ساكتٍ مثل الحليم اللي يطول سكوته
و ماشيٍ في درب ما اعرف عنه غير الوجهة
والشعور اللي بصدري.. قنبلة موقوتة
مير باقي مالقت من تنفجر في وجهه
و ماشيٍ في درب ما اعرف عنه غير الوجهة
والشعور اللي بصدري.. قنبلة موقوتة
مير باقي مالقت من تنفجر في وجهه
يا رب مالي غير عفوك طمعه
جيتك وطرفي من همومي دامع
أطلبك فآخر ساعة من الجمعة
وأنا اللي بعطفك ولطفك طامع
يالله بجاه ٍله قبول وسمعة
وذكرٍ ليا عدّوه سَر السامع
وارزقني بمال ٍمايحصى جَمعه
منه أكفل الأيتام وابني جامع
جيتك وطرفي من همومي دامع
أطلبك فآخر ساعة من الجمعة
وأنا اللي بعطفك ولطفك طامع
يالله بجاه ٍله قبول وسمعة
وذكرٍ ليا عدّوه سَر السامع
وارزقني بمال ٍمايحصى جَمعه
منه أكفل الأيتام وابني جامع
Forwarded from نافِذة.
فيك تشخص البصاير ولك مد الكفوف
ياكريم يكرمون الأكارم من عطاه
عالم اللي ما أعلمه شايف اللي مانشوف
خافيٍ سرّه.. والأسرار ماهي بتخفاه
ولا جفانا القل واللي روابعهم ضعوف
جعل ربي ما يرينا لا غضبه ولا جفاه
ولا انقفل بابٍ رزق حرّاسه وقوف
فتّحت بيبان الأرزاق من كل اتجاه*
ياكريم يكرمون الأكارم من عطاه
عالم اللي ما أعلمه شايف اللي مانشوف
خافيٍ سرّه.. والأسرار ماهي بتخفاه
ولا جفانا القل واللي روابعهم ضعوف
جعل ربي ما يرينا لا غضبه ولا جفاه
ولا انقفل بابٍ رزق حرّاسه وقوف
فتّحت بيبان الأرزاق من كل اتجاه*
"يبدو إن الشوق وصَّاني عليك وصاية
لا اللقاء يشفي غليل.. ولا المعانق كافي
ما بعد قربي وقربك من بعضنا غاية
وش ورا عطرك بـ ثوبي وشْعرك بـ أكتافي"
لا اللقاء يشفي غليل.. ولا المعانق كافي
ما بعد قربي وقربك من بعضنا غاية
وش ورا عطرك بـ ثوبي وشْعرك بـ أكتافي"
"تبكين ..
وأتشكّل لك أيادي
أنا على ظنك .. على ظنّك
كل الدّموع
اللي تطيح، عااادي
إلا الدّموع اللي تطيح منّك"
وأتشكّل لك أيادي
أنا على ظنك .. على ظنّك
كل الدّموع
اللي تطيح، عااادي
إلا الدّموع اللي تطيح منّك"
"يا عظيمة وأنتِ الأشياء الجديدة والقديمة
وأنتِ اللي لو تصد الأرض.. ما صدّيت عنها
وأنتِ أشجع الانتصارات، وملذات الهزيمة
وأنتِ اللي وين ما لقّيت قلبي قال: عَنها
وأنتِ أعجوبة زمان الشاعر اللي هَلّ ديمة
وارتوت جدب القصايد لين صح الله بدنها"
وأنتِ اللي لو تصد الأرض.. ما صدّيت عنها
وأنتِ أشجع الانتصارات، وملذات الهزيمة
وأنتِ اللي وين ما لقّيت قلبي قال: عَنها
وأنتِ أعجوبة زمان الشاعر اللي هَلّ ديمة
وارتوت جدب القصايد لين صح الله بدنها"
"رحاب الأرض: مدّي لي مداك الجرهدي وأهلّ
قصيدٍ ما عليه الا نباي وسيرة أجدادي
يعمّ الصمت وتطول المسافة والوله ما قلّ
وأنا ما عشت أدوّر فرصتي وأمرها عادي
أتلّ خطاي في عرقٍ من الصحرا وانا ما أدلّ
طريقٍ لو تعلّق فوق جفني طوّل سهادي
تمثنيت الحنين وضاع صوتي فالسهل والتلّ
هنا ما هبّت أنسام الهوى مع مفرق الوادي
ياربّ الآدمي، والليل، والبيداء، وربّ الكل
أنا لولاك أضيّع صيدتي وأكسّر شدادي
ياكم ضاعت ليالي وأنجرح صبح ورفيقٍ زلّ
على نفسٍ قدايمها علي تعاتب جدادي
مابين أذكر وبين أنسى وبين أسعى وبين آملّ
مراحل والمراحل بينها موتي وميلادي
- مشاري محمد
قصيدٍ ما عليه الا نباي وسيرة أجدادي
يعمّ الصمت وتطول المسافة والوله ما قلّ
وأنا ما عشت أدوّر فرصتي وأمرها عادي
أتلّ خطاي في عرقٍ من الصحرا وانا ما أدلّ
طريقٍ لو تعلّق فوق جفني طوّل سهادي
تمثنيت الحنين وضاع صوتي فالسهل والتلّ
هنا ما هبّت أنسام الهوى مع مفرق الوادي
ياربّ الآدمي، والليل، والبيداء، وربّ الكل
أنا لولاك أضيّع صيدتي وأكسّر شدادي
ياكم ضاعت ليالي وأنجرح صبح ورفيقٍ زلّ
على نفسٍ قدايمها علي تعاتب جدادي
مابين أذكر وبين أنسى وبين أسعى وبين آملّ
مراحل والمراحل بينها موتي وميلادي
- مشاري محمد
Forwarded from ورد وشبابيك*
ودي اتعب في سنعهم على صاف الحديد
لو ما احصل عندهم غير فنجال قهوة
وشوفة اللي حط له فالحشاء رفٍ فريد
وحط له فالرف عشٍ تقل عش صعوه
إن حكى لي عيد وإن مدّ لي يمناه عيد
يوخذ الفنجال منها على غير شهوة
-بن عون.
لو ما احصل عندهم غير فنجال قهوة
وشوفة اللي حط له فالحشاء رفٍ فريد
وحط له فالرف عشٍ تقل عش صعوه
إن حكى لي عيد وإن مدّ لي يمناه عيد
يوخذ الفنجال منها على غير شهوة
-بن عون.
من العايدين وجعل أعيادك تعود
وجعل الظروف القاسيات تْلاين
أهم شي إنّك على الأرض موجود
وباقي الأمور اللي وراها هواين*
–ابن حمري
وجعل الظروف القاسيات تْلاين
أهم شي إنّك على الأرض موجود
وباقي الأمور اللي وراها هواين*
–ابن حمري
«قلت لـ النفس القنوعه وش يحط المر حالي
قالت الإيمان بـ الله و القدر خيره .. و شرّه»
— خالد بن طفلان
قالت الإيمان بـ الله و القدر خيره .. و شرّه»
— خالد بن طفلان
Forwarded from نافِذة.
"أنا عبدك ولد عبدك و جيتك منكسر وأدعيك
تحاوط بي همومي يا عظيم الملك و ألجا لك
أجي راجي ومتوكل و كلي خوف بين إيديك
و حُب يليق يا ربي بـ تعظيمك و إجلالك
على كف الثرى يسجد جبيني منحني وأرجيك
ولا يسجد جبيني يا المُعز ، الواحد إلا لك
أنا ضايق و لا تجهل بـ : ضيقاتي و لا يخفيك
ظلامٍ حلّ في صدري .. و نورك مطمع الهالك
يا رب الناس ويش الناس لولا رحمتك تدعيك
ضعيف الخلق ي الخالق! وأنا مخلوق يسعى لك
أبي نصرك وتأييدك ، معك ما خاب مؤمن فيك
و يفنى كل ما دونك ، و دايم وجهك لـ لحالك"
– عادل بن عيّاد
تحاوط بي همومي يا عظيم الملك و ألجا لك
أجي راجي ومتوكل و كلي خوف بين إيديك
و حُب يليق يا ربي بـ تعظيمك و إجلالك
على كف الثرى يسجد جبيني منحني وأرجيك
ولا يسجد جبيني يا المُعز ، الواحد إلا لك
أنا ضايق و لا تجهل بـ : ضيقاتي و لا يخفيك
ظلامٍ حلّ في صدري .. و نورك مطمع الهالك
يا رب الناس ويش الناس لولا رحمتك تدعيك
ضعيف الخلق ي الخالق! وأنا مخلوق يسعى لك
أبي نصرك وتأييدك ، معك ما خاب مؤمن فيك
و يفنى كل ما دونك ، و دايم وجهك لـ لحالك"
– عادل بن عيّاد