Оташбас ба Лубнон дахл надорад, - дафтари сарвазири Исроил.

Сарвазири Покистон Шаҳбоз Шариф қаблан изҳор дошта буд, ки оташбас фавран эътибор пайдо мекунад ва ба Лубнон низ дахл хоҳад дошт.

🔶 @SputnikТj дар MAX

Теъдоди бекорон дар Тоҷикистон тайи як моҳ 10% кам шудааст.

Шумораи бекорони расман сабтшуда дар охири январи соли равон ба 52 ҳазор нафар баробар шудааст, ки нисбати декабри соли гузашта қариби 10% кам мебошад, иттилоъ дод Агентии омори Тоҷикистон.

🔶 @SputnikТj дар MAX

Нархи нафт пас аз хабарҳо дар бораи оташбаси дуҳафтаина байни ИМА ва Эрон 13-17% коҳиш ёфт.

Бушкаи навъи Brent камтар аз 92 доллар барои як баррелро ташкил медиҳад, омадааст дар додаҳои бозорҳои ҷаҳонӣ.

🔶 @SputnikТj дар MAX

Тоҷикистон аз оташбаси байни Эрон ва Иёлоти Муттаҳида истиқбол мекунад.

Душанбе умедвор аст, ки музокироти дарпешистода ба сулҳи дарозмуддат ва ҳамаҷониба дар минтақа оварда мерасонад, изҳор дошт ВУХ Тоҷикистон.

Ин низоъ роҳи ҳали низомӣ надорад. Идомаи он танҳо вазъиятро дар Ховари Миёна бадтар хоҳад кард, таъкид кард ин ниҳод.

Тоҷикистон аз ҷонибҳо даъват кард, ки аз истифодаи зӯроварӣ даст кашанд ва ба ҷои ин аз воситаҳои сиёсӣ ва дипломатӣ бар асоси қавонини байналмилалӣ истифода баранд.

🔶 @SputnikТj дар MAX

Аксари роҳбарони Иттиҳоди Аврупо ба сулҳ дар Украина манфиатдор нестанд, - сафири Русия дар Олмон.

Сергей Нечаев изҳор дошт, ки ҳукуматҳои Аврупои Ғарбӣ минбаъд низ кӯшиш мекунанд, ки Русияро тавассути таҳримҳо ва амалиёти низомӣ "заиф" кунанд.

Ба гуфтаи ӯ, Аврупо бори дигар мекӯшад, ки "таҳдиди Шарқ"-и афсонавиро барои сафед кардани афзоиши хароҷоти низомӣ ва сафарбар кардани интихобкунандагон барои маъракаи зидди Русия истифода барад.

"Барои ноил шудан ба сулҳи пойдор, давлатҳои Ғарб бояд сиёсати душманонаи худро нисбат ба кишвари мо аз нав дида бароянд", - таъкид кард дипломат дар мусоҳиба бо портали олмонии NachDenkSeiten.

🔶 @SputnikТj дар MAX

Бо бейҷики тақаллубӣ ба Хонаи Худо: Гуруҳи тоҷикистониҳоро бо фиреб ва бо ваъдаи адои ҳаҷҷи фарзӣ ба Арабистони Саудӣ бурдаву сарсон кардаанд.

Айни замон ин гурӯҳи шаҳрвандони Тоҷикистон аз Кумитаи дин ва сафорати Тоҷикистон дар Саудӣ барои баргаштан ба Ватан кумак мехоҳанд, иттилоъ дод Кумитаи дини ҷумҳурӣ.

Манбаъ афзуд, афроде барои ба даст овардани фоида бо таҳияи бейҷикҳои тақаллубӣ шаҳрвандонро бовар кунонидаанд, ки барои адои маросими ҳаҷи фарзӣ ба онҳо кумак менамоянд, ки дурӯғ аст.

Кумитаи дин ба шаҳрвандон ҳушдор медиҳад, ки ба ваъдаи бардурӯғи шахсони манфиатхоҳ бовар накунанд, зеро тибқи талаботи Вазорати ҳаҷ ва умраи Шоҳигарии Арабистони Саудӣ муҳлати барасмиятдарории ҳуҷҷатҳои зоирони мавсими имсолаи ҳаҷ  кайҳо анҷом ёфтааст ва пас аз ин ҳеҷ ширкати сайёҳӣ ё афроди миёнарав имкони таҳияи асноди заруриро надоранд.

🔶 @SputnikТj дар MAX

ФСБ як зани қримӣ, ки ҳамлаи мушакиро ба пароми қатора дар бандари Қафқоз ҳамоҳанг карда буд, дастгир кард.

Ин зани қримӣ бо хадамоти иктишофии Украина тамос гирифт ва дар бораи иншооти низомӣ, системаҳои дифои ҳавоӣ ва киштиҳо дар гулӯгоҳи Керч маълумот додааст, иттилоъ Хадамоти федералии амнияти Русия.

Ҳоло ба ӯ то 20 соли зиндон таҳдид мекунад.

🔶 @SputnikТj дар MAX

Русия аз Тоҷикистон даъват мекунад, ки дар рушди IT ва зеҳни сунъӣ иштирок кунад.

Муовини вазири рушди рақамии Русия, Сергей Кучушев ин пешниҳодро зимни ҳамоиш дар Душанбе баён дошт.

Ба гуфтаи ӯ, Русия алакай ду модели бузурги забонӣ дорад, ки бо ҳамтоёни ҷаҳонӣ муқоисашавандаанд, 10 суперкомпютер ва барномаи топ зеҳнисунъиро барои 26 донишгоҳ роҳандозӣ кардааст.

"Ман итминон дорам, ки як маркази додаҳо таъсис дода мешавад, ки аз ҷумла корхонаҳои муштараки мо метавонанд аз он истифода баранд", - таъкид кард муовини вазир.

🔶 @SputnikТj дар MAX

Ҳайати Эронро дар музокирот бо ИМА дар Исломобод раиси парлумони ҶИЭ, Муҳаммад Боқир Қолибоф, роҳбарӣ хоҳад кард, - хабаргузории ISNA.

Хабаргузории Тасним хабар дод, ки ҳанӯз қарори ниҳоӣ дар бораи роҳбари ҳайат қабул нашудааст.

🔶 @SputnikТj дар MAX

Савдои чаканаи ғизою ашё дар Тоҷикистон тайи ду моҳ ба 8,7 млрд сомонӣ баробар шудааст.

Ин дар муқоиса бо ҳамин давраи соли гузашта қариби 30% арзон мебошад, иттилоъ дод Агентии омори Тоҷикистон.

🔶 @SputnikТj дар MAX

"Қрим Сталингради дуюм аст, эълон кард Гитлер ва ба қӯшунҳои немис фармон дод, ки нимҷазираро ҳарҷониба нигоҳ доранд ва ин корро на танҳо вазифаи стратегӣ, балки идеявӣ ҳам ҳисоб мекард.

Қӯшунҳои артиши 17-уми олмонӣ, ки ба ҳайати он қисмҳои ҳарбии Руминия низ дохил буданд, кӯшиш карданд, ки Қрими ишғолшударо муҳофизат кунанд.

Шумораи умумии фашистон 200 ҳазор нафар буд.

8 апрели соли 1944 амалиёти ҳуқуми Қрим оғоз ёфт. 15-16 апрел қӯшунҳои шӯравӣ ба Севастопол расида, 9 май шаҳрро озод карданд. 12 май қӯшунҳо ниҳоят истилогаронро дар Қрим торумор карданд.

🔶 @SputnikТj дар MAX

Маҷлиси намояндагони Тоҷикистон созишнома бо ҳукумати Русия дар мавриди муҳоҷиратро ба тасвиб расонд.

Дар иҷлосияи парлумон Протокол дар бораи ворид намудани тағйирот ба Созишномаи дуҷониба оид ба ҷалби муташаккилонаи шаҳрвандони Тоҷикистон барои амалӣ намудани фаъолияти меҳнатии муваққатӣ дар ҳудуди Русия қабул шуд, иттилоъ дод дафтари матбуоти Маҷлиси намояндагон.

🔶 @SputnikТj дар MAX

Тавлиди барқ дар нерӯгоҳҳои офтобии Тоҷикистон соли равон қариби ду баробар афзудаст.

Тайи феврал - январ дар ҷумҳурӣ нерӯгоҳҳои офтобӣ 0,2 млн кВт*соат нерӯи барқ истеҳсол кардаанд, ки ин нишондиҳанда дар ҳамин давраи соли гузашта ба 0,1 млн кВт*соат баробар буд, бармеояд аз додаҳои Агентии омори Тоҷикистон.

🔶 @SputnikТj дар MAX

Зиёда аз 120 ҳазор иштирокчиро дар ду сол лоиҳаҳои созмони ғайритиҷоратии "Авруосиё" муттаҳид кардааст.

Вакили Думаи давлатӣ ва раиси Шӯрои ин созмон, Алёна Аршинова, дар ҷамъбасти фаъолияти дусола гуфт, ки ин як талоши ҳамаҷониба ва системавӣ аст.

"Ҳадафи мо аз ибтидо фароҳам овардани муҳите буд, ки дар он одамон аз кишварҳои гуногуни АвруОсиё бо ҳам муошират кунанд, таҷриба мубодила кунанд ва ташаббусҳои муштаракро амалӣ намоянд. Маҳз ҳамин робитаҳо асоси ҳамкории устуворро ташкил медиҳанд", - таъкид кард сиёсатмадор.

🔶 @SputnikТj дар MAX

Донишгоҳҳои Русия дар доираи намоишгоҳи байналмилалӣ дар Тоҷикистон имконоти таҳсилро муаррифӣ карданд.

Ҳазорҳо наврасу ҷавон дар шаҳру навоҳии Тоҷикистон бо имконоти таҳсил дар хориҷа шинос гардиданд. Лаҳзаҳое аз намоишгоҳ ва суҳбати масъулонро дар навори @Sputnik_Tajikistan бубинед.

🔶 @SputnikТj дар MAX

Талафоти Украина дар шабонарӯзи охир беш аз 1,1 ҳазор нафарро ташкил дод, - Вазорати дифои Русия.

Ҷузъиёти бештар дар мавриди талафоти нерӯҳои мусаллаҳи Украинаро дар тасвирбаён бубинед.

🔶 @SputnikТj дар MAX

Худи ИА тухми низои Украинаро хеле пештар кошта буд, ноиби президенти ИМА.

Вэнс дар ин бора дар нишасти матбуотӣ бо сарвазири Маҷористон, Виктор Орбан изҳор дошт.

"Роҳбарони аврупоӣ тасмим гирифтанд, ки ба як иқтисоди хоси энергетикӣ амиқтар раванд ва дар асл худро аз нафт ва гази Шарқ канда кунанд. Ин як хатои бузург буд", - қайд кард ӯ.

🔶 @SputnikТj дар MAX

Ҳарорати миёнаи ҳаво дар пойтахти Тоҷикистон то 20 дараҷа гарм мешавад.

Тафсилоти бештар дар мавриди обу ҳавою боди 9 апрелро дар тасвирбаён бубинед.

🔶 @SputnikТj дар MAX

Аксари садамаҳо дар Душанбе ба зер кардани роҳгузарон рост меояд.

Танҳо давоми 3-моҳи аввали соли ҷорӣ дар ҳудуди шаҳр 44 садамаи нақлиётӣ рух дод, ки 27 ҳолати онро зеркунии пиёдагардон ташкил медиҳанд, иттилоъ доданд мақомоти пойтахт.

🔶 @SputnikТj дар MAX

Иттиҳоди иқтисодии АвруОсиё раванди додани ҳуҷҷатҳои махсусро барои гузариши мошинҳои боркаши калонҳаҷм ва вазнин содда мекунад.

Ҳоло ба кишварҳо тавсия дода мешавад, ки иҷозатномаҳоро дар давоми 24 соат, агар тасдиқи масир лозим бошад, то 10 рӯзи корӣ ва дар ҳолатҳои фавқулодда дар давоми се соат диҳанд.

Ин ҳуҷҷат на бештар аз 135 рӯзи тақвимӣ эътибор дорад, шарҳ дод хадамоти матбуоти Комиссияи иқтисодии АвруОсиё.

Арзибек Кожошев, вазири энергетика ва инфрасохтори комиссия, изҳор дошт, ки татбиқи тавсияҳо хароҷотро кам мекунад ва маҳдудиятеро, ки дар феҳристи монеаҳо дар бозори дохилии ИИАО дохил карда шудааст, аз байн мебарад.

🔶 @SputnikТj дар MAX