الي كتله..
يعني بس لبسي ؟؟؟
زين اذا ماعجبك تخيلني ميما بهذا اللبس مااعجبك؟؟؟
مااشوفه الا طفر وعاط بيه..

لتجيبين هالسيرة فاااااااهمة؟؟؟؟
هيج منج وهيج من ميما وضل يفشر..
غميت روحي هسه شوداني ع صخمة مو الامور حلوة وهو امبين عجبته..
عاد كام طلع واني بقيت لوحدي..
فكرت بطريقه ثانيه الا اكسبه بعد هو زوجي..
وبت خالتي علمتني كالت حبلي حتى تكسببي..
اني شسويت بقيت بثوبج رغم هو طويل واني ماعدي جسم بس عجبه..
بقيت بي ورجع للغرفه ونام شفته ..
كمت فتحت الضوا الاحمر وتحرشت بي علمتني بت خالتي شلون اتحرش ههه ..

وهو نايم حس عليه وشبكني وميدري بنفسه كلش..
بقى يبوس بيه ويشم يكلي اعشق عطرج ويتغزل بيه ..
سواني اليسا من الغزل خبصني احب صدرج هههه كلت لا هذا صدك حلمان ههههه

اني منيلي صدر..
بس جابت نتيجة وتقربلي وكمل وهو متونس ولا ضاج مني..
بس من فز الفجر ولكاني يمه سواها قيامة
عاط بيه وضربني يكلي ماتقربتلج اني
مو انت تفربتلج شلون هيج
غلست عليه بلكي احبل ادعيلي..

اففف يا ياسه تحجين صدك يمعوده
كون الزم ها اقاربج النصحتج واشنقها ع هيج نصيحة..
لج انت غبية زوجج ممتفاهمة ويا وتروحين تخلفين؟؟؟
يعني هسه بلا طفل وماشايفج كدامه اصلا وممعبرج..
تالي من يجي طفل رح يهتم بيج؟؟؟فكري بيها انت ليش متسرعة ومتفكرين بوعي؟؟؟؟
يعني اذا حبلتي وهو مراد اطفال شيسويلج؟؟؟
رح يضربج ويطيح حظج تدرين؟؟؟
صديقتي زوجها محذرها من الاطفال ومن حبلت وعرف بيها ضربها لحد مامات طفلها ببطنها..
تريدين هيج يسويلج جراح؟؟؟

ها يعني مااحبل تكولين مروة انت ذكية تعرفين تتصرفين..
اني ماعرف بس اريد اكسبه..
كسبي بغير طرق..بس الخلفة اجليها ماما بعدج وينج وين الخلفة انت خرررب..
حركت دمي بتصرفاتها لا ولابسه ثوبي الفطيره..
ختمته وياها وبقيت افكر بالثوب اخاف حرام عليه لان تلبسه وهو جراح يعرف بي مالتي..
بقيت محتارة..
مر اليوم عادي كلمن بغرفته لان البيت محد بي ..
ابوهم ومهند بالشغل ومحسن يداوم كلية هندسة محافظات ..
وبتهم متزوجة ..
يعني العائلة قليلة وكلمن بغرفته وفونه بيده وناسي الدنيا..

يوم ثاني كالعادة كعدت الصبح تريكت كليت بيض وحليب واكلت..
نزلت سولفت وي عليا شويه وكت الصلاة صعدت صليت..
ورجعت نزلت لان غداي وياهم وهم موصين من برا ..
كالت نزلي لان يجيبو ورا الصلاة..
نزلت رابت السفرة وي علياء وتسولف شلون قيس دايخ عليه وتكول محبلته من شافج خبصني بيج وبس يحجي بيج
هو سره عدها وهالشي انطاني امل..
يعني اكدر اتطقس واسال يمكن تعرف شي ...

طلعت ام قيس من باب المطبخ وجابت الاكل لان دليفري ..
حطته ع الميز وكعدنا ناكل وعليا ابنها بحضنها تاكل وتسولف..
شوية وانفتح الباب قيس اجه..
سلم وباس راس امه وباسني من خدي..
استغربنا من جيته كال تغير نظام دوامي صار يومين بيوم..
اكل ويانا وخلصنا. وصعدنا ..
اول ماصعدنا حضني حييل ويشم بيه ويبوس..
اني احاول اندمج لان هاي حياتي ماكو مفر منها..
وهو تصرفاته توحي بحب قوي..
كلت انسى الماضي واحاول اتأقلم..

تقربلي بلهفة وشوق كانه اول مرة...
حاولت اتفاعل ويا بس ماعرف كل احساس ماكو..
هو هالشي ميمنعه لو ياثر بي..
يوصل لقمه النشوة والسعادة وميهتم..
كمل ونام بصفي..
حاضني ويلعب بشعري وكلساع وعصرني حيل..
غفى واني شويه وغفيت..

خلال نومتي حسيت احساس حلو بس ماعرف شنو هو..
تخيلي قيس يبوس بركبتي ويلمسني..
بس عبالي حلم..
تفاعلت ويا وبادلته الشعور بقيت ابوس بي واحضنه حيل وابوس بركبته..
تقربلي ويهمس باذني كلام حلو وكمل وبقيت بحضنه..
بس اني ماعرف اذا حلم او حقيقة..
ورا فترة كعدت لكيته مو يمي بالفراش..
اباوع الدنيا ليل امبين..

فتحت فوني باوعت بي ..
مسجات واتساب فتحتها كروبات وقيس دازلي..

اليوم نتعشى برا اذا كعدتي حضري نفسج..
اني خابروني بشغل وطلعت شويه وارجع ..
دزيتله اوكي..
بقيت متمدده برد واحد ميتمنى يترك الفراش..
فتحت فيس شويه ورحت ع انستاغرام تصفحت..
شفت قيس منزل حالة..
فتحتها يؤ هذا شنوو!!!
جهة رگبتة بيها اثر بوسة
حيل قوي يصير قريب اذنه!!!!
شنو هذذا!!!!


بالنسبة لقيس يشبه هذا اللاعب نسخة بدوووون فرللحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٠
كان صديقي
الجزء العشرون

ركزت بالصورة اكثر اري اتاكد هاي ركبته ؟؟
اي اي ركبته وبيها طبع بوسه؟؟؟
معقوله قيس ناشرها حتى يقهرني ويبينلي هو مباقي عليه؟؟؟
ضليت ماعرف افكر..
شويه ودخل للغرفه سلم واجه يمي..
باوعت لركبته واضحة بالصدك اكثر!!
عزاااا منين هاي ؟؟
تقرب مني باسني بخدي..
ليش لهسه ممتحضرة مو دزيتلج مسج؟
قيس شبيها ركبتك؟؟
لزمها بيده وابتسم..
بيها اثر من حبيبة روحي ..شايفه هالاثر البسيط خلاني اطير اعلى من النجم واتباهى
تخبلين مساع بين ايديه..

شنووو قيس شوكت سويته اني؟؟؟
مساع ورا مانمنا شنو نسيتي؟؟
لو ماحاسه جنتي!!

احاجي نفسي عبالي حلم طلع صدك
بس مابينتله اني مجنت واعية..
درت الموضوع..
يعني معقوله من بوستي مساع صار الاثر !!
اي بيبي الشخص من يتفاعل ميحس بنفسه ..
امم لعد ليش تنشره مو عيب..
لا منين عيب بالحلال قابل حرام؟؟

اممم صدك قيس امك فد مرة تكول انت شبعان من النسوان صح؟
ماجذب عليج اني هواي عرفت بنات تعرفين البنات يدورن فلوس وشكل
واني مو اتباهى بس هي واضحة
صح اكبل واسوي علاقات ولقاءات بس بارادتهن وهن يطلبن
وخلال السفر اتعرف عليهن بس مجرد نزوة
يعني شفت اشكال والوان اعترفلج اني..
بس هذا كله ماضي من ارتبطنا اصلا صرت مالي خلك اي بنيه بس انت..
اهاا واذا شايف اشكال ليش لحيت عليه؟
ليش تقارنين نفسج بيهن؟؟؟
مروة انت متتقارنين باحد انت وبسسسس
واني حبيتج من اول ماشفتج
وبلحظة الاجيتي ع الورقة هنا مااخذتي الورقة
بس اخذتي قلبي ورحتي
قفل عليج انت وبس..
وهسه كافي يا حلوة كومي بدلي حتى نروح...

بدلت لبست تنورة قصيرة ضيقة ووياها سترة قصيرة
وجواها قميص ابيض بي طبع بوسات احمر
وبوت اسود كعب
وشال احمر ومموج باييض
شافني قيس ضل يحوس
شعدنا طالعين خل نرجع زين بس اكل شويه عسل..ونطلع ...
كوة يلا طلعنا هالبشر ميشبع شنو..
رحنا للتايم سكوير تمشينا وعجبني كم لبسة اشتريتها..
تصادفنا وي ٣ شباب يعرفهم قيس جماعته هم..
راح هو سلم عليهم واني اتفرج ع الملابس
بس هم قبل ليسلمون عليه جانت نظراتهم عليه
خصوصا واحد منهم..

غلست وانتظرت قيس اجه ويضحك كال..
انفضحت اليوم من يشوفني يذبلي كلمة ع اثر بوستج بركبتي..
اي لو لابس لفاف مدام باردة حتى تضمها..
لا يابه اني اريدها تبين ..
تعالي ناكل مجوعانه ؟
اي يلا لعد بس اريد اخذلي حذاء
اي حبي ناكل ونرجع نفتر شيعجبج اخذي..
صعدنا فوك لطابق المطاعم
راح قيس يطلب الاكل
اني كتله ع متطلب الاكل اني اروح للحمام..

تمشيت لجهة الحمامات اشوف نفسه صاحبه طلع كدامي..

اباوع لجماعته وكفو يم قيس
يمكن جاي يشغلو حتى هذا يجي وراي!!!
دنكت رحت للجهة الثانيه هو يمشي بصفي..
ومحضر بيده رقم؟!!ويحجي بصوت ناصي
لج اخ موتيني خرب عشيرتج بس اخذي رقمي وادللج!!!
ماعرفت شتصرف بس مشيت اقصى سرعه وفتت للحمام مصدومة!!
شكد منحطين بحيث هيج يتصرفون...
يعني زوجة صديقة اني وهيج يسوي وياي؟؟؟
بس كما تدين تدان
قيس ضايقني من جنت وي جراح وهسه هذا ضايقني من صرت مرته...

هدت وعدلت نفسي طلعت ورجعت لمكاني بس متضايقة
انتبهلي قيس وضل يحجي ويستفسر كتله دخت..
اجو ذوله كعدو قريب علينا ..
هو الظاهر انتبه لنظرات هذا الي تبعني..
شفته رفع حاجب وضاج كال..
امشي نغير مكانه ذوله ممرتاح لنظراتهم
صار ساعه عيني منهم اذا ابقى شوي
املخهم ...
كمنا كعدنا بغير مكان اكلنا وافترينا ورجعنا ..

جانت ساعه ١٠ونص وباردة بس بدلت تمددت غفيت ..
اجه يمي قيس حضني بس ماهتميت ..
نمت نومة عميقة كلش..

فزيت تقريبا بتلاثة بالليل..
لكيت قيس نايم وحاضني وخرت ايده ورحت للحمام ..
رجعت فتحت الفون مسجات وكروبات ..
فون قيس يم راسه اخذته فتحته
اعرف الباسوورد تاريخ زواجنا..
فتحت الصور تفرجت عليها حانت كومة سديتهم..
رحت للواتساب دردشات كووومة
اف شنو هالفون يدوخ..

رجعت للاستوديو اكلب بالصور..
رحت للبداية كلش الصور القديمة..
من ضمن الصور شفت صورتي !!!!!!!!
لابسة ثوب وردي مالتي بييت اهلي!!
بس الصورة هاي بفوني جانت؟؟
وصور بحفلة هشام ٣ !!!
لا هاي اني مجاي استوعب..
منين ذني؟؟؟؟
اكول نقلهن من فوني لا فوني جديد ..
قيس منيله صوري..؟؟؟ماريد اساله خاف ينكر..
ماعرفت شسوي ..
تالي عفت الفون وبقيت التفكير اكل راسي..
حاولت انام كوة..

كعدت الصبح بالعشرة مالكيته بالغرفة..
طلعت جان الحمام مسدود..
شفت محسن جاي ..سلم عليه وكال قيس بالحمام..
رحت للمطبخ حضرت الريوك وذبيت جاي ع النار..

رحت للحمام فارغ دخلت غسلت ورحت للغرفه هو موجود يمشط..
صبح عليه وكتله جاهز الريوك وطلعت..
تويكنا بس ثنينا ساكتين ..يمكن جان يخاف يسالني حتى لا اطلع ضايجة وتصير مشكلة
مكتفي بالصمت بس...

واحنا ناكل دك فوني اني مخليته ع الكاونتر..
اخذته رديت ياسمين تدك..
رحت للغرفه ..
بس جاوبتها بجت وتحجي كلشي مافهمت ..
هديتها وهي ماكو بس تبجي..عطت بيها سكتت..كتلها..
خل افهم شي منج شصااااير؟؟؟
اوف مروة شحجي وشكول..
كتله يجيبني الج ماقبل متخبل كلش..
شبي ليش؟؟؟
مادري ال

بارحة اجه للبيت متخبل وعايط بيه وضربني..
يكلي النسوان تسوي اشكال وانت كلشي ماكو..
شبي ماعرف وهو منا ضايج لان نقلو شغله وتعب موت ..

وين صار شغله لعد؟؟
بالبصرة بس ع الحدود..
ومتضايق يكول قاصدين هيج يسوون بيه
بس اني يامروة بعد ماتحمل كلش..
خابرت ابوي حجيتله كلشي وتعارك وي جراح..
كتله اني مابقى وياه بعد اتطلك احسنلي..
لااا يمعوده شتطلكين لج بعدكم شهرين مصارلكم مو هيج الامور تنوزن شبيج؟
مليت كلش مروة ملييييت
جراح مامنه امل..
واني بيني وبينج الكلام ترى ماحجي بس الج..
اني اريد رجال رومانسي ويتقرب مني
وجراح بس مرتين متقرب مني
انت مرة وتعرفين الاحتياج..
وهذا غير ضربه واهانته
ويحب غيري اروح اشوف حياتي من جديد احسن..

حاولت انصحها واحاجيها بس بلا فايدة
دماغ طفلة والمصيبه اخاف تنحرف هاي
كلامها جبير ويخوف..
اني اكبر منها وقيس محترف بالرومانسية وماريده واتهرب
وهاي بكد العدسه وتريد افففف سالفه تدوخ...
بقيت متمددة بالغرفة مصدعة كلش ..
اجه قيس يمي ..
شبيج حبيبي ليش هيج متضايقة؟؟
ماعرف مصدعة شويه..
تعالي افركلج راسج هسه تتحسنين..
حط راسي بحضنه ويفركه ع كيف..
صدك هدئت شويه ..
ضل يلمس ركبتي ونزل بلمساته اكثر..
الى ان ...تقربلي ..
ورا ماكمل حط راسي ع صدره ويمسح عليه ..
بقينا هادئين اندك الباب..
جاي محسن يصيحنا ع الغدا ننزل لان حيكمل..


وابوهم موجود يريدنا يشوفنا
لان عنده سفر دائما وقليل يتواجد..

سبحنا ونزلنا كاعدين كلهم..
كعدت يم علياء نسولف ..
امه تحجي وياهم بس وياي ابد محاسبتني موجوده..
سولف وي علياء كتلها اريدج بموضوع..
كالت اوكي امشي نروح لغرفتي ..
شالت ابنها ع اساس ترضعه ورحنا..
كتلها..
علياء اني ارتاحيتلج وكلش حبيتج واريد منج خدمة...
كولي عيوني الج اني حبيتج من قبل ماءوفج من سوالف قيس عليج..
هو اني اريد اعرف سوالف قيس عليه..
اني رح احجيلج حياتنا اني وقيس شلون متوترة..
بس اريد اعرف السبب الي خله جراح يتركني..
واعرف انت تعرفين بالموضوع لان اساس معرفتي بقيس هو جراح..
ومن كلامج عرفتج تعرفين بكلشيي
اترجاج لتنكرين لان هالشي بخرب حياتي اكثر..
اني احلفج بشي واحد...
احلفج بسترج وانت بنيه شريفة..
اريد اعرف كلشي تانت تعرفي ..

باوعتلي وتبلع ريكها بصعوبه..
مروة عوفي السالفه انتو تزوجتو والماضي راح...
اي الماضي راح بس اني عرفت قيسس اله ايد بالموضوع وماصدكت يمكن اني ظالمته لقيس

اريد اسمع منج..
ممهما يكون الصار بعد انتهى واني هسه متزوجة قيس وهو زوجي
وماخنته ابد وحذفت جراح من حياتي
بس من حقي اعرف ..
ماشي بس وعديني متخربين علاقتج بيه لان اني مالي ذنب..
اوعدج عليا بس احجي...

شوفي مروة قيس اخذج من جراح بمساعدة اختج !!!!
والامور الي وصلت لجراح لو واحد غيره جان حط بيج طلقة..
شنوووو!!!

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢١
كان صديقي
الجزء الحادي والعشرون

شنو شنو ؟؟اختي شدخلها ؟؟؟وشنو الي وصل لجراح؟؟
عفيه مروة اهدي وسمعيني..اذا عرف قيس اني حاجيه تصير مشكله..
بس الصراحه اني اريد ابري ذمتي لان متستاهلين واحد يستغفلج..
هاديه اني هاديه اوكي هادية..بس احجي..
شوفي جراح من خطبج اول مرة
قيس تخبل وراد يخربها بكل الطرق
لهذا عرض عليه يختبرج لان ع اساس سائل عنج وكايلين عدها علاقة وجراح شاف الولد الي حجه ورايد يتعارك ويا..
وافق جراح يختبرج ومن اختبرج وانت كشفتي
متعارك وي قيس كايله خسرتها وكذا..
طبعا قيس جان يدزله الدردشات البينكم
لجراح...
ومن تعارةتي وي جراح وزعلتي هو كله عوفها باجر تهدا وحاجيها..

يوم ثاني سوا دردشة من فونه الثاني
ع اساس انت معتذرة منه
وقابله صداقته وطالبه ينطيج اخبار جراح..
ومن دزها لجراح تخبل وعاط بس قيس كله عادي
لان تعرفني مقرب منك تريد تعرف اخبارك..
بس كله لتخطبها هسه اجل الخطوبه طلعلك عذر الها وانتظر لحد متوثق بيها..
لهذا جراح من رجع كلج اهله سوو حادث وامه تعبانه ومتكدر تجي...
هنا قيس من شافكم رجعتو جان شبه راح يتخبل
يجي للبيت بس يعيط ويتعارك
ومن تحجي امه يكلها احب وحده وحتروح من ايدي
بحيث قبل لتدخلين لبيتنا امه كرهتج كد مااحواله تخربطت
شكم مرة يجي سكران ومرتين يدعم السيارة ..

طبعا هو جان يلحكج بالسيارة وين مترحين
ويندل اهلج واخوانج وين يشتغلون..
جان حتى شغله هامله ماعنده موضوع بس انت
والحظ حالفه مادري كد ميدعي وينذر هيج صارت فرصته..
المشغل الي دخلت بي اختج دورة خياطة يعرف ابو الملك مالته
ومن عابر بالسيارة شايفة ونازل مسلم عليه وداخل وباقي يسولف وياه..
شايف اختج وهو يعرفها فمسلم عليها ومعرفها بنفسه
وكايللها اني صديق جراح وشايفج وي مروة واعرفج ومن هالحجي..

اختج سائلته عن جراح هو مجاوبها..
مروة بمشكلة جبيرة ونصحتها ومااخذت نصيحة...
متوسله بي يحجيلها بس ماقابل
لهذا ماخذه رقمه وكايللها اخابرج واحجيلج كلشي..
اختج يوم ثاني مخابرته حتى تفتهم شبي جراح وشنو المصيبة الي انت بيها..

اني صافنه ع علياء وهي تسولف وعقلي ميجمع معلومات...
اندك الباب وفتحته امه كالت..
يلا خاتونات تعالن نحضر السفرة..
كنالها هسه نجي..
كلت لعلياء بس نخلص غدا اجي يمج احاول اطلع عذر لقيس..
وطلعنا حضرنا الاكل كعدنا نتغدا بس ماعرف شنو اكلت اصلاً...لان التفكير والقلق جان ياكل بية...
ليلى قيس جراح شنو الي صار او جاي يصير؟؟...
ماخليت قيس ينتبهلي لان اعرفه داهية وتفكيره يروح للبعيد ويمكن يشك عرفت بي..

خلصنا غدا وصعدنا ..
تمددت ع الجرباية اجه هو تمدد يمي..
سالني شبيج ضايجه كتله مشتاقه لاهلي...كال..
تردين اوديج تشوفيهم ونرجع؟؟
اي ياريت نروح..
بس لازم تنطيني كروة!!
ههه ماعندي فلوس..
منو كال اريد فلوس؟اني اريد غير شي..

اوف قيس مانلحك امشي نكوم..
لا نلحك شعدنا متكليلي تعالي مشتاااقلج...

اخذني بحضنه وبرومانسية معتادة لا رومانسية مضاعفه ولهفة
يمكن قيس حبني صدك اكثر من اهلي...
تقربلي بس هالمرة حسيت وجع حاولت ابينله بس هو عباله تفاعلت ويا
شفت الابتسامه بوجهه من باوعلي ونظراته تعبر عن فرحة..
عصرني بحضنه..
زاد وبقى اكثر واني يزيد وجعي..
الى ان خلص بس روحي طلعت..
باس كصتي جنت مدمعه شوي هو عقد حاجبه كال ..

شبيج شنو موجوعه؟؟
اي الم صار عندي اول مرة هيج..
شنو يعني من الم شلون وصفي الج..
بعد هو الم شيعرفني ياقيس..
اي يعني بزة لو حرقة لو الم عادي..؟؟
باوعتله متفاجئة!!اكلك انت شنو دكتور
لو ضابط لو شنو هويتك؟
هههه اي غير الحياة خبرة واني من تجارب غيري اخذت ابرة...
سامع من اصدقائي المتزوجين هيج امور
بس الافضل نروح طبيب..
اي احسن خليها ع فرغتك..
لا فرغتي بعد يومين لان باجر اداوم وعكبه اداوم

اخاف تتاذين اكثر اعرفج ترفه ياروحي..
كومي هسه مدام بعد وكت نحصل دكتورتج كاعدة..
ومن نرجع نمر لاهلج نتعشى يمهم
بس انطيهم خبر ليسوون عشا ..
اوكي لعد اروح اغسل واجي..

رحت غسلت وبدلت وطلعنا للدكتورة..
كاعدين بالانتظار واغلبية الكاعدات نسوان..
بس النظرات كلها لقيس يعني الصراحة ضحكت عليهن ..
بيهن  نظرات اعجاب لشكل حلو بيهن نظرات حقد بيهن اشكال..
هو جان يراسل بالفون وسدة..
رفع راسه وكال ..
بيبي عندي موضوع اريد تحاجين ليلى من تروحين..
موضوع ايش؟؟
صديقي يريد يتزوج وجاي يدور ع بنيه سمعتها زينه وبت ناس طيبه وعدها شهادة..
اني كتله لتروح بعيد اخت زوجتي كامله مواصفات كال لعد حاجيهم بالموضوع..
هسه راسلني ذكرني بالموضوع لان انشغلت ونسيت اكلج..

زين شلونه ضامنه انت؟ اخلاقه التزامه اهله ..
لا اطمني من جميع النواحي لو ماضامنه ماجيبه لليلى وهي غاليه عليه..
اوكي من اروح احاجيها ويصير خير..
انتظرنا حد ماوصل دورنا ودخلنا

طبعا قيس فات وياي ..
حجيت للدكتوره وشافتني كالت التهاب بسيط
وسالت عن موعد الشهرية
حجيتلها كالت لعد هاي فتره تبويض يصير هيج الم ..
انطتني علاج واخذنا ..
ومرينا لمطعم قيس اخذ مشويات وصاج ومقبلات وا

خذنا حلويات ورحنا..

وصلنا وسلمنا جانت بس امي والبنات اكرم بالشغل وهشام ماخذ مرته موديها لاهلها..
بقيت احجي وي امي والبنات ..
كتلهم حضرو الاكل حتى نتعشى..
راحو وفاتحت امي بموضوع ليلى  خطيه فرحت كالت مدام صاحب قيس انطيها واني مغمضه..
اخذنا الاوكي وقيس كال انطي الولد خبر ومن يريد يجون اهله اني اجي وياهم..

سالت امي عن هشام ومرته شلونهم..
كالت ..
زينين اخذ مرته للدكتورة ومنا وداها لاهلها..
تصدكين يايمه حامل عليها خامس وماحجت ولا كالت !!
رجلها حجه قبل يومين ضلينا صافنين يكول ماتدري بروحها..
ههههههه اي مو بطنها عد الجيران ومتدري
يولون يمه لتنقهرين ترى هي وابنج نفس الطكة..
لا يمه شعندي وياهم الله يوفقهم..

كمت يم البنات للمطبخ واكفات يسولفن ويحضرن
وكفت وياهم سولفت وفتحت الموضوع وي ليلى
بس لاحظتها ابتسمت وباوعت لآية!!
كالت عادي ماعندي اعتراض بس احجي لامي..
كتلها حجيتلها..
ساعتها حسيت الولد تعرفه ليلى ويمكن بينهم شي
كعدنا اكلنا وسولفنا بس اني احساسي تجاه ماعرف افسره..
ساعه اكول اختي باعتني ساعه اكول يمكن لزم عليها قيس شي وي هذا الولد ..
حتى كلامي وياها محدود..
اية سالتني ع وضعي كتلها كلشي تمام..
وراها ترخصنا ورجعنا للبيت..

دخلنا ماكو احد!!استغربنا ..كال قيس اخابر امي شعجب محد موجود..
خابرها كلتله احنا بالمستشفى..
علياء وكعت بالحمام وسقطت طفل لان حامل ومتدري بنفسها..

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٢
كان صديقي
الجزء الثاني والعشرون

حيل انقهرت عليها لان هي تريد تخلف تكول مهند يريد اطفال..
كال قيس حتروح لاهلها اخواتها يعتنن بيها لان رجلها هواي متاذيه من يم الفخذ
واهله شويه ويجون..
صعدنا لغرفتنا بس بدلت رحت للفراش نعسانه
وهم اتهرب من قيس
راح هو يسبح بقيت سارحه بتفكيري..
شنو ممكن يخلي اختي تنطي صوري لقيس
وشنو يخليها تبيعني
اني ممصدكة الكلام الي حجته علياء لهسه دماغي مامستوعبه
يعني ردة فعلي اعتياديه ..لان هالكلام سمعته اذني بس عقلي بعده ماستلمه..

غطيت وجهي سويت نفسي نايمه..اجه قيس فات بالفراش ولزك بظهري..
اخذ شعري يشم بي عباله نايمه..
اني اصلا نعسانه يعني نشاطي صفر بحيث حتى لو بس مغمضه امبينه نايمة..
ضل قيس يتلمس بيه ويلعب بشعري ..
اسمه يكول الحمدلله ويكررها..
الحمدلله من صرتي الي الحمدلله..
لو تعرفين شكد عانيت بدونج شكد تاذيت
واليوم اشوفج بحظني ااااخ شكد محظوظ ياقيس...
ماعرف من سمعته انقهرت عليه لان شايل هالحب كله الي
بس بالمقابل هواي اذاني وماعرف شنو الي سواه هو واختي..

بين تفكيري وهو يلعب بشعري نعست اكثر ونمت..
كعدت ع صوت باب الغرفه انسد..
باوعت للساعه اربعه ونص
كمت لبست ورتبت الغرفة ودخل هو صبح عليه وباسني..
طلعت غسلت وسويتله ريوك ..اجه تريك وودعني وراح للشغل ..
غسلت المواعين ورجعت لغرفتي شبعانه نوم
ويمكن التفكير ميصدك يلكاني كاعده حتى يهاجمني..
ضليت بالي مشوش الى ان غفيت وكعدت بالتسعة الصبح ..

مانزلت جوا لان بس خالتي ومالي خلك كلامها سم وترشه بوجهي كل مشافتني..
بالي يم علياء خابرتها وسالت عنها..
كالت بعدها خطيه توه مشكله لان طفل ابو شهر ونص
كتلها تعوضي انشالله ويشفعلج بالجنة..

ختمته وياها واني افكر بحظي الردي..
يعني ما وكعت الا هسه من ردت اعرف منها الحقيقة..
يلا هي ضلت ع هاي هو كلشي اعوج وغامض..
حسيت ملل كلش ماكو شي التهي بي
قررت ارجع للشركة لان صجت طكت روحي..
خابرت قيس لان مخابرني من جنت نايمة..
حاجيته وتطمنت عليه وكتله ع الدوام..

بالاول اعترض بس من كتله..
ضايجه وملل ومتقبل انت اروح لاهلي
خليني الهي نفسي..
ماشي داومي واعرف من يجي دوامج تتعبين ومتروحين يوميه للشغل لهذا قبلت ههه..
اي اسرائيلي بالتفكير انت..
فداج اسرائيل وحتى امريكا الي هي عشيرتي ههه..
صدك انتو عدكم اصل امريكي يمكن
لا ولج بس عندي وحده من بيباتي روسية ..
ياا يعني جدك متزوج روسية هنا الحجي
اي ويسولفون اهلي من ماتت ماطول وراها شهر ومات..
يا هاي الخبال بالحب طلع وراثة!!
هههه غير نحب التستاهل احنا..
خلصنا سوالف وختمته ويا..

بدلت وخابرت ع محسن كال بالشركة اذا تردين ادزلج سايق مهند كتله اوكي..
صدك اجه ورحت للشركة فتت للمكتب لكيت ولد اسيوي ينظف بي..

كال بابا قيس خابر كال نظفوه للمدام..
تشكرته وكتله انتظرك برا..
كعدت يم وائل شويه ورحت يم مهند لان جان عنده شغل ..
سلمت عليه وسالت عن علياء ..

كال ..
شويه رجلها متعبتها ومقهورة ع الطفل..
الله يعوض الطفل يجي بس صحتها اهم
بس ليش ماجت يمنا اني وياها واعتني بيها..
بعد هي عدها خوات ثنين زغار وامها كموجودة هم يعينوها لان تعرفين
طفل ويرادله ركضة وتعب ومنا هي متحط رجلها بالارض..
وانت قيس وين ناطيج مجال ههه
صدك شخبار دوامه ضبطه مو؟
اي الحمدلله يومين بيوم..
احسن خوش نظام..

اجه العامل كال ..
كملت تكدرين تروحين..
ترخصت من مهند وكمت دخلت للمكتب فتحت اللابتوب اطلعت شويه صدك اشتاقيت للشغل...
للعصر رجعت سبحت ونمت ..
كعدت بالليل كمت صليت ولكيت محسن بالمطبخ كعدت يمه سولفنا شويه كال..
جوعان وامي وابوي مو هنا عد علياء..
اي بسيطه هسه اسوي شنو عاجبك؟

تردين الصدك مليت من الاكل الجاهز اريد اي شي المهم مال بيت حتى لو طماطه كلي..
لا كول شنو مشتهي واني اسويلك ..
اخاف اتعبج؟
يمعود دكول قبل لا اغير رايي ههه..
بس مو تضحكين عليه،.؟
يابه ماضحك بس انطق
شوفي مشتهي تمن احمر وسمج كلي هاا مو كتلج حتضحكين ..
ليش اضحك شنو بيها هسه اسويلك واكل وياك هم..
اي بعد اخوج هيج اريدج ههههه..
تدلل...

نزلت فتحت الفزيزر لكيت سمج طلعت كم وحده ..
هو نظيف ومملوح لان من يتسوكون يجيبو والمرة التجي تنظف هي تنظفه وتضمه ..
عاد طلعته وغسلته من الملح وتبلته ..
ونكعت تمن وخلطت طماطمه..
طبخت التمن ووخليته يتهدر..
اخذت السمج كليته وطلعت فاش او نارنج هو اسمه بس احنا بالبصرة نسمي فاش..
وحضرت السفرة ومحسن يلوب وراي..
يلا الريحة موتتني صرت مثل الحامل وتتوحم
ضحكني تذكرت سوالف قيس..

صبيته وكتله حجيب فوني واجي اخاف احد يتصل..
جبت الفون لكيت مسج من ياسمين..
هلو مروة فدوة محتاجتج اريد احاجيج

اني اهلي مقبلو اتطلك وجراح ميريدني وماحاسبني موجوده...وبس يفكر بمروة وكلت مثل ماحارك قلبي بيها الا احرك قلبه واحب غيره
لان ماتحمل اريد رجال بحياتي محتاجه حب وحنان ..شنو تنصحيني انت!!!!
عزااا العزاج هاي شمصخمة..
خابرت عليها دك دكة وحده كلت الو شلونج ياسه.
اجاني صوت خشن ونب

رة متعجرفة..
هلا بمدام مروة ..
ياسه مموجودة بس زوجها موجود يفيدج؟؟

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٣
كان صديقي
الثالث والعشرون

تفاجئت وارتبكت سديت الفون وذبيته بالغرفه وطلعت..
لكيت محسن ينتظرني خطيه مماكل..
كتله..
اسفه بس لكيت اهلي مخابرين عليه..
اه خو مابيهم شي؟
لا الحمدلله بس يسالون عني ويسلمون..
الله يسلمج يلا خل ناكل متت جوع..
مديت ايدي ع الاكل بس بالي مشت ..شلون جاوب جراح ع فونها واخاف شاف المسجات ملاتها ويشك بيها وهي هاي ثولة
اني اعرف ماعدها شي بس طفلة ويحجون باذنها وتحب تجرب..
ضليت محتارة ماعرف شلون كملت لكمتين وكمت..
نظفت المطبخ ومسحت الكاونتر ..
خلص محسن وتشكر مني خطيه كال تعبتج بس صار هواي مماكل هيج
وعاشت ايدج ياريت اذا سويتي شي الج تحسبين حسابي نفسج طيب بالاكل واحنا العشا تعرفين ميسوون
تدللمن عيني يوميه عشاك يمي..

راح محسن لغرفته وخلصت ورحت لغرفتي..
بس خايفه افتح الفون مرعوبه..
تجرأت وفتحته لكيت ٣٠ مكالمة من فون ياسه..
ياربي شصار قلقت اكثر..
ماعرف منو الي خابر جراح لو هي..
فتحت واتساب دزيتلها مسج ..
ياسه مت تفرغين خابريني..
شوي ودك الفون باوعت قيس..
حاجيته تطمن عليه وضل يحجي..
ومشتاقلج واريدج وماتحمل بعدج عني..
اي بس باجر وتجي مصارلك هوايه..
لج اني نص يوم مااصبر مو يومين
رح اخابرج تانكو..
افتحي كاميرا
ترى دكيتي براسي كلش ولج انت مثل الحشيش تلعبين بالاعصاب
مرة ترخيها مرة تدمريها..

خابر ع تانكو وفتحت الفون باوعلي وتحسر..
اوووف كون يمج
خرررب ترى ماكدر اني ماكدر ميصير هالكد انت حلوة،،
ههه هسه قابل اول مرة تشوفني !
اووف ابقى متلهف عليج حتى وانت يمي
زوزه بعد ماكدر اخذيني ع كد عقلي..

شنو ..
كومي لبسي السيت الاسود المشبك بسرعة..
ليش؟؟شنو حتجي؟
اخ اموت ع البراءة العندج فضيها بيبي مدام كاعد مو وقت دوريتي بسرررعة..
يلا اوكي...

كمت لبست واجيت كدام الكاميرا هو قميص البدلة وباقي بالفانيلة الجوا..
باوعلي عض شفته ومسح وجهه بيده..
اروح فدوة اني ..
تعالي بحضني تعالي...
اريد ارتوي بيج متعطش لكلشي بيج...........
طبعا ضل يتغزل ويحجي واني ماعرف شسوي بس حسيته شي غريب وبقيت مصفنة
مثل الصنم...
المشكلة اني بحضنه وممتفاعلة مو بالفون بعد هه..
ضل يحجي ويكلي هيج سوي الى ان.....ارتاح ...
واني مثل الهبلة فاتحه حلكي وارمش...

كتله روح غسل وارتاح ومن تخلص خابرني..
ابتسملي كال انت كطعي الخط ..
فصلته واضحك ماعرف ع نفسي لو ع هالتصرف من قيس لوور ماعرف شكول..
رحت للواتساب لكيت ياسه كاتبتلي من تفرغين خابريلي..
خابرتها جاوبت هي ..
هلا مروة حبيبتي انت مشتاقتلج اريد احجيلج عفيه

تعبانه اني ضايعه...
شبيج ياسه شنو صاير هذا كلامج دوخني وخبلني..
ولج مو جراح شك بيه عندي علاقة..
متشوفي جاوبج مساع..
شلون؟؟؟؟

شوفي اني راح احجيلج كلشي بس عفية ساعديني عفيه..
كولي شنو؟؟
باعي مروة اني جراح هاملني وماتقربلي بعد وتعرفين وضعنا ..
تعرفت على ولد بالفيس وصادقته وهو كال يحبني وبس اتطلك يتزوجني..
وحجالي اشياء حلوم نسويها سوا مو مثل جراح حتى ماعلمني ع شي
وماسوا وياي رومانسيات..
عزا ولج رومانسيات شنوووووو؟؟؟؟؟؟
احجي فهميني شنو سويتو؟؟؟؟

حجتلي الي صار مثل ماصار بيني وبين قيس بالاتصال يعني لو ماقيس مسويها اليوم ماعرفت شلون اتعامل وي ياسمين..
بس ردت احاجيها بهداوة حتى تحجيلي اخاف مصخمة اكثر..
شوفي ياسه امي انت..
اولا هذا حرام ويعتبر زنا وباجر يوم القيامه الجسم يشهد علينا شنو نسوي..
وهالشي يغضب رب العالمين تقبلين بشهوة ثواني ربج يغصب عليج؟؟
انت امج وابوج تحبيهم متتمنين تسوين شي يضوجهم واذا ضاجو تسوين المستحيل حتى يرضون
اذا شلون اذا ربج غضب عليج وعصيتي شلون تنامين ليلج وربج غاضب عليج..؟
شنوو ماعرف اني عفيه ساعديني يعني ربي هسه غاضب عليه يعني رح افوت النار؟؟؟
لا طبعا ياروحي متفوتيها بس احجيلي شنو صار بعد حتى افهمج شلون ربنا يرضى عليج...

ماسويت شي بس هيج ومن دزيتلج رسالة بس دخل جراح مسحتها وسديت الفون وضميته جوا رجلي..
شافني هيج ضميته
اخذه مني وفتحه وضل يدور ويعيط عليه
كال ليش تضمي شكوووو شعندج بي؟؟؟؟
كتله ماعندي بس اريد اخابر مروة وانت مخليني اروحلهم وتحجي ع قيس
لان هو يحجي ع قيس ويسب بي سمعته بالفون يكول هو سبب نقلتي هذا الغدار مو جديد عليه يطعن بالظهر..
المهم اخذ فوني وخابرج وطلع برا شويه ورجعه الي...
اوووف يعني بس هذا الصار ؟
اي اي بس هيج..

شوفي فدوة لعينج اني حاسبتج اختي لو قسيت عليج اريد سعادتج..
شوفي هذا الولد دازتله صوره لو اي شي مستمسك عليج؟؟؟

لااا ابد مادزيت بس تخابرنا..
ماشي شوفي تحضري من الفيس وتمسحين الفيس..
وتغسلين اغتسال التوبة
روحي للحمام سبحي وانوي نية التوبة ..
من تخلصين صلي ركعتين لوجه الله تعالى واهديها لاهل البيت عليهم السلام
واستغفري وانشالله متعيديها حتى ربج يقبل اعتذارج ويرضى عليج..
انت صغيره وغلطتي بس اهم شي الغلط ميتكرر..
وبالنسبة لجراح اني رح احاجي لتشيلين هم
احاول انصحه بطريقه مو مباشرة...
اذا يمج هو انطيني احاجي...
اي برا كاعد

كالعاده لوحده ويسمع اغاني هسه اصيحه...

راحت تصيحه واني تفكيري متوقف..
كل الاعرفه رح احاجي جراح هسه مثل اليكلوله اجاك وقت الحساب..
لان احاول مااحتك بي ابد وهسه اني اطلب احاجي..
بس هذا فعل خير وماقصدي اذنب او اخون قيس..

فززني من تفكيري صوت جراح..
ياهلا والف هلا بريم الفلا ..يكولون طالبتني خير؟؟
اخاف زوجج بالشغل ومعوزة ترى اني بالخدمة ...
جراح اذا متريد تحترمني لكوني مروة احترمني كامرأة غريبه جاي تحاجيك..
هههههههه غريبه لا يابه وين غريبه حبيبتي وحبيبة صاحبي وحبيبه سيد محمود وبعد اووو ماعرف اعدهم


هواي..
لك ناقصة اني مستعملة وسويتي نفسج براسي طاهرة..
شعندج شرايده اخاف حنيتي وتريدين راحه لو الاصفر ع كولتج خوش يشتغل امبين
والدليل ركبته خوش معبره عن سعادتج بيها ..
ااااخ لو الزمج يامروة الي ثار وياج واخذه مربع اذا ماخليتج تكرهين كل الزلم ماكون جراح ابن ابوي ...

اني منصدمة من منطق جراح واسلوبه!!!ضلييت صافنه من كلامة واتهامة معقوووولة هذا العاشرته يحجي بالمثاقيل هيج سوقي ومنحط !!!
انتظرته يحجي حتى اكدر افهمه شنو اريد منه..
من كمل كتله..
خلصت؟؟؟؟
لااا الكلام ميخلص وياج هوااااي عندي كلام...
ماشي مستعده اسمعه كله بس بالاول اسمع شنو اريد منك...
احجي بله نشوف شرايده؟؟؟

شوف جراح اني تزوجت وصرت ماضي مهما يكون الي وصلك عليه والي فهمته
هذا موضوع طويل ولابد وينفتح ماكو شي يضل مضموم...
بس الاريده منك ياسمين جراح...
شبيها هاي البزر بعد؟
انت جاي تكول بزر وبديت الموضوع بنفسك وسهلته عليه..

بس اريد كلمة رجال بالاول يلا احجي..
اكلي وحل لج مستعملة طبعا رجال قابل كرن مثل رجلج اني...
اوكي شكرا جزيلا بس اريد وعد متاذي ياسمين ولا تضربها بعد التسمعه مني...
ماشي وانطينه وعد عاد فضيها واحجي...
جراح ياسمين مراهقة والمراهق باوج حيويته ونشاطه وتعرف انت مار بهالمرحلة..
والبنيه تحاجيتي وتشكيلي ...
ترى محتاجتك ومحتاجه لحنانك قربها منك وحن عليها فدوة لعينك خطيه...
ترى تضيع جراح بعدها طفلة ومتعرف شي وامها ثوله متنصحها..
ها هيج السالفه زين شتريدين اسويلها؟؟؟؟
جراح هي رادت تطلك ليش ماطلكتها؟؟؟؟
ابوها وكف بعيني وماكدرت بس مصيرها تطلك عادي..
ليش اطلكها حاول تفهمها ...
دشوف البطرانه شفهم انت عوبه افهم طفله شنو فاتح روضه اني...
اوكي لعد اذا ماكو امل طلكها وريحها خل تشوف حياتها...
زين حضرتج ليش مهتمه شنو صايره مصلح اجتماعي؟؟؟؟
لا بس اليصير بيها بسببي اني وماقبل تتدمر حياتها...
اهااا يعني هي تحجيلج كلشي؟؟؟
مو مهم المهم ترحمها ترى ذنبها بركبتنا ثنينا...
ماشي ارحمها واسويلها حل بس بشرررط...
شنوو؟؟؟

التقي بيج...

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٤
كان صديقي
الجزء الرابع والعشرون

انصدمت من طلب جراح سكتت شويه وجاوبته..
ليش تريد نلتقي.؟؟؟
اريد اخذ حقي منج حق حبي الج وراحتي الي سلبتيها ..
حق كرامتي الي دستي عليها
لج اني حتى من تركتج ماجرحتج وماكشفتلج السبب الحقيقي حتى لا اصير مضحكة كدام قيس
تالي بكل بساطه تعوفين تروحين لقيس
شنو من بشر انت شنو من قذارة وعهر عندج بنفس الوقت الي تحبيني بي
تروحين تنامين بحضن قيس وتطلعين وي ممود بشقة !!!!

جراح جراح وحده وحده عليه ..
اولا هالكلام كله جذب وماله اي صحة واذا عندك دليل واحد طلعه..
وثانيا ماكو داعي للعتب احنا انتهينا واني متزوجة وع ذمة واحد غيرك
يعني انت صرت ماضي لهذا ماله داعي كلامك واتهامك..
كل الاريده اني ترحم هالطفلة وتشوفلها حل ترى اذا تبقى هيج تدمرها وتدمرك نفسك وتدمرني..
اكلك ترو هواي شايله همها شيصير بيها يعني ؟؟اصلا افهم منج وكلشي تعرف
هي تفتح وياي موضوع اتقربلها وتريد رومانسيات
مو مثلج قبل المح واحجي تطفرين ع غير موضوع ..
ولو جنتي شبعانه شلج بيه
اني زوج وقشمر عبرتيهن عليه سوالفج..

خلاص جراح الظاهر اني صوجي حاجيتك اني غلطانه
بس قبل لا اقفل الخط اكلك كلمة
ياريت تخليها ابالك زين...
الطفلة اذا انهملت مستعده تلجأ لاول شخص يحن عليها....
مع السلامة...
سديته واني الفظ انفاسي كوة احتصرت منه ومن كلامه يسم سم..
معقوله هالانسان هيج تغير!!
بس ترجع ببالي كلمات علياء من تكول لو واحد غيره جان حط بيج طلقة!لعد شنو الي صار
وحتى لو صار ليش ماواجهني ماحاجاني..؟
بقيت سهرانه وقت متاخر اتصل قيس سولف شويه كتله نعسانه...
سديت الفون ونمت تعبت من التفكير...

الصبح كعدت من وكت سويت ريوك الي ولمحسن دكيت عليه الباب كعد تريك وتشكر مني
كال...
اليوم نرجع من وكت لان امي وابوي يسافرون ..
لان ابوي صارله فترة مو هنا ويريد يجدد شبابه وي الوالدة..
ماشي لعد مر عليه ونرجع سوا..
كملت تبديل وطلعنا للشغل ماكو شغل عندي قليل ..
بقيت كاعده بالمكتب
خابرت اية مشتاقه لسوالفها وسالتها عن امي والبيت
بس من وصلت لليلى غصيت بالكلام
ماعرف شنو سالتها وشنو حجيت بس كالت زينة تمام اخبارها..
اندك الباب عدلت كعدتي واني احاجيها وكلت تفضل..
سمعت صوت...

مرحبا مروة اكدر افوت ؟؟
رفعت راسي ابتسامة مستفزه وعيون تحمل غل وكيد ووكفه لوحدها تدل ع الاستفزاز ...
سويت الوضع طبيعي ماردت ابين اني خايفه منه كتله...
تفضل اكيد اهلا وسهلا...
سد الباب وتقدم يم الميز باوع صفح مبتسم وكعد..
تفضل خير انشالله؟
لا سلامتج بس جاي اريد افهم موضوع ياسمين؟؟
شبييها ياسمين؟؟؟بس لا اذيتها؟؟؟؟
لا لا لا شبيج فزعتي !مااذيتها اني بالعكس نفذت الي ردتي انت..
قبل لا اجي وديتها لاهلها..
البارحة ورا ما خلصنا كلام كتلها ماكدر استمر وياج رح

اطلكج ورجعي كملي دراسة..
وفهمتها وضعنا كالت اي احسن النا ثنينا..
وحاجيت ابوها والظاهر هي حاجيتلهم لان وجهه ثكيل عليه..
وهالايام امشي باجراءات الطلاك ...
الله يسهل ويوفقكم ثنينكم ويعوضكم بالاحسن..

لا مايوفقني وانت بحياتي ياحلوة ..
كام وكف وحط ايديه ع المكتب ..
هسه حررت ياسمين وانطيتها فرصتها بعد اني اريد فرصتي..
اريد اخذ حصتي منج وهسه!!!
كمت وكفت وخزرته..شبيك جراح احترم نفسك عاد وانسى امس وعيش حياتك
اندار يمي اني اجيت اطلع حط ايده ع الحايط وهمس باذني..
ارييد حصتي...بقيت مدنكة اني وهو واكف تقرب اكثر لزك بيه..
ماحركت ساكن ولا بادرت برد فعل ..
رفع وجهي بيده صارت عينييييييي بعينه..
باوعت بعيونه بثقة كتله...
اذا عندك ذرة رجوله هسه تترك المكتب وتطلع..
عقد حواجبه وتغيرت ملامحه..ضربني ع خدي حيل وكعت ع الميز
وهو طلع بسرررعه وطك الباب وراح..

اني بهاللحظات مصدومة من الي جاي يصير
مثل الفارة من يحطوها بمتاهة ويكلولها طلعي...

بس الفرق الفارة كدامها طريق مفتوح اني لااا..
ماكدامي اي طريق...
كل الي كدامي غموض...
حيرة...
غدر..خداع...انانية....
احس خدي حااار يفور من ضربته وايدي ماكدر اشيلها..
الم فظيع...احس ايدي واكعه من جسمي ممرتبطة بي
احسها فالته وثكيلة..
دخيلك يارب وين اروح وشكول..
شنو العذر الي اكوله هسه شلون تعورت...
ومااكدر اكتم احس الم ضل يدك براسي...

كمت سانده نفسي ع الميز وماسيطر ع دموعي..
يمكن اول مرة ابجي بهالطريقة..
ضليت ابجي من قلبي وانحب بصوت مكتوم..
دموعي تنزل مثل المطر الي ينزل بعد فترة جفاف طوييييلة..
تنزل بغزاره ودمعة تسبق دمعة...
سامعة الدموع تنزل من العين بس اني اخالف الي يكول هالكلام..
الدموع تطلع من القلب ..
احنا من نبجي نحس الحرگة والعبرة بقلبنا والدمعة الي تطلع تعصر قلبنا وتطلع...

ماعرف شلون اتصرف بس الالم الي بيه ماخلاني لا افكر بعيب ولا زحمة..
فتحت الباب واني ابجي وائل جان كاعد ع الكرسي
ومرجع راسه ليورا وصافن ..
من فتحت الباب صرت بوجهه بسرعة كام واجه عليه..
خير خير مروة شصار شبيييج؟؟؟
فدوة وكعت وايدي ماكدر اشيلها احسها حتوكع بس انزلها..
اوف بلة اشوف..ولج هاي

مكسورة!!اكعدي بس انطي خبر لمهند واكول لمحسن يجي ويانه..

دخل يم مهند شوية وطلعو هو وياه..اجه مهند سال شنو صار وشبيج كتله عثرت بملابسي ووكعت..
خابرو محسن واجه هو ووائل اخذوني للمستشفى..
مهند راد يجي كتله ماله داعي
انت عندك شغل ..
رحنا للمستشفى وجبسوها الي من الزند وانطوني مسكن..
دخت كلش وكال محسن امشي نرجع للبيت..
تشكرت من وائل ومحسن كله نوصلك ونروح للبيت..
وصلنا للشركة راح وائل واحنا رجعنا للبيت...

اول مادخلنا جانت خالتي بالمطبخ ويمها عمو ابو قيس كاعدين ومبدلين ويشربون كهوة..
شافوني ..كام عمو مستغرب..
سلامات عمو شبيج؟؟
وكعت بالمكتب عمو وانكسرت ايدي..
كله محسن بابا جناتك كلهم مصابات زوجني واني اجيبلك وحدة حديد تكعد من الخمسة تخبز..
ضل يضحك عليه يكله شحدك تخليها تخبز ..المرة تدلل مو تكعد تشتغل...

خالتي ولا نطقت ولا كالت حمدلله ع سلامة..
شفت عمو باوعلها بخزرة..
باوعتلي كالت يلا تطيبين عادي..
كتلها شكرا خاله اترخص منكم اني اخاف ماشوفكم بعدين
بس الابرة دوختي واخاف انام ومالحك اودعكم..
بستها براسها ..
وعمو صافحته بيده ودنك ع راسي باسه..

ترخصت ورحت لغرفتي نعسانه ودايخة..
بس ذبيت ملابسي وبصعوبه لان ايد وحدة...
طلعت الفون لكيت قيس حارك الجو اتصالات ومسجات والفون صامت مادري بي..
وهو بيدي رجع اتصل جاوبته..
مروة وينج احجي شكو بخير انت جاوبيني؟؟؟؟
جاوبته واني اكطع لان بدا مفعول الابره ..
اي اي بخير بس وكعت ع المكتب وانكسرت ايدي..
شلوووون توكعين شوكعج احجي احد اذاج احد دفعج؟؟؟
لا شبيك قيس اسئل وائل والولد
اني بالشغل وتاذيت عادي لا تشغل بالك بسيطة..
لج اوووف غير احتركت حرك هسه..
باجر من الصبح يمج اني..
لا تشغل بالك ق يس ...
لج شنو صوتج كوة تحجين شلون ماشغل بالي؟؟؟
لااا هذا مفعول المسكن دخت حنااام..
اذا هيج زين نامي وارتاحي وباجر جاي اني..
اووكي باااي...

نمت بسرعة لان مسطوره احس نفسي...
كعدت اباوع الدنيا ليل ..باوعت للساعة بالسبعة..
اففف شكد نمت لعد..
كمت طلعت لكيت محسن بالصالة ويخابر..
من شافني سد الفون وكام..
يمعوووده زوجج خبصني دربالك عليها وروح يمها ولتعوفها..
خرررب يومه خبصني خبص..
ههه خطيه باله يمي..
اي خابر قبل شوي كال مخابرج ومجاوبتي كتله اني نايمه من المسكن..
اي صح كلش دوخني..
اي..كال اخواتج وامج حيجيبهم اخوج..
لان هو مخابرهم وكايللهم..
اوه زين كتلي لعد ماشفت الفون اني من كعدت..
اي هو كال انطيها خبر..

ولتسوين عشا اني رايح اجيب واتعشى وياكم اريد اتعرف ع اهلج وخواتج..
مشكور محسن ماريد اتعبك..
يمعوده بالخدمة اني بس تحتاجين شي واني طالع؟
لا سلامتك الله وياك..
ماشي باي...

طلع محسن واني غسلت ورتبت نفسي ع السريع..
شفت الفون مخابريني البنات وامي..
سمعت صوت الجرس باوعت بالكاميرا امي والبنات واكرم..
فتحت الباب وامي سودة عليه شبكتني وضلت تبجي..
وتسأل وتستفسر عبالها احد ماذيني..
كتلها لا جنت بالدوام وتاذيت...
اية حضنتني واكرم خطيه باسني براسي وحضني حيل..
ليلى بوستني كالت خابرني قيس..
بس تخبلت من عرفت وانتظرنا اكوم يجي وجابنا..
كتلها لا بسيطه بس قيس مخرعكم..

دخلنا كعدنا جوا وسوالف وضحك افففف شكد مشتاقه للمتنا..
ماكو مثل كعدة الاهل والاخوة..
صدك بيها حنان ومحبة.....
شويه واجه محسن كام اكرم فتحله الباب وتعارفو..
سلم ع امي والبنات وعرفتهم ببعض...
اية كاعده يمي وتذب حجي..
ولج مروة ذولة كلهم كريم كراميل يسبحون بحليب شنو وتبسبس موتتني ضحك ...
كتلها اكوم للمطبخ لا ابقى يمج موتنيني..

رحت للمطبخ والاكل جايبه محسن والعصير والصمون...
فتحت الكاونتر اطلع مواعين واجت ليلى..
تعالي كعدي انت اني اطلع بس دليني الاماكن..
باوعتلها بحسرة..
لا عادي اكدر..
اجت تقربت يمي ..

مروة شبيج صار فتره معاجبتني؟؟؟
شنو صاير؟؟؟
ليش مسوية شي ليلى؟؟؟ليش تسالين
ها لا بس اتطمن..
لا تطمني ماكو شي...
وبالنسبة للولد قيس كال الخميس يجون ونجي وياهم اني وقيس..
ها اي اعرف!!!
منين تعرفين؟؟
ها لا قيس كلي...
اي صح انت علاقتج بقيس قوية كللللش...
هه شتقصدين؟
ليلى ترى عرفت السويتي انت وقيس كله....
شنو؟؟؟؟؟

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٥
كان صديقي
الجزء الخامس والعشرون

شنو قصدج بالي سويناه؟؟؟
للحظة اجيت اواجهها واكلها ع الي سمعته من علياء..
بس فكرت اذا وصل الكلام لقيس
معناها علياء اول المتضررين واصلا رح اخسر كلشي
ويمكن تغير كلامها ومتحجي الصدك..
كتلها ليلى سمعيني..
اني مو غبية حتى تعبر عليه شغله صديق قيس
ترى اعرف انت عندج بي علاقة
ومو قيس الي كال وماعتب عليه لان ماكال بس اعتب ع اختي الي تستغفنلي وتحب من وراي...
لتزعلين مروة عفيه حبابه اني استحيت احجي كدامج
خفت اصغر بعينج لان هو صديق قيس...
تخجلين مني ومتخجلين من قيس؟؟
مو قيس هو صار سبب تعارفنا بعد اكيد يعرف واني كتله لتحجي كدام مروة..
ضلت تبجي وشبكتني..
تعتذر وتبوس بيه قهرتني..كتلها خلاص المهم خطبج وانشالله تتم ع خير..

كملنا تحضير واجو تعشو وسوالف منا ومنا اكرم ومحسن حيل انسجمو وحسيتهم ارتاحو لبعض..
بقو يمي لليل كلش يلة راحو..
اخذت علاج ونمت لان تعبانه والم ايدي قوي احس العظم يصل عليه..
واني نايمه حسيت انحضنت حيل عبالي حلم بس فتحت عيوني لكيته قيس..
استغربت راجع بالليل وهو ع اساس باجر جيته كتله..
ها الحمدلله ع سلامة شلون راجع هسه؟
حضني حيل ويبوس بيدي المجبسة كال..
ماتحملت ابقى للفجر واطلع بالي يمج  يروحي ماصدكت اوصل التفكير طيررر عقلي
لا سلامتك بسيطة ليضل بالك..شنو ماكل لا؟
لا جوعان شنو عدنا ؟
زاد مشويات وبيتزا من مساع جابهم محسن من اجو اهلي..
اوكي لعد اذا تاكلين اكل وياج..
شبعانه اني بس اكعد وياك ع الواهس..
يلا لعد كومي ..

كمت اخذت روب شتوي من الكنتور حتى اطلع برا اخاف يشوفني محسن
لان حنت لابسة شورت وبدي شد ع الرگبه حتى بسهولة انزعة والبسه..
دخلت ايد بالروب والثانيه بقى ع الكتف..
هو بدل ولبس تراكه وطلعت قبله..
اجه وياي كال..
اكعدي اني اطلع من الثلاجة واحمي بالميكرويف..

درت عليه اني..
لا انت جاي تعبان اني اطلعه بسرعة..
تقرب مني لزم وجهي بيده داره ع الجهتين صفن..

مروة شبي وجهج انت صخنتي اليوم؟
لا ماصخنت ليش؟
هذا خدج ميشبه هذا الخد!!هيج بي هاله حمرة خفيفه ع وجنتج..
اي يمكن طخت بالميز من وكعت ..
مروة اكو احد ماذيج؟؟؟احجيلي ومعليج ممرتاح لوكعتج..
لا شسالفه بس اني وكعت وتعورت ايدي عادي هسه مو علياء هم وكعت بعد هو قدر وصار..
الحمدلله المهم ماصار بيج شي جبير تعالي كعدي..
جرني من ايدي كعدني ع الكرسي..
طلع الاكل واكل وكمل ورحنا للغرفة..

تمدد ونيمني ع ايده يسال شلون وكعتي ووين رحتي وليش مخابرتي عليه..
الى ان غفى ..ولان جاي من طريق طويل بسرعه نام..
جريت فوني فتحته اتسلى شوي لان ماكو نومتي راحت..
فتحت الواتساب لكيت مسج من جراح..
شنو كال المخنث من شاف زوجته العزيزة مضروبه !؟؟وايدها مكسورة!!
عززا هذا شبي تخبل عليه زين ماشاف المسج قيس جان صارت كارثة..
مسحت المسج وانطيته بلوك وعفت الفون ..

بقيت فكره تجيبيني فكرة تاخذني متت احس راسي ثكل من التفكير...
الى ان نمت ..

كعدت الصبح قيس مو يمي..
كمت غسلت بس حركتي مقيدة لان ايد وحدة نشفت وجهي وسمعت صوتهم هو ومحسن ومهند هم صوته
استغربت لان مرايحين للشركة..
رحت صبحت عليهم وقيس كام اجه يمي..
ها بيبي شلونج اليوم ؟
لا احسن صرت شنو تريكتو بعدكم..
كال محسن اليوم قيس ضام علينا الكيمر والحليب الى ان تكعدين
كتله اروح اكعدج ميخليني..
واحنا كتلنا الجوع..
كال مهند تجين لو ندور ع قيس ونخنكه وناخذ الريوك ..
كتلهم لا يابه اتريك وياكم اصلا جوعانه هواي..

ماخلوني اسوي شي او اتحرك  ..
صبو جاي وكعدنا نتريك ونسولف..
كال مهند علياء شوية واروح اجيب علياء وتجي اختها وياها تهتم بيها..
من كال هيج باوعو هو وقيس لمحسن وضحكو!!!
تالي خلصنا سوالف كل واحد كام..
كمت ورجعت للغرفه اجه وراي قيس..
كتله اريد اسبح متضايقة ماسبحت امس..
اي بيبي اني اسبحج...لالااا اكدر اسبح وحدي..

شلون تكدرين وانت ايد وحده؟
شلون تنزعين شلون تفركين شعرج؟؟
عادي الف ايدي بنايلون حراري واسبح مو صعبه..
لا يروحي اني اسبحج وهسه اروح اجيب نايلون واسوي ايدج..

راح جابلي نايلون ولف ايدي كلها غلفها الي واخذني للحمام..
جابلي طبله كعدت عليها وقربلي الدوش اليدوي وبالاول غسل شعري ع جهة ورفعة بالخاولي..
تالي بلش يغسلي جسمي ..باوع لصدري ابتسم ...
ها شبيك..
مابيه بس انشالله خير..
شنو؟
ماكو شي مشتاقلج كلشششش..
او قيس عفيه سباحتي صعبه عوفني..
اني اسبحج معليج لج ميت شوق وعيونج..
....
حاولت اخلص نفسي منه بس ماكو ..قيس يتفنن بهالشي وعنده كل طريقة بيها رومانسية وتفاعل ..
يعني يتصرف بخفه وثقة..
مرات اكله انت متعود ع هالشي يمكن امبين من تصرفاتك..
يكلي لا اني وياج اندمج لدرجه اضل ابدع من حبي الج الشخص من يحب شي يبدع بي
واني احبج لهذا احب ابدع الج..
بقى وياي الى ان كمل ورجع سبحني من جديد واني مثل الشطرنج..

يجيبني منا يحطني منا..
خلصنا ولبسني وطلعنا..

كعد مشطلي ويتغزل بشعري ..هو يموت بشعري كلش يحبه..يمشطه ويشم بي ويبوسه..
بقى يسولف وياي سمعنا صوت جوا.

.
دم محسن الباب كال اجت علياء كتله نازلة...
نزلت شفتها بوستها واختها عرفتني عليها اسمها اريج..
بيضة دبدوبة عيونها صغار وملامحها ناعمة..
بس علياء احلى منها..
هنا انتبهت لمحسن ونظراته..
عرفت بينهم شي..
بقيت يمهم اسوولف وكلنا متجمعين..
مر اليوم عادي وقيس كال اخذت اجازة حد متصيرين زينة..

اجه الاحد وداومت وحددولي ايام امتحن بيها..
رجعت للبيت جاي افوت للمطبخ دفعت الباب وشفت محسن واريج متحاضنين!!
هم شافوني ماعرفو شيتصرفون محسن ضل واكف واريج شردت..
اني ضحكت كتله لتنحرج بالريش ههه ومشيت ماردته ينحرج اكثر..
قيس من وصلني راح للشركة ..كلت هسه الزم علياء وين تفلت مني..
ومدام الجماعة ملتهين بالحب معناها اكو فرصه ننفرد اني وياها..

بدلت ونزلت دكيت الباب ع علياء ودخلت ..
وكفت بباب الغرفة..
اريج لازمه الفون اباوعلها وجهها ينطي الوان..
يمكن خافت احجي لاختها..
بس اني كتلها..
اروجه شنو طابخة ريحة طيبه بالمطبخ؟
عاد رفعت راسها كالت طبخت قيمة..
اوي شكد مشتيتها تدرين..
كامله لو بعدها؟
تقريبا كامله ...
تعالي بله اذا كامله حتى نصب..

طلعت وياي كتلها لتخافين مااحجي شي بس حذرو اكثر زين اني مو قيس لو مهند..
لاا اني اعرف محد بالبيت وعلياء متكدر تمشي بس نسيت الباب البرا..
عفيه لتحجين لعلياء شي..
لا ولج شلون احجي اني ردت اطمنج لان شفتج صفرة كلت لتموتين ويبلوني هههه...
وهسه اذا الغدا كامل حضري لان رايده علياء بموضوع لتخافين مو يمج ههه شغل متزوجات ترى...
هههه اوكي اروح اني..

راحت حي ورجعت لعلياء..
بس دخلت هي ضحكت..
ها ولج زحلكتي اريج حتى نحجي مو؟
اي لج قلبي ميتحمل بعد وعقلي ياذيني من التفكير...
ماشي حقج تعالي يمي خل نكمل..

بس ع وعدنا ها؟
ماشي بس احجيلي يااختي...
وين وصلنا احنا؟
لحد ماخذت رقم قيس  ليلى...

اي باعي كللها باجر اشوفج حتى افهمج كلشي وبالدليل هم...
يوم ثاني رايح هو وصديقة للمشغل ..
وليلى صاعدة ويا بالسيارة..
وجايب صديقة حتى ليشكون لو شافوها وحدها ويا...
كايللها قيس يلعب ع مروة وجذب ميحبها..
وهو طبعه هذا حتى تامن بي البنية يدز اهله ع اساس يخطبوها ..
ومن تامن بي يستغلها..
وهسه هو يريد يلتقي بمروة بييت واذا ماقبلت يهددها...
اني الاريده منج تدزيلي صور مروة حتى اكدر اساعدها
هي كايلتله شلون تساعدها بالصور؟؟؟؟

للحكاية بقية
بقلم شقراء(قمر كانون)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

٢٦
كان صديقي
الجزء السادس والعشرون

واصلا شلون اصدك انت كلامك صح؟مروة هواي تضوج منك اصلا ليش تساعدها؟
اساعدها لان هواي اعزها واخاف عليها وع سمعتها ورح اخابر جراح وتسمعين باذنج الكلام..
خابر قيس ع ولد صديقه جان متفق وياه وجاوب بحضور ليلى طبعاً
فتح سبيكر وحاجاه ..
اكلك جراح ترى عرفت عن مروة سالفة تفر الراس فر ...
شنو صاير ولك احجي؟
لازم نلتقي واحجيلك هسه انت التقيت بيها بالبيت لو بعدك؟؟
لا بعدني متفقين ع اساس يوم الخميس...بس احجيلي شكو بس لا شفتها وي واحد؟؟
ولو يطبها طوب شعليه اني اخذ الاريده منها واشمرها..
طبعا اختج ليلى من سامعة الكلام متخبلة بس عبرت عليها السالفه وعبالها جراح..

لان هي اصلا متعرف جراح ولا سامعة صوته..

المهم نهى المكالمة وي جراح المزيف كدام ليلى كللها سمعتي؟؟
اختج بخطر واذا راحت رح تخسر كلشي لان جراح حبيبته خاينته ومتعقد من النسوان
لهذا يسوي بيهن هيج وعنده علاقات كومه ماتنعد ولا تنحجي..
الي اريده هسه فد كم صورة لمروة..
حتى اكله ترى مروة عدها علاقة بصديقي وهو مهددها بصورها واذا متصدك ذني الصور عندي
وانت انفذ بريشك لا تورطك مروة وتكول انت النشرتهن ويركبوها براسك..
هو اصلا ميحبها ولو عرف سالفه بيها زواج رح يطفر لان هو سبق وتقدملها يعني عليه علامه ورح يصيدو اهلج ويتهمو...

ليلى متشكرة منه وكايلتله ادزلك الصور وانت شريف وابن ناس وربي يستر عليك
طبعا صديقه الي وياه انعجب بليلى بوقتها واخذ رقمها من قيس وتواصلو الى ان صارو علاقة..
هالحجي كله دور مروة بوصول صورج اله..
اني جنت استمع لعلياء بلا مارمش احس اني اباوع فلم او لغز ماعرف ..سالتها بتعجب..
ليش ليلى مااجت حجت وياي غير اختها المفروض تحذرني؟؟؟؟
لا هو قيس كلهاا لتجيبين سيره لمروة لان مجنونة بقيس ومتصدك واكيد رح تحجيله ساعتها تروح بالرجلين لان جراح ميعوفها بسهولة..

اما وي جراح فهو لعب لعبة بس من بعيد..
ضل يشوفه دردشات ع اساس بينج وبينه وتسولفين وياه وببنكم صداقة..
ودز سيد محمود ع جراح باتفاق ويا ع اساس هو جان بينهم علاقة ومفترقين وهسه رجعو يعني رجععت مروة لمحمود..
متفق وي محمود يج للكوفي الي متعود يكعدون بي ع اساس يشوفه صدفة..
ومن جاي وشايفه جراح مسلم عليه وكاعد يمه لان بدا الشك تجاهج ياكل قلبه من كلامج وي قيس..
قيس بس شايف محمود اجه مترخص ع اساس مخابري بالبيت وراح..
طبعا محمود سواها صدفة وكعد يسًولف وسالفه تجر سالفه الو انت وصلو الج.....
هنا محمود عبى براس جراح اشكال كلام عنج
جنتي علاقه ويا وتركتي فترة وهسه رجعتو..
وتطلعون سوا ولقاءات وحدكم وهيج صار بينكم وهيج صار،..

لا يا نذل هذا العار ماقبلت بي من اجه حاجاني شكم مرة وارفضه طلعها بيه! !!
كملي شصار عقلي وكف علياء عفيه حتى بالحلم ماتجي هيج افكار ببالي!!!
حقج بصراحه قيس سوا الامور كلها لصالحه..
المهم من ملتقي بمحمود وحاجيله كلشي هنا حراح خابرج ونهى الموضوع وياج..

بس الي مستغربله قيس انه جراح ماكال السبب الحقيقي وهو اكتشف علاقتج بمحمود
يعني كلج وكل لجراح سبب شغله وممرتاح لوضعج ومريد يتورط هيج كايل لقيس...

ومخابر ليلى كايللها فضت السالفه وخلصت مروة من جراح..
ليلى هواي متشكرته ع المساعده الي قدمها الج بس محذرها لتحجي ولتجيب سيرته
وحتى جراح متحجي عليه ...
هنا ورا فتره قليله قيس كايل لجراح سوا وياج علاقه وهم ع اساس يلعب بيج للن رخيصه ومن واحد لواحذ
ويحجي لجراح امور مصايره مثلا التقينا وطلعنا وووو...
كلشي مسويتي وي جراح سويتي لقيس..وانت طلبتي من قيس تشتغلين وياه حتى تكونين قريبه منه..
وبيوم اجه للثواب الي مسوي بالشركة هو حاجي لجراح من يلتهون الموظفين ينفرد بيج ع اساس..
جراح رايد يتاكد وجاي فاتح الباب شايفكم ..

هذا قيس بشر مثلنا لو ابليس؟!!!!!لا مو مثلنا لاا شنو هالعقل هذا بس تعالي فهميني هو يكول حبلتي من قيس قبل الخطوبه!!!!
ايي هاي سالفه هم هسه احجيله الج،
....
خلال هالحجي اندك الباب دخل محسن كال.
قيس يريدج ع الفون يكول مخابرج متجاوبين..
جاوبته بس احجي بثگل..نعم تفضل قيس؟؟

جان صوته ضايج وهم يحجي بغضب مكتوم...
مروة جراح جاي للشركة قبل كم يوم التقيتي بي لو لا؟؟؟
لا ماعرف ماشفته يجوز بيوم الي ممداومة..
ها ماشي لعد اروح اني هسه..
الله وياك..

انطيت المحسن الفون وضليت افكر شلون عرف حراح اجه ولو اكيد وائل يحجيله كلشي هذا ميضم عنه شي...
سالتني علياء كتلها سأل عن جراح اذا التقينا او لا..
حاجتني علياء مستغربه ..
اجه جراح للشركة؟؟؟؟
جاوبتها بارتباك ماريدها تحس اي اجه ماعرف اجه يمكن ...
مروة اجه وشفتي احجي ترى اني حسيت سالفة ايدج مو خاليه ..
رجاءاً علياء مااجه خلاص ولا شفته..
مروة انت متعرفين تجذبين ولتخافين مااحجي كدام قيس شي لان كتلج اني اعزج وحاسبتج اختي
يمكن كرهتيني هسه من حجيتلج بس ترى اني مالي علاقة
قيس جان يحجيلي
بس جنت انصحه وحتى ارزلة لان امون عليه واني اكبر منه
وحجيتلج لان احبج ماردتج تضلين غافلة..

خلاص علياء