🇷🇺🇺🇲 ԱՌՃԱԿԱՏՈՒՄ. Վաշինգտոնի աշխարհաքաղաքական մարտավարության որոշ դրվագների մասին

Յուրաքանչյուր ոք կարող է ունենալ իր կարծիքը Միացյալ Նահանգների մասին՝ քննադատել կամ գովաբանել նրա արտաքին քաղաքականությունը, աջակցել Հարիսին կամ Թրամփին, գնահատել Վաշինգտոնի ուկրաինական քաղաքականությունը և այլն։

Սակայն արդեն այս փուլում ԱՄՆ-ն իր համար լուծում է ռազմավարական խնդիր՝ հիմնովին թուլացնում է եվրոպական տնտեսության հենասյուները, որոնք դեռ մասամբ անկախ են Ամերիկայից, մեծացնում է ԵՄ անդամ երկրների ռազմական արդյունաբերության կախվածությունը ամերիկյան ընկերություններից, արդիականացնում է ԵՄ երկրների օդային հարձակման ուժերը (ինքնաթիռներ, հրթիռներ) և հակաօդային պաշտպանության համակարգերը ամերիկյան արտադրության զենքերի, զինամթերքի և այլ բաղադրիչների օգնությամբ։ Եվրոպական ճակատում ընդլայնում է ՆԱՏՕ-ի կարողությունները և այլն։

Բացի այդ, ԵՄ մի շարք երկրներ նույնպես աննախադեպ քանակությամբ արտադրանք են պատվիրում Իսրայելի ռազմական արդյունաբերությունից։ Այստեղ խոսքը գնում է հիմնականում բարձր տեխնոլոգիական զենքերի մասին։

🇩🇪 Այս ֆոնի վրա ֆորմալ առումով շահում է նաև գերմանական ռազմական արդյունաբերությունը՝ աստիճանաբար գրավելով ԵՄ երկրներում ծանր և միջին զրահատեխնիկայի շուկան (տանկեր և այլն)։
Նշվեց «ֆորմալ առումով», քանի որ Ֆրանսիայում կարտադրվեն գերմանական ծանր զրահատեխնիկայի նոր սերնդի մի շարք առանցքային բաղադրիչները, որոնք այս տանկերն ըստ էության կդարձնեն ֆրանս-գերմանական արտադրանք:

🤔 Այս համատեքստում արժե ուշադրություն դարձնել քաղաքացիական նշանակության գերմանական մեքենաշինության ոլորտի կտրուկ անկման վրա, որը մուլտիպլիկատիվ առումով սպառնում է հարյուր հազարավոր աշխատատեղերի կորստին։ Այս ոլորտում շատ գործարաններ հակված են աշխատանքի ընդունելու երիտասարդ, ֆիզիկապես պատրաստված, բայց սովորաբար ոչ բարձր կրթությամբ կադրերի: Հասարակության տվյալ խավը ֆինանսական լուրջ խնդիրների առաջ կկանգնի, եթե գործարանները ամբողջությամբ կամ մասնակի փակվեն։
Տրամաբանությունը մեզ կարող է հուշել, որ այս գործընթացը հավանաբար Վաշինգտոնի նախապես ծրագրված ընդհանուր ռազմավարության մի մասն է:

Գործազուրկ աշխատողները տեսականորեն կկարողանան աշխատանքի տեղավորվել աճող պատերազմական արդյունաբերության մեջ: Բացի այդ, գերմանական բանակում ավելանում է անձնակազմի թիվը, և ֆիզիկապես ուժեղ, համեմատաբար երիտասարդ մարդիկ, ովքեր նախկինում աշխատել են գործարաններում, կարող են աշխատանք գտնել ՆԱՏՕ-ի արևելյան ճակատի ամրապնդման ստորաբաժանումներում։

Այս ամենի հիման վրա կարող ենք եզրակացնել, որ Վաշինգտոնը, նույնիսկ այս փուլում զիջելով Ռուսաստանին Ուկրաինայում, Եվրասիական մայրցամաքի արևմտյան մասում հիմք է ստեղծում Ռուսաստանի և նրա եվրասիական մայրցամաքային աշխարհաքաղաքականության դեմ, որի բաղկացուցիչ մաս է կազմում Կենտրոնական Եվրոպայի տարածքում (Բելառուսի, Ուկրաինայի և Ռուսաստանի արևմտյան տարածքներ) «Ռուսական աշխարհի» հայեցակարգի ամրապնդումն ու ընդլայնումը, ռազմավարական պայքարը շարունակելու համար։

Վաշինգտոնի համար միակ իրական սպառնալիքը ԱՄՆ-ի խորացող ներքին պառակտումն է և ժողովրդագրական վերափոխումը, որն արդեն իսկ կարճաժամկետ հեռանկարում կարող է ինստիտուցիոնալ ճգնաժամ առաջացնել ԱՄՆ ներքին անվտանգության համակարգում՝ անկանխատեսելի հետևանքներով։ Սա լավ են հասկանում առնվազն Հանրապետականները։ Ահա թե ինչու նրանց թեկնածու Թրամփն ընդգծում է «ներքին խնդիրների վրա կենտրոնանալու» անհրաժեշտությունը՝ միաժամանակ առաջ մղելով «Ամերիկան առաջին հերթին» հայեցակարգը։ Սա ամենևին չի նշանակում, որ անդր-ատլանտյան դաշինքի հեգեմոնը պետք է հրաժարվի իր արտաքին աշխարհաքաղաքական առաջնահերթություններից, ինչպես կարծում են որոշ անհեռատես վերլուծաբաններ։

#ԱՄՆ #Ռուսաստան

🇺🇲 Դեմոկրատներն ընդդե՞մ «աղբի»՝ ընտրություններին ընդառաջ դիմակայության նոր սրացում ԱՄՆ-ում

ԱՄՆ-ում զայրույթի ալիք է բարձրացել Ջո Բայդենի հայտարարությունից հետո, առ այն, որ Պուերտո Ռիկոն «աղբի կղզի է»։

Այնուամենայնիվ, անհասկանալի է, թե կոնկրետ ինչ նկատի ուներ Բայդենը։ Կա երկիմաստություն՝ արդյոք նա հանրահավաքի ժամանակ չարաբաստիկ հայտարարություն արած անձին է անվանել «աղբարկղ», թե՞ ընդհանրապես ակնարկում է Թրամփի կողմնակիցներին։

Թրամփի քարոզարշավն արդեն ակտիվորեն օգտագործում է այս իրադարձությունն իր դիրքերն ամրապնդելու համար, մինչդեռ Սպիտակ տան վարչակազմը դժվարությունների է հանդիպում Բայդենի խոսքերը բացատրելու և պաշտպանելու հարցում, ինչը կարող է բացասաբար ազդել Քամալա Հարիսի նախընտրական քարոզարշավի վրա:

Թրամփն ու նրա նախընտրական շտաբն առավելագույնս կօգտագործեն Բայդենի այս հայտարարությունն իրենց օգտին:

Հիմնական նպատակը, ամենայն հավանականությամբ, կլինի զանգվածային աջակցություն ներգրավելը, հատկապես այն ընտրողների շարքերից, ովքեր զգում են, որ թերագնահատված են քաղաքական իշխանության կողմից:
Հանրապետականները կփորձեն լայն հանրությանը փոխանցել ուղերձը, որ Բայդենը և, համապատասխանաբար Հարիսը, չեն հարգում սովորական ամերիկացիների տեսակետները, ինչը պետք է զգացմունքային արձագանք առաջացնի զանգվածների շրջանում և ամրապնդի այն համոզմունքը, որ Թրամփն ավելի մոտ է նրանց շահերին և կարիքներին, քան իրենց «աղբ» անվանողը։

Այս ամենը կօգնի կառուցել Թրամփի, որպես «մոռացված» մեծամասնության պաշտպանի կերպար՝ վերջին ճակատագրական շաբաթվա ընթացքում մոբիլիզացնելով դժգոհությունը Հանրապետականների օգտին։

#ԱՄՆ #elections

🇩🇪🇮🇷 Կտրուկ սրվում են Գերմանիայի և Իրանի հարաբերությունները

Իրանում ահաբեկչության մեջ մեղավոր իրանցի Ջամշիդ Շարմահդի մահապատժից հետո, ով նույնպես Գերմանիայի քաղաքացիություն ուներ, Գերմանիայի արտաքին գործերի նախարար Աննալենա Բարբոքը հայտարարեց նոր պատժամիջոցների մասին, մասնավորապես՝ Իրանի երեք գլխավոր հյուպատոսությունները՝ Ֆրանկֆուրտում, Մյունխենում և Համբուրգում, կփակվեն, սակայն Բեռլինում Իրանի դեսպանատունը կշարունակի աշխատանքը։

Ըստ Բեռլինի, տվյալ մահապատիժը «սառնարյուն սպանություն է», ինչը ցույց է տալիս, որ Իրանի ռեժիմը շարունակում է դաժանորեն գործել՝ չնայած ղեկավարության վերջին կադրային փոփոխություններին։

Իրանը, ամենայն հավանականությամբ, կպատասխանի հյուպատոսությունների փակմանը: Ավելի վաղ Շարմախդի դատավճռի հրապարակումից հետո Գերմանիան և Իրանը վտարել էին երկուական դիվանագետի։ Իրանում Գեմանիայի դեսպանը «կոնսուլտացիաների նպատակով» Թեհրանից հետ է կանչվել Բեռլին։

Եվրոպական Միությունն իր հերթին ներկա փուլում դիտարկում է իրանցի պաշտոնյաների դեմ լրացուցիչ պատժամիջոցներ սահմանելու հարցը:

Սա ևս մեկ անգամ հաստատում է, որ Թեհրանի հարաբերություններն Արևմուտքի, հատկապես Գերմանիայի հետ, ոչ միայն չունեն բարելավման տենդենց, այլ հակառակը՝ կշարունակեն ավելի վատթարանալ։

👉 Իբրև տեղեկատվություն

Ներկայումս Գերմանիայում ապրում է իրանական արմատներով մոտ 300.000 մարդ։ Իրանի հյուպատոսությունների փակումն առաջին հերթին կհարվածի այդ մարդկանց շահերին։

Ինչ վերաբերում է օտարերկրյա հյուպատոսական ծառայությունների փակմանը, ապա նախկինում Գերմանիայի կառավարությունը նման միջոցի է դիմել միայն մեկ անգամ՝ փակելով Ռուսաստանի չորս գլխավոր հյուպատոսություններ։ Այս որոշումը, որը կայացվել է 2023 թվականի մայիսին՝ 2022 թվականի փետրվարից մոտ 15 ամիս անց։

#Գերմանիա #Իրան

🌐 😎 Հաջորդ շաբաթը հետաքրքիր է լինելու

🇷🇺 Նոյեմբերի 4 - «Վալդայ» ֆորումի մեկնարկ։

🇺🇸 Նոյեմբերի 5 - ԱՄՆ նախագահական ընտրություններ։

🇺🇸 Նոյեմբերի 6-ի երեկոյան ԱՄՆ նախագահական ընտրությունների առաջին արդյունքների ամփոփում։

🇷🇺 Նոյեմբերի 7 - Ռուսաստանի նախագահ Վլադիմիր Պուտինի հիմնական ելույթը «Վալդայի» շրջանակներում։

#ԱՄՆ

🇺🇿 🇹🇷 Դեպի Թուրան՝ Ուզբեկստանն ու Թուրքիան ամրապնդում են երկկողմ համագործակցությունը

Հոկտեմբերի վերջին Տաշկենդում կայացավ կարևոր հանդիպում, որի ընթացքում Ուզբեկստանի և Թուրքիայի ներկայացուցիչները ստորագրեցին գործընկերության ամրապնդման «ճանապարհային քարտեզը»։

Բանակցություններին մասնակցում էին արտաքին գործերի և ներքին գործերի նախարարները, ինչպես նաև երկու երկրների հետախուզական ծառայությունների ղեկավարները։ Ուշադրության կենտրոնում էր պետությունների ղեկավարների կողմից ընդունված որոշումների գործնական իրականացումը։

☝️Հանդիպման առանցքային թեմաները՝

🤝 Քաղաքական երկխոսության ամրապնդում,
🤝 Առևտրատնտեսական և ներդրումային փոխգործակցության ակտիվացում,
🤝 Անվտանգության մարտահրավերների և սպառնալիքների դեմ պայքարում համակարգման ուժեղացում,
🤝 Ուզբեկստանի նախագահի հունիսին Թուրքիա կատարած այցի ընթացքում ձեռք բերված պայմանավորվածությունների իրականացումը։

Թուրքական պատվիրակությունը հանդիպմանը փոխանցեց նախագահ Ռեջեփ Թայիփ Էրդողանի ողջույնները և ընդգծեց ստորագրված ճանապարհային քարտեզի շրջանակներում կանոնավոր շփումների և համակարգված փոխգործակցության պահպանման կարևորությունը։

Կողմերը ոննարկվել են նաև հանրային դիվանագիտության, ակադեմիական փոխանակման և միջազգային կազմակերպություններում համագործակցության հարցեր։ Արտաքին քաղաքականության և իրավապահ մարմինների, ինչպես նաև երկու երկրների հետախուզական ծառայությունների ղեկավարները քննարկել են երկկողմ համագործակցության արդի հարցեր, տարածաշրջանային և գլոբալ մարտահրավերները, սպառնալիքներին արդյունավետ հակազդելու ուղիները և այլ կարևոր թեմաներ։

♦️Այսամենը պետք է մտահոգի Երևանին։


#Ուզբեկստան #Թուրքիա #Թուրան

🇹🇷 Անկարան շարունակում է զարգացնել իր ներկայությունը Սև ծովի հյուսիսային ափին

Թուրքական «Baykar» ընկերությունը նախատեսում է մինչև 2025 թվականի օգոստոս ավարտին հասցնել Ուկրաինայում անօդաչու թռչող սարքերի արտադրության գործարանի կառուցումը, որը մտադիր է «Bayraktar» TB2 և TB3 անօդաչու թռչող սարքեր արտադրել, հայտնում է «Reuters» գործակալությունը։

«Մենք ավարտել ենք շինարարության 80%-ը և այժմ սարքավորումներ ենք պատվիրում: Պատերազմի ընթացքը կորոշի արտադրության մեկնարկի ամսաթիվը, սակայն գործարանը պատրաստ կլինի 2025 թվականի օգոստոսին»,- ասել է ընկերության համանում ղեկավար Բայրաքթարը։

«Baykar»-ը 5 տարվա ընթացքում 300 միլիոն ԱՄՆ դոլար կներդնի իր «Akinci» և «Kizilelma» ԱԹՍ-ի շարժիչների մշակման համար:

🤔🇷🇺🇹🇷 Ուկրաինայում ԱԹՍ-ի գործարանի կառուցումը նշանակալի քայլ է, որն անշուշտ կազդի ռուս-թուրքական հարաբերությունների վրա։ Ներկայիս աշխարհաքաղաքական հանգամանքների համատեքստում դա կարող է դիտարկվել, իբրև աջակցություն Ուկրաինայի պաշտպանական արդյունաբերությանը, ինչը բնականաբար անհանգստություն է առաջացնում Մոսկվայում, քանի որ Ուկրաինայի տարածքում ռազմական արտադրության ի հայտ գալը Կիևի ռազմական ներուժն ուժեղացնող քայլ է։

Նման շրջադարձը, անկասկած, կարող է լարվածություն ստեղծել Մոսկվայի և Անկարայի հարաբերություններում՝ հաշվի առնելով, որ Թուրքիան և Ռուսաստանը սերտ կապեր են պահպանում շատ այլ ոլորտներում, ներառյալ էներգետիկ և տնտեսական համագործակցությունը և այլն:

Մյուս կողմից, նախագիծը կարող է արտացոլել Թուրքիայի փորձը՝ ամրապնդել իր դիրքերը պաշտպանական արդյունաբերության և միջազգային շուկաներում, հատկապես Եվրոպայում, նամանավանդ, անօդաչու համակարգերի աճող պահանջարկի պայմաններում:

☝️ Միևնույն ժամանակ, հնարավոր է, որ Թուրքիան օգտագործում է այս իրավիճակը ի օգուտ իրեն՝ հավասարակշռելով ՆԱՏՕ-ի և Ռուսաստանի միջև, նամանավանդ՝ հաշվի առնելով ուկրաինական պատերազմի հետագա զարգացման անկանխատեսելիությունը։

Այս ամենը պետք է լինի նաև Երևանի ուշադրության կենտրոնում։

#Ռուսաստան #Թուրքիա #Բնագիծ #Թուրան

🇺🇲🇪🇺 ➡️ 🇦🇲 ⬅️ 🇷🇺

Արևմտյան աշխարհաքաղաքական կենտրոնների և ռուսական պետականության արտաքին քաղաքականության նպատակներն ու շահերը, ինչպես նաև այդ ամենին «հայկական մարտադաշտում» հասնելու մարտավարության հիմունքները։

https://youtu.be/R_GLs1sxrww?si=nI6FAZSgoLQM7mVq

🇺🇦 Մեկ ու կես միլիարդ զբոսաշրջության համար

Ուկրաինան ներդրումներ է կատարում շքեղ նախագծում, մինչդեռ Եվրոպան միլիարդներ է ծախսում Ուկրաինայից փախստականների վրա, գրում է շվեյցարական մամուլը:

Պատերազմից տուժած Ուկրաինայում մեծ լեռնադահուկային հանգստավայրի կառուցման մասին լուրերը տարակուսանք ու քննադատություն են առաջացնում Եվրոպայում։

Մինչ եվրոպական երկրները, ներառյալ Գերմանիան, Շվեյցարիան և այլ երկրներ, շարունակում են բազմաթիվ միլիարդների հասնող գումարներ հատկացնել ուկրաինացի փախստականների կարիքները հոգալու համար, Ուկրաինայի կառավարությունը մինչև 1,5 միլիարդ դոլար է ուղղում նոր ձմեռային հանգստավայր ստեղծելու համար:

Այս ներդրումը խոշորագույններից մեկն է Ուկրաինայի զբոսաշրջության ոլորտում։ Նախագիծը, որը նախատեսվում է ավարտին հասցնել 2028 թվականին, ներառում է 25 հյուրանոցի կառուցում 5500 համարներով, 2,8 կմ երկարությամբ գոնդոլա վերելակով և երկրի ամենաերկար լեռնադահուկային համալիր։

#Ուկրաինա

🇺🇲🇪🇺 Եվրոպայի վախերը

Գերմանական առաջատար թերթերից մեկի էջերում կարծիք է հայտնվել. Կամալա Հարրիսի հաղթանակի պարագայում, արդյոք Թրամփի կողմնակիցները կընդունեն իրենց թեկնածուի պարտությունը: Հակառակ դեպքում բռնությունը կարող է տևել շաբաթներ։ Եթե ընտրությունները հանգեցնեն ոչ թե հստակության, այլ քաոսի, դա մեզ համար նույնպես հետևանքներ կունենա, քանզի, եթե աշխարհում ամենակարևոր ժողովրդավարությունը դադարի լույս սփռել, ապա ամբողջ ժողովրդավարական Արևմուտքը կդառնա ավելի մութ։

🤔 Այս դիրքորոշումը ևս մեկ անգամ ընդգծում է լիբերալ եվրոպական Արևմուտքի վերնախավին պատած անհանգստությունը ԱՄՆ-ում քաղաքական իրավիճակի և ընտրությունների հնարավոր հետևանքների վերաբերյալ։

Նույնիսկ Կամալա Հարիսի հաղթանակը կարող է բռնություն և զանգվածային բողոքի ցույցեր առաջացնել, իսկ ամերիկյան քաղաքականության մեջ երկարատև քաոսի հեռանկարը սպառնում է թուլացնել Միացյալ Նահանգների՝ որպես համաշխարհային առաջնորդի դիրքերը:

Միացյալ Նահանգները, որոնք ընկալվում են, որպես քաղաքական կայունության խորհրդանիշ և մարդու իրավունքների մոդել, կենտրոնական են արևմտյան ժողովրդավարությունների համար:

☝️Ավելին, Վաշինգտոնի, որպես միջազգային կարգի երաշխավորի ներուժի վրա է կառուցված Եվրամիության արտաքին անվտանգության ողջ ճարտարապետությունը։

Եթե ներքին անկայունությունը սկսի թուլացնել այս հեգեմոնին, եվրոպական էլիտաները ստիպված կլինեն վերանայել սեփական խոցելիությունը և քաղաքական կայունությանը սպառնացող հնարավոր սպառնալիքները: Արևմտյան ժողովրդավարության հիմքերին սպառնացող ցանկացած լուրջ սպառնալիք կարող է տագնապ առաջացնել և խաթարել այն երկրների ոգին, որտեղ ժողովրդավարական կարգը հաճախ ասոցացվում է արևմտյան արժեքների և Ամերիկայի հետ դաշինքի հետ։

Պետք է նաև հաշվի առնել, որ եվրոպական քաղաքական վերնախավերը ԱՄՆ-ի հետ երկար տարիների սերտ հարաբերությունների ընթացքում մեծապես կախված են եղել ամերիկյան ազդեցությունից։

Ավանդական ամերիկյան ժողովրդավարական ուժերի հնարավոր ճգնաժամը կամ պարտությունը նրանց մտավախություններ է առաջացնում, քանի որ արտասահմանում գործընկերոջ կորուստը կարող է ոչնչացնել գոյություն ունեցող միջազգային, տնտեսական և քաղաքական կապերը, որոնց վրա հիմնված է ոչ միայն անվտանգությունը, այլև նրանց շատերի անձնական և ընտանեկան ֆինանսական կայունությունը և բարեկեցությունը։

Այսինքն՝ երկար տարիներ նրանց փող ու կոչումներ էին տրամադրում նրանք, ովքեր հիմա պարտության եզրին են։

#ԱՄՆ #Եվրոպա

🇺🇲🇷🇺 ՆԱՏՕ-ի ռազմավարական ավիացիան Ռուսաստանի սահմանների մոտ

Ֆիննական F/A-18 Hornet կործանիչը և ամերիկյան B-52 Stratofortress միջուկային ծանր ռմբակոծիչը ուսումնական թռիչքներ են իրականացրել Ֆինլանդիայի օդային տարածքում՝ Ռուսաստանի հետ սահմանի մոտ։

B-52-ը Ֆինլանդիա է ժամանել Նորվեգիայից։

Բացի այդ, ԱՄՆ ռազմաօդային ուժերի Boeing RC-135W Rivet Joint հետախուզական ինքնաթիռը օդ է բարձրացել Մեծ Բրիտանիայի ռազմաօդային բազայից, հատել Ֆինլանդիայի սահմանը և մոտեցել է Ռուսաստանի պետական սահմանով։

Ֆինլանդիայի պաշտպանության նախարարության տվյալներով՝ նման ուսումնական առաքելություններն ուղղված են ՆԱՏՕ-ի ռազմաօդային ուժերի փոխգործակցության բարձրացմանն ու համագործակցության ամրապնդմանը։

#Ռուսաստան #ԱՄՆ #ՆԱՏՕ

🇩🇪 Գերմանիայի Սահմանադրական կարգի ապահովման պետական ծառայության (հակահետախուզություն, գերմաներեն Verfassungsschutz) նախկին պետը, որին պաշտոնից հեռացրել էին (ոչ միայն, այլ նաև) միգրացիոն քաղաքականության վերաբերյալ իր արմատական անհամաձայնություններ պատճառով, երեկ շնորհավորում էի Թրամփին և հույս հայտնում, որ նաև Գերմանիայում տեղի կունենան համապատասխան փոփոխություններ: #Գերմանիա

🇺🇲 Հարիսի՝ պայքարը շարունակելու կոչերը կամ իրականությունից շեղումը

Չորեքշաբթի օրը Քամալա Հարիսը, հանդիպելով ամերիկացի ընտրողների մեծամասնության անհամաձայնությանը, ճանաչեց Դոնալդ Թրամփի նախագահական հաղթանակը, միաժամանակ հորդորելով իր կողմնակիցներին շարունակել պայքարել իրենց «ընդհանուր արժեքների» համար:

«Երբեմն կռիվը ժամանակ է պահանջում», - ասաց նա՝ ելույթ ունենալով Հավարդի համալսարանում, որտեղ նա դեռևս նոյեմբերի 5-ի առավոտյան ակնկալում էր նշել իր հաղթանակը:

Նրա պարտությունը մեծ հարված էր դեմոկրատական հույսերին, հատկապես, երբ նախագահ Բայդենի վերընտրվելու ջանքերը ձախողվեցին, և նա զբաղեցրեց նրա տեղը ցուցակի վերևում:

Բոլոր «ճոճվող» նահանգներում Հարրիսը զիջեց Թրամփին։

Գործնականում Հարիսի կոչերն արձագանք չեն գտնում նույնիսկ հենց Դեմոկրատական կուսակցությունում, որտեղ նրա վարկանիշը միշտ ցածր է եղել։ Հաշվի առնելով դա՝ Թրամփի երդմնակալությունից հետո դժվար թե նրան դաշնային մակարդակի հարթակ տրվի՝ հանրությանը կրկին որևէ կոչեր անելու համար: Հավանաբար նա կկորի Ամերիկյան քաղաքական պատմության «աղբանոցում», որտեղից նրան Սպիտակ տուն էր բերել ծերունի Բայդենը։

Անկախ ամեն ինչից նոյեմբերի 5-ի ընտրությունների արդյունքները, որոնցում հանրապետականները ջախջախիչ հաղթանակ տարան՝ շահելով մեծամասնություն Ներկայացուցիչների պալատում և Սենատում, պարզորոշ ցույց տվեցին, որ դեմոկրատները «տապալվել են» չափազանց հավակնոտ և անիրատեսական ծրագրերի պատճառով։

#ԱՄՆ

🇷🇺🇩🇪 «Արժեքների» վերակողմնորոշում Գերմանիայում

Գերմանական ավիացիոն հսկա «Lufthansa»-ն ցանկանում է կրկին թռչել Ռուսաստանի վրայով, հաղորդում է գերմանական մամուլը նոյեմբերի 6-ին՝ Թրամփի հաղթանակի ուղիղ հաջորդ օրը։

Սա ևս մեկ անգամ ցույց է տալիս այսպես կոչված սկզբունքների կեղծավորությունը, որոնց մասին անընդհատ խոսում են պոպուլիստները։ Այսպիսով, դրանք ոչ միայն հակամարտություններ են հրահրում, այլև խարխլում են դաշնակիցների և սեփական երկրի տնտեսությունները։

#արժեքներ #բնագիծ #գերմանիա

🇺🇲 Էնվերն ինձ բազմիցս ասել է, որ զգուշացրել է Հայոց պատրիարքին, որ եթե հայերը որևէ հարձակում կատարեն թուրքերի վրա կամ որևէ օգնություն ցույց տան ռուսներին այս պատերազմի ընթացքում, նա ստիպված կլինի ծայրահեղ միջոցներ կիրառել նրանց դեմ։

Բոլորովին վերջերս, երբ ես քննարկում էի Հայկական հարցը նոր արտաքին գործերի նախարար Հալիլ Բեյի հետ, նա ինձ ասաց, որ զգուշացրել է հայ պատգամավոր Վարդգեսին, որ եթե Դաշնակցական կոմիտեն որևէ անկախ քայլ ձեռնարկի և հարձակվի թուրքական զորքերի վրա, ապա ինքնապաշտպանության նպատակով օսմանյան հրամանատարը ոչ միայն կազատվի սահմանամերձ (բնակավայրերում ապրող) հայերից, այլև բոլոր նրանցից, ովքեր գտնվում էին բանակի թիկունքում:

Օսմանյան կայսրությունում ԱՄՆ դեսպան Մորգենթաուն Պետքարտուղարին ուղղված նամակում։

Կոնստանտինոպոլիս, 18 նոյեմբեր, 1915 թվական։

(Հասել է Վաշինգտոն, 1916 թվականի հունվարի 12-ին)

P.S. Պատմությունը պետք է ոչ միայն ընթերցել, այլ նաև ուսումնասիրել և ճիշտ ընկալել։

🇺🇲🇩🇪 Մինչև Դոնալդ Թրամփի երդմնակալությունը Օլաֆ Շոլցը ներկայացնելու է իր հրաժարականը։

#ԱՄՆ #Գերմանիա #ՆԱՏՕ

Բևեռացման՝ որպես լիբերալ աշխարհում կառավարման գործիքի և դրա «մահացու» վտանգների մասին հակիրճ

Սկսեմ նրանից, որ ժողովրդավարական հասարակությունում բևեռացումը ինքնին խնդիր չէ: Ընդհակառակը, բևեռացման նվազագույն մակարդակն նույնիսկ անհրաժեշտ է:

Լիբերալների տեսանկյունից կարծիքների և խնդիրների լուծման մոտեցումների տարբերությունները խթանում են բանավեճը, ստեղծում այլընտրանքային տեսակետներ և օգնում գտնել ավելի հավասարակշռված լուծումներ, որոնք արտացոլում են սոցիալական տարբեր խմբերի շահերը: Այս առումով բևեռացման նվազագույն մակարդակը նույնիսկ անհրաժեշտ է, քանի որ այն աջակցում է բազմազանությանը և խթանում է գաղափարների առողջ մրցակցությունը, ինչը հիմք է հանդիսանում հասարակության և ցանկացած ժողովրդավարության կառավարման համար։

Սակայն բևեռացումը վտանգավոր է դառնում, երբ այն դուրս է գալիս հայտարարված սկզբունքներից։ Այս դեպքում հակառակորդները չեն ընկալվում որպես քաղաքական գործընթացների լեգիտիմ մասնակիցներ, այլ դառնում են հասարակության կամ նույնիսկ պետության գոյությանը սպառնացող վտանգի խորհրդանիշ։ Սա հենց այն է, ինչ մենք տեսնում ենք Գերմանիայում՝ կապված «Այլընտրանք Գերմանիայի համար» հետ կամ նկատում ենք ԱՄՆ դեմոկրատների քաղաքականության մեջ 2020-2024 թվականներին և այլն։

Նման կործանարար բևեռացումը ոչնչացնում է հասարակական հաստատությունների կայունության համար անհրաժեշտ փոխադարձ հարգանքն ու վստահությունը։ Կառուցողական քննադատության և երկխոսության փոխարեն հասարակությունները սահուն կերպով շարժվում են դեպի ագրեսիա և արմատականացում:

Քաղաքական կուսակցություններն ու շարժումները սկսում են մրցակիցներին դիտարկել որպես թշնամիներ, որոնց դեմ պետք է պայքարել «մինչև վերջ», ինչը դժվարացնում է փոխզիջումների հասնելը՝ վտանգելով ժողովրդավարական գործընթացի կայունությունը:

Այս պայքարում սկսում են ի հայտ գալ «արտաքին թշնամիներ», որոնք աջակցում են պատերազմող կողմերին՝ նպատակ հետապնդելով թուլացնել ողջ հասարակությունն ու պետությունը։ Այս փուլում իշխանություններն ու նրանց հարող այլ քաղաքական ուժերը ընդդիմությանը որակում են նաև «հինգերորդ շարասյուն»:

Այս երևույթի վտանգը կայանում է նաև նրանում, հասարակության գրեթե բոլոր շերտերի միջև ճեղք է առաջացնում էմոցիոնալ և հոգեբանական մակարդակներում։ Մարդիկ դադարում են վստահել ոչ միայն իրենց հակառակորդներին, այլև այն ինստիտուտներին, որոնք պետք է ապահովեն արդարությունն ու հավասարությունը։

Առճակատման այս փուլից սկսվում է հասարակության՝ որպես պետության հիմքի ոչնչացման գործընթացը։

Իսկ երբ քաղաքական պայքարը դառնում է «կյանքի ու մահվան» խնդիր, մեծանում է նպատակին հասնելու ցանկացած միջոց արդարացնելու միտումը, ինչը կարող է հանգեցնել բռնության, ընդդիմությանը ճնշելու և նույնիսկ կառավարման ավտորիտար մեթոդներին։

Այսպիսով, «չարամիտ» բևեռացումը դեմոկրատական համակարգը վերածում է պայքարի ասպարեզի, խաթարում է հավասարության և հավասարության գաղափարը և հասարակությանը զրկում է առաջացող խնդիրները ռացիոնալ լուծելու կարողությունից։

Ժողովրդավարությունը պահպանելու համար կարևոր է ոչ միայն կանխել բևեռացման նման ձևերը, այլև հարգանք զարգացնել հակառակորդների օրինականության նկատմամբ՝ չնայած համոզմունքների տարբերությանը:

#հայաստան #բնագիծ

ՆԱՏՕ-Հայաստան համագործակցության որոշ զարգացումներ. հնարավորությունները և ռիսկերը

2024 թվականի մարտի 19-ին ՆԱՏՕ-ի գլխավոր քարտուղար Յենս Ստոլտենբերգը Երևանում հանդիպեց Հայաստանի վարչապետ Նիկոլ Փաշինյանին։ Այցը տեղի ունեցավ այն ժամանակ, երբ Երևանը, Բաքվի հետ «երկկողմ բանակցությունների» շրջանակներում, որոշեց Ադրբեջանին փոխանցել երկրի հյուսիս-արևմուտքում ռազմավարական նշանակության պաշտպանական դիրքերը։ Ստոլտենբերգը կոչ արեց Հայաստանին Ադրբեջանին հրե կնքել համաձայնագիր, որը «կնպաստի հարաբերությունների կարգավորմանը և կայուն խաղաղության հաստատմանը», ընդգծելով, որ նման քայլը կարևոր է «եվրաատլանտյան անվտանգության» համար։
Հատկապես ուշագրավ է, որ Ստոլտենբերգն ընդգծել է խաղաղ կարգավորման անհրաժեշտությունը հենց ՆԱՏՕ-ի շահերի տեսանկյունից, ինչից առաջանում է հարց՝ «արդյո՞ք Հայաստանը պետք է հաշվի առնի այդ դաշինքի շահերը, եթե դա կարող է հակասել իր ազգային առաջնահերթություններին»։ Բացի այդ, ՆԱՏՕ-ի գլխավոր քարտուղարը նշել է, որ Ռուսաստանի հնարավոր հաղթանակն Ուկրաինայում կարող է ագրեսիայի նոր ակտեր հրահրել այլ ավտորիտար երկրների կողմից։ Նա կոչ արեց ամեն ինչ անել, որպեսզի Ռուսաստանը հաջողության չհասնի այս պատերազմում։ Արդյունքում՝ Հայաստանը՝ որպես ՆԱՏՕ-ի գործընկեր, կանգնած է լուրջ երկընտրանքի առաջ՝ չեզոք մնալ կամ աջակցել իր համար օտար դաշինքի դիրքորոշմանը, ինչը կարող է բարդացնել հարաբերությունները Ռուսաստանի՝ նրա ռազմավարական գործընկերոջ հետ, որը, ի թիվս այլ բաների, պաշտպանում է Թուրքիայի հետ Հայաստանի սահմանը։
2024 թվականի հոկտեմբերի 2-ից հոկտեմբերի 5-ը Հայաստան է այցելել ՆԱՏՕ-ի պատվիրակությունը՝ ՆԱՏՕ-ի միջազգային ռազմական շտաբի գլխավոր տնօրեն, գեներալ-լեյտենանտ Յանուշ Ադամչակի գլխավորությամբ։ Դրանից անմիջապես հետո՝ նոյեմբերի 5-6-ին, Երևան այցելեց ՆԱՏՕ-ի մեկ այլ պատվիրակություն՝ փոխծովակալ Գյունշտեյն Բրյուսդալի գլխավորությամբ՝ ՆԱՏՕ-ի Եվրոպայում դաշնակիցների գերագույն հրամանատարության շտաբի պետի տեղակալ:
Այս այցերի ընթացքում ՆԱՏՕ-ի պատվիրակությունները հանդիպել են հայ զինվորականների հետ՝ քննարկելով ռազմական համագործակցության, պաշտպանական բարեփոխումների և տարածաշրջանային անվտանգության ամրապնդման հարցեր։ Առանձնահատուկ ուշադրություն է դարձվել ռազմական կրթությանը, բարեփոխումներին, փոխգործունակությանը և հանրային դիվանագիտությանը։ Երևանի ռազմական ակադեմիայում իր ելույթում Ադամչակը նախանշել է ՆԱՏՕ-ի և Հայաստանի հետագա համագործակցության հնարավոր ոլորտները, ինչպես նաև քննարկել է Ուկրաինայի պատերազմը՝ համերաշխություն հայտնելով Կիևին և դատապարտելով «ռուսական ագրեսիան»։ Հատկանշական է, որ հրապարակային հաղորդագրություններում չի նշվում, թե ինչպես է հայկական կողմն արձագանքել Ռուսաստանի հասցեին հնչող կշտամբանքներին, ինչը կարող է վկայել նրա զգուշավոր դիրքորոշման մասին։
Ի՞նչ կարող է նշանակել այս ամենը. ՆԱՏՕ-ի հնարավոր մտադրությունները Հարավային Կովկասում...

👉 Հոդվածի շարունակությունը հղումով

🇬🇪 Վրաստանում քայլեր են ձեռնարկվում 2013-2014 թվականներին երկիրը Ուկրաինայի ճանապարհին կանգնեցնելու ուղղությամբ։

Սակայն այս անգամ ԱՄՆ Պետդեպարտամենտի ներկայացուցիչների փոխարեն Թբիլիսիում ներկա են ԵՄ պատվիրակները։

Տեսանյութում երևում է, թե ոնց են Թբիլիսիում ընդդիմության հանրահավաքին մասնակցում բազմաթիվ բարձրաստիճան եվրոպացի պատվիրակներ, այդ թվում՝ Բունդեսթագի արտաքին քաղաքականության մշտական հանձնաժողովի նախագահ, Գերմանիայի նախկին փոխարտգործնախարար և այսօր (դեռ) իշխող SPD կուսակցության անդամ Միխայել Ռոթը։

Սա կոչվում է «ժողովրդավարություն», այլ ոչ թե ուղղակի միջամտություն այլ պետության ներքին գործերին և բախումների հրահրում։

#Վրաստան