البارت الثاني
جثير اكزازك بروحي
واكولن هاي حنيه

نسولف ونضحك ونحشش اني وسارة
ماحسيت غير سيارة شخطت يمنه درت وجهي
وجان اشوف هشام فتح باب السيارة ونزل
يمشي ب اتجاهنا وهو لابس الزي العسكري
والنضارات الشمسيه وجها مايتفسر ابد
اني من خوفي راد يغمه عليه بس اتصنعت القوة ك العادة شفته وصل يمي وبدون كلام رفع ايدة
وضربني كف 👋كدام سارة

سحبني من ايدي بقوووه فتح باب السيارة ودفعني بيهه بعصبيه اتمنيت الكاع تبلعني موقف مااتمى العدويني حييييل فشلت من سارة دموعي ينزلن بسكوت بدون صوت لازمه كتابي واعصر بي عبالك مسويه جريمه اباوع علي يسب ويلعن ويمسح وجها بكف ايدة كل شويه

هشاام ،،ولللج اني شمفهممممج انتي شنو هناااا براسج شنووو مطي امدد فهميني؟؟؟
جم مرة كتلج الحجاب متذبي شنو هلعناد والراس الكووووي
بس اصبريلي والله اله امشيج واخليج تصيرين انعم من البريسم اااني تعاندينييي هيينه بس خل نصللل ونتفاهممم

سمر،،،وصلنه بيت اهلي الي حسيته صار شبعدة عليه بسبب هشام نزلت اركض فتحت الباب ودخلت شفت امي بالمطبخ رحت حضنتها واحس لشتي كلها ترجف ليش اهابه الهدرجه وانرعب منه ليش كدامه انلصم ومااكدر ادافع عن نفسي
امي من شافتني تخبلت

ام علي،،يمممه بنيتي اسم الله شبيج حبيبه احجي منووو وياج منو متعرضلللج

هشام ،، اني وياها عمه ماكو شي لتخافين

ام علي ،،اشلوون مااخاف عمه شوف لونها مخطوف

سمر ،،رفعت وجهي من صدر امي ودموعي عشرة عشرة اباوعله اتمنيت انيم الحديدة براسه
باوعلي بنضرة تخوووف وكال

هشام،،اذا خلصت المناحه مالتج بسرعه اصعدي حضري ملابسج اخذج وياي للنجف اعيد تربيتج من جديد
ام علي، افااا عليك يبعد عمتك مو هاي المرجيه منك يعني اني مااعرفت اربي بنتي؟

هشام ،،والنعم من تربيتج عمه بس انتي ماسالتي بنتج شسوت

ام علي ،،بصدمه انه اختك يعبد شمسوويه؟؟

هشام ،،الخانم نازعه الحجاب والضفيرة متر وراها وتفتر بالشارع والشباب تمشي وراها ترضيها عمه ؟

ام علي،،ام علي ان جان هيج ماارضاها بس يجي علي اني اخلي يشوف شغله وياها

سمر،،انصدمت من كلام امي لان هو جذب عليها ماجان اكو احد الشارع فارغ باوعتله بحقد كتله ماكان اكوو احد بالشارع

هشام،،بدون نقاش بسرعه ورانه طريق حضري ملابسج وتعاي منتضرج

سمر ،،من سمعت كلامه عبالك انرعصت صرت اضرب رجلي بالكاع وابجي ادري اذا رحت وياه راح يتفنن ب اهانتي كال لمي

هشام،، عمه اني راح اتصل بعلي حتى اخذها وانتي حضري ملابسها اني انتضرها بالسيارة

سمر،،اهلي يحبون هشام ويحترمو حتى علي يكول هو مو بس ابن عمي اني اعتبرة اخوي الجبير شيسوي اني قابل لذالك اي تصرف من هشام يقبلون بي حتى لو بسطني ميحجون يكولون اخوج الجبير ويخاف عليج وحريص ع سمعتج
صعدت غرفتي واني مطنكرة مااريد اروح يمهم همه بالريف والبكه تهلس هلس من ارجع منهم جسمي وارم لذالك كل فترة طويله يله اروح
امي قنعتني وكالت هاي فرصه الج اطلعين من جو الامتحانات وعمامج يونسوج ويطلعوج اني هنا مااكدر اطلع واعوف اخوج روحي يمه الخاطري الله يرضه عليج اقتنعت ولميت كم قطعه لبس بس اتعمدت اخذهن كلهن اتراكات وبرمودة بعناد هذا المتعجرف عباله الله خالقه بس هو نزلت سلمت على امي وكتلها بروح ابوي لتتاخرون عليه كم يوم وخل علي يجي ياخذني مااتحمل الجو حار هناك كالت ميخالف اني هم اريد ازور قبر ابوج طلعت للسيارة لكيته عبالك رئيس وزراء كاعد ونافخ روحه فتحت الباب الورة وصعدت

هشام ،،شنو ست سمر منو كلج اني سايق الخلفوج تعاي هنا اكعدي

سمر،،اتمنيت القتل مو حرام جان نمت بخوانيكه وموته وخلصت منه نزلت واني ات اف اف ركعت باب السيارة بكل قوتي فتحت الباب وكعدت يمه اول ماكعدت سحبني من ايدي حيل

هشام،،تدرين شيرادلج ؟؟اعيد نضامج من جديد والله لخليج تحجين ويه روحج

سمر،، يحجي وصاك ع اسنانه صدك خوفني حرك السيارة وطلعنه للنجف دنيه ضهر صيف وحارة دخت كلش واني حتى بدون غدة والطريق الطويل مااتحمله اضل اتقيه كوة مصبرة على نفسي ادري بي تلعب نفسه من احد يتقيه كدامه

وصلنه الحله واني بعد مااتحمل حطيت ايدي على حلكي واشرتله يعني نزلني
والله تمنيت اتقيه بحضنه واخرب الكشخه مالته حتى يتوب يجيبني بالغصب
وكف السيارة ع صفحه نزلت وصرت اذب من راسي ولاول مرة يجي يمي ويتحمل المنضر جاب بطل مي كال مدي ايدج اصبلج وانتي غسلي من الصدمه ضليت اباوع بوجها

هشام،،اشلون بويه انبات هنا اليوم همي روحج ورانه طريق

سمر،،بسرعه صرت اغسل وهو يصبلي مي كملت وصعدت بالسيارة مشينه مسافه وكفنه كدام مطعم

هشام ،،كال انزلي خل اغديج

سمر ،،شكرا مااشتهي

هشام ،، بويه انزلي لاتموتين واطلعين انتي المعيشه العيال واني ابتلي

سمر ،،باوعتله صفح 😒كتله ماريد ورجعت اباوع من الجامه

هشام ،،كيفج انتي الخسرانه

سمر،،حرك السيارة وكملنه طريقنه وصلنه العصر اتلكتني مرت عمي ومرام بت عمي
الغريب بالموضوع عمي عزام عندة 3ولد الجبير هشام والوسط سلام و الصغير ضرغام والبنات هم 3 حذام وسهام والص

غيرة مرام
ماادري شعدهم وي حرف ال (م) يمكن عبالهم راح ينقرض 😂

مراام ،،هلا وميه هلا بالجاينه اليوم والله مشتاقتلج كلش

سمر ،،مرومه اكبر مني بسنه بس طيبه وحبابه من اروحلهم تاكلني بالسلام وتخجلني بس البنات الكبار بينه بس سلام وبس ماابيع ميانه وياهن مثل مرام
دخلت لجوة والغثيث مدري وين راح
اني دخلت كعدت يم عمتي شويه وجابو الجاي والكعك لمة العصريات واجو الولد كلهم طارو بيه ب السلام متفاجئين عبالك جايهم المحافض ههههههه بس والله فرتهم واستقبالهم الي يجنن يحسسني ب امان ابوي الله يرحمه
شويه ودخل العكرة سابح والعطر واصل السابع جار لابس تراك اسود ربع ردن والعضلات بارزه والحواجب معكودة مدري ليش النهار كله مغندب وجه ميكصه الطبر ولا مرة شفته يضحك مرات اكول خاف ماعندة سنون ويستحي يضحك كدامنه ههههههه
شخصيته حيل جدي وثكيل
ندست ضرغام الي هو عكس هشام تماما مرح واضحوكي كتله بربك اخوك هم يضحك لو لا
ضرغام،،ههههههاي بس ب الاعياد والمناسبات

سمر،،بروح اهلك من يضحك يطلعن سنونه لو لا خاف ماعندة سنون
هنا ضرغام طكاها بضحكه بصوت عااالي الكل انتبهو ضل يكح وكوة يتنفس

هشام،،ضحكونه وياكم بله

سمر ،،اتمنيت اختفي من كدامه خفت ضرغام يجفص ويكله اني شجنت احجي علي

ضرغام،،،هههههههه هشام بروح عمي اضحك بت عمك عبالها مشلع اسنونك بووووويه بطني😂😂

سمر،،شكد استحيت واني اشوفهم كلهم ميتين ضحك
وبس هو مخنزر عليه باوعلي وضحك ضحكه استهزاء الحد مابانت اسنانه

هشام،ها عيني ست سمر اتكدتي عندي سنون

سمر ،،حجه وكام من يمنه اخذ السويج وطلع واني ضليت خجلانه حتى همه انتبهو طريقه كلامه وياي

صار الليل وهو ماكو كالهم اتاخر باجر جمعه ماكو دوام وراح اضل يم اصدقائي معزوم

اتعشينه وكملنه وشربنه جاي واخذتنه السوالف اني وعمتي ومرام
مرومه ماخلت شي ماسولفته واني ميته ضحك نسيت حتى زعلي واشلون اجيت كوة

باوعت ع الساعه صارت 12بليل عمتي راحت نامت وعمي اجه من الزيارة بكربلاء هم سلم عليه وراح نام اني ومرام صعدنه بغرفتها بالطابق الثاني بيت عمي كلش جبير 4غرف وصاله فوك و4غرف وصاله ومضيف بالطابق الارضي
الولد كلهم غرفهم فوك حتى مرام والغرف الجوة مرتبات وحدة مسويتها عمتي ديوانيه حيل مرتبه وغرفه الها وغرفتين للبنات المزوجات من يجن ويباتن يمهم

صعدت للغرفه جنت لابسه دشداشه غيرتها من اجيتهم العصر بس مااعرف انام بيها طلعت برمودة سودة وتيشيرت احمر ربع ردن مريحات انام بيهن ذبيت روحي من التعب نمت

فزيت ميته عطش باوعت ع الساعه 2بليل كلت خل انزل اشرب مي كلهم نايمين محد يشوفني بهذا لبسي
نزلت اتسحب على كيف واني امشي على رؤؤس اصابيعي
وصلت للمطبخ ضلمه فتحت باب الثلاجه اخذت البطل شربت مي حسيت اكو خطوات وراي من خوفي ردت اصرخ ماحسيت غير ايد ضخمه صارت على حلكي وايد ع خصري وانسحبت بقوووة

يتتتتبع
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

البارت الثالث
غير المايطيبن خاطري شخليت؟؟
وغير الماتحبهن مامسويلك
اشلونك لاتكلي اشلوني😔
بيا لون ناقص عافيه💔
وبالعافيه ادعيلك✋

سمر،، فزيت ميته عطش باوعت ع الساعه 2بليل
كلت خل انزل اشرب مي كلهم نايمين محد يشوفني بهذا لبسي
نزلت اتسحب على كيف واني امشي ع رؤؤس اصابيعي
وصلت للمطبخ ضلمه فتحت باب الثلاجه اخذت البطل شربت مي حسيت اكو خطوات وراي من خوفي ردت اصرخ
ماحسيت غير ايد ضخمه صارت على حلكي وايد على خصري وانسحبت بقوووة
من عطرة عرفته هذا هشام فتحت عيوني ع وسعهن وهو بعدة صام حلكي ومحاوط خصري ب الايد الثانيه
الثلاجه مامسدودة كلها ضال ضوة خفيف يجي منها
انتبهت ع هشام عبالك بغير عالم واني واصله الخصرة لان هو طويل
دنك عليه تقرب يم اذني وحجه بصوت هامس اشبه للخدران

هشام،،شنو هذا لبسج ؟؟ليش تتعمدين اذيتي

سمر،، من الخوف والتوتر مااعرف شحجي وهو كاتم انفاسي وانفاسه الحارة تضرب ع ركبتي وصوته وهمساته خوفني حيل دفعت ايدة من حلكي نزلها حاوط خصري بثنين ادي اريد ابعد عنه مااكدر هو اضخم مني ريحت عطرة دوختني حيل ضل تقريبا دقايق ع هلوضع احاول اخلص نفسي بس هو بغير عالم حسيته صحه وانتبه على نفسه بعدني عنه بسرعه ومسح وجه بثنين ادي دار وجها عني وانطاني ضهرة كال

هشام،، بسرررعه روحي من كددامي واذا شفتج نازله بهيج لبس متلومين غير نفسج مفهووم؟

سمر ،،دنكت وهمست بصوت ناصي مفهوم وطكيتها ركضه للغرفه ماينشاف بس التراب وراي عبالك بيب بيب من الخوفه والهبطه الكلتها
دخلت للغرفه دحست نفسي بفراشي واحس اعضاي يتراجفن لحد الان ضليت افكر شبي هشام وليش هيج تصرف

هشام،،
اني هشام العمر 35سنه ملازم برتبة نقيب
مراح احجيلكم مواصفاتي لان انذكرن بالبدايه
اني حالي حال اي شاب احلم ابيت وعائله واطفال بس لحد الان مالكيت شريكت حياتي المناسبه دائما امي وابوي يحاولون يقنعوني بس كنت شايل الفكرة من بالي نهائيا مركز عملي ابغداد مااجر شقه اني وصاحبي عمر
وبالاسبوع مرة مرتين امر على بيت عمي ابو علي اشوفهم شمحتاجين مهما يكون ذوله هم اهلي ومن واجبي اسال عنهم بس الامانه لله ولا مرة طلبو مني شي شكد احاول اساعدهم بس همه نفسهم عزيزة ميطلبون ابد صرت اشوف سمر كانت طفله بس ملامحها وتقاسيمها الانثويه بارزة وعيونها تجيب التايهه من اشوفها اضل مركز عليها مدري شجاني وابقى استغفر الله لان طفله بعدها وتعتبرني اخوها الجبير
صرت مدمن على نضراتها اي لبس تلبسه يصيرن عيونها بلونه بشرتها البيضه وشفايفها الممتلئه وبرتئتها كلشي بيها يجذبني صرت بدون مااحس على نفسي رجليه ياخذني الهم لمجرد اشوفها وارجع وارجع واكول النفسي ميصير لازم ابعد عنها اني لو متزوج من زمان يمكن بنتي بكدها
جبرتها تلبس حجاب مااريد احد يشوف شعرها الاسرني من اشوفه اسرح بطياته
مشكلتها تعاند هواي واني اتخبل من المرة العنوديه اتمنى اكسرها
رحت الهم للبيت وبطريق الرجعه شفتها بدون حجاب تخبلت ديين ماضل براسي اتمنيت اشرب من دمها طفله بكد الفصمه تعاندني واني زلم مشوربه مرجفها كدامي صرت مااشوف بعيوني ماحسيت غير واني اضربها وهم جبرتها واخذتها وياي للنجف اريد اشوفها دووم كدامي
مااعرف شصار بيه من شفتها تتشاقه ويه ضرغام اني شجاي يصير بحالي ماادري رجعت بليل كنت سهران ويه جماعتي حسيت اكو احد بالمطبخ اتفاجئت بوجودها ولبسها وشعرها المفتوح وبياض زنودها ورجليها بدون مااحس حضنتها من خصرها نزلت ع ركبتها شميت عطرها وريحت شعرها اتمنيت اضمها بكلبي سرحت ورحت بغير عالم ماصحيت غير ع اديها الصغيرة وهي تدفع بيه وخايفه شفايفها ترجف واديها يرجفن بين اديه لازمها وكلها تختض مثل السعفه
خرررب اني شسويت بعدت عنها وكتلها روحي من كدامي بسرعه خفت يمكن لو ضاله بعد دقيقه اني مااكون مسؤؤل عن تصرفي يمكن اتهور واندم بعدين لان ماريد اصغر بنضرها رحت الغرفتي واني اعصابي ناار ليش انضرلها هيج وليش اضعف كدامها وكدام عيونها ليش حريص عليها الهدرجه ضليت ليش تاخذني وليش تجيبني واني اسال نفسي ليش وليش تعبت ومانمت لحد الفجر

سمر،،كعدت ثاني يوم الصبح اباوع ع مرام عبالك قتيله ونايمن الكوشه شكبرها والحلك مفتوح ورجليها مشمرة منضرها يفطس ضحك ههههههه
كمت بدلت لبست دشداشه زيتوني وذبيت الشال ع راسي ب اهمال الدشداشه كانت مفصله ع جسمي اخذتها من مرام لان اني ماعندي وماجبت وياي ابيتنه ماالبس دشداشه بس اتراك لان بس اني وامي علي ياخذة النهار ويردة الليل وخطيه من يرجع يلف راسه وينام
اخذت منشفه وفرشه اسنان ونزلت لجوة لكيت عمتي كاعدة هي وضرغام توهم كاعدين شفت عمتي تريد تسوي ريوك كتلها اكعدي عمه اني اسوي ارتاحي صدك هي كعدت واني غسلت و سويت جاي وبيض واجبان وخليت صينيه بلكاع كعد ضرغام وعمتي وضرغام مابطل تحشيش يكل لعمتي
ضرغام ،،،هاي النسوان مو التنبل النايمه فوك ابوس ايدها ع استكان جاي هههههه

سمر ،،، اني ابيتنه هم تنبل اعتمد على امي بس كدامك نادرة هههههه

ضرغام ،،،هههههه يله يالنادرة كملي خل افررج ور

ة البيت ع الشط

سمر،،بيت عمي ريف والشط ورة بيتهم كلش قريب المنضر يجنن هواي عالم يمهم بانين قريب ع الشط وكل واحد عنده حديقه كلش جبيرة يطارد بيها الخيل زارعيها فواكه وخضروات المنضر خلاب ماينشبع منه بس من يجي الليل يبوووو لازم تلبس درع تحصن نفسك من البك والحرمس عبالك عنده عداوة وياك 😂
كملت ريوك وغسلت مواعين وعزلت البيت مرام نايمه والغثيث هم نايم جان مساهر بليل اخذت راحتي خليت البيت يلمع خطيه عمتي ماعدها جنه تساعدها سلام خاطب بت خاله وبعد فترة عرسه

غسلت اديه وطلعت ورة البيت لكيت ضرغام كاعد ع الشط رحت يمه اباوع ع الاشجار والفاكه منضرة يخبل الفاكه التشتريها مو مثل العندك بلبيت طعهما اطيب عجبني اقطع منهم رحت جبت سله من المطبخ قطعت عنب وشويه مشمش واخر شي رحت يم شجرت التين اباوع ع السله انترست اتذكرت المثل اليكول مهروش وطايح بكروش ههههههه
ضليت احوش تين وحجابي وكع اتبهذلت عمود كرشي مفجوعه خو مامفجوعه ماانتبهت على حليب التين تارس جسمي لان التينه جبيرة واني جوها اقطع تين والحليب يوكع ع ركبتي. بدون مااحس ورة دقيقه حسيت جسمي احترررررك شمرت السله وركضت واني شايطه واصرخ اجه ضرغام يركض كال شكووو كتله مااعرف شو جوة التينه حسيت ركبتي اوجهي احترك واديه هم

ضرغام،،وثووووول اي والله اكو وحدة عاقله تحوش تين وهي جواها ولج هذا الحليب مال التين يحرك الجلد حرك

سمر،،ضرغام يحجي واني اكمز واهفي ع وجهي احس ناااار بجسمي سحبني ضرغام من ايدي والحجاب ضل يم التينه من الشوغه نسيته اخذني نزلني للشط مسوين درجات من حجر كال انزلي كتله اخاف مااعرف اسبح كال لعد ضلي هيج محتركه
ماعندي غير حل مي الشط بارد خليت رجليه بالجرف مانزلت هواي المي واصل الركبتي كعدت وصرت بثنين اديه اشيل مي واغسل

ضرغام ،، انطيني ايدج لتخافين اني يمج تعاي لهنا

سمر،،اباوع الضرغام المي واصل الصدرة نازل مسافه شويه عني لزمت ايدة قووي ورحت يمه شعور كلش حلوو هو لازمني واني اغط واطلع مختنكه ههههه
بس بعدة جسمي يحركني
ضرغام ضل يسوي حركات عود يخوفني كل شويه وكال ساعه وسحبج الرفش مني وكلاج
واني اضل اعيط ولازمه ايدة مكمشه بي واتلفت عبالي صدك

ماحسيت غير صوت عااالي صااح

هشام ،،هاااااي شديصيير هناااا

سمر،،اباوعله نزل للجرف مثل الاعصار صاح

هشام،،اطلعييي لو اجي اطللعج بطريقتي ؟؟

سمر ،، متت خوف لازمه ايد ضرغام واباوع الهشام عيونه بكصته ضرغام لازمني وطلعني وصلت قريب ع الجرف سحبني هشام حيل صرت ع اول درجه رفعت راسي باوعتله شفته يخزر بيه من فووك لجوة
باوعت الرووحي يبووووو فضيحه هي الدشداشه حصر انوب لازكه لزك عليه من المي صايرة فضيحه متت خجل
ماحسيت غير هشام ضربني راشدي فر خدي فر وجهي خدر من الضربه
لزمت خدي ب اسى والدموع خانني كدامه نزلن وهنه يتسابقن صعدت الدرجات اركض اتلكتني مرام
رادت تحجي من شافتني لازمه خدي وابجي انصدمت

مرام ،، يااا ولج اشبيج منو ويااج؟

سمر،،سمعت هشام عاط بيه وكال انتضري وكفت واني خايفه يرجع يضربني كال بوجهج للحمام ومرام روحي جيبيلها ملابس عراض مو مال عارضه ازياء ولطش ع الجسم
عفتهم ودخلت للحمام كعدت جوة الدوش ابجي وكاتمه صوتي صح هو ابن عمي بس ماله حق يدخل الهدرجه شو اخوانه كلهم ميحجون ليش بس هو هيج يحاسبني لازم احطله حل لااازم
شويه واندكت الباب مرام جابت ملابس لبستهن شويه عراض صعدت للغرفه واني ابجي ومختنكه
طلعت جنطتي وصرت اشيل ملابس واحط بيها مستحل اضل هنا تحت رحمت هذا الخبل مااريد ابقه يمه صرت اموووت منه يوميه مفشلني كدام احد

هشام ،،صحيت من النوم واني اذكر ليله البارحه اشلون هي بين اديه كمت مشتاق اشوفها
نزلت لكيت امي كاعدة بالصاله رادت تسويلي ريوك كتلها هسه اخلي مرام تسويلي كالت مرام نايمه خلف الله على سمورة سوت ريوك ونضفت البيت وطلعت اخذها ضرغام للحديقه يم الشط
صح فرحت من كالت نضفت البيت بس من كالت راحت يم ضرغام مااعرف ليش ردت اروح يمهم صح هو اخوي بس مااعرف ليش مااريدة يحجي لو يشاقه وياها احس نفسي مشاعري متضاربه مثل مشاعر مراهق ميعرف يتصرف
طلعت برة صرت قريب ع الشط سمعت صوتها وعياطها رحت واني فااير وصلت وجان اشوف الاخت بدون حجاب ولازمه ايد ضرغام وتتشاقه
حسيت شياطين الدنيه كلها تكمز كبالي صحتلها بصوت عالي تطلع وياريتها ماطلعت
الدشداشه لززززك عليها والشعر مبلل والرموش كلهن مي والعيون صايرات زيتوني بلون هدومها بهاي اللحضه ضربتها لان مااعرف شسوي بيها من شفتها بهيج منضر

ضرغاام،،اشبيك يمعود ليش هيج وياها خطيه احتركت بالحليب مال التين ليش هضمتها وفشلتها كدامي

هشام،، يطبهاا مرض منو عتب عليها تحوش تين

ضرغام،بس مو لازم هيج تعاملها هي طفله ع كيفك وياها ليش دومك كورك وكورها ؟؟

هشام ،،عفته يحجي ورحت للبيت صعدت الغرفتها اتلكتني مرام كالت خطيه ليش هيج وياها كتلها عوفيني اريد احجي وياها
دخلت شفتها منهارة وتلم بملابسها مجرد فكرت ترجع البيتهم ربكتني اريدها يمييي
اتقربت يمها لز

مت ايدها وسحبتها هي نترت ايدها مني يقوة بس وييين اني اضخم منها بقاطين ماكدرت تسحب ايدها
هديتها وسحبتها من خصرها بثنين اديه وهي ضلت تضرب بصدري بثنين اديها وتبجي متت قهر عليها لفيت ايدي ع ضهرها وحضنتها ضميتهه الصدري بقوووة اووووف هذا مكانج ليش مااريد عيون احد غيري تشوفج احجي ويه نفسي وحاضنها وهي تدفع بيه
شويه حسيتها هدئت بس تشهك بالبجي رفعت راسها بيدي وحضنت وجها بثنين اديه الوجه احمر والخشم صايرات حمر من البجي وتباوعلي بنضرت عتب
سمرر ،،عوووفني اريد ارجع لهلي هسه وديني

هشام ،،وين اوديج ولج تدرين انتي شنوو بالنسبه الي ؟؟

يتبببببببع

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

البارت الرابع
اغار انا لا اغار ..هو فقط قليل من الجمر
على قليل من النار
هو بركان صغير داخلي وبعده ياتي الف اعصار
اغار عليك من عين تراك وتعجب بك ولا تعلم انك لي💔

هشام،،وين اوديج ولج تدرين انتي شنو بالنسبه الي
؟
سمر،،رفعت عيوني بعيوني واني اشهك من بين شهكاتي كتله ادري تعتبرني اختك الصغيرة بس دوم قاسي وياي

هشام ،،اوووووف ربي من كالت اختك الصغيرة هسه اشلون افهمها بله واني روحي مافاهمها
مااتحملت قربها مني واني اسمع دكات كلبها واني حاضنها كتلها بعد اسبوعين زواج سلام يخلص العرس وارجعج لهلج بيدي
بس ياريت. تسمعين الكلام ومتعاندين لان مااحب البنيه من تعاند وهسه امسحي دموعج وانزلي نتغدة

سمر،، ماعندي حل ادري ميقبل اروح لهلي بس الى متى اضل ملطشه اله ايدة والضرب ابد ميتفاهم

هشام ،،عفتها وطلعت واني روحي تلوب عليها اريدها يمي وكدام عيني مااتحمل بعدها عني
شجاااك هشام اصحى من احلامك تحب بت بكد بزرك شبيك تخبلت
عقلي وتفكيري مشتت اغار عليها من نسمة الهوى بس صعب اعترف بشي وتصدني يمكن ساعتها اذبحها خلاص مااتحمل رفضها الي

سمر،، دخلت للحمام سبحت ولبست دشداشه ماروني
لفيت المنشفه ع شعري وطلعت صار بوجهي هشام باوعلي من فوك لجوة وراح  نزل يم اهله يربكني وجودة واخاف منه حيل لان هيبته وشكله ورجولته تفرض ع الشخص احترامه

هشام،، طلعت من غرفتي شفتها طلعت من الحمام وركبتها مبلله بيها نقاط مي من شفتها بلعت ريكي واني اشوف القطرة تنزل وتدخل بين ثنايا وتقاسيم جسمها المنحوت تمنيت نفسي اكون هاي القطرة واشبع منها ومن ريحتها

مرام ،، اووو نعيما طالعه تخبلين بهذا اللون عمي هنيال الياخذج امه داعيه علي قصدي داعيتله ههههه

سمر،، اكيد داعيتله هو وين اكو مثلي بالصين وحدة وانقرضت ههههه وجودي بحياتكم ثروة استغلوها
مرام ،،على كيفج بويه احسج حميتي زايد علينه وانتي جنج عبسي😒

سمر،، عبسي بعينج اليوم اموتج ههههه
مرام طلعت تركض واني اركض وراها فجاة نصدمت بضرغام

ضرغام،،، يااارب سترك شنو السالفه جهال وطاردن فضحتنه وكسرتن ضلعي مال الحمس 😁

سمر،، هو انته دووم تطلع ب الاوقات الحرجه هههههه

ضرغام ،، غير حضي الفكر هذا كون الزمه بنعال واشبعه كتل هههههه

سمر،، 😁😁😁

ام هشام،، حضري نفسج بنيتي نروح البيت خطيبة سلام حتى هم ياالله يجهزون نفسهم للعرس ماضل وكت هنه كم يوم

سمر ، صار عمه تدالين بكلبي اكول بيها طلعه والله اضرب دقله ع الفرة والطلعه ههههههه
رحت اني ومرام اخذت نفنوف منها لونه اخضر من فوك حصر ومن جوة منفوش والردن دانتيل ومقسم كلش حلو ولون عيوني برز اكثر ماخليت غير كحل ومرطب شفه
لبست الحجاب ولفيته مرتب نزلت اتلكاني هشام
خزرني وحجه

هشام،، ساالمين ست هيج اطلعين،،

سمر،، بتلعثم ها لا اخذ عبايه من مرام

هشام ، ادخلي جوة ماكو روحه

سمر ،، رفعت راسي مصدومه ليش يمنعني
كتله ليش؟

هشام ،، بدون ليش ماكو طلعه روحي غيري ملابسج

ام هشام،، ليش يمه اني اخذها وياي واخواتك رايحات كافي مو عقدتها للبت شعدك متناصب وياها

هشام،، يمه متروح يعني متروح ليش اخرب الطلعه حتى عليكم

ام هشام،، والله مااعرف ليش متكابل ويه اليتيمه
هشام،،يمه مو متاكبل وياها بس شوفيها شكلها يجيب التايه وهمه ناس غرب

ام هشام ،،بصدمه ضحكت وحطت ايدها على حلكاها
ياااا انا امك يهشام انته تحبها يمه؟؟

هشام،، تلعثمت ماعرفت شجاوب امي اكيد حست من حرصي عليها الزايد بحبي الها
جاوبتها مو حب من البالج بس تكدرين تعتبري حرص لا اكثر

ام هشام،، ههه اي يمه حرص فهمتك 😉😉

هشام ،، هههه والله يمه ماتفوتلج فايته ابد

كلت المرام اذا تريد تروح تمسح كحلتها وتلبس جبه وتنزع هذا لبسها احنه نجف مو بغداد حتى تطلع هيج

سمر،،طكت روحي منه حيل يتحكم بكلشي اني هم عندي رأي قابل هو بكيفه
احجي ويه نفسي وادردم انزع بحجابي وملابسي
عشتووو لعد بكيفمن مو هياتني سامعه كلامه وانزع مثل الشاطرة

مرام ،الله يبلاك يهشيم على هلدكه خرب الكشخه هههه

هاج البسي هاي الجبه كال خل تلبسها وتروح وياكم

سمر،، مو اني امشي بكيف حضرته البسي البس انزعي انزع روحي كليليه بطلت مااروح خل يرتاح واليوم اولي لهلي مااضل بعد هنا

مرام،، ولج والله احس اخوي ميريد احد يشوفج لان شكلج حلو ويجذب النضر غبيه انتي قابل هو. شعندة ويمنعج

سمر،، خلص مرام روحي كليله مااروح خل يرتاح اني مالي نفس بعد
شلت الغطه ونمت كتلها روحو انتم اني نعست اريد انام
وهو جذب اني منعسانه بس حيييل مقهورة منه ويمكن اذا يحاجيني انفجر بوجها

ام هشام، ها يمه وين بت عمج؟؟

مرام،، متروح يمه نامت بس والله خطيه ابنج بكلشي معارض
ام هشام،، ولج يمكن اخوج يحبها هو من شوكت تهمه وحدة من بنات عمامه شو بس سمر حاد سنونه عليها

مرام،، اني هم توني نبهتني امي خرررب حضي صدك مطفيه مبين حب هشام الها بس مااعتقد سمر تقبل بي لان اكبر منها بهواااي

سلام،،يله يمه فضوها الناس ينتضرون
لعد وين سمر ليش ماجبتيها وياكم

ام هشام،، مال

ها خلك يمه امشينه نروح ساعه زمان ونرجع

سمر ،،ضليت اتكلب بفراشي كلهم راحو ضجت كلت اكوم اروح يم الشط حلو المكان وشويه اعصابي تهدء
فتحت باب غرفتي صار هشام بوجهي ماحاجيته لفيت حجابي وطلعت للشط كان المنضر كلش حلو كعدت فوك مانزلت للجرف بس اخذني الفضول كلت خل انزل العب بالمي المنضر يشهي
صدك والله نزلت كعدت ع الجرف شفت بصفي حصوايه شمرتها صارت تطب وتطلع مرتين ثلاثه بالماي عجبني الوضع كمت ع حيلي وصرت اشمر حصو بالمي شويه وسمعت صوت كلب يصيح من بعيد كلبي رجف من الخوف يبوووو اني اخاف من النمله انوب كلب اباوع شو هذا اجه فاتح حلكه واجه طاير ب اتجاهي وماكان كدامي غير شمرت نفسي بالمي والمصيبه مااعرف اسبح صرت اغط واطلع يمكن طول الوضع دقيقه سبحان الله الشخص من يواجه الموت يجون ع باله كل ناسه واهله اليحبهم اني هنا اجت ابالي امي واني بالمي بالله العضيم هي لحضات بس شريط حياتك كله يمر كدامك
بعدها ماحسيت على نفسي بعد فترة 
فتحت عيوني بثكل   خفت عبالي متت بس اتاكدت مابيه شي  من سمعت صوت عمتي وهي تبجي يمي وتحجي

ام هشام،، سودة بوجهي يمه الحمدالله على سلامتج والله يمه هبطتي كلوبنه عليج لو غركانه هسه بله شراح نكل لمج واخوج جبناها وموتناها

سمر،،حجيت بس تعبانه اهيس جسمي مكسر  افكر شوصلني لهنا منو طلعنني شويه ودخل هشام وعمي كاضم والولد كلهم يتحمدولي بالسلامه بس هشام مافتح حلكه بحرف بس ساكت وصافن عليه

محد منطي خبر لهلي يخافون على امي يصعد سكرها كالو عدت انشاءالله ليش نهبط امج عليج

اباوع لملابسي اني من غركت لابسه اتراك شو هسه دشداشه اكيد عمتي ومرام مغيرات ملابسي

اجت مرام حجتلي وياريت ماحجتلي صرت ابلع بريكي من الخجل والله تمنيت ميته ولا هلمصيبه من عرفت هشام المطلعني من الشط وهو النقذني
يعني هو المغيرلي يممممه متت خجل اشلون احط عيني بعينه بعد والله صعبه اني بدون عزا معزايه منه انرعب

هشام،، ادري بيها زعلت مني لان منعتها تروح واي شخص بمكاني وعنده مثل سمر يمكن يحجزها ويضمها بجام خانه عن عيون الناس ماحبيت احد يشوفها وهي طالعه اتخبل بنت الذين ادري بيها طنكرت وزعلت مني بس ميخالف المهم عندي تفركشت الروحه
شويه وشفتها طلعت للشط رحت للحمام اسبح وكلت اكمل واطلع يمها اكعد صدك كملت واني امشط سمعت صوت كلب ينبح سويت الدرج شبختين رحت اركض للشط شفت الكلب ينبح ع الجرف واكو فقاعات من المي تطلع جتت بدون وعي وطلعتها لكيتها لاايد ولا رجل والله ردت انجلط حسيت نفسي خسرتها اني عندي معلومات عن التنفس الاصطناعي سويتلها ورجعت كررت المحاوله واني ايدي ترجف وادعي الله مااخسرها يمكن اموت وراها شويه وصارت تكح كعدت بصفها انتجيت لورة وجريت نفس ارتاحيت الف شكر لله يمكن لو ميته طول عمري مااسامح نفسي لو مخليها تروح جان ماصار بيها هلشكل شلتها بحضني مثل الطفله وهي شبه فاقدة دخلتها للغرفه ومااعرف شبيها تهذي يمكن من الخوف والصدمه ماواعيه على نفسها اباوع عليها هدومها خضر وهنا بدت حرب الاعصاب مااكدر اعوفها كلها مي لازم اغير ملابسها
صرت ابلع بريكي واني انزعها وداير وجهي مهما يكون هي عرضي نزعتها وضلت بالداخليات بدون وعي من سمعتها كحت درت وجهي عليها وياريت ماشفتها ملاااك من السما ونايم بين اديه ركبتها وجسمها وبياضها تقاسيمها خلتني مامركز بشي انسطرت سطر كلشي بيه يريدها
فزيت من تفكيري واني اكل الروحي احنه بياحال واني افكر هيج تفكير كوة كملت ولبستها دشداشه وغطيتها بس كانت حرارتها مرتفعه
بعد مدة اجو اهلي واتخبلو من حجيتلهم الصار وضلو يلومون بيه لان ماخليتها تروح لو رايحه وياهم ماصار شي دخلتلها امي وامرام يركضن خطيه نهبطن عليها بس مو اكثر مني
اجو عمامي من سمعو بالخبر دخلتهم يمها ودخلت وياهم مااعرف ليش مااكدر احجي شي صفنت عليها وبداخلي احمد الله لان هي بعدها عايشه وهسه كدامي وبيناتنه بس منضرها ميروح من بالي ابد

سمر ،، عدت كم يوم ع الحادث وابد ماطلعت ولا ردت اشوفه خجلااانه مااريد احط عيني بعينه
حتى من يصيحولي اتغدة وياهم اكلهم ماكله ومااشتهي بس من اسال ويكلولي طلع لو راح للدوام
انزل ركض اكل وارجع

صار لليل وكلها نامت اكيد هو هم نايم واني ميته جوع نزلت ورحت للمطبخ سويت لفه كباب وطلعت قوطيه ببسي وكعدت اكل.بسرعه درت وجهي مرعوبه من سمعت صوته وراي

يتتتتبع

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

البارت الخامس
لا مرخوصلي اشتم بيك
كدام الخلك كلها..واكلهم حضنك افيشي
ولا عشكي غلط وانساك
واحسبنك ضمن طيشي 💔

سمر ،، صار لليل وكلها نامت اكيد هو نايم واني ميته جوع نزلت ورحت للمطبخ سويت لفة كباب وطلعت قوطيه ببسي وكعدت اكل بسرعه درت وجهي
مرعوووبه من سمعت صوته وراي
بسرعه عفت الاكل وكمزت من مكاني اريد انهزم من كدامه خجلانه منه دنكت ومشيت سريع اريد اعبر
ماحسيت غير سحبني من ايدي ودفعني ع الحايط
وثبتني بثنين ادي وهو مدنك بمستواي يباوع بوجهي واني مدنكه عيوني استحي اباوع بوجها والمشكله كنت لابسه دشداشه نوم قصيرة وفاتحه شعري باهمال ضليت اسحب بخصلاتي العله وجهي واحطهن ورة اذني ومرتبكه

هشام ،، اهدي ليش مرتبكه ؟؟(بهمس)

سمر،،ها موو موو هذا شسمه جنت جوعانه او او نزلت
قبل مااكمل حسيت بشي اول مرة يصير غمضت عيوني بسرعه بكل قوتي واني احس شفايفه ع شفايفي وحرارة انفاسه تضرب بوجهي وعطرة ترس خشمي شعور اول مرة احس بي خوف ع ارتباك ع صدمه هي ثواني وبعد عني وحجه

هشام،، سمر سمرر فتحي عيونج (بهدوء)

سمر ،، فتحت عيوني على كيفي واني من صدمتي مااعرف شسوي اضربه لو اصرخ لو انهزم من كدامه تمنيت الكاع تبلعني وهو ليش سوة هيج
سالته بصوت يرعش لييييش؟؟

هشام،، تساليني ليش واني نفسي مااعرف الجواب تساليني ليش واني مااعرف ليش اضعف كدامج
انتي الوحيدة الي مااكدر اقاوم عيونج اضيع كدامج ومااسيطر على اعصابي

سمر،، كل حرف منه صدمه بالنسبه الي شخص تحبه وتحترمه ك اخ او صديق او سند تالي يصير هيج شي بينكم بدون مقدمات صعب كلش
شفته دنك وهمس يم اذني بصوت ناصي وهادء واني جسمي كله يختض حتى رجليه احسهن على لحضه يخونني واوكع من طولي
هشام،، اااحبج والله احبج اكثر من روحي انتي الي مااالتي اني وبس ادري بيج متريدين اشوفج خجلانه مني بس هلشي خله حبج بكلبي يزيد مينقص

سمر،، خانني دموعي دفعته بيدي حيل وصعدت اركض للغرفه تغطيت وضليت ابجي بسكوت حست عليه مرام كعدت خطيه سالتني كتلها مابيه بس اريد امي اريد اروح لهلي
مااضل بعد ولا يوم هنا الصبح ارجع

هشام،، صار كم يوم ماشايفها اروح وارجع للدوام ملهوف عليها اريد بس اشوفها ادري بيها خجلانه مني قبل جنت اضل يومين بدامي لان عندي شقه اني وصاحبي هسه اختلف الوضع اروح وارجع من بغداد للنجف بنفس اليوم لو ساعه وحدة اشوفها يبرد كلبي بس حتى هاي الساعه حرمتني منها صرت عصبي حتى على جنودي اليحاجيني انفجر بوجها وخطيه المساكين ساكتين يدرون من اعصب مااتفاهم
رجعت بليل تعبان من الطريق غيرت ملابسي سبحت ونزلت فاجئني وجودها بالمطبخ بثوبها القصير وخصلات شعرها النازله وبياض رجليها كلشي بيها يجذبني انسه روحي يمها مو ذاك الرجال المشورب طول بعرض لا اني يمها اصير بكدها واصغر منها يمكن ضعيف الدرجه جبيرة كدامها اتصرف بدون وعي ولا كانه طفله هي امرأة وانثى كامله بعمر طفولي بس كلشي بيها فتنه
من شافتني ارتبكت وصارت ترجف متدري اني كلبي رجف من شافها شفتها صارت تمتمت وشفايفها ترجف عجبني منضرها وجذبني اكثر اتمنيت اضوك طعم هاي الشفايف الخجلانه ماحسيت على نفسي غير واني التهمهم ومستلذ بطعمهم اتمنيت اني بحلم وميخلص بس للاسف صحيت من حسيت ب اصابعها الصغار تقاومني وتدفعني باوعت بعيونها كلها ترعش خايفه مني دفعتني وصعدت تركض
كعدت بالكاع حسيت توازني اختل شعلت ابو ابوي وقضت على اخر قطرة تعقل عندي تسحرني بوجودها
ااووووف الله شسويت اني شبيه دووم مستعجل
صعدت الغرفتي وكبل للحمام كعدت جوة الدوش اريد اعصابي تهدى كلشي بيه يريدها وين جانت مضمومتلك هلسالفه يهشام خلصت عمرك تنتضر المراة المناسبه تالي طلعت تنتضر طفلتك تكبر حتى تاخذها اي اني كنت انتضرها يوم يوم تكبر كدامي بس عبالي هلشي فترة ويخلص وينتهي شوكت حبيتها الهلدرجه ماادري بس الاعرفه كلبي مانبض الغيرها ابد ويمكن احبها من ولدتها امها ولحد الان
اووووف ربي رحمتك حلوة اريدها منك ربي تسهلها عليه

سمر،، للصبح مانمت دموعي امسح وحدة ينزلن عشرة مصدووومه بي لشتي كلها ترجف مستحيل اضل يمه بعد الصار منتضرة الصبح يطلع اباوع للشمس اكول شوكت تطلع ويكعدون واروح لهلي مااجي لهنا بعد

صارت ساعه ثمانيه طفرت اخذت جنطتي لميت غراضي ونزلت اتلكتني عمتي متفاجئه من شافت عيوني وارمه حاولت رادت وياي ابقه بس جنت قافله اريد بس اطلع اجت مرام كالت منو يوديج شو هشام وطلع الفجر راح البغداد لو حاجيه جان رحتي وياه وسلام وضرغام ميرحون البغداد وحتى ميندلون كلش
كتلها اروح يعني اروح لو اعرف امشي مشي حاولو يعرفون شكو وشبيه مطنكرة من غبشه كتلهم امي مريضه ومشتاقتلها صار 15يوم يمكم وهي وحدها اريد اروح عمتي اتصلت بهشام كالها عوفيها اجي اليوم  وباجر الصبح اخذها
من سمعت كلامه تخبلت يريد يستفرد بيه ركبت راسي وعاندت اكثر لزمت جنطتي وطلعت وعمتي ومرام يركضن وراي اخر شي عمتي كالت انتضري اشوف عمج كاضم بلكي يوديج
صدك خابرته عمتي كالها مهند هسه راح يطلع البغداد انتهت اجازته شويه و

يمر عليها
اني مهند ماشايفته يمكن 5سنوات من كنت سادس ابتدائي وهو سادس اعدادي السمعته من مرام هو تخرج وتوضف بوزارة الزراعه
مهند لاطويل ولا قصير طوله مقبول وجسمه عادي عيونه خضر حتى اني طالعه على ابوي وعمامي امي شكلها عادي وعيونها سود فورثنه لون العيون من اهل ابوي
ربع ساعه واجه مهند اني لابسه جبه رصاصي ولافه حجابي مرتبه نفسي بس عيوني وارمه مبينه باجيه شويه واجت مرام كالت اجه مهند فتح باب السيارة ونزل ضليت صافنه متغير تغير جذري اني ذكرت مواصفاته على اخر شوفه اله قبل كم سنه هسه طالع صاااك بشكل عبالك عارض ازياء الجسم والترتيب والستايل راااقي بشكل شكله صدك يجذب
حتى هو من شافني انصدم وضحك

مهند،، هههههههه خرب ولك منو هاااي؟؟سمر الوكحه الزغيرونه عمي صايرة مرة عاش من شافج
بووويه شنو هاي عندي بت عم صاكه واني ماادري

سمر،، من الثول مالتي جاوبته واني فاكه حلكي والضحكه من الاذن للاذن كتله لا والله انته الصااك😄
يبووو يافشله الفشله هو طكاها ضحكه بصوت عالي
وكال

مهند ،، لا يبوي منيلي صاك شو اجلح املح ماينطلع بيه الراس الشارع

سمر،، ضحكت على كلامه اشلون انسان مثقف واسلوبه حضاري وكلامه لبق صعدت وياه سلمت على عمتي واعتذرت منها لان طلعت هلشكل رحت ويه مهند طول الطريق نتكلم بمواضيع عاديه يسالني على اهلي ودراستي واشلون خلصت هاي الاسنين بدون مااشوفه لان هو محتار بدوامه وملتهي
حتى ماحسيت ع الطريق 4ساعات بسرعه عدن وحتى نسيت ليش اني اجيت وعليمن كنت ضايجه الكلام ويه مهند راحه نفسيه صح كلام عادي بس جذبني اسلوبه
وصلنه لهلي الضهر امي فتحت الباب وتفاجئت برجعتي لان رجعت ويه مهند وهو هم ماطول بس سالم وراح
وهنا بدة التحقيق مال نبع الحنان ليش اجيتي ومنو تعارك وياج ومنو سمعج كلمه ولو هشام ضاربج لو ولو ولو وخلت راسي شكبرة من الاسئله اخر شي كتلها يمه حارة وميقبلون يجيبوني اله يخلص عرس سلام واني كلبي طاااك عليج حضنتها وضيعت السالفه عليها بكلمتين ادري بيها اذا استلمتني متهدني بعد
دخلت للغرفه بدلت ورحت للحمام سبحت وطلعت اجه علاوي اوووف ابوي الثاني حضنته لان مشتاقتله وهم كعدنه نضحك ونسولف
تغدينه وهو راح للشغل دخلت الغرفتي ذبيت روحي نمت ماكعدت غير المغرب
نزلت غسلت وسويت جاي شربت سمعت الباب يندك حيل امي ماكو رايحه يمكن الجيرانه وبس اني خليت حجابي على راسي وطلعت.
اول مافتحت الباب جان اشوف هشام كبالي بملابس الدوام والوجه مايتفسر
لزمني ودخلني للبيت وهو يسحل بيه حييييل

يتتتتتتبع

قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

الف الف مبروك الفوز المنتخب العراقي
2-1
يوم النصر يارب ❤️🇮🇶

البارت السادس
بعد بيه حجي يكبرني جيلين
وبعد بيه بجي يوكع العزيزات
وبعد بيه اشتياق يموت الحيل
وبعد بيه مشي الكل المكانات
وبعد بيه لطم يكضيلي جفين
وبعد بيه شكثر كلمة حرامات
اني ادري الحنين يصير مرغوب
جا ليش انشمر مثل القديمات
وجا ليش امنكول فلان وفاي
فوك اليوجعني يضيف لجمات
ترة انه انسان مو نيشان للصيد
ياهو اليجي يحط بيه طعنات💔💔💔

سمر،،اول مافتحت الباب جان اشوف هشام كبالي
بملابس الدوام والوجه مايتفسر

لزمني ودخلني للبيت وهو يسحل بيه سحل للبيت حيييل
اول مادخلت دفعني وضل يغلط ويسب ويشتم
اجه يمي لزمني من فكي وصار يحجي وهو صاك اسنونه وعيوونه حمر

هشام،، اااااني شكلت؟؟
موو كلت ارجع للبيت والصبح اوديج لهلج
لييييش اجيتي ؟؟
اوويامن اجيتي؟؟
ويه مهند موووو؟؟؟
طررريق اربع ساعات انتو سووة
شجنتو تحجووون ؟؟
اخذتي راحتج بالضحك هشام مو يمج مووووو؟؟

سمر،،دفعت ايدة من وجهي وحجيت وياه
ااي اجيت ويه مهند عندك مانع
حاااالك حاله هو ابن عمي وانت ابن عمي شنو او وين الغلط بالموضوع ؟؟
كنت احجي بعصبيه وهو مصدوم يباووعلي اول مرة اتجرة ارفع صوتي بوجه بس خلص فاض صبري الاحترام اله حدود وهو تجاوز الحدود اني مو طفله حتى يعاملني بهل اسلوب شفته اقترب مني بس من خوفي رجعت خطوات لورة وبلحضه وحدة سحبني من شعري وضل يعت بحركه خفيفه وهو عيونه احسهن يجدحن شرار

هشام،، شوووفي وللج واسمعيني زززين
الضاهر لحد الان متعرفين منوو هشام
ويمكن بعد الصار البارحه كبرت راسج
الف وحدة تتمنه كلمه مني بس ماكنت اشوف غيرج انتي
خاف عبالج كاتل نفسي عليج قسما بالله ادوسج بالبسطال وميرفلي جفن
ومنا وجاي تمشين عدل ترة والكعبه الشريفه اخليج تكرهين روحج بسببي وموقف اليوم راح اعدي بمزاجي وطلعه من باب البيت ماااكووو والحجاب مينذب ااابد والعناااد والراس الكوووي بطلي يووول
ترة افين حضج عرفتتتي

سمر،، يااعالم ياناس اخاااف منه بصورة موطبيعيه لحد يكول ليش تخافين وماعندج كرامه وانتي منطيته مجال احنه اهل الجنوب وكلمة ابن العم مسموعه جدا حاله حال ابوها يتحكم بيها
مرات من اتململ من تحكمه بيه امي وعلي يكولون حلوة غيرته مال رجال شهم وهو ابن عمنه ومرات علي يكول اذا الله ماكاتبلي عمر طويل اني مامن عندي عمام اعتمد عليهم وامنج يمهم لان راح يحافضون عليج صاحبين غيرة

هشام دخل مثل الاعصار غلط وسب وعيط والقه محاضرة وتوعدلي يفين حضي وخله وراح
وهو ميشوف دربه من العصبيه غيرته موطبيعيه

هشام ،، من اتصلت امي وكالت سمر تريد ترجع عرفتها ضاجت من موقف البارحه هو اني خجلان من نفسي بعدها طفله مااريد افتح عينها على هيج شغلات بس شسوي الروحي الماسيطر عليها
رجعت اتصلت بعد ساعه امي كالت راحت اخذها مهند هنا احس نار طلع من راسي والكعبه لو يمي سمر بساعتها اطيح حضها صح هو هم ابن عمها بس مجرد فكرة هي وياه وحدهم شبت النار بضلوعي اكيد اكلها بعيونه وباوعلها بالمرايه
اااااااخ الله ياسمر كون الزمج شمااريد اعدلج تنعوجين بالزايد ابتليت حبيت طفله خو مابتليت

رحت بوجهي البيتهم من شفتها فتحت الباب ردت اضربها وكوة لزمت روحي مااريد اخليها تكرهني اكثر اريدها تحبني بس مااعرف اشلون عمري ماحاب ولا عندي علاقه لان ماحب اضحك على اعراض العالم اخاف الله بيهن اكول باجر عكبه الله يعابيني ويطلع هلشي ب اختي لو مرتي فما ادنى للحرام لو ع كص ركبتي
شبعتها طن رزايل بلكت الله تعقل وتبطل استعجال وخفكه مال رعونيه
عفتها وطلعت صعدت سيارتي ورحت للشقه واني فاير من اذكر اشلون وكفت بوجهي ادافع عن نفسها اوووف يابه لو ااكضج اطلع نار كلببي كلها من خشمج

سمر،، عدن كم يوم على رجعتي من النجف بس طول ذني الكم يوم هشام ماراح من بالي ابد مااعرف ليش افكر بي من اذكر بوسته اصفن واروح بغير عالم ومن اصحى واذكر ضربه اكرها
بعد اربع ايام زواج سلام وامي كالت حضري نفسج نروح للسوك اشتريلج شي اتلبسي للعرس كتلها يمه مااروح انتي روحي
ام علي،،يااا اشلون ماتروحين غير اني واخوج رايحين هنه يومين نكضيهن يمهم ونرجع فشله من عمج ماترحين

سمر،، يمه فدوة وديني يم خالتي اميرة اضل وانتي روحي والله مالي نفس

ام على ،، اشو ترحين مو بكيفج الحجي شنو انتي ماتستحين من عمتج وعمج

سمر،، استلمتني امي بالرزايل وماعندي غير اروح واكعد واسكت صدك رحنه للسوك اشتريت فستان لون ماروني  قصير بس منفوش من جوة ومن فوك بدون ردن مجرد خيوط رافعه الفستان فتحت الضهر والصدر سبعه بس الفستاان بددديع ومرتب احب اللون الماروني كللللش
واخذت حذا وجنطه وشال واكسسوارات خطيه علي انطه لمي افلوس وكلها خل تشتري كل البنفسها بمناسبه نجاحها هم لان بهاي الفترة عرفت نفسي ناجحه والسنه التجي انشاءالله صف خامس اعدادي

كملنه فرة بالسوك ورجعنه للبيت وباجر الصبح يجي هشام ياخذنه لان احنه ماعدنه سيارة
من سمعت بي هو الياخذنه انتغص كلبي مااريد اشوفه اااابد
صار الليل كملت عشه وغسلت مواعين ورتبت البيت صعدت الغرفتي حضرتلي جنطه صغيرة بس ع كد

يومين لان ماريد اضل يمهم اكثر
كملت تحضير شمرت روحي ع السرير وسرحت بتفكيري الذاك اليوم الاعترفلي بي هشام
معقوله هو يحبني ؟؟اذا يحبني ليش يضربني ويهيني
واشلون يحبني ومن شوكت ضليت فكرة تجيبني وفكرة توديني معقوله هذا الشخص القاسي والعصبي عندة مشاعر ويحب مستتتيحيل
ماحسيت غير غفيت وكعدت الصبح على صوت امي وهي تصحيني

ام علي،، اكعدي يايمه ساعه واجه ابن عمج واحنه بعدنه نايمين فشله كومي جهزي نفسج حتى نطلع قبل الضهر ترة حارة
نطلع هسه على برد الوكت

سمر،، اي يمه كمت صباح الخير

ام علي ،،صباح الخيرات يبعد الخير كله كومي بنيتي سويت ريوك والجاي خالته ع صفحت النار بسرعه همي روحج

سمر،،اووف يمه صار بس والله ماريد اروح مالي خلك

ام علي،، هسسسه غير تكوووم راح يجيج النعال طاير

سمر،، هههههه يبووو صار بيها نعال شجاج يمه من الصبح توج شمحلاتج شبسرعه غيرتي موجه وحولتي ع النعال 😂
ام علي ،، شوف هاي التسولف ولج يمه انهضي هم يله ورانه طريق

سمر ،، كمت نزلت للمطبخ تريكت بسرعه ودخلت سبحت وطلعت من الحمام بدلت لبست بنطرون اسود وقميص كريمي طويل ولفيت الشال ولبست حذا افلات ونزلت
شلت راسي اتفاجئت بوجود هشام كاعد بالصاله ينتضرني امي وعلي كاعدين يمه
كملت مشيتي واني مدنكه وكلت السلام عليكم

الكل،، وعليكم السلام
هشام،، يله بويه نتوكل
سمر،، شعجب مااعترض ع لبسي ؟؟اول تالي خاف مصخن
صعدت بالسيارة اني وامي ورة وعلي كعد يمه بالصدر
قبل لتتحرك السيارة هشام كال

هشام ،، عمه اكو علاكه وراج انطيها السمر

سمر،، امي سحبت العلاكه فتحتها طلعت عبايه راس شفتها فكيت حلكي شلت راسي شفته يباوع بالمرايه
كتله شسوي بيها؟

هشام،، افتحيها وخليها على متونج من نوصل البسيها عدل ولد عمامي كلهم عدنه يجهزون الباجر الحنه خو موتنزلين ابنطرونج قابل عدنه عرض ازياء

علي،، صح خويه فشله من نصل تلبسيها

سمر،، اباوع والدمعه بعيني بله هسه هذا شتحجي وياه
هو كله صوج امي ماخلتني اضل يم خالتي ومااجي

علي،، خويه اني بعد كم يوم اريد اسوي جواز واريدك وياي تتصلي بمعارفك بالجوازات حتى مااضل انتضر

ام علي،، خير يمه شلك بالجواز

علي،، شنو شلي بالجواز يايمه كلشي يصير يمكن اسافر ازور ويه جماعتي قبر الامام الرضا(ع)
الجواز مريود

هشام ،، تدلل ابو حسين شوكت متريدني اني حاضر

سمر،، عبرنه السريع وصلنه للحله هشام كال خل ننزل نتريك بس امي وعلي ماقبلو وهو اصر كلهم اني جوعان خل ننزل
نزلنه كلنه واني اول ماردت انزل ذبيت العبايه ونزلت هو خزرني كتله بعدم رضا ومن ورة خشمي
بعدنه ماوصلنه من نوصل البسها

دخلنه مطعم وطلبنه اكل كال انتي شطلبين كتله متريكه ماجوعانه
شفتهم نزلو مشويات تكه وكباب ومقبلات اتريكو واني طلبت بسكت وعصير لان تريكت بالبيت

كملنه وشربو جاي وانطلقنه للنجف
وصلنه بعد صلاة الضهر قبل ماانزل كال
هشام،، البسي العبايه مو تنسيها تمام؟؟

سمر،، هزيت راسي بالموافقه لبستها ونزلت وكلهم اجو يستقبلونه ومن عمامي هم كانو موجودين حلوة اجواء اعراس اهل النجف يعني عمامك واهلك ينجمعون يمك قبل العرس ب ايام حتى يساعدوك بالتجهيزات ويخلقولك جو مال احتفال مناسباتهم كلش حلوة ولمتهم احلى

نزلت واني لابسه عباتي وكل شويه عثرت بيها مامتعودة عليها
اباوع الهشام اكلني بعيونه من فوك لجوة
اتلكتنه عمتي وحذام وسهام  وجهالهن ومرومه اجت تركض والحلك مفتوح من الطول للطول ههههههه

مرام،، ووالللله لو ماجايه صدك ازعل وياج
عابتلجج والله اشتاقيتلج ولا عبالك قبل كم يوم من رحتي تعودت عليج يالغبرة😁

سمر،، هههههه اشلون استقبال حلو هذا اذا من الباب سمعت كلمت غبرة اذا افوت جوة اشبع نعل يمكن،،

مرام ،،، ههههههاي لا حشاج فوتي

سمر ،، كلنه التمينه بالصاله ضحك واسوالف واني كل مااشيل عيني الكه هشام يباوعلي اربكني وجودة ونضراته

،،،،،،،،،،،،،،،،،،،،،،،،،،،،،،،،
هشام ،، اليوم اروح اجيب بيت عمي ابو علي اخذهم وياي للنجف وطلبت من مرام عبايه كتلها اريدها السمر اكيد تجيني مبنطرة كدام عمامي
كلبي مشتاقلها وعيوني ادور ع شوفتها وصلتهم واني ادور عليها بعيوني شويه ونزلت لابسه بنطرون وقميص شكلها يجنن من كل عقلها عبالها تروح وياي هيج
صعدنه بالسيارة وانطيتها العبايه هههه فتحت عيونها بس ماعدها اي اعتراض تلبسها وهي الممنونه ماعندي مرة تمشي بدون عبايه

طول الطريق وهي ساكته وكل شويه عيوني تسرق منها نضرات بدون وعي الكاهن يباوعن عليها يردن يشبعن شوف منها
وصلنه لهلي ولبست العبايه اوووووف ياطركاعة الله لو مخليها بدون عبا احسن شو لبستها عبالك كمر ونازل يمشي ع الارض لون عيوني ويه بياض بشرتها وسواد العبايه طغه جمالها سبحان الصورها بله هاي منين اضمها من العيووون

كاعدة كدامي بالصاله واني سرحان بيها عبالك ماكو احد يمي بس هي
وارجع وانتبه النفسي واشيل عيني منها فشله من اخوها
سمر،، صار الليل وصبو عشه كلنه كعدنه سوة كملنه وشربنه جاي وعمامي اجوهم خطار للمضيف الولد كلهم

طلعو يمهم المضيف خارجي يعني خارج البيت
ضلينه بس احنه البنات ونسوان عمامي اني لبست دشداشه وردي وذبيت الحجاب ع راسي اشلون ماجان

ام مهند،، ماشاءالله عمه تخبلين هنيال التصيرين جنتها

سمر،، خجلتني وكتلها شكرا عمه عيونج الحلوات
ضلينه ضحك واسوالف وعمتي ام هشام طايرة من الفرح خطيه اتكول اكفلن (غنن) محد يسمعجن المضيف بعيد
كامت مرام شغلت اغنيه بالتلفزيون وقللت الصوت وصارت تركص  سحبتني وسحبت امها واخواتها صدك ونسه وفرحه حلوة

صرت ساعه 12والكل راحو واحنه صعدنه نمنه اني ومرام بغرفتها
امي هي وحذام وسهم بالغرفه الجوة وعلي نام بغرفة ضرغام
من التعب نمت ماكعدت غير الصبح ع هوسه البلبيت عالم رايحه جايه نزلنه اني والتوم مالتيةمرام ههه غسلنه ولكينه ريوك جاهز تريكنه وكمنه وياهم انضف ونجهز للغدة صار الضهر وكلها ع فرد فرة الكل يركض منا ويرجع منا اجت عمتي كالت البناتها اتحضرن انتن مو تردن ترحن للصالون هنه و
اطافرن بسرعه ومرام كالتلها يمه خل اروح بس اسشور وارتب وياهن بعد الحاح طويل عمتي قبلت بس مراج كالتلها خل تروح سمر ويانه خطيه تضل وحدها وهم ام الصالون تسحب شعرها امي قبلت ماعدها اعتراض
اجت مرام كالت ضرغام برة ينتضرنه لبسنه عبي وطلعنه لجحت هشام من بعيد غطيت وجهي واني اكول راح اوكع وافشل روحي والله اصير فلم اذا وكعت

ضرغام،، ههههههههاي شوف الخوف شجاج بابا امشي عدل لاتكعين
سمر،، هههههه غير ضامه روحي بس يشوفني اخوك.هسه يعارض

ضرغام ،، والله عبالي سباعيه طلعتي جبانه ومنفوخه بس هوى😂

سمر😒باوعتله صفح كتله مو جبانه بس اتكفه الشر

ضرغام،، يله عيني ام الشر وصلنه هي تذوب منه من الخوف ذوبت الحيه واتكول اتكفه الشر😂

سمر،، هسه وصلنه مااكدر اتعارك وياك بسيطه من نرجع 😒

ضرغام،، اي اي حضرن نفسجن لان اني مااجي هشام يجي ياخذجن

سمر،،نطيت من مكاني شنوو لا لا حباب اخيتك اني فدوة الكلبك انته تعال لتخلي يجي خاف يرزلني والله
ضرغام،،، هههههههه توج مااخاف ومسويه روحج جاكي شان شو سمعتي بسمه اخذاج الرجيف خايبه انزلي ام الماخاف

سمر،، اني وضرغام نتلاشه والبنات مسنكرات ضحك
دخلنه للصالون البنات المتزوجات بالبدايه كملن مكياج وتسريحه واني ومرام هم اجانه السرة صعدنه ع الكراسي ام الصالون كالت خاله انتي حلوة بدون مكياج بس راح اخليلج خفيف
كتلها لا لا ماريد بس اسحبي شعري هو ناعم بس بي كسرة من الضفيرة
مرام كالت ولج هو منو شايفج راح نرجع هم لابسين عبايه خلي مكياج خفيف شو الحنه بس بنات
صدك سحبت شعري البنيه وخلت مكياج خفيف شويه حمرة وكحله رسمت عيوني ورفعت شعري من الجوانب لبست الفستان طلعت شكل ثاني

مرام،، بوووياي صارروخ لو اني ولد شبعتج اتصجم هههههههه

سمر،، الله عليج صدك تحجين يعني هذا هو

مرام ،، غير تخبلين والله كلش حلوة طالعه

حذام،، ههههههه راح تكسرين بينه يمعودة لوندري ماجبناج

سمر،، احس نفسي مرتبكه عبالك عرسي اول مرة احط مكياج خاف نبع الحنان ترزلني كدام النسوان وتروح الهيبه غير اطم روحي

سهام،، يله همن ارواحجن اجه ضرغام البسن اعبيجن وغطن وجوهجن زين مانريد نترزل

سمر ،، لبسنه العبي وطلعنه صعدنه بالسيارة واستلمنه ضرغام بالتحشيش

ضرغام ،، بويه ماشاءالله شو دخلتن تسقيط طلعتن اخر موديل الله لايوفقج ام الصالون على هلغش التجاري ضيعتي شباب بعمر الورد يالماتخافين الله😂😂

سمر،،، ههههههههه خرب متت ضحك ع اساس انتو اشلونكم وتعيبون

ضرغام،، بويه انتي ماتسكتين اني قصدي على اخواتي انتي كمزتي  عمي انتي جكسارة من كاعج بدون لبخ 😁

سمر،،، ههههههه يله سكتت مادامك صبغتني

ضرغام😁😁
يله وصلنه اتغطن عدل وامشن بصف السياج من ورة الحديقه راح اسويلجن سد العالم تارسه الشارع

سمر،، دخلنه للبيت اتلكتنه عمتي تهلهل شافتني هي وامي ضلن يصلن على محمد جرتني نبع الحنان ع صفحه وهي تشاورني

ام علي،، رووحي طكنج بعين 😒

سمر،، ههههه شجاج يمه ماتشوفيهن كلهن يخبلن شنو فرقهن عني

ام علي،، روحي روحي واقري المعوذات لاتنسين

سمر ،، دخلنه للصاله ومرام شغلت الديجي ع اغنيه هيدي هيدي وصدى الديجي والصوت يركص المايركص هزينه لمن تعبنه اخر شي كالو البسن راح نطلع نروح البيت العروس
كلهن انخبصن صعدت اركض اريد البس عباتي خاف يعوفوني دخلت غرفت مرام مترووسه كلهن يبدلن
وماكو مكان شافتني مرام سحبتني من ايدي ودخلتني الغرفه هشام كالت هو جوة ويدري نسوان اكو مايجي حضري نفسج هنا واطلعي

صدك رتبت مكياجي واني واكفه ع المرايه واباوع النفسي خاف ناقصني شي ردت البس العبا ماحسيت غير الباب انفتح ودخل هشام
من شافني  جمد بمكانه
واني لو تذبحوني قطرة دم متلكون بيه

يتتتتتبع
وييين مشجعيني فديتكم 🤗


قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
ق

ناتنا2 @loves959

البارت السابع
شحصلو غير البواجي
الحبو المو مالهم😔💔

سمر ،،،صدك رتبت مكياجي واني واكفه ع المرايه واباوع النفسي خاف ناقصني شي ردت البس العبا
ماحسيت غير الباب انفتح ودخل هشام
من شافني جمد بمكانه
واني لو تذبحوني قطرة دم ماتلكون بيه

توترت ومن الثول الصعد عندي صرت مااشوف كدامي شي صرت اشيل العبا وارجع احطها بمكانها اريد البسها مااعرف اشلون كل هاي الخبصه الاني بيها وهو اجه يتقدم ب اتجاهي بخطوات بطيئه لازم السبحه ولابس دشداشه بيضه وغترة والعطر يهف من بعيد
صار كدامي ميفصلنه شي شمرت العبايه على راسي اشلون ماجان اريد استر روحي غديت ماي من الخجل دنكت مستحيه اريد اختفي من كدامه
رفع وجهي ب اصابيعه وحجه بذوبان وهو ينقل نضراته ع طول ملامح وجهي ومركز بشفايفي

هشام،، شطالعه،،
من كل عقلج اخليج اطلعين هيج ؟
بويه الا اذا اني تسودنت اعوفج هيج تروحين

سمر ،، ها اي قصدي لا اي بس بنات مرام تكول😳
صرت اعتعت اريد اجمع جمله ماكو طار الحجي كله من راسي من يقترب مني والله اذا اكلكم اصير اختض مثل السعفه يمكن متصدكون
شفته اقترب مني راد يبوسني دفعته حييل وردت اطلع رجع سحبني من ايدي بقوة ودفعني ع الباب
كال،،

هشام،، اسمعيني زين راح اعد للخمسه اذا ماتغير هذا اللبس وروح ابوج امزكه عليج وتدرين بيه جلمتي ماتصير اثنين اكصري الشر وغيري هاي الفضيحه الابستها

سمر،، حجيت بعدم رضه واني مبرطمه شفايفي كتله كل البنات هذا لبسهن مو بس اني والله

شفته عض على شفته ورفع تك حاجب وكال
هشام ،، عزا مايتعرينن البنات الباقيه شلي غرض بيهن اني عليه بيج انتي وبس ممنوع يعني ممنوع
سمررر سمررر باوعي بوجهي ليش خايفه وترجفين ليش كل هلخوف مني ؟؟

سمر،، عوفني هشام الله يخليك حتجي امي لو اهلك شيكولون
خليني اطلع

هشام،، واني مامانعج بس بشرط تغيرين اللبس

سمر،، بس اريد اتحرر من قبضته كتله ميخالف هسه اغيرة تدلل

هشام ،، بس قبل مترحين اشوف لبسج اتفقنا؟

سمر،، كيفت بس اريد اطلع ثواني واندك الباب مرام تكول ياالله حنطلع للسيارات
اني هنا عيد وجابه العباس النه اريد اشرررد
فتحت الباب كتلها انطيني ملابس اغير ذني عود كدام هشام حجيت بس بسيطه مو هو اليمشي كلمته عليه قابل زوجي ويدخل
سمعته كال المرام انتضرجن هنا قبل مطلعن اتاكد يله ترحن
كالتله ميخالف
طلعت وياها رحنه لغرفتها صدك زعلت منها ع الموقف الخلتني بي ماردته يشوفني هيج حرام

مرام،، سمر والله هشام يحبج ولج يموت عليج ويغار من الهوى ليش متنطينه فرصه

سمر،، فرصتيش يمعودة وهو ايدة والتكفخ ميكول انسانه والها احترامها وشخصيتها

مرام،، يله عيني ام شخصيه هي صدك حضوض والله لو الكه واحد يحبني مثل هشام جا جلبت بذيال دشداشته بس خل يجي مال الصمخ😒

سمر،، ههههههه ايس يعبيس

مرام تدرين اهلي راح يخلصون الحنه  ويجون واحنه بعدنه ندك سوالف هنا ولج يله فضيها غيري لبسج خل نمشي هشام ياخذنه

كتلها والله مااغيرة المن اشتريته ومو شرط يقبل لو ميقبل استاذ هش هش 😏

لبست عباتي وماغيرت ملابسي فتحت الباب اني ومرام ماشفته كالت

مرام،، هو هسه يجي ياخذنه انتضري بس هسهه يكلج خل اتاكد غيرتي لبسج واذا لكاج مامغيري اقري ع روحج الفاتحه
والله

سمر،، نزلنه لجوة ماكو احد وهو هم ماموجود رايح للمضيف اكو عدهم خطار عود احنه من نكمل نرمشله
فتحت الباب شفت ضرغام اجه شافنه كال صدك تحجن الحنه حتنتهي وانتن هنا
كتله ودينه انته حباب بسرعه كال يالله البيت مو بعيد عشر دقايق بالسيارة صعدنه وياه ودانه البيت العروس ومرام كورعت راسي اليوم شيخلصج وشيخلصج

وصلنه وضرغام خله السيارة يم الباب حتى ننزل
اني مااعرف العالم
نزلت مرام كدامي ودخلنه للبيت جان بيت جبير وحلو بناء حديث دخلنه للصاله عينك ومتشوف بس اللحم المطشر هههههه نسوان شبه عرايه تركص
كلت بكلبي امدة حضي لو البس مثلهن يمكن يذبحني قبل مااطلع
اجت امي وكالت وين وليتن صار نص ساعه من وصلنه نمتن خو مانمتن كتلها اتاخرت ويه مرام كله منها هههههه مرام بس فاكه حلكها عليه تدري اجذب😁

امي وعمتي عرفني ع النسوان وصرت اسلم شكثرهن احس حلكي يبس من التمطك
اخر شي اجت وحدة يمنه يطلع عمرها عشرينات بس حلوة ملامحها عرفتني مرام عليها كالت هاي شهد بنت خالي
سلمت عليها بس البنيه عبالك تمشي ع ريش مو ع الكاع خشمها والسمه متتحاجه من ورة خشمها
واني اكره هيج بنات احب البنت المتواضعه احسها تنحط بالكلب مو مثل المغرورة كلها تكش منها
سحبتني سمر وخلتني اركص الديجي يخبل حتى العجايز ركصها 😁
اني ذبيت لحم عبالك اول مرة اركص انتبهت مرام تصورني اجيت يمها كتلها احذفي ابداعتي

مرام،، ولج والله يخبل خلي ذكرى حلوى قابل منو شايفه غيري

سمر،، عمتي صاحتلها وراحت واني هم التهيت ونسيت السالفه شويه وكالو نرجع للبيت لبست عباتي وحضرت نفسي رحت وكفت يم امي طلعنه للسيارات شفت هشام من بعيد واكف يم سيارته يبووووو ضلوعي احسهن رجفن
يووو هسه هو شعلي قابل ابوي شو علي اخوي ومايحجي ويحا

سبني مثله شيريد يسوي خل يسوي
اجت مرام كالت خل نصعد ويه هشام سيارته فارغه
طفرت بوجها كتلها اجه اجه سلام هم سيارته فارغه كبل ركضت صعدت ويه سلام ودايرة وجهي خاف يشوفني
شويه ومد راسه النه من الجامه مال سلام

هشام ،، انتو هنا صار ساعه ادور عليكم

سمر ،، يحجي ويعاين عليه واني مسويه نفسي مطنشه بس الخوف يقرة الف

سلام،، خويه اكو بعد كم مرة ضلن جيبهن وياك اني اوصل عمتي والبنات

هشام ،، تمام تمام اطلع هسه
سمر ،، منك ياالله الحمدالله كون اوصل للبيت قبله انزع ملابسي وابدل قبل ليجي ويشوفني
وصلنه للبيت واني طكيتها ركضه للغرفه لبست دشداشه وشمرت الفستان بالكنتور وذبيت شال ع راسي
ونزلت بسرعه اعزل بالبيت من هوسه الحنه سويت نفسي نادرة صدك الخوف يعدل الطوف مدري الشوف المهم يعدل😂😂

اجت عمتي وكالت يمه هنيال الياخذج والله نادرة الله يرضه عليج بنيتي
ردت اكلها روحي اشكري ابنج الذيب هههههه
سمعت صوته يحجي بالمطبخ صرت مااشوف اكنس منا وارجعهن منا
دخل للصاله وجان جايب ست شهد وياه دخلو سوة وهي تتمضيك تمضيك وعيونها تريد تاكله اكل
ضليت اباوع عليهم هي تحجي وهو يضحك ويجاوبها ومامهتملي ابد ماباوع عليه
مااعرف ليش اكو احساس بداخلي جديد عليه بس مااعرف شنو هو هسه اني شعليه بيهم نارهم تاكل حطبهم عفتهم واني مغندبه مدري ليش

همه ملتمين كلهم بالصاله ضحك وسوالف وشهد سحلت روحها سحل بالواكه والاخ مامصدك

سمعته صاااح سممر
رحتله نعم رايد شي ؟؟

هشام ،، راسي موتني سويلي كوب جاي
سمر ،، بدون كلام رحت سويتله جاي واني اسمع ضحكهم وسوالفهم كملت صبيته اله بكوب واخذته
اخذه مني شرب شويه وكال

هشام،، بله لو جايبتلي اشرب دبس مو احسن من هذا جايج الماينشرب شحط بلعومي شحط محترك حرك كومي مرام سويلي جاي غيرة

شهد ،، لا لا اني اسوي والله انتي تعبانه مرومه هسه اسوي واجي

سمر،، شكد فشلت وخاصتا كدام شهد عفتهم وطلعت  صعدت بوجهي للغرف

مرام،، انتضري هوب هوب  وين تردين ؟؟

سمر،، عوفيني رحمه لهلج شوفي اشلون فشلني وكدام منو كدام بت خالج المايعه اليشوفها يكول ماشايفه زلم شويه وتلكيها كاعدة بحضنه

مرام،، ههههههههاي اشتغلت الغيرة والعباس
يامسكينه ياسمر😂

سمر،، درووحي بابا وخري عني اغار عليمن اغار على توم كروز 😒
مرام،، يايابه يابويه متت ضحك عليج وانتي وجهج يحجي اشكال لج بابا انتي تحبي اعترفي

سمر،، انتي صدك تحجين احب اخوج متشوفين شكله اشلونه الله يساعد جنودة علي اشلون حاملي يمكن مجزعهم بعصبيته واني مااغار بس ضجت لان فشلني

مرام ،، والله يبت عمي شكلج وكعتي ومحد سمه عليج

سمر ،، عفتها ورحت يم امي اشوفها شتريد خاف محتاجه شي اجه علي وكال اغسلي ملابسي
غسلت ملابس امي واخوي والخطار راحو واستلمنه البيت اني وبنات عمي تنضيف للساعه12بليل حتى الحديقه شملها التنضيف شفت علي راح نام وامي هم خطيه انطيتها علاج السكر ونامت
متت تعب كملت ودخلت للحمام سبحت ولبست اتراك وردي وطلعت واني مخليه المنشفه ع راسي
دخلت للغرفه وجان اتفاجئ بهشام لازم موبايل مرام ويباوع والحواجب معكودة ومرام لازمه ايده مااعرف شنو تتوسل بي وتهدي
من شفتهم خفت  درت وجهي ردت اطلع صاح بصوت احس كلبي وكع بين رجليه

هشام.. اااارجعيييييي 

يتتتتتبع



قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331
‏لاتختار الشخص الجميل، إختر الشخص الذي يجعل حياتك جميلة ❤🌹
تاريخ إنشاء القناة 2018/7/16
قناتنا2 @loves959

البارت الثامن
كون يصير بيه جناح
واذب الروح بحضانه
كافي فراگ اي مشتاگ
اشد الساني بلسانه 💔

سمر..من شفتهم خفت ودرت وجهي ردت اطلع
صاح بصوت احس گلبي وگع بين رجليه

هشام..ارجعييييييي

مرام..عله كيفك خيي والله مو قصدها دقيقه بس انطيني مجال افهمك

هشام .. اطللعي برة وسدي الباب ورااج

مرام .. بسس

هشام ..گلللت اطلعيييي

سمر..مرام طلعت وهي مقهورة وبعيونها تعتذر واني ضليت لازمه ايد ب ايد واعصر وامدنگه شفته طلع جگارة ورثها وخلها بين شفايفه صار يسحب نفس قوي وزفر الدخان لفوگ ورجع طفاها وهو يباوعلي
كال تعاي
كل فكري هو معصب لان ماانتضرته نسيت سالفه التصوير راحت من بالي
رحت يمه واني امشي بخطوات بطيء وكل خطوة احس دگات گلبي تتعالى وصلت يمه
اول مارفعت راسي ضربني راشدي فر خدي فر
لزمت خدي والدموع احسها تجمعت بعيني وانهضمت حتى من قوة الضربه وگع الخاولي الخالته ع راسي رجع سحبني من شعري وصار يعد ويصف

هشام..ووولج انتتي شنوو مطي مااال كتل مترتاحين اله تنهانين لج لو ماجاي المرام هسه وشايفها تتفرج عالفيديو چان عبرت السالفه عليه
لجججج تتدرين شنو القاهرني ?

استغبيتيني وكسرتي كلمتي وانتي كلج بگد القندرة شسووويلج فهميييني مو تعبتييني شوكت تتعلميننن الضاهر انتي ماينفع وياج غير اسلوب طيحان الحض والاهانه وهذا الشارب مو عليه اذا ماطيحت حضج اريد اشوفج اشلون تكسرين كلمتييي بعددد
سمر.. يحجي ولازم شعري واني بس الشهگه تطلع مني گتله ااي الله يخليك هد شعري

هشام.. منو صوررتج غيررر مرام?

سمر..محد والله محد

هشام..ووولج تردين تقنعيني عرس وكلها تصور بي وبس انتي محد مصورج بس وحق العباس ابو فاضل اذا شميت ريحت خبر وحدة مصورتج غير اختي انتي اقري الفاتحه ع روحج وشتگولين عني گولي مخبل معقد مريض اي اني كلهن احسن بيهن وياج فهمتتتي لو هذاا محجرر ?

سمر ..اتمنيت ماجايه وهو لزم الفيديو حذفه وعافني وطلع
اجت مرام تركض شافت خدي اصابعه طابعه واني بس ابجي رادت تحچي كتلها اريد انام وباجر بس يخلص العرس ارجع لهلي واتفلي بگصتي اذا اجيتكم بعد شهد مو بت خاله خل يروح يطلع مراجله عليها
احجي وابچي

مرام..ولج اسكتي لايسمعج يذبحج والله

سمر..الله يسمع منج وخلص منه ومن تحكمه عافيها كلها ويتحكم بيه لو ابوي عايش ماعملني هلمعامله واذا علي ساكتله هذا لان يحترمه ويحسبه بحسبه اخو والله اذا اگله هشام يگلي احبج بعد فنه اذا خلانه نجي هنا

مرام..شنووو شنووو عيدي
هشام معترفلج طاحضج اي والله هاي من شوكت شو ماحچيتيلي

سمر.. عوفيني رحمه لهلج اريد انطمر هو المثل اخوج يحب لو يعرف الحب اخوج شافني خوش مكفخه اله وعجبه الوضع لايحبني ولا هم يحزنون

مرام.. اشلون تريدني اگوم اكفخها هسه لو مايحبج جان ما احترگت روحه عليچ والله يغار عليچ افهمي

سمر..طگيتها بچيه بصوت گتلها اكفخي هي ضلت عليج

مرام ..اشاقه وياج والله شبيج انتي ليش تعاندينه بطلي العناد وشوفي اشلون يتغير اسلوبه وياج
سمر.. حتى مامشطت لفيت شعري ونمت وضليت بس دموعي تصب اذكرة من باسني وگال احبج واذكر اسلوبه اكرها حتى صرت مااعرف مشاعري شنو ماادري شوكت نمت گعدنه من الفجر عصوت الهوسه لان اليوم الزفه وعشه وناس تارسه البيت
نزلت اني ومرام كنت لابسه دشداشه ولافه حجابي لفه عدله البيت نضيف من البارحه بس ترتيب المواعين وتحضير الجدورة
تريكنه اني وياها شويه واجت ست شهد لابسه جبه وعبايه راس نزعت العبايه وضلت بالجبه وجها مبين بي المكياج طالعه صدك مرتبه هي ملامحه حلوة وجها ابيض وخدود وعيون كبار
من شافتني نفخت روحه نفخ وضلت كل شويه تصخرنه جيبن هاي او ودن هاي سوت نفسها هي ام البيت گدام عمتي وعمتي هم ماقصرت صبغتها صبغ بالسوالف الحلوة عفيه بنيتي وهنيال الياخذج
واني بگلبي اگول والله لو تاخذيها لهشيم وتخلصيني منه احسن وانوب اگول ختولي ماتستاهل واحدمثل شخصيته ورجولته ام شعفه صايرتلي نادرة😒

شويه واجه هشام للمطبخ لابس تراك نيلي والموبايل بيدة والعطر ترس المطبخ ترس يمكن يسبح بي بس كلش حلو
شهد شافته لو مرغلت روحها تمرغل باللواگه

شهد.. اشلونك ابن عمتي انشاءالله يوم ال الك

هشام.. وانتي الحاضرة بت خالي تعبناج ويانه

شهد .. تعبك راحه هشوم اگعد سويت چاي طيب

هشام .. اي والله صبيلي راسي موتني من البارحه صداع قوي الله لاينطي الكان السبب

سمر..يحجي وياها وابد ميباوع عليه متجاهلني تماما بس اعرف هو يقصدني بكلامه جابتله الجاي وانطلقو اثنينهم ضحك وسوالف بايخه بس هو ميت ضحك يضحك بصوت عالي مدري عليمن يمكن يريد يغيضني

احس نار بگلبي اذا اني مااحبه ليش اتمنى اگوم اسحل شهد من عطوبها المايعه ام حلگ الفاهي

صار العصر وكمل العشه استوه لان مو احنه نطبخ جابو طباخين احنه علينه الخفايف امي گالت راح يرحون يجيبون العروس امشن البسن وحضرن نفسجن نروح بالزفه ركضنه اني ومرام وبنات عمي لسنه لبس مستور وفوگاه عبي وطلعنه جانت السيارت واگفه بالباب وهشام يصعد بالعالم هواي زلم بس نسوان قلي

له احنه ونسوان عمامي وبناتهن
هشام كان يصعد بيهن ويقسمهن ع السيارات باوعلي گال انتضري ودار وجها كلهن صعدن حتى امي وعمتي وحذام وسهام صعدن ويه ضرغام واني ومرام ضلينه گال لمي روحي هسه اشوفلها سيارة
شفت مهند اجه وگف يمنه گال خل يصعدون وياي بس اني وامي

هشام ..لاخويه مشكور اني هسه اخذهن توكل
بالله

سمر..راح مهند وني ومرام ننتضر شويه وطلعت ست شهد هي وامها گالت

شهد.. اعتذر اتاخرت جنت احضر نفسي ماعبالي هسه ترحون

هشام..ولا يهمج بعد وكت اصعدن

سمر..هنه صعدن بالسيارة واني ردت اصعد التفتلي وگال جيبي موبايلي ع الشحن بغرفتي
رحت جبته واجيت من طلعت مالگيهم عايفني ورايح مانقهرت لان عافني بس انقهرت لان سوة هلشي گدام شهد ماردت يحطني بهيج موقف
والله يمكن اليگلي بز ابچي صعدت للغرفه ذبيت العبايه واني احمس بروحي حمس ورة ساعه سمعت الطلق وصوت الهورنات يعني رجعو فتحت البردة الفوك وصرت اشوفهم من الشباك نزلت النسوان دخلن للبيت والزلم تهوس برة وهشام لازم مسدس ويهوس بي شويه وانفتح الباب دخلت مرام

مرام.. والله العضيم الطريق كله الوب عليج صدك ضجت حتى ماتونست ضل بالي يمج

سمر.. درت وجهي واني امشي للكنتور حجيت وياها وصرت اطلع بملابسي احضرهن حتى نرجع البغداد گتلها عادي هو من يوم يومي اخوج حاط دابه ودابي يتعمد يذلني بس منا وجاي بسيطه الله كريم

مرام.. ترة هو هيج سوة يمكن يعاقبج ع كسرة كلمته البارحه

سمر..لا عقاب ولا شي هو يريد يعزلني عن العالم

مرام..هسه كافي لتضوجين انزلي جوة العروس كاعدة والبنات هم يركصن تعاي حبابه خل ننزل

سمر..لبست فستان محجبات جوزي ونزلت اريد ابين اني مزعلانه ومامهتمه اول مانزلت لكيت ست شهد ادك سوالف ويه الموجودات شفتني اجت يمي

شهد.. تدرين انقهرت عليج لان مااجيتي ويانه لو تدرين هشام اشلون ونسنه الطريق كله مشغل اغاني ويركص فاتتج الروح حرامات

سمر.. ادري تريد تقهرني گتلها عادي اني هم مالي خلگ تعبانه همزين مارحت وهسه اخذي راحتج
عفته ورحت للمطبخ اساعدهم
شويه وزفو العرسان الغرفتهم والشباب دخلو يهوسون ويركصون صدك منضرهم لبمتهم

......................
هشام ..من دخلت للغرفه وشفتها انصدمت عبارة عن ملاك ونازل من السما تاخذ العقل جميله بشكل اتمنيت اضمها بروحي عن عيون الناس ماريد عيون غيري تشوفها اذا اتگولون متملك اي اني متملك احب تكون الي وبس ملك حصري الهشام فقط من حبي الها اتمنيت اضمها بين اضلوعي مااعرف اشلون لزمت روحي وماارتكبت بيها جريمه من شفتها يمكن اخذها بلحضتها وخاصتا من شفت ارتباكها وخوفها احب هلشي بيها يخليني اگزگز عليها ويمكن اذا احضنها عشر زلم ميوخروني عنها
اتقربت منها واني هايم ابياض ونعومه بشرتها بس هي ك العادة تصدني بس قبل متطلع شرطت عليها شرط تغير لبسها لان كان كاشف اكثر ماساتر وهي قبلت ماكنت ادري تستغفلني نزلت عدنه خطار بالمضيف گلت يكملن ويرمشلي اطلع اخذهن تالي رايحات ويه ضرغام
عبالي نفذت كلامها وغيرت لبسها جنت زعلان لان ماانتضرتني ومن رجعنه فشلتها گدام شهد ادري بشهد تحوم داير مدايري عبالها اهتم الها متدري گلبي وعقلي عد ذيج الطفله العنوديه
بليل شفتها كلها نامت واني مااتعشيت احتاريت بالخطار وانعشي بالعالم ضليت النص الليل رحت المرام شفت الباب مفتوح دخلت مرام كانت لازمه موبايلها وتشوف شد انتباهي صوت سمر وهي تگلها احذفي التصوير اقتربت يم مرام فزت وارتبكت سحب الموبايل منها شفتها لابسه نفس الفستان احس عيوني صارن بالطول من العصبيه اخخخخ الله اني تضحك عليه الزعطوطه
من اجت مبينه جانت بالحمام طلعت مرام وضربتها من حرگت روحي والله موقصدي اضربها بس هي تجبرني لان متسمع الكلمه
ثاني يوم ماهتميتلها ابد بس هي متدري روحي يمها صرت اتشاقه وي شهد حتها اقهرها وبالزفه مااخذتها عفتها ورحت جنت مفكر اعاقبها حتى تستعدل
كل مااتقرب منها خطوة تبعد عني الف بتصرفاتها
فقررت احاربها بالبرود وعدم الاهتمام ماعندي غير هلحل لان تعبت وياها احاول بكل الطرق اكسبها

.............
سمر.. بليل علي گال لازم نرجع البغداد باجر عندي شغل صار كم يوم مارايح بس عمامي رفضو گالو باجر روحو هسه دنيه لليل والطريق مو امان اخر شي اقتنع علي وهشام گال اني هم اجازتي انتهت الفجر اطلع البغداد واخذكم وياي
صدك نمنه وگعدنه الفجر امي گوة گعدتني جرتني جر لان تعبانه ونعسانه
گعدنه تريگنه شويه ونزل هشام لابس الزي العسكري والبيريه والمسدس بحزامه طالع صدك هيبه العيون وحدهن يروحن علي ويراقبنه
كعد تريگ وابد ماباوعلي كملنه وطلعنه للباب ودعونه بيت عمي صعدت بالسيارة علي كعد يمه واني وامي لورة انتجيت راسي ع اجامه وغفيت ماحسيت غير امي گعدتني گالت اگعدي يمه وصلنه
نزلت واني مامصدگه كل هلوكت نايمه ادري تنمبل خو ماتنمل طريق شطوله ماحسيت بي
نزلنه وهو سلم وراح

دخلت للبيت بعد مااجاني نوم گمت عزلت البيت ونضفت لان شبعت نوم بالسيارة
وبدت الايام تمشي علي بشغله وامي تخيط جانت تخبز للعالم بس علي م