السلام عليكم ورحمة الله وبركاته.
مشاكلكم مع الصلاة محتاجة توبة يا صحبة.
ملاحظين بنتكلم وهنتكلم عن التوبة بأشياء بسيطه جداً.
علشان بس ما نكملش في الكلام وفي ناس اصلا ذنوبهم حبساهم وعايشين بقلوب ميته💔
قلوب بقت حجارة واشد💔

السلام عليكم ورحمه الله وبركاته
فضل الصلاة : 1_ تمحو الخطايا والذنوب
2_ تنير الطريق
3_ تهديك الي الطريق المستقيم
4_ الصلاة نور وراحة للقلب
5_ الصلاة صلة بين العبد وربه
6_ الصلاة امان من النار وهي مدخل الجنة
7_ الصلاة ان صلحت صلح سائر العمل وان فسدت فسد سائر العمل
8_ اول طريق لبداية النجاح الصلاة
9_ الصلاة حصن لكل مكروه
قال رسول الله صلى الله عليه وسلم
ارايتم لو كان نهرا بباب احدكم يغتسل منه خمس مرات هل يبقي من درنه شئ ؟
قالوا : لا يبقي من درنه شئ
فقال : فذلك مثل الصلوات الخمس يمحو بهن الخطايا

فضل كل صلاة :
صلاة الفجر : افضل صلاة ، فان الشمس اذا طلعت تطلع بين قرني الشيطان ويسجد لها كل كافر من دون الله فما مؤمن يصلي اربعين يوما في جماعه الا اعطاه الله براءة من النار وبراءة من النفاق

صلاة الظهر : فانها الساعة التي تسعر فيها جهنم فما من مؤمن يصلي صلاة الظهر الا حرم الله تعالي عليه لفحات جهنم ويوم القيامة

صلاة العصر : هي الساعه التي اكل فيها ادم عليه السلام من الشجرة فما من يصلي العصر الا خرج من ذنوبه كما ولدته امه ثم قال الله تعالي ( حافظو علي الصلوات الوسطي )

صلاة المغرب : فانها الساعة التي تاب الله علي ادم فينا فمن شخص صلي هذه الصلاة محتسبا ثم يسأل الله اي شئ الا اعطاه

صلاة العشاء: فان للقبر ظلمة ويوم القيامة ظلمة فما من مومن مشي في ظلمة الليل الي صلاة العشاء الا حرم الله عليه رقود النار 💙.

ومش عايز تتوب ولا تصلي 😢💔💔
#مرئيات
https://t.me/Stepchange1

السلام عليكم ورحمه الله وبركاته..
نبدأ كدا بقوله تعالي " ان الانسان خلق هلوعا، اذا مسه الشر جزوعا، واذا مسه الخير منوعا، الا المصلين" دى حقيقه الانسان، روحك فى الدنيا دى مش مرتاحه لان دى مش فطرتها بس استني لحظه، ربنا استثني حد مهما حصل لسه فى سكينه ومطمئن وهم " المصلون"...
" واستعينوا بالصبر والصلاه " اللى هيعينك على بلاوى الدنيا والمصائب دى هى الصلاه..
طيب عارف الذنب اللى بتعمله وحاولت مره واتنين وتلاته ومش عارف تتخلص منه!
اهو انتَ لو صليت هتتخلص منه " واقم الصلاه ان الصلاه تنهي عن الفحشاء والمنكر".
شايف الصلاه جميله ازاى؟! 
خد عندك النبى ﷺ قالنا: "تحترقون تحترقون فإذا صليتم الفجر غسلتها، ثم تحترقون تحترقون فإذا صليتم الظهر غسلتها، ثم تحترقون تحترقون فإذا صليتم العصر غسلتها، ثم تحترقون تحترقون فإذا صليتم المغرب غسلتها، ثم تحترقون تحترقون فإذا صليتم العشاء غسلتها "..
انتَ طول يومك محتاج صلاه فى حياتك لان هى السكن والسكينه والطمأنينه..
لسه مش نويت؟
النبي ﷺ قال" الصلوات الخمس،الجمعه الى الجمعه، ورمضان الى رمضان، مكفرات ما بينهن اذا اجتنبت الكبائر"
يعني كل ما تصلي احد الصلوات الخمس وتعمل ذنب وتصلي الفرض اللى بعده انتَ كدا ذنبك اتكفر متخيل؟؟
استعن بالله ولا تعجز، اللهم اهدنا صراطك المستقم..

السلام عليكم ورحمه الله وبركاته
لسا مكملين كلامنا بإذن الله عن فضل الصلاة
صلوا على النبى وتعالوا نكمل..
نبدا كلامنا بقول صلى الله عليه وسلم " إكلفوا من العمل ما تطيقون وإعلموا أن خير أعمالكم الصلاة "
تعرف بمجرد أن تقول الله أكبر ينصب الله وجهه تلقاء وجه عبده المُصلِى ما لم يلتفت وتعرف كمان أن النور الذى تراه فى وجوه بعض الناس وعباد الله الصالحين بسبب نور الله وهبه إياه بسبب صلاته!!
ربنا بيقول " كلا لا تطعه وإسجد وإقترب " مع ذلك وأنت ساجد ربنا بيقول إقترب.. ليه؟ لأن سجودك بين يدى الله هو إقتراب من الله عز وجل وأنت بمجرد أن تتطهر وتتوضأ وتدخل إلى الصلاه وتقول الله أكبر أصبحت بين يدى الله عز وجل، وتخاطبه بكاف الخطاب وتقول له " إياك نعبد وإياك نستعين " ، وحين تسجد تكون أقرب الخلق إلى الله.. لأن الرسول صلى الله عليه وسلم قال " أقرب ما يكون العبد من ربه وهو ساجد ".. ومن حافظ عليهن كانت له عهدٌ عند الله أن يدخله الجنه، يحافظ عليها من شروطها وأركانها إلى أخره، وكانت له البشرى من الله " إدخلوها بسلام ".
الصلاااة الصلاااة، النبى وصى بها فى بدايه حياته وأخر خطبه له خطبه الوداع وحتى عند مماته.. هقولكم على قصه حلوه لما النبى كان فاضله دقائق وهموت صلى الله عليه وسلم.. النبى لما جاءه جبريل وأخبره أن ملك الموت جاء ليقبض روحه فأخذه جبريل وضرب الأرض وتوضأ مثله وقال "صلى يا محمد مثلى.. لأن إرتباطك بالسماء يجب أن يكون عن طريق هذه الصلاه".. شوفت الصلاه قيمتها قد إيه متخيل!!
يا أخى إرتبط بالله.. بقول الله أكبر، والله إنها لذه لا تعقبها لذه والله ما يعرف قيمه الصلاة إلا من صلها و قلبه متعلق بها.. أسال الله أن يرزقنى وإياكم.

لا تيأس إفعل الخير وتحرك إلى طريق الله وأقبل إلى الله بحق وهدى وسنة ورغبه جادة ونيه صادقة، بالله ليفتح الله عليك ولتعجب من كرمه ولطفه بك.
فى أمــان اللّٰــه وحفظـه يا رفـاق💙

مؤلمة جداً قصتها عندها شلل رباعي
مهم.
#مرئيات
البنات تغض البصر.
https://t.me/Stepchange1

قولي عذرك يا مسلم.
قولي دلوقتي هتقول لربنا أي يوم القيامة.
أنت ضعيف يا بني والله
يا بنتي مش هتقدري علي العذاب.
لي بتكسل عن الصلاة أنت وهي؟
لي اول ما تسمع الأذان بتقعد تمسك الفون او تاكل او تتكلم وتقول مشغول وتكسل عن الصلاة؟
انت كدا عبد للفون وعبد للاشياء اللي بتخليك تكسل.
أنت كدا مش عبد لربنا.
أصل اللي نعرفه إنك في اول الصلاة بتعترف لربنا انك عبد له وبتنفي العبودية لغيره.
طيب لي برضو مش بتصلي؟
رد.
ما ترد تقول بتكسل لي؟
رد بقولك لي بجد مش بتصلي.
ترضى تموت كدا؟
لا بسألك رد عليا ترضى تموت كدا؟
طيب بدل أنت مش ترضى تموت كدا مش بتصلي لي؟
هو ربنا عملك حاجه وحشه؟
مش هو اللي بيرزقك مش بتصلي له لي.
مش بتسجد له لي وتنحني له لي.
مش هو اللي بتعصيه ويسترك وبتبعد وبيبقا عايزك تقرب له علشان يتوب عليك و يكرمك.
أنت بقا مش عايز تصلي و تستعين به لي.
أنت يا بني بتقرأ الفاتحه 17 مرة في اليوم علشان تقوله "إياك نعبد وإياك نستعين "
طيب هيعينك ازاي وأنت مش بتقرأها!
هيعينك ازاي علي متاعب الدنيا وعلي أحزانك وعلي مذكرتك وعلي شغلك وعلي إنك تقدر ترفع أيدك بالمعلقه علشان تاكل.
لولا عون الله لك وحول وقوة منه سبحانه وتعالي مش هتقدر والله.
أنت محتاج ربنا أنت تعبان من غيره أنا حاسس بيك أنت نفسك قلبك يرتاح أنت نفسك يجبرلك قلبك أنت محتاج تصلي.
صلي
قول هصلي يارب
قول هصلي من الآن يارب
قول مش هضيع فرض يارب ارزقني حول منك وقوة.
قول ساكت لي.
ما تقول خايف؟
اوعا تكون خايف تصلي. 💔
صلي.

السلام عليكم ورحمه الله وبركااته.
" العهد الذى بيننا وبينهم الصلاه، فمن تركها فقد كفر".
تخيل يكون بينك وبين ربنا عهد وهي الصلاه وانتَ بكل بساطه متصليش!!
ناخد الجزء الثاني من الحديث'' فمن تركها فقد كفر" طبعا اكيد عارف ان تارك الصلاه نكرانا او جحودا دا مُتفق على كفره''المخرج من المله"
الخلاف كان على المكسل ودا فى ناس قالت بكفره"خروج من المله" او فسقه" كفر دون كفر"..
لو مش متخيل الكارثه اللى انتَ فيها تعالي اشرحلك يعنى سيادتك لا يُصلي عليك اصلا، لا تُدفن فى مدافن السلمين متخيل!!
ليه تعمل فى نفسك كدا؟ 
الرأي التانى اللى بيقول بالفسق انتَ كدا شهادتك مرفوضه فى الحدود لانك فاسق!!..
"بين الرجل وبين الكفر والشرك ترك الصلاة " اخرجه الإمام مسلم في صحيحه.
استدلوا بدا على رجحان الكفر!
سيبك من دا كله تعالي نشوف فى الآخره.
" ما سلككم فى سقر، قالوا لم نك من المصلين "
وادى فى جهنم لتارك الصلاه😢.
يبني بتحط نفسك هنا ليه؟! انت قد حساب ربنا وسؤاله ليك يوم القيامه؟ اديني سبب منطقى يخليك مش بتصلي؟ مفيش صح!!
قوم صلي ركعتين توبه واستغفر عن " كبيره ترك الصلاه" وابشر سيبدل الله سيئاتك حسنات وهيقبلك''واني لغفار لمن تاب وآمن وعمل صالحا ثم اهتدى"..
الايه فيها تأكيدين" ان، اللام" غير انها كلام رب العزه مستني ايه؟ مستني ايه بجد علشان تقوم تتوب وتصلي؟ مستني لما تموت ويُفتح عليك فى القبر بوابه لجهنم وتُعذب ليوم القيامه دا غير حساب ربنا؟!
الفكره انك سايب اصل الراحه فى الدنيا يعنى مش حاجه تقيله اصلا!!
توب وابدأ صفحه جديده ولو انتكست توب تاني وادعي لحد ما تروحله
ها تحب تروحله تارك؟ ولا تحب تروحله واصل؟

السلام عليكم ورحمه الله وبركاته
تارك الصلاة
الكلمة مُرعبه جداً
عذاب تارك الصلاة : فهو كافر وفي خلاف سوا كان كافر خارج عن الملة او فسق وكلاهما شر
انت مُتخيل ان العلماء دلوقتي محتارين انت خارج عن المله ولا لا يعني كافر ولا لا ،
قال الله تعالي : إن المنافقين يخادعون الله وهو خادعهم واذا قاموا إلي الصلاة قاموا كسالي يراءون الناس ولا يذكرون الله إلا قليلا ﴿ سورة النساء ﴾ ، يا تارك الصلاة مصيبتك اعظم من مصيبة ابليس ابليس رفض إن يسجد لأدم وانت ترفض ان تسجد ل رب ادم !
، أنت كمسلم مفيش حاجة في حياتك أعظم من الصلاة
لازم الصلاة تكون لها الأولوية الاولى في حياتك ،
يا تارك الصلاة المنافقون الكاذبون كانوا يصلون ولكنهم كانوا يصلون رياء وانت لا تصلي ابدا !!!
ماذا بك افق من غفلتك يا مسكين .. دي جنة ونار ليس شئ يتهاون به ، لا يخشي تارك الصلاه أن يقبِض اللَّـه روحه فـ يمت وهو كافر! ، ترك الصلاة بيخلي القلب يستهون بباقي الذنوب اعمل لاخرتك .. صلاتك ان صلحت صلح عملك كله وان فسدت فسد عملك كله ، الرسول صلى الله عليه وسلم كانت وصيته لنا الصلاة ،
لسه برضو مش عايز تصلي ؟!!

السلام عليكم ورحمه الله وبركاته
ترك الصلاة أمر خطير خط أحمر..
أنا احاول معاكم وأنا والله أحب ان أبشر ولا أنفر ولكن ترك الصلاه مصيبه، الصلاة عماد الدين والإسلام  الذى يترك الصلاه يهدم بيته ولا أساس ولا قيمة له، الله لا ينظر إليه ولا يزكيه ولا يكلمه وبهذا تكون إنقطعت الصله بينك وبين الله
الذى لا يُصلى تلعنه الطيور فى السماء والحيتان فى البحار ويلعنه جميع خلق الله.. ليه نترك الصلاه؟
تارك الصلاه لا يُجالس ولا يُواكل ولا يُؤتمن ولا يُزوج ولا يُغسل ولا يُكفن ولا يُدفن فى مقابر المسلمين.. نعوذ بالله من غضبه
تارك الصلاه مشرك نجس ربنا عز وجل قال عنه فى القرٱن " يا أيها الذين ٱمنوا إنما المشركون نجس فلا يقربوا المسجد الحرام"
والله خسران من ترك الصلاه!!
ي حبيب الزكاه ممكن تسقط عنك لو أنت لم تستطع والصيام يسقط عنك لو كنت مريض أو على سفر وكذلك الحج لو لم تستطع إليه سبيلا.. إلا الصلاه لا تسقط أبدا حتى لو كنت مقعد أو جليس تصلى سواء وانت جالس أو بعينك المهم إنك تصلى
تعرف ال بيترك الصلاه إنه بيجازف ب أخِرته كلها وبيجازف بكل عمل صالح هوا عمله ربنا بيقول " فخلف من بعدهم خلف أضاعوا الصلاه وإتبعوا الشهوات فسوف يلقون غيا " غيا دا نهر فى جنهم أعاذنا الله وإياكم يُلقى فيه مَن ترك وأضاع الصلاه
تعرفوا مثلا لو الواحد عنده نهر بيغتسل منه فى اليوم خمس مرات.. مش كده هيبقى نضيف وخالى من أى وسخ.. زيها برضو الصلوات الخمس ربنا بيمحو بهن الخطايا والذنوب
طيب ازاى النبى هيعرفنا يوم القيامه عن باقى الأمم؟ إزاى هيعرفنى أنا وأنت؟ الصحابه لما سألوا الرسول صلى الله عليه وسلم أنه إزاى هيعرفنا يوم القيامه، النبى قال "لكم سيما ليس لأحد من الأمم تأتون عليا غرًا محجلين من أثر الوضوء" من أثر الوضوء!! ، فأنت إزاى عاوز النبى يعرفك يوم القيامه وأنت اصلا اصلا مش بتصلى؟

تعرفوا تارك الصلاه لما يُوضع فى القبره الصلاه بتيجى عند رأسه ولما بيأذن الأذان فى الدنيا الصلاه بتقول للعبد ال بيترك الصلاه " أضاعك الله كما ضيعتنى " والله ي رفاق جمله تحزن وتوجع القلب! ، لا وكمان يوم القيامه بيجى يحاول السجود لله.. ي إخوان بيحاول أن يسجد لله سجده واحده.. بيحاول يثنى ظهره ويركع لله.. بيحاول يحط جبينه ع الأرض.. تعرفوا إي ال بيحصل؟ ضهره بيتصلب ولا كأنه سيخ حديد ومش بيعرف يسجد لله عز وجل
أنت ليه بتضيع لذه الوضوء ولذه الوقوف بين يدى الله والخشوع له ولذه النوافل والقيام؟ ليه..؟
يا اخى النبى صلى الله عليه وسلم كان إذا أصابه هم أو غم.. ماله؟ فزع للصلاه يعنى مثلا يقوم للصلاه.. لا فزع وأسرع للصلاه يشكو همه لله
أنت ي حبيب إزاى أنت تارك الصلاه متحمل كل الضيق ال ف صدرك دا؟ إزاى متحمل الهم والمشاكل فى حياتك وأنت مش بتلجأ لله وتناجيه و تبث همك لله؟ إزاى عاوزه أفهم؟

إفتح صفحه جديده مع الله وتقرب إليه الفرائض الاول وبعدين النوافل حتى يُحبك الله عز وجل.. بالله إذا أحبك الله أحبك كل شئ وقد نجوت من هم وضيق.. صلِى ولا تكن من الخاسرين وإبدء حياه جديده مع الله
والله لو صليت وواظبت على الصلاه لتقول ياربى على كل لحظه لم اكن فيها بالقرب من الله وهتحس بندم ع الايام دى
واظب على الصلاه وأبشر..
دُمـتـم بـخـيـر وفـى أمـان اللـه..💙

ثلاثه اوديه في النار لمن يستهين بصلاته💔

١- وادي غي :وهي لمن يجمع الصلوات في صلاة واحدة ، قال تعالى [ فخلفهم من بعدهم خلف أضاعوا الصلوات واتبعوا الشهوات فسوف يلقون غياً ] ..
وهذا الوادي " وادي الغي " تستعيذ منه جهنم كل يوم من شدة حرارته فهل يتحمله بشر ؟ .

٢- وادي ويل : وهي لمؤخر الصلوات بدون عذر و هو وادي مليء بالعقارب والحيات لقوله تعالى [ ويل للمصلين الذين هم عن صلاتهم ساهون ].

٣- وادي سقر : وهو لتارك الصلاة حيث قال تعالى [ماسلككم في سقر ، قالوا لم نكن من المصلين ] و قال [وماأدراك ماسقر ، لاتبقي ولا تذر ] ، وهذا الوادي بمجرد دخول تارك الصلاة تذوب عظامه من شدة الحرارة وتارك الصلاة يحشر مع فرعون وهامان ويحرم من شفاعة النبي صلى الله عليه. .

السلام عليكم ورحمه الله وبركاته
عساكم بخير يا أحباب
بودكاست إيه المشكله مهم جدا يا رفاق نسمعه، أى سؤال بيدور فى دماغك هتلاقى إجابته بعد ما تسمعه وهيفرق معاك جدا، وأبشر هتتعلق بالصلاه بإذن الله، هوا طويل شويه بس مهم جدا نسمعه
وبإذن الله بكرا هننزل عليه أسئله وال هيجاوب عليها هيتعمل له شهاده تقدير سُكر شبهه..👀💙
وياريت أى حد مقرأش البوستات ال نزلنها يقرأها، عايزين نشد الهمه كده
وحابه أبشركم إن بعد فقره البودكاست دى مجهزين مفاجأه حلوه هتعجبكم بإذن الله
دُمـتـم بـخـيـر وفـى أمـان اللـه💙

عااااااااااااااااااااجل ⛔❗
السكاكر اللي لسه ما سمعوش البودكاست يسمعوه 🧸
علشان هتنزل فقرة الاسئلة بعد صلاة العشاء هلموا ما زال هناك مُتسع من الوقت 🤗
هسنتاكم تسمعوه ما تقلقوش 🙈🧸

يلا توت توت يا كتكوت 😻

السلام عليكم ورحمه الله وبركاته يا صُحبة الجنة هنبدأ اسئلة البودكاست دلوقتي استعدو 💙