في عندي أسئلة دورات منزلون من موقع الوزارة يعني مو معدل عليهون شي حتى مع السلالم تبعون شو رأيكم نزلون ولا نزل مادة معينة ؟؟ عطوني رأيكم 🤔

الله يعطيكم العافية بكالورياتنا الغوالي
لح نفوت اليوم بفقرة #تجربة شهر الانقطاع
لح احكيلكم تجربتي اليوم
انا اسمي عماد (لح كون معكم بشرح وحدة التكامل هلأ)كنت طالب بكالوريا قدكم
جمعت ٢٣٨.٢ الحمد لله وحاليا عم ادرس تحضيرية بجامعة دمشق🔥
هلأ كتير عم تجي الأسئلة انو كيف ندرس بشهر الانقطاع
لح قلك طريقة دراستي كيف ومو ضروري تاخدها وتطبقها بحذافيرها فيك تعدل فيها كيف ما بدك
🔵انا كنت حب دراسة الصبح من النوع اللي بنام بكير وبفيق بكير 😂😂
فأول مافيق كنت أتسحر اذا كان في رمضان و اذا مافي رمضان اكل كم لقمة مشان صحصح وصل الفجر بعدين بلش دراسة كنت اول ما فيق ادرس علوم كل يوم درس او درسين ان كترت طول شهر الانقطاع بس ادرسون كأني مالي سمعان فيون بحياتي يعني كانو عم اخدون من أول وجديد
كنت مخصصلها ٣ ساعات يعني لل ٩
بعدين ريح ساعة لل ١٠ وادرس مادة دسمة كتير متل الفيزيا او الرياضيات او الكيميا وكنت حطلها باليوم من ٤ ل ٥ ساعات كيف ادرسون هدول بعد ما ريح من العلوم ادرس ٤ ساعات من ال ١٠ ل ٢ بعدين من ٢ لل ٤ نوم بفيق بصل العصر وبدرس لغة يا إنكليزي يا فرنسي يا عربي لبين ما يأذن المغرب ان كان رمضان ولا غير رمضان بعد المغرب عندي ساعتين استراحة
وبعد الاستراحة 😴😴
ساعة وحدة بس ادرس فيها وطنية ان شاء الله صفحة
🔴طيب شلون كانت آلية دراستي؟؟

🔵كنت اعمل دفتر اكتب فيه بداية الاسبوع لنهايتو شو لازم خلص بهاد الاسبوع مو كم ساعة لازم ادرس انتبه هون لانو الساعات اذا مالي مركز فيهون ما استفدت شي واذا ما أنجزت فيهون شي لح تكتأب وتكره الدراسة وتقعد تندب حظك😂💔
فكنت حط بالأسبوع كلو:
🔵مادة دسمة اللي هي يا فيزيا يا كيميا يا رياضيات
🔵العلوم الصبح
🔵وطنية المسا
🔵 لغة من اللغات بتحب يومين انكليزي يومين فرنسي حسب انت اللغة اللي كنت ضعيف فيها
هيك انت بتكون مرقت اربع مواد مع بعض بدون ما تحس 🔥👏🏻👏🏻
وانا ما بحبذ طريقة الدراسة اللي بتقول انك تمسك المادة من اولها لآخيرها قعدة وحدة هيك لح يضيق خلقك ونصير تشبل شبل❌
ولا انك تشعب حالك كتير انك تكتر المواد باليوم❌
يعني لا تكتر عن ٣ مواد او ٤ مع لغة
وهيك لحتى تخلص معك الفيزيا بتنزل بدالها الرياضيات بتخلص الرياضيات بتنزل بدالها الكيميا
لحتى تخلص كل المواد
بجوز العلوم تقدر تعيدها مرتين الوطنية مرتين حسب انت وقوة حفظك ودراستك بالسنة
ولا ترد على كل مين بقلك عم ادرس ١٤ ساعة لانو كتير صعب والشغلة مو بعدد الساعات الشغلة بعدد الأبحاث والدروس
وبعد عن رفقاتك السلبيين تبعات انو ما عم ندرس وتعبانين كتير وعم نموت ومن هالحكي😏 لانو عم يدرسو بدون ما يقولولك🙂😂
و بالنسبة للموبايل عادي تستخدمو بس حاول تقلل استخدامو اذا ما كنت عم تدرس من خلالو لانو الساعة بتجر ساعتين وتلاتة وبيخلص النهار وما درست شي💔🙂
ومو ضروري تعيد المادة مرة ومرتين وتلاتة ضروري تكون مركز كتير في ناس عادت تلت مرات وناس عادت مرة وحدة وجابو علامة اكتر فمو مقياس
وسامحوني على البوست الطويل
وانتو قدها والله في ناس بلشت هلأ وجابت فوق ٢٣٠🔥🔥 مو فوق ٢٠٠
انت قدها بس بدها شوية صبر شوية دراسة زيادة😇
حط قدامك ورقة مكتوب فيها حلمك🔥🔥 ومجموعك اللي بدك توصلو🔥🔥 كلما تعبت اتطلع عليه بترجع فيك روح العزيمة والاصرار لانو في حلم بيستناك لتحققو 💪🏻💪🏻
شو بتحتاجو مساعدة نحن جاهزين فريق #خطوة معكون
هي رابط قناة التلغرام تبعنا عم نزل فيها شي خرافي 🔥🔥🔥
متل الإسعافيات🔥🔥👏🏻
https://t.me/Stepbac9

كل عام وانت بالف الف خير بكالورياتنا الغوالي ❤️❤️
ان شاء الله العيد الجاية بتكونوا بالفرع اللي بتحبو والمكان اللي بتتمنوا ✨️
بعرف شعور خذلان وحسرة لأنو انتو قاعدين ورا الكتب والناس عم تطلع و تتمشور عادي شي طبيعي 🙂
بس تذكر حلمك اتذكر طموحك مافي شي بيجي بدون تضحية 💪
ولهيك مافي مانع أبدا انو تاخدو استراحة يوم او يومين بالكتير بشرط انو بعد هي الراحة تكون الانطلاق نار وشرار 🔥💪
يلا هانت كلها كم يوم وبأذن الله بتخلصوا من تعب ١٢ سنة بس بدنا شوية صبر❤️
موفقين كتيير 🌹💪

شفتو شو فوائد التكامل يابي 😂😂
كل عام وانتو بالف خير ❤️❤️

بما أنو لقيتو فكرة التمارين مقبولة لح كون معكم كل يوم بسؤال من دورة وزارية😱 وننشروا هون عالقناة الصبح🔥🔥 وتحلو انتو وتبعتولي الحل ومنصححو سوا المسا واذا في شي مشاكل منشرحلكم ياهون🌹

المسألة الثانية من دورة ٢٠١٩ الأولى فيها مراجعة لفكرة التابع الأسي ونهاياتو واشتقاقو

حلو التمرين هلأ بس ضروري ضروري تعير لحالك وقت 😁 بعد ما تحلو بتصححو المسا الحل وتبعتولنا الاسم والعلامة بالتعليقات 😍

و المسا ان شاء الله لح نبعت السلم الوزاري وشلون توزيع العلامات 🌹

هيك كان السلم الوزاري والحل لهاد السؤال

النموذج الوزاري الأول
هاد السؤال دائما بيجي أول سؤال اما على شكل رسمة او على شكل جدول تغيرات علامتو مضمونة وبالجيبة ان شاء الله🔥💪
حلو وبكرة الصبح منحط الحل 🔥

هي حل التمرين اللي بعتناه مبارح
التمرين كتير حلو راجعلنا اكتر من فكرة متل فكرة تحديد مجالات حلول المتراجحة
المماس الأفقي
الاستمرار وهل التابع اشتقاقي ام لا
معرفة عدد حلول المعادلة
مراجعة القيم الحدية الكبرى والصغرى
وغيرها من الافكار اللي بيجي عليها أسئلة كتير 🔥🔥

السؤال الأول بالنموذج الوزاري الثالث تمعنو بالجدول مشان نحل الاتمتات اللي تحتو 🔥🔥

#التقابل العكسي
معلومات مفيدة في التقابل والتقابل العكسي
نقول عن التابع f أنه تابع تقابل إذا كان مستمرا ومطردا تماما على مجال الدراسة
يمكن اكتشافه من الرسم بأن كل مستقيم أفقي يقطع الخط البياني بنقطة واحدة فقط
ويمكن اكتشافه جبريا بأن يكون للمعادلة y=f(x) حل وحيد ، او من دراسة التغيرات و اكتشاف أنه مستمر و متزايد ( متناقص) تماما على مجال الدراسة
لكل تابع تقابل يوجد له تابع عكسي يمكن تسميته بالتقابل العكسي
الخطان البيانيان لهما متناظران بالنسبة إلى المستقيم الذي معادلته y=x وهو منصف الربع الأول و الثالث
مجموعة تعريف التقابل العكسي هي المستقر الفعلي للتابع التقابل ، ومستقره الفعلي هو مجموعة تعريف التابع التقابل ( يعني المنطلق يصبح مستقرا ،،،،والمستقر يصبح منطلقا )
وأهم الأمثلة
التابع اللوغاريتمي lnx معرف على الأعداد الحقيقية الموجبة تماما ومستقره R وهو تابع تقابل
وتقابله العكسي هو التابع الأسي e أس x المعرف على R ومستقره الفعلي هو الأعداد الحقيقية الموجبة .
لاحظ أن الخط البياني للتابع lnx يمر بالنقطتين (1,0), (e,1) بينما يمر الخط البياني للتابع e أس x من النقطتين (0,1) , (e ,1) المناظرتين لهما بالنسبة للمستقيم y=x .
الموجبة تماما . والخطان البيانيان لهما متناظران بالنسبة إلى منصف الربع الأول ومعادلته y=x
، أيضا لو قصرنا التابع التربيعي x تربيع على المجال من صفر الى لانهاية فإنه تابع تقابل وتقابله العكسي هو تابع الجذر التربيعي .
#خطوة
https://t.me/Stepbac9

النموذج الوزاري الرابع تعمقو فيه منيح لانو مهم🔥 كتير وافكارو امتحانية بامتياز وحلو بعدها الاتمتات🔥🔥🌹