‏لا المستحيل يردني ولا ابن عم المستحيل
‏ياما كسرت القاعدة واخلفت وجه اعرابها

‏صدري ليا عليَت.. علا وليا استطالت؟ يستطيل
‏إما أستوت لي كلــــهـا! ولا بـلاش اشقى بها*

‏قد سمعنا بشيخٍ تزبن الناس بيته
‏ماسمعنا بشيخٍ تزبن الناس جوّه!

- الشاذلي العجب.

تمنيتك وأنا كل الأماني جبتها بعناد
‏وتصاغرت الظروف اللي تهد وجيت لك كلي

‏قطعت دروب وأحلامي قراح وذكرياتي زاد
‏عطيتك صافي شعور المحبة وش تبي قل لي؟

‏لو إنه بيني وبينك .. عذول ومعجزة وبلاد
‏أحسك نسمةٍ مرت عجولة تحتضن ظلي

"‏يعرفني الموج، ما يعرفني الساحل
‏يجهلني القاع، وما تجهلني القمّة"

لا تساورك الظنون ولا تساورك الطواري
عادك أغلى من عشقت وعادك الحبّ المبدّى

وعادك اللي كل ما هب الهوا والليل ساري
أذكرك وإذا ذكرتك سال غيم و ورّد ندّى

في غيابك ملتهب قلبي على جمر إنتظاري
والحزن إن ما تعشى من قفص صدري تغدى

ذي طيوفك من يميني و ذي طيوفك من يساري
تطرق ف باب الطواري طيف جاب و طيف ودا

والله إني في محيا وجهك الطاهر أماري
وكل زين يمرني عقبك أمره وأتعدى

في محطات العمر ما كنت من ضمن اختياري
القدر جابك وأنا ممنون للأقدار جدّا

ياحبيبي وأغلب العشاق من بايع و شاري
يوم أنا من كثر ماني واثقٍ فيك أتحدى

أنت مثل الحاكم اللي دون شعبه نهر جاري
و أنا مثل الصامل اللي دون حاكمه يتفدّى

"على رمضى الدروب اللي تودي لك أجرّ خطاي
‏لمحت أوّل سرابـك ما دريت بآخره حتفي"

الحنيّة في أجمل صورها:

"لك على هالوجه حق ولك وسط العين قرّة
لا سمحتي من صفا الأيام؟ خلّي لي تعبها"
-ماجد النفيعي

وأيضًا:
"أعاتبها ويلمع دمعها وأغيَّر الموضوع
أنا الغلطان دام السالفة تاصل مدامعها"

‏فيك تشخص البصاير ولك مد الكفوف
‏ياكريم يكرمون الأكارم من عطاه

‏عالم اللي ما أعلمه شايف اللي مانشوف
‏خافيٍ سرّه.. والأسرار ماهي بتخفاه

‏ولا جفانا القل واللي روابعهم ضعوف
‏جعل ربي ما يرينا لا غضبه ولا جفاه

‏ولا انقفل بابٍ رزق حرّاسه وقوف
‏فتّحت بيبان الأرزاق من كل اتجاه*

‏اما جلوس العز بين الاجاويد
‏ربعٍ على المذهب ونعم البطانه

‏ولا لحالك سج رجلك مع البيد
‏واحذر جلوس المهزله والمهانه

‏طبيعي من الفراق تحس بالإنكسار؟
‏ولا أني أول بشر من الفراق انكسر!

‏راحت / و ضاقت بأثرها واسعات الديار
‏من بعدها ما لقيت بوسعها "ما يسر"

‏يمر ليلي دهر / و الصبح قدحة شرار
‏شهرين وأنا "ياصبح اصبر" و"يا ليل اسر"

‏يا ليتني ما بحثت الجمر "هاك النهار"
‏ولا كسر غفلتي / وجه الصحيح العسر

‏من عقب كنت "الطموح" شلون صرت الخيار؟
‏ومن عقب ما كنت فايز / بأي حق أخسر!

‏ياجعل ما فيني من الضيم و الإنهيار
‏في قلب من حط للضيقة بقلبي جسر

‏غنيت به بأسمي الرسمي / و بالمستعار
‏قصايدٍ كنها من "العود الأزرق" "كسر"

‏متخالط احساسها ، برد و / لواهيب نار
‏مثل ما خالط حياتي معه "قل" و "يسر"

‏حبيتها / من ضميرٍ ما يعرف "البوار"
‏وحبتني/"بقلبٍ منافق" و "كف أعسر"

‏وعطيتها عمري اللي من "طوال العمار"
‏وجازتني / بصدمةٍ كنها "قيود الأسر"

‏وعلى كثر ما تجرعت "الأذى" و "المَرار"
‏جسرت "قلبي" ، أبيه يعافها / ما جسر.
سلطان سعد

الفاجعة أم المصايب والأكدار
لاراح منهو ماحسبت إنه يروح"
عظّم الله أجر الشِّعر وأجرنا.

صوتي تجرّح ما بقى غير همسي
‏وعسى حروفي اليوم توفي بغرضها

‏کن السنين استكثرت طول عرسي
‏سبعين غيري ما حصلّه بعضها

‏ولا بدها يا سعود بتغيب شمسي
‏ذي سنةٍ رب الخلايق فرضها

‏ولعلها حريتي بعد حبسي
‏ولعلي ألقى عند ربي عوضها

‏لولاي أحبك ما تذكرت نفسي
‏ولا انتبهت لعجزها أو مرضها

ومادام أشوفك طاب حزني وأنسي
وما همني حلو الحياة ومضضها

‏لعل قبل سعود لحدي ورَمسي
‏أخوي من أثرى حياتي ونهضها

‏ويا من ذكرني ما تذكرت منسي
‏ذكرت من عد النجوم وقبضها

‏أنا الذي لو تلمس الريح خمسي
‏كان السحاب أرخى العباة ونفضها!

‏هذا الشجن حرثي والأيام غرسي
‏قصيدتي يبطي الزمن ما نقضها

- البدر.

‏"فمان الله وتعبر ضحكتك سمعي
‏عزاي إنك في ذاكرة العمر موجود

‏وخايف لا أمسح دموعي قبل لا أدعي
‏يجوز إن البكا وقت الدعاء محمود ..

‏رحَل نورك، طفت ريح الوجع شمعي
‏سوى العتمة، وش اللي داخلي مولود ؟

‏سلام الله عليك شلون في دمعي
‏يشوفونك هنا.. كأني أنا المفقود"

حتى الكلام اللي مقفى وموزون
‏يبكي عليك من الحزن ويتشرّه

‏منت بعلى رف المواعيد مركون
‏والله ليبقى لك من العين قرّه

‏انت البدر والبدر مهما يقولون:
‏يدفن بالارض ويطلع من المجرّه

‏لكن عوضنا في شبيهك من الكون
‏اليا اكتمل في دورة الشهر مرّه

مزيد الوسمي

‏درت كل الخلايق عن رحيلك
‏وتلوّعنا. ولكن ما اعترضنا
‏ولا نقدر عن الفرقى نحِيلك
‏ولو بيديننا ؛ جيشٍ وقفنا
‏من يعوِّض قصايدنا بديلك ؟
‏رحل عصر القصايد معْك وأفنى
‏ولو بعدك غدو الشّعار سِيلك
‏ومعهم انهمرنا .. ما انهمرنا !
‏مكانك سِرّ. من باسق نخيلك
‏إلى موتك. جعل آخره جنّة.

الظروف اللي تحدّك مْن الأربع جهات
حلّها عند الله اللي جدير بحلّها

-عبدالله السراهيد

لا ضاع رسم الطريق وزادت الحيرة
فتحت باب السماء من دعوة أعماقي

ولا أدري وين الخير و وينها الخيرة
لكنّي أعرف وين مدبّر أرزاقي

‏«وكّل أمرك للكريم ويسمح أمرك
‏كل ما دكّت على بالك روابع

‏وافرد همومك على سجاد صدرك
‏لا تضيّقها وحلم الله واسع»
*مساعد الرشيدي.

‏خل لك فوق الشّواهيق والعليا مكان
‏اردع النفس العنيدة وخالف ودّها

‏لا تحدّك سود الأيام وظروف الزمان
‏كل ما شفت اللّيالي تحدّك حدّها*

‏"لا تلتفت في حسايف وقتك الماضي
‏غامر على العز والتوفيق عند الله"