ယနေ့ ကျရောက်တဲ့ ဇူလိုင်လ (၂၂) ရက်နေ့ ဟာ နွေဦးဘဏ်၏ ကနဦးအကြိုကာလ စမ်းသပ်ဖွင့်လှစ်တဲ့ ပထမဆုံးသော နေ့ဖြစ်ပါတယ်။
ပထမဆုံး ဘဏ်စတင်လည်ပါတ်တဲ့ day 1 မှာပဲ နွေဦးဘဏ် စာရင်း ဖွင့်သူပေါင်း (၁,၀၀၀) ပြည့်ခဲ့ပြီဖြစ်ပါတယ်။ နွေဦးဘဏ် ကို လူမှုကွန်ယက်များကနေ အားပေးဝန်းရံသူ Follower ပေါင်း (၁၀,၀၀၀) ကျော် ရှိလာခဲ့ပြီဖြစ်ပါတယ်။ ယုံကြည်မှုတခု၊ ပန်းတိုင် တခု တည်းကို နောက်မဆုတ်စတမ်း အတူလက်တွဲ ချီတက်နေကြတာဟာ အားတက်စရာကောင်းသလို ဝမ်းမြောက်ဂုဏ်ယူရပါတယ်။

လက်ရှိ ဆောင်ရွက်သွားမယ့် Beta Version ဟာ အကန့်အသတ်ရှိနေတာမို့ စိန်ခေါ်မှုတွေ အခက်အခဲတွေ ကြုံလာခဲ့ရင်လည်း နိုင်ငံအနှံ့မှာ ခန့်အပ်ထားတဲ့ ပြည်သူ့ဓနဆက်ဆံရေးအရာရှိ (Relationship Managers) အယောက် (၁၀၀) နှင့်အတူ ပြင်ဆင်မွမ်းမံမှုတွေ အစဥ်တစိုက်လုပ်ဆောင်သွားမှာမို့ စိတ်ရှည်စွာနဲ့ ဆက်လက်အားပေး ဝန်းရံကြပါ ၊ အကြံပြုပူးပေါင်း ပါဝင်ပေးကြပါလို့ မိဘပြည်သူများကို မေတ္တာရပ်ခံပါတယ်။

#SpringDevelopmentBank
#RealBankRealFreedom See less

https://www.facebook.com/photo?fbid=179225985156570

Maintenance Notice!!!

နွေဦးဘဏ်၏ လက်ရှိ ဖော်ဆောင်နေတဲ့ Beta စမ်းသပ်ကာလမှာ ၀က်ဘ်အပလီကေးရှင်း (Web Application) အား မူလ ခန့်မှန်းထားတဲ့ သုံးစွဲမှု ပမာဏထက် ထင်မှတ်မထားလောက်အောင် များပြားခဲ့လို့ ၀င်ရောက်သုံးစွဲသူများကို ဘဏ်ဝန်ဆောင်မှုများ အထေ့အငေါ့မရှိ စေရန်အတွက် ပိုမိုကောင်းမွန်ပြီး လျင်မြန်သွက်လက်တဲ့ အဆင့်မြှင့်တင်မှုများကို လုပ်ဆောင်နိုင်ဖို့ လာမည့် ၂၆ ရက် ဗုဒ္ဓဟူးနေ့ မြန်မာစံတော်ချိန် နံနက် ၄ နာရီ မှာ Beta app အား ခေတ္တခဏ ရပ်ဆိုင်းထားပါမယ်။
ခန့်မှန်းကြာချိန် (၁) နာရီခန့် ဖြစ်သော်လည်း အမြန်ဆုံး ပြန်လည်အသုံးပြုနိုင်မှာဖြစ်လို့ beta စမ်းသပ် အသုံးပြုသူများအနေနဲ့ မိမိတို့ ထည့်ထားသော အပ်နှံငွေများသည် လုံခြုံစွာ သိမ်းဆည်းထားတာမို့ စိုးရိမ်ရန် မလိုပါကြောင်း ကြိုတင်အသိပေးအပ်ပါတယ်။
ကနဦး စမ်းသပ်အသုံးပြုသူ အရေအတွက် ၁၀၀၀ ကန့်သတ်ထားတဲ့အတွက် ဘဏ်စနစ် တည်ငြိမ်စွာ လည်ပါတ်နိုင်ရန် ပြင်ဆင်မွမ်းမံမှုများကို အစဥ်တစိုက်လုပ်ဆောင်နေပါတယ်။ လူကြီးမင်းတို့ အနေနဲ့ ဘဏ်အကောင့်ဖွင့်ခြင်းများ မအောင်မြင်သေးပါက beta user အရေအတွက် ထပ်မံတိုးချဲ့သည့် အချိန်အား ခေတ္တစောင့်ဆိုင်းပေးပါရန် အထူးမေတ္တာရပ်ခံအပ်ပါတယ်။

RM (Relationship Manager) ပြည်သူ့ဓနဆက်ဆံရေးအရာရှိ တွေရဲ့ အခန်းကဏ္ဍက နွေဦးဘဏ်ရဲ့ ကွန်ယက်သဖွယ် ပင်မသွေးကြောများဟု ဆိုနိုင်ပါတယ် ။ နွေဦးဘဏ် နဲ့ လုံခြုံလွတ်လပ်ခြင်းကို မြတ်နိုးတဲ့ ပြည်သူလူထုကြားမှာ တံတားများကဲ့သို့ ဆက်သွယ်ပေါင်းကူးပေးနေတဲ့ SDB ရဲ့ “ဘဏ်ခွဲ” တွေလို့ ပြောလို့ ရပါတယ်။

RM ကွန်ယက် ဆိုတာ တော်လှန်ရေးကာလမှာ ၂နှစ်ကျော် အတွေ့အကြုံများကို ဗဟိုပြုရင်း သွေးမအေးသွားပဲ ရံပုံငွေများ အလေအလွင့်မရှိအောင် ကျရာကဏ္ဍမှာ ဆက်လက်ပြီး တာ၀န်ယူမှု၊ တာ၀န်ခံမှုတွေနဲ့အတူ ဘဏ္ဍာရေးတိုက်ပွဲ၀င်နေကြတဲ့ စေတနာ့၀န်ထမ်းပြည်သူများနဲ့သာ ဖွဲဲ့စည်းထားတာပဲဖြစ်ပါတယ်။ ဒါကြောင့် SDB က အသိအမှတ်ပြု စိစစ်ရွေးချယ်ထားတဲ့ RM တွေကနေ တဆင့် ငွေသွင်း/ ငွေထုတ် ပြုလုပ်ခြင်းက စိတ်အချရဆုံးဖြစ်ပါတယ်။

နွေဦးဘဏ် အသုံးပြုသူများ စုဝေးရာ telegram channel မှာလည်း ၀င်ရောက်ဆွေးနွေးနိုင်သလို Help Center မှာလည်းမိမိ သိလိုသည်များကို လေ့လာနိုင်ပါတယ်။

တော်လှန်ဆီမီး ဆက်လက်ထွန်းညှိရင်း ဘဏ္ဍာရေးတိုက်ပွဲ၀င်ကြပါဦးစို့။

https://www.facebook.com/100092075088594/posts/pfbid0UBePvSMfGFQhGKJrkRZunae3A2TnrECZXajmf41DN56i1TCebX3YLaA4pHWiaVPxl/?mibextid=cr9u03

စစ်အာဏာရှင်ကို ခုခံတွန်းလှန်ခဲ့ကြသည့် တော်လှန်ရေး ခေတ်အဆက်ဆက် အနက် ၈၈၈၈ အရေးတော်ပုံ နှင့် ၂၀၂၁ နွေဦးတော်လှန်ရေး တို့ဟာ လူထုတရပ်လုံး အုံကြွပါဝင်မှု အများဆုံး အမြင့်ဆုံး ဖြစ်ပါတယ်။

နွေဦးတော်လှန်ရေးမှာတော့ အတွေးအခေါ် နည်းပညာတော်လှန်ရေး တဆင့်တက်ခဲ့တယ်။ "သတင်း အချက်အလက်နဲ့ ဒစ်ဂျစ်တယ်နည်းပညာ" ဆိုတဲ့ လက်နက် နှင့် ဒီလက်နက်ကို ပိုင်ပိုင်နိုင်နိုင် အသုံးပြုနိုင်တဲ့ မျိုးဆက်တွေကြောင့်ပဲ ပြည်သူ့ အောင်ပွဲကို လှမ်းမြင်နေရလေပြီ။

အခုတဖန် “လွတ်လပ်ဧကန် နွေဦးဘဏ်” ဆိုတဲ့ ဆောင်ပုဒ်နဲ့ အညီ ပြည်သူ့အခြေပြု ဘဏ္ဍာရေးခေတ် တခု ထွန်းသစ်အောင် ငွေကြေးစနစ်စုံလင်တဲ့ နွေဦးဖွံ့ဖြိုးရေးဘဏ် (Spring Development Bank ) ကလည်း စစ်အာဏာရှင်လက်အောက် ဒူးထောက်နေတဲ့ ဘဏ်စနစ်များကို စတင်တွန်းလှန် လည်ပတ်နေပြီ ဖြစ်တယ်။

၈၈ စိတ်ဓာတ်ကို အရင်းတည်ကာ နည်းပညာအား နွေဦးဘဏ်ရဲ့အားနဲ့ “ဖက်ဆစ်ဝင်ငွေဖြတ်တောက် ပြည်သူ့ဘဏ္ဍာတည်ဆောက်” ကြမယ်ဆိုရင် အောင်လံကိုင်သူ အစစ်အမှန်ဟာ ပြည်သူတွေဖြစ်ရမှာ မြေကြီးလက်ခတ်မလွဲ မုချပါပဲ။

https://www.facebook.com/100092075088594/posts/pfbid02X7Mm56sfsnrTDNPWC6YqDtmtTW7bbm6dLTtRzxAcwEkwLBU99DRv1p7J8Nmphtuml/?mibextid=cr9u03

ကနဦး beta ကာလ အတွင်း နွေဦးဘဏ် အသုံးပြုသူများရဲ့ အထူး တောင်းဆိုမှုများကြောင့် မိမိတွင် DMMK ငွေကြေးရှိထားပြီး SDB ဘဏ်စာရင်းထဲသို့ မြန်မာကျပ်အဖြစ် အပ်နှံစုဆောင်းလိုပါက RM များကို တိုက်ရိုက် ဆက်သွယ်၍ အကန့်အသတ်မရှိ ငွေသွင်းနိုင်ပြီး မိမိအလိုရှိရာ အခြား ငွေကြေးများသို့ ဝယ်ယူ၊ ပြောင်းလဲနိုင်ပြီ ဖြစ်ကြောင်း သတင်းကောင်းပါးအပ်ပါတယ်။

DMMK ဖြင့် အကန့်အသတ်မရှိ ငွေသွင်းခြင်းအား ပရိုမိုးရှင်းကာလ Aug 15 မှ Aug 31 အတွင်း (သို့) အသစ် ထပ်မံ ကြေညာမည့်အချိန်ထိ အကျုံးဝင်ပါတယ်။

အမှီအခိုကင်းပြီး အလုံခြုံဆုံး အလွတ်လပ်ဆုံး ငွေကြေးပလက်ဖောင်း နှစ်ခု ဖြစ်တဲ့ SDB - နွေဦးဘဏ် နှင့် NUGPay ၏ ချိတ်ဆက်ဆောင်ရွက်မှုအခြေအနေများအား အချိန်နဲ့ တပြေးညီ တင်ပြထုတ်ပြန်သွားမှာပဲ ဖြစ်ပါတယ်။

နွေဦးဘဏ် အသုံးပြုသူများ စုဝေးရာ telegram channel မှာလည်း ၀င်ရောက်ဆွေးနွေးနိုင်သလို Help Center မှာလည်းမိမိ သိလိုသည်များကို လေ့လာနိုင်ပါတယ်။

SDB User Community - https://t.me/SpringDevBankCommunity
SDB Help Center - https://help.springdevelopmentbank.com

ဘဏ်အကောင့်ဖွင့်ရန် စောင့်ဆိုင်းစာရင်းတွင် ရောက်ရှိနေသူများအတွက် အထူး သတင်းကောင်း

နွေဦးဘဏ် ကနဦး Private Beta စမ်းသပ် ကာလ ဆောင်ရွက်နေသည်မှာ အချိန်အားဖြင့် ၃ ပတ်မြောက် ရှိလာခဲ့ပါပြီ။ စမ်းသပ်အသုံးပြုသူ အရေအတွက် ၁၀၀၀ သတ်မှတ်ထားပြီးနောက် ထိုက်သင့်သော ပမာဏအချို့အား အမှတ်စဥ်အလိုက် တိုးချဲ့ခဲ့ပါတယ်။

ယခုတခါမှာတော့ သြဂုတ်လ ၁၇ ရက်နေ့မှ စပြီး waiting list တွင် စောင့်ဆိုင်းနေသူများအနက်မှ beta activation ပမာဏ ၁၀၀၀ စီ အား တရက်ခြား၍ (၂) ရက် လျှင် (၁) ကြိမ် စီ ထပ်မံတိုးမြှင့်ပေးသွားမည့် အစီအစဥ် ရှိပါကြောင်း သတင်းကောင်းပါးအပ်ပါတယ်။ ဘဏ်စနစ် လည်ပတ်နိုင်မှု အခြေအနေ အရပ်ရပ်ပေါ်မူတည်၍ beta တိုးမြှင့်မှုအချိန်ကာလအား ပြန်လည်စိစစ်ကန့်သတ်နိုင်သည်ကိုလည်း သတိပြုစေလိုပါတယ်။

နွေဦးဘဏ် အနေဖြင့် စမ်းသပ်ကာလအတွင်း ဖြစ်ပေါ်လာသော error များနှင့် စိန်ခေါ်မှုများကိုလည်း အသုံးပြုသူများ၊ RM များနှင့်တကွ ဖြေရှင်းကျော်လွှားပြီးဖြစ်သော်လည်း ဘဏ်စနစ် ချောမွေ့ ကောင်းမွန်စွာ လည်ပတ်နိုင်ရန် ပြင်ဆင်မွမ်းမံမှုအချို့ အကန့်အသတ်ရှိနေသေးတာမို့ တတပ်တအား ကူညီပံ့ပိုးပြီး အကြံပြု၀န်းရံပေးကြပါရန် ထပ်လောင်း မေတ္တာရပ်ခံအပ်ပါတယ်။

Spring Development Bank ရဲ့ အားသာချက် တစ်ခုကို ပြောပါရစေ။ မတူညီတဲ့ ငွေကြေးအမျိုးအစားတွေကို စီမံခန့်ခွဲနိုင်ဖို့က ဘဏ်အကောင့် တစ်ခုပဲ လိုတာပါ။

နွေဦးဘဏ် အကောင့် တစ်ခုရဲ့ အောက်ထဲမှာပဲ အမျိုးမျိုးသော နိုင်ငံခြားငွေတွေကို အကန့်အသတ်မရှိ ပြင်ပ ပေါက်စျေးထက်မနည်း လဲလှယ်/ လွှဲပြောင်း/ စုဆောင်းထားနိုင်ပါတယ်။

ဒါ့အတွက်ကြောင့် တော်လှန်ရေးအတွက် အထောက်အကူပြုဖို့ဖြစ်စေ၊ စီးပွားရေးလုပ်ငန်းအတွက်ဖြစ်စေ၊ မိမိကိုယ်ပိုင် စုဆောင်းဖို့အတွက်ဖြစ်စေ ဧကန်မုချ လွတ်လပ်စွာ အသုံးပြုနိုင်ပါတယ်။

ယခုအချိန်လို အကြမ်းဖက်စစ်အာဏာရှင်ရဲ့ အာသာငမ်းငမ်း ဖြစ်နေတဲ့ နိုင်ငံခြားငွေတွေကို နွေဦးဘဏ်ထဲမှာ လက်ဖျောက်တချက်တီးပြီး လုံခြုံစွာ သိမ်းထားနိုင်ပါပြီ ဆိုတဲ့ သဘောပါပဲ။

အမိမြေကို စွန့်ကာ နိုင်ငံရပ်ခြားမှာ ပင်ပင်ပန်းပန်း အလုပ်လုပ်ပြီး ရှာဖွေရလာတဲ့ နိုင်ငံခြားငွေတွေကို မိသားစုတွေ ထံပြန်ပို့တဲ့အခါမှာ စစ်အာဏာရှင် လက်ဝေခံ ဘဏ်တွေမှာ ရင်တထိတ်ထိတ်နဲ့ ခေါင်းပုံဖြတ်ခံနေရမယ့်အစား SDB - နွေဦးဘဏ် မှာ ဂုဏ်ယူစွာ အပ်နှံထားနိုင်ပါတယ်။

SDB User Community - https://t.me/SpringDevBankCommunity
SDB Help Center - https://help.springdevelopmentbank.com

လက်ရှိအချိန်ကာလမှာ မြန်မာကျပ်ငွေ တန်ဖိုး လျော့ပါးလာသော အခြေအနေအရ MMK မှ အခြား ငွေမာ ပစ္စည်းဥစ္စာ ပိုင်ဆိုင်မှုဓနများသို့ လဲလှယ်လာကြပါတယ်။

နွေဦးဘဏ်မှာလည်း MMK/ USD/ SGD/ THB အပြင် ဒီဂျစ်တယ် ရွှေများ အဖြစ်သို့ စိတ်ကြိုက် လဲလှယ် လွှဲပြောင်း နိုင်ပါတယ်။

SDB ၏ ဝန်ဆောင်မှု တစ်ခုဖြစ်သော Foreign Currency Exchange နှင့် ပါတ်သတ်သော သတိထားသင့်သည့် အချက်များကို ပြောပြပါရစေ။

၁။ နွေဦးဘဏ် ပင်မစာမျက်နှာတွင်ဖော်ပြထားသော Reference FX Rates သည် မိမိ အတိအကျရမည့် ငွေလဲနှုန်းမဟုတ်ပါ။ (ပြင်ပစျေးကွက်၏ ရည်ညွှန်းပြ စျေးနှုန်းသာ ဖြစ်ပါတယ်။)

၂။ SDB ၏ အမှန်တကယ် ငွေလဲနှုန်းသည် ဘဏ်၏ စျေးကွက်အတွင်း ဝယ်လိုအား/ ရောင်းလိုအား များ အပေါ် မူတည်၍ အမြဲပြောင်းလဲနေသောကြောင့် အပြင်ငွေလဲနှုန်းများနှင့် ကွာခြားမှု ရှိနိုင်ပါတယ်။

၃။ ငွေမလဲလှယ်မှီ မိမိ ရရှိမည့် ပမာဏ ကိန်းဂဏန်းများကို ဖော်ပြပေးထားသောကြောင့် သေချာစွာ တွက်ချက် ဖတ်ရှုရမည်မှာ အသုံးပြုသူ၏ တာဝန်ဖြစ်တာကြောင့် မိမိ စိတ်ကျေနပ်မှသာ ဆောင်ရွက်နိုင်ပါတယ်။

နွေဦးဘဏ် ဝန်ဆောင်မှုများနဲ့ ပတ်သက်ပြီး အဆင်ပြေချောမွေ့အောင်လည်း အစဥ်တစိုက် စီမံနေပါတယ်။

နွေဦးဘဏ်တွင် စာရင်းသေအပ်ငွေ ဝန်ဆောင်မှု အတွက် (၁) လ၊ (၃) လ၊ (၆) လ၊ (၁) နှစ် ဆိုပြီး ကာလအမျိုးအစား (၄) မျိုးရှိပါတယ်။

မြန်မာကျပ် ၊ အမေရိကန် ဒေါ်လာ၊ စင်္ကာပူဒေါ်လာ နှင့် ထိုင်းဘတ် ငွေများ ရွေးချယ်ပြီး နှစ်စဉ် အမြင့်ဆုံး ၁၁% အထိရှိသော အတိုးနှုန်း အစီအစဉ်များနဲ့ ကိုယ်တိုင် စိတ်ကြိုက် ရွေးချယ်အပ်နှံ နိုင်ပါတယ်။

ထို့အပြင် ထူးခြားချက်အနေနဲ့ ဒီဂျစ်တယ်ရွှေ (Gold token) ကိုလည်း စာရင်းသေ စုဆောင်းထားလို့ ရနိုင်ပါသေးတယ်။

စာရင်းသေအပ်ငွေ ဝန်ဆောင်မှုကို အသုံးပြုချင်တယ်ဆိုရင် သက်ဆိုင်ရာ ငွေကြေးအလိုက် အနိမ့်ဆုံး $100 နှင့် ညီမျှသော ငွေပမဏ မှ စပြီး အပ်နှံလို့ရနိုင်ပါတယ်။

မိမိ အပ်နှံထားသော စာရင်းသေအပ်ငွေ ကာလ ပြည့်မှီသည်နှင့် အတိုးရာခိုင်နှုန်း ပါ၀င်သော ပမာဏအား ဘဏ်စာရင်းထဲသို့ အလိုအလျောက် ထည့်ပေးသွားမှာ ဖြစ်ပါတယ်။

သို့သော် အပ်ငွေကာလ မပြည့်မှီခင် အပ်ငွေများကို ထုတ်ယူလိုပါက အတိုးနှုန်း မပါ၀င်ပဲ မိမိရဲ့ current ငွေစာရင်းထဲသို့ (၄၈) နာရီ စောင့်ဆိုင်း၍ ပြန်လည်ထုတ်ယူနိုင်ပါတယ်။

SDB User Community - https://t.me/SpringDevBankCommunity
SDB Help Center - https://help.springdevelopmentbank.com

USD လက်ဝယ် သိမ်းထားဖို့ စိတ်မချရဘူးလား။

USD ကို အလွယ်တကူ ဝယ်ယူဖို့ နေရာ မရှိဘူး ဖြစ်နေသလား။

နွေဦးဘဏ်တွင် စာရင်း ဖွင့်လှစ်ပြီး လိုသလောက် USD ဝယ်ယူ၍ လုံခြုံစိတ်ချစွာ သိမ်းဆည်းထားပြီး မိမိဆန္ဒရှိတဲ့ အချိန်မှာ လွယ်ကူစွာ ပြန်လည် ရောင်းချနိုင်ပါတယ်။

MMK မှ အခြားငွေကြေးများ နှင့် Gold token ကိုလဲ လက်ညှိုးတထောက်ဖြင့် Real-Time Exchange အတိုင်း လဲလှယ်နိုင်ပါတယ်။

နိုင်ငံခြားငွေကြေးများကို တစ်နေရာထဲမှာ စီမံခန့်ခွဲ နိုင်ဖို့ နွေဦးဘဏ် အကောင့်တခုသာ လိုပါတယ်။

ဘဏ် အကောင့်ဖွင့်ဖို့ စာရင်းပေးရန် https://beta.springdevelopmentbank.com/register

နွေဦးဘဏ် အသုံးပြုသူများ စုဝေးရာ
https://t.me/SpringDevBankCommunity

SDB Help Center မှ အကူအညီရယူရန်
https://help.springdevelopmentbank.com

တော်လှန်ရေးအသိ လုံခြုံရေးသတိ နဲ့
ခေတ်၀န်ကို ထမ်းပြီး အနာဂတ် မျိုးဆက်သစ် အတွက်
နွေဦးဘဏ်နှင့်အတူ ဘဏ္ဍာရေးတိုက်ပွဲ ဆင်နွှဲကြစို့လား

အကောင့်ဖွင့်ဖို့ စာရင်းပေးရန် (link ကို copy ပြီး browser တွင်ဖွင့်ပါ)
https://bit.ly/SDBregister

#လွတ်လပ်ဧကန်_နွေဦးဘဏ်
#ဖက်ဆစ်ဝင်ငွေဖြတ်တောက်_ပြည်သူ့ဘဏ္ဍာတည်ဆောက်

နွေဦးဘဏ်၏ ရွှေစုဆောင်းခြင်း ၀န်ဆောင်မှုတွင် လက်ရှိ မျက်မှောက်ကာလရဲ့ ကမ္ဘာ့ရွှေဈေးကွက် စံနှုန်းနဲ့ အညီ ဘဏ်စာရင်း ဖွင့်ထားသူများမှ ရွှေတိုကင် (GOLD Token) အဖြစ် ဝယ်စု နိုင်ပါတယ်။

🏅SDB ရွှေဝယ်စုသူများ ကိုယ်စား ဘဏ်၏ တာ၀န်ရှိဌာနမှ 99.99% သန့်သော ရွှေအစစ်များနှင့် ကျောထောက် နောက်ခံထားသည့် Gold Stable Coin များကို 1:1 အချိုးကျ ဝယ်ယူပြီး လုံခြုံမှု စိတ်အချရဆုံး သက်ဆိုင်ရာ နေရာဒေသမှာ သိမ်းဆည်း ထားပေးမှာပဲ ဖြစ်ပါတယ်။

🏅SDB ရွှေ၀ယ်စုသူများသည် မိမိဆန္ဒရှိတဲ့ အချိန်မှာ နွေဦးဘဏ်မှ ၀န်ဆောင်မှုပေးထားသော ငွေကြေးများနဲ့ အချိန်မရွေး စိတ်ကြိုက် ပြန်လည် လဲလှယ်နိုင်ပါတယ်။

🏅SDB ရွှေများကို နွေဦးဘဏ် အကောင့်ချင်း လွှဲပြောင်းနိုင်သလို Fixed Deposits အနေနဲ့ စာရင်းသေအပ်နှံပြီး နှစ်စဥ် အတိုးနှုန်းများ လည်း ရယူနိုင်ပါတယ်။

🏦 ဘဏ်ဝန်ဆောင်မှုများ တိုးချဲ့မည့် အနာဂတ် ကာလမှာလည်း ကြားကာလဗဟိုဘဏ် နှင့်အတူ ပူးပေါင်းပြီး ရွှေစုဆောင်းသူများ ဆန္ဒရှိပါက ပြင်ပရွှေများ အဖြစ် ပြန်လည် ထုတ်ယူ ရရှိနိုင်အောင် လုပ်ငန်းစဥ်များ စီစဥ်ရေးဆွဲလျက်ရှိ ပါတယ်။

✅ မိမိပိုင်ဆိုင်မှုများ တိုးပွားဖို့ နွေဦးဘဏ်မှာ လုံခြုံခေတ်မီစွာ ရွှေစုလိုက်ပါ။

🇹🇭 ထိုင်းဘတ်ငွေ ကို နွေဦးဘဏ်မှာ ဝယ်ယူပါ။

နွေဦးဘဏ်တွင် ဘဏ်စာရင်း ဖွင့်လှစ်ပြီး ကာလပေါက်စျေးထက် မနည်း ငွေလဲနှုန်းထားဖြင့် THB ထိုင်းဘတ်ငွေများ ကို လွယ်ကူလွတ်လပ်စွာ စီမံနိုင်တယ်။

฿ အိမ်မှာနေရင်း ထိုင်းဘတ်အကောင့် ဖွင့်ထားသကဲ့သို့ အလွယ်တကူ လဲလှယ်၊ စုဆောင်း၊ ရောင်းဝယ်၊ လွှဲပြောင်း နိုင်ပါတယ်။

฿ ထိုင်းဘတ်ငွေများကို လက်ဝယ် ကိုင်ဆောင်ထားစရာမလိုပဲ တော်လှန်ရေးကို အထောက်အပံ့ ဖြစ်စေနိုင်တယ့်အပြင် ထိုင်းနိုင်ငံမှာ ပညာရေး၊ ကျန်းမာရေး၊ ကိုယ်ရေးကိုယ်တာကိစ္စများ ကြောင့် လာရောက် လည်ပတ်ချင်သူများ အတွက် လည်း အဆင်ပြေတာပေါ့။

฿ မိမိရဲ့ SDB ဘဏ်စာရင်းရှိ ထိုင်းဘတ်ငွေများကို လုံခြုံခေတ်မီစွာ ငွေသွင်း၊ ငွေထုတ် ပြုလုပ်ချင်တယ် ဆိုရင် ထိုင်းနိုင်ငံရှိ RM များ ကို ဆက်သွယ်လိုက်ရုံပဲ။

ပြည်သူလူထုရဲ့ နိုင်ငံခြားငွေ ချွေးနှဲစာများကို အမြတ်ထုတ်ကြိုးကိုင်နိုင်ရန် အကြမ်းဖက်စစ်ကောင်စီက ၄င်းတို့ အကျိုးစီးပွားအတွက် ထိုင်းဘတ်ငွေနဲ့ အသက်ဆက်ဖို့ လက်ဝေခံ ဘဏ်များကတဆင့် နောက်ကွယ်မှာ တရားမ၀င် ငွေကြေးခဝါချမှုများ ပြုလုပ်နိုင်ဖို့ ထပ်မံကြိုးစားနေတဲ့ နည်းလမ်းများကိုလည်း အားပေး ထောက်ခံခြင်းများ မပြုလုပ်ကြဖို့ အသိပေးတိုက်တွန်းပါတယ်။