‏"فمان الله وتعبر ضحكتك سمعي
‏عزاي إنك في ذاكرة العمر موجود

‏وخايف لا أمسح دموعي قبل لا أدعي
‏يجوز إن البكا وقت الدعاء محمود ..

‏رحَل نورك، طفت ريح الوجع شمعي
‏سوى العتمة، وش اللي داخلي مولود ؟

‏سلام الله عليك شلون في دمعي
‏يشوفونك هنا.. كأني أنا المفقود"

حتى الكلام اللي مقفى وموزون
‏يبكي عليك من الحزن ويتشرّه

‏منت بعلى رف المواعيد مركون
‏والله ليبقى لك من العين قرّه

‏انت البدر والبدر مهما يقولون:
‏يدفن بالارض ويطلع من المجرّه

‏لكن عوضنا في شبيهك من الكون
‏اليا اكتمل في دورة الشهر مرّه

مزيد الوسمي

‏درت كل الخلايق عن رحيلك
‏وتلوّعنا. ولكن ما اعترضنا
‏ولا نقدر عن الفرقى نحِيلك
‏ولو بيديننا ؛ جيشٍ وقفنا
‏من يعوِّض قصايدنا بديلك ؟
‏رحل عصر القصايد معْك وأفنى
‏ولو بعدك غدو الشّعار سِيلك
‏ومعهم انهمرنا .. ما انهمرنا !
‏مكانك سِرّ. من باسق نخيلك
‏إلى موتك. جعل آخره جنّة.

الظروف اللي تحدّك مْن الأربع جهات
حلّها عند الله اللي جدير بحلّها

-عبدالله السراهيد

لا ضاع رسم الطريق وزادت الحيرة
فتحت باب السماء من دعوة أعماقي

ولا أدري وين الخير و وينها الخيرة
لكنّي أعرف وين مدبّر أرزاقي

‏«وكّل أمرك للكريم ويسمح أمرك
‏كل ما دكّت على بالك روابع

‏وافرد همومك على سجاد صدرك
‏لا تضيّقها وحلم الله واسع»
*مساعد الرشيدي.

‏خل لك فوق الشّواهيق والعليا مكان
‏اردع النفس العنيدة وخالف ودّها

‏لا تحدّك سود الأيام وظروف الزمان
‏كل ما شفت اللّيالي تحدّك حدّها*

‏"لا تلتفت في حسايف وقتك الماضي
‏غامر على العز والتوفيق عند الله"

ساكتٍ مثل الحليم اللي يطول سكوته
‏و ماشيٍ في درب ما اعرف عنه غير الوجهة

‏والشعور اللي بصدري.. قنبلة موقوتة
‏مير باقي مالقت من تنفجر في وجهه

ليه اترك الحلم واذرف من وراه الدموع
‏واحلام الإنسان توخذ غصب ما تنعطى

‏تشكّلي ياظروف الدهر ومن اي نوع
‏بجيك هادي ومتوازن وواثق خطى

‏القلب ضد الكسر والراس ضد الخضوع
‏والمتن للشيل.. واليمنى لبذل العطا

- جمال بندر.

يا رب مالي غير عفوك طمعه
‏جيتك وطرفي من همومي دامع

‏أطلبك فآخر ساعة من الجمعة
‏وأنا اللي بعطفك ولطفك طامع

‏يالله بجاه ٍله قبول وسمعة
‏وذكرٍ ليا عدّوه سَر السامع

‏وارزقني بمال ٍمايحصى جَمعه
‏منه أكفل الأيتام وابني جامع

‏فيك تشخص البصاير ولك مد الكفوف
‏ياكريم يكرمون الأكارم من عطاه

‏عالم اللي ما أعلمه شايف اللي مانشوف
‏خافيٍ سرّه.. والأسرار ماهي بتخفاه

‏ولا جفانا القل واللي روابعهم ضعوف
‏جعل ربي ما يرينا لا غضبه ولا جفاه

‏ولا انقفل بابٍ رزق حرّاسه وقوف
‏فتّحت بيبان الأرزاق من كل اتجاه*

‏"يبدو إن الشوق وصَّاني عليك وصاية
‏لا اللقاء يشفي غليل.. ولا المعانق كافي

‏ما بعد قربي وقربك من بعضنا غاية
‏وش ورا عطرك بـ ثوبي وشْعرك بـ أكتافي"

"تبكين ..
‏وأتشكّل لك أيادي
‏أنا على ظنك .. على ظنّك
‏كل الدّموع
‏اللي تطيح، عااادي
‏إلا الدّموع اللي تطيح منّك"

‏"يا عظيمة وأنتِ الأشياء الجديدة والقديمة
‏وأنتِ اللي لو تصد الأرض.. ما صدّيت عنها

‏وأنتِ أشجع الانتصارات، وملذات الهزيمة
‏وأنتِ اللي وين ما لقّيت قلبي قال: عَنها

‏وأنتِ أعجوبة زمان الشاعر اللي هَلّ ديمة
‏وارتوت جدب القصايد لين صح الله بدنها"

الوحشة اللي سكنتني بعد موت الامل
‏زي وحشة الارض بعد موت اخر نبي*

"رحاب الأرض: مدّي لي مداك الجرهدي وأهلّ
‏قصيدٍ ما عليه الا نباي وسيرة أجدادي

‏يعمّ الصمت وتطول المسافة والوله ما قلّ
‏وأنا ما عشت أدوّر فرصتي وأمرها عادي

‏أتلّ خطاي في عرقٍ من الصحرا وانا ما أدلّ
‏طريقٍ لو تعلّق فوق جفني طوّل سهادي

‏تمثنيت الحنين وضاع صوتي فالسهل والتلّ
‏هنا ما هبّت أنسام الهوى مع مفرق الوادي

‏ياربّ الآدمي، والليل، والبيداء، وربّ الكل
‏أنا لولاك أضيّع صيدتي وأكسّر شدادي

‏ياكم ضاعت ليالي وأنجرح صبح ورفيقٍ زلّ
‏على نفسٍ قدايمها علي تعاتب جدادي

‏مابين أذكر وبين أنسى وبين أسعى وبين آملّ
‏مراحل والمراحل بينها موتي وميلادي
- مشاري محمد

ودي اتعب في سنعهم على صاف الحديد
لو ما احصل عندهم غير فنجال قهوة

وشوفة اللي حط له فالحشاء رفٍ فريد
وحط له فالرف عشٍ تقل عش صعوه

إن حكى لي عيد وإن مدّ لي يمناه عيد
يوخذ الفنجال منها على غير شهوة
-بن عون.