الحمدلله على كل شيء.

صباح الخير ✨
اذا جنت تشتغل لا تكرهه شغله وإذا جنت
تدرس لا تكرهه دراستك وتكول اني مليت
من الدراسه وتعبت صدكني اذا صرت فارغ
راح تكرهه حياتك
الإنسان الي يشتغل واللي يدرس المفروض
يحمد ربه ويشكره لأنه جاي يقدم شي
المستقبله وجاي يسوي فد شي بحياته
بعدين يفتخر بي
الانسان الفارغ اللي نايم 24 ساعه وماعنده
شي يسوي بحياته واللي يروح ويرجع بنفس
المكان هذا فارغ هذا فريسه الافكاره
السلبيه ،
انت جرب تكعد وحدك وعلى المبايل والله
العظيم تكرهه حياتك الفراغ راح يولد افكار
سلبيه والمشكله الفكره اذا دخلت بعد
متطلع
وكل الأفكار السلبيه تجمع براسه لأنو هو
فارغ ماعنده شي يسوي مجرد انو يفكر
وحياته عباره عن ملل فـ انت أحمد ربك
وشكره لان انت جاي تشتغل على مستقبلك
وتسوي فد شي يفيدك بالمستقبل
وماعندك حتى وقت تفكر بشي سلبي. ✨🌹

وحدة من الأشياء اللي تصبرك على الحياة هو الصوت المخفي اللي ينحجي بداخلك وأنت بأسوء لحظات حياتك صوت يكلك أنت قوي يكلك أنت كدها يكلك على القليل أنت نضيف من داخلك يكلك كافي جهد وتعب ومشاعر ويا ناس ممقدرة صوت تحسه يطبطب عليك ويلزم أيدك ويشد عليها صوت يكلك أنت متماسك وثابت ومراح تستلم
هذا الصوت ممكن يكون صوتك أنت صوت نفسك ممكن يكون دعمك أنت حبك لذاتك قوتك أنت مرات نحتاج دعم من نفسنا أكثر من أي أحد ثاني وبمرحلة معينة وحياتك راح تعرف بيها أنه حاجتك لنفسك أكثر بهواية من حاجتك لأي شخص ثاني بهاي الدنيا نحتاج نفسنا تنقذنا من أي مرحلة سيئة نمر بيها وعلمود هذا مرات ندور عليها
ومنلكيها لأن تكون ضاعت و يا ناس خطأ دائما خلي الأفكار الإيجابية عن نفسك هي اللي تنخزن بداخلك دير بالك تسمح لأي شخص يأذيك ويخليك تحس أنك قليل لأن أنت مو قليل واللي يأذيك هو اللي قليل وقليل جدا. 🌹🎀

صبـاحَ الخيـَر ✨. "
سمعت معلومه تكول انه الشخص الي يدعي
يحصل القوه والصلابه الحياة تنطيه اختبارات
وعقبات وازمات لأن هو طلب القوه وعلمود
يحصل القوه لازم يواجه هل اختبارات
تصدكون أحس المقوله حقيقة لأن دائماً من
ادعي اللّٰه ينطيني قوة فجأة
الحياة تنسد بوجهي وتجيني اختبارات
وصعوبات ومشاكل وحده وره الثانيه بشكل
مو طبيعي وفعلا بعد كل الي يصير ازداد قوه
فـ أذا واحد طلب من رب العالمين شي لازم
يكون مستعد مو يطلب الشي بدون ميفكر بـ
الي راح يواجهه علمود يحصل الي يريده.

الدماغ البشري بطبيعته ما يستوعب النفي كـ مثال، إذا أكلك مثلا لا تفكر بالفيل مباشرة راح يجي بالك لأن الدماغ ما يشتغل بـ هاي الطريقة،
ما تكدر تكله لا تسوي فلان، حاجة، الطفل مثلا من تحجي وياه لا تكله لا تاكل ؏ القنفة، لأ، لازم تغيرها تكله أكل ؏ الميز، لا توجه ؏ الشغلة إللي أنت ما
تريدها وجهها ؏ الشغلة إللي أنت تريدها يعني الطيارين والمتزلجين يعرفون هاي الفقره لمن تكله لا تنصدم بالشجرة مباشرة راح يفوت بيها بس من تكله ركز ؏ الطريق راح يبدي يشوف الطريق بشكل يعني كلش واضح، والأشجار تبدي تصير
صغيرة، عنده نفس الشي، أنت إذا ركزت على الأمور السلبية والمشاكل ما راح تشوف غير المشاكل والمصاعب، أما إذا ركزت على طريق إلنجاح بوسط هاي الأشجار وهاي الهوسة،
فما راح تشوف غير بس الطريق الصح فـ دائما اذا عندك اهداف لا تفكر بغيرها واذا ماعندك اهداف فقط اكتبها وفكر بيها لمن تفكر بـ الامور الموزينه وبـ الامور العوجه مراح تشوف غيرها 🖤✨. "

عيد ميلادي

شوكت تفرج؟
يگولون أهلنا "الصبر مفتاح الفرج"، واحنا بالعراق مو بس سمعنا هالكلمة، احنا عشناها بكل تفاصيلها. الصبر عدنا مو بس كلمة تنكال باللسان، الصبر عدنا هو "الستيرة" اللي نغطي بيها تعبنا، وهو "القوة" اللي تخلينا نوكف على رجلينا كل ما الدنيا تميل بينا.

الصبر يجي من الإيمان بالله أولاً، ومن طيبة كلوبنا ثانياً. احنا شعب يحب الحياة، ونعرف إنّ "الشدة ما تدوم". الصبر مو معناه الاستسلام، لا.. الصبر معناه نتحمل ونبني ونحاول مرة وعشرة لحد ما نوصل للي نريده.

مو كـل ما يجي شَخص يشاركـك وَجعه أو تَـعبه
لازم تجاوبه بـ جُملة " أني وضعي أصعَب مِنك "
أو تستخف بكلامه وتگله ترة انتَ مكبر السالفة
ترة هي مو سباق منو تعبان أكثر ومنو الدنيا جاية عَليه أكثر الإنسان مِن يجي يفضفض يريد أحد يسمعه وينطيه مَساحة يحچي بدون مُقاطعة أو مُقارنة ولازم يبقىٰ ببالك انُ
كل واحد عنده جُهد تحمّل مُختلف شَـي يوجعك يمكن ما يأثر بغيرك والعكس صَحيح ، فَـ خلينا نتعلم نصغي ونحتوي بَدل ما نجرح ونقارن ♥️.

مو صحيح.

.

إذا تعيش يم واحد يخاف مِن كل خُطوة
حَتـىٰ لو عِـندك جُـرأة راح تـبـدي تتـردد
وإذا تــعـيش يَـم واحــد يُـؤمن بـنفســه
حَتـىٰ لو انت شاك بروحك راح تبدي تصدگ نَـفسك
يعـنـي شنو ؟!
يعنـي الإنسان مراية للمَكان
ومراية للناس اللي تحيــــطه
إذا تختار تگعد يَم ناس كُل يوم تحچي عَن الماضـي
راح تظل عايش بأحداث خلصت من زمان
وإذا تختار تگعد يَم ناس تحچي عَن أهدافها راح تگعد فجأة وتسأل نفسك " ليش بعدني ما بديت"

الطموح مُعدي
والكَسل مُعدي
والتفكير الصَغير هَم مُعدي
لا تكول الظروف ما ساعدتنـي
انت يمكن بس اختاريت البيئة الغلط
مثل البذرة مو كل أرض تنبتها وهالشـي مو لأن البذرة فاشلة بس لأن التربة ما تناسبها انت بس غَير التربة وحَـتشوف شلون تُـكبر بدون ما تحس🤍.

اليوم جنت افكر بموضوع ، شنو اليخلي 2 يبقون سوه خمس سنين او اكثر ، صديق او حبيب
علاقة بدون مصلحة ، بدون أقنعة ، من غير مايمل احد من الثاني .
ماكو غير اجابة وحده ، ذوله صاروا عائلة ، العائلة مو دائماً الي تربيت وياهم بنفس البيت ، العائلة مرات تنخلق من غير بيئة ، من الشارع ، من المواقف ، من الوجع المشترك .
اليبقى وياك سنين شافك وانت صاعد ، انت واكع ، وسكّت على هواي امور حتى مايكسرك .
الي يعرف وجعك من صوت الموبايل ، ويدزلك رسالة وانت ساكت ، مو حتى يسألك شبيك ، يريد يكلك اني هنا
هذا مو مجرد واحد من الناس ، هذا شخص صار جزء منك ، صار مرايتك وملجأك وأمانك النفسي .

العائلة مرات تنخلق من عشرة ، مو من رحم .🙂🤍