يد زلم معكلة تجي بمشيتي جا انه وحد من بنات اخوانه ونسابته؟

بعدها جورية مالحكت تجاوبني وانه فتحت الباب وطبيت على ابوي وعمي بالديوانية وجان ابوي يحجي بالتليفون بس ماانتبهت:
بوية .. بوية .. جا شني كايل لعمي لامهر لامشية جا قابل انه فصلية .. ابن عمي على عيني وعلى راسي بس انه اريد مشية زلم ومهر جدام العالم والناس اريد اتشيم جدام بنات عمومتي وخوالي جا انه وحد من البنات ؟

عمي ضحك كال:
حكج ..حكج .. احنه نمشيلج تدللين ..

ابوي استمر يحجي بالتليفون بس يباوعلي :
اي هايه ياسه .. اي هههههه ..تريد مشية ومهر ههههههههه ..
هاا اي بعد هي بتكم ماتحتاج انتم جهزوها وابو امير هليكللها نمشيلج تدللين هههههه .. هاا اي هلا بيكم .. هلا بيكم ..

بقيت واكفه وصافنه على ابوي لحدما سد التليفون وكلي :
هاا ياسه .. هذا عمج جبر سمعج تكولين اريدن مهر ومشية هههههه ..
يكول صار تدلل ياسه نجيها وشكد تريد مهر يجرالها .

ابتسمت ابتسامة شكت حلكي من الاذان للاذان 😁 ..
رحت اركص يم جورية وامي وجان يمهن فهيمة وسلامة ظلن يضحكن مستغربات كالت امي:
هاا .. شو ركصتي توج معنفصه ؟
ياس: كلت لابوي اريد مهر ومشية زلم ..
سلامة : فلاشه .. ماتخاف هالبت ..
ياس: عليمن اخاف وحد عنج مو مشولج ؟لو ياسة كملتها بكعه ..
جورية: ولجن عوفن المداهر هسه كولي شكلج ابوي ؟

درت على جورية واتخوصرت وكتلها بابتسامة :
ابوي جان يحجي ويه عمي جبر وعمي جبر سمعني من كلت لابوي اريد هيج وهيج وكلي يجرالج تدللين مهر ومشية 😁 ..

امي: اي خوش .. صلاوات على محمد
جورية: شتردين بعد فرحي هسه ..
.
.
.
.
اسبوع خلصته صفنات احس روحي دايخه ماادري شبيه لافرحانه ولامو فرحانه .. ماعدي رد فعل ماادري شبيه بردت خلصتها تفكير ..
خاف صدك انه مااعرف افكر واتصرف ..
خاف انزل راس ابوي واخواني وافشل امي جدام مرت عمي ..
خاف انه هم مااحبل مثل مرته ويطلكني ..
يححح ...
شلون يطلكني وانه بت عمه غير ابوي يذبحني ويذبحه ...
خلصت الاسبوع بهالافكار منا لحدما خابر عمي كال الجمعة نجي نخطب وراح ينزلون عد بيت عمي ابو امير ..

ومرت عمي حجت وياي وانه حسيت عبالك اول مره احجي وياه شو استحيت منها :
ياسه حبيبيتي لتجهزين اي شي اني منا راح اجيبلج فستان واكسسوارات وحتى الذهب منا راح اشتريلج على ذوقي انتي اريدج ترتاحين متشيلين هم اي شي زين حبيبتي ؟
ياس: ان شاءالله ..

بس هالكلمة حجيتها ... لساني عبالك بلعته ..
اتفقت مرت عمي ويه امي على كل شي حتى هي مشية زلم وهي مهر ونلبس حلقات ..
هي تجيبلي بدلة وهي تختار الذهب حتى الحذاء هي تجيبه وانه ارتاح بس يا راحة ...
الخوف اكلني .. حتى الاكل كطعته من التفكير ..اجوا قبل الخطبة بيوم واجتنه مرت عمي جابلتي نفنوف وشافت خاف ناقص شي ..
جانت جورية اختي على اساس تريد قبلها بيوم تاخذني لبيتهم حتى توديني مناك للصالون بس مرت عمي مارضت ماادري ليش ..
ثاني يوم من الصبح كعدت سبحت وهي من البارحة كلتلي شعرج الصبح نشفيه لاتلفينه ولاتظفرينه ..
رغم الليل كله مانمت افكر بس الصبح كعدت نشيطة ..
كالوا الزلم الساعة ب( ٢ ) يجون ..
معناها وره ماتفض الزلم يجي كرم حتى نلبس الحلقات ..
اجت مرت عمي من الصبح يمي هي جهزتني ولبستني وسرحت شعري ..
ماعرفت روحي اول مره احف حواجبي واعدلهن .. واول مره اخلي مكياج واول مره اكشخ هيج ..
ظليت واكفه كبال المراية واتفرج على روحي وفهيمة كل شوية تكمزني بهلهوله ..
وامي خنكتنه بالحرمل وسلامة كاضه فروخها حتى لايجون يكعدون يمي بس مايفيد كل شوية يزرك واحد للغرفة ويتحنط كبالي😂 ..
بعد ماعقدلنه السيد اشتغلت الهلاهل والهوسات وطلعوا الزلم اتوجهوا لبيت عمي ابو امير ...
انتقلنه احنه النسوان لديوانية الزلم لان اكبر وظلن بناتنه يركصن ويغنن ويهلهلن وانه كاعدة ومسوية روحي عاقله ولازم ماارفع راسي واباوع لاتجيني كفخة من امي ..
بس الصدك اتمنيت روحي وحده من المعازيم حتى اخذ راحتي اركص اهلهل احش بالعروس والعريس 😁 ..

اجه العريس اجه ... الجهال اجت تركض وتصيح كلبي ظل يدك حسيت روحي احتريت اشرت لجورية تفتح السبلت رغم شتا بس اهلنه هواي وبناتنه وصار نفس وحاره ..
عبالي بس انه محتره بس من دخل كرم بهوسة الهلاهل والصفكه وكعد يمي شوية وفتح دكمة القميص انتبهتله وبعدين كام نزع الستره ..
جنت اتمنى اتزوج واحد جرئ مو خجول واحد رومانسي مثل المسلسلات التركية ووسيم على كولتهم ..
ظليت اباوعله من جوه ليجوه ..
ابيض عنده لحية خفيفة شوية بيها لون يعني مثلي شعري بي لون ويمكن عيونه هم بيهن لون ..
زين اكو اشياء مشتركة ..
اول خطوة من لبسني الحلقة ماحسيته خجول رغم ماباوعلي ولبسني الذهب وهم ماحسيته باوعلي ..
بس تصرفاته عادية مو مال واحد مستحي او خجلان لا يعني مرتاح يمكن لان كل احنه اهله وكرايبه او يمكن لان مو اول مره يخطب ويتزوج؟
جنت اتمنى نروح نطك صور عد المصور بس بعيد علينه كللش بالولاية ..
بس البنات عدهن كاميرات ومرت عمي ولنى بتها كالن نصور بالموبايل وبعدين من

يرجعون لبغداد يطبعونهن ..
كل اللقطات جانت عادية
امه تكله خلي ايدك على جتفها يخليها .. خلي ايدك على خصرها يخليها ..
بوس راسها .. باس راسي ..
حسيت بالغرابة يمكن لان مااعرفه او يمكن لان كل بناتنه اتزوجن منه وبينه فماجان اكو ذاك الخجل والبرود ..
المهم ...
وره ساعتين كاملة من الركص والهوسات تعبن الحبايب 😂 ..
وانه دخت وهو هم حسيته داخ رغم ماحجه بس جان يبتسم بين فترة وفترة ويجاوب عادي على كل اللي باركولي وباركوله وعلى كل اللي وصوه عليه ..
جان يكول :
ان شاءالله ..
مرت عمي جانت فرحانه ولنى جانت اكثر وحده متونسه وكل شوية تصورني ..
بعدما طشن الحبايب هو راد يطلع يروح لبيت عمي بس مرت عمي مارضت :
لا يووم لا .. ابقى يم خطيبتك هسه البنات يطلعون وابقى يمها كعدوا اتعرفوا على بعض ..سولفوا ماعدكم سوالف؟

ماحجيت شي ولاهو حجه ..
خلال دقايق فرغت الديوانية ..
الكل طلع وخلوا الباب موارب خاف يجي ابوي لو واحد من اخواني زحمة مايقبلون نكعد بحدنه ..
جنت صافنه عالباب لحدما انتبهتله اتنهد والتفت علي ..
لااراديا التفتت عليه ..
باوعلي شوية .. استحيت ..
ابتسمت شوية وهو هم ابتسم بعدين كال :
راسي صار طبل ..
ضحكت ..
كرم : ليش تضحكين؟ مادختي لو انتي متعودة على هالاجواء؟
ياس: ليش انتم من تصير عدكم مناسبة ماتهوسون لو ماتركصون؟
كرم : لا الهوسه والركص والدوخة بس يم النسوان احنه غير عالخفيف هههه ..

ماادري ليش من ضحك ارتاحيت ..
لزم ايدي جلدي حسيته كزبر ومثل البردت ..
باوعلي كال :
ياسه ليش قبلتي بيه؟

اتعجبت من سؤاله ومادريت شجاوب بالبداية بس بعدين كتلة:
انه ماجنت قابله بالاول..
سألني بفضول :
وبعدين ؟
ياس: بعدين كلها كلتلي ابن عمج يداريج ويصونج ويدير باله عليج .. احسن من الغريب .
كرم : زين ماخفتي من عرفتي اني متزوج ومطلك قبلج ؟
ياس: لا .. ماخفت بس الصدك ماجنت قابله اتزوج واحد مطلك حتى لو ابن عمي .. يعني صدك انه مو مثل بناتكم ولامكملة مدرسة وعيوني تك وتك بس هم ماارضاها على روحي ..

من كلت تك وتك ضحك على كيف بس من كلت ماارضاها على روحي سكت ...
كرم : وهسه؟ يعني انتي هسه مجبورة؟
ياس: لاا مو مجبورة بس قنعوني يعني ابن عمج ومن هالحجي .
ضحك حيل وسكت كال:
هو من هالحجي ..
بالهاللحظة ماحسيت روحي مستحية منه باوعتله ردت اشوف شكلة ملامحه شلون صايرة ..
انتبه علي اباوعله كلي :
هاا مطابق للمواصفات؟ هههه ..
ياس: لاء
رفع حاجبه كال:
شلون بالله؟
ياس: جنت اتخيل روحي متزوجة واحد اسمر اجلح ..

ضحك حيل من كل كلبه بعدين كال:
من اجيتينه مالج صوت بالبيت اشو هنا ماخذه راحتج لو لان بعدج عد اهلج ههههه ..
ياس: جا غير جنت جايتكم خطار مايصير من البداية امصخها 😂 ..

بقى ساكت شوية بعدين كال:
عندج بعد اسبوعين او تلاثه بعدين تجين لبغداد ... بالبداية يجوز صعبة عليج وحدج والبيت هادئ مو مثل هنا ماشاءالله ناس طول الوقت رايحه جاية جيران وكرايب .. بس بعدين تتعودين ... بس الج مطلق الحرية امي وياج ولنى تردين تطلعين تشترين تتونسين تلبسين براحتج ..
يعني هذا بيت اهلج وهناك هم اهلج وابوج مو عمج طبعا ..
واني ماراح اقصر وياج ان شاءالله ...

بقيت ساكته ماادري ليش ماعجبني الحجي وضجت فجأة بدون سبب ..
مااعرف شنو اللي بحجية ماعجبني رغم حجية حتى بالاحلام مامتمنيته ..
البس براحتي ..
اطلع واطب براحتي ..
اشتري براحتي ..
كله براحتي مو هذا معنى مطلق الحرية ؟
.
.
.
بعدما طلع وراح لبيت عمي ابو امير جانوا الكل معزومين هناك عالعشه ..
عمي ابو امير ذابح بهالمناسبة والزلم كلهم متجمعين عدهم والنسوان عشاهن عدنه ..
اجت مرت عمي دخلت يمي بالغرفة كعدت يمي جنت كاعدة امسح المكياج كالت:
هاا مسحتيه .. اي ماتحتاجينه الحلو حلو من الله وانتي حلوة .

اتدنت علي شوية كالت:
هذا موبايل جابه الج كرم حتى تكدرون تتواصلون ..
ياس: مشكور
ام كرم : حبيبتي ياسه ادري بيج انتي ماطالعة ولاتعرفين ترحين للسوك وبعيد عنكم السوك الجبير اصلا .. فاني اتفقت ويه امج اني راح اجهزج شنو تردين شنو محتاجه كتبيلي بورقة واني راح اجيبلج احلى شي واحسن شي كوني على ثقه ..
ياس: اعرف عمه بدون ماتحجين هذا النفنوف الجبتيلياه يخبل وانتي ذوقج حلو ...وانه هم مااريد اشتري شي مايعجبكم بعدين .. بس انه تعرفين لبسي حتى لو ابدل البس فوكاهن عباه ..
ام كرم : براحتج ..
.
.
.
.
.
.
مساؤو شلونكم 😊
#القلب_بالقلب
بقلم #روز_الفياض
ج٦
بقت اسبوعين وانه كل شي ماجهزت رغم عمي انطاني مهري بس ماردت اشتري منا شي كلت اروح لبغداد واشتري اليعجبني ..
مرت عمي اتفقت وياي من اروح لبغداد نطلع انه وياها نختار بدلة العرس وتاخذني للصالون يشوفون شعري شمحتاج من تغيير ..
خلال هالايام جنت يومية بالليل اطلع الذهب الجابولياه احطه عالجرباية واحط يمه الحلقة واباوعلهن ..
شكد عدي ذهب ابوي مامقصر بس حسيت هذا اله طعم مختلف ..
التليفون الطتنياه مرت عمي جان بي شريحة ومسجل بي رفم كرم وعمي ومرت عمي ولنى ..
ماجان بيني وبين كرم تواص

ل بالتليفون بس مرات من تتصل مرت عمي ويكون موجود يسلم علي ..
المفروض خلال هالفترة هو جاب اخشاب وضبط الطابق الفوك لان المفروض غرفتي تكون فوك ..

قبل لااروح لبغداد ب( ٣ ) ايام امي سوتلي حنة والتمن الحبايب كلهن ودك وركص لليل ..
بس وراها شبعت بجي .. عبالك رايحة لاخر الدنيا وعبالك ماراح اشوف امي واهلي بعد ..
الساعة ب( ٣ ) بالليل ابو كال نطلع ..
صارت الساعة ب(١٢) وانه افتر بالبيت ماخليت شي مارحت شفته يمكن صدك راح اشتاق لهذا السجن ...
رحت كعدت بالحوش الوراني يم دجاجاتي وظلت دموعي تصب ..
سمعت صوت اخوي مصعب يدور علي كمت على حيلي بسرعة اريد ادخل للبيت اشوفه بس مالحكت اكوم رجعت انجبحت على وجهي .. عثرت بالظلمة تعورت ركبتي بس كمت ودخلت للبيت وصار مصعب بوجهي كال:
هاا ياسه ؟ انتي هنا وانه ادور عليج ..
ارد اسلم عليج .. تعاي ..

فتحلي ايدية يريد يحضني وانه عبالك يكلي ابجي ...
حضنته وبجيت .. بجيت ..لحدما بجوا كلهم ..
امي وسلامة وفهيمة جانوا واكفين وراه كالوا:
ياا ايدج ايدج تصب دم ..
وخرت ايدي شفتها تصب دم ماحسيت بيها من اتعورت لزمها مصعب وصاح عالبنات جابنلي شاش وديتول ..
غسلتها وعقملياها ولفها بالشاش ورجع حضني ..
وانوب اجه مضر وحضنه اثنينه وتلاثتنه ظلينه نبجي ..

مصعب : اريدج ترفعين راسنه ... تديرين بالج على رجلج وعمج وعمتج ..

هزيت راسي اي ..
دنك باس راسي كلي:
يابعد اخوج ..
.
.
.
.
بقيت كاعدة ماغمضت عيني وهمه هم ماناموا بقت كلها وياي كاعدة متانين السيارة تجينه ب ( ٣ ) ..
الولد اتفقوا ويه واحد من كرابتنه عده بهبهاني حتى تكفينه انه وامي وابوي وعمي ابو امير وعمتي رسمية ..
مااشتريت اشياء هواي لجهازي بس سلامة وفهيمة بنات عمي واختي جورية ماخلن شي ماجابنه ..
ب( ٢) ونص اجت السيارة صعدوا الغراض وسلمت عليهم واحد واحد حتى الجهال رحت بستهم وهمه نايمين بس من طلعت ماشفت اخوي مضر ..
دورت عليه بالبيت مالكيته ..
طلعت وانه ضايج خلكي مايهون علي اروح واسلم عليه ...

ياس: يالله سلمولي على مضر ..
درت وجهي وصعدت بالسيارة وسديت الباب وانه عيوني تتلاكط على الفرع اتمنيت اشوف حتى الجيران واسلم عليهم كبل لا اروح ...
طاحت دموع ...
شوية وماحسيت الا الباب اليمي انفتح حيل كمزت ..
باوعت اخوي مضر ...
شهكت من شفته :
خويه ..
حضني وظل يبجي بصوت عالي ..كالي:
ولج ياهي اليونسنه بعد ...

بقيت ابجي وهو يحب براسي ويكلي:
انتي عزيزتي ... بتي مو بس اختي .. انه المربيج ...

بعدين حب ايدي كلي:
يالله يابعد اخوج روحي .. اتوكلي ... الله يسهلج ..

سد الباب وحركت بينه السيارة ..
وانه عيوني اتلاكط عليهم ظليت ملتفته واعاينلهم لحدما طلعت السيارة من الفرع ...
همزين ليل والدرب اظلم .. صدك وحشه .. بس محد يشوف دموعي ...
ولو هي اول مامشت السيارة ماظليت اسمع بس الشخير ...
.
.
الصبح وصلنه لبيت عمي جبر جانوا كاعدين مستعدين لجيتنه ..
كبل حطوا الريوك ..
اتريكنه وخلصنه وبدت مرت عمي وخدامتها يشيلن الاكل وكمت وياهن اساعدهن ..
من دخلت للمطبخ كضتني ..

ام كرم : هلا بعروستنه ... عيونج حمر .. باجيه؟

بس كلتلي باجيه بجيت ..
حطت ايدها جتفي كالت:
لا ازعل عليج .. على شنو تبجين قابل احنه اغراب وتحسين بالوحشه عدنه .. احنه اهلج ماما وهذا بيت زوجج يعني بيتج وبيت ابوج .. واني هنا بمكان امج شتحتاجين كوليلي لتستحين مني ولناوي اختج وهسه تجي بقية العائلة وتتعرفين عليهم ..
المثلج هسه فرحانه ... صارله اسبوع ماضاك طعم النوم شلون قابل علمود منو؟ علمودي؟ غير علمودج اشتاقلج واشتاق لسوالفج الحلوة ..

حسيت بفرحة من سمعت كرم يمكن مشتاقلي ومتلهف على جيتي ..
بس اتذكرت :
جا اليشتاق شبي مايخسرله خمستالاف رصيد ويخابر يسأل يكول ياناس ياعالم شلونكم شخباركم ؟

ضحكت مرت عمي حيل وكالت:
روحي كعدي من النوم وعاتبيه ..

فكيت عيوني متعجبه :
اكعدمن 😳 ؟
ام كرم : كعدي زوجج خليه يصبح بهالوجه الصبوح هالوجه الحلو والعيون الملونه ..

ظليت اباوعلها وابلع بريكي .. بطرانه هاي المره مدري اكو احد مسلطها علي حتى تخليهم يعدموني 😨 ..

ام كرم : روحي كعدي شمنتظره ؟
ياس: يححح غير ابوي يحط براسي جيله .. ادخل عليه اكعده يبوووي .. لا لو اموت ..
ضحكت بصوت عالي كالت:
شبيج جبانه .. اذا بالحالتين ميته هههه .. كيفج ..كيفج ..
ياس: غير استحي ..
ام كرم : زين صعدي شوفي غرفتج اخشابج شوفي شنو جبتلج يجوز اكو شي ناقصج او معاجبج حتى اليوم اخذج وياي ونجيب كل النواقص ويجوز يعجبج شي ..

ابتسمت عجبتني الفكرة كتلها:
وينها الغرفة ؟
ام كرم : فوك اول ماتصعدين الدرج اول باب هاي غرفتج ..

رحت اركض عالدرج صعدت للغرفة فتحت الباب ..
حلوة الاخشاب وكل شي مرتب ..
فتحت الكنتور صدك المره مامخليه شي ملابس النوم ملابس البيت جراجف مناشف كل شي موجود ..
شوية وصعدت وراي كالت:
ياسه جربي ملابس الطلعة خاف يطلع القياس مو مضبوط ..
بدت تطلعلي وانه اقيس ..
اخر شي طلعتلي صفطت بنطرونات ..
وكفت كتلها:
انه ماالب

س بنطرون ..
ام كرم : ليش؟ تره كلها البنات تلبس .. زوجج مو من هالنوع اللي يدقق بكل شي .. بعدين اني اعرفج متلبسين وملتزمة بحجابج لذلك جبتلج وياه قمصان طويلة ...
طلعت القمصان كالت :
لتخافين مختارتلج ملابس محجبات .. بس كم قطعة تستقبلين بيها الناس اللي يجون يباركولج ..

طلعتلي تنوره قصيرة للركبة سودة وبيها طوبات ملونه كل طوبه من لون ووياها سترة لونها اخضر ليموني ..

لبستهن ووكفت كبال المراية متعجبه على روحي ومرت عمي حلت شعري وظلت تباوعلي ..

ياس :شلون اطلع للناس بهاي التنورة يححح استحي ...
ام كرم : تاكل وتشرب عليج ..
درت عليها كتلها:
بس استحي .. مامتعودة البس كصير ..

قبل لاتجاوبني انفتح الباب التفتنه .. كرم ..
توه كاعد من النوم ماباوع بس شاف امه بالغرفة رجع بسرعة وسمعته كال:
آسف ..
وطلع ...

كلبي ظل يدك همزين ماشافني بهاللبس يافشلة الفشلة ..
بعدني اجر نفس مااشوف الا مرت عمي فتحت الباب وراه وصاحت عليه :
كرم ..تعال ..تعال ..

يبست بمكاني وين البد خاف يشوفني وكفت وره الباب ..
اجه بس مادخل للغرفة ..
ام كرم : الله عليك شوف مو حلو عليها ؟ مو يجنن؟
دارت كالت :
وينج؟
شافتني وره الباب اشرتلها باصبعي :
اشششش ..

بس مالحكت لان دخل كرم للغرفة مايدري شكو وشصاير ..
دخل مستغرب وباوع علي وره الباب ..
رغم بروده وسكوته ورغم ماجان عنده اي رد فعل بس ماادري ليش حسيته يباوعلي لاول مره نظرة رجل لامراة ..
والدليل بقى واكف ماطلع من الغرفة رغم هو مانطق بكلمة بس بقى واكف يباوعلي ...

استحيت متت ...
ام كرم : عاشت ايدي مو؟عالعروس وعالملابس هههه ..

هز راسه اي ..
ام كرم : هاي عليمن عالعروس لو عالطقم ؟

تقصد هزت راسه ..
ماحجه شي بس ابتسم شوية ..
شو هاي طلعت وعافتنه وحدنه بالغرفة ..
بس طلعت انه رجعت فتحت الباب واشرتله يطلع بره ..

رفع حاجبه يمكن انصدم ويمكن ماعجبه ..
مشى خطوتين باتجاه الباب بعدين دار علي كلي:
والعباية؟
عكدت حواجبي وكتله:
شبيها؟ تره هذا البسه بالبيت من يجون كرايبكم يتباركون مااطلع بي بره ... والعباة ماانزعها بالطلعة ولااتنازل عنها واذا ماعاجبتك بعدنه تره تونه نكول ياهادي ذولاك عمامك وابوك وانزل كللهم بطلت مااريد العرس ...واذا صعبة عليك انه اكللهم بمكانك هسه بس ابدل ..

صرت عصبية غثتني حجايته ... بس هو بقى واكف يباوعلي وعاكد حواجبه ..
وخري ايدي من الباب وطبكه حيل ..
كمزت كتله :
شوية شوية على كيفك ..
اتدنه علي خطوه خفت كلت راح يكفخني ...
كرم : شماكله من الصبح متفهميني ؟ باجة؟

اتفاجأت برده بس كتله :
لا والله خاف ماعاجبتك ..خاف ماعاجبك لبسي؟ كول من هسه ليش تتورط وتورطني وياك ..

ظل يتلفت بالغرفة بعدين كال:
وينها العباية؟
ياس: جوه ..
كرم : اممم .. اوك اني نازل قبلج اكوللهم وانتي غيري ملابسج وتعالي وراي بسرعة ..

نزل وانه ركضت ابدل هدومي حتى انزل وراه ..
بدلت ركض ونزلت اكمز عالدرج كل بايتين احسبها بايه وطفرهن حتى اللحك عالهوسه والعركة الراح تصير جوه من يكللهم مااريدها ..
وجووب .. اتكربحت من الدرج على وجهي 😑 ..
رفعت راس محد شافني يمكن الحمدلله كعدت عدل شفت رجلي البارحة طحت عليها واليوم هم ..
ظلت توجعني وايدي هم كلللش اذتني ..
كمت وانه اعرج شوية وادردم بصوت ناصي :
الله يكطع ابليسك ... كربحتني وكسرتني آآآخ رجلي ... اووي ايدي موتتني 😣 ..
كرم : شبيها ايدج ؟

كمزني كتله:
اسم الله منين طلعت ..
كرم :شبيج ؟ وين اتعورتي؟
سحبلي كرسي واشرلي اكعد .. كعدت ..

استحيت اكله البارحة طحت واتكربحت واليوم هم زحمه شيكول شبيه قابل مااشوف ..
ياس: مابيه ... ماتعورت ..
ابتسم نص ابتسامه وكال بنبرة واحد حاصرته الضحكة :
لعد شبيج مكسرة هيج وكولج اصابات؟ خاف وكعتي من الدرج ؟

من كال هيج انه عرفته شايفني من طحت ..
انقهرت كتله بعصبيه:
يعني شفتي طحت واتكربحت واتكومت بالكاع واتزلغت رجلية وما اجيت كومتني لا كتلي اسم الله ولا وجع ؟😣

ضحك حيل ظل يكركر وانه اباوعله لحدما سكت سحب كرسي وكعد يمي كال:
شبيها ايدج؟ وصدك رجليج اتزلغت ..
كال هالكلمتين ورجع يضحك ..

ضجت هذا شبي يضحك كمت ردت اطلع من المطبخ اروح يم اهلي اتانيه حتى يجي يكللهم مااريدها ..
دخلت مرت عمي كالت :
هاا انتو هنا ؟
كرم : اجيتي بوكتج ..
ام كرم : هاا خير ؟ شبيكم؟
كرم : اكو حجي مااكدر اكوله كدام ابوي وعمامي .. كلت اكولج انتي وانتي بطريقتج تحجينه ..خاف يزعلون مني لو حجيته ...

كلبي ظل يدك ... هذا حظي انخطب جم يوم وكبل العرس يكول مااريدها ..
امده حظي 🤦‍♀️
.
.
ام كرم: كول حبيبي ؟
كرم : عاشت ايدج ..

هي ابتسمت وانه استغربت لحدما التفت علي كال:
عالاثنين عالعروس وعالطقم ...

بلعت ريكي وغلست كال:
ياسه كعدي شوية خل اشوف ايدج ... رجعت كعدت فتح الشاش وشاف الجرح كال:
بشرفج اكو عروس تجي هيجي عبالك جانت بعركة ايدها مجروحه شلون جرح ورجليها مزلغه ... وانوب هسه وكعت من الدرج وظلت تمشي وتعرج ... وين جرحتي ايدج هيجي ويامن اتعاركتي ..
ي

اس: مااتعاركت شنو شايفني دشر الشراني امشي واتعارك .. بس البارحة طحت بالحوش الوراني بالليل واتعورت ماادري بشنو ..
كرم : اممم ..
ياس: وهسه طحت لان نزلت اركض حتى اشوف العركة ..
ام كرم : ياعركة؟
ياس: العركة الراح تصير بين ابوي وعمامي وبينه ..
واشرت براسي على كرم ..

امه كالت:
ماتفهموني شكو؟
كرم: ماكو شي يووم بس ياسه خافت خاف اروح احجي الحجي الحجيته الج قبل شوية كدام ابوي وعمي وتعرفين عمي ماعنده تفاهم ..
حجه هالحجي وابتسم وطلع من المطبخ ..
بقيت ساكته هذا جا يلعب علي ويضحك علي بس لايطلع مخبل واتورط بي 🤔 ..
ام كرم : اييي؟ بالله خل اشوف ايدج؟
ياس: شديتها ..
ام كرم : ورجليج؟ لو بس لكرم ههههه ..

مافهمت شكالت .. ابتسمت مثل الثولة وطلعت من المطبخ انوب افتهمت ورجعت اركض اريد اكللها تره والله ماشاف رجليه هذا جذاب ..
بس مالكيتها ...
.
.
.
.
.
خلال هال ( ٣ ) ايام كرم بعد ماشفته خلصتها خواره من السوك للصالون للخياطة للمدري وين المهم ماكعدت بالبيت كلها مشاوير ..
بس اتعرفت على ابن عمي الثاني رضا ازغر من كرم اجوا هو ومرته حنان وبته .. واجت هم بت عمي اختهم اسمها ريم ...
كلهم جانوا طيبين ..
جان الاتفاق ماكو عرس وحفلة كرم مايرضى بس زفة للفندق وجنت اتمنى يسوولي عرس وافرح مثل البنات ..
بس مرت عمي بليلة العرس هم كلتلي اسويلج حفلة بسيطة بس الاهل حنه يعني وريم ومرت رضا كل وحده جابتلي نفنوف ..
صدك فرحت ... بس اهلي مكانهم فارغ لاجورية اختي لافهيمة لاسلامة ..
بس امي وعمتي رسمية وعمتي رسمية ( ٢٤ ) ساعة نايمة كل فايدة مابيها لاتصفك لاتهلهل المن اجت ويانه 😑 ..
ماجان اكو احد غريب بس الاهل ويمكن اثنين نسوان من جيرانهم ..
ام كرم : ابوج ياسه يريد يجي يسلم عليج ..

كمت وكفت استغربت ..
طلعتله يم باب الديوانية باسني وكالي:
ياستي ... بوية هذا مال صباحيتج ..
خله بيدي شدة فلوس ..
ياس: شني هذا بويه ..

حب راسي وحضني وكلي:
اريدج ترفعين راسي اعرفج انه مايحتاج اوصيج جويمليه انتي معدلة .. انه راح اروح هسه وامج وعمتج يمج يظلن ... بعد ابوج صيري نبهه شتريد عمتج كون ماتقصرين ورجلج هسه انتي مسؤوله منه ماتسوين شي بدون علمة ورغبته .. وشتحتاجين خابريني لو لخوانج اذا تستحين من رجلج .. زين بويه ..

هزيت راسي اي ...
سلم علي وراح وبقيت واكفه اباوع وراه والدمعة بعيني ..
بليلتها ماغمضت عيني صدك استاحشت ..
لو جورية اختي وياي عالاقل .. بس مااجت تكول الجهال يشلعون كلبها وزغار ماتكدر تخليهم يم ابوهم ...
بليلتها نمت بالنص بين امي وبين عمتي رسمية ...
آخر ليلة الي بحضن امي ..
ولو عمتي رسمية خربت الاول والتالي بشخيرها ..
كلها نامت بس انه كاعدة بفراشي اتكلب واسمع جوانا تحوس بالبيت يمكن بعدها تنظف خطية ..
شفت تليفوني بي ضوه باوعتله اكو مسج فتحته ...
جورية اختي ..
موديتلي دعاء وكاتبتلي ظلي ردديه منا لباجر وره العرس ...

فكرت اودي مسج لكرم .. بس كلت فشله خاف نايم ..
باوعت شفته متصل بس كلت مادام ماحاجاني انه هم مااحاجيه ...
ادردم بكلبي ماانتبهت الا وره شوية ..
كعدت على حيلي شفته كاتبلي :
هلووو

ظليت ساكته ماجاوبته انوب اتذكرت حتى لو ماجاوبته مبين عده انه متصله ...
امداج 🤦‍♀️

رديت عليه :
هلو
كرم : شعندج كاعده لهسه؟
ياس: ماعندي
كرم : لعد ليش مانايمة؟
ياس: مااكدر انام عمتي رسمية مشغلة صفارة انذار ..
كرم : صفارتيش؟
ياس: تشخر
كرم : هههههههههههههههههه
ياس: وانت؟ ليش مانايم؟
كرم : مااكدر انام ..
ياس: ليش؟ هم اكو يمك صفارة انذار؟
كرم : ههههههه لا ماكو ...... بس ضايج شوية
ياس: ليش؟ شمضوجك؟
كرم : ماكو شي ..... سلامتج

قهرتني حجايته .. المفروض يكون فرحان ومتونس باجر عريس يكلي ضايج وانوب مايطي نشد ( سبب ) كله سلامتج ويخليني اظل احوس ...

رجعت كتبتله :
عودك ليش تحجي هيج؟
كرم : شحاجي؟
ياس: تطيني راس الخيط وتخليني افر باذاناتي مااعرف التالي ..
كرم : 😂😂😂
ياس: عودك شني هاي معناها ضايج ومن اسألك تكول سلامتج يعني سلامتي مضوجتك لو شني الوجبه؟
كرم : 😂😂😂😂😂
ياس: كل هذا ضحك ؟ هنيال كلبك ...
كرم : ياسه ..
ياس: هاا؟
كرم : لتكولين هاا كولي نعم ..
ياس: نعم 😁
كرم : خايف منج ..
ياس: ليش شايفني آكل اوادم ..
كرم : هههههههه خرب ابليسج منين تجيبين هالحجي هههههه ....
سكت شوية بعدين كتبلي لاخايف احبج ....

صدمني حجيه ...
وحسيت الدنيا ظلمت بعيني ...
ليش يخاف يحبني ؟...
شبيه انه يخوف؟
شبيه ماينحب؟

مااتجرأت اسأله ليش ولا كدرت احجي وياه بعد غلقت التليفون وظليت صافنة بالظلمة منا لوجه الصبح غفيت ...

#القلب_بالقلب
بقلم #روز_الفياض
ج٧

رحنه للصالون الصبح الساعة (١٠) انه ووياي عمتي ام كرم ازدحام وهواي عرايس ..
ماخلصنه الا الساعة ب( ٤ ) ونص رغم عمتي ام كرم طلبت يسوولي مكياج بسيط وخفيف وشعري هم كلتلهم شي نازك وبسيط ..
كصتلي شوية من شعري ام الصالون علمود التسريحة ورفعته وردت البس العدسات رغم صارت بيه خوفة من المره

الفاتت بس مرت عمي مارضت كالت:
لاااا ... لتلبسين عدسات كرم مايقبل ..
باوعتلها مستغربة :
متأكدة كرم مايقبل ؟
ام كرم : اي هو كلي مو تخليهم يلبسوها عدسات .. ليش مستغربة ..
ياس: لا مو مستغربة ... بس اكولن شو يمي اخرس😒 ..
ام كرم : هههههههه نزول عليج ام لسان انتي .. هذا كله واخرس .
بالصالون كلها جانت متعجبه وكلها تسال ليش لون عيونها هيج كل وحده لون؟ وليش ماتلبس عدسات ؟ وشلون راح يخلون مكياج لعيوني اذا كل وحده لون ..
آخر شي ام الصالون ردت عالكل بصوت عالي :
عيني زوجها ميريدها تلبس عدسات لان اصلا حلوات عيونها بدون عدسات ... وهسه اخليها مكياج يلوكلها لتخافون ..
.
.
.
.
.
يمكن احلى لحظة تمر على كل بنية من تشوف نفسها لابسة بدلة العرس وواكفة بكامل اناقتها جدام الناس والناس كلها تأشر عليها وتكول الله شكد حلوه هالعروس ...
خلصنه وبقينه كاعدين اني وعمتي منتظرين كرم يجي حتى نروح نطك صور ..
اجه ..
كعدتني عمتي كدام يمه وهي كعدت وره ..
طول الطريق ساكتين لااغاني لا قران كل شي ماكو ..
اتوترت حيل ...
الحمدلله الاستوديو جان قريب مو كللش بعيد ..
نزلوني عمتي رافعة الذيل مال البدلة ..
وهو لازم ايدي وانه مثل العمية كل شي مااشوف من طريقي ..
من دخلنه ناخذ صور كالت عمتي :
كروم ... انت ماما تعال ساعد زوجتك ..

استحيت وحاولت مااضحك ..
اول ماشافني حسيته بي انبهر لحظات ظل صافن وبعدين كال:
زين ... سمعتي الكلام وماخليتي عدسات ..
ياس: اي كله منك ظلن هيج تك وتك ..
كرم : احلى مابيج عيونك كل وحده من لون مو تك وتك ...

باوعت لامه غمزتلي وضحكت ..
خلصنه الصور وطلعنه للبيت بس جان الطريق كللش ازدحام يمكن ظلينه ساعة كاملة بالطريق ..
كللش ضجت وهو هم حسيته متوتر وصار عصبي ..
مرت عمي كالت:
كرومي حطلنه اغنية شغلنه الراديو ياماما غير عرس هو المفروض اليوم زواجكم تفرحون تغنون تركصون مو ذابينها عالصامت ..
مد ايده بدون كلام شغل الاغاني ..
وصلنه للبيت وماادري وين راح ..
لكيتهم جايبين دي جي واتلكوني بالهلاهل وامي تطش على راسي تمن ...
واخيرا عمتي رسمية طلعت بيها فايدة خبصتنه بالهلاهل وكل شوية تكوم تدج وتردح وهي سمينه دنكت على ريم جانت كاعدة بصفي كتلها :
اكلج عفية كعديها المره لاتصير بيها سكته قلبيه بعرسي حظي واعرفه من دون ايام الله تموت بعرسي ..
ريم : هههههههههه خرب يومج ..

استمرت عمتي رسمية تكمز وتغني وتسوي هوسات للعريس ضجت صحت عليها :
عمه ؟
رسمية : هاا يمه ..
ياس: جا عمه غير انه الجايبتج وياي تهوسيلي شو بس تهوسين لابن اخوج؟

ضحكوا كلهم وهي كالت:
هو ابن اخوي وانتي بت اخوي اثنيناتكم نفس المعزه ..
ياس: بعد عكبيش خلصتيها هوسات لابن اخوج .. صوجي مارجعتج ويه ابوي ..

امي وام كرم وعمتي والبنات كلهن يضحكن ..
رسمية: وبت عمنه واختنه تصير جنتنه مانرضه الغريبة تدوس عتبتنه ..
هلا .. هلا .. هلا ..💃💃
ياس: اي عفية عليج عمه ولو هاي قديمة 😂 ..
ام كرم : لا مو خوش عدنه حنونه غريبة مانقبل بهيج هوسة ههههه..

خلص الوقت ضحك على هوسات عمتي رسمية منا لحدما اجه كرم ..
اتصل على ريم واجت شاورتني كالت :
ياسه كرم وصل ...
ياس: جا شسويله؟
ريم : ههههه لج يعني قصدي يجي يدخل لهنا لو لا؟
ياس: جا انتي عايفه امج معرسه واخوج معرس وانتي هم معرسة وجايه تسأليني وانه اول مره اعرس 😶 ..

امي جانت كاعدة بصفي سمعتني وضحكت كالت :
خفي عالبنية ماتعرفج ولاتعرف سوالفج ..
ياس: شبيها سوالفي حجيه؟
امي: ثكلي ولج فضحتينه ..

سكتت وبقيت طول الوقت ساكته ...
مشت بينه السيارة من البيت للفندق وفره بالطريق طويلة وازدحامات ..
كل هذا جنت ساكتة بس داخ راسي ...
وصلنه للفندق كلها راحت وبقينه بس انه وكرم كاعدين هو يباوعلي وانه اباوعله ...
آخر شي كال :
شبيج؟
ياس: مابيه انتي شبيك؟
كرم : اني تمام مابيه شي بس انتي ساكته ماادري شعجب ..
ياس: والله احتاريت وياكم احجي تكولون سكتي وثكلي اسكت تكولون شعجب ساكته ..

ضحك على كيف كال:
من كلج ثكلي هههه؟

برطمت كتله:
امي ..😔
اجه كعد يمي ولزم ايدي كال:
وانتي يعني زعلانه لان كلتلج ثكلي؟

ضحكت كتله بصوت عالي :
لااا يمعود متعوده انه على امي تزفني بالرايحه وبالجاية ...

ضحك شوية بعدين كال:
ليش يسموج ياسه؟ انتي مو اسمج ياس؟
ياس: لاااا عووووع لاتذكرني بأسمي ... ياسه احسن ..
كرم : ليش اكو بشر يكره الياس ..
ياس: مااحبه عدي عقده منه ..
كرم : why
ياس: هاا
كرم: يعني ليش .... ولتكولين هااا كولي نعم ..
ياس: خوش نعم ؟
كرم : مو كتلج معناها ليش؟ ليش عندج عقده من اسمج؟
ياس: من جنه جهال ونتعارك انه واختي جورية جنت انه اكتلها كتله ...
ضحك ..
ياس: هي ماتكدر علي فشلون تضوجني ؟
كرم : شلون؟
ياس: جانت تكلي ياس خضر😣 ...

ضحك ... ضحك ..ضحك .. لحدما دمعت عيونه وانه اباوعله لحدما سكت كتله:
مبين عجبتك النكته ؟
كرم : 😂😂😂
ياس: تره احجي صدك
كرم : ههههه هسه هو منو كال نكته اني لو انتي ؟
ياس: اي انه كلت بس المفروض ماتضحك انت ..
كرم :

ليش يابه؟
ياس: يعني غير المفروض انت هسه رجلي وتواسيني وتهديني وتاخذ بخاطري تكلي ياسه واسمج عليج او تكلي اسمج ياس وانتي فعلا غصن ياس ...

انتبهت عليه كللش مركز وياي وصافن علي سكتت ...
سألني بصوت هادىء:
كملي ليش سكتي؟

بلعت ريكي واتدنيت شوية ابتعدت كتله:
هاا؟ قصدي نعم؟
كرم: كملي ...
ياس: نسيت .. نسيت شنو جنت اكول ...

كمت من يمه حسيت نفسي ارتبكت من نظراته المباشرة الي ..
كمت وانه ادردم بصوت ناصي :
خرب هذا شبي هيج صافن علي .. دور وجهك شوية كول هاي تخجل ... مامبين علي خجوله يمكن ... امداني 🤦‍♀️

التفتت ردت اسألة يحب يتعشى بالاول لو يصلي بس شفته واكف وراي مباشرة ..
ياس: هاا؟ اوووه .. نعم ؟

خله ايدية على خصري ... حسيت بمثل الكهرباء بكل جسمي ..
حس بيه .. ابتسم ..
ظليت مخلوسه ...كال:
كملي ...
هزيت راسي شنو؟
كرم: شجنتي تكولين؟
هزيت راسي ماكو ..
ابتسم .. كال:
انتي دائما هيج تحجين ويه نفسج وبعدين تنكرين؟
هزيت راسي اي ...
ضحك حيل .... بعدين اتنهد وكال:
ياسه واسمج عليج ...
ياس: هااا !!!
كرم : اسمج ياس وانتي صدوك غصن ياس ..

استحيت كتله:
اكلك تره خفت منك ...
ضحك كال: ليش؟
ياس: لو طول اليوم اخرس ماتحجي شي وذابها عالصامت لو هسه جاي ...
كرم : جاي شنو؟
ياس: ماادري .. يعني .. هذا ... ماادري شنو ...
ابتسم حيل كال:
جاي اخذ بخاطرج .. واوسيج ..
ياس: يعني تاخذني على كد عقلي ؟

اتدنه علي حيل وحضني اكثر وصار وجه كبال وجهي وكلي:
لااء ... 💏 💏 💏
.
.
.
.
.
بقيت طول الليل كاعدة ومسويه نفسي نايمة لان اشوفه مانام طول الليل بقى واكف يم الشباك يدخن .. جكارة وره جكارة لحدما اذن الفجر ...
ماكدرت اتجاهل وقت الصلاة ...
كعدت شفته يطفي الجكارة ويباوع عالساعة ..
كمت كتله :
صباح الخير ..

كال بعدما اتنهد ماادري هي حسره :
صباح النور .... وين رايحة ؟
ياس : اريد اصلي ..

ماحجه شي رحت اتوضيت وطلعت كتله:
وين تريد تصلي ؟
كرم : ليش؟
ياس: حتى اصلي وراك ..

سكت ظل يباوعلي بعدين دار وجهه وكال:
اني مااصلي ...

حسيت عبالك واحد ضربني على وجهي .. صدك ضجت وحسيت بين على وجهي ...
بديت اصلي اجه وكف كبالي .. سكتت ماكملت صلاتي كتله :
شبيك؟ اريد اصلي .. انت ماتصلي بس انه مااكدر مااصلي ..

كرم : وليش ضجتي؟
بقيت ساكته ماردت نبدي حياتنه بمشاكل ..
كرم : ليش ضجتي؟
ياس : مايحتاجلها سؤال ... يعني انت مو زغير حتى ماتصلي الجهال تصلي انت ليش ماتصلي؟ شلون الله يباركلك برزقك بحياتك وصحتك ؟

سكت ماحجه شي دار وجهه وكلي :
صلي ... صلي ...
رجع دار وجهه علي كلي:
عود ادعيلي وياج ...
.
.
.
.
رجعنه للبيت ونسيت الموضوع او تناسيته لكن بقيت اراقبه طلع اصلا مايصلي ...
كللش ضاك خلكي شبي هذا ؟
بس بالمقابل من مشت بينه الايام جان مدللني طلباتي كلها مجابه بدون نقاش وكل حاجه اكله عليها يكلي كيفج براحتج ...
بده يتغير حسيته ..
كلي مره قبل لاانام :
ياسه ...
درت عليه كتله :
نعم ؟
كرم : من تكعدين تصلين الفجر كعديني وياج ..
بليلتها مانمت من الفرحة يارب ياهادي الف حمد وشكر الك ..
وفعلا بدا يصلي ..
ومن حجيت لعمتي كالت:
وجهج خير عليه .. خليتيه يرجع يصلي ويذكر ربه عفية عليج هو جان محتاج وحده مثلج قوية تساعده ...

جنت فرحانه لان بدا يصلي وراح من بالي اساله اساعده بشنو وليش تكول يرجع يصلي معناها جان يصلي قبل وكطعها ؟
يالله المهم هسه ..

جنت مرتاحة عد بيت عمي عمتي زينه صح مرات احسها غامضة بس زينه وياي وتعلمني وتنصحني بعلاقتي بكرم وعمي جان فرحان بوجودي بينهم حتى مصرف يطيني حالي حال لنى ..
كل جمعة جانت العائلة تتجمع رضا ومرته وبته وريم ورجلها وبتها واحنه ..
مر اول شهر بسرعة ماحسيت بي ولاحتى حسيت بوحشه بينهم وانه اصلا عشرية بسرعة اتعود عالناس وبسرعة يحبوني ..
كرم جان الصبح والعصر يشتغل وعشرته سهله ماعده متطلبات بس جنت احس اكو شي مضوجه ..
شي مايكدر يكلي عليه ..
ظليت اشك بروحي ...
اكيد الصوج مني ..
جان بالليل يخلص باكيت الجكاير كله .. ومرات يجيب واحد ثاني وهم يشربه ..
كرهني بروحي ...
حسيت اكو شي بيه غلط ..
يمكن اتحسف لان اتزوجني .. يمكن حس انه اقل منه ...
بس انه مو اقل منه .. اذا عالفلوس ابوي هم عده خير من الله ..
بس يجوز لان ماعدي شهادة 😔 ..
كله منك يابوية ..
لاكله مني .. انه بس كلولي بطلي بطلت ..
او يمكن بسبب طريقة حجيي كلماتي ماتشبه كلماتهم ..
مو نفس المفردات ..
او يجوز طريقة لبسي ماعاجبته ...
بس انه كل ملابسي امه اختارتهن واتعمدت اخليها تختارهن حتى لااشتري شي ومايعجبهم او يحسون ماعدي ذوق او ذوقي مايناسبهم ويناسب عيشتهم ...

اصلا ولامره من عرسنه لليوم طلع وطلعني وياه ..
ولامره كلي امشي خل نطلع سوه نتغده لو نتعشه ..
لو حتى نتمشه بس ...
ولامره كلي احبج ...
معقولة ماحبني ؟
جاليش انه بسرعة حبيته ...
ماتغمض عيني بالليل اذا مو راسه عالمخدة يمي ..
مثل الجاهل كل شويه اكعد اشوفه خاف ذاب الغطا وبردان ..
اكوم اغطيه وارجع انام .

.
وهو ولامره سواها ..
هو يدخن وانه كلبي معطب ومحترك علموده ..
عبالك انه الادخن مو هو ...
هو ضايج وانه محترك كلبي وضايج خلكي واذب حسرات علموده ...
ومن اسأله شبيك ؟ ليش هلكد تدخن ؟
يهز راسه ماكو شي ..

هذا الهدوء ماجان بدون سبب .. اكيد وراه اسباب مو سبب واحد ..
بس شوكت اعرفهن ..
مر الشهر الثاني والثالث واحنه على نفس الحال واخاف احجي لعمتي خاف تصير مشكلة وخاف يزعل مني ...

قررت اغير من نفسي لبسي حجيي تصرفاتي حتى تفكيري ..
كلت لعمتي :
عمه .. اريد اروح للصالون اكص شعري واصبغه ..
ام كرم : ان شاءالله بس ليش تكصيه شعرج حلو وثخين ..
ياس: اريد اغير شوية بشكلي عمه مااريد كرم يمل ... واصلا انه اتمنى اكصه .. تدرين امي قبل ماجانت تقبل لان مامتزوجة ..
ام كرم : المهم كرم شيحب يقبل تكصيه؟
ياس: كرم مايحب شي معين كله براحتج وبكيفج ..

سكتت ماعلقت ..
رحنه للصالون كصيت شعري شوية ودرجته بعدما صبغته ..
مريت عالسوك اشتريت ملابس جديدة ..
رجعت للبيت واحس نفسي كاعدة على نار اريده يرجع ويشوف التغيير ..
عجبه لو لا..
اريد اشوف اللهفة والنظرة اللي شفتها بعيونه بيوم زواجنه .. اريد احس بي يحبني ..
معجب بيه ... فرحان وياي ..
بس ماكو فايده ولاانتبه اصلا وحتى من سألته :
شرايك بشعري؟ حلو؟
هز راسه اي وماحجه ولاعلق ..

شنو هالشي المخليك تبتعد عني يوم وره يوم ..
لوما العيب والخجل واخاف تصير مشاكل جان حجيت لعمتي او لامي وكتلها من ليلة العرس لحد الان يمكن (٣) مرات او (٤) اللي اتندنالي بيها ...
والمره الاخيرة انه البادرت ...
انه تاليتي هيج ؟
ليش؟
معقولة مابيه شي مغري ؟
معقولة هاي الناس اللي تشوفني حلوه كلها ماعدها ذوق؟

فكرت مرات ومرات ومرات احجي لاحد واكللهم هالولد مارايدني مايتدنالي رغم احسه ساعات يريدني يقترب مني بالليل مرات يحضني بس ماادري ليش بس التفت عليه لو احاجيه يعوفني ويطلع لو يدور وجهه ...
اكو شي بيه مخليه ماطايقني ..
شكد حاولت اسولف وياه واضحكه ماردت انكد عليه ويكرهني ..
ماجنت افتح وياه اي موضوع يضوج ..
جنت اكعد واسولف وياه مثل الجهال الزغار بس اريد اعرف شبي ... بس اريده يشوفني كدامه ..
بس ماكو فايدة ..
جان اكو شي .. اكو حاجز .. شما سويت يبقى اكو حاجز ماكدرت اعرفه شنو هو ..
كلما اتدناله خطوة يبتعد مني عشرة ...
اسولف وياه يسولف اضحك وياه يضحك وكأنه ماكو شي ..
لدرجة ساعات جنت افكر يمكن انه عقلي بي شي واتخيل اكو مشكلة او اتخيله مايحبني او مامرتاح وياي ..
بس ندخل للغرفة وينسد علينه باب واحد يتغير ( ١٨٠ ) درجة عبالك مو هو ..
يخلصها تدخين وحسرات ..
ظليت اباوع لقمصان النوم التارسه الكنتور وافكر شنو فايدتها اذا هو اصلا مارايدني ..
ماطايقني ... ولاشايفني اصلا ...
استمريت مقاومة الوضع ومحد يعرف باللي يصير بيني وبينه بس الله سبحانه وتعالى ..
آخر شي فكرت يمكن عرفت السبب ..
عرفته ..
اكيد علمود الحمل ..
هو اتزوجني لان مرته الاولى ماتحبل ..
يعني اتزوجني لان يريد جهال ..
آخر شي تعبت من التفكير وحدي ..
شلت التليفون وخابرت على جورية اختي وحجيتلها كل شي من الاول للاخير وحلفتها ماتحجي لاحد ..

جورية: شوكت سويتي تحليل ؟
ياس: ماسويت
جورية : والشهرية؟
ياس: بعدها مافاتت ..
جورية : لازم اتانين من توفتج الشهرية تكلين لعمتج تاخذج تسوين تحليل ..
ياس: اففف ..
جورية : ياسه .. سمعيني زين ..
ياس: اسمعج ..
جورية: خاف ترحين تسوين تحليل مو ترحين تسوين تحليل عده ..
ياس: جا ليش؟ الا تخسريني فلوس ..
جورية : خايبه انجبي وسمعيني .. سوي تحليل بغير مختبر خاف تطلعين مو حامل ويغندب عليج بالزايد ..
ياس: اي .. اي .. صدك حجيج كلام والله انه طلعت بوخه كل شي مااعرف ..
جورية : هو انتي من يومج بوخه
ياس: انعم الله عليج ..

سكتت شوية ماردت يبين صوتي بجيت جدام جورية ..
محد يدري بالنار التسعر بكلبي غير الله ..
مسحت دموعي وجريت نفس وكتلها:
خيه جورية ..
جورية : هاا؟
ياس: ادعيلي .. من تصلين ادعيلي بعد اختج ..

سكتت جورية يمكن حست بيه بجيت بعدين كلتلي:
ياسه ؟ تحبينه؟
ياس: جا خايبه انه ماصدكت اعرس واكضلي واحد واصير مثل هذوله اليطلعون بالمسلسلات انوب مااحبه ... هو شبي ماينحب ..

ضحكت جورية على حجيي وانه دموعي صبت بسكته ...

يتبع
#روووعه
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

#القلب_بالقلب
بقلم
#روزالفياض
٨______٩
#ج٨
ﻭﻓﺎﺗﺖ ﺍﻟﺸﻬﺮﻳﺔ ..
ﻭﻣﻦ ﻓﺮﺣﺘﻲ ﺣﺴﺒﺖ ﺣﺴﺎﺑﻲ ﻟﻮ ﺭﺣﺖ ﺳﻮﻳﺖ ﺗﺤﻠﻴﻞ ﻭﻃﻠﻌﺖ ﺣﺎﻣﻞ ﺻﺪﻙ ﺍﺧﻠﻲ ﻋﻤﺘﻲ ﺗﺎﺧﺬﻧﻲ ﻟﻠﺴﻮﻙ ﻭﺍﺟﻴﺒﻠﻬﻢ ﻛﻠﻬﻢ ﻫﺪﺍﻳﺎ ﺍﻓﺮﺣﻬﻢ ﻣﺜﻞ ﻣﺎﺍﻧﻪ ﻓﺮﺣﺎﻧﻪ ...
ﺭﺣﺖ ﻛﻠﺖ ﻟﻌﻤﺘﻲ ﻭﻋﻤﺘﻲ ﻓﺮﺣﺖ ﺑﺲ ﻛﻠﺘﻠﻲ :
ﻟﺘﻜﻮﻟﻴﻦ ﻻﺣﺪ .. ﺯﻳﻦ ﻣﺎﻣﺎ؟
ﻫﺰﻳﺖ ﺭﺍﺳﻲ ﺍﻱ ..
ﻣﺸﺖ ﺷﻮﻳﺔ ﻭﺭﺟﻌﺖ ﻛﺎﻟﺖ :
ﺣﺘﻰ ﻟﻜﺮﻡ ﻟﺘﺤﺠﻴﻦ ﺍﻱ ﺷﻲ ..
ﻫﺰﻳﺖ ﺭﺍﺳﻲ ﻭﻛﺘﻠﻬﺎ :
ﺍﻥ ﺷﺎﺀﺍﻟﻠﻪ
ﺍﻡ ﻛﺮﻡ : ﺩﻳﺮﻱ ﺑﺎﻟﺞ ﻣﻮ ﺗﻨﺴﻴﻦ ﻭﺗﺤﺠﻴﻦ ﻛﺪﺍﻣﻪ ﺧﻠﻴﻬﺎ ﻣﻔﺎﺟﺄﺓ ..
ﻭﻧﺘﺄﻛﺪ ﺑﺎﻻﻭﻝ ﻳﺎﻟﻠﻪ ﻧﺤﺠﻲ .. ﺍﺣﺴﻦ ﻣﺎﻧﺨﻠﻴﻪ ﻳﺘﺄﻣﻞ ﻣﻮ ﺻﺢ؟
ﻳﺎﺱ : ﺻﺢ ... ﺑﻜﻴﻔﺞ ..
ﻃﻠﻌﺖ ﻣﻦ ﺍﻟﻤﻄﺒﺦ ﺑﻘﻴﺖ ﺑﺲ ﺍﻧﻪ ﻭﺟﻮﺍﻧﺎ ﻫﻲ ﺗﻨﻈﻒ ﻭﺗﻐﺴﻞ ﺍﻟﻔﺎﻛﻬﺔ ﻭﺍﻧﻪ ﺻﺎﻓﻨﻪ ﻛﺎﻟﺖ :
ﻣﺪﺍﻡ ﺍﻧﺖ ﻓﻲ ﺑﻴﺒﻲ؟
ﺍﺑﺘﺴﻤﺖ ﻛﺘﻠﻬﺎ :
ﻣﺎﺍﺩﺭﻱ ... ﺍﻥ ﺷﺎﺀﺍﻟﻠﻪ ..
ﺍﺑﺘﺴﻤﺖ ﻭﺳﻜﺘﺖ ﺟﻮﺍﻧﺎ ... ﻛﺘﻠﻬﺎ :
ﺟﻮﺍﻧﺎ ﻣﻮ ﺗﻜﻮﻟﻴﻦ ﺷﻲ ﻻﺣﺪ ﻟﺤﺪﻣﺎ ﻧﺘﺄﻛﺪ ﻋﻤﺘﻲ ﺍﻡ ﻛﺮﻡ ﻣﺎﺗﻘﺒﻞ ..
ﻫﺰﺕ ﺭﺍﺳﻬﺎ ﺍﻱ ..
ﺍﻟﻈﻬﺮ ﺭﺟﻊ ﻛﺮﻡ ﻋﺎﻟﻐﺪﺍ ﻭﻛﻌﺪ ﺑﺼﻔﻲ ﻋﺎﻟﺴﻔﺮﻩ ﺩﻧﻚ ﻳﻢ ﺍﺫﻧﻲ ﻛﻠﻲ :
ﺍﺗﺼﻠﺖ ﺑﻴﺞ ﺍﻟﺼﺒﺢ ﻣﺸﻐﻮﻝ ..
ﻳﺎﺱ : ﺧﺎﻑ ﻣﻦ ﺍﻟﺸﺒﻜﺔ ﻣﺎﺍﺗﺼﻠﺖ ﺑﺄﺣﺪ ﺍﻟﻴﻮﻡ ﻭﻻﺍﺣﺪ ﺍﺗﺼﻞ ﺑﻴﻪ ...
ﺳﻜﺖ ﻓﺴﺄﻟﺘﻪ :
ﺷﻌﺠﺐ ﺍﺗﺼﻠﺖ؟ ﺭﺩﺕ ﺷﻲ؟
ﻛﺮﻡ : ﻻﺀ .. ﺑﺲ ﻣﺎﺍﺩﺭﻱ ﻋﺠﺒﻨﻲ ﺍﺗﺼﻞ ﺑﻴﺞ ﻭﺍﺣﺠﻲ ﻭﻳﺎﺝ ﺷﻮﻳﺔ ..
ﻓﺮﺣﺖ ﺣﺴﻴﺖ ﺑﻜﻼﻣﻪ ﺍﻛﻮ ﻧﻮﻉ ﻣﻦ ﺍﻻﻫﺘﻤﺎﻡ ﻣﻌﻘﻮﻟﺔ ﺍﺷﺘﺎﻗﻠﻲ ﻣﻌﻘﻮﻟﺔ ﺣﺲ ﺑﻴﻪ ..
ﻳﺎﺱ : ﻳﺎ ﺻﻼﻭﺍﺕ ﻳﺎﻟﻠﻪ ﻣﺎﺻﺎﺭ ﺷﻲ ﻭﺭﻩ ﺍﻟﻐﺪﺍ ﺍﺣﺠﻲ ﻭﻳﺎﻱ ﻭﺍﻧﻲ ﻫﻢ ﻋﺎﺟﺒﻨﻲ ﺍﺣﺠﻲ ﻭﻳﺎﻙ ..
ﻛﺮﻡ : ﺍﻧﻪ
ﻳﺎﺱ : ﺍﻱ ﺍﻧﺖ ﺟﺎ ﻣﻨﻮ ﺍﺑﻮﻱ ..
ﻛﺮﻡ : ﻟﺞ ﻗﺼﺪﻱ ﻛﻮﻟﻲ ﺍﻧﻪ ﻣﻮ ﺍﻧﻲ ..
ﻳﺎﺱ : ﻟﻴﺶ ﻣﻮ ﺍﻧﺘﻢ ﺗﻜﻮﻟﻮﻥ ﺍﻧﻲ ﻫﺎﻱ ﺍﻧﻲ ﺻﺮﺕ ﺍﺣﺠﻲ ﻣﺜﻠﻜﻢ ﻳﻤﻜﻦ ﺗﺤﺒﻨﻲ ...
ﻛﻠﺖ ﻫﺎﻟﻜﻠﻤﺘﻴﻦ ﻭﺍﺧﺮﺳﻴﺖ ﺣﺴﻴﺖ ﺭﻭﺣﻲ ﺟﻔﺼﺖ ..
ﻫﻮ ﻇﻞ ﺻﺎﻓﻦ ﺑﻮﺟﻬﻲ ﻭﺍﻧﻪ ﻫﻢ ﺑﺎﻭﻋﺘﻠﻪ ﺑﺲ ﺣﺼﺮﺗﻨﻲ ﺍﻟﺒﺠﻴﺔ ﺭﺩﺕ ﺍﻛﻮﻡ ﻣﻦ ﺍﻟﺴﻔﺮﻩ ﺑﺲ ﻟﺰﻡ ﺍﻳﺪﻱ ﻭﻛﻌﺪﻧﻲ ..
ﻛﻌﺪﺕ ﻭﺍﻧﻪ ﺧﺎﻳﻔﺔ ﻋﻤﻲ ﻟﻮ ﻋﻤﺘﻲ ﻟﻮ ﻟﻨﻰ .. ﻭﺍﺣﺪ ﻣﻨﻬﻢ ﻳﺸﻮﻑ ﺍﻟﺪﻣﻮﻉ ﺑﻌﻴﻨﻲ ﻭﺍﻧﻔﻀﺢ ... ﺷﺤﺠﻲ ﻭﺷﻜﻮﻝ ﺷﺒﻴﻪ ﺍﺑﺠﻲ ...
ﺑﻘﻴﺖ ﻛﺎﻋﺪﺓ ﻭﻳﺎﻫﻢ ﻋﺎﻟﺴﻔﺮﺓ ﻭﺳﺎﻛﺘﻪ ﻫﻤﻪ ﻳﺎﻛﻠﻮﻥ ﻭﻳﺴﻮﻟﻔﻮﻥ ﻛﻞ ﻭﺍﺣﺪ ﻋﻠﻰ ﺩﻭﺍﻣﻪ ﻭﺷﻐﻠﺔ ﻭﺷﻨﻮ ﺳﻮﻩ ﺑﺎﻟﻨﻬﺎﺭ ﺑﺲ ﺍﻧﻪ ﺳﺎﻛﺘﻪ ﻭﻛﻞ ﺗﻔﻜﻴﺮﻱ ﺷﻜﻮﻝ ﺍﺫﺍ ﻋﺎﺗﺒﻨﻲ ﻭﺭﻩ ﺍﻟﻐﺪﺍ ..
ﻭﺷﺤﺠﻲ ﺍﺫﺍ ﺳﺄﻟﻨﻲ ﺷﺒﻴﺞ؟
ﻣﺎﺍﻛﺪﺭ ﺍﻛﻠﻪ ﺍﺣﺒﻚ ﻭﺍﻧﺖ ﻫﺎﻣﻠﻨﻲ ..
ﻣﺎﺍﻛﺪﺭ ﺍﻛﻠﻪ ﻣﻴﺘﻪ ﻋﻠﻴﻚ ﺑﺲ ﺍﻧﺖ ﺑﺎﺭﺩ ﻭﻳﺎﻱ ..
ﻣﺎﺍﻛﺪﺭ ﺍﻛﻠﻪ ﺍﺩﺭﻱ ﺑﻴﻚ ﻣﺎﺗﺤﺒﻨﻲ ﺑﺲ ﻣﻮ ﺑﻴﺪﻱ ﺣﺒﻴﺘﻚ ...
ﻏﺼﺒﻦ ﻋﻨﻲ ﺣﺒﻴﺘﻚ ..
ﺣﺒﻴﺖ ﻛﻞ ﺷﻲ ﺑﻴﻚ ﺣﺘﻰ ﺑﺮﻭﺩﻙ ﻭﻗﺎﺑﻠﻪ ﺑﻴﻚ ﺷﻤﺎ ﺗﻜﻮﻥ ﺑﺲ ﻣﺎﺍﻛﺪﺭ ﺍﺷﻮﻓﻚ ﻳﻮﻣﻴﺔ ﺑﺎﻟﻠﻴﻞ ﺳﻬﺮﺍﻥ ﺗﺪﺧﻦ ﻟﺤﺪﻣﺎ ﻳﺤﺘﺮﻙ ﺻﺪﺭﻙ ﻣﻦ ﺍﻟﺠﻜﺎﻳﺮ ..
ﻣﺎﺍﻛﺪﺭ ﺍﺷﻮﻑ ﺑﻌﻴﻨﻲ ﺩﻻﺋﻞ ﻋﺪﻡ ﺣﺒﻚ ﺍﻟﻲ ﻭﺍﺳﻜﺖ ...
ﻣﺎﺍﻛﺪﺭ ﺍﺗﺤﻤﻞ ﻭﺿﻊ ﺍﻟﻤﻮﺟﻮﺩﻩ ﻭﻣﺎﻣﻮﺟﻮﺩﺓ ..
ﻣﻮﺟﻮﺩﺓ ﻛﺪﺍﻡ ﺍﻟﻨﺎﺱ ﻣﺮﺗﻚ ﻭﻣﻮﺟﻮﺩﻩ ﺑﻴﻦ ﺍﺩﻳﻚ ﺑﺲ ﻣﺎﺗﺸﻮﻓﻨﻲ ﻭﻻﻋﺒﺎﻟﻚ ﻣﻮﺟﻮﺩﺓ ﺑﺤﻴﺎﺗﻚ ..
.
.
.
.
ﻳﺤﺠﻲ ﻭﻳﺴﻮﻟﻒ ﻭﺿﺤﻚ ﻭﻳﺎﻱ ﻛﺪﺍﻣﻬﻢ ﻭﻻﺯﻡ ﺍﺟﺎﺭﻳﻪ ﻭﺍﺳﻮﻱ ﻣﺜﻠﻪ ..
ﻭﻧﺼﻌﺪ ﻓﻮﻙ ﻻﺯﻡ ﺍﻋﺘﺒﺮﻩ ﻏﺮﻳﺐ ﺍﻭ ﻣﺎﻣﻮﺟﻮﺩ ﻣﺜﻠﻤﺎ ﻫﻮ ﻣﻌﺘﺒﺮﻧﻲ ..
ﺧﻠﺼﻮﺍ ﻛﻠﻬﻢ ﺍﻛﻞ ﻭﺍﻧﻪ ﻣﻨﺘﻈﺮﺗﻪ ﻳﻌﻮﻑ ﺍﻳﺪﻱ ﺣﺘﻰ ﺍﻛﻮﻡ ﺍﺻﻌﺪ ﻓﻮﻙ ﻗﺒﻞ ﻻﺍﻧﻔﺠﺮ ﻭﺍﺑﺠﻲ ..
ﺍﺟﺖ ﺟﻮﺍﻧﺎ ﺗﺸﻴﻞ ﺍﻻﻛﻞ ﻭﺍﻧﻪ ﺍﺑﺎﻭﻋﻠﻬﺎ ﻭﺍﺣﺎﻭﻝ ﺍﺳﺤﺐ ﺍﻳﺪﻱ ﻣﻨﻪ ﺑﺪﻭﻥ ﻣﺎﺗﻨﺘﺒﻪ ..
ﺳﺤﺐ ﺍﻳﺪﻱ ﺣﻴﻞ ﻛﻠﻲ :
ﻣﺎﺍﻛﻠﺘﻲ؟
ﺭﺩﺕ ﺍﺑﻘﻰ ﺳﺎﻛﺘﻪ ﻻﻥ ﺑﻌﺪﻩ ﻣﺼﺮ ﻳﺘﺠﺎﻫﻞ ﻭﺟﻮﺩﻱ ﻭﻣﺸﺎﻋﺮﻱ ﺑﺲ ﻣﺎﻛﺪﺭﺕ ﺍﺑﻘﻰ ﺳﺎﻛﺘﻪ :
ﻣﺴﺪﻭﺩﻩ ﻧﻔﺴﻲ ..
ﻛﺮﻡ : ﺷﺒﻴﺞ؟
ﻳﺎﺱ : ﺳﻼﻣﺘﻚ
ﻣﺎﺣﺴﻴﺖ ﺍﻻ ﺳﺤﺒﻨﻲ ﻣﻦ ﺍﻳﺪﻱ ﺣﻴﻞ ﻭﻛﺎﻡ ﺻﻌﺪ ﻭﺍﻧﻪ ﺍﺭﻛﺾ ﻭﺭﺍﻩ ..
ﺩﺧﻞ ﻟﻠﻐﺮﻓﺔ ﻭﺩﺧﻠﻨﻲ ﻭﺳﺪ ﺍﻟﺒﺎﺏ ﻛﺎﻝ :
ﻳﺎﺳﻪ ﺧﻞ ﻧﻜﻌﺪ ﻧﺤﺠﻲ ﺷﻮﻳﺔ ﻫﻨﺎ ..
ﻛﻌﺪﺕ ﻭﻫﻮ ﻛﻌﺪ ﺑﺼﻔﻲ ﻛﺎﻝ :
ﻳﻤﻜﻦ ﺍﻧﺘﻲ ﻣﻤﺮﺗﺎﺣﻪ ﻭﻳﺎﻱ ﻭﻳﻤﻜﻦ ﺍﻧﻲ ﻣﺘﻌﺐ ﻻ ﻣﻮ ﻳﻤﻜﻦ ﺍﻛﻴﺪ ﺍﻋﺮﻑ ﻫﺎﻟﻮﺿﻊ ﻣﺘﻌﺐ ﻧﻔﺴﻴﺎ ﺍﻋﺮﻑ ﻳﻤﻜﻦ ﻭﺣﺪﻩ ﻏﻴﺮﺝ ﻣﺘﺴﻜﺖ ﻭﻻ ﺗﻘﺒﻞ ﺑﻬﺎﻟﻮﺿﻊ ﺑﺲ ﻣﺎﺑﻴﺪﻱ ﺷﻲ ...
ﺑﺎﻭﻋﺘﻠﻪ ﻛﺘﻠﻪ :
ﻳﻌﻨﻲ ﺷﻨﻮ ﻣﺎﺑﻴﺪﻙ ﺷﻲ؟
ﻛﺮﻡ : ﻳﻌﻨﻲ ﻫﺎﻟﻮﺿﻊ ﺍﻧﻔﺮﺽ ﻋﻠﻲ ﻣﺜﻠﻤﺎ ﺍﻧﻔﺮﺽ ﻋﻠﻴﺞ ...
ﺑﺬﻳﺞ ﺍﻟﻠﺤﻈﺔ ﻛﻠﺒﻲ ﻭﺟﻌﻨﻲ ..
ﻭﺭﺃﺳﺎ ﻃﺎﺣﺖ ﺩﻣﻮﻋﻲ ﺧﺮﺯ ﺧﺮﺯ ...
ﻃﻠﻊ ﻣﺎﻳﺤﺒﻨﻲ ...
ﻃﻠﻊ ﻣﺠﺒﻮﺭ ﻋﻠﻲ ...
ﻣﺎﺭﺍﻳﺪﻧﻲ ... ﻭﻻﻋﺪﻩ ﺍﺳﺘﻌﺪﺍﺩ ﻳﺘﻘﺒﻠﻨﻲ ...
ﻻ ﺷﻌﻮﺭﻳﺎ ﻇﻠﻴﺖ ﺍﺿﺮﺏ ﻋﻠﻰ ﺧﺪﻭﺩﻱ ...
ﻳﺎﺱ : ﺍﻣﺪﻩ ﺣﻈﺞ ﻳﺎﺳﻪ ..
ﺍﻣﺪﻩ ﺣﻈﺞ ﻳﺎﺳﻪ ...
ﺍﻣﺪﻩ ﺣﻈﺞ ...
ﻇﻠﻴﺖ ﺍﺑﺠﻲ ﻭﺍﺩﻙ ﻋﻠﻰ ﺭﻭﺣﻲ ﻭﻫﻮ ﻛﺎﻋﺪ ﺳﺎﻛﺖ ﻭﻣﺪﻧﻚ ﺭﺍﺳﻪ ..
ﻳﺎﺱ : ﻟﻴﺶ ﻫﻴﺞ ... ﻟﻴﺶ .. ﻣﺎﺩﺍﻣﻚ ﻣﺎﺭﺍﻳﺪﻧﻲ ﻭﻣﺎﺗﺮﻳﺪ ﺍﺻﻼ ﺗﺤﺒﻨﻲ .. ﻟﻴﺶ ﻛﺴﺮﺕ ﺑﺨﺘﻲ .. ﻟﻴﺶ ﻭﺭﻃﺘﻨﻲ ﻟﻴﺶ ...
ﻟﺰﻡ ﺍﻳﺪﻳﻪ ﺣﻴﻞ ﻭﺣﻀﻨﻲ ...
ﻛﺮﻡ : ﻛﺎﻓﻲ .. ﺍﻫﺪﻱ ..
ﻳﺎﺱ : ﻋﻮﻓﻨﻲ ... ﻋﻮﻓﻨﻲ ﻛﺘﻠﻚ ﻋﻮﻓﻨﻲ ..
ﻛﺮﻡ : ﺍﻋﻮﻓﺞ ﺑﺲ ﺍﻫﺪﻱ ﺷﻮﻳﺔ ...
ﻳﺎﺱ : ﺷﻬﺪﻩ ﻳﺎﺑﺮﻭﺩﻙ ... ﻳﺎﺑﺮﻭﺩﻙ ... ﺟﺎﻱ ﺗﻜﻠﻲ ﻋﺠﺒﻨﻲ ﺍﺣﺠﻲ ﻭﻳﺎﺝ ﻭﻫﺬﺍ ﺣﺠﻴﻚ ... ﺟﺎﻱ ﺗﻜﻠﻲ ﻣﺎﺍﺭﻳﺪﺝ ﻭﺗﻜﻠﻲ ﺍﻫﺪﻱ ...
ﺷﺘﺮﻳﺪﻧﻲ ﺍﺳﻮﻱ ﻳﻌﻨﻲ ... ﺍﺻﻔﻜﻠﻚ؟
ﻇﻠﻴﺖ ﺍﺣﺠﻲ ﻟﺤﺪﻣﺎ ﺗﻌﺒﺖ ﻭﻫﻮ ﺳﺎﻛﺖ ...
ﻳﺎﺱ : ﺍﻟﻠﻪ ﻳﻨﺘﻘﻢ ﻣﻨﻚ ..
ﺭﻓﻊ ﺭﺍﺳﻪ ﺑﺎﻭﻋﻠﻲ ﻳﻤﻜﻦ ﺍﻧﻘﻬﺮ ﻣﻦ ﺣﺠﺎﻳﺘﻲ ﺑﺲ ﻫﻢ ﺳﻜﺖ ﺑﻌﺪﻳﻦ ﻛﻠﻲ :
ﺷﻨﻮ ﺗﺮﺩﻳﻦ ﻣﻨﻲ ﻫﺴﻪ ﺍﻧﻲ ﺣﺎﺿﺮ ... ﺗﺮﺩﻳﻦ ﻃﻼﻙ ﺍﻃﻠﻜﺞ ﺗﺮﺩﻳﻦ ﺗﺒﻘﻴﻦ ... ﺍﺑﻘﻲ ﻭﻣﺎﺭﺍﺡ ﻳﻨﻘﺼﺞ ﺷﻲ ..
ﻛﺘﻠﻪ ﻭﺍﻧﻪ ﺍﺑﺠﻲ :
ﻣﺎﺍﺭﻳﺪ ﺷﻲ ﻣﻨﻚ ... ﻣﺎﺍﺭﻳﺪ ... ﺍﺭﻳﺪ ﺍﻟﻠﻪ ﻛﻮﻥ ﻳﺎﺧﺬ ﻋﻤﺮﻱ ﻭﺍﺭﺗﺎﺡ ... ﻣﺎﺍﺭﻳﺪ ﺷﻲ ﺑﻌﺪ ...
ﺑﻘﻰ ﻛﺎﻋﺪ ﻛﺒﺎﻟﻲ ﻫﻮ ﺳﺎﻛﺖ ﻭﺍﻧﻪ ﺳﺎﻛﺘﻪ ..
ﺗﻌﺒﺖ ﻣﻦ ﺍﻟﺒﺠﻲ ..
ﻇﻠﻴﺖ ﺑﺲ ﺍﺑﺎﻭﻋﻠﻪ ﻭﻫﻮ ﻣﺪﻧﻚ ﺭﺍﺳﻪ ...
ﻛﻞ ﺷﻮﻳﺔ ﺍﺗﻄﻴﺢ ﻣﻨﻲ ﺩﻣﻌﺔ ..
ﻓﺎﺗﺖ ﺳﺎﻋﺔ ﻭﺳﺎﻋﺘﻴﻦ ﻏﻔﻴﺖ ..
ﻛﻌﺪﺕ ﻭﺭﻩ ﻣﺎﺍﺩﺭﻱ ﺷﻜﺪ ﺷﻔﺘﻪ ﻣﺜﻠﻤﺎ ﻫﻮ ﻛﺎﻋﺪ ﻛﺒﺎﻟﻲ ﻭﻳﺒﺎﻭﻋﻠﻲ ﻭﺍﻟﺠﻜﺎﺭﺓ ﺑﻴﺪﻩ ..
ﻏﻤﻀﺖ ﻋﻴﻮﻧﻲ ﻭﺩﺭﺕ ﻋﺎﻟﺼﻔﺤﺔ ﺍﻟﺜﺎﻧﻴﺔ ﻣﺎﺍﺭﻳﺪ ﺩﻣﻮﻋﻲ ﺗﻄﻴﺢ ﻛﺪﺍﻣﻪ ...
ﻛﺮﻡ : ﻳﺎﺳﻪ ؟
ﻣﺎﺣﺎﺟﻴﺘﻪ ..
ﻛﺮﻡ : ﻳﺎﺳﻪ؟
ﻫﻢ ﻣﺎﺣﺠﻴﺖ ..
ﺣﺴﻴﺘﻪ ﺍﺟﻪ ﺻﺎﺭ ﺑﺼﻔﻲ ﻃﺎﺣﺖ ﺩﻣﻮﻋﻲ ﻛﺘﻠﻪ :
ﺷﺘﺮﻳﺪ ﻣﻦ ﺻﺨﺎﻣﻪ ؟

ﺷﺘﺮﻳﺪ ﺑﻌﺪ؟
ﺣﺴﻴﺘﻪ ﺭﺍﺩ ﻳﺤﻀﻨﻲ ﺍﻧﺘﻔﻀﺖ ﻭﻭﺧﺮﺕ ﻛﺘﻠﻪ :
ﺟﻨﺖ ﺍﺗﻤﻨﻰ ﺍﻣﻨﻴﺔ ﺗﺪﻧﻪ ﻳﻤﻲ ﻭﺗﺤﻀﻨﻲ ...
ﺍﺗﻤﻨﻰ ﻟﻮ ﺑﺲ ﻣﻦ ﻳﻨﺴﺪ ﻋﻠﻴﻨﻪ ﺑﺎﺏ ﺍﻟﻐﺮﻓﺔ ﺗﺒﻘﻰ ﻧﻔﺴﻚ ﺍﻧﺖ ﻧﻔﺲ ﺍﻟﺸﺨﺺ ﺍﻟﺠﺎﻥ ﻭﻳﺎﻱ ﺟﻮﻩ ... ﻛﺪﺍﻡ ﺍﻟﻨﺎﺱ ...
ﻫﺴﻪ ﺍﻟﻤﻦ ﺣﺎﺿﻨﻲ ﺑﻌﺪ؟ ﺍﻟﻤﻦ؟
ﺍﺗﺤﺴﺮ ﺑﻌﺪﻳﻦ ﻛﺎﻝ :
ﻣﻮ ﺑﻴﺪﻱ ...
ﺍﺗﺼﻠﻲ ﺑﻴﻤﻦ ﺗﺮﺩﻳﻦ ﺍﻫﻠﻲ ﺍﻫﻠﺞ ﺍﺧﻮﺍﻧﺞ ﻛﻴﻔﺞ ﺍﺷﺘﻜﻲ ﻣﻨﻲ ﻛﻮﻟﻴﻠﻬﻢ ﻫﻴﺠﻲ ﻛﻠﻲ ﻫﻴﺠﻲ ﺳﻮﻩ ﺑﻴﻪ ... ﺳﻮﻱ ﺍﻟﻠﻲ ﻳﻌﺠﺒﻚ .. ﺍﻟﻠﻲ ﻳﺮﻳﺤﺞ ﺳﻮﻳﻪ ..
ﻋﺎﻓﻨﻲ ﻭﻃﻠﻊ ...
ﻇﻠﻴﺖ ﺣﺎﻳﺮﺓ ﺷﺴﻮﻱ ﻫﺴﻪ ﻻﺍﻛﺪﺭ ﺍﺑﻘﻰ ﻭﻳﺎﻩ ﻭﻻﺍﻛﺪﺭ ﺍﺣﺠﻲ ﻭﺷﺤﺠﻲ ﻟﻮ ﺭﺩﺕ ﺍﺣﺠﻲ ﺷﻜﻮﻝ ...
ﺩﻛﻴﺖ ﻋﻠﻰ ﺟﻮﺭﻳﺔ ﺍﺧﺘﻲ ﺟﺎﻧﺖ ﻳﻢ ﺍﻟﺨﻴﺎﻃﺔ ..
ﺷﻴﺼﺒﺮﻧﻲ ﻋﻠﻰ ﻣﺎﺗﺮﺟﻊ ﻟﻠﺒﻴﺖ ﻭﺗﺘﺼﻞ ﺑﻴﻪ ...
ﻇﻠﻴﺖ ﺍﻟﻮﺏ ﻭﺍﺣﻮﺱ ﺑﺎﻟﻐﺮﻓﺔ ﻣﺤﺘﺎﺭﺓ ﺷﺴﻮﻱ ...
ﺍﺗﺼﻠﺖ ﺟﻮﺭﻳﺔ ﻭﺍﻧﻪ ﺭﻛﻀﺖ ﻟﻠﺘﻠﻴﻔﻮﻥ ..
ﺣﺠﻴﺘﻠﻬﺎ ﻛﻞ ﺍﻟﺤﺠﻲ ﺍﻟﻠﻲ ﻛﺎﻟﻪ ... ﻇﻠﺖ ﻣﺼﺪﻭﻣﻪ .. ﺳﻜﺘﺖ ﻣﺎﺣﺠﺖ ﺷﻲ ..
ﻳﺎﺱ : ﺷﻮ ﺳﻜﺘﻲ؟
ﺟﻮﺭﻳﺔ : ﺷﺤﺠﻲ؟ ﻫﻮ ﺍﻛﻮ ﺣﺠﻲ ﻳﻨﺤﺠﻲ ﺑﻌﺪ؟
ﻳﺎﺱ : ﻛﻠﻴﻠﻲ ﺩﺑﺮﻳﻨﻲ ﺷﺴﻮﻱ ﻫﺴﻪ ﺍﺧﺎﺑﺮ ﺍﻣﻲ ﻟﻮ ﺍﺧﺎﺑﺮ ﺍﺑﻮﻱ؟ ﻟﻮ ﺍﻧﺰﻝ ﺍﺳﻮﻟﻒ ﻟﻌﻤﺘﻲ ﻭﻋﻤﻲ .. ﺣﺎﺟﻴﻨﻲ ﻻﺗﺨﻠﻴﻨﻲ ﻫﻴﺞ ﺗﺮﻩ ﺭﺍﺡ ﺍﺗﺨﺒﻞ ..
ﺟﻮﺭﻳﺔ : ﻻ ﻻ ﻻﺗﺤﺠﻴﻦ ﻻﺣﺪ ﻫﺴﻪ ... ﺻﺒﺮﻱ ﺧﻞ ﻧﺸﻮﻑ ﺍﻟﺘﺤﻠﻴﻞ ﻳﻤﻜﻦ ﻣﻦ ﻳﻌﺮﻓﺞ ﺣﺎﻣﻞ ﻳﺘﻐﻴﺮ ... ﻭﺍﺻﻼ ﺍﻣﺞ ﻭﺍﺑﻮﺝ ﻟﻮ ﻛﺘﻴﻠﻬﻢ ﺭﺍﺡ ﻳﻜﻠﻮﻟﺞ ﺍﻟﻤﺮﻩ ﺍﻟﻤﻌﺪﻟﻪ ﺗﻌﺮﻑ ﺷﻠﻮﻥ ﺗﺨﻠﻲ ﺭﺟﻠﻬﺎ ﻳﺤﺒﻬﺎ ﺻﺒﺮﻱ ﻋﻠﻴﻪ ﻟﻄﻤﺖ ﺧﺪﻱ ﻛﺘﻠﻬﺎ :
ﺍﻟﻤﺼﻴﺒﺔ ﺍﻋﺮﻑ ﺣﺠﻴﻬﻢ .. ﺍﻋﺮﻓﻪ ... ﺑﺲ ﺷﻠﻮﻥ ﺍﺑﻘﻰ ﻭﻳﻪ ﻭﺍﺣﺪ ﻣﺎﻳﺮﻳﺪﻧﻲ ﻭﻳﻜﻠﻲ ﺍﻧﻔﺮﺿﺘﻲ ﻋﻠﻴﻪ ..
ﺟﻮﺭﻳﺔ : ﺑﻌﺪ ﺍﺧﺘﺞ ﺻﺒﺮﻱ ﻋﻠﻴﻪ ﺻﺪﻙ .. ﺗﺮﻩ ﻣﺎﺻﺎﺭﻟﺞ ﺳﻨﻪ .. ﻭﺭﻩ ﺍﻟﺴﻨﻪ ﺳﻨﺘﻴﻦ ﻳﺎﻟﻠﻪ ﺍﻟﻮﺣﺪﻩ ﺗﺸﺘﻜﻲ .. ﻣﻮ ﻫﻴﺠﻲ ﻛﺒﻞ .. ﻭﺭﻭﺣﻲ ﺳﻮﻱ ﺗﺤﻠﻴﻞ ﻭﻋﺎﻳﻨﻲ ﻣﻦ ﺍﻟﻠﻪ ﺧﻴﺮ ...
ﺳﺪﻳﺖ ﺍﻟﺘﻠﻴﻔﻮﻥ ﻭﺍﻧﻪ ﺩﻣﻌﺘﻲ ﻋﻠﻰ ﺧﺪﻱ ...
ﻣﺴﺤﺖ ﺩﻣﻮﻋﻲ ﻭﻏﺴﻠﺖ ﻭﺟﻬﻲ ﻭﻧﺰﻟﺖ ﻟﻌﻤﺘﻲ ..
ﻳﺎﺱ : ﻫﺎ ﻋﻤﻪ ﻧﺮﻭﺡ؟
ﻋﻤﺘﻲ ﻛﺎﻟﺖ :
ﺑﻜﻴﻔﺞ .. ﻋﺒﺎﻟﻲ ﺑﻄﻠﺘﻲ ..
ﻳﺎﺱ : ﻟﻴﺶ؟
ﻋﻤﺘﻲ : ﻣﻮ ﺷﻔﺘﻜﻢ ﻣﺎﻧﺰﻟﺘﻮﺍ ﻻﺍﻧﺘﻲ ﻻﻛﺮﻡ ﻛﻠﺖ ﻳﻤﻜﻦ ﻳﺮﺩﻭﻥ ﻳﺒﻘﻮﻥ ﺳﻮﻩ ...
ﻳﺎﺱ : ﻻ ﺍﺧﺬﺗﻨﻪ ﻧﻮﻣﻪ ..
ﻋﻤﺘﻲ : ﻳﺎﻟﻠﻪ ﻛﻴﻔﺞ ﻟﺒﺴﻲ ﻭﺍﻧﻲ ﻫﻢ ﺭﺍﺡ ﺍﻟﺒﺲ ...
.
.
.
ﺭﺣﻨﻪ ﻟﻠﻤﺨﺘﺒﺮ ﺳﻮﻳﺖ ﺗﺤﻠﻴﻞ ﺣﻤﻞ ﻭﻛﻌﺪﻧﻪ ﻧﻨﺘﻈﺮ ..
ﻭﺭﻩ ﺗﻘﺮﻳﺒﺎ ﻧﺺ ﺳﺎﻋﺔ ﻃﻠﻌﺖ ﺍﻟﻨﺘﻴﺠﺔ ﺑﺲ ﻣﻮ ﺣﺎﻣﻞ ..
ﻋﻤﺘﻲ ﺣﺴﻴﺘﻬﺎ ﺿﺎﺟﺖ ..
ﻭﺍﻧﻪ ﻫﻢ ﺿﺠﺖ ..
ﺟﺎﻥ ﻋﺪﻱ ﺍﻣﻞ ﺍﻃﻠﻊ ﺣﺎﻣﻞ ﻳﻤﻜﻦ ﺍﻟﻠﻪ ﻳﻬﺪﻳﻪ ﻭﻳﺤﺒﻨﻲ ..
ﺟﺒﺖ ﺍﻟﻄﺮﻳﻖ ﺍﺑﺠﻲ ﻭﻋﻤﺘﻲ ﺗﺴﻜﺘﻨﻲ ﻋﺒﺎﻟﻬﺎ ﺍﺑﺠﻲ ﻋﺎﻟﺤﻤﻞ ﻣﺎﺗﺪﺭﻱ ﺑﺎﻟﻤﺼﻴﺒﺔ ﺍﻟﻄﺎﺣﺖ ﻋﻠﻰ ﺭﺍﺳﻲ ...
ﻣﺎﺗﺪﺭﻱ ﺍﺑﺠﻲ ﻋﻠﻰ ﺣﻈﻲ ..
ﺍﺧﺬﺗﻨﻲ ﺷﺮﺑﺘﻨﻲ ﻋﺼﻴﺮ ﻭﺑﻌﺪﻳﻦ ﺭﺣﻨﻪ ﺍﺗﻤﺸﻴﻨﻪ ...
ﺟﺎﻧﺖ ﺗﺤﺠﻴﻠﻲ ﻃﻮﻝ ﺍﻟﻄﺮﻳﻖ ﺷﻠﻮﻥ ﺍﺗﻌﺮﻓﺖ ﻋﻠﻰ ﻋﻤﻲ ﻭﺷﻠﻮﻥ ﺣﺒﺘﻪ ﻭﻫﻮ ﻣﺎﺟﺎﻥ ﻳﺪﺭﻱ ﺑﻴﻬﺎ ..
ﻭﺷﻠﻮﻥ ﺟﺎﺯﻓﺖ ﻭﻇﻠﺖ ﺗﻠﻤﺤﻠﻪ ﻋﻦ ﻣﺸﺎﻋﺮﻫﺎ ﻭﺍﻋﺠﺎﺑﻬﺎ ﺑﻲ ﺍﻟﻰ ﺍﻥ ﻭﺍﺟﻬﻬﺎ ﻫﻮ ﺑﺮﻓﻀﺔ ﺑﺼﻮﺭﺓ ﻣﺒﺎﺷﺮﺓ ﺑﺴﺒﺐ ﺍﻟﻔﺮﻭﻗﺎﺕ ﺍﻻﺟﺘﻤﺎﻋﻴﺔ ﺑﻴﻨﻬﻢ ...
ﻛﻮﻧﻪ ﻫﻮ ﺟﺎﻱ ﻣﻦ ﺍﻟﺮﻳﻒ ﻭﺍﻫﻠﻪ ﻧﺎﺱ ﻋﻠﻰ ﻛﺪ ﺣﺎﻟﻬﻢ ﻭﻫﻲ ﻭﺣﻴﺪﺓ ﺍﻫﻠﻬﺎ ﻭﻣﺪﻟﻠﻪ ﻭﺍﺑﻮﻫﺎ ﺟﺎﻥ ﻗﺎﺿﻲ ..
ﺑﺲ ﻫﻲ ﺑﻘﺖ ﻣﺼﺮﺓ ﻋﻠﻰ ﺣﺒﻬﺎ ﺍﻟﻪ ﻭﻫﻮ ﺑﻘﻰ ﻣﺼﺮ ﻋﻠﺮ ﺭﻓﻀﻪ ﺍﻟﻬﺎ ..
ﺍﻟﻰ ﺍﻥ ﺍﻧﺨﻄﺒﺖ ﻟﻐﻴﺮ ﻭﺍﺣﺪ ﺟﺎﻥ ﻭﻳﺎﻫﻢ ﺑﺲ ﺑﺎﻟﻨﻬﺎﻳﺔ ﺍﻧﻔﺴﺨﺖ ﺍﻟﺨﻄﻮﺑﺔ ﻻﻥ ﻫﻲ ﺟﺎﻧﺖ ﺗﺤﺐ ﻋﻤﻲ ..
ﻭﻫﺎﻟﻤﺮﺓ ﻋﻤﻲ ﺍﻟﻈﺎﻫﺮ ﺣﺲ ﻧﻔﺴﻪ ﺧﺴﺮﻫﺎ ﺍﻟﻤﺮﻩ ﺍﻟﻔﺎﺗﺖ ﻭﻫﺎﻱ ﺍﺟﺘﻪ ﻓﺮﺻﺔ ﺑﻌﺪﻣﺎ ﻓﺴﺨﺖ ﻭﻻﺯﻡ ﻳﺴﺘﻐﻠﻬﺎ ..
ﻓﺨﻄﺒﻬﺎ ﻭﺍﻫﻠﻬﺎ ﻭﺍﻓﻘﻮﺍ ﺑﺸﺮﻁ ﻳﺴﻜﻨﻮﻥ ﻳﻢ ﺍﻫﻠﻬﺎ ﺑﺎﻟﻌﺎﺻﻤﺔ ﺑﻐﺪﺍﺩ ﻻﻥ ﺍﻫﻠﻬﺎ ﻣﺎﻋﺪﻫﻢ ﻏﻴﺮﻫﺎ ﻭﻣﺎﻳﻜﺪﺭﻭﻥ ﻳﻔﺎﺭﻛﻮﻧﻬﺎ ..
ﻭﺻﺎﺭﺕ ﺍﻟﻘﺴﻤﺔ ﻭﺍﺗﺰﻭﺟﻮﺍ ﺑﻌﺪﻣﺎ ﻋﺎﻧﺖ ﻫﻲ ﻭﺣﺪﻫﺎ ﻭﻫﻮ ﻭﺣﺪﻩ ﻟﻤﺪﺓ ‏( ٤ ‏) ﺳﻨﻮﺍﺕ ..
ﺳﻤﻌﺖ ﺍﻟﻘﺼﺔ ﻭﺑﻘﻴﺖ ﺳﺎﻛﺘﻪ ..
ﻣﺎﺍﺩﺭﻱ ﻳﺠﻮﺯ ﻫﻲ ﺗﻌﺮﻑ ﺑﻮﺿﻊ ﻛﺮﻡ ﻭﻳﺎﻱ ﻟﺬﻟﻚ ﺟﺎﻱ ﺗﺤﺠﻴﻠﻲ ﻗﺼﺘﻬﻢ ﻫﻲ ﻭﻋﻤﻲ ﻭﻳﺠﻮﺯ ﺑﺎﻟﺼﺪﻓﺔ ﺣﺠﺖ ...
ﻳﻤﻜﻦ ﺍﻟﺴﺎﻟﻔﺔ ﺻﺪﻙ ﺗﺤﺘﺎﺝ ﻣﻨﻲ ﺻﺒﺮ ﺑﻌﺪ ..
ﻭﻣﺤﺎﻭﻻﺕ ﺍﻛﺜﺮ ..
ﺭﺟﻌﻨﻪ ﻟﻠﺒﻴﺖ ﺍﻭﻝ ﻣﺎﺩﺧﻠﻨﻪ ﺍﺗﻔﺎﺟﺄﺕ ﺑﻜﺮﻡ ﺑﺎﻟﺒﻴﺖ ..
ﺭﺍﺟﻊ ﻣﻦ ﺍﻟﺸﻐﻞ ..
ﺍﻭﻝ ﻣﺎﺷﺎﻓﻨﻪ ﻛﺎﻝ :
ﻭﻳﻦ ﺟﻨﺘﻮﺍ؟
ﺭﺍﺩﺕ ﺍﻣﻪ ﺗﺠﺎﻭﺏ ﻭﺗﻄﻠﻊ ﻋﺬﺭ ﺑﺲ ﺑﺬﻳﺞ ﺍﻟﻠﺤﻈﻪ ﻣﺎﺍﺩﺭﻱ ﺷﺨﻼﻧﻲ ﻛﻠﺘﻠﻪ ﺍﻟﺼﺪﻙ :
ﺑﺎﻟﻤﺨﺘﺒﺮ ..
ﻳﻤﻜﻦ ﺟﻨﺖ ﺍﺭﻳﺪ ﺍﻏﺜﻪ؟
ﻳﻤﻜﻦ ﺟﻨﺖ ﺍﺭﻳﺪ ﺍﻭﺟﻊ ﻛﻠﺒﻪ ﻣﺜﻠﻤﺎ ﻭﺟﻊ ﻛﻠﺒﻲ ..
ﻭﻳﻤﻜﻦ ﺟﻨﺖ ﺍﺭﻳﺪ ﻣﻨﻪ ﺭﺩ ﻓﻌﻞ ﺣﺘﻰ ﺍﻋﺮﻑ ﺷﻨﺔ ﺍﻟﻤﻔﺮﻭﺽ ﺍﺳﻮﻱ ﻭﺷﻠﻮﻥ ﺍﺗﺼﺮﻑ ﺑﻌﺪﻣﺎ ﺻﺪﻣﻨﻲ ﻭﺟﺮﺣﻨﻲ ﺑﺤﺠﻴﻪ ﺍﻟﻴﻮﻡ ..
ﻛﺮﻡ : ﻳﺎﻣﺨﺘﺒﺮ؟ ﺷﻌﺪﻛﻢ؟
ﺭﺃﺳﺎ ﻣﺸﺖ ﻋﻤﺘﻲ ﺑﺴﺮﻋﺔ ﺭﺍﺣﺖ ﻭﻛﻔﺖ ﻭﺭﺍﻩ ﻭﻇﻠﺖ ﺗﺄﺷﺮﻟﻲ ﻣﺎﺍﺣﺠﻲ ﺑﺲ ﻣﺎﻛﺪﺭﺕ ..
ﻳﺎﺱ : ﻣﺎﻋﺪﻧﻪ ﺷﻲ ﺭﺣﺖ ﺳﻮﻳﺖ ﺗﺤﻠﻴﻞ ﺣﻤﻞ ...
ﺳﻜﺘﺖ ﺍﻧﺘﻈﺮﺗﻪ ﻳﺴﺄﻟﻨﻲ ﻋﻦ ﺍﻟﻨﺘﻴﺠﺔ ﺑﺲ ﺣﺴﻴﺖ ﻭﺟﻬﻪ ﻇﻞ ﻳﻨﻄﻲ ﺍﻟﻮﺍﻥ ...
ﺑﻘﻰ ﺳﺎﻛﺖ .. ﺑﺲ ﺑﻌﺪﻳﻦ ﻛﺎﻝ :
ﻭﻟﻴﺶ ﻣﺎﻛﻠﺘﻠﻲ ﺟﺎﻥ ﺍﺧﺬﺗﺞ ﻭﻳﺎﻱ؟
ﺍﺗﺪﺧﻠﺖ ﺍﻣﻪ ﺑﺴﺮﻋﺔ ﺣﺴﺖ ﺍﻟﺠﻮ ﻣﺘﻮﺗﺮ ﻛﺎﻟﺖ :
ﺍﻟﺠﺎﻳﺎﺕ ﺍﻛﺜﺮ ﻣﻦ ﺍﻟﺮﺍﻳﺤﺎﺕ ... ﺍﻟﻠﻪ ﻳﺮﺯﻗﻜﻢ ﺑﻨﻮﻧﻮ ﺣﻠﻮ ﺍﻥ ﺷﺎﺀﺍﻟﻠﻪ ﺑﻌﺪ ﻋﺮﺳﺎﻥ ﻻﺗﺴﺘﻌﺠﻠﻮﻥ ...
ﺑﺎﻭﻋﻠﻲ ﻫﻮ ﺑﻌﺪ ﻣﺎﻓﻬﻢ ﻣﺎﻛﻮ ﺣﻤﻞ ﻭﻛﺎﻝ :
ﻭﻟﻴﺶ ﻣﺘﺠﺎﻭﺑﻴﻦ ﻋﺎﻟﺘﻠﻴﻔﻮﻥ؟
ﻳﺎﺱ : ﻣﺎﺩﻙ
ﻛﺮﻡ : ﻣﺎﺩﻙ؟ ﺑﺎﻟﻠﻪ ﻃﻠﻌﻴﻪ ﻭﺷﻮﻓﻲ ﻛﻢ ﻣﺮﻩ ﻣﺘﺼﻞ ﺑﻴﺞ ﺍﻧﻲ؟
ﻣﺪﻳﺖ ﺍﻳﺪﻱ ﺑﺎﻟﺠﻨﻄﻪ ﻭﻃﻠﻌﺖ ﺍﻟﺘﻠﻴﻔﻮﻥ ﻟﻜﻴﺘﻪ ﺻﺪﻙ ﻣﺘﺼﻞ ‏( ١٠ ‏) ﻣﺮﺍﺕ ..
ﻳﺎﺱ : ﻣﺎﺳﻤﻌﺘﻪ ... ﻫﻮﺳﻪ ﺑﺮﻩ ..
ﻛﺮﻡ : ﻣﺮﻩ ﺛﺎﻧﻴﺔ ﺧﻠﻲ ﺑﺎﻟﺞ ﻳﻢ ﺍﻟﺘﻠﻴﻔﻮﻥ ﺧﺎﻑ ﺍﺗﺼﻞ ﺑﻴﺞ ﻻﺗﺨﻠﻴﻨﻲ ﺑﻘﻠﻖ ﻭﺍﺿﻄﺮ ﺍﻋﻮﻑ ﺷﻐﻠﻲ ﻭﺍﻃﻠﻊ ..
ﻋﻤﺘﻲ ﻭﺍﻛﻔﺔ ﻭﺭﺍﻩ ﻭﺗﺄﺷﺮﻟﻲ ﻻﺗﺠﺎﻭﺑﻴﻦ ﺑﺲ ﻏﺜﻨﻲ ﺍﺳﻠﻮﺑﻪ ﻭﻋﺼﺒﻴﺘﻪ ﻛﺘﻠﻪ :
ﻭﻟﻴﺶ ﺗﺘﺼﻞ؟ ﻣﻮ ﺣﺠﻴﺖ ﻭﻳﺎﻱ ﺍﻟﻈﻬﺮ ﻭﻛﺘﻠﻲ ﺷﻨﻮ ﺟﺎﻥ ﻋﺎﺟﺒﻚ ﺗﺤﺠﻴﻪ ﺍﻟﻲ ... ﺍﻛﻮ ﺷﻲ ﺑﻌﺪ ﻋﺎﺟﺒﻚ ﺗﺤﺠﻴﻪ؟
ﺟﺮ ﻧﻔﺲ ﺣﻴﻞ ﻭﺍﺗﻨﻬﺪ ﻭﺍﺷﺮﻟﻲ ﺑﺮﺍﺳﻪ ﺍﺻﻌﺪ ﻟﻠﻐﺮﻓﺔ ..
ﻣﺎﻓﻬﻤﺖ ﻛﺘﻠﻪ :
ﺷﻨﻮ؟
ﻛﺮﻡ : ﺍﻣﺸﻲ ﺍﺭﻳﺪ ﺍﺣﺠﻲ ﻭﻳﺎﺝ ..
ﺻﻌﺪﺕ ﻭﻫﻮ ﺻﻌﺪ ﻭﺭﺍﻱ ﻭﺍﻣﻪ ﻭﺍﻛﻔﺔ ﻣﺎﺗﻌﺮﻑ ﺷﻜﻮ ..
ﺩﺧﻠﺖ ﻟﻠﻐﺮﻓﺔ ﻭﺩﺧﻞ ﻫﻮ ﻭﺭﺍﻱ ﻭﺳﺪ ﺍﻟﺒﺎﺏ ..
ﻛﺮﻡ : ﺳﻤﻌﺘﻲ ﺍﻟﺘﻠﻴﻔﻮﻥ ﻣﻦ ﺩﻙ ﻟﻮ ﻣﺎ ﺳﻤﻌﺘﻴﻪ؟
ﻳﺎﺱ : ﻛﺘﻠﻚ ﻣﺎﺳﻤﻌﺘﻪ؟ ﻋﻤﺘﻲ ﻭﻳﺎ

ﻱ ﺍﺳﺄﻟﻬﺎ ﺧﺎﻑ ﻣﺎﺗﺼﺪﻙ ..
ﺑﻘﻰ ﺳﺎﻛﺖ ﺷﻮﻳﺔ ﺑﻌﺪﻳﻦ ﻛﺎﻝ :
ﺧﻠﻲ ﺍﻟﺘﻠﻴﻔﻮﻥ ﻳﻤﺞ ﻭﻋﻠﻲ ﺻﻮﺗﻪ ﻟﺘﺨﻠﻴﻪ ﺻﺎﻣﺖ ﺣﺘﻰ ﻣﻦ ﺍﺗﺼﻞ ﺗﺴﻤﻌﻴﻪ ﻭﺗﺠﺎﻭﺑﻴﻦ ﻣﻮ ﺍﻇﻞ ﺑﻘﻠﻖ ﻋﺒﺎﻟﻲ ﻣﺎﺍﺩﺭﻱ ﺷﺼﺎﻳﺮ ﺑﻴﺞ ﻭﺍﺿﻄﺮ ﺍﻋﻮﻑ ﺷﻐﻠﻲ ﻭﺍﺟﻲ ﺍﺭﻛﺾ ﻭﺗﺎﻟﻲ ﻣﺘﺎﻟﻲ ﺟﻨﺎﺑﺞ ﺭﺍﻳﺤﺔ ﺗﺴﻮﻱ ﺗﺤﻠﻴﻞ ﻣﺪﺭﻱ ﻭﻳﻦ ﻭﺍﻧﻲ ﺁﺧﺮ ﻣﻦ ﻳﻌﻠﻢ ..
ﺑﻘﻴﺖ ﺳﺎﻛﺘﻪ ... ﻭﺍﻟﺪﻣﻌﺔ ﺑﻌﻴﻨﻲ ...
ﻣﺴﺢ ﻭﺟﻬﻪ ﺑﻴﺪﻳﻪ ﻭﻛﻠﻲ ﺑﻬﺪﻭﺀ :
ﺗﺪﺭﻳﻦ ﺷﻜﺪ ﻗﻠﻘﺖ ﻋﺒﺎﻟﻲ ﺳﻮﻳﺘﻲ ﺑﻨﻔﺴﺞ ﺷﻲ ..
ﻃﺎﺣﺖ ﺩﻣﻮﻋﻲ ﻭﻇﻠﻴﺖ ﺍﺑﺠﻲ ﺣﻴﻞ ...
ﻛﺮﻡ : ﺍﻭﻭﻭﻑ ﻳﺎﺭﺑﻲ ..
ﻳﺎﺱ : ﺍﻧﺖ ﺳﻮﻳﻠﻲ ﺷﻲ .. ﻋﻔﻴﺔ ﺍﻧﺖ ﺳﻮﻱ ﺑﻴﻪ ﺷﻲ .. ﺍﻱ ﺷﻲ ﺳﻤﻤﻨﻲ ... ﻣﺴﺪﺱ ﻣﺎﻋﺪﻛﻢ ﻣﺴﺪﺱ ﻣﻮﺗﻨﻲ ﻭﻛﻮﻝ ﻣﺎﻃﻠﻌﺖ ﺑﻨﻴﻪ ... ﻣﻮ ﻋﺪﻙ ﻣﺨﺘﺒﺮ ﺟﻴﺒﻠﻲ ﺳﻢ ﺍﻟﻴﻮﺟﻊ ﻛﻠﺒﻲ ﺍﻧﻪ ﺍﺷﺮﺑﻪ ﺑﺪﻭﻥ ﻣﺎﺍﺣﺠﻲ ﻭﻻﺍﻛﻮﻝ ﻭﺍﻟﻠﻪ ﺑﺲ ﺷﻮﻓﻠﻲ ﺣﻞ .. ﺷﻮﻓﻠﻲ ﻃﺮﻳﻘﺔ ﻟﻠﻤﻮﺕ .. ﺷﻠﻮﻥ ﺍﻣﻮﺕ .. ﺷﻠﻮﻥ؟
ﺍﺟﻪ ﺣﻀﻨﻲ ﺣﻴﻞ ﻭﻛﻠﻲ :
ﻣﺎﺍﺳﻮﻱ ... ﻣﺎﺑﻴﺪﻱ ﺷﻲ ﺍﺳﻮﻳﻪ ... ﻣﻮ ﺑﻴﺪﻱ .. ﻭﺍﻟﻠﻪ ﻣﻮ ﺑﻴﺪﻱ ..
ﺍﺩﺭﻱ ﺑﻴﺞ ﻣﺘﻜﺪﺭﻳﻦ ﺗﺤﺠﻴﻦ ﻻﺣﺪ ﻣﻦ ﺍﻫﻠﺞ .. ﺍﺩﺭﻱ ﺑﻴﻬﻢ ﻣﻴﻘﺒﻠﻮﻥ ﺗﻄﻠﻜﻴﻦ .. ﻭﺍﻋﺮﻓﻬﻢ ﺣﺘﻰ ﻟﻮ ﺍﻧﻲ ﻏﻠﻄﺎﻥ ﻳﻈﻠﻤﻮﺝ ﻭﻳﺸﻴﻠﻮﺝ ﺫﻧﺐ ﻏﻠﻄﻲ ...
ﺑﻘﻴﺖ ﺍﺑﺠﻲ ﺣﺠﻴﻪ ﻳﻮﺟﻊ ﺍﻟﻜﻠﺐ ﺑﺲ ﻣﺎﺳﻜﺖ :
ﺍﻭﻝ ﻭﺗﺎﻟﻲ ﺗﺒﻘﻴﻦ ﻫﻨﺎ .. ﻣﺜﻠﻤﺎ ﻛﻠﻮﻟﺞ ﺗﺒﻘﻴﻦ ﻫﻨﺎ ﻟﻠﻤﻮﺕ ﻫﻢ ﻛﻠﻮﻟﻲ ﻣﺘﻄﻠﻊ ﻣﻦ ﺑﻴﺘﻚ ﺍﻻ ﻣﻴﺘﻪ ...
ﺑﺎﻭﻋﺘﻠﻪ ﻛﺘﻠﻪ :
ﻣﻮﺗﻨﻲ ... ﻋﻔﻴﻪ ... ﻓﺪﻭﺓ ﺍﺭﻭﺣﻠﻚ ﻣﻮﺗﻨﻲ ..
ﺣﺘﻰ ﺍﻧﺖ ﺗﺨﻠﺺ ﻭﺍﻧﻪ ﺍﺧﻠﺺ ... ﺍﺑﻮﺱ ﺍﻳﺪﻙ ﻣﻮﺗﻨﻲ ﻻﻥ ﻣﺎﺍﻛﺪﺭ ﺍﺷﻮﻓﻚ ﻳﻮﻣﻴﺔ ﻛﺒﺎﻟﻲ ﻭﺍﺗﺼﺮﻑ ﻋﺎﺩﻱ ﺑﻌﺪ ﺍﻟﺤﺠﻲ ﺍﻟﻜﻠﺘﻪ ..
ﻣﺎﺍﻛﺪﺭ ﻭﺍﻟﻠﻪ ... ﺍﺑﻮﺱ ﺍﻳﺪﻙ .. ﺍﺑﻮﺱ ﺭﺟﻠﻚ ..
ﺭﺩﺕ ﺍﺩﻧﻚ ﻋﻠﻰ ﺭﺟﻠﻪ ﺑﺲ ﻟﺰﻣﻨﻲ ﻭﺩﻓﻌﻨﻲ ﻋﺎﻟﺠﺮﺑﺎﻳﺔ ﻭﻛﻠﻲ :
ﻛﺎﺍﻓﻲ ... ﻣﺜﻞ ﻣﺎﺍﻧﻲ ﻣﺘﺤﻤﻞ ﺍﻧﺘﻲ ﻫﻢ ﻻﺯﻡ ﺗﺘﺤﻤﻠﻴﻦ ... ﻣﺎﻛﻮ ﻣﻔﺮ ﻭﺍﻱ ﺗﺼﺮﻑ ﺗﺄﺫﻳﻦ ﺑﻲ ﻧﻔﺴﺞ ﻣﺎﺍﺭﺣﻤﺞ ﺗﺮﻩ ... ﺍﻓﺘﻬﻤﺘﻲ ؟
ﻃﻠﻊ ﻭﻃﺒﻚ ﺍﻟﺒﺎﺏ ﻭﺭﺍﻩ ﺣﻴﻞ ﻭﺧﻼﻧﻲ ﺑﻴﻨﻲ ﻭﺑﻴﻦ ﺍﻟﺠﻨﻮﻥ ﺷﻌﺮﻩ ..
ﻣﺎﺑﻘﺖ ﻓﻜﺮﺓ ﻋﻦ ﺍﻻﻧﺘﺤﺎﺭ ﻭﺍﻟﻤﻮﺕ ﻣﺎﻓﻜﺮﺕ ﺑﻴﻬﺎ ..
ﻭﻣﺎﺑﻘﻰ ﻭﻋﻠﺔ ﻣﺎﺧﻠﻴﺘﻬﺎ ﺑﻨﻔﺴﻲ ﺣﺘﻰ ﺍﻛﺪﺭ ﺍﻗﺘﻨﻊ ﻟﻴﺶ ﻣﺎﻳﺤﺒﻨﻲ ..
ﻭﻣﺎﺑﻘﻰ ﺍﺣﺪ ﻣﺎﻓﻜﺮﺕ ﺍﺭﻭﺣﻠﻪ ﻭﺍﺣﺠﻴﻠﻪ ﻳﻤﻜﻦ ﻳﻠﻜﺎﻟﻲ ﺣﻞ ﻟﻬﺎﻟﻮﺿﻊ ...
ﺑﺲ ﺑﺎﻟﻨﻬﺎﻳﺔ ﻣﺎﻭﺻﻠﺖ ﻻﻱ ﻧﺘﻴﺠﺔ ..
ﻣﻦ ﻛﺪﻣﺎ ﺑﺠﻴﺖ ﻧﻤﺖ ﺑﻤﻜﺎﻧﻲ ﻭﻣﺎﻛﻌﺪﺕ ﺍﻻﻥ ﺳﻤﻌﺖ ﺧﻄﻮﺍﺗﻪ ﺑﺎﻟﻐﺮﻓﺔ ...
ﺑﺎﻭﻋﺖ ﻟﻠﺴﺎﻋﺔ ﺏ ‏( ١٠ ‏) ﻛﻞ ﻫﺬﺍ ﺍﻟﻮﻛﺖ ﺟﻨﺖ ﻧﺎﻳﻤﺔ ...
ﺍﺧﺬ ﻣﻼﺑﺴﻪ ﻭﻃﻠﻊ ﻣﻦ ﺍﻟﻐﺮﻓﺔ ..
ﻏﺴﻠﺖ ﻭﺍﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﻧﺰﻟﺖ ﺟﻮﻩ ﻟﻜﻴﺘﻬﻢ ﻣﺘﻌﺸﻴﻦ ﻭﻣﺨﻠﺼﻴﻦ ..
ﻣﻌﻨﺎﻫﺎ ﺑﺲ ﺍﻧﻲ ﻭﻫﻮ ﺑﻌﺪﻧﻪ ..
ﺭﺣﺖ ﻟﻠﻤﻄﺒﺦ ﺳﺨﻨﺖ ﺍﻟﻌﺸﻪ ﻭﺭﺟﻌﺖ ﺻﺤﺘﻠﻪ ﻳﺘﻌﺸﻪ ..
ﻛﻌﺪ ﻛﺒﺎﻟﻲ ﻋﺎﻟﺴﻔﺮﻩ ﺑﺪﻭﻥ ﻛﻼﻡ ..
ﺍﺑﺎﻭﻋﻠﻪ ﻳﺎﻛﻞ ﺑﻬﺪﻭﻭﻭﺀ ﻣﺎﺍﺩﺭﻱ ﻣﻨﻴﻦ ﺟﺎﻳﺐ ﻛﻞ ﻫﺬﺍ ﺍﻟﻬﺪﻭﺀ ﻭﺍﻟﺒﺮﻭﺩ ... ﻭﻟﻴﺶ ﺍﻧﻪ ﻣﻮ ﻣﺜﻠﻪ ..
ﺭﻓﻊ ﺭﺍﺳﻪ ﺷﺎﻓﻨﻲ ﺍﺑﺎﻭﻋﻠﻪ ﻣﺎﺍﺩﺭﻱ ﺷﺒﻲ ﻣﺜﻞ ﺍﻟﻜﻤﺰ ﻋﺎﻑ ﺍﻻﻛﻞ ﻭﻛﺎﻡ ﺭﺍﺡ ...
ﻇﻠﻴﺖ ﻣﺘﻌﺠﺒﻪ ﻫﺬﺍ ﺷﺒﻲ ..
ﺭﻛﻀﺖ ﻟﻠﻤﺮﺍﻳﺔ ﺍﺑﺎﻭﻉ ﻟﺸﻜﻠﻲ ﻋﺒﺎﻟﻲ ﻭﺟﻬﻲ ﺑﻲ ﺷﻲ ﺑﺲ ﻣﺎﻛﻮ ...
ﺭﺟﻌﺖ ﻛﻌﺪﺕ ﺑﻤﻜﺎﻧﻲ ﺍﻣﺴﺢ ﺩﻣﻌﺔ ﺗﻄﻴﺢ ﻏﻴﺮﻫﺎ ﺑﻌﺪﻳﻦ ﻓﻜﺮﺕ ﻳﻤﻜﻦ ﺗﻠﻌﺐ ﻧﻔﺴﻪ ﻣﻦ ﻋﻴﻮﻧﻲ ..
ﻣﺎﻛﻮ ﻏﻴﺮ ﺗﻔﺴﻴﺮ .. ﻳﻤﻜﻦ ﻣﺎﻳﻌﺠﺒﻪ ﺷﻜﻞ ﻋﻴﻮﻧﻲ ﺍﻭ ﻣﺎﻳﻌﺠﺒﻪ ﻣﻮﺿﻮﻉ ﻛﻞ ﻋﻴﻦ ﻣﻦ ﻟﻮﻥ ..
ﺑﻌﺪ ﻛﻠﻤﻦ ﻭﻧﻔﺴﻴﺘﻪ .. ﻛﻞ ﺷﻲ ﻳﺠﻮﺯ ﻭﻛﻞ ﺷﻲ ﻣﻤﻜﻦ ..
ﻛﻤﺖ ﺭﻛﻀﺖ ﻋﺎﻟﺪﺭﺝ ﺻﻌﺪﺕ ﺩﻭﺭﺕ ﺍﻟﻌﺪﺳﺎﺕ ﺍﻟﻌﺪﻱ ﻭﻳﻨﻬﻦ
ﺩﻭﺭﺕ ﺍﻟﻜﻨﺘﻮﺭ ﺩﻭﺭﺕ ﺍﻟﺠﺮﺍﺭﺍﺕ ﻣﺎﻛﻮ ﻭﻳﻦ ﺭﺍﺣﻦ ..
ﺍﺗﺬﻛﺮﺕ ﺍﻟﺜﻼﺟﺔ ﻓﺘﺤﺖ ﺍﻟﺜﻼﺟﺔ ﻟﻜﻴﺘﻬﻦ ..
ﺭﺣﺖ ﻟﻠﺤﻤﺎﻡ ﻭﻛﻔﺖ ﻛﺒﺎﻝ ﺍﻟﻤﺮﺍﻳﺔ ﻭﺍﻳﺪﻱ ﺗﺮﺟﻒ ﺍﺧﺎﻑ ﺍﻟﺒﺴﻬﻦ ﻟﺒﺴﺘﻬﻦ ﻣﺮﻩ ﻭﺍﻟﺘﻬﺒﺖ ﻋﻴﻨﻲ ..
ﺑﺲ ﺷﺴﻮﻱ ﻣﺠﺒﻮﺭ ﻳﺎﺳﺒﺖ ...
ﻟﺒﺴﺘﻬﻦ ﻭﻋﻴﻨﻲ ﺍﺗﺪﻣﻊ ..
ﺍﻛﻮ ﻧﻐﺰﻩ ﺷﻮﻳﺔ ﺑﻌﻴﻨﻲ ﺑﺲ ﻣﻴﺨﺎﻟﻒ ﺍﺗﺤﻤﻠﻬﺎ ..
ﺭﺟﻌﺖ ﻧﺰﻟﺖ ﺟﻮﻩ ﻛﻌﺪﺕ ﻛﺒﺎﻟﻪ ﺑﺎﻟﺼﺎﻟﺔ ﺭﺩﺗﻪ ﻳﺸﻮﻑ ﺷﻜﻞ ﻫﺴﻪ ﺑﻌﺪﻣﺎ ﻟﺒﺴﺖ ﺍﻟﻌﺪﺳﺎﺕ .. ﺑﺲ ﻣﺎﺑﺎﻭﻋﻠﻲ ...
ﺩﻭﺭﺗﻠﻲ ﻋﻠﻰ ﺣﺠﻪ ﺣﺘﻰ ﺍﺣﺎﺟﻴﻪ ﺑﻴﻬﺎ ﺑﺲ ﻣﺎﻋﺪﻱ ﺣﺠﻪ ..
ﺍﺧﺮ ﺷﻲ ﺧﻄﺮ ﻋﻠﻰ ﺑﺎﻟﻲ ﺍﻟﺠﺎﻱ ﻛﻤﺖ ﺭﻛﺾ ﺍﺳﻮﻱ ﺟﺎﻱ ..
ﺑﻌﺪﻧﻲ ﻭﺍﻛﻔﻪ ﻳﻢ ﺍﻟﻄﺒﺎﺥ ﻣﺘﺎﻧﻴﻪ ﺍﻟﺠﺎﻱ ﻳﺨﺪﺭ ﺷﻔﺘﻪ ﻃﻠﻊ ﻣﻦ ﺍﻟﺼﺎﻟﻪ ﺑﺄﺗﺠﺎﻩ ﺍﻟﺪﺭﺝ ...
ﺭﻛﻀﺖ ﻋﻠﻴﻪ ﻛﺘﻠﻪ :
ﻛﺮﻡ ؟
ﺍﻟﺘﻔﺘﺖ ﻋﻠﻲ ﻛﺎﻝ :
ﻧﻌﻢ؟
ﻳﺎﺱ : ﺟﺎﻱ ﺍﺳﻮﻱ ﺟﺎﻱ ﻣﺎﺗﺮﻳﺪ ﺍﺻﺒﻠﻚ ﻭﻳﺎﻱ؟
ﻛﺮﻡ : ﻻﻣﺎﺍﺭﻳﺪ .. ﺍﺭﻳﺪ ﺍﻧﺎﻡ ﺗﻌﺒﺎﻥ ..
ﺻﻌﺪ ﻭﻋﺎﻓﻨﻲ ...
ﻇﻠﻴﺖ ﻭﺍﻛﻔﺔ ﻳﻢ ﺍﻟﺪﺭﺝ ﺣﺎﻳﺮﺓ ﺑﻌﻤﺮﻱ ..
ﻣﺤﺘﺎﺭﺓ ﺷﺴﻮﻱ ..
ﻃﻔﻴﺖ ﺍﻟﺠﺎﻱ ﻭﺻﻌﺪﺕ ﻟﻠﻐﺮﻓﺔ ﺑﺲ ﺍﻭﻝ ﻣﺎﺻﻌﺪﺕ ﺍﻟﺪﺭﺝ ﺍﺗﻔﺎﺟﺄﺕ ﺷﻔﺘﻪ ﻧﺎﻳﻢ ﺑﺮﻩ ﺍﻟﻐﺮﻓﺔ ..
ﻓﺎﺭﺵ ﻣﻨﺪﺭ ﺑﺎﻟﺼﺎﻟﻪ ﺍﻟﻔﻮﻙ ﻛﺒﺎﻝ ﻏﺮﻓﺘﻨﻪ ﻭﻧﺎﻳﻢ ...
ﻣﺎﺍﺩﺭﻱ ﺷﺼﺎﺭ ﺑﺮﻭﺣﻲ ...
ﻛﻞ ﻫﺎﻟﺴﻮﺍﻟﻒ ﺑﻴﻮﻡ ﻭﺍﺣﺪ ﺭﺑﻲ ﻫﻮﺍﻱ ...
ﻣﺎﻇﻞ ﺑﺎﻟﻜﻠﺐ ﺣﻴﻞ ...
ﻻﺍﻛﺪﺭ ﺍﻏﻠﺲ ﺍﺣﺒﻪ ﻭﺷﺎﻟﻊ ﻛﻠﺒﻲ ..
ﻭﻻﺍﻛﺪﺭ ﺍﺭﻭﺡ ﺍﺳﺄﻟﻪ ﻟﻴﺶ؟ ﻭﺍﺣﺠﻲ ﻭﻳﺎﻩ ... ﻣﺎﺍﻛﺪﺭ ﻛﺮﺍﻣﺘﻲ ﻣﺎﺗﺴﻤﺤﻠﻲ ...
ﻟﻴﺶ ﻫﻴﺞ ﻭﻟﻚ ﻛﺮﻡ ... ﻣﻮﺗﻨﻲ ﺑﺲ ﻣﻮ ﻫﻴﺞ ﻣﻮﺗﻨﻲ ﻛﻮﻥ ﻣﻮﺕ ﺻﺪﻙ ﺭﺻﺎﺻﺔ ﻛﻮﻥ ﻣﻮ ﻫﻴﺞ ﻣﻮﺕ ﻣﺎﺍﺭﻳﺪ ﻫﺬﺍ ﺍﻟﻤﻮﺕ ﺑﻄﻲﺀ ﻭﻳﺄﺫﻱ ﺍﻛﺜﺮ ﻣﻦ ﺍﻟﻤﻮﺕ ﻧﻔﺴﻪ ..
ﺍﺗﺬﻛﺮﺕ ﺍﻣﻲ ﻣﻦ ﺟﺎﻧﺖ ﺗﻜﻠﻲ ﻻﺗﻐﻤﻴﻦ ﺭﻭﺣﺞ ﻣﺎﻳﺼﻠﺢ ...
ﻫﺎﺍ ﻳﻤﻪ ﺷﺴﻮﻱ ﻫﺴﻪ؟
ﻫﺬﺍ ﻛﻠﻪ ﻭﻣﺎﻳﺼﻠﺢ ﺍﻏﻤﻪ ؟
ﻳﺎﺭﺏ ﺍﻟﻚ ﺍﻟﻤﺸﺘﻜﻰ ..

#ج٩
ﻫﻞ ﺟﺮﺑﺖ ﺍﻥ ﺗﻜﻮﻥ ﻓﻲ ﻣﻮﻗﻒ ﻣﺤﺐ ﻣﻦ ﻃﺮﻑ ﻭﺍﺣﺪ؟
ﻫﻞ ﻛﻨﺖ ﻳﻮﻣﺎ ﻓﻲ ﻣﺜﻞ ﻣﻮﻗﻔﻲ؟ ..
ﻫﻞ ﺟﺮﺑﺘﻢ ﺍﻟﺤﺐ ﻣﻦ ﻃﺮﻑ ﻭﺍﺣﺪ؟ ..
ﺍﻧﻪ ﻟﻴﺲ ﺣﺐ ﻓﻘﻂ ..
ﺍﻧﻪ ﻭﺟﻊ ..
ﻭﺟﻊ ﻣﻦ ﻃﺮﻑ ﻭﺍﺣﺪ 💔...
...............................
ﻣﺎﺍﺻﻌﺐ ﺍﻥ ﺗﺤﺐ ﺍﻧﺴﺎﻥ ﺑﻜﻞ ﺫﺭﺓ ﻣﻦ ﻛﻴﺎﻧﻚ ﻭﺗﺘﻔﺎﺟﺄ ﺑﺄﻧﻪ ﻻﻳﺒﺎﺩﻟﻚ ﻧﻔﺲ ﺍﻟﻤﺸﺎﻋﺮ ...
ﺗﺤﺐ ﺳﻜﻮﺗﻪ ﻭﺑﺮﻭﺩﻩ ﺗﺤﺐ ﺟﻤﻮﺣﻪ ﻭﺛﻮﺭﺍﻧﻪ ..
ﺗﺤﺐ ﻛﻞ ﺗﻘﺎﺳﻴﻢ ﻭﺟﻬﻪ ﻭﻛﻞ ﻧﻈﺮﺓ ﻭﺍﻟﺘﻔﺎﺗﻪ ..
ﺗﺤﺒﻪ ﺭﻏﻢ ﻭﺟﻊ ﻭﺟﻮﺩﻩ ﻓﻲ ﺣﻴﺎﺗﻚ ..
ﻫﻜﺬﺍ ﺍﻧﺎ ﺍﺣﺒﺒﺖ ﺭﺟﻼ ﻻﻳﺮﺍﻧﻲ ..
ﺭﺟﻼ ﺗﺴﺎﻭﻯ ﻟﺪﻳﻪ ﺑﻘﺎﺋﻲ ﻭﺭﺣﻴﻠﻲ ..
ﺗﺴﺎﻭﻯ ﻟﺪﻳﻪ ﻭﺟﻮﺩﻱ ﻭﻋﺪﻣﻪ ..
ﺗﺴﺎﻭﻯ ﻟﺪﻳﻪ ﺣﺒﻲ ﻭﻛﺮﻫﻲ ...
ﺣﺎﻭﻟﺖ ﺍﻥ ﺍﻛﺮﻫﻪ ... ﻭﻟﻜﻦ ﻫﻴﻬﺎﺕ ...
ﻛﻴﻒ ﺍﻛﺮﻫﻪ؟ ..
ﻭﻫﻮ ﺍﻟﺮﺟﻞ ﺍﻻﻭﻝ ﻭﺍﻟﻠﻤﺴﺔ ﺍﻻﻭﻟﻰ ﻭﺍﻟﻨﻈ

ﺮﺓ ﺍﻻﻭﻟﻰ ﻭﺍﺣﻠﻰ ﻭﺍﺟﻤﻞ ﻭﺍﻭﻝ ﺍﻟﻘﺒﻞ ..
ﻭﺳﺄﺑﻘﻰ ﺍﺣﺒﻪ ﻣﻬﻤﺎ ﺣﺼﻞ ...
ﺍﺣﺒﻚ ..
ﺍﺣﺒﻚ ..
ﺍﺣﺒﻚ ..
ﻣﻬﻤﺎ ﺣﺼﻞ ❤ ..
...................................
ﻭﺑﺪﺍ ﻳﻨﺎﻡ ﺑﺮﻩ ﺑﺎﻟﺼﺎﻟﻪ ﺍﻟﻔﻮﻙ ..
ﻳﻮﻣﻴﻪ ﺑﺎﻟﻠﻴﻞ ﻳﺎﺧﺬ ﻣﻨﺪﺭ ﻳﻔﺮﺷﺔ ﺑﺎﻟﺼﺎﻟﺔ ﻛﺒﺎﻝ ﻏﺮﻓﺘﻨﻪ ﻭﻳﻨﺎﻡ ...
ﻫﻮ ﻳﻨﺎﻡ ﻭﺍﻧﻪ ﺍﻇﻞ ﻓﺎﺗﺤﺔ ﺑﺎﺏ ﺍﻟﻐﺮﻓﺔ ﻭﺍﺑﺎﻭﻋﻠﻪ ..
ﺍﺑﺎﻭﻋﻠﻪ ﺷﻠﻮﻥ ﻧﺎﻡ .. ﺷﻠﻮﻥ ﻏﻔﻪ ..
ﻣﺮﺍﺕ ﺍﺗﻤﻨﻰ ﺍﻛﺪﺭ ﺍﺭﻭﺡ ﻭﺍﻧﺎ ﺑﺤﻀﻨﻪ ...
ﺷﻴﺼﻴﺮ ﻟﻮ ﺭﺣﺖ ﺷﻠﺖ ﺍﻟﻐﻄﺎ ﻭﺍﺗﻐﻄﻴﺖ ﻭﻳﺎﻩ ﻭﺣﻀﻨﺘﻪ ﻭﻧﻤﺖ ...
ﺷﻴﺼﻴﺮ ﻟﻮ ﺍﺗﻨﺎﺯﻝ ﺷﻮﻳﺔ ﻋﻦ ﻛﺒﺮﻳﺎﺋﻲ ﻭﻛﺮﺍﻣﺘﻲ ﻭﺍﺟﺮﺏ ﻳﻤﻜﻦ .. ﻳﻤﻜﻦ ﻳﺤﺲ ﻟﻮ ﻳﺼﻴﺮ ﺷﻲ ﻳﺨﻠﻴﻪ ﻳﺘﻐﻴﺮ .. ﻳﺤﻦ ..
ﺷﻴﺼﻴﺮ .. ؟
ﻭﺍﺗﻨﺎﺯﻟﺖ ﻭﺭﺣﺖ ﺍﻣﺸﻲ ﻋﻠﻰ ﺍﻃﺮﺍﻑ ﺍﺻﺎﺑﻌﻲ ﻣﻦ ﺷﻔﺘﻪ ﻧﺎﻡ ...
ﻭﻭﺻﻠﺖ ﻳﻤﻪ ﻭﻇﻠﻴﺖ ﻭﺍﻛﻔﺔ ﻛﺒﺎﻟﻪ ﻭﺑﺎﻭﻋﻠﻪ ﺷﻠﻮﻥ ﻏﺎﻓﻲ ...
ﻇﻠﻴﺖ ﻣﺘﺤﻨﻄﻪ ﻻﻛﺪﺭﺕ ﺍﺭﺟﻊ ﻟﻐﺮﻓﺘﻲ ﻭﻻﻛﺪﺭﺕ ﺍﻛﻌﺪﻩ ...
ﻇﻠﻴﺖ ﺍﺑﺎﻭﻋﻠﻪ ﻭﺍﺣﺎﺟﻴﻪ ﺑﻜﻠﺒﻲ ..
ﺷﻴﺼﻴﺮ ﻟﻮ ﺣﺒﻴﺘﻨﻲ ؟
ﺷﻴﺼﻴﺮ ﻟﻮ ﺗﻐﻠﻂ ﻣﺮﻩ ﻭﺗﻤﺜﻞ ﻋﻠﻲ ﺗﺤﺒﻨﻲ .. ﻟﻮ ﻳﻮﻡ ﻭﺍﺣﺪ ﻳﺸﻔﻌﻠﻚ ﻋﻨﺪﻱ ..
ﺭﻭﺣﻲ ﻳﺎﺳﻪ ﺭﺟﻌﻲ ﻟﻐﺮﻓﺘﺞ ﺑﺴﺮﻋﺔ ﻛﺒﻞ ﻻﻳﻜﻌﺪ ..
ﺑﺲ ﻣﺎﺍﻃﺎﻧﻲ ﻛﻠﺒﻲ ﺍﺭﻭﺡ ..
ﺭﺟﻠﻴﻪ ﺟﺎﻣﺪﻩ ﻣﺎﻛﺪﺭﺕ ﺍﺗﺤﺮﻙ ﻛﻌﺪﺕ ﻛﺒﺎﻟﻪ ﻭﺩﻣﻮﻋﻲ ﺧﺎﻧﻜﺘﻨﻲ ..
ﻟﻮ ﺑﺲ ﺍﻋﺮﻑ ﺷﺒﻴﻚ ؟
ﻟﻮ ﺑﺲ ﺍﻋﺮﻑ ﺍﻟﻌﻴﺐ ﻭﺍﻟﺼﻮﺝ ﺑﻴﻪ ﻟﻮ ﺑﻴﻚ ؟ ﻟﻮ ﻫﻴﺞ ﻣﻦ ﺍﻟﻠﻪ ..
ﻟﻮ ﺑﺲ ﺍﻟﻠﻪ ﻳﻬﺪﻳﻚ ﺗﺸﻮﻓﻨﻲ ﻭﺗﺤﺠﻴﻠﻲ ﺷﻜﻮ ﺑﻜﻠﺒﻚ ...
ﺟﺮﻳﺖ ﺣﺴﺮﺓ ﺟﺒﻴﺮﺓ ﻭﺩﻧﻜﺖ ﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﺔ ﻣﺎﺍﺩﺭﻱ ﺷﻠﻮﻥ ﺍﺗﺼﺮﻑ ..
ﻛﻤﺰﺕ ﺣﺴﻴﺖ ﺷﻲ ﺩﺑﻪ ﻋﻠﻰ ﺭﺟﻠﻲ ﻧﺰﻳﺖ .. ﺑﺎﻭﻋﺖ ﺷﻔﺘﻪ ﻓﺎﺗﺢ ﻋﻴﻮﻧﻪ ﻭﻳﺒﺎﻭﻋﻠﻲ ..
ﻭﻻﺯﻡ ﺭﺟﻠﻲ ..
ﺭﺩﺕ ﺍﻛﻮﻡ ﻛﻠﻲ :
ﺷﺒﻴﺞ ﻳﺎﺳﻪ؟
ﺍﺳﻠﻮﺑﻪ ﺍﻟﺒﺎﺭﺩ ﺍﻭ ﺍﻟﻤﺎﺍﻋﺮﻑ ﺍﺳﻤﻴﻪ ﺷﻨﻮ ﻳﺨﻠﻴﻨﻲ ﺍﺣﺘﺎﺭ ﺷﺠﺎﻭﺑﻪ ...
ﻛﺮﻡ : ﺣﻠﻤﺎﻧﻪ؟
ﻃﺎﺣﺖ ﺩﻣﻮﻋﻲ ... ﺍﻃﺎﻧﻲ ﻋﺬﺭ ...
ﻣﺜﻞ ﺍﻟﻤﺠﺪﻱ ﺍﺟﺪﻳﻠﻲ ﻣﻨﻪ ﻋﺬﺭ ﺣﺘﻰ ﺍﻧﺎﻡ ﺑﺤﻀﻨﻪ ...
ﺍﻧﺎﻡ ﺑﺤﻀﻨﻪ ﺍﻧﺴﻰ ﻛﻞ ﺷﻲ ..
ﺍﻧﺴﻰ ﺍﻟﻤﺸﺎﻛﻞ ﺍﻟﻤﺎﻋﺮﻑ ﺳﺒﺒﻬﺎ ﺑﻴﻨﻪ ..
ﺍﻧﺴﻰ ﺣﺰﻧﻲ ﻭﺣﺰﻧﻪ ﻭﻛﺂﺑﺘﻲ ﻭﻛﺂﺑﺘﻪ ﻭﺍﻧﺴﻰ ﺣﺘﻰ ﻫﻮ ﻣﺎﻳﺤﺒﻨﻲ ..
ﺍﻧﺴﻰ ﺍﻧﻲ ﻣﻔﺮﻭﺿﻪ ﻋﻠﻴﻪ ..
ﺍﻧﺴﻰ ﻛﻞ ﺷﻲ ﻭﻳﺒﻘﻰ ﺑﺲ ﻫﻮ ﻭﺣﺒﻲ ﺍﻟﻪ ..
ﻫﺰﻳﺖ ﺭﺍﺳﻲ ﺍﻱ ..
ﺭﻓﻌﻠﻲ ﺍﻟﻠﺤﺎﻑ ﻭﺍﺷﺮﻟﻲ ﺑﻌﻴﻮﻧﻪ ﺗﻌﺎﻱ ...
ﻣﺎﻓﻜﺮﺕ ﻻﺑﻜﺮﺍﻣﺔ ﻭﻻﺑﻜﺒﺮﻳﺎﺀ ﻭﻻ ﺑﻐﻠﻂ ﻭﻻﺑﺼﺢ ﻭﻻﺑﺴﺒﺐ ..
ﻓﻜﺮﺕ ﺑﺲ ﺍﻧﺎﻡ ..
ﻳﻤﻜﻦ ..
ﻳﻤﻜﻦ ... ﺍﻟﺼﺒﺢ ﺍﻟﻜﻪ ﻛﻞ ﺷﻲ ﻣﺤﻠﻮﻝ ﻭﻣﻨﺘﻬﻲ ...
ﺧﻠﻴﺖ ﺭﺍﺳﻲ ﺑﺼﺪﺭﻩ ﺑﺪﻭﻥ ﻛﻼﻡ ﻭﻏﻤﻀﺖ ﻋﻴﻮﻧﻲ ..
ﺭﺍﺳﻲ ﻋﻠﻰ ﺍﻳﺪﻩ ..
ﺣﺴﻴﺖ ﺑﻲ ﻛﺄﻧﻤﺎ ﻳﺮﻳﺪ ﻳﺤﻀﻨﻲ ﺑﺲ ﻣﺘﺮﺩﺩ ..
ﻣﺎﺧﺠﻠﺖ .. ﺣﻀﻨﺘﻪ ..
ﺯﻭﺟﻲ ..
ﻣﻦ ﺣﻘﻲ ..
ﺑﺲ ﻣﺎﺣﻀﻨﻲ 💔...
ﺑﻘﺖ ﺩﻣﻮﻋﻲ ﺗﻨﺰﻝ ﻭﺍﻣﺴﺤﻬﺎ ﺑﺪﻭﻥ ﺻﻮﺕ ﻭﻫﻮ ﺟﺎﻥ ﻛﺎﻋﺪ ﺑﺲ ﻣﻐﻤﺾ ﻋﻴﻮﻧﻪ ..
ﺟﻨﺖ ﺍﺳﻤﻊ ﺣﺴﺮﺍﺗﻪ ﻭﺍﻛﻮﻝ ﺗﻬﻮﻥ ﺍﻟﻤﻬﻢ ﺍﻟﻠﻴﻠﺔ ..
ﺁﺧﺮ ﺷﻲ ﻳﻤﻜﻦ ﻣﻞ ﻳﻤﻜﻦ ﺗﻌﺐ ﻳﻤﻜﻦ ﺍﻧﻘﻬﺮ ﻋﻠﻲ ﻭﻳﻤﻜﻦ ﺣﺲ ﻛﻠﻲ :
ﻳﺎﺳﻪ؟
ﻣﺎﺟﺎﻭﺑﺘﻪ ..
ﺭﻓﻊ ﻭﺟﻬﻲ ﺑﻴﺪﻩ ﻭﻛﻠﻲ :
ﺷﺒﻴﺞ؟
ﻫﺰﻳﺖ ﺭﺍﺳﻲ ﻣﺎﻛﻮ ﺷﻲ ..
ﻛﺮﻡ : ﻳﺎﺳﻪ؟ ﺑﺎﻭﻋﻴﻠﻲ
ﻣﺎﻛﺪﺭﺕ ... ﺍﻋﺮﻑ ﺭﻭﺣﻲ ﺍﺑﺠﻲ ﻭﺍﺧﺎﻑ ﺍﻋﺎﺗﺒﻪ ﻭﺍﻋﺮﻑ ﺭﻭﺣﻲ ﻣﺸﻬﻮﺭﺓ ﻣﺎﺍﻋﺮﻑ ﺍﺣﺠﻲ ﻭﺍﻋﺎﺗﺐ ﺑﺼﻮﺕ ﻧﺎﺻﻲ ﺍﻧﻔﻌﻞ ﻣﻮ ﺑﻴﺪﻱ ..
ﺑﺎﺱ ﺭﺍﺳﻲ ...
ﻣﺎﺻﺪﻛﺖ .. ﺑﺲ ﺑﻬﺎﻟﻠﺤﻈﻪ ﺣﺴﻴﺘﻪ ﻛﺴﺮﻧﻲ .. ﻣﻮ ﻳﺎﺳﺔ ﺍﻟﻘﺪﻳﻤﺔ .. ﺍﻭﻝ ﺗﺎﻟﻲ ﺍﻧﻪ ﺍﺑﺠﻲ ..
ﺍﻭﻝ ﺗﺎﻟﻲ ﺍﺟﻠﺐ ﺑﺸﻲ ﻣﻮ ﺍﻟﻲ ...
ﺍﻭﻝ ﺗﺎﻟﻲ ﺍﺣﺐ ﻭﺍﺣﺪ ﻭﻣﻮ ﺍﻱ ﻭﺍﺣﺪ ﻻﺭﺍﻳﺪﻧﻲ ﻭﻻﺷﺎﻳﻔﻨﻲ ﻭﻳﺠﺮﺣﻨﻲ ﺑﺎﻟﻴﻮﻡ ﺍﻟﻒ ﻣﺮﻩ ﺑﻜﻞ ﻛﻠﻤﺔ ﻭﻧﻈﺮﺓ ﻭﺗﺼﺮﻑ ...
ﺣﺴﻴﺘﻪ ﻛﺄﻧﻤﺎ ﻳﺮﻳﺪ ﻳﻘﺸﻤﺮﻧﻲ ﺑﻬﺎﻟﺒﻮﺳﺔ .. ﻳﺮﻳﺪ ﻳﺴﻜﺘﻨﻲ ..
ﻳﺮﻳﺪ ﻳﻌﺘﺬﺭ ﺑﺲ ﻣﻮ ﻻﻥ ﻧﺪﻣﺎﻥ ﻻﺍﺍ ﺟﺎﻥ ﻳﻜﻠﻲ ﻣﻮ ﺑﻴﺪﻱ ..
ﺍﺗﺤﻤﻠﻲ ..
ﺻﺒﺮﻱ ...
ﻣﺎﺑﻴﺪﻱ ﺷﻲ ﺍﺳﻮﻳﻠﺠﻴﺎﻩ ..
ﺣﻀﻨﻲ ﺣﻴﻞ ﻭﺧﻼﻧﻲ ﺑﺠﻴﺖ ﺣﻴﻞ ﻛﺘﻠﻪ :
ﻟﻴﺶ ﺍﻧﻪ ﻣﺘﻤﺴﻜﺔ ﺑﻴﻚ ﻭﺍﻧﺖ ﺑﺎﻳﻌﻨﻲ؟ ﻟﻴﺶ؟
ﻛﺮﻡ : ﺍﺷﺸﺸﺸﺶ .. ﻧﺎﻣﻲ .. ﻛﺎﻓﻲ ﺑﺠﻲ ﻭﺭﺟﺎﺀﺍ ﻻﺗﻔﺘﺤﻴﻦ ﻫﺎﻟﻤﻮﺿﻮﻉ ﻻﻥ ﻣﺎﻋﻨﺪﻱ ﺍﺟﺎﺑﺎﺕ ...
ﺭﻓﻌﺖ ﺭﺍﺳﻲ ﺑﺎﻭﻋﺘﻠﻪ ﻛﺘﻠﻪ :
ﺯﻳﻦ ﺷﺴﻮﻱ؟ ﻭﻳﻦ ﺍﺭﻭﺡ ؟ ﺍﻟﻤﻦ ﺍﻃﻲ ﻭﺟﻬﻲ ﻭﻳﻜﻠﻲ ﺷﺒﻴﻚ؟
ﻣﺪ ﺍﻳﺪﻩ ﻋﻠﻰ ﺷﻌﺮﻱ ﻳﻮﺧﺮﻩ ﻣﻦ ﻭﺟﻬﻲ ﻭﺑﺎﺱ ﺧﺪﻱ ﻭﻛﻠﻲ :
ﻻﺗﺴﻮﻳﻦ ﺷﻲ ... ﻭﻣﺎﻳﺤﺘﺎﺝ ﺗﺴﺄﻟﻴﻦ ﺍﺣﺪ ﻋﻨﻲ ﻻﻥ ﻣﺤﺪ ﺭﺍﺡ ﻳﻜﻠﺞ ﺷﻲ ...
ﻳﺎﺱ : ﻭﺗﺎﻟﻲ ؟ ﻭﺗﺎﻟﻲ ﻭﻳﺎﻙ ﻣﻮﺗﺘﻨﻲ .. ﻭﺍﻟﻠﻪ ﻣﺨﻨﻮﻛﻪ .. ﻭﺍﻟﻠﻪ .. ﻣﺎﻛﻮ ﻫﻮﺍ ... ﻫﺬﺍ ﺻﺪﺭﻱ ﻣﺎﺑﻲ ﻫﻮﺍ ...
ﺿﺮﺑﺖ ﺻﺪﺭﻱ ﺑﻴﺪﻱ ..
ﺍﺗﺤﺴﺮ ﺣﻴﻞ ﻭﻟﺰﻡ ﺍﻳﺪﻱ ﺑﺎﺳﻬﺎ ﻭﻛﻠﻲ :
ﺻﺒﺮﻱ ... ﺍﺗﺤﻤﻠﻲ ...
ﻣﺎﺣﺠﻴﺖ ﺑﻌﺪ ﻣﺎﻳﻔﻴﺪ ﺍﻟﺤﺠﻲ ..
ﺩﺭﺕ ﻭﺟﻬﻲ ﺭﺩﺕ ﺍﻛﻮﻡ ﻛﻠﻲ :
ﺍﻟﺨﻠﻞ ﻣﻮ ﺑﻴﺞ ... ﻳﻤﻜﻦ ﺍﻟﺨﻠﻞ ﺑﻴﻪ ﺍﻧﻲ ... ﻣﻦ ﻳﻨﺴﺪ ﻋﻠﻲ ﺑﺎﺏ ﻭﻳﺎﺝ ﻣﺎﺍﺩﺭﻱ ...
ﻭﺳﻜﺖ ...
ﻋﻔﺘﻪ ﻭﺭﺟﻌﺖ ﻟﻐﺮﻓﺘﻲ ﻭﺳﺪﻳﺖ ﺍﻟﺒﺎﺏ ﻭﺧﻠﺼﺘﻬﺎ ﻟﺤﺪ ﻓﺠﺮ ﺍﻟﻠﻪ ﺑﺠﻲ ..
ﺑﺲ ﻫﻢ ﻣﺎﺍﻃﺎﻧﻲ ﻛﻠﺒﻲ ...
ﺟﻨﺖ ﺍﻃﻞ ﻋﻠﻴﻪ ﻣﻦ ﻓﺘﺤﺖ ﻣﻔﺘﺎﺡ ﺍﻟﺒﺎﺏ ﻭﺍﺷﻮﻓﻪ ﻛﺎﻋﺪ ﻋﺎﻟﻜﺮﺳﻲ ﺑﺎﻟﺼﺎﻟﻪ ﻭﻳﺪﺧﻦ ..
ﺟﻜﺎﺭﺓ ﻭﺭﻩ ﺟﻜﺎﺭﺓ ﻫﻮ ﻣﺤﺘﺮﻙ ﻭﺍﻧﻪ ﻣﺤﺘﺮﻛﻪ ...
.
.
.
.
ﻳﻮﻣﻴﺔ ﺍﻟﻔﺠﺮ ﺟﻨﺖ ﺍﻛﻌﺪ ﺍﺻﻠﻲ ﻭﺑﻌﺪ ﻣﺎﺍﺻﻠﻲ ﺍﻛﻌﺪﻩ ﺣﺘﻰ ﻳﻜﻌﺪ ﻳﺼﻠﻲ ﻭﺍﺭﻛﺾ ﺍﻟﻢ ﻓﺮﺍﺷﺔ ﻛﺒﻞ ﻻﺗﺸﻮﻓﻪ ﻋﻤﺘﻲ ﻟﻮ ﺟﻮﺍﻧﺎ ﻭﺗﻜﻞ ﻟﻌﻤﻲ ﻭﺗﺼﻴﺮ ﺳﺎﻟﻔﺔ ﻭﻗﺼﺔ ﻭﻳﻨﺰﻝ ﻳﺘﺮﻳﻚ ﻭﻳﺮﻭﺡ ﻟﺸﻐﻠﺔ ﻃﺒﻴﻌﻲ ﻭﻻ ﻛﺄﻧﻪ ﺍﻛﻮ ﺷﻲ ﻭﺍﻧﻪ ﻫﻢ ﺍﺗﺼﺮﻑ ﻣﺜﻠﻪ ..
ﻟﺤﺪ ﺫﻳﺞ ﺍﻟﻠﻴﻠﺔ ...
ﺑﻌﺪﻣﺎ ﺣﺠﻴﺖ ﻭﻳﺎﻩ ﻭﺑﻘﻴﻨﻪ ﻛﺎﻋﺪﻳﻦ ﺍﻟﺼﺒﺢ ﻣﺎﺻﻠﻰ ..
ﺍﺳﺘﻐﺮﺑﺖ ﺑﺲ ﻣﺎﺣﺠﻴﺖ ..
ﻧﺰﻟﺖ ﺷﻔﺖ ﺟﻮﺍﻧﺎ ﺍﺫﺍ ﺣﻀﺮﺗﻠﻪ ﺍﻟﺮﻳﻮﻙ ﻭﺻﻌﺪﺕ ﺣﺘﻰ ﺍﺷﻮﻓﻪ ﻻﻥ ﺗﺄﺧﺮ ...
ﺍﻧﺼﺪﻣﺖ ﻣﻦ ﺩﺧﻠﺖ ﻟﻠﻐﺮﻓﺔ ...
ﺟﺎﻥ ﻭﺍﻛﻒ ﻳﻄﻠﻊ ﻫﺪﻭﻣﻪ ﻣﻦ ﺍﻟﻜﻨﺘﻮﺭ ﻭﻳﺎﺧﺬﻫﻦ ﻟﻠﻐﺮﻓﺔ ﺍﻟﺜﺎﻧﻴﺔ ...
ﻇﻠﻴﺖ ﻭﺍﻛﻔﻪ ﺍﺑﺎﻭﻋﻠﻪ ﻣﺎﺍﺩﺭﻱ ﺷﻜﻮ ﻭﺷﺠﺎﻱ ﻳﺴﻮﻱ ﺑﻌﺪﻳﻦ ﻛﺘﻠﻪ :
ﺷﺘﺴﻮﻱ؟
ﻛﺮﻡ : ﻣﺎﺍﺳﻮﻱ ... ﺍﺧﻠﻲ ﻣﻼﺑﺴﻲ ﺑﺎﻟﻐﺮﻓﺔ ﺍﻟﺜﺎﻧﻴﺔ ..
ﻳﺎﺱ : ﻟﻴﺶ؟
ﺑﻘﻰ ﺷﻮﻳﺔ ﺳﺎﻛﺖ ﺑﺲ ﺑﻌﺪﻳﻦ ﻛﺎﻝ :
ﺍﺣﺴﻦ ....
ﻣﺎﺍﻛﺪﺭ ﻛﻠﻤﺎ ﺍﺭﻳﺪ ﺣﺎﺟﻪ ﺍﺩﺧﻞ ﻟﻬﺎﻱ ﺍﻟﻐﺮﻓﺔ ...
ﻇﻠﻴﺖ ﻭﺍﻛﻔﺔ ﻣﺘﺤﻨﻄﻪ ... ﻣﺎﺍﺩﺭﻱ ﺷﺠﺎﻱ ﻳﺼﻴﺮ ...
ﻳﺎﺱ : ﻫﺴﻪ ﻏﻴﺮ ﺗﻔﻬﻤﻨﻲ ﺷﻜﻮ؟ ﺷﺼﺎﻳﺮ؟
ﺩﺍﺭ ﻋﻠﻲ ﻛﻠﻲ :
ﻣﺎﺻﺎﻳﺮ ﺷﻲ ... ﺍﺭﻭﺡ ﺑﺬﻳﺞ ﺍﻟﻐﺮﻓﺔ ﺍﺣﺴﻦ ...
ﺑﺎﻟﺒﺪﺍﻳﺔ

ﺍﻧﻘﻬﺮﺕ .. ﻛﻠﻤﺎ ﺟﺎﻳﻬﺎ ﺗﻀﻴﻚ ﻋﻠﻲ ﺍﻟﺪﻧﻴﺎ ﻣﺎﺍﺩﺭﻱ ﺷﻜﻮ ﻭﺍﻟﻔﺮﺝ ﻣﺎﻛﻮ ...
ﺭﺍﺡ ﻳﺼﻴﺮﻟﻲ ﺳﻨﺔ ﻋﻠﻰ ﻫﺎﻱ ﺍﻟﺤﺎﻝ ﻣﺘﺤﻤﻠﻪ ﻭﺳﺎﻛﺘﻪ ﻭﺍﺷﺘﻜﻲ ﻟﻠﻪ ..
ﻭﺍﻛﻮﻝ ﺍﻟﺤﻤﺪﻟﻠﻪ ﻋﺎﻻﻗﻞ ﻣﺤﺪ ﻳﺪﺭﻱ .. ﺑﺲ ﻫﺴﻪ ﻻﺍﺍ
ﻳﺎﺱ : ﻫﺴﻪ ﻻﺍﺍ
ﻛﺮﻡ : ﺷﻨﻮ؟
ﻳﺎﺱ : ﻻﺍﺍ ﻣﺎﺗﺮﻭﺡ ﻫﻨﺎﻙ ... ﻣﺼﺨﺘﻬﺎ ... ﻛﺎﻓﻲ ﻛﺮﻡ ﺍﺫﺍ ﻣﻮ ﻟﺨﺎﻃﺮﻱ ﻟﺨﺎﻃﺮ ﻋﻤﻲ ﻭﻋﻤﺘﻲ ... ﺍﺩﺭﻱ ﻣﺎﻟﻲ ﺧﺎﻃﺮ ﻭﻣﺘﺤﻤﻞ ﻭﺣﺎﻃﻪ ﻧﻊ .... ﺑﺤﻠﻜﻲ ﻭﺳﺎﻛﺘﻪ ... ﺍﻛﻮﻝ ﺍﻟﺤﻤﺪﻟﻠﻪ ﻣﺤﺪ ﻳﺪﺭﻱ ﺑﺎﻟﺠﺎﻱ ﻳﺼﻴﺮ ﺑﻴﻨﻪ ﺑﺲ ﻛﺎﻓﻲ ﻟﺨﺎﻃﺮ ﺍﻟﻠﻪ ﻛﺎﻓﻲ ﻻﺗﺰﻳﺪ ﺍﻟﻨﺎﺭ ﺣﻄﺐ ﻋﻠﻲ ﻣﺎﻟﻲ ﺣﻴﻞ ... ﻭﺍﻟﻠﻪ ﻣﺎﻟﻲ ﺣﻴﻞ ... ﻻﺗﺨﻠﻴﻨﻲ ﺣﺠﻮﻩ ﺑﺤﻠﻚ ﺷﻤﺎﺕ ... ﻋﻔﻴﻪ ﻟﺨﺎﻃﺮﻱ .. ﻟﺨﺎﻃﺮ ﺍﻟﻠﻪ ﻋﻮﻓﻬﻦ ...
ﺍﺑﻘﻰ ﻧﺎﻡ ﺑﺎﻟﺼﺎﻟﺔ ﺑﺮﺍﺣﺘﻚ .. ﺍﺻﻼ ﺍﺗﻌﻮﺩﺕ ﻣﻌﺘﺒﺮﻩ ﻧﻔﺴﻲ ﻣﺎﻣﺘﺰﻭﺟﻪ ﺑﺲ ﻛﻞ ﻫﺬﺍ ﻣﺘﺤﻤﻠﺘﻪ ﺣﺘﻰ ﻻﺗﺼﻴﺮ ﻣﺸﺎﻛﻞ ﻭﺍﻛﻮﻝ ﻟﻌﻞ ﻭﻋﺴﻰ ... ﺑﺲ ﺍﺫﺍ ﺍﺧﺬﺕ ﻫﺪﻭﻣﻚ ﻫﻨﺎﻙ ﺭﺍﺡ ﻳﻌﺮﻓﻮﻥ .. ﻛﻠﻬﻢ ﺭﺍﺡ ﻳﻌﺮﻓﻮﻥ ... ﻭﻣﺎﺭﺍﺡ ﺗﺴﺘﻔﺎﺩ ﺷﻲ ﺑﺲ ﻣﺸﺎﻛﻞ ﺑﻴﻨﻚ ﻭﺑﻴﻦ ﻋﻤﻲ ﻭﻣﺸﺎﻛﻞ ﺍﻛﺒﺮ ﺑﻴﻨﻲ ﻭﺑﻴﻦ ﺍﺑﻮﻱ ﻭﺍﻣﻲ ...
ﻛﺎﻓﻲ ﺣﺮﺍﻡ ﻋﻠﻴﻚ ﺍﻧﻪ ﻫﻢ ﺭﻭﺡ .. ﻫﻢ ﺑﺸﺮ ..
ﻛﺎﻓﻲ ﻛﺴﺮﺕ ﺑﺨﺘﻲ ..
ﻫﺴﻪ ﻫﻢ ﺟﺎﻱ ﺗﻜﺴﺮﻧﻲ ﻛﺪﺍﻡ ﺍﻟﻴﺴﻮﻩ ﻭﺍﻟﻤﺎﻳﺴﻮﻩ ﻣﻦ ﻛﻠﻬﺎ ﺗﺪﺭﻱ ﺍﻧﺖ ﻣﺎﺭﺍﻳﺪﻧﻲ ﻭﻻﺗﺤﺒﻨﻲ ...
ﺍﻟﻤﺼﻴﺒﻪ ﻻ ﺣﺘﻰ ﻟﻮ ﺍﺷﺘﻜﻲ ﻣﺤﺪ ﺭﺍﺡ ﻳﻨﺼﻔﻨﻲ .. ﺍﻭﻟﻬﻢ ﺍﺑﻮﻱ ﻳﺮﺟﻌﻨﻲ ﻣﺜﻞ ﺍﻟﺠﻠﺒﺔ ﺍﻟﻚ ...
ﻭﻣﺎﺍﺭﺍﺡ ﺍﺣﺼﻞ ﺑﺲ ﺍﻟﺤﺠﻲ ﻭﺍﻟﻠﻮﻡ ﻭﺍﻟﺸﻤﺎﺗﻪ ...
ﻓﺪﻭﺓ ﻛﺎﻓﻲ ﻭﺍﻟﻠﻪ ﺗﻌﺒﺖ ﻭﺍﻟﻠﻪ
ﻇﻞ ﺳﺎﻛﺖ ﻭﺩﺍﻳﺮ ﻭﺟﻬﻪ ...
ﺑﻘﻰ ﻭﺍﻛﻒ ﻭﺍﻧﻪ ﻭﺍﻛﻔﻪ ﻛﺒﺎﻟﻪ ﻭﻣﺠﻠﺒﻪ ﺑﺄﻳﺪﻩ ..
ﻳﺎﺱ : ﺍﻧﻪ ﺍﺣﻈﺮﻟﻚ ﻫﺪﻭﻣﻚ ﻣﻦ ﺍﻟﻠﻴﻞ ﺷﻨﻮ ﺗﺮﻳﺪ ﺷﻨﻮ ﺗﺤﺘﺎﺝ ﺍﺧﻠﻴﻬﻦ ﺍﻟﻚ ﻫﻨﺎﻙ ﺍﻟﺼﺒﺢ ﺑﺪﻝ ﻫﻨﺎﻙ ﻭﺍﻃﻠﻊ ﻣﺎﺍﺧﻠﻴﻚ ﺗﺸﻮﻑ ﻭﺟﻬﻲ ﻭﻻ ﺭﺍﺡ ﺍﺿﺎﻳﻘﻚ ﺑﺲ ﻟﺨﺎﻃﺮﻱ ﻻﺗﺴﻮﻱ ﻫﻴﺞ ...
ﺷﻤﺮ ﺍﻟﻬﺪﻭﻡ ﺑﺎﻟﻜﺎﻉ ﻭﻃﻠﻊ ...
ﺟﻨﺖ ﻛﻠﻤﺎ ﺍﻛﻮﻝ ﻭﺻﻠﺖ ﻟﻤﺮﺣﻠﺔ ﺑﻌﺪ ﺗﺸﺒﻌﺖ ﻣﻦ ﺳﻮﺍﻟﻒ ﻛﺮﻡ ﻭﻗﻬﺮﻩ ﻭﺑﻌﺪ ﻣﺎﺍﺑﺠﻲ ﺟﺎﻥ ﻳﺴﻮﻱ ﺷﻲ ﺟﺪﻳﺪ ﻳﺒﺠﻴﻨﻲ ﻋﻠﻰ ﺯﻣﺎﻧﻲ ...
.
.
.
.
ﻳﻤﺸﻲ ﺍﻟﻌﻤﺮ ﺑﻴﻪ ﻭﺍﻧﻪ ﻣﻘﺎﻭﻣﺔ ..
ﻭﻛﺮﻡ ﻣﺜﻠﻤﺎ ﻫﻮ ﻭﻳﺰﻳﺪ ..
ﺩﺧﻠﻨﻪ ﺑﺎﻟﺴﻨﺔ ﺍﻟﺜﺎﻧﻴﺔ ﻭﻻ ﺣﻤﻞ .. ﻭﻻ ﺗﻄﻮﺭ .. ﻭﻻ ﻛﺮﻡ ﻣﺘﺤﺴﻦ ﻭﻳﺎﻱ ...
ﻭﻣﺎﺍﺩﺭﻱ ﺷﺴﻮﻱ ..
ﺟﻨﺖ ﺍﺩﻭﺱ ﻋﻠﻰ ﻧﻔﺴﻲ ﻭﻋﻠﻰ ﻣﺸﺎﻋﺮﻱ ﻭﻋﻠﻰ ﻛﻠﺒﻲ ﻭﺍﻧﻪ ﺍﺷﻮﻓﻪ ﻳﻮﻣﻴﺔ ﻳﻌﺒﺮ ﻋﻠﻰ ﺑﺎﺏ ﻏﺮﻓﺘﻲ ﻋﺒﺎﻟﻚ ﻏﺮﻳﺐ ...
ﺍﺳﺄﻝ ﻧﻔﺴﻲ ﻣﺮﺍﺕ ﻣﻌﻘﻮﻟﺔ ﻣﺤﺪ ﺣﺎﺱ ﺑﺎﻟﻮﺿﻊ ؟
ﻣﻌﻘﻮﻟﺔ ﻣﺤﺪ ﻣﻨﺘﺒﻪ ﻟﺘﻤﺜﻴﻠﻨﻪ؟ ...
ﻣﻌﻘﻮﻟﺔ ﻣﺤﺪ ﻋﺮﻑ ﺑﻲ ﻣﺎﻳﻨﺎﻡ ﺑﺎﻟﻐﺮﻓﺔ؟
ﻳﺎﻟﻠﻪ ﻣﻮ ﻣﻬﻢ ...
ﺑﻜﻞ ﺍﻟﺤﺎﻻﺕ ﻣﺤﺪ ﺭﺍﺡ ﻳﻬﺘﻢ ﻭﻣﺤﺪ ﺭﺍﺡ ﻳﺤﺠﻲ ﻛﻠﻬﺎ ﺗﻐﻠﺲ ﻣﺎﺩﺍﻡ ﺍﻧﻪ ﺳﺎﻛﺘﻪ ...
ﺑﺲ ﻟﺸﻮﻛﺖ ﺍﺳﻜﺖ ...
ﺑﻴﻮﻡ ﻣﻦ ﺍﻻﻳﺎﻡ ﺟﻨﺖ ﻛﺎﻋﺪﺓ ﻳﻢ ﺍﻧﻰ ﺣﻤﺎﺗﻲ ﺍﻟﺰﻏﻴﺮﺓ ﺑﻐﺮﻓﺘﻬﺎ ﻭﺟﺎﻧﺖ ﺗﺪﺭﺱ ﻛﻴﻤﻴﺎ ﻭﺍﻧﻪ ﺍﻗﺮﺍ ﻭﻳﺎﻫﺎ ﻣﻦ ﺑﺎﺏ ﺍﻟﻔﻀﻮﻝ ...
ﺟﻨﺖ ﻣﻦ ﺍﺷﻮﻓﻬﺎ ﺗﻜﻌﺪ ﺗﻘﺮﺍ ﺍﺟﻲ ﺍﻛﻌﺪ ﻳﻤﻬﺎ ﻭﺍﻗﺮﺍ .. ﺍﻟﻬﻲ ﺭﻭﺣﻲ ﻣﻦ ﺍﻟﺘﻔﻜﻴﺮ ﻭﺍﻟﻘﻬﺮ ..
ﺑﺎﻟﻠﻴﻞ ﺧﺎﺑﺮﺗﻨﻲ ﺟﻮﺭﻳﺔ ﺍﺧﺘﻲ ﻭﺳﻮﻟﻔﻨﻪ ﺷﻮﻳﺔ ﺍﻟﻰ ﺍﻥ ﻭﺻﻠﻨﻪ ﻟﻜﺮﻡ ﻭﺍﺧﺒﺎﺭﻱ :
ﻋﻠﻰ ﺣﻄﺔ ﺍﻳﺪﺝ .. ﺷﻴﺼﻴﺮ ﻳﻌﻨﻲ ﺻﺎﺭ ﺳﻨﺘﻴﻦ ﻣﺎﻛﻮ ﻛﻞ ﻓﺮﻕ ﻫﺴﻪ ﺑﻴﻮﻡ ﻭﻟﻴﻠﺔ ﻳﺘﻐﻴﺮ ..
ﺟﻮﺭﻳﺔ : ﺍﻭﻭﻑ ﻋﻠﻰ ﺣﻈﺞ ﻳﺎﻳﺎﺳﺔ ﻣﻨﻴﻦ ﺍﺟﺎﺝ ﻫﺎﻟﻜﺮﻡ ؟
ﻳﺎﺱ : ﺟﻮﺭﻳﺔ ﺍﻛﻠﺞ ﺍﻧﻪ ﺟﺎﻱ ﺍﻓﻜﺮ ﺑﺸﻲ ﻭﺍﺭﻳﺪ ﺍﻛﻠﺞ ﻋﻠﻴﻪ ﺷﺘﻜﻮﻟﻴﻦ ﺑﺎﻟﻠﻪ ؟
ﺟﻮﺭﻳﺔ : ﺩﻛﻮﻟﻲ ﺑﺎﻻﻭﻝ ﻏﻴﺮ ﺍﻋﺮﻑ ﺷﻨﻮ ﻫﻮ ﺍﻟﺸﻲ؟
ﻳﺎﺱ : ﻳﺎﺍﺍ ﺟﺎ ﺍﻧﻪ ﻣﺎﻛﻠﺖ ... ﻳﺎﻣﺼﻴﻮﺑﻪ ﻳﺎﻳﺎﺳﻪ ﻋﻠﻰ ﻫﺎﻟﻌﻤﻠﺔ ... ﺍﻱ ﻋﻮﺩ ﺍﺭﻳﺪ ﺍﺭﺟﻊ ﻟﻠﻤﺪﺭﺳﺔ ..
ﺟﻮﺭﻳﺔ : ﻳﺎﺍﺍ ﺷﻴﺮﺟﻌﺞ ... ﺷﻄﻮﻟﺞ ﺷﻌﺮﺿﺞ ﺗﺮﺟﻌﻴﻦ ﻭﻳﻪ ﺍﻟﻔﺮﻭﺥ ﺍﻟﺰﻏﺎﺭ؟
ﻳﺎﺱ : ﻻ ﻻ ... ﻻ ﻣﺎﺍﺭﻭﺡ ﻟﻠﻤﺪﺭﺳﺔ ﺍﺭﻳﺪ ﺍﺩﺭﺱ ﺧﺎﺭﺟﻲ ﻳﻌﻨﻲ ﺍﺩﺭﺱ ﻭﺍﻧﻪ ﻛﺎﻋﺪﺓ ﺑﺎﻟﺒﻴﺖ ﻭﻣﻦ ﺗﺨﻠﺺ ﺍﻟﺴﻨﺔ ﺍﺭﻭﺡ ﺑﺲ ﺍﻣﺘﺤﻦ ..
ﺟﻮﺭﻳﺔ : ﻭﺭﺟﻠﺞ ؟
ﻳﺎﺱ : ﻫﻮ ﻭﻳﻨﻪ ﺭﺟﻠﻲ ﻳﺪﺭﻱ ﺑﻴﻪ ﻭﻳﻦ ﺍﻟﻠﻪ ﺣﺎﻃﻨﻲ ...
ﺟﻮﺭﻳﺔ : ﺟﺎ ﺷﻠﻮﻥ ﺗﻄﻠﻌﻴﻦ ﺑﺪﻭﻥ ﻋﻠﻤﻪ؟
ﻳﺎﺱ : ﻻ ﻫﻮ ﺍﻭﻝ ﻭﺗﺎﻟﻲ ﺑﻌﺪ ﻻﺯﻡ ﺍﻛﻠﻪ ... ﻋﺎﻻﻗﻞ ﺍﺳﺘﻔﻴﺪ ﺑﺪﻝ ﻣﺎﻛﺎﻋﺪﺓ ﻃﻮﻝ ﺍﻟﻨﻬﺎﺭ ﺑﺤﺪﻱ ﻭﺑﺎﻗﻲ ﺍﻟﻴﻮﻡ ﺍﻃﺤﻦ ﺑﺮﻭﺣﻲ .. ﺭﺍﺡ ﻳﺼﻴﺮ ﺑﻴﻪ ﺳﻜﺮ ﻣﻦ ﺍﻟﻘﻬﺮ ..
ﺟﻮﺭﻳﺔ : ﺍﺳﻢ ﺍﻟﻠﻪ ... ﻭﻳﻨﺞ ﻭﻭﻳﻦ ﺍﻟﺴﻜﺮ ... ﻫﻢ ﺣﻈﺞ ﻫﺬﺍ .. ﺷﻜﻠﺞ ﻳﺎﻳﺎﺳﻪ ﺍﺫﺍ ﻳﻘﺒﻞ ﺭﺟﻠﺞ ﺍﺩﺭﺳﻲ ﺍﺣﺴﻨﻠﺞ ﻭﺍﺳﺘﻔﺎﺩﻱ ﻻﺗﻈﻠﻴﻦ ﻣﺜﻠﻲ ﺗﻠﺘﻬﻴﻦ ﺑﺎﻟﺮﺟﻞ ﻭﺍﻟﺠﻬﺎﻝ ﻭﺗﻨﺴﻴﻦ ﺭﻭﺣﺞ ... ﻋﻴﺸﻲ ﺣﻴﺎﺗﺞ ﻭﻋﻮﻓﻴﻪ .. ﻻﺗﻔﻜﺮﻳﻦ ﺑﻲ ﺍﻧﺴﻴﻪ ﺟﻨﻪ ﻣﺎﻣﻮﺟﻮﺩ ﻫﻮ ﻻﺑﺪ ﻳﺮﺟﻌﻠﺞ ﺑﻴﻮﻡ ... ﺍﺳﺘﻐﻠﻲ ﻭﺟﻮﺩﺝ ﻫﻨﺎﻙ ﻭﺳﻮﻱ ﻛﻞ ﺍﻟﺘﺘﻤﻨﻴﻨﻪ ﻣﺎﺩﺍﻡ ﻫﻮ ﻗﺎﺑﻞ ﻛﻞ ﺍﻟﻤﻤﻨﻮﻉ ﻋﺪ ﺍﺑﻮﺝ ﻻﺗﻀﻴﻌﻴﻦ ﺷﺒﺎﺑﺞ ﻭﻋﻤﺮﺝ ﻭﺍﻧﺘﻲ ﻣﺎﻣﺤﺼﻠﻪ ﺍﻟﻤﺸﻴﺘﻴﻦ ...
ﻫﺬﺍ ﺍﻟﻜﻼﻡ ﺍﻟﻠﻲ ﻏﻴﺮ ﺗﻔﻜﻴﺮﻱ ..
ﻏﻴﺮ ﺣﻴﺎﺗﻲ ..
ﻭﺧﻼﻧﻲ ﺍﻓﻜﺮ ﺑﻨﻔﺴﻲ ..
ﺍﺣﻄﻠﻲ ﺍﻫﺪﺍﻑ ﺑﺤﻴﺎﺗﻲ ..
ﺣﻴﺎﺗﻲ ﻣﺎﻻﺯﻡ ﺗﺘﻮﻗﻒ ﻋﻠﻰ ﻛﺮﻡ ...
ﻻ ﻣﺜﻞ ﻣﺎﻛﺎﻟﺖ ﺟﻮﺭﻳﺔ ﻻﺯﻡ ﺍﺳﺘﻐﻞ ﺍﻟﻮﺿﻊ ﻭﺍﺣﻘﻖ ﺍﻻﺗﻤﻨﺎﻩ ..
.
.
.
ﻇﻠﻴﺖ ﻳﻮﻣﻴﻦ ﺍﻓﻜﺮ ﺑﺎﻟﻤﻮﺿﻮﻉ ﻭﻣﺤﺘﺎﺭﺓ ﺷﻠﻮﻥ ﺍﻓﺘﺢ ﺍﻟﻤﻮﺿﻮﻉ ﻭﻳﺎﻩ ...
ﺍﻧﺘﻈﺮﺗﻪ ﺑﺎﻟﻠﻴﻞ ﻳﺮﺟﻊ ﻭﺍﺣﺠﻲ ﻭﻳﺎﻩ ..
ﺳﺒﺤﺖ ﻭﻛﺸﺨﺖ ﻭﺍﺗﻌﻄﺮﺕ ﻭﻛﻌﺪﺕ ﺟﻮﻩ ﻭﻳﻪ ﻋﻤﻲ ﻭﻋﻤﺘﻲ ﻭﺍﻫﺰ ﺑﺮﺟﻠﻲ ﻣﻦ ﺍﻟﺘﻮﺗﺮ ...
ﻋﻤﻲ : ﻳﺎﺳﻪ ﺑﺎﺑﺎ ﺷﺒﻴﺞ؟
ﻳﺎﺳﻪ : ﻣﺎﺑﻴﻪ ﺷﻲ ﺑﺲ ﻣﻮ ﺟﻨﻪ ﻛﺮﻡ ﺍﺗﺄﺧﺮ ..
ﻋﻤﺘﻲ : ﻻ ﻣﺎﺗﺄﺧﺮ ﻫﺬﺍ ﻭﻗﺘﻪ ﻣﺜﻞ ﻳﻮﻣﻴﺔ ﻫﺴﻪ ﻳﺠﻮﺯ ﺑﺎﻟﻄﺮﻳﻖ ﺑﺲ ﻳﺠﻮﺯ ﺍﻧﺘﻲ ﻣﺸﺘﺎﻗﺘﻠﻪ ﺍﻟﻴﻮﻡ ﻫﻬﻬﻪ
ﺍﺑﺘﺴﻤﺘﻠﻬﺎ ﺟﺬﺏ ﻭﺍﻧﻪ ﺻﺪﻙ ﺍﻟﺸﻮﻙ ﺫﺍﺑﺤﻨﻲ ﺑﺲ ﻛﻄﻌﺖ ﺍﻻﻣﻞ ﻣﻨﻪ ..
ﻛﺎﻓﻲ ﺳﻨﺘﻴﻦ ﺣﺘﻰ ﺍﻟﻀﺤﻚ ﻧﺴﻴﺘﻪ ﺍﺧﻠﺺ ﻧﻬﺎﺭﻱ ﺍﺳﻮﻱ ﺷﻜﻮ ﺣﺎﺟﻪ ﻳﺤﺒﻬﺎ ﻣﺎﺍﺧﻠﻲ ﺟﻮﺍﻧﺎ ﺗﺴﻮﻳﻠﻪ ﻭﺍﻧﻪ ﻣﻮﺟﻮﺩﻩ ..
ﺳﻨﺘﻴﻦ ﺣﺘﻰ ﻻﻫﻠﻲ ﻣﺎﺭﺣﺖ ﻣﺎﻳﻄﻴﻨﻲ ﻛﻠﺒﻲ ﺍﻋﻮﻓﻪ ﻭﺍﺭﻭﺡ ..
ﻧﺎﻳﻢ ﺑﺮﻩ ﺍﻟﻐﺮﻓﺔ ﺑﺲ ﻫﻢ ﻗﺎﺑﻠﻪ ..
ﺍﻟﻤﻬﻢ ﻣﻮﺟﻮﺩ ﻭﻳﻤﻲ ..
ﺍﻟﻤﻬﻢ ﺍﺭﻓﻊ ﺭﺍﺳﻲ ﻣﻦ ﺍﻟﻤﺨﺪﻩ ﺍﺷﻮﻓﻪ ﻛﺒﺎﻟﻲ ﻧﺎﻳﻢ ..
ﺧﺪﻣﺘﻪ ﻭﺍﻧﻪ ﺍﻟﻤﻤﻨﻮﻧﻪ ..
ﺍﺧﺬ ﻫﺪﻭﻣﺔ ﻟﻠﻐﺴﺎﻟﺔ ﻭﺍﺗﺤﺴﺮ ﻋﻠﻰ ﺭﻳﺤﺘﻪ ﻭﺭﻳﺤﺔ ﻋﻄﺮﺓ ..
ﺍﻛﻮﻳﻬﻦ ﻭﺍﺭﺷﻬﻦ ﻋﻄﺮ ﺭﺵ ..
ﺍﻋﻠﻜﻬﻦ ﺑﻐﺮﻓﺘﻲ ﺍﺷﺒﻊ ﻣﻨﻬﻦ ﺷﻮﻑ ﻭﺍﺗﺨﻴﻠﻪ ﻻﺑﺴﻬﻦ ...
ﻗﺒﻞ ﻻ ﺍﻭﺩﻳﻬﻦ ﻟﻠﻐﺮﻓﺔ ﺍﻟﺜﺎﻧﻴﺔ ..
ﺣﺘﻰ ﺍﺣﺘﻪ ﺭﻳﻢ ﻭﺍﺧﻮﻩ ﺭﺿﺎ ﻭﻣﺮﺗﻪ ﺟ

ﻢ ﻣﺮﻩ ﺳﺄﻟﻮﻧﻲ :
ﻣﺘﻀﻮﺟﻴﻦ ﻳﺎﺳﻪ ﻣﻦ ﻛﻌﺪﺓ ﺍﻟﺒﻴﺖ؟
ﻟﻴﺶ ﻣﺘﻜﻮﻟﻴﻦ ﻟﻜﺮﻡ ﻳﻄﻠﻌﺞ؟
ﻣﺎﺩﺍﻡ ﻣﺎﻋﺪﻛﻢ ﻃﻔﻞ ﻳﺮﺑﻄﻜﻢ ﻃﻠﻌﻮﺍ ﻋﻴﺸﻮﺍ ... ﻟﻴﺶ ﻣﺘﺴﺎﻓﺮﻭﻥ ؟
ﻭﺟﻨﺖ ﺍﻛﻠﻠﻬﻢ :
ﻣﺸﻐﻮﻝ ... ﻛﺮﻡ ﻣﺎﻋﻨﺪﻩ ﻣﺠﺎﻝ ﻋﻨﺪﻩ ﺷﻐﻞ ﻭﻣﺎﻳﻜﺪﺭ ﻳﻌﻮﻑ ﺍﻟﻤﺨﺘﺒﺮ ..
ﺟﻨﺖ ﺍﺷﻮﻑ ﺑﻌﻴﻮﻥ ﺍﻟﻜﻞ ﺍﺳﺄﻟﻪ ﺍﻧﻪ ﺍﻟﻤﻔﺮﻭﺽ ﺍﺳﺄﻟﻬﺎ ﺍﻟﻬﻢ ..
ﻣﺎﻇﻠﻴﺖ ﺍﺿﺤﻚ ..
ﻣﺎﻇﻠﻴﺖ ﺍﺗﺸﺎﻗﻪ ...
ﺍﻟﻤﻬﻢ ﺍﻛﻞ ﺭﻭﺣﻲ ﺍﻛﻞ ...
ﺟﻨﺖ ﺍﺷﻮﻑ ﺍﺧﻮﻩ ﺷﻠﻮﻥ ﻣﻬﺘﻢ ﺑﻤﺮﺗﻪ ﻭﺟﻬﺎﻟﻪ ﻭﺟﻨﺖ ﺍﺳﺄﻝ ﺭﻭﺣﻲ ﻣﻌﻘﻮﻟﺔ ﻫﻢ ﻣﺜﻠﻨﻪ ﺑﺲ ﻛﺪﺍﻡ ﺍﻟﻨﺎﺱ ﻫﺬﺍ ﺿﺤﻜﻬﻢ ﻭﺣﺠﻴﻬﻢ ؟
ﺟﻨﺖ ﺍﺷﻮﻑ ﺍﺧﺘﻪ ﻣﻦ ﺗﺠﻴﻨﻪ ﻛﻞ ﺷﻮﻳﺔ ﻳﺘﺼﻞ ﺑﻴﻬﺎ ﺭﺟﻠﻬﺎ ﻳﺴﺎﻝ ﻋﻨﻬﺎ ﻭﻳﺸﻮﻓﻬﺎ ﺧﺎﻑ ﻣﺤﺘﺎﺟﻪ ﺷﻲ ...
ﺟﻨﺖ ﺍﺷﻮﻑ ﻋﻤﻲ ﻳﺴﺄﻝ ﻋﻤﺘﻲ ﻣﺮﺍﺕ ﺍﺫﺍ ﺿﺎﻳﺠﻪ ﻭﺣﺎﺑﻪ ﺗﻄﻠﻊ ﺣﺘﻰ ﻳﻔﺮﻍ ﻧﻔﺴﻪ ﺍﻟﻬﺎ ﻭﻳﻄﻠﻌﻬﺎ ...
ﺑﺲ ﻫﺴﻪ ﺧﻠﺺ ...
ﺍﺭﻳﺪ ﺍﻓﻜﺮ ﺑﺸﻲ ﺛﺎﻧﻲ ﻏﻴﺮ ﻛﺮﻡ .. ﻭﺣﻴﺎﺓ ﻛﺮﻡ ﻭﻏﻤﻮﺽ ﻛﺮﻡ ﻭﺑﺮﻭﺩﻩ ...
ﺍﺭﻳﺪ ﺍﻓﻜﺮ ﺑﺸﻲ ﺍﻳﺠﺎﺑﻲ ...
ﺍﺭﻳﺪ ﺍﻓﻜﺮ ﺍﺳﻮﻱ ﺷﻲ ﺍﻟﻲ .. ﻟﻨﻔﺴﻲ .. ﻟﻤﺴﺘﻘﺒﻠﻲ ...
ﻣﻦ ﺣﻘﻲ ..
ﻭﺭﻩ ﻧﺺ ﺳﺎﻋﺔ ﺍﺟﻪ ..
ﻃﻠﻌﺖ ﻟﻠﺤﺪﻳﻘﺔ ﺍﺳﺘﻘﺒﻠﻪ .. ﻧﺰﻝ ﻣﻦ ﺍﻟﺴﻴﺎﺭﺓ ﺍﺑﺘﺴﻤﻠﻲ ﻛﻠﻲ :
ﺷﻌﻨﺪﺝ ﺍﻟﻴﻮﻡ ﻣﺴﺘﻘﺒﻠﺘﻨﻲ ﻫﻨﺎ؟
ﻫﻢ ﺍﻧﻪ ﺍﺑﺘﺴﻤﺘﻠﻪ ﻛﺘﻠﻪ :
ﺍﺭﻳﺪ ﺍﺣﺠﻲ ﻭﻳﺎﻙ ..
ﻛﺮﻡ : ﻭﻣﺎﻳﺼﻴﺮ ﻧﺤﺠﻲ ﺟﻮﻩ؟
ﻳﺎﺱ : ﻻﻳﺼﻴﺮ ﺑﺲ ﺍﻧﺖ ﺗﺘﻌﺸﻪ ﻭﺗﻨﺎﻡ ﻣﺎﺍﻟﺤﻚ ﺍﺷﻮﻓﻚ ﻭﺍﺣﺠﻲ ﻭﻳﺎﻙ ...
ﻛﺮﻡ : ﻳﺎﻟﻠﻪ ﻳﺎﺑﻪ ﻛﻮﻟﻲ ﺷﻌﻨﺪﺝ؟
ﻳﺎﺱ : ﻳﻌﻨﻲ ﺍﻛﻮﻝ ﺑﺪﻝ ﻛﻌﺪﺗﻲ ﺑﺎﻟﺒﻴﺖ ﺑﺪﻭﻥ ﻓﺎﻳﺪﺓ ﻣﻦ ﺍﻟﺼﺒﺢ ﻟﻠﻴﻞ ﻭﺣﻴﺎﺗﻲ ﻓﺎﺭﻏﺔ ﺍﺭﻳﺪ ﺍﻟﺘﻬﻲ ﺑﺸﻲ ﺍﺳﺘﻔﻴﺪ ﻣﻦ ﻭﻗﺖ ﺍﻟﻔﺮﺍﻍ ..
ﺑﺎﻭﻋﻠﻲ ﺑﻨﻈﺮﻩ ﻣﺎﻓﻬﻤﺖ ﺷﻨﻮ ﻣﻌﻨﺎﻫﺎ ﺑﺲ ﻏﻠﺴﺖ ﻭﻛﻤﻠﺖ ﻛﺘﻠﻪ :
ﺍﺭﻳﺪ ﺍﺩﺭﺱ ﺧﺎﺭﺟﻲ ﺷﺘﻜﻮﻝ؟ ﻣﻮ ﺍﺣﺴﻦ؟
ﺑﻘﻰ ﻳﺒﺎﻭﻋﻠﻲ ﺷﻮﻳﺔ ﺑﻌﺪﻳﻦ ﺍﺗﺪﻧﻪ ﻋﻠﻲ ﺣﻴﻞ ﺑﺎﺱ ﺭﺍﺳﻲ ﻭﻛﻠﻲ :
ﻃﺒﻌﺎ ﺍﺣﺴﻦ ..
ﻋﺎﻓﻨﻲ ﻭﺩﺧﻞ ﻟﻠﺒﻴﺖ ..
ﺧﻼﻧﻲ ﺻﺎﻓﻨﻪ ﻭﻣﺮﺗﺒﻜﺔ ﻣﺎﺑﻴﻦ ﺍﻟﺒﻮﺳﻪ ﺍﻟﻐﻴﺮ ﻣﺘﻮﻗﻌﺔ ﻭﻣﺎﺑﻴﻦ ﻛﻼﻣﻪ ﺍﻟﻤﺎﻓﻬﻤﺖ ﻣﻨﻪ ﻫﻞ ﻫﻮ ﻣﻮﺍﻓﻖ ﻟﻮ ﻻ ...
ﺩﺧﻠﺖ ﻭﺭﺍﻩ ﺷﻔﺘﻪ ﻭﺍﻛﻒ ﻳﺴﻮﻟﻒ ﻭﻳﻪ ﻋﻤﻲ ﻭﻋﻤﺘﻲ ﺷﻮﻳﺔ ﻭﺻﻌﺪ ﻳﺒﺪﻝ ﻭﻳﻐﺴﻞ ...
ﻓﻜﺮﺕ ﺍﺻﻌﺪ ﻭﺭﺍﻩ ﺑﺲ ﺍﺗﺮﺩﺩﺕ ﺑﻘﻴﺖ ﻭﺍﻛﻔﻪ ﺟﻮﻩ ﻳﻢ ﺍﻟﺪﺭﺝ ﻟﺤﺪﻣﺎ ﻧﺰﻝ ﺷﺎﻓﻨﻲ ﻛﻠﻲ ﺑﻨﺺ ﺍﺑﺘﺴﺎﻣﺔ :
ﺷﺒﻴﺞ ﻣﺨﺒﻮﺻﻪ ﻭﺣﺎﻳﺮﺓ؟
ﻳﺎﺱ : ﻻ ﻣﻮ ﺣﺎﻳﺮﺓ ﻋﻠﻴﻤﻦ ﺣﺎﻳﺮﺓ ﺍﻟﻠﻪ ﻻﻳﺤﻴﺮ ﻋﺒﺪﻩ ﺑﺲ ﺍﻧﻪ ﺍﺭﻳﺪ ﺍﻓﺘﻬﻢ ﺍﻋﺮﻑ ﺭﺃﻳﻚ ﺑﺎﻟﻀﺒﻂ ﺷﻨﻮ ﻣﻮﺍﻓﻖ ﻟﻮ ﻻ؟
ﻟﺰﻡ ﺍﻳﺪﻱ ﻭﺑﺎﻭﻋﻠﻬﺎ ﻛﻠﻲ :
ﺍﻭﻝ ﺷﻲ ﻭﻳﻦ ﺣﻠﻘﺘﺞ؟
ﻓﺎﺟﺄﻧﻲ ﺑﺲ ﻛﺘﻠﻪ :
ﻓﻮﻙ ..
ﻛﺮﻡ : ﺍﺫﺍ ﺗﺮﺩﻳﻦ ﺗﺪﺭﺳﻴﻦ ﻭﺗﺪﺍﻭﻣﻴﻦ ﻻﺯﻡ ﻣﺘﻨﺰﻋﻴﻬﺎ ﺣﺘﻰ ﻟﻮ ﺑﺎﻟﺒﻴﺖ ﻫﺬﺍ ﺍﻭﻝ ﺷﺮﻁ ﻋﻨﺪﻱ ..
ﻓﻬﻤﺖ ﻣﻦ ﺣﺠﻴﻪ ﻣﻮﺍﻓﻖ ..
ﻻﺷﻌﻮﺭﻳﺎ ﻛﻤﺰﺕ ﻭﺣﻀﻨﺘﻪ ﻭﺑﺴﺖ ﺧﺪﻩ ...
ﻇﻞ ﻳﻀﺤﻚ ﻭﺑﻌﺪﻧﻲ ﺷﻮﻳﺔ ﻭﺭﺍﺡ ...
ﺑﻘﻴﺖ ﺍﻛﻤﺰ ﻣﻦ ﻓﺮﺣﺘﻲ ﻭﺭﺣﺖ ﺍﺭﻛﺾ ﻟﻌﻤﻲ ﻭﻋﻤﺘﻲ ﻛﺘﻠﻬﻢ ﻭﻫﻢ ﻓﺮﺣﻮﺍ ﻭﺷﺠﻌﻮﻧﻲ ..
ﺑﺲ ﺑﺎﻟﻠﻴﻞ ﻇﻞ ﻋﻘﻠﻲ ﻳﺤﻠﻞ ...
ﺻﺮﺕ ﻣﺜﻠﻪ .. ﻫﻮ ﺷﻐﻠﺘﻪ ﻳﺤﻠﻞ ﻫﺎﻱ ﻭﻇﻴﻔﺘﻪ ..
ﻭﺍﻧﻪ ﻫﺴﻪ ﺍﺭﻳﺪ ﺍﺣﻠﻞ ﺗﺼﺮﻓﻪ ﻭﻳﺎﻱ ﺍﻟﻴﻮﻡ ..
ﺑﺎﺱ ﺭﺍﺳﻲ ..
ﻭﺿﺤﻚ ﻭﻳﺎﻱ ﻭﻛﻠﻲ ﻻﺯﻡ ﺍﻟﺒﺲ ﺍﻟﺤﻠﻘﻪ ﻭﻣﺎﺍﻧﺰﻋﻬﺎ ..
ﻣﻌﻘﻮﻟﺔ ﺑﺪﺍ ﻳﺘﻐﻴﺮ؟
ﻻ ﻻ ﻛﺎﻓﻲ ﻳﺎﺳﻪ ﻻﺗﺮﺟﻌﻴﻦ ﻣﺜﻞ ﺍﻻﻭﻝ ﺗﺮﻛﻀﻴﻦ ﻭﺭﺍﻩ ..
ﻛﺎﻓﻲ ﻋﻴﺸﻲ ﻟﻨﻔﺴﺞ ﻫﺴﻪ ..
ﻓﻜﺮﻱ ﺑﻨﻔﺴﺞ ﻻﺗﺸﺘﺮﻳﻦ ﺍﻟﻘﻬﺮ ...
ﺣﺎﻭﻟﻲ ﺗﺮﺟﻌﻴﻦ ﻳﺎﺳﻪ ﺍﻟﻲ ﺍﻟﻜﻞ ﻳﺤﺐ ﺿﺤﻜﺘﻬﺎ ﻭﺭﻭﺣﻬﺎ ﺍﻟﻤﺮﺣﺔ ﺍﻟﻲ ﺍﺫﺍ ﻏﺎﺑﺖ ﻳﻮﻡ ﻋﻦ ﻣﻜﺎﻥ ﻛﻠﻬﺎ ﺗﻜﻮﻝ ﻭﺣﺸﻪ ﻭﻣﻜﺎﻧﺞ ﻓﺎﺭﻍ ﺩﺭﺳﻲ .. ﺩﺭﺳﻲ ﻭﺍﻧﺴﻲ ﻛﺮﻡ ..
ﻋﻤﻲ ﻣﺎﻗﺼﺮ ﺗﺎﺑﻌﻠﻲ ﻣﻮﺿﻮﻉ ﺍﻻﻣﺘﺤﺎﻥ ﺍﻟﺨﺎﺭﺟﻲ ..
ﻭﺟﻨﺖ ﺍﺩﺭﺱ ﻟﻴﻞ ﻭﻧﻬﺎﺭ ﺍﺩﺭﺱ ...
ﻣﻮ ﺑﺲ ﺟﻮﺭﻳﺔ ﺟﺎﻧﺖ ﺗﺸﺠﻌﻨﻲ ..
ﺍﻟﻜﻞ ﺟﺎﻥ ﻳﺸﺠﻌﻨﻲ ﺣﺘﻰ ﻫﻮ ﻛﺮﻡ ﻧﻔﺴﻪ ﺟﺎﻥ ﻣﺮﺍﺕ ﻳﻌﺎﻣﻠﻨﻲ ﻣﺜﻞ ﺍﻟﺠﻬﺎﻝ ﺍﻟﺰﻏﺎﺭ ﻳﺠﻴﺒﻠﻲ ﻗﺮﻃﺎﺳﻴﺔ ﻭﺩﻓﺎﺍﺗﺮ ﻭﻣﻼﺯﻡ ﺑﺲ ﺟﺎﻥ ﻫﺎﻟﻔﺘﺮﺓ ﺍﺑﻌﺪ ﻣﺎﻳﻜﻮﻥ ﻋﻨﻲ ...
ﺣﻴﺮﻧﻲ ﻫﺎﻟﻜﺮﻡ .. ﻣﺮﻩ ﺯﻳﻦ ﻭﻣﺮﻩ ﻻ ...
ﻟﻴﺶ ﻛﻠﻤﺎ ﺗﺪﻧﻪ ﺧﻄﻮﻩ ﺗﺮﺟﻊ ﺗﺒﺘﻌﺪ ﺍﻛﺜﺮ ﻣﻦ ﺍﻻﻭﻝ؟
ﻣﺴﺎﺅﻭ ﻏﻮﺍﻟﻲ
ﺗﻌﺒﺖ ﻧﻔﺴﻴﺘﻲ ﻣﻦ ﻫﺎﻟﻜﺮﻡ 😔
ﻭﻗﻬﺮﺗﻨﻲ ﻳﺎﺳﺔ
ﺑﺲ ﺍﺣﺴﻦ ﺷﻲ ﺳﻮﺗﻪ ﺭﺟﻌﺖ ﺗﺪﺭﺱ 😊
ﺗﻮﻗﻌﺎﺗﻜﻢ؟ 😘
ﻭﻟﻮ ﺗﺼﻮﻳﺘﻜﻢ ﻭﺗﻌﻠﻴﻘﺎﺗﻜﻢ ﻣﺎﺗﺸﺠﻊ
#روووعه
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

#القلب_بالقلب
بقلم
#روزالفياض
١٠______١١
#بارت١٠
ﺍﻟﺘﻬﻴﺖ ﺑﺪﺭﺍﺳﺘﻲ ..
ﺟﻨﺖ ﻣﺘﻠﻬﻔﻪ ﻭﻋﺸﻄﺎﻧﻪ ﻟﻠﺪﺭﺍﺳﺔ ..
ﺍﺭﻳﺪ ﺍﺻﻴﺮ ﻣﺜﻞ ﻣﺎﺍﺗﻤﻨﻰ ﻋﻨﺪﻱ ﺷﻬﺎﺩﺓ ﻣﺎﺍﺭﻳﺪ ﺍﺑﻘﻰ ﺍﻗﻞ ﻣﻨﻬﻢ ...
ﺍﻗﻞ ﻣﻨﻪ ﻫﻮ ﺑﺎﻟﺬﺍﺕ ...
ﺍﺩﺭﺱ ﺻﺤﻴﺢ ﺑﺲ ﻣﺎﻗﺼﺮﺕ ﺑﺸﻲ ﺗﺠﺎﻫﻪ ..
ﻭﺑﻨﻔﺲ ﺍﻟﻮﻗﺖ ﺍﻧﻪ ﻫﻢ ﺣﺎﻭﻟﺖ ﺍﺑﺘﻌﺪ ﻋﻨﻪ ..
ﺍﻃﻴﻪ ﻣﺠﺎﻝ .. ﻳﻤﻜﻦ ﻳﺤﺘﺎﺝ ﻭﻗﺖ ﺣﺘﻰ ﻳﺘﻘﺒﻠﻨﻲ ..
ﻳﻤﻜﻦ ﺍﻟﺴﻨﺘﻴﻦ ﺍﻟﻔﺎﺗﺖ ﺟﻨﺖ ﺧﺎﻧﻜﺘﻪ ﻣﺎﺍﻃﻴﺘﻪ ﻣﺠﺎﻝ ﻳﺘﻌﻮﺩ ﻋﻠﻲ ﻭﻳﺤﺒﻨﻲ ...
ﺑﺲ ﻟﻴﺶ ﻣﺮﺍﺕ ﺟﻨﺖ ﺍﺣﺴﻪ ﻳﺤﺒﻨﻲ ...
ﻻ ..
ﻻ ..
ﻻﺗﺠﺬﺑﻴﻦ ﻋﻠﻰ ﻧﻔﺴﺞ ﺟﺎﻥ ﻳﻨﻘﻬﺮ ﻋﻠﻴﺞ ﻣﻮ ﺍﻛﺜﺮ ..
ﻳﻌﺮﻑ ﺍﻧﺘﻲ ﻣﻜﺴﻮﺭﺓ ﺍﻟﺠﻨﺎﺡ ﻭﻣﺎﻟﺞ ﺍﺣﺪ ..
ﻭﻳﻌﺮﻑ ﺍﻧﺘﻲ ﺗﺤﺒﻴﻨﻪ ﻣﺜﻞ ﺍﻟﺜﻮﻟﺔ ...
ﺗﻨﺎﺳﻴﺖ ﻛﺮﻡ ..
ﻭﺑﺪﻳﺖ ﺣﻴﺎﺓ ﺟﺪﻳﺪﺓ ..
ﻛﻞ ﺍﻳﺎﻡ ﺍﻻﺳﺒﻮﻉ ﺍﺩﺭﺱ ﻣﺎﻋﺪﺍ ﺍﻟﺠﻤﻌﺔ ﻻﻥ ﻳﺠﻮﻥ ﻋﺪﻧﻪ ﺭﺿﺎ ﻭﻣﺮﺗﻪ ﻭﺟﻬﺎﻟﻪ ..
ﻭﺭﻳﻢ ﻭﺟﻬﺎﻟﻬﺎ ﻭﻣﺮﺍﺕ ﻫﻢ ﻳﺠﻲ ﺭﺟﻠﻬﺎ ..
ﺟﻨﺖ ﺍﻟﺘﻬﻲ ﻭﻳﻪ ﺍﻟﺠﻬﺎﻝ ..
ﺍﺷﻴﻞ ﻫﺬﺍ ﻭﺍﺣﻂ ﻫﺬﺍ ﺑﺲ ﻣﺎﺟﺎﻧﻮﺍ ﻳﺤﺒﻮﻧﻲ ﻣﺜﻠﻤﺎ ﻳﺤﺒﻮﻥ ﻛﺮﻡ ..
ﺟﺎﻥ ﻳﻠﻌﺐ ﻭﻳﺎﻫﻢ ﻭﻣﺎﻳﻀﻮﺝ ﻭﻻﻳﺘﻌﺎﺟﺮ ﻣﻨﻬﻢ ...
ﺷﻴﻄﻠﺒﻮﻥ ﻳﻠﺒﻴﻠﻬﻢ ..
ﺟﺎﻥ ﻣﻦ ﻳﺮﺟﻊ ﺍﻟﺨﻤﻴﺲ ﺑﺎﻟﻠﻴﻞ ﻳﻜﻮﻥ ﺟﺎﻳﺐ ﻭﻳﺎﻩ ﺟﻴﺲ ﺣﻠﻮﻳﺎﺕ ﺷﻜﺒﺮﻩ ...
ﻭﺛﺎﻧﻲ ﻳﻮﻡ ﻳﻮﺯﻋﻪ ﻋﻠﻴﻬﻢ ﺣﺼﺺ ..
ﺍﻭﻝ ﻣﺎﻳﺪﺧﻠﻮﻥ ﻟﻠﺒﻴﺖ ﻳﺴﺄﻟﻮﻥ ﻭﻳﻨﻪ ﺧﺎﻟﻮﺍ ﻛﺮﻡ ؟ ﻭﻳﻨﻪ ﻋﻤﻮ ﻛﺮﻡ؟
ﻳﻮﻡ ﺍﻟﺠﻤﻌﺔ ﺟﺎﻥ ﻣﺎﻳﻜﻌﺪ ﻣﻦ ﻭﻛﺖ ..
ﺑﺲ ﺟﻨﺖ ﻣﻦ ﺍﻧﺰﻝ ﺍﻟﺼﺒﺢ ﺟﻮﻩ ﻳﺸﻴﻞ ﻣﻨﺪﺭﺓ ﻭﻳﺮﻭﺡ ﻳﻨﺎﻡ ﺑﺎﻟﻐﺮﻓﺔ ..
ﺣﺘﻰ ﻟﺤﺪ ﻳﺸﻮﻓﻪ ...
ﺍﺗﻤﻨﻴﺖ ﺍﺣﺪ ﻳﺼﻌﺪ ﻭﻳﺸﻮﻓﻪ ﻧﺎﻳﻢ ﺑﺮﻩ ..
ﺗﻤﻨﻴﺖ ﺍﺣﺪ ﻳﺴﺄﻟﻪ ﻟﻴﺶ؟
ﺑﺲ ﺍﺣﺴﻬﻢ ﻛﻠﻬﻢ ﻳﺪﺭﻭﻥ ﻭﻣﻐﻠﺴﻴﻦ ...
ﻳﻌﺮﻓﻮﻥ ﻛﻞ ﺷﻲ ﺑﻴﻨﻲ ﻭﺑﻴﻨﻪ ﺑﺲ ﻛﻠﻤﻦ ﻳﻜﻮﻝ ﺧﻠﻴﻬﻢ ﻣﺎﻟﻲ ﻋﻼﻗﺔ ...
ﻗﺮﺑﺖ ﺍﻻﻣﺘﺤﺎﻧﺎﺕ ..
ﻛﻞ ﺍﻟﻤﻮﺍﺩ ﺟﺎﻧﺖ ﻋﺪﻱ ﺳﻬﻠﺔ ﺍﻓﺘﻬﻤﺘﻬﺎ ﺑﺴﺎﻉ ﺑﺲ ﺍﻟﻜﻴﻤﻴﺎ ﻭﺍﻟﺮﻳﺎﺿﻴﺎﺕ ..
ﻋﻤﻲ ﺍﺗﻄﻮﻉ ﻳﺪﺭﺳﻨﻲ ﺭﻳﺎﺿﻴﺎﺕ ﻭﻳﺸﺮﺣﻠﻲ .
ﻋﻤﻲ : ﻳﻌﻨﻲ ﺍﻧﺘﻲ ﺗﻌﺮﻓﻴﻦ ﺍﻟﻘﻮﺍﻧﻴﻦ ﺍﻟﻔﻴﺰﻳﺎﺋﻴﺔ ﻛﻮﻟﻬﺎ .. ﻭﺣﺎﻓﻈﺘﻬﺎ ﻭﻓﺎﻫﻤﺘﻬﺎ ﻭﺩﺗﺠﺎﻭﺑﻴﻦ ﻋﻠﻰ ﻛﻞ ﺍﻻﺳﺌﻠﺔ ﻟﻌﺪ ﻟﻴﺶ ﻋﻨﺪﺝ ﺻﻌﻮﺑﺔ ﺑﺎﻟﺮﻳﺎﺿﻴﺎﺕ ؟
ﻳﺎﺱ : ﺷﻤﺪﺭﻳﻨﻲ ... ﻏﻴﺮ ﺍﻧﻪ ﻳﺎﺳﻪ ﺑﻜﻞ ﺷﻲ ﻻﺯﻡ ﻋﻜﺲ ﺧﻠﻚ ﺍﻟﻠﻪ ..
ﻋﻤﻲ : ﺍﻟﻔﻴﺰﻳﺎ ﻭﺍﻟﻜﻴﻤﻴﺎ ﻛﻠﻬﺎ ﻗﺎﺋﻤﺔ ﻋﺎﻟﺮﻳﺎﺿﻴﺎﺕ ﺍﻧﺘﻲ ﺫﻛﻴﺔ ﺑﺲ ﻣﺪﺍ ﺗﺮﻛﺰﻳﻦ ...
ﻳﺎﺱ : ﻭﻫﺎﻱ ﺍﻟﻤﻌﺎﺩﻻﺕ؟ ﻫﻢ ﻣﺎﺍﻋﺮﻑ ﺍﺣﻠﻬﺎ ..
ﻋﻤﺘﻲ : ﻻ ﺣﺮﺍﻡ ﻋﻠﻴﺞ ﻳﺎﺳﻪ ﺯﻭﺟﺞ ﻋﻨﺪﻩ ﻣﺨﺘﺒﺮ ﻭﻣﺨﻠﺺ ﻋﻠﻮﻡ ﻛﻴﻤﻴﺎ ﻭﻣﺘﻌﺮﻓﻴﻦ ﺗﺤﻠﻴﻦ ﺍﻟﻤﻌﺎﺩﻻﺕ ﺍﻟﻜﻴﻤﻴﺎﺋﻴﺔ؟ ﻫﺎﻱ ﻭﺍﻛﻔﻪ .. ﻟﺞ ﻳﺮﺳﺒﻮﺝ ﺑﺲ ﻳﻌﺮﻓﻮﻥ ﺯﻭﺟﺞ ﺧﺮﻳﺞ ﻋﻠﻮﻡ ﻛﻴﻤﻴﺎ ﻫﻬﻬﻬﻬﻪ ...
ﻳﺎﺱ : ﺷﺴﻮﻱ ﺩﻣﺎﻏﻲ ﻣﺠﻴﻢ 😣
ﻋﻤﺘﻲ : ﻣﺠﻴﻢ ﺷﻨﻮ؟
ﻳﺎﺱ : ﻳﻌﻨﻲ ﻣﺰﻧﺠﺮ 😔
ﻋﻤﺘﻲ : ﻫﻬﻬﻬﻪ ﻻ ﻛﻞ ﺷﻲ ﻣﺎﺑﻲ ﻻﻣﺰﻧﺠﺮ ﻭﻻﺷﻲ ﻭﺍﺫﺍ ﻃﻠﻊ ﺑﻲ ﺯﻧﺠﺎﺭ ﺧﻠﻴﻠﻪ ﺯﻳﺖ ﻭﻳﺮﺟﻊ ﺗﻤﺎﻡ ﻫﻬﻬﻬﻪ ..
ﻋﻤﻲ : ﺳﻮﺍﻟﻒ ﺍﻟﻜﻴﻤﻴﺎ ﻫﺎﻱ ﺑﻌﺪ ﺍﺑﻮ ﺍﻟﻜﺮﻡ ﻻﺯﻡ ﻫﻮ ﻳﺸﺮﺣﻠﺠﻴﺎﻫﺎ ﻫﻢ ﻻﺯﻡ ﻳﺘﻌﺐ ﻭﻳﺎﻧﻪ ﺷﻮﻳﻪ ..
ﻳﺎﺱ : ﻻ ﺧﻄﻴﺔ ﻳﺮﺟﻊ ﺗﻌﺒﺎﻥ
ﻋﻤﻲ : ﺷﻮﻑ ﺷﻠﻮﻥ ﺍﺣﻨﻪ ﻧﺘﻌﺐ ﻋﺎﺩﻱ ﺑﺲ ﺯﻭﺟﻬﺎ ﻣﺘﻘﺒﻠﻪ ﺍﻟﺘﻌﺐ ﻫﻬﻬﻪ ..
ﻳﺎﺱ : ﻳﺎﺍ ﺟﺎ ﺷﻠﻮﻥ ﻏﻴﺮ ﺭﺟﻠﻲ ﺍﺭﻳﺪ ﺭﺍﺣﺘﻪ 🙁 ..
ﻋﻤﺘﻲ : ﺷﺒﻴﻚ ﺣﺠﻲ ﻭﻳﺎﻫﺎ ﺷﻨﻮ ﺗﻐﺎﺭ ﻏﻴﺮ ﺯﻭﺟﻬﺎ ﻭﺗﺤﺒﻪ ..
ﻳﺎﺱ : ﺍﻳﻴﻴﻲ ﻫﻨﺎ ﺍﻟﺤﺠﻲ ﺟﺎ ﻛﻠﻮﻟﻲ ﺗﺮﻩ ﻧﻐﺎﺭ 😁 ...
ﻋﻤﻲ : ﻫﻬﻬﻬﻬﻬﻪ ﻟﺞ ﺍﻡ ﻟﺴﺎﻥ
ﻳﺎﺱ : ﺍﺗﺬﻛﺮﺕ ﻗﺒﻞ ﻣﻌﻠﻤﺘﻨﻪ ﺍﻡ ﺍﻟﻘﺮﺍﺀﺓ ﺟﺎﻧﺖ ﺍﻟﻘﺎﻑ ﺗﻠﻔﻈﻬﺎ ﻏﻴﻦ ﻭﺍﻟﻐﻴﻦ ﺗﻠﻔﻈﻬﺎ ﻗﺎﻑ ﻳﻌﻨﻲ ﻣﺎﺗﻜﻮﻝ ﻏﺰﺍﻟﺔ ﻻ ﻛﻠﻪ ﻗﺰﺍﻟﻪ 😂 ..
ﺿﺤﻜﻮﺍ ﻋﻤﻲ ﻭﻋﻤﺘﻲ ﻓﻜﺘﻠﻬﻢ :
ﻫﺴﻪ ﻋﻤﻲ ﻃﻠﻊ ﻗﻴﺎﺭ ﻳﻘﺎﺭ ﻣﻦ ﻋﺪﻧﻪ 😁 ....
ﻋﻤﻲ ﺑﻴﻮﻣﻬﺎ ﻓﻄﺲ ﻣﻦ ﺍﻟﻀﺤﻚ ..
ﻭﻛﻠﻤﺎ ﻳﻼﻛﻴﻨﻲ ﺑﺎﻟﺒﻴﺖ ﻳﻀﺤﻚ ..
ﻭﻋﻤﺘﻲ ﻋﺠﺒﺘﻬﺎ ﺍﻟﻜﻠﻤﺔ ﻇﻠﺖ ﻛﻠﻤﺎ ﺗﺸﻮﻑ ﻋﻤﻲ ﺗﻜﻠﻬﺎ :
ﻫﺎ ﺍﻟﻘﻴﺎﺭ 😂 ﺁﺧﺮ ﺍﻳﺎﻡ ﻗﺒﻞ ﺍﻻﻣﺘﺤﺎﻧﺎﺕ ﺍﺿﻄﺮﻳﺖ ﺍﻟﺠﺄ ﻟﻜﺮﻡ ﺣﺘﻰ ﻳﺸﺮﺣﻠﻲ
ﻛﻢ ﺣﺎﺟﺔ ...
ﺟﺎﻥ ﻛﺎﻋﺪ ﻳﺸﺮﺏ ﺟﺎﻱ ﻳﻢ ﻋﻤﻲ ﻭﻋﻤﺘﻲ ﻛﻠﺖ ﺧﻞ ﺍﺳﺘﻐﻞ ﺍﻟﻔﺮﺻﺔ ﻭﺍﺭﻭﺡ ﺍﻛﻠﻪ ..
ﺭﺣﺖ ﻛﻌﺪﺕ ﻳﻤﻪ ﻭﻛﺘﻠﻪ :
ﻛﺮﻡ؟
ﺍﻟﺘﻔﺘﺖ ﻋﻠﻲ ﻛﻠﻲ :
ﻧﻌﻢ؟
ﻳﺎﺱ : ﺍﻛﻮ ﺷﻐﻼﺕ ﻣﺎﺟﺎﻱ ﺍﻓﺘﻬﻤﻬﺎ ... ﻳﻌﻨﻲ ﺷﻜﺪ ﺩﺭﺳﺖ ﻭﺣﺎﻭﻟﺖ ﺍﺳﺘﻮﻋﺐ ﺑﺲ ﺩﻣﺎﻏﻲ ﻣﺠﻴﻢ ..
ﺑﺎﻭﻋﻠﻲ ﻛﻠﻲ :
ﺩﻣﺎﻏﺞ ﺷﻨﻮ؟
ﻳﺎﺱ : ﻣﺠﻴﻢ ... ﻣﺰﻧﺠﺮ ﻳﻌﻨﻲ ..
ﻛﺮﻡ : ﻣﺼﻄﻠﺢ ﺟﺪﻳﺪ ﻣﻨﻴﻦ ﺗﺠﻴﺒﻴﻦ ﻫﺎﻟﻜﻠﻤﺎﺕ ..
ﻳﺎﺱ : ﺍﻣﻲ .. ﻋﻤﺘﻲ ﺭﺳﻤﻴﺔ .. ﺟﺪﺗﻲ ﺍﻟﻠﻪ ﻳﺮﺣﻤﻬﺎ ... ﻋﺎﺩ ﺟﺪﺗﻲ ﺍﻟﻠﻪ ﻳﺮﺣﻤﻬﺎ ﺟﺎﻧﺖ ﻗﺎﻣﻮﺱ ﻣﺎﻛﻮ ﻛﻠﻤﺔ ﻏﺮﻳﺒﺔ ﻣﺎﺗﻌﺮﻓﻬﺎ ﻫﻬﻬﻪ ..
ﻛﺮﻡ : ﻳﻌﻨﻲ ﺗﺮﺩﻳﻦ ﺍﺷﺮﺣﻠﺞ؟
ﻫﺰﻳﺖ ﺭﺍﺳﻲ ﺍﻱ ﻭﺍﺗﻤﺴﻜﻨﺖ ﺷﻮﻳﺔ ﺣﺘﻰ ﺍﻛﺴﺮ ﺧﺎﻃﺮﻩ 😔 ..
ﻛﺮﻡ : ﻳﺎﻟﻠﻪ ﺍﻭﻙ .. ﺟﻴﺒﻲ ﻛﺘﺒﺞ ﻭﺗﻌﺎﻱ ..
ﻳﺎﺱ : ﻫﺴﻪ ﻃﻴﺎﺭﺓ 🤗 ..
ﺭﺣﺖ ﺍﺭﻛﺾ ﺟﺒﺖ ﻛﺘﺒﻲ ﻭﺯﻋﺎﺑﻴﻠﻲ ﻭﻛﻌﺪﺕ ﺑﺎﻟﻜﺎﻉ ﺑﺴﻄﺖ ..
ﻳﺎﺱ : ﻳﺎﻟﻠﻪ ..
ﻛﺮﻡ : ﻭﻳﻦ ؟ ﺷﻴﻜﻌﺪﻧﻲ ﻫﻨﺎ ﺍﻣﺸﻲ ﻫﻨﺎﻙ ﻋﺎﻟﻄﺎﻭﻟﺔ ﺍﻭ ﺍﻣﺸﻲ ﺑﺎﻟﻤﻄﺒﺦ ﻋﻠﻰ ﻣﻴﺰ ﺍﻟﻄﻌﺎﻡ ..
ﻳﺎﺱ : ﻻ ﻻ ﻋﻠﻴﻤﻦ ﻣﺎﻳﺴﺘﻮﺟﺐ ... ﺗﻌﺎﻝ ﺍﻧﺖ ﺑﺲ ﺗﻌﺎﻝ ﻫﻨﺎ ﻳﻤﻲ ﻭﺍﻟﻠﻪ ﺍﺣﺴﻦ ..
ﻛﻌﺪ ﻳﻤﻲ ﻭﻫﻮ ﻳﺘﺄﻓﻒ ...
ﻛﺮﻡ : ﺍﻣﺮﻱ ﻟﻠﻪ ... ﺷﻌﻨﺪﺝ ﻣﺎﻓﺎﻫﻤﺘﻪ ﺧﻠﻲ ﺍﺷﻮﻑ ؟
ﻃﻠﻌﺘﻠﻪ ﻭﺑﺪﺍ ﻳﺸﺮﺣﻠﻲ ﻭﺍﻧﻪ ﺻﺎﻓﻨﻪ ﻋﻠﻴﻪ ..
ﻟﻴﺶ ﻫﻨﺎ ﺍﻧﺖ ﺣﻨﻮﻥ ﻭﺻﻮﺗﻚ ﺩﺍﻓﻲ ؟
ﻟﻴﺶ ﺗﻀﺤﻚ ﻭﺗﺴﻮﻟﻒ ﻭﻳﺎﻱ ﻭﺍﺣﺴﻚ ﺗﺤﺒﻨﻲ ﻭﻣﻦ ﺗﺼﻌﺪ ﻭﻳﺎﻱ ﺗﻜﺶ ﻣﻨﻲ ؟
ﺯﻳﻦ ﻟﻴﺶ ﻣﺘﺤﻤﻠﻨﻲ ﺍﺫﺍ ﻣﺎﺗﺮﻳﺪﻧﻲ؟
ﺍﻧﺖ ﺭﺟﺎﻝ ﻭﺗﻜﺪﺭ ﺗﻄﻠﻜﻨﻲ ﻣﺎﻛﻮ ﺷﻲ ﻳﻤﻨﻌﻚ ...
ﻣﻮ ﻣﺜﻠﻲ ... ﻣﺤﺪ ﺭﺍﺡ ﻳﻮﻛﻒ ﺑﺠﺎﻧﺒﻲ .. ﻭﻻ ﺍﻛﻮ ﺍﺣﺪ ﺭﺍﺡ ﻳﺴﺎﻋﺪﻧﻲ ﻭﻻ ﺍﻛﺪﺭ ﻳﻤﻜﻦ ﺍﻋﻴﺶ ﺑﺪﻭﻧﻚ ..
ﺍﻧﺖ ﻣﻮ ﻣﺜﻠﻲ ﻣﺎﻣﺮﺑﻮﻁ ﻣﻦ ﻛﻠﺒﻚ ﺍﻟﻲ ﻣﺜﻠﻤﺎ ﺍﻧﻪ ﻣﺮﺑﻮﻃﻪ ﺍﻟﻚ ...
ﻟﻴﺶ؟
ﻣﺘﻌﺒﻨﻲ ﺑﻌﺸﺮﺗﻚ ﻭﺑﻤﺤﺒﺘﻚ ﻟﻴﺶ؟
ﻣﺎﺍﺷﻮﻓﻚ ﺷﺨﺼﻴﺘﻚ ﺿﻌﻴﻔﺔ ... ﺷﻠﻮﻥ ﺍﻧﻔﺮﺿﺖ ﻋﻠﻴﻚ ؟
ﻣﺎﺍﺩﺭﻱ ﺷﺴﻮﻳﻠﻚ ﺣﺘﻰ ﺗﺮﺿﻰ ..
ﺣﺴﻴﺖ ﺑﻲ ﻳﺤﺎﺟﻴﻨﻲ ﺑﺲ ﺗﺮﻛﻴﺰﻱ ﻣﻌﺪﻭﻡ ..
ﻟﺰﻡ ﺍﻳﺪﻱ ﺍﻧﺘﺒﻬﺖ ﻛﺎﻝ :
ﺷﺒﻴﺞ؟ ﻭﻳﻦ ﺻﺎﻓﻨﻪ ؟ ﺍﺣﺠﻲ ﻭﺍﺷﺮﺡ ﻭﺍﻧﺘﻲ ﺑﻐﻴﺮ ﻋﺎﻟﻢ ...
ﻳﺎﺱ : ﻫﺎﺍ ... ﻣﺎﻛﻮ ﺷﻲ ..
ﻛﺮﻡ : ﺷﺘﻔﻜﺮﻳﻦ ﻭﺭﺍﺝ ﺍﻣﺘﺤﺎﻥ ..
ﻳﺎﺱ : ﺑﻴﻚ ...
ﻛﺘﻠﻪ ﺑﻬﻤﺲ ..
ﺑﺎﻭﻋﻠﻲ ﻣﺘﻔﺎﺟﺄ ﺑﻘﻰ ﺳﺎﻛﺖ ﺍﻟﺘﻔﺘﺖ ﻋﻠﻰ ﻋﻤﻲ ﻭﻋﻤﺘﻲ ﺟﺎﻧﻮﺍ ﻳﺒﺎﻭﻋﻮﻥ ﻋﺎﻻﺧﺒﺎﺭ ﻭﻳﺴﻮﻟﻔﻮﻥ ﺳ

ﻮﻩ ﻭﻳﻀﺤﻜﻮﻥ ...
ﺭﺟﻊ ﺑﺎﻭﻋﻠﻲ ﻛﻠﻲ :
ﺷﺒﻴﻪ؟
ﻳﺎﺱ : ﻣﺎﺍﺩﺭﻱ ....
ﻛﺮﻡ : ﺑﺲ ﺍﻧﻲ ﺍﺩﺭﻱ ﺍﻧﺘﻲ ﺷﺒﻴﺞ ..
ﻳﺎﺱ : ﺷﺒﻴﻪ؟
ﻛﺮﻡ : ﺑﻌﺪﻳﻦ ﺍﻛﻮﻟﺞ ...
ﻳﺎﺱ : ﻻ ﻛﻮﻝ ..
ﻛﺮﻡ : ﻻ ﻫﺴﻪ ﺧﻞ ﻧﺪﺭﺱ ﺑﻌﺪﻳﻦ ﺍﻛﻮﻟﺞ ..
ﻳﺎﺱ : ﺧﻮﺵ ...
ﺭﺟﻊ ﻳﺸﺮﺣﻠﻲ ﻭﻳﻔﻬﻤﻨﻲ ﺑﺲ ﺍﻟﻤﺸﻜﻠﺔ ﺍﻧﻪ ﻣﻨﻴﻠﻲ ﺻﺒﺮ ﻭﺍﺗﺤﻤﻞ ﻳﻜﻠﻲ ﺑﻌﺪﻳﻦ ..
ﻳﺎﺱ : ﺍﻭﻛﻒ .. ﺍﻭﻛﻒ ﺷﻮﻳﺔ ..
ﻛﺮﻡ : ﺷﻨﻮ؟
ﻳﺎﺱ : ﻋﻔﻴﺔ ﻛﻠﻲ ﻫﺴﻪ ﺷﻴﺼﺒﺮﻧﻲ ﻟﺒﻌﺪﻳﻦ ..
ﺿﺤﻚ ﻋﻠﻰ ﻛﻴﻒ ﻭﻛﻠﻲ :
ﺍﺫﺍ ﻣﺎﺗﺪﺭﺳﻴﻦ ﻭﺍﻣﺘﺤﻨﺞ ﻭﺗﺠﺎﻭﺑﻴﻦ ﻣﺎﺍﻛﻮﻟﺞ ﺍﻱ ﺷﻲ ..
ﻳﺎﺱ : ﻻ ﻋﻔﻴﺔ ﻻ ﺷﺒﻴﻚ ﻻﺗﺼﻴﺮ ﻧﺤﻴﺲ ..
ﻛﺮﻡ : ﻃﻠﻌﺖ ﻧﺤﻴﺲ .. ﺍﻣﻤﻢ ﺧﻮﺵ .. ﺗﻤﺎﻡ ﺍﺷﻮﻑ ﻣﻨﻮ ﻳﻜﻮﻟﺞ ﺑﻌﺪ ...
ﻳﺎﺱ : ﻻ ﻻ ﻻ ﻭﺍﻟﻌﺒﺎﺱ ﺑﻌﺪ ﻣﺎﺍﺣﺠﻲ ﺍﻫﺎ ﺷﻮﻑ 🙊 ..
ﻛﺮﻡ : ﺍﻭﻙ .. ﺧﻞ ﻧﻜﻤﻞ ...
ﻫﻮ ﻳﺸﺮﺡ ﻭﺍﻧﻪ ﺍﺣﻮﺱ ﺍﻓﻜﺮ ﺑﻜﻠﺒﻲ ﺷﺮﺍﺩ ﻳﻜﻠﻲ ﻳﺎﺭﺑﻲ ﺷﻮﻛﺖ ﻳﺨﻠﺺ ﻫﺎﻟﺸﺮﺡ ﺍﻻﺳﻮﺩ ﺍﻓﻔﻔﻔﻒ 😤 ..
ﻛﺮﻡ : ﺷﺒﻴﺞ ﺗﺘﺄﻓﻔﻴﻦ ... ﺩﺗﻔﺘﻬﻤﻴﻦ ﻋﻠﻲ ﺷﻨﻮ ﺟﺎﻱ ﺍﻛﻮﻝ ﻟﻮ ﻻ ﺗﺮﻩ ﺑﻌﺪﻳﻦ ﺍﻣﺘﺤﻨﺞ ؟
ﻫﺰﻳﺖ ﺭﺍﺳﻲ ﺍﻱ ﻣﺎﺍﺭﻳﺪ ﺍﺣﺠﻲ ﺍﺧﺎﻑ ﺍﺟﻔﺺ ..
ﻛﺮﻡ : ﺗﻤﺎﻡ ﻧﻜﻤﻞ ..
ﻳﺎﺱ : ﺟﺎ ﻏﻴﺮ ﻳﺨﻠﺺ ﺍﻟﺪﺭﺱ ﺍﻧﻜﻄﻊ ﻛﻠﺒﻲ ..
ﻛﺮﻡ : ﺗﺮﻩ ﺩﻭﺧﺘﻴﻨﻲ ... ﺍﻛﻤﻞ ﺍﻟﺪﺭﺱ ﻟﻮ ﻻ؟
ﻳﺎﺱ : ﻻﺍﺍﺀ ... ﻳﻮﻟﻲ ﻣﺎﺍﻛﺪﺭ ﺍﺻﺒﺮ ﻭﺍﻋﺮﻑ ﺷﺒﻴﻪ ﻣﻮ ﻛﺘﻠﻲ ﺗﻜﻠﻲ ﺑﻌﺪﻳﻦ؟
ﻛﺮﻡ : ﻛﺘﻠﺞ ﻣﻦ ﻳﺨﻠﺺ ﺍﻟﺪﺭﺱ ..
ﻳﺎﺱ : ﺟﺎ ﻣﺎﺧﻠﺺ ؟ 😣..
ﻛﺮﻡ : ﻻ ﺑﻌﺪ ﻣﻦ ﺗﻔﺘﻬﻤﻴﻦ ﻭﺗﺴﺘﻮﻋﺒﻴﻦ ﻳﺨﻠﺺ ..
ﻳﺎﺱ : ﺧﺮﺏ ﻋﻠﻰ ﻛﻴﻔﻚ ﻛﺮﻡ ﻣﻮ ﻫﻴﺞ ﻫﻤﺰﻳﻦ ﺍﻧﺖ ﻣﻮ ﻣﻌﻠﻢ ﺟﺎ ﻛﻄﻌﺖ ﻛﻠﺒﻲ .. ﻋﻔﻴﻪ .. ﻋﻔﻴﻪ ..
ﺿﺤﻚ ﻛﺎﻝ :
ﺷﻜﻮ ؟ ﺷﻨﻮ ﺷﺘﺮﺩﻳﻦ؟
ﻳﺎﺱ : ﻛﻮﻝ ﺷﻨﻮ ﺭﺩﺕ ﺗﻜﻮﻝ ﻋﻠﻲ ﻣﺴﺎﻉ ؟
ﻟﺰﻡ ﺍﻳﺪﻱ ﻭﺍﻧﺘﻬﺪ ﻛﻠﻲ :
ﺍﻭﻙ ﺗﻌﺎﻱ ﻭﺭﺍﻱ ﺑﺪﻭﻥ ﺻﻮﺕ ..
ﺭﺍﺡ ﻭﺍﻧﻪ ﻟﻤﻴﺖ ﻛﺘﺒﻲ ﻭﺭﺣﺖ ﻭﺭﺍﻩ ﺍﺭﻛﺾ ...
ﺷﻔﺘﻪ ﺻﻌﺪ ﻓﻮﻙ ﺻﻌﺪﺕ ..
ﺑﺲ ﻣﺎﺩﺧﻞ ﻟﻠﻐﺮﻓﺔ ﺑﻘﻰ ﻭﺍﻛﻒ ﺑﺎﻟﺒﺎﺏ ..
ﻭﺻﻠﺖ ﻳﻤﻪ ﻛﺘﻠﻪ :
ﺷﻜﻮ؟
ﺳﺤﺒﻨﻲ ﻣﻦ ﺍﻳﺪﻱ ﻟﻠﻐﺮﻓﺔ ﺍﻟﺜﺎﻧﻴﺔ ﺩﺧﻠﻨﻪ ﻭﺳﺪ ﺍﻟﺒﺎﺏ ..
ﻇﻠﻴﺖ ﻭﺍﻛﻔﻪ ﻣﺴﺘﻐﺮﺑﺔ ﻭﻣﺘﺎﻧﻴﺔ ..
ﻇﻞ ﻭﺍﻛﻒ ﻳﺒﺎﻭﻋﻠﻲ ..
ﻳﺎﺱ : ﺟﺎ ﻏﻴﺮ ﻳﺤﺠﻲ ﺯﺭﻑ ﻛﻠﺒﻲ ...
ﺿﺤﻚ ﺣﻴﻞ ﻭﺑﺎﺱ ﺍﻳﺪﻱ ...
ﺍﺗﻌﺠﺒﺖ ...
ﻟﺤﻈﺎﺕ ﺣﺴﻴﺖ ﻧﻔﺴﻲ ﻳﻤﻜﻦ ﺑﺤﻠﻢ ﻣﻮ ﺣﻘﻴﻘﺔ ..
ﻛﻠﻲ :
ﺷﺒﻴﺞ؟
ﺑﻠﻌﺖ ﺭﻳﻜﻲ ﺍﺧﺎﻑ ﺍﺣﺠﻲ ﺧﺎﻑ ﻳﺨﻠﺺ ﺍﻟﺤﻠﻢ ﻫﺰﻳﺖ ﺭﺍﺳﻲ ﻣﺎﻛﻮ ﺷﻲ ..
ﻛﺮﻡ : ﺍﺷﻮ ﺳﻜﺘﻲ ﻣﻮ ﺟﻨﺘﻲ ﻣﺎﻛﻠﻪ ﺭﺍﺳﻲ ﻭﻣﺪﻭﺧﺘﻨﻲ ﺟﻮﻩ ﺗﺮﺩﻳﻨﻲ ﺗﻌﺮﻓﻴﻦ ﺷﺒﻴﺞ؟
ﻫﺰﻳﺖ ﺭﺍﺳﻲ ﺍﻱ ﻛﺎﻝ :
ﻣﺎﺑﻴﺞ ﺷﻲ ...
ﻣﺪ ﺍﻳﺪﻩ ﻋﻠﻰ ﺷﻌﺮﻱ ﻓﺘﺤﻪ ...
ﻛﻠﺒﻲ ﻇﻞ ﻳﺪﻙ .. ﻣﻦ ﻛﺪﻣﺎ ﻳﺪﻙ ﺧﻔﺖ ﻻﻳﻄﻠﻊ ﻣﻦ ﺻﺪﺭﻱ ﺧﻠﻴﺖ ﺍﻳﺪﻱ ﻋﻠﻰ ﻛﻠﺒﻲ ﻛﺎﻝ .:
ﺷﺒﻴﺞ ..
ﻛﺘﻠﻪ ﺑﺴﺮﻋﺔ :
ﻣﺎﺍﺩﺭﻱ ﺷﻮ ﻛﻠﺒﻲ ﻇﻞ ﻳﺪﻙ ..
ﺍﺑﺘﺴﻢ ﺍﺑﺘﺴﺎﻣﺔ ﺍﻟﻬﺎ ﻣﻌﻨﻰ ﻭﺍﺣﺪ ...
ﻳﺤﺒﻨﻲ ...
ﻣﻌﻘﻮﻟﻪ؟
ﻟﺰﻣﺖ ﺍﻳﺪﻩ ﻭﺧﺮﺗﻬﺎ ﻣﻦ ﺷﻌﺮﻱ ﻛﺘﻠﻪ :
ﻋﻔﻴﺔ ﻣﺎﻟﻲ ﺣﻴﻞ ﺗﺸﻠﻊ ﻛﻠﺒﻲ ﻛﺮﻡ ... ﺗﻌﺒﺖ ...
ﺣﻀﻨﻲ ﻛﻠﻲ ﺑﻬﺪﻭﺀ :
ﺍﻧﻲ ﻫﻢ ﺗﻌﺒﺎﻥ ... ﻭﻣﺸﻠﻮﻉ ﻛﻠﺒﻲ ..
ﻭﺧﺮﺕ ﺷﻮﻳﺔ ﻛﺘﻠﻪ :
ﺍﻱ ﻟﻴﺶ؟
ﺭﺟﻊ ﺣﻀﻨﻲ ﻭﺧﻠﻪ ﺭﺍﺳﻲ ﻋﻠﻰ ﺻﺪﺭﻩ ﻛﻠﻲ :
ﻣﺎﺍﺭﻳﺪ ﺍﺣﺠﻴﻠﺞ ﻭﺍﺿﻮﺟﺞ ..
ﻳﺎﺱ : ﺍﻧﻪ ﻗﺎﺑﻠﻪ ﺿﻮﺟﻨﻲ ... ﺑﺲ ﺍﺭﻳﺪ ﺍﻋﺮﻑ ﺷﺒﻴﻚ ﻭﺍﺭﺗﺎﺡ ...
ﻛﺮﻡ : ﺍﺷﺸﺸﺶ ... ﻛﺎﻓﻲ ﺣﺠﻲ ...
ﺳﻜﺘﻨﻲ ... ﺑﻘﻰ ﺣﺎﺿﻨﻲ ﻭﺍﻧﻪ ﺻﺎﻓﻨﻪ ﻭﺍﻟﻒ ﻓﻜﺮﺓ ﺑﺮﺍﺳﻲ ﻭﻛﻠﺒﻲ ﻣﺤﺘﺮﻙ ﻋﻠﻴﻪ ﺍﻟﻰ ﺍﻥ ﻛﻠﻲ :
ﺑﻄﻠﺘﻲ؟ ﻣﺘﺮﺩﻳﻦ ﺗﻌﺮﻓﻴﻦ ﺷﺒﻴﺞ؟
ﻳﺎﺱ : ﺷﺒﻴﻪ؟
ﻛﺮﻡ : ﺗﺤﺒﻴﻨﻲ ...
ﻳﺎﺱ : ﻫﺎﺍﺍ؟
ﻛﺮﻡ : ﺍﻧﺘﻲ ﺗﺤﺒﻴﻨﻲ ...
ﻭﺧﺮﺕ ﻛﺘﻠﻪ ﺑﻌﺼﺒﻴﺔ :
ﺷﻮ ﻭﺧﺮ .. ﻭﺧﺮ ﺍﻟﻠﻪ ﻳﻄﻴﻚ .. ﺻﺎﺭﻟﻲ ‏( ٣ ‏) ﺳﺎﻋﺎﺕ ﺍﺗﻮﺳﻞ ﺑﻴﻚ ﻋﺒﺎﻟﻲ ﻋﺪﻙ ﺷﻲ ﺑﻲ ﺣﻆ ..
ﺟﺮﻧﻲ ﻣﻦ ﺍﻳﺪﻱ ﺣﻴﻞ ﻛﻠﻲ ﻭﻫﻮ ﻳﻀﺤﻚ :
ﻣﺎﻋﺠﺒﺞ ﺍﻟﺤﺠﻲ؟ ﻫﺴﻪ ﻃﻠﻊ ﺷﻲ ﻣﺎﺑﻲ ﺣﻆ؟
ﻳﺎﺱ : ﻻ ﻻﻥ ﺧﺒﺮ ﻗﺪﻳﻢ ﻫﺬﺍ ﺍﻗﺪﻡ ﻣﻦ ﺭﺍﺱ ﺍﻟﺒﺼﻞ ...
ﺭﺟﻊ ﺿﺤﻚ ﻛﺎﻝ :
ﺑﺲ ﺍﻧﻲ ﺗﻮﻩ ﻳﺎﻟﻠﻪ ﻋﺮﻓﺖ ﺑﻲ ..
ﻗﻬﺮﺗﻨﻲ ﺣﺠﺎﻳﺘﻪ ﻛﺘﻠﻪ ﺑﻜﺴﺮﺓ ﺧﺎﻃﺮ :
ﻻﻥ ﺍﻧﺖ ﻣﺎﻋﺪﻙ ﺍﺣﺴﺎﺱ ...
ﺑﻘﻴﺖ ﻭﺍﻛﻔﺔ ﻣﺘﺎﻧﻴﺔ ﺍﻟﻜﻔﺨﺔ ﺑﺲ ﻣﺎﺣﺠﻪ ﺷﻲ ﻭﻻ ﻛﻔﺨﻨﻲ ﺑﺎﻟﻌﻜﺲ ﺭﺟﻊ ﺣﻀﻨﻲ ﺣﻴﻞ ﻭﻛﻠﻲ :
ﻇﺎﻟﻤﺔ ... ﺍﻧﺘﻲ ﻇﺎﻟﻤﺔ ...
ﻣﺎﻫﺎﻥ ﻋﻠﻴﻪ ﻳﻨﻄﻘﻬﺎ ﻭﻳﻜﻠﻲ ﺍﺣﺒﺞ ..
ﻣﺎﺭﺍﺩ ﻳﺮﻳﺤﻨﻲ ﻭﻳﺴﻤﻌﻨﻴﺎﻫﺎ ﻭﻟﻮ ﻣﺮﻩ ..
ﻭﻳﻜﻠﻲ ﻇﺎﻟﻤﺔ ...
ﻣﻨﻮ ﺍﻟﻈﺎﻟﻢ ﺍﻧﻪ ﻟﻮ ﺍﻧﺖ ؟
ﻛﻞ ﻫﺬﺍ ﻭﻇﺎﻟﻤﺔ ؟
ﻳﺎﻭﻳﻞ ﻛﻠﺒﻲ ...
ﺣﻀﻨﺘﻪ ﻭﺧﻠﻴﺖ ﺭﺍﺳﻲ ﺑﺼﺪﺭﻩ ﺣﺘﻰ ﻻﺗﻄﻴﺢ ﺩﻣﻌﺔ ﻛﺪﺍﻣﻪ ..
ﺑﺲ ﺟﺎﻥ ﻛﺮﻡ ﻣﻮ ﻧﻔﺴﻪ ﻛﺮﻡ ...
ﻫﺬﺍ ﻛﺮﻡ ﻣﺨﺘﻠﻒ ....
ﻭﻣﺎﺍﻋﺮﻓﻪ ﺷﻨﻮ ﺑﺲ ﺣﺴﻴﺖ ﺑﻲ ﻣﻦ ﻛﻼﻣﻪ ﻭﺗﺼﺮﻓﺎﺗﻪ ...
ﻛﺮﻡ : ﻳﺎﺳﻪ؟
ﻳﺎﺱ : ﻫﺎﺍ؟
ﻛﺮﻡ : ﻛﻢ ﻛﺘﻠﺞ ﻟﺘﻜﻮﻟﻴﻦ ﻫﺎﺍ ﻛﻮﻟﻲ ﻧﻌﻢ ..
ﻳﺎﺱ : ﺍﻫﻮﻭﻭ ﺍﻧﺴﻰ .. ﻳﺎﻟﻠﻪ ﻧﻌﻢ ..
ﻛﺮﻡ : ﺷﻜﺪ ﺗﺤﺒﻴﻨﻲ ؟
ﺑﻘﻴﺖ ﺳﺎﻛﺘﻪ ﻛﺎﻝ :
ﺍﺣﺠﻲ؟
ﻳﺎﺱ : ﻣﺎﺍﺩﺭﻱ ... ﻳﻤﻜﻦ ﻫﻮﺍﻱ ﻭﻳﻤﻜﻦ ﺷﻮﻳﺔ ..
ﻛﺮﻡ : ﺯﻳﻦ ﻛﻮﻟﻴﻬﺎ ..
ﻳﺎﺱ : ﺷﻜﻮﻝ؟
ﻛﺮﻡ : ﻛﻮﻟﻲ ﺍﺣﺒﻚ ..
ﻳﺎﺱ : ﻣﺎﺍﻛﺪﺭ ... ﺍﺣﺲ ﻫﺎﻱ ﺍﻟﻜﻠﻤﺔ ﺑﺮﺩﺕ ﻋﻠﻰ ﻟﺴﺎﻧﻲ ﻣﺎﻟﻲ ﻭﺍﻫﺲ ﺍﻛﻮﻟﻬﺎ ﺑﻌﺪ ..
ﺑﺎﻭﻉ ﻟﻮﺟﻬﻲ ﺑﻌﺼﺒﻴﻪ ﻭﻛﻠﻲ :
ﻟﻴﺶ؟
ﻳﺎﺱ : ﻣﺎﺍﺩﺭﻱ .. ﻳﻤﻜﻦ ﻻﻥ ﻣﺎﺣﺴﻴﺘﻚ ﺑﻴﻮﻡ ﺍﻧﺖ ﺗﺤﺒﻨﻲ ...
ﻛﺮﻡ : ﻭﺍﻟﻠﻪ؟
ﻳﺎﺱ : ﻭﺍﻟﻠﻪ ..
ﻟﺰﻡ ﻭﺟﻬﻲ ﺣﻴﻞ ﺑﻴﺪﻩ ﻭ 💏 ..
.
.
.
.
ﻛﻴﻒ ﻫﻮ ﺍﻻﻣﻞ ؟ ..
ﻭﻫﺎ ﺍﻧﺎ ﺗﺤﺖ ﺭﺣﻤﺔ ﻣﻦ ﻻﻳﻌﺮﻑ ﺍﻟﺮﺣﻤﺔ ..
ﺍﺗﺤﺮﻕ ﺷﻮﻗﺎ ﻟﻠﻤﺴﺔ ﺗﺤﻤﻠﻨﻲ ﻓﻮﻙ ﺍﻟﺴﺤﺎﺏ ..
ﺗﻌﺒﺮ ﻟﻲ ﻋﻦ ﺣﺐ ﻳﺄﺳﺖ ﻣﻦ ﻭﺟﻮﺩﻩ ..
ﻭﺗﺤﻤﻠﻨﻲ ﻛﻠﻤﺎﺗﻪ ﺑﻌﻴﺪﺍ ﻋﻦ ﻋﺎﻟﻤﻲ ..
ﻓﺎﻧﺎ ﺍﻻﻥ ﺍﻣﻴﺮﺓ ﻻﻣﻴﺮﻱ ..
ﺍﻣﻴﺮﺓ ﻛﺎﻟﻘﺼﺺ ﺗﻨﺎﻡ ﻻﻋﻮﺍﻡ ﺑﺴﺒﺐ ﺗﻔﺎﺣﺔ ﻣﺴﻤﻮﻣﺔ ﻟﺘﺼﺤﻮ ﻋﻠﻰ ﻗﺒﻠﺔ ﻣﻦ ﺃﻣﻴﺮﻫﺎ ..
ﺗﻐﻴﺮ ﺍﻟﺰﻣﻦ ..
ﻗﺒﻠﺔ ﺍﺑﺘﺪﺃﺕ ﺑﺎﻟﻨﻈﺮﺍﺕ ﻟﺘﻨﺘﻬﻲ ﻛﻤﺎ ﺗﻨﺘﻬﻲ ﻟﻴﻠﺔ ﻋﺮﻭﺱ ﻣﻠﻜﻴﺔ ..
ﻓﻲ ﻗﺼﺮ ﺫﻫﺒﻲ ﻋﺎﺟﻲ ﻛﺄﻧﻨﻲ ﻓﻲ ﺟﻨﺔ ﺍﻟﺨﻠﺪ ..
ﻭﺗﻄﻮﻑ ﻋﻠﻲ ﻓﺮﺍﺷﺎﺕ ﻣﻠﻮﻧﻪ ..
ﻭﺗﺤﺘﻀﻨﻨﻲ ﺍﻟﻮﺭﻭﺩ ﻭﺍﻻﺯﻫﺎﺭ ﻭﺍﻟﺰﻧﺎﺑﻖ ..
ﻭﺍﺭﺗﻮﻱ ﺑﻨﻬﺮ ﻣﻦ ﺍﻟﻘﺒﻞ ..
ﻫﺬﺍ ﻫﻮ ﺍﻻﻣﻞ ..
................................
ﻣﺎﺍﺗﻤﻨﻴﺖ ﻫﺎﻟﻠﻴﻠﺔ ﺗﺨﻠﺺ ..
ﻟﻴﻠﺔ ﺟﺎﻧﺖ ﺍﺣﻠﻰ ﻣﻦ ﻟﻴﻠﺔ ﻋﺮﺳﻨﻪ ...
ﺷﻔﺖ ﺑﻴﻬﺎ ﻛﺮﻡ ﺍﻟﺸﻔﺘﻪ ﺑﺲ ﺑﻠﻴﻠﺔ ﺍﻟﻌﺮﺱ ..
ﻛﺮﻡ ﺍﻟﻤﻮﺟﻮﺩ ﺟﻮﻩ ﻳﻢ ﺍﻫﻠﻪ ﻭﻟﻮ ﺻﻌﺪ ﻳﺼﻌﺪ ﺑﺲ ﺟﺴﺪ ...
ﻏﻔﻴﺖ ..
ﺭﻏﻢ ﺑﻌﺪﻧﻲ ﺍ