Дар Душанбе ҷашнвораи "Парасту-2025" оғоз гардид, ки то 21 апрел идома хоҳад кард.

Дар ин фестивал - озмун 18 театри Тоҷикистон намоишномаҳои беҳтаринашонро, ки давоми солҳои 2023-2024 ба рӯйи саҳна гузошта шудаанд, пешниҳод мекунанд.

Ба доварӣ коршиносони соҳаи театр аз Русия, Қазоқистон, Ӯзбекистон ва Тоҷикистон ҷалб шудаанд.

Ҷашнвораи “Парасту” дар ду сол як маротиба баргузор мегардад. Лаҳзаои ҷолиб аз маросими ифтитоҳи онро дар навор бубинед.

Ба @Sputnik_Tajikistan обуна шавед

Бекорӣ дар кишварҳои ИИАО 14,8% коҳиш ёфтааст.

Ба ҳолати феврали соли равон дар 5 кишвари узв 704,9 ҳазор бекор сабт шудаанд, ки ин нишондод дар ҳамин давраи соли гузашта 827,5 ҳазор нафарро ташкил медод.

Ба @Sputnik_Tajikistan обуна шавед

Савдои Тоҷикистон бо кишварҳои хориҷи дур дар се моҳ 6% афзуда, беш аз 1,2 млрд доллар шуд.

Аз кишварҳои берун аз ИДМ, Тоҷикистон дар се моҳ ба маблағи 897 млн доллар мол харида, бо қимати 338 млн доллар мол фурӯхтааст, бармеояд аз маълумоти фаврии мақомоти гумрук.

Ба @Sputnik_Tajikistan обуна шавед

🇷🇺Талабот ба раводиди сафар ба Русия дар соли 2024 беш аз 40% афзоиш ёфтааст.

Хориҷиён соли гузашта тақрибан 1,4 млн раводид барои ворид шудан ба Русия - ҳам коғазӣ ва ҳам электронӣ гирифтанд. Ин нисбат ба соли 2023, ки 1 млн раводид буд, 41% зиёд аст, ҳисоб кардаст РБК бар асоси омори Вазорати корҳои хориҷии Русия,

Шумораи бештари раводид ба Русияро шаҳрвандони Чин, Туркманистон, Туркия, Ҳиндустон ва Олмон дарёфт кардаанд.

Шумораи умумии сафарҳои хориҷиён ба Русияро, дар асоси омори раводид ҳисоб кардан дуруст нест, чун кишвар бо бисёри давлатҳо низоми бидуни раводид дорад.

Ба @Sputnik_Tajikistan обуна шавед

Тоҷикистонро боришу раъду барқ интизор аст.

Ҳарорати ҳаво дар ҷумҳурӣ 16 апрел ба 27 дараҷа хоҳад расид. Тафсилоти обу ҳавои рӯзро дар тасвирбаён бубинед.

Ба @Sputnik_Tajikistan обуна шавед

Наришкин шартҳои ҳалли мусолиматомези низоъ дар Украинаро баён дошт.

Ин ҳал - мақоми ғайриядроӣ, лағви қонунҳои табъиз ва эътирофи тамомияти марзҳои Русияро дар назар дорад, изҳор дошт раиси Хадамоти истихбороти хориҷии Русия.

Ба @Sputnik_Tajikistan обуна шавед

Омилони ҳамлаи террористӣ дар "Крокус" мебоист ба Украина мерафтанд, гуфт вакили яке аз айбдоршавандагон Олег Власов.

"Роҳнишондиҳандаҳо ба онҳо ҳама чизро ба таври возеҳ хабар доданд. Ҳеҷ кас ба онҳо нагуфт, ки пас аз расидан ба он ҷо онҳо шаҳрвандӣ мегиранд ё ба кишвари сеюм интиқол дода мешаванд",- гуфт вакили дифоъ дар суҳбат бо ТАСС.

Ба @Sputnik_Tajikistan обуна шавед

Зарардидагон аз заминҷунбӣ дар Рашт бо хайма, ғизо ва кумаки равонӣ таъминанд.

Дар ин бора комиссияи ҳукуматӣ хабар дода, афзудаст, ки ҳамаи осебдидагон ба ҷои амн кӯчонда шудаанд.

Ба @Sputnik_Tajikistan обуна шавед

🇮🇷🇺🇸 Раҳбари олии Эрон натиҷаҳои даври аввали музокирот бо ИМА дар Умонро мусбат арзебӣ кард.

Аммо ӯ даъват кард, ки ба амалҳои амрикоиҳо ҳушёр бояд буд.

Ба ақидаи Али Хоманаӣ, диққати худро бештар ба имкониятҳои дохилии кишвар равона кардан лозим аст, зеро "музокирот метавонад муваффақ шавад ё ба ҳеҷ чиз оварда нарасонад".

Ӯ дар муроҷиат ба Вазорати хориҷаи ҶИ гуфт, зирак бошанд тақдири БАРҶОМ такрор нашавад.

Ба @Sputnik_Tajikistan обуна шавед

Тоҷикистон ва Эрон имкониятҳои СҲШ-ро истифода мебаранд.

Вазири дифои ҶТ Эмомалӣ Собирзода бо ҳамтояш Азиз Насирзода рушди ҳамкорӣ, бахусус дар соҳаи мудофиа, инчунин ҳузур дар СҲШ дар мубориза бо терроризм ва экстремизмро баррасӣ карданд.

Ба @Sputnik_Tajikistan обуна шавед

Чаро хадамоти махсуси Украина атбои Молдоваро барои анҷоми ҳамлаҳои террористӣ дар Русия интихоб мекунанд?

Генерал-майори ФСБ Александр Михайлов ба ин савол махсус барои @SputnikLive посух дод.

"Азбаски Молдова ба Киев наздиктар аст. Илова бар ин, онҳо ба назар мегиранд, ки мардуми онҷо дар вазъи вазнини молиявӣ қарор доранд. Имрӯз Молдова аст ва фардо он метавонад Полша ё Чехия бошад. Аз нуқтаи назари мансубияти миллӣ ё давлатӣ муҳим нест. Ҳозир инҳоро омӯхта кироя каррдаанд барои анҷоми корҳои ифлос", - гуфт генерал.

Ба гуфтаи генерал, мақомоти Молдова дар ин масъала гумон аст, ки мустақиман бо Украина ҳамкорӣ кунанд.

"Аммо он чи маълум аст, ин мақомоти Молдова ва Украина мавқеъгириҳои шабеҳ доранд”.

Ба @Sputnik_Tajikistan обуна шавед

Иттиҳодияи Аврупо мехоҳад ба Трамп "пешниҳоди ҷолибе" кунад, ки метавонад ба амрикоиҳо ҳамчун пирӯзӣ пешниҳод шавад ва аз ҷорӣ кардани боҷҳои тиҷоратӣ даст кашад.

Ба ин ҳадаф сарвазири Итолиё Ҷорҷӣ Мелониро, ки нисбат ба дигар сиёсатмадорони аврупоӣ бо Трамп равобити беҳтаре дорад, ба Вашингтон "фиристода" шуд, навиштаанд расонаҳои итолиёӣ.

Иттиҳодияи Аврупо омода аст аз ИМА бештар газ ва силоҳ бихарад, то Трампро ором кунад. Бо вуҷуди ин, чунин бархӯрд маънои канор рафтан "аз ғояи афзалият ба маҷмааи саноатии ҳарбии худӣ" -ро дорад, бинобар ин, Париж метавонад ин созишҳоро боздорад.

Ба @Sputnik_Tajikistan обуна шавед

Раисҷумҳури Тоҷикистон аз даргузашти собиқ сарвазири Малайзия, Абдулло Аҳмад Бадавӣ изҳори андуҳ кард.

Эмомалӣ Раҳмон дар паёми ҳамдардӣ ба сарвазири Малайзия, Анвар Иброҳим гуфт, саҳми Бадавиро дар таҳкиму тавсеаи муносибатҳои дӯстӣ ва ҳамкории Тоҷикистону Малайзия қадр мекунаду ба шахсияти ӯ эҳтиром мегузорад.

Ба @Sputnik_Tajikistan обуна шавед

Додугирифти Тоҷикистону Эрон дар семоҳаи аввали соли равон 43% афзуда, ба 111 млн доллар расид.

Ин нукта дар мулоқоти вазири рушди иқтисод ва савдои Тоҷикистон Завқӣ Завқизода бо муовини аввали президенти Эрон Алӣ Наҷафии Хушрудӣ баён шуд.

Таъкид гардид, ки барномаи ҳамкориҳои дарозмуддати иқтисодӣ ва тиҷоратӣ барои солҳои 2022-2030 ҷиҳати густариши савдои мутақобила шароити мусоид фароҳам овард, иттилоъ дод Вазорати рушди иқтисоди Тоҷикистон.

Ба @Sputnik_Tajikistan обуна шавед