🔻၂၀၂၃ ခုနှစ် မေလအတွင်း ဒစ်ဂျစ်တယ်ရပ်ဝန်းဆိုင်ရာ ဖြစ်စဉ်များ
==========================================

👨‍💻 ကိုယ့်လူတို့...

၂၀၂၃ နှစ်စဖြစ်တဲ့ မေလအတွင်း အကြမ်းဖက်စစ်ကောင်စီဟာဆိုရင် ဒစ်ဂျစ်တယ်ပိုင်းဆိုင်ရာ ဖိနှိပ်မှုတွေကို လက်နက်သဖွယ်အသုံးပြုနေတာဟာ ရည်ရွယ်ချက်ရှိရှိ ဖိနှိပ်မှု ဖြစ်စဉ်တွေပါ။

👉 ဒစ်ဂျယ်တယ်ရပ်ဝန်းဆိုင်ဖြစ် ဖြစ်ပျက်ခဲ့မှုများကတော့

🔹မေလ (၂) ၂၀၂၄ ခုနှစ် အောက်တိုဘာလတွင် လူဦးရေနဲ့ အိမ်ထောင်စု သန်းခေါင်စာရင်းများကို လက်ကိုင်ဖုန်းနှင့် တက်ဘလက် (Tablet) များအသုံးပြုပြီး ကောက်ယူသွားမည်ဟု စစ်ကောင်စီလက်အောက်ခံ
လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနက မေလ၂ရက်နေ့စွဲနဲ့ ကြေညာခဲ့ခြင်း

🔹မေလ (၅) ATOM ဖုန်းသုံးစွဲသူများအား ပြန်လည်မှတ်ပုံတင်မှုများ ပြုလုပ်နိုင်ရန် ရောက်ရှိသည့်နေရာနှင့် အနီးဆုံးရှိ Atom Digital Store ဆိုင်များ၏ တည်နေရာကို ညွှန်ပြသည့် အချက်အလက်များ ပါဝင်သည့် SMS စာတိုများအား SMS မှတဆင့်ပေးပို့ခဲ့ခြင်း (ယင်းလုပ်ဆောင်ချက်သည် သုံးစွဲသူများ၏ တည်နေရာကို ခြေရာခံစောင့်ကြည့်နေသည်ဟု ယုံကြည်ရသည်။)

🔹မေလ (၆) နယ်စည်းမခြားသတင်းသမားများအဖွဲ့ (RSF) မှ ထုတ်ပြန်သည့် သတင်းမီဒီယာလွတ်လပ်ခွင့် အညွှန်းကိန်းအရအရ ကမ္ဘာ့နိုင်ငံပေါင်း (၁၈၀) တွင် မြန်မာနိုင်ငံအနေဖြင့် အဆင့် ၁၇၃ နေရာတွင် ရောက်ရှိနေခြင်း

🔹မေလ (၉) မုံရွာမြို့တွင် မိုဘိုင်းအင်တာနက် လိုင်းများအသုံးပြုရ အခက်အခဲများ ဖြစ်ပေါ်ခဲ့ပြီး ညနေ (၄) နာရီခွဲ ဝန်းကျင်မှ စတင်ပြီး MPT အင်တာနက်လိုင်းများ ပြတ်တောက်သွားကာ အခြားသော မိုဘိုင်း အင်တာနက် လိုင်းများမှာအခက်အခဲများ ဖြစ်ပေါ်ခဲ့ခြင်း

🔹မေလ (၁၃) ချင်းပြည်နယ်ရှိ ပြည်သူအချို့အနေဖြင့် စစ်ကောင်စီ၏ အင်တာနက်လိုင်းများ ဖြတ်တောက်ထားမှုကြောင့် ဆက်သွယ်ရေးဆိုင်ရာ အခက်အခဲများဖြစ်ပေါ်ပြီး မိုခါမုန်တိုင်းသတင်းများ အချိန်နှင့်တပြေးညီ မသိရဖြစ်ပေါ်ခဲ့ခြင်း

🔹မေလ (၁၇) ရခိုင်ပြည်နယ်အတွင်း Ooredoo Operator မှ တစ်ဦးနှင့်တစ်ဦး အဆက်သွယ် မပြတ်စေရန် Ooredoo သုံးစွဲသူအချင်းချင်း အကန့်သတ်မရှိ ဖုန်ခေါ်ဆိုခွင့်နှင့် ဒေတာ (5 G) သုံးစွဲခွင့်တို့ကို မေလကုန်အထိ ပေးအပ်ခဲ့ခြင်း

🔹မေလ (၂၄) လျှပ်စစ်မီးပြတ်တောက်မှုနှင့် ပါတ်သက်ပြီး လူမှုကွန်ယက်မှ တဆင့် ဝေဖန်ခဲ့သည့် ဟစ်ဟော့ အဆိုတော် ဗျူဟာ ၎င်း၏ နေအိမ်တွင် ဖမ်းဆီးခံရခဲ့ခြင်းတို့ပဲဖြစ်ပါတယ်။