اشوفج انتي يوميه تمرين تسالين 
حتى تعتبين عليه 
سلمت عليها بوستها 
-ولج شعجب جايه اليوم

والله اشتاقيتلج واريد اروح اتغدى 
عدكم اليوم 
جنت  وكاعده قريب على غرف العمليات اكومكتب مال استعلامات وكراسي 
وكعدنا بي  ويمنه الممرضات والموظفين

-والله صدك تجين ويااي للبيت 
ماعرف  افرش الشارع ورد الج

،لاتفرشي ولاشي بس اريد. 
صبور وتمن باكله من ايد خالتي 
-صبور وتمن شنووو الموضوع اباوعلها 
تضحك 
بس لاتكولين 
وهج :اي

-ياييي الف مبروووك ربي يتمم عليج 
لو اعرف اهلهل جان هلهلت 
ام نور الممرضى يمنه ولايهمج دكتورا 
وجان تهلهل 
يااا شسويتي شهرتينه احنه بمستشفى 
هههههه 
الكل بارك لوهج 
وهم اشوف 
ليث واكف ومبتسم من بعيد 
ياربي هذا ماعنده شغل اشو وين ماروح 
يطلعلي

خابرت ماما تحظر غداء مثل ماطلبت وهج 
بعدها رجعت لشغلي  وهج كالت ماعدها 
شغل بقت تنتظرني 
حد.خلص الدوام ورمشلي حسن 
طلعنه والطريق كله نسولف مثل 
ايام الكليه 
-الزمي نفسج من يسمع حسن بخبر حملج شوفي شكديحشش 
:اي والله مشتاقه للسوالفه الحلوه 
هسه تملين 
-يارب ياوهج يطلع ولد بس  يشبهني 
:ليش عيني يشبهج انتي شكو 
-،اي احسن يطلع طويل قابل مايطلع مثلج 
رجال وكصير ماحلو

تردي يشبهج مووو 
-،ان شاء الله 
والله مصدكه نفسج 
بقينه نتناكر انه وياها حد مااجه حسن 
:هاي منو هنا اكول الكراج منور 
وهج هلو حسن شونك شخبارك 
صعدنا وهو بقى يسولف وياها شبعت ضحك 
بعدها وصلنا للبيت 
سلمت وهج على ماما وبقت جوه 
بدلت ونزلت 
صبوا الاكل وبدينا ناكل خايفه هم تحجي 
بلموضوع كدان وهج 
زين الحمد. الله ماجبت سيره 
اله هيج ماما تسكت اجيبها يوميه 
وياي 
واشوف وهج تاكل بشراهه

حسن :اكلج انتي كم يوم صارلج مامتغديه

وهج خمسه بعين العدو وتغم بي 
:شبيك ماما وياه البنيه 
اكلي خاله الف عافيه علي قلبج

وهاي مستمره تاكل حتى مابيها ترد 
وانه ميته ضحك صدك اتونس بوجودها الوقت يمر سريع وحلو 
بعدها صعدنا فوك وظلت تسالني 
عن حالي وضعي صح نتراسل بس 
موومثل هي موجوده يمي 
حجيتلها عن ماما وعن الملحه

:زهراء تردين الصدك حقها امج 
ترى الحق ينكال كعدتج مو حلوه هيج 
-هم انتي عليه 

: شوفي طليقج شاف حياته وابنج هم 
انتي الى متى تبقين مغلقه عاى نفسج 
تراه العمر يمشي 
واليجي يتقدملج هسه بعدكم سنه محد.يدك 
بابج 
-والله احسن 
:ليش احسن يعني ماترديت تكونين بيت وعائله بلكي الله يعوضج عن ابنج 
ياختي لاانتي اول ولاخر وحده ابنها يعيش 
عند ابوه 
وفرضا رجع خلي يرجع على الاقل يشوف 
امه شون قويه وحاربت الزمن وكونت اسره 
ويصير عنده اخوان 
مو يجي يشوفها مكسوره منطويه على نفسها 
ترى الرجل مهما كان دوره سواه زوج او ابن 
مايحب المراءه الضعيفه

فكري زين واله الي يتقدمولج بيهم الرجل المناسب الي ترتاحيله  اتوكلي على الله 
-والله ياوهج انتي اكيد تشاقين 
ماكدر ياختي ماريد اعيش تجربه ثانيه 
واتحمل مزجيات رجال وتعاي داري وخدمي 
وفوك كل هذا اخاف من الخيانه

:يمعوده اصابعج مو سوه مو عبالج 
كل الرجال مثل نائل الناقص وتخون العشره 
شوفيني انه مو على ايدج شكد جنت متعلقه بمحمد وبعدها شكد تاذيت 
لكن الحمد الله الله عوضني برجال يسوه 
عشيره  رجال مو  مثل محمد ونائل 
-الله يهنيج ويسعدج حبيتي 
بعدها طلعنه هي لبيتها وانه رحت للمستتشفى 
كملت شغلي ورجعت للبيت 
شويه وتجمعوا اخواني وفتحوا وياي 
موضوع الخاطب الجديد 
وكل واحد.يحجي شكل 
ونفس السنفونيه نتعاد 
لاانه اقتنع ولاهما يسكتون 
صرت اكره حتى البيت من كد مايحجون 
قررت مارجع للبيت اله بليل 
وحتى مرات اخذ خفر حتى مالتقي 
بيهم 
العصر وعندي مراجعين وفوني اخلي 
صامت 
شويه واجت الموظفه الي تشتغل  وياي 
كالت دكتورا يردوج بلبيت يدكون عليج 
وماتردين 
اي 
لان اخلي صامت

خابربت بسرعه 
ياربي شنو شبيهم 
ردت وفاء من تلفون ماما 
-هلو وفاء ماما خومابيها 
:لاوالله مابيها شي بس انه اجيت 
الج ومالكيتج 
-الله لاينطيج ولج هبطتيني 
يعني وين مثلا اتمشى على الكورنيش 
غير بدوامي شنو جديده عليج.

كالت بس توصلين للبيت دكيلي اريدج 
بشغله ان شاء الله

سديته منها

رجعت بذكرياتي شون دزوها اهلي تقنعني اقبل 
بنائل اكيد نفس القصه راح تنعاد 
بس قبل جنت مجبوره هسه لا 
لاوفاء ولاغيرها تاثر عليه

كملت شغلي وانتظرت محمد او حسن يجون عليه 
وانه كاعده وجان اشوف ليث هم 
ياا هذا شجابه هنا 
بس ابد مايحجي بس يتعدي يصير قريب 
عليه ويدندن مادري يغني متدري يشتم بيه 
الله اعلم 
بعد مارجعت للبيت اجتي وفاء وكعدت تحجي 
وتحجي 
وبعدها ماما راسي راح ينفجر 
:يامي هسه بس شوفي الولد 
تره كلها عشر دقايق مواكثر وبعدين 
يجوز تغيرين رائيج 

يامي لاتفكرين بأبنج عد ابوه قابل يظلمه 
مرتاح وعايش 
حتى لو جان وياج موزين  تراه ويه ابنه 
يتخلف لازم يدلله ويدير باله عليه 
يامي

تعاي شوفي النسوان تعوف اثنين  وتلاثه 
وتزوج ولا يهمها هسه انتي ابنج راح برضاته 
قابل طردناه او ظلمانه 
بعدها حلفتني بروح بابا اكعد اشوف الولد 
وافقت بس اشوفه 
كمت صعدت لغرفتني وكلعاده ابجي على حظي 
وقسمتي وعلى ابني 
انا الرقم الي يدك عليه مابطل يدز صباحيات 
سلام ومسائيات 
بس ماعرفت منو 
اتفقوا نهايه الجمعه العصر نتشاوف 
وانه بلدوام هواي اشوف ليث 
ونفس الدندنه ونظراته الي 
ماعرف شنو احساسي من اشوفه 
مو حب بس  ارتاح يمكن تعودت اشوفه 
بكل مكان اتواجد.بي واله مامموجود. 
عيوني دور عليه

فديوم وانه امشي بلممر الي يفصل بين 
الردهات يصير ضيق واضاءه خافته ولازمه بيدي اوراق وفايلات 
وجان واحد يسحب مني الاوراق 
استغربت منو يسوي هيج 
ارفع راسي واباوع ويطلع 
اخوي اياد خرب يومك هسه هاي سوايه

تدري ردت اضربك بلفايلات

اياد :ههههه تسوينها 
-شعجب هنا اليوم مظلم المستشفى بيك 
اقصد.منور 
:عندي شغل ويه ابو ادهم ماخذ مقاوله 
هنا وطلب من شركتنا تصاميم هندسيه 
واجيت اشوف المشروع ومريت شفتج

امشي للغرفه خل نضيفك

-لا يابه طالع لعبت نفسي من ريحه 

الادويه وهاي الممرات الضيكه 
شون تكدورن تشتغلون 
هاي لو انه نص ساعه ماتحمل 
هههههه متعودين 
اوصلج بطريقي 
-شنو انت راجع للبيت 
:لا طالع بس اله كملتي شغل 
اوصلج 
-وين ستوها ١٢ بعد هواي نهايه الدوام 
كال انه رايح اتصل على صديقه 
ابو ادهم على كولته واحنه نمشي 
شويه واجه ابو ادهم 
سلم: السلام عليكم 
وانه من الصدمه حتى ماعرفت ارد 
السلام 
ظليت مخرسه 
يعني ابو ادهم نفسه ليث 
ودعت اخوي ورجعت للغرفه 
وانه ميته قهر 
طيح الله حظك هنوب صديق اخوي 
ويباوع عليه بعين نكسه لاومزوج وعنده 
عائله 
صدك من دكول ماما المطلقه تكون فريسه 
مجتمعنا هواي انقهرت 
قررت من اشوف  اوكفه 
عد حده 
بعد ماخلصت دوام ورجعت للبيت 
ورسائل ماوكفت وانه منا مقهوره 
كلت خل اشوف منو هذا 
كتبتله منو 
بسرعه كتب  ليث 
عزاا بعينك منين جايب رقمي 
كتبتله شكو تراسل اعرفك تعرف 
تعرفني 
شوف وحق القران اله اتصلت او راسلت مره 
ثانيه لشوفك عمرك ماشايفه 
حظرت الرقم 
ثاني بدوام وانه بوقت الاستراحه

كاعده وجع راسي موتني شربت بندول 
مافاد.جنت لازمه راسي بيدي 

ومدنكه واسمع صوت اجه للغرفه 
جان يكول مرحبا دكتورا

&&&&&&&& يتبع

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢١
قلب مكسور 
الواحد والعشرون 
بقلمي #بنت الرافدين

ومنزله راسي اسمع صوت اجه للغرفه 
وجان يكول مرحبا دكتورا 
ارفع راسي واش
فه هو 
وانه هنا صدك تخبلت 
كلت اله اذب ضيم الدنيا كله بي 
لاهله ولامرحبا 
اكول انت شو ضارب ميانه شنو تجي لغرفتي 
شون تدخل بدون استاذن 
وبعدين انت شكو تتصل عليه 
شوف اخاف شايفلك كم وحده رخيصه 
كلت كل بنات حواء هيج 
كلت بتلفون وهسه اعيدها اله ماتطلع 
وتحترم نفسك اله الم المستشفى عليك 
كله 
هاي طبعا احجي بدون انقطاع

ليث :ياوش ياوش شبيج هيج 
حاميه ويحرك بيده بمعني على 
كيفج 
اعرفي على شنو جاي بعدين تهجمي

لااعرف ولاشي كتله اطلع براه

ليث :اوك اوك طالع

بس اريد اكولج اجيت
عتذر عن موقف 
البارحه وانه مو قصدي شي موزين 
بس اخذت رقمج حتى اتحمدلج السلامه 
وطول هل الوقت مافديوم رديتي عليه 
فبقيت اراسلج حد.مارديتي البارحه

كال وانه اسف مره ثانيه 
وطلع.

يستاهل حتى مره ثانيه مايعيدها

صار يوم الجمعه بيت عمو ضياء ابو 
بشار اجوا على الموعد 
شفت الولد وشافني 
شويه بقى كاعد بحضور امه وابوه وماما 
واخوي عماد.هم 
سوالف عاديه 
بشار جان شكله عادي ومرتب عمره نهايه 
الثلاثين 
منفصل بدون اطفال و مهندس 
ويشتغل بشركات ابوه 
بعدها طلعوا 
طلبوا رائي كتلهم افكر 
وانه جذب مقرره ارفض بس اريد. 
حجه اطلع بيها من اهلي ويقتنون 
بعدها سمعت من ماما هو عايش بدبي 
عنده شركه هناك هويديره 
رفضت والسبب ماريد اسافر 
واتغرب 
طبعا حجوا عليه ورزلوا 
وصلت للعركه بعدها سكتوا 
وصلوا رفضي بيت ابو بشار 
كالتهم ماما اله هنا تقبل ماتريد. 
تسافر 
هما هم صرفوا نظر وماجوا بعد. 
هم خلصت منه٠٠٠٠

بهاي الايام خطب حسن 
بعد.اصرار من ماما وافق 
خطب بنيه من منطقتنا 
مكمله تربيه فيزياء 
وتشتغل  بمدرسه اهليه 
الحمد الله كلش فرحناله طلب زواجها 
بعد.شهر بس زفه ماقبل يسوي 
حفله 
سوده عليه اخوي فرحته ناقصه 
ناقصها بابا الله يرحمه 
وسافر لايران شهر عسل 
الكل نزع الاسود.اله انه وماما 
شكد توسلوا بيه كتلهم ابد 
تعلمت على  لون الاسود.مثل حياتي 
بقيت حزينه 
فديوم اجه اياد وصاحلي بحضور 
ماما 
شونج 
الحمد.الله تمام 
بعدها كال 
اجوا  ناس تقدمولج مني هذول 
ناس مايرفضون 
-منو  وشدعوه تحجي واثق منهم 
:احجي عدل سمعتي 
-ان شاء الله

انتي مو تردين تعيشين هنا وماتردين تسافرين 
وبنفس  الوقت ابن عائله وناس واصلين 
انه ساكته 
سالته ماما منو هذا 
:حجيه ابو ادهم مقاول وصديقي 
وهي تعرفه لان ياخذ شغل عدهم بلمستشفى 
-شنووو ابو ادهم؟ 
شنو  شكو حتى يخطبني 
يعني مابقى بس هذا اقبل بي 
وهو دكول مايتفوت 
واهز بيدي 
والله هسه انت معطلني وصارلك 
ساعه تحجي شعر تاليتها ابو ادهم 
اياد :وجع شبيج اكلتيني  حاصل فاصل 
ناس معروفين من بغداد  هو هم 
منهدس ويعني نفس متسواج 
-اي ومزوج عنده اطفال 
ا:مطلق وعنده ولد وبنيه 
وانتي شعليج بجهاله يخليلج بيت بحدج 
-وتريدني اروح لبغداد 
والله اقبل بشار هواي ارحم من صديقك 
وانه راح اكلك المفيد حتى ترتاح 
ماموافقه 
عفته صعدت وظل يحجي ويصيح 

ماهتميتله اي والله بعد.ناقصني الي عنده 
جهال هسه تطلع مرته لو زعلانه لو جذب 
على ذمته هو انه خربت بيتي مره 
انه اروح اخرب بيت الناس 
والله يااياد ٠٠٠٠ 
بقلمي بنت الرافدين 
بعدها رجع حسن من سفرتهم ونورنا هو 
عروسته 
كلش حبابه وخلوقه عاشوا ويانه بلبيت 
صرنه صديقات على الاقل اسولف وياها 
واخلص من ماما شويه 
٠٠٠٠٠٠٠٠٠ 
مستمره بداومي الصبح بلمستشفى الحكومي 
والعصر وبليل بلمستشفى الخاص 
بعد.مارزلت ليث ابد.ماتعرضلي 
صح اشوفه بس مايحجي وياي ابد

بهاي الايام  صديق حسن دكتور عاطف 
زميلنه بدوام ازوج والبنيه هم دكتورا 
مقيمه استوها متخرجه 
عزم الكل 
ماقبلت احظر الحفله بس حسن 
وميعاد.زوجته اصروا اروح وياهم 
على اساس هو زميلنه وعيب 
قررنا نروح لبست كوستم اسود وبي 
شغل فضي بلصدر وشال وكعب 
يعني مو شي مميز عادي 
دخلنه للقاعه جانت مشتركه وكل الاطباء 
موجودين 
حتى تعبنا من كدما سلمنا 
كعدنا احنه وهج وزوجها فد.طاوله 
سمعت صوت فوني فتحت شفت رساله 
كاتب يخبل عليج الاسود والفضي 
رقم غريب 
سديت وراه شويه 
كاموا العرسان حتى يركصون كلنا صفكنالهم 
هم اجتي رساله 
ان شاء الله يوم النه وهيج نركص 
ظليت اباوع بتلفون 
مستغربه 
وهج وميعاد.كل ساع 

سالوني منو الي يراسلج 
مارديت عليهم 
بعدها كتب 
غرورج يمنعج تسالين منو المرسل 
بس اني راح اكولج 
اني ليث 
استغفر الله 
شكد لزكه هسه مو رفضتك شكو 
بعد. 
خليت تلفون بجنطه شويه 
واجه اخوي عماد 
السلام عليكم 
عليكم السلام سلم على وهج وزوجها 
بعدها كال انتوا من يمته هنا 
اول الناس 
تفضل اكعد.كال لا

راح يسلم على العرسان 
اجي وياك ماسلمت عليه 
رحت انه وياه سلمنه وباركنالهم 

وبعدها شفت دكتورا زميلنه وظليت اسولف 
وياه ماحس اله واحد.ضربني بجتفي 
حيل وتعدى 
باوع ليث يخزرني 
اهوووو هذا عايش الدور 
رجعت كعدت واجه عماد وظل يحشش 
ويذكر زواجها بلتسعينات شون جان الاعراس 
بسيطه وبين هسه 
عماد :،عمي اله الاعراس كله هيج 
اله كل ست  اشهر اعرس 
اشو انه عرسي بشهر اب الدنيا 
تفورمن الحر 
على اساس احنه اغنياء عدنا مكيف جنرال 
استونه كعدنا نطفت الكهرباء 
وظلوا يهفون علينه بلمهاف 
خرب متنه ضحك 
الاطباء كلهم تجمعوا على سوالف عماد 
واصوانتا بلضحك عاليه 
واشوف ليث يروح منا ويجي منا يتحرمص

بعدها طلع عماد كتله اروح وياك تعبت

طلعنه انه وعماد وصار بوجهنا ليث وسلم 
وسلام حار هو عماد. 
رجعت للبيت 
ومابطل رسائل 
رديت عليه 
انت شريد 
اريدج الج 
استغفر الله 
شنو الشغله بلقوه منو كلك اريد ارتبط 
-معقوله اكو شابه بعمرج ترفض تتزوج 
اي انه 
-ماصدك 
والله كيفك صدكت اولا 
-اكلج شدعوه هيج مغروره وشايفه نفسج 
اي مغروره  وتعبانه ومانقصتك 
-اي بس انتي ناقصتني واريد اكمل حياتي 
وياج 
اكلك انت شدعوه هيج وثق من نفسك 
وكاني موافقه عليك 
-انتي الي وماتصيرين لغيري 
انه لنفسي مااصير لاحد 
دوروح الدنيا مليانه نسوان شكو جاي عليه 
مافيدك 
-ليش ماتفيديني اكو واحد  بحياتج 
او منتظره  احد 
اي منتظره غايب يرجع ويشيل هم قلبي 
-اها اذا هيج الكلام اتمنالج السعاده 
اشكرك 
-ويكون قادر يسعدج ؟؟ 
مايهمك مني ياريت ماتتصل بعد.حتى 
لااحظرك 
سده بوجهي اسمع طوطوطو 
خفه وراحه ارتاحيت منه 
بعدها بلمستشفى قليل  اشوفه 
حتى لو يكون قريب عليةمايباوع 
فديوم اجت وهج هي وبطنها دعبله 
-هاي شعجب ذاكرتني اليوم 
وهج :والله احسن من بعض الناس 
-اي والله حقج بس مشغوله 
كل يوم اريد  اروح يمج احلل نسبه دمي ماكو وقت 

:اكلج شنو رائيج نروح نتغدى بمعطم 
-ليش بالله نروح نتغدى بلبيت 
وهج ملينه من اكل البيت يالله عفيه 
حيل مشتهيه 
-هههههه ولج بطنج صارت شكدها وبعدج 
تتنسسين 
شسوي ماحب اكل من ايدي 
اوك خل اخابر على حسن ونطلع 
خابرته وكتله ماكال شي 
طلعنه هواي مطاعم قريبه عاى المستشفى 
على الشط طلعنه مشي 
وصلنا للمطعم صعدنا بلطابق الثاني 
كعدنا يم الجام ويطل على الشط 
منظر كلش حلو 
وهج كعدت وجهها على بدايه المطعم 
وانه مقابيلها وجههي على النهايه 
كعدنا هي طلبت مشاوي 
وانه طلبت بيتزا 
وصل الاكل 
-بالله هسه شنو هاي لورايحين متغدين 
من ايد.ماما سمج مو احسن 
دخيل لربج  انتي شنو ماتشبعين من اكل 
السمج 
ههههههه ابد. 
بدينا ناكل اخذت الحار وافرغ على البتزا 
مليتها ملي وكصيتها  واجيت اكل استوني 
خليت اللكمه بحلكي

واجه واحد.سلم ردت وهج عليه 
انه عبالي الكارصون مالت المطعم 
هنوب كال شونج دكتورا زهراء 
رفعت راسي واشوفه فتحت عيني على 
وسعها عليه 
بعدها  غصيت بلكمه 
هنوب كلها حار ظليت اكح 
ليث ووهج اسم الله اسم الله 
وانطتني وهج ماي 
اختنكت كلش 
شويه ارتاحيت 
كال سلامتج 
طبعا جر كرسي وكعد. 
الله يسلمك 
سمعيني دكتورا ماريد.اخذ من وقتج 
هواي 
شوفي   اني طلبت وانتي 
رفضتي بدون سبب مقنع 
يعني صح عندي اطفال بس  والله امهم 
منفصله من سنوات 
واني لاراح اكلج ربيهم ولا مسؤليتج 
ولاعندي بيت راح تخربينا 
واني بهاي الايام راح ارجع اطلبج من اخوج 
بس هل المره اريدموافقه 
وبعدها كام 
وكال الف سلامه عليج يالغاليه 
بس شويه لو تخففين الحار 
وضحك وراح 
وانه بدون صوت 
ماصارت طلعه عليه صار زقنبوت 
عفت الاكل 
وهج شبيج يمعوده داباعي شون 
جنه بقلاوه شنو تردين بعد 
اكول وهج هو منين عرف احنا هنا 
وهج وانه وين ادري 
يعني شنو عنده البلوره السحريه مثلا وعرف 
مكانه 
ماردت 
زين كملي بسرعه حتى نولي 
رجعت للبيت حتى دوام العصر مادوامت 
بقيت بغرفتي 
اخاف صدك.يحجي ويه اياد. 
وهذا مايتفاهم 
زين هسه شنو عذري وارفضه 
واهلي شون يقعنون 
راسلتني وهج مارديت عليها 
بقيت يومين مااحجي وياها 
الى فد. يوم اجتي للدوام 
كعدت سالتني ليش مارد على اتصالتها 
كتلها مشغوله 
:تردين الصدك 
-اكيد 
:شوفي اجاني ليث  فديوم للمختبر 
وطلب يحجي وياي 

و سالني عليج كال ليش رفضتني 
حجيتله السبب بس مو مفصل بلمختصر . 
كال بس انه سألتها دكول منتظره غايب 
يجي 
كتله اي تقصد ابنها 
وبعد.كلش فرح  حتى الدم رجع بوجهه 
وطلب مني يحجي وياج 
وادري بيج راسج يابس طلعت شغله المطعم

-بس شون هيج تسوين بدون تنطيني خبر 
وهج ؛والله اسفه بس والله لمصلحتج 
خوش رجال مايتفوت 
ياختي عيشي حياتج الى متى تبقين هيج 
والله حتى حرام دفنين شبابج 
مارديت عليها بس دموعي تنزل 
بوستني وراحت 
٠٠٠٠٠٠ 
بلفعل مر كم يوم واجه اياد 
كال ابو ادهم رجع طلبج مني 
انه ساكته ماحجي 
كال ماتحجين شكو ساكته 
-يعني هيج يهمك رائي انت مو تعرف 
ردي ليش تعيد 
:ترى

احنه ملينه كل ساع واحد جاي 
وكال اطلب ايد اختك واريد اتقدملها 
احنه شنو فاتحين مكاتبنا 
بس حتى نستقبل خطابه الج 
شوفي زهراء لوتوافقين 
لو تعوفين دوامج وتكعدين بلبيت وتنجبين 
ناس كلت وجوهنا ليش متقبل وليش ترفض 
هنوب اجه عماد ونفس الكلام 
والله محد.اله شغله بيه مازوج ودوامي 
ماعوفه حجايه مني حجايه منه صارت هوسه

ماما تهدي بينا ماكو 
اصواتنا علت هما يحجون وانه ارد 
طلعت ظيمي كوله 
طول عمركم تفكرون بكلام الناس 
شكالت الناس وشحجت الناس 
وانه بلحجيم نسيت اياد لو اذكرك 
شون ضربتني على سالفه ولد.طايح حظ 

وموقف كل بنيه تتعرضله 
تاليتها زوجتوني غصب 
وبعدك ورايه وهسه هم تريد تعيد 
الماضي بس اكولك شي 
لو مو تضربني هل المره لو طلع روحي 
ماقبل ومالك سلطه عليه 
انجبي والله اكسر راسج اجه يضربني 
وماما دفع وهو يريد.يكمشني 
عوفي ماما خل يضرب تعملت 
سحبني من شعري ويجر بي 
لج شنو هل السان والله اكصه 
ويجر بشعري قوي وماما تصيح 
بي عوفوها ولكم راح تموتوني 
مايسمع منها مستمر يجر بشعري 
ماحس اله ماما 
وكعت 
انه هنا تخربطت احوالي نحرك بيها 
ماكو حلكها نعوج وفاقده الوعي 
نقلناها للمسشفى وانه جنت وياها اراقب 
حالتها حيل نهاريت اخواني كلهم يرزولون 
بيه كله منج بومه طوطوه ابونا مات بسبج 
وهسه لحكتي على امنا 
ابد.مااحجي بس دموعي تصب 
انه هنا تخبلت ماعرف شنو اسوي 
ظليت ادعي بس تعدي هاي الازمه 
يارب بس رجعها سالمه ماريد.شي 
بعد حتى لو يذبوني بلنار 
مووبس زواج 
صدك انه زودتها لاسمعت كلمه من امي 
ولامن اخوتي 
يجوز تعاطفهم ويه حالتي خلاني انغر 
لو اتمرد عليهم 
وهاي نتيجه عنادي ضربيه دفعتها قبل 
بابوي وهسه لاسامح الله امي 
والله اموت نفسي اله صار بيها 
شي منو عندي بعد 
ظليت وياها ماشفت البيت حتى ملابسي 
ابدلهم بلمستشفى 
شون ادخل للبيت هي ماموجوده بي 
هي روح البيت ونفسه 
اكييد.هسه البيت اظلم 
يارب رجعها النه حتى تنور بيتها وتنور 
حياتنا 
وعد بعد مااعصيلها طلب 
بقت اسبوع بدت تتحسن بس بلبطئ 
اسبوع كلش طويل عليه ومر اسود عليه 
والكلام الجارح الي اسمعه يتعب اكبر 
بشر ٠٠٠٠٠ 
بعدها طلعت ونورت البيت 
وبقت هواي ناس تجي .واخواني بعدهم زعلانين مني ومايحجون وياي بس على 
حاله ماما 
حقهم وانه هم حقي الي شفته مو سهل 
بعد.فتره تحسنت ماما بس بعدها تعبانه 
ولسانه صار ثكيل اثر جلطه قلبيه

جانوا الكل مجمعين بلصاله 
جنت بغرفتي بعد.ماشبعت بجي 
رحت غسلت وجهي واخذت نفس قوي 
نزلت 
كتلهم انه موافقه ازوج ابو ادهم اله بعدها 
طالبني خبروا بموافقتي واله صرف نظر 
اي واحد يتقدم انه موافقه عليه 
محد رد عليه بس ظلوا صافنين على كلامي 
عفتهم وصعدت 
ظليت ابجي حد.ماغفيت 
يعني الانسان حتى لو يرسم لنفسه 
حياه يرتاح بيها يجي ظرف يغير 
كل موازينه ويخلي يرضخ للامر الواقع 
٠٠٠٠٠٠٠ 
من ماما تحسنت رجعت ادوام بس كلش تعبانه 
تعب روح تمنيت عمري كوله احد يفهمني 
ماكو كلشي يمشي عكسي 
بعدها بكم يوم اجه اياد كال انتي صدك 
موافقه عليه مو تلعبين علينا وبس يجي 
طلعين حجه 
كتله اي موافقه 
لعد بعد.يومين يجيب ناس 
ويجون يخطبون رسمي 
كتلها الي تشوفوا 
&&&&&&&يتبع


قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٢
قلب مكسور 
ثاني والعشروون 
بقلمي# بنت الرافدين #

كتلهم انه موافقه 
كاله بعد يومين يجيب ناس ويجي 
يخطب رسمي 
كتله الي تشوفوا صح سووا 
بقيت ادري بأمي شويه 
بدت صحتها تتحسن ودوامي نفسه 
سالتني امي 
:زهراء انتي موافقه لواحد ضغط 
عليج 
كتلها محد ضغط عليه انه من نفسي 
هذا قراري 
:ليش مالج خلك 
-عادي ماما انه هيج لاتفكرين زايد 
بعدها كالت زين راح تبقين بالاسود 
انزعي يأمي الحزن مو بلون 
-ان شاء الله ماما انزعه خلال هل اليومين 
:الله يسعدج ويريح بالج 
-امين يارب 
صعدت لغرفتي ماريد اسمع شي 
واصفن ويه نفسي 
يعني انه لشوكت كل زواجه تنفرض عليه 
لااختاريت مثل البنات ولاحبيت 
دائما الظروف هي  الي تختارلي 
طريقي 
تعبت من التفكير عفت كلشي 
ونطونا موعد.الجيه 
رحت حلاقه حفيت وعدلت وجهي 
سويت تقشير و معالج للبشره وماسكات 
لان بشرتي وشكلي صاير زفت 
واشتريت ملابس الوان 
ليث اجه قبل الكعده بيوم العصر 

خابر واخذ موعد.من اخواني 
وانه مادوامت العصر حتى اشوفه 
على اساس هو ماشايفني 
لبست بنطورون بوري وياها بدله قصيره 
او شلحه لونها جويتي 
لان استوني نازعه الاسود وخليت مكياج 
خفيف كولش وشال نفس اللون بس 
مطعم بورد 
كعد.بلاستقبال بحضور اخواني 
دكيت الباب ودخلت 
السلام عليكم 
والكل رد وعليكم السلام 
هو كام وسلم عليه 
ومد ايده وسلم عليه 
بعدها كعدت صرت كباله 
سألني عندي شي شروط او شي 
تردي دكوليه 
كان لقاء جدا رسمي 
بقلمي بنت الرافدين 
-ماعندي بس اكيد.انه ابقى بدوامي ماراح 
يختلف شي 
ليث :اكيد 
-تعرف  تخصصي وشغلي 
يكون كله مع اطباء وممرضين وادخل 
بلعمليات ساعات طويله 
واكون بس انه  او وياي 
ممرضه وحده او ثنين  والباقي كولها 
رجال ٠٠٠٠٠ 
ويكون بينا اتصال او نكعد.بنفس المكان 
ماريد.هذا الشي ياثر على حياتنا 
او يكون سبب مشكله بيوم من الايام

ليث :طبعا اشكرج على صراحتج 
وانه رجل منفتح وومثقف واعرف حدود 
العمل وزملاء 
اكيد.ماراح ياثر على حياتنا 
بعدها كال على السكن 
كال اني حاليا ماخذ شغل هنا 
وساكن بيت ومده الشغل ست اشهر 
وبعدها ارجع لبغداد 
ونعيش بيتي عندي امي واختي 

واطفالي يعني ماكدر اعوفهم وافتح بيت 
لوحدي 
صح اني هنا اشتغل بس اروح وارجع 
يعني ماعايفهم 
- ماعندي مشكله بلسكن 
ليث هاي هيه 
وبعدها اتفقوا على يوم المهر 
هو كال اني كلش مجهز يعني ماراح نتاخر 
بلزواج عندج اشكال او اعتراض 
-لا عادي 
سلم وطلع 
اجت ماما باركتلي 
:الف مبرووك حبيتي يارب يجعلها 
زواجه العمر ويزرقج اطفال ويجبر بخاطرج 
بعدها اخوتي هم باكولي واتشكروا مني 
لان مافشلتهم مثل كل مره 
طلعت لغرفتني بدلت ملابسي 
ودخلت وفاء 
دخليك ياربي اجت مثل البزون على الريحه 
:معقوله وافقتي وعديتي اليوم على 
خير بدون ماتسوين مقلب او طلعين بي حجه

-اسكتي الكل خايف مني متوقعين اطرده اخلي شروط تعجيزيه 
:اي والله اخوانج دخلوا انذار 
-هههههه شنو عدنا حرب 
وفاء لو شايفه شكلهم  من ساعه الغيض تارس 
وجوهم 
بس هسه من اجيت اشوفهم فرحانين 
-والله مادري ياوفاء عبالك كاعده على قلوبهم 
:ليش دكولين هيج غير يردون مصلحتج 
خطيه مايهون عليهم يشوفوج هيج مهمومه ومكسوره 
-الله كريم 
ثاني يوم صارت الكعده بس للرجال 
جاب وياا ناس وجهها وخطب رسمي 
وقروا الفاتحه 
يعني صح انه موجوده بس لانزلت ولا 
شفته 
ثاني يوم بلدوام الخبر منتشر الكل 
تباركلي بس هو مموجود 
بعدها ايامي عاديه 
خابرني مره او مرتين سلام 

ويعني كلام رسمي كال اني بغداد. 
ارتب امور الخطوبه واجيب اهلي 
واجي 
ان شاء محتاجه شي 
سلامتك.

بعد.10 ايام صار يوم المهر ماردت حفله 
قاعه سويتها كلش بسيطه بس عقد.سيد 
وتلبيس حلقات 
هو طبعا اجاه وياه اهله كلهم اولاده وامه واخته 
ليث عمره ٣٩ وانه صار عمري ٣٠ يعني 
٩ سنوات 
فرق 
وطفاله ادهم عمره ١١ بعمر ابني 
وميار عمرها ٨ سنوات 
اخته بلقيس مديره مدرسه مامزوجه ازغر من ليث 
وامه بعمر ماما بس كلش طيبه 
حسب اول لقاء وشكلها فرحانها 
عنده اخو من ابوه اكبر منه 
بس ماجه وياه 
هاي هيه عائلته يعني زغيره

مو مثلنا ماشاء الله 
هما يختلفون عنا بهواي شغلات 
لان هما اصلهم اكراد بس عايشين 
بغداد ولهجتهم بغداد ومن غير مذهب 
حتى عاداتهم بلزواج هواي تختلف عنا

بس اهلي مثقفين وماعدهم تفرقه وهاي السوالف 
حتى بلمهر خلوه فلوس و ذهب 
يكول هما عادتهم يخلون مثاقيل ذهب

احنه عدنا خير ما تهمنه هاي الشغلات لاانه 
شرطت ولااخواني هو خله من كيفه 
مهري كولش غالي جان خله ٢٥ مليون 
وكيلوين ذهب 
٣ كيلو  ذهب غايب 
لان هما كولش متمكنين يمكن حتى حتى 
اغنى من عدنا 
على كوله ماما اهم شي السعاده الفلوس 
والذهب ماتصنع سعاده  هي مكلمه للحياه فقط 
اخواني نفس كلام ماما احنه نتشري 
رجال مو فلوس 
يعني ماعدنا طمع او استغلال 
صار ي

وم العقد ماعزمت احد. 
بس وهج وكم دكتورا واهلي وبيت عمي 
بس هو جايب وياه وجهها واطباء 
هواي كباريه 
رحت لحلاقه قريبه على بيتنا 
اشتريت  بدله اوف وايت مخصره 
ومن جوه تصير مثل الحوريه والردن شيفون 
وشعري سرحته ولبست تاج بنفس لون 
البدله وخليته نازل ليوراه 
ومكياج جدا هادى 
كعدت بصاله هما بلديوان بعدها 
كومني حتى الشيخ يعقد.النه. 
ظل يردد صيغه العقد.ويقراء 
ايات الزواج واقوال الرسول 
الزواج سنتي 
عبالك يعرف انه رافضه الزواج 
بعدها طلب موافقتي 
ونطيت الموافقه 
ورجعت كعدت شويه اجه 
ليش لالبس قاط صحراوي طالع 
جدا انيق على كوله وهج 
بقلاوه ٠٠٠٠ 
انه كمت تقرب باس راسي 
وكعدني وباركلي 
وانه هم باركتله 
ولبسني 
الذهب ماشاء الله كله فخم 
من الحلقه للعقد 
جايب طخمين واحد لبسنياه والثاني هديه 
الحلقه جانت مطعم بالماس 
مبين عليه هواي فرحان 
امه واخته واولاده وياه 
اجوا باركولي وميار كاعده بحظن ابوها 
بعدها صورنا بلبيت ماطلعنه للتصوير 
:الف مبروووك حبيتيى 
-الله يبارك بيك 
بلخير  عليج اني 

-وانته هم 
كال اني طالع لوبيدي ماعوف الكيمر 
واطلع 
اخذ ادهم وطلعوا 
يم الرجال 
بقيت كاعده الكل اجت تباركلي 
شويه وخلصت الكعده

اريد اصعد اغير ملابسي خطيه ماما 
اجت حظنتني وباركتلي 
وظلت تدعيلي على الرغم من صحتها 
تعبانه بس خطيه قوت نفسها علمودي  ٠ 
٠٠٠٠٠٠٠٠٠ 
صعدت سبحت وغيرت ملابسي وصليت 
وكعدت استرجع ذكرياتي ولازمه الكلاده 
بايدي وموعي تنزل ماعرف صح غلط الي سويتها 
يعني بعد انكطع اخر امل برجعه ابني الي 
بعد صرت على ذمه رجال ثاني منو يخلي 
يتواصل وياي 
ظليت على كعدتي اله ماسمع صوت الفون 
كمزت 
اشوف المتصل ليث 
الوووو 
هله ياعمري هله مرتي 
هلو ليث

شونج مشتاقلج 
ههههه 
ليش تضحكين يمته لحكت تشتاق 
دائما مشتاق من يوم شفتج 
حبيت المستشفى 
والبصره وجوها الرطب 
ليث :زهراء 
-اممممم 
انتي وياي 
-اي موجوده 
ليش ساكته 
اسمع كلامك. 
حبي حظري نفسج راح امرلج نطلع 
نتعشى 
-هسه 
:اي 
مابيه تعبانه حيل وانه اصلا ماتعشى 
خليها بغير وقت 
:سمعتي شنو كلت لو لا 
-زين خل اشوف اخواني 
:اخوانج شنو امرج مني بعد 
واني خابرت دكتور محمد وافق 
-اوك 
اويلي تخبل اوك بصوتج 
-هههههه 
يالله راح اجهز نفسي

:زهراء 
نعم 
: شنو راح تلبسين 
-ماعرف بعدني ماقرره 
:البسي لون زيتوني او جيوتي 
احب هيج الوان مثل اول يوم اجيتكم 
نفس البس البسي يخبل عليج 
-اوك 
يالله باي 
سديته منه 
ولبست تنوره زيتوني عريضه على ستره 
زيتوني بيها ليلو ثلجي 
وقميص ابيض 
ولبست شال نفس الالوان 
طبعا انه لبسي كله رسمي ستره وتنورا 
او بنطرون 
مالبست مثل ماكال شايفه عليه 
اصلا انه احب اغير بلبسي مو نفسه اعيدها 
بدلت ونزلت وكلت لماما 
:اي ماما شكو بيها بعد هو زوجج 
-بس ماما انتي كولي للولد 
:روحي ماما اله محمد موافق محد 
يعترض 
اجه عليه وطلعنه طبعا هوا كلش وسيم 
ولسبه كله رسمي قاط او يلبس جنيز هم 
يلبس عليه ستره 
وصلنا لبيته استغربت 
هو موكال مطعم بس ماحجيت 

كال نزلي 
نزلت فتح الباب جان البيت حلو بناء حديث 
بس زغير مو فخم 
فتح باب الاستقبال ودخلت واجت امه 
تهلهل بوستني . 
وبعدها اجوا اطفاله 
البنيه تخبل شعرها كاريه اسود 
وهي بيضه ثلج تنحط بلروح 
والولد هم يشبه ابوه نفس الوسامه 
وكلش مهذب 
مبدلين وجاهزين 
بعدها طلعنه امه كعدت ليكدام 
وانه والجهال وراه 
وظليت الطريق اسولف وياهم واتعرف 
عليهم حيل ينحبون 
وصلنا للمطعم 
هو خاله طلبوا مشاوي 
والجهال طلبوا بيتزا هم طلبت مثلهم 
لان ماكل الحم ومشاوي ابد 
:انتي هم بيتزا 
-اي 
:بس مو ترسيها حار مثل ذيج المره 
-ههههه بعدك تذكر 
بعدها نزل الاكل اكلنا وكانت الكعده كلش 
حلوه 
كلش ارتاحيت وياهم اكثر شي الاطفال 
بعدها وصلوني للبيت 
وراحوا 
مشت ايامي عاديه وقرر بعد.شهر 
الزواج 
عقدت محكمه وصار كلشي رسمي 
اهله راحوا وراه الخطبه بيومين 
وهم يروح ويرجع اكثر شي نهايه 
الاسبوع يسافر 
ويرجع ويه بدايه الدوام بلمستشفى و يجي 
للغرفتي 
ويتوكح شويه يريد.يبوس او حظن 
ارفض اكوله احنه بلمستسفى 
ويعاند.اله ياخذ بوسه يالله يقنع 
او يجي للردهات او صاله العمليات 
بس ممنوع يدخل يبقى بلباب 

يم الاستعلامات 
يعني كل ساع 
طالعلي  اي مكان ادوام بي الكه 
يكمل شغله  ونطلع نتغدى 
او يرجعني للبيت 
او يجي على بليل من المستشفى الخاص 
ونطلع نفتر نروح على الكورنيش 
او مولات 
مره سالته ليث 
عيونه 
تسلم عيونك 
ليش انفصلتوا انت وام ادهم 
هههههه ضحك طبعا منتظرج تسألني 
حد.ماايست 
يعني انتي ابد.ماعندج فضول 
بعدها سحب ايدي وكعدنا على مصطبه 
على الشط على اساس يريد.يكعدني 
هو يدفعني هوصاير ورايه 
ويدفع بيه  وانه ارجع ليوراه احظنه لاعفيه 
اخاف على الرغم اكو سيا

ج حديدي 
بس اخاف من الماي 
يظل يضحك عليه 
ويكولي ياريت تبقين تحافين على 
طول حتى ظلين بحظني 
اباوع صدك حاظنته يبوي منا العالم 
ابتعدت 
وهو ميت ضحك. 
كعدنا وكعد يحجيلي 
كال مشاكل هي واختي بلقيس 
على طول دائما تزعل واروح ارجعها 
وراه فتره هم ترجع تزعل وتاخذ اولادي 
وياهم 
صح اني وياها متفاهمين بس هي واختي 
وحده ماطيق الثانيه ودائما تريد. 
تطلع بيت وحده 
واني ارفض 
ماكدر اعوف امي واختي وحدهم خصوصا 
اخوي عايش وحده من زمان 
حدما صار عمر ميار اربع سنوات 
وادهم سبعه هم زعلت بس هل المره 
كلت كافي هواي تحملت وهاي هم حقها. 
اشتريت بيت قريب على بيتنا حتى اوزان 
بين بيتي واهلي ورحت عليها 
اتصورت راح تفرح يعني حلمها تحقق 
لكن كانت الصدمه 
دكولي بعدما ارجع وياك اله بشرط. 
وهو نسافر ونعيش خارج العراق 
كتلها اني هنا ارفض بعد.تردين بلخارج 
كتلت هذا اخر كلامي اهلي صفوا 
امورهم وراح يسافرون ويقدمون لجوء 
واني ماعوفهم 
كلمه منها كلمه مني علكت بينا 
اخذت اطفالي وكتلها تردين تشوفيهم 
بيتي مفتوح 
عندي امل ماتعوف اولادها 
لكن ابد وتنازلت ودزت عليه حتى اطلكها 
تخبلت كمت ماشوف بعيوني  رحت تعاركت وياها 
واسحبها كوه اريد.ادخلها لسياره 
واخذها للبيت 
لكن عاندت اكثر وكالت اله ماطلكني 
من راضاتك ارفع عليك قضيه 
يعني احس كرامتي انجرحت هواي 
دست على نفسي 
بلعفل رميت عليها اليمين 
وسافرت وعاشت عمرها 
بس ماحرمتها من او لادها 
تراسلهم وكل سنه او اكثر تجي تشوفهم 
هو يحجي وانه ساكته 
متعجبه اكو هيج ام تعوف اولادها 
هنوب شون اطفال جنهم ورود 
بعدها رجعت البيت 
بقيت على طول انه وليث متواصلين و 
بديت اجهز للعرس من ملابس وشغلات 
طبعا اتكفلت مثل كل مره وفاء 
هي تجهز وتشتري 
حتى ذهبي كله غيرته واشترت جديد 
بس تشتري بخبال من ملابس نوم الى مكياج 
الى عطورات 
حتى الجنط عدها بلبيت هي ترتبهم 
وانه مادري عن شي 
قرب موعد العرس وماردت حفله بس 
زفه لان بزواجي الاول ماطلعت من 

من بيت اهلي 
هو ماعارض 
بس حجزلنا وراه العرس نسافر 
لميزيا  ٠٠٠٠ 
بيوم الحنه العصر خابرت ليث 
كتله راح اجي اجيب الغراض وملابسي 
كال اني عندي شغل ماكدر اجي عليج 
خليها بليل 
-لا السايق يجبينه بس البيت مفتوح

اي امي موجوده 
اوك انطيها خبر

طلعنه انه وفاء ورحنه لبيتهم  استقبلنا خاله 
والاطفال هواي فرحوا سلموا عليه 
وكعدوا يمي 
اشتريت بدله لميار 
وقاط لادهم تشكروني 
صعدنا للغرفه ترتبنا الغراض 
جانت تركيه بيضه وازرق حلوه 
بردات نفس لون الغرفه شاشه بلازما 
ومرتبه من الواحات الى الورد.والفرشه 
يعني ماناقصه شي حتى القران فاتحي بوسطها 
والورد.والشموع 
بعدها اصرت خاله نتعشى عدهم. 
بقينا على العشاء شويه واجه 
ليث سلم على وفاء 
وبعدها اخذني للغرفه كال هاي موقته هنا 
هناك وصيت غرفه فخمه كولش 
بلعكس حلوه نازكه 
بعدها تقرباي واخذ شايفي 
وتوكح شوي كوه خلصت نفسي منه. 
نزلت هو بدل ونزل ورايه 
تعشينا جانوا جايبين جاهز 
بعدها رجعنا للبيت ٠٠٠٠٠٠٠ 
ثاني يوم العرس 
البدله هو اشتراها الي موصي عليه 
طلبيه على ذوقه كلش حلوه بدون ردن 
وطرحه طويله 
وشغل الصدر نازك 
ومنفوشه من جوه 

رحت حجزت مركز تجميلي وخلصت شعري 
ثلجي كم خصله لان هو بي لون اشقر 
على كستنائي 
طلعت كلش حلو على وجهي 
ومكياجي طلبت هادي 
بس ركزت على العيون رسمتهم وخلتلي 
رموش 
الكل يكول طالعه حلوه جانت وياي 
وفاء 
بعدها وصلت من وقت للبيت اخوتي 
موجودين 
سلمت عليهم كلهم وهما سلموا عليهم 
واعتذرولي وكالوا لمصلحتج واحنه 
ماعدنا اعز منج بس هاي سنه الحياه 
بعدها دخلت على ماما خطيه كالبته مناحه 
حتى مالطالعه بره الغرفه ويمها خاله تهديها

-ها ماما شونج ليش تبجين بيج شي الله عليج

:لابنتي ربي يسعدج وتمسح بدموعها 
-اكلج شو تبجين منو الي جان يلح عليه 
ويوميه جايتلي بقصه شكل 
:لايأمي والله فرحانه الج بس فراكج 
صعب 
حظنتها وانه هم مادري شون راح اعوفج 
بعدها طلعت كعدت بالاستقبال وكعدوا البنات يصورون وياي

شويه اجت الزفه هوسه وطلق متت خوف 
عبالك اول مره  ازوج 
دخل ليث بكامل اناقته كعد.يمي شويه

وبعدها كال يالله خل نطلع غطوه شعري 
واكتافي 
وطلعت للسياره هويسوق 
ومشغل اغاني وفرحان كلش 
بعدماوصلنا للبيت بس امه اولاده بلقيس 
ماجيه ماعرف ليش جنه ماقبله عليه 
شويه كعدت بالاستقبال وبعدها صعدت 
للغرفتي فوك 
محد.اجه وياي من اهلي 

ظليت افتر على طول الغرفه اريد اخفي 
التوتر الي عندي 
متت خوف كل افكار سوده مرت 
عليه 
افتر وانه بعدني بلبدله 
حد.ماسمعت الباب انفتح وانه اتجمدت 
بمكاني 
&&&&&&&يتبع
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجم

يل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٣
قلب مكسور 
ثالث والعشرون 
بقلمي #بنت الرافدين #

سمعت الباب انفتح وانه 
اتجمدت بمكاني دخل ليث 
متت خوف 
ليث:مساء الخير 
-مساء النور 
: ليش بعدج بلبدله اني طولت جوه 
حتى انتي تاخذين راحتج 
-هاي اي هسه اغيرها 
سحبني من ايده شبيج حبيبي 
وقربني اله وطبع بوسه بين 
عيوني 
-شويه متوتره 
عادي حبيبي بعدها 
ضحك الي يشوف لسانج اول ما تعرفت 
عليج مايكول هيج خايفه 
-تخصرتله شنو جاب اللسان بنص 
: جنت اشوف شخصيتج قويه 
مو سهله يمكن هذا الي اكثر شي 
عجبني بيج 
اممممم 
بعدها اخذت السيت لونه ابيض كوله دانتيل 
وقصير شكله مثله البدله بدون روب 
ورحت سبحت ورجعت

هو هم مبدل برمودا وفانيله كيموني 
اول اشوفه بلبس فري بس 
شنو طالع يخبل حتى ازغر من عمره 
باوعلي ويبستم سويت نفسي ماهتم 
انشف بشعري 
اجه حظني من وراه ويشم بشعري 
وبركبتي 
-ليث شويه بس اكمل شعري قبل لااكمل 
سحبني على الفراش 
وانه اجتلي الرجفه اذكرت نائل وحشيته 
بس لاليث مثله يمه اموت نفسي احسن 
احجي بداخلي 
ظل يبوس ويتغزل وانه ارجف 
:ليش هل الرجف حبي 
طيعني زهرتي يعني انتي مو زغيره 
فاهمه ومثقفه مايحتاج اشرحلج لو افهمج 
هزيت راسي بمعني  اي 
-كلت صدك اخاف اقاومه ويتهجم عليه 
اقترب مني اخذ شفايفي 
بعدين سلمته نفسي ورحنا بغير 
عالم وصارت روحه وروحي وحده 
عالم الي تشملنا رحمه الله مودته 
ابتعدعني وباس راسي 
مبروك حبيبي صرت مرت ليث روحه وعمره 
ان شاء اكدر اسعدج 
بقيت على نومتي حسيت بالم خفيف بطني 
اوووف الحمد.الله والشكر ظليت ارددها هوايه 
من عدت عاى خير 
شكد.جنت خايفه 
الله لاينطيك العافيه يانائل على اليسوته 
وياي 
بعدها راح غسل ورجع 
انه هم كمت غسلت وراه 
ولبست برمودا لونها وردي والبدي 
بي ورد زغار ربع ردن 
طلعت ماهو بلغرفه ظليت اجفف بشعري 
سويته ذيل ونزلت خصل ثنين اليكدام 
ورتبت وجههي شويه مرطب وحمره ورديه

شوي ودخل بصينيه الاكل 
ابتسملي 
كعد يرتب الاكل 
-،عوفه انه ارتبه 
اجه حظني وكال  انتي عروسه اليوم 
ماتلزمين شي اليوم بس تدللين 
-بس اليوم ويخلص الدلال 
:،والله حسب همتج كل مادلليني 
ادللج اكثر اخليج ملكه 
ظل يتغزل بيه تعامله كلش 
لطيف مابي عنف 
كعدنا ناكل هو كل ساع مخلي لكمه 
بحلكي ويكولي انتي هم وكليني 
ومخلي كدامي شيشه الحار 
ويضحك عليه مو تخلين هواي وتغصين

-ههههههه شنو ماتريد تنسى 
:لج لو شايفه منظرج بلقران 
فلم 
-هههههه من الصدمه شسوي ماعرف طلعتوا 
متفقين عليه 
:شسويلج غير عليتي لقلبي 
-،اسم الله على قلبك 
:لاصدوك تخافين عليه 
دنكت اكييد. 
لاهيج اني ماتحمل بعد 
حظني امووت عليج لج احبج 
سحبني على  الفراش 
وين خل اغسل ايدي والم الاكل 
بس شويه يمعوده بس اغسل 
بس بوسه وحده 
لا ابد.طفرت منه اريد اروح للحمام 
ركض ورايه لاعفيه ليث 
اعقل شوي 
وانتي خليتي عندي عقل 
ويريد.يلزمني وانه اتهرب منه بعدها 
كوتله الباب يدك 
اندار هو ركضت بسرعه 
دخلت للحمام  قفلت الباب 
غسلت وفرشت اسناني 
بس فتحت القفل هو وهجم  عليه 
ها تكذبين عليه ويعضني  بركبتي 
هههههه اه اه تاذيني ليث 
لاعفيه على كيف 
كوه فرغت روحي منه 
بقينه لحد الفجر كاعدين 
بعدها صليت ونمت ميته تعب 
هو هم 
بقلمي بنت الرافدين 
كعدنا الساعه ب ١١ 

بدلت لبست بدله دراعه خليجيه لونها 
جويتي هو يحب هيج لون يكولي كثري 
منه مايحب المشعشع 
وبيها تطريز وخرز ذهبي وردن عريضه 
وخفيفه 
ومكيجت وبعدها كعدته 
ليث 
ليث 
كوه يفتح عيونه 
صباح الخير 
صباح العسل 
اخذ فونه باوع لساعه 
اوووه هاي شكد نايمين 
حظني وباس خدي 
حضرب ملابسي حتى اسبح 
اوك 
طلعتله برمودا وتشيرت 
سبح 
ونزلنه جوه 
خاله تهلهل باركت النه 
باسها من راسها 
وانه  هم سلمت عليه وبوستني 
هواي  فرحانه 
بعدها اجوا اولادها هم سلموا عليه 
بوستهم 
رحنه للمطبخ 
خاله  محضره الريوك.النه 
تريكنا حلفتها انه ارتب المطبخ 
وهي تدعيلي ودكولي ربي 
يرضى عنج 
بقيت باقي النهار جوه ويه اولاده 
كمت اخذ عليهم نسولف ونشاقى 
كالوا شنو نسميج 
كتلهم كيفكم 
خاله عمه 
كالوا عمه لان متعلمين على عمتهم 
بلغداء ليث وصى من المطعم 
مندي دجاج ولحم 
بعد.الظهر صعدنه لغرفتنا وليث 
الي مايشبع 
ثاني يوم سافرت خاله والاطفال 
لبغداد. 
احس اتعودت عليهم مكانهم خالي 
بس احنه ماطولنا وراهم العصر 
سافرنا 
جهزنا نفسنا وطلعنا للمطار 
اخذنا سايق الشركه مالته وصلنا 
وصلنا لمليزيا 
انه رايحتها قبل  يعني مامتعجه 
بلمكان او شي غريب عندي  عادي 
هواي دول مسافره حتى هو تعجب من 
عددتله الدول الي مسافرتلها 
كال هاي كوله شايفتها 
اي 
جان وقتنا كله بلغرفه قليل نطلع

-كوتله احنه شكو اجينا هنا اشو كل 
وقتنا بلغرفه

وشنو نشوف  بره بس خضره ومي 
بس هنا الطبيعه كلها 
كان ليث وياي اخر رومانسيه عكس 

من يجي اتصال يصير عصبي 
وصوته يعلى خصوصا من الشركه 
طبعا فونه مايسكت ابد عاى طول 
يخابر  حتى من انام بليل 
اكعد.الكاه طالع من الغرفه 
كاعد بلصاله يتصل 
ومن اجي يمه يعتذر ويكولي 
مو قصدي اعوفج بس مكالمه ضروريه 
بقينا عشره ايام كولش تونسنا 
على الرغم قليل  نطلع بس اخر يومين 
طلعنا مولات اخذنا هدايا لاهلي ولاهله 
واشتريت ملابس ومكياج وعطور 
واشترالي طخم ذهب هديه الي 
وانه هم اشتريلته مداليه لسويج السياره 
ذهب ومحبس فضه 
بعدها رجعنا  لبيتنا وصلنا بليل ميتين 
تعب خابرت اهلي طمنتهم عليه 
بعدها اخوي محمد.خابر ليث وباركله 
وعزمه ثاني يوم على الغداء 
بلفعل 
ورحنا  لبيت اهلي 
وسووه عزيمه ضخمه بيوم الي اجيت الهم 
احنه هيج عاداتنا اول جيه للبنيه يذبحون 
ذبيحه ويسوم عزيمه حتى يصير تعارف بينهم 
واهلي عازمين عمامي ولدهم يعني الاهل 
بقيت للعصر عدهم 
وبعدها رجعنا لبيتنا 
وبعدها بيومين هو عزم اهلي وعمامي 
كلهم 
اجوا باركولي وجابوا هدايا كومه اخوتي 
ونسوانهم ذهب واجهزه للبيت بنات عمي 
وسوه عزيمه ضخمه جاب طابخين 
وجهز من المطعم ابد مالزمت اي شي 
انه 
حتى المواعين والبيت جاب بنكالين نظفوا 
بعدها اجت هواي ناس تباركنا  الاطباء 
صديقاتي وهو هم مقاولين مهندسين 
بعد ١٥ يوم من زواجنا كال لازم اسافر 
لبيتي والاودي 
-اي حبي حقك خطيه اكيد مشتاقيلك 
ليث :يعني مازعلانه 
-،لاابد ليش ازعل 
حظني حيل اموت عليه حنيه قلبج 
وصلني بيت اهلي و هو سافر 
بقى ٥ ايام يتصل بيه على طول 
بعدها رجع 
انه رحت قبله للبيت نظفته وبخرته 
وطبخت اكل وجهزت نفسي 
طبعا ماكوتله  انه بلبيت 
جنت لالبسه سيت احمر 
من دخل اتفاجاه  بيه حظنته 
الحمد.الله على سلامتك 
الله يسلمج ياعمري 
مشتاقلج 
هاي من شوكت هنا اجيت قبل الظهر 
تتغدى 
اي 
حصبلك 
لا 
يحجي وهو حاظني موهنا اتغداء بلغرفه 
بس اكول من هذا وياشر على شفايفي 

لعد.هذا الاكل المن طابخته 
بعدين مو هسه 
واخذني للغرفه :couplekiss: 
غسلت 
وجهزتله ملابسه 
ونزلت جهزت الاكل 
سبح واجه 
شنو هلريحه تصطر 
شنو هل الدلال اكل وحمام يخبل 
تراه اتعبج 
-ليش بالله 
ليث :مواتعود على الدلال وماكدر اعوفه 
بعد 
-،بلعافيه عليك 
كعدنا ناكل 
وانه اساله على اولاده شونهم وعن امه 
بقيت ايامنه كولها حلوه بليل نطلع 
نتعشى بره نظل نفتر بلسياره 
ويشغل اغاني 
ونرجع للبيت ونبقى للفجر 
حد.مايرتاح كولش 
الصبح  يطلع لشركه وابقى نايمه 
بعدها بكم يوم خلصت اجازتي ولازم 
ابلش بدوام 
حيل اشتاقيت للدوامي لاخوتي 
طول الوقت وحدي هو يطلع للشركه 
ويرجع الظهر يتغدى وينام ومرات 
ويرجع العصر 
ليث خلالي سايق يوصلني 
بلشت اداوام 
اطبخ بليل والتمن من ارجع وانظف بليل 
او مرات تجي عامله التي تشتغل 
بيت عماد اخوي تسوي حمله تنظيف 
وتبخره 
كل تلاثه ايام او اربعه اروح لاهلي من يطلع 
العصر يوصلني اله ماعندي 
شغل بلمستشفى الخاص 
وارجع بليل يعني مو مثل قبل 
قللت شغلي العصر وخفرات بطلت 
اخذ اكثر شي 
ادوام من يسافر 

بقينا شهرين الحمد الله باحسن مايكون 
بعدها كال كمل المشروع ولازم اسلمه 
ونسافر بغداد 
مارفضت  لان عندي علم من الاؤل 
بس حيل اتكدرت  صعبه عليه اعوف محافظتي 
وشغلي واهلي 
ماعرف من اذكر بغداد حيل اختنك وانقهر 
بغداد سببتلي جرح ينزف مانشف 
يعني صرت  مثل بغداد الجريحه 
بس مابينت هذا الشي لليث 
اخذ واراقي وقدملي 
نقل بمستشفيات بغداد 
سافر هو قلبي حتى يرتب دوامي 
طبعا البيت الي كاعدين ايجار لان مؤقت 
ماخذت بس ملابسي 
رحت للمستشفى ودعت زملائي 
وهج واخذت شغلاتي الخاصه بيه 
وطلعت ماكدرت ابقى اكثر 
طريق كوله ابجي 
صار يوم سفري شبعت بجي 
اجوا اهلي ودعوني 
وماما تدعيلي 
سافرنا الظهر بسياره ليث 
وصلنا بعد.المغرب ميته تعب 
حتى شكلي متغير وجهي اصفر 
وتعبان ابد مايوالمني السفر 
وصلنا منطقتهم 
جدا راقيه 
والبيت  كلش حلوه طابقين وضخم وبناء حديث 
كلش بي راقي من اثاث الى تصميم 
بعدهو منهدس ومقاول اكيد بيته يصير 
مميز 
استقبلونه اهله 
وانه مطفيه كلش 
كعدنا شويه بلاستقبال بعدها 
كال ليث كومي اصعدي ارتاحي 
اترخصت منهم وصعدت وهووياي 
كال حضري ملابسي سبح وبدل ونزل 
الغرفه  جانت كلش راقيه 
وفخمه عباره عن سويت كامل 
غرفه وصاله وحمام 
شويه جابوا الجنط 
دخلت سبحت وصليت وكعدت ارتب 
ملابسي واسمع فوني يدك 
اوووو شون نيست اطمن ماما انه وصلت 
رحت للحنطه طلعت الفون 
جانت وفاءسلمت عليها وطمنتها كتلها 
سلمي عاى ماما 
رجعت ارتب الملابس 
شويه اجت العامله كالت دكتورا 
الاستاذ ابو ادهم يكول انزلي على 
العشاء 
اوك 
هنوب راحت ورجعت كالت تراه 
اخوه هنا خلي شي راسج 
-شكرا زين نبهتني جان نزلت هيج 
ضحكت ونزلت 
لبست فستان مال محجبات وشال لفيته 
زين 
ونزلت لكيتهم كاعدين بلصاله و

انه انزل 
على الدرج ماعرف خجلانه لان جديد.عليه 
البيت 
قويت نفسي ونزلت 
سلمت اجه عليه ليث 
كال اعرفج باخويه الجبير مازن 
بقلبي بعد وكت استوه بين

هو كام بس صافن بوجهي بعدها   سلم 
عليه وباركلي 
واعتذر لان جان مسافر 
بعدها صبوا الاكل ورحنه على الطاوله 
هما يسولفون 
وظل يتعرف عليه  وشنو تخصصج 
بيا مستشفى.تشتغلين 
طبعا هواي يسالوني هذا السؤال 
حتى صرت اضوج من الجواب 
اباوع لبلقيس تريد تاكلني بعيونها 
ياربي شبيها هاي هو انه مزوجه اخوه 
لو حبيبها 
وانه اكل بلجذب ماشتهي وهذا يسال 
عبالك يريد يطلعلي جنسيه 
بعدما كملنه اكل وراها شويه كعدنا  شربوا 
جاي ٠٠٠٠٠ 
بعدها طلع اخوه 
واحنه كل واحد راح لغرفته 
بدلت سيت نوم ومكياج 
وتمددت ميته تعب شويه ودخل 
ليث نورتي البيت حبيبي 
تسلم 
حظني اوووف شنو هل العطر يدوخ 
-ههههههه 
بقى يتغزل ويبوس واخذني لعالمه 
بقينا سهرانين شويه ونسمع العياط 
ليث بسرعه ناوشيني ملابسي 
انطيته تراك لبس البجامه وطلع والتشريت 
بايده 
انه هم لبست ونزلت وراهم 
واشوفهم مجمعين بلحديقه بلمطبخ 
وبلقيس تبجي 
وامها يمها حتى الاطفال نازلين مخروعين 
ويهدون بيها 
العامله اسمها ام اطياف اكو خاله شكو 
كالت بلقيس دكول اجاها صوت وهي 
بلمطبخ يدفر بلباب 
طلعت للحديقه تسمع اطلاق نار 
يجوز حرامي . 
وخطيه ظلت تعيط 
راح ليث شاف الكاميرات مابيها شي 
طلع براه ماشاف شي 
الحمد الله من عدت على خير 
بعدها صعدت للغرفتي احس جسمي 
كله يرجف 
اجه ليث سالته 
كال ماكو شي احسهم يضمون عليه شي 
رجعنا نمنا الصبح كال ليث انه طالع 
للشركه 
كعدت حضرتله ملابسه بدل وكال ارجعي 
نامي اني اتريك واطلع لاتنزلين 
بقيت بغرفتي ماجاني نوم متعوده على الكعده 
الصبح كعدت ارتب بقيه الملابس 
وخابرت وفاء 
-اكلج شنو مشتريه السوك هلكت وانه ارتب 
من البارحه لليوم 

:غير جهاز عروس كامل 
لعد شنو تردين اشتريلج قطعتين ظلينه 
انسولف اكثر من ساعه 
كملت الغرفه ونظفتها وبخرتها 
وبدلت ونزلت جوه ماكو احد بس 
ام اطياف صباح الخير 
هله صباح النور 
ماكو احد بلبيت 
اي الكل بلدوام وام ليث طالعه 
هاي اوك 
اسويلج ريوك 
لاخاله لاتكلفين نفسج انه اسوي 
ماقبلت بس ساعدتها 
تريكت بقيت يمها بلمطبخ 
نحظر الغداء حد.ماجوا اول الشي 
الاطفال 
كلش فرحت بيهم صعدت ويه ميار لغرفتها 
وغيرت ملابسه وهي تشوفني غرفتها 
بعدها دخلت لغرفه ادهم 
هم شوفني غرفته طبعا غرفهم حالها حال 
البيت راقيات كلش بعدها نزلنه جوه 
اجت بلقيس 
طبعا هي  لبسها كلش رسمي 
وتلبس مناظر طبيه وشعرها شاليته 
على شكل كبه 
يعني صدك مديره مدرسه 
هواي تشبهه الانسه مينشين الي ويه 
سالي كولش 
بقيت يمهم واشاقه وياهم بدو ياخذون 
عليه 
نزلت بلقيس جان تصيح بادهم على 
الضحك 
وشنو هاي الاصوات 
خطيه اعتذر وسكت التفت عليه 
حبيتي هاي سوالفج عديهم على غيري 
مو عليه اخذتي الاخويه بلعافيه عليج 
اولاده مالج شغل بيهم 
بالله هاي شنو احجي وياها 
عفته ورحت للغرفتي كعدت حد مااجه 
سلم وحظني مشتاقلج الوقت صار 
شطوله بس اريد ارجع للبيت 
يالله غير ملابسك الكل منتظيرك على 
الغداء 
هههههه ليش تتهربين مني ليش مادكولين 
مشتاقتلي 
-يعني انت تدري اله احجي 
اي تختلف من تطلع من شفايفج 
سبح وبدل ونزلنه نتغدى بدء يسال باولاده 
عن يومهم ويسال باخته عن وضعها 
وتسوي نفسها فقيره من تحجي وياه 
كمل اليوم عادي ثاني يوم 
الصبح من طلع محتاجه شي حبيبي 
-اي 
:امريني اعيوني الج 
-تسلم عيونك يمته باشر بدوامي 
اي زين ذكرتني حتى امر عاى مدير 
المستشفى اشوف اوراقج 
باسني وطلع خلص اليوم مثل الي قبله 
الظهر على الغداء كال ليث 
مازن وزوجته جايينه على العشاء 
ليث العصر هم يطلع اخلص وقتي 
يم اولاده اساعدهم بلدراسه خصوصا 
ادهم هواي جنت اتوهم واشوفه سيف ابني 
صار المغرب صليت وجهزت نفسي 
ورحت شفت الاولاد ساعدتهم بلتبديل 
حدما سمعنا بيهم اجوا نزلت 
سلمت عليهم ليث عرفني على مرت اخو 
اسمها هيلين 
جميله كلش شعرها اصفر قصير 
بيضه ثلج وازغر من زوجها بهواي 
كعدنه انه وياه نفس القنفه ونتعرف 
على بعض واخذت رقمي قدمتلي هديه 
زواجي 
وعزمونا على ثاني بيتهم 
شافت ميار كاعده يمي 
سالتني تحبيهم 
اي كلش  تحبهم 
شنو يسموج 
يصحولي عمه متعودين على عمتهم 
ودعونا وطلعوا 
وخلص اليوم عادي 
ثاني يوم جهزنه نفسنا ادهم ماقبل يروح 

ويانا اخذنا بس ميار 
وصلنا للبيتهم بغير منطقه بيت كلش جبير 
انبتهت اشوف شرطه وحمايه بلباب 
&&&&&&&يتبع
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

بارت ٢٤
قلب مكسور 
الرابع والعشرون 
بقلمي #بنت الرافدين #

نزلنا شفت بابهم شرطه وحرس 
بيت فخم وجبير 
فتحوا الباب الحرس ودخلنا جوه 
اجه هو وزوجته استقبلنا وسلموا 
علينا 
كعدنا شويه وطلعوا 
سالت ليث 
لبث 
امممم 
اخوك شنو يشتغل 
:ليش 
لان حرس وشرطه بلباب 
:ضابط بلداخليه بس رتبته 
جبيره لهذا عنده حمايه 
سكتت ظليت افكر شون عيالي 
وكلشي ماعرف عنهم يعني انه طبعي 
ماسأل وماعندي فضول وهو مايحجي 
اله اسأله 
بعدها 
دخلوا جايبين الضيافه هو زوجته 
كعدت يمي وظلينه نسولف 
ليث يم اخوه وميار بحظن عمها 
ويشاقيها ويبوس بيها وهي شكلها متعوده 
عليه بس بيتهم هدوء عبالك مابي اطفال 
ماعرف شنو السبب

كل ماباوع اشوف ليث يخزرني 
وانه اباوع على شالي اخاف طالع شعري 
لو صدري ماكو شي 
لعد شبي 
هيلين لبسها كلش فري قصير وضيق 

وهي حلوه واجتماعيه وعدها اسلوب 
بلكلام يعني تشارك بكل موضوع 
يالله زين ماطلعت مثل بلقيس 
بعدها شويه صبوا العشاء 
كالت تفضلوا العشاء جاهز 
جانت صاله بيها ميز طعام 
وقسم ثاني بي طخم وشاشه ومكيف 
كنتوري وستان ورد. 
بس بشي مرتب وراقي 
طبعا الاكل كوله جاهز مشاوي ومندي 
لحم 
ومقبلات 
هما ياكلون ويسولفون انه مخليته على 
الصامت اله تسالني هليلين اجاوب 
بعدها مازن كال 
زهراء شكد.عندج اخوان 
-خير من الله 
:واني هم اعتبرني اخوج 
-الي الشرف اكيد اخويه 
كال لعد ماتاكلين اله هذا بيت اخوج 
يبوي شون فشله منتبه على اكلي 
شكد عيب 
كملنه العشاء اجت العامله شالت الاكل 
هما راحوا يلعبون بليارد وميار وياهم 
عدهم نفس البيت

وبقيت انه وهيلين كعدنا على الطخم 
الي قريب على الميز 
وظلت تسال بيه 
شونها خالتج وياج 
حمد الله حبابه كولش 
وبلقيس 
زينه وسكتت 
انتي مزوجه قبل 
اي 
عندج اطفال 
عندي ولد 
هسه وينه 
عد ابوه 
شكد عمره 
١١ سنه 

صفنت 
كالت شكد.عمرج وازوجتي 
زوجت من حنت طالبه بلكيه 
حلو مثلج لو لا 
اي يكولون يشبهني 
فتحت فوني وطلعت 
صوره شوفتها الها 
كتلها هذا بس من جان عمره ٩ 
اخر مره شفته جان بهذا العمر 
فتحت عينها عليه وكالت يعنيييي 
كتلها اي هاي الفتره كلها مادري عنه 
صدك تحجين زين يخابرج 
لا 
دموعي نزلت ظليت امسح بايدي 
تنزل الثانيه 
انتبهت عليه 
اسفه حبيتي مو قصدي اجرحج

كتلها عادي تعودت 
شويه اجه زوجها 
اخذت التلفون وراحت تشوفه الصور 
شوف حبيبي ابن زهراء شون جمال 
هو يباوعلي ويباوع بلفون ودموعي 
تجري 
ظليت مدنكه عيب منه 
بس زين ماعلق 
بعدها اجه ليث كال حنرجع للبيت 
وصلنا للبيت هدوء الكل بغرفهم 
صعدنا رحت لغرفه ميار غيرت ملابسها 
وتمددت على فراشها 
ورجعت لغرفتي 
غيرت ملابسي وليث ضايج 
مادري شبي 
طلع شويه واسمع الصياح ماعرف ويامن 
بعدها اجه للغرفه كال 
شنو سولفتي انتي وهيلين 
-ماحجينه بشي معين 
بس على كد السؤال اجاوب 
شوفي ماريد تنطيها وجه واتصالات 
ومسجات 
ليش 
بدووون ليش كولي صار وبس 
تمام هاي هي 
سكتت ياربي شبي هذا 
والله البنيه خوش بنيه على اقل احسن 
من انسه مينشين 
بعدها صارت ايامي روتينيه 
بدء ليث يسافر ويطول بلسفر 
لان ياخذ شغل بغير محافظات 
وانه باقيه بلبيت بعد على الاسبوع الجاي اباشر دوام 
بقلمي بنت الرافدين 
بقيت هاي الفتره اقضي وقتي ويه 
اولاده حيل تعلقت بيهم 
نتغداء سوه وبعدها ادرسهم 
وننزل نسوي عشاء سوه 
ونتعشى يلحديقه 
بس بلقيس ماخلتني بحالي 
تروح تذب حجايه تجي تزرل 
من تشوفيني بلمطبخ دكولي 
انتي دا تسوين 
جاي اسوي كيك 
معقوله ماصدك 
مرت ابو ادهم تدخل مطبخ 
ولازمه راسها 
يعتي انتي صدووك شروكيه 
لو توصلون للقمر تبقون 
متخلفين 
اوووع شنو هاي ياربي

ليش هيج تحجين وياي يعني 
المستوى الاجتماعي شعليه بلطبخ

:ماجي استوعب دكتورا 
وزوجها ابو ادهم وتجر بلكمه جر 
و تدخل تطبخ مثل الخدم 
يعني انتي ماتعرفين بلئتكيت 
ماعندج برستيج انتي 
حسستني كاني جايه من بيئه بدائيه 
هنوب كلمه شروكيه ماعرفت شنو 
بس مبينه كلمه ذم مو مدح 
عفتها وصعدت بغرفتي امري لله 
كمت مانزل بلمطبخ ابد 
وهم بعدها ورايه ماعفتني 
من تشوفيني ادخل للغرفه الاولاد والعب 
وياهم او درسهم 
ظلت تذب بسمها عليه 
فد مره دخلت علينه واحنه بغرفه ادهم 
نلعب بلي ومندمجين بلعبه 
هي استلمتني 
شروكيه ومعيديه 
مالج دخل بااولاد اخويه ولاتسوين 
نفسج امهم 
صاح بيها ادهم عمه ليش 
هيج تتكلمين ويه عمه زهراء 
وهي تخبلت 
لك انت منو وتصيح بوجهي 
اليوم اني اعلمك الاحترام على اصواله 
الظاهر هاي وتاشر عليه علمتكم 
عدم الاحترام 
وهو يردها ويكولها اله اخابر 
بابا واحجيله كولشي 
وانه اسكت بي واكوله عيب مايصير 
هيج تحجي ويه عمتك 
التفت عليه سحاره مشعوذه 
سحرتي للاولاد مثل ماسحرتي ابوهم 
لاهاي ابد مو طبيعيه 
كلت لادهم اطلع عوفها لاترد عليها 
خطيه نزل للحديق

ه وانه دخلت للغرفتي 
كعدت ادعي على نائل 
الي حرمني من ابني وخلاني اتعلق 
بااولاد العالم 
لانزلت ولاشفت احد 
بقيت بلقيس بهذا اسلوبها حتى امها 
ماتقبل عليها ودائما اسمعها دكوله 
ليش ماتحترمين مرت اخوج بس مايفيد 
ترد.عليها 
خل تولي وحده لامن مستوانا ولامثلنا 
مادري منين جابها النه ابنج 
قله بنات بغداد او اربيل 
تذكرين شكد خطبتله وشكد عرفته 
على بنات من المجتمع الراقي 
جايبلي هاي 
ظلت امها تزرل بيها 

والله احتاريت بزماني 
خل يشوفون اخواني الي يعاركون 
حتى اقبل شون يعامولوني 
خلص الاسبوع واجه ليث 
لاشكيت ولاجبت سيره خطيه 
جاي تعبان من السفر 
بقى اليوم كله بلغرفه ميطلع بس وقت 
الاكل يحظن ويبوس يكول مشتاقلج 
ثاني يوم كال راح نطلع وين تردين 
نروح انه كلش جنت مخنوكه 
كتله اي مكان اكوله عليه 
كال اي مكان اعتبريني 
السايق عندج وانتي تامرين 
لامحشوم 
حظنته 
اريد اروح ازور الامام الكاظم 
كال غالي والطلب رخيص 
صدك والله 
اي والله 
كال راح اشوف امي تروح وياج 
او ام اطياف كتله 
اوك 
خالتي جانت طالعه هي وبلقيس 
فاخذنه ام اطياف ويانه وميار وادهم 
هم 
وصلنا للكاظميه يمه لو روحي راحت 
احس كل اهلي بيها 
لبست عبايه راس ونزلت 
وميار هم لبستها حجاب 
كلت هسه كون تشوفني بلقيس 
اله تنجلط 
مشينا سوه بس انه فصلت عن العالم 
ماشوف شي بس اشوف القبتين والمنارات 
الذهب 
ودموعي تنزل 
وصلنا كال ليث ساعه. 
وهنا تطلعون 
عفيه خليها ساعتين ماتكفي 
كال ساعه ونص 
ههههه تمام 
بقى يوصي بام اطياف 

ينطيها اومر 
دخلت للامام شنو من راحه صدك 
نيست همي وحتى نفسي صلينا 
الصلاه الواجبه والزياره ورجعنا 
بعدها الاولاد رادوا مدينه الالعاب 
بقوا يلعبون وتعشينا ورجعنا 
وصلنا للبيت 
ولكينه بلقيس الوجه مايتفسر من الغضب 
خطيه انهدت بام اطياف شون طلعين . 
وتعوفين البيت ومنو سمحلج 
تمشين وهاي المعيديه بس 
صدك انتم اثنينكم نفس الطبقه 
وامها تهديها وليث ماحرك ساكن 
صعدت لغرفتي ميته قهر 
زين ليش مايردها وولاعبالك زوجته وكرامتي 
من كرامته 
صعد ليث اقترب 
رجاأ ليث مالي خلك عوفني 
شبيج وعلى شنو مالج خلك 
يعني ماسمعت كلام اختك 
واني شكو بكلامها 
يااا انتوا تردون تخبلوني انت برودك وهي 
بسمها 
ظل يصيح واني شكو تالي عمري 
ادخل بين النسوان 
يعني انتي ماعندج لسان ترديها 
هايعني من اردها وانت موجود ماكول 
ماتحترمين وجودي 
لاماكول تدرين ليش 
لان اعرفج فاهيه 
شكرا على كلامك الراقي 
درت وجهي وانتطيته ظهري ونمت 
ظلت يغلط ويحجي 
عاف البيت وطلع 
مارجع اله الصبح 
اليوم اول يوم دوام سبحت وبدلت وحضرت 
صدريتي اوراقي 
اجه حتى ماسلم عليه 
ولاانه سألته وين بات 
سبح وبدل 
كال خليتلج سايق يوصلج 

اي بس اول يوم انت تروح وياي 
ماندل ولاعرف احد. 
ماعلق نزلنا نتريك وانه شربت بس 
جاي 
طلعنا بسيارته 
وصلني للمستشفى ودخلنا للمدير القسم 
وعرفني عليه واستقبلني مدير القسم. 
بسلام وكلام جدا راقي 
بعدها ودعني ليث وكال الظهر السايق 
يجيب 
اوك 
بعدها باشرت دوامي 
كان اول يوم بلانعاش القلب 
تعرفت على الممرضات وعلى كم 
طبيب اكثرهم 
مقيمين ومن سمعوا 
من البصره ظلوا يرحبون بيه 
ويكولون شكد.نخب البصره واهلها 
وانه وافكر اكول لعد هاي شبيها 
بلقيس مو هاي ناس كلها تحب اهل الجنوب 
هذا الاسبوع كله ادوام هنا صرت المسؤوله 
عن الردهه

جان اول يوم متعب بس ارحم 
من شوفه بلقيس نهايه الدوام خابرني السايق 
كال مايقبلون ادخل اله باج دخوليه 
كتله انه راح اطلعك 
طلعت وحجيت ويه الاستعلامات 
ماعاضوا بلعكس بسرعه سوها الي

بعدها تعودت على الدوام وعلى 
سفر ليث اما اولاده خففت شويه بعلاقتي 
من وراه عمتهم اله من تطلع 
او مموجوده بلبيت 
اكعد وياهم 
ماما تخابرني وتسالني واكوله مرتاحه

فد مره جان ليث بلبيت اجيت من الدوام 
والكل اجوا بس ليث منتظري على الغداء 
تاخر خابرت. 
الوو 
الووو 
هلووو حبيبي شونك 
تمام بخير حببتي 
شنو ماتجي على الغداء 
لا عندي كوه شغل تغدوا انتم 
ودعته وسديته 
نزلت طولت لخاله ولاام اطياف حتى 
تصب الاكل 
تغدينا وصعدت للغرفتي 
متمدده على الفراش 
واسمع صياح جوه وصوت ليث هرج 
البيت 
ياستار شكو نزلت اركض وجان اشوف 
ليث لازم ادهم ويضرب بيه 
ويعيط عليه 
كلب حيوان شون تمد ايدك على فلوسي 
يمه تخبلت ادهم فقير مايسويها 
امه تفرغ بي وماكو 
ظليت ارجف فقدت فد مره 
كمت ماشوف بعيوني 
رحت افرغه منها 
وكل ظني هذا نائل ويضرب 
بسيف 
واصيح بي نائللللل عوفه 
عوفه نائلللل.ماحس اله ليث عاف ادهم سحبني اله وظل يضرب بطريقه وحشيه 
ويصيح حقييرااااا بيتي وتجيبن اسمه 
عايشه وياي وبالج عنده 
ويضرب حد ما قفد الوعي ماحسيت على 
نفسي اله انه بغرفتي نايمه بفراشي 
كعدت اريد استرجع الي صار 
ماكدر اكوم من الفراش و