🇬🇪🇪🇺 Դեղին քարտ Վրաստանին՝ «ժողովրդավարական արժեքներից հեռանալու» համար

Եվրախորհրդարանը հրաժարվել է ճանաչել Վրաստանում կայացած խորհրդարանական ընտրությունների արդյունքները։

Ընդունված բանաձևում պատգամավորները կոչ են արել Վրաստանի իշխանություններին մեկ տարվա ընթացքում անցկացնել նոր ընտրություններ՝ ընդգծելով, որ 2024 թվականի հոկտեմբերի 26-ի քվեարկությունը չի համապատասխանում ազատ եւ արդար ընտրությունների չափանիշներին։ Փաստաթղթում նշվում է նաև, որ ընտրությունները «երկրում շարունակվող ժողովրդավարական հետընթացի ևս մեկ դրսևորում էին»։

Բանաձևին կողմ է քվեարկել 444, դեմ՝ 72, ձեռնպահ՝ եւս 82 պատգամավոր։

👉 Դրան ի պատասխան Վրաստանը հայտարարեց Եվրամիությանն անդամակցելու գործընթացի քննարկումները մինչև 2028 թվականը դադարեցնելու մասին։

Վարչապետ Իրակլի Կոբախիձեն ԵՄ-ի հետ բանակցություններն անվանել է «հասարակության ճնշման և պառակտման գործիք»։

Բացի այդ, «Վրացական երազանք» կուսակցության ներկայացուցիչը հայտարարել է նշված ժամկետի համար ԵՄ բոլոր բյուջետային դրամաշնորհներից հրաժարվելու որոշման մասին։

#Վրաստան #առճակատում #բնագիծ

🇬🇪🇦🇲 Վրաստանը թեստավորում է անցկացնում, որոնք հետևանքներ ունեն Հայաստանի համար

Եթե իշխանությունները պարտվեցին, Վրաստանը ամբողջությամբ միանում է ուկրաինական պատերազմին և 2025 թվականի գարնանից/ամառվանից հիբրիդային տարբերակով 👉 գործընթացի մեջ է ներգրավվում Հայաստանը։

Այդ նպատակներից ելնելով Հունաստանը Հայաստանին է տրամադրելու անցյալում Ուկրաինային խոստացած խորհրդային արտադրության ՀՕՊ համակարգերը (С-300 Тор-М1, ОСА և այլն), որպիսի Հայաստանը պաշտպանվի Ադրբեջանից, քանի որ (և այստեղ ուշադրություն), քանի որ Բաքուն, օգտվելով առիթից կարող է, առնվազն ժամանակավոր, այս հարցում դառնալ Ռուսաստանի և Իրանի դաշնակիցը և կռվել Երևանի դեմ՝ նվաճելով նոր տարածքներ իր համար։
Նմանատիպ զարմանումներ տեղի են ունեցել 1920-1921 և 1990-1991 թվականներին։

Եթե վրացական ընդդիմությունն այնուհետև պարտվի, ապա նրա էներգիան կտեղափոխվի ամբողջությամբ Հայաստան՝ Երևանը կդառնա Հարավային է Կովկասում Արևմուտքի միակ հենարանը, որտեղից կշարունակվի պայքանը Վրաստանի, Ադրբեջանի և Իրանի դեմ։
Այս համատեքստում Թուրքիան կստանձնի Հայաստանի դաշնակցի դերը՝ շարունակելով իր երկակի և «փոխշահավետ» խաղը Մոսկվայի, Թեհրանի և Բաքվի հետ։

#բնագիծ #վրաստան #հայաստան

🇺🇲 Խաղաղության բանագնացի դերը վստահվել է պաշտոնաթող 80-ամյա «Բազե» գեներալին

Թրամփը Ռուսաստանի և Ուկրաինայի հարցերով իր հատուկ բանագնաց է նշանակել 80-ամյա պաշտոնաթող գեներալ Քիթ Քելլոգին (Keith Kellogg)։ Նրան հանձնարարվել է հակամարտող կողմերին բանակցային սեղանի շուրջ բերել։

Գեներալի կենսագրությունը նրան ավելի շուտ ներկայացնում է որպես «բազեի»:

Հատկանշական լույս է սփռում «The Washington Post»-ը, ընդգծելով, որ բանագնաց Քելլոգի դուստրը՝ Մեգան Մոբսը, ամերիկյան մի հիմնադրամի նախագահն է, որն աշխատում է Ուկրաինայում։ Ի թիվս այլ բաների, այդ հիմնադրամը զբաղվում է զոհված ամերիկացի կամավորների աճյունների հայրենադարձմամբ։

Հետաքրքիր է, ամերիկյան էսթեբլիշմենթում կա որևէ մի ուժ, որը Ուկրաինայում իր բիզնեսը չունենա։

#ուկրաինա #ամն

🇷🇺🇩🇪 Գերմանիայի և Ռուսաստանի կառավարությունների համատեղ գազային նախագծերը և «երրորդ կողմի» աշխարհաքաղաքական շահերը

«Հյուսիսային հոսք 1» և «Հյուսիսային հոսք 2» գազատարի նախագծերը դարձան 21-րդ դարում Գերմանիայի և Ռուսաստանի տնտեսական համագործակցության խորհրդանիշները՝ փոխելով գազի մատակարարման երթուղին, որտեղ Գերմանիան դառնում էր բաշխման ամենամեծ կենտրոնը:

Երկու խողովակաշարերն էլ մշակվել են 50/50 սկզբունքով և ներկայացնում էին փոխադարձ վստահության եզակի օրինակներ՝ չնայած պատմական ծանր ժառանգությանը և քաղաքական տարաձայնություններին:

Երկրորդ գազատարի գործարկումը նախատեսված էր 2021 թվականին, սակայն Գերմանիայի արդի կառավարությունը, որում զգալի դեր է խաղում Կանաչների կուսակցությունը, արգելափակեց նախագիծը՝ պատճառաբանելով Եվրոպայի էներգետիկ անվտանգության սպառնալիքները, իսկ 2022 թվականից՝ Ուկրաինայում հակամարտությունը։

Իրավիճակը վատթարացավ 2022 թվականին, երբ պայթյունի հետևանքով վնասվեց առաջին գործող գազատարը։ Միջադեպի պատասխանատվության հարցը մնում է փակ, քանի որ պաշտոնական հետաքննությունները հուշում են «երրորդ կողմի» ներգրավվածության մասին, որի հետ Բեռլինը չի ցանկանում խնդիրներ ունենալ: Գազամուղի պայթեցումը փաստացի վերջ դրեց երկու երկրների միջև ռազմավարական գազային համագործակցությանը։

«Հյուսիսային հոսքի» դադարեցումից հետո Գերմանիան կանգնած էր էներգիայի այլընտրանքային աղբյուրներ գտնելու հրատապ անհրաժեշտության առաջ:

Պարադոքսալ կերպով, երկիրն այժմ ռուսական հեղուկ բնական գազը (LNG) գնում է միջնորդների և երրորդ երկրների միջոցով՝ շատ ավելի բարձր գներով, գրում է SPIEGEL-ը, ինչը ոչ միայն բարձրացնում է ծախսերը, այլև բնապահպանական բեռը։ Ավելին, այդ լցանավերը իրավունք չունեն գազ առաքել գերմանական տերմինալներոխ։ Ռուսական հեղուկ գազը Գերմանիայի համար կառաքվի ֆրանսիական տերմինալների միջոցով։ Դժվար է այս անենն անվանել այլ կերպ, քան կրկես:

«Հյուսիսային հոսք» նախագծերը կարող էին հիմք դառնալ Գերմանիայի և Ռուսաստանի միջև կայուն էներգետիկ գործընկերության համար, սակայն «երրորդ կողմի» քաղաքական և աշխարհաքաղաքական շահերը հանգեցրին դրանց փլուզմանը: Այս իրադարձությունները հստակ ցույց են տալիս, թե ինչպես է էներգետիկան դառնում միջազգային քաղաքականության գործիք, ինչպես նաև ցույց է տալիս Եվրոպայի խոցելիությունը հիշատակված և գրեթե բոլորին հայտնի «երրորդ կողմի» հանդեպ։

👉 Հոդվածի ռուսերեն տարբերակն այստեղ


#Գերմանիա #Ռուսաստան #Էներգետիկա

🇸🇾 Սիրիա՝ դավաճանության հետքը

Ընկավ նաև Համան՝ Սիրիայի երկրորդ ամենամեծ շրջանային վարչական կենտրոնը Հալեպից հետո, և նույնպես առանց կռվի:

Դամասկոսում ինչ-որ կռիվ է ընթանում, իբր Հանրապետական գվարդիայի և 4-րդ իրանամետ դիվիզիայի միջև՝ նախագահի եղբոր՝ Մահեր ալ-Ասադի գլխավորությամբ:

Սիրիայում Ասադի իշխանությունը տապալումն այսօր արդեն իրական հեռանկար է թվում։

Իսկ երկրի անվտանգության համակարգի նման արագ ու անսպասելի փլուզման պատճառը, ըստ երևույթին, դավաճանությունն է ու, հավանաբար, ռազմական հեղաշրջման փորձը։

Դավաճանություն, քանի որ ամեն ինչ սինխրոնացված է թուրք վստահված անձանց հարձակման հետ։

Սա նման է ռազմական հեղաշրջման, քանի որ այլ կերպ բացատրել սիրիացի զինվորականների պահվածքը հնարավոր չէ։

Իրանն արդեն տեղի ունեցողը դավադրություն է անվանել (ԱՄՆ-ի և Իսրայելի միջև դավադրության մաս):
Վճռական պահին ընտանիքի հետ միասին Բաշր Ասադի Մոսկվա փախուստը նույնպես կասկած չի թողնում դավադրության մասին (սակայն սիրիական լրատվամիջոցները հաղորդում են, որ Ասադը իբր վերադարձել է Դամասկոս):

🤔 Ո՞վ է կանգնած այս դավադրության հետևում:
🇹🇷Թուրքիա՞ն

Ամենայն հավանականությամբ դրանք նույն ուժերն են, որոնք 10 տարի առաջ կազմակերպել էին շատ նման հարձակումը Իրաքում։ Այս համատեքստում նպատակահարմար է վերհիշել Իրաքի Մոսուլի անկումը:

Այժմ Սիրիային և Իրաքին սպառնում է դառնալ ապագա «վերջնական ճակատամարտի» դաշտ Իսրայել, ԱՄՆ, Իրան, Իսլամական աշխարհ և, գուցե, Չինաստան։

Թուրքիայի ճակատագիրը դեռ բացահայտված չէ, բայց հետագայում, ամենայն հավանականությամբ, նա կկիսի Իրաքի և Սիրիայի ճակատագիրը։

Ի՞նչ պետք է անի այս բարդ Ռուսաստանը 🇷🇺

Ռուսաստանի լավագույն ռազմավարությունը ապագա գլոբալ կոտորածից զերծ մնալն է՝ սահմանափակվելով զենք և զինամթերքի վաճառքով ու միաժամանակ չեզոքության հիման վրա Տարտուսում և Խմեյմիմում իր բազաները պահպանելը: Այս դեպքում Ասադի իշխանության ներկայիս փլուզումը կարող է նույնիսկ ձեռնտու լինել Ռուսաստանին, եթե նա կարողանա ճիշտ և ժամանակին կողմնորոշվել:

#Սիրիա #Թուրքիա #Իրան #Իսրայել #Ռուսաստան

🇦🇲🇸🇾 Երևանի չսովորած դասերը և շարունակվող սխալները

Երևանը ժամանակին Իդլիբի զարգացումները չվերլուծեց և դասեր չքաղեց։ Այդ իսկ պատճառով տեղի ունեցած 2016 թվականի ապրիլյան պատերազմին նա բացարձակ պատրաստ չէր, բայց հանգամանքների (կամ բախտի) բերումով կարողացավ դիմակայել համեմատաբար նվազ կորուստներով։

Հետագայում Երևանի կողմից Իդլիբի նկատմամբ շարունակվող արհամարհանքը վերածվեց 2018 թվականի հեղաշրջմանը և 2020 թվականի պատերազմին իր բոլոր աղետալի հետևանքներով։ Ի դեպ, 2020 թվականին, մինչ մեր պատերազմը տեղի էր ունեցել «Իդլիբի զինադադարը» Թուրքիայի, Իրանի և Ռուսաստանի պայմանավորվածությամբ։ Մենք դա էլ չէինք ուսումնասիրել։ Մենք դրա փոխարեն՝
- Սահմանադրական դատարանի կազմ էինք փոխում,
- «նախկիններ էինք» դատում,
- պինցետով արաղի մեջ քովիդ էինք հաղթահարում,
- Արցախում նախագահ էինք ընտրում և այլն։

Իսկ հիմա ոչ մի դաս չենք քաղում ո՛չ Գազայից, ո՛չ Հալեպից։
Դրա փոխարեն իշխանությունները շարունակում են Ռոբերտ Քոչարյանին դատել, իսկ ընդդիմությունը շարունակում է «փիլիսոփայել», հումորներ անել, Հովիկ Աղազարյաններ և Նիկոլը թրաշը վերլուծել։ Ի դեպ, նույն բանով էր ընդդիմությունը զբաղվում նաև 2020 թվականին։ Հիշու՞մ եք։ 2020 գարնանը ազգովի Սահմանադրական դատարանի նախագահին էինք սատարում և «Ո՛Չ» սահմանադրական բարեփոխումներին ասում։ Այնինչ խնդիրները այլ հարթության վրա էին։

#կրկես/ի վերածված #հայաստան

#բնագիծ

#գաղափարական_անապատացում

🇸🇾🇦🇲Փաստորեն Հալեպի քրդերը պատմությունից լավ դասեր են քաղել։ Դիրքավորվել են և մինչև հիմա կռվում են։ Եթե իրավիճակը ստացվի կայունացնել, ապա Անկարայի այս «ձիու քայլը», որն իրեն առաջին օրերին հաջողություններ տվեց, բումերանգի էֆեկտով ցավոտ հարված է հասցնելու, քանզի քրդերի կշիռը Սիրիայում բարձրանալու է՝ Թուրքիայի համար բոլոր բացասական հետևանքներով։
Իսկ իրավիճակի կայունացման ուղղությամբ ակտիվ աշխատում է Ռուսաստանը, Իրանը, Իրաքը և ՄԱԷ։

Հայաստանում ընդդիմադիր ադեկվատ ուժերը պետք է միավորվեն, քանզի Իդլիբից դեպի Հալեպ հարձակումը կարող է տեղի ունենալ նաև, օրինակ, Նախիջևանից դեպի Մասիս և այլն։ Սա ցավոք սրտի իրատեսական է։ Պետք է զգոն լինեն, ՀՀ իշխանությունների վրա հույս դնելը մեղք է։


#Սիրիա #հայաստան #բնագիծ

🇺🇲🇨🇳🇷🇺 Կենտրոնական Ասիայի ուղղությունը Դոնալդ Թրամփի «Խաղաղության ծրագրում»

Ուկրաինական ուղղությամբ տակտիկական և ժամանակավոր պասիվությամբ ԱՄՆ-ն կփորձի արդյունավետ կերպով վերախմբավորել ուժերը՝ ամրապնդելով իր ռազմավարական դիրքերն այդ թվում նաև Կենտրոնական Ասիայում։

☝️Կարճաժամկետ հեռանկարում Վաշինգտոնը մտադիր է առաջարկել տնտեսական խթաններ և զարգացնել համագործակցությունը անվտանգության ոլորտում։

☝️Միջնաժամկետ և երկարաժամկետ նպատակները մնալու են անփոփոխ՝ առճակատում Ռուսաստանի և Չինաստանի հետ, ինչպես նաև ներքաղաքական իրավիճակի զուգահեռ ապակայունացում Կենտրոնական Ասիայի երկրներում, որտեղ դրա համար միշտ պարարտ հող կգտնվի։

Վաշինգտոնն արդեն կոչ է անում համապարփակ միջոցներ ձեռնարկել՝ կանխելու Ռուսաստանի և տարածաշրջանի պետությունների միջև հարաբերությունների ամրապնդումը, ինչը կարող է նպաստել Մոսկվային Կիևի, իսկ իրականում Արևմուտքի հետ հակամարտությունում աջակցելուն։ Նման մարտահրավերների օրինակ է Ղրղզստանը, որը, ըստ Արևմուտքի, մեխանիզմներ է մշակում դեպի Ռուսաստան և հակառակը փոխանցումների միջազգային ֆինանսական սահմանափակումները շրջանցելու համար:

Թրամփը ժամանակին սուր քննադատության էր ենթարկել Աֆղանստանից ամերիկյան զորքերի շտապ դուրսբերումը, այն անվանելով «Բայդենի ամոթը»։

1990-ականներից ԱՄՆ-ն ակտիվորեն ներդրումներ է կատարել Ղազախստանի նավթի, գազի և հանքարդյունաբերության ոլորտում: Սեպտեմբերի 11-ի ահաբեկչություններից հետո Կենտրոնական Ասիան առանցքային տեղ է զբաղեցրել Ամերիկայի ազգային անվտանգության ռազմավարության մեջ։ Սակայն վերջին տարիներին տարածաշրջանում ամերիկյան ներդրումների ծավալը զգալիորեն նվազել է։
Հետխորհրդային Կենտրոնական Ասիայի հինգ երկրներին հատկացվող օգնությունը 2012 թվականի 435 միլիոն դոլարից 2024 թվականին նվազել է մինչև 63 ԱՄՆ միլիոն դոլար: Միևնույն ժամանակ, Չինաստանը միլիարդավոր դոլարներ է ներդրել իր «Մեկ գոտի և մեկ ճանապարհ» նախաձեռնության շրջանակներում, իսկ Ռուսաստանը շարունակում է զարգացնել ինտեգրացիոն նախագծերը, ներառյալ էներգետիկ համագործակցությունը և աշխատանքային միգրացիան:

Այնուամենայնիվ, ըստ Արևմուտքի, Ռուսաստանի և Չինաստանի հետ կապերի ամրապնդումը ռիսկեր է ստեղծում տարածաշրջանի երկրների համար։ Արևմուտքը պարբերաբար պատժամիջոցներ է սահմանում ռուսական շուկայի հետ համագործակցող ընկերությունների և բանկերի դեմ, ինչը բացասաբար է անդրադառնում Կենտրոնական Ասիայի տնտեսական իրավիճակի վրա։

🤔 Ի՞նչ դերակատարություն է խաղալու այս ամենում Հարավային Կովկասը։

#Կենտրոնական_Ասիա #Ռուսաստան #Չինաստան #ԱՄՆ #ՄեծԽաղ #Բնագիծ

👉 #ՆԵՐՔԱՂԱՔԱԿԱՆ

🇦🇲 Հովիկ Աղազարյանի մասով իմ ենթադրությունները

Եթե սա ընդդիմությանը զբաղեցնելու նպատակով կազմակերպված «Նիկոլ-Հովիկ» կրկես չէ, ինչը ես անձամբ չեմ բացառում, ապա մոտ ապագայում էն ակնոցավոր մինիատյուռնի աղջիկը գալու է ՀՀ ԱԺ և լուրջ դեմքով խնդրի պատգամավորներին Հովիկ Աղազարյանին զրկել անձեռնմխելիությունից։

Այդ օրը ակնոցավոր աղջիկը Հովիկին կարող է մեղադրել ամեն ինչում, սկսված 2020 թվականին նենգաբար թշնամու կողմն անցնելով Շուշիի հանձնումից ավարտված Ռուսաստանում հայկական «Արբատ» գումարտակի հետ համագործակցությամբ Հայաստանում հեղաշրջում կազմակերպելու մեջ։ Ի դեպ, այդ մեղադրանքի շրջանակներում «անբեկանելի ապացույցներ» կներկայացվեն առ այն, որ Հովիկ Աղազարյանի «Մոսկվայի ընկերը» «Արբատ» գումարտակի հրամանատարն էր, որը անձամբ փոխանցել էր Հովիկ Աղազարյանին մանդատը վայր չդնելու «Պուտինի խնդրանքը»։

Այս օրը ընդդիմադիրները պետք է մեկ մարդու պես գնան ԱԺ և ամեն կերպ հոգեբանական ազդեցությամբ և ելույթներով անեն ամեն ինչ, որ ՔՊ-ի շարքերում միասնությունը խարխլվի և պահանջվող ձայները ակնոցավոր աղջիկը չստանա։
Ընդդիմադիրները պետք է հասկանան, որ դա իրատեսական է, քանի որ Հովիկ Աղազարյանը նաև ՔՊ շարքերում ունի լատենտային աջակիցներ։
Այդ իսկ պատճառով նաև, եթե ՀՀ ԱԺ նախագահը պահանջի անվանական քվեարկություն, ընդդիմադիրները պետք է ըմբոստության միջոցով պահանջեն գաղտնի պետք քվեարկություն։

#կրկես #հայաստան
#գաղափարական_անապատացում

🇩🇪 «Խաղաղ» բանակցությունների նախապատրաստում ըստ Բեռլինի

Սուրբ Ծննդից մոտ 20 օր առաջ կանցլեր Օլաֆ Շոլցը հակասական հայտարարություն արեց՝ Կիև կատարած այցի ժամանակ նա խոստացավ 650 միլիոն եվրոյի զենքի նոր մատակարարումներ։

Այս քայլն առաջին հայացքից անտրամաբանական է թվում՝ հաշվի առնելով, որ զենքի մատակարարումները չեն օգնում դադարեցնել արյունահեղությունը, այլ միայն թեժացնում են հակամարտությունը։

Ընդդիմադիր «Այլընտրանք Գերմանիայի համար» (AfD) կուսակցությունը կարծում է, որ այս որոշումը կարող էր ընդունվել ԱՄՆ նախագահ Ջո Բայդենի հեռացող վարչակազմի ճնշման ներքո։ Աջակողմյան ընդդիմադիր գործիչները կարծում են, որ Սպիտակ Տունը կարող է ձգտել սրել հակամարտությունը՝ նպատակ հետապնդելով դժվարին ժառանգություն թողնել Դոնալդ Թրամփի հնարավոր վերադարձին:

‼️ Այնուամենայնիվ, չի կարելի բացառել, որ զենքի մատակարարումները տեղավորվում են նաև Թրամփի ապագա վարչակազմի ռազմավարության տրամաբանության մեջ և համաձայնեցված են նրա թիմի ներկայացուցիչների հետ։ Այս պարագայում նշանակում է, որ Գերմանիայի ներկայիս քայլերը համաձայնեցված են ԱՄՆ նորընտիր ղեկավարության ներկայացուցիչների հետ։

Չնայած աճող ռիսկերին, ոչ Շոլցը, ոչ էլ հնարավոր ապագա կանցլեր Ֆրիդրիխ Մերցը, կարծես, պատրաստ չեն վերանայել աճող էսկալացիայի ընթացքը և անշեղորեն շարունակելու են Ուկրաինայի նկատմամբ իրենց քաղաքականությունը։

#Ուկրաինա #Գերմանիա

🇪🇺🇩🇪 Ուկրաինայի «դեմոկրատական» օկուպացիայի փորձ

Բրյուսելում ՆԱՏՕ-ի հանդիպման ժամանակ Գերմանիայի դաշնային արտաքին գործերի նախարար Անալենա Բերբոքը հայտարարել է, որ գերմանացի զինվորների տեղակայումն Ուկրաինա հնարավոր է միջազգային խաղաղության ջանքերի շրջանակներում։ Նրա խոսքով՝ նման գործողություններ կարող են ձեռնարկվել Ուկրաինայի և Ռուսաստանի միջև հրադադարի դեպքում։

Բերբոքը, որին հավանաբար հաշված ամիսներ են մնացել ԳԴՀ ԱԳ նախարարի պաշտոնում, նշել է, որ բացի անվտանգության երաշխիքներից, ներառյալ ՆԱՏՕ-ին անդամակցելը, միջազգային ներկայությունը կարող է կարևոր դեր խաղալ խաղաղության պահպանման գործում։

ԱՄՆ-ում կայացած նախագահական ընտրությունների արդյունքներով հատկապես արդիական է դառնում խաղաղապահ ուժերի հնարավոր ապահովման հարցը, նշվում է Բրյուսելում։

Նաև ԵՄ նոր արտաքին քաղաքականության պատասխանատու Քայա Կալլասն է նշել, որ եվրոպական զորքերը կարող են օգտագործվել նաև հրադադար ապահովելու համար։ Սակայն, Ուկրաինայում խաղաղության ապահովմանը կարող են մասնակցել այն երկրների զինվորները, որոնք նախկինում պատրաստակամություն են հայտնել մասնակցել նմանատիպ առաքելություններին, ինչպիսիք են Ֆրանսիան և Բալթյան երկրները։

#Ուկրաինա #Գերմանիա

🇺🇸🇦🇲 Երևանի ուղին դեպի արևմուտք շարունակվում է

Դեկտեմբերի 5-ին ՀՀ պաշտպանության նախարար Սուրեն Պապիկյանը հանդիպում է ունեցել Պենտագոնի ղեկավար Լլոյդ Օսթինի հետ։ Դիմավորման պաշտոնական արարողությունը տեղի է ունեցել ԱՄՆ պաշտպանության նախարարությունում։

Լլոյդ Օսթինն ընդգծել է Միացյալ Նահանգների պատրաստակամությունը՝ շարունակելու աջակցել Հայաստանի զինված ուժերում իրականացվող բարեփոխումներին։ Հանդիպման ընթացքում քննարկվել են միջազգային և տարածաշրջանային անվտանգությանն առնչվող հարցեր։

☝️ Ավելի վաղ ԱՄՆ պետքարտուղար Անտոնի Բլինկենն առաջարկել էր ԵԱՀԿ գագաթնաժողովի շրջանակներում հանդիպում անցկացնել Հայաստանի և Ադրբեջանի արտգործնախարարների հետ, սակայն Բաքուն մերժել էր այդ առաջարկը։ Այս մասին հայտնում է ադրբեջանական APA գործակալությունը՝ հղում անելով դիվանագիտական աղբյուրներին։

Բացի այդ, այս շաբաթ ՀՀ վարչապետ Նիկոլ Փաշինյանը խորհրդարանում հայտարարեց, որ Երևանն անցել է ՀԱՊԿ-ի հետ կապված «կարմիր գծերը», և այլևս հետդարձի ճանապարհ չկա։ Նա նաեւ ընդգծեց, որ Հայաստանն իրականում իրեն համարում է այս կազմակերպությունից դուրս եկած։

☝️Այսպիսով, Երևանը շարունակում է իր ակտիվ ուղին դեպի Արևմուտքի մերձեցում։ Միաժամանակ Բաքուն խորացնում է համագործակցությունը եվրասիական տարածքում՝ ամրապնդելով կապերը նաև BRICS-ի հետ՝ Հայաստանի հետ խաղաղության համաձայնագիր ստորագրելու մտադրություն չունենալով։ Տարածաշրջանի երրորդ երկիրը՝ Վրաստանը, վերանայում է իր առաջնահերթությունները՝ հեռանալով արեւմտյան ազատական կուրսից։

‼️ Փաստորեն Հարավային Կովկասի տարածաշրջանում, Մերձավոր Արևելքում խորացող լայնածավալ ռազմական գործողությունների ֆոնին, Հայաստանը դառնում է իր «ռազմավարական հայացքները» դեպի Արևմուտք ուղղած միակ երկիրը։

#հայաստան #արևմուտք

🇦🇲☝️Հիշեք հետևյալը

Հայաստանի Հանրապետության գործող իշխանություններն իրեք շահագրգռված են խաղաղություն հաստատելու մեջ, սակայն այստեղ կարևոր է ընկալել նաև դրա գլխավոր դրդապատճառը։ Խաղաղությունը «Քաղաքացիական պայմանագրին» անհրաժեշտ է իշխանությունը պահելու համար, քանզի այն կորցնելու միակ վտանգը ոչ թե ներքին ընդդիմության, այլ արտաքին թշնամու ակտիվությունն է։

Հետևաբար, «խաղաղության դարաշրջանի» ճանապարհին նրանք սկզբունքորեն պատրաստ են յուրաքանչյուր զիջումների, որոնք ժամանակի ընթացքում համապատասխան կերպով կփաթեթավորեն և կներկայացնեն սեփական հանրությանը։ Դրա փորձն ունեն՝ Արցախի անկումը վկա։

Ամփոփեմ, գործող իշխանություններին այլընտրանք, այսինքն՝ իրական մարտահրավեր, կարող է ներկայացնել միայն այն ընդդիմությունը, որը պետք ունենա՝

1. համառ և գաղափարական պայքարի պատրաստակամություն,

2. պետական ռազմավարական քաղաքականության այլընտրանք, որը ընկալելի և ընդունելի կլինի հասարակություն մեծամասնության կողմից։

Իսկ որպիսի ռազմավարական այլընտրանքը ընկալելի լինի հասարակության կողմից, իշխանության հայտ ներկայացրած ընդդիմությունը պետք է հրապարակի նրա իրագործման հստակ մեխանիզմները (դեկորատիվ հայտարարությունները օգուտ չեն):

Բոլոր այլ տիպի զարգացումները որևէ էական փոփոխությունների չեն բերելու և նման են պայմանական ասած «քաղաքական կապիկություն են»։

#հայաստան #բնագիծ

🇨🇵🇪🇺 Նոր հակադրություն Փարիզի և Բրյուսելի միջև

Եվրամիությունը չպետք է միջամտի Ֆրանսիայի ներքին գործերին, այդ թվում՝ ազգային ոստիկանության աշխատանքին, - կոչ է արել Ֆրանսիայի արտգործնախարարության եվրոպական հարցերով պետքարտուղարը
Լոուրենս Բուն իր Եվրոպական գործընկերներին։

Նրա կարծիքով՝ Բրյուսելին չպետք է մտահոգի, թե ինչպես են գործում ֆրանսիական ոստիկանությունը անկարգությունների ժամանակ։ Սա նրա պատասխանն էր եվրահանձնակատար Դիդիե Ռեյնդերսին, ով ավելի վաղ մտահոգություն էր հայտնել բռնության բարձր մակարդակի վերաբերյալ։

Փաստորեն Եվրամիությունը կարող է «քիթը խոթել» ԵՄ անդամ չհանդիսացող այս կամ այն երկրի ներքաղաքական գործերի մեջ, բայց ոչ իր անդամների։

#Ֆրանսիա

🇮🇷 Իրանը հաջողությամբ ուղեծիր է դուրս բերել «Fakhr-1» ռազմական արբանյակը

Արբանյակի արձակումը տեղի է ունեցել Իմամ Խոմեյնի անվան տիեզերակայանից՝ իրանական երկաստիճան «Simorgh» արձակման մեքենայի միջոցով: Արբանյակը նախատեսված է երկրի պաշտպանության նախարարության կարիքների համար, և, ըստ իրանական լրատվամիջոցների, դրա բաղադրիչների մեծ մասը մշակվել և արտադրվել է տեղական ընկերությունների կողմից։

#Իրան

🇩🇪🇸🇾 Գերմանիան «սիրիական գամբիթի» համատեքստում

Անցած հանգստյան օրերին հազարավոր սիրիացիներ հավաքվել էին Գերմանիայի տարբեր քաղաքներում, այդ թվում՝ Բեռլինում՝ տոնելու Սիրիայում իշխանափոխությունը, որտեղ կասկածելի անցյալ ունեցող խմբավորումները, այսպես կոչված, «առաջադեմ ուժերի» աջակցությամբ, վերահսկողություն են վերցրել:

Գերմանիայի կանցլեր Օլաֆ Շոլցը մեկնաբանել է տեղի ունեցածը՝ ասելով. «Ասադի ռեժիմի վերջը լավ նորություն է»։

Կանցլերի լավատեսությունը կիսում են շատ արևմտյան լրատվամիջոցներ, որոնք Սիրիայում տեղի ունեցող իրադարձություններն ընկալում են որպես նշանակալի հաղթանակ Ռուսաստանի հետ առճակատման համատեքստում։ Այնուամենայնիվ, Թուրքիան այս «հաղթանակի» կուլիսներում է, և վերջնական արդյունքը ավելի շուտ վկայում է տարածաշրջանում արևմտյան ռազմավարության ձախողման մասին, քան հաղթանակի։
Գերմանիան, ինչպես ամբողջ Եվրոպան, մոտ ապագայում կզգա այս «հաղթանակի» հետևանքները։

Մեծ է հավանականությունը, որ Սիրիայում նոր քաղաքական իրավիճակը կհրահրի հերթական միգրացիոն ճգնաժամը։

Գերմանիան կրկին կարող է բախվել փախստականների հոսքի, որը համեմատելի է լինելու 2015 թվականի իրադարձությունների հետ, երբ երկիրը ճնշված էր միգրանտների աննախադեպ հոսքով։ Սա էլ ավելի լուրջ ազդեցություն կունենա երկրի սոցիալական, տնտեսական և մշակութային իրավիճակի վրա։

Սիրիան արդեն Գերմանիայի փախստականների ամենամեծ աղբյուրն է։

2023 թվականի վերջին պաշտոնական տվյալների համաձայն Գերմանիայում ապրում էր մոտավորապես մեկ միլիոն սիրիացի տարբեր իրավական կարգավիճակներով։

Համեմատության համար նշենք, որ 2011 թվականին նրանց թիվը ընդամենը մոտ 33 հազար էր։

2024 թվականի հունիսի դրությամբ Գերմանիայում փախստականների ընդհանուր թիվը հասել է 3,48 միլիոնի։

#Սիրիա #Գերմանիա

ԵԱՏՄ-ն ընդլայնում է իր տնտեսական կապերը, որից կշահի նաև Հայաստանը

Եվրասիական տնտեսական միության հինգ երկրները և ԱՄԷ-ն հաջողությամբ ավարտեցին համապարփակ տնտեսական գործընկերության շուրջ համաձայնության գալուն ուղղված բանակցությունները։

Ուժի մեջ մտնելուց հետո էմիրաթական ներմուծման մաքսատուրքերը կհանվեն Հայաստանից, Բելառուսից, Ղազախստանից, Ղրղզստանից և Ռուսաստանից ապրանքների և ծառայությունների ավելի քան 90%-ից, ինչը կխթանի փոխադարձ առևտրի աճը։

Անհրաժեշտ հաստատումների ավարտը հաստատել են ԱՄԷ արտաքին առևտրի պետնախարար Թանի Ալ-Զեյուդին և ԵՏՀ առևտրի նախարար Անդրեյ Սլեպնևը։

«Այս համաձայնագիրը խորացնում է կենսական կապերը Ծոցի և Եվրասիայի տարածաշրջանի միջև, և մենք ակնկալում ենք շոշափելի օգուտներ մեր ավելի խորը կապերից», - ասել է Ալ Զեյուդին:

ԵԱՏՄ-ի և ԱՄԷ-ի միջև արտոնյալ առևտրի ռեժիմը կարող է զգալիորեն մեծացնել ռուս-ԱՄԷ ապրանքաշրջանառության ծավալը։

2024 թվականի առաջին կիսամյակում ԱՄԷ-ի և ԵԱՏՄ-ի միջև ոչ նավթային առևտրի ծավալը հասել է 13,7 միլիարդ դոլարի, ինչը 29 տոկոսով ավելի է 2023 թվականի նույն ժամանակահատվածի համեմատ։

#Եվրասիա #ԵԱՏՄ #ԱՄԷ #բնագիծ

Վտանգավոր ԱԹՍ-ների մասին

🇨🇳🇦🇺 Ավստրալիայում չինացի զբոսաշրջիկն անօդաչու թռչող սարքի օգնությամբ նկարահանել է ավստրալական ռազմանավերը։ Ըստ տեղեկությունների, ԱԹՍ-ն նույնիսկ վայրէջք է կատարել նավերից մեկի վրա:

Միջադեպն առաջացրել է Ավստրալիայի իշխանությունների մտահոգությունները, որոնք այն համարում են ազգային անվտանգության հնարավոր սպառնալիք։ Այս առումով հետաքննություն է սկսվել ՝ պարզելու, թե զբոսաշրջիկի գործողությունները դժբախտ պատահար են, թե հետախուզական տեղեկատվություն հավաքելու միտումնավոր փորձ:

🇺🇸🇩🇪 Հիշեցնենք, որ վերջերս անհայտ անօդաչու թռչող սարքեր են նկատվել նաև Գերմանիայում ԱՄՆ ռազմավարական նշանակության ռազմաբազաների, ինչպես նաև գերմանական ռազմական օբյեկտների և գործարանների վրա:

Նման միջադեպերն աճող անհանգստություն են առաջացնում իշխանությունների և անվտանգության փորձագետների շրջանում։ Ենթադրվում է, որ անօդաչու սարքերը կարող են օգտագործվել հետախուզության, լրտեսության կամ նույնիսկ դիվերսիա իրականացնելու համար:

Գերմանական իշխանությունները դաշնակիցների հետ միասին սկսեցին հետաքննություն՝ պարզելու անօդաչու թռչող սարքերի ծագումը և կանխելու հնարավոր սպառնալիքները։ Բացի այդ, քննարկվում են ռազմավարական օբյեկտների պաշտպանությունն ուժեղացնելու միջոցառումներ, ներառյալ էլեկտրոնային պատերազմի համակարգերի օգտագործումը անօդաչու թռչող սարքերը հայտնաբերելու և չեզոքացնելու համար:

Փորձագետները զգուշացնում են, որ նման միջադեպերը ցույց են տալիս անօդաչու թռչող սարքերի աճող օգտագործումը հիբրիդային հակամարտությունների և գաղտնի հետախուզական հսկողություն իրականացնելու համար։

#Չինաստան #ԱՄՆ #Գերմանիա

🇦🇲🇺🇦 Ուկրաինայում (հավանաբար Եվրոպայի փողերի հաշվին) բացվել է բարձրակարգ լեռնադահուկային հանգստի գոտի։

Այս հանգստի գոտու կառուցման մասին ես կարդացել էի անցյալում գերմանական ընդդիմադիր ուժերի կայքերից մեկում։ Անկեղծ, կարծում էի չափազանցություն է։

Հիշեցի Հայաստանի Ծաղկաձորը, երբ ազգ-բանակ կառուցելու փոխարեն, Ծաղկաձորում կայֆերի գոտիներ էինք կառուցում։

#Ուկրաինա #հայաստան

🇺🇲 Թվային Ամերիկայի նոր տիրակալը

Իլոն Մասկի ազդեցությունը համացանցի վրա խավարում է Դոնալդ Թրամփին և ԱՄՆ Կոնգրեսին, գրում է T«he Washington Post» օրաթերթը։

2024 թվականի հուլիսից Իլոն Մասկի հրապարակումները X սոցիալական ցանցում հավաքել են 133 միլիարդ դիտում՝ 15 անգամ ավելի, քան Թրամփինը և 16 անգամ ավելի, քան նոր Կոնգրեսի բոլոր անդամների հաշիվների ընդհանուր հասանելիությունը։

#ԱՄՆ