🇺🇲🇷🇺 Վաշինգտոնի հնարավոր մոտիվացիան ուկրաինական ճակատում զինադադար կնքելու համար

Ուկրաինայի արտաքին հետախուզության ծառայության ղեկավար Կիրիլ Բուդանովը ուկրաինական մամուլին վերջերս տված հարցազրույցներից մեկուլ ասել է, որ այս տարվա առաջին կիսամյակում լուրջ բանակցությունների բացակայության և ռազմական գործողությունների շարունակման դեպքում երկիրը կարող է դադարել իր գոյությունը։

Հավանաբար հենց այս ըմբռնումն է ընկած Վաշինգտոնի մոտիվացիայի հիմքում բանակցությունների հետ կապված հարցերում։

Ցանկացած բանակցային գործընթաց ենթադրում է փոխզիջումների և զիջումների որոնում, առաջին հերթին Ռուսաստանի կողմից, քանզի նա ներկայումս հողի վրա հաղթողի կարգավիճակում է գտնվում։

☝️ Այն հայտարարությունները, թե Ուկրաինան ռազմավարական նշանակություն չունի Վաշինգտոնի համար, չեն համապատասխանում իրականությանը։ Ուկրաինական ճակատում պատերազմի արդյունքները չափազանց կարևոր են ԱՄՆ-ի գլոբալ հեգեմոնիան պահպանելու համար: Ուկրաինայի ամբողջականության պահպանումը ներառված է Վաշինգտոնի ռազմավարական նպատակների մեջ՝ որպես Ռուսաստանի հետ երկարաժամկետ առճակատման տարր։

Իսկ Կիևի գոյության պահպանումը թույլ կտա ԱՄՆ-ին խուսափել աշխարհաքաղաքական պարտությունից, մինչդեռ Ռուսաստանը 10-15 տարի հետո, հավանաբար, կբախվի առճակատման նոր փուլի։

Այդ նպատակին հասնելու համար Թրամփը, կփորձի ճնշում գործադրել Ռուսաստանի վրա, գնալով արմատական ​​միջոցների, այդ թվում՝ նավթի շուկայի փլուզմանը, որը կազդի ոչ միայն Ռուսաստանի տնտեսության, այլև հենց ԱՄՆ-ի վրա։


#ուկրաինա

🇺🇦🇷🇺 Ուկրաինայի տարածքի նկատմամբ իրավունքը

Ռուսաստանի արտաքին հետախուզության ծառայության ղեկավար Սերգեյ Նարիշկինը հայտարարել է ուկրաինական տարածքների պատմական իրավունքների միջազգային քննարկման անհրաժեշտության մասին՝ այլ երկրների փորձագետների մասնակցությամբ։

«Ես առաջարկել եմ այս թեման քննարկել պատմական տեսանկյունից։ Մենք կփորձենք պատմաբաններ հրավիրել Լեհաստանից, Հունգարիայից և Սլովակիայից»,

- նշել է նա՝ պատասխանելով ուկրաինական հողերի բաժանման հեռանկարների վերաբերյալ «ТАСС» գործակալության հարցին։

Նարիշկինի հայտարարությունը առաջ է բերում ասոցիացիաներ համաշխարհային ասպարեզում հնչած նմանատիպ նախաձեռնությունների հետ։ Օրինակ՝ Դոնալդ Թրամփը ժամանակին սիրիական Գոլանի բարձունքները ճանաչել է որպես «Իսրայելի անբաժանելի մաս», իսկ 2025 թվականին վերընտրվելուց հետո վերջերս հայտարարություններ արեց Գրենլանդիայի գնման մասին, ինչը միջազգային հակասություններ առաջացրեց։ Նախ՝ կարելի է գնել այն, ինչ վաճառվում է, բայց Դանիան դեռ չի պատրաստվում վաճառել Գրենլանդիան...

Թեև նման գաղափարը շատերի համար անհեթեթ է, այն ցույց է տալիս, թե ինչպես կարող են աշխարհաքաղաքական շահերն արտացոլվել պատմական և տնտեսական համատեքստում:

Նման հայտարարությունները ևս մեկ անգամ ցույց են տալիս, թե ինչպես են պատմական և աշխարհաքաղաքական ասպեկտները միահյուսվում՝ ձևավորելով լարվածության նոր գծեր, որտեղ սահմանները դառնում են ոչ միայն քաղաքական, այլև գաղափարական վեճերի առարկա։


#Ուկրաինա

Առաջին անգամ խոցվել է թուրքական նորագույն «Akinci» ԱԹՍ-ն

Լիբիայի երկնքում առաջին անգամ խոցվել է թուրքական հարձակողական անօդաչու թռչող սարք՝ Bayraktar Akinci։

Այն, որ անօդաչու թռչող սարքը ոչնչացվել է, հաստատվում է նրա անկման տեսագրություններով, որը վկայում է ոչ թե տեխնիկական անսարքության, այլ պարտության մասին։

🤔 Ինչ է իրենց ներկայացնում Akinci ԱԹՍ-ն:

«Bayraktar Akinci» նոր սերնդի ծանր հարվածային անօդաչու թռչող սարք է, որը մշակվել է թուրքական Bayraktar ընկերության կողմից։ Այն ի վիճակի է կրել սպառազինության լայն տեսականի, այդ թվում՝ կառավարվող հրթիռներ և օդային ռումբեր, ինչպես նաև կարող է իրականացնել հեռահար հետախուզական և հարվածային առաջադրանքներ։ «Akinci»-ն դարձել է Թուրքիայի անօդաչու սարքերի ռազմավարության հիմնական տարրը և ակտիվորեն արտահանվում է այլ երկրներ, այդ թվում՝ Լիբիա:

Լիբիայում օդում Անկարայի կողմից գովաբանվող նորագույն ԱԹՍ-ի կործանումը վկայում է հակաօդային պաշտպանության համակարգերի կատարելագործման մասին, այդ թվում՝ աֆրիկյան Լիբիայում գործող հակաթուրքական զինյալների մոտ։

#Թուրքիա

🇺🇲🇩🇰 Գրենլանդիա՝ բնակիչների ճնշող մեծամասնությունը դեմ է ԱՄՆ-ին միանալուն

Վերջերս «Verian» հետազոտական ընկերության կողմից անցկացված հարցման համաձայն՝ ազգային «Sermitsiaq» թերթի և «Berlingske» լրատվական գործակալության համար, գրենլանդացիների 85%-ը դեմ է արտահայտվել կղզու ԱՄՆ-ին միանալու գաղափարին:

Հետազոտությունն իրականացվել է վեբ հարցազրույցի տեսքով հունվարի 22-ից հունվարի 27-ը։ Դրան մասնակցել է 497 մարդ՝ 18 տարեկանից բարձր Գրենլանդիայի քաղաքացիներ:

Հարցման արդյունքներն արտացոլում են բնակչության տրամադրությունները կղզու քաղաքական կարգավիճակի հնարավոր փոփոխության հարցում։ Չնայած Գրենլանդիայի ապագայի վերաբերյալ պարբերական քննարկումներին, այդ թվում՝ Արկտիկայի վրա ԱՄՆ աշխարհաքաղաքական շահերի ֆոնին, տեղի բնակիչների ճնշող մեծամասնությունը ակնհայտորեն նախընտրում է շարունակել պահպանել ներկայիս կարգավիճակը, որտեղ կղզին մնում է Դանիայի Թագավորության ինքնավար տարածք:

Հարցման արդյունքները կարող են ազդել ապագա քաղաքական քննարկումների վրա ինչպես ներքին, այնպես էլ միջազգային մակարդակում և փոխել Գրենլանդիան ԱՄՆ-ին միացնելու Թրամփի վարչակազմի մարտավարությունը։ Կարճ ասած, Ղրիմի սցենարը կարող է այս պարագայում չաշխատել։

#Գրենլանդիա

🇩🇪 Գերմանիայի հիվանդանոցներում իրավիճակը հասել է կրիտիկական կետի

Գերմանական Կարմիր խաչի (DRK) վեց հիվանդանոցներից մեկը գտնվում է սնանկացման եզրին, և կլինիկաների 3/4 ակնկալում է կորուստներ, - հայտնում է Գերմանիայի հանրային (ZDF) լրատվամիջոցը:

Ըստ առողջապահական ապահովագրողների, Գերմանիայում հիվանդանոցների իրավիճակը «դրամատիկ է, քան երբևէ»: Գերմանական Կարմիր Խաչն արդեն հայտարարել է իր հիվանդանոցների սնանկության մի քանի դեպք։

Բուժհաստատությունների մեծ մասի ֆինանսական վիճակը շարունակում է մնալ ծայրահեղ ծանր։ Անցած տարի մեկական հիվանդանոց փակվեց Բավարիայում և Բադեն-Վյուրտեմբերգում:

Հիվանդանոցային բարեփոխումը, որը հաստատվել է անցյալ տարի Առողջապահության դաշնային նախարար Կառլ Լաուտերբախի (SPD) կողմից, նախատեսում է կլինիկաների ավելի նեղ մասնագիտացում և բուժման համար ֆիքսված վճարումների համակարգի մասնակի հրաժարում: Լաուտերբախը ձգտում է բարելավել առողջապահության որակը և կանխել ֆինանսական խնդիրների պատճառով մահացության աճը: Այնուամենայնիվ, բարեփոխումը միտումնավոր թույլ է տալիս կրճատել հիվանդանոցների թիվը, ինչը նշանակում է, որ որոշ հիվանդներ ստիպված կլինեն ավելի երկար ճանապարհներ անցնել բուժօգնություն ստանալու համար:

Գերմանական հիվանդանոցների ասոցիացիայի (DKG) տվյալներով՝ ճգնաժամը ազդել է ոչ միայն Կարմիր խաչի կլինիկաների վրա։ Կորուստներն աճում են, իսկ բյուրոկրատական բեռը գնալով ծանրանում է: DKG-ի ղեկավար Ջերալդ Գասը «Augsburger Allgemeine» օրաթերթին տված հարցազրույցում նշել է, որ հիվանդանոցի աշխատակիցները պետք է ամեն օր ծախսեն մոտ երեք ժամ փաստաթղթերը լրացնելու համար։ Որոշ դեպքերում դա ստիպում է լրացուցիչ աշխատուժ ներգրավել։

«Մասնաճյուղերը փակվում են, հաստիքները կրճատվում են, հիմնարկները դադարում են գործել նույնիսկ սնանկության հայտարարումից առաջ։ Վերջին հաշվով, հետևանքները կզգան հիվանդները»

- ասել է Գասը։ Իրավիճակը հատկապես բարդ է գյուղական բնակավայրերի փոքր հիվանդանոցներում, որտեղ 300 մահճակալից պակաս է:

☝️DKG-ի հաշվարկներով հիվանդանոցների ընդհանուր դեֆիցիտը գերազանցել է 14 միլիարդ եվրոն։

Գերմանական հիվանդանոցային ինստիտուտը հայտնում է, որ կլինիկաների մոտ 80%-ն այժմ վնասով է աշխատում։

Մի շարք բուժհաստատություններին մնում է ինքնուրույն հաղթահարել գնաճի հետևանքով աճող ծախսերը և պայքարել ֆինանսական գոյատևման համար:

Գասը նաև քննադատել է կառավարության քաղաքականությունը, որը խորացնում է ճգնաժամը լրացուցիչ բյուրոկրատական պահանջներով.

Ըստ DKG-ի հաշվարկների, եթե բյուրոկրատական աշխատանքի ծավալը կրճատվեր օրական թեկուզ մեկ ժամով, ապա առողջապահական համակարգը կունենա լրացուցիչ 20.000 բժիշկ և գրեթե 50.000 բուժքույր, որոնք կարող էին ավելի շատ ժամանակ հատկացնել հիվանդներին:

«Մենք անհամբեր սպասում ենք ընտրություններից հետո բարեփոխումների և առողջապահական քաղաքականության վերաիմաստավորմանը», - ասաց Գասը: «Դա կարող է հասարակ թվալ, բայց մենք շտապ պետք է կրճատենք բյուրոկրատիան»:


P.S. Իմ կարծիքով կա նաև մի քանի այլ հիմնական պատճառներ այս իրավիճակի ստեղծման համար, որոնց մասին լռում է հանրային մամոուլը։


#Գերմանիա

🇦🇲 Հայաստանը փրկության կարիք ունի

Դիտարկելով, թե ինչ է կատարվում Հայաստանում և նրա շուրջը, ես գալիս եմ այն եզրակացության, որ եթե Ռուսաստանը շարունակի մի կողմ մնալ, երկիրը կարող է կրկնել Սիրիայի ճակատագիրը։ Այս դեպքում ռուսական զորքերը հայկական Գյումրիից կհեռանան այնպես, ինչպես հիմա հեռանում են սիրիական Տարտուսից։

Ես պատկերացնում եմ ռուսական բեռնատարների շարասյունները, որոնք ուղղվում են դեպի Տրապիզոն, իսկ հետո նավերը տանում են նրանց Նովոռոսիյսկ կամ Ղրիմ: Այս սցենարը ամեն օր ավելի ու ավելի իրական է թվում, և ես անհանգստանում եմ, որ անգործությունը կարող է հանգեցնել հենց այս արդյունքի:

Եթե Ռուսաստանի համար դա կնշանակի վերջին դաշնակցի կորուստ, որի տարածքում ռուսական զորքերը տեղակայված են ԽՍՀՄ փլուզումից հետո, և կդառնա ռազմական նահանջ, ապա հայկական պետականության համար՝ վերջնական փլուզում։

Իմ մտահոգությունները հիմնված են մի քանի հիմնական գործոնների վրա: Նախ, անկայունությունը տարածաշրջանում շարունակում է աճել, իսկ ռուսական հստակ դիրքորոշման բացակայությունը միայն մեծացնում է Հայաստանի պետականության խոցելիությունը։

Պատմությունը ցույց է տալիս, որ աշխարհաքաղաքական վակուումը երբեք դատարկ չի մնում, եթե Մոսկվան շարունակի թուլացնել իր ներկայությունը, ուժերի հարաբերակցությունն անխուսափելիորեն կփոխվի, և ոչ հօգուտ Հայաստանի։

☝️ Երկրորդ՝ Սիրիայի փորձը հստակ ցույց է տալիս, որ իրավիճակի նկատմամբ վերահսկողության կորուստը կարող է հանգեցնել սարսափելի հետևանքների։ Ինչպես սիրիական Տարտուսի դեպքում, ռուսական զորքերի դուրսբերումը հայկական Գյումրիից գնալով ավելի հավանական սցենար է դառնում։

Բացի այդ, հայ-ռուսական կապերի թուլացումը Արևմուտքի և Թուրքիայի աճող ազդեցության պայմաններում խաթարում է Հայաստանի երկարաժամկետ անվտանգությունը։ Եթե Ռուսաստանը իսկապես նահանջի, դա պայմաններ կստեղծի Թուրքիայի և Ադրբեջանի կողմից ճնշումների մեծացման համար, ինչը կարող է հանգեցնել անկանխատեսելի և պոտենցիալ աղետալի հետևանքների, ինչպես մշեցի վերևում՝ հայկական պետականության վերջնական և ամբողջական ոչնչացմանը։

Այս ամենում հատկապես մտահոգիչ է այն հանգամանքը, որ Հայաստանի ներկայիս իշխանությունը, կարծես թե, ոչ միայն դեմ չէ իրադարձությունների նման զարգացմանը, այլ նույնիսկ կարող է գիտակցաբար հավանություն տալ դրան, քանզի հայկական պետականության կործանումը թույլ կտա այս քաղաքական գործիչներին խուսափել պատասխանատվությունից 2018 թվականից ի վեր իրենց գործած բազմաթիվ, այդ թվում նաև պետական հանցագործությունների համար։

Վերևում նշված տեսական սցենարը կանխելն ունակ հայկական ընդդիմադիր ուժեր ես չեմ տեսնում ո՛չ Հայաստանում, ո՛չ Հայաստանից դուրս։
Կարծես ազգային աղետն անխուսափելի է, եթե Ռուսաստանն ու Իրանը կտրուկ քայլերի չգնան։ Սակայն նաև նրանց կտրուկ քայլերի պարագայում չի բացառվում հայկական անկախ պետականության կործանունը, քանզի վերջիններս նրա տարածքը կարող են կիսել և միացնել իրենց պետականություններին։

#բնագիծ

🇷🇺🇨🇳 Ռուս-Չինական ՏՏ առանցք

Ռուս-չինական համալսարանը 800 անգամ բարձրացրել է Nvidia պրոցեսորների աշխատանքը։

Շենժենի MSU-PPI համալսարանի մասնագետները մշակել են ալգորիթմ, որը թույլ է տալիս լուծել նյութական դիզայնի բարդ խնդիրներ սովորական Nvidia GPU-ների վրա: Նրանց արտադրողականությունը մի քանի հարյուր անգամ աճել է ավանդական մեթոդների համեմատ։

Նորարարական ալգորիթմը բարելավում է հաշվարկների արդյունավետությունը պերիդինամիկայի մեջ։

Փորձագետների կարծիքով՝ նոր մշակումը թույլ է տալիս ընդլայնել հետազոտությունները տարբեր ոլորտներում, այդ թվում՝ օդատիեզերական արդյունաբերության և ռազմարդյունաբերական համալիրի: Հաշվարկները կարող են իրականացվել զանգվածային արտադրության չիպերի վրա, որոնք (դեռ) հայտնված չեն ԱՄՆ պատժամիջոցների ցանկում։

#Չինաստան #Ռուսաստան

🇦🇲 Արցախից Սյունիք՝ Հայաստանում արևմտյան զորքեր տեղակայելու ուղղությամբ որոշ նախապատրաստական քայլերի մասին։

«Արցախում անվտանգության երաշխիքներ միջազգային մանդատի ներքո» հեքիաթի հիմնական նպատակի մասին իր վարկածը:

Սկզբնաղբյուրը՝ https://youtu.be/xy23Q3KTgRg?si=UIWnMV1NcwMNYalM

#Արցախ #Արևմուտք #ՆԱՏՕ

🇺🇲 Начало президентства Дональда Трампа: что ожидать?

Сегодня обсудили результаты выборов в США, по итогам которых Дональд Трамп во второй раз занял пост президента.

Долгие годы проживающий в США Арам Мосиян поделился своим взглядом на политику новой администрации.

Затронули как внутреннюю, так и внешнюю политику Трампа, в частности вопросы возможного присоединения Гренландии и Канады, а также ситуацию вокруг украинской войны, кризиса на Ближнем Востоке и в Южном Кавказе, включая возможности мирного решения армяно-азербайджанского конфликта.

#США #Россия #Израиль #Украина #Гренландия #Евросоюз #Канада #Кавказ #Армения #Азербайджан

🇦🇲 Վիլսոնից մինչև Բայդեն. պատմության դասեր Հայաստանի համար

Հայկական քաղաքականության պատմությունը հաճախ պտտվել է Արևմուտքի և Ռուսաստանի ընտրության շուրջ: Երկու ժամանակաշրջանները՝ 1918-1920 թվականները և 2022 թվականից սկսած, զարմանալի զուգահեռներ ունեն։ Երկու դեպքում էլ հայկական վերնախավը, հենվելով ԱՄՆ-ի և Արևմուտքի վրա, հույս ուներ, որ Ռուսաստանն այնքան է թուլացել պատերազմից, որ իրենից այլևս վստահելի գործընկեր չի ներկայացնում: Սակայն երկու անգամ էլ այս հաշվարկը սխալ է ստացվել, իսկ հետևանքները Հայաստանի համար ծանր են եղել, եթե ոչ աղետալի։

ՄԱՍ I. Հայաստան 1918–1920. խաղադրույք արևմուտքի վրա բոլշևիկների դեմ

Օգտվելով Ռուսական կայսրության փլուզումից և հռչակելով անկախություն (Առաջին Հանրապետություն) Հայաստանը հայտնվեց ծայրահեղ ծանր վիճակում։ Պատերազմից և ցեղասպանությունից թուլացած երկիրն արտաքին ուժերի աջակցության կարիք ուներ: Այդ պահին հայկական վերնախավի մեջ տարածվեց այն միտքը, որ քաղաքացիական պատերազմից և միջամտություններից թուլացած բոլշևիկյան Ռուսաստանը այնպիսի ճգնաժամի մեջ է, որ շուտով կփլուզվի։ Միաժամանակ ԱՄՆ նախագահ Վուդրո Վիլսոնը աջակցություն հայտնեց ժողովուրդների ինքնորոշման սկզբունքի շրջանակներում անկախ Հայաստանի ստեղծմանը։

Վիլսոնի և նրա «հայկական մանդատի» հույսն էր, որ մեծապես որոշեց Հայաստանի արտաքին քաղաքականությունն այդ տարիներին։ Հայաստանի ազգային-ժողովրդավարական կառավարությունը՝ Դաշնակցության գլխավորությամբ, ուղղված էր դեպի Արևմուտք, հրաժարվում էր բոլշևիկների հետ դաշինքից և նույնիսկ աջակցում էր հակախորհրդային, այն է՝ հակառուսական ուժերին։ Սակայն ԱՄՆ-ն, ի վերջո, չտրամադրեց խոստացված օգնությունը, եվրոպական երկրները նույնպես պարզվեց, որ պատրաստ չէին միջամտելու, և բոլշևիկյան Ռուսաստանը վերականգնեց իր իշխանությունն ու վերահսկողությունը, այդ թվում՝ Հարավային Կովկասում։

Արդյունքը դարձավ նա, որ 1920 թվականին Կարմիր բանակը մտավ Հայաստան, և Ռուսական կայսրության ավերակների վրա հռչակված Հայկական Հանրապետությունը դադարեց գոյություն ունենալ։ Սկսվեց այսպես կոչված «Երկրորդ» Հանրապետության պատմությունը, բայց արդեն որպես խորհրդային (ռուսական) իշխանության մաս։

ՄԱՍ II. Հայաստան 2022-ից. նոր պատրանքներ, դարեր անց

2022 թվականին Ուկրաինայի հակամարտության բռնկումից հետո Հայաստանը կրկին հույսը դրեց ԱՄՆ-ի և Արևմուտքի վրա՝ համարելով, որ Ռուսաստանն այնքան կթուլանա, որ այլևս չի կարող լինել ռազմավարական գործընկեր։ Նիկոլ Փաշինյանի կառավարությունն ակտիվացրեց շփումները Վաշինգտոնի, Բրյուսելի և Փարիզի հետ՝ ակնկալելով նրանց աջակցությունը Ադրբեջանի հետ առճակատման հարցում։ Միևնույն ժամանակ Երևանը սկսեց հեռանալ Մոսկվայից, սաբոտաժի ենթարկել Ռուսաստանի հետ պայմանավորվածությունները, արգելափակել ՀԱՊԿ-ը և քայլեր ձեռնարկել, որոնք ակնհայտորեն նյարդայնացնում են աշխարհաքաղաքական ծանր գոյապայքարի մեջ գտնվող Կրեմլին։

Ինչպես 1918-1920թթ., Երևանը հույս ուներ, որ Արեւմուտքը Հայաստանին կտրամադրի անվտանգության հուսալի երաշխիքներ։ Սակայն, երբ 2023 թվականին Ադրբեջանը ռազմական գործողություն սկսեց Լեռնային Ղարաբաղում, ոչ ԱՄՆ-ը, ոչ ԵՄ-ն չմիջամտեցին, իսկ Ռուսաստանը, հայտնվելով աշխարհաքաղաքական բարդ իրավիճակում, ձեռնպահ մնաց ակտիվ գործողություններից։ Արդյունքում Արցախը/Ղարաբաղն ամբողջությամբ հայաթափվեց, այն է՝ ոչնչացվեց, իսկ Հայաստանի աշխարհաքաղաքական մեկուսացումը միայն ամրապնդվեց։ իսկ Թրամփի իշխանության գալով Երևանի իրավիճակը էլ ավելի կբարդանա։

Եզրակացություններ՝ դասեր անցյալից և ներկայից

Պատմությունը ցույց է տալիս, որ Ռուսաստանի թուլության պահերին ԱՄՆ-ի և Արևմուտքի վրա Հայաստանի խաղադրույքները միշտ հանգեցրել են ողբերգական հետևանքների։ Վիլսոնը չկարողացավ պաշտպանել Հայաստանը 1920 թ., Բայդենն ու Մակրոնը չկարողացան պաշտպանել այն 2022-2023 թթ.։ Երկու դեպքում էլ Արևմուտքը նախընտրեց սահմանափակվել միայն հայտարարություններով, այլ ոչ թե իրական առճակատման մեջ մտնել հանուն Հայաստանի։

Սա չի նշանակում, որ Հայաստանը պետք է անվերապահորեն գնա ռուսական քաղաքականության հետքերով, բայց պատմության դասն այն է, որ ճգնաժամի պահերին Արևմուտքի օգնության մասին պատրանքները կարող են վերածվել սաստիկ հիասթափության։

Թեկուզ թուլացած և սխալված, բայց դարերի ընթացքում ստուգված Դաշնակցին դավաճանելու գնով կասկածելի օգուտների կույր հետապնդումը, պետք է դառնա անցյալի ողբերգական սխալների կրկնությունը կանխող գլխավոր դասը։

👉 🇷🇺 Հոդվածի ռուսերեն տարբերակը

#Հայաստան #ԱՄՆ #Ռուսաստան

🇺🇸 USAID վերակերպավորումը

Արևմտյան լրատվամիջոցները հաղորդում են ԱՄՆ Միջազգային զարգացման գործակալությունը (USAID) Պետքարտուղարությանը միացնելու Թրամփի ծրագրերի մասին։

Կազմակերպության համար, որը հանդիսանում է ԱՄՆ «փափուկ ուժի» հիմնական գործիքներից մեկը, դա նշանակում է անկախության կորուստ ի օգուտ պահպանողական հանրապետականների, ովքեր իշխանության են եկել և կառավարելու են առնվազն առաջիկա չորս տարիներին։

Գործակալության նախագծերի ֆինանսավորման ժամանակավոր սառեցումից և ստուգումների կազմակերպումից բացի, որոշվել է չվճարվող արձակուրդ ուղարկել ավագ ղեկավարներին։ Քննարկվում է նաև մի շարք մասնագետներին աշխատանքից հեռացնելու հարցը։ Բացի այդ, կազմակերպության կայքը երեկվանից չի աշխատում։

Նշված կազմակերպությունը տարեկան ավելի քան 50 միլիարդ դոլար բյուջեով սնուցման դաշտ է դեմոկրատների համար, որտեղից նրանք արտաքին քաղաքական լոբբիստական ծրագրեր են իրականացրել՝ ի շահ կուսակցության և նրա հովանավորների, ինչպես նաև «ատկատներ են ստացել բացահայտ կոռուպցիոն նախագծերից», - տեղեկացնում է ամերիկյան լրահոսը:

Դեմոկրատներն արդեն փաստաբաններ են վարձում, նամակներ գրում Սենատին և հրապարակային մեղադրանքներ հնչեցնում սոցիալական ցանցերում։

Դատելով հետխորհրդային տարածքում աշխատանքի արդյունքները, պետք է խոստովանել, որ USAID գործիքն ինքնին, չափազանց արդյունավետ է։ Համեմատաբար քիչ գումարի դիմաց, առանց բիրտ ուժի (ռազմական միջամտության) դիմելու, Միացյալ Նահանգները կարողացան կաշառել մի շարք երկրներ վերնախավին, ներթափանցել բնակչության մտքերը և որպես «բացարձակ ճշմարտություն» պարտադրել զարգացման արևմտյան ուղին։

Ամերիկյան նոր վարչակազմը դժվար թե հրաժարվի այս արդյունավետ գործիքակազմից։ Նոր տերերը հավանաբար կձևավորեն այն և կօգտագործեն՝ իբրև արդեն սեփական նպատակներին հասնելու գործիք։

Օրինակ, Ռուսաստանում կամ Չինաստանում նման գործիք չկա և, ըստ երևույթին, պլաններ չկան նմանատիպ կառույց ստեղծելու։

#ԱՄՆ

🇦🇲 «Ժող Ջան» օպերացիա կամ ինչպես է դեգրադազվում և հետո ոչնչացվում ազգը

Այսինքն հաղթանակների համար մենք առաջին հերթին պարտական չենք պատերազմի ընթացքում արագ և գրագետ կերպով կողմնորոշված և հրամաններ իջեցրած հրամանատարներին և սխրանքներ գործած շարքային զինվորներին, որոնք իրենց կյանքի կամ առողջության գնով տարբեր մարտերում հաղթել են թշնամուն, այլ «ժողովրդին», այսինքն նաև ստահակներին, հոգեկան հիվանդներին, ջեպկիրներին, երկրի փողերի հաշվին հարստացածներին, շարքային քաղաքացու վրա տոկոս դնող բանկիրներին և ի վերջո ՔՊ-ի նման խմբակին ձայն տվողներին, քանզի «ժողովուրդը» նաև դրանք են։

Ավելին ձեզ ասեմ, հենց դրանք են յուրաքանչյուր ժողովրդի մեծ մասը։

#գաղափարական_անապատացում

🇦🇲 Պարտությունը որպես Հաղթանակ

«Անցնելով 44-օրյա պատերազմում պարտություն՝ մենք հնարավորություն ստացանք ունենալ անկախ, ինքնիշխան պետություն»,- ասել է Փաշինյանը Վաշինգտոնում հայ համայնքի հետ հանդիպմանը։

Նիկոլ Փաշինյանի հայտարարությունը, թե 44-օրյա պատերազմում պարտությունը Հայաստանին տվել է «անկախ, ինքնիշխան պետություն ունենալու հնարավորություն», պարադոքսալ է հնչում և պահանջում է նրա հնարավոր դրդապատճառների ավելի խորը վերլուծություն։

Պատմականորեն, հատկապես ԽՍՀՄ փլուզումից հետո, Հայաստանը ասոցացվում էր Ղարաբաղի և նրա համար մղվող պայքարի հետ։ Թերևս Փաշինյանը ցանկանում է շեշտը դնել Հայաստանի՝ որպես առանց ղարաբաղյան հակամարտության, պետության զարգացման վրա, ինչը կարող է հեշտացնել նրա համագործակցությունը Արևմուտքի հետ։

Վաշինգտոնում ելույթ ունենալով՝ նա կարող էր միտումնավոր օգտագործել նման թեզ՝ ընդգծելու, որ Հայաստանը հեռանում է Ռուսաստանից և ավանդական աշխարհաքաղաքական սխեմաներից։

Նրա խոսքերը կարելի է մեկնաբանել որպես տարածքային զիջումների փոխարեն արևմտյան կառույցներին ինտեգրվելու Հայաստանի ցանկություն, որպեսզի Ադրբեջանի հետ հակամարտությունը չխանգարի այս գործընթացին, չնայած նրան, որ շատ հայեր Ղարաբաղի կորուստն ընկալում են որպես ողբերգություն։

Փաշինյանը միտումնավոր է դրականորեն ներկայացնում այս աղետալի պարտությունը՝ «արևմտյան սպառողներին», առաջին հերթին՝ հավաքական Արևմուտքի երկրներում ապրող հայերին ցույց տալու, որ «հիմնականում ամեն ինչ լավ է», և որ իրենց պատմական հայրենիքը ապագայի հեռանկար ունի։

Նրա այս խոսքերում կարելի է նկատել նաև հասարակական կարծիքի նախապատրաստումը ապագա փոխզիջումների, այն է՝ տարածքային զիջումների հօգուտ Ադրբեջանի և/կամ Թուրքիայի, այսինքն՝ բրիտանական «Թուրան» նախագծին։

Որպես վերջաբան՝ առաջանում է (հռետորական) հարց՝ հայ ժողովուրդն ունի՞ իր կարծիքը, թե՞ կուրորեն հետևելու է իր պատմական Հայրենիքի վերջին կտորի ինքնաոչնչացման գործընթացին։

#Հայաստան

🇦🇲 Արցախը և հայ-ադրբեջանական սահմանագծումը

☝️ Հոդվածը գրվել էր 2022 թվականի մայիսի 4-ին և հրապարակվում է առանց փոփոխությունների։

2006 թվականի դեկտեմբերի 10-ին և 2017 թվականի փետրվարի 20-ին Արցախի Հանրապետության տարածքում իրականացվել է երկու հանրաքվե, որոնց արդյունքներով ընդունվել էին Սահմանադրություններ:

2006 թվականի Սահմանադրության 142-րդ հոդվածն ասում է «Մինչև Լեռնային Ղարաբաղի Հանրապետության պետական տարածքի ամբողջականության վերականգնումը և սահմանների ճշգրտումը հանրային իշխանությունն իրականացվում է այն տարածքում, որը փաստացի գտնվում է Լեռնային Ղարաբաղի Հանրապետության իրավազորության ներքո:» Իսկ 2017 թվականի Սահմանադրության 175-րդ հոդվածը՝ «Մինչև Արցախի Հանրապետության տարածքային ամբողջականության վերականգնումը և սահմանների ճշգրտումը հանրային իշխանությունը իրա­կա­նացվում է այն տարածքում, որը փաստացի գտնվում է Արցախի Հանրապետության իրավազորության ներքո:»

2020 թվականի սեպտեմբերի 27-ին սկսված (կամ վերսկսված) պատերազմի ընթացքում վերը նշված Սահմանադրության համաձայն Արցախի Հանրապետության ներքո գտնվող տարածքները քայլ առ քայլ անցնում էին ադրբեջանական զորքերի վերահսկողության տակ: 2020 թվականի նոյեմբերի 10-ին ժամը 00:00-ից ուժի մեջ մտած բոլորիս հայտնի հայտարարության արդյունքում ադրբեջանական իշխանություններին հանձնվեին նաև Արցախի Հանրապետության այլ տարածքներ, որոնք այդ երկիրը ցամաքային եղանակով միացնում էին Հայաստանի Հանրապետությանը: Արդյունքում Արցախի Հանրապետությունը զրկվեց Հայաստանի Հանրապետության հետ ցամաքային կապից, չհաշված Բերձորի այսպես կոչված «միջանցքը», որն ըստ էության գտնվում է ռուսական խաղաղապահ զորամիավորումների վերահսկողության ներքո:

Ես հիմա գրեցի Հայաստանի Հանրապետության պայմանական ասած Վարդենիս քաղաքից մինչև Մեղրի քաղաք ընկած տարածքով անցնող սահմանագծի մասին, որի այն կողմում գտնվում են ադրբեջանական զորքերը:

2021 թվականի մարտի 1-ին Արցախի Հանրապետության Ազգային Ժողովն ընդունել էր «Ադրբեջանի վերահսկողության տակ հայտնված Արցախի Հանրապետության տարածքների իրավական կարգավիճակի մասին» հայտարարություն, որում նշված է. «1. Մինչ այս պահը Ադրբեջանի վերահսկողության տակ հայտնված Արցախի Հանրապետության տարածքները համարվում են բռնազավթված (օկուպացված) Ադրբեջանի Հանրապետության կողմից, 2. Արցախի Հանրապետության նկատմամբ Ադրբեջանի իրականացրած ագրեսիան և նշված տարածքների բռնազավթումը որևէ իրավական ազդեցություն չեն կարող ունենալ ապագա բանակցությունների ընթացքում Արցախի Հանրապետության կարգավիճակի ու սահմանների որոշման գործընթացում։»

Այսինքն, Արցախի Հանրապետության իշխանությունները 2020 թվականի աշնան պատերազմի և անմիջապես դրանից հետո տեղի ունեցած զարգացումների հետևանքով «գծված» քարտեզը իրավական չեն համարում:

Երկիրը, մասնավորապես Հայաստանի Հանրապետությունը, քաղաքական հայտնի հանգամանքներից ելնելով կարող է չճանաչել Արցախի Հանրապետությանը՝ իբրև միջազգային իրավունքի սուբյեկտ, սակայն ես կարծում եմ, որ 1991 թվականից ի վեր ՀՀ ղեկավարած բոլոր քաղաքական ուժերը, բոլոր մարդիկ, որոնք իրենց հայ են համարում, հարգում էին և հարգում են (կամ պիտի որ հարգեն) Արցախի տարածքում 1991 թվականից ի վեր ստեղծված և գործող իշխանություններին, նամանավանդ այդ իշխանությունների կողմից հանրաքվեի միջոցով ընդունված որոշումները:

Հետևաբար, Ադրբեջանի հետ սահմանագծման և սահմանազատման համաձայնագրի (կամ պայմանագրի կամ հռչակագրի, ինչպես ուզում եք անվանեք այն) կնքմանն ուղղված քայլերը, չպետք է ներառեն իրենց մեջ Հայաստանի Հանրապետության մոտավորապես Վարդենիսից մինչև Մեղրի ընկած երկայնքով անցնող սահմանը, մինչև Արցախի Հանրապետության վերջնական կարգավիճակին ուղղված բանակցությունների ավարտը:

#Արցախ #բնագիծ

🇺🇲🇮🇱Ամերիկյան Գազան առանց պաղեստինցիների

Նախագահ Դոնալդ Թրամփը Իսրայելի վարչապետ Բենիամին Նեթանյահուի հետ փետրվարի 4-ին Վաշինգտոնում կայացած մամուլի ասուլիսի ժամանակ ասել է, որ Միացյալ Նահանգները պետք է վերահսկողության տակ վերցնեն Գազայի հատվածը և իր երկու միլիոն բնակիչներին վերաբնակեցնեն այլ երկրներ, ինչպիսիք են Եգիպտոսը և Հորդանանը։ Նրա խոսքով, ԱՄՆ-ը կվերակառուցեն տարածաշրջանը՝ ներդրումներով և աշխատատեղերով այն վերածելով «Մերձավոր Արևելքի Ռիվիերայի»։

«Միացյալ Նահանգները կկառավարեն Գազայի հատվածը, ականազերծում կիրականացվի և տնտեսական հանգույց կստեղծի», - ասած Թրամփը։ Նա վստահություն է հայտնեց, որ պաղեստինցիները կաջակցեն իր ծրագրին, եթե նրանց առաջարկեն ապրելու «նոր, գեղեցիկ վայրերում»:

Չնայած Թրամփի պնդումներին, նրա գաղափարը սուր քննադատության է արժանացել։ Համասը մերժեց այդ ծրագիրը, իսկ Եգիպտոսն ու Հորդանանը կտրականապես հրաժարվեցին ընդունել պաղեստինցի փախստականներին՝ վախենալով տարածաշրջանի ապակայունացումից:

«Գազայի ժողովուրդը թույլ չի տա, որ այդ ծրագրերն իրականանան», - ասել է ՀԱՄԱՍ-ի խոսնակ Սամի Աբու Զուհրին:

Թրամփը, սակայն, վստահ է, որ արաբական երկրները կփոխեն իրենց կարծիքը։ «Ասում են, որ չեն ընդունի. Ես ասում եմ՝ կընդունեն»,- ընդգծեց նա։

Նեթանյահուն, բնականաբար, աջակցում է այդ գաղափարին։ Թրամփի հանդիպումը Իսրայելի վարչապետ Բենիամին Նեթանյահուի հետ առաջինն էր Իսրայելի առաջնորդի իշխանության վերադարձից հետո։ Նեթանյահուն աջակցություն է հայտնել Թրամփի առաջարկին և ասել, որ նրա մոտեցումը կարող է «փոխել Մերձավոր Արևելքը և բերել խաղաղություն»։

Այդուհանդերձ, վերլուծաբանները նշում են, որ նրանց միջև առկա են տարաձայնություններ հատկապես Իրանին հակազդելու և Գազայում պատերազմի ավարտի ժամկետների հարցում։

Համարվում է, որ Գազայի բնակիչներից շատերը պաղեստինցիների ժառանգներն են, որոնք ստիպված են եղել լքել իրենց տները 1948 թվականին Իսրայելի ստեղծման ժամանակ: Ժնևի կոնվենցիաներն արգելում են բնակչության հարկադիր տեղափոխությունները՝ Թրամփի առաջարկը իրավական առումով կասկածելի դարձնելով։

2005 թվականին իսրայելական զորքերի դուրսբերումից ի վեր Գազայի հատվածը վերահսկվում է ՀԱՄԱՍ-ի կողմից: 2023 թվականի հոկտեմբերին Իսրայելի վրա Համասի հարձակումից հետո Իսրայելը լայնածավալ ռազմական գործողություն սկսեց, որը ոչնչացրեց Գազայի ենթակառուցվածքների մեծ մասը: Զինադադարից հետո հարյուր հազարավոր պաղեստինցիներ վերադարձան ավերակների վերածված Գազա։ Թրամփի հատուկ բանագնաց Սթիվ Ուիտկովն ասել է, որ վերականգնումը կարող է տևել 10-15 տարի:

Թրամփը կարծում է, որ վերաբնակեցումը լավագույն տարբերակն է. «Ես չեմ հասկանում, թե ինչպես կարող են նրանք ցանկանալ մնալ: Սա քանդման վայր է»:

Մինչդեռ ԱՄՆ հետախուզությունը զգուշացնում է, որ Իրանը արագացնում է միջուկային զենքի բաղադրիչների մշակումը, ինչը կարող է սրել իրավիճակը տարածաշրջանում։

☝️Թրամփի և Նեթանյահուի մամուլի ասուլիսի արդյունքների մասին մանրամասն կարելի կարդալ.

🇷🇺 ռուսերեն
🇺🇲 անգլերեն

#ԱՄՆ #Իսրայել

🇮🇱 Երուսաղեմը նոր պահանջներ է ներկայացնում ԵՄ որոշ երկրներին

Իսրայելի պաշտպանության նախարարն ասել է, որ այնպիսի երկրներ, ինչպիսիք են Իսպանիան, Իռլանդիան և Նորվեգիան, «իրավաբանորեն պարտավոր են» ընդունել տեղահանված պաղեստինցի փախստականներին: Այս հայտարարությունը հնչել է այն բանից հետո, երբ այս երկրները ճանաչել են Պաղեստինը որպես անկախ պետություն։ Կացը պնդում է, որ ճանաչելով Պաղեստինի պետականությունը՝ այս երկրներն ընդունել են իրավական պարտավորություններ Պաղեստինի քաղաքացիների նկատմամբ, այդ թվում՝ ընդունելով փախստականներ Գազայի հատվածից։

Սակայն նշված երկրների ներկայացուցիչները մերժել են այս պնդումը։ Օրինակ՝ Իսպանիայի արտաքին գործերի նախարար Խոսե Մանուել Ալբարեսն ընդգծել է, որ «Գազայից պաղեստինցիների հողը Գազան է», և որ Իսպանիան իր որոշումներն ընդունում է ինքնուրույն՝ առանց արտաքին ճնշման։


Ի դեպ, այս տրամաբանությամբ Իսրայելը նման պահանջ կարող է ներկայացնել նաև Երևանին։

#Երուսաղեմ

🇺🇲🇩🇪 Բեռլինը մտադիր է Թրամփի հետ բանակցել մաքսատուրքերի շուրջ և դիվերսիֆիկացնել սեփական տնտեսության կախվածությունը

Գերմանիայի ֆինանսների նախարար հայտարարել է, որ մտադիր է բանակցել ԱՄՆ նախագահ Դոնալդ Թրամփի հետ՝ առևտրային հակամարտությունից խուսափելու համար։ Նա կարծում է, որ ԱՄՆ առաջնորդը ցանկանում է ակտիվացնել համագործակցությունը Եվրոպայի հետ, և դա համահունչ է ԵՄ շահերին։ Այս համատեքստում Բեռլինը մտադիր է հնարավոր առևտրային առճակատումից առաջ առաջարկել փոխզիջում գտնել, ամերիկյան նավթի և գազի մատակարարման հարցում։

Միաժամանակ Բեռլինը ձգտելու է նոր առևտրային համաձայնագրեր կնքել Մերձավոր Արևելքի և Ասիա-Խաղաղօվկիանոսյան տարածաշրջանի երկրների հետ, ինչը կարևոր է գերմանական արտադրանքի արտահանման համար։


🤔 Ինչու՞ է ԱՄՆ-ը կարևոր Գերմանիայի համար

ԱՄՆ-ը Գերմանիայի առանցքային առևտրային գործընկերներից մեկն է։ Ամերիկյան շուկան կարևոր դեր է խաղում գերմանական ապրանքների, հատկապես ավտոմեքենաների, մեքենաների և դեղագործական ապրանքների արտահանման գործում։ Բացի այդ, Գերմանիան մեծապես կախված է ամերիկյան ներդրումներից և տեխնոլոգիաներից։ Իսկ ռազմա-քաղաքական առումով ԱՄՆ-ը ՆԱՏՕ-ի կարևոր դաշնակից է, որն ապահովում է Եվրոպայի անվտանգությունը։ Գերմանիայի տարածքում է գտնվում տարբեր հաշվարկներով մոտ 60.000 ամերիկյան կոնտինգենտ, զինված, այդ թվում նաև միջուկային զենքերով։

Ուստի Բեռլինը շահագրգռված է Վաշինգտոնի հետ կայուն առևտրաքաղաքական հարաբերությունների պահպանմամբ։

#ԱՄՆ #Գերմանիա

🇦🇲 Հայաստանից դեպի Էրմենիստան

Ղրիմի և Խերսոնի շրջանի սահմանին այսօր գտնվում է Արմյանսկ անունով փոքրիկ քաղաք։ Ռուսները նրան տվել են այս անունը «Армянск», երբ «իրենց ձեռքերը հասան նրան»: Իսկ մինչ այդ, երբ հայերն այնտեղ են տեղափոխվել Օսմանյան կայսրությունից, թաթարներն այն անվանել են «Էրմենի բազար»՝ հայկական բազար։

Չեմ բացառում, որ նման բան կարող է լինել ժամանակակից Հայաստանի հետ, բայց հակառակ ուղղությամբ։ Եթե ռուսները վերջնականապես հեռանան, անունը կմնա, բայց բովանդակությունը երկրի կփոխվի։

Պատմությունն արդեն գիտի նման օրինակներ։

#բնագիծ

Հարավային Կովկաս՝ «փղերը և շունիկները»

Ալիևը սիոնիստների խաղաքարն է և Իրանի դեմ պայքարում կգործի նրանց շահերից ելնելով, նույնիսկ եթե դա վտանգի ենթարկի հենց Ադրբեջանի ինքնիշխանությունը։

Սիոնիստներն այստեղ ամուր դիրքեր ունեն, քանի որ Իրանի ճակատում կարծես թե մի տեսակ կոնսենսուս է ձևավորվել Վաշինգտոնի և Լոնդոնի միջև։

🇺🇲 Վաշինգտոնը շահագրգռված է Իրանի թուլացմամբ՝ փորձելով այն վերածել Իրաքի կամ Սիրիայի անալոգի, սակայն հավանաբար չի ցանկանում ապակայունացում Հարավային Կովկասում, քանի որ դա լրացուցիչ խնդիրներ կստեղծի իր աշխարհաքաղաքական շահերի համար։

🇬🇧 Լոնդոնը, ընդհակառակը, շահագրգռված է քաոսով ինչպես Իրանում, այնպես էլ Հարավային Կովկասում։ Նրա նպատակն է Վաշինգտոնին ներքաշել Մերձավոր Արևելքի նոր ճգնաժամերի մեջ՝ նրա ուշադրությունը Կանադայից և Գրենլանդիայից շեղելու համար։ Ի վերջո, այս տարածքների նկատմամբ ամերիկյան վերահսկողությունը կարող է վերջնականապես տեղափոխել անգլո-սաքսոնական աշխարհի կենտրոնը Լոնդոնից Վաշինգտոն:

Այս ֆոնին Բաքվի և Մոսկվայի միջև լարվածությունը, որտեղ Ադրբեջանը պարբերաբար հոխորտում է, իսկ Ռուսաստանը համբերատար սպասում է, հիշեցնում է Կռիլովի «Փիղն ու մոսկան» առակը։ Բաքուն ցուցադրական լկտիություն է դրսեւորում՝ հուսալով, որ Մոսկվան զուսպ կարձագանքի։
Սակայն, ինչպես առակում, առանցքային հարցն այն է, թե դեռ ինչքա՞ն կդիմանա փիղը, և ինչպես կավարտվի շունիկի «քաջության» այս դրսևորումը։

Ի դեպ, ադրբեջանական ինքնաթիռի կործանումը կարող է հարմար պատճառ դառնալ անկայունության հերթական փուլի համար։ Եվ չի բացառվում, որ այս միջադեպը միտումնավոր է եղել։

☝️ Կարևոր է նշել, որ սիոնիստներին այս համատեքստում չպետք է ընկալել որպես հրեականություն կամ հուդայականություն:

🇦🇲🤔 Հարցը բաց է մնում՝ ի՞նչ պետք է անի Երևանը, որտեղ ըստ էության իրական իշխանություն չկա։

#բնագիծ #Երուսաղեմ

🇦🇲 Հարավային Կովկասը կառավարվում է դրսի կենտրոնից, որի հիմնական թշնամին Ռուսաստանն է

Այս երևույթին ես նույն օրը երեկոյան անդրադարձա էմոցիոնալ տարբերակով՝ ուշադրությունը սևեռելով համապատասխան դրվագների վրա։

Իսկ այսօր Ազատ Ադամյանը, անդրադառնալով նույն երևույթին, խոսեց այլ կարևոր նրբությունների մասին։
Շատ կարևոր է լսելը

P.S. Աբբողջական նյութը «Politik.am» YouTube-յան կայքում։

#բնագիծ #video