وبعدها شفت دكتورا زميلنه وظليت اسولف 
وياه ماحس اله واحد.ضربني بجتفي 
حيل وتعدى 
باوع ليث يخزرني 
اهوووو هذا عايش الدور 
رجعت كعدت واجه عماد وظل يحشش 
ويذكر زواجها بلتسعينات شون جان الاعراس 
بسيطه وبين هسه 
عماد :،عمي اله الاعراس كله هيج 
اله كل ست  اشهر اعرس 
اشو انه عرسي بشهر اب الدنيا 
تفورمن الحر 
على اساس احنه اغنياء عدنا مكيف جنرال 
استونه كعدنا نطفت الكهرباء 
وظلوا يهفون علينه بلمهاف 
خرب متنه ضحك 
الاطباء كلهم تجمعوا على سوالف عماد 
واصوانتا بلضحك عاليه 
واشوف ليث يروح منا ويجي منا يتحرمص

بعدها طلع عماد كتله اروح وياك تعبت

طلعنه انه وعماد وصار بوجهنا ليث وسلم 
وسلام حار هو عماد. 
رجعت للبيت 
ومابطل رسائل 
رديت عليه 
انت شريد 
اريدج الج 
استغفر الله 
شنو الشغله بلقوه منو كلك اريد ارتبط 
-معقوله اكو شابه بعمرج ترفض تتزوج 
اي انه 
-ماصدك 
والله كيفك صدكت اولا 
-اكلج شدعوه هيج مغروره وشايفه نفسج 
اي مغروره  وتعبانه ومانقصتك 
-اي بس انتي ناقصتني واريد اكمل حياتي 
وياج 
اكلك انت شدعوه هيج وثق من نفسك 
وكاني موافقه عليك 
-انتي الي وماتصيرين لغيري 
انه لنفسي مااصير لاحد 
دوروح الدنيا مليانه نسوان شكو جاي عليه 
مافيدك 
-ليش ماتفيديني اكو واحد  بحياتج 
او منتظره  احد 
اي منتظره غايب يرجع ويشيل هم قلبي 
-اها اذا هيج الكلام اتمنالج السعاده 
اشكرك 
-ويكون قادر يسعدج ؟؟ 
مايهمك مني ياريت ماتتصل بعد.حتى 
لااحظرك 
سده بوجهي اسمع طوطوطو 
خفه وراحه ارتاحيت منه 
بعدها بلمستشفى قليل  اشوفه 
حتى لو يكون قريب عليةمايباوع 
فديوم اجت وهج هي وبطنها دعبله 
-هاي شعجب ذاكرتني اليوم 
وهج :والله احسن من بعض الناس 
-اي والله حقج بس مشغوله 
كل يوم اريد  اروح يمج احلل نسبه دمي ماكو وقت 

:اكلج شنو رائيج نروح نتغدى بمعطم 
-ليش بالله نروح نتغدى بلبيت 
وهج ملينه من اكل البيت يالله عفيه 
حيل مشتهيه 
-هههههه ولج بطنج صارت شكدها وبعدج 
تتنسسين 
شسوي ماحب اكل من ايدي 
اوك خل اخابر على حسن ونطلع 
خابرته وكتله ماكال شي 
طلعنه هواي مطاعم قريبه عاى المستشفى 
على الشط طلعنه مشي 
وصلنا للمطعم صعدنا بلطابق الثاني 
كعدنا يم الجام ويطل على الشط 
منظر كلش حلو 
وهج كعدت وجهها على بدايه المطعم 
وانه مقابيلها وجههي على النهايه 
كعدنا هي طلبت مشاوي 
وانه طلبت بيتزا 
وصل الاكل 
-بالله هسه شنو هاي لورايحين متغدين 
من ايد.ماما سمج مو احسن 
دخيل لربج  انتي شنو ماتشبعين من اكل 
السمج 
ههههههه ابد. 
بدينا ناكل اخذت الحار وافرغ على البتزا 
مليتها ملي وكصيتها  واجيت اكل استوني 
خليت اللكمه بحلكي

واجه واحد.سلم ردت وهج عليه 
انه عبالي الكارصون مالت المطعم 
هنوب كال شونج دكتورا زهراء 
رفعت راسي واشوفه فتحت عيني على 
وسعها عليه 
بعدها  غصيت بلكمه 
هنوب كلها حار ظليت اكح 
ليث ووهج اسم الله اسم الله 
وانطتني وهج ماي 
اختنكت كلش 
شويه ارتاحيت 
كال سلامتج 
طبعا جر كرسي وكعد. 
الله يسلمك 
سمعيني دكتورا ماريد.اخذ من وقتج 
هواي 
شوفي   اني طلبت وانتي 
رفضتي بدون سبب مقنع 
يعني صح عندي اطفال بس  والله امهم 
منفصله من سنوات 
واني لاراح اكلج ربيهم ولا مسؤليتج 
ولاعندي بيت راح تخربينا 
واني بهاي الايام راح ارجع اطلبج من اخوج 
بس هل المره اريدموافقه 
وبعدها كام 
وكال الف سلامه عليج يالغاليه 
بس شويه لو تخففين الحار 
وضحك وراح 
وانه بدون صوت 
ماصارت طلعه عليه صار زقنبوت 
عفت الاكل 
وهج شبيج يمعوده داباعي شون 
جنه بقلاوه شنو تردين بعد 
اكول وهج هو منين عرف احنا هنا 
وهج وانه وين ادري 
يعني شنو عنده البلوره السحريه مثلا وعرف 
مكانه 
ماردت 
زين كملي بسرعه حتى نولي 
رجعت للبيت حتى دوام العصر مادوامت 
بقيت بغرفتي 
اخاف صدك.يحجي ويه اياد. 
وهذا مايتفاهم 
زين هسه شنو عذري وارفضه 
واهلي شون يقعنون 
راسلتني وهج مارديت عليها 
بقيت يومين مااحجي وياها 
الى فد. يوم اجتي للدوام 
كعدت سالتني ليش مارد على اتصالتها 
كتلها مشغوله 
:تردين الصدك 
-اكيد 
:شوفي اجاني ليث  فديوم للمختبر 
وطلب يحجي وياي 

و سالني عليج كال ليش رفضتني 
حجيتله السبب بس مو مفصل بلمختصر . 
كال بس انه سألتها دكول منتظره غايب 
يجي 
كتله اي تقصد ابنها 
وبعد.كلش فرح  حتى الدم رجع بوجهه 
وطلب مني يحجي وياج 
وادري بيج راسج يابس طلعت شغله المطعم

-بس شون هيج تسوين بدون تنطيني خبر 
وهج ؛والله اسفه بس والله لمصلحتج 
خوش رجال مايتفوت 
ياختي عيشي حياتج الى متى تبقين هيج 
والله حتى حرام دفنين شبابج 
مارديت عليها بس دموعي تنزل 
بوستني وراحت 
٠٠٠٠٠٠ 
بلفعل مر كم يوم واجه اياد 
كال ابو ادهم رجع طلبج مني 
انه ساكته ماحجي 
كال ماتحجين شكو ساكته 
-يعني هيج يهمك رائي انت مو تعرف 
ردي ليش تعيد 
:ترى

احنه ملينه كل ساع واحد جاي 
وكال اطلب ايد اختك واريد اتقدملها 
احنه شنو فاتحين مكاتبنا 
بس حتى نستقبل خطابه الج 
شوفي زهراء لوتوافقين 
لو تعوفين دوامج وتكعدين بلبيت وتنجبين 
ناس كلت وجوهنا ليش متقبل وليش ترفض 
هنوب اجه عماد ونفس الكلام 
والله محد.اله شغله بيه مازوج ودوامي 
ماعوفه حجايه مني حجايه منه صارت هوسه

ماما تهدي بينا ماكو 
اصواتنا علت هما يحجون وانه ارد 
طلعت ظيمي كوله 
طول عمركم تفكرون بكلام الناس 
شكالت الناس وشحجت الناس 
وانه بلحجيم نسيت اياد لو اذكرك 
شون ضربتني على سالفه ولد.طايح حظ 

وموقف كل بنيه تتعرضله 
تاليتها زوجتوني غصب 
وبعدك ورايه وهسه هم تريد تعيد 
الماضي بس اكولك شي 
لو مو تضربني هل المره لو طلع روحي 
ماقبل ومالك سلطه عليه 
انجبي والله اكسر راسج اجه يضربني 
وماما دفع وهو يريد.يكمشني 
عوفي ماما خل يضرب تعملت 
سحبني من شعري ويجر بي 
لج شنو هل السان والله اكصه 
ويجر بشعري قوي وماما تصيح 
بي عوفوها ولكم راح تموتوني 
مايسمع منها مستمر يجر بشعري 
ماحس اله ماما 
وكعت 
انه هنا تخربطت احوالي نحرك بيها 
ماكو حلكها نعوج وفاقده الوعي 
نقلناها للمسشفى وانه جنت وياها اراقب 
حالتها حيل نهاريت اخواني كلهم يرزولون 
بيه كله منج بومه طوطوه ابونا مات بسبج 
وهسه لحكتي على امنا 
ابد.مااحجي بس دموعي تصب 
انه هنا تخبلت ماعرف شنو اسوي 
ظليت ادعي بس تعدي هاي الازمه 
يارب بس رجعها سالمه ماريد.شي 
بعد حتى لو يذبوني بلنار 
مووبس زواج 
صدك انه زودتها لاسمعت كلمه من امي 
ولامن اخوتي 
يجوز تعاطفهم ويه حالتي خلاني انغر 
لو اتمرد عليهم 
وهاي نتيجه عنادي ضربيه دفعتها قبل 
بابوي وهسه لاسامح الله امي 
والله اموت نفسي اله صار بيها 
شي منو عندي بعد 
ظليت وياها ماشفت البيت حتى ملابسي 
ابدلهم بلمستشفى 
شون ادخل للبيت هي ماموجوده بي 
هي روح البيت ونفسه 
اكييد.هسه البيت اظلم 
يارب رجعها النه حتى تنور بيتها وتنور 
حياتنا 
وعد بعد مااعصيلها طلب 
بقت اسبوع بدت تتحسن بس بلبطئ 
اسبوع كلش طويل عليه ومر اسود عليه 
والكلام الجارح الي اسمعه يتعب اكبر 
بشر ٠٠٠٠٠ 
بعدها طلعت ونورت البيت 
وبقت هواي ناس تجي .واخواني بعدهم زعلانين مني ومايحجون وياي بس على 
حاله ماما 
حقهم وانه هم حقي الي شفته مو سهل 
بعد.فتره تحسنت ماما بس بعدها تعبانه 
ولسانه صار ثكيل اثر جلطه قلبيه

جانوا الكل مجمعين بلصاله 
جنت بغرفتي بعد.ماشبعت بجي 
رحت غسلت وجهي واخذت نفس قوي 
نزلت 
كتلهم انه موافقه ازوج ابو ادهم اله بعدها 
طالبني خبروا بموافقتي واله صرف نظر 
اي واحد يتقدم انه موافقه عليه 
محد رد عليه بس ظلوا صافنين على كلامي 
عفتهم وصعدت 
ظليت ابجي حد.ماغفيت 
يعني الانسان حتى لو يرسم لنفسه 
حياه يرتاح بيها يجي ظرف يغير 
كل موازينه ويخلي يرضخ للامر الواقع 
٠٠٠٠٠٠٠ 
من ماما تحسنت رجعت ادوام بس كلش تعبانه 
تعب روح تمنيت عمري كوله احد يفهمني 
ماكو كلشي يمشي عكسي 
بعدها بكم يوم اجه اياد كال انتي صدك 
موافقه عليه مو تلعبين علينا وبس يجي 
طلعين حجه 
كتله اي موافقه 
لعد بعد.يومين يجيب ناس 
ويجون يخطبون رسمي 
كتلها الي تشوفوا 
&&&&&&&يتبع


قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٢
قلب مكسور 
ثاني والعشروون 
بقلمي# بنت الرافدين #

كتلهم انه موافقه 
كاله بعد يومين يجيب ناس ويجي 
يخطب رسمي 
كتله الي تشوفوا صح سووا 
بقيت ادري بأمي شويه 
بدت صحتها تتحسن ودوامي نفسه 
سالتني امي 
:زهراء انتي موافقه لواحد ضغط 
عليج 
كتلها محد ضغط عليه انه من نفسي 
هذا قراري 
:ليش مالج خلك 
-عادي ماما انه هيج لاتفكرين زايد 
بعدها كالت زين راح تبقين بالاسود 
انزعي يأمي الحزن مو بلون 
-ان شاء الله ماما انزعه خلال هل اليومين 
:الله يسعدج ويريح بالج 
-امين يارب 
صعدت لغرفتي ماريد اسمع شي 
واصفن ويه نفسي 
يعني انه لشوكت كل زواجه تنفرض عليه 
لااختاريت مثل البنات ولاحبيت 
دائما الظروف هي  الي تختارلي 
طريقي 
تعبت من التفكير عفت كلشي 
ونطونا موعد.الجيه 
رحت حلاقه حفيت وعدلت وجهي 
سويت تقشير و معالج للبشره وماسكات 
لان بشرتي وشكلي صاير زفت 
واشتريت ملابس الوان 
ليث اجه قبل الكعده بيوم العصر 

خابر واخذ موعد.من اخواني 
وانه مادوامت العصر حتى اشوفه 
على اساس هو ماشايفني 
لبست بنطورون بوري وياها بدله قصيره 
او شلحه لونها جويتي 
لان استوني نازعه الاسود وخليت مكياج 
خفيف كولش وشال نفس اللون بس 
مطعم بورد 
كعد.بلاستقبال بحضور اخواني 
دكيت الباب ودخلت 
السلام عليكم 
والكل رد وعليكم السلام 
هو كام وسلم عليه 
ومد ايده وسلم عليه 
بعدها كعدت صرت كباله 
سألني عندي شي شروط او شي 
تردي دكوليه 
كان لقاء جدا رسمي 
بقلمي بنت الرافدين 
-ماعندي بس اكيد.انه ابقى بدوامي ماراح 
يختلف شي 
ليث :اكيد 
-تعرف  تخصصي وشغلي 
يكون كله مع اطباء وممرضين وادخل 
بلعمليات ساعات طويله 
واكون بس انه  او وياي 
ممرضه وحده او ثنين  والباقي كولها 
رجال ٠٠٠٠٠ 
ويكون بينا اتصال او نكعد.بنفس المكان 
ماريد.هذا الشي ياثر على حياتنا 
او يكون سبب مشكله بيوم من الايام

ليث :طبعا اشكرج على صراحتج 
وانه رجل منفتح وومثقف واعرف حدود 
العمل وزملاء 
اكيد.ماراح ياثر على حياتنا 
بعدها كال على السكن 
كال اني حاليا ماخذ شغل هنا 
وساكن بيت ومده الشغل ست اشهر 
وبعدها ارجع لبغداد 
ونعيش بيتي عندي امي واختي 

واطفالي يعني ماكدر اعوفهم وافتح بيت 
لوحدي 
صح اني هنا اشتغل بس اروح وارجع 
يعني ماعايفهم 
- ماعندي مشكله بلسكن 
ليث هاي هيه 
وبعدها اتفقوا على يوم المهر 
هو كال اني كلش مجهز يعني ماراح نتاخر 
بلزواج عندج اشكال او اعتراض 
-لا عادي 
سلم وطلع 
اجت ماما باركتلي 
:الف مبرووك حبيتي يارب يجعلها 
زواجه العمر ويزرقج اطفال ويجبر بخاطرج 
بعدها اخوتي هم باكولي واتشكروا مني 
لان مافشلتهم مثل كل مره 
طلعت لغرفتني بدلت ملابسي 
ودخلت وفاء 
دخليك ياربي اجت مثل البزون على الريحه 
:معقوله وافقتي وعديتي اليوم على 
خير بدون ماتسوين مقلب او طلعين بي حجه

-اسكتي الكل خايف مني متوقعين اطرده اخلي شروط تعجيزيه 
:اي والله اخوانج دخلوا انذار 
-هههههه شنو عدنا حرب 
وفاء لو شايفه شكلهم  من ساعه الغيض تارس 
وجوهم 
بس هسه من اجيت اشوفهم فرحانين 
-والله مادري ياوفاء عبالك كاعده على قلوبهم 
:ليش دكولين هيج غير يردون مصلحتج 
خطيه مايهون عليهم يشوفوج هيج مهمومه ومكسوره 
-الله كريم 
ثاني يوم صارت الكعده بس للرجال 
جاب وياا ناس وجهها وخطب رسمي 
وقروا الفاتحه 
يعني صح انه موجوده بس لانزلت ولا 
شفته 
ثاني يوم بلدوام الخبر منتشر الكل 
تباركلي بس هو مموجود 
بعدها ايامي عاديه 
خابرني مره او مرتين سلام 

ويعني كلام رسمي كال اني بغداد. 
ارتب امور الخطوبه واجيب اهلي 
واجي 
ان شاء محتاجه شي 
سلامتك.

بعد.10 ايام صار يوم المهر ماردت حفله 
قاعه سويتها كلش بسيطه بس عقد.سيد 
وتلبيس حلقات 
هو طبعا اجاه وياه اهله كلهم اولاده وامه واخته 
ليث عمره ٣٩ وانه صار عمري ٣٠ يعني 
٩ سنوات 
فرق 
وطفاله ادهم عمره ١١ بعمر ابني 
وميار عمرها ٨ سنوات 
اخته بلقيس مديره مدرسه مامزوجه ازغر من ليث 
وامه بعمر ماما بس كلش طيبه 
حسب اول لقاء وشكلها فرحانها 
عنده اخو من ابوه اكبر منه 
بس ماجه وياه 
هاي هيه عائلته يعني زغيره

مو مثلنا ماشاء الله 
هما يختلفون عنا بهواي شغلات 
لان هما اصلهم اكراد بس عايشين 
بغداد ولهجتهم بغداد ومن غير مذهب 
حتى عاداتهم بلزواج هواي تختلف عنا

بس اهلي مثقفين وماعدهم تفرقه وهاي السوالف 
حتى بلمهر خلوه فلوس و ذهب 
يكول هما عادتهم يخلون مثاقيل ذهب

احنه عدنا خير ما تهمنه هاي الشغلات لاانه 
شرطت ولااخواني هو خله من كيفه 
مهري كولش غالي جان خله ٢٥ مليون 
وكيلوين ذهب 
٣ كيلو  ذهب غايب 
لان هما كولش متمكنين يمكن حتى حتى 
اغنى من عدنا 
على كوله ماما اهم شي السعاده الفلوس 
والذهب ماتصنع سعاده  هي مكلمه للحياه فقط 
اخواني نفس كلام ماما احنه نتشري 
رجال مو فلوس 
يعني ماعدنا طمع او استغلال 
صار ي

وم العقد ماعزمت احد. 
بس وهج وكم دكتورا واهلي وبيت عمي 
بس هو جايب وياه وجهها واطباء 
هواي كباريه 
رحت لحلاقه قريبه على بيتنا 
اشتريت  بدله اوف وايت مخصره 
ومن جوه تصير مثل الحوريه والردن شيفون 
وشعري سرحته ولبست تاج بنفس لون 
البدله وخليته نازل ليوراه 
ومكياج جدا هادى 
كعدت بصاله هما بلديوان بعدها 
كومني حتى الشيخ يعقد.النه. 
ظل يردد صيغه العقد.ويقراء 
ايات الزواج واقوال الرسول 
الزواج سنتي 
عبالك يعرف انه رافضه الزواج 
بعدها طلب موافقتي 
ونطيت الموافقه 
ورجعت كعدت شويه اجه 
ليش لالبس قاط صحراوي طالع 
جدا انيق على كوله وهج 
بقلاوه ٠٠٠٠ 
انه كمت تقرب باس راسي 
وكعدني وباركلي 
وانه هم باركتله 
ولبسني 
الذهب ماشاء الله كله فخم 
من الحلقه للعقد 
جايب طخمين واحد لبسنياه والثاني هديه 
الحلقه جانت مطعم بالماس 
مبين عليه هواي فرحان 
امه واخته واولاده وياه 
اجوا باركولي وميار كاعده بحظن ابوها 
بعدها صورنا بلبيت ماطلعنه للتصوير 
:الف مبروووك حبيتيى 
-الله يبارك بيك 
بلخير  عليج اني 

-وانته هم 
كال اني طالع لوبيدي ماعوف الكيمر 
واطلع 
اخذ ادهم وطلعوا 
يم الرجال 
بقيت كاعده الكل اجت تباركلي 
شويه وخلصت الكعده

اريد اصعد اغير ملابسي خطيه ماما 
اجت حظنتني وباركتلي 
وظلت تدعيلي على الرغم من صحتها 
تعبانه بس خطيه قوت نفسها علمودي  ٠ 
٠٠٠٠٠٠٠٠٠ 
صعدت سبحت وغيرت ملابسي وصليت 
وكعدت استرجع ذكرياتي ولازمه الكلاده 
بايدي وموعي تنزل ماعرف صح غلط الي سويتها 
يعني بعد انكطع اخر امل برجعه ابني الي 
بعد صرت على ذمه رجال ثاني منو يخلي 
يتواصل وياي 
ظليت على كعدتي اله ماسمع صوت الفون 
كمزت 
اشوف المتصل ليث 
الوووو 
هله ياعمري هله مرتي 
هلو ليث

شونج مشتاقلج 
ههههه 
ليش تضحكين يمته لحكت تشتاق 
دائما مشتاق من يوم شفتج 
حبيت المستشفى 
والبصره وجوها الرطب 
ليث :زهراء 
-اممممم 
انتي وياي 
-اي موجوده 
ليش ساكته 
اسمع كلامك. 
حبي حظري نفسج راح امرلج نطلع 
نتعشى 
-هسه 
:اي 
مابيه تعبانه حيل وانه اصلا ماتعشى 
خليها بغير وقت 
:سمعتي شنو كلت لو لا 
-زين خل اشوف اخواني 
:اخوانج شنو امرج مني بعد 
واني خابرت دكتور محمد وافق 
-اوك 
اويلي تخبل اوك بصوتج 
-هههههه 
يالله راح اجهز نفسي

:زهراء 
نعم 
: شنو راح تلبسين 
-ماعرف بعدني ماقرره 
:البسي لون زيتوني او جيوتي 
احب هيج الوان مثل اول يوم اجيتكم 
نفس البس البسي يخبل عليج 
-اوك 
يالله باي 
سديته منه 
ولبست تنوره زيتوني عريضه على ستره 
زيتوني بيها ليلو ثلجي 
وقميص ابيض 
ولبست شال نفس الالوان 
طبعا انه لبسي كله رسمي ستره وتنورا 
او بنطرون 
مالبست مثل ماكال شايفه عليه 
اصلا انه احب اغير بلبسي مو نفسه اعيدها 
بدلت ونزلت وكلت لماما 
:اي ماما شكو بيها بعد هو زوجج 
-بس ماما انتي كولي للولد 
:روحي ماما اله محمد موافق محد 
يعترض 
اجه عليه وطلعنه طبعا هوا كلش وسيم 
ولسبه كله رسمي قاط او يلبس جنيز هم 
يلبس عليه ستره 
وصلنا لبيته استغربت 
هو موكال مطعم بس ماحجيت 

كال نزلي 
نزلت فتح الباب جان البيت حلو بناء حديث 
بس زغير مو فخم 
فتح باب الاستقبال ودخلت واجت امه 
تهلهل بوستني . 
وبعدها اجوا اطفاله 
البنيه تخبل شعرها كاريه اسود 
وهي بيضه ثلج تنحط بلروح 
والولد هم يشبه ابوه نفس الوسامه 
وكلش مهذب 
مبدلين وجاهزين 
بعدها طلعنه امه كعدت ليكدام 
وانه والجهال وراه 
وظليت الطريق اسولف وياهم واتعرف 
عليهم حيل ينحبون 
وصلنا للمطعم 
هو خاله طلبوا مشاوي 
والجهال طلبوا بيتزا هم طلبت مثلهم 
لان ماكل الحم ومشاوي ابد 
:انتي هم بيتزا 
-اي 
:بس مو ترسيها حار مثل ذيج المره 
-ههههه بعدك تذكر 
بعدها نزل الاكل اكلنا وكانت الكعده كلش 
حلوه 
كلش ارتاحيت وياهم اكثر شي الاطفال 
بعدها وصلوني للبيت 
وراحوا 
مشت ايامي عاديه وقرر بعد.شهر 
الزواج 
عقدت محكمه وصار كلشي رسمي 
اهله راحوا وراه الخطبه بيومين 
وهم يروح ويرجع اكثر شي نهايه 
الاسبوع يسافر 
ويرجع ويه بدايه الدوام بلمستشفى و يجي 
للغرفتي 
ويتوكح شويه يريد.يبوس او حظن 
ارفض اكوله احنه بلمستسفى 
ويعاند.اله ياخذ بوسه يالله يقنع 
او يجي للردهات او صاله العمليات 
بس ممنوع يدخل يبقى بلباب 

يم الاستعلامات 
يعني كل ساع 
طالعلي  اي مكان ادوام بي الكه 
يكمل شغله  ونطلع نتغدى 
او يرجعني للبيت 
او يجي على بليل من المستشفى الخاص 
ونطلع نفتر نروح على الكورنيش 
او مولات 
مره سالته ليث 
عيونه 
تسلم عيونك 
ليش انفصلتوا انت وام ادهم 
هههههه ضحك طبعا منتظرج تسألني 
حد.ماايست 
يعني انتي ابد.ماعندج فضول 
بعدها سحب ايدي وكعدنا على مصطبه 
على الشط على اساس يريد.يكعدني 
هو يدفعني هوصاير ورايه 
ويدفع بيه  وانه ارجع ليوراه احظنه لاعفيه 
اخاف على الرغم اكو سيا

ج حديدي 
بس اخاف من الماي 
يظل يضحك عليه 
ويكولي ياريت تبقين تحافين على 
طول حتى ظلين بحظني 
اباوع صدك حاظنته يبوي منا العالم 
ابتعدت 
وهو ميت ضحك. 
كعدنا وكعد يحجيلي 
كال مشاكل هي واختي بلقيس 
على طول دائما تزعل واروح ارجعها 
وراه فتره هم ترجع تزعل وتاخذ اولادي 
وياهم 
صح اني وياها متفاهمين بس هي واختي 
وحده ماطيق الثانيه ودائما تريد. 
تطلع بيت وحده 
واني ارفض 
ماكدر اعوف امي واختي وحدهم خصوصا 
اخوي عايش وحده من زمان 
حدما صار عمر ميار اربع سنوات 
وادهم سبعه هم زعلت بس هل المره 
كلت كافي هواي تحملت وهاي هم حقها. 
اشتريت بيت قريب على بيتنا حتى اوزان 
بين بيتي واهلي ورحت عليها 
اتصورت راح تفرح يعني حلمها تحقق 
لكن كانت الصدمه 
دكولي بعدما ارجع وياك اله بشرط. 
وهو نسافر ونعيش خارج العراق 
كتلها اني هنا ارفض بعد.تردين بلخارج 
كتلت هذا اخر كلامي اهلي صفوا 
امورهم وراح يسافرون ويقدمون لجوء 
واني ماعوفهم 
كلمه منها كلمه مني علكت بينا 
اخذت اطفالي وكتلها تردين تشوفيهم 
بيتي مفتوح 
عندي امل ماتعوف اولادها 
لكن ابد وتنازلت ودزت عليه حتى اطلكها 
تخبلت كمت ماشوف بعيوني  رحت تعاركت وياها 
واسحبها كوه اريد.ادخلها لسياره 
واخذها للبيت 
لكن عاندت اكثر وكالت اله ماطلكني 
من راضاتك ارفع عليك قضيه 
يعني احس كرامتي انجرحت هواي 
دست على نفسي 
بلعفل رميت عليها اليمين 
وسافرت وعاشت عمرها 
بس ماحرمتها من او لادها 
تراسلهم وكل سنه او اكثر تجي تشوفهم 
هو يحجي وانه ساكته 
متعجبه اكو هيج ام تعوف اولادها 
هنوب شون اطفال جنهم ورود 
بعدها رجعت البيت 
بقيت على طول انه وليث متواصلين و 
بديت اجهز للعرس من ملابس وشغلات 
طبعا اتكفلت مثل كل مره وفاء 
هي تجهز وتشتري 
حتى ذهبي كله غيرته واشترت جديد 
بس تشتري بخبال من ملابس نوم الى مكياج 
الى عطورات 
حتى الجنط عدها بلبيت هي ترتبهم 
وانه مادري عن شي 
قرب موعد العرس وماردت حفله بس 
زفه لان بزواجي الاول ماطلعت من 

من بيت اهلي 
هو ماعارض 
بس حجزلنا وراه العرس نسافر 
لميزيا  ٠٠٠٠ 
بيوم الحنه العصر خابرت ليث 
كتله راح اجي اجيب الغراض وملابسي 
كال اني عندي شغل ماكدر اجي عليج 
خليها بليل 
-لا السايق يجبينه بس البيت مفتوح

اي امي موجوده 
اوك انطيها خبر

طلعنه انه وفاء ورحنه لبيتهم  استقبلنا خاله 
والاطفال هواي فرحوا سلموا عليه 
وكعدوا يمي 
اشتريت بدله لميار 
وقاط لادهم تشكروني 
صعدنا للغرفه ترتبنا الغراض 
جانت تركيه بيضه وازرق حلوه 
بردات نفس لون الغرفه شاشه بلازما 
ومرتبه من الواحات الى الورد.والفرشه 
يعني ماناقصه شي حتى القران فاتحي بوسطها 
والورد.والشموع 
بعدها اصرت خاله نتعشى عدهم. 
بقينا على العشاء شويه واجه 
ليث سلم على وفاء 
وبعدها اخذني للغرفه كال هاي موقته هنا 
هناك وصيت غرفه فخمه كولش 
بلعكس حلوه نازكه 
بعدها تقرباي واخذ شايفي 
وتوكح شوي كوه خلصت نفسي منه. 
نزلت هو بدل ونزل ورايه 
تعشينا جانوا جايبين جاهز 
بعدها رجعنا للبيت ٠٠٠٠٠٠٠ 
ثاني يوم العرس 
البدله هو اشتراها الي موصي عليه 
طلبيه على ذوقه كلش حلوه بدون ردن 
وطرحه طويله 
وشغل الصدر نازك 
ومنفوشه من جوه 

رحت حجزت مركز تجميلي وخلصت شعري 
ثلجي كم خصله لان هو بي لون اشقر 
على كستنائي 
طلعت كلش حلو على وجهي 
ومكياجي طلبت هادي 
بس ركزت على العيون رسمتهم وخلتلي 
رموش 
الكل يكول طالعه حلوه جانت وياي 
وفاء 
بعدها وصلت من وقت للبيت اخوتي 
موجودين 
سلمت عليهم كلهم وهما سلموا عليهم 
واعتذرولي وكالوا لمصلحتج واحنه 
ماعدنا اعز منج بس هاي سنه الحياه 
بعدها دخلت على ماما خطيه كالبته مناحه 
حتى مالطالعه بره الغرفه ويمها خاله تهديها

-ها ماما شونج ليش تبجين بيج شي الله عليج

:لابنتي ربي يسعدج وتمسح بدموعها 
-اكلج شو تبجين منو الي جان يلح عليه 
ويوميه جايتلي بقصه شكل 
:لايأمي والله فرحانه الج بس فراكج 
صعب 
حظنتها وانه هم مادري شون راح اعوفج 
بعدها طلعت كعدت بالاستقبال وكعدوا البنات يصورون وياي

شويه اجت الزفه هوسه وطلق متت خوف 
عبالك اول مره  ازوج 
دخل ليث بكامل اناقته كعد.يمي شويه

وبعدها كال يالله خل نطلع غطوه شعري 
واكتافي 
وطلعت للسياره هويسوق 
ومشغل اغاني وفرحان كلش 
بعدماوصلنا للبيت بس امه اولاده بلقيس 
ماجيه ماعرف ليش جنه ماقبله عليه 
شويه كعدت بالاستقبال وبعدها صعدت 
للغرفتي فوك 
محد.اجه وياي من اهلي 

ظليت افتر على طول الغرفه اريد اخفي 
التوتر الي عندي 
متت خوف كل افكار سوده مرت 
عليه 
افتر وانه بعدني بلبدله 
حد.ماسمعت الباب انفتح وانه اتجمدت 
بمكاني 
&&&&&&&يتبع
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجم

يل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٣
قلب مكسور 
ثالث والعشرون 
بقلمي #بنت الرافدين #

سمعت الباب انفتح وانه 
اتجمدت بمكاني دخل ليث 
متت خوف 
ليث:مساء الخير 
-مساء النور 
: ليش بعدج بلبدله اني طولت جوه 
حتى انتي تاخذين راحتج 
-هاي اي هسه اغيرها 
سحبني من ايده شبيج حبيبي 
وقربني اله وطبع بوسه بين 
عيوني 
-شويه متوتره 
عادي حبيبي بعدها 
ضحك الي يشوف لسانج اول ما تعرفت 
عليج مايكول هيج خايفه 
-تخصرتله شنو جاب اللسان بنص 
: جنت اشوف شخصيتج قويه 
مو سهله يمكن هذا الي اكثر شي 
عجبني بيج 
اممممم 
بعدها اخذت السيت لونه ابيض كوله دانتيل 
وقصير شكله مثله البدله بدون روب 
ورحت سبحت ورجعت

هو هم مبدل برمودا وفانيله كيموني 
اول اشوفه بلبس فري بس 
شنو طالع يخبل حتى ازغر من عمره 
باوعلي ويبستم سويت نفسي ماهتم 
انشف بشعري 
اجه حظني من وراه ويشم بشعري 
وبركبتي 
-ليث شويه بس اكمل شعري قبل لااكمل 
سحبني على الفراش 
وانه اجتلي الرجفه اذكرت نائل وحشيته 
بس لاليث مثله يمه اموت نفسي احسن 
احجي بداخلي 
ظل يبوس ويتغزل وانه ارجف 
:ليش هل الرجف حبي 
طيعني زهرتي يعني انتي مو زغيره 
فاهمه ومثقفه مايحتاج اشرحلج لو افهمج 
هزيت راسي بمعني  اي 
-كلت صدك اخاف اقاومه ويتهجم عليه 
اقترب مني اخذ شفايفي 
بعدين سلمته نفسي ورحنا بغير 
عالم وصارت روحه وروحي وحده 
عالم الي تشملنا رحمه الله مودته 
ابتعدعني وباس راسي 
مبروك حبيبي صرت مرت ليث روحه وعمره 
ان شاء اكدر اسعدج 
بقيت على نومتي حسيت بالم خفيف بطني 
اوووف الحمد.الله والشكر ظليت ارددها هوايه 
من عدت عاى خير 
شكد.جنت خايفه 
الله لاينطيك العافيه يانائل على اليسوته 
وياي 
بعدها راح غسل ورجع 
انه هم كمت غسلت وراه 
ولبست برمودا لونها وردي والبدي 
بي ورد زغار ربع ردن 
طلعت ماهو بلغرفه ظليت اجفف بشعري 
سويته ذيل ونزلت خصل ثنين اليكدام 
ورتبت وجههي شويه مرطب وحمره ورديه

شوي ودخل بصينيه الاكل 
ابتسملي 
كعد يرتب الاكل 
-،عوفه انه ارتبه 
اجه حظني وكال  انتي عروسه اليوم 
ماتلزمين شي اليوم بس تدللين 
-بس اليوم ويخلص الدلال 
:،والله حسب همتج كل مادلليني 
ادللج اكثر اخليج ملكه 
ظل يتغزل بيه تعامله كلش 
لطيف مابي عنف 
كعدنا ناكل هو كل ساع مخلي لكمه 
بحلكي ويكولي انتي هم وكليني 
ومخلي كدامي شيشه الحار 
ويضحك عليه مو تخلين هواي وتغصين

-ههههههه شنو ماتريد تنسى 
:لج لو شايفه منظرج بلقران 
فلم 
-هههههه من الصدمه شسوي ماعرف طلعتوا 
متفقين عليه 
:شسويلج غير عليتي لقلبي 
-،اسم الله على قلبك 
:لاصدوك تخافين عليه 
دنكت اكييد. 
لاهيج اني ماتحمل بعد 
حظني امووت عليج لج احبج 
سحبني على  الفراش 
وين خل اغسل ايدي والم الاكل 
بس شويه يمعوده بس اغسل 
بس بوسه وحده 
لا ابد.طفرت منه اريد اروح للحمام 
ركض ورايه لاعفيه ليث 
اعقل شوي 
وانتي خليتي عندي عقل 
ويريد.يلزمني وانه اتهرب منه بعدها 
كوتله الباب يدك 
اندار هو ركضت بسرعه 
دخلت للحمام  قفلت الباب 
غسلت وفرشت اسناني 
بس فتحت القفل هو وهجم  عليه 
ها تكذبين عليه ويعضني  بركبتي 
هههههه اه اه تاذيني ليث 
لاعفيه على كيف 
كوه فرغت روحي منه 
بقينه لحد الفجر كاعدين 
بعدها صليت ونمت ميته تعب 
هو هم 
بقلمي بنت الرافدين 
كعدنا الساعه ب ١١ 

بدلت لبست بدله دراعه خليجيه لونها 
جويتي هو يحب هيج لون يكولي كثري 
منه مايحب المشعشع 
وبيها تطريز وخرز ذهبي وردن عريضه 
وخفيفه 
ومكيجت وبعدها كعدته 
ليث 
ليث 
كوه يفتح عيونه 
صباح الخير 
صباح العسل 
اخذ فونه باوع لساعه 
اوووه هاي شكد نايمين 
حظني وباس خدي 
حضرب ملابسي حتى اسبح 
اوك 
طلعتله برمودا وتشيرت 
سبح 
ونزلنه جوه 
خاله تهلهل باركت النه 
باسها من راسها 
وانه  هم سلمت عليه وبوستني 
هواي  فرحانه 
بعدها اجوا اولادها هم سلموا عليه 
بوستهم 
رحنه للمطبخ 
خاله  محضره الريوك.النه 
تريكنا حلفتها انه ارتب المطبخ 
وهي تدعيلي ودكولي ربي 
يرضى عنج 
بقيت باقي النهار جوه ويه اولاده 
كمت اخذ عليهم نسولف ونشاقى 
كالوا شنو نسميج 
كتلهم كيفكم 
خاله عمه 
كالوا عمه لان متعلمين على عمتهم 
بلغداء ليث وصى من المطعم 
مندي دجاج ولحم 
بعد.الظهر صعدنه لغرفتنا وليث 
الي مايشبع 
ثاني يوم سافرت خاله والاطفال 
لبغداد. 
احس اتعودت عليهم مكانهم خالي 
بس احنه ماطولنا وراهم العصر 
سافرنا 
جهزنا نفسنا وطلعنا للمطار 
اخذنا سايق الشركه مالته وصلنا 
وصلنا لمليزيا 
انه رايحتها قبل  يعني مامتعجه 
بلمكان او شي غريب عندي  عادي 
هواي دول مسافره حتى هو تعجب من 
عددتله الدول الي مسافرتلها 
كال هاي كوله شايفتها 
اي 
جان وقتنا كله بلغرفه قليل نطلع

-كوتله احنه شكو اجينا هنا اشو كل 
وقتنا بلغرفه

وشنو نشوف  بره بس خضره ومي 
بس هنا الطبيعه كلها 
كان ليث وياي اخر رومانسيه عكس 

من يجي اتصال يصير عصبي 
وصوته يعلى خصوصا من الشركه 
طبعا فونه مايسكت ابد عاى طول 
يخابر  حتى من انام بليل 
اكعد.الكاه طالع من الغرفه 
كاعد بلصاله يتصل 
ومن اجي يمه يعتذر ويكولي 
مو قصدي اعوفج بس مكالمه ضروريه 
بقينا عشره ايام كولش تونسنا 
على الرغم قليل  نطلع بس اخر يومين 
طلعنا مولات اخذنا هدايا لاهلي ولاهله 
واشتريت ملابس ومكياج وعطور 
واشترالي طخم ذهب هديه الي 
وانه هم اشتريلته مداليه لسويج السياره 
ذهب ومحبس فضه 
بعدها رجعنا  لبيتنا وصلنا بليل ميتين 
تعب خابرت اهلي طمنتهم عليه 
بعدها اخوي محمد.خابر ليث وباركله 
وعزمه ثاني يوم على الغداء 
بلفعل 
ورحنا  لبيت اهلي 
وسووه عزيمه ضخمه بيوم الي اجيت الهم 
احنه هيج عاداتنا اول جيه للبنيه يذبحون 
ذبيحه ويسوم عزيمه حتى يصير تعارف بينهم 
واهلي عازمين عمامي ولدهم يعني الاهل 
بقيت للعصر عدهم 
وبعدها رجعنا لبيتنا 
وبعدها بيومين هو عزم اهلي وعمامي 
كلهم 
اجوا باركولي وجابوا هدايا كومه اخوتي 
ونسوانهم ذهب واجهزه للبيت بنات عمي 
وسوه عزيمه ضخمه جاب طابخين 
وجهز من المطعم ابد مالزمت اي شي 
انه 
حتى المواعين والبيت جاب بنكالين نظفوا 
بعدها اجت هواي ناس تباركنا  الاطباء 
صديقاتي وهو هم مقاولين مهندسين 
بعد ١٥ يوم من زواجنا كال لازم اسافر 
لبيتي والاودي 
-اي حبي حقك خطيه اكيد مشتاقيلك 
ليث :يعني مازعلانه 
-،لاابد ليش ازعل 
حظني حيل اموت عليه حنيه قلبج 
وصلني بيت اهلي و هو سافر 
بقى ٥ ايام يتصل بيه على طول 
بعدها رجع 
انه رحت قبله للبيت نظفته وبخرته 
وطبخت اكل وجهزت نفسي 
طبعا ماكوتله  انه بلبيت 
جنت لالبسه سيت احمر 
من دخل اتفاجاه  بيه حظنته 
الحمد.الله على سلامتك 
الله يسلمج ياعمري 
مشتاقلج 
هاي من شوكت هنا اجيت قبل الظهر 
تتغدى 
اي 
حصبلك 
لا 
يحجي وهو حاظني موهنا اتغداء بلغرفه 
بس اكول من هذا وياشر على شفايفي 

لعد.هذا الاكل المن طابخته 
بعدين مو هسه 
واخذني للغرفه :couplekiss: 
غسلت 
وجهزتله ملابسه 
ونزلت جهزت الاكل 
سبح واجه 
شنو هلريحه تصطر 
شنو هل الدلال اكل وحمام يخبل 
تراه اتعبج 
-ليش بالله 
ليث :مواتعود على الدلال وماكدر اعوفه 
بعد 
-،بلعافيه عليك 
كعدنا ناكل 
وانه اساله على اولاده شونهم وعن امه 
بقيت ايامنه كولها حلوه بليل نطلع 
نتعشى بره نظل نفتر بلسياره 
ويشغل اغاني 
ونرجع للبيت ونبقى للفجر 
حد.مايرتاح كولش 
الصبح  يطلع لشركه وابقى نايمه 
بعدها بكم يوم خلصت اجازتي ولازم 
ابلش بدوام 
حيل اشتاقيت للدوامي لاخوتي 
طول الوقت وحدي هو يطلع للشركه 
ويرجع الظهر يتغدى وينام ومرات 
ويرجع العصر 
ليث خلالي سايق يوصلني 
بلشت اداوام 
اطبخ بليل والتمن من ارجع وانظف بليل 
او مرات تجي عامله التي تشتغل 
بيت عماد اخوي تسوي حمله تنظيف 
وتبخره 
كل تلاثه ايام او اربعه اروح لاهلي من يطلع 
العصر يوصلني اله ماعندي 
شغل بلمستشفى الخاص 
وارجع بليل يعني مو مثل قبل 
قللت شغلي العصر وخفرات بطلت 
اخذ اكثر شي 
ادوام من يسافر 

بقينا شهرين الحمد الله باحسن مايكون 
بعدها كال كمل المشروع ولازم اسلمه 
ونسافر بغداد 
مارفضت  لان عندي علم من الاؤل 
بس حيل اتكدرت  صعبه عليه اعوف محافظتي 
وشغلي واهلي 
ماعرف من اذكر بغداد حيل اختنك وانقهر 
بغداد سببتلي جرح ينزف مانشف 
يعني صرت  مثل بغداد الجريحه 
بس مابينت هذا الشي لليث 
اخذ واراقي وقدملي 
نقل بمستشفيات بغداد 
سافر هو قلبي حتى يرتب دوامي 
طبعا البيت الي كاعدين ايجار لان مؤقت 
ماخذت بس ملابسي 
رحت للمستشفى ودعت زملائي 
وهج واخذت شغلاتي الخاصه بيه 
وطلعت ماكدرت ابقى اكثر 
طريق كوله ابجي 
صار يوم سفري شبعت بجي 
اجوا اهلي ودعوني 
وماما تدعيلي 
سافرنا الظهر بسياره ليث 
وصلنا بعد.المغرب ميته تعب 
حتى شكلي متغير وجهي اصفر 
وتعبان ابد مايوالمني السفر 
وصلنا منطقتهم 
جدا راقيه 
والبيت  كلش حلوه طابقين وضخم وبناء حديث 
كلش بي راقي من اثاث الى تصميم 
بعدهو منهدس ومقاول اكيد بيته يصير 
مميز 
استقبلونه اهله 
وانه مطفيه كلش 
كعدنا شويه بلاستقبال بعدها 
كال ليث كومي اصعدي ارتاحي 
اترخصت منهم وصعدت وهووياي 
كال حضري ملابسي سبح وبدل ونزل 
الغرفه  جانت كلش راقيه 
وفخمه عباره عن سويت كامل 
غرفه وصاله وحمام 
شويه جابوا الجنط 
دخلت سبحت وصليت وكعدت ارتب 
ملابسي واسمع فوني يدك 
اوووو شون نيست اطمن ماما انه وصلت 
رحت للحنطه طلعت الفون 
جانت وفاءسلمت عليها وطمنتها كتلها 
سلمي عاى ماما 
رجعت ارتب الملابس 
شويه اجت العامله كالت دكتورا 
الاستاذ ابو ادهم يكول انزلي على 
العشاء 
اوك 
هنوب راحت ورجعت كالت تراه 
اخوه هنا خلي شي راسج 
-شكرا زين نبهتني جان نزلت هيج 
ضحكت ونزلت 
لبست فستان مال محجبات وشال لفيته 
زين 
ونزلت لكيتهم كاعدين بلصاله و

انه انزل 
على الدرج ماعرف خجلانه لان جديد.عليه 
البيت 
قويت نفسي ونزلت 
سلمت اجه عليه ليث 
كال اعرفج باخويه الجبير مازن 
بقلبي بعد وكت استوه بين

هو كام بس صافن بوجهي بعدها   سلم 
عليه وباركلي 
واعتذر لان جان مسافر 
بعدها صبوا الاكل ورحنه على الطاوله 
هما يسولفون 
وظل يتعرف عليه  وشنو تخصصج 
بيا مستشفى.تشتغلين 
طبعا هواي يسالوني هذا السؤال 
حتى صرت اضوج من الجواب 
اباوع لبلقيس تريد تاكلني بعيونها 
ياربي شبيها هاي هو انه مزوجه اخوه 
لو حبيبها 
وانه اكل بلجذب ماشتهي وهذا يسال 
عبالك يريد يطلعلي جنسيه 
بعدما كملنه اكل وراها شويه كعدنا  شربوا 
جاي ٠٠٠٠٠ 
بعدها طلع اخوه 
واحنه كل واحد راح لغرفته 
بدلت سيت نوم ومكياج 
وتمددت ميته تعب شويه ودخل 
ليث نورتي البيت حبيبي 
تسلم 
حظني اوووف شنو هل العطر يدوخ 
-ههههههه 
بقى يتغزل ويبوس واخذني لعالمه 
بقينا سهرانين شويه ونسمع العياط 
ليث بسرعه ناوشيني ملابسي 
انطيته تراك لبس البجامه وطلع والتشريت 
بايده 
انه هم لبست ونزلت وراهم 
واشوفهم مجمعين بلحديقه بلمطبخ 
وبلقيس تبجي 
وامها يمها حتى الاطفال نازلين مخروعين 
ويهدون بيها 
العامله اسمها ام اطياف اكو خاله شكو 
كالت بلقيس دكول اجاها صوت وهي 
بلمطبخ يدفر بلباب 
طلعت للحديقه تسمع اطلاق نار 
يجوز حرامي . 
وخطيه ظلت تعيط 
راح ليث شاف الكاميرات مابيها شي 
طلع براه ماشاف شي 
الحمد الله من عدت على خير 
بعدها صعدت للغرفتي احس جسمي 
كله يرجف 
اجه ليث سالته 
كال ماكو شي احسهم يضمون عليه شي 
رجعنا نمنا الصبح كال ليث انه طالع 
للشركه 
كعدت حضرتله ملابسه بدل وكال ارجعي 
نامي اني اتريك واطلع لاتنزلين 
بقيت بغرفتي ماجاني نوم متعوده على الكعده 
الصبح كعدت ارتب بقيه الملابس 
وخابرت وفاء 
-اكلج شنو مشتريه السوك هلكت وانه ارتب 
من البارحه لليوم 

:غير جهاز عروس كامل 
لعد شنو تردين اشتريلج قطعتين ظلينه 
انسولف اكثر من ساعه 
كملت الغرفه ونظفتها وبخرتها 
وبدلت ونزلت جوه ماكو احد بس 
ام اطياف صباح الخير 
هله صباح النور 
ماكو احد بلبيت 
اي الكل بلدوام وام ليث طالعه 
هاي اوك 
اسويلج ريوك 
لاخاله لاتكلفين نفسج انه اسوي 
ماقبلت بس ساعدتها 
تريكت بقيت يمها بلمطبخ 
نحظر الغداء حد.ماجوا اول الشي 
الاطفال 
كلش فرحت بيهم صعدت ويه ميار لغرفتها 
وغيرت ملابسه وهي تشوفني غرفتها 
بعدها دخلت لغرفه ادهم 
هم شوفني غرفته طبعا غرفهم حالها حال 
البيت راقيات كلش بعدها نزلنه جوه 
اجت بلقيس 
طبعا هي  لبسها كلش رسمي 
وتلبس مناظر طبيه وشعرها شاليته 
على شكل كبه 
يعني صدك مديره مدرسه 
هواي تشبهه الانسه مينشين الي ويه 
سالي كولش 
بقيت يمهم واشاقه وياهم بدو ياخذون 
عليه 
نزلت بلقيس جان تصيح بادهم على 
الضحك 
وشنو هاي الاصوات 
خطيه اعتذر وسكت التفت عليه 
حبيتي هاي سوالفج عديهم على غيري 
مو عليه اخذتي الاخويه بلعافيه عليج 
اولاده مالج شغل بيهم 
بالله هاي شنو احجي وياها 
عفته ورحت للغرفتي كعدت حد مااجه 
سلم وحظني مشتاقلج الوقت صار 
شطوله بس اريد ارجع للبيت 
يالله غير ملابسك الكل منتظيرك على 
الغداء 
هههههه ليش تتهربين مني ليش مادكولين 
مشتاقتلي 
-يعني انت تدري اله احجي 
اي تختلف من تطلع من شفايفج 
سبح وبدل ونزلنه نتغدى بدء يسال باولاده 
عن يومهم ويسال باخته عن وضعها 
وتسوي نفسها فقيره من تحجي وياه 
كمل اليوم عادي ثاني يوم 
الصبح من طلع محتاجه شي حبيبي 
-اي 
:امريني اعيوني الج 
-تسلم عيونك يمته باشر بدوامي 
اي زين ذكرتني حتى امر عاى مدير 
المستشفى اشوف اوراقج 
باسني وطلع خلص اليوم مثل الي قبله 
الظهر على الغداء كال ليث 
مازن وزوجته جايينه على العشاء 
ليث العصر هم يطلع اخلص وقتي 
يم اولاده اساعدهم بلدراسه خصوصا 
ادهم هواي جنت اتوهم واشوفه سيف ابني 
صار المغرب صليت وجهزت نفسي 
ورحت شفت الاولاد ساعدتهم بلتبديل 
حدما سمعنا بيهم اجوا نزلت 
سلمت عليهم ليث عرفني على مرت اخو 
اسمها هيلين 
جميله كلش شعرها اصفر قصير 
بيضه ثلج وازغر من زوجها بهواي 
كعدنه انه وياه نفس القنفه ونتعرف 
على بعض واخذت رقمي قدمتلي هديه 
زواجي 
وعزمونا على ثاني بيتهم 
شافت ميار كاعده يمي 
سالتني تحبيهم 
اي كلش  تحبهم 
شنو يسموج 
يصحولي عمه متعودين على عمتهم 
ودعونا وطلعوا 
وخلص اليوم عادي 
ثاني يوم جهزنه نفسنا ادهم ماقبل يروح 

ويانا اخذنا بس ميار 
وصلنا للبيتهم بغير منطقه بيت كلش جبير 
انبتهت اشوف شرطه وحمايه بلباب 
&&&&&&&يتبع
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٤
قلب مكسور 
الرابع والعشرون 
بقلمي #بنت الرافدين #

نزلنا شفت بابهم شرطه وحرس 
بيت فخم وجبير 
فتحوا الباب الحرس ودخلنا جوه 
اجه هو وزوجته استقبلنا وسلموا 
علينا 
كعدنا شويه وطلعوا 
سالت ليث 
لبث 
امممم 
اخوك شنو يشتغل 
:ليش 
لان حرس وشرطه بلباب 
:ضابط بلداخليه بس رتبته 
جبيره لهذا عنده حمايه 
سكتت ظليت افكر شون عيالي 
وكلشي ماعرف عنهم يعني انه طبعي 
ماسأل وماعندي فضول وهو مايحجي 
اله اسأله 
بعدها 
دخلوا جايبين الضيافه هو زوجته 
كعدت يمي وظلينه نسولف 
ليث يم اخوه وميار بحظن عمها 
ويشاقيها ويبوس بيها وهي شكلها متعوده 
عليه بس بيتهم هدوء عبالك مابي اطفال 
ماعرف شنو السبب

كل ماباوع اشوف ليث يخزرني 
وانه اباوع على شالي اخاف طالع شعري 
لو صدري ماكو شي 
لعد شبي 
هيلين لبسها كلش فري قصير وضيق 

وهي حلوه واجتماعيه وعدها اسلوب 
بلكلام يعني تشارك بكل موضوع 
يالله زين ماطلعت مثل بلقيس 
بعدها شويه صبوا العشاء 
كالت تفضلوا العشاء جاهز 
جانت صاله بيها ميز طعام 
وقسم ثاني بي طخم وشاشه ومكيف 
كنتوري وستان ورد. 
بس بشي مرتب وراقي 
طبعا الاكل كوله جاهز مشاوي ومندي 
لحم 
ومقبلات 
هما ياكلون ويسولفون انه مخليته على 
الصامت اله تسالني هليلين اجاوب 
بعدها مازن كال 
زهراء شكد.عندج اخوان 
-خير من الله 
:واني هم اعتبرني اخوج 
-الي الشرف اكيد اخويه 
كال لعد ماتاكلين اله هذا بيت اخوج 
يبوي شون فشله منتبه على اكلي 
شكد عيب 
كملنه العشاء اجت العامله شالت الاكل 
هما راحوا يلعبون بليارد وميار وياهم 
عدهم نفس البيت

وبقيت انه وهيلين كعدنا على الطخم 
الي قريب على الميز 
وظلت تسال بيه 
شونها خالتج وياج 
حمد الله حبابه كولش 
وبلقيس 
زينه وسكتت 
انتي مزوجه قبل 
اي 
عندج اطفال 
عندي ولد 
هسه وينه 
عد ابوه 
شكد عمره 
١١ سنه 

صفنت 
كالت شكد.عمرج وازوجتي 
زوجت من حنت طالبه بلكيه 
حلو مثلج لو لا 
اي يكولون يشبهني 
فتحت فوني وطلعت 
صوره شوفتها الها 
كتلها هذا بس من جان عمره ٩ 
اخر مره شفته جان بهذا العمر 
فتحت عينها عليه وكالت يعنيييي 
كتلها اي هاي الفتره كلها مادري عنه 
صدك تحجين زين يخابرج 
لا 
دموعي نزلت ظليت امسح بايدي 
تنزل الثانيه 
انتبهت عليه 
اسفه حبيتي مو قصدي اجرحج

كتلها عادي تعودت 
شويه اجه زوجها 
اخذت التلفون وراحت تشوفه الصور 
شوف حبيبي ابن زهراء شون جمال 
هو يباوعلي ويباوع بلفون ودموعي 
تجري 
ظليت مدنكه عيب منه 
بس زين ماعلق 
بعدها اجه ليث كال حنرجع للبيت 
وصلنا للبيت هدوء الكل بغرفهم 
صعدنا رحت لغرفه ميار غيرت ملابسها 
وتمددت على فراشها 
ورجعت لغرفتي 
غيرت ملابسي وليث ضايج 
مادري شبي 
طلع شويه واسمع الصياح ماعرف ويامن 
بعدها اجه للغرفه كال 
شنو سولفتي انتي وهيلين 
-ماحجينه بشي معين 
بس على كد السؤال اجاوب 
شوفي ماريد تنطيها وجه واتصالات 
ومسجات 
ليش 
بدووون ليش كولي صار وبس 
تمام هاي هي 
سكتت ياربي شبي هذا 
والله البنيه خوش بنيه على اقل احسن 
من انسه مينشين 
بعدها صارت ايامي روتينيه 
بدء ليث يسافر ويطول بلسفر 
لان ياخذ شغل بغير محافظات 
وانه باقيه بلبيت بعد على الاسبوع الجاي اباشر دوام 
بقلمي بنت الرافدين 
بقيت هاي الفتره اقضي وقتي ويه 
اولاده حيل تعلقت بيهم 
نتغداء سوه وبعدها ادرسهم 
وننزل نسوي عشاء سوه 
ونتعشى يلحديقه 
بس بلقيس ماخلتني بحالي 
تروح تذب حجايه تجي تزرل 
من تشوفيني بلمطبخ دكولي 
انتي دا تسوين 
جاي اسوي كيك 
معقوله ماصدك 
مرت ابو ادهم تدخل مطبخ 
ولازمه راسها 
يعتي انتي صدووك شروكيه 
لو توصلون للقمر تبقون 
متخلفين 
اوووع شنو هاي ياربي

ليش هيج تحجين وياي يعني 
المستوى الاجتماعي شعليه بلطبخ

:ماجي استوعب دكتورا 
وزوجها ابو ادهم وتجر بلكمه جر 
و تدخل تطبخ مثل الخدم 
يعني انتي ماتعرفين بلئتكيت 
ماعندج برستيج انتي 
حسستني كاني جايه من بيئه بدائيه 
هنوب كلمه شروكيه ماعرفت شنو 
بس مبينه كلمه ذم مو مدح 
عفتها وصعدت بغرفتي امري لله 
كمت مانزل بلمطبخ ابد 
وهم بعدها ورايه ماعفتني 
من تشوفيني ادخل للغرفه الاولاد والعب 
وياهم او درسهم 
ظلت تذب بسمها عليه 
فد مره دخلت علينه واحنه بغرفه ادهم 
نلعب بلي ومندمجين بلعبه 
هي استلمتني 
شروكيه ومعيديه 
مالج دخل بااولاد اخويه ولاتسوين 
نفسج امهم 
صاح بيها ادهم عمه ليش 
هيج تتكلمين ويه عمه زهراء 
وهي تخبلت 
لك انت منو وتصيح بوجهي 
اليوم اني اعلمك الاحترام على اصواله 
الظاهر هاي وتاشر عليه علمتكم 
عدم الاحترام 
وهو يردها ويكولها اله اخابر 
بابا واحجيله كولشي 
وانه اسكت بي واكوله عيب مايصير 
هيج تحجي ويه عمتك 
التفت عليه سحاره مشعوذه 
سحرتي للاولاد مثل ماسحرتي ابوهم 
لاهاي ابد مو طبيعيه 
كلت لادهم اطلع عوفها لاترد عليها 
خطيه نزل للحديق

ه وانه دخلت للغرفتي 
كعدت ادعي على نائل 
الي حرمني من ابني وخلاني اتعلق 
بااولاد العالم 
لانزلت ولاشفت احد 
بقيت بلقيس بهذا اسلوبها حتى امها 
ماتقبل عليها ودائما اسمعها دكوله 
ليش ماتحترمين مرت اخوج بس مايفيد 
ترد.عليها 
خل تولي وحده لامن مستوانا ولامثلنا 
مادري منين جابها النه ابنج 
قله بنات بغداد او اربيل 
تذكرين شكد خطبتله وشكد عرفته 
على بنات من المجتمع الراقي 
جايبلي هاي 
ظلت امها تزرل بيها 

والله احتاريت بزماني 
خل يشوفون اخواني الي يعاركون 
حتى اقبل شون يعامولوني 
خلص الاسبوع واجه ليث 
لاشكيت ولاجبت سيره خطيه 
جاي تعبان من السفر 
بقى اليوم كله بلغرفه ميطلع بس وقت 
الاكل يحظن ويبوس يكول مشتاقلج 
ثاني يوم كال راح نطلع وين تردين 
نروح انه كلش جنت مخنوكه 
كتله اي مكان اكوله عليه 
كال اي مكان اعتبريني 
السايق عندج وانتي تامرين 
لامحشوم 
حظنته 
اريد اروح ازور الامام الكاظم 
كال غالي والطلب رخيص 
صدك والله 
اي والله 
كال راح اشوف امي تروح وياج 
او ام اطياف كتله 
اوك 
خالتي جانت طالعه هي وبلقيس 
فاخذنه ام اطياف ويانه وميار وادهم 
هم 
وصلنا للكاظميه يمه لو روحي راحت 
احس كل اهلي بيها 
لبست عبايه راس ونزلت 
وميار هم لبستها حجاب 
كلت هسه كون تشوفني بلقيس 
اله تنجلط 
مشينا سوه بس انه فصلت عن العالم 
ماشوف شي بس اشوف القبتين والمنارات 
الذهب 
ودموعي تنزل 
وصلنا كال ليث ساعه. 
وهنا تطلعون 
عفيه خليها ساعتين ماتكفي 
كال ساعه ونص 
ههههه تمام 
بقى يوصي بام اطياف 

ينطيها اومر 
دخلت للامام شنو من راحه صدك 
نيست همي وحتى نفسي صلينا 
الصلاه الواجبه والزياره ورجعنا 
بعدها الاولاد رادوا مدينه الالعاب 
بقوا يلعبون وتعشينا ورجعنا 
وصلنا للبيت 
ولكينه بلقيس الوجه مايتفسر من الغضب 
خطيه انهدت بام اطياف شون طلعين . 
وتعوفين البيت ومنو سمحلج 
تمشين وهاي المعيديه بس 
صدك انتم اثنينكم نفس الطبقه 
وامها تهديها وليث ماحرك ساكن 
صعدت لغرفتي ميته قهر 
زين ليش مايردها وولاعبالك زوجته وكرامتي 
من كرامته 
صعد ليث اقترب 
رجاأ ليث مالي خلك عوفني 
شبيج وعلى شنو مالج خلك 
يعني ماسمعت كلام اختك 
واني شكو بكلامها 
يااا انتوا تردون تخبلوني انت برودك وهي 
بسمها 
ظل يصيح واني شكو تالي عمري 
ادخل بين النسوان 
يعني انتي ماعندج لسان ترديها 
هايعني من اردها وانت موجود ماكول 
ماتحترمين وجودي 
لاماكول تدرين ليش 
لان اعرفج فاهيه 
شكرا على كلامك الراقي 
درت وجهي وانتطيته ظهري ونمت 
ظلت يغلط ويحجي 
عاف البيت وطلع 
مارجع اله الصبح 
اليوم اول يوم دوام سبحت وبدلت وحضرت 
صدريتي اوراقي 
اجه حتى ماسلم عليه 
ولاانه سألته وين بات 
سبح وبدل 
كال خليتلج سايق يوصلج 

اي بس اول يوم انت تروح وياي 
ماندل ولاعرف احد. 
ماعلق نزلنا نتريك وانه شربت بس 
جاي 
طلعنا بسيارته 
وصلني للمستشفى ودخلنا للمدير القسم 
وعرفني عليه واستقبلني مدير القسم. 
بسلام وكلام جدا راقي 
بعدها ودعني ليث وكال الظهر السايق 
يجيب 
اوك 
بعدها باشرت دوامي 
كان اول يوم بلانعاش القلب 
تعرفت على الممرضات وعلى كم 
طبيب اكثرهم 
مقيمين ومن سمعوا 
من البصره ظلوا يرحبون بيه 
ويكولون شكد.نخب البصره واهلها 
وانه وافكر اكول لعد هاي شبيها 
بلقيس مو هاي ناس كلها تحب اهل الجنوب 
هذا الاسبوع كله ادوام هنا صرت المسؤوله 
عن الردهه

جان اول يوم متعب بس ارحم 
من شوفه بلقيس نهايه الدوام خابرني السايق 
كال مايقبلون ادخل اله باج دخوليه 
كتله انه راح اطلعك 
طلعت وحجيت ويه الاستعلامات 
ماعاضوا بلعكس بسرعه سوها الي

بعدها تعودت على الدوام وعلى 
سفر ليث اما اولاده خففت شويه بعلاقتي 
من وراه عمتهم اله من تطلع 
او مموجوده بلبيت 
اكعد وياهم 
ماما تخابرني وتسالني واكوله مرتاحه

فد مره جان ليث بلبيت اجيت من الدوام 
والكل اجوا بس ليث منتظري على الغداء 
تاخر خابرت. 
الوو 
الووو 
هلووو حبيبي شونك 
تمام بخير حببتي 
شنو ماتجي على الغداء 
لا عندي كوه شغل تغدوا انتم 
ودعته وسديته 
نزلت طولت لخاله ولاام اطياف حتى 
تصب الاكل 
تغدينا وصعدت للغرفتي 
متمدده على الفراش 
واسمع صياح جوه وصوت ليث هرج 
البيت 
ياستار شكو نزلت اركض وجان اشوف 
ليث لازم ادهم ويضرب بيه 
ويعيط عليه 
كلب حيوان شون تمد ايدك على فلوسي 
يمه تخبلت ادهم فقير مايسويها 
امه تفرغ بي وماكو 
ظليت ارجف فقدت فد مره 
كمت ماشوف بعيوني 
رحت افرغه منها 
وكل ظني هذا نائل ويضرب 
بسيف 
واصيح بي نائللللل عوفه 
عوفه نائلللل.ماحس اله ليث عاف ادهم سحبني اله وظل يضرب بطريقه وحشيه 
ويصيح حقييرااااا بيتي وتجيبن اسمه 
عايشه وياي وبالج عنده 
ويضرب حد ما قفد الوعي ماحسيت على 
نفسي اله انه بغرفتي نايمه بفراشي 
كعدت اريد استرجع الي صار 
ماكدر اكوم من الفراش و

لااعدل نفسي 
جسمي كله يون عليه عرفت الي صار 
صدك فتحت الضوء مال التيبل لامب 
بس انه بلغرفه ليث ماكو 
اباوع لساعه ١٢ بليل هاي شكد. 
نمت اني 
ياربي ليش هيج يصير وياي 
والله تعبت الى متى اظل اتخيل ابني 
بكل مكان اشوفه بكل الي بكده 
كمت بلكوه واستند بلحايط. 
اخذت ملابسي ودخلت للحمامز وسبحت 
لو احس الماي يجويني من كد. الالم وجسمي 
فقد لونه صاير كله احمر ومزورك. 
طلعت ونشفت شعري والبيت هدوء 
نزلت جوه كعدت بلصاله ردت اطلع بلحديقه 
بس الباب مقفوله رجعت صعدت 
كعدت بغرفتي للصبح ماغمضت خابرت 
على الدوام اخذت اجازه يومين 
صار الوقت كعدت ميار وادهم 
شويه واسمع اندك الباب 
تفضل 
دخل عليه ادهم حظني ويتاسف مني 
وظل يبجي ويشكيلي من معامله ابوه 
ادهم ابوك ليش ضربك 
ماعرف 
بس انه اعرف 
شنو عمه 
سمعته يكول انت ماخذ منه فلوس بدون 
علمه 
لاوالله عمه اني ماامد ايدي على فلوس 
بابا اصلا هو كلشي يجيبلي وينطيني 
مصروف 
لعد.ليش هيج يتهمك. 
والله مواني 
لعد منو الي سواها 
ماعرف 
شوف عمه الله عليك اي شي 
تحتاجه دوكلي انه 
انطيك ولا تاخذ بدون علم ابوك 
ظل يبجي ياربي والله كسر قلبي 
حظنته 
هسه سيف هم هيج ابوه يضربه 
زين منو يحمي منه 
ظليت اشهك من البجي شويه 
ودخلت خالتي وظلت تتعذر مني 
وتواسيني ودكلي تحملي وصبري 
وانه مو يمها 
طلعت من يمهم مخنوكه ودموعي تصب 
رحت للحديقه 
صارت بوجهي بلقيس ودكولي 
ولامكسوره عينج عن صخام وجهج مالت البارحه 
زين وخلاج عايش واحد.ثاني 
ذبحج موت 
طلعت امها ترزل بيها 
عفتها ورجعت لغرفتي وليث مابين 
من البارحه 
بقيت هيج حالي اكعد وانام مالي خلك بشي 
حتى اكلي يصعدوا الي 
بعدها اجه ليث بليل 
وجه مايكصه السيف 
بدل ملابسه ويشمر تشمر بيهم 
بعدها نزل جوه ساعه وصعد انه متغطايه 
كومي اريد احجي وياج 
مارديت 
ادري بيج مانايمه 
كووووومي 
كعدت عدلت نفسي 
شكو 
ليش احجي وياج ماتردين 
ليث مابينه كلام ولابيه حيل اخذ وانطي 
وياك 
والي سويتي 
شسويت جرمت لو شفت عليه شوفه

يعني عادي عندج تغلطين باسم طليقج 
وياي لهل درجه ماناسيته 
هو اصلا انه اعترف بي حتى اذكره 
الي معذبني ابني هو الي كسر 
قلبي 
ظليت ابجي حيل 
كافي مو زين عليج 
شسوي والله موبيدي وموبيدي ياناس 
لااعرف بي عايش لو ميت لومريض 
٣ سنوات وانه صوته ماسامعته وترديني 
اتصرف طبيعي 
شوف جريت الكلاده هاي صورته ماتفاك صدري 
بلكي تبرد نار قلبي ٠٠٠٠٠ 
تدري شكد احب ادهم لان بعمره صح ماكو 
شبه بينهم بس عقلي يتخيله هو 
ضمني لصدره اسف حبيبي والله اسف 
اعرف بيج متاذيه وحزينه 
بس اي رجال مكاني يسوي اكثر 
من الي سويته لاتلوميني 

تمددت ونمت علي ايده وانه اشهك وهو 
ويمسح على شعري 
نمت على دفو حظنه 
بقه يمي ويهديني 
خلصت اليومين وبعدها 
دوامت الكل تتحمدلي السلامه 
ويكولون مكانج فارغ وتعودنا عليج 
افرح من اسمع هيج ومن اشوف مريض 
يشفى او تنحج عمليته او يطلع من الانعاش 
متحسن وهما يشكروني 
هواي افرح من اخفف الم عن مريض 
اكو بيهم يدعلي براحه البال والله يسعدج. 
السعاده الماشفته لهسه 
بقيت بشغلي اتميز واطور من نفسي 
اساعد.المرضى الاطباء المقيمين 
الي استوهم متخرجين هواي 
اساعدهم واشرحلهم 
علاقتي بليث طبيعه من بعد.الحادثه 
اعتذرلي ومشت ايامي وياه عاديه 
اما بلبيت نفس الروتين 
فد يوم وانه راجعه للبيت وجايه بلظهريه 
والشمس الحاره 
دخلت للبيت واسمع العياط هز البيت 
هز وصريخ خاله 
متتت خووف ماعرف شنو 
يارب سترك شنو هل البيت الي يوميه 
مشكله شكل تصورت ادهم او ميار بيهم 
شي 
&&&&&&&يتبع

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٥
قلب مكسور 
خامس والعشرون 
بقلمي#بنت الرافدين#

وصلت للبيت واسمع عياط هزالبيت هز 
وصريخ خاله 
متت خوف 
شكو صاير مو بيت يوميه عياط. 
اريد الزم الباب افتحه ايديه 
ماتوا ماكدر اتحرك ارجف 
ادفع بلباب ماينفتح مادري انه فقدت السيطره 
وارجع اسمع عياط مره ثانيه 
ارعبت 
دفعت الباب بكل قوتي سويت الدرج بايتين 
صعدت فوك كل همي الاولاد بيهم شي 
انصدمت من شفت مازن 
واكف يم غرفه بلقيس ويغلط 
غلط يخوف حتى فشار فشر 
ويدفع بلباب ظليت واكفه مكاني 
هاي شمسويه ام الاتيكت وهيج 
هايج عليها وخاله تتوسل بي وتصرخ 
ودكوله يوم لخاطري عوفها 
لاتاذيها 
وام اطياف هم 
كلت مادخل هو اخته انه شكو 
تمشيت لغرفتي اريد افتح الباب 
ماحس اله دفر الباب برجله 
ودخل هجم عليه 
طبعا مازن طويل وخضم عبالك مصارع 
احمراني على اشكر هنوب صاير عصبي 
يخوف بس صوته يهز البيت هز 
لابعد.ماسكت مهما تكون حاله انسانيه لازم 
اساعدها انه طبيبه مهنتي علمنتي المشاعر 
شي والانقاذ حياه بشر شي ثاني 
ركضت عليه وخاله تتوسل بيه دكلي فدوه 

خاله فرغيها منه راح يموتها 
صرت بنص وادفع بيها 
عفيه مازن عوفيها خويه لاخاطري 
راح تموت بين ايدك 
يرجع يدفعني ويرجع الها 
خل تموت هاي الادبسسسزز 
مايهم خويه بس عوفها هسه وكلشي 
ينحل 
هم رجع سحبها من شعرها 
ودك بوكسات وكعت للارض من كد.الضرب 
كوه جريتها منه صرت بينها وينه 
اشرتها على غرفتي 
روحي بسرعه لغرفتي وقفليها عليج 
واصيح عليها بسرعه ولج 
راحت تركض 
هو كعد بالصاله الفوك بيها طخم ويلهث 
من العصبيه 
ومنا خاله الي انتهت 
صدك جذب منك هاي انت العاقل 
مازن :خل تولي رجع يصيح عليها 
والله اله اموتج وين ترحين مني 
-الله عليك على كيفك صحتك 
مهما تكون هاي اخيتك واهدي بي نطته ام 
اطياف ماي شرب 
بعدها خاله سكرها علك انطيتها انسولين 
وماتقبل تروح لغرفتها تخاف على بتها

خاله والله انه موجوده مااخلي يوصلها 
بس صحتج كوه دخلناه ماتقتنع 
خليتها على فراشها 
ورجعت للمازن اهدي بي اخاف يرجع عليها 
شفتها شويه هداء 
بعدها دخلوا الجهال جان عدهم سفره 
مدرسيه ومتاخرين بلرجعه 
اجوه شافوا الهوسه وانه بعدني ملابس 
الدوام 
ظل يسالني ادهم شكو شنو ليش عمو 
يعيط. 
اسكت صارت حرب البسوس 
بس هل المره بين مازن وبلقيس

وانتي كم بوكسي حصلتي من المعركه

لاهل المره طلعت سلامات منها 
بقينه نضحك انه وياه 
اباوع لمازن هم مبتسم 
ويانه زين يعني فكها شويه 
شويه ونزل جوه يخابر 
عفته ودخلت للغرفه 
باوع لبلقيس صايره فلم الشعر منفوش 
والوجه مخربط 
وعيون مورمه من البجي 
كافي لاتبجي ماكو شي نزل جوه روحي للغرفتج امان 
باوعتلي صدك سحاره شون هديته وخليته 
ينزل 
استغفر الله صدك مايبين بعينها شي 
اكلج البرستيج اليوم وين وصريخ واصل 
لسابع جار هسه منو المعيدي 
طلعت مني دردم 
بعدها سبحت وبدلت ملابسي لبست 
شالي 
واجيت انزل بجيه ليث هم رجعت 
الهوسه والعياط بس مازن طالع 
كولت لهنا وحدي ابد.ماداخل اله ليث 
يريد.يضربها اروح اخذلي كم بوكس 
كعدت بنص الدرج واسمع صياحه 
يحجي ويه امه 
الحقيرااا الساقطه تتواعد ويه واحد. 
بشقه ولازمها مازن 
خليت ايدي على حلكي بقيت ارجف 
عمه بعينج على هيج سوايه 
يااا ليش هيج تسوي طبعا هي جبيره 
عمره ٣٥ 
سنه بدون زواج باقيه يعني مو مراهقه 
هنوب مديره مدرسه وتحجي كوله بلقيم 
ولاخلاق وتاليتها هيج 
ورجع ليث هد.عليها بقيت بغرفتها 
ماعرف منو فرغها منه 
يومين والبيت كله متكهرب 
وهي محبوسه لادوام ولاتنزل جوه 
حد مااجه خطبها او بالاحرى هو عاقد 
عليها بلسر 

بس حتى يطمون السالفه 
بعدها رجعت لطبعها القديم ولاتكنسر عينها 
والي يقهر ليث ابد.مايحجي وياها 
يشوفها تاذيني عادي عنده 
كل ما اشكيلها يكلي انتي 
وياها تنجازين اروح 
اعارك اختي علمود مرتي 
لا صح مرتك تولي جايبها من شارع ماعدها 
اهل ربوها وتعبوا عليها حتى تجي اختك 
هيج تسوي وانت عندك عادي 
يعنيييي شنووو اسوي اعوف شغلي 
واكعد هاي هيج كالت وهاي هيج حجت 
زين انتي ماعندج لسان ردعليها 
ان شاء الله على كولتها معيديه اريد. 
اصير صدوك هيج كل يوم تجي تشوفنا 
متمالخين من الروس 
طبكم مرض اثنينكم 
هسه عذرت ام ادهم من عافت جهالها 
وهجت 
شنو قصدج تردين تسوين مثلها 
اكيد لعد ابقى تحت رحمتكم 
لزمني من شعري والله وداعت ادهم 
اله انعاد هذا الكلام اله اندمج 
عافني وطلع 
كمت ماهتمله لان عرفت ماله سلطه على 
اخته 
اجه خطبيها واحد.صايع ملطلط خطبها 
جايب واياه كم واحد.مثل شكله 
بدون حفله ولاشي 
واخوانه ميتين قهر خو مازن 
كل ساع ويريد.يهد.عليه ويكولها 
عاي تالتينه ناسب هيج شكول 
لااسم ولامنصب 
وهي ولايهمها يحجون يرزلون وهي 
طايره من الفرح 
وبدت تجهز للعرس 
وهو يوميه جاي يتغداء لو يتعشى 
بيتنا جنت بواحد.صرت باثنين 
بعدها حددت

موعد.الزواج 
اي زين فكه خل نرتاح منها 
بس وين مامكتوبتلي الراحه 

لاحظت ليث بس تصير 
مشكله تيتهرب من البيت ويبات بره 
ومن يرجع اشوف اثر على جسمه 
او على ملابسه 
ومن اسأله بكل وقاحه يكول عادي 
اله انتي ماوراج بس المشاكل واني 
رجل واحتاج 
يعني حتى الخيانه عنده مبرر اله 
احس التاريخ ينعاد وياي 
ذاك نائل وخيانته 
وهذا ليث هم نفس الشي 
بس الحمد الله ماعندي ولد منه 
يصير ضحيه 
هاي الفتره كلش كرهته وماحب يقترب 
مني تلعب نفسي وزادت المشاكل بينه 
بعدها راد.يسافر كتله اريد اروح لاهلي 
ماقبل عباله زعلانه ومايريد.مشاكل 
وهما اهم شي عدهم المظاهر 
بس انه اصيرت اله اروح كوتله لوتاخذني 
لو اخابر اخواني يجوني 
على شنو باقيه هنا اله انت مسافر 
لو بس مخليني لبلقيس ولسانها 
قبل اخذت اجازه اسبوع وسافرنه 
وصلني ورجع نفس اليوم 
وصلت لاهلي هواي مشتاقتلهم 
خطيه جهاله وامه كل يوم يخابروني 
ويكولي مشتاقيلج 
شويه تحسنت نفسيتي 
اقضي وقتي ويه 
وفاء الي مثل كول مره تعرف كولشي 
عني العصر لو معزومه بيت عمامي او ويه وهج نطلع مولات سناتر يسالوني اهلي 
اكلهم باحسن حال 
بعدها ٤ ايام جنت نايمه الظهر 
صعدتلي ام جعفر تكعدي 
خير خاله شكو 
كالت زوجج هنا 
امط بجسمي شنووو؟ 
خاله زوجج هنا 
شعنده مو اتقفنا اسبوع 
اوك خاله حنزل 
لبست تراك ومشطت شعري 

ونزلت 
بقلمي بنت الرافدين 
وانه كارهته ماريد اشوفه 
رحت لكيته كاعد.بالاستقبال ومنزل راسه 
وبيده سبحه يفر بيها 
سلمت عليه مرحبا 
رفع راسه 
شافني اجه حظني 
شبيك ليث منا اهلي عفيه عيب 
لج مشتاقلج اموووت عليج 
غيابج خبلني 
البيت كله موحش عليج 
ايباه هسه حسيت 
اي وشنو 
ترحين وياي هسه نرجع 
لاوالله احنه متفقين 
كال والله ماكدر كعد يتوسل 
ويكولي مااكدر يوميه اروح وارجع 
ولااكدر ابقى هنا عندي شغل 
سكتت محجيت شي 
بعدها كل لماما تقنعني 
كعدت ماما كلعاده حتى حفظت كلامها 
جهزت نفسي طلعنا العصر ورجعنا 
خطيه جهال فرحوا فرحه بيه ويحظنوني 
عبالك صدك اولادي طالعين من بطني 
جبتلهم هدايا وياي ملابس والعاب 
واكسسورات لميار 
هما ممحتاجين بس انه ماعرف لازم اجبيلهم 
هدايا جبت للكل حتى للعامله 
ظل يعتذر ليث مني ونزوه موحب ولاشي 
وبعد. مااتقترب من اي وحده بس انتي 
هم شويه اهتمي بيه وريحيني 
يعني لازم يسويني مقصره 
مجبوره اسايره مابيه مشاكل 
وخصوصا تعلقت بجهاله 
سكتت وسامحت او بالاحرى اتصرف طبيعي 
بس قلبي مقهور منه 
فد يوم المغرب هيلين خابرتني 
مارديت عليها بعدها كل دقيقه دك عليه

ومارد عليها لان ليث محذرني منها 

بعدين وصلتلي رساله 
زهراء الحكيني راح امووت 
ياستار صابنتي حاله رعب 
اذكرت ضربه لاخته بس لاضربها 
هذا المصارع اكيد موتها 
دكيت عليها وارجف 
كال فدوه لحكيني مازن موهنا والم 
ذبحني بطني 
اوك 
رحت اركض على خاله وبسرعه طلعنا 
لبيتهم طبعا صارت ليل 
خطيه البنيه تصرخ من الالم 
وبس هي والعامله فلبينيه وماتعرف تحجي 
عربي

صح عدهم حرس بلباب صعبه بنيه شابه 
يشلوها الحرس واهلها بغير محافظه 
ماعدها احد.هناة

اخذناها لمستشفى خاص وهي ترجف 
واهدي بيها والله مابيج شي هاي 
اعراض مراره هسه نستئاصلها 
وترحعين ورده وصلنا للطوراى بعد الفحص 
دخلوها علميات دخلت وياها بعد 
ماشوفيتهم هويته نقابه الاطباء 
كملنا وخيطوها وخليناها بغرفه 
بدت تهلوس من البنج تموت ضحك 
مابقى سالفه ماحجتها ساعه تغلط على زوجها 
وساعه تحجي رومانسيات 
وخاله تريد تصورها ودزها اله وانه امنعها 
بقينا وقت متاخر بليل انه رجعت 
وخاله بقت يمها 
كتلها الصبح اجيج رجعت للبيت ميته تعب 
سبحت ونمت حتى ليث ماخابرته 
الصبح مريت عليها واطمنيت عليها 
قبل لاروح للدوام 
وفحصتها وشفت عمليتها 
بعدها رحت للدوامي 
من رجعت الظهر لكيتها مطلعتها خاله 
للبيتنا جايبتها فاتحلها غرفه وحده 
هوايه عدنا بلبيت غرف فارغه 

او مفروشه بس للخطار 
خاله هيج قلب ابيض ماشايفه 
هو مازن ابن زوجها بس ابد.تعامله مثل 
اولادها هويكلها يوم 
بس الي عرفته هو مايصير عنده اطفال مزوج 
قبل هيلين و منفصلين بسب الاطفال 
بقت عدنا يومين ندرايه وعلاجها يمي 
واكلها خاله مهتمه بي 
من اجي العصر ابقى يمها نسولف هواي 
انه وياها حد.ما يكعدون ادهم وميار 
واروح ادرسهم 
وارجع بليل يمها حد ماتنام 
وبلقيس ابد.ماوصلتلها ولاجنها مرت اخوها 
ماعرف شنو تركيبه على منو طالعه اشو 
امها مو هيج اكييد.على ابوها والله اعلم

بعدها اجه زوجها واخذها 
وظل يتشكر مني ومن خاله هواي

كوتلها واجبي هذا ثاني شي 
احنه بيت واحد. 
وهيلين مثل اختي 
ودعتها وراحت لبيتها 
صار زواج بلقيس سوت بس حنه بلقاعه 
عزمت اهلهم والمدرسات 
بس زين طلعت حلوه نزعت نظاراتها 
وغيرت تسريتحه شعرها وطايره من الفرح 
بس ماسوت عرس سافروا لتركيا شهر عسل 
ارتاحينا البيت تنفس 

الكل اخذ حريته كمت انزل للمطبخ 
شنو اشتهي اطبخ صح ام اطياف تساعدني 
نسوي انه وميار كيك ومعجنات 
على الرغم من عمرها زعيره بس كولش 
شاطره بلطبخ ومرات دكولي اريد. 
نسوي كبب كيك اخذه وياي للصديقاتي 
اسويلها واغلفه وتاخذه الصبح

بس يافرحه ماتمت عشره ايام 
ورجعت على عمرنا لا وهل المره هي زوجها 
راح تعيش عدنا يريد.يصير كيعدي 

يمه انه تخبلت 
خابرت ليث 
الووو 
هلو حبيبي شونج 
موزينه 
شكو بيج شي لادكوليلي انتي وبلقيس 
استوها وصلت مامعقوله لحكتوا 
تتعاركون 
شوف ليث هسه تجي 
شنووووو 
مثل ماسمعت 
غير اعرف شكو 
تعال وانت تعرف 
اوك جاي 
بعد.ساعه وصل وانه صرت اعصاب 
دخل شكو شبيج 
انه شبيه اكلك انت شنو بس فهمني 
تريد.تخبلني 
لج شكو هسه خل افتهم 
على شنو ترجفين هيج

بلقيس وزوجها يعيشون ويانه 
اي وين المشكله 
عندك ماكو مشكله موووو؟؟؟؟ 
يعني رجال غريب يعيش بنصبيتنا 
عادي عندك.

شنو الي غاثج بلموضوع

انت تريد تخبلني يعني غرفته وغرفتي 
وحده بصف ثانيه كلما اطلع يصير بوجهي 
يعني رجال مايكدر يفتح لزوجته بيت 
يجي يكعد على عمري 
ظل يصيح 
شنو ووو اسوي 
البيت بيت ابوها مثل ماهو بيت ابويه

شوف ليث كلمه ماعندي غيرها لو انه لو هو 
بلبيت 
البيت بيت ابوك اطلع انت اله مالك حق بي 
شنو هيج انت محتاج حتى ماتفتحلك بيت 
والله صراحه مامن على نفسي منه 
ماتشوفه شون خفيف وتصرفاته مال مطيرجيه 
عافني وطلع يركع بلبوب 
لليل اجه مازن وليث عريس الغفله 
منير هم واجتموا بلصاله طبعا بحضور 
بلقيس 
اباوعلهم من الدرج واكول قره عينكم 
بهيج نسيب 
بعد.عياط واصواتهم العاليه 
بعدها قرروا يرجعون يعيشون بشقتهم 
يومين وطلعوا وانه ابد كله بغرفتي 
ماطلعت منها 
وهي تسب وتلعن وتتوعد ارجعلج اله امرمر 
عيشتج 
دولي ام الائتكيت وزوجها مادري من يازباله 
جايبته 
زين خلصت اليوم ولت للبيتها 
وخلصت من هما 
بعدها ايامي صارت طبيعيه 
بقيت اهتم بميار وادهم اكثر من اول 
لان بعد.محد يدخل 
نضحك نشاقى نسهر سوه

فديوم بلدوام وانه اشتغل 
اجتلي ممرضه كالت دكتورا اكو بنيه شابه 
تريدج 
منووو 
ماعرف دكتورا بس كالت تريدج موضوع 
شخصي 
اوك كليلها بالاستراحه اقابلها 
بلمطعم مالت المستشفى خل تنتظرني 
بقيت افتر على الردهات واسجل حالت المرضى واسجل علاجهم 
كملت ورجعت غرفتي 
واجتي الممرضه 
دكتورا البنيه بعدها تنتظرج 
يابنيه 
ههههه دكتورا من ساعه كتلج عليها 
اوووه شون نسيت اي صح 
وين هي هسه 
كالت بلمطعم 
اوك طالعه 

رحت للمطعم اباوع وانه واكفه بلباب 
واجت عليه بنيه شابه ازغر مني 
لبسها فري بنطرون حصر والشعر مصبوغ 
تاتو مكياج طوخ ذهب لالبسته كوله اليشوفها 
يكول رايحه حفله 
مو جايه لمستشفى 
مرحبا دكتورا 
مرحبا 
طالبتني 
اي نعم 
تفضلي.انتي تعرفيني

كولش زين اعرفج 
هزيت راسي 
اشترتلها على الميز كعدنا 
مستغربه اول مره اشوف شكلها 
وين تعرفني كعدنا وحده مقابيل الثانيه 
تفضلي بشنو اكدر اساعدج 
بالاول خل اعرفج على نفسي 
وبعدين نتكلم 
فتحت جنطتها وطلعت ورقه منها 
ودفعت الورقه باتجاهي 
شنو هاي 
اقري وانتي تعرفين 
اخذت الورقه اقراها وكانت 
الصدمممممه 
&&&&&& 
توقعاتكم شنو بيها الورقه 
بنت الرافدين (عشتار)

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٦
قلب مكسور 
السادس والعشرون 
بقلمي #بنت الرافدين #

دفعت الورقه بتجاهي 
شنو هاي 
اقري وانتي تعرفين 
فتحت الورقه وقريت 
الاسم 
وياريتني ماقريت 
احس صاعقه وطاحت على راسي 
لساني انربط 
كالت اي اني 
جودي زوجه ليث 
اجيت اتعرف عليج

اكيييد انتي تكذبين ليث ممزوج

هههههه مو هذا العقد بيدج بعد وين الكذب 
فتحته قريته مره لخ اريد اكذب عيوني 
اخذت نفس وسألتها 
من شوكت مزوجين وين ساكنه 
كالت صارلي ٣ سنوات 
وساكنه بيت وحدي 
وكل مكان الي يسافر بي اكون 
انه وياها 
كلت بداخلي مشاء الله 
زين اله هو مزوجج الج ليش ارتبط 
وياي 
شوفي حبيتي ليث يحب الونسه 
ويحب التغير 
وشافج وعجبتي رادج 
بس شافج صعبه ومو سهله لهذا 
ازوجج وطبعا لان دكتورا وبت عائله 
لازم يعلن زواجج ويسويلج عرس

يعني انتي زواجج متعه لو شنو

مو متعه بس عقد شيخ مو محكمه 
زين انتي عندج اطفال 
لا 
ليش 
مايريد اطفال بس هو عنده بعد.شنو يسوي 
بيهم 
بس هو يحبني بجنون 
وحتى انتي ماخذتي مكانتي بقلبه 
انتي تعرفين من خطبني 
اكيد هو عادي عنده كول 
سنه او اكثر يتعرف على وحده 
وبعد فتره يمل منها ويعوفها 
واشوف طريقج مثل الي قبلج 
بس اني اختلف 
زين انتي اله تعرفي بي يحبج 
وانه ماماثره عليج شكو جايتلي 
يعني بلعافيه عليج ليث 
من كلت هيج كامت تتلعثم بلكلام 
اني اتاخرت لازم ارووح 
وطلعت 
بقيت بمكاني كل ذكرياتي السود. 
اجت بالي 
يعني انه دخلت حياتي مره وخربت 
بيتي وتاليتها انحرم من ابني 
وهسه انه صرت خرابه البيوت 
الله لاينطك العافيه يانائل 
حوبتي وراك ماتتعادك 
جنت عايشه وابني بحظني 
فجاه كلشي خسرت 
وجربت حظي مره ثانيه وهاي النتيجه 
احجي بعقلي 
ومخليه راسي بين ايديه 
واسمع واحد.يناديني دكتورا 
دكتورا ٠٠٠٠ 
رفعت راسي 
العامل مالت المطعم ينبهني 
على فوني يرن 
شكرا 
شفت المتصل ايوب السائق 
باوعت للساعه نهايه الدوام وانه 
بمكاني 
لزمت فوني وجريت الكرسي وكمت 
وتخربطت ماكدر اوزن نفسي 
اجه عليه العامل دكتورا بيج شي 
تحتاجين مساعده 
اشرتله بايدي بمعني لا 
رحت لقسمي ودخلت للغرفتي 
والسايق كل ساع يرمش عليه 
نزعت صدرتي وعدلت ملابسي واخذت جنطتي 
اوراقي طلعت اسحل بنفسي 
سحل 
وصلت للبيت حتى سلام مابيه اسلم 
صعدت بغرفتي 
ضليت ابجي بحركه ليش هيج 
ليش كذب عليه ماكافي عليه ضيم 
اخته فوكها طلعتلي هاي الشغله 
يمكن حوبه امي بيه يامه نصحتني 
شكد ناس تقدمولي شهادات اولاد عوائل 
ومن محافظتي 
تاليها عنادي وراسي اليابس 
جابلي هنا 
استاهل كول الي يصير وياي 
كسرت شكو بلغرفه اجت خاله 
الجهال عليه يردون يعرفون شكو 
بس ابجي 
ظلت خاله تتوسل بيه بس تريد 
تعرف شكو 
ليش خاله يعني انتي انسانه طيبه 
ووحبيتج مثل امي 
ليش تكذبون عليه 
يوم بشنو كذبت عليج 
والله ماعرف على 
شنو تحجين 
يعني ماتعرفين بابنج مزوج 
ابني تقصدين ليث 
لعد عندج احد غيره اكيد هو 
اي خاله مزوج لعد.منين اجو اطفاله 
انه روحي رايحه وخاله تفت الكبد 
ظليت الطم على وجهي 

مو ادهم مو ام صخام 
لعد منو 
مزوج وحده بعقد شيخ 
من ٣ سنوات 
انتم ماتخافون الله ليش كذبتوا عليه 
ليش خليتوني بهيج موقف 
لطمت على صدرها مزوج منو شوكت 
حجيتلها الي صار 
هنوب انه بيا حال وخاله تخربطت 
شالتها لغرفتها ونطيتها علاجها 
رجعت لغرفتي 
شنو الي اسوي 
شنو اتصرف اظل اصرخ والطم 
والم العالم عليه 
وشكلي ومظهري دكتورا بت عائله 
اروح زعلانه لاهلي 
بس اخلص من كلامهم 
لو اموت مايوكفون ويياي اكيد.يغلطوني 
وينطون الحق لليث 
بقيت بغرفتي 
لليل اجه ليث 
كانوا شي لم يكن دخل للغرفه 
شاف الهوسه استغرب 
شنو هاي 
شبيج ليش هيج شكلج مكلوب 
لادكوليلي انتي وبلقيس تعاركتوا 
عفته ورحت للحمام بقيت جوه الدوش 
بملابسي 
ماعرف شكد.مر من الوقت 
انتبهت لنفسي 
نزعت ملابس لفيت نفسي بلبرنص 
طلعت لكيت ام اطياف تلم بلغرفه 
هو كاعد يشرب جكاره 
طلعت ملابسي 
ورجعت بدلت بحمام 
عفته ورحت كعدت على التخم. 
من صدك لعبت نفسي منه 
شويه واجه كعديمي 
شبيج من شنو هاي الهوسه 
شوف ليث حجايه زايده وياك 
احلف والله احرك روحي وابليك 

عوفني 
لج احجي عدل لو اعرفج شون تحجين

لاتخليني احلف ترى ماعندي شي 
اخسره جبت عمري كوله خساره بخساره 
لاتجبرني اخسر عمري واغضب 
ربي ٠٠٠٠٠ 
اظاهر انطيتج اكبر من حجمج 
وصرتي تتحديني 
عفته رحت تمددت بلفراش 
ظل يحجي وبعدها طلع 
ماعرف شكد.بقيت كاعده بعدها 
غفيت بدون غداء ولاعشاء 
ماحس اله ليث يشم بركبتي وانفاسه 
قريبه عليه 
فزيت مفزوعه من صدك لعبت نفسي 
دفعته 
شبيج تخبلتي 
اي تخبلت ولعبت نفسي منك ومن كذبك 
لج شون تحجين وياي هيج حقيرراااا 
دوووخر لخاطر الله 
ماعندك شي يمي 
عندج ونص واخذ وغصبن ماعليج

خوفتني والله عفيه بس لادكولي احبج 
واموت عليح وبس انتي بحي

اتي 
تراه صارت قديمه اوراقك انكشفت 
استاذ ليث 
على شنو دتحجين اوراق شنو 
رووح لجودي حبيبت قلبك 
رفيقه دربك وين ماسافرت وين مانزلت 
منين تجيبين هل الخرابيط 
والعقد الي بينكم هم خرابيط 
ليش ليث لييييش 
بيش اذيتك ليش خليتني بهل الموقف 
ماتخاف من ربك 
يعني شنو اسويلج كوليلي حبييتج 
كفرت خوما كفرت . 
صرت مثل المراهق افتر وراج 
من ردهه لردهه 
خطبتج ورفضتيني وترديني اكولج 

مزوج وعندي مره 
بدون هيج انتي ماتنطيني وجه 
وتروح تكذب وتبني حياتنا على كذبه 
مافكرت من اعرف شنو يصير ب 
حالي مافكرت 
حيخرب كلشي بينه وتصير 
المسافه اكبر 
تعبتيني والله تعبتيني يعني شبيدي 
ردت بس احصلج بكل صوره 
ردتج ام لاولادي من شفتج شون انقهرتي 
على العامل الي ضربج وانه ارزل 
بي عرفت شكد حنينه. 
ومن كلتيله روح ماما روح 
هواي هاي الكلمه اثرت بيه 
كلت هاي راح دير بالها على اولادي 
هاي الي أمنها على بيتي وعلى امي

تكولون مزوج اي مزوج وحده افرغ بيها 
رغبتي رجال احتاج مره قابل اروح للحرام. 
شابه وجميله 
جانت تشتغل عندي بشركه من عائله منحله 
اخوها سكير 
ومزوجها لشايب كم شهر وطلقت 
عرضت عليها زواج بس عقد كيفت مقابل 
اخلصها من اخوها 
هاي كل الي بيني وين جودي 
كافي ليث كافي يرحم اهلك 
تراه كل الي حجيته مايبرر كذبتك 
يعني انت صديق اخوي جان استحيت 
منه وهو يمدح بيك 
كليلي شنو اسوي كليلي شغله بلماضي 
قبل لااشوفج ولااعرفج 
ليش تزعلين المفروض هيج الي تزعل 
هي تنقهر مو انتي 
واني ماختنج والله ماختج 
روحي اساليها 
كم مره اتقربلها واشوفج انتي 
كم مره غلطت باسمج 
تدرين ليش اجتج لان شافت نفسها 
مالها لزمه بحياتي 
صارلي مده هاجرها 

لان حسيت بتانيب الضمير وياج 
انقهر من اشوف طبيبتج وياي ويه اولادي 
ويه امي حتى ويه اختي 
هجرتها لهذا انتقمت مني رواحت الج

كل الي كلته مو مبرر على الي سويته 
انه وهي ضحيه لكذبك وشهوتك 
يعني شنو هجرتها بعد.مده من تشوف 
وجه جديد.وشكل حلو هم تهجرني الي 
واصير مالي لازمه عندك 
كافي تعبت منك تعبت 
تضربني وتهيني لان غلطت باسم طليقي 
وانه مامسويه حرام بيوم من الايام جان 
زوجي 
بس انت تخوني وتكذب عليها حلال 
طلكني ليث 
مانكمل سوة بعد. 
اكيييد تخبلتي انتي 
شنو بكيفج امشي اني 
اطلع من يمج هواي احسن 
عافني وركع الباب وطلع 
سعمت الاذان كمت تعوذت من الشيطان 
ورحت اصلي واشكي همي وحزني اله 
وحده هواليشوف ويسمع ويعرف بحالي 
بعدها نزلت ميته جوع كلت خل اتريك 
قبلهم ماريد اشوفه و اتريك وياه 
جاي اكمل بلريوك واخلي على الميز 
واشوف ليث جر الكرسي 
صباح الخير 
مارديت عليه يعني مابيات بره 
مثل كل يوم على اساس وحدي لحكني 
جر صحن البيض وصمون وخله كدامه 
جبتله الكوب مالته 
وخليت بي شكر 
ورجعت كليت الي بيضه الي طلعت اجبان 
وزيتون من الثلاجه خليتهم 
كعدنا ناكل بدون كلام 
يمكن الكلام كوله خلص مابقى كلام يجمعنا 
كملت الاكل وشلت المواعين اغسلهم 
وهو طلع جكاره وكعد يدخن 
بعدها صعدت رحت على خاله 

اشوفها 
خطيه لكيتها تعبانه 
صباح الخير خاله 
صباح الخير هلا يوم 
شونج 
عايشه 
جبت الجهاز الضغط وقست ضغطها بعده 
مرتفع 
وبعدها حللت سكرها 
ظلت تعتذر مني وتهديني 
وتحلفني ماموصلها لاهلي لو ازعل 
فدوه يوم مو خاطير ليث 
خاطير جهالها شوفيهم شون يحبوج 
ومتعلقين بيج 
سكتت ماجاوبتها 
لان انه ماعرف شنو قراري لهسه 
ساعه اكول اكمل وساعه اكول اتركه 
رحت للجهال وشفتهم وحضرت ملابسهم 
وكتبهم وهما يحظنوني 
صدك حتى همي نسيته وياهم 
بعدها رجعت بدلت وحظرت غراضي 
واتظر وقت جيبه السايق 
طلعنه سوه اني وادهم وميار للحديقه 
هما ينتظرون الخط رحت 
السايق 
بالاول جان المستشفى مكان الي ارتاح بي 
وانه ادري المرضى 
بس هسه اخاف هم تجيني بلوه جديده 
بعد شنو اعرف عنك ياليث 
حياتك كلها غموض وياي

بهاي الايام كلما يقترب 
ليث ابعده صرت علاقتنا شبه معدومه 
حتى كلام مابينه 
حاول وياي اكثر من مره لكن اصده 
بعدها كال براحتج اله هذا الشي 
يريحج ماضغط عليج 
مادري شعجب تصرف بذوق 
محد.فرحان ومكيف بالي صار 
بس بلقيس طايره من الفرح 
وهي حتى ماشايفتها بس هيج 

حتى تغثني ٠٠٠٠ 
يوميه هي وزباله زوجها ولافين عليه 
شكد حقير وعينه نكسه 
مايعرف البيت اله حرمه 
هاي اعراض ناس 
نظرات مثله حقيره 
صرت حتى ماانزل من يجون 
ابقى بغرفتي بهاي الفتره 
صاروا الجهال سلوتي 
وقتي كله يمهم ميار اجيبها 
تنامي بفراشي اله ابوها ماموجود 
تقلدني بكلشي حتى من اصلي 
تصلي وياي وتصلي مثل صلاتي 
خطيه تحتاج لحنان الام 
نسوي عشاء قبل بلقيس تقيدنا هسه لا 
حتى لو تجي ماتكدر تحجي 
او نطلب دلفري 
نكعد بلحديقه او نصعد فوك اله الحقنه 
وزوجها هنا 
مرات نطلع للمول يوصلنا السايق 
او معطم يعني يومين العطله مانبقى بلبيت 
بس يكملون

واجبتهم نديح كل اسبوع 
مكان 
ليث ابد.يعارض بلعكس يفرح 
مرات حتى خاله ناخذها ويانه 
هواي جنت اغلط باسم ادهم واكوله سيف 
وهو يضحك عليه 
بهاي الفتره هواي راسي يصدع 
دائما اشكي منه واشرب بلبراسيتول 
واليوم وانه بلمول اريد انزل من المصعد 
لزمتني دوخه رددت اوكع لوما لزمت 
بخاله 
كعدتني جرتلي كرسي 
شبيج يوم 
دوخه خاله 
اي خاله اهتمي بأكلج شويه 
جاي اكول خاله 
هي تحجي وانه 
عقلي يودي ويجيب 
ياربي بس لاصدك هذا الشي 
ابد مو قته 
يعني لو بدايه الزواج يمكن فرحت 
بس هسه لا

بقلمي بنت الرافدين

يمكن لو بدايه الزواج جان فرحت 
بس هسه لا 
وانه حياتي مخربطه 
رجعت للبيت ومحجيت لاحد 
لكينه ليث بلبيت 
راحوا عليه الجهال وبقوا يمه 
يسولفوله 
طلعت للغرفتي سبحت بلكي شويه 
تروح الدوخه 
طلعت انشف بشعري 
دخل ليث 
شونج 
حمد الله 
شبيج يكولون دايخه اليوم 
مارديت عليه 
اني مو احجي 
مابيه شي 
يعني انتي لشوكت تبقين هيج 
صارلج اكثر من اسبوعين وانتي على 
الحال 
صبري نفذ منج 
مطالبه منك شي 
لج احجي عدل تراه لهسه ماشايفه 
شي مني خليني محترمج 
يعني شنو اشوف اكثر تروح 
تزوج بعد رووح 
انت بعد.ماتهمني كافي 
تعبت منك عندك مره روحلها 
لزمني من حلكي حيل 
بسيطه زهراء اله اشوفج ليث منو 
اي ازوج وحده وعشره 
اني هيج رجال صاحب كيف ونسه 
اسوي الي يعجبني وماخذ رائيج 
شنو كفرت عرفتي بيه مزوج 
يعني لازم تسودين عيشتي 
لو شنو قصدج اطلكها حتى ترتاحين

هذا الحل برائيك اطلكها  بنات العالم لعبه 
عندك 
لا طلكني الي هي مرتاحه بحياتها وياك 
وتحبك 
بس انه لا 
ليش ممرتاحه ناقصج شي مقصر 
بشي وياج مو معيشج بقصر 
خدم وسواق عندج  بعد شنو تردين اكثر 
شنوووووو 
وشنو جايبني من خرابه لو بت فكور 
من جنت عايشه عد اهلي نفس هذا 
المستوى 
والله الكلام ضايع وياج ابقي هيج 
محد.يخسر اله انتي 
عافني وطلع 
يريدني اخذه بلاحظان  واتلكاه بسيت النوم 
فوك ماجرح كرامتي كدام الي يسوه والي مايسوه 
ثاني يوم بلدوام رحت على الصيدليه 
وجبت تحليل وخليته بجنتطي 
من رجعت  وسويته 
وطلعت النتيجه ايجابيه 
يارب شنو  من حظ عليه يعني هسه وقته 
احسب وقت الحمل 
ماشاء الله مستعجل جاي للضيم 
وهم الدنيا 
طلعت من 
غرفتي اباوع البيت فارغ 
لا الجهال لاخاله 
نزلت سالت ام اطياف  عليهم 
كالت معزومين بيت بلقيس 
من اجوا الجهال من  المدرسه راحوا 
ها زين خل يتونسون 
اصبلج غداء 
لاخاله ارتاحي انه حاصب ماقبلت حلفتها 
وكعدنا ناكل وانه وياها 
بعدها صعدت وخابرت وفاء 
يوميه ماما تخابرني وانه هم اخواني 
يتصلون عليه بس زينه والحمد لله 
ماكول غير شي 
بس وفاءتختلف كلشي احجيلها 

الوووو 
هلو شونج ولج وين مختفيه 
يمعوده سكتي بهم الدنيا 
انتم شونكم ماما 
الحمد الله الكل بخير 
يارب دوم 
شبيج مهمومه 
طلعت حامل 
صدك والله وكامت تهلهل 
خرب مخبله انتي شنو الي يفرح 
بلموضوع 
انجبي ليش مافرحانه يعني يجيج 
طفل بلكي حياتج تتغير بجيته 
والله ماعرف ياوفاء 
اخاف مصيره مثل مصير سيف 
احمل واتعب واربي ويجي يوم ويعوفني 
اسم الله الرحمن ليش هاي الافكار السود 
بالج 
صدك ليث فرح امه الجهال 
ولاواحد يعرف بس انتي 
عليج الله 
والله 
ليش من كثر اولادج ومادكولون الهم 
اكيد هسه يفرح 
على شنو يفرح شنو اول طفل عنده 
ولو الطفل الجديد اله فرحه 
مادري احس الوقت مو مناسب 
الله كريم 
ودعتها وسديت الفون 
يفرح اخاف يكلي نزلي مثل ماكالت جود. 
مايريد اطفال منها 
بس هذا الشي زادني اصرار 
وكلت بلكي صدوك مايريده اله العب بي لعب 
لزمت بطني وفرحت بلحياه الي البداخلي 
يجوز ربيي دزه الي حتى انسى الماضي 
نمت وايدي على بطني شعور حلو 
من تحس بداخلك روح دتنولد

ليث مابطل اعتذاره مني  حتى هدايا يجبلي 
وانه قافله 
بعدها بايام بدء تبين عندي اعراض الحمل 
لعبان نفس واكره العطور خصوصا عطره 
لاحظ ليث هذا الشي 
فديوم كاعدين الصبح وجاي ابدل 
هو هم يريد يطلع للشركه جاي يرش 
عطر وانه لعبت نفسي 
ركضت للحمام اتقي 
حتى ممتريكه غسلت واخذت نفس 
وطلعت انشف بوجه واشوف ليث 
واكف باب الحمام ومنتجي 
شبيج 
مابيه شويه لعبت نفسي 
صار قريب مني ولزمني من خصري بايده 
شويه لعبت نفسج  لو اكو شي 
ثاني ويخلي ابده عاى  بطني ويبتسم 
ها شكو 
اي 
لابريج 
اي والله 
يعني هنا نونو وتلمس بطني 
اي 
من شوكت مو هواي 
اشو هذا رفعني وشالني من الارض 
كولي والله انتي حامل 
ليث عفيه راح اوكع 
ليييث نزلني رجع حظني 
لج ممصدك صدك 
شبيك ليث تراه عادي حامل 
شبيك خبصت نفسك 
قرب وجه باسني من شفتي 
لاعفيه وخرر 
ماتحمل عطرك 
ابتعد.جرني للفراش 
اكعدي ارتاحي لادوامين اني 
اخذلج اجازه 
اجازه شنو عندي كوه شغل ماكدر 
مرضى يحتاجوني 
حبيبي اخاف عليج 
تخاف عليه طول عمري ادوام 
لو تخاف على