ማስታወቂያ

ቀን፡- ቅዳሜ፣ መጋቢት 26፣ 2018 ዓ.ም.

ጉዳዩ፡ የ3ኛ እና የ4ኛ ሩብ ዓመት ክፍያን ይመለከታል

ውድ ወላጆች፣

1. የ3ኛ ሩብ ዓመት ክፍያ ያላጠናቀቃችሁ ወላጆች ፣ ክፍያውን ከ700 (ሰባት መቶ) ብር ቅጣት ጋር በአፋጣኝ እንድትፈጽሙ እናሳስባለን። ክፍያ ያላጠናቀቀ ተማሪ የ3ኛ ሩብ ዓመት ማጠቃለያ ፈተና መፈተን ስለማይችል ለሚፈጠረው ችግር ት/ቤቱ ኃላፊነት አይወስድም።

2. የ4ኛ ሩብ ዓመት ክፍያን በተመለከተ ፣ እስከ ፊታችን ዓርብ ድረስ ያለቅጣት መክፈል የምትችሉ መሆኑን እናሳውቃለን።

ክፍያውን በአቢሲኒያ ባንክ ብቻ በሂሳብ ቁጥር 163193477 ይፈጽሙ። የሞባይል ባንኪንግ ወይም ከሌላ ባንክ የሚደረግ ዝውውር ተቀባይነት የለውም።

ክፍያ ከፈጸሙ በኋላ ደረሰኙን በአካል፣ በተማሪው መገናኛ ደብተር፣ ወይም በቴሌግራም (0912-50-64-71) ያቅርቡ።

ት/ቤቱ

ማስታወቂያ ለተማሪዎች! (Grades 1-8)

የግብረ ገብ እና የክ.ዕ.ጥ (PVA) ጥናታችሁን አጠናቃችኋል?

እንግዲያውስ ምን ያህል እንደተዘጋጃችሁ እራሳችሁን ለመፈተሽ፣ አሁኑኑ ወደ ትምህርት ቤቱ ፖርታል (https://portal.saintmarkschool.net) በመግባት የተለቀቁትን ወርክሽቶች (Online Worksheets) እንድትሰሩ እናበረታታለን።

መልካም የጥናት ጊዜ!

ት/ቤቱ

ሆሳዕና በአርያም

የሆሳዕና በዓል የሰላሙ ንጉሥ ኢየሱስ ክርስቶስ የነቢያትን ትንቢት ፈጽሞ፣ በትሕትና በአህያ ውርንጫ ላይ በመቀመጥ ወደ ቅድስት ከተማ ኢየሩሳሌም የገባበት ታላቅ የድል ቀን ሲሆን፤ እንደ ቅዱስ ዮሐንስ አፈወርቅ ትርጓሜ፣ ጌታ በአህያና በውርንጫይቱ ላይ መቀመጡ ሕዝብና አሕዛብን በወንጌል ቀንበር ሥር አጽንቶ ወደ መንግሥተ ሰማያት ለመምራቱ ምሳሌ ነው ሊቁ ቅዱስ ኤፍሬምም ሕዝቡ የዘረጋው ዘንባባ የድል፣ የወይራው ደግሞ ከእግዚአብሔር ጋር የመታረቅ (የሰላም) ምልክት መሆኑን ሲያመሰጥር፣ ሕፃናቱ በመንፈስ ቅዱስ ተገፋፍተው "ሆሳዕና" (አሁን አድነን) ብለው ማመስገናቸው የኦሪት መሥዋዕት አልፎ በምስጋና የሚቀርብ አዲስ ዘመን መጀመሩን ያበስራል። ይህ ዕለት ጌታችን ስለ ሰው ልጅ ፍቅር ሊታመም ወደ ሕማማት በር የገባበት ምስጢር በመሆኑ፣ እኛም እንደ ኢየሩሳሌም ሕፃናት ንጹሕ ልባችንን እንደ ምንጣፍ አንጥፈን፣ የኃጢአት አሮጌ ማንነታችንን ከእግሩ ሥር ጥለን ለትንሣኤው ብርሃን ልንዘጋጅ ይገባል።

ማስታወቂያ ለተማሪዎች!

በወረቀት የሰራችሁትን ስራ ለማስረከብ፦
(Grade 3, 4 and Grade 6 Moral Worksheet)

1. አስተማሪያችሁ የሰጧችሁን ጥያቄዎች አንብቡ።
2. ጥያቄዎቹን በወረቀት ላይ በእርሳስ ወይም በእስክሪብቶ ስሩ።
3. ወላጅ/አሳዳጊ ወረቀቱን ፎቶ እንዲያነሳላችሁ (ወይም ስካን እንዲያደርግላችሁ) ጠይቁ። ፎቶውን በደንብ እዩት። ሁሉም ጽሁፎች በግልፅ መታየት አለባቸው። በጣም የጠቆረ ወይም የደበዘዘ መሆን የለበትም።
4. «Choose file» የሚለውን ተጫኑ። ፎቶውን ወይም ፒዲኤፍ (PDF) ፋይሉን ምረጡ።
5. «Upload Submission» የሚለውን ተጫኑ። ጨርሳችኋል!

ወደ ትምህርት ቤቱ ፖርታል (https://portal.saintmarkschool.net) በመግባት የተለቀቁትን ወርክሽቶች (Online Worksheets) እንድትሰሩ እናበረታታለን።

Turn in your paper work
(Grade 3, 4 and Grade 6 Moral Worksheet)

1. Read the instructions & questions your teacher gave you.
2. Do the questions on paper with a pencil or pen.
3. Ask a grown-up to help you take a picture of your paper (or scan it). Check the picture. We should see all the words. Not too dark. Not blurry.
4. Tap Choose file. Pick your picture or PDF.
5. Tap Upload Submission. You are done.

Thank you!

ማስታወቂያ

ለተማሪዎች እና ወላጆች፣

ነገ ግማሽ ቀን (እስከ 6፡30 ሰዓት) ብቻ መሆኑን እናሳውቃለን።

ተማሪዎች ወደ ትምህርት ቤት ሲመጡ፡

1. ቁርስ እና የመገናኛ ደብተር (Communication Book) ብቻ ይዘው እንዲመጡ፣

2. ለፈተና የሚያስፈልጉ ቁሳቁሶችን (እርሳስ፣ እስክሪብቶ እና የመሳሰሉትን) እንዲይዙ፣ እና

3. ዩኒፎርም መልበስ ግዴታ መሆኑን እናሳስባለን።

ማሳሰቢያ፡- የማጠናከሪያ ፕሮግራም (ACP) እስከ 9፡00 ሰዓት ድረስ ስለሚሰጥ፣ በዚህ ፕሮግራም የሚሳተፉ ተማሪዎች ምሳ ይዘው እንዲመጡ እናሳስባለን።

ት/ቤቱ

የተከበራችሁ ወላጆች/ አሳዳጊዎች
እንኳን ለሰሙነ ሕማማት በሰላም አደረሳችሁ እያልን ፣እንደሚታወቀው ሰሙነ ሕማማት ከነገ ሰኞ መጋቢት 28 2018ዓ.ም ጀምሮ ይሆናል ስለሆነም ከዚህ በላይ ከሰኞ እስከ እሁድ ድረስ ያሉትን ዕለታት ምን እንደሚባሉና ምን ትርጉም ወይም ትንታኔ ይሰጣቸዋል የሚለውን ከዚህ በላይ በተያያዘው ምስል አያይዘናል።
መልካም አዳር

መርገመ በለስ፡ የሕማማት ሰኞ ምስጢራዊ ትርጓሜ
​ጌታችን ኢየሱስ ክርስቶስ በሕማማት ሰኞ ከቢታንያ ሲወጣ በበለሲቱ ላይ የፈጸመው መርገም ጥልቅ መንፈሳዊ ትርጓሜዎችን ያዘለ ነው። በለሷ በዋነኝነት የቤተ እስራኤል ምሳሌ ስትሆን፣ ቅጠል እንጂ ፍሬ አለመገኘቷ እስራኤል የሕግና የሥርዓት ሽፋን (ቅጠል) እንጂ እውነተኛ ሃይማኖትና ምግባር (ፍሬ) እንዳልነበራቸው ያሳያል። በዚህም ምክንያት ትንቢትና ክህነት ከእነርሱ ተወስዷል። በሌላ በኩል፣ በለሷ የኦሪት ምሳሌ ሆና ድኅነት በሕገ ኦሪት ብቻ እንደማይገኝና በሐዲስ ኪዳን መተካቷን ስታመለክት፣ በምስጢር ደግሞ እንደ በለስ ቅጠል በዓለም ሰፍታ የነበረችው ኃጢአት በክርስቶስ መርገም መድረቋንና በአዳም ላይ የነበረው የሞት ፍዳ መወገዱን የምናስብበት ዕለት ነው።

የሕማማት ማክሰኞ፡ የጥያቄና የትምህርት ቀን
​የሕማማት ማክሰኞ ጌታችን ኢየሱስ ክርስቶስ በቤተ መቅደስ ሲያስተምር የካህናት አለቆችና ጸሐፍት "በምን ሥልጣን እነዚህን ታደርጋለህ?" በማለት ለጠየቁት ተንኮል አዘል ጥያቄ በጥበብ የመለሰበትና ግብዝነታቸውን የገለጠበት ዕለት በመሆኑ "የጥያቄ ቀን" ይባላል። በዚህ ዕለት ጌታችን ስለ አሥሩ ቆነጃጅት፣ ስለ ታማኝ ባሪያና ስለ መክሊት በምሳሌዎች በማስተማር የሰው ልጅ ለዳግም ምጽዓቱ በንቃትና በምግባር ተዘጋጅቶ መጠበቅ እንዳለበት አጽንዖት ሰጥቷል። በአጠቃላይ ዕለቱ የጌታችንን መለኮታዊ ሥልጣንና ጥበብ የምናስብበት፣ እኛም እንደ ብልሆቹ ቆነጃጅት የሃይማኖት መብራታችንን በምግባር ዘይት አቅንተን ለክርስቶስ መንግሥት እንድንዘጋጅ የሚመክር የታላቅ ትምህርት ቀን ነው።

ማስታወቂያ

ቀን፡- ረቡዕ፣ መጋቢት 30 ፣ 2018 ዓ.ም.

ለውድ ወላጆች፣

ዛሬ ትምህርት ቤታችን ግማሽ ቀን (እስከ 6፡00 ሰዓት) ብቻ ክፍት መሆኑን እናሳውቃለን። ስለዚህ ወላጆች ልጆቻችሁን በሰዓቱ (በ6፡00 ሰዓት) መጥታችሁ እንድትወስዱ እናሳስባለን።

በዛሬው ዕለት ባዘጋጀነው የሕፅበተ እግር በዓል ሥነ-ሥርዓት ላይ ለተገኛችሁ ወላጆች ከልብ እናመሰግናለን። እግዚአብሔር ይባርካችሁ!

በዛሬው ዕለት የተነሱ ፎቶዎችን ለማየት ይህንን የቴሌግራም ሊንክ በመጫን ይመልከቱ፡ 👉 https://t.me/+but06E_DjQw2NDZk

ት/ቤቱ

ማስታወቂያ

ለውድ ወላጆች፣

በዛሬው የሕፅበተ እግር በዓል ሥነ-ሥርዓት ላይ የተገኛችሁ እና በራሳችሁ ስልክ ወይም ካሜራ ፎቶዎችን ያነሳችሁ ወላጆች፣ እባክዎን ያነሳችኋቸውን ፎቶዎች ከታች ባለው የቴሌግራም ሊንክ በመግባት እንድታጋሩን (Share እንድታደርጉን) በአክብሮት እንጠይቃለን።

👉 https://t.me/+but06E_DjQw2NDZk

ስለ ትብብራችሁ እናመሰግናለን! ት/ቤቱ

የሕማማት ረቡዕ፦ የምክርና የእንባ ቀን

​የሕማማት ረቡዕ የካህናት አለቆች፣ ጸሐፍትና የሕዝብ ሽማግሌዎች ጌታችን ኢየሱስ ክርስቶስን እንዴት አድርገው እንደሚይዙትና እንደሚገድሉት በቃያፋ ግቢ ተሰብስበው ክፉ ምክር የመከሩበት ዕለት በመሆኑ "የምክር ቀን" ይባላል በአንጻሩ ደግሞ በዝሙት ስም የምትታወቀው ሴት  ውድ ዋጋ ያለውን ሽቶ በጌታችን ራስ ላይ በማፍሰስ፣ በእንባዋ እግሩን አጥባ በጠጉሯ በማበስ የንስሐ ፍቅሯን የገለጸችበት ዕለት ነው።
​በዚህ ዕለት ቤተክርስቲያን የይሁዳን ክህደትና የክፉዎችን ምክር ስታስብ፣ በሌላ በኩል ደግሞ የሴቲቱን የንስሐ ዕንባና ቅን ፍቅር ለትምህርት ታቀርባለች በአጠቃላይ ዕለቱ የሰው ልጅ በንስሐ ታጥቦ ወደ አምላኩ የሚመለስበትን አስፈላጊነት የሚያሳይና በክፋት ከሚመክሩት ወገኖች ተለይተን በንጹሕ ልብ ለጌታችን የምንገዛበት የታላቅ ትምህርት ቀን ነው።

ጸሎተ ሐሙስ ፦ የትሕትናና የምሥጢር ቀን

የሕማማት ሐሙስ ጌታችን ኢየሱስ ክርስቶስ የደቀ መዛሙርቱን እግር በማጠብ ፍጹም ትሕትናን ያስተማረበት፣ በጌቴሴማኒ በጸሎት በመትጋት አርአያ የሆነበትና ከሁሉ በላይ ደግሞ ሥጋውንና ደሙን ለዓለም ድኅነት የሰጠበት ታላቁ የቍርባን ምሥጢር የተመሠረተበት ዕለት በመሆኑ "የምሥጢር ቀን" ይባላል። ይህ ዕለት የብሉይ ኪዳን መስዋዕት አብቅቶ አማናዊው የሐዲስ ኪዳን ሥርዓት የተተካበት በመሆኑ፣ እኛም በጌታችን ፍጹም ትሕትና ተመስለንና በጸሎት በርትተን ለቅዱስ ምሥጢራቱ እንድንዘጋጅ የሚመክር የታላቅ ትምህርት ቀን ነው።

ዓርብ :- ስቅለት

የስቅለት ዓርብ ጌታችን ኢየሱስ ክርስቶስ ለሰው ልጅ ፍቅር ሲል በመስቀል ላይ ተሰቅሎ የዓለምን ኃጢአት የደመሰሰበትና በሞቱ ሞትን ድል አድርጎ ሕይወትን የሰጠበት ዕለት በመሆኑ "የድኅነት ቀን" ይባላል በዚህ ዕለት ጌታችን ሰባቱን አጽማደ መስቀል (ሰባቱን ቃላት) በመናገር፣ ለሰቃዮቹ ምሕረትን  እስከ መጨረሻው በመታገሥ ፍጹም ፍቅሩንና መለኮታዊ ትዕግሥቱን ገልጧል በአጠቃላይ ዕለቱ የሰው ልጅ ወደ ቀደመ ክብሩ የተመለሰበት ፣ የዲያብሎስ የባርነት ቀንበር የተሰበረበትና እኛም በመስቀሉ የተገኘውን ነጻነት እያሰብን በሃይማኖትና በምግባር እንድንጸና የሚያስተምር የታላቅ ውለታ ቀን ነው።