يافا : اي
هشام : بالأول حاولنا نخبي السيرة
بس لمن صار في حمل ماعد شي بيتخبى
بابا لمن عرف اجتو جلطة ومات.... بعد العزا
ضبينا أغراضنا وطلعنا من المدينة كلها.... وانتقلنا ع مدينة تانية.... هنيك اتوفت هي.....
وبعدها قررنا انا وامي نعمل الي
صار ونقول انو جود بنتي كمان تركنا
المدينة وجينا هون وكنا ناوين ندفن
هالسر معنا ومحدا يدرى.... بس....
وبيسكت اما يافا كانت عم تسمعلو بصمت وتبكي
يافا : والشب
هشام بغصة : الله كبير تاري عاملها
كتير مع بنات وضحكان عليهن ومن
ورى تخبيصاتو الله بلاه بالايتز واندفس بعد سنتين
. . .
عند حمزة وجود........
نزلوا قريب من الشط نزلت من السيارة
وتركت الباب مفتوح.... قعد ع الرمل
وصارت تبكي بحرقة.... نزل حدها حمزة وهو مرعوب....
حمزة : ياضو عيوني انتي شو صاير
قلبي رح يوقف.... احكيلي بوس ايدك
كانت بس عم تبكي وتشهق بحرقة...

حمزة : حبيبتي الله يوفقك لا ترعبيني
اكتر ماني مرعوب احكي شبك
ارتمت لحضنو وصارت تبكي بحرقة اكتر
حمزة : هششش ياعيوني هشششش
ضل يهدي فيها وقت طويل...بعد ماهديت
بعدت عن حضنو ومسحلا دموعها بكفوف ايديه... حمزة : احكي حبيبتي الله يوفقك
جود بحرقة : هشام... هشام مو بابا
وبلشت تبكي اكتر واكتر
حمزة : مافهمت شلون يعني
جود بتبكي : هشام... هشام ب...
بيكون خالي... اخوها لماما... مو... ابي
حمزة بصدمة : شووو
جود : اي اي سمعتو اليوم عم يحكي
لخالة يافا وعم يقلها انو انا.....
حمزة : انتي شو
جود : انا.... جيت.... نتيجة.... اغتصاب
حمزة بصدمة : اغتصاب!!
جود بتبكي : اي اي
رجع ضمها لصدور وصارت تبكي بحرقة
اكتر من الاول

__بعد مرور 10 ايام__

بتمرق هالفترة على ابطالنا كانها مية سنة ... جود بتبات عند هبة وحمزة يلي دايما
بحاولو يقنعوها انو هشام عمل هيك
لمصلحتا...وبيحكولها عن يافا وهشام
وحالتهن سوا بسبب يلي صار...بحكم
انو بلين قلبها...وهشام طول الوقت
برا البيت واذا اجا بنام بغرفة امو...
‏ ‏اما يافا من وقت هداك اليوم وهيي بالغرفة... طلعت شي مرتين عالحمام وشربت
مي ورجعت... ما عم تاكل ولا تشرب منيح.. ولا تنام... كل الوقت مصدومة من اللي صار
و عم تبكي... ومشتاقة لهشام... بيوم طلع حمزة لعندها ليحكي معها
بالموضوع... دق باب غرفتها ما كانت ترد... خبط اكتر... ومافي جواب... بيحمل الموبايل ليتصل بهشام
حمزة:الو... هشام:هلا حمزة كيفك
حمزة بتلبك:ا ا اه اي منيح انا
.هشام:شبك ليش صوتك هيك ومتلبك صاير شي مع جود؟
حمزة:لا لا جود بخير .. بس عم حاول
دق على يافا على باب غرفتها ما كانت تفتح
هشام ببرود:كالعادة حابسة حالها بغرفتها
حمزة:بس بالعادة ترد عليي.. هالمرة مافي صوت الها
هشام بخوف: كيف يعني حتى ما ردت ولا شي؟
حمزة :لا ابدا
هشام:اكسر الباب بسرعة حمزة
بحاول حمزة يكسر الباب... ما كان يفتح... بقوي الخبطة اكتر...
وهشام بعدو عالخط... بيفتح الباب
وبينصدم لما يلاقي يافا واقعة بالارض وشعرها على وجهها
حمزة:يافاااااااااااااااا
بيفزع هشام من صريخو وبقول :شو
صار شبها يافا... حمزة وينك
حمزة:يافااا لقيتها عالارض غميانة... وينك انت
هشام:ثواني بكون عندك
بحاول حمزة يفيق يافا بس بلا فايدة
كانت شبه الاموات... وجهها اصفر
وضعفانة... والسواد اكل تحت عيونها.
مافي ثواني بيجي هشام وبس يشوفها
بهالحالة بيحملها وبحطها بالسيارة
وبياخدها عالمشفى فورا.... بينزل حمزة
عند جود وبخبرها شو صار وبروحوا
سوا عالمشفى ليطمنو عليها.....
. . .
هشام بكون عم يمشي بالكوريدور...
يروح ويجي وناطر الدكتور ليطلع
ويطمنو... بهالاثناء بيلمح جود وحمزة وهبة
جايين تجاهو... بدمعو عيونو وبيبكي...
لتركض جود عليه وتحضنوا وتقلو
ببكاء : انت سندي وملجئي ودنيتي وابي
بابااا.... فيني ضل عم ناديلك بابا مو 😭
هشام بيبكي : بموتك إذا شي يوم
فكرتي تناديلي غير بابا... ياعمر
ابوكي واغلى شي بدنيتو.... يا أول
فرحة بكل عمري.... انا الي ربيتك وكبرتك
وسهرت عراحتك كل عمري انا ابوكي
وبس سامحيني يابنتي

جود؛:ليش انا فيني على زعلك بابا..
هشام : ياضو عيوني انتي الله لا يحرمني منك
جود : ويديمك فوق راسي يا احلى اب بالدنيا
بتبعد عنو وبتقلو.. طمني شو صار
بيمسح دموعوا هشام وبقول:بعد ما طلع الدكتور 🥺
بينطرو كم دقيقة... ليطلع الدكتور.... بيتجمعوا الكل حواليه
هشام:طمنا دكتور كيفها... شو وضعها
الدكتور:الصراحة الوضع ما بطمن بنوب...
المريضة عندها فقر دم حاد و نقص
فيتامينات ... وهاد باثر على الجنين
وعلى حالتو.. واذا ضلت هيك رح تاجهض
‏هشام:ليش هي حامل !!!!
الدكتور:اي بعدو الحمل باولو ولازم
تضلها فترة بالمشفى لنراقب وضعها
ووضع البيبي ونتاكد اذا كلشي تمام

هشام:اي اكيد.. يعطيك العافية دكتور
بروح الدكتور وبيترك هشام .. فرحان
انو رح يصير اب وزعلان على حالة يافا
وخناقاتهن سوا... وانو تركها بدون ما يسال عنها

جود بفرحة:سمعت بابا رح يجيني اخ العب
مع.. بتسكت جود وقت تتذكر انو هشام
مش ابوها...

بحس عليها وبقول :اكيد
ورح تكوني احلى واحن اخت صح ولا لا
حمزة:معو حق ابوكي يا جود... رح تكوني
اروع اخت شفتها... بتطلع فيه بحب و بتضمهن
بفوت هشام لعند يافا وبشوفها نايمة متل
الملاك... بقرب عليها وبيطبع بوسة على
جبينها وببعد شعرها عن وجهها

وبقول :سامحيني
بتحس عليه يافا وبتفيق شوي شوي
يافا:هش... ا.. م
هشام:يا عيونو لهشام
يافا بتعب:تعبانة كتير... وبطني واجعني
هشام:ياروحي ريتو الوجع لقلبي
يافا: لا تحكي هيك
هشام:سامحيني لاني تركتك ... ولاني كذبت عليكي
يافا:ولا يهمك حبيبي
هشام:قال الدكتور لازم تضلي فترة هون مشان نطمن عليكن
يافا:علينا؟
بحط هشام ايدو على بطنها وبقول... رح يصير عنا بيبي
يافا :جد
بتضمو يافا لهشام وبتتخبى بين حضنو لتنسى كل تعبها... هشام:جد الجد يا روحي... بيطبع بوسة ناعمة ع جبينها
‏وبيحكي : الله يقدرني واسعدكن طول عمري
يافا:ما يحرمني منك يا قلبي
بتدخل جود وبتقول :طيب خليلي دور شوي بابا
بتفرح يافا لما بتشوف جود فايتة على
الغرفة... وبتطلع بهشام... وبنزلها براسو... فهمت هيي انو تصالحو....... يافا:تعي يا روحي تعي... بيحضنو بعض كلهن وبيبكو
هشام : الله يقدرني واسعدكم كل العمر وكون السند الكم
يافا وجود : الله لا يحرمنا منك 🥺💛
__بعد مرور سنتين ____
العجقة مالية الصالة... ويافا لاحقة ايهم
ابنها يلي كل شوي بيوقع بترجع يافا بتقومو...
يافا:يا مامي شوي شوي ... الله يصبرني
عليك انت وابوك.. صحيح وينو ابوك...
بتدور بعيونها... بتلاقي هشام واقف
بهيبتو و عم يستقبل المعازيم وعم يبتسلهم.
يافا:اوباااااا.... في شي عم يصير من ورا ضهري لكن
بتحمل ايهم وبتروح عند هشام يلي بكون
مادد ايدو ليسلم على بنت.. بتقطع سلامو وبتسلم هيي عنو
يافا:اهلا وسهلا شرفتو☺
بخلصو وبتقول لهشام:ليك اذا بدك بخطبلك
ياها فرد مرة؟.... او خود ابنك ربيه انت
وياها سوا لان انت وابنك جننتوني تمام...
بتحط ايهم بحضن هشام وبتلف لتروح...
بيمسكها من ايديها وبيبرمها لعندو وبقول :بحبك
يافا:اي اضحك عليي بكم كلمة ... بتتركو
وبتروح عالطاولة .. ليطلو جود وحمزة
هنن وماسكين ايدين بعضهن والفرحة على
وجههم وما سايعتهم... بيبتسم هشام لما
بشوف بنتو واخيرا عروس وفرح فيها...
وكانو نفذ وصية اختو... بقرب على حمزة
وبيهمسلو :رح سلمك وصية اختي الك هلا... جود بامانتك
باشر حمزة على قلبو وعيونو وبقول :هيي هون وهون...
لا تقلق عمي بنتك بالحفظ والصون والله يقدرني لاسعدها طول
حياتي
هاشم:الله يرضى عليكم ويهنيكن يارب .
_بنص الحفلة____

بيهمس هشام لل DJ يحط على غنية محددة خاصة... بقرب على يافا وبقلها بتسمحيلي برقصة
‏ ‏بتبتسم يافا وبتحط ايدها بايدو لتلبي دعوتو... بيسحبها على ساحة الرقص... بلف ايديه على خصرها.... وبتحاوط يافا رقبتو بايديها الناعمين... بكونو قريبين كتير من بعض وعم يرقصو على غنية:

أنا ...
أنا كلي ملكك
أنا كل حاجة حبيبي فيا بتناديك
أنا ...
أنا مش بحبك
الحب كلمة قليلة بالنسبة ليك
....
أنت فرحة جت لعندي
بعد عمر من التعب
في السعادة اللي باعيشها
يا حبيبي أنت السبب
ضحكتك عقلك جنونك
والحنان اللي في عيونك
هاوصف إيه و أحكيلك إيه
.....
معاك ...
باضحك وبافرح
مابقتش خايفة
ازاي هخاف وأنا بين إيديك
ساعات بخيالي باسرح
قبل أما باحلم كل حاجة ألاقيها فيك
والسنين…هتفوت وتمشي
منك أنت أنا مش هامّل
باوعدك يا حبيبي عمري
شوقي ليك ما في يوم يقل
هبقى فرحك وقت حزنك
في التعب تلاقيني حضنك
كل يوم ...
من عمري ليك..

يافا:على مين عم تطلع
هشام: يا عفو الله حتى بالرقصة
يافا بهمس: ننننن اصلا بحبك وبغار عليك
هشام:بعشقك وبعشق غيرتك يا مجنونة

#انتهت
#بقلمي_ميسا
رأيكم فيها وكلمة حلوة الي كل الحب الكم 🤍
#ايفا 🕊🎴

بداية القصة 🫶🏼

قصة جديدة: #العشائرية

قراءة ممتعة 🤍.

#قصة_العشائرية 📿🗡️
#تعديل: نزلت كاملة واخيراً 😭♥️ "
اعملوا تاغ ل يلي لسا ما قرأت تقرأ 💚
#بقلم_الكاتبة_ايمان_اوخين🧿

#لمحة_صغيرة 💀: بمجرد قلنا قصتنا هي قصة عشائرية لازم نفهم من هالكلمتين انو قدامنا كلمات بتعبر عن روايتنا ويلي هنن " الانتقام .. التار ..الحب .. الدم .. الفقد .. العذاب " 💔

اكتر من هيك مافيني احرقلكن الاحداث فوراً ..
رح نزل كل يوم ساعة 10 المسا جزء ويمكن اكتر حسب قدرتي .. وبتمنى من درجة الاولى تدعموني 😍

#المقدمة:

بضيعة عشائرية كبيرة وببيت من بيوتها كانت عائشة قاعدة على ارض وهي عم تمشط شعر بنتها الصغيرة " لين" واختها "سارة" قاعدة جنبها عم تسأل اسئلتها يلي مالا اخر

سارة: ماما احكيلي عن قصر مصطفى آغا
عائشة: عن شو بدك احكيلك بالضبط
سارة: عن كلشي كلشي .. يعني هنن كم شخص .. وانو صح يا ماما كل واحد عندو غرفة لحال وسيارة وعندن حصان كمان ؟!

اطلعت عائشة على بنتها يلي ناطرة اجوبة اسئلتها بفضول وحكت : اي يا بنتي .. هالقصر بناه مصطفى آغا كبير العيلة ومن كبارية عشيرة دينخان..
القصر عبارة عن طابقين وفيها غرف كتيرة شي للنوم وشي للكتب وشي للضيوف و للأكل وغيرا وغيراتا

وغير ساحة القصر الواسعة يلي مزينة بطرف منها بالاشجار المنوّعة وورود بأشكالها .. وبطرف التاني موزع كنابايات تقيلة بشكل مرتب

وبقسم الجانبي من القصر، طرف منها مخصص
للاصطبل " حظيرة الخيول" وطرف التاني مخصص ك كراج للسيارات القصر

اما بخصوص العائلة الكريمة ف مصطفى آغا عندو 3 ولاد وكل واحد فيهم تزوج وخلّف وصارو شباب بينشد فيهم الضهر

ابنه الكبير اسمه محمد تزوج امينة خانوم من عشيرة اردين وخلّف ولدين مهفان و لارا

وابنه الوسطاني اسمه ياسين تزوج من سناء كانت غريبة عن العشيرة ولحد هلق بيعتبروها غريبة حتى بالعيلة وخلّف بس ولد واحد واسمه عماد

اما ابنه الصغير اسمه يحيى تزوج من بنت خالته اسمها خديجة وخلّف ولدين علي وآرين

بهالاثناء دخلت صبية حلوة عالغرفة وابتسامتها على وجها كالعادة وحكت بغنج : ويا ترى اي واحد فيهن جاية على حصان الابيض لياخدني

ضحكت عائشة وردت : ههههه .. يا عمري يا " ايفار " الله يبعتلك ابن الحلال ويسعدك ياروح امك انتي

راحت ايفار وقعدت مقابل امها وردت : آمييين يارب .. اي امي كملي حديثك

اخدت عائشة نفس وكملت: هاد يا بنتي كبروا هالولاد وصارو شباب وعين الله عليهم كل واحد فيهم بيقول للقمر بعد لاقعد محلك ..

مهفان ابن محمد الكبير واكبر احفاد مصطفى اغا معروف بقوة شخصيته يلي طير عقل بنات الضيعة كلها وهيبته وجماله وطوله وطبعاً كسب كل هالمواصفات من عمه يحيى يلي كان بزمناتو اخد عقلنا هههه ..

بس بزمناتو كان عمه يحيى بيحب بنت من عشيرة تانية بس كان مصطفى آغا رافض فكرة انو يربط اسم عيلتهم بهديك العشيرة وصار كتير مشاكل وبالاخير زوجوه بعمر صغير قبل اخوه محمد وياسين لحتى يبعد عن هديك البنت

وعلي و عماد طالعين لجدهم مصطفى اغا زكرت وقد حالهم ومكان الثقة .. كل واحد رجال بكل معنى الكلمة

ولارا المعروفة برقتها وجمالها ونعومتها بتلفت نظر وين ما قعدت ووين ما راحت

اما آرين اصغر احفاد مصطفى آغا ملاك على هيئة انسان .. قمر مصور صغيرة العيلة ومدللة جدها .. ما بتنرفضلا طلب .. وعمرها اصغر من اختكن ايفار بسنتين بس

سكتت عائشة فجأة بس تذكرت شي
حاولت تخفي توترها ورجعت اخدت نفس وكملت : المهم يا بناتي هالعشيرة معروفة بكرم اخلاقها واحترامها والهم سمعتهم و اسمهم من بين عشائر كلها

ايفار : خلص يا امي هاد يلي اسمو مهفان من هاللحظة اعتبريه صار صهرك

ضحكت عائشة : يا عيوني انتي والله احب على قلبي تتزوجي حدا من بيت الاغا وتعيشي معززة ومكرمة

شردت ايفار شوي وحكت بجدية : اي امي شو مشان دراستي ما قررتي لسا
عائشة : يا امي يا روحي انا بدي ياكن تكبروا وتتعلموا وتتثقفوا بس وضعنا ما بيسمحلنا .. بتعرفي اني بروح صبح بكير على بيت آغا بخدمهم لساعة تسعة المسا ومصروفنا يا دوب .. غير هيك انا كيف بدي أمن عليكي برات هالضيعة لك بنتي

ايفار : امي انا ماني رايحة اقعد بالمدينة لحالي.. انتي بتعرفي اني رح كون مع " هيلما " وندرس ونتشارك بكلشي وليكها المدينة بتبعد ساعة وحدة بس عن ضيعتنا

عائشة : افهميني يا روحي قلبي مو مرتاح لهالشغلة .. بعدين نسيت خبرك انو من بكرا رح اخدك معي عالقصر بتساعديني هنيك هالفترة لانو ميسون راحت لعند امها خطي حالتها ما منيحة وحطوها بالمشفى وانا و " ابرار " مو ملحقين على شغل القصر كلو

نزلت ايفار راسها بحزن وردت : طيب امي متل ما بدك

عائشة : خلص يا روحي جيبي كتبك وادرسي هون ووقت امتحاناتك بتروحي بتقدمي بكالوريتك هنيك

رفعت ايفار راسها وعيونها دمعو فجأة من الفرحة وهجمت على حضن امها وبلشت تبوسها من راسها وتحضنها : لك يخليلي ياكي يا اغلى واحن ام بالدنيا كلا

وبدورها عائشة غمرتها واخدتها على حضنها : يا ضي عيوني .. يلا يا عمري تأخر الوقت وصار وقت النوم .. بكرا عندنا شغل كتير بالقصر
ايفار : اي امي بس ما قلتيلي ومين بدو يدير بالو على لين وسارة
عائشة : واخوكي ايمن لك بنتي
ايفار: هه يعني على اساس ما بتعرفي انو ما بيقدر يقعد بالبيت ثانية
عائشة : صحي لسا ما رجع من عند صاحبو سليمان ؟
ايفار : لا يامو لسا
عائشة: خلص انتي روحي نامي وانا رح احكي معو بس يرجع
ايفار: ماشي امي تصبحي على خير
عائشة : وانتي من اهلو يا روحي

#الجزء_الاول:

∞..........« ♪٭★٭♪».........∞

بيوم التاني فتحت عيونها بالتدريج على صوت العصافير بعز الشتا ، رفعت ايدها و بعدت خصلات شعرها عن وجها وبلشت تفرك عيونها وهي بعدها بالفرشة، شردت بشباك غرفتها وبلشت تروح بخيالها لااحلامها الوردية .. ولسا ما تعمقت بأحلامها ... فجأة رجعها صوت امها على واقعها وهي بتناديها :
بنتي ايفار .. يا بنتي

فتحت عائشة الباب وحكت بكل حب : دخيلو هالوش ..صباح الخير يا عمري

ردت ايفار بغنج : صباحو يا اغلى صبية بهالكون كلوو
عائشة : يا روح امك يلا قومي صارت الساعة 7 بلا ما نتأخر عالقصر لازم نلحق شغل قبل ما يفيقوا بيت الآغا
ايفار : اوف يااه .. مين بيترك هالفرشة الدافية .. اخخخ والله بررررد

قامت ايفار بعد محاولات من فرشتها وراحت لحتى تغسل وجها
ايفار: يا امييي شو هالبرد كيف بدي اغسل وجهي هلق
عائشة: لسا ماجهزتي حالك يا بنت بدك قتلة عند هالصبح
ايفار: لااا امي لاا كلشي الا القتلة بهالبرد

عائشة: لكن خفي ايدك شوي بلا ما نتأخر
ايفار: يلا امي ثواني بس ....

و بعد محاولات سحب ومد ايدها تحت مي المبوّظة اخيراً قدرت انها تغسل وجهها وتروح تجهز حالها

ايفار : يلا امي انا صرت جاهزة
عائشة: يلا يا روح امك وهي انا خلصت لف السندويشات لاخواتك بياكلوها بس يفيقوا

∞............« ♪٭★٭♪»...........∞

وصلوا ايفار وامها عالقصر وبلشو تنضيف وترتيب واخيراً صار وقت الفطور

كانت عائشة بالمطبخ عم تجهز لما دخلت ست بالاربعينات وبلشت تاخد عيونها يمين وشمال وحكت : صباح الخير
عائشة: صباح النور امينة خانوم
امينة: شو لسا ما جهز الفطور
عائشة: ثواني وبيكون السفرة جاهزة يا خانوم
امينة: الكل بالقصر ؟
عائشة: والله يا خانوم ياسين اغا طلع مع ابنه عماد عالشركة
امينة: امممم ،، وابني مهفان ؟ ما شفتو بغرفته

ابرار : شفتو الصبح وانا عم نضف قدام بابا القصر طالع مع مصطفى آغا يا خانوم
امينة : وما بتعرفي لوين راحو
ابرار : لا والله يا خانوم
امينة: ماشي لكن انا طالعة على غرفتي بس تجهز الفطور خبروني
عائشة: امرك امينة خانوم

اخدت عائشة نفس بعدما طلعت امينة من المطبخ وحكت: ابرار شو صار بالشاي
ابرار: كلشي صار جاهز خالتي
عائشة : يلا بنتي خلينا ناخد الاكل عالسفرة
ابرار : يلا خالتي
عائشة : ايفار يا امي ما خلصتي غسل الكاسات
ايفار: يلا امي هي خلصت

بلشوا عائشة وابرار وايفار بتوزيع الاكل عالسفرة
وراحت عائشة تخبر الكل يجوا يفطروا ..

بهالاثناء كانت ايفار راجعة عالمطبخ وهي عم تطلع حواليها باعجاب من اثاث القصر وطريقة البناء والعفش وهي عم تحكي مع حالها وكلها دهشة : يا الله هالقصر شو كبير وشو حلو متل الافلام بالضبط .. شو بحلم يكون عندي هيك اثاث ومناظر وهيك قصر

كانت عم تمشي وتتفحص من دون ما تنتبه انها راحت بطريق تاني غير يلي كانت رايحلها
وللحظة حست انو ضيعت حالها وماعد عرفت طريقها للمطبخ
صارت ترجف وتحكي مع حالها : وليييي هلق بفكروني عم اتجسس على شي حدا بالقصر .. وينك يا امييي

بلشت تمشي وهي عم تطلع حوليها بخوف وفجأة مرقت من جنب غرفة كبيرة مبينة من فتحت الباب رفوف كتب

ما قدرت تمسك فضولها فحصت بعيونها حوليها وتقدمت بخطواتها وفتحت الباب عالاخير اتوسعت معها حدقة عيونها من منظر يلي قدام عيونها

كانت الغرفة عبارة عن قسمين .. قسم لمكتبة بطول الغرفة من تحت لفوق مليان كتب وقسم كنابايات تقيلة ومرتبة موزعين بشكل مرتب

بس شافت عيونها المكتبة مليانه كتب نسيت حالها وفجأة خطر على بالها تاخد كم كتاب من هالكتب

بس قبل ما تتحرك وتدخل سمعت صوت رجولي عم يحكي .. من خوفها تلبكت ودخلت عالغرفة وسكرت الباب بسرعة من دون ما تطالع صوت .. وشوي شوي صار هالصوت يقرب من الباب حتى انفتحت بالاخير

بهالوقت قدرت ايفار تلاقي مكان تتخبى فيه

انفتح الباب ودخل علي وهو حامل تلفونه وعم يحكي و اخد طريقه على ملفات يلي كانت محطوطة على طاولة وطلع من دون ما يلاحظ او ينتبه انو كان في صبية متخبية تحت هالطاولة وهي مسكرة عيونها وعم تهمس بخوف : يارب ما يشوفني يارب دخيلك خلص هي اخر مرة ماعد عيدها ورح انتبه وامسك فضولي وماعد فتش على بيوت العالم ...

وهي لسا عم تهمس بينها وبين حالها رجعها صوت سكرت الباب على الواقع
بس تسكرت الباب فتحت عيونها بعدم تصديق وبسرعة البرق طلعت ركض من مكانها لعند باب الغرفة وبس تأكدت انو مافي حدا برا طلعت وصارت تحكي مع حالها : الحمدلله يارب ما شافني انفلتنا .. اي بس انا هلق كيف بدي ارجع عالمطبخ يالله شو كبير هالقصر

وهي عم تمشي لفتت راسها لتشوف اذا في حدا وراها وبس رجعت لفتت لقدامها فجأة انضربت بحدا متل الحيط ووقعت من بعد ما فقدت توازنها من دون ما تستوعب شي .. رفعت وجهها لاخر درجة من راسها بس شافت عملاق قدام عيونها من رعبتها بلشت تزحف لورى وهي عم ترجف وتحكي بشكل متقطع : ااانا وووالله كككنت بدي ارجع عاااالمطبخ و...

قاطعها صوت رجولي : مين انتي ؟
ردت ايفار بعدما بلعت ريقها : ااانا .. اممم انا مين .. ااايفار انا اايفار
.... : اي وشو عم تعملي هون ؟
ايفار : ككنت رااايحة عالمطبخ بس ....
.... : لا حول الله انا شو عم اسأل وهي شو عم ترد

تركها مهفان وكمل طريقه وفجأة رجع وقف بس سمع ايفار عم تناديه : اخي بب بس ممكن تقلي وين طريق المطبخ
اطلع مهفان على ايفار من تحت لفوق وهمس بسخرية : اخي !!!
اخد نفس وكمل طريقه لما فجأة رن تلفونه

ايفار بصدمة وصوتها بترجف : اي لعما ضربك لعماا .. رح يوقف قلبي شو هااد .. حيط والله حيط.. دخيلك يا الله مابدي موت هلق .. خلص يا قلبي حاج تخافي خلص راح اهدي

وبلشت توقف على رجليها وهي عم تهمس : ياربي تاخد طريقي على مطبخ قبل ما انصدم بحدا تاني واندفن هالمرة عن حق وحقيق وبلشت تروح يمين وشمال وفجأة لمحت ابرار طلعت من قدامها
ايفار من فرحتها ركضت لعندها

بس شافتها ابرار حكت : وينك ايفار امك كانت عم تسأل عليكي
ايفار: والله يا ابرار ضيعت طريقي وانا راجعة
ابرار : يلا مو مشكلة شوي شوي بتتعودي عالقصر تعالي معي

وصلت اخيراً عالمطبخ وكأنها وصلت عالجنة وبس شافتها امها حكت بعتب : وين كنتي لك بنتي بدك من اول يوم تعمليلي مشكلة
راحت ايفار وحضنت امها : والله يا امي ضعت وانا راجعة وماكنت عرفت ارجع لهون لو ما طلعت ابرار قدامي
عائشة : طيب بنتي بس انتبهي بمرة تانية ماشي يا عيوني
ايفار : امرك امي

قعدت ايفار على كرسي وهي بعدها عم ترجف من موقف يلي صار معها قبل شوي

∞................« ♪٭★٭♪»..............∞

بهالوقت وبشركة الآغا تحديداً كان ياسين آغا قاعد بمكتبه عم يتفحص الوراق يلي بين ايديه وابنه عماد قاعد على كرسي مقابله

عماد: شو ابي شو رأيك بهالصفقة
ياسين: الصفقة كبيرة وكل امورها عال العال بس في شي ماعم افهمو
عماد : انو شريكنا بهالصفقة مجهول الهوية

هز ياسين براسه وحكا : هاد يلي شاغل بالي
عماد: طيب يابي خلينا نجتمع اليوم المسا مع عمامي وجدي ونتفق على قرار بخصوص هالشي
ياسين : وهاد يلي رح يصير ..

صفن ياسين بابنه شوي وبعدين حكا وابتسامة غريبة على وجهه : لك انت ايمت كبرت لك ازعر
عماد باستغراب : شو ابي يلي بشوفك هلق بفكر كل حدا فينا عايش بمدينة
ياسين : والله يا ابني ما كنت شايفك
عماد : اي لكن .. ما انا شفاف كيف بدك تشوفني
ياسين : هههه الله يحميك يا ابني وشوف ولاد ولادك .. وعلى هالسيرة ما قلتلي لك ابني شو صار بموضوع الجيزة يلي حكينا فيه

وقف عماد بسرعة وحمل الوراق يلي محطوط عالطاولة وحكا محاولة منو يتهرب من الموضوع : يابي نحنا هلق بمكان الشغل وشغلي لفوق راسي بخاطرك

وهو بطريقه ليطلع من مكتب بسرعة .. استوقفه صوت ابوه
ياسين : عماااد
وقف عماد بمكانو قبل ما يفتح الباب واخد نفس وزفره بضيق والتفت و رد : نعم ابي
ياسين: بدك تضل عم تتهرب ..
عماد : ......
ياسين : يابي انا وامك بدنا نفرح فيك ونشوف احفادنا عم يكبروا بين ايدينا .. ولا بدك تحرمنا من هالنعمة لك يا ولد
عماد : خلص يابي رح اعمل يلي بدكم ياه بس هالفترة اجلولي هالجيزة شوي
هز ياسين براسه ورد : مااشي .. لنشوف لايمت بدك تتهرب بس حط ببالك الزواج بدك تتزوج وغير بنت كمال آغا ما بزوجك

كز عماد على اسنانه والتفت وفتح باب المكتب وطلع و علامات الضيق والغضب واضح على وجهه
وهو بطريقه لمكتبه استوقفه صوت مهفان

مهفان :شو يا ابن العم شايفتك قالب خلقتك " غمزله بعيونه وهز براسه وقلو " شوفي

بينما عماد اخد نفس ونفخ وكمل طريقه لمكتبه ولحقه مهفان
سكر مهفان الباب بعدما دخلوا عالمكتب هو وعماد
عماد : اجيت بوقتك
مهفان: هممم اي بس ما قلتلي شبك شو صاير كمان
عماد: متل العادة يعني شو بدو يكون صاير
مهفان: اهاا .. هلق فهمت
عماد: ....
مهفان: يلي ما فهمتو ليش رافض فكرة انك تتزوج

عماد: حفيدة كمال آغا !! بربك ناقصني انا هالمجنونة لحتى حضرة جناب جدك وعمك يكسبوا شراكة معه بدهن يعلقوني بهالعلقة
مهفان وعم يخفي ضحكته : وشبها هالمجنونة حلوة وامورة وعين الله عليها الف شب بيتمنى يتزوجها
عماد : الف شب بيتمنى يتزوجها قلتلي لكن.. معناها ليش ما حضرتك تروح تتزوجها ما انت كبيرنا ومنو بتفردنا بريحة طيبة

رجع مهفان ضهرو لورى وحط راحة ايديه ورى راسه وحكت : وحيد ابوك وبدو يفرح فيك .. اي والله حقه .. بعدين تع لهون شو هاد كبيرنا ما كبيرنا .. هلق صار اسبوعين محرزين نحكي فيها

ضل عماد ساكت وهو صافن بالفراغ

لاحظ مهفان شرود عماد وسأله : لساتك بتحبا ؟
اطلع عماد بمهفان بعدم فهم
مهفان: لأم شبر ونص
ابتسم عماد بقهر ودمعو عيونه بحزن : اخخخ لك اخ شو عملت فيني هالأم شبر ونص
مهفان: بعينك الله ابن العم بعينك الله

اخد عماد نفس ونفخ : ماعم تروح من بالي لك ابن العم ماعم تروح ..
مهفات: انت عملت المستحيل لتبعدها عن الخطر بس هي راحت برجليها عليه ..
عماد : ما كنت بعرف هيك رح يصير بشو احلفلك يا مهفان ما كنت بعرف

هز مهفان راسه بأسف وحكا : بعرف لك ابن عمي بعرف هاد الي كاتبو ربك انت عملت يلي بيطلع بإيدك

عماد: والله حاسس حالي مخنوق .. ايديي مربطين ومو قدران اعمل شي

رد مهفان بمحاولة يغير الموضوع: طيب قوم قوم..تعال معي بعرف كيف فك هالربط عنك ..
عماد :مالي خلق لشي مهفان اتركني بحالي
مهفان: عم قلك قووم شو شغلة على كيفك
عماد: هلق بلا ولدنتك .. بعدين شو نسيان عندنا اجتماع مع جواد آغا بخصوص صفقة يلي حكينا عنها امبارح

مهفان: لك اي صحي كيف نسيت .. منيح ذكرتني
عماد: اي و نسيت خبرك كمان اليوم المسا في عندنا اجتماع بالقصر بخصوص صفقة الجديدة يلي انعرض علينا من شخص مجهول
مهفان: اها بس انا مشغول المسا
عماد : اي براحتك بس يكون بعلمك لو رحت لاخر الدنيا جدك مارح يباشر بالاجتماع غير يكونوا الكل موجودين

مهفان بنفاذ الصبر : امري ل الله لكن
عماد: يلا خلينا نمشي هلق بلا ما ينتظرونا بالاجتماع لسا عندنا شغل كتير

∞................« ♪٭★٭♪»..............∞

بقصر كمال آغا وبغرفة من غرفها الكتيرة كانت قاعدة على تختها وحاطة رجل فوق رجل وعم تمنكر اصابع ايديها وتنفخ عليها وما كانت الا ثواني واندق الباب

...: ادخل
فتحت مرة بعقد الاربعينات وحكت: الفطور جاهز مدام اروى
اروى: اي انا مابدي انزل جيبيلي لهون على غرفتي
جيهان: متل ما بتؤمري يا مدام

طلعت جيهان وسكرت الباب ونزلت عالدرج وتوجهت بطريقها عالمطبخ.. وهي مارقة من جنب صالة المخصصة لطاولة الاكل استوقفها صوت مرة

.... : شو جيهان خبرتي بنتي اروى تجي تفطر معنا
جيهان: اي يا ديالة خانوم بس مدام اروى طلبت مني اخدلها الفطور على غرفتها

....: شايف ابي شايف الدلال يلي قدمتلا شو عمل فيها .. هالبنت كل مالها عم تتمادى وتعمل يلي براسها

كمال آغا: معلش علاء معلش حفيدتي بتؤمر أمر ..كم حفيدة انا عندي .. بعدين لو حضرتك خلّفت ولاد اكتر كنت وزعت حصة الدلال عالكل

علاء: كنت انت تخلّف غيري كمان و يجيبولك احفاد قد ما بدك

للحظة كان اخر كلمات علاء متل خنجرة ودخل بحلقة كمال آغا .. كان مجرد كلمات بس كانت كفيلة لتاخده لذكريات قديمة كتير ومؤلمة ترك بصمة كبيرة بقلبه ..

انسحب كمال آغا من طاولة الاكل وسط استغراب ديالة وعلاء ودمعته كان معلّق على طرف عيونه واخد طريقه على مكتبه

اول ما دخل اتجه على كرسي وقعد وحاول يفك ازرار قميصه ليقدر يتنفس

مد ايديه وحاول يفتح درج وطالع صندوق صغير فيها صور ورسالة وخاتم من دهب على شكل ورد بقلبها احجار باللون البني

مسك صورة بايديه يلي عم يرجف وغرق عيونه بالدموع المليانة شوق وندم .. استسلم للصورة وبلش يبكي بحسرة : اشتقتلك .. اشتقتلك كتير

∞................« ♪٭★٭♪»..............∞

بقصر مصطفى الآغا خلص اليوم كلو وايفار ما طلعت من المطبخ بس ساعدت امها بالطبخ وزينت الصحون ورتبتهم وساعدت ابرار بالجلي

وبنهاية اليوم كانت عائشة طالعة مع ايفار من المطبخ بطريقها لبيتها فجأة طلعت ست قدامهم
ردت عائشة : اهلين سناء خانوم امريني
حكت سناء وابتسمت : لا يؤمر عليكي ظالم عائشة شو رايحة عالبيت ؟
عائشة : اي كنت رايحة بس فيني اتأخر شوي قليلي شو لازمك بعملك ياه فوراً يا خانوم

لاحظت سناء اخيراً على صبية الواقفة وراها لعائشة وهي نازلة راسها وعم تسرق نظر كل شوي وحكت بابتسامة مريحة : مممم شو مين هالصبية الحلوة عائشة ما بدك تعرفينا عليها

وعائشة بدورها بادلتها بابتسامة : هي بنتي ايفار جبتها اليوم لحتى تساعدني شوي .. بتعرفي من لما ميسون راحت تشق على امها بالمشفى ونحنا مو ملحقين على شغل القصر فقلت بجيبها لتساعدني شوي

سناء : عملتي زينة العقل الله يخليلك ياها وتشوفيها عروس وتفرحي فيها .. اي صحي انا اجيت لقلك خدي معك شو ما لزمك من الغراض وخدي معك العشا للولاد عائشة: يخليلنا ياكي يا خانووم
سناء : ماشي عائشة روحي خدي شو ما بدك وبلا ما تتأخري على بيتك وولادك واذا لزمك اي شي تاني ما تترددي تقليلي .. تصبحي على خير .. بشوفك يا امورة

ابتسمت ايفار و عائشة وردت : تلاقي خير يا خانووم

∞................« ♪٭★٭♪»..............∞

بالقصر وبمكتبة مصطفى الاغا كان مجتمع مع ولادو واحفاده عم يتناقشوا بخصوص موضوع صفقة شراكة

محمد آغا : ابي هالشراكة ما دخل براسي .. شو هالشخص المجهول هوية هاد ..

علي: انا يا جدي حاولت ابحث عنه بس ملفه فارغ ابيض مافيها نقطة اسود .. ما عرفنا خيره من شره

يحيى آغا :اي شو رح نعمل هلق .. كمان مافينا نخاطر بس لانها صفقة كبيرة

مصطفى آغا: ما لازم ناخد قرار نندم عليه بعدين ..
محمد آغا : وانت شو رأيك ابني مهفان حاسس عم تفكر بشي

تنهد مهفان ونزل راسه وشبك ايديه ببعض وحكا بكل ثقة : برأيي يا جدي صفقة كبيرة ومهمة متل هي ما لازم نخليه يروح من بين ايدينا
عماد : بس يا مهفان شو اذا كان واحد ...

قاطعه مهفان : اذا بدو يلعب بديله منقطعلو ياها .. بما انو رح يدخل بشراكة بصفة شخص مجهول رح نلعب متلو ويكون في شخص مجهول بيناتنا ضمن هالصفقة

مصطفى آغا: كيف يعني يا ابني ما فهمت عليك

مهفان : يا جدي هالصفقة رح يكون مشترك بين تلات اطراف بدال طرفين ..وبهالحالة منكون آمنة على حالنا اذا صار ما صار

ياسين آغا: اممم فكرة منيحة
مصطفى آغا: وشو الخطة المتبعة بخصوص هالشي

مهفان : هالشي اتركوه عليي جدي رح اشتغل بالأوراق اللازمة وكلشي رح يبين طبيعي

مصطفى آغا: ماشي ابني لكن بلش بهالموضوع من بكرا

مهفان: امرك جدي رح اتصل هلق بالمحامي ونعطيه موافقتنا بهالخصوص وبكرا منشوف شغلنا

∞............« ♪٭★٭♪»...........∞

رجعوا عائشة وايفار من القصر بعد يوم طويل
دخلت ايفار تحممت وطلعت قعدت بغرفتها وهي شاردة وفجأة صحتها صوت امها : ايفار بنتي يلا تعي اتعشي يا يا روحي
ايفار : يلا امي ليكني جاية

راحت ايفار وقعدت على سفرة جنب اخواتها وبوستهم : شو ما اشتقتولي اليوم
لين : اي والله يا اختي اشتقتلك كتير كتير
سارة : ياريت يا امي لو اخدتي ايمن معك بدال ايفار .. ضل طول اليوم عم ينفخ بوجهنا

ردت عائشة : معلش امي هو كم يوم وبترجع اختكم وبتضل تدير بالها عليكم ..
ايفار : صحي امي وينو ايمن ؟
عائشة : اول ما وصلنا لما دخلتي عالحمام طلع لعند صاحبو سليمان قال عاملين سهرة شبابية وبدهم يتفرجوا على مباريات

شردت ايفار شوي وصحاها صوت امها : شبك امي ما تاكلي

ايفار : امي بدي قلك شي
جلست عائشة قعدتها : اي ياروحي سامعتك

ايفار : امي انا قلتلك انو وانا راجعة من المطبخ اليوم بالقصر ضيعت طريقي وانضربت بحدا

عائشة : ولي على آمتي .. لك بنتي ما قلتيلي انك انضربتي بحدا... مين كان ؟
ايفار : شبك امي يلي بسمعك بقول اني شايفه كل مين بالقصر وبعرفهم لحتى قلك مين كان
عائشة : طيب يا امي شو كان لابس
ايفار: اااا .. والله يا امي من خوفي وصدمتي ما عم بتذكر غير نظراته الحدة يلي كان رح ياكلني بدون ملح
عائشة: الله يصلحك يا بنتي مرة تانية انتبهي واحفظي طريقك منيح
ايفار : امي يعني ما عرفتي مين هو
عائشة : كيف بدي اعرف مين هو اذا ما شفتو لك بنتي

سكتت عائشة شوي كأنها تذكرت شي وحكت : ...اممم بس اليوم قبل ما تدخلوا انتي وابرار عالمطبخ لمحت مهفان طالع .. بجوز يكون هو .. يلا بسيطة يا روحي كلي وروحي ارتاحي

ايفار: انا شبعت امي
عائشة : بس ما اكلتي شي
ايفار : معلش امي ماني جوعانه

انسحبت ايفار وتحججت بأنها رح تنام لحتى تفيق بكير ليوم جديد طويل ومتعب وبس راحت على غرفة النوم حطت راسها وصارت تتقلب وما قدرت تنام وهي متذكرة هديك الضربة وهمست بينها وبين حالها : مهفان !! شو متكبر ... لعماا شو قلبه حجر .. لك حتى ما مسكني متل الافلام ولا صار في بيناتنا نظرات حب وعشق وهيام ..

زمت شفايفها وحكت من بين اسنانها : خلاني اوقع من دون ما يرفله جفن وسألني بكل وقاحة "مين انتي ؟ " بدال ما يسألني " انتي منيحة ؟ " .. شو عليه يا استاذ مهفان الايام بيناتنا انا بفرجيك ...بس لحظة لحظة يا ايفار شو جنيتي شو بدك بالزلمة مو الحق كان عليكي شو كنتي عم تعملي هنيك اه ؟؟ ... اووف ياااه ليش هيك صااار ياااربي ليييش

ضلت ايفار عم تتقلب لحتى غلبها النوم ونامت .. #يتبع لجزء التاني ♥️

#جزء_التاني:

بيوم التاني صحيت على صوت امها وهي بتناديها : ايفار بنتي يلا يا روحي قومي جهزي حالك

ايفار بنعس : امي قلتلك ماني جوعانه مابدي اكل
عائشة : يلا قومي يا بنتي بدك نتأخر .. بعدين مين جاب سيرة الاكل

بلشت ايفار تفتح عيونها ببطئ وفجأة رجعت سكرتها : لاااا لسا هلق نمت لااا ما بدي فيق ماااا بدي.. بررررد

عائشة : حاجتك دلال يلا قومي غسلي وجهك وجهزي حالك لبين ما لف سندويشات لاخواتك

قامت ايفار بعد محاولات مستميتة وجهزت حالها وطلعت مع امها عالقصر واول ما دخلت لمحت مهفان طالع مع رجال كبير بالعمر

عائشة : صباح الخير يا آغا ..صباح الخير يا بيك
مصطفى آغا : صباح الخير عائشة
عائشة : بتحب اعملك قهوتك هلق ولا بعد ما ترجع
مصطفى آغا : اعمليلي ياها هلق يا عائشة وجيبيها لمكتبي ماني طالع لمكان كنت عم اتمشى
عائشة : بتؤمر يا آغا ..وانت يا بيك بدك اعملك كمان

رد مهفان بعدما رفع راسه من تلفونه : لا انا طالع عالشركة .. يلا جدي بتؤمرني بشي
مصطفى آغا : لا ابني بس مو كأنو بكير عالشغل هلق

مهفان : اي جدي شو نسيت اليوم عندنا شغل بخصوص موضوع شراكة يلي حكينا فيه امبارح .. لازم نتواجد بالشركة بكير ونجهز حالنا
مصطفى آغا : ماشي ابني الله معك

باس مهفان ايد جده واتجه ناح باب القصر وطلع من دون ما يلاحظ نظرات ايفار يلي رح تاكله وهي عم تهمس : لكن طلعت هداك انت عنجد .. لك حتى ما اخد على خاطرو واطلع فيني .. على فكرة قبل ما شوفك وجه لوجه كنت بحلم تكون انت فارسي بس هلق فشرت يااا ...

فجأة صحيت على صوت امها : يلا بنتي ايفار بدك تضلي واقفة هيك قدام الباب تعالي لسا عندنا شغل كتير اليوم

∞.........« ♪٭★٭♪»........∞
بحدود الساعة ١١ كانت ايفار واقفة وعم تجلي جليات الفطور فجأة رن تلفونها وبس شافت اسم المتصل بلش عيونها يبرق من الفرحة .. نشفت ايديها بسرعة وردت : لك اهليييين وليك وينك ماعد سألتي .. لحقتي تنسيني .. بس لانو صار وقت الشهادات ودراسة خلص ماعد بتسألي
.... : شوي شوي عليي يا بنت شبك شو صرلك
ايفار : بدي اقتلك وليك .. يا الله شو مشتقلك
...: ما فهمت بدك تقتليني ولا مشتقتيلي ؟
ايفار : اشتقتلك خيرااات الله .. قليلي شو اخبارك وكيف الكراش .. هاتي احكيلي كلشي كلشي
.... : ......
ايفار : الوووو .. هيلما عم تسمعيني
هيلما : اي ايفار ليش صوتك عم ياخد ويعطي
ايفار : اي سامعتك هيلما .. من الشبكة ما حلك تحفظي ضيعتنا
هيلما : .....
ايفار : الوووو ... يا الله من الشبكة

سكرت ايفار الموبايل بانزعاج وبلشت تنفخ
عائشة : شبك بنتي
ايفار : ما لحقت احكي مع هيلما وراحت الشبكة وما معي رصيد اتصل فيها
عائشة : يلا بسيطة بنتي بس نرجع بقلو لاخوكي يعبيلك وحدات وبكرا بتحكي معها

ابرار : ليكي ايفار هون مارح تلاقي تغطية .. اذا صار ورجعت اتصلت رفيقتك او اذا بدك تحكي مكالمة اطلعي لفوق عالسطح بتلاقي الشبكة
ايفار : اووف يااا اووف

∞...........« ♪٭★٭♪».........∞

بطرف التاني كانت هيلما عم تحاول تتصل بس عم يطلع خارج تغطية
وحكت بانزعاج : يا الله اووف ما لحقت اني خبرها رح اطلع بأخرة عطلة الاسبوع لعندها عالضيعة

صفنت هيلما شوي ورجعت حكت بفرح : امممم ليش ما اعملها مفاجأة .. يس
وضربت ايدها ببعض وقامت من تختها ونزلت من الدرج وهي عم تغني بأعلى صوتها :
يا بابا تليفووون .. ئلو موو هووون
يا بابا تليفون ... ئلو موو هوون
بااابا بيقلك هو مو هووون .. لا لا لاي لاي لاي

سمعتها امها وهي عم تغني هزت راسها يمين وشمال وهي عم تشرب قهوتها : هالبنت مارح تكبر ابداً

.... : اتركيها تعمل شو ما بدها لاحقة على هموم الدنيا
هيلما : شو يا ست نرجس وسيد اياد شايفتكم عم تشربوا القهوة بلايي !!

ضحك اياد : تعي عطيني حصتي من الضمة والبوسة اليوم وبعدا الك عندي مفاجأة رح تطيرك للصين
هيلما : اوف اوف للصين !! معناها محرزة اعطيك حصتك من البوسة اليوم

ركضت على حضن ابوها وقعدت على رجليه بعدما بوسته وضمته

نرجس : عيب يا بنت ماحلك تكبري وتبطلي هالحركات

طلعت هيلما حوليها وبعدا اخدت نظرها لعند ابوها وحكت : كأني عم شم ريحة الغيرة
بلش اياد يضحك : هههه لك يخليلي ياكن يا وردات حياتي
هيلما : يخليلي ياك يا بابا وما يحرمني منك ابداً .. يلا بابا قلي شو هو المفاجأة انت بتعرف انو الفضول بيقتلني
اياد : ما عااش

اطلع اياد على نرجس بنظرات ذات مغزى

لاحظت هيلما هالشي وحكت بنفاذ الصبر : امممم شوووو

اطلع اياد ب هيلما وحكى بكل فرح : قريباً كتير رح يصير في واع وويع بالبيت

هيلما : شوووووو ... لا لا اكيد ماعم تمزززح باابااااا

اطلعت هيلما بأمها وهي مو مصدقة الخبرية وحطت ايدها على تمها يلي واسعتا 180 درجة 😑

قعدت عالارض وبلشت تبكي

اجوا امها وابوها ضموها : اي يا عمري وهي رح يصير عندك اخ او اخت

هيلما من بين دموعها : واخيرااً ... ياربي ... واخيراً

كانت هيلما وحيدة اهلها وكان هالشي عقدة بالنسبة الها .. كانت تتمنى يكون عندها اخت او اخ
وبسبب نزيف نرجس اثناء ولادة هيلما صار في خطأ طبي وكانت كل هالسنين عم تتعالج لحتى تحقق حلم بنتها هيلما .. وبالنهاية صار معجزة وحبلت وقدرت تحقق هالحلم وتفك هالعقدة

كان مستوى المادي لاهل هيلما فوق الريح ومع هيك ولا مرة ايفار قبلت من نفسها تستغلها مادياً .. حتى لما قدمت هيلما هدية لايفار بمناسبة عيد ميلادها بعد محاولات كتيرة لحتى قبلت ايفار وكانت عبارة عن تلفون وبدورها هيلما بقدر استطاعتها كانت تحاول انها ما تحسس صديقة عمرها ايفار بمستواها وكانوا يتبادلوا ويتشاركوا بكل شي

∞.........« ♪٭★٭♪».........∞

يوم جديد على قصر مصطفى الآغا وتحديداً بمطبخها
كانت عم تجهز مع امها وابرار الغدا وصلها رسالة واول ما فتحتها شافت وصلها رصيد من اخوها ايمن

عائشة : يلا بنتي ايفار خلينا ناخد السفرة

ايفار بهمس : يلا وانا طالعة بحاول اتصل على هيلما بلكي عسى ولعل ترد عليي هالمخلوقة .. يا الله شو مشتقلها

بلشت ايفار تتعود وتحفظ اماكن القصر منيح وبهالاثناء استغلت فرصة الوجود عيلة الآغا كلهم على طاولة الغدا. وراحت عالسطح لحتى تحكي مكالمتها

رنت ايفار على هيلما وكانت ناطرة تلقط الشبكة وما كانت الا ثواني واجى رد من طرف التاني : الووو ايفاار
ايفار : الو هيلما كيفك وليك
هيلما : اشتقتلك كتير يا كلبة البدو
ايفار : هلق انا كلبة البدو انا بورجيكي يا حقيرة
هيلما وهي بلشت تبكي : يا الله يا ايفار
ايفار بخوف : شبك وليه شوفي ليش عم تبكي
هيلما : ما بعرف ابكي ولا افرح .. ايفار رح صير في ببيتنا بيبي يا ايفار
ايفار : شووو ..م م ما فهمت
هيلما: لك رح صير اخت
ايفار : عنجدد!!! .. بعد كبرا جمرا .. اا ب ا ا م ق قصدي الف الف مبرووك يا روحي ان شاء الله تقوم خالتي نرجس بالسلامة وشوفك احلى اخت بالدنيا كلا يارب يا عيوني انتي
هيلما : اي وفي عندي مفاجأة بس ما رح احكيلك ياها هلق
ايفار : بلا زناخة يلاا يلاا احكيلي شو هو
هيلما : خلص بكرا بتعرفي
ايفار: معناها بسرعة احكيلي عن الكراش
هيلما : لك بعدين بعدين
ايفار : لك احكي وليك ... بس لو تعرفي يا هيلما شو صار معي
هيلما : شو صار احكيلي بسرعة قبل ما يشرف الاستاذ العلوم وشوف خلقتو
ايفار : شفتو لمهفان
هيلما : ومينو هاد كمان
ايفار : لك حفيدو لمصطفى آغا يلي عم تشتغل امي عندهم
هيلما : اااااا اي اي.. وشبو
ايفار : لك شو يعني شبو ... لعما بعيونو لعما شو واحد واطي وبلا احساس انضربت فيه ووقعت وما استحى على حالو ولا مسكني من ايدي وقومني .. بنت متل جمالي وطولي لك حتى ما شالني من ارضي تخيلي بس يا هيلما

هيلما : ريتو يروح رفس وضرب اللهي ..
ايفار: ويروح شنق و حرق

هيلما: ايفار برجع بتصل فيكي وصل استاذ علوم حطي موبايلك بمكان فيه الشبكة مشان ما يطلع خارج تغطية

ايفار : ماشي ناطرتك

سكرت ايفار الموبايل وهي بعدها ما فشت خلقها .. وصارت تحكي مع حالها وهي نازلة راسها وعم تطلع على موبايلها : والله ويلي اسمو الله يا مهفان ما بيكون اسمي ايفار اذا ما بخليك تندم وتركع قدام رجلي يا كلب ... بتشووف والايام بيناتنا

رفعت راسها ومناخيرها للسما ويا ارض اشتدي ما حدا قدي واندارت بكل ثقة لتكمل طريقها للمطبخ وفجأة بين ثانية وثانية كأنو الزمن وقف قدام عيونها وتجمدت بمكانها
كأنو سطل مي البارد ونزل فوق راسها
بلش نفسها يطلع وينزل وبلعت ريقها بصعوبة لما شافته ساند حالو بطوله العملاق على حيطان الدرج وعم يطلع فيها بنظرات وملامح كلها حقد وقرف ... نكز على اسنانه و هز براسو و طالع سيجارة وشعلها وسحبها بكل شر وعيونه يلي متل الصقر متسلطين عليها

بلشت ترجف وحبات العرق ينزل منها وتمنت بلحظتها ينقطع لسانها وتنسحب عن كلامها و تنشق الارض وتبلعها .. كانت عم تتراجع بخطواتها لورى من دون ما يتحرك مهفان من مكانو وكأنو عيونه يلي عم يمشي قدامه ليرجعها خطوة ورى خطوة

واخيراً سحب اخر سحبة من سيجارته ورامها على ارض وداسها برجلو عليها وهو عم يعض على اسنانه وعم يحاول يتمالك حالو ...
رفع راسه واطلع فيها بقرف وغضب وحكى : ايفاااارر .. مممم اسم حلوو ....

وبلش يتحرك بخطواته اتجاه ايفار ويحكي بسخريه :
له له كيف ما شفت كل هالجمال .. هالانااقة .. هالطول .. هالنعومة .. ملاااك .. ملاك
وبلش يضحك بطريقة مخيفة

بلشت ايفار تفقد توازنها ونزلت اول دمعة وحرق خدها وكأنها اعلنت استسلامها
ايفار : اا ا اانا ب بس كنت .. اا انا ا ا ا س سفة والله ا اسفة ا ا انا بس ....
قطعها صوت مهفان : ولاااااحرف .. حسك ما بدي اسمعو .. لسا ما كملت حكيي .. لما كون عم احكي بتسمعي متل الشاطرة يا حلوة ..... فهماانة

نزلت ايفار راسها بذل وهزت راسها بمعنى اي وبلشت تبكي متل الولاد

مهفان وهو عم يتحرك حولين ايفار ويحكي بسخرية : اي شو هالدموع التماسيح هاااد .. والله بدك سجلك بالتمثيل؟؟ .. انا متأكد رح تاخدي جائزة اوسكار عن الدور هاا شو قلتي آآ ؟

ايفار بقلب دموعها وهي عم ترجف من الخوف :م موافقة ..

تحول ملامح مهفان لجدية وبلش ياخد نفسو وهمس من بين اسنانه : عم تستفزيني لكن

مسك من ايدين ايفار وسحبها باتجاهه حتى لزقت فيه وصارت راسها مقابل قلبه .. وبإيدو التاني مسك من دقنها ورفعها باتجاه نظرة عيونه وحكا : شو ايفار .. مانك حابة تحكي شي هم ؟ .. ليش انا شايف نملة بين اديي هلق ؟ .. وينها يلي كانت عم تدعي عليي بالشنق والحرق ؟ .. وينها يلي كانت عم تسب .. كلب واطي اركع تندم !!!!.. انا يلي ينحكالي هالحكي ؟؟!! وبنص بيتي ؟؟ !! ... شكلا امك طلعت بلا ترباية ولهيك ما عرفت تربيكي

ما قدرت تنطق ولا تدافع عن ترباية امها .. من صدمة وخوف يلي وصلتلا ايفار انغبشت قدام عيونها وراحت على عالم تاني

استسلمت ايفار بين ايدين مهفان

بينما مهفان كان عم يتأمل ملامحها وهمس بتحدي : هلق بلشنا يا ست ايفار ..هلق ماني فاضيتلك بس وحياتك رح نلتقي كتير لسا.. لكن شقفت خدامة تحكي هالحكي

وتركها توقع من بين ايديه من دون ما يرفلو جفن
انضربت راس ايفار على ارض وسببلها خربشة على جبينها وهي بعدها مغمية

ضل مهفان يوجه نظراتو عليها بغضب وبعدو ما فش خلقه .. تركها وكمل طريقه على مكتب جدو يلي طلب منو على سفرة الغدا يجبلو صندوق " لأنو كان بدو يخبر العيلة بموضوع مهم بس ما قدر يكمل طريقه لما سمع اسمه فجأة"

∞.........« ♪٭★٭♪»........∞

بمكان تاني بعيد عن هالضيعة كلها كانت واقفة قدام شباك كلها قزاز وهي عم تسترجع ذكرياتها

🎬| كانت عم تستنجد من الضرب : بترجاااك يا مرواان خلص والله وعد ما بعيدهااا والله خلص بترجاااك بكفي

مسكها من شعرها وضل عم يسحبها لبرا البيت بكل قوة وعنف .. وحكا بكل غضب وحقد : وجهك ماعد بدي شوفو يا بنت *** والله لاشرب من دمك اذا برجع بشوف خلقتك يا قليلة الشرف .. انتي طالق بالتلاتة

تركها مروان مرمية عالارض وراح وسكر باب البيت بقوة

حست حالها راحت لدنيا تانية وما فتحت عيونها غير ببيت كبير شبه قصر وعم تسمع صوات وصور مغبشة قدام عيونها وشوي شوي قدرت تستوعب انها ب بيت يلي بتشتغل فيها صديقة عمرها " اريج " مقابل بيتها

اريج : ايات حبيبتي اصحي يا روحي .. انتي منيحة
طلعت ايات بعيونها يمين وشمال وبلشت تبكي بقهر : والله اريج ما كان بدي يصير كل هالشي .. انتي بتعرفي ما كان طالع بايدي شي .. انجبرت والله انجبرت .. جبروني يا اريج جبروني
اريج : بعرف يا روحي بعرف .. طولي بالك الا ما نلاقي حل ..خدي اشربي شويت مي

ناولتها اريج الكاسة وبلشت ايات تشرب وايديها وكل جسمها عم يرجف ووجها يلي ما كان واضح ملامحها من ضرب وتشوه ودم |🎬

رجعها على واقعها صوت جرس البيت .. مسحت دمعتها يلي نزل على خدها بحرقة واتجهت عالباب وفتحته
... : مساؤؤ
ايات : اهلين اركان
بوّس اركان راس ايات وحكى: تأخرت عليكي اختي
ايات : لا اجيت بوقتك
اركان : يلا خلينا نطلع طيارتنا جاهزة
ايات: ....
اركان باستغراب : خير اختي شوفي
ايات : عمر في شي بدي قلك ياه
اركان : سامعتك اختي
اخدت ايات نفس وحكت: ....يتبع 💀

∞..........« ♪٭★٭♪»..........∞

على سطح قصر مصطفى آغا ..
بلشت ايفار تستعيد وعيها .. كانت الرؤية ضبابية قدامها وحست راسها تقيل متل الحجر .. ضلت تفتح وتسكر ببطئ حتى قدرت تستوعب يلي صار

حطت ايدها على راسها وصارت تفحص حوليها وكأنها خايفة ترجع تشوفه مرة تانية قدامها

بلشت تحكي وصوتها عم يرجف : يارب دخيلك يكون حلم ياربي دخيلك .. يا امي انا شو عملت .. شو خبصت .. لككك غبية .. غبية

بلشت تقوم توقف وتقرب من نزلة الدرج ببطئ وهي عم تراقب طريقها وبس شافت المكان آمن للهروب بلشت تركض بطريقها للمطبخ

بس وصلت بلشت تاخد نفس وتضرب على خدها بخفة وهي عم تلوم حالها : شو رح ساوي هلق .. لكك ليش ليش لتحكي هيك ليش .. انتي حمارة شي .. لك هو شو الغلط يلي غلطه لتقومي تسبيه وتحكي عليه ..لك غبية ..بتضلي غبية

بهالاثناء دخلت عائشة عالمطبخ وعلى وجهها ملامح الصدمة بس شافتها ايفار حكت باستغراب : امييي .. خير امي شوفي ليش هيك مصفرة .. صايرلك شي .. مريضة شي" وهي عم تلمس جبين عائشة عم تفحص حرارتها "

رجعت عائشة من صدمتها بس انتبهت على ايفار وحكت بشكل متقطع : آآآ لا .. لا يا روحي لا مافي شي انا منيحة ..

طلعت عائشة بعيون ايفار وسألت بتوتر : بنتي وين كنتي قبل شوي ما شفتك ونحنا عم نرتب السفرة ..
تلبكت ايفار وحكت : امم امي ككنت راجعة عالمطبخ وين بدي كون يعني .... بس خير امي شوفي

تنهدت عائشة بارتياح وردت: خير ما عملتي يا بنتي.. اطمني يا روحي انا بخير

ما كانت الا دقائق ودخلت سناء خانوم عالمطبخ وحكت : عائشة ابرار
عائشة : تفضلي يا خانوم امريني
سناء: تعالوا نلم السفرة
استغربت ابرار وحكت : خير يا خانوم هلق حطينا السفرة ان شاء الله مافي شي بالاكل
سناء : لا ابرار مافي شي بس ماحدا جوعان

همست ايفار باستغراب : اكيد صار شي فوق والا ما كانت امي رح تكون بهالصدمة وترجع السفرة متل ما كانت

كانت ايفار بدها تمشي مع عائشة وابرار لتلم السفرة بس عائشة طلبت منها تبقى بالمطبخ وتبلش بالتنضيف

يا ترى شو قصة الصندوق يلي طلبوا مصطفى اغا من مهفان وليش عائشة رجعت من عندهن مصدومة وليش وما حدا اكل .. وليش طلبت عائشة من ايفار تبقى بالمطبخ وما تطلع ...خليكن معنا لنكشف الحقيقة سوا 🤔

∞..........« ♪٭★٭♪».........∞

صار المسا ورجعت ايفار مع امها عالبيت ..
كانت عائشة بعدها شاردة وهي واقفة بمطبخ عم تحضر العشا لولادها رجعها لواقعها صوت ايمن

ايمن : يلا امي شو صار بالعشا مابدي اتأخر على سليمان
عائشة: يلا يا روحي هي خلصت

كانت ايفار عم تغير تيابها لما سمعت صوت امها عم تناديلها العشا جاهز

اجتمعوا الكل عالعشا وبلشت لين وسارة تحكي عن يومهن لايفار بينما كانت عائشة بعالم تاني

انتبهت ايفار على شرود امها وسألت : امي وين رحتي ليش ماعم تاكلي

انتبهت عائشة على ايفار وردت: لا يا روحي ليكني هون لوين بدي روح

اخيراً اجت عين عائشة على جرح يلي كان واضح على جبين ايفار وسألت بخوف : ايفار بنتي شو صاير معك يا بنتي ليش هيك جبينك مجروح

تلبكت ايفار واخدت نفس وردت : لا امي لا ماافي شي بس وانا بالقصر تفركشت رجليي ووقعت من دون ما انتبه وانجرحت .. جرح صغير ما تخافي عليي امي

عائشة: الله يحميكي يا بنتي بدك تضلي هيك مقضاية عمرك كلها وانتي عم توقعي

ضحكت ايفار وردت : اي دخيلو يلي بتخاف عليي ..لك روحي الله لا يحرمني منك يا اغلى ام بهالدنيا كلا

ايمن: اي امي انا شبعت
عائشة: ليش هيك مستعجل امي ما اكلت شي
ايمن : الشباب ناطريني امي بلا ما تأخر عليهم
عائشة: ماشي يا روحي روح الله يكون معك ويحميك وينور طريقك ويبعتلك ولاد الحلال وين ما رحت يا عمري
ايمن: اي هيك هاا كتريلنا من هالدعوات يا حنونة

بوّس ايمن راس امو وقرص خدود ايفار بخفة وحكا : وانتي اختي بدك جبلك شي وانا راجع ما رح طول اليوم

ايفار باستغراب : شوو يا سيد ايمن من ايمت بلشت بهالحنية وتسأل شو بدي
ايمن: مو الحق عليكي الحق على الحمار يلي سألك .. بخاااطرك امي
عائشة: الله معك يا روحي

ايفار: امي وانا كمان شبعت .. رح اطلع لبرا و حاول اتصل ب هيلما بلكي يلقط الشبكة
عائشة: مو كأنو تأخر الوقت يا بنتي حرام بتكون نايمة هلق
ايفار : لا امي هيلما ما متعودة تنام بكير
عائشة : ماشي امي بس البسي منيح الجو بارد برا
ايفار : امرك يامو

اخدت ايفار جاكيت من خزانتها ولبست ب اجريها وطلعت لبرا لتتصل على هيلما
بعد كذا محاولة اجت رد من طرف التاني : الوو ايفار كيفك
ايفار : يا الله شو مشتقتلك..قليلي شو اخبارك بسرعة قبل ما ترجع تروح الشبكة
هيلما : وانا خيراات الله .. اخباري مبسوطة كتير كتير مبسوطة
ايفار: يا قلبي انتي ان شاء الله بشوفك على طول مبسوطة
هيلما: اي هاتي احكيلي بسرعة عن هاد يلي اسمو مهفان

اخدت ايفار نفس وردت بحزن : بس لو تعرفي شو صار يا هيلما
بلشت ايفار تسرد موقف يلي صار معها اليوم وبعد نقاش طويل وحكي وحزن وعتب وضحك انتبهت ايفار على صوت امها
عائشة: ايفار بنتي يلا يا روحي بتكملوا حديثكن بكرا تأخر الوقت وهلق بتاخدي برد
ايفار : يلا امي ثواني
هيلما:يلا يلا روحي بلا ما تاكلي قتلة منكمل حكي بكرا
ايفار: هههه ماشي يا عمري انتبهي على حالك
هيلما : اوك تصبحي على خير انتيمتي
ايفار : وانتي من اهلو يا عيوني

سكرت ايفار الخط وبلشت تنفخ بايديها :هسسس شو هالبررررد
وركضت على راس رجليها لفاتت عالبيت وسكرت الباب

بس الغريب انها ما كانت منتبهة على شخص يلي كان واقف بعتمة الليل وعم يراقبها بنظرات حدة وكلها حذر .....#يتبع لجزء التالت ♥️

#جزء_التالت :

يوم جديد ونهار جديد

فتحت ايفار عيونها وبلشت تطلع حوليها بنعس .. فجأة اجت عينها على ساعة يلي محطوط على كوميدينة .. حاولت تفرك عيونها وترجع تطلع بالساعة مو مصدقة عينها
ايفار : ولييي الساعة 10 .. امييييي

نترت ايفار الحرام عن حالها واتجهت عالباب غرفتها واول ما فتحت شافت ايمن عم يلبس بإجريه بدو يطلع

ايفار: اخي وينا امي
ايمن: صباح النور
ايفار: اي بس وينا امي
ايمن : طلعت عالقصر وين بدها تكون يعني

حكّت ايفار راسها باستغراب وهمست: وانااا .... اممم يلا بتكون ميسون رجعت ولهيك امي ما حبت تفيقني ..

فجأة توسعت عيونها وضحكت وهي عم تحكي بصوت عالي : يييي يعني خلص ماعد رح شوف خلقتو لهداك المتكبر

ركضت لعند ايمن و هجمت عليه وبلشت تبوسه من خدو وسط ذهول ايمن يلي ضل عم يتبحلق فيها باستغراب وللحظة بعدها عن حالو وهو عم يحكي : لك شو صرلك بعدي عني يا مجنونة من ايمت اجتك هالمحبة اخوية هي
ايفار: تعال اخي تعال لاعملك احلى فطور وبعدا اندفس لوين ما بدك

ايمن: مارح اتسمم .. بعدين تعي لهون مين هاد متكبر .. اختي في حدا عم يزعجك او يدايقك
تلبكت ايفار وحكت : لا اخي لا .. مين بيسترجي يزعجني ..اصلاً اختك اخت الرجال " وهي عم ترفع مناخيرها "
ايمن بتفاخر : ماشي لكن انا طالع

استوقفتوا ايفار لما شافته فتح باب وبدو يطلع : اخي لوين رايح من عند بكرة الصبح
ايمن: اجاني شغل .. بدك شي
ايفار: لا اخي بس شو هو الشغل
ايمن: شوووفير .. وسؤال تاني بتجيكي كف بتطيرك لسابع السما .. روحي من خلقتي بسررعة

ايفار: اي شو حكينا ييييي

طلع ايمن وهو عم ينفخ

ايفار: اي الله معك

سكرت ايفار الباب بعدما طلع ايمن وركضت على غرفتها وقعدت على تختها وبوست لين وسارة يلي كانوا بعدهن نايمين ..حطت راسها على مخدتها وبلشت تتذكر احداث يومها الماضي

∞..........« ♪٭★٭♪».........∞

بهالوقت وبقصر مصطفى آغا كانت عائشة عم تساعد ابرار بالجلي
ابرار : بس يا خالتي لو كنتي جايبة ايفار معك والله وجودها ساعدتنا كتير بيومين الماضيين
عائشة : معلش ابرار بنتي ايفار اخدت برد وما كان خرج جيبها معي
ابرار : معافاية ان شاء الله .. الله يخليلك ياها قمر ما شاء الله
ابتسمت عائشة بحسرة وحكت: الله يسلمك ويبعتلك ابن الحلال يا بنتي
ابرار : آميين .. الله يسمع منك يا خالتي

شردت عائشة وراحت بعالم ذكرياتها

🎬| كانت لابسة فستان الابيض وعلى راسها الطرحة وهي عم تبكي وتحكي بترجي : امي بترجاكي مابدي اتزوج بترجاكي يا امي لساتني صغيرة يا امي ..
ركضت بفستانها "يلي عم يزحف معها من عمرها الصغير يلي لسا ما طبقت 14 " لعند ابوها وبلشت تبوس ايديه : بترجاك بابا ما بدي اتزوج بترجاك
كان عم يطلع عليها بحسرة وينزلو دموعه بعدم حيلة
.................. Flashback..................
عائشة : بعد عني اتركني ببوس ايدك اتركني يا آغا
...: لك انا زوجك يا بنت الكلب
عائشة: لك انت بعمر ابي كيف الك قلب تتزوج بنت بعمر بنتك .. مستحيل تكون زوجي اتركني
..: تعي لهوون ولييك .. لك انا كمال آغا انا .. عم ترفعي صوتك عليي
ومسكها بقوة وسحبها عالتخت وبلش يبوسها من خدها ورقبتها وعائشة عم تبكي وتحاول تفلت حالها بس عبث.. وين قوتها قدام وحش عم يهجم على فريستو بكل قوة .. وصار يضربها وهو عم يشلحها الفستان بكل عنف

ما كانت الا لحظات و اختفت صوتها مع اختفاء طفولتها وانوثتها لتتحول لامرأة ما فيها روح

اخد كمال يلي بدو ياه بالغصب وانسحب من فريستو يلي كانت بعدها متمددة على تخت متجردة من التياب تماماً وعيونها واسع لاخر درجة بسقف الغرفة وهي بعدما بصدمة ودموعها يلي عم ينزل على طرف عيونها بحرقة لتعلن استسلامها |🎬

رجعها على واقعها صوت بنوتة حلوة متل القمر دخلت عالمطبخ وعيونها عم تبرق فرح : مرحباااا

مسحت عائشة دمعتها يلي نزلت بحرقة وابتسمت بحُب : نزلت علينا البركة يا ست الكل
ابرار : والله ونورت المطبخ يا آرين

آرين: بتعرفوا اني اشتقتلكن كتير ماا

عائشة بفرح: يا عمري انتي تعالي اقعدي هون لاعملك اطيب فطور حاكم اليوم ما نزلتي واكلتي شي

آرين : لا خالتي لا ماني جوعانة .. بس اجيت لأسألك عن اخي علي وولاد عمامي الشباب ماعم لاقي حدا فيهم بالبيت

عائشة : اي صح يا بنتي كلون طلعوا عالشركة
آرين : امم وانااا مين بدو يوصلني هلق عالمدرسة .. دوامي هالاسبوع مسائي ومامعي غير ساعتين عالدوام

عائشة: اي صح يا عمري ابني ايمن من يوم ورايح رح يوصلك عالمدرسة

آرين بعدم فهم : ابنك ايمن ؟!

عائشة: اي يا روحي امبارح مصطفى آغا عينه ك شوفير بالقصر وهو يلي رح يوصلك اليوم

آرين : ايوااا اي فهمت عليكي لكن انا رايحة جهز حالي بلا ما اتأخر .. بشوفكن

عائشة: الله معك يا عمري

∞..........« ♪٭★٭♪».........∞

طلعت آرين من المطبخ وهي بطريقها على غرفتها استوقفتها صوت صبية ناعمة : آرررين
آرين : اي لارا قليلي
لارا: كنت عم دور على " علي " بس ما لاقيته وحتى على موبايله ماعم يرد
آرين: اي لارا هلق كنت بالمطبخ وقالتلي خالتي عائشة انو الكل طلعوا عالشركة
لارا: اوووف بس اوووف
آرين: خير لارا شايفتك مو على بعضك في شي
لارا: بدو يجنني اخوكي هاد " كانت عم تحكي وهي عم تمشي"
آرين: لوين رايحة

تركتها لارا ومشيت مستعجلة من دون ما ترد
آرين: شبها هي التانية كمان

كملت آرين طريقها وراحت تجهز حالها

∞..........« ♪٭★٭♪».........∞

بقصر كمال آغا وبالمكتب تحديداّ كان قاعد عم يفحص الوراق يلي بين ايديه لما فجأة اندق الباب ودخلت اروى راسها من فتحة الباب وهي عم تحكي :
يا ترى شو المصيبة يلي عملتو كرمال يطلبني كمال آغا فوراً وبشكل مستعجل وضروري وبسرعة هييك

نزل كمال نظارته يلي كان لابسها وضحك وهو عم يحكي : تعي يا عيون كمال آغا تعي

فتحت اروى الباب على اخرتها وركضت على حضن جدها وباسته وهو بدورو غمرها بحضنه

سندت اروى حالها على طاولة قدام جدها وهي عم تحكي : لك يخليلي ياك يا جدو وما يحرمنا من هالشبوبية

هز كمال آغا براسه وابتسم وحكا : كبرنا وشاب شعرنا وما ضل لقمتنا بهالدنيا كتير

اروى : لا تقول هيك جدي الله يطول بعمرك ويخليك فوق راسنا

كمال آغا : اي يا وردتي كان بدي ياكي بموضوع مهم
اروى : اي جدي عم اسمعك
كمال آغا : يا جدي انا كبرت وبدي شوفك عروس قبل ما الله ياخد آمانتو .. و تقدملك ابن عشيرة .. سألت كتير وعرفت انهم عشيرة كبيرة ومحترمة والهم سمعة منيحة .. وانا يا جدي شفته رجال بكل معنى الكلمة لما اجوا على شركتنا لغرض شغل واخدت قراري وبدي آمن عليكي معه
اروى : بس يا جدي ....
قاطعتها كمال آغا : ما بدي اغصبك يا بنتي بس بنفس الوقت ما رح لاقي حدا متل هالشخص يحميكي ويسعدك لهيك فكري منيح

نزلت اروى راسها بحزن وحكت: بس يا جدي انا لساتني صغيرة عالمسؤوليات بعدين كيف بدي اتزوج حدا لا بعرفه ولا شفته بحياتي وغير هيك مين بدو يعملك القهوة بس روح من هون... مو انت متعود ما تشرب غير تكون من تحت ايدي

ضحك كمال ومسح على راس اروى وحكا : ليش مين حكا انك رح تروحي من هون .. ومشان انو ما بتعرفيه ف رح نعمل خطبة بالاول لبين ما تتعارفوا وبعدا منفكر بالزواج
سكتت اروى شوي وبعدين حكت : طيب جدي اعمل يلي بتلاقيه مناسب

كمال آغا بكل حب : لكن بكرا رح اتصل بمصطفى اغا واعطيه موافقتي وهلق روحي اعمليلي فنجان قهوة من تحت دياتك الحلوين قبل ما اطلع عالشركة

وقفت اروى وباست راس جدها وحكت : امرك جدي دقيقتين وبكون القهوة جاهزة
وطلعت ركض من المكتب ..
بينما كمال آغا ضل صافن بالباب يلي طلع منها اروى وابتسامة على وجهه : الله يحميكي يا قلب جدك وشوفك عروس وافرح فيكي

∞..............« ♪٭★٭♪».............∞

بشركة مصطفى آغا وبمكتب مهفان كان قاعد هو وعماد وعلي عم يتناقشوا بالشغل فجأة رن موبايل مهفان
.... : لك هي مرة الخامسة عم اتصل ليش ماعم ترررد
مهفان : شبك لارا شو صاير
لارا : وحياة الله بدكم تجننوني

مهفان : احكي لشوف شو وجعك عم تصرخي هيك

لارا : بسببو كان رح يوقف قلبي .. انا جاية عالطريق والله اذا ما بهد عالشركة فوق راسكم مابيكون اسمي لارا " وسكرت موبايل بوجهه "

مهفان : ايدك وما تعطي لعماا شو هالاخت هي
عماد : شبك
مهفان : كالعادة بتتصل بتصرخ قد ما بدها وبعدا بتسكر من دون ما تفهم البني آدم شو بدها .. هلق بتشرف ومنعرف
عماد: اي بسيطة بتكون عرفت بالمقلب يلي عملها علي
مهفان : اي مقلب !
عقد علي حواجبه بس تذكر شي ووقف فجأة من مكانه وحكا وهو عم يمشي بسرعة بدو يطلع من المكتب " شباب لا انتو شفتوني اليوم ولا انا شفتكم "
وأول ما فتح الباب انصدم ب لارا عم تهجم عالمكتب
سكر الباب بسرعة واتجه ناح طاولة يلي كان مهفان قاعد وراها وتخبى تحتها

انفتح الباب ودخلت لارا وحاطة شر بين عيونها وحكت : وينوووو هالكلب

عماد : شبك بنت عمي شو صايرلك ومينو هالكلب
لارا: ماني رايقتلك عماد قلي وينو علي

مهفان : طلع قبل شوي

لارا : لا تحاول تكذب عليي رحت على مكتبه ما لاقيته سألت سكرتيرة قالتلي انتو التلاتة مجتمعين هون

عماد وهو عم يأشر بأصبعته السبابة ☝️ ناحية الطاولة يلي متخبي علي تحتها وغمزلها : الله يسامحك بنت عمي ليش لنكذب عليكي طلع من هون قبل ما تفوتي

بينما مهفان زورو لعماد وهز براسه

اتجهت لارا لطاولة مهفان ونزلت راسها لتشوفه .. انفزع علي اول ما شافها وحكا محاولة يخفف الوضع يلي كان فيه : كيفك بنت عمي
هجمت لارا عليه ومسكته من كم كتفه وهي عم تحاول تطالعه من تحت الطاولة : يا كلب وعم تتخبى كمان

علي : بنت عمي طولي بالك عليي شوي رح اطلع والله ماني رح اهرب منك
لارا وهي ماسكة بإذنه : بدك تجنني انت .. حالف تجيب اخرتي
علي : شبك سنيورة شو عامل انا ليش
لارا بنفاذ الصبر : لك لسا عم يسأل .. عامل حالك ما بتعرف يا واطي والله لاشرب من دمك ..

شلحت كعبها وبلشت تركض ورى علي يلي صار يركض بهالمكتب وهو عم يحكي : بنت عمي اهدي شوي والله مابصير غير يلي بدك ياه بس نزلي هالخازوق من ايدك

لارا: والله لخليك تاكل خوازيق لاخر نفس من عمرك يا قليل الوجدان
مهفان: خلص اختي اهدي شوي وفهمينا شو عامل هالطرطور
علي: هلق انا صرت طرطور
رجعت لارا لحقتوه وهو بدورو صار يتهرب منها
لارا : لك طرطور ونص
عماد: يا حيف عليك من بين الرجال عم تهرب من شقفت بنت
مهفان : لاراااا عليييي

وقفو الجوز على صوت مهفان
مهفان : ايمت بدكن تتركوا هالتصرفات هي .. احكي لشوف شو عامل كماان
لارا : شرف اسأله شو عامل هالحقير
علي : والله يا ابن عمي بس ربطت كم صرصور وعملتلا سلسال وحطيتا برقبتا لما كانت نايمة وربطت ايديها كل واحد بطرف كرمال ما تقدر تفك حالها.. بس هيك عملت
مهفان : 😳
لارا وهي عم تركض لتهجم على علي : والله لاشرب من دمك بس هيك عملت لكن !!

وقف مهفان وطلع من المكتب بكل برود وطلع وراه عماد وتركوا لارا وعلي يكملوا خناقهم
حكا مهفان وهو عم يمشي : حاج بقا تعملولها مقالب
عماد : وانا شو دخلني
مهفان : وكيف كنت بتعرف بالمقلب اذا ما دخلك
عماد : اي بس عطيته فكرة وهو راح طبقها
زورو مهفان وكمل طريقه تارك عماد وراه صافن فيه

∞.............« ♪٭★٭♪»...........∞

بقصر مصطفى آغا طلعت آرين من القصر وشافت شب بتياب رسمي واقف ساند حاله عالجيب وبس شافها زبط وقفته
آرين : انت ايمن شوفير الجديد صح ؟!
ايمن : اي صح وانتي بتكوني آرين بنت الآغا
آرين : اي انا بذاتها
ايمن : لكن تفضلي مدام آرين لوصلك عالمدرستك
آرين : اذا بدك ترجع تناديني بمدام مرة تانية رح فوت عالقصر واشتكي عليك لجدي .. شو شايفني مرة كبيرة ومتزوجة
ايمن : بعتذر .. طيب بشو ناديكي يا مدام
طلعت كلمة مدام من تم ايمن بالغلط بينما آرين عقدت حواجبها والتفت لترجع تفوت عالقصر
بس لحقها ايمن ومسكها من ايدها ولفتها : انا بعتذر والله طلعت من دون قصد
آرين : طيب اول مرة واخر مرة .. بتناديني آرين وبس من دون مدام ولا ضراب السخن
ايمن : هههه تكرمي آرين
راح ايمن وفتح باب السيارة ومد ايدو بحركة لائقة وحكا بابتسامة مريحة : تفضلي آرين السيارة ترحب بكِ

ضحكت آرين وركبت ومشيت السيارة بينما كان في شخص عم يراقبهم وحكا بكل خبث : ايامكن قربت .. قربت كتير

∞.............« ♪٭★٭♪»...........∞

بحدود ساعة 8 المسا كانت ايفار قاعدة مع اخواتها لين وسارة عم تدرسهن لما اندق باب البيت فجأة
سارة : خليكي اختي انا رح افتح اكيد هي ماما
راحت سارة وفتحت باب
... : مرحبا يا بنتي
سارة : اهلين خالة
... : عفوا يا بنتي بس هالبيت مو بيت مروان عساف ولا انا غلطانة
سارة : لا خالتي مانك غلطانة بس مين انتي
... : اسمي اريج وبشتغل بهالقصر " واشرت بايديها عالقصر يلي مقابل البيت " يعني جيرانكم بس كنت مسافرة وهلق رجعت بس ما قلتيلي بنتي انتي بتكوني بنتو لمروان ؟
سارة : اي بابا اسمو مروان
اريج : واسمك ايفار ؟
سارة : لا انا اسمي سارة .. بس اختي اسما ايفار

بهالاثناء وقفت ايفار واتجهت عالباب
ايفار : سارة ليش هيك طولتي مين عالباب
سارة : خالة اريج
ايفار : اهلين خالة تفضلي بشو فينا نخدمك

كانت اريج عم تطلع على ايفار ودمعتها معلق على طرف عيونها .. ما كانت مصدقة عيونها بأنو الطفلة ام شهرين يلي شافتها اخر مرة رجعت بعد 18 سنة لتلاقيها صارت صبية متل القمر

اريج : اسم الله عليكي شو كبرتي يا روحي
ايفار : اممم خالة انا بعرفك شي
اريج : يا عيوني انتي انا وامك كنا رفقات يعني متل اخوات
ايفار : طيب خالة تفضلي نشرب كاسة شاي ومنو منتعرف على بعض اكتر
فاتت اريج لجوا ودخلت ايفار عالمطبخ لتحضر الشاي

خلصت ايفار تحضير وجابت ابريق الشاي والكاسات وقعدت وهي عم تصب الشاي : شرفتينا خالتي اريج
اريج : يا روح خالتك الله يزيدك شرف
ناولتها ايفار الكاسة : تفضلي خالتي
اخدت اريج الكاسة من ايد ايفار وشربت شفة وحكت : وابن خالتك ايمن وينو بنتي ما شايفته هون
ايفار : شكلك مخربطة خالة ايمن بيكون اخي الكبير وماعندي خالات امي وحيدة
انصدمت اريج واتسعت حدقة عيونها من حكي ايفار

بينما ايفار كملت حكيها : واخي اليوم كان اول يوم اله بالشغل عند قصر مصطفى آغا

بلعت اريج ريقها بصعوبة وسألت بشك : مصطفى اغا من عشيرة دينخان ما غيرو ؟
ايفار: اي صح يا خالتي
اريج : انتي متأكدة بنتي
ايفار : طبعاً لانو مرة امي قالتلي اسم عشيرتهم دينخان

اريج : وشو اسم امك يا روحي
استغربت ايفار من سؤال اريج وردت :اسما عائشة بس مو قلتيلي انتي وامي كنتوا متل اخوات كيف مابتعرفي اسما
تلبكت اريج وردت بتوتر وهي بصدمة : ا ا اي اي صح بس قلت بتأكد .. بتعرفي 18 سنة صرلنا مو شايفين بعض بتعرفي يا بنتي الواحد بس يكبر بالعمر بتصير ذاكرتو يا دوب
ايفار : معك حق خالتي يلا امي ما بتلاقيها غير اجت
اريج : بس ما قلتيلي وينها عائشة يا روحي
ايفار : امي كمان عم تشتغل بقصر مصطفى آغا وبترجع ساعة 9 يعني بعد شوي بتجي
بلشت اريج ترجف من صدمة شغلات يلي عم تسمعها ولاحظت ايفار هالشي من الكاسة الشاي يلي كانت عم تهتز بين ايديها

ايفار : شبك خالتي انتي منيحة
حطت اريج الكاسة عالطاولة وطلعت من البيت بسرعة وسط استغراب ايفار
ايفار : يا الله انا شو شي يلي حكيتو لحتى خلاها مصدومة هيك وترجف بهالطريقة وتروح من دون ما تحكي شي

∞.............« ♪٭★٭♪»...........∞

بهالوقت بقصر مصطفى آغا وبغرفة من غرفها كانت لارا قاعدة وعم تلعب عالابتوب وفجأة اندق الباب
لارا : تفضل
انفتح الباب بينما لارا كان عيونها مشغولين بالابتوب قدامها

.... : ما بدك تقليلي تفضل
انتبهت لارا لصوت علي و طلعت فيه بحقد وحكت وهي عم تعض على اسنانها : اطلاع لبرا
علي : خلينا نتصالح ولو ما بيهون عليي يمرق هاليوم ونبقى متزاعلين
لارا : عم قلك اطلاااع لبرااا
علي : ماني طالع قبل ما تقليلي سامحتك
لارا : ماني مسامحتك لو بتنشنق هلق وقدام عيوني.. شرف فرجيني عرض كتافك

علي : اي مو تكرم عينك الف طلب متل هالطلب
وبلش يفتل حالو

لارا : لك شو عم تعمل

علي : عم فرجيكي عرض كتافي شو رأيك.. عرااااض ماا

لارا : لك يخربيتك من حالك شو هالبرود يلي عندك لك انت ما بتخجل من حالك .. ما عندك احساس ما عندك ضمير

علي : لك ولييي يا بنت عمي شو بحبك بس تعصبي هيك .. اي هيك هاا .. اي انا منشان شو اجيت لهوون

حطت لارا اللابتوب من ايديها وركضت باتجاه علي يلي بدورو هرب اول ما شافها متجهة ناحيته

قفلت الباب ورجعت حملت اللابتوب
لارا : لعما بعيونه لعما
بهالاثناء رجعت سمعت صوته من ورى الباب
علي : له يا بنت عمي له ما حبيت هالحركة منك ..فكرتك رح تلاحقيني متل كل مرة
لارا بقهر : لك الله ياااخدك
علي : عالباريس ولا دبي
نفخت لارا بنفاذ الصبر وصرخت باعلى صوتها : جدددددددددددي
بس سمعها علي ركض قدام الباب

∞.............« ♪٭★٭♪»...........∞

رجعت عائشة عالبيت ودخلت تحممت ولبست واتجهت عالمطبخ وشافت ايفار عم تحضر عشا
عائشة : شو يا روحي كيف كان يومك
ايفار : امي رجعت ميسون شي
عائشة : لا يا روحي لسا
ايفار باستغراب : لكن ليش ما اخدتيني اليوم معك امي

تلبكت عائشة وردت : خلص يا روحي انا وابرار عم ندبر حالنا وكمان ايمن رح يشتغل شوفير ببيت الآغا واخواتك ما خرج يبقوا بالبيت لحالهن

ايفار : طيب امي متل ما بدك

اخدت السفرة وقعدوا الكل وبلشوا ياكلوا

عائشة : اي امي ما قلتلي كيف كان شغلك اليوم

ايمن : اي شو هالبنت الآغا هي يا امي والله انها ملاااك .. يلي بشوفها بفكرها بنت عادية .. ما بتعرف تتكبر ولا تشوف حالها

عائشة : اي ابني الله يرضا عليك بتدير بالك عليها هالبنت طيبة كتير وهي امانة بين ايديك بتوصلها عالمدرسة وبترجعها واي شي بصير عليها حط ببالك بيت الآغا مارح يرحموا حدا فينا

ايمن : له يا امي له ما حبيتا منك آرين بمكانة اختي ايفار ولين وسارة واي شي بصير عليها بصير عليي كمان ف لا تخافي يا حنونة

عائشة : الله يخليلي ياك يا عمري

ايفار : امي
عائشة : اي يا روحي
ايفار: امي قبل ما تجي بنص ساعة تقريباً اندق باب بيتنا
ايفار : اي ومين كان يا روحي
سارة : انا يلي رحت وفتحت الباب امي وقالتلي انو بتكون جارتنا بتشتغل بقصر رفيقة ايفار
ايفار : هي قالتك هالحكي ؟
سارة : اي اختي قبل ما تجي هيك قالتلي
ايفار : قصدك عن هيلما ما غيرا صح اختي
سارة : ليش عم رفيقة عندك اختي
ايفار: طيب شو قالتلك بالضبط
سارة : قالت انها بتشتغل بالقصر يلي مقابل بيتنا بس كانت مسافرة وهلق رجعت
ايفار : اها معناها بتكون شغيلة بالقصر ..
عائشة : طيب امي وما قالتلكم شو بدها

ايفار : قالت انها بتكون رفيقتك وانو كنتوا متل رفقات وصرلها 18سنة مو شايفتك

اتسعت حدقة عائشة ودخلت بصدمة بس تذكرت شي وحكت بتوتر : ااامي م ما قالتلك شو اسمها

سارة : امبلا امي قالتلي اسمها بس كانت .. امم . كانت.. مو متذكرة ماما
ايفار : قالتلي اسمها اريج

هزت عائشة براسها بالنفي ونزلت دمعتها وبلشت ترجف وحكت : اي امي و ش شو كمان ح حكت
ايفار : شبك امي شو صرلك .. ما حكت شي تاني بس هيك
بلعت عائشة ريقها واخدت نفس
ايفار : امي انتي منيحة
عائشة : اا ا اي منيحة ة اي اي ما في شي
ايمن : الله الله شو صرلك يامو
عائشة بمحاولة تخف عن ولادها : ب بس ك كنت مشتقتلها كتير ص صح كنا متل اخوات بس هي راحت واول م ما قلتولي استغربت