعدين تراجعت قلت يلي فيه مكفيه
احمد : مابعرف وانت كمان معك حق ويلي شفتيه منو كان قاسي مابعرف احسن الشي ....
مرام : احسن ...وهلق تصبح على خير
احمد : وانت من اهلو
............................
عادت مرام الى دبي
بعد يومين في الجامعة في دبي
موبايل مرام يرن
مرام : الو هلا احمد
احمد : كيفك مروم
مرام : تمام الحمد لله قلي كيف الوضع عندك
احمد : عندي الك اخبار حلوة
مرام : عنجد يلله خبر
احمد : اليوم كانت المحاكمة وانحكم على نيرمين عشرين سنة ومها انحكمت خمس سنين
مرام : اها ...ونيرمين ليش عشرين
احمد : لانو كمان متهمة بقضية مخدرات
مرام : خرجون الله لايقيمون ..وياسر اشقد انحكم
احمد : خمس اشهر لانو ما سبت عليه شي
مرام : اوكي وايمت راجع انت والله ماعم لحق ع الجامعة وعالشغل وبعدين ماعم اعرف اشتغل بدونك
احمد : هههه لا انت مابينخاف عليكي وبالشغل انت صرتي احسن مني فلا تتحججي مشان ترمي كل الشغل علي
مرام : اووف منك المهم ايمت راجع
احمد : حوالي اسبوع لانو بدي اطمن ع الشغل هون وبعدها طالع لعندك
مرام : اوك باي
احمد : باي
......................................................
*******باااااك*********
مرام :وهيدا كان انتقامي لمها ونيرمين ...وهيدي هية كل قصتي
ليلى : والله برافو عليكي ...بس انا بقول مها بتكون طلعت من السجن
مرام : مابعرف الله لايوفقا وين وماكانت
ليلى : ويوسف مابتعرفي عنو شي
مرام : لا مابعرف شي من يوم الي شحطني من بيتو ولليوم ...بس بتعرفي بتمنى شوفو اشتقتلو كتير ..بس بعد شو صرلي سبع سنين بكون نسيني وويمكن بكون اتزوج
ليلى : خلص انسي يمكن الله ماكاتبلكون تكونو لبعض
مرام : بتعرفي اليوم كان عندي اجتماع معو بس هو مابيعرف انو انا مرام
ليلى : شوووو عم تحكي جد ...وشو عملتي
مرام : ماعم
#يتبع

#مرام
#بقلم_مريم_اليوسف

#الجزء_الحادي_عشر

في المطعم يجلس يوسف وكرم وسليمان وعمر
كرم : يوسف ليش ما اجا الدكتور محمود
يوسف : حكيتو قال عندو شغل واذا خلص بكير رح يجي
كرم : والله ماني مصدق اني قاعد معكم
سليمان : ههههه لا صدق ....
كرم : اي خبروني عنكم شوي
سليمان : انا بخبرك هيدا ياسيدي عمر صار عندو ولدين الكبير اسمو يوسف ع اسم خالو والتاني اسمو امين
كرم : اهلين والله بأبو يوسف
عمر : اهلا فيك
سليمان : وانا متل مابتعرف تجوزت من ٤ سنين من نسمة وعنا بيبي صغير اسمو جاد واخوك يوسف متل مابتعرف خاطب بنت ممدوح يلي بيشتغل عندو بالشركةبقسم المحاسبة بنتو اسمها رزان يعني مافي شي جديد
كرم : الله يهنيكم يارب ....وانا متل ما انا لاخاطب ولا متزوج لسه مالقيت بنت الحلال هههههه
يوسف : معك معك بتلاقي
كرم : يوسف انا من اول ماجيت وانا ملاحظ في حزن بعيونك وياترى معقول هالحزن سببو مرام
يوسف تنهد : اااااااخ ياصاحبي لو تعرف شو عملت فيني مرام
كرم : صح يوسف شو سبب الخلاف بينك وبينها
يوسف : مابعرف احكيلو سليمان انت
سليمان حكا لكرم كل الذي حلص حتى وصل الى يوم الذي سافر به يوسف الى عائلته الى باريس
سليمان : وهي انا حكتلك كلشي ...والباقي عند يوسف
كرم : كمل يوسف شو صار معك بعد مافليت ع باريس
يوسف : كنت منهار لما وصلت وكنت حاسس قلبي عم ينذف ...وامي وبيي لما شافو حالتي هيك بسرعة دقو لمحمود صهري وراح لعنا ع باريس ...وبعد محاولات كتير وهنن يسألوني شو صار معي قلتلون انو انا ومرام تركنا بس ماقلتلون السبب وهنن ما اقتنعو ودقو لسليمان وسليمان الله يخليه حكالون كلشي ...المهم ضل محمود شهرين وهو يعالجني لحتى تخطيت هالصدمة ....ورجعو اهلي ع لبنان وانا ضليت هنيك وبعد شهر لحقتون ....وانابهالاشهر كنت عم موت واتمنى لو بس شوفها لمرام ولو حتى من بعيد ...اي رجعت ع لبنان ...واول مكان رحت عليه هو على حارتها
****************************
*********فلااااااش باااااك ********
في حارة مرام القديمة يقف يوسف وهو يتمنى ان يرى مرام ولو حتى من بعيد ..لكن وبعد طول انتظار لم يظهر احد وذهب الى منزله
في منزل يوسف
منار : الحمد لله ع سلامتك ياحبيبي ايمت جيت
يوسف : من ساعة
منار : ليش ماخبرتنا كنا رحنا جبناك من المطار
يوسف بأبتسامة مزيفة : حبيت اعملك مفاجئة ياست الكل
منار : واحلا مفاجئة والله ....انا صدقت ترجع متل اول تقبرني
يوسف : ماما بدي اسألك الخالة سلمى بعدها عم تشتغل عنا
منار بتلبك : اااااه ....بصراحة لا قلعتها بعد يلي عملتو بنتها فيك وقلتلا لاتفرجيني وجها مرة تانية
يوسف : ليش هيك عملتي ياماما يعني هية شو ذنبها اذا بنتها وحدة فلاتانة
منار : لانو الحق ع التربية لو انها مرباي بنتها منيح ماكنت طلعت هيك
يوسف : اوك ....انا طالع ع غرفتي ارتاح
منار : اي ياحبيبي انت روح ارتاح لبين ماخبر بيك واخواتك وفرحهم انك رجعت ورح اعزمون ع الغدا
يوسف : اوك ...وصعد الى غرفته
منار :ياربي ليش كذبت عليه ....بس والله هو يلي فيه مكفيه يعني لو قلتلو انو رحت سألت ع سلمى وبناتها وخبرت انو سلمى وبنتها الصغيري ماتو ومرام مفقودة محدا بيعرف عنها شي كان زعل كتير عليهن خلص هيك احسن خصوصا هو بحبها كتير لسملى اكيد كان رح يزعل عليها كتير
.........
دخلت يوسف الى غرفته بعد ثلاثة اشهر ...وبدأ يتأمل كل شيء بها لانه اشتاق لها كثيرا ....ذهب وجلس على السرير وسند رأسه بين كفيه ...بدأ يقول : يارب ايمت رح اخلص من هالوجع بس والله ماني قدران انساها او اكرها ...انا اشتقتلا كتير يارب تصبرني ورفع رأسه ولفت انتباهه صندوق متوسط الحجم موجود على الطاولة ...وقف وذهب الى الصندوق فتحه ووجد به لعبة العروس التي اشتراها لعبير والسلسلة التي كانت برقبة مرام وصور مقصوصة بالمنتصف كانت توجد فقط شخصيته بالصور وشخصية مرام ليست موجودة وظرف فتحه ووجد بداخله نقود وقام بعدهم ووجدهم سبع الاف دولار ورسالة فتحها وقراها ( نحنا هيك بنكون تخالصنا وهيدي الغراض الي جبتلي اياهن والخمس الاف دولار الي دفتعون لعمية عبير وفوقهم الفين هدول مشان العزايم والطلعات والسهرات الي كنت تدفعهم لما نكون مع بعض وكلمة اخير "شكرا كتير " مرام) مزق الرسالةبيده : حقيرة انت وحدة حقيرة بعد ماجرحتيني عم تقولي شكرا ....ااااااخ لك ليش ليش عملتي فيني هيك ....كان بدك شوي مصاري وبتصيري احلا اميرة ...بس طلعتي وحدة شريرة .....
...........................
نزل يوسف وقت الغداء وكان الجميع ينتظره على مائدة الطعام وقام الجميع وسلم عليه
محمود : اي هيدا هو يوسف يلي بنعرفو ماحلو وانت زعلان

سارة : اخي قوي وقد حالو ومابيزعل ع وحدة متل هيدي مابهمها غير المصاري والحمد لله انو الله كشفها على حقيقتها قبل مايتزوجها
عمر : اي والله الحمد لله الله بحبك
يارا : يقبرني اخي الحلو بكرا بلاقي وحدة احلاواحسن منها بميت مرة
محمد : خلصونا شيلونا من سيرتها ...يوسف خلص شالها من عقلو ومن قلبو ماهيك يايوسف
يوسف : اااه ...اي اي اكيد ومن بكرى انا نازل ع الكلية
منار : منيح كتير يلا ياولاد سمو بالله وبلشو كلو
...........................
اليوم التالي في الجامعة دخل يوسف ..ومن بعيد رأى سليمان ومها ونسمة يقفون مع بعض اقترب منهم
يوسف : صباحو
تفاجئو به وقالو بصوت واحد : يووسف
يوسف : اي ليش متفاجئين
ضمه سليمان : والله نورت الكلية ياميت مرحبا فيك
مها : يوسف انا كتير فرحانة لاني شفتك مرة تانية
يوسف : اهلين فيكن
نسمة : الحمد لله ع سلامتك يوسف
يوسف : الله يسلمك ميرسي الك .
سليمان :قلي كيفها باريس
يوسف : انت خراس ولا تحكي معي
سليمان : ليش انا شو عملت
يوسف : ليش لتقول لامي ع هديك البطيخة مرام وشو عملت
سليمان ؛والله غصب عني ....وامك صارت تحلفني
يوسف : خلص خلص مشي الحال
سليمان : يعني مانك زعلان
يوسف : لا ماني زعلان ...
مها: يوسف انا شتقتلك كتير
يوسف : وانا كمان اشتقتلكم كلكم
مها : يعني اليوم بنطلع بنسهر
يوسف : ان شاء الله غير مرة
مها : والله اتغيرت يايوسف معقول مرام اثرت فيك كل هالقد
يوسف : مها اخرسي ماني طايق اسمع ولا كلمة
مها : اوك ..اوك متل مابدك باي
يوسف : الله معك
ذهبت مها وذهبت معها نسمة
سليمان : يوسف قلي انت منيح
يوسف : انا تعبان ...تعبااان ...باليوم عم موت الف موتة مشتقلا بدي شوفيها ...صحيح هية ماعم تجي ع الكلية
سليمان : لا من هداك اليوم ماشفتها ولا عم تجي
يوسف : اذا شفتها بدي اسألها ليش هيك عملت فيني ليش لعبت بمشاعري......
سليمان : حاول تنساها عيش حياتك طبيعي
يوسف : هه ...ان شاء الله قلي شو راح علي محاضرات مع انو انا هيك هيك راسب هيدي السنة
سليمان :هلق هو راح كتير......
.................................................
في حارة مرام يقف يوسف وينتظرها لكي تظهر ويشفي جراح قلبه قليلا ....كان قلبه يسيطر على علقه ولا يستمع مايقول له عقله بأن لا يأتي وان ينساها لكن قلبه كان المسيطر الاقوى .....
ومرت الايام ويوسف كل يوم يذهب الى الحارة لكنه لا يرى احد .....وفي يوم من الايام قرر ان يسأل احد من الجيران عليهن ....وهو جالس في سيارته مر شخص بجانبه فأوقفه يوسف
يوسف : لو سمحت ياعم ممكن سؤال
الشخص : تفضل يا ابني اسأل
يوسف : بدي اسألك عن بيت الخالة سلمى
الشخص : سلمى؟؟...اول مرة بسمع بهل الاسم
يوسف : يعني رحلو من الحارة
الشخص : والله يا ابني انا جديد بالحارة وتعرفت ع كل الجيران بس ما تعرفت ع وحدة اسمها سلمى ...انت بتعرف بأي بيت ساكنة او شو اسم زوجها بركي بعرف زوجها
يوسف : بصراحة هية ارملة وعندها بنتين مرام وعبير وقاعدة بأخر بيت ع ايدك اليمين
الشخص : لا ماعرفتها وكمان البيت يلي عم تقول عنو من اول ماجيت وهو مسكر ومافي حدا بقلبو انا بقول يمكن طلعو من الحارة
يوسف : شكرا الك
الشخص : العفو
...................
ركب يوسف سيارته وضرب بيديه على تابلو السيارة
: وين ممكن يروحو .....طيب انا ليش مهتم فيهن وليش عم دور عليها انا شوبدي ...ياربي ...والله ماني عرفان شو بدي منها ....انا لازم كون بكرها ليش عم اشتقالاوعم حبا اكتر ....انا رايح انطرها قدام بيت نيرمين اكيد رح شوفا هنيك بركي اذا شفتها بحاول اكرها وانساها ......يارب تساعدني
ذهب الى عمارة نيرمين ووقف قليلا لكنه لم يرى احد ونزل الى الناطور ويسأله
يوسف : مرحبا ياعم
ابو النور " اهلا اتفضل شو بتريد
يوسف : بدي اسألك ع وحدة بتشتغل مع نيرمين
ابو النور : مين هيدي الوحدة
اخرج يوسف الصورة من جيبه. هذة الصورة كان مصورها لمرام بهاتفه وبعدها قام بسحبها الى صور عادية : هيدي البنت يلي بالصورة بتعرفها
ابو النور تأمل الصورة جيدا : لا هيدي البنت مابتشتغل مع نيرمين ولا حتى بتجي ع البناي من اصلو
يوسف : انت متأكد
ابو النور : اي متأكد انا بعرف كل شخص بفوت وبيطلع بس هيدي البنت اول مرة بشوفها
يوسف : بس انا جيت مرة ولقيتا عند نيرمين
ابو النور : مابعرف بس هيدي البنت ماشفتها بحياتي
يوسف : اوك اوك ...اخرج من جيبه قلم وكتب رقمه خلف الصورة ....خود هيدي الصورة ورقمي واذا شفتها خبرني
ابو النور : حاضر
اخرج يوسف من جيبه ميتن دولا واعطاهم له وقال: واذا شفتا دقلي وخبرني واكراميتك محفوظة
ابو النور: من عيوني ....اول ماشوفها رح دقلك

ذهب يوسف الى منزله
وتمر الايام والاشهر ويوسف لايعرف اي شيء عن مرام ومها كانت تحاول ان تتقرب من يوسف ويوسف دائما يصدها
.....
حتى يوم الذي اعتقلت به نيرمين ومها
.......................
في مخفر الدرك
دخل حيدر الى مكتبه واخذ المسدس الذي كان على جانبه ووضعه على الطاولة وجلس على الكرسي ورفع سماعة التلفون
حيدر : الو مايا تعالي لعندي
مايا : حاضر سيدي .......
دخلت مايا الى حيدر
مايا : حاضر سيدي
حيدر : بتاخدي هدول الفيديوهات وبتتفرجي عليهم كلون وكل شخص بيظهر بدي اياه عندي مفهوم
مايا : حاضر سيدي ....بس فيديوها شو هدول
حيدر : فيديوهات دعارة
مايا : شوووو
حيدر بصوت غاضب : شو شو اذا مابدك بكفل حدا غيرك بهالمهمة
مايا : سووري ماقصدي ....كل الاشخاص الموجودين رح يكونو عندك خلال ٢٤ ساعة
حيدر : اوك بسرعة
..........................
في اليوم التالي الساعة الثامنة
دخل حيدر الى مكتبه بكل كبرياء وغرور
رفع السامعة
حيدر : الو ماجد تعال لعندي
.........دخل ماجد
ماجد : حاضر سيدي
حيدر : شو صار معك بنيرمين وشلتها
ماجد : سيدي الكل اعترف وكل الاعترافات تسجلت
حيدر : وهيدا الشب يلي اجا خبر عنها شو كان اسمو
ماجد : اسمو ياسر
حيدر : وشو اعترف
ماجد : عم يقول انو بس خادم
حيدر : اممم ...طيب انت روح ورح ننطر مايا لتخلص الفيديوهات
ماجد : بدك مني شي سيدي
حيدر : لا انصرف
خرج ماجد ودخلت مايا نفس الوقت
مايا : ممكن احكي معك شوي
حيدر : اتفصلي
مايا : سيدي انا تفرجت تقربيا ع نص الفيديوهات ....بس في فيديو مكرر اكتر من مرة وانت لازم تشوفو
حيدر : فيديو شو
مايا : هلق بتشوفو وبتعرف
حيدر : اوك هاتيه ...وانت روحي كملي شغلك
مايا : اتفضل ...عن اذنك
اخذ الفيديو حيدر ووضعه في الابتوب وشغله
الفيديو : انتفتح باب الشقة دخلت نيرمين ومعها فتاة حسناء جميلة ترتدي الحجاب ....دخلا وجلسا في الصالة وبدأتا يتكلمون ....
مرام : نيرمين وينها اختك سالي
نيرمين : جاي ع الطريق ...انت قايمة اعمل شي نشربو
....وبعد قليل خرجت نيرمين من المطبخ ومعها كوبين من العصير ....وبعدها شربت مرام العصير ونامت ..
ثم خرج وائل ومها وياسر من المطبخ وحملوها الى غرفة النوم ....في غرفة النوم نزعو عنها ملابسها والبسها قميص نوم عاري وقصير ....وبعدها قام ياسر بالاتصال بشخص .....وبعدها دخل شخصان يوسف وسليمان وكان يوسف مثل الثور الهائج ...وبدأ يبحث عن مرام وبعد ان لقاها سحبها من شعرها وبدأ يضربها بلا رحمة ومرام كانت في حالة صدمة ....وبعدها خرج يوسف وخرجت مها وبدأت تكلم مرام وتقول لها كل مافعلته لكي توقع بين يوسف ومرام ........
حيدر : كان غاضب جدا من الذي رآه .....
مسك الهاتف وطلب من ماجد ان يحضر له مها ونيرمين
دخل ماجد ومعه مها ونيرمين
حيدر : اهلا اهلا ...بالعصابة
مها : انا مادخلني ..هيدي نيرمين
حيدر ضرب بيده على الطاولة : انت اخرسي انا ماعم احكي عن شغلكن الوسخ . برم شاشة الابتوب اليهم
وشغل الفيديو : ممكن تقوليلي يا انسة انت وهية شو هيدا
مها : ااااه ....هيدا ..هيدا
حيدر بعصبية: هيدا شو ....يلله انت وهية احكولي كل القصة ومين بتكون هيدي البيت ومين بكون هيدا الشب
مها ونيرمين : حاضر حاضر رح نحكي كلشي ...........
........................وحكو لحيدر كل شيء
حيدر : ومن ايمت هالحكي
مها : من سنة
حيدر : ومرام ويوسف هلق شو صار فيهم
مها : يوسف عم يعيش حياتو طبيعي ..ومرام مابعرف عنها شي
حيدر : ماجد بتاخد عنوان هيدي البنت وبتروح بتجيبها ....وبتاخد هدول النتتين ع الحبس
ماجد : حاضر سيدي
بعد ساعة عاد ماجد ودخل الى حيدر
ماجد : سيدي هيدي البنت يلي اسمها مرام قال ماحدا من الجيران بيعرف عنها شي
حيدر : طيب واهلها وينون
ماجد : حسب ما فهمت من الجيران هية عندها اخت وحيدة امها ومن حوالي سنة ماتت اختها لانها كانت مريضة بمرض السرطان ...وامها ماتت بنفس الساعة من زعلها ع بنتها ....ومرام من هداك اليوم وهية مفقودة ماحدا بيعرف عنها شي ....وحسب ماعرفت انو ماعندهم اقرباء ........وكمان لو تشوف البيت يلي كانو قاعدين فيه بيشبه كلشي الا البيت
حيدر : ياحرام هالبنت بتحزن الله اعلم وين بتكون راحت وشو بكون صار فيها ......طيب انت روح وابعتلي مايا
ماجد : حاضر
خرج ماجد ...وبعد قليل دخلت مايا
مايا : قال طلبتني
حيدر : اي اقعدي ....هيدا ياستي بعتت ماجد ع بيت هيدي البنت وقال انها مختفية وماحدا بيعرف عنها شي
مايا : معقول الشب يوسف يلي كان معها بالفيديو بيعرف عنها شي او مثلا عملا شي
حيدر : بتعرفي يمكن يكون معك حق ....بس بتعرفي مين بكون هيدا الشب

مايا : لا مين بكون
حيدر : بكون ابن محمد عبد الرحيم رجل العمال المشهور
مايا : امممم ....وشو هلق بدك تعمل .....نطلب يوسف لهون ونحقق معو
حيدر : لا انت روحي لعندو
مايا : انااا
حيدر : اي انت
مايا : طيب شو بدي قلو
حيدر : مابعرف انت ذكية ومابينخاف عليكي وخدي الفيديو وفرجيه اياه ...وكمان مرقي لعند ماجد وخدي منو المعلومات يلي جابها عنا مرام
مايا : حاضر في شي غيرو
حيدر : لا شكرا
................................
الساعة الثالثة بعد الظهر
دخل يوسف الى منزله ولم يجد عائلته ....واتصل بأمه
يوسف : الو ماما وينك
منار : هلا حبيبي انا عند اختك سارة تعال اتغدى معنا
يوسف : مابدي تعبان انا بدبر حالي
منار : الله يخليك ياماما تعال بتغير جو احسن من جو هالكأبة يلي انت عايشو
يوسف : ماجاي ع بالي وكمان سليمان جاي لعندي
منار : اوك ع راحتك ....باي
يوسف : باي
اتصل يوسف بسليمان
يوسف : سلوم وينك
سليمان : رايح ع البيت ليش شوفي
يوسف : جيب معك اكل وتعال لعندي بنتغدا مع بعض
سليمان : يلله جاي مسافة الطريق
وبعد قليل جاء سليمان وكان معه اكل جاهز ...وجلسا يأكلان مع بعض ...
جاء احد الخدم
الخادم : يوسف بيك في صبية برا قال هية من الدرك وبدا تشوفك
يوسف : انااا ...بدا تشوفني انا
الخادم : اي الك طلبتك بالاسم
يوسف : ماشي خليها تنطر بالصالة لحتى غسل وبلحقك
الخادم :حاضر
...........
تجلس مايا على الاريكة تنتظر يوسف ...وبعد قليل دخل يوسف ومعه سليمان ...وقفت مايا
يوسف : مرحبا
مايا : اهلا انا بكون مايا الناصر من الدرك اللبناني
يوسف : اهلا تفضلي ...خبروني انك عايزتيني بالاسم
مايا : صح ...بس ممكن فنجان قهوة لو سمحت
يوسف : اكيد ....
............
جاءت القهوة وبدأو يشربون القهوة
مايا : اكيد حضرتك عم تتسأل ليش انا جاي لعندك وبدي قابلك صح
يوسف : بصراحة اي
مايا وضعت الفنجان على الطاولة ورجعت الى الخلف ووضعت رجل فوق رجل : انا جاي اسألك عن مرام ...مرام العبد بتعرفها
يوسف بصدمة : مراااام ...ليش وينا مرام
مايا : لو سمحت جاوب عقد السؤال وبعدين بجي دورك تسأل يلي بدك اياه
يوسف : اي بعرفها
مايا : بتعرف هية هلق وين
يوسف :لا من حوالي سنة ماشفتا
مايا : مرام شو كانت بالنسبة لالك
يوسف : انت ليش عم تسأليني الي عن مرام وليش عم تسألي عن مرام كمان
مايا : كانت حبيبتك ماهيك......اممم بس ليش تركتو بعض
يوسف : انت من وين جبتي هالمعلومات
مايا : لا تنسى مين بكون انا وشو بشتغل
يوسف : من الاخير لوين بدك توصلي
مايا : اوك رح احكيلك شو صار معنا مبارح
يوسف : احكي عم نسمعك
مايا : امبارح اجتنا اخبارية ع بيت دعارة وهيدا البيت بكون لوحدة اسمها نيرمين يمكن انت بتعرفها
يوسف : ااااه هلق فهمت يعني مرام انمسكت معها بس انا شودخلني فيها وليش جاي تقوليلي الي
مايا : انا بعد ماخلصت كلامي ...ومشان ريحك نحنا مامسكنا مرام ولا بنعرفا ....نحنا مسكنا نيرمين ومها
سليمان ويوسف : شووووووو مهااا
مايا : اي مها ليش مستغربين ....مها رفيقتكم بتشتغل مع نيرمين
يوسف ؛ انا ماني عم افهم شي يعني كل البنات يلي عرفناهن طلعو بيشتغلو مع نيرمين هههه شي حلو بس انا لهلق ماعرفت انت مين قلك ع العلاقة يلي كانت بيني وبين مرام
مايا : محدا قلي انا شفت بعيوني
يوسف : ممكن بلا حكي الالغاز
مايا قامت وقفت ومشت اتجاه جهاز موجود على الطاولة وهو عبارة عن جهاز عرض : وااااو جهاز حلو
يوسف : لاحول ولاقوة الابالله العلي العظيم انت شوبدك
مايا : بدي جرب الجهاز اذا ماعندك مانع
يوسف بنفاذ صبر : تفضلي جربيه والفيديوهات عندك نقي واحد واتفرجي عليه واذا بتحبي بخليهم يعملولك بوشار
مايا : هههه لا ميرسي مابدي بوشار ...وكمان مابدي فيديو من الفيديوهات تبعوتك ....معي واحد بدي جربو
اقتربت من حقيبتها واخرجت الفيديو ووضعته في الجهاز ..عكس الجهاز الفيديو على الجدار
وحملت الريموت واقتربت من يوسف : اتفضل شغلو
اخذ منها الريموت وكبس على زر تشغيل ...اشتغل الفيديو ....وبدأ منذ دخول مرام الى المنزل برفقة نيرمين ...وقف يوسف وسليمان مصدومين
يوسف : شو هيدا ....انت شوبدك تفرجيني بالظبط ...جاي تفتحي علي مواجعي مرة تاني
مايا : لو سمحت لاتعصب وخلينا نتفرج عالفيديو ع رواق
يوسف يحاول يتمالك اعصابه .....ومشى اتجاه الباب لكي يخرج لكن سليمان اوقفه : يوسف لحظة
يوسف : خير شوبدك انا مابدي اتفرج على هالتفاهات اذا بدك انت تفرج
سليمان : تعال ليك في شي بالفيديو مو طبيعي
نظر يوسف الى الفيديو ...في هذه اللحظة بالفيديو مرام بدأت تفقد الوعي ...اقترب يوسف بسرعة لكي يرى ماذا يحصل ..........................

انتهى الفيديو ..يوسف مازال مكانه واقف مصدوم وعيونه تذرف الدموع
اقترب سليمان من يوسف : يوسف انت بخير ...يوسف مرام طلعت مظلومة ..طلعت برئية ..انت لازم تفرح
يوسف بصوت غاضب : ع شو بدي افرح ....ااه قلي ع شو ...لاني ظلمتا ولا لاني ضربتا بلا رحمة ولا لاني هنتا كتير ولا لانو سيرتها صارت على كل لسان حتى هية اجت لعندي وقالتلي مها ونيرمين متفقين علينا وانا ماصدقتا بتعرف شو عملت خليت الحرس يشحطوها متل الكلبة .....اااااااااخ يامرام
سليمان : المهم انها طلعت مانها خاينة ...واذا بتحبك بتسامحك
مايا : يوسف مرام وينا
نظر يوسف اليها نظرات استفهام : شو قصدك بمرام وينا
مايا : مرام مفقودة ..وقلنا ممكن انت عملت فيها شي شغلة مشان تنتقم
يوسف : انا لا لا انا من هيداك اليوم ومابعرف عنها شي حتى رحت ع الحارة وسألت واحد وقلي مابيعرفون ويمكن يكونو انتقلو
مايا : مين هدول يلي انتقلو
يوسف : مرام واما واختا
مايا : اما واختا ؟؟
يوسف : اي مرام عندا ام واخت انا لازم روح دور عليهن
مايا : يعني انت مابتعرف نهائيا شو صار معون
يوسف : لا ...
مايا : نحنا اول ما صار الفيديو بين ادينا بعتنا حدا عالحارة وسأل عنهن
يوسف : اي كملي
مايا : قالولنا الجيران انو الام والاخت ماتو
يوسف : شوووووووو ....شو عم تقولي انت مين مات
مايا : الام والاخت ...وقال مرام من يومها مفقودة
يوسف : سليمان انت عم تسمع ...قال سلمى وعبير ماتو ...كيف وشلون لا لا انا ماني مصدق اكيد في غلط هلق عبير ممكن تكون ماتت لانها كانت مريضة بس الخالة سلمى مستحيل صدق
مايا : طول بالك انا فكرتك بتعرف ....وكمان خبرنا انهن ماتو بنفس الساعة قال عبير ماتت من المرض وامها ماستحملت الصدمة وماتت وراها
نزل يوسف على الارض على ركبتيه ومسك رأسه بيده وبدأ يبكي : لا لا ماني مصدق ومرام ياحرام استحملت كل هيدا بس وينها وين بتكون راحت ....اكيد ماستحملت الصدمات يلي اكلتها بحياتا وطفشت بس ماتكون عملت بحالها شي
مايا : سوري فكرت انت بتعرف وين مرام واذا بدك ممكن نساعدك ندور عليها
يوسف لم يرد ومازل يضع يديه على وجهه ويبكي يحرقة وندم ٠.......اقترب منه سليمان وبدأ يهديه ويطبطب على كتفه: خلص يوسف ان شاء الله بكرى بتلاقيها وبتعوضها عن كلشي
يوسف : يارب .....بس انا رح يكون حسابي عسير مع هالكلاب نيرمين ومها
مايا : للأسف هنن هلق موقوفين ومابتقدر تعمل معون شي ورح ياخدو عقابون
يوسف : سليمان انا اتذكرت شغلة
سليمان : شو هية
يوسف : مرام ...مرام بعتتلي صندوق وبعتتلي كل غراضي وفوقن سبعة الاف دولار بس من وين جابت المصاري ....
مايا : وليش لحتى تبعتلك مصاري
يوسف : مرة ساعدتها بعملية لاختا ودفعت التكاليف ... انا السبب انا السبب لك حتى ماسمعتها ....اااااخ ان شاء الله تسامحني
مايا : المهم انك تلاقيها ...واذا بتحبك بتسامحك
قام يوسف واتجه نحو الباب .سليمان : ع وين رايح
يوسف : رايح دور ع مرام
سليمان : وين بدك تدور عليها
يوسف : مابعرف ...بس راس الخيط عند جارة مرام اسمها سلام هيدي كتير مقربة منهم
مايا : اوك انا بالاذن
يوسف : ميرسي الك ...عنجد انت قدمتيلي خدمة بعمري مابنسالك ياها
مايا : العفو
................
في منزل سلام
طرق الباب
فتحت سلام الباب
يوسف : مرحبا خالة سلام انا يوسف انا بكون ابن الجماعة يلي كانت تشتغل عندهم سلمى
سلام : الله يرحمها ...تفضلو ادخلو
يوسف: يعني صحيح متل ماسمعت الخالة سلمى ماتت
سلام : اي صحيح ....تفضل وبنحكي جوا
دخلو وجلسو
سلام : قلي يا ابني ليش عم تسأل عن سلمى
يوسف : بصراحة انا اليوم حتى خبرت انو الخالة سلمى ماتت هية وبنتها
سلام : ليش امك ماخبرتك
يوسف : لا ليش امي بتعرف
سلام : من زمان من حوالي تسعة اشهر اجت تسأل عنهن وقلتلا انهن ماتو
يوسف : يمكن لاني كنت مريض وماحبت تزعجني لاني كنت حبها كتير للخالة سلمى .....ممكن اعرف ايمت ماتو بالظبط
سلام : من سنة تقريبا
يوسف وسليمان : الله يرحمون
سلام : آمين
يوسف " خالة مرام ينا بتعرفي عنها شي
سلام : لا الله يا ابني اخر مرة شفتها بعد ما ماتت امها بشهرين او اقل ...هيك شي
يوسف : كيف يعني ...ممكن تحكيلي كلشي من الاول
سلام : لما ماتت سلمى وعبير مرام كانت مصدومة كتير لاتاكل ولا تشرب ولا تحكي ولاحتى تبكي ...وانا كنت خايفي عليها كتير لانو وضعها ابدا ماكان بطمن ..نمت عندها اول ليلة ولما فقت الصبح مالقيتا وقلت للجيران وكلنا دورنا عليها بكل مكان ومالقيناها .....وبعد شهر ونص تقريبا رجعت ع البيت وسألتها وين كانت قالتلي انو ليلتها راحت ع قبور اهلها وصارت تبكي وكانت الدنيا عم تمطر بهداك اليوم وهية نامت حدهن وقالتلي انو صابها حمة قوية وانهيار عصبعة ودخلت بغيبوبة وفي جماعة ساعدوها وضلو جنبها لحتى طلعت من الغيبوبة ضلت فيها حوالي ٤٥ يوم ....ولما اجت صارت بدها تنضف بيتها جيت انا بدي ساعدها ماخلتني رحت انا ع بيتنا ولما رجعت مالقيتها وتاني انهار رحت لعندا قلت بركي بتكون

رجعت بس مالقيتا بس لقيت رسالة ومفتاح بيتون وكاتبتلي بالرسالة انها معد ترجع ابدا وانها رح تبلش حياتها من جديد وهيدا كلشي ومن يومها وانا مابعرف عنها شي ولا سمعت عنها شي
***********************************
********باااااااااااااااك*************££
يوسف : دورت عليها بكل مكان ومالقيتا بس الشي الوحيد يلي محيرني من وين جابت المصاري ....اووووووف انا رح اختنق
كرم : ياحرام يايوسف والله مابتستاهل هالشي يلي صار معك مازال بعدك بتحبها وعم تدور عليها ليش خطبت وبنت مابتحبها
يوسف : اااااخ انا لو الامر لالي مابحكي مع بنت بس امي اخر فترة تعبت وصارت تترجاني بدها تشوف ولادي ع حياة عينا فأنا وافقت مشان امي وبس ....واصلا مرام صرلا سبع سنين مختفيه ومابعرف اذا بعدها عايشي او ميتة
كرم : اذا هلق لقيتا لمرام شو بتعمل
يوسف : اكيد رح كون فرحان بس ممكن لاقيها متزوجة فوقتا مارح اعمل شي بس بعتزر منها واذا مانها متزوجة مستحيل اتركها
شعر سليمان بأن الجو بدأ يتوتر : يوسف قلي شو صار معك بشركة العيسى
يوسف : ع اخر لحظة اجلو الاجتماع
عمر : ومن ايمت انت يايوسف بتطلب تجتمع مع شركة ...بالعادة الشركات بيتمنو يجتمعو مع شركتنا عجب هيدي الشركة انت رايح لعندهم شخصيا
يوسف : بصراحة مابخبي عنكم اسمعت انو يلي عم تدير هيدي الشركة مرة واعمالها كتير حلوةومتقدمة وكمان عرفت انو اسمها مرام مرام العيسى مشان هيك حبيت اتعرف عليها
سليمان : امممم يعني السبب الرئيسي هو اسمها لصاحبة الشركة
يوسف : اي صح ...وغيرو استاذ سليمان
سليمان : لا مادخلي اعمل يلي بريحيك بس بدي قلك لاتنسى انت مين بعدين بشوفو حالون علينا
يوسف : لا اطمن ماني نسيان
كرم : يوسف بس سؤال ....انت دورت على مرام بكل مكان
يوسف : عم قلك ماخليت بقعة بلبنان ودورت فيها
كرم : وخارج لبنان
يوسف : مافهمت شو قصدك
كرم : قصدي ممكن تكون سافرت يعني دورت عليها بالمطار او ع الحدود
يوسف : لا مافكرت فيها واصلا مرام من وين بدا تجيب مصاري للطيارة
كرم : من مكان يلي جابتلك منو السبعة الاف دولار
نظر اليه يوسف وشرد قليلا : اي والله جبتها ممكن لاقي راس الخيط قومو قومو
عمر : ع وين انت جنيت
يوسف : في عندي صديق بيشتغل ضابط بالمطار وممكن يساعدني
سليمان : يقطع عمرك يا كرم وبلا ماتتفصحن هلق ....
كرم : ليش انا شو عملت
سليمان : ماعملت الا كل خير ......يوسف اسماع مني حاج تدور عليها وانا بأكدلك انك مارح تلاقيها
يوسف : اخر محاولة
سليمان : يازلمة انساها وعيش حياتك لاتنسى انك خاطب وعرسك عن قريب
يوسف : انا رايح يلي بحب يروح معي اهلا وسهلا
كرم : انا جاي معك
سليمان : لا انا مابدي لانو مابدي شوف خيبة الامل بعيونك مرة تانية
يوسف : ع راحتك وانت عمر
عمر : والله مافيني عندي شغل بدي ارجع كملو
يوسف : سلام
سليمان وعمر : الله معك
.......................................................
في شركة العيسى دخلت مرام بكل كبرياء وجازبية واناقة وجمال ....تمشي بتجاه مكتبها وجميع الموظفين كانو ينظرون لها نظرات اعجاب اعجاب بمديرتهم واعجاب بشخصيتها الجدية واعجاب بجمالها واناقتها ......دخلت الى مكتبها ....رفعت سماعة الهاتف واتصلت بالسكرتيرة نغم : نغم جيبيلي البريد
نغم : حاضر استاذة بتريدي شي غيرو
مرام : اطلبي احمد وجدول المواعيد
نغم : بس يا استاذة استاذ احمد قلي الغي كل المواعيد اليوم وقال انك مانك جاي
مرام : بكون احسن ...اطلبيلي اياه وجيب البريد
نغم : حاضر
دخلت نغم ومعها البريد وضعته على الطاولة وخرجت وبعد قليل دخل احمد
احمد : لا مالك حق ليش جيتي وعزبتي حالك
مرام : عم تتمسخر ....وبعدين لاتنسى انو هيدي الشركة شركتي وبيجي ايمتا مابدي وبروح وقت بدي
احمد : لا تواخذيني استاذة مرام ماكنت بعرف انو هيدي شركتك
مرام : هههههه بس نفسي افهم امك ع شو اتوحمت لما كانت حامل فيك
احمد : مابعرف ...بس يمكن نفس يلي اتوحمت عليه امك لما كانت حامل فيكي
مرام : هههههههههه مشان الله حاج تضحكني مالي نفس اضحك
احمد : هههههههه المهم منيح انك اجيتي في شوية وراق وبدي اياكي توقعي عليهن
مرام : اوك ماشي ابعتون ....بوقعون وبفل لاني حاسي حالي تعباني
احمد : فوق مانها جاي متأخرة عم تتشرط
مرام : احمد خلصنا
احمد : ماشي ....انا رح ابعتون
.....................................................
في المطار
في غرفة كاميرات المراقبة
سامر : كيف خطرنا على بالك يايوسف
يوسف : انت على طول بالبال ياصاحبي
سامر : لا واضح كتير ....المهم نورت والله
يوسف : ميرسي ....المهم قاصدك بخدمة
سامر : انت بتأمر قلي

يوسف : بدي اسأل ع شخص اذا سافر .....قصدي في اسم بدي شوف اذا مسافر برات البلد
سامر : امم يعني انت مانك متأكد اذا هالشخص مسافر ولا لأ
يوسف : صح ...شو بيطلع بأيدك تساعدني
سامر : ليش ما سألت بالامن العام
يوسف : مابعرف المهم هلق شو
سامر : بصراحة انا مسؤول عن الامن والمراقبة بالمطار بس رح ساعدك قومو معي
يوسف : عنجد ميرسي كتير الك
سامر : ولو ياصاحبي وانت مابضيع معك المنيح
يوسف : تسلم
.......................................
مرام في مكتبها
بدأت تحس بألم اسفل بطلنها وفي خواصرها ....بالاول كان الوجع عادي لكنه بدأ يزيد
وبدأت تتألم وتصيح : اااه اه اه ياربي شو هالوجع ...خواصري رح يتفجرو ....اااااااااخ
مسكت الهاتف
مرام : الو احمد الحقني ااااه
احمد : مرام شبك ...شو عم يصير معك
مرام ؛ مابعرف بس بطني وخواصري عم يوجعوني كتير وخواصري مشان الله ساعدني اه اه
احمد : ثواني وبكون عندك
.............................................
سامر : يوسف بعرفك بصديقي عبد الرحمن ....عبد الرحمن هيدا صديقي يوسف ومعو صديقو كرم
عبد الرحمن تشرفت بمعرفتكم
كرم ويوسف : نحنا بالاكتر
سامر : عبدو بدي منك خدمة في اسم رح اعطيك اياه وبدي تعرفلي ايمت مسافر
عبد الرحمان : بصراحة هيدي الشغلة فيها مسؤالية ...بس رح ساعدك بس لاتخبر حدا
سامر : ولا يهمك ....ومارح انسالك هالمعروف.....يوسف شو الاسم
يوسف : مرام العبد
سامر : اممم يعني الشغلة فيها بنت هههه
عبد الرحمن : اسم الاب والام
يوسف : الاب جابر والام سلمى
عبد الرحمن : بتعرف المواليد
يوسف : مابالظبط هية هلق بكون عمرها بين ٢٦ و٢٧
عبد الرحمان : ماشي لحظة لشوف
...................... . ..........
في المشفى
مرام ممدة على السرير والطبيب يفحصها
الطبيب ؛ شو عم يوجعك بالظبط
مرام بصوت متقطش: ااااه اسفل بطني ..اااه وخواصري اااااه
الطبيب : انت معك رمل ؟؟
مرام : لا مابظن
الطبيب : احتمال تكون نوبت رمل لاتخافي انا هلق رح ركبلك سيرموم واحطلك بقلبو مسكن
مرام ؛ بس انا يمكن مامعي رمل
الطبيب : ماشرط يكون في رمل ...لا تخافي حالة عرضية ....بس مشان نتأكد رح اطلبلك تحاليل وصور ايكو وبيبن معنا
...............................................
عبد الرحمن : مرام العبد الام سلمى والاب جابر مواليد ٩١
يوسف : لقيتها ؟؟؟
عبد الرحمن :اي ....وهية هلق باللبنان مبين عندي يعني اخر طيارة ركبتها اجت ع اللبنان من سنين ونص
يوسف : انت عم تحكي جد
عبد الرحمن : اي جد هيدا يلي طلع معي
يوسف : ممكن اعرف كل سفراتها
عبد الرحمان : اوك .....اول مرة الها من ست سنين وخمس اشهر ع دبي ورجعت بعد سنة ورجعت سافرت بعد ٤ ايام كمان ع دبي وبعدها تقريبا تجي ع اللبنان كل شهرين وترجع تروح ع دبي ....ومسافرة مرة ع السعودية ...واخر مرة اجت ع اللبنان ومعد طلعت
يوسف : الف حمد وشكر الك يارب ...يعني مرام قريبي مني سمعت ياكرم
سامر : بدك تقلي شو قصتها هيدي البنت
يوسف : هيدا ياسيدي من سبع سنين .....................
............................................
في المشفى مرام ممددة على السرير دخل احمد
احمد : كيف صرتي
مرام : الحمد لله احسن بكتير من اشوي الوجع ماكان محمول نهائيا
احمد : يمكن متل ماقال الدكتور نوبت رمل
مرام : يمكن ...اخدو مني دم للتحاليل صوروني ايكو وقال ليطلعو التحاليل بفرجوهن للدكتور بطمنى
احمد : اي الحمد لله ع سلامتك
مرام : الله يسلمك يارب ...احمد خبرت عمو هشام شي
احمد : لا ماحبيت خبرو مشان مايخاف عليكي
مرام : عملت منيح ...
............................................
في المخبر المشفى
دخلت الممرضة نجاح وبيدها ملف مرام وملف مريضة اخرى
نجاح : اسامة خلصو التحاليل للمريضة مرام والمريضة نور بدو يشوفهن الدكتور قبل مايفل
اسامة: اي ليكهن ع الطاولة للمريضة مرام رقم خمسين ..والمريضة نور واحد وخمسين
نجاح : اوك ...اقتربت نجاح ووضعت التحاليل في ملفاتهم وخرجت
وهية في الممر اصتدمت بممرضة اخرى وطارت الملفات الى الاعلى ثم وقعت على الارض
نجاح : ريم مانك عم تشوفي قدامك
ريم : لا توخذيني مستعجلة بس طالبيني ضروري بغرفة العمليات
نجاح : ماشي روحي الله يقويكي
ريم : ساعدك بلم الاوراق
نجاح :لا روحي انا بتصرف
نزلت نجاح على الارض وبدت تلم الاوراق
نجاح : يالله لمين الصور والتحاليل رقم خمسين لمرام ولا لنور .....اي تذكرت نور خمسين ومرام واحد وخمسين
............................................
يوسف : هيدي هية كل قصتي مع هالبنت وانا من وقتها وانا عم دور عليها واليوم كرم قلي ليش مادورت عليها بالمطار وجيت لعنكم

سامر : والله قصتك مؤثرة الله يجمعك فيها عن قريب
يوسف : امين
عبد الرحمن : هية الها حدا بدبي لانو اكتر سفرها كان ع دبي
يوسف : لا ع حد علمي مقطوعة من شجرة وانا كمان هيدا السؤال محيرني انو شو كانت عم تروح تعمل بدبي
عبد الرحمن : والله هالقصة وراها لغز ومحدا بيعرف هاللغز غير مرام الله يجمعك فيها وترجعو لبعض
يوسف : الله يسمع منكم ....وبدي قلكم ميرسي مرة تاني
عبد الرحمن وسامر : العفو
................................................
دخلت نجاح غرفة مرام
نجاح : مدام مرام الطبيب يلي شافك هلق عندو عملية مستعجلة ....بس في طبيب غيرو هلق بيجي بشوف وضعك .....اقتربت ووضعت الملف على الطاولة الموجودة جنب السرير
مرام : مامشكلة المهم اطمن ع وضعي واطلع من هون
نجاح : بما انو الوجع راح يمكن يخرجوكي اليوم
مرام : ميرسي
............
بعد قليل دخل الطبيب البديل
اخذ الملف وبدأ يتفحصه
ونجاح شرحت له وضع مرام
الطبيب : مين طلب منها هيدي التحاليل والصور
نجاح : الطبيب يحيى
الطبيب : اممم
مرام : خير دكتور في شي مابطمن
الطبيب : انت متزوجة
مرام : لا
الطبيب : هدول التحاليل والصور لازم تشوفهن دكتورة نسائية
مرام : خير دكتور خبرني في شي
الطبيب : بصراحة انا ماني متأكد بس التحاليل والصور بقولو انو عندك مشكلة بالرحم
مرام : مشكلة شو دكتور
الطبيب : بصراحة انت مابتقدر تجيبي ولاد اذا تزوجتي
في هذه اللحظة احمد كان داخل الى مرام وسمع الحوار وانصعق من الذي سمعه ووضع يده على فمه ورجع الى الخلف
مرام : شووووو .....
الطبيب : بس انا رح فرجي الصور لدكتورة نسائية يمكن يكون في غلط
مرام : هههه خلص مافي داعي اصلا كلامك واضح وهيدي جرعات الامل بعرفا يعني عم تقلي لازم تشوفني دكتورة نسائية مشان يضل عندي امل ....بصراحة انا لاغية فكرت الزواج من راسي ....بس قلي ايمت بقدر فل من هون
الطبيب : بصراحة فيكي من هلق لانو مافي شي خطير واذا رجع الوجع اشربي مسكن وكتري سوائل
مرام وهية تتظاهر القوة : ميرسي
*************
يتبع.......
توقعاتكم
باقي اليوم جزئين وبس.... انتو بدكم تقروها بيوم واحد وانا ضليت ٣ اشهر عم اكتب فيها

#مرام
#بقلم_مريم_اليوسف

#الجزء_الثاني_عشر

احمد ذهب وجلس على كرسي بالممر وكان حزين جدا على مرام ولا يعرف كيف يواسيها ويخفف عنها .....وبعد فترة صغيرة اقتربت منه الممرضة وقالت له بأن مرام تريده
دخل احمد الغرفة التي فيها مرام
كانت مرام جاهزة للخروج وتنتظر احمد
مرام : وين كنت
احمد : برا قوليلي شلون صرتي
مرام : الحمد لله وسمحلي الدكتور اطلع
احمد : اي الحمد لله ...وشو قلك الدكتور
مرام : مافي شي خطير نوبت رمل
احمد : والصور والتحاليل شو قلك عليهن
مرام : اااااه ...لا مافيهن شي كلو تمام الحمد لله
احمد : اي الحمد لله يلله قومي لنروح
مرام : اوك
..................................
في العيادة النفسية عيادة محمود
دخل يوسف والفرحة في عينيه
يوسف للسكرتيرة : الدكتور محمود موجود
السكرتيرة : اي موجود بس عندو مريض خمس دقايق وبفل
يوسف : اوك ناطرو
خرج محمود مع المريض : المهم انك تتابع الدوا بستمرار وبعد يومين ارجاع لعندي
المريض: ميرسي الك حكيم
محمود : اهلا وسهلا فيك .....ونظر الى يوسف
محمود : لا ماعم صدق يوسف بيك عنا ياميت اهلا وسهلا والله بعد زمان
يوسف : شو رأيك بهالمفاجئة
محمود : بتطير العقل ...بس قلي شو جايبك لعندي من زمان مازرتني بالعيادة
يوسف : بصراحة نفس الموضوع الي كنت اجي عليه من زمان
محمود : مرام ماهيك
يوسف : اي
محمود : قوم قوم لجوا ......لوسمحتي حنين فنجانين قهوة
حنين : تكرم دكتور
دخل محمود ويوسف
محمود : قلي شوفي
يوسف : لقيتها ...لقيتها يامحمود
محمود : شووو طيب وين وكيف قلي
يوسف : قصة طويله رح بلش من الاول
محمود : احكي عم اسمعك
يوسف : ...........
.............................................
دخلت مرام الفيلا وكانت عليا وليلى ينتظرونها على البوابة الداخلية ....دخلت مرام وتفاجأت بهم ....اقتربو منها ضموها
عليا : الحمد لله عسلامتك ياحبيبيتي ماعقلبك شر
ليلى : سلامتو الحلو
مرام بصدمة : الله يسلمكن بس انتو مين خبركن
ليلى : اخي غسان خبرنا وانا دقيت للأستاذ احمد واطمنت عليكي كنت رايحة لعندك بس قلي مافي داعي لانكم جايين ع الطريق
عليا : والله انشغل بالنا عليكي قوليلينا شو صار معك
مرام : مافي شي لاتخافو نوبت رمل ما اكتر
احمد شعر بأن مرام لاتريد ان تخبر احد بما ظهر بتحاليل فقرر ان ينسحب لانه لن يتحمل ان يرى مرام وهية تكابر على نفسها وانها ليست مهتمة : عن اذنكن ياجماعة انا بدي ارجع ع الشركة
مرام : روح معك
احمد : لا لا شو تروحي معي خلص اليوم استراحة
مرام : ماشي واذا احتجت شي خبرني
احمد : اوك انت ارتاحي ولا تهتمي ...وانت كمان اذا احتجتي شي خبرني
مرام : اوك
عليا : حبيبتي اطلعي ارتاحي بغرفتك
مرام : ماشي طالعة لانو حاسي حالي تعبانة
صعدت مرام الى غرفتها دخلت ورمت نفسها على السرير وبدأت تبكي وتزرف الدموع التي كانت تحاول ان تمنعهم منذ فترة وتكلم نفسها : ليش ليش ليش كلشي حلو لازم كون محرومة منو ليش .....صح انا ماني مفكرة بموضوع الزواج بس كان عندي امل انو يجي يوم ويكون عندي عيلة وولاد ههههه حتى هيدا الامل انحرمت منو ...الحمد لله الحمد لله وينك ياماما وينك انا تعبانة ولا انافقيرة مبسوطة ولاانا غنية مبسوطة اكتشفت انو هالحياة كلها هم وحزن ومافي حدا مرتاح كل واحد الله باعتلو هم كبير وذايد عنو بس الحمد لله الله كبير وماعندو الا جبران الخواطر
.......وضلت تكلم نفسها وتبكي حتى نامت
.....................................
محمود : عأساس مكتشف انجاز انت هلق طيب بتعرف وين بالبنان بالظبط
يوسف : مابعرف بس اكيد رح لاقيها
محمود : بدك نصيحتي انساها وعيش حياتك ولاتنسى انك خاطب وبعد شهر عرسك وخطيبتك بنت حبابة وطيوبة وبتحبك كتير ومابترفضلك طلب
يوسف : ماعم اقدر لك مرام كلشي بالنسبة لالي مرام الحب الاول والوحيد بحياتي صحيح هية راحت بس قلبي راح معها
محمود : وانت متخيل ممكن بهالسهولة اذا لقيتها رح تسامحك اصلا هية طفشت من عمايلك انت ورفقاتك فيها
يوسف : اااااااخ مشان الله لا تذكرني ....الله يصلحها مها كانت طايشي
محمود : مابعرف شو بدي قلك بس لاتتأمل كتير ... وحسب مافهمت منك انها عم تروح وتجي من دبي فيك تقلي شو عم تروح تعمل او مين الها هنيك ...اكيد في حدا معها وعم يساعدها او يمكن تكون تزوجت
يوسف : مابعرف بس انا لازم شوفها ولو حتى مرة
.....................................
في المساء ومرام مازلت نائمة مكانها دخلت عليها ليلى ووجدتها تنام على بطنها وبعدها بملابسها واستغربت من طريقة نومها .اقتربت منها وبدأت تصحيها
ليلى : مرام ...مرام
قامت مرام مفزوعة : اي شوفي شو صاير

ليلى : مافي شي بس ليش هيك نايمة
نظرت مرام الى نفسها : لا مافي شي بس كنت تعبانة ونمت دغري ...انت ليش فيقتيني واشقد الساعة هلق
ليلى : الساعة ٧ عم فيقك لانو احمد طلب مني فيقك قال عايزك بموضوع
مرام : احمد !!وينو
ليلى : تحت عم ينتظرك بالصالون
مرام : اوك انت روحي وانا هلق نازلة وراكي
ليلى : ماشي
...................................
في منزل يوسف يجلس يوسف وكرم مع بعض
يوسف : كرم شو رأيك بنفس اركيلة
كرم : اي والله ياريت
يوسف : انا رح خبر الخدم تجهزلنا سهرية مع اركيلة ونطلع نسهر بالجنينة هالجو حلو كتير
كرم : ماشي لكن دق لسليمان يجي يسهر معنا
يوسف : هههههه مابيطلع بلليل مرتو مابتخليه
كرم : معقول
يوسف : لا عم امزح معك هههههههه رح دقلو
.......................................
بدلت ملابسها مرام وارتدت بجمامة ووضعت حجابها على رأسها ونزلت
سلمت على احمد وجلست ووضعت رجل فوق رجل وهاتفها بيدها وضعته جنبها
مرام : كيفك احمد
احمد : تمام انت كيفك شلون صرتي
مرام : انا منيحة كتير قلي شو سبب هالزيارة ماصرلي ساعتين تاركتك
احمد : ممنوع اجي زورك
مرام : لا انا ماقلت هيك بس اكيد في شي من ورا جيتك لعندي
احمد : جاي اخدك مشان نطلع انا وانت نطلع نتعشى برا
جاءت ليلى ومعها كاسة عصير وفنجان قهوة واقتربت من مرام وضعت امامها كوب العصير ولاحمد فنجان القهوة
مرام : ميرسي لولو اقعدي معنا شوي
ليلى : اوك رح اقعد ......كيفك استاذ احمد
احمد : الحمد لله بخير انت كيفك وكيف هية دراستك
ليلى : الحمد لله .......بس ماكون عم عطلكن عن شي مهم
مرام : لا لا احمد جاي يعزمني ع العشا شو رأيك انت
ليلى : انا شو دخلني ... بس انو ماغلط اطلعي غيري جو
مرام : لكن قومي البسي مشان تروحي معنا
ليلى : اناااا!!!
مرام : اي انت بنغير جو ......شو رأيك احمد
احمد : والله هيدا شي بشرفنا انك تضهري معنا
ليلى : لا مابدي ...مابدي انزع عليكن الروحة
مرام : ههههه ياحبيبتي نحنا طالعين نتعشى عادي لتغير الجو مانا طالعين نقعد قعدة رومنسية وبعدين احمد متل خينا
ليلى : مابعرف لشوف الماما
مرام : بعد بدك تشوفي الماما خلصينا قومي انا بحكي مع امك وبطريقك شوفي اخوكي غسان اذا بيضهر معنا
وفي هذه الاثناء جاءت عليا
عليا : حبيبتي مرام جهزلك العشا
مرام :لا خالة نحنا طالعين نتعشى برا ورح تروح معنا ليلى اذا ماعندك مانع
عليا : بس....
قاطعتها مرام : بس شو وكمان رح نشوف غسان اذا بروح معنا شو رأيك
عليا : خلص متل مابدك يامرام بصير وانا ماممكن ارفض طلبك
مرام : تسلملي شو بحبك . وضربت بديها على رجل ليلى : يلله قومي لنجهز حالنا ....وانت احمد روح شوف غسان هو بكون بالبيت
احمد : اوك بس ماتضلو ساعتين وانتو عم تلبسو
مرام : ههههه لا شو ساعتين ساعتين مابكفو عالقليلة بدن ٣ ساعات
احمد : هههههه ياحبيبي الله يمضي هالليلي ع خير
...........................
في حديقة الفيلا يجلس كرم وسليمان ويوسف
وكانت توجد امامهم طاولة كبيرة من المكسرات والفواكه والحلويات والعصائر وعلى جنب موجد الاركيل ....وكانو يتكلمون ويضحكون
كرم : يوسف قلي ايمت بدك تعرفني على خطيبتك
يوسف كان بيده نبريج الاركيلة اخذ سحبة منه ثم نفخها في الهواء : ان شاء الله عن قريب بعرفك عليها
سليمان : لحتى يتعرف عليها هو بالاول بعرفك عليها
كرم : ليش مابيعرفها
سليمان : لا بيعرفا بس مابيعرفا عن قريب يعني ولا مرة عزمها ع شي مكان ولا حتى بيتصل فيها بشوفها بالمناسبات
كرم : ماحرام عليك ...ليش هيك عم تعاملها لهل البنت
يوسف : يعني حبها غصب عني ....مابقدر اقعد معها بحسها غريبي صح هية حبابي وحلوة بس بحسها متل اختي
سليمان : ههههههه ياحبيبي قال اختو قال هيدي ياحبيبي رح تصير مرتك
يوسف : بعد ماصارت ....
كرم : ع شو ناوي ..بس ماتكون عم تفكر تفسخ الخطبة
يوسف : مابدي اظلمها للبنت معي انا خاطبها مشان سكت امي واخواتي بس قبل العرس بيومين بفسخ الخطبة
سليمان : شو بنات الناس لعبة بين اديك
يوسف : لا مالعبة ....بس انت شفت كيف كان وضع امي وكيف صارت تترجاني مشان اخطب واتزوج واخواتي كيف صارو يلومني ويقولو انو انا السبب مشان هيك قبلت اخطب وانا كمان حكيت مع رزان وفهمتا اني مابحبها
سليمان : شووووو هيك قلتلا ...وهية شو قالتلك
يوسف : قالتلي انها حست من الاول اني مابدي اياها وهية كمان ماكان بدها اياني بس اهلها جبروها ع الزواج مني يعني متفقين انا واياها وبنتظاهر قدام الاهل انو متفقين
كرم : ههههههههههههه والله مانك قليل يا يوسف
يوسف : بعجبك وان شاء الله خلال هالشهر بكون لقيت مرام

سليمان بسخرية : هههههه بتعجبني ثقتك كتير
يوسف : صح نحنا ماقلنالك شو صار معنا بالمطار
سليمان : لا شو صار
يوسف : لقينا مرام
سليمان : شو لقيت مرام ...ووين ؟؟
يوسف : كانت بدبي ..وهية هلق ببيروت اكيد رح لاقيها
سليمان ؛ وشو كانت عم تعمل بدبي
يوسف : مابعرف
سليمان : ههههه بكرى بتكون متزوجة
يوسف : لا مرام مارح تتزوج غيري هية من ايام الجامعة وعدتني انها مابتتزوج غيري وانا مصدقها
سليمان : ههههه حبيبي هيدا الحكي قبل ماتعمل فيها الي عملتو ....هية كانت بوضع صعب كتير يمكن حدا ظهر بحياتها وساعدها واتزوجها ولاتنسى مرام بنت حلوة ومية شب بيتمناها
يوسف : خلص سكر ع الموضوع انا ماني متحمل ولا كلمة بكفي هالافكار يلي بتضل عم تدور براسي خلينا سهرانين ومبسوطين .....كلو منك يامها الله يسامحك
كرم : لك صحيح شو صار مع مها
.................................
في مطعم فخم
دخلت مرام مع احمد وغسان وليلى
جلسو على طاولة جلست ليلى بجوار مرام واحمد وغسان امامهم
جاء الكرسون : شو بتحبو تطلبو
مرام : انا بدي سوشي وبدي صحن سلطة ومي بس
احمد : سكلوب جاج مع شويت مقبلات وصحن تبولة وعصير فريش او بلا العصير بدي كوباية ببسي
الكرسون : تكرم ...وانظر الى غسان وليلى وانتو شو بتحبو تطلبو
ليلى : اممم انا بدي متل مرام
غسان : انا بدي شي بلحمة شوفي عنكن شي باللحمة
الكرسون : في عنا كتير اكلات باللحمة في عنا كباب وشقف وكبة بالصينة وكفتة و ...و....و.....
غسان : بدي وجبة شاورما بالحمة وصحن كبة بالصينية وصحن سلطة
الكرسون ؛ اوك ثواني وبكون الاكل ع الطاولة
ليلى : مرام هالمكان كتير حلو
مرام : عجبك
ليلى : اي كتير
مرام : خلص ولا يهمك كل فترة بنجي انا واياكي وبناكل هون
ليلى : انا رح قوم نتصور سيلفي وانشرها عالفيس والتويتر ع الانستجرام
غسان : اقعدي ياختي حاج جنان ...وبعدين مرام مابتحب تتصور وتنشر صورها عمواقع التواصل
مرام : مين قلك ...انا بدي اتصور وبدي انشر صوري ع المواقع كمان
احمد : من ايمت ؟؟
مرام : من اليوم خلص انا قررت عيش حياتي بالطول والعرض ....يلا قومي ليلى واعمليلي تااغ ع الصورة
ليلى : حاضر ....قامت ليلى ووقفت امام الطاولة والكل صارو خلفها ورفعت موبايلها : يلا شييييز
واخذت عدة صور لهم جميعا وقامت بنشرهم
وجلست بجانب مرام وبدأت تفرجيها على الصور
احمد : مرام انت صاير معك شي
مرام وهية تنظر الى هاتف ليلى : ابدا ماصاير معي شي بس مليت من جو الكأبة والحزن خلص بدي عيش حياتي متل كل هالعالم وانبسط
احمد : بس هيك ؟
مرام : احمد شبك اي بس هيك اطمن انا مستحيل اغلط
جاء الكرسون وقدم الطعام وبدأ الجميع يأكل
احمد : مرام انا مبسوط منك
ابتسمت ابتسامة : ميرسي وميرسي الكن كلكون عنجد وانا لما بكون معكم برتاح
وهم ياكلون ...يوجد احد وضع يده على كتف مرام كانت مرام تمسك الشوكة بيدها وتضعها في فمها ....
جاء صوت انوثي من خلفها يقول مرام
نظرت مرام الى الخلف لترى من تكون هذه التي تحدثها ....مرام بصدمة : هيدي انتي
...............................
يوسف : مها بعد ما انحبست ضلت ستنين وطلعت لحسن سلوكها واتعهدت انها معد ترجع ع الشغلة مرة تانية ....راحت لعند اهلها طردوها وما اسقبلوها ...وماضللا مكان تروح عليه قام اجت لعندي وصارت تترجاني اني سامحها
كرم : وسمحتها
يوسف : اي بصراحة وضعها كان كتير صعب وزعلت عليها سامحتها وشغلتها عندي بالشركة ...وهية عم تشتغل بالشركة اتعرفت ع شب حبها كتير واتزوجو
كرم : عنجد
يوسف : والله هيدا كلشي صار ....الشب اسمو بلال حبها كتير وعرف كل ماضيها ومع هيك اتزوجها وهية هلق كتير مبسوطة معو وهية وهو هلق عم يشتغلو معنا بالشركة ...وياحرام كتير متندمة بدها تريح ضميرها وتعتذر من مرام
كرم : نيالك ع قلبك الكبير يا يوسف
سليمان : هههههههه ذو قلبٌ رحيم
يوسف : سلوم حاج مسخرة احسن مادق لنسمة وقلها وينو سليمان لهلق ماصل لعندي وخلي ليلتك سودة
كرم : ههههههههههه بيعملها ياسليمان دير بالك ع حالك
سليمان : هههههههه خلص خلص والله معد اتمسخر
............................
مرام : هيدي انت
مها : مرام كيفك
مرام قامت ووقفت امامها : يامحاسن الصدف والله بعد زمان انسة مها .تفاجأ احمد وليلى عندما قالت مرام اسم مهاوعرفوها لكن غسان لم يفهم اي شيء
مها : مرام ممكن كلمتين على انفراد
مرام كانت نتظر عليها بقرف : لا انت بالذات ماعندي كلام احكيه معك مشان هيك احترمي حالك وفلي من وجهي احسن ما اعمل مصيبة
غرغرت الدمعة في عين مها : مرام مشان الله اسمعيني بس كلمتين
مرام بأنفعال ضربت يدها على الطاولة : هههههه الله ليش يلي متلك بيعرف الله ..روحي من خلقتي احسنلك . كانت مرام تتكلم بصوت عالي والجميع صار ينظر عليها

احمد: مرام اهدي شوي العالم كلها عم تتطلع عليكي
مرام : احمد خليك عجنب
احمد بصوت هادي : مرام روحي معها عمكان محايد وشوفي شو بدها ليكي شلون احرجتيها للمخلوقة وصارت تبكي
مرام : لاتخاف هيدي دموع التماسيح ...بس امري لالله رح شوف شو بدها ....تفضل انسة مها بنحكي برا
مشت مها ومرام الى حديقة المطعم
غسان : مين هيدي البنت وليش هيك مرام كامت عم تحكيها
ليلى : هيدي كانت رفيقتها بالجامعة من زمان وماكانو يحبو بعض هية ومرام
احمد بصدمة : انت بتعرفيها لمها
ليلى : بصراحة مرام حكتلي كل قصتها من زمان
احمد : امممم
........
مرام : اتفضلي انسة مها احكي شوبدك
مها : مرام انا اسفة
مرام وهية تكلمها من غير اهتمام : ومن شو اسفة بالظبط
مها : انا اسفة عكلشي اعملتو فيكي من زمان بترجاكي سامحيني انا من سنين وانا عم اتعذب وهلق لما شفتك فرحت كتير
مرام : هههه وايمت رجعلك ضميرك بلله لما كنت بالحبس
مها : وانت شو عرفك اني كنت محبوسة
مرام بضحكت نصر : هههههههههههه لانو انا كنت ورا فوتك ع الحبس ياشطورة مشان تاني مر تعرفي مع مين عم تلعبي
مها : انا ماني مصدقة ....بس هيدا الشي مانو مهم وانا غلطت واخدت عقابي بس بترجاكي تسامحيني ...مشان الله يامرام سامحيني والله انا تغيرت كتير ومستعدة اعمل اي شي لحتى تسامحيني
حزنت عليها مرام : خلص ماشي روحي الله يسامحك
مها : من قلبك
مرام : اي من قلبي انا اصلا نسيت الماضي وفتحت صفحة جديدة بحياتي
مها : مرام يوسف ..
قاطعتها مرام : مها اسم يوسف مابدي اسمعو ...عم قلك انا نسيت الماضي وفتحت صفحة جديدة ....اي انت كيفك
مها : انا الحمد لله اتزوجت شب محترم اسمو بلال وبحبني كتير وهو كان قاعد معي جوا
مرام : اي الله يهنيكي ويسعدك
مها : مرام مين هدول الناس يلي كنت قاعدي معون
مرام : مها الحديث بينتنا انتهى انا هلق سامحتك بس تاني مرة اذا شفتيني اعملي حالك مابتعرفيني اوك وهلق عن اذنك
مشت مرام وعادت الى طاولتها
وعادت مها ايضا الى طاولتها
جلست على كرسيها ولم تتكلم وكانت شاردة
.......
على طاولة مها
بلال : حبيبتي اعتزرتي منها
مها : اي اعتزرت
بلال : وسامحتك
مها : اي سامحتني حسيت هم وانشال عن ضهري مرام قلبها طيب
بلال : مع انو مامبين عليها مبين شافي حالها ومتعجرفي
مها : انا فكرتها هيك بالاول بس لما اطلعنا لبرا اكتشفت انها بعدها متل ماهية حبابة وقلبا طيب
بلال : بس مبين عليها ملياني
مها : بصراحة معك حق مبين عليها انها كتير متغيرة ووضعها كتير متغير كانت كتير فقيرة من وين جابت كل هالعز
بلال : بتعرفي كمان حلوي كتير
مها : اي والله معك حق حلياني كتير عن زمان صايرلا خدود مشاء الله عنها
بلال : ومين هدول الي معها
مها : ماقالتلي
بلال : وماقلتيلا شي عن يوسف
مها : لا ماعطتني فرصة نهائيا .......صحيح شو رأيك خبر يوسف اني شفتها
بلال : مابعرف ياحبيبتي ...خلص بكرى بنخبرو
..............
قطع صمت مرام احمد : مرام شوبدها منك مها
مرام : اااااه .....شو كنت عم تقول
احمد : شوبدها منك مها
مرام : عم تعتزر
ليلى : وانت سامحتيها
مرام هزت رأسها : اي سامحتا مبين عليها انها تابت
احمد : اي منيح ...بس انت ليش شاردي
مرام : كانت عم تقلي شي عن يوسف بس انا قاطعتها وماخليتها تكمل
غسان : ومين يوسف
مرام : حبيبي القديم ...هيدي البنت كانت سبب فراقنا
غسان : اممم وليش ما سمعتيها
مرام : مابعرف بس ماحبيت بين قدامها اني مهتمة
ليلى : احتمال تكون اعتزرت من يوسف وحكتلو الحقيقة وكانت بدا تقلك بس انت ماعطيتها فرصة
احمد لاحظ ان مرام توترت : او يمكن في شي تاني ...خلص مرام لاتفكري بالموضوع
مرام : معك حق ....وهلق فينا نروح لانو انا مزاجي اتعكر
احمد : اوك يلا قومو
ذهبت مرام الى منزلها وهية تصعد على الدرج توقفت وندهت على ليلى
جاءت ليلى : اي مرام قوليلي شوفي
مرام : تعالي بدي احكي معك بموضوع
في غرفة مرام مرام تجلس امام المرآة وتفك حجابها وليلى تجلس على الكنبة
فكت حجابها وفلتت شعرها ونزل على ظهرها كان يصل الى اسفل ظهرها
نظرت ليلى اليها بصدمة : مشاء الله على هالشعر انا اول مرة بشوف شعر بهالجمال ..وقامت اتجاهها وبدأ ترفع لها شعرها الى الاعلى وتفلته وكان ينزل مثل الشلال على ظهرها
مرام : الماما الله يرحمها كانت بتحب الشعر كتير وكانت على طول تعتنيلي فيه وماكانت تحبني قصو
ليلى : شعرك بجنن ...معها حق امك الله يرحمها ...وبصراحة انت بالشعر اجمل من الحجاب ..ممكن جدلك اياها واعملك ضفيرة فيه
مرام : اوك فرجينا ابداعاتك
ليلى : على فكرة انا بعرف اعمل موديلا بالشعر كتير ...لانو بالصيفية الماضي سجلت بصالون شعر وتعلمت شويت موديلات

مرام : المهم انا بعتت وراكي لاني كتير حيراني
ليلى : بيوسف ماهيك
مرام : اي كنت حابي اعرف عنو اي شي
ليلى : شو رأيك نبحث عنو بالفيس بوك
مرام : من زمان خاطرة هالفكرة على راسي بس ماكنت اتجرء ....
ليلى : طيب بنجرب شو رأيك
مرام : اوك ..عطيني موبالي من جنبك
ليلى : لحظة امسكيلي شعرك من هون مشان مايفلتو
مسكت مرام شعرها محل ماتوقفت ليلى ..وقامت ليلى احضر لها هاتفها وهية جلست تكمل لها الضفيرة
مسكت مرام هاتفها وفتحت الفيس بوك وبحثت على اسم يوسف عبد الرحيم بحثت كثيرا ولم تجده
مرام : مالقيتو
ليلى: طيب اكتبي اسمو بالاجنبي
مرام : اوك رح حاول
بحثت مرام على اسمه بالاجنبي ...
مرام : ليلى لقيتو
ليلى : عنجد فرجيني اياه حبابي
ربطت ليلى شعر مرام وجلست بجانبها يشاهدون صفحته
ليلى بصدمة : وااااااو بجنن شو هالشخصية معقول هيدا كان بيوم من الايام حبيبك
مرام وهية تتأمله : ياالله شو حليان صاير كتير حلو يقبر قلبي شو اشتقتلو ...وصايرو دقن كمان
ليلى : كتير لابقتلو ...كمان ليكي هيدي الصورة وهو عم يضحك فيها كتير حلو ....نيالك يامرام
مرام : وع شو نيالي اصلا مكان لالي ولا رح يكون
ليلى : بركي الشب الحلو عرف الحقيقة وعم يدور عليكي وبدو يرجعك
مرام والحزن بعينيها : اصلا حتى لو رجع انا مابقدر ارجعلو
ليلى : ليش
مرام كانت تقصد بأنها لاتستطيع بأن تنجب اطفال وقالت : ااه لانو انا ماممكن سامحو
وتابعو مشاهدة صفحته الشخصية ومرام قلبها كان يرقص من الفرح لانها رأته وتمنت ان تمسك الموبايل وتقبل صورته .....
ليلى : مرام ليكي هيدي الصورة
نظرت مرام الصورة وكان يوسف يقف وبجانبه فتاة وكان في كامل اناقته وهذه الصورة منشورة من قبل اخته سارة واشارت الى يوسف بها وكتبت فوق الصورة احلا عريس بالكون وعقبال الفرحة الكبيرة
مرام : شو يعني هيدي الصورة
ليلى : كأنو خاطب ...وليكي اختو سارة عاملتو اشارة وكاتبتلو احلا عريس بالكون وعقبال الفرحة الكبيرة
مرام بخيبة امل : يعني يوسف خطب ورح يتزوج
ليلى شعرت بحزن مرام : مرام طولي بالك ويمكن الله ماكتبلكن تكون لبعض
مرام : انا اصلا ماني زعلانة بالعكس فرحتلو الله يهنيه
ومرام تقول بنفسها : اااااخ ياقلبي شو بدي اعمل فيك وبهالجروح يلي عم تجيك قلي شو بدك وريحني وقف وريحني انا ماني مستحملة هالعيشي كل انهار بفيق ع هم جديد وبنام على هم غيرو وجرح غيرو لك ااااااااخ انا شو بعد ناطرة من هالحياة اهلي راحو وحبيبي راح حتى كلمة ماما مارح اغضر اسمعها بيوم من الايام ااااااخ
ليلى : مرام ..مرام وين شاردة
مرام : اااه لا مافي شي معك
ليلى : مرام انت زعلانة ماهيك
مرام : انا لا لا بالعكس فرحت انو معد فكر فيني وعم يعيش حياتو
ليلى : وانت
مرام : انا شو
ليلى : مابدك تكملي حياتك طبيعي وتتجوزي ويصير عندك عيلة
مرام : ههههههه ان شاء الله
ليلى : مرام انت بتظني انو مها هية المذنبة هية سبب حزنك اليوم قصدي انو مها هية يلي ظلمتك
مرام : انا مابس مها الظلمتني انا الحياة كلها ظلمتني ....المهم افتحي الكومنتات خلينا نشوف شو معلقتلون العالم
فتحو الكومنتات وكانت كلا تهاني ومباركة على خطبة يوسف ورزان
مرام : ليكي اسمها رزان اسم حلو
ليلى اخذت من يدها الموبايل واغلقته خلص انسي وهاي اعرفتي انو خاطب خلص شيلي من حياتك
مرام ؛ معك حق يلا قومي روحي ع غرفتك نامي
ليلى : خليني نام عندك اليوم
مرام : لا يلا قومي نامي انا منيحة
ليلى : ع راحتك بون وي
مرام : بون وي
ذهبت ليلى الى غرفتها ....وبقيت مرام تصارع افكارها وكان الحزن يصيطر عليها ....وبعد تفكير طويل قررت النوم قامت وبدلت ملابسها وارتدت بنطال بجامة قطن مريح وبروتيل ...وتمددت على السرير غطت نفسها بالغطاء وبدأت تتقلب يمين وشمال ولا تستطيع النوم ...وبدأت تشعر بديق في صدرها ...رفعت الغطا عن نفسها وجلست على السرير وفتحت الجرار الموجود بجانبها واخرجت منه دوائها للضغط ولحساسية صدرها ....ولبست الكامينو وذهبت ووقفت مقابل النافذة كان الجو يحمل نسمة باردة لانهم كانو مقبلين على الشتاء ...ضمت مرام نفسها ...ووقفت قليلا لكنها مازلت تشعر بديق في صدرها وكأن يوجد احد يخنقها فقررت ان تنزل الى البحر قليلا لعل هواء البحر يخفف عنها العذاب والصراع الذي يدرو بداخلها
اقتربت من خزانتها وفتحتها واخرجت منها بنطال جينز ضيق وكنزة عادية تصل الى منتصف فخديها ورفقعت الضفيرة التي عملتها ليلى وبرمتها على شكل كعكة ووضعت لها ربطة شعر لكي تسبتها ولبست حجابها وارتدت بقدميها بوط رياضي واحضرت معها جاكيت تحسبا من البرد واحضرت معها موبايلها ونزلت وركبت بسيارتها نظرت الى الساعة كانت الساعة الواحدة والنصف بعد منتصف الليل ومشت وبدأت تتجول بشوارع بيروت الهادئة كان الجو تقربيا مخيف لان الوقت متأخر ولان الشوارع خالية واشغلت مسجل الموسيقى على اغنية لاليسا ...وبدأت تغني اليسا ومرام تغني معها

(وقالوا سعيدة في حياتها، واصلة لكل احلامها
وباينة عليها فرحتها في ضحكتها وفي كلامها
وعايشة كإنّها ف جنة وكل الدنيا مالكاها

وقالوا عنيدة وقوية، مبيأثرش شئ فيها
محدش في الحياة يقدر يمشي كلمته عليها
هتحلم ليه وتتمنى؟ مفيش ولا حاجة ناقصاها

ومن جوايا انا عكس اللي شايفينها
و ع الجرح اللي فيها ربنا يعينها
ساعات الضحكة بتداري في جرح كبير
ساعات في حاجات مبنحبش نبيّنها

كتير انا ببقى من جوايا بتألِّم
ومليون حاجة كاتماها بتوجعني
بيبقى نفسي أحكي لحد و اتكلم
وعزٍّة نفسي هيّا اللي بتمنعني

سنين وانا عايشة في مشاكلي وبعمل اني ناسياها
وحكموا عليّا من شكلي و م العيشة اللي عايشاها
أنا أوقات أبان هادية، ومن جوايا نار قايدة

ولو يوم اللي حسدوني يعيشوا مكاني لو ثانية
ولو شافوا اللي انا شفته هيتمنوا حياة تانية
ولو أحكي عن اللي انا فيه هتفرق ايه؟ ايه الفايدة)
انتهت الاغنية ومرام كانت تغني معها وتبكي وكأن هذة الاغنية تتكلم عنها ...وصلت الى البحر ونزلت وشعرت بأن الجو بارد قليلا فلبست الجاكيت كان الجاكيت شكله مهضوم لونه ابيض واسود وكان معلق به قبعة مرسوم عليها عيون واذنان نافرتين ولسان وكأن وجه ارنب وجيوبه ايضا نفس الوجه ...وقفت على البحر كانت الجو يحمل القليل من الهواء وكانت اصوات الامواج وهية تضرب بالشاطئ عاليه نظرت حولها ووجدت نفسها وحيدة فخافت وعادت الى سيارتها واقفلت على نفسها الباب ولم تتحرك بقيت قليلا ثم تذكرت حارتها القديمة وايامها الجميلة التي عاشتها فيها فقررت ان تذهب اليها قليلا ثم تعود الى منزلها والساعة صارت حوالي الثانية .....ومشت بسيارتها اتجاه حارتها .....وصلت الى مدخل الحارة واوقفت السيارة ودموعها وقلبها ينزفنا : وصارت تكلم نفسها ااااااخ ياحارتي يا احلا اوقات حياتي قضيتها فيكي صحيح كنا فقراء وكنا محرومين من كلشي بس ماكنت موجوعة كل هالوجع كان اكبر احلامي تياب جديدة ومصاري لعلاج اختي ....ااااااخ ياماما وينك وينك ياعبير وينك يابابا ...والله انا تعبت كتير ...حتى مابعرف شو ناطرني بعد بهالحياة ... وانا كنت متأملي بعد ماشفت مها انها تكون حكت الحقيقة ليوسف وخبرتو انو انا برئية بس قطعت هيدا الامل لما شفتو ع صفحتو بالفيس بوك واقف حد بنت حلوة وقال مخطوب انا متأكدة انو بعدو بفكر فيني بطريقة بشعا ...انا لازم ما اجتمع معو هيك افضل الي والو هو بكون نسيني من زمان بس انا ولا مرة نسيتو وكل يوم عم اشتقلو اكتر بتمنى اني ضمو لصدري وشم ريحتو
وقلو اشقد انا بحبو ...وحتى كمان انا مابقدر قلو اني انا مظلمومة لانو يمكن يحاول يرجعلي بس مافيني ارجع لانو انا طلعت مابجيب ولاد طلعت عاقر اااااااخ .
وسندت رأسها الى ديركسيون السيارة وكانت تبكي بغزارة ...وبعد فترة قليلة رفعت رأسها ومسحت دموعها ومشت بسيارتها لكي ترجع الى منزلها .....كانت تمشي بالحارات الفقيرة لكي تصل الى الطريق العام ...وهية في حارة مظلمة ....فجأة تظهر امامها فتاة تركض كادت ان تصتدم في مقدمة سياراتها لكن مرام بسرعة دعست على الفرامل بقوة واصدر صوت مدوي ....خافت مرام ووضعت يدها على صدرها وتأخذ نفسها بصوعبة ونظر الى الفتاة التي تقف امامها ..كان منظرها مخيف كانت ملابسها ممزقة وكان على جسدها اثار ضرب وخدوش والدم ينذف من كل منطقة من جدسها من وجهها وفمها والامكان التي ممزقة الملابس عليها ...اقتربت الفتاة وبدأت تضرب بيديها على مقدمة السيارة وكانت تصرخ وتبكي
خافت مرام كثيرا ولم تعرف ماذا سوف تفعل وكانها تجمدت من الخوف وعقلها لم يعد يعمل كانت تشاهد الفتاة تضرب على سيارتها من الامام وتبكي تتكلم لكنها من اثر الصدمة لاتسمع ماتقوله الفتاة ....وبعد قليل صحت مرام على نفسها واستجمعت قواها وبدأت تقرأ القرأن في سرها واحست بأن طاقة غريبة دخلت جسمها ولم تعد خائفة ....نزلت الى الفتاة ...اقتربت منها الفتاة مسكت بيدي مرام وبدأت تترجى مرام وتقول بصوت خائف متقطش من الخوف والبكاء: مشششان الله ساعديني ...بسسسررررععة خددددديني من هووووون عم يللللحححققووني بدون يقتلووووني الله يخليكي ساعددييني.....
خافت عليها مرام كثير وبسرعة شلحت الجاكيت والبسته للفتاة لكي تغطي جسمها وضمتها الى صدرها لكي تهديها وبدأت تمسح على شعرها المنكوش وبدأت تنظر حولها لتتأكد بعدم وجود احد : هشششش اهدي اهدي قوليلي مين عمل فيكي هيك ومن مين هرباني انت
الفتاة: هنن هنن عم يلحقوني انا هربت منون هنن وراي بدون اياني
مرام : مين هنن
الفتاة : هنن خطفوني واغتصبوني وانا هرررربت منون
مرام عندما سمعت كلمة اغتصاب جن جنونها وابعدت الفتاة عنها ومسكت وجهها بين يديها : قوليلي مين اغتصبك وشو بدون منك ومين هدول

الفتاة مسكت يد مرام وبدأت تقبلها : مشششاااان الله خلينا نمشي من هوهوون هلق بوصلللللو وبيااااخدوني الله يوففققك ساعديني وانا بعدددددييين بحكيلك كللللشي المهم هلق نطلع من هون
مرام : خلص ولا يهمك تعالي معي انا رح ساعدك واقتربت من الباب الثاني لسيارتها وهية تسحب الفتاة معها مدت يدها الاخرى لكي تفتح الباب
جاء صوت مرعب من خالفها : ع وين ياحلوين ....
شهقت مرام ونظرت الى خلفها ووجدت مجموعة شباب اشكالهم مرعبة يحاوطون السيارة
والفتاة خافت كثيرا ووقفت خلف مرام وتمسكت بها جيدا وتقول لها مشان الله ساعديني لاتخليهم ياخدوني ...
.................................
يتبع 😁😁
توقعاتكم

#مرام
#بقلم_مريم_اليوسف

#الجزء_الثالث_عشر

عندما ظهرت هذه الفتاة امام مرام
خافت مرام كثيرا لم تعرف ماذا سوف تفعل وكانها تجمدت من الخوف وعقلها لم يعد يعمل كانت تشاهد الفتاة تضرب على سيارتها من الامام وتبكي تتكلم لكنها من اثر الصدمة لاتسمع ماتقوله الفتاة ....وبعد قليل صحت مرام على نفسها واستجمعت قواها وبدأت تقرأ القرأن في سرها واحست بأن طاقة غريبة دخلت جسمها ولم تعد خائفة ....نزلت الى الفتاة ...اقتربت منها الفتاة مسكت بيدي مرام وبدأت تترجى مرام وتقول بصوت خائف متقطش من الخوف والبكاء: مشششان الله ساعديني ...بسسسررررععة خددددديني من هووووون عم يللللحححققووني بدون يقتلووووني الله يخليكي ساعددييني.....
خافت عليها مرام كثير وبسرعة شلحت الجاكيت والبسته للفتاة لكي تغطي جسمها وضمتها الى صدرها لكي تهديها وبدأت تمسح على شعرها المنكوش وبدأت تنظر حولها لتتأكد بعدم وجود احد : هشششش اهدي اهدي قوليلي مين عمل فيكي هيك ومن مين هرباني انت
الفتاة: هنن هنن عم يلحقوني انا هربت منون هنن وراي بدون اياني
مرام : مين هنن
الفتاة : هنن خطفوني واغتصبوني وانا هرررربت منون
مرام عندما سمعت كلمة اغتصاب جن جنونها وابعدت الفتاة عنها ومسكت وجهها بين يديها : قوليلي مين اغتصبك وشو بدون منك ومين هدول
الفتاة مسكت يد مرام وبدأت تقبلها : مشششاااان الله خلينا نمشي من هوهوون هلق بوصلللللو وبيااااخدوني الله يوففققك ساعديني وانا بعدددددييين بحكيلك كللللشي المهم هلق نطلع من هون
مرام : خلص ولا يهمك تعالي معي انا رح ساعدك واقتربت من الباب الثاني لسيارتها وهية تسحب الفتاة معها مدت يدها الاخرى لكي تفتح الباب
جاء صوت مرعب من خالفها : ع وين ياحلوين ....
شهقت مرام ونظرت الى خلفها ووجدت مجموعة شباب اشكالهم مرعبة يحاوطون السيارة
والفتاة خافت كثيرا ووقفت خلف مرام وتمسكت بها جيدا وتقول لها مشان الله ساعديني لاتخليهم ياخدوني .....مرام بدأ يسجمها يرتعش وكانت خائفة اكثر من الفتاة اغمضت عينيها وبدأت تقرأن القرأن وتستغفر الله وتوحده وتصل على الرسول ثم اخذت نفسها عميق وفتحت عيونها
مرام مدت يدها الى الخلف لكي تخبء الفتاة وكأنها تطمنها : لا تخافي انا معاكي
وصدر صوت ضحكات قوية من الشباب ضحكات مسخرة على مرام
وتكلم احدهم : هههههههه ليكو ياشباب القطة اتخبت ورا قطة تاني
تكلم شخص اخر : شو ياحلوة من وين جبتي هالقمر لحتى يساعدك
مرام : مين انتو وشوبدكم من هيدي البنت المسكينة
تكلم اخر : عهههههههههه كان بدنا ايها بس هلق بدنا اياكي انت واياها
مرام تكلمت بثقة : مافشرتو تلمسو شعرة مني او من هيدي البنت
اقترب شاب من شاب اخر وكلمه بهمس : هيدي البنت مبينة مدعومة خلينا نتركها لانو ممكن تجبلنا مصايب خلينا ناخد البنت تبعتنا ونروح ونتركها
_معك حق ليك سيارتها مبينة كتير فخمة ومحدا بيركب متلها غير رجال الاعمال والمسؤولين
شاب : نحنا مابدنا منك شي اتركي البنت وروحي
الفتاة تعلقت بمرام : مشان الله لاتتركنيني هدول وحوش والله بدون يقتلوني
مرام : لاتخافي انا مارح اتركك غير على جثتي
شاب : انت مابتفهمي عم نقلك امشي بالحسنة احسنلك احسن مايصير مصيرك متلها
مرام : وانا عم قول محدا بيلمسها غير على جثتي
شاب : هههههههه مبين عليكي كتير واثقة من حالك
شاب : شو ياقطة انت بتلقي كف واحد مننا
مرام لم ترد اتجهت نحو باب السيارة وفتحته وقالت للفتاة ان تركب وونظرت الى الزعران وقالت : بحب قلك انو انا ماني قطة انا لبوة
شاب : هههههه ياحبيبي والله هاللبوة واثقة من حالها كتير
مرام : قرب وشوف ثقتي اشقد كبيري
شاب : هههههه شباب اعملو الازم وجيبو هديك من السيارة وهيدا خلصو عليها وارموها تحت شي جسر مرام كورت يدها بغضب واستعدت للقتال : ههههه والله انتو جيتو ع الموت برجليكم
اقترب شاب منها ووقف امامها وقال : والله حرام هالحلو يموت هيك موتة .ورفع يده لكي يلمس وجهها
وبحركة سرعة مرام رفعت يدها ومسكت يده بقوة قبل ان تصل الى بشرتها مسكتها بقوة وبرمتها بسرعة واصدرت يده صوت تكسر عظام وصاح الشاب بصوت عالي : اااااااااااااااااااااااااااااااااااااااخخخ
انصدم الجميع ومعهم الفتاة من هذه الحركة لان هذه حركة محترفين
مرام مازالت تمسك بيده وهو يبكي ويصيح من الالم : هههههه قلتلكم بدكم تندمو .ووضعت رجلها بظهره ودفعته بقوة وذهب يتدحرج على الارض
الشاب صاحب اليد المكسورة على الارض : لك انت شو ااااخ ايدي ااااااخ الله يلعنك
مرام : مشان تعرفو انو ماكل الطير بيتاكل لحمو انا لحمي مر ومابيتاكل ...وعم تسأل مين انا انا بكون مندوبة عزرائيل عالارض
شاب : شباب اجهمو عليها لاترحموها بدي اياها تحت اجري مزلولة