﴿ فَإِنَّ مَعَ العُسرِ يُسرًا ﴾ 

‏ثمة سعادة في نهاية ڪل حزن
وثمة راحة بعد ڪل تعب ..
وثمة نور بعد ڪل ظلام ..
وثمة فرح بعد ڪل ألم ..🧡

جد يا جماعة 🩵🌿إذا بدك تتوفق بحياتك حاول قدر الأمكان تكون مهتم ببر والديك❤️‍🔥

مارح تحس بسعادة وتوفيق وتيسير إلا إذا كانو اهلك رضيانين عليك 💜💕

كلشي بيزعجون بتصرفاتك تخلص منها ❤️☺️

كلشي بيسعدون ساويه اكسب رضاهون بدنياا والأخرة🤎🥰




اهلك هنن سبب توفيقك وطريق  لرضا الله🦋🤍

مرحبا💁🏻‍♂️❤️
حابب احكيلكن شي لذيذ!
من سنة بالضبط كنت عم مر بفترة اليأس وانه ضيعت كتييير وقت وماعاد لحق، كنت عم شوف كميات الدروس والمواد يلي متراكمة عليي وما بقدر حتى بلش درس من الاحباط اللي صابني وقتها وكنت مقرر انسحب وقدّم السنة الجاي معكن.
متلكن تماماً عم دور ع أي شي يحفزني لأدرس ودور ع تجارب طلاب قبل بهاد الكروب، في جملة لساتها معلقة ببالي وهي يلي عطتني دفشة لقدام نوعاً ما:
"ما تنطر تسمع قصة نجاح حدا، اصنع انت قصتك واحكيها للعالم"
وهلا جاي احكيلكن قصتي🥳
خلال السنة كنت افهم الدروس ع الخفيف وادرس للتسميع قبل بساعة (تمريق يعني مو دراسة تركيز وحفظ) لأن كنت مشغول بقصص بعيدة تماماً عن البكالوريا وهاد أكبر غلط ساويته...بس ما ندمت عليه!

15 نيسان 2023
اليوم يلي قررت انه خلص...سام معك شهر ونص ادرس كل طاقتك فيهن واذا كانت اول دورة علامتك منيحة تمام، ماكانت منيحة بتعيد السنة الجاي.
وفعلاً، بلشت امسك كتبي وادرس وأعمل جداااول وقصص ما التزم فيها (بس ولله التخطيط الها بسلي🤣)
بهداك اليوم كنت مراكم:
فيزيا "الوحدة التالتة والرابعة والكهربا والتحريض"
كيميا "اخر وحدتين"
علوم "الفصل التاني وشوية من الاول"
إنكليزي "الفصل التاني ودرسين من الاول"
وطنية "ما كنت مبلش فيها"
عربي "كنت متابع مع الانسة ما راكمت"
رياضيات "أحلااااا مادة كتير كانت سهلة عليي"
ديانة "ماكنت مبلش فيها"
فرنسي "كنت متابع بس بدون حفظ مواضيع"

بلشت اول فترة بالزنقة ادرس الاشيا يلي ولا مرة درستها
صرت ركز ع الفقرات يلي بتتكرر دورات او الاشيا المهمة والاشيا السخيفة لان غالبا بتجي
بذكر لهلا وقت سالت انسة الوطنية لما بلشت فيها قلتلا: انسة كم مرة لازم كون دارس الوطنية حتى سكرها؟
قالتلي: يعني اقل شي 3 مرات😳😳😳 هون صعقت!
بس مابقدر ساوي شي عملت اللي عليي ودرست
خلال كل اسبوع كنت ادرس شغلات ما درستا قبل وراجع شغلات من مادة تانية دارسها قبل
هيييييك وسااحب دراسة وضغط لدرجة عيوني ماعاد تشوف لمسافة 3 او 4 امتار منيح وضهري ع طول يوجعني...بس معلش كنت عم أنجز!
اخر اسبوع كنت مخصصه للفيزيا، مراجعة سريعة ودورات وحركات
الأيام يلي قبل الامتحان ايام ذهبيييييييية
في مواد درستها حرفيا قبل المادة بكم يوم مثلاً:
الفصل التاني انكليزي درسته قبل بيوم (وهون انكليزيتي ساعدتني)
الوطنية بدل ما راجعها بأيام المادة اكتشفت انه عم ادرسها من جديد🤣🤣
علوم رحت ع الفحص في شغلات مو دارسها لان ضخمة ما لحقتها ف استغليت أيام المادة حتى راجع يلي دارسه بس

بلش الامتحان:
اول امتحان كان فيزيا، رحت ومرعوب لان إلكترونيات ما لحقت درستها ف حرفياً ضليت عم ارجف اول تلت ساعة من الفحص وما قدرت اكتب شي بعدين مشي الحال
وجبت فيها 37.5/40
أكملتها وصارت 38.5/40

تاني مادة كانت العربي، المادة يلي الكل بخاف منها
قبل المادة كانت الآنسة عم تخلينا ندرس السلم لنعرف كيف نجاوب ونضمن العلامة...
والحمدلله سكرتها 40/40

الفرنسي هي اللي كنت مقرر فاضل عليها بما انها سهلة ومتابعها وصغيرة مقارنة بالانكليزي
رحلي ع اختر اجابة 2 و ع وحدة تانية 0.8
ف جبتها 27.2/30

الإنكليزي المادة يلي لملمتها قبل المادة...صار النصيب اني فاضل عليها
رحلي اختر اجابة 0.4 وبتشكيل السؤال 0.3
ف جبتها 29.3/30

الوطنية 🤣 يلي درستها مرة وكنت مرعوب لانه ما بعرف احفظ وبنسى
جبتها 19.5/20😎 والغلط كان سهواً للاسف

العلوم اللي علامتي فيها بعتبرها توفيق من الله
اجاني بس من يلي دارسه الحمدلله
جبتها 29/30

الكيمياء اللي بتراضي الكل زعلتني شوية، رحلي بأخطاء حسابية
جبتها 18.4/20

الرياضياااااات عشقي الأبدي (أحببتها ولقد رمتني بأسهمٍ)
بصراحة ما بعرف وين راحو علاماتي، حسب السلم برحلي 0.5 ف رحلي اكتر بكتير ولهلا مصدوم وين!
جبتها 54.7/60
أكملت ونزلت بسبب التوتر يلي صار معي وصارت 53.1/60

الديانة وهون توفقت توفقت🤣🤝🏻
قبل المادة كان معنا نص يوم ف ما لحقت ادرس غير آيتين وحديثين و4 دروس نسيتن
ف اجت اية وحديث من يلي حافظهن والبقية جاوبت من الحياة العامة🙂
جبتها 17/20

وهيك فاضلت ع نتيجة الدورة الأولى 228.4/240 بنسبة 95.2%
وهلا دخلت بتحدي جديد مع نفسي بالجامعة ورح اكسبه!

الخلاصة من هي التجربة والشي يلي بدي وصللكن ياه:
"رح تيأسوا وتمر ايام ما تدرسوا وتفقدوا الشغف...بس ضلكن احلموا لأنه منقدر...ما توقفوا أبداً أبداً"

الموضوع هو انك تدرس وتعمل اللي عليك...وانه التوفيق يجي من الله
صدقوني لولا توفيق رب العالمين ما كنت هلا عم احكيلكن أفضل نقطة تحول بحياتي

وبرجع بقلكن الجملة اللذيذة:
"ما تنطر تسمع قصة نجاح حدا، اصنع انت قصتك واحكيها للعالم"

اذا عندكن أي أسئلة أو استفسارات بتقدروا تكتبوها بالتعليقات ورح حاول رد بأسرع وقت👇🏻

وتبقو ب خير...❤️

- يليق بها الطبُ ڪثيرًا ، بل أنها خُلِقت لتڪون طبيبة 👩🏻‍⚕🤍.

ماذا عن حلمي يالله {إِنَّ اللَّهَ قَادِرٌ} 💜.

تجنب هذه الاسباب لصنع إنسان ناجح

تجنب هذه الاسباب لصنع إنسان ناجح

بشرونا شو طلعلكن😍؟؟

_ يومًا ما ستنظر إلى هذه الأيام الصعبة من بعيد ، وتبتسم لتخطيها؛ وتفتخر بنفسك لأنك اعظم مما تخيلت بتجاوزها وحدك✨❤️

ادرسي واجتهدي وڪوني مُتأڪدةً بأنَّ تعبكِ وجُهدكِ في مُحاولات الوصول لن يضيع ❤️.

- لا الرحلة ابتدأت ولا الدربُ انتهى لا تستسلم💓
𝐍𝒆𝒊𝒕𝒉𝒆𝒓 𝒕𝒉𝒆 𝒋𝒐𝒖𝒓𝒏𝒆𝒚 𝒉𝒂𝒔 𝒃𝒆𝒈𝒖𝒏 𝒏𝒐𝒓 𝒕𝒉𝒆 𝒑𝒂𝒕𝒉 𝒆𝒏𝒅𝒆𝒅, 𝒅𝒐 𝒏𝒐𝒕 𝒈𝒊𝒗𝒆 𝒖𝒑

• رغم الصِعاب في طريقنا فَهي لا شيء ، نحنُ لأحلامنا وهي لنا وأن عظُمت الطرُق فما أجملها وهي تَزهو بأحلامِنا 🩺💙.