🔵 ကိုယ့်လူတို့ရေ .. တော်လှန်နှစ်သစ်မှာ ကြေညာချင်တာလေးတစ်ခု ရှိပါတယ်။

💻 ဒစ်ဂျစ်တယ် ခေတ်မှာ ဒစ်ဂျစ်တယ် နိုင်ငံသားကောင်းတို့ ဖြစ်စေဖို့ သိသင့်သိထိုက်တာတွေကို လေ့လာသင်ယူနိုင်ရန်အတွက် ဒစ်ဂျစ်တယ်နိုင်ငံသားဖြစ်မှု သင်ရိုးညွှန်းတမ်း ( Digital Citizenship Curriculum ) ကို နွေဦးလုံခြုံရေး Spring Revolution Security နဲ့ Burma Academy   တို့ပူးပေါင်းပြီး  ဇန်နဝါရီလ ၅ ရက်နေ့တွင် စတင်ဖွင့်လှစ်ပေးသွားမှာဖြစ်ပါတယ်

🔻 Burma Academy  ဆိုတာကတော့  ပြည်သူ့တော်လှန်ရေးကာလအတွင်း စစ်ကျွန်ပညာရေးကို သပိတ်မှောက်ထားတဲ့ကျောင်းသူ/သားများနှင့် လူငယ်များအတွက် ပညာရေးအခွင့်အလမ်းများကို တဖက်တလမ်းက ဖြည့်ဆည်းလုပ်ကိုင်နေကြတဲ့ တော်လှန်သောလူငယ်များနဲ့ ဖွဲ့စည်းထားတဲ့ အွန်လိုင်းအခြေပြုသင်ကြားရေးပလက်ဖောင်းအဖွဲ့အစည်းတခုဖြစ်ပါတယ်။

💸 သင်တန်းကြေးလည်းအခမဲ့ဖြစ်တာမို့ ဒီ Course ကိုသွားရောက်လေ့လာပြီး ဒစ်ဂျစ်တယ်နိုင်ငံသားကောင်းများ ရဲ့ ကျင့်ဝတ်တွေနဲ့အညီ အင်တာနက်ခေတ်မှာလုံခြုံစွာ လှုပ်ရှားသွားလာနိုင်ကြပါစေဗျို့။

🔻 ကိုယ့်လူတို့ရေ ဟိုနေ့က ပြောပြထားတဲ့ Spring Revolution Security နဲ့ Burma Academy တို့ ပူပေါင်းဆောင်ရွက်ထားတဲ့ “Digital Citizenship” သင်ခန်းစာကို Burma Academy Website ပေါ်မှာ အခမဲ့ လေ့လာလို့ ရနေပြီ ဖြစ်ပါတယ်။

✔️ဒီလင့်မှာ http://tinyurl.com/BA-DigitalCitizenship သွားရောက်လေ့လာနိုင်ပါပြီ။

📌 ဒီ “Digital Citizenship” သင်ခန်းစာဟာ Self-Paced သင်ခန်းစာဖြစ်တာမို့ စိတ်ဝင်စားသူ မည်သူမဆို Enroll လုပ်ထားပြီး မိမိအဆင်ပြေတဲ့အချိန်မှာ Burma Academy Website ပေါ်မှာ Video သင်ခန်းစာတွေကို သွားရောက်လေ့လာနိုင်ပါတယ်။

ဒီသင်ခန်းစာထဲမှာတော့

🔹 ဒစ်ဂျစ်တယ် နိုင်ငံသားဆိုင်ရာဖွင့်ဆိုမှု
🔹 ဒစ်ဂျစ်တယ်ရပ်ဝန်းမှာ လိုက်နာဖို့လိုအပ်တဲ့ အခြေခံကျင့်ဝတ်တွေ
🔹 အချက်အလက် စီးဆင်းမှုဆိုင်ရာ သဘောသဘာဝတွေ
🔹ဒစ်ဂျစ်တယ်ရပ်ဝန်းမှာ နေထိုင်ရာဖို့အတွက် လိုအပ်တဲ့ ကျွမ်းကျင်မှုတွေ
🔹 လုံခြုံရေးဆိုင်ရာ အသိပညာတွေ
🔹ဒစ်ဂျစ်တယ် နိုင်ငံသားတစ်ဦးရဲ့ ရပိုင်ခွင့်နဲ့ တာဝန်တွေ
🔹 မီဒီယာ နှင့် သတင်းမီဒီယာတွေ အကြောင်း၊
🔹 ဒစ်ဂျစ်တယ်ရပ်ဝန်းမှာ သမမျှတစွာ နေထိုင်နည်းတွေ ပါဝင်မှာပဲဖြစ်ပြီး

🌐 “Digital Citizenship” ဆိုတဲ့ သင်ခန်းစာကို လေ့လာပြီးသွားရင်တော့ မိမိကိုယ်တိုင် ဒစ်ဂျစ်တယ်နိုင်ငံသားတစ်ဦးအဖြစ် ပါဝင်နေတာကို နားလည်သဘောပေါက်ပြီး ကိုယ်ရေးကိုယ်တာ အချက်အလက်တွေ အရေးကြီးပုံနဲ့ ကာကွယ်ဖို့ အခြေခံနည်းလမ်းတွေကိုပါ နားလည်လာမှာ ဖြစ်ပါတယ်။

ဒါ့အပြင် ဒစ်ဂျစ်တယ်ရပ်ဝန်းထဲက သတင်းတု၊ သတင်းမှားတွေ၊ အမုန်းစကား ပျံ့နှံမှု သဘောသဘာဝကို နားလည်ပြီး စိစစ်နိုင်မယ့် အခြေခံနည်းလမ်းတွေကိုပါ နားလည်သဘောပေါက်လာမှာ ဖြစ်ပါတယ်။

.

🔻၂၀၂၃ တစ်နှစ်တာကာလအတွင်း မြန်မာနိုင်ငံ၏ ဒစ်ဂျစ်တယ် ဖိနှိပ်ခံရမှု အခြေအနေများ

🔹တစ်နှစ်တာလုံးရဲ့ ဒစ်ဂျစ်တယ်ဖိနှိပ်မှုတွေကို ပြန်လည်ကြည့်မယ်ဆိုရင်တော့ အင်မတန်မှာဆိုးရွားလှတဲ့ အခြေအနေတွေပဲဖြစ်ပါတယ်။

🔹ဒစ်ဂျစ်တယ်ရပ်ဝန်းအတွင်း ဖိနှိပ်မှုဖြစ်စဉ်များကို အထူးသဖြင့်

🔹 ဒစ်ဂျစ်တယ်ရပ်ဝန်းအတွင်း လွတ်လပ်စွာ ထုတ်ဖော်ပြေဆိုခွင့်ကို ကန့်သတ်သည့်အခြေအနေများ

🔹 လူထု၏ ဒီဂျစ်တယ်လှုပ်ရှားမှုများအပေါ် စောင့်ကြည့်ခြေရာခံမှုအခြေအနေများ

🔹 အင်တာနက်ဖြတ်တောက်မှုအခြေအနေများ

🔹 အဖိနှိပ်ခံနေရသော အွန်လိုင်းသတင်းလွတ်လပ်ခွင့်အခြေအနေများ စတဲ့ အချက် (၄) ချက်ပေါ်ကို အခြေခံထားတာပဲဖြစ်ပါတယ်။

ဖိနှိပ်မှုဖြစ်စဉ် အသေးစိတ်များကို ဖတ်ရှုကြည့်ချင်တယ်ဆိုရင်တော့ Myanmar Internet Project က ထုတ်ထားတဲ့ Report လေးကို သွားရောက်ဖတ်ရှုနိုင်ပါတယ်။

►►►https://www.myanmarinternet.info/my/post/blog_014