#اهات_من_محطات_حياتي

#بارت...30والاخير

#حنين_حاتم

جان اشوف نوار واكف يم السيارة رأسا رفعت البركع
وجهة جان يخوف جوة عيونة كلة سواد علة زراك وشفتة بيضة ووجهة شاحب حييل عبالك شخص مريض
شنو حسيت وقتهة مااعرف اوصف
ولا بعمري كدرت افرزن هاي المشاعر
كل الي اكدر اكولة احساسي جان مثل احساس الشخص من الي يفقد اهلة كلهم بيوم واحد
ويبقة شبه عايش لا هوة الميت وخلصان من الحزن والشوك ولا هوة العايش عيشة طبيعية

ضليت مدنكة مالي عين ارفعهة واباوع بوجهة
نزل لبركع على وجهي حييل
ندار على خالتي وكللهة غير تسترين وجهة متشوفينهة شلون مكشفة

باوع علية ونزلت دموعة واني دموعي ماوكفن جان يكلي
اسف بعد مومن حقي احاسبج
راح تخلصين من مضايقياني وتكومين تلبسين براحتج عذريني اذا جنت مأذيج بس يشهد علية ابو فاضل من خوفي وحرصي عليج
تالي تعبي راح لمصلح
اووووووف ياعشك الزغر
سلوى هايم بيج والله هايم
روحي ومحوللة وموهوبة وربي يسعدج ويهنيج وانشاء الله يطلع ابن حلال ويصونج
انسيني عليج امير المؤمنين حتة تكدرين تتعايشين ويا
واني عذريني مااكدر انساج تدرين بية حالف
حبيبي طمأني والله ماجيب سيرتج بيوم ولا اكول جنت اعرفهة قبل
وكل صورج مسحتهن

سلوى اليوم ارنبج كلش مريض عفتة شبه ميت

دنكت وكامت تبجي حييل وخالتهة تكلي كافي عوفعة كافي عليهة الي بلبيت

لزمت جتفهة وادية يرجفن
سلوتي ادري بيج خايفة من عدة واني هم والله ميت خوف عليج ومادخل بزردومي غير الماي وليلي مانامة

ضليت مدنكة وابجي
تقرب يمي حييل
جان يهمس بصوت مسموع

عليج الابيض يلوك
وعلة شفافج الحمرة توزع الوان
اليوم غيري يسولف وياج
واني وية الحزن والدمعة صحبان
الله وياج تتهنين ياريت
واشوفنج سعيدة واحلة عرسان
بس خايف عليج بيوم تنسين ويسألونج علية شجان ماجان
كلش خايف تكولين لا والله نسيت وناسية فلان

كالهة و ندار بسرعة ومشة
ضليت جامدة بمكاني وعيوني تراقب خطواتة وهوة يبتعد عني وللأبد

تمنيت وكتهة يصير بينة حادث واخلص
تمنيت مصلح النذل يموت وهوة بلطريق
تمنيت الله يلتفتلي وينزع هلروح مني وينهي عذابي
تمنيت وتمنيت
بس كلشي ماصار
وصلنة للبيت لا ضل مكياج علة وجهي لا ضلت تسريحة لكل تحجي
كافي لتبجين
خرب مكياجج
على شنو رايحة للصالون لعد

بس ماجنت اسمع كلشي
جنت كاعدة بسينما وتنعرض كدام عيني كل ذكرياتنة بحلوهة ومرهة
نوار يانور عيني الله لايوفقهم وانشاء الله تطلع حوبة كلوبنة بيهم

رنى:طبت سلوى للبيت ماجان اكو احد بس بيبيتي وامي وخالتي وبابا وسرمد طالعين راح يتلكون الزفة لان شايلين سلاح كوومة والصيطرة موكفتهم

ماجان اكو اي بوادر عرس بابا كال عزمو بس اني وكفت بوجهة وكتلة علة شنو تعزم علة موت سلوى عوفهة خل تشبع بجي براحتهة اننتة تريد تجيب لناس تشمتهة بينة

جنت لابسة دشداشة وعيوني راحن من البجي وبيبي وامي كلما يحجن اعيط بيهن كلبت البيت علة روسهن ودعيت عليهم دعاوي اشكال
وكدامهم جنت احجي
جنت مفرفحة علة نوار وسلوى
قصة حب ولا بلاحلام وتنتهي هيج نهاية حتة الله مايرضاهى
يمكن لو اي واحد غير نوار ماجان نقهرت هيج
بس نوار يختلف
رجال بكل مااكو بهاي الكلمة من معاني
شهم وسبع واخو خيتة
خلوق ويخاف ربة ولة لو واحد غيرة جان خطفهة وكسر خشومهم بس هوة رزن وعاقل ندعيتلة من كل كلبي الله يدزلة بت الحلال الي تسعدة وتنسي سلوى

كعدت سلوى وكابلتهة بلدشداشة ابجي
واي واحد يحجي لو يكللهة بطلي بجي جنت اطلع كل حركتي بي

الله اكبر علة روسكم حتة البجي حرام
ولكم ذبحتوهة وتكلولهة لاتبجين

ولج رنوة ام لسان عش ماتكضبين لسانج

سكتي بيبي سكتي
انتي لجبيرة العاقلة المتدينة بركة البيت ماعرغتي تدخلين تحجيلج كلمة حق تحاجين ابنج تكليلة حرام هاي عقوبتهة النار تحاجين ذاك العار الصكط مصلح تكليلة خلي عدك ذرة كرامة وعوفهة لو بس حاضرة تكليلهة لا تبجين
الله لايوفقكم انشاء الله

خابرنة بابا كال حضرو الضيافة شغلة نص ساعة ونوصل

صاحتني سلوى كلتلي اريد اطب لغرفة ماما البس ستريج خاف يطلعن رجلية من يشيلون بدلتي

كتلهة يلله كومي طببتهة للغرفة جان تكلي طلعي اني ابدل واصيحج

ولج شنو تستحين مني عوبة اني البسج كعدي علجرباية

طلعي رنى داكلح طلعي اني البس

طلعت طلعت بس لتصيحين

طلعت برة سمعت صوت المفتاح تقفل بلباب

تقريب ربع ساعة وجان نسمع صوت

نوار: عفتهة ورجعت موجووووع حيل
مرت علية لحضات جنت انازع الموت بيهن
قسما بلله بهلحضات جنت اطلب الهوة من الله طلبة احس لهوة موراضي يدخل زردومي
لحضات اصعب من كل لحضات عمري
متاني الزفة تجي وتاخذ حبيبيتي
ووراهة مادري شنو ممكن يصير جنت اتأمل من تروح زفتهة اموت
دعيت هواي الله ينهي عذابي وياخذ امانتة
جنت كاعد بغرفتي وراسي بين رجلية ولدموع خطن علة وجناتي اثر

دك تلفوني مدري ليش بهلضحة لزمتة مع انو طول هلمدة الفاتت يدك يدك وماجنت ارد

ولا حتة اشوف منو المتصل

وية مالزمتة صديت علة ارنب سلوى جنت خالة يمي بقفص لان مريض
فجأة سكت وسلمهة عرفتة مات
باوعت رقم غريب
كلت الو واجاني صوتهة مثل التيزاب وندار علة كلبي جانت تشهك وبصعوبة يطلع صوتهة
هنا اني نتهيت ردت صوتي يعيني حتة اكول الالو ماكو

نوار اني احبك

كالتهة ونسد التلفون
بعدني لازم التلفون بيدي و كاعد سمعت صوت طلقة ثارت وصوتهة جان قريب علينة
احس كلبي نخمش طلعت وكل ضني اجت زفتهة مشيت من بيتنة حافي اجر خطوات متعوبة احس حتة رجلية معانداتني طبيت لفرعهة ومابقة بية كل حيل خطواتي جانت رتيبة كلش وبطيئة مثل الالي جنت امشي وكفت بباب فرعهم جنت اسمع صوت صياح دقايق وطلع ابو فيان شايل سلوى بيدة جانت بدلتهة لونهة احمر من منطقة بطنهة
وكفت الدنية عدي احس جن واحد شالني للسمة وهبدني بلكاع

رنى: شوية وسمعنة صوت طلقة رجت لمكان رج
حاولت ادفع لباب جان مقغول وامي اغمة عليهة وبيبيتي وخالتي يصرخن
ركضت بدون حجاب وبدون نعال دكيت لباب علة بيت فيان طلعلي ابوهم مادري شنو حجيت وكتهة
جبتة وطببتة دفع لباب كسرة وطبينة لكينة سلوى بلكاع وبصفهة تلفون ماما الي من لصبح ندور علي ولمسدس مال بابا بصف ايدهة ومنطقة بطنهة كلهة دم
اني شفتهة وكمت اصرخ كل قوتي شالهة ابو فيان واني طلعت ورا بدون وعي شكيت ثوبي وملخت شعري

ركضت اخذتهة من ايدة وهوة راح جاب سيارتة صعدت ليورة ومنومهة بحضني ورنى صعدت كدام وصراخهة جان مرعب

وعلي وفيان ورانة بتكسي

سلوى بحضني واني ابوس بديهة واعاتب بيهة ليش حبيبي هيج سويتي بروحج موتدرين روحي معلكة بيج
كتلج كوني بخير لخاطري عيشي حتة اني اكدر اعيش
وصلنة للمستشفى وسلوى جانت فاقدة
نزلناهة علسدية ونركض بيهة لدكتور بلة ميشوفهة كللنة كبل للعمليات
ندفع بيهة واني طول الطريق لازم ايدهة واكللهة سلوى عيشي لخاطري سلوى لاتموتين ابوس ايدج
وصلنة لطابق لعمليات بعدنة بلممر اجة دكتور يركض قاس نبضهة وباوعلنة بنضرة يأس
رفع ايدهة وكال فقدناهة البقاء في حياتكم

تهسترت نتهيت كمت اصرخ بدون وعي
ليش يسلوة روحي ليش يبت كلبي ولج ليييييييييييييييش

اخر شي شفتة رجلين فيان
حسيت راسي نلطح علكاشي مال المستشفى ووراهة ماحسيت علة شي

فتحت عيوني بصعوبة
اني نايم علة سدية بلمستشفى اشوف بس موواضح
امي وفيان وعلي وخالي محمد وخالتي رضية كلهم جانو يمي من شافوني صحيت
كامولي يبوسون بدية وراسي وامي تبجي وعلي وفيان عيونهم حمر
باوعت علة علي كتلة يعني صدك اني ماجنت احلم
دنك راسة يبجي وجسمة كلة يختض
شمرت لجرجف وكمت علة حيلي
يعني راحت يعني دفنوووووهة
يعني دفنو سلوتي
دفنو بنيتي الي ربيتهة علة ايدي
باوعت علة علي يبجي وبهز راسة بيأس كلتة علي كوم وديني لكبرهة وامي تخبلت تتوسل بية تكلي اكعد يمة صير زين وروحلهة
لزمهة خالي محمد واشر لعلي كلة اخذة
اخذوني هوة وفيان
نزلت من لسيارة ورحت للكبر كوة امشي
وصلت يمة جان عبارة عن كومة تراب
ولج سلوى ولج سلوى ليييييييييييييييييييييش
ولج حبيبي ليش هيج سويتي بية وبروحج
ولج كتلج تزوجي وعيشي ونسينيييييييييييي
كتلج باريج الذمة من كلب ولسااااااااااااااان
كتلج خلفي وسمي علة اسمي ولج لييييييييش كتلتيني ولج ليش
ولج سلوى ردي ردي
رديلي ابوس ايدج سلوى رديييييييييييييييي
ولج فلوس نيشانج ذنيج وينهن ضامة ولج ليش يبعد عيون نوار
كومي كومي وياي خل نتزوج علة عنادهم
ولج اني صوجي
صوجي ماخذتج ونهزمتتتتتتتتت
اني نذل وحقير اني ضحيت بيج وخليتج ترحين من ادية
بس والله جنت خايف عليج وعلة سمعتج

هسة شنو
هسة شنو راح تنامين هنااااااااااااا
ولج كومي كوميييييي الكبر مو الج
انتي عروسة انتي مولابسة بدلتج كومي خل نشرد سلوى كوووووووووووومي
ولج الله مشتاقلج واللللللللللللللله
ولج ليلي مانامة والله من حددو عرسج لليوم ليلي مانامة
ولج سلوى حاجيني ولج كومي ام ضحكة الحلوة كوووووووووووووووومي

علي: جان يبجي ويصرخ بطريقة مفجعة
واني وفيان كاعدين يمة نبجي علة بجية اصلا صحتة ماجانت تمام ولدكتور كال ضغطة كللش هابط وهلشي ابد موزين علي بعمرة
تقربت يمة حضنتة حسيتة مات بين ادية

كافي نوار كافي جاي تأذيهة هيج
غربت الدنية كوم خلي نروح

هد روحة مني وتمدد بصف الكبر وكلي انتو روحو اني ابات

كوم نوار شنو هاذ الحجي تعوذ من الشيطان وكوم يخوي مايجوز تسوي هيج

انتة شنو ماتفهم كتلك انام هنا
ولك سلوى تخاف لوحدهة
سلوى تخاف من الضلمة ابات هنا يمهة اخفف عليهة وحشة روحي وروحهة
عوفوني بهمي وروحو روحوووو

تمددت يم لقبر وكتلهة حبيبي امني وطمأني اني اليلة يمج شلون اعوفج باول يوم الج بلكبر
هسة ضلمة يمج مووو
سولفيلي حبيبي شجاي تشوفين جوة وشنو جاي يصير وياج احجيلي خل اشاركج بوجعج حجيلي

ضليت اسولف وياهة لحد ماطر الفجر وهوة جايبلي يوم اسود وكئيب
من كد مابجيت احس جفني ثكل وبعد مااكدر افتحة غمضت عيوني اريد وجع كلبي يسكن حسيت فيان غطاني بشي
حضنت كومة الت

راب وممد بصفهة لحد ما سمعت صوت امي من بعيد تبجي

ولك يمة سودة بوجهي يبعد امك

تقربت يمي شالت راسي من التراب حطتة بحضنهة وضلت تمسح علي وتقرة ايات

كوة شالوني من كبرهة ورجعوني للبيت

مرن علية 3 اسابيع اسوء ايام حياتي شفتهن بهلاسابيع
فيان وعلي يمي يباوتون
3 اسابيع مازارني النوم لحضة ولا غمضت عيني افتر بلبيت مثل الفاكدة ضنة
ساعة ابحي ساعة اضحك ساعة اصرخ ساعة الطم
وليلية اني يمهة بلمكبرة اضل ابجي لحد ماكوة يشيلوني فيان وعلي شيل ويرجعوني للبيت
ارجع اكابل لارانب وابجي افرفح
لحد ماكامو يحطولي منوم بلاكل يلله كمت اناملي ساعة لو ثنين
هيج بساع بساع سلوى تروح من ادية
وين جانت مضمومتلك نوار
تحسرت علة كل لحضة كلتلي بيهة رنى شردو وماشردت
ابوهة وسرمد من جاين للمستشفى طالبين يسولهة تحليل الطب الشرعي
وسوو واثبت انهة طاهرة
ورة لفاتحة اهلهة شالو رجعو للفلوجة ونقطعت اخبارهم عنة
ورة شهر ستلمنة لنتايج كلنة ناجحين حتة ايناس
معدلي 88 بس ماكو فرحة كلش
رفضت اداوم وماقدمت وعلي وفيان هم اجلو لسنة وماقدمو وحتة ايناس هم اجلت

عدت سنة كاملة واني يومية يمهة
بلشتة بلصيف بلمطر بلعيد بلحزن بلفرح بلمناسبات مامر علية يوم مارحت بي لكبرهة واكعد اعاتبهة وابجي لحد مااخوة
عافتني للهموم وراحت
عافتني احضن بصورهة وابجي ليلية عليهة
عافتني موجوع وكل دوة مالي
عافتني جسد ولروح يمهة
علي وفيان ابد ماعافوني
دخلت مستشفى اكثر من مرة وابقة بلاشهر بلقسم النفسي
جنت من ابجي عليهة اوصل مرحلة افقد وائذي نفسي

اهلي واصدقائي كتلو نفسهم رادوني بس ارجع نوار لقديم
بس شلون ارجع واني روحي نسلبت مني
شلون اضحك وسلوى جوة لتراب

بدة الدوام وهم جنت ماناوي اداوم بس علي وفيان كلولي اذا متداوم احنة هم منداوم نقهرت عليهم ضيعو سنة من عمرهم علمودي
راحو قدمولنة كلنة نفس الاستمارة حتة ايناس هم
واحنة معدلاتنة جانت متقاربة
اني 88
ايناس 86
فيان 85
وعلي 82
قدمولنة وطلعت القبولات نفس الشي كلنة هندسة مدني
داومت وماكو كل فرحة جنت جثة بلاية روح
جنت جسم خالييي من كلشي
مجرد جسم لا اكثر
لشباب فرحانين الي يكبل والي يصادق واني اعاين علبنات وابجي
سلوتي لوباقية جان هسة وردة مفتحة مثلهن
وعدن 4 سنين الكلية واني الدمعة مافاركت عيني لحضة ومامر علية يوم مازرت بي سلوى حتة واني مريض
الكل بلجامعة صار يعرف سلوى
صار لقبي ابو سلوى
الكل يتعاطف وياي
باخر سنة فيان وايناس نخطبو فرحتلهم بس ماحضرت العرس
ماكدرت موبيدي
كلما يصير عرس ينعاد الحادث كلة كدامي
وارجع اشوف سلوى ببدلتهة مدماية
وارجع اشوفهة تلفض اخر انفاسهة بين ادية
وتخرجت وصرت مهندس بس سلوى ماكو
حفلة تخرجي جانت غييير لان سلوى مابيهة
دخوليتي جانت غير عن الكل
صاح المنضم يتفضل الطالب نوار ابو سلوى
دخلت وبيدي بدلة عرسهة الكلهة دم
واني اتذكر رنى من رادو يشيلون اجتني للببيت وجهة جان يخوف وحالهة مواحسن من حالي
لازمة البدلة بيدهة شمرتهة علية وكلتلي هسة رتاحيت نوار
شكد كتلك اشردو اشردو
بس ااااااخ من عنادك حضنتني حييييل
شميت ريحة سلوى بيهة بجت وبجيت
هدتني ودموعهة يجرن وكلتلي لاتنساهة فضلت الموت على انو يلمسهة غيرك لاتنساهة نوار
اني رايحة ومااعتقد بعد اكدر ازورهة من تروح سلملي عليهة وكللهة رنى تكول والله شتاقيتلج والله غرفتي وحشة بدونج

طبيت حاضن البدلة ومن شافومي الطلاب كلهم فتهمو
وصلت بنص القاعة كعدت بلكاع وحاضن بدلتهة وابجي كل صوتي
تقربو علية زملائي وزميلاتي كعدو بلكاع ويبجون يمي صارت موحفلة تخرج صارت مأتم سلوى

طلعت من الحفلة ببدلة التخرج ركبت سيارة ورحتلهة للكبر
ذبيت روحي علي وكتلهة
سلوى شوفيني حبيبي صرت مهندس موجنتي تكولين اريدك تصير مهندس حتة من اروح مكان يكولون اجت مرة لمهندس
هاي اني صرت مهندس علمودج
ولج سلوى ماكافيج فراك
ولج بعدج محد كلي احبك
ولج سلوى كلهة ملتني بكد ماانوح عليج
ولج حبيبي ترابات النجف بعدج سكنتهة
حتة الكبور حنت علية وعلة بجاي
ولج مارايد شي بس شوفتج مارايد غيرهة
ولج فاكدج سلوى والله فااااااكدج

وعدت 7 سنوات علة فراك سلوى
بعدني اسهر ليلي ابجي عليهة واتذكر مخابراتنة
بعدني يومية يم كبرهة ومابطلت هلعادة ابد
بعدني اطلع صورتهة وابجي



كمت مااحجي ولا اشكي
لان كلهة ملتني كد مابجيت عليهة ونحت
صار عدي ضعف درجتين من البجي والسهر
عشت ليالي بس الله يعلم بيهة
تشهد علية حيطان غرفتي شكد بجيت علة سلوى ونحت

سبع سنوات مافاركت خيالي لحضة
وشلون انساهة وهية سنين عمري خطتهن بديهة
وشلون انساهة واني حياتي كلهة تتمحور عليهة
جانتلي عافية ومن فاركتني ضليت عليل

علي صارو عندة 2 ولد
وفيان مرتة حامل بتوم ولد وبنية ومقرر يسميهم نوار وسلوى
وخالتي رضية تزوجت

ولارانب صارن كووومة
يشهدن على حبنة الي مات مذبوح



وامي طول هلسنين اكلت كلبي تكلي تزوج وتحاول تقنع بية وجنت ارد عليهة واكللهة

ماتحلة بعيني

مرة غير سلوى
سلوى ماتت بلنسبة الكم بس هية عايشة
عايشة بكلبي ومستوطنتة

من بعد سنين وجع ومرض وحزن قررت اسافر
جان قرار اخذتة من بعد ماجتني سلوى بلمنام
جانت هاي اول مرة تزورني بيهة خلال سبع سنين
جنت مستلقي وداير مدايري ضلام تقربت يمي وجانت لابسة ابيض وكفت بصفي كلتلي نوار سافر سافر بعييييد

وراهة فزيت من النوم اتنفس بصعوبة جانت هاي اول واخر مرة زارتني بيهة بلمنام

فتحت الموضوع وية اهلي والكل كب علية

بس ماتأثرت لان جنت مقرر
بلشت باوراق السفر وورة العيد راح اسافر للسويد
يجوز هلشي بي راحة الية وللكل
خلوني اتغرب من صدك
خليهة غربت جسد موبس غربة روح
بس سلوى ماراح انساهة وبعدني علة حلفاني الهة بامير المؤمنين ماتطب غرفتي غيرهة مرة
اني نوار
صديق الدمعة والحزن
اني الي ملوني اهلي بكد مانحت علة سلوى
اني الي صرت التزم الصمت ومااشكي لان اعرف كلهة ملت مني وكلهة تكول علية تبالغ
حقهم مافكدو الي فكدتة ولا ماتت احلامهم كدام عيونهم
من يموت الكون بين اديكم ذيج الساعة راح تحسون بناري وتعذروني



اغمض عيني بشدة فتمر علي ضحكاتها همساتها كل شيء

لتقودني الذكريات الى........
لحضات تؤذي قلبي بشدة
حين ماتت احاسيسي امام عيني
وماتت امانيي امام عيني
ولفضت حياتي انفاسها الاخيرة امام عيني

فأحتضن الصمت
حينما ادرك ان مااحاول شرحه لن يفهم مطلقا
فأقف حائرا بين الشعور والاشعور بين الشوق والأستغناء

فلم اعرف قبلها الا قلبها ولم اعرف بعدها الا بعدها عني

فأن سألتموني عن الحب سأخبركم عن سنين قضيتها احترق الما وحنينا
لدقائق من الأهتمام
حين استذكرها تنسيني عاما من الألآم

فسلاما على من ابعدت نفسها بنفسها
......#النهاية

لهنا انتها مشوارنة وية نوار
نوار الشهامة الاخلاق الطيبة خوف الله بمعانية
نوار كلب ماكو مثلة ثنين
رجولة بكل معنى الكلمة

اعرف راح تشتموني وتسبون حتة جدي السابع عشر بعد متقرون هلبارت
بس قسما بلله ماكتبت القصة حتة انزل دموعكم ولا حتة اكسب عطفكم عليهم
القصة تحمل رسالة جدا سامية
اتمنة امهاتنة وابهاتنة يقروهة
كافي تخلف
كافي طائفية مو دمرتو جيل بحالة
بسبب العادات والتقاليد الي متمت للدين بصلة والي بسببهة ماتو شباب وندفنو بلحياة
سلوى خسرت الدنية والاخرة ودمهة بركبة اهلهة ومصلح
ونوار تمدر وهوة والماكو سوة
هلقصة نعرضت علية قبل 5 اشهر
5 اشهر واني افكر بيهة ومترددة اطرحهة
لان بيهة مسؤلية جبيرة خفت على اولادنة المراهقين يتأثرون بيهة
بس اكيد العبرة من القصة واضحة
وارجع واكرر اني مانشرت هلقصة حتة ابجيكم
نشرتهة لان روح سلوى الطاهرة الي ماتت بدون ذنب تستحق ان تنزل عليهة رحمة وتذكروهة بلدعاء
و نوار يستحق ان يسمع نصيحة منكم من بعد ماعجزو اهلة واصدقائة ويا
لقصة.

القصة حقيقية 100% وجميع الاسماء صحيحة وهلبارت بلتحديد ماضفتلة اي حدث مني ماعدا بعض المسات الخفيفة كلشي بلبارت جان صحيح ومابي اي مبالغة يشهد ربي
وملاحضتي لاخيرة انو غلاف القصة هوة صورة حقيقة للابطال
حييبل اعتذر اذا بجيتكم والله اني اشهر ابجي علة هلقصة

بلنهاية تقبلو تحياتي وتحيات الابطال جميعا
من ضمنهم رنى الي كتشفت القصة بلصدفة وقبل سبوعين بلشت تقراهة
قناة للقصص العراقيه الواقعيه حصرا

بوت تواصل @DH_2018bot

@Stories331

ذكريات نوار وسلوى

صباح الخير انتهت قصتنة أن شاء الله تكون عجبتكم انتظرونة بقصة جديدة 😊

قصه جديده احداثها كلش مشوقه شوفونه تفاعلكم حته انزلها ☺️

.....نبدي قصتنه
على ارصفة.....الضياع....
البارت (1)
الكاتبه..شروق احمد

....بسم الله الرحمن الرحيم.......
مرحبا ..اسمي،بارق،عمري،٢٩
سنه عملي ضابط في،
الجيش،العراقي، انا من الجنوب
ابن البصره وعملي،في،الموصل
شكلي،وسيم طولي،وسط
لون عيوني،سود بشرتي، مخلوطه بين السمار والبيضا
جسمي،تارس،على رشاقه
احب عملي جدا ..حياتي،العائليه
اعيش،مع امي وابوي، عندي،اخ
واحد منعم ،اكبرمني متزوج وخوات حياة .وسجى ..سجى متزوجه
وانه احبه حيل وعتبرها صندوق
اسراري،.وحياة ٢٠ سنه
ثاني كلية قانون ..متزوج ومنفصل عندي بنوته افنان
عمرها ثلاث سنوات خلفته
نتيجة زواج فاشل بس،كلش
احبها وحب سوالفه احب ابوي
وعتبر،كلامه الي،سند واخذ،
بي وماخلف مشورته الي
حالتي الماديه الحمد لله مستوره
مرات اصير،عصبي كلش،
وهذا الشي،الماحلو بيه
ومن عصبيتي حتى اصدقائي
يزعلون عليه لااذا اعصب
اكبر،راس،اضربه واتردد ..هاي
بس،على حق بس ومن اهداء،
وتروح العصبيه اكون شخص،
ثاني .. ً احب عائلتي،وخاف
عليمهم واحب،امي،
وحب طيبته ومحنة ربي،يحفضا
الي من كل سواء،بس،
هيه ماتركتني،بحالي،تزن عليه
حتى اتزوج ويوميه جايبتلي
صورة ابنيه بموبايله شوف
هاي شلون حلوه شوف
ماضلة بت بالبصره ماجابت
صورته الي ..يمه عليج
الله هسه هذن كلهن على
شحن ينتضرن ..شبيك
يمه غير اريد وحده تلوگ الك
..يمه انه بعد ماريد ازوج
وحده ماعرف عنه شي،
والله عجبتج .. لعد اعشك
وحده وفضني،حتى اعرسك
..يمه عود افكر ..لا ضليت لمن
تفكر ..هههههه يايمه يابعد
حلي بس،الكي،بت الحلال
انه اگلج على طول روحي
خطبي،الي،..صدك ..لعد
جذب بس،اصبري ..
حياة ..هلوو بارق شلونج
يمه ..هله حيوته تخرتي،
اي ازدحام كلش،..بارق
وين افنان جايبته حاجه
تحبها ..نايمه فوك .. حبيبتي
ليش،ناميه اروح اصحيه مشتاقه
اله ..وين چنتي بخارج هيه
كم ساعه ورجعتي ..اي
انه هاي بتك احبه اموت
عليه ..يله انه طالع اشويه
خلي عنيج منه لاتطلع لشارع...

..حياة ..
انه حياة اخت الاصغر
البارق ..انه احب اخوي،بارق
حيل واحترمه وعزه وحب بته
وعتبرها بنتي ورحي انه متعلقه
بارق .. طلعة لسوگ وبعدين
رجعة البيت ..
لگيت امي ومرت عمي وبناتها
ضاربين مجلس وضحك وچاي
وكيك انه اتعقد منه ماحبها
وجنب اختلط بيهم بس،لاسلام
اسلم عليهم
بيه .. مساء الخير
اسلام ..ردن كلهن مساء،
نور ..امي يله
انضم وکعد اشرب،جاي
وهذا کيك يلوگ الهل حلگ
الحلو ..لا ماريد شي،
ام سلام جرتني،من ايدي،اشو
اگعد خلي،نشوفك ونسولف
..هاك يابعد جبدي،..اعرف سوالف امي وفهم حرگاتها
گومي،زينه انطي،لبن عمج
زينه..تفضل ..شكرا اخذته
هاي الحركه من امي،يعني،
زينه خوش،ابنيه وانه حاطه
عيني عليه شنو رايك ..
انه ..شربة من جاي،اشويه
وگتله جايج مر يمه ماريده
..فهمة شنو گلة ..ردة هوه
انته ماعجبك العجب بعد شنو
يعجبك ..يله اترخص،انه اخذان
راحتچن صعدة الغرفتي، لگيت
بنوتي نايمه بصف دبها اخذتلها
صوره وهيه نايمه تجنن
اشويه ونطرق الباب .ادخل
الباب مفتوح ..
زينه .. شلونك ابن عمي،..تمام
شلونج بدراسه ..بعدج كسلانه
زينه ..هههههه لا رحت اول كليه
شنو ماتعرف ..هوه انه بسنه
حسنه اجي،يومين ورجع حتى
مالحگ اشوف احد ...
اي يمه يمه هاي،منو نايمه
هنا فدية الحلوات ...
تحبه بارق،اگو واحد مايحب بزرا
هاي،قطعه مني شلون مااحبه
ليش،ماترجع امها خطيه بدون
امها ..شنو يعني،انتي،شفتي
امها وصتج ارجعها ..لا بس،اكول
افنان خطيه ..شبيه خطيه
مانقصها شي،.. براق اصراحه
امل ندمانه عليك وتتمنى ترجع
الك ..وانتي،وين تدرين بيه
انه شفته اول امس،من رحت
المجلس،قراي،عد بت خالي،
شفته هناك ..وجبنها يعني،سوالف بنات حجتلي ..
لا بعد تحلم ترد لهنا يما توسلت
بيه على مود افنان تبقى
تگلي،وانه مامجبوره عليك وعلى
بتك هاي ابقا
عافتها من المستشفى وطعلة
وهيه مريضه وصاير،بيه بسبب
اهمالها وتعنونها رادة تموته
بكل طريقه عللته حتى رضاعه
ماترضعها لمن صار،بيه جفاف
وصلت للموت والله ابنيه مولد
ماريدها .. اي مو حقها خمس،
سنوات ماكو اطفال انوب،تجيب،
ابنيه ..لج انتي هم نفس،عقليته
وشبيه البنيه انتي،البينه هم امج
وبوج ذبوج هذا ماهو عذر،..انه
عرفة تالي،..شنو رادة بس،ماحصلت منه شي،
وايسة منه گعدة على صوتي،
افنان بابا صح النوم ياحلوو
اممح .شوفيها مو ملاك
..اي هيه الخسرتك وخسرت
بتها ..زينه اترجاج بعد ماريد
اسمع سيرته گدامي،.تضيق،
نفسي،من اسمع اسمه
..زين ابن عمي لعد ازوجني
وانه اصير،امها ..بارق عابت
هيج مره مثلج ازوج ..ولك شبني،انه اول اعقلي، ونوب،
عود نفكر،بيج ..عابت الك
وانه معطله عليك ..اي،اول امس،تعدية على بابكم شفة
طابور رجاجيل واصل،لسيطره
ومسوي،ازدحام سالت عنه
گالو هاي خطابه كله الزينه
ولج هايو مقلدج انتي،
عفيه بارق اخذني، بعلي افيدك
شبيك ..هههههه ولج انتي
موعاقله لعد انطني،بوسه يله
عربون مقدم اريد بس،ازيحها
عني ولو هيه گلبه

ا ابيض،
وتحجي،بميانه وياي، احبه
مثل حياة وهيه تعرف طريقتي،
بشقا غمتني،وطلعة ..
زينه....اعرفكم ....
انه زينه بت عم بارق عمري
٢١سنه كلية التربيه سنه
اولى لان عدة السادس، سنتين
وماطلعة معدل ..انه احب بارق
حيل واحترمه بس،من يشاقه
وياي،ينزل لطين انه اعرفه
وعرف،طريقته هو ينضرلي،
اخة بس،انه لا احبه حب،مو
اخوي يعجبني بتصرفه بكل شي
بي،امي،تدري،انه احبه
وميل اله ولم اگله ازوجني،
يعني،موشقا اقصدها ويا لا
قصدي،صدك افرح من اشوفه
كلشي،بي،حلو ولو عصبي،
مرات مايتفاهم يطلع عن طوره
بس يعجبني كلشي،بي،طريقته
بالبس،اختياره الوان ملابسه عطره كلامه طوله كلشي،بي،
ينحب،مرات اگل نفسي،شلون
امل گدرة تتخلى عنه شنو
عمها وهو المثله ينعاف ..
والله حتى رجلي،اخسلهن
شگد غبيه امل وعافته
اشوف بنات عمي،وبنات خلاتي،
وبنات المنطقه گاتلت انفسهن
عليه وهوه ولا يعبر،وحده
بيهم ..
... بارق،..خلصة تسيورت
مرت عمي،وبناتها ..
ورا شويه نزلت انه وافنان جوا عاد استلمتني،امي،يمه ويمه
وهاي،وذيج ملت عقلي،بحجياته الحلوه
..يمه ادنيا موت افوت وانه اريد افرح بيك يمه
انتم فرحتي،بهل،دنيا اريد اشوفكم كلمن ابيته ومريته ومرتاح بحياته ..
يمه انه مرتاح هيج ..لا يمه شبيه زينه بت عمك
خوش،وتحبك وخذهاليش،تاخذ،
وحده ماتعرف عنه شي،
تعذب،ابنيتك واخاف تضلم بيه
بارق..والله يمه تفكري،مخربط
وانه مالي،مشاعر،اتجاه زينه
حاسبها مثل اختي،حياة
والله شاهد ..يمه هو ياهو زوجه
واحد يريد الثاني،انه ازوجة ابوك
حتى ماعرفه انه بمنطقه
وهوه بنطقه بس،جمعتنه القسمه وعشة ويا،وخلفة ولا يوم
زعلنه واحد يحب،الثاني،...
افكر
..يمه وكتج غير وكتنه ..
يمه عفيه ازوح زينه وتوكل
على الله وخلي اخطبها الك
يمه انطني مجال افكر ﻻتلحين
على شي انه مامقتنع بي
..بكيفك يمه اخذ راحتك بتفكير
هو انه شنو راح احصل هي
مره تخدمك وتكوم بنتك ...
كمت حبيت راسها اعرفها زعلت
مني خلص عود من التحق ورجع
يصير خير يمه..

......الرمادي......
ساعه ثمانيه الصبح
مرحبا اني ديلان مسيحية اﻻصل
عمري 16 سنه طولي وسط
عيوني زرك اشبه شكل اممثﻻت
الجنبيات الفرنسات شكره
بيضه جسم مثل عارضات الزياء
اجيد النكليزيه واللغه
التركيه وروسيه اهلي دخلوني مدرسه
خاصه لي تعليم اللغات ابوي ابوي رجل اعمال كبير معروف
عالمين على صعيد عمله مرتبط
بشركات صناعة اسلحه
وشركات صناعة الطائرات
وغيرها امي مسيحيه بت عمو
حبها وزوجها .. عندي 3 اخوان
وبس انه بينهم ابنيه كلهم ولد
اكبرنه سمول عمر21سنه
ابوي يحبنه كلش ويدلل بينه
وامي بعد اكثر ماما تدير اعمال
بابا وكل مايتعلق بشغله بداخل
العراق نسكن برمادي ..
انه بصف ث خامس علمي بابا
مخلي الي خط يوصلني للمدرسه ويرجعني سياره خاصه عندي
سايق الي يوصلني من قرايب
بابا يشغل عندو ...يوم من اﻻيام
سمعة من طﻻب حنه كلنه مدرسه مختلطه اكو ناس دخلو
للموصل يسموهم داعش ..
ديﻻن..امير شنو يعني داعش
يعني اناس جاي تضاهر
ماتدري شنو دي صير
يكلج هذوله يفجرون ويضربون
الي مايتبعهم ونازلين هين
بديارنه ..خوفتني دعوف هذا
الحجي احنه ماعلينه بي بعدنه
صغار ولج ديﻻن اخاف يكضبوج
ديري بالج ابوج زنكيل ودورون
الي عنده فلوس يخطفو
كافي ..يمعود شخبصتني ..
رجعة للبيت ماما ماكو
وبابا نادرا مانشوفو بالبيت
كله شغله خارج العراق ...
بس الخدامه بالبيت وخواني
كلمن بغرفتو تغده وخلص
دروسي ولعب بموبالي لمن
انام .. حيانته ضوجه ﻻن
كلمن بموكان بس احنه واحد
يحب الﻻخ .. يوم من اﻻيام
جاي نحتفل بيعيد راس السنه
وكان جو بارد كلش وماما
وبابا همين حضرو نحتفل
وخواني وكرايبنه
وخلينه شجرة الميﻻد وهدايه
وكيك وحتفاليه حلوه قرر
بابا نطلع لشارع نحتفل
على مود يفرحنه كلنه
ديﻻن ..وينج بابا ..اي جاي
سمول بابا نروح البيت خالتي
..ﻻ ..ديﻻن مو بكيفك مانروح
بكيف بابا ..وكل شويه نتعارك
انه وسمول ..كامي ماما شبيكم
جهال انتم ..نزلنه بكازينو
النجوم يسموها شنو تريده
موجود هناك كل طوائف تجمع
تحتفل بيها ..اسمعو بابا
ساعتين ونرجع ﻻاحد يبتعد
اخاف نريد نرجع ديﻻن
وي خوانج ﻻ تروحين منا منا
خوش ..اي باب ..احتفلنه
للبيت بس صار الوضع مو طبيعي حركة الناس
كله على عجله ..
سمول ..شني سالفه هاي
ناس ليش ملتجه يابه وماعرف
بس الوضع صار مازين
مضاهرات وحتجاج على حكومه
وبس الله يستر نادين اذا لزم
اﻻمر اخذكم ونطلع لخارج
الوضع صاير ماينطاق هنا
..انه هم افكر هيج .. ﻻزم
انصفي شكو شغله انه هنا
ونسافر ..
ومرن ايام ويوميه شكل
اﻻوضاع سمعنه سقطة الموصل
ودواعش راح يدخلون الرمادي
انه بوكته بدوام اجه سايق
كال ابوج دزني يله بسرعه
المدرسه كله طلعة كلمن على بيت اهله ..
سايق ..عجلي طريق كلش
خطر ..خابر بابا كله لسايق
يمعود نصبو سيطرات داخل
الرمادي وينك جيب البنيه نريد
نطلع ..شسوي ..ازدحام
وماجي نكدر نطلع خالين
دواعش سيطره لكدام
شوف طريق ﻻخ وتعل

عمي جاي يفتشون بناس
ويطلعون من سيارات ناس
شتحجي مين اطلع ..
ديﻻن ..صرت ارجف من الخوف
شكلهم يخوف ﻻبسين اسود
ولحايه طوال وﻻ فين الفشك
على صدورهم يحجون فصيح
قسم منهم حاول السيايق يرجع
ماكدر السره كوله واكف
يمشون وباعون بسيارت ويطلعون بناس ..واحد اقترب
من السياره ..كل السايق سياره
فاخره وحديثه..السايق ..ديﻻن
بابارحنه بيه واحد كل لسايق
افتح الباب ..شني تريده
كله اريد اسحلك افتح وخله البندقيه براس السايق فتح
الباب ونزله ..واووو هذه بنوته
صغيره ..جاي افتح الباب ونهزم
قفل البيبان السياره وصعد الﻻخ
جميله انتي سوف نخذكي رهينه
معنا يابدو وزنكي ذهب من هذهي السياره ﻻبد ابوكي وزير
او برلماني ..السايق ضل يعيط
ويشتم بيهم اجه واحد ضربه
طلقه براسه وقتله .بقيت صرخ
وكلهم تركوني وهمه يضحكون
..سنرى امركي في مابعد
اتصل بابا تليفون باقي كدام رد عليه كله انته منو انه ابو البنيه
وين سايق ..الله يرحمه وبتك
موجوده معانه رهينه ..شنو
انتم منو نحنو جماعة الدوله
ﻻسﻻميه وسدو التليفون وانه صرخ وبجي من خوفي منهم .....
يتابع......

#قصـصـ📚عرآقيهہ وآقعيهہ
سِـوٌيِّ أّعٌأّدٍةّ تٌـوٌجّـيِّهّ لَلَتٌـحًبً يقرة وياك 😊 @Stories331
بوت تواصل @HD12bot

على ارصفة ..الضياع
البارت (2)
الكاتبة ...شروق احمد
.....................
.............
صرت اعيط وصرخ
اجه واحد اجو اثنين كعدو بصفي
صرت ابوسطهم واحد لزمني
من شعري وصار يهز بارسي
صوت ماكو ﻻ هسه شوفين شي
مايعجبج بت الكلب بيش مصعديج
انتي اميره هاذ ابوج شني يشتغل بله خلي اشوف رجليج
اخاف ملبسج حذاء ذهب ورفع
رجلي ..ﻻ مو ذهب جلد والله
خفة منهم ضلية اشهك الثاني
على يمني جرني بتجاه وخله
ايده وراء ضهري وكال ﻻ تخفي
نحنو ﻻ نوذي احد
نوريد فقط المال ...حجا الثاني
ووالله نريد مالهم ونسوانهم
وجرني من ﻻخ صاح بي الي يسوق جب والله هسه اطير روسكم هين اذا مانعرف منو
ابوها ونجربو من شوابوو هذا
يمكن عراقي وهذوله من سعوديه بس اختنكة من ريحتهم
حسبالك كاعد يمك جلب ميت
مو بشر كاعد كل شويه اتخوع
اريد ازوع مصاريني منهم ..
..واحد كله شوف اي شي
من اوراق شي حتى نعرف بتمن
هاي امممح يا جميلتي
وهمس بذني عندما نصل سوفه
اتزوجكي ياجميلتي متت من الخوف هذا انه اتزوجه والله
اخليهم يموتنوني ﻻ ازوج هيج
حيوان طلعو على طريق صحراوي كله سيطرات دواعش ﻻبسين اسود عدهم شعر طويل وحتى
قسم منهم كصايب عدهم يخوفون وشفة ناس ميته ومقطعه روسهم ومعلكه على بجانب اخر وسيارات محروكه على طريق
بحق اليسوع اني وين مديني
اكلكم ..هاي البنيه ابوها مسيحي وهاي اوراق السياره ...
مسيحيه يعني كافره لعنة الله
على المسيح سوفه توسليمين
عندما نصل ...
ابو ديلان .. كلت نادين يله
نطلع بعدبنتج ماترجع لزموها
دواعش وماضن بعد يرجعوها
...شلون يعني انه ماكدر اسافر
وترك بنتي هين انته من كل عقلك اطلع منا شوف حل البنتي
..هوه اليطيح يطلع من اديهم
لج نطلع نحافظ على هذول
من الذبح وبعدين اشوف حل
ونرجعها انشوف شنو يردون
انطيهم مكانها يله ماضل وكتة
خلينه نروح يله ..اخذتهم وطلعنه
تهريب كل اشويه انطي كومه
فلوس حتى نوصل البر اﻻمان
وسلم على ولدي وديﻻن الرب
يحفظها ..ودري بعد هيه موالنه
وكعة بيد ناس مجرمه يذبحون
وشربون دم انقهرت على بنتي
بس مابينت بساعته اخاف من
امها سوي بنفسها مشكله صرت
اكولها خلي نوص المكان امن
وعرف اصرف هيج خلصته

وهيه ما بطله بجي عليه
طلعنه على طريق تركيا
خلينه العراق بضهرنه وديﻻن
همين بعد ماضن تكون يوم ابينه
............البصره.......
الساعه 2الضهر ...
بارق ..خلصة صﻻة وتغدية
وصعدة انام انه وبنوتي امجلبه
بيدي شلتها وصعدة صاحة حياة
اختي وين افيونه يعني ماتردين
العمه اذا شفتي بابا ماترديني موو روحي العمه يله ..ما..ليش
..ما.حلوه ما ..هههههه وسفه
خويه عليج هيج تاليهه ..اوكفي
ولج منو ما..حلوه .. اله اموتج
انتي وابوج اخذتها حياة
وتمخمخ بيه فلتة منه وجت لزمة
برجلي عفوي عوفي با .با
شلتها ..وتكل الحياة اداج ادج
با امح وتبوسني ..ﻻ بارق انته
تحرضها على عمتها ..ﻻ والله
هيه ..بعد ماريدج من يسافر
ابوج باجر مو تجين تنامين يمي
خوش فنونه ..يله ولي روح
انتي وبوج متعجبه بي يله
صعتدنه انه وافنان خليته
على جروبايه ..كالت اديا ..اديا
تقصد موبالي ..هاج ..بس توكعي وتكسري اموتج يوميه
موبايل جديد من وراج ..اووف
ﻻدخلين هنا ..هايج نهاء تابعي
توم وجيري .. تمددة بصفه وهيه يم راسي تلعب اشويه وجاني
اتصال من الوحده مالتي التحق
عدنه انذار وشابكه معارك وي
دواعش كتلهم اجي باجر ..ﻻ
تجي فورا زين يابه جاي ..
نزلت جوه صحة حياة وينج
تعالي عينج من افنان انه رايح
سمعة امي وين يمه رايح
التحق رايدني ابوحدتي هناك
صايره لخه بين جيش ودواعش
يمه هذول منين ..مخربين يمه
مايخفون الله يمه دير بالك
انه هذا شغلك ماخذ نص عافيتي
بعد يمه العمر بيد الله ..
حياة وين ﻻبس وطالع افنان
فوك تلعب ديري بالج عليه
انه رايح ..بعيوني اخويه اخليها
تروح وترجع بسﻻمه ..اشويه
وزلت افنان ..لزمة بيه تعال
.حياة هاولج منو ماحلو ..
شالته حياة وهيه تصرخ وتمد
ايدها الي اخذته ومسحة دموعها
وبسة خدها روحي هاي العمه
..ﻻ ﻻ ..نامة على جتفي ولفة ايدها على ركبتي ..بيبي تعاي
خلي البابه يروح تعي نروح بالعبايه ..هاء .. بارق بله
شلون بيه هاي تموتني هيج
ومو بيدي اضل يمها ..عماتوو
يله نروح نلعب ابلي انه وانتي ..
اداج زين نروح نشتري ومن نرجع

يروح يروح البابه اوكي يله
..حياة وين انه اعرف شنو تريد
حياة..شكديكبر بعني اخوي بارق
اشلون يعامل ابنيته صاير له ام وابو مايمل منه عكس اخوي
منعم كله على جهاله ندغ وظرب
وياويله الي يعانده راح ورجع
وبيده عﻻكه وبيد انفان طوبه
كبيره حطها يمي ..هسه البابا يمشي اوح مح ..فديتج يابعد
كلبي يله دري بالج يمه حياة
ﻻ تطلع لشارع وتندعم الله وياكم .. السياره بابنه
السايق منتضرني يله عدي اطلع
صار سيدي ......
.....الرمادي ...
الساعه 6العصر
ديﻻن ..دخلوني بمعسكر
كله ناس ﻻبسه اسود
ونسوان منقبات كلهن
ﻻبسات عبي وجفوف كلشي
ماطلع منهم ..سايق كال
طلعوها وجيبوها وراي .

.
ابو الفصيح جرني من ايدي
ويمشي بيه حيل تعثرت
صاح صوت بيه انه رجلي بعد
مايشلني من الخوف بس ارجف
دخلوني على واحد ..ماكدر اوصف شكله بس ﻻبس افغاني
اسمر طوخ عنده لحيه يمه صحن
فواكه ..سايق ياامير هاي مسيحيه وجبنها رهينه ..
رهينه شنو اقطعو راسها
هاي كافره المسيح كلهم اوﻻد
زنا وغير شرعين ﻻ حاجه لنا بكافره ....
ديﻻن ..هوه كال هيج وانه اجه
يغمه عليه شنو كافره كلمن بدينه ..اش ﻻنعل ابوج ﻻ ابو دينج
السايق ..يامير لماذ نقتلها ناخذبها ديه وحنه مانخسر شي
..ابو الفصيح ﻻ تدخل السﻻم
وتزوجوها انها لي .. اميرهم
وشنحصل منك تزوجها شوفو
هله منو وجيبنه ديه منهم
وخذو الديه وكتلوها .. اخذوني يم وحده اسمها ام وطن جزائريه
هيه الكبير الي تمشي امور المجاهداة كلهن اله طك محد يوكف بوجه بس هيه جميله حيل
رافعه نقاب ..كالت قربي
مره يمي كالت هاي ايش
ابو ايوب
هاي رهينه مسيحيه
ﻻ تغيب عن ناضرك انها مهمه
..اوكي .. ادخليها دين اﻻسﻻم
يقول اﻻمير انها كافره ..
نعم .. ماسمكي ..سكتة ماجوبتها
كلت بكلبي جزائريه كح.....وانه
عراقيه وبلدي تذليني لنعل
ابوج ﻻ بو جابج هين رجعة
انتي طرشه وله شو هي ..طنشة وبدلي اسحلهه سحل
قربت عليه وصفعتني طراك
خلت صابيعها بخدي ونوب جرجرتني ودفعتني وكعة على اﻻرض شبن اعويوني نار
كمت نكثة نفسي وانه مدنكه
قربت عليه رادة تلزمني مره
ثانيه شلة راسي كتله عليه
وعلى اعدائي منو يخلصج مني
لج انه عراقيه وماتعده العيله
عليه جريته من شعرها عود منقبه ونزلت راسها لكاع
اسمع شعرها شلعته من جرد
قفلة عليه وهيه تضرب بيه
بس انه ماعوفه لجيت عليه بعضه
بصدرها وشغرها بديه لتمو علينه
كلهم بس انه ماعوفها كلت اله اموته حتى لو اخسر حياتي بين
اديها جرني منه المساعده ماله
وحده ﻻخ اكو بيهن عراقيات
كالن شيخلصج بعد اذا رجع عصام
حسبي نفسج بعداد الموتا ..
ماحجية شي بعد اجه ابو ايوب
شكو شصاير ..هاي العاهر
شوفها بعينك ..ام وطن عوفيها
انه جاي اكلج هاي الدنيا انكلبت
عليه هاي رهينه كلش ثمينه
وزنها ذهب ﻻتحاجيها شغلته
كله يم موﻻي اﻻمير عصام
ﻻتحاجيه هوه يعرف تصرفه
بيها ..ديﻻن انعل ابوك ﻻبو
اميرك هذا الساقط رجعوني
يله ..وين ترجعين هههه
وطلع يظحك
بعدين اجتي وحده عراقيه يسموها رسايل جبيره بالعمر
سمينه كالت كدامي رحت امشي
وهيه تكول تردين تأديب ..
ديﻻن ..انه عراقيه مؤدبه
مربايه تفهمين ..لعد انتضري
من يرجع عصام ونشوف ..مو عيب عليجن انتن عراقيات تبيعن
العراقيات لدواعش ..اش ﻻ اكص السانج هسه ترا ﻻتتوقعين
احد يحميج على الي سويته
هسه باام وطن بس انتضري
شي يصير منا لباجر ..
بعده اﻻ مربيج ماجي ...
هاج البسي هذن ممنوع
وحده طالع وجه هنا فهمتي البسي ونطحلي

انطتني عبايه ولثام
لبستهم وخذتني الغرفه بيه
بنات بيهم عشرين وحده
دفعتني وسدة الباب علينه
حتى ماكو مكان اكعد بي او انام
بقيت واكفه وباوع عليهم وحده
اشرت عليه تعي هين كعدي رحت بصفها كعدة وحده تدعي
يارب ارحمنه وطلعنه من هل شده وثانيه تبجي على اطفالهه
ماخذيهم منه وحده ذابحين
رجله كدام عينها وتبجي ووو.
سوالف ادوخ بس القهر هيج
حال العراقيات بمذله عايشات
خلصة اليل بس ابجي ماغمض
الي جفن حاره الغرفه ونفس
بيه مانمت نطرق الباب نقظي
حاجه ونرجع وكل اشويه يجون
ياخذون اثنين منه وبعد مايرجعا
كلت الهاي البنيه الي كعدتني يمه ليش ياخذوهم وبعد مايرجعن
اسمها سحر ..ﻻتستعجلين
يجيج الدور ..يعني وين ياخذوهم
يخدمن الدواعش وليل كله
يخلصنه كل اشويه بحضن داعشي ..يعني شنو ..بعد شنو
عدهم فتوى جهاد النكاح تموتين
تعيشين ما يهمه المهم انتي
عدهم ميته في سبيل الدوله
ﻻسﻻميه مالتهم .. ﻻيمه اريد
ارجع ياربي انه شجابني هين
مرن ايام ساعه يجيبون نسوان
وساعه يطلعون نسوان ..
مرن كم يوم ..دخلت هاي كح.....
ام وطن علينه وين هاي المسيحيه العاهر ...جلبت بيد سحر كومي لج كافره ..سحر
شنو تردون منه عوفيها ضربت
سحر وخذتني ..هيه وثنين
رجاجيل ماعرفهم كالت هاي
اخذوني وانه ارجف من الخوف
ودنيا ظلمه دخلوني على غرفه
بيه شخص كاعد على كرسي
وكدامو بطل خمر ..
ويمو اثنين بنات وحده تمرخ برجلي وثاني تفرك بجتافو وحده
احﻻ من ثانيه .. هاي المسيحيه
بت التاجر حضرت الوالي ..
عوفها وطلعو ..متت من الخوف
شكله يخوف طويل احماني صابغ لحيته حمره كام من مكانه وجه يمي ..انتي الكافره ..
لماذا اعتديتي على ام وطن ايتوها الساقطه وضربيني
ووكعني للكاع وداس على راسي برجله وكلي هذا راسج اكسره
برجلي اذا مره عانتي احدمن المجاهدين اتفهمين يظغط على راسي برجله حتى اختنكة .بعدين
شال رجله انتي خادمه ل ام وطن تغليس أقدامها يوميا وقتربي
مني هيا خله ايده على راسي
وضل يتمتم كلمات وبعدين
كال انتي اﻻان زوجتي انا عصام
الوالي .. شنو زوجتك عمي هيته هيه روح انعل ابو الخلفك ...لزمني من فجوجي بس طبكهم طبك وكال ولما هذا الكﻻم
قولي فقط نعم ﻻ

فتهن اشلون متخيرهن وين الحلوه
..اي نسوان وبﻻش حلل وزوح
احنه نسولف وعريف جاسم
دخل بسوالف بينه.. سيدي
لو شوف عنده وحده اجنبيه
طراعه طرعة ابوها شنو العيون
كزاز يربي جا مين خالج جاسم
ومين خالقه سيدي فرنسيه
بس ماتحجي ساكته اضن ترطن
خالد اي حصدك شفته حليوه
جاسم ﻻ مو حليوه حلو ..
بوياااي جنه شمس هاي الجانب
مينين يخلفون ..بارق ههههه ..
عندك سولف عريف جاسم
سيدي كيمر مو مره هذيج
هم حلوه بس مو مثل هاي
اﻻنكليزيه طركعه شيسوي جايبه
لعراق ..بارق شيل هذا ورح
دوخلنه وحده ..خالد عوف العصبيه كافي ضرب يخبثن
والله انعل ابو الخلفهن سيدي
...
دخلت علينه وحدة منقبه ﻻبسه
اسود بسود هاي الخامسه
اكعدي كعدة اكبالي ..
اسمج عمرج شنو عﻻقتج
بعصام ..ماحجة شي ..ردية سالته ..اسمج عمرح عﻻقتج
بعصام ..ماردة عليه صحة بيه صوت حيل كمزت
قسم اذا مارديتي انعل ابوج ﻻبو
دواعش افتهمتي ..هم ماردة
عيله بس دموعها تصب ومدنكه
.......يتابع

...
#قصـصـ📚عرآقيهہ وآقعيهہ
سِـوٌيِّ أّعٌأّدٍةّ تٌـوٌجّـيِّهّ لَلَتٌـحًبً يقرة وياك 😊 @Stories331
بوت تواصل @HD12bot