بارت 47
بقلمـي
آلگآتبهہ‌‏ غدير آلحيدري
....

بقيت صافنه ومصدومه ممصدكه هذا الكدامي اسعد!!!!!!
بعد كل هذي الاشهر معقوله رجع!!!
انتبه احمد لمكان نظري وانصدم من شافه
باوعت لأحمد عيونه راح تطلع من غضبه
نتر بيه

احمد:يقين يلا للسياره بسرعه

سمعت كلامه وصعدت للسياره واني الصدمه والخوف متملكني لك بعد كل هذي الايام شرجعك!!!!؟
صعد احمد وشخط السياره بغضب
الطريق كله محد حجه ثنينه ساكتين
احس السكوت بينه قاتل
بس انتبهت لأحمد من الغضب اعصابه ترجف وعروقه بارزه
وصلنه يم الشط ونزلنه للمطعم
والهدوء متملك الطرفين
بقينه صافنين فتره باوعت ع احمد عيونه ع الشط
بس عنده هواي غموض بداخله
مكدرت افهمه
وصه ع الاكل وبدينه ناكل ثنينه
بهدوء واحساس السكوت والغربه متبادل بينه
كملنه اكل ورجعنه
احس هاي الطلعه صارت سم عليه
كلهه ساكته بيهه
كاعده يم احمد بالسياره وافكر
شحيصير بيه وجودي وي احمد وضهور اسعد
شلون راح اوفق بيهه
وصلنه للبيت فتحت الباب حتى انزل سمعت احمد
احمد:اتوقع انكلبت الموازين والامور اختلفت برجوع اسعد اني ماامانع مثل ماوعدتج انطيج حريتج لتخافين واذا تردي اوكف بوجه الكل واسلمج اله ورقة طلاكج توصلج

سديت الباب بقوه ودخلت
لا ياالله عائله شاربه نفط
شالقصه هذا منو كله اريد اطلك
ومنو كله اريد اسعد
هاهيه اني قبلت بحياتي هيج
هسه منين طلعت اسعد يبن حمديه
هفففف هسه شلون
صعدت للغرفه احمد طلع هلا هاي بدايتهه هيج
واني جنت متخيله الطلعه حتصير فد شي
تاليهه شافني اسعد
هسه الا ترجع
صفنت ع روحي
يقين اذا متريدين اسعد منو البالج؟
معقوله تحبين احمد ومتردين تخسري؟
زين هوه اني ليش كارهه اسعد ونافرته؟
شنو الشي الغيره احمد بيج وصرتي تردي اله؟
يمكن احب احمد
واسعد كان مجرد ماضي او مجرد مراهقه
اصعب شعور من تختار من بين شخصين
الاول حبيته بكل صدق
والثاني حبك بكل صدق
لااعرف نفسي اذا الاول حبني
ولا اعرف اذا الثاني اني حبيته
شلون راح اختار من بينهم
منو راح يستحق يقين
منو اللي حارب وكان الهه
كنت انتظر احمد يجي بس مااجه
بدلت وانتظرته ومرت الساعات
صارت الساعه 1 وهو ماكو
بديت اخاف عليه واقلق
بس اهدي بروحي واكول يرجع
لحضه اذا رجع شنو اسوي ؟ شأكول؟
اوووو مااعرف اسوي اللي اسوي
سمعت خطوات قريبه وانفتحت الباب وكفت ودخل احمد تعبان باوعلي بطرف عين وراح بدل وكفت واخذت القميص منه

يقين:اااا.جنت منتظرتك

دار وجهه لبس ملابسه

يقين:وين جنت قلقت عليك هواي؟

مجاوبني اكتفه بنظرات بارده مشه وجريته

احمد:شتريدين
يقين:ترا دااحجي وياك لتتجاهلني
احمد:كافي يقين روحي
يقين:احمد اموت اذا اتجاهلتني
احمد:شبيج اليوم؟ يمكن شوفة اسعد اثرت بيج
يقين:اني مدااحجي عن اسعد وميأثر بيه

نصه راسه ومشه من يمي وكفت كدامه
احمد:استغفر اللله راح املخج اليوم والله
يقين:اذا ترتاح اضربني سوي اللي تريده
احمد:يقين تعبان وخري من وجهي
يقين:سؤال واحد وجاوبني
احمد:بدينه
يقين:اذا متضايق مااجبرك تسمع تفاهاتي
احمد:اسألي
يقين:شبيك ليش تغيرت؟
احمد:هو هذا طبعي من البدايه متغير بيه شي
يقين:لا هذا مو طبعك اني اعرف احمد شنو
احمد:اذا تعرفين احمد شنو اسكتي لعد
يقين:غريبه وياك هاكثر كارهني ونافرني شسويت اني اذا ع اسعد اني مااريده
احمد:اني مكارهج
يقين:بلي هذا كره متصدك شوكت تخلص مني لتخاف راح تخلص مني عن قريب وشوف راحتك اصلا منو اني هه اني بنت عمك الهربت ونصت راس اهلهه وجبروك تطم عارهه
احمد:يقين انتي موهيج
يقين:لا هيج انييي بنت عمك اللي مردتهه وجبروك عليهه اني مصيبه وانصبت براسك شي طبيعي تضوج بس عادي
احمد:انتي مو مصيبه يقين

صحت بصوت عالي واني متنفرزه

يقين:لعد اني شنوو؟
احمد:انتي نعااال سدي حلكج ولي من وجهي
يقين:لا مو نعال احمد اني شنو بالنسبه الك لك فهمني حموووت

رفع ايده يضربني بس ضرب الميز ويصيح

احمد:اشششش اسكتي وانكبري مااريد اسمع صوتج

مشه وجريته وكفت يمه حيل قريبه وعيوني صارت بعيونه

يقين:احمد اني شنو بحياتك
احمد:زوجتي وبس
يقين:هااا زوجتك وبس
احمد:ايي
يقين:لعد ليش اني اشوفك اكثر من زوج
احمد:مفهمت
يقين:انت تغشم نفسك عموما اني مااريد اسعد ومااريدك

مشيت ورجع جرني وحصرني بالميز

احمد:فهميني معنى كلامج
يقين:الذكي يفتهمهه
احمد:اوك اني فهمي ثكيل فهميني انتي
يقين:اني مااشوفك بس زوج احتمال لو متزوجه انسان عادي راح يكون بنظري زوج وبس لكن انت
احمد:شبيه
يقين:انته!!!
احمد:شبيه
يقين:انت موتتني بيك وماتعترف
احمد:مفهمت؟
يقين:والله مو درس خصوصي واشرحلك وخر
احمد:صح فهمي ثكيل بس افهم من كلامج اسع...

مخليته يكمل كلامه رفعت ايدي

يقين:اسعد ماضي مراهقه الله يرحمه
احمد:واني
يقين:انت شهكه ورفكه ودكه
احمد:شنو يعني؟
يقين:شهكه بوكت ضعفي رفكه بوكت تعبي كنت اجمل صديق اما دكه
احمد:اييي
يقين:دكه ناقصه ترا مو غير شي
احمد:بس اني فسرتهه غير شي
يقين:يلااا كوول
احمد:وتحبني بس ماتعترف
يقين:هههههه انت شنو حتى احبك انت مخبل متستاهل حبي يلا هي بقت عليك طلكن

ي حتى نصير درزن مال مطلقات
احمد:لابطلت مااطلك
يقين:شتسوي لعد
احمد:اخذ عليج مره
يقين:لازم الكدامك مو مره
احمد:هااا شنو الافهمه من كلامج بله وضحي
يقين:مااوضح بس اذا هيج طلكني ع اقل انت تتزوج مره واني هم اتزوج رجال

جرني من خصري وعصرني بقوه

احمد:ليش شبيه اني

لزمت وجهه وابتسمت

يقين:شبي حمودي ليش ضايج انت كلت اخذ مره واني كلت اخذ رجال اي لعد يا حمودتي يصير ابقه هيج
احمد:لا ميصير كامت تدك ناعم بت سيف
يقين:واني كلت اطلك منك اشوفلي ابن حلال واتزوج مابيهه شي
احمد:هاااا مابيهه شي
يقين:اي حموده
احمد:اشو اليوم تتدلعين هواي شبيج
يقين:شبيه زوجي وادلع قابل حرام
احمد:اهاا زوجج اي زين لعد دلعي بس ترا بدلعج الاموات دايصرخون
يقين:ياستار ليششش؟
احمد:مو شعلتيهم شعل فوك ما همه مشعولين
يقين:ههههههه
احمد:عود شنو هالضحكه التافهه
يقين:امممم احبك ياخبيث
احمد:واسعد
يقين:حكفر بيك وبأسعد كتلك ماااضي
احمد:اها اني هم احبج
يقين:حمودي يشعر بالكذب
احمد:ههههههه وليش اكذب
يقين:صار ساعه شالع كلبي ياحلو
احمد:اذا شلعته ساعه انت شالعه من سنين
يقين:يااااا شلون بله فهمني
احمد:تعالي افهمج شلون
يقين:ههههههههه
وبعد الالم اراك دوائي
وفي وقت شدتي كنت من وقف معي
برغم تعبي اصبحت منهكه بحبك
خذني لعالمك ولا تسأل من انا
لنوحد تلك النبضه
ولنرسم تلك الابتسامه
لنعش ويعيش معنا الامل من جديد
اجعنلني اكن لك وحدك
فلا احد محظوظ بي غيرك
....

حسيت الصبح ع صوت العصافير
فتحت عيوني احمد بعده نايم ههه
بقيت العب بشعره
صحه من نومه باوعلي وابتسم

احمد:صباح العسل حبيبي
يقين:صباح الحب حياتي
احمد:يقين اكو موضوع اريد اكوله الج
يقين:امم كوله
احمد:يخص اسعد
يقين:احمد شنو سالفتك كتلك اني ناسيه اسعد ليش ترجع تعيد الموضوع
احمد:شغله مهمه لازم تعرفيهه
يقين:اوك كول
احمد:باليوم اللي واجهج اسعد كدام الكل وكلج مااريدج قبلهه دار كلام بين اسعد وبين عمامي

اسعد:اني اريد يقين
حسين:سد حلكك عاار
الشيخ:شوف ولك انت من بغداد ومو بصراوي خايب عشيرتك مو منا ومانعرف كرعة ابوك منين تريدني ازوج وحده من بناتنه الك وانت ماعندك لافلس لا قيمه
اسعد:بس اني جبت عشيرتي وانتو ماقبلتو
الشيخ:تسد حلكك احسن ماافصل وي اهلك يالاغم اسمع مني يقين مو الك وهذي ترجيه وخليهه بأذنك مااريد اقتلهه واقتلك وافضح روحي بين العربان بس راح تعوفهه
اسعد:اني مااعوفهه
سيف:اسكت لااخلي دمك بطولك
الشيخ:راح تجي هنا يقين وتكلهه اني مااريدج وهاي فلوس تاخذهه وتاخذ اهلك وتروح واتزوج التعجبك بس بنيه من بناتنه ماننطي
اسعد:شنووو
الشيخ:15 مليون تجلي فكرك تاخذهه وتروح انت وهلك وجهك بالديره بعد مااشوفه شتكول
انه يقين ماانطيهه الك ولد عمهه هواي واذا متقبل بالعرض مالي اخليهم يسحلوك مدمى اختار نفسك لو يقين
اسعد:ها حضرة الشيخ اختار نفسي

دخلتي انتي وكلج مااريدج نطو الفلوس وطلع جنت متخبل من الحقاره اللي شايلهه باعج ع كم فلس هذا الخبلني وخلاني اكرهج لان حبيتي واحد خاين مثله بنفس اليوم سمعت عمامي يحجون

الشيخ:طلع ناقص ماتوقعته
سيف:ضحك ع الثوله
حسين:كلت اذا بقه مصر ويريدهه يستاهلهه بس خبلني من اخذ الفلوس
الشيخ:طبعا رايدهه ع طمع

وهذا كل مابالموضوع
..
تخبلت من سمعت كلام احمد احس روحي اختنكت هيج اني بايعني اسعد حضنت احمد وابجي

احمد:وجنت رايدج وماتحسين بيه
يقين:اني فعلا غبيه لك انته اللي تستاهل الحب مو اسعد اعذرني يابعد روحي اني ثوله ومعميه من ما شفت حبك
احمد:شششش المهم انتي بحضني
يقين:احبك

جينار

بعد عناء الطريق وصلنه
بغداد ترحب بكم

جنت شكد مشتاكه اجي لهنا
هالمره اختنكت
احس الروح بعدهه بالبصره
خابرت ماما خالو وخبرته عن وصولنه
وصلنه لبيتهم
وكالعاده خالي بروح رياضيه وابتسامه كلهه امل
واكف يروي الحديقه الخارجيه
نزلنه وراحت ماما بوسته وحضنهه
وعلي كذلك
رحت يمه واحس بروحي مخنوكه
حضنته وبدت دموعي تنزل
دخلنه جوه سلمنه ع الكل
شفت خالتي جنان اختنكت وشمرت روحي بحضنهه جنت تعبانه
وابحث عن امل بسيط يخليني
اتشبث بالحياة
باوعت ع خاله عيونهه مدمعه

جينار:سمعتي شسوه بيه ازاد
مسدت ع شعري وهزت راسهه

جنان:سمعت سمعت

مر الوقت واني كاعده يمهم لكن بس جسم الروح كانت يم ازاد
اصفن اصفن واشوفه بنص صفنتي
يسرق احساسي ويهيم بروحي
واحس دموعي تنزل ونضرات الكل تجاهي
تعشينه واكلي قليل
نظرات القلق بعيون امي
اخذت اغراضي وصعدت للغرفه
اول مفتحت الباب باوعت ع السرير
رغم نفر واحد بس كان يكفيني الي ولأزاد
تمددت بالسرير وبجيت
دموعي نزلت واحس الوجع بروحي
صح الصار مو حرام ولا غلط
بس الصار غير نظرتي باللي احبه
صرت بصراع وي روحي
ازاد يحبني مايأذيني مايضربني
وميجرح احساسي
اقارن بأزاد اللي حطمني
بين الشخصيتين حرت
الكل كان ضايج من تصرفي وي ازاد
كان تصرفي تكبر ممزوج بخوف
اي جنت اخاف اوكع بحبه وكعت
هسه شحصلت
هذا مو سببه عنادي
الشي الصار بيه سببه مجهول
فتحت الفون شفت صورة ازاد مخليتهه خلفية الفون بقيت صافنه ع الفون واباوع
دخلت للبرامج قريت مراسلاتنه ودموعي تنزل
حضرته ماعدا الفيس
اني اصلا ممصادقته مايقبل يخاف لا اصدقائه يزحفولي
سديت الفون وبقيت صافنه شيصير لو ممأذيني ومخليني يمك
شيصير لو ماحابتك اصلا
تجرعت المر بسببك
اووف ازاد
راح تبقه حسره تكبر بداخلي

تمددت ونمت

جوه ايده واصرخ اتوسل واحاول يبتعد عني
الراشدي والضرب مااعرف منين يجيني
وجع يتخلل روحي
صرت مااكدر اقاومه نفذت قوتي
والتعب اخذ حصته مني
عيوني استسلمت للدموع
لحضه وصرت لا شيئ امامه
فقدت قوتي كدام جبروته
صرخت بصوت عالي كان مكتوم بداخلي
...

فتحت عيوني
واني ارجف لزمت ركبتي احس مخنوكه
نفس الحلم كل يوم
نفس المعاناة اعيشهه بكل ليله احس وجع بجسمي قوي ومعدتي شبت بيهه نار
ركضت للمغسله تقيأت كل الاكل الاكلته
كعدت بالكاع استنفذت قوتي
اباوع لأيدي اثار الضرب مشوهتهه
كمت امشي وانتجي ع الحايط ودموعي تنزل
بقيت اون ومحد يسمع ونيني غير بس الله
كعدت بزاوية الغرفه
دموعي تنزل
مثل المخبله صرت
اخاف من كلشي
اتخيل هواي اشياء
شكل ازاد بعده بذاكرتي مااكدر انساه
ذيج الليله الظلمه بعدهه تحفر بداخلي
يمكن لان احب ازاد مدااصدك شسوه بيه
كرفصت روحي واني اشهك
لمنو راح اشكي همي اذا اكثر انسان احبه جرحني
شلون راح اكمل حياتي واني الكسر يكبر بداخلي يووم بعد يووم
احس ازاد نار وتحرك بيه ماكو جزء بجسمي مايصرخ من وجعه ابجي واتوسل بطيفه
عوفني الله يخليك انساني
صرت اتخيله من شافني بالحمام وفتح ايده ورادني اركض لحضنه
غمضت عيونه لزمت راسي واشهك
لالا روح مااريدك رووح
يمكن لان احبه صرت اشوفه بكل مكان
حتى من اوكف كدام المرايه صرت اتخيله
غطيت روحي واني ارجف
اتخيله يمسد براسي
روح الله يخليك اني مو بحاجتك تعبت
احاجي الروح اريدهه تعوفه
اريد عقلي ينساه
واريد اطلعه من الكلب
بس توجعني روحي الهايمه
نمت وجروحي صاحيه ماقبلت تنام
وكلبي يفز كل شوي
شرقت الشمس وسمعت صوت العصافير
لحضه وحسيت روحي نايمه بحضنه
ويلعب بشعري عيوني بدت تصب الدمع
من حسيت هذا خيال
يمكن روحه تلاحكني
غسلت وجهي عيوني وارمه من البجي
وشكلي تعبان
بدلت واباوع لجسمي الاثار بدت تخف
بس شيفيد اذا جرح الكلب مايخف
نزلت جوه الكل كاعدين ع الاكل باوعتلي ماما ورجعت نصت راسهه
شفت الخوف بعيون الكل
لعد ليش مشفت الخوف بعيونك
جريت نفس بالكوه وكعدت يم خالتي جنان
خلت الاكل كدامي اكلت شوي بس ماالي نفس
اباوع لخالو يبتسملي بأمل
ابتسمت بوجهه دومك احسك تنقذني من وجعي
كعد ع التخم وصاحلي

جواد:جينار تعالي لحضن خالج

باوعت لماما عيونهه مدمعه كمت ورحت يم خالو كعدني ع رجله مثل الطفله وكعد يسولف ويايه

جواد:راح يفتتحون معرض مال رسم واعرفج تحبين هيج سوالف عود اخذج ويايه
جينار:اوك
جواد:وصدوك ذاك اليوم بالمول شفت ملابس تخبل هسه اخذج تشترين
جينار:شكرا خالو
جواد:صدوك مكلتيلي ع علي يكولون صاير ساقط
علي:ههههههه وابو نسوان هم
جواد:انجب انت مفلحت بشي المفروض تستحي كاعد يضحك بسيطه والله الا اعيد تربيتك
علي:يمعود كول غيرهه اني جاي خصوصي ع الحاتات
جواد:اكسر رجلك اذا تطلع باب البيت احجيلي جينار شنو رأيج نسوي برنامج كامل للطلعه
جينار:شلون يعني؟
جواد:امم يعني بما ان حتبقين هنا كل يوم نطلع لمكان
جينار:براحتك خالو

اعرف هيج يسوون يطلعوني عن جو الكابه بس مااكدر احساس بداخلي يمنعني
مر يومي واني اشوف نفس الحلم وافز بالليل صارخه وماما وخاالتي صارو يباتون يمي وحالتي تعبانه لااكل ولا شرب وحتى وجهي اصفر ومعدتي توجعني واتقيأ سمعت خالو يحجي وي امي وعص

بي

جواد:تعوفيهه تموت لعد لازم اخذهه لدكتوره نفسيه
ام جينار:بنيه مثل الورد افتر بيهه ع الاطباء النفسيين
جواد:لعد تضيع من ايدج دشوفيهه شلونهه كانت تجي البيت ينخبص بصراخهه وضحكهه هسه كعده ويانه متكعد
ام جينار:ماادري خويه ماادري شلون افاتحهه وشلون ترضه
جنان:عوفوهه عليه اني اقنعهه

رجعت لغرفتي ابجي واعاتب طيف ازاد
داتشوف شصاير بيه بسببك
صرت مخبله
حارو بيه كامو ميعرفون شيسوون
لك هيج هانت عليك جينار واذيتهه
هيج محيت حبهه بلحضة غباء
شسويتلك وصرت هيج وياي
لك ليش اذيتني ؟
دموعي تنزل واعاتب روحي احس ازاد بداخلهه ويدري ويسمعني
دخلت خاله جنان وبدت تحجي ويايه

جنان:جينه شبيج تبجين مو كافي دموع انترس نهر دجله والفرات من دموعج
جينار:ماكو شي
جنان:شوفي الكل يمر بالوجع والقهر والخيبات والشي الداتمرين بي اني ماره بي بعد خالتج
جينار:شلون يعني خاله
جنان:خاله الدنيا لعبت بيه طوبه وجهولتني وخلتني امشي منا واطلع مناك مااعرف وين روحي
جينار:شنو خاله شصار بيج
جنان:خاله قصه طويله وحياة صعبه تجرعت الضيم بيهه بس ساكته مريت بشي محد مر بي بس ياخاله الله ماينسه بشر
جينار:والنعم بالله
جنان:شوفي بنيتي ترا اني صح عمري 38 بس خاله البكدي بناتهه اصغر منج بكم سنه

وجرت حسره

جنان:اووف شلعبت بيه الايام بس هياتني كدامج مامتت عايشه والحمد الله الصار بينج وبين ازاد يصير بين اي مره ورجلهه واني اعرف بجرح كلبج واعرف ازاد اذاج واذا تحبي حقج يايمه تزعلين بس خاله ماالج حق تحرمين نفسج من الحياة شنو حال امج وهي تشوفج كوكب خاوي كدامهه راعي الله بيهم واسمعي كلامي راح ناخذج اني وخالج لدكتوره تشرف عليج تحسن اوضاعج تخليج احسن ولاترفضين احنه اعرف بمصلحتج
جينار:براحتج خاله
جنان:بس خليني اكول شغله
جينار:كولي
جنان:مرت عليه ايام اصعب من هذي الايام العايشتهه وتعديتهه
جينار:خاله انتي عندج ماضي
جنان:ماكو بشر ماعنده ماضي
جينار:شنو ماضيج
جنان:ماضي طويل وبي وجع عوفج مني التهي بروحج
جينار:بس اني اريد اعرف الماضي مالج
جنان:حتبقين يمنه وانشالله يجي يوم واحجيلج
جينار:اوك
جنان:يلا كومي بدلي حتى نروح

طلعت جبه وشال عادي باوعتلي خاله وخزرتني

جنان:شبيج عبالك ارمله البسي عدل يلا
جينار:اووف مابيه حيل
جنان:تعالي البسي هذا البنطرون يلا والقميص ويا وشال بي خير كافي متعبه نفسج ع شي ميسوه

لبست واني مالي نفس بالطلعه
كملت ونزلت
اخذتني خاله جنان وخالو للعياده
اباوع لشوارع بغداد اوووف شكد مشتاقه لأيامي السابقه
الازدحامات
روحه الكليه
وكعدتي من الصبح
عركتي وي مروج ع اللبس
كلهه اشياء رغم بساطتهه بس افتقدتهه
حسيت ع صوت خالتي

جنان:انزلي جينه وصلنه

نزلت واباوع عياده بيهه درج كصيف ونصعد فوك مكان واسع بي مقاعد واكو ناس كاعدين حجز خالو وبقيت كاعده واباوع لافتات
علاج الامراض النفسيه
ابتسمت بأستهزاء
هاهيه ازاد صرت بسببك اعالج امراض نفسيه
بقينه كاعدين فتره وصل السره الي كالت السكرتيره

:تدخل للدكتوره بوحدهه
جنان:ميخالف اني بس اوصفلهه حالته
:اوك تفضلو

اباوع بعض من المراجعين يباوعون بغرابه يمكن مستغربين وحده مثلي تصير مخبله
دخلنه للغرفه اباوع دكتوره ناعمه وبيضه عمرهه يمكن 28 سنه شافتنه وابتسمت

جنان:شلونج دكتورا
سرى:يامرحبا تفضلو

كعدت امامهه لبست نظارات طبيه وباوعتلي

سرى:ايي كوليلي يحلوه شنو اسمج
جينار:جينار
سرى:امم اسم حلو زين عمرج
جينار:25 سنه
سرى:انتي دارسه
جينار:متخرجه بس ممتعينه كلية هندسه
سرى:اممم حلوو زين انتي متزوجه

باوعتلهه بطرف عين

جينار:ترا اني مو مخبله
جنان:جينار اسكتي
سرى:خلص عوفيهه اي لعد شبيج
جينار:مابيه شي اريد روحي تستقر واكون لوحدي بس الروح يمكن ماالهه حق الراحه
سرى:امم منو مأذيج؟
جينار:حبيبي
سرى:ومنو حبيبج
جنان:زوجهه وعلاقتهم كانت حيل حلوه بس مااعرف شصار بي بيوم من الايام اذاهه وضربهه ووو
سرى:كملي
جينار:واغتصبني
سرى:اغتصبج!!!! ليش انتي مو مرته
جينار:بلي مرته بس تزوجته واني مجبوره وبعدهه حبيته وهو هم يحبني بس مااعرف شصار بي فجأة تغير
سرى:وهسه انتي من شنو تعانين
جينار:شوفي هو بصراوي ويصير ابن عمي واني تركت البصره بس لان مااريد اشوفه اجيت لبيت خالي احس طيفه يلاحكني
واحسه عايش بداخلي صرت اذكره واخاف
بعد مكان روحي صار مصدر خوف ورعب الي
سرى:اوك افهمج انتي بعدج تحبي اعتبرينه ماكو وبس انتي بوحدج وهذا سؤال انتي توجهي لروحج شنو حيكون جوابج

غمضت عيوني كوكبه من التخيلات اجتي لزمت راسي

جينار:مااادري ماادري
سرى:اوك اني اسمي سرى ولتعتبريني دكتورتج اعتبريني صديقتج راح انطيج علاج استمري عليه وكم يوم وتعالي راح اسوي وياج جلسات نكعد بوحدنه صدكي راح ترتاح نفسيتج اوك

هزيت راسي واني داخلي محطم كتبت العلاج وتفاهمت وي خاله واني بغير عالم كملنه وطلعنه اخذنه العلاج ورجعت للبيت بدلت وكعدنه نتعشى حسيت روحي خرابه مهجوره لكن قويت نفسي وخليت ثقه بروحي هذي الخرابه راح تتعمر عن قريب وتكون احسن
كعدت وطلعت قهري بالاكل طبعا ضعفانه وجهي اصفر وتلعب روحي من اباوع لنفسي
خالو جابلنه شاورما اني احبهه
نسيت نفسي واني اكل
شربت عصير واباوع الماما تبتسم
لعد شكد اني كاسره كلبهه
كملت اكلي وصعدت للغرفه رتبت الملابس بمكانهه بس فجأة حسيت بوجع بمعدتي انكلبت كلاب لعبت نفسي وركضت تقيأت
كعدت بالكاع اجتي ماما وخاله جنان

ام جينار:يمه اسم الله شبيج
جينار:لعبانه نفسي ماما
جنان:كومي اشربي شوي مي وحجيبلج عصير شوي ترتاحين

شربت مي وجابت خاله عصير شربت شوي حسيته صعد لراسي ولعبت نفسي ركضت للمغسله واتقيأ ماما
خافت هواي
لزمت ايدهه اطمنهه واني متحطمه
رادو ياخذوني للمستشفى بس مقبلت
نامت ماما هي وخاله بالكاع ونمت بنصهم بقت ماما تقرا ايات ع راسي
كرهت نفسي وضعفي
صرت اشوف مرأه من الداخل ظلام
ومن الخارج حطام
اني متحطمه وتعبانه لدرجة عضمى
نامت ماما وبقيت اسولف وي خاله

جنان:كل واحد تمر بي فترة وجع بس يمه تتعدا  ويصير احسن
جينار:خاله اني تعبانه حيل
جنان:مرت ايام صرت مثلج واتعس بس تجاوزتهه وخلص صارت ذكريات
جينار:سؤال انتي ليش هيج احسج غامضه وعندج ماضي طوييل
جنان:الدنيا خلتني هيج
جينار:زين احجيلي اريد اعرف
جنان:حبيت وجربت الحب ومريت بفترة مراهقه من كنت 13 حبيت واحد وهو هم حبني هواي
جينار:عمو سيف

اباوع لون وجهه تغير

جنان:اااا. كافي
جينار:عمو سيف الشخص الحبيتي مو

نصت راسهه وجاوبت بكل الم

جنان:ايي
جينار:كملي
جنان:هوه ابن عمتي اني مفكرت بي لو ماهو كانت نضراته تحسسني ان يحبني مرت فتره يروح ويجينه هوواي بحجة شغل يجي من البصره لبغداد وطوال مايجي يشوي ع راسي بصل يتحكم هواي بيه
مره اجوي هو واهله واني لبست تنوره قصيره وقميص وسويت شعري طلعت اسلم شفت عيونه حتتطلع من مكانهه صاحت امي الله يرحمهه كلتلي جيبي كرسي

من الممر طلعت اجيب وحصرني هناك

جنان:شترريد منيي
سيف:شمسويه بنفسج هااا شنو هذا اللبس متستحين انتي
جنان:اولا اني بعدني صغيره ثانيا عادي
سيف:ماكو عادي هسه تروحين تبدلين يلااا

خفت من  نبرته ورحت بدلت مرت ايام وهو زياراته كثرن تعلمت عليه كمت اضوج اذا ميجي ومن يجي يكلي مرتي واني احس كلبي يصير طبل
مرت ايام وانقطعت جياته سألت عنه ماكو
خابرته يحاجيني بس بثكل
شنو الصار بي مااعرف
اجتي امج زياره يمنه وكعدت تسولف

ام جينار:والله عمتي الشيخه خاتون شاعلته للبيت هذي الايام بس عراك ومشاكل هي وسيف
جنان:شكو عجب شصاير
ام جينار:الفهمته سيف يحب وحده ويريد يتزوجهه وخاتون ماتقبل تكله ازوجك بمزاجي مااجيب وحده انت تحبهه وتاخذك مني شلون تفكير تافهه

سمعت هذا الكلام وانصدمت يعني سيف بعده يحبني اجه لبغداد وسولفلي ان امه رافضتني لان يحبني هي عدهه راح ابوكه منهه بعد معانات وتنازلات خطبني سيف
جينار:خطبج!!!!
جنان:يي
جينار:وشصار
جنان:تعبت بعد خالتج باجر اكمل

محبيت اضغط عليهه خاصه شفتهه تعبانه وافقت نامت خاله وماما بقيت كاعده اباوع فراغ ياربي
تعبت من كولشي والدنيا مارحمتني
خابرت يقين وسولفتلي اخبارهه وفرحت من عرفت ان علاقتهه بأحمد صارت زينه حيل
سألتهه عن نرجس وعن الكل وكملت وسديت الخط ونمت
نرجس

هاي الفتره حسام صار مثل النجم بس بليل اشوفه ومن اشوفه صح اتذكر ايامنه بس لهفتي راحت تجاهه اباوع امي تعبانه حيل
شكلهه شاحب وعيونهه غائره
مااعرف شبيهه
اما بالكليه صرت مااحضر محاظرات محمد
واضوج حيل من يشوفني يبقه يباوع يريد ياكلني بنظره واني عايفته اصلا مو يمه
تعرفت ع صديقات وكعدنه نسولف

:اكلج نرجس شو هذا محمد الصاك يخلص المحاظره يباوع عليج شكوو
نرجس:سدي حلكج ماكو شي تجيك التهايم وانت نايم
:هههه دنشوف

صار هذا الموضوع يزعجني اكثر من مره طلبني لمكتبه واتحجج بالمحاضرات ومااروح لحد ماطكت روحي ولايمل من المحاولات رحت لمكتبه لكيته كالعاده كاعد والشخصيه مالته فد شي

نرجس:مرحبا دكتور
محمد:هلا
نرجس:كالو طالبني
محمد:صار كومه ومتجين
نرجس:اتوقع ماكو شي بيني وبينك
محمد:شبيج وياي انتي
نرجس:ياريت لو متنسى مكانتك انت دكتور واني طالبه
محمد:واني رايدج وكتلج مستعد ادز امي مره ثانيه تخطبج وتعتذر منكم
نرجس:واني مااريدك
محمد:اني سألت وطلع ابن عمج صدوك خاطب فشلت من روحي اسف والله واعتذر عن كل مابدر مني
نرجس:واني كلت مقبول اعتذارك بس خلص اني طلعت موضوع الزواج من راسي
محمد:اني مااظغط عليج لكن حاولي تفكرين براحتج
نرجس:محتاج مني بعد شي
محمد:لا شكرا بس فكري وهذا كرت بي رقمي وعنوان
بيتي اخاف تحتاج..

مخليته يكمل كلامه

نرجس:شكرا موبحاجته

طلعت وعفته اووف ياربي شلون بهذي الهوسه اريد واحد يساعدني خابرت جينار

نرجس:الوووو حب مشتاقتلج كومه وكوميات وهواي وهوايات
جينار:هلا جرجوسه اني هم مشتاقتلج شلونج
نرجس:الحمد الله وانتي
جينار:الحمد الله بخير
نرجس:جنيوره اريد مساعدتج
جينار:كولي
نرجس:محمد الحجيت عليه رجع طلبني بالكليه واني مااريده شسوي
جينار:اتجاهلي ميكدر يسوي شي
نرجس:مااعرف اني مخايفه بس ضايجه هواي دايضغط عليه تخيلي بنص المحاظره يسألني محتاجه شي ويخلي كل الطلاب يباوعون
جينار:شوفي المهم تتجاهلين معليج ميكدر يسوي شي
نرجس:اووك
جينار:شنو الاخبار
نرجس:ماكو شي عادي
جينار:سلميلي ع يقين ونور وخاله
نرجس:انشالله

جينار

خابرت نرجس وسلمت عليهه خطيه محمد ملاحكهه هو لو الكل يركض وراهه
لو عايفيهه
كعدت اكلب بالفون معدتي توجعني ولعبان نفس قوي
شكوو شبيه اباوع وجهي اصفر
نزلت جوه دايخه
شافتني ماما

ام جينار:جينار شبيج يمه

جينار:مااعرف دايخه ولعبانه نفسي

تغدينه وبقت تباوع عليه بقلق مااكلت شي مو جوعانه اجه خالو جابلي بقلاوه
اول مااكلت وحده
ركضت للمغسله واستفرغ
اباوع خاله وماما وحده تباوع ع الثانيه
وزوجة خالي مااعرف شهمست لماما
اجه خالو يمي طلعني برا للحديقه
جنت ابجي احس بكسر

جواد:جينه بعد خالج باوعيلي
جينار:ها خالو
جواد:اني اعرف ان انتي تعبانه بس
انتي ربيتي هنا واعرف اني شلون ربيتج ع القوه

نزلت دموعي ومسحتهه

جواد:كومي بدلي يلا بعد خالج ناخذج للدكتوره تفحصج تشوف معدتج وفحوصات
جينار:خالو مابيه شي
جواد:كافي جينار اني خالج داامرج

كمت ورحت للغرفه بدلت واباوع ماما احسهه تريد تسأل عن شي

جينار:اسألي ماما شكو
ام جينار:هااا اكلج يمه تحسين بتغير بجسمج
جينار:شنوو مفهمت؟
ام جينار:يعني شي غريب بجسمج
جنان:اوووو عبير اسكتي هسه نشوف الدكتوره شتكول والله كريم

بقيت صافنه ممفتهمه كلامهم لفيت شالي بملل
اباوع روحي عبالك ميته مطلعيهه من الكبر
وجهي قطرة مكياج مابي
اووف
كملت تبديل وبقيت كاعده
دايخه حيل وجسمي يوجعني
طلعنه وي خالو صعدت ماما وخاله ورا واني يم خالو هو طلب مني
بقيت صافنه الطريق كله
وكفنه يم العياده اباوع دكتوره نسائيه
شبيهم ذوله
نزلت بدون اي كلام حجزنه وبقينه كاعدين
خالو بقه برا وماما وخاله يسولفون واني بغير عالم
اني بعالم هادئ بي بس اني وجروحي
سمعت اسمي وكفت
دخلنه للدكتوره
طلبت مني تحاليل
باوعت ع ماما

جينار:تحاليل شنو هذي
ام جينار:هااا شافت وجهج اصفر كالت مال فقر دم

كالعاده كلام ماما مقنعني بس سكتت
سحبو مني دم ومن شفت الدم مااعرف شصار بيه فجأة جسمي اهتز
اني من البدايه اخاف من شكله
وصرت اخاف اكثر بسبب ازاد
اخ ازاد شوكت مااصفن اشوفك بنص صفنتي
تسرقني من روحي وتاخذني لعالمك
ياترى شلون عايش هسه
منو يكوي قميصك يرتب ملابسك يخليلك عطر
المن تحضن وتنام
داتنام الليل لو موجوع مثلي
حسيت ع روحي دموعي تنزل
مسحتهه وانتبهت خاله تباوعلي
سمعت اسمي

:جينار حسن علي

وكفت وماما راحت قبلي مااعرف شبيهه
لزمتني خاله

ام جينار:هااا شنو نتيجة التحليل
:الدكتوره تكول الكم

لزمت ماما التحليل وتباوعله احسهه تبرمج كولشي براسهه هي معلمة انكليزي يمكن تعرف بعض المفردات
دخلت للدكتوره وكعدت شافت التحليل

:صار شكد متزوجه
جينار:مصار هواي
:خابري زوجج خلي يفرح وياج
ام جينار:شنو يعني
:مبروك حامل
جينار:....
...
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331

بارت 48
بقلمـي
آلگآتبهہ‌‏ غدير آلحيدري
....

الصدمه
من تعيشهه وانت ماتعرف شنو اللي صار
تعرف ان اكو موضوع متحمله تفكيرك
وانصدمت
الصفنه اللي عايشتهه كانت صفنه طويله
وكفيله ان تخليني استوعب كلامهم
اباوع بالوجوه
امي تبجي وخالتي ماتعرف شتسوي
تضحك تبجي تنقهر
اني حاامل
يعني بداخلي اكو روح اكو نبض صغيرون
يعني راح اصير ام
فكره مكنت مستوعبتهه
زين الطفل اللي بطني وراح يكبر ويكبر
ويتغذا من روحي ابو ازااد!!!!
ليش مفرحانه اني اريد الطفل
اني وازاد تمنينه يكون عدنه اسد
ليش دموعي تنزل
معقوله فرح او قهر او حسره ع روحي
ع احساسي التايه
لو ع مشاعري المخربطه
الدكتوره بقت صافنه
واني دموعي تنزل مااعرف شبيه
يمكن لان ابن ازاد واني مااريده
باوعت ع الدكتوره مسحت دموعي

:ماما انتي حامل
جينار:وشنو يعني حامل انزله
:تنزلي شنو!!
جينار:اني مااريد طفل
جنان:دكتوره معليج بيهه هاي مصدومه اكتبي علاج وانشالله نراجعج كل شهر

ضبطتت خاله الموعد وي الدكتوره واني مصدومه ومنطقت ولا حرف كملنه واخذنه العلاج ورجعت للبيت الطريق كله ساكته
دخلنه للبيت كعدت بالصاله

جنان:انتي تخبلتي تردين تنزلي للطفل ولج شبيييييج؟ اصحي هذا روح جواج ولج شلون يجي من كلبج تموتين روح الله وهبهه الج
جينار:لان ابن ازاد مااريده لان راح اتعذب بسببه راح انزله لان مااريدهم يسمعون ويجبروني ارجعله اريد اطلك واعيش حياتي مااريد طفل مااريد زواج ولكم اريد حريتي

صاح بيه خالو جواد بصوت عالي ولاول مره بحياته يرزلني

جواد:متردين الطفل نزلي بس الله شتكوليله اذا سألج ليش قتلتي تكوليله لان ابن ازاد
شنو هذا التفكير الطفولي
وحده مثلج جبيره واعيه تحكم عقلهه
انتي المفروض تقوين نفسج تحاربين الدنيا كلهه بس حتى يعيش ابنج
ويسندج ويراعي كبرتج
صح هو ابن ازاد بس بنفس الوقت ابنج
انتي راح تربي انتي راح تغرزين بداخله كل الصفات الزينه
راح تخلينه يريدج ويحبج ويراعيج

نزلت دموعي وباوعت لخالو

جينار:واذا راد ابو وسأل عنه شأكله اكله ابوك موجود بس مااريده اكله اخاف منه وارجف من اشوفه
جواد:وجودج يمه راح يعوضه عن الدنيا كلهه
مراح يسأل عن ابو اذا شاف بيج اب وام واهل
جينار:واذا اخذو مني او جبروني ارجع لأزاد
جواد:اتوقع من ربيتج ربيت بنيه قويه واعيه وتفتهم تاخذ حقهه بيدهه واذا انتي مصممه ع شي محد ياخذه منج

نزلت دموعي ومسحتهه اخذت جنطتي وصعدت نزعت ملابسي ولبست دشداشه قصيره تمددت بالسرير لزمت بطني ودموعي تنزل
شكد تمنيت يكون الي طفل بس ماردت هيج
تمنيت اكول لأزاد اني حامل ويشيلني ويضحك ويفرح يسوي شي متوقعه عقلي
ماردت هيج يصير بيه
اخ ياازاد حتى وانت ماكو لازم اكو شي يذكرني بيك
بقيت اتلمس بطني
هسه شكبره النونو
ابتسمت ودموعي تنزل
زين شلون حتطلع تشبهني لو تشبه بابا
كمت اشهك
تشبه بابا موو
مسحت دموعي وترجع تنزل
وكعدت احجي وي ابني

جينار:ولك اعرف بعد عمرك يمكن اسبوع بس اعذرني ماانزلك اني احبك بس جنت ضايجه راح تبقه عايش وي ماما جنيوره المخبله

نزلت دموعي وكمت غسلت وجهي نزلت جوه
بقو يباوعون عليه بقلق

جينار:شبيكم شكوو
جنان:ماكو شي
جينار:وولللج مروووج شداتسوين اكل
مروج:سويت فطاير هسه طلعت من الفرن
جينار:تعالي جيبيلي مال نفرين الي ولأبني

بقو صافنين عليه باوعتلهم بملل

جينار:شكووووو؟
جنان:هههههه الله يثبت علينه العقل والدين
جينار:امين

جابتلي اكل وكعدت اكل وياهه انتبهت خالو طلع من الغرفه باوعلي بطرف عين
جواد:كومي مروج البقره متريد العجل اللي بطنهه شيلي العلف خليهه تموت من الجوع
جينار:صرت بقره موو ع عنادك دااكل ومال نفرين هم
جواد:ههههه موصاحيه والله

ضحكت ماما ولزمت فونهه جريته منهه

جينار:خير خير شكو سلامات
ام جينار:اكول لخالتج خطيه تفرح
جينار:اذا تكولين انهزم ومتلكولي اثر والله مااريد احد يدري
جنان:شلون بنيتي ميصير
جينار:لايصير ومحد ميتدخل
جنان:بس هذا هم ابنهم يمه
جينار:لالا هذا ابني وبسس مو ابنهم ومحد راح يعرف اني حامل مفهووم
جنان:اهوو بدينه بالخبال

شوي ودخل علي من الباب يصيح
علي:الف الصلات والسلام عليك ياحبيب اللللله محمد كلللللوش
جينار:خير خير شكو
علي:خال الولد هوسوله💃💃
وسمعونه احلا هلهوله💃
جنان:ولك مخبل شهرتنه
علي:صارت معجزه
جنان:شكو
علي:جينار حتصير ام ههههههه

بقيت صافنه اباوع ع علي يضحك اجه نام ع رجلي

علي:مبروك جينار
جينار:شكرا
علي:يعني هسه العار اللي ببطنج ابو ازاد

بقيت صافنه ع علي ابتسم وجر ايدي وباسهه

علي:كافي جنيور شبيج شوي اضحكي لتصيرين هيج

معوشه
جينار:انشالله
ام جينار:عليوي باجر نرجع للبصره
علي:اهووووو معليه
ام جينار:ابوك خابر يكول تعالو وبعد باجر المحكمه موعد طلاك نور

باوع بوجهي ورمش عيونه بملل

جينار:المفروض تفرح راح ترجع نور الك
علي:اششش لا اريدهه ولا اريد شوفتهه لو ماابويه يطلب مااطلكهه شعليه انعل ابوهه لابو حتى عشيرتهه
جينار:عليييي شبيك الداتغلط عليه عمك
علي:انعل ابو لعمو وين ماكو تافه صايرين براسي بيهم خير عمج حسين يخزر بيه وميحاجيني من يوم كعدة الديوان بله شنو اذا اريد احب بنته المفروض اكله تسمحلي احبهه شسوي اذا كلبي كلب ابن كلب وحب هيج زماله
جينار:انت متكدر تحجي اذا متغلط ولك كاافي اسكت
علي:وهذا ابنج لان ابن ازاد انعل ابو
جينار:اششش مامااا تعالي خلصيني منه منين مخلفه هيج خلفه
ام جينار:حظي المصخم كوم ابو النسوان خرب بحظك وساعتك السوده

وخر علي من يمي بقيت صافنه اجه خالو

جواد:جنيوراااا باجر نروح للدكتوره النفسيه
جينار:اهوووو كافي اطباء مااولي
جنان:والله شنسوي اذا انتي سياره خربانه
جواد:عود ابشركم باجر بليل يجي امين
سهير:يمه فدوه وليدي حشوفه

صعدت للغرفه بدلت وتمددت بفراشي اجتي خاله جنان تمددت يمي

جينار:خاله
جنان:هاا
جينار:كملي قصتج وي عمو سيف
جنان:عوفيني تعبانه
جينار:تردين انام واحلم واكوم ارجف دحجيلي فدوه
جنان:هففف ليوين وصلنه
جينار:خطبج عمو سيف
جنان:ايي

خطبني سيف وكنت اسعد انسانه وتمت الخطوبه واني اشوف نظرات الحقد بعين خاتون كانت متريدني زوجه لابنهه سيف كانت تريد منال اقاربهم من بعيد المهم فترة الخطوبه تعلقت حييل بسيف لدرجة كمت اشوفه اغلى انسان ع كلبي حبيته حب مو طبيعي رغم كنت صغيره وهو اكبر مني بس متصدكين حجم السعاده اللي عشتهه ويا
كانت الايام زاهيه الي
ادلع والبس واكشخ واتصرف بدلال
وعمج يموت عليه
كنت اني وسيف مضروبين بالمثل من كثر ماحبنه قوي
حتى اهل السلف يكولون عنه العاشكين

انصدمت واني اسمع كلام خالتي بقيت فاتحه حلكي
جينار:شنو شنوووو انتي علاقتج قويه بعمو سيف ليش هيج صار
جنان:اييي
جينار:لعد ليش اني ماادري شنو هذا الغموض
جنان:خليني اكمل

امج وخالتج نبهوني كالو خففي شوي دلع صيري عاقله وكافي اتصالات وسمعت كلامهم وطبقت كولشي بعد فتره اجه سيف لبغداد احجي ويا ضايج اتشاقه ميضحك
بقيت مصدومه شبي سيف
لحد هسه اتذكر ذاك الموقف كعدت بحضن سيف كالعاده لان جنت هوواي ادلل عليه

جنان:شبيك سيف شصاير

تذكرت خزرة عيونه ودفعته
دفعني بقوه وكعت بالكاع مااعرف شمسويه صيح وغلط عليه وضربني مع ان اني بعدني خطيبته مو زوجته طلع وعافني بعد ماجرحني بكلامه
سيف:من اليوم ماكو شي يربطني بيج اعتبري نفسج مطلكه

طلع وعافني واني ابجي اريد افهم شكو شصاير بس مفهمت بعد اسبوع لا خابر لا حجه
اندكت بابنا واجه خالج جواد

جواد:كومي جنان سيف اجه

تلهفت ومسحت دموعي رغم اذاني بس مشتاقتله فتحت الباب وفززني صوت جواد

جواد:وين وين؟

التفتت وعيوني كلهه لمعة حب والدموع تلالي بيهه

جواد:استري نفسج جايب الشيخ ويا حتى تتطلكون سيف خطب منال وبعد ميريدج واني بالكوه مستحمله لو ما ابوي اطلع اسحله بقيت مصدومه وصافنه هيج هنت عليه
واني صغيره والزمن يغدر بالضعيف دموعي تنزل وروحي انشعلت
الفرحه العشتهه كلهه طلعت من صدري ناار
وحركت الاخضر واليابس بروحي
بجيت لحد ماشبعت
لحد هسه اذكر كلي انتي طالق وعيوني بعيونه مافززته دموعي يمكن ماحس بشعوري
جنت اوهم نفسي واكول اني داتخيل
طلع ومن ذيج طلعته ماشفته كالو مسافر وبعدين رجع وصار عرسهم
بيوم زفته رحت يمكن اريد اشوفه شلون لازم ايدهه كدامي وتاركني
الكل انصدم من شافني وخاتون عمتي اخت ابويه كيفت وفرحت تريد تحرك كلبي
اجه سيف والدشداشه البيضه الغتره والعكال عباية الشيوخ السوده وسيرهه ذهبي
وبيهه لمعه من يم الاكتاف
ساعته السوده وبيهه سير ذهبي ولحيته وترتيبه
شافني وبقت عيونه عليه
مااعرف منين جتني الجرائه لدرجة تعاركت وي اهلي حتى احضر عرسه
وكفت بوسط الكل ودموعي تجري
جنت طفله وكسر كلبي
كسر كل احساس بداخلي
لزمهه وطلعو وعيونه عليه
جنت ادور الحنان بيهه بس ماكو
مر من يمي وعطر العود القديم الممزوج بالمسك هذا عطره كان لحد هسه اذكره
طلع ورااح وراح ولحد هسه اذكر تفاصيله
رجعت للبيت ابجي وحايره بدنياي امي متوفيه ماعندي حضنهه حتى اشكيلهه وتخفف همي والباقين ماكدرو يساعدوني
بجيت لحد ماشبعت
صعبه من تفكرين بحبيبج راح لغيرج
جنت اكول هسه لزمهه هسه باسهه ووووو
افكار خطرت بالي خلتني شبه المجنونه
جنت اعرف خاتون مسويه شي

واطلب من ربي الرحمه واطلب منه يكشف كولشي
وبعد اسبوع عرفت سيف متعارك ويا منال
مدخلت بشي بس مر شهر واني مخبله
كمت احاجي روحي صرت اشوفه بكل مكان
لحد مااجه يوم اجت خاتون تصيح وامج وخالتج يبجون

خاتون:اذا مسحبتي روحج من سيف ذوله خواتج يطلكون ويكعدون ع كلبكم طيرتي عقل الولد ولج اني خااااتون كلهه خضعتلي الا سيف هايم بيج شمسويتله يجنيه

جنت اسمع كلامهه ومااحجي شي بس صافنه طلعت وعبير ونيرمين يتعاركون لاول مره اشوفهم هيج مدري شبيهم مهتميت ودخلت للغرفه البليل دك التلفون مال بيتنه كان محطوط بغرفتي لان غرفتي الوحيده البيهه شباك يشرف ع الشارع اباوع ساعه 12 ترددت افتح او لا بس فتحت خفت لا صاير شي
اجه صوته بأذني ورديت لأيام العشك
والسهر والحب
والخوووف
سمعت صوته يرجف ومخنوك ويحجي بضعف

سيف:اريد اشوفج بس دقيقه وحده عفت البصره واجيت لعيونج والللله
جنان:شذكرك بيه
سيف:اوووف ياصوتج ولج نار بكلبي مو عشك يصغيرة يبت كلبي

بده يسمعني انواع الغزل بس الغريب بروحي
متأثرت!
وعيوني ماهلت دمع!!
وعرفت من ذاك العشك مابقت ذره بكلبي
رديتله وكلي وجع وتذكرت كل صفنتي
بغيبته واني اتحسر ودموعي مابطلت دمع

جنان:شنو اللي تريده
سيف:اشوفج
جنان:انت وين
سيف:يم محل قريب عليكم
جنان:اوك انتظرك جوه

نزلت مااريد ارجعله لا بس اريد افهم شصار وعافني
ابويه الحجي كان نايم وجواد طالع بغير منطقه عنده شغل ومحد ماكو فتحت الباب
شفته واكف
باوعتله تعبان موذيج الاناقه ولا ذاك الشكل
باوعتله برود دخل وسد الباب وجرني لحضنه
يمكن بذيج اللحضه راد يكسر ضلوعي
شهكت بقوه
ع مر علاقتي بي وحبنه مالمس ايدي الا انخطبنه تفاجأت من حضني
بقيت اوخر بي وهو مثل الطفل اللي مجلب بعباة امه يخاف لاتروح وتعوفه دخلنه للاستقبال دفعته بقوه بقه يباوع بعيوني
لزم وجهي بأيده
الغريب بالموضوع دموعي مانزلت
وهو عيونه كلهه دموع يمسح بيهه وترجع تنزل
جنان:شعندك جاي.. تشوفني روحك لو تشوفني خيانتك لو تكلي اني عايش بدونج وكذبت من كتلج بدونج مااعيش
سيف:جاي اشوفج تعبي بدونج جنتي اني اسف شكيت بيج وبشرفج بس همه زرعو هذا الشي براسي همه خلوني اشك بيج

بقيت صافنه عقدت حاجبي

جنان:عن شنو تحجي
سيف:اني فسخت الخطوبه وتركتج لان ساهر اخو منال حجه عنج ومنال شهدت والكل شهدو كالو ان انتي مصاحبه غيري ولج انعميت وبأخر فتره اتصل بيج بالكوه تردين تأكدت من شكي
جنان:شنوو يعني اني بنضرك خاينه وخنتك وتصدك بمنال وبغيرهه اعذرني ع وقاحتي بس انت مو رجال
سيف:جنان لتجاوزين كتلج مااعرف شصار بيه
جنان:هه خاف ساحريلك واني ماادري كافي سيف كافي اعذار الحمد الله ربي كشف كولشي وخلصني منك وهسه يلا برا
سيف:جنان اني مااريد منال راح اطلكهه وارجعلج اني ميت بدونج
جنان:تعرف شنو مشكلتك
سيف:شنو
جنان:انت مو كد كلمتك سوري لنفسي هووواي لان حبيت واحد مثلك
سيف:جنان اصحي
جنان:ماتت من تعيش راح ترجعلك وتقبل بوعودك الكاذبه

جريته وطلعته برا وسديت الباب
احسه ناقص رجوله
ماحارب الكل وكال اريدهه
ماثبت ولا وثق بيه
بقت دموعي تنزل
كان اخر كلام يجمعني بي من ذاك اليوم لحد هذا اليوم ممتكلمه ويا لكن توصلي رسايل منه دائما ع مر السنين لاهو نسه ولا اني نسيت
...
اسمع لكلام خالتي اباوع الدموع بعيونهه وتحجي
حسيتهه تعرف اشياء عن عمو حيل دقيقه
تتذكر سوالف قديمه

جينار:منين جاب رقمج
جنان:ماادري
جينار:محن كلبج ورديتي ع رسايله
جنان:لا جنت اشوف وبس اني مو قليلة قدر وقيمه ارخص نفسي اله هو ذلني صح بس بعد ماانذل
جينار:خاله انتي ممتزوجه لانج تحبين عمو سيف بعدج موو
جنان:لا مااحبه لان خاني
جينار:وليش اعتزلتي عن الزواج
جنان:لان كرهته للزواج وكرهت كل الزلم
جينار:والله خاله ماادري بس عمو سيف ليهسه يحبج تصدكين كل يوم عركه هو ومنال عمودج هي تكله نايم يمي وتفكيرك يم جنان
جنان:اوو راحت بعد هاهيه
جينار:اذا تقدم لخطوبتج عمو سيف مره ثانيه توافقين
جنان:لا
جينار:مااعرف
جنان:دكافي نامي يلا لتعبين روحج
جينار:اوك
جنان:جينار ليش متريدين تكولين لأزاد ع الطفل مو هو ابو الولد لييش
جينار:بعد مااطلك اكول هسه مااكلهم
جنان:وحتى لو تطلكتي وازاد من راح يعرف انتي حامل بأبنه يكلب الدنيا ويرجعج انتي متعرفين ازاد
جينار:اوووف ماارجعله ولا انطي ابني
جنان:تحملي لعد خبال ازاد
جينار:ميكدر يسوي شي
جنان:الاسد من يتعلق الامر بأشباله يتحول لوحش

بقيت صافنه خالتي نامت
نعسانه بس مااكدر انام
اصعب شي اواجهه ادور عنك بكل مكان
ادور ع ريحتك بفراشي
بس صعبه ماالكاك
لزمت بطني ونزلت دموعي
رغم ضايجه ومااريد احاجيك
بس مااعرف ليش فرحانه بأبنك
تمددت ونمت حسيت الصبح ع صوت امي وعلي جوه غسلت ونزلت شفتهم
متحضرين وعلي ضايج

جينار:شنو وين
ام جينار:حنرجع للبصره
جينار:اها وشبي علي
علي:شيصير بيه بعد هااا تتمعشك وياي وتروح لغيري وانجبر اني اطلكهه
جينار:يمعود صلي ع النبي ع كيفك
ام جينار:عوفي معليج بي يمه المهم نفسج داري اوضاعج وع كيفج وروحي للدكتوره الن

فسيه شوي حتى تصيرين احسن نريدج ترجعين لابو بيتج خوما تبقين مهزومه
جينار:اني صح دااعالج روحي بس مو حتى ارجع لأزاد اتوقع معروف موقفي من ازاد وهسه يلا مااريدج تكولين جينار حامل اوك اطلك بعدين اكول
ام جينار:اووف منج
ودعناهم وراحو كعدت اسولف وي خاله جنان وباجي سهير اباوع مروج صافنه وساكته جريتهه ودخلنه للغرفه

جينار:خير خير شكو
مروج:هاا ماكو شي
جينار:احجي شصاير اليوم مااعوفج
مروج:ههههه هيج شغله عاديه
جينار:هاااا وشنو هيه
مروج:ههه سمعت عمه عبير تحجي وي بابا تكله اريد مروج لأمير وبس ههه

بقيت صافنه خرب بالحظ هاي شمسويه امي
هسه شلون امير ميريدهه وهي مبين فرحانه
تغدينه ورحنه للدكتوره النفسيه
وكالعاده سوالف وكدرت تطلعني من كأبتي
رجعت للبيت
ودخلت جوه اباوع خالي وكاعد يمه ولد
طويل وضخم وملامحه رجوليه دققت زين وصرخت
جينار:امييييين بغيبتك وكعت بالطين

كام من مكانه واجه يمي باسني من راسي

امين:ههه هاا ولج مشتاقلج والله
جينار:اني هم اي دكلي شلونك
امين:الحمد الله
جينار:هههه دوم ... باجي سهييييير مبروك برجعة سبايدرمان
امين:هههه خرب شلون عليج سوالف

صعدت بدلت وهستوني داانزل اجاني اتصال من نرجس وفتحت

جينار:هلا نرجوسه
نرجس:هلا جنيوره شلونج اخبارج
جينار:الحمد الله وانتو شلونكم
نرجس:الحمد الله نور باجر تتطلك ويقين مخلصتهه طلعات هي واحمد اما اني افلام هنديه والمخرج باكستاني والمنتج نرويجي بس اصوله عربيه وجذوره تطلع ع عشيرتنه
جينار:ههههه خرب ولج احجيلي شكوو
نرجس:

جنت بالكليه كالعاده دوام وهوسه وملتهيه ادخل محاضره اطلع من الثانيه اكو شاب بشعبتنه دائما اشوفه يباوعلي بس ميحجي شي واني هم متجاهله
وكفت بالحديقه يم صديقاتي واجه ذاك الولد

:مرحبا
نرجس:ياهلا مراحب
:اني اسمي ايهم
نرجس:واني نرجس تشرفت بمعرفتك
:الي الشرف ممكن اخذ الملزمه مال محاظرة استاذ حسان
نرجس:اممم طبعا انتظر بس خلي اطلعهه
حسام:خير سلامات شكو شصاير شطلعين

رفعت راسي مصدومه شفت حسام واكف ويخزر بأيهم
نرجس:ااا..ايهم بعدين انطيك الملزمه
ايهم:ههه اوك بعدين اجي
حسام:هي هيييي اوكف وين مولي
نرجس:حسام شبيك
حسام:سدي حلكج انتيييي!

خزرني ولزم ايهم من ياخته

حسام:انت شلون تجي وتتجرأ تحجي وي بنت عميييي!
ايهم:خويه شبيك شكو بيهه محجيت شي طلبت ملزمه وبس
حسام:وشلوون تتجرأ تطلب ملزمه منهه هاااا شنو خلصو الشباب والبنات جاي عليهه

اباوع يباوعون فضحني حسام لزمت كتفه

نرجس:حسام عوووفه باوع انته كلامك وياي موو وي الولد عووفه
حسام:اعرف حسابي وياج بس مو هسه بعدين وانت تجيب شيوخكم وتجي الا اسويهه فصل
ايهم:هاي شنوو شكوو
نرجس:يبو يبو يبو فضحني ايهم معليك بي كذب ميسوي فصل

التفت عليه وخزرني

حسام:لازم الكدامج مو رجاااال

همست بصوت ناصي واني ارجف

نرجس:من يوم الدخلت بي كليه محد مباوعلي وانت هسه خليتني انفضح شوفهم شلون يباوعون راح تتشوه سمعتي بسببك

ترك ايهم وعدل ياخته

حسام:شوف ياحلو بعد ملزمه ماكووو اوك ونرجس متتقربلهه وهسه يلا الله وياك التفت عليه وخزرني

حسام:وانتي ست الحسن تفضلي كدامي
نرجس:وخر عندي محاضرات

لزمني من معصم ايدي بقوه راد يكسر عضامي وجرني

حسام:من اكول شي يتنفذ لان هذا امرررر مو طلب
نرجس:وخر كافي ساحلني مثل الطلي اني مو خادمه عندك تلعب بيه
حسام:سدي حلكج لا والخلقج هسه هنا اسوي بيج كارثه

جرني بالقوه وصعدني بالسياره صعد وقفل الابواب من يمه واني اصيح

نرجس:كاااافي شتريد انت يااخي عوفني بحالي
حسام:اني مو اخوج
نرجس:اي مو اخويه انت صخام انت بلوه غضب عذاب من الله اجه فوك راسي بس اريد اسأل الدنيا سؤال شنو ماعدهه غيري مسويتني طوبه وتشمر بيه
حسام:ممكن تنصين صوتج
نرجس:مراح انصي انت عملتك مو قليله يااخي عوفني ولك اعتقنييي انت مو خطبت خلي اعيش حياتي ترا هاي مو وضعيه محمد طردته وسويت البراسك ذاك اليوم واحد متقدم الخطبتي وطلعتلهم بي الف عيب وهسه مجرد صديق مخليت شي مسويته بي انت شنوووو؟
حسام:اني عزرائيل ياخذ روحج اخطب واتزوج واسافر واطلع وادخل عااادي المهم انتي كاعده كبالي وممتزوجه المهم محد يلمسج
نرجس:ولك شنو هالانانيه العندك انت شنو ليش تريد تكسر بختي حسام كافي اني منا مكسووره
حسام:اسكتي

باوعت ع الطريق مااعرف وين كمت اخاف

نرجس:حسام حسااام وين حسام دااخاف منك ولك كاافي شتريد مني وين مودينه بقه ساكت ويسوق بسرعه واني ارجف ربي اذا هسه نموت ننفضح يكولون شعنده وياهه واخاف شي وين يوديني وانفضح يبووو شحيصير بيه
ودانه يم قصر بنص المزرعه تذكرته هذا قصرنه الثاني صخام بوجهج نرجس اذا تشبعين صراخ محد يدري نزل وفتح الباب جرني ودفعته

حسام:انزلييي
نرجس:وخرر ماانزل وييين جايبني
حسام:راح تسدييين حلكج لو شلون كتلج انزلي
نرجس:ماانزل
حسام:مااشي انتظري متنزلين موو

جرني بقوه وكعت ولزمني واني ادفع بي واصيح

نرجس:وخر وخررر
حسام:ولج انتي شكد عرمه وكويييه

محسيت غير انرفعت من الكاع باوعت شايلني بقيت اضرب ع كتفه وهو ساكت

نرجس:نزلني نزللللنيي

دفر باب القصر ودخل وسدهه

نرجس:حسسسام كاافي

شمرني ع التخم واني ارجف

نرجس:شتريد منيي عوفني

تقرب يمي وخله ايده ع التخم وحصرني صرت جواه وارجف وعيوني متروسه دمع

حسام:يلااا احجي صرخيي شوو سكتي يلااا فتحي حلكج احجيييي

لزمني من فكي وقرب وجهه يمي
حسام:انتي لحساااام ملكه وبس مجرد تفكييير تفكييير بس ماالج حق تفكرين بغيري مالج حقققق

بديت ارجف كان يخزر بيه

حسام:ابقى احيطج من كل مكان شبح بحياتج ولج ابقه اتخيلج واجي عليج بكل يوم اكون كل شهكة وجع تشهكيهه انتزع روحج بهدوء وادخلهه بداخلي ولللللج انتي الييييي

صرخ بصوت عالي واني ارجف جر الشال من راسي وانفتح شعري لزمني من شعري وقرب وجهه مني

حسام:انتي لمنووو؟
نرجس:اني لنفسي (بصوت مرتجف)
حسام:انتي لحسااام تضيعين كدااامي انتي الييي جااوبي انتي لمنووو؟

بديت احسه تحول بشر ثاني واني دموعي تنزل صرت احسه لعنه بحياتي
نرجس:حساام انقذني منك اني تايهه والله تعبانه ودايخه ولك فهمني ليش حبك عذااب اليي ليييش ؟ ليش عفتني وبعدك تتحكم بيه انت هسه خاطب ولك راح تبدي حياة جديده اني شنو بالنسبه الك ليش عفتني وجرحت احساسي وليش هسه رااجع ولك حبك تعبني اريد ارتاح..

وصمت الكلام وتحول كلامنه سحر
يخترق كل الاحاسيس
عالم غريب مابي غير بس ثنين
اني وحسام ضعنه بهذا العالم
نسيت القهر
والزعل
والعتب واستسلمت لأحلامي
كانت بوسه وحده من حسام كفيله ان تخليني انسه كل الحزن
فتحت عيوني ودفعته
وخر ورفع شعره جر المفتاح واشرلي بدون ميباوع

حسام:انتظرج بالسياره

طلع وعافني هاهيه يانرجس الثوله حتبقين ثوله كل واحد يحركج ويدفرج بساحته شوكت تاخذين حريتج شوكت يبطلون يستغلوووج
رفعت شعري لبست الشال وكمت احس جسمي يرجف..
وجهي عبالك نار يمكن صخنت
غسلت وجهي بمي بارد وجريت الجنطه
عدلت ملابسي وطلعت
لكيته كاعد بالسياره
صعدت يمه واني ساكته
خله راسه ع الستيرن وبقه يباوعلي
واني ساكته مااحجي شي

حسام:اني احبج
نرجس:رجعني للبيت
حسام:كولشي اسوي لعيونج المهم انتي تكونين بخيير
نرجس:حسام كافي رجعني للبيت
حسام:اوك لتبجين مسح دموعي واني اباوعله
درت وجهي جر ايدي وباسهه شهكت اكثر
حرك السياره الطريق كله ابجي
وصلنه للبيت مسحت دموعي ونزلت
.....

جينار:هففف هذا شلون ويا حرام الله وكيلج اخوتي مخابيل
نرجس:جنيور اخوج حيموتني مداافهمه
جينار:اتجنبي والله كريم
نرجس:انشالله
جينار:اي شكو ماكو خاله شلونهه
نرجس:مريضه
جينار:سلامتهه شبيهه
نرجس:كل يوم تتعارك هي وازاد وهسه هي متحاجي وهو ...

مخليتهه تكمل
جينار:غيري الموضوع نرجس
نرجس:اوك
جينار:اي احجيلي امج شلونهه
نرجس:مداتتعارك هي وابويه وتعبانه حيل وكل يوم تروح للمستشفى فحوصات مدري شنوو
جينار:هااا
...
ختمت مكالمتي وي نرجس وصفنت منال اعراض المرض متفاقم عليهه وهذا حسام شدايصخم اووف ياربي
خابرني امير فتحت الخط ومااسمع غير صوت صياحه

امير:شنووووو ولج شلون تقبلين امي تخطب مروج الجكمه مااتزوجهه وعلي والله لو تموتوون

سديت الخط ورجع اتصل فتحت

امير:ولج محد يعرف شدايصير بيه محلووه ولج مو صاكه مثلي مااتزوجهه لو تنكلب الدنيا لو تنكلب انجلينا جولي

سديت الخط هم ورجع اتصل

امير:وي منو دااحجي اني هااا وي الحايط اكلهه مااريدهه تسد الخط الووو
جينار:كملت؟
امير:مااتزوجهه
جينار:دااكلك كملت
امير:اي اكلت تبن
جينار:انت وين شايف البنيه
امير:شايفهه قبل عشر سنين شعرهه اندومي وسمره وتلعب النفس
جينار:يعني مشايفهه هسه
امير:لا ولا اريد اشوفهه
جينار:البنيه فرحانه وماما طلبتهه وخالو يكلهه كبعي واخذي وانت تكول مااريدهه
امير:اي مااريدهه ومااتزوجهه
جينار:ولك متغيره صايره احسن واحلا
امير:كافي جينار خابري امج وكوليلهه خلي تحل المشكله مااريد مروج اييع اسمهه من كان جدو يركض بالشارع
جينار:اجيبهه منك من حسام من علي ولك محد بيكم ريحني النوب انت اخر العنقود تكمز فوك راسي
امير:ولي ولي
جينار:مااكلك احترم لان ادري بيك فلتان بس اكلك تعال لبغداد بحجة سياحه وشوفهه
امير:امم جينار انطيني رقمهه
جينار:شتسوي بي
امير:اتفاهم وياهه اشوف اسلوبهه شلونه
جينار:اخاف تسوي فاينه
امير:لالالا دزي رقمهه
جينار:اوك

سديت الخط ودزيت الرقم لأمير اعرفه ممقتنع بمروج هي صح موحلوه قبل بس هسه حليانه وصايره تخبل واني اشوفهه حيل مناسبه اله هو مشايفهه هسه لان اصلا ماعنده علاقه بالكل منعزل عنهم تماما مشكل لنفسه حياة خاصه وبارد لدرجه كبيره نوم واكل ودوام هذا مختصر حياته حتى بعيد عن الونسه والطلعات دزيت الرقم وكتبلي

امير:شكرا عيني

امير

اني الشخص الوحيد اللي منعزل عزله تامه عن الكل همي حياتي وبس وحتى مااتدخل بالباقين بمختصر بارد😐 مااحس بشي
بس هسه دااكتشف روحي عصبي بعد ماخطبت امي مروج الي
اني شايفهه بالصغر ابد موحلوه
وهسه تتغزل بصفاتهه كدامي واني ضايج حيل
وحاير
خابرت جينار منطتني حل
طبعا اني ماعندي علاقة حب
بس هم مااحب اتزوج هيج زواج تافه
اخذت رقمهه من جينار
وخابرتهه مرتين مفتحت
شهالثكل عيني مره ثالثه بنهاية الاتصال فتحت وسمعت صوتهه ناعم

مروج:الووو

والله صوتهه حلو بس ليغرك صوتهه امير الجكمات يتصنعون حجيت بحده

امير:انتي مروج موو؟
مروج:انت وين تعرفني
امير:لتبيعين مثاليات براسي وين تعرفني ومتعرفني بلي اعرفج شوفي ولج تنزلين ع خالو وتكوليله مااريد امير ومااتزوجه ارفضي من يمج احسن مااحول حياتج جحيم
مروج:لحضه مداافهم
امير:اسمعيهه مني لو تبقين اخر بنيه بالعالم مااتزوجج عاد انتي شلونهه خلقتج انتي اصلا بحلمج تتمنين تاخذين مثلي جكمه لارحتي ولا جيتي

سمعتهه بجت بس سكتت مردت شي
امير:ايي دلعي وابجي شكد اكرهج من انتي وصغيره جنج قرد مثل مااكتلج يلا ترفضين من يمج قبل لا العب بخلقتج جوله وهسه يلا ولييي

اني احجي وهي تبجي حتى مدافعت عن نفسهه سدت الخط وكعدت هسه خلصت منهه كبر اكيد هسه كرهتني وحتكول مااريده بس ليش بجت
بقيت صافن اني مو هيج طبعي
حتى لو محلوه اني ميصير ااذيهه بكلامي
بس احسن حتى ترفضني
لليل جنت اسبح طلعت من الحمام ع صوت الفون اباوع جينار فتحت

امير:هلا جينار
جينار:انت شمسوي ويه مروج اكيد داتبجي بسببك موو كول شحجيت وياهه
امير:شبيهه الصخله ليش تبجي وشكالت الكم بله
جينار:امير متريد البنيه مابيهه داعي داتأذيهه بكلامك لان عدهه احساس ومشاعر لتفكر بس بنفسك
امير:هسه هي شبيهه
جينار:داتبجي ومنعرف شبيهه اني ثوله من نطيتك رقمهه
امير:يعني شلون تبجي مكالت السبب
جينار:لا مكالت بس اني عرفت انت مسوي دكة ناقصه ليش هيج امير لعبت ب

مشاعر البنيه متريدهه فهمهه بهدوء اني متأكده انت مقلد ع شكله
امير:اووو بله ولي من وجهي

سديت الخط هاي شمسوي اني
واشتغلت المشاعر والحساسيه مال مروج مدري بروج هسه شلون
بعد ساعه واجاني صوت الصاعقه صعدت امي تصيح

ام جينار:فشلتني الله يفشلك شمسوي ولك
امير:خير خير صعدتي مثل الرشاشه تصلين صلي
ام جينار:خابرت جينار وحجتلي عن سوايتك ياخبل ربييي اني شمخلفه بس اريد افهم

كعدت بالكاع ودك ع رجلهه واني صافن
ام جينار:عليي شيب راسي وطيح حضي
وجينار سودنتني بسوالفهه عبالك معايشه بالعراق تصرفاتهه مال اجانب اي اي اني مخلفه اجانب واحد لزم السكر والبنات وحده تتبطر ع النعمه اغتصبنيي ولج هو زوجج شيغتصب منج تعال فهم الثولان ميفتهمون والنوب رجل الجليد البارد حضرة الشيخ امير ممقتنع بمروج ليش عيني شتريد مو اختاريتلك احلا البنات شوف الباجر اخذك من الصبح ونروح البغداد تشوف مروج وتستسمح منهه ونخطبهه الك ونحدد موعد عرس اني ماعندي واحد يكسر كلب بنيه

بقت تصيح واني صافن عليهه كملت هوستهه وطلعت مر هذا اليوم والصبح استسلمت وقبلت اروح لبغداد واشوف حجيه مروج الطريق كله امي كالبه خلقتهه وكل شوي تضرب ع ايدهه

ام جينار:سودتو وجهي الله يسود وجهكم اخاف البنيه كايله لجواد والله افشل

اني كاعد واباوعلهه بطرف عين وممهتم وصلنه لبغداد ورحنه للحريه نزلنه يم بيت خالو ودخلنه اباوع خالو يلعب رياضه بالحديقه وجينار يمه تضحك وباجي سهير تكرز حب واكو بنيه مشفتهه زين كانت تلعب بفونهه اول مشافتنه انهزمت سلمت ماما ع الكل واني هم اباوع جينار تريد تاكلني محجيت شي بقيت صافن عبالك محد يعرف بعملتي لان عادي يضحكون كعدت ماما تتفق ع الخطوبه واني طاكه روحي اريد اشوفهه لمروج ماكو تغدينه وكمت اغسل شفت وحده صعدت تركض حتى مشفت وجهه بس لابسه تراك رصاصي وسمعت باجي سهير صاحت

سهير:ولج يمه مروج اخاف توكعين لتركضين

مر النهار واني مشفت ست مروج بليل صعدت لغرفة جينار ملكيتهه بقيت انتظرهه شوي واندفعت الباب واباوع بنيه

مروج:جينار جيناار وينج

شافتني بقت صافنه وانصدمت باوعت مدااصدك اللي اشوفه شايله جمال فد شي بقيت ارمش بعيوني مثل المخبل عيون رصاصيه منعسه مثل لون التراك وبشره سمره انف صغيرون وشفه ممتلئه والشعر كاريه لون اسود
التفت بسرعه حتى تطلع وكفت اني

امير:لحضه لحضه
...
قناة للقصص العراقيه الواقعيه حصرا
بوت تواصل @DH_2018bot دَنـُـــوشٌ┊dиσσѕн ║
#حسام_العراقي @HD12bot
#معرف_القناة @Stories331

بارت 49
بقلمـي
آلگآتبهہ‌‏ غدير آلحيدري
....

امير:لحضه لحضه

بقت واكفه بمكانهه مديت ايدي ودورتهه عليه بقيت صافن بعيونهه وابلع ريك احس الصوت اختفه

امير:ااا.انتي مروج!

برطمت وهزت راسهه بمعنى اي اباوع الدموع تجمعت بعيونهه وزيدتهه جمال
امير:تعرفيني ؟

نصت راسهه بحزن

مروج:امير ابن عمه عبير
امير:اهاا اوك

رفعت راسهه نزلت دموعهه وخشمهه صار احمر اباوعلهه مثل الاطفال

امير:زين هسه انتي ليش تبجين اني اسف ع كولشي سويته وياج مكان قصدي اجرح مشاعرج
مروج:اني اسفه اذا سببتلك ازعاج بموافقتي ع الزواج منك بس اني مااعرف ان انت متريدني لو ادري مجبور مااوافق واني فكرت بكلامك وشفته صحيح اني مااتقارن بجمالك وهسه راح انزل اكول البابا مموافقه
امير:لالالالا

بقت صافنه بوجهي واني مااعرف شنو اسوي رفعت شعري وارتبكت
امير:اقصد لا احنه لازم نتفاهم
مروج:ع شنو نتفاهم
امير:هاي عيونج لو عدسات
مروج:هاي عيوني اني ماالبس عدسه

نصيت راسي حقج عمي عيونج عيون البزونه

امير:امممم انتي حلوه واني اسف ع كلامي وياج صراحه حجيت هيج وتورطت لاني مشايف شكلج هسه
مروج:ماكو داعي تبرر عادي لتهتم راح انزل واكول لبابا ان اني مااريدك
امير:شنو مترديني اني ابن عمتج عيب هذا الكلام اني اوله بيج من الغريب ..

شفتهه تباوعلي بأستغراب واني حكيت شعري صخمتهه للسالفه يبووو انثولت

مروج:انت مو متريدني بعد شكو اتصور ماكو داعي لكلامك
امير:ااا. صح بس كوليلي شتدرسين
مروج:مرحله اولى لغه فرنسيه
امير:اهاا حلوو بعد منتزوج ماكو كليه
مروج:انت شبيك مو تكول متريدني
امير:اي مااريدج
مروج:وشلون نتزوج اذا انت متريدني
امير:منو كال؟
مروج:انته هاي شكو ترا مداافهمك

حسيت ع نفسي شدااخربط اني شكد عيب

امير:الجو حار موو؟

شفتهه ضحكت ودارت وجهه النوب الضيم طلع عدهه غمازه بقيت صافن

امير:انتي عندج عادي هيج توكفين بدون شال

لزمت شعرهه وانصدمت
مروج:يبوو نسيت نفسي شكد عيب نصي راسك لتباوع
امير:شباوع شفت كلشي بعد ماكو داعي
مروج:عموما حنزل اكول لبابا ولتخاف هو يتفهمني
امير:اهوووو شلزكتي بهاي الكلمه منو كلج مااريدج خلص شفتج وطلعتي حلوه واريدج

بقت صافنه بوجهي اباوع عيونهه انترست دموع شبيهه هاي تقربت يمي وهمست

مروج:يعني لو مو حلوه تبقه تستهزء هه تريدني لجمالي مو ماهامك داخلي روحي احساسي همك بس الجمال طول بعرض بملامح رجوليه بس عقلك عقل طفل اني مااريدك بعد لو تشعل عشرة اصابيعك شمع

طلعت وعافتني شبيه انثولت حتى حجي مااعرف احجي طلعت من غرفة جينار وبقيت افتر نزلت جوه واسمع خالي يكول لماما
جواد:هو كلشي قسمة ونصيب والبنيه رافضه مدري شجاهه
ام جينار:عادي خويه ولا يهمك

لزمت راسي مصدوم لا ولك هاي سوتهه ورفضتني
ديلا قابل بس هيه حلوه
فرشتلنه بالاستقبال واني اباوعلهه من جوه ليجوه صاحبة جسم وطول ورشيقه
بقيت اتفحصهه متوقعت تطلع هيج صاكه
كملت فرش وكع فونهه بالكاع
دنكت تجيبه واني صافن ع شكلهه
لا ياامير هاي صدوك حلوه شالقصه
تذكرت شكلهه قبل وهسه معقوله كله مكياج
لالا محاطه
شنو قصتهه هاي
بقيت الليل كله امي وجينار نامو واني كاعد كلما اريد انام عيونهه تفززني
صار الصبح وشفتهه تحضر الريوك وتضحك وتتشاقه وي جينار وامي كاعده تسولف وي امين
كعدنه نتريك وهي مااكلت ويانه دخلت لغرفتهه شوي وطلعت مبدله للكليه اباوع اناقه مو طبيعيه والله يامروج لو اشوفج ثوبج اللي عبالك كونيه كان لطمتي
كملنه اكل وامي اصرت نرجع للبصره طلعنه شفتهه باوعتلي وصعدت لسيارة امين حتى يوصلهم اجت امي يمي

ام جينار:ها يالاغم ضيعتهه
امير:امشي ورانه طريق

صعدنه بالسياره ورجعنه للبصره وصلنه العصر ودخلت تعبان شفت علي وحسام كاعدين يتابعون كرة قدم واحد يغلط ع الثاني بدلت ونزلت يمهم واني اسمع حديثهم

علي:مو انت عار واني عار
حسام:للاسف احنه نماذج فاشله يااخي احنه فاشلين منحطين خلقا واخلاقا
امير:العار الثالث دخل للمجموعه
حسام:حسام يرحب بك
علي:راح اسمي مجموعتنه شلة المضروبين بوري
امير:ااااخ بوري معدل
حسام:لالا احنه الحياة دايره بخشمنه نفط خلي نسميهه الشله الخوه الوسخه
علي:اي والله مو بس الحياة والله النسوان دارو نفط البصره كله بخشمي
امير:ولك داد اني وحده مخلت نفط بابا كركر وجمبور وباي حسن وعين زاله كلهه غركتني بيهه ونضفت الكاع بيه
حسام:مخليت حقل مال نفط معددته
امير:من الهضم

اباوع مرت نور ودخلت للمطبخ وعلي ضرب ع رجله وصاح

علي:صرت من اشوفك اختنك
لك هذا انته عود العافيه
امير:صاير شاعر علي باشا
حسام:دعوفه بضيمه
امير:شكو
حسام:تخيل روحك بموقفه راح تشوف شيصير بحالك
علي

اجه موعد طلاق نور تحضرت بس جنت شبه اليمشي بجنازة حبيبه صح راح اطلكهه من سليم بمعنى حتصير حره بس مااعرف ليش مامرتاح ومن داخلي موفرحان
شفتهه متحضره وخاله يمهه وراح ويانه عمو حسين واحمد
وصلنه للمحكمه لبست بدلة المحاماة شفتهه تباوعلي اول مره تشوفني بيهه
دخلنه للقاعه وشافني سليم تخبل مني لان عرف اني حبيب نور هه
طلكتهه منه

واخذت الحكم لصالحنه
شفتهه حضنت خاله وبجت
تقربت يمي حسيتهه تريد تشكرني
ذبيت البدله وطلعت مااريد كلبي يرجع يدك الهه واني كارهه
طلعت برا تعبان ومقهور حيل حتى واهسي يم الشرب والنسوان رايح بقيت افتر كملت ورجعت للبيت ثاني يوم امير رجع من البصره وكنت كاعد اني وحسام واحد يغلط ع الثاني مااعرف شنستفاد من غلطنه بس يمكن اعتبرهه ترفيه شفت نور دخلت للمطبخ وتعمدت اعلي صوتي بالشعر لأني من صدوك قاصدهه
شوي ودخل ازاد يمشي بالكوه ولازمه احمد طبعا اني من سالفة جينار مااحاجي ازاد لااني ولا حسام بس امير عادي باوعت ع امير بمعنى اسأل

امير:خير شكو شبي ازاد
احمد:ظغطه شوي منخفظ هالايام مدااياكل زين

صاح ع خاله

احمد:يمممممه
ام ازاد:هاا احمد
احمد:سوي اكل لأزاد وزودي ملح منخفض ضغطه
ام ازاد:اووف الله كريم
ازاد:مااريد اكل احمد خليني اصعد انام
احمد:شبيك انت لو حابس روحك بالغرفه لو نوم لو دوام حتى لروحك هاملهه شبيك
بقه ساكت مجاوب احمد كعد ع الكنبه كدامنه لزم راسه وصفن نصيت صوت الكره اعرفه ينزعج من الهوسه شوي وجابت خاله الاكل بس هو صافن ومااكل
هواي تعب هاي الفتره خصوصا بعد مارجعت جينار لبغداد ضعف وحالته تعبت وكل يوم يتعارك وي خاله ومياكل تحول لشخص ثاني يكسر ويصيح وكأن روحه كانت متعلقه بجينار
وعرفت جينار كانت مروضه الوحش البداخله وهسه راحت وضهر كلشي رفعت راسي صارت عيوني بعيون ازاد نضراته انكسار نصيت راسي مااريد اسوي مشكله او هوسه كمت للغرفه
لليل طلعت من غرفتي حتى انزل اسمع احمد يحجي وي ازاد

احمد:شبيك انت شبييك بس فهمني شنو سالفتك موتت روحك عليهه وتاليتهه اذيتهه هسه شنو اللي تريده
ازاد:ولك متفهمني اريدهه الهه والله الليل مداانامه بدونهه ولك هاي روحي اني مااقصد شي من اذيتهه
احمد:ازاد فات الاوان ورجعت لبغداد خليهه ترتاح وحاول تتواصل وياهه بهدوء
ازاد:ولك حاضرتني من كل البرامج اكيد كارهتني بس اني اعرفهه تريدني بس تكابر احمد حموت بدونهه مخنوك ولك محد يحس بضعفي غير بس الله بكل مكان الهه ذكرى والهه وجود احسهه عايشه وياي صوت ضحكتهه بأذني اني افتقدتهه تعرف شنو افتقدت لوجودهه بقربي لحنانهه شنو انسه منهه وهي تارستني ذكريات
احمد:ليش اذيتهه اذا تحبهه

حل السكوت بينهم وسمعت احمد صاح

احمد:احبهه ومااقصد ومشتاقلهه ومن اسئلك ليش هيج سويت تسكت

نزلت وعفتهم صح ازاد اذى جينار بس الفراك يوجع وهو محتاجلهه لدرجة فراكهه مبين عليه
خابرت جينار
علي:هلا جينار شلونج
جينار:الحمد الله
علي:حبيب خالو شلونه
جينار:هههه ولك بعده عمره شهر
علي:جينار مكافي عاد
جينار:شكوو
علي:ارجعي للبصره اشتاقينالج وابو اسد تعبان بدونج

سكتت وبعد شوي انقطع الخط رديت اتصلت

جينار

جنت كاعده بالغرفه اجاني اتصال من علي فتحت خط وبدينه نسولف مااعرف من حجه عن ازاد اختنكت وكمت ابجي سديت الخط مااريده يحس بضعفي رجع اتصل وفتحته

جينار:احم الوو
علي:هاا وين وليتي
جينار:مااعرف انغلق الخط بكيفه
علي:ايي مكلتيلي مترجعين للبصره
جينار:لا
علي:ترا اعرف ازاد غلط وياج بس حاولي تتفهمين ليش هيج سوا جينار لو تشوفين شصاير بحاله والله تعبان
جينار:علي خليني ارتاح هاي الفتره والله كريم
هسه كلي شصار ع طلاك نور
علي:عادي رحنه للمحكمه وادافع عنهه وربحت الجلسه بس متعرف شكت اثر طعنات بصدري بسببهه
جينار:علي لاانت تكدر تنسه ولا اني وثنينه نكابر
علي:للأسف
جينار:اي والله
علي:اووف يلا عود اخابرج بعدين

سديت الخط ومااعرف ليش حنيت لأزاد
بس سرعان ما اختفى حنيني من تذكرت عملته وياي يمكن لأن احبه وجرحني شايله بخاطري هالكثر عليه
اكو انسان تشوف بعينه الدنيا لكن للاسف من يأذيك تحس الدنيا صارت ظلام وتبقى تايه متكدر تتعايش وي محيطك
توقعت الاذيه من الكل الا من ازاد
الشي المخلي عقلي يطير من راسي
ليييش؟ ليش هيج سوه بيه
وليش استعمل هذاوالاسلوب
انقطع تفكيري بصوت امين

امين:جيييناااار تعااالييييي ولللج تعااااليي جييينااار

طبعا هاي دائما هيج سوالفه لبست شالي ونزلت

جينار:ووجع شبيك تصيح شهرتنه
امين:جايبلج شغل بالباكيت
جينار:انت ميجي من وراك غير شلعان الكلب باكيتيش حياتيش
جواد:تعالي خالو خلي نفهمج

كعدت يمهم

جواد:انتي صح تحسنتي بس احسج بعدج خايفه او عندج تعب بداخلج وامين تعرفينه مهندس

اباوع لأمين كعد بهيبه ويعدل بياخته ويضحك

جينار:ههه ايي
جواد:هو رجع من السفر وقرر يفتح مشروع هنا مكتب وعنده صديقه هم حيساعده واني قررت ان انتي تساعديهم وتمارسين وضيفتج ع الاقل تشوفين عالم وترتاحين
جينار:والله مااعرف
امين:شوفي انتي شغلج حيبقه دائمي سواء بغداد او بالبصره اني وصديقي فتحنه 3 فروع واحد بغداد واحد بالبصره واحد بأربيل وانتي بكيفج بعد
جينار:زين وطبيعة العمل شنو
امين:مراح اتعبج كل العليج ترسمين خرائط وبس واني اكلج ع المشروع وانتي ع وفقه تحددين العمل وراتبج حيكون 400 ومع توسع العمل يكثر
جينار:اهااا موافقه من شوكت ابدي
امين:عادي الباجر
جينار:اوك عادي

كملت حديثي وي خالو وامين وطلعت ساعدتهم بالمطبخ عندي موعد يم الدكتوره اريد اشوف صحة البيبي
صار الليل وطلعت بالحديقه احس مخنوكه كعدت ع الكرسي اباوع للنجوم تذكرت موقف اني وازاد

جينار:احب النجوم دشوفهه شلون تلمع
ازاد:هههه لا اني مااحبهه لا النجوم ولا الكمر
جينار:ع كولة اهل البصره جا شمالك ماتحبهه
ازاد:ههههه شوفي هذا كمر للناس بس اني كمرتي تختلف
جينار:هاااا ومنو كمرتك
ازاد:هو اكو غيرج
جينار:ههههههه
...

اتذكر الموقف ابتسم وارد ابجي رن الفون انتبهت الاسم احمد مااعرف ليش تغير نبضي وصار كلبي يدك سريع فتحت خط
جينار:الو
احمد:ياهلا بجنيوره شلونج اخبارج
جينار:تمام انتو شلونكم
احمد:احنه الحمد الله
جينار:دوم انشالله ماما خاله عمامي شلونهم
احمد:كلهم بخير بس خالتج شوي تعبانه
جينار:سلامتهه شبيهه
احمد:من يوم الرجعتي البغداد وهي مخليه كل اللوم براسهه وصايره تتعارك وي الكل ع اتفه شغله
جينار:اهاا
احمد:ايي ماناويه ترجعين مو اشتاقينالج خصوصا ازا...

قطعت حديثه وغمضت عيوني

جينار:لتكمل عفيه
احمد:ولج شبيج
جينار:مابيه شي
سمعت احمد يحجي بصوت هامس

احمد:اشش اصبر ابقه كاعد شبيك
جينار:منو يمك
احمد:هاا لا محد
جينار:هااا كول لمحد خلي يصبر ويبقه كاعد
احمد:ههههه يبو شيطانه كوليلي شلونهه بغداد ممتونسه
جينار:عادي
احمد:اهاا مداتطلعين تطبين
جينار:كاعده بالبيت بس الباجر انشالله ابدي بعملي الجديد

تقصدت اكول هذا الكلام اعرف ازاد كاعد يمه

احمد:عمل شنو هذا
جينار:امين رجع من السفر وفتح مشروع للاعمار واني راح اساعده
احمد:اهاا بالعافيه لعد اول راتب الي
جينار:واحنه شنو عملنه
احمد:ههه انتي الخير والبركه
جينار:شكرا
احمد:ولج عندج فيس وممصادقتني ليش ليش مو اني خطيه
جينار:هههه عادي هسه ارسلك طلب
احمد:اوك بأنتظارج

نهيت مكالمتي وي احمد وفتحت فيس طلعت صفحته ونطيته طلب صداقه بقيت اكلب بمنشوراته شفت منشور مشترك مع ازاد
مااعرف ليش دخلت لصفحة ازاد وبديت اكلب ناشر صورته ويا ضباط اثنين والبنات بالتعاليق زاحفين زحف مو طبيعي تخبلت
بقيت اكلب بالصفحه اباوع صوره
وصفحته قويه اكلب بالصداقه كومه بس الحمد الله ماكو بنات
طلعت من صفحته اباوع ازاد نشر منشور وناطي اشاره لأحمد بقيت اباوع كاتب

وشما تغيب يبقى لايكلي انتظارك

بقيت اباوع ع المنشور اعرفه تقصد ينشره لان يعرف راح اشوفه طلعت من الفيس ودخلت للمطبخ فتحت الثلاجه اباوع ع الاكل احس البيبي يكلي اخذي هذا وجيبي ذاك واني بس اشيل بالاكل سويت تشكيله وصعدت الغرفتي شفت خاله جنان صافنه شبه المصدومه كعدت يمهه

جينار:خير خاله شكو

كان الموبايل بيدهه وترجف اخذته منهه وباوعت رساله من سيف مكتوب بيهه

سامحيني ع كل اخطائي
وسامحي منال لان بيهه سرطان
والعلاج الكيمياوي مداايفيد وياهه
واحتمال كم شهر وتموت
سيف
بقيت صافنه ع الرساله خاله متدري ان منال مريضه شفتهه تبجي مااعرف شنو الشعور اللي تحس بي بس اكيد مو فرح لان خالتي واعرفهه كلبهه طيب وتنقهر هواي
...
مرت ايام واني اداوم بالمكتب تعلمت ع العمل نفسيتي تحسنت صرت احسن اكو مهندسه ثانيه اسمهه نهى اتشاقه واضحك وياهه بيوم من الايام
طلعت من المكتب اني ونهى قررنه نروح للمول نشتري ملابس جنت امشي واسولف وياهه
وفجأة شفته
مثل الطيف واختفى
بقيت اباوع بكل الجوانب معقوله ازاد هناا
احس الكلب بده يدك بسرعه
اي شفته متأكده بس وينه
بقيت اباوع بكل مكان
ليش عيوني تدور عليك وينك؟

نهى:جينار امشي وين تباوعين
جينار:هاهاا شفته نهى
نهى:منوو!
جينار:هاا لا ماكو شي خلص امشي

جريتهه ومشينه واني لازمه كلبي يمكن اتخيله
دخلنه للمول وتسوكنه هواي شغلات الي واخذت كم شغله لنور وليقين ولنرجس ورجعت للبيت
دخلت اضحك ومكيفه بالملابس
شفت احمد كاعد بالصاله
باوعت عليه وكف

جينار:شلونك احمد
احمد:هلا بجينار شلونج
جينار:الحمد الله
احمد:والله اجيت اسلم ع الخال وعليكم وعندي كم شغله اسويهه
جينار:هلا بيك اني صاعده ابدل

صعدت للغرفه بدلت ونزلت جوه شفتهم يصبون الاكل اباوع المروج فونهه يرن وترفض شبيهه هاي كملنه وكعدنه نتغدا ونسولف
جواد:لعد ازاد شعجب مااجه وياك
احمد:والله خالي عنده شغله بالمنصور راح يسويهه

وكعت الخاشوكه من ايدي وبدت اعصابي ترجف يعني ازاد هنااا! يمكن اليوم اكيد شفته
يعني مو خيال

جواد:شبيج جينه
جينار:هااا مابيه شي راح اصبلكم جاي

وكمت من السفره ركض ع المغسله وبديت اتقيأ غسلت وجهي وصبيت جاي وديته يمهم صعدت لغرفتي ارتاح
للعصر صاح خالو

جواد:جينار تعالي بعد خالج احمد حيروح اخاف تردين توصلين شي ويا

غسلت واحس روحي تعبانه خليت الشال ع راسي ونزلت جوه اباوع كلهم باب البيت واسمع خالو يحجي

جواد:يا حقير صار كومه ماجاي يمكن تكبرت ع خالك سيادة النقيب

احس كلبي بده يرجف عرفت دايحجي وي ازاد
وكفت يم باب المطبخ خبيت روحي وبالكوه اجر النفس همست

جينار:احمد

سمعتهم سكتو يمكن سمعني اجه احمد

احمد:هاا جينار

نطيته الهدايا

جينار:العلبه الحمرا

النور هديه مال طلاكهه والتراك ليقين والستره لنرجس وسلملي ع ماما باوعتله ودمعت عيوني ابتسم

احمد:بعيوني يلا مع السلامه
جينار:الله وياكم

طلع احمد وصعدت لغرفتي وكفت يم الشباك واباوع طلع احمد وازاد ورا انتبهت لابس بنطرون وقميص اسود اباوعله من الشباك ودموعي تنزل وكف ازاد يم السياره والتفت سديت الستاره وضميت روحي خلف الحايط بقت دموعي تنزل يمكن حس بيه لزمت بطني وسمعت صوت سيارتهم راحو
صعدت خاله شافتني ابجي

جنان:خير يابعد خالتج
جينار:ماكو شي خاله
جنان:تعالي احاجيج

كعدت يمهه لزمت وجهي بأيدهه وباوعت بعيوني

جنان:تحبي؟
نزلت دموعي وحضنتهه باستني براسي

جنان:يمه بيناتكم طفل لا تدمرين حياتج وحياته المره مهما تكبر تبقه مره وبحاجة الرجال وازاد احتمال غلط بس انتي تذكري ايام حبه الج لا تحاسبي ع غلطه وحده
جينار:فوك ماهو غلطان اروح اني عليه هو اصلا موضح ولا كال ليش هيج سوى
جنان:الايام كفيله ان تشفي الجروح وتطيب النفوس يلا ارتاحي

طلعت خاله وتمددت بالسرير دخلت مروج وبيديهه فونهه يرن شمرت الفون يمي

جينار:شكو
مروج:خلصيني منه لخاطر الله

اباوع رقم امير فتحت خط
امير:شبيج اتصل متردين
جينار:رديت شتريد
امير:هااا جينار هاي انتي
جينار:لا خيالهه
امير:انطي الفون المروج
جينار:البنيه ماتريد تحاجيك شتريد منهه
امير:موبكيفهه اذا كاعده يمج كوليلهه امير يبقه وراج وراج لحد ماياخذج اله
جينار:وهاي من شوكت بله
امير:من هسه
جينار:امشي ولي بعدين نتفاهم وبعد لتدك

سديت الخط ونطيت الفون المروج ورجعت نمت
...
مرت شهرين واني عايشه حياتي بيت خالو صار ع حملي 4 اشهر سمنت وتعدل جسمي اباوع لروحي صرت احلا وجسمي مرتب
بطني حلوه صارت كل يوم اوكف كدام المرايه اشوف نفسي اخبل
نفسيتي تحسنت صرت احسن واليوم كاعده اكل ليمون ودخلت خالتي

جنان:هاا جينار مخلصتهه ليمون واكل
جينار:شسوي لعد
جنان:مشتاقيتي لأزاد عجيبه انتي
جينار:اذا اكلج متصدكين
جنان:كولي
جينار:ميته بدونه بس خاله اني تعبت اريد ارتاح وازاد لابرر ولا فكر يسوي شي
جنان:كل يوم يخابر ويسأل عنج بس صارله يومين ممتصل المهم انتي ميبسه راسج
جينار:الله كريم

كاعده اسولف وي خالتي ورن فوني اباوع نور
فتحت

جينار:هاا ولج شلونج
نور:هلا جينار

صوتهه غريب وعبالك باجيه
جينار:نور شبيج؟؟

بجت واني تخبلت

جينار:ولج شبيج شكووو
نور:علييي
جينار:يمه اخويه شبييي
نور:تهجم سليم لبيتنه وضرب طلقه وطاحت ع علي جينار صار يومين علي بالمستشفى

اهنا انصدمت واعصابي رخت وكع الفون من ايدي وصرت احس بوجع قوي بطني دموعي نزلت واني بحالة صدمه لا ياربي كولشي ولا علي خالتي اخذت الفون مني واني بغير عالم
اني بعالم الصدمه
علي اخويه معقوله
صرخت بصوت عالي بقيت مثل المخبله مااعرف شدايصير بيه اني هنا وعلي نايم بالمستشفى كون انكلب طير واروح هناك شوي وصعدو الكل ع صوت صياحي وخالي انخبص يخابرهم ومروج تسكت بيه واني مثل المخبله

جواد:جينار خالو خابرتهم وكالو بعده بالمستشفى وحالته مستقره الباجر اخذكم من الصبح للبصره اهدي بعد خالج
جينار:خالو عليك الله لخو بي شي
جواد:ولج خالو لو بي شي لا سامح الله اكذب عليج
جينار:هسه وديني
امين:ولج جينه اثكلي دنيا ليل استري علينه تودينه لجنوب العراق بعدين ديري بالج ع الطفل اخاف يصيرله شي وازاد يطلعنه تهريب من العراق

ضحكت ع كلامه ومسحت دموعي مر الليل كله واني نوبه اخابر امير نوب حسام وامي لحد ماصار الصبح اني شابعه خوف بدلنه وطلعنه الفجر للبصره الطريق كله خايفه وادعي الله يكون علي بخير نمت من تعبي حسيت ع صوت خالي يحجي

جواد:احنه وصلنه انتو وين .. هااا يعني طلعتو علي من المستشفى.. يلا احنه بالطريق
جينار:وصلنه؟
امين:نياله لجدي صايره مثل جدو رسول خلصتي الطريق نايمه عمه جنان صحي الجدو شوفي مدري ميت مدري عايش

كعد جدو وضرب امين بالعصا ع كتفه

رسول:كاعد يالماتستحي
امين:اخ اخ
رسول:تربات الاجانب
امين:هههه

وصلنه للمزرعه وانفتحت الابواب اباوع ع القصر يمه ردتلي روحي تذكرت اخر مره طلعت منه نزلو كلهم بس اني بقيت
جمدت من شفت ازاد من بعيد واكف
وسلم ع الكل
يمه حموت كمت ارجف
شفته يحجي وي خاله جنان وباوع ع السياره يبووو جينار شبيج تقوي يلا
فتحت باب السياره ونزلت
طبعا لابسه قميص عريض حتى لا تبين بطني
مشيت واباوعله من بعيد واكف وعيونه عليه
كان واكف ولابس زي العسكري
النجمات محليه كتفه
اتجهت للقصر وهو واكف
نزعت نظارتي وصرت قريبه عليه
رفعت عيوني وصارت بعيونه
نظراته كلهه لهفه وشوك
كلهه حب وحنين الي
عيونه كانت تلمع وتارسهه الدمع
ضعفان وشعره مخربط بملل
لكن بعدني احسه ع اناقته
وكفت وعيوني منزلت عن عيونه
حسيت بنظراته يعتذر
يسولفلي ع دمار الشوك
ع نار الفراك
يسولفلي عن وجع الروح من تحتاج لمحبوبهه وما تلكاه