၂၀၂၂ ခုနှစ် နိုဝင်ဘာလအတွင်း ဒစ်ဂျစ်တယ်ရပ်ဝန်းဆိုင်ရာ ဖြစ်စဉ်များ
==========================================

🗣ရောင်းရင်းတိုရေ…
အကြမ်းဖက်စစ်ကောင်စီဟာဆိုရင် ဒစ်ဂျစ်တယ်ပိုင်းဆိုင်ရာ ဖိနှိပ်မှုတွေကို လက်နက်သဖွယ်အသုံးပြုနေတာဟာ ရည်ရွယ်ချက်ရှိရှိ ဖိနှိပ်မှု ဖြစ်စဉ်တွေပါ။

🗣ဒီနေ့မှာတော့နိုဝင်ဘာလ အတွင်း ကျူးလွန်ခဲ့တဲ့ ဒစ်ဂျစ်တယ်ရပ်ဝန်းဆိုင်ရာ ဖိနှိပ်မှုများကို ဖော်ပြပေးလိုက်ရပါတယ်။


▪️နိုဝင်ဘာ (၁)  စစ်ကောင်စီ လက်အောက်ခံ ပို့/ဆောက်/ဆက် ဝန်ကြီးဋ္ဌာနမှ SIM Registration Management System တည်ဆောက်ရေးအတွက် တင်ဒါခေါ်ယူခဲ့ခြင်း

▪️နိုဝင်ဘာ (၃) အချက်အလက် မမှန်သည့် Sim Cardများ ၂၀၂၃ ခုနှစ် ဇန်နဝါရီလ ၃၁ရက်နေ့ နောက်ဆုံးထားပြီး ပြန်လည်ပြင်ဆင်ကြရန် စစ်ကောင်စီလက်အောက်ခံ ဆက်သွယ်ရေးညွှန်ကြားမှုဦးစီးဌာနမှ ထုတ်ပြန်ခဲ့ခြင်း

▪️နိုဝင်ဘာ (၃)  သတင်းသမားများကို သတ်ဖြတ်ပြီး အရေးယူမခံရသည့် စာရင်း Global Impunity Index တွင် ပထမဆုံးအကြိမ်အဖြစ် မြန်မာပါဝင်လာခြင်း

▪️နိုဝင်ဘာ (၃)  ဖုန်းအင်တာနက်လိုင်းများ ဖြတ်တောက်ခံထားရသည့် ဖားကန့်မြို့နယ်တွင် စစ်ကောင်စီက Mytel Wifi  များ တပ်ဆင်နေခဲ့ခြင်း

▪️နိုဝင်ဘာ (၄)  ဝက်လက်မြို့နယ် နေရာတချို့တွင်  Telenor လိုင်းများ ဖြတ်တောက်ထားခံရခြင်း

▪️နိုဝင်ဘာ (၄)  ဒီပဲယင်းမြို့နယ် နေရာတချို့တွင်  Ooredoo လိုင်းများ ဖြတ်တောက်ထားခံရခြင်း

▪️နိုဝင်ဘာ (၉)  ရွှေကူမြို့တွင် MPT ဖုန်းလိုင်းဖြတ်တောက်ထားပြီး စစ်ကောင်စီစစ်ကြောင်း လှုပ်ရှားမှုရှိခဲ့ခြင်း

▪️နိုဝင်ဘာ (၁၃)  ကလေးတောင်ပိုင်းတွင် ည (၇) နာရီ (၄၅) မိနစ်ဝန်းကျင်မှစတင်ကာ Ooredoo ဖုန်းလိုင်းများ ပြတ်တောက်နေခဲ့ခြင်း

▪️နိုဝင်ဘာ (၁၄)  သနပ်ပင်မြို့ရှိ စစ်ဆေးရေးဂိတ်တွင် ဝိုင်ဖိုင်စက်အသုံးပြုပြီး ခရီးသွားများ ၏ ဖုန်းကိုစစ်ကာ စစ်တပ်က ခြိမ်းခြောက် ငွေညှစ်နေခဲ့ခြင်း

▪️နိုဝင်ဘာ (၁၉) ယင်းမာပင်နယ် ဆင်တဲ၊ ပုပ္ပါး၊ရွာနောင် စသည့် နေရာများတွင် စစ်ကောင်စီက ရဟတ်ယာဉ်ဖြင့် စစ်အင်အား ဖြည့်တင်းစဉ်ကာလအတွင်း ဖုန်းလိုင်းအချို့ ပြတ်တောက်မှု ဖြစ်ဖော်ခဲ့ခြင်း

▪️နိုဝင်ဘာ (၂၀)  UNHCR ကဒ် လျောက်ထားခြင်းဆိုင်ရာ Facebook Page အတုထွက်ပေါ်ခဲ့ခြင်း

▪️နိုဝင်ဘာ (၂၀) ရန်ကုန်မြို့ပြပြောက်ကျားအဖွဲ့ Yangon UG Association အဖွဲ့ဦးဆောင်သူများ၏အမည်ကို အသုံးပြုပြီး Thar Min Account ဖြင့် Facebook အသုံးပြုသူက YUA mission များကိုပြကာ Mission အသစ်များအတွက် ငွေကြေးလိမ်လည် ကောက်ခံမှုများပြုလုပ်ခဲ့ခြင်း

▪️နိုဝင်ဘာ (၂၃)  Interim Basic Education School (Thingangyun) တွင် တက်ရောက်နေသည့် ကျောင်းသူ ကျောင်းသားများ စာရင်းအချို့နှင့် Zoom Screen Shoot များ စစ်ကောင်စီ လော်ဘီ Account များတွင် ပျံ့နှံ့လာခြင်း

▪️နိုဝင်ဘာ (၂၄)  ကလေးတောင်ပိုင်းတွင် Ooredoo ဖုန်းလိုင်းများဖြတ်တောက်ခံထားရခြင်း

▪️နိုဝင်ဘာ(၂၅)  ပဲခူးတိုင်း၊ ကဝမြို့နယ်၊ ခမွန်ခံကြီးကျေးရွာတွင် နေထိုင်သူ အမျိုးသမီးငယ်တစ်ဦးအား Tik Tok တွင် မင်းအောင်လှိုင်အား လှောင်ပြောင်သည့် Video တင်သဖြင့်ဟု ဆိုကာ စစ်ကောင်စီတပ်များမှ  ဖမ်းဆီးသွားခြင်း

▪️နိုဝင်ဘာ (၂၇) ထီးလင်းနယ်မြောက်ပိုင်းမှာ mpt ဆက်သွယ်ရေးဖုန်းလိုင်းများပြတ်တောက်နေခဲ့ခြင်းတို့ ဖြစ်ခဲ့ပါသည်။

🗣ကိုယ့်လူတို့ရေ…

🍿ဒီအပတ်မှာတော့ ၂၀၁၆ ဝန်းကျင်လောက်က ဇာတ်ကားလေးတစ်ခုကို ညွှန်းထားပါတယ်။

▪️“Lo and Behold: Reveries of the Connected World” ပါ။

▪️ဒါလေးကတော့ ဇာတ်လမ်းဆိုတာထပ် Documentary ဆန်ဆန်ရိုက်ကူးထားတာပါ။ IT နယ်ပယ်က ဂုရုအချိုနဲ့ အင်တာဗျူးတာကနေ စတင်ထားပါတယ်...

☝️စိတ်ဝင်စားလို့ အညွှန်းလေးဖတ်ချင်တယ်ဆိုရင်တော့

👉https://telegra.ph/Lo-and-Behold-Reveries-of-the-Connected-World-12-02

ဒစ်ဂျစ်တယ်လုံခြုံရေး ဆေးခန်း
=====================
🗣ရောင်းရင်းတို့ရေ

💻ဒီအပတ်ရဲ့ Clinic Time လေးရောက်လာပြီနော်

▪️ မေးခွန်းတွေကို ၂၄ နာရီအတွင်းဖြေပေးနေတာမို့...

ဒစ်ဂျစ်တယ်အခက်အခဲတွေ အတွက် အဖြေရှာလိုသူများ Clinic ကိုအချိန်မရွေး လာရောက်မေးမြန်းနိုင်ပါတယ်ဗျို့..

📲Link:https://t.me/SpringSecClinic