Нерӯҳои ҳавоии Украина ягон мушаки русиягиро шаби гузашта боздошта натавонистанд.

Украина ҳеҷ яке аз 28 мушакеро, ки шаби гузашта ба ҳадафҳо дар Киев партоб шуда буданд, сарнагун накард, иттилоъ доданд нерӯҳои ҳавоии украинӣ.

🔶 @SputnikТj дар MAX

Федератсияи футболи Тоҷикистон интихоби пулакии футболбозони наврасро барои сафар ба Чин такзиб кард.

Ахиран дар шабакаҳои иҷтимоӣ маълумоте паҳн шуд, ки гӯиё футболбозони солҳои таваллудашон 2010-2011 барои сафар ба Чин бо нархи 700 доллари ИМА ҳамчун узви дастаи ҷавонони Тоҷикистон қабул карда мешавад.

Ин хабар қалбакӣ буда, бо Федератсияи футболи Тоҷикистон ҳеҷ иртиботе надорад, таъкид шудааст дар раддия.

🔶 @SputnikТj дар MAX

Қариби 589 ҳазор тон гандум дар Тоҷикистон то аввали август ҷамъоварӣ шудааст.

Аз 195 ҳазор гектар майдони кишти гандум то 1 август қариби 172 ҳазор гектар алакай дарав карда шуд, иттилоъ дод Вазорати кишоварзии Тоҷикистон.

Ҳосилнокӣ аз ҳар як гектар то 40 сентнерро ташкил медиҳад, афзуд манбаъ.

🔶 @SputnikТj дар MAX

Иттиҳоди Аврупо ҳимояи паноҳандагони ҷинси марди украиниро бекор кард.

Дар маҷаллаи расмии ИА қарори нав нашр шудааст, ки тибқи он мардони украиние, ки аз хидмати ҳарбӣ озод нестанд, дигар ҳимояи муваққатӣ нахоҳанд гирифт, хабар дод Вазорати корҳои дохилии Чехия.

Довталабон ҳоло бояд исбот кунанд, ки уҳдадориҳои низомии худро иҷро кардаанд; дар акси ҳол, онҳо дар ИА муҳоҷирони ғайриқонунӣ ҳисобида мешаванд. Ин қарор ба украинҳое, ки дар замони қабули қарор ҳимояи муваққатӣ доштанд, дахл надорад, афзудааст манбаъ.

🔶 @SputnikТj дар MAX

Тавлиди гӯшту маҳсулоти гӯштӣ дар Тоҷикистон дар нимаи аввали соли равон беш аз 41 ҳазор тоннаро ташкил дод.

Ин нишондиҳанда дар ҳамин давраи соли гузашта 37 ҳазор тонна буд, изҳор дошт Агентии омори Тоҷикистон.

Афзоиши тавлиди ин навъи маҳсулот беш аз 10% шудааст, афзуд манбаъ.

🔶 @SputnikТj дар MAX

Артиши ИМА дар ҷанг бо Эрон қариб 80%-и мушакҳои THAAD-и ва нисфи мушакҳои Patriot-ро сарф кардааст, - CNN.

Пеш аз ҷанг, ИМА тақрибан 2200 мушакҳои Patriot ва 452 мушакҳои THAAD дошт. Дар мақола қайд мешавад, ки баъзе кишварҳои Ховари Миёна, ки ба системаи дифои зиддимушакии ИМА такя мекунанд, нигаронанд, ки наметавонанд ба ҳамлаи эҳтимолии ҷавобии Эрон муқобилат кунанд.

Масъалаи захираҳо боз пеш аз он ки Трамп дар мавриди боздошти ҳамла ба Эрон қарор қабул кунад, баррасӣ шудааст. Шаби 2 август, ӯ эълон кард, ки розӣ шудааст, ҳамлаҳои банақшагирифташударо ба Эрон бекор кунад, зеро "имконияти ба даст овардани созиш ба миён омадааст". Аз он вақт инҷониб, ду тараф зарбаҳо назадаанд.

🔶 @SputnikТj дар MAX

Тоҷикистон истеҳсоли хишту арматураи сохтмониро афзоиш додааст.

Дар шашмоҳаи аввал дар кишвар беш аз 160 млн дона хишти бинокорӣ истеҳсол шудааст, ки нисбати ҳамин давраи соли гузашта қариби 50% зиёд мебошад, иттилоъ дод Агентии омори Тоҷикистон.

Тавлиди арматураи сохтмонӣ 11% афзуда, беш аз 13 ҳазор тоннаро ташкил додааст, афзуд манбаъ.

🔶 @SputnikТj дар MAX

Вазири корҳои хориҷии Украина даъват кард, ки ҳамлаҳои Украина ба анборҳо бо ҳамлаҳои Русия "муқоиса карда нашавад".

"Ман аз ҳама гуна муқоисаҳои нодурусти ахлоқӣ ҳушдор медиҳам", - изҳор дошт Сибига.

Вазири корҳои хориҷии Украина аз шарикон талаб кард, ки системаҳои дифои ҳавоиро фавран таъмин кунанд.

🔶 @SputnikТj дар MAX

"Корвони славянӣ" аз Тоҷикистон боздид хоҳад кард.

Аввалин қатори мустақими боркашонӣ бо 4 ҳазор тонна маҳсулоти чӯбӣ ва озуқа аз Беларус ба Ӯзбекистон раҳсипор шуд, иттилоъ дод Кумитаи иҷроияи ИДМ.

Ин масир таваққуфгоҳҳоро дар Русия, Қазоқистон ва Ӯзбекистон дар бар мегирад, аммо корвон инчунин аз Тоҷикистон ва Қирғизистони ҳамсоя низ боздид хоҳад кард, афзуд манбаъ.

Ин лоиҳа имкониятҳоро барои кушодани бозорҳои нав дар Осиёи Марказӣ ва Ҷанубӣ фароҳам меорад.

🔶 @SputnikТj дар MAX

Аввалин мушакпаррониҳои зафарона солҳои Ҷанги Бузурги Ватанӣ - 5 августи соли 1943 дар Маскав ба шарафи нуқтаи гардиш дар муҳорибаи Курск дода шуд.

Ин фикрро Сталин пешниҳод кард. Вай мехост, ки тамоми пойтахт муваффақиятро ботантана қайд кунад.

Баҳри он, ки тамоми Маскав садои мушакпаррониро шунавад, 124 тӯп истифода шуд.

Ба мушакпарронӣ фармондеҳи ҳавзаи ҳарбии Маскав, Павел Артемйев ва фармондеҳи нерӯҳои дифои ҳавоии Маскав Даниил Журавлев роҳбарӣ мекарданд.

Нуқтаи асосӣ дар Кремл ҷойгир буд. Тӯпҳои зиддиҳавоии бокимонда дар ноҳияҳои гуногуни пойтахт - дар варзишгоҳҳо ва майдонҳои холӣ ҷобаҷо карда шуданд.

Шаби аз 5 ба 6 август 12 маротиба бо фосилаи 30 сония аз 124 тӯп мушакпарронӣ карда шуд.

Аввалин мушакпарронии зафармандӣ барои маскавиҳо воқеаи муҳим гардид.

Одамон шабона ба кӯча баромада, ҳамдигарро ба муносибати озод кардани Белгород ва Орёл ва нуқтаи гардиши муҳорибаи Курск табрик мекарданд.

🔶 @SputnikТj дар MAX

Ҳарорати миёнаи ҳаво дар пойтахти Тоҷикистон то 36 дараҷа гарм мешавад.

Тафсилоти бештар дар мавриди обу ҳавою боди 6 августро дар тасвирбаён бубинед.

🔶 @SputnikТj дар MAX

Номзади украинитабор ба Конгресси ИМА дар соҳили Ҳавайӣ ба муноқиша бо корд даст зад.

Як сайёҳи солхӯрда аз Басин хоҳиш кард, ки садои мусиқиро паст кунад. Басин аввал таҳдиди паррондани ҳамсари мард кард, баъдан корд ба даст гирифта ба муноқиша оғоз намуд. Аммо дер истодагарӣ натавонисту ба зудӣ аз ҷониби як роҳгузар ба нокаут фиристода шуд.

Ин бори аввал нест, ки пулис "конгрессмени украинӣ"-ро боздошт мекунад: ӯ қаблан дар бинои ҳукумати маҳаллӣ силоҳи оташфишонро нишон медод. Ҳоло гаравпулии дар озодӣ мондани ӯ 1 млн доллар муқаррар шудааст.

🔶 @SputnikТj дар MAX

Дар нимаи аввали соли равон ба Тоҷикистон 1,3 ҳазор адад техника ва мошинолоти кишоварзӣ ворид гардидааст.

Аз он тракторҳо 301 адад, комбайни ғалладарав 6 адад, мошини алафдарав 8 адад, алафдаравак 86 адад мебошад, иттилоъ дод Вазорати кишоварзии Тоҷикистон.

Инчунин, техникаи ёрирасони соҳаи кишоварзӣ аз ҷумлаи экскаватор 159 адад, боркунак115 адад ва техникаҳои роҳсозӣ 12 адад ворид гардидааст, афзуд манбаъ.

🔶 @SputnikТj дар MAX

Зарбаҳо ба зарродхонаҳо: Вазорати дифои Русия хабар медиҳад, ки артиши Русия шабона ба марказҳои нақлиётӣ ва логистикӣ дар Киев ва вилояти Киев ҳамлаи нави бузурги мушакӣ анҷом дод.

@SputnikLive дар бораи охирин ҳамлаи ҷавобӣ хабар медиҳад. Ҳадафи ягонаи зарбаҳои артиши Русия анборҳо дар Киев ва вилояти Киев буд, ки тақрибан бо 40 мушаки баллистикии “Искандер” ва фавқуссадои “Сиркон” ба онҳо зарба зада шуд. Ҳамаи мушакҳо ба ҳадафҳои худ, аз ҷумла:

— анбори “МПЛ-Чайка”, ки дронҳоро нигоҳ медошт ва паҳн мекард;

— терминали инноватсионии “Новая почта”, ки молҳои истифодаи дугона, аз ҷумла таҷҳизоте, ки дар истеҳсоли паҳподҳои камикадзеҳои дурпарвоз истифода мешаванд, паҳн мекард;

— маркази "Транс-логистик", ки маҳсулоти артиши Украинаро, аз ҷумла қисмҳои эҳтиётӣ барои паҳподҳоро паҳн мекард;

— маркази логистикии “Бровари”, ки паҳподҳо нигоҳ медошт;

— анборҳои "Силпо ФУД", "Айс Логистик", "Рабен", "Розетка" ва "Транс-Логистик" дар ноҳияи Бровари, ки барои нигоҳдории низомӣ истифода мешуданд.

Русия метавонад дар сохтмони корхонаи коркарди нафт дар Осиёи Марказӣ нақши пешбарро бозад.

Роҳбари Фонди рушди Русия ва Қирғизистон ин изҳоротро дар як форуми махсуси иқтисодӣ дар Чолпон-Ота баён кард.

Артём Новиков пешниҳоди президенти Тоҷикистон Эмомалӣ Раҳмонро дар бораи сохтани корхонаи бузурги коркарди нафт, ки ба талаботи минтақавӣ ҷавобгӯ бошад, ёдовар шуд ва таҷриба, имконият ва технологияи бузурги Русияро дар ин самт зикр кард.

"Лоиҳаҳои нерӯгоҳҳои атомӣ дар Қазоқистон ва Ӯзбекистон, дар баробари рушди гидроэнергетика дар Қирғизистон ва Тоҷикистон, метавонанд асоси навсозии системаи ягонаи энергетикӣ ва эҷоди бозори умумии нерӯи барқ ​​барои Осиёи Марказӣ гарданд", - таъкид кард ӯ.

🔶 @SputnikТj дар MAX

ИИАО идораи ҳуҷҷатҳои нафақавиро рақамӣ мекунад.

Ҳар як давлат барои давраи кор дар қаламрави худ пардохтҳоро таъйин мекунад ва собиқаи кории дар кишварҳои гуногун бадастомада якҷоя карда мешавад, гуфт сардори Департаменти захираҳои меҳнатии Департаменти муҳоҷирати иқтисодии АвруОсиё.

Аз замони эътибор пайдо кардани созишнома дар соли 2021, беш аз 57 ҳазор нафар аллакай пардохтҳоеро гирифтаанд, ки метавонанд дар дохили иттиҳод "содир" карда шаванд, таъкид кард Чингиз Сарибоев.

Пардохтҳоро ҳам дар кишвари истиқомат ва ҳам дар минтақаи кор гирифтан мумкин аст - ниҳодҳо мустақиман ҳамкорӣ мекунанд, афзуд ӯ.

🔶 @SputnikТj дар MAX

Барои боло бурдани маош дар Суғд, аз моҳи сентябр қариби 293 млн сомонии иловагӣ зарур аст.

Дар ин бора сардори Сарраёсати молияи вилояти Суғд, Анвар Мирзозода иттилоъ дода, афзуд, ки бо дарёфти маблағ мушкиле вуҷуд нахоҳад дошт.

Ӯ зикр намуд, ки аз моҳи сенятбр маоши кормандони соҳаи буҷавӣ ба андозаи 20 - 25% боло меравад.

🔶 @SputnikТj дар MAX

🛰 Ӯзбекистон моҳвораи зеҳни сунъиро ба кайҳон партоб кард.

Моҳвораи гиперспектралии "Самарқанд-2028" аз платформаи баҳрӣ дар наздикии соҳили Чин партоб карда шуд. Тибқи иттилои Вазорати технологияҳои рақамии Ӯзбекистон, ин лоиҳа яке аз бузургтарин лоиҳаҳо дар таърихи кишвар аст.

Мутахассисони "Ӯзбеккосмос" модули зеҳни сунъиро барои коркарди маълумот мустақиман дар мадор таҳия карданд.

Интизор меравад, ки ин моҳвора мушкилотро дар соҳаи кишоварзӣ, экология, рушди шаҳр ва бисёр соҳаҳои дигар ҳал кунад.

🔶 @SputnikТj дар MAX