⚠️Public Wi-Fi ကို ဘယ်လိုလုံခြုံအောင် သုံးကြမလဲ?


➡️လက်ရှိအချိန်မှာ ငလျင်ဒဏ်ခံ ပြည်သူများအနေနဲ့ Starlink ဆိုပြီး ဟိုးလေး တကျော်ဖြစ်နေတဲ့ Wireless network (သတင်းအမှားဖြစ်ကြောင်း စီစစ်ထားတာကို ဒီမှာ ကြည့်နိုင်ပါတယ်။) တွေ နဲ့ အခြား public wi-fi တွေကို သုံးနေကြပါတယ်။

ဒါမျိုးတွေက ‌ထောက်ပံပေးနိုင်မှုက ကောင်းမွန်လှသလို၊ နည်းပညာပိုင်းအရ Public Wi-fi ဖြစ်တာမို Wi-Fi network နောက်မှာ တစ်ဦးဦး ရှိနိုင်တာမို သတိထားရမယ့် အချက်ကတွေ မျှဝေလိုက်ပါတယ်။

- HTTPS : HTTP နှင့်သာစတဲ့ ဝက်ဘ်ဆိုက်များကို သွားရောက်ပါက Wi-Fi ကို စီမံတဲ့သူတွေမှ အချက်အလက်ကြားဖြတ်ခိုးယူခြင်းများ ကြုံရနိုင်ပါတယ်။ HTTPS ဝန်ဆောင်မှုများသာ အသုံးပြုခြင်းဖြင့် အင်တာနက်တွင် မိမိသွားလာရာနေရာများကို Domain နာမည်မှလွဲ၍ တခြားမသိရနိုင်ပါ။

- VPN : ချိတ်ဆက်မှုများ နဲ့ သွားလာလှုပ်ရှားမှုများကို စောင့်ကြည့်ခြေရာခံနိုင်ခြင်းမရှိစေရန်လည်း လိုအပ်သလို အခက်အခဲကာလအတွင်း သတင်းအချက်အလက်ပုံမှန်ရရှိနေနိုင်ရေးအတွက်လည်း အရေးပါတဲ့ VPN ကို အသုံးပြုပါ။ နွေဦးလုံခြုံရေးရဲ့ ဒစ်ဂျစ်တယ်ဆေးခန်း @SpringSecClinic ကတစ်ဆင့်လည်း VPN များ အခမဲ့ လာရောက်တောင်းခံနိုင်ပါတယ်။ https://t.me/drapacvpn_bot က တစ်ဆင့်လည်း တိုက်ရိုက်တောင်းခံနိုင်ပါတယ်။

- Secure Browser : Public Wi-Fi များ အသုံးပြုရာမှာ စိတ်ချယုံကြည်ရတဲ့ Browser တွေကို အသုံးပြုခြင်းဖြင့် HTTP နဲ့ စတဲ့ စိတ်မချရတဲ့ ဝက်ဘ်ဆိုက်တွေကို သွားမိရာမှာ သတိပေးမှုပြုတတ်တာကြောင့် သတိထားဆင်ခြင်နိုင်ပါတယ်။ Firefox နဲ့ Brave Browser တို့ကတော့ စိတ်ချရတဲ့ Browser တွေထဲမှာ ပါဝင်ပါတယ်။

တခြား ဒစ်ဂျစ်တယ်အခက်အခဲတွေနဲ့ ပတ်သက်လို့ တိုင်ပင်မေးမြန်းလိုတာရှိရင်လည်း နွေဦးလုံခြုံရေးဒစ်ဂျစ်တယ်ဆေးခန်းကိုလည်း လာရောက်နိုင်ပါတယ်။
@SpringSecClinic

အရေးကြီးဒစ်ဂျစ်တယ်သတင်းအချက်အလက်များကို နွေဦးလုံခြုံရေး ရဲ့ Telegram Channel နဲ့ Facebook Page မှာလည်း ဝင်ရောက်ကြည့်ရှုနိုင်ပါတယ်။

https://t.me/SpringRevSecurity
https://www.facebook.com/springrevsec

📣📣 ငလျင်ဘေးကြောင့် ဒုက္ခတွေများရတဲ့ ကြား တောမီးလောင် ကျားဖြန့်လက်ခမောင်းခတ်တွေ လာပါပြီ....😔

ဒီရက်ထဲမှာ ကျားဖြန့်တွေရဲ့ Phishing နည်းလမ်းတစ်ခုဖြစ်တဲ့ ဖုန်းနံပါတ်မျိုးစုံနဲ့ link တွေကို ဖုန်း Operator တွေရဲ့ SMS messages တွေကနေတစ်ဆင့်ပို့နေကြပါတယ်။

ဒီ Phishing Link တွေကို လုံးဝ လုံးဝ သွားမနှိပ်မိကြပါနဲ့ ။ မတော်မဆ နှိပ်မိခဲ့ပြီးဖြစ်ရင်တောင် Browser တွေဆီရောက်သွားပြီး file တွေကို Download ဆွဲခိုင်းရင် Download မဆွဲမိပါစေနဲ့။ ဆွဲမိခဲ့ရင်လည်း မသွင်းမိပါစေနဲ့။သွင်းမိရင်လည်း မသုံးမိပါစေနဲ့ Permission တွေ ခွင့်မပေးပါနဲ့။

မိမိကိုယ့်ကို ဆွဲထားမိတယ် သွင်းမိတယ်လို့ သံသယရှိရင် File ထဲသို့ဝင်ရောက်ပြီးရှာဖွေ ဖျက်ဆီးပါ ။Permission တွေ Default App တွေ စစ်ပါ။ ဖုန်းကိုအမြန်ဆုံးစစ်ဆေး ရှင်းလင်းဖို့လိုအပ်ပါတယ်။

ဒီရက်တွေမှာ အလှူငွေတွေ လက်ခံထားပြီးကူညီပေးကြသူတွေရဲ့ အကောင့်တွေ အပြင် နေ့စဉ် မိုဘိုင်းငွေကြေးတွေသုံးစွဲနေသူများ အထူးအထူး သတိထားသင့်ပါတယ်။

နွေဦးလုံခြံရေးအဖွဲ့သားတွေရဲ့စစ်ဆေးချက်အရ..

➡️ ဒီဟာ‌တွေသည် ကျားဖြန့်တွေရဲ့ Game ပေါင်း ၅၀၀ ကျော် application‌ တွေ ဖြစ်ပါတယ်။

➡️ ပြင်ဆင်မွန်းမံထားသော app ဖြစ်နိုင်ပါတယ်။(ကောင်းသောရည်ရွယ်ချက်နဲ့ မဟုတ်ပါဘူး)

➡️ မလိုအပ်သော permission များရယူပါတယ်။(အန္တရာယ်ရှိနိုင်တာတွေများသော်လည်း၊ လူကို အရှက်ခွဲပြီး အကြွေးပတ်တောင်းခဲ့တဲ့ အဖြစ်လိုမျိုး contact permission လည်းယူပါတယ်)

➡️လုံခြုံရေးကိုဂရုမပြုမိရင် app က တောင်းသမျှ ပေးမိ့ရင် သူခိုးဓါးရိုးကမ်းမိ သလိုဖြစ်နိုင်ပြီး ဘဏ်အက်ပလိကေးရှင်းတွေအထိ ပြဿနာပြုနိုင်ပါတယ်။

ဒါကြောင့် ဒီလို Phishing Link တွေတွေ့ရင် အလျင်စလို မနှိပ်ကြည့်ပဲ အထူးဂရုပြုရှောင်ရှားဖို့ တိုက်တွန်းရင်း.. လုံခြုံဘေးကင်းကြပါစေကြောင်း

အတ္တာဟိ အတ္တနော နာထော - ဒစ်ဂျစ်တယ်လောကမှာ သင်ကိုယ်တိုင်သည် ပထမဦးဆုံး ခံတပ်ဖြစ်ပါတယ်။