✊ ယမန်နေ့ အောက်တိုဘာ ၉ ရက် ည ၁၁ နာရီ အချိန်ခန့် မှာ ကချင်ပြည်နယ် လိုင်ဇာမြို့အနီးရှိ မုန်လိုင်ခက် ကျေးရွာ စစ်ဘေးရှောင်စခန်းများသို့ အကြမ်းဖက် စစ်ကောင်စီ တပ်များ၏ ရည်ရွယ်ချက်ရှိရှိ ပစ်မှတ်ထား အကြမ်းဖက် လေကြောင်းတိုက်ခိုက်ခဲ့မှု အပေါ် အပြင်းအထန် ရှုတ်ချပါသည်။ ယင်းပစ်ခတ်မှုကြောင့် အပြစ်မဲ့သော ကလေးသူငယ်များ၊ အမျိုးသမီးများ အပါအဝင် အရပ်သားပြည်သူအများအပြား ထိခိုက်သေဆုံးမှု အပြင် နေအိမ်ပျက်စီးဆုံးရှုံးမှု ရှိသည့်အတွက် ကချင်သွေးချင်းမောင်နှမများနှင့် ထပ်တူ များစွာ ထိခိုက်နာကျင်ကြေကွဲရပါသည်။

ပြည်သူလူထုအပေါ် လူမဆန်သည့် ရက်စက်မှုများကို စဥ်ဆက်မပြတ် လုပ်ဆောင်နေသည့် ဖက်ဆစ် စစ်တပ် ၏ အာဏာရှင်စနစ်ဆိုးကို မြန်မာပြည်မြေပေါ်မှ အမြန်ဆုံးနှင့် အလုံးစုံ အမြစ်ဖြတ် ပျက်သုဥ်းစေရန် ဦးတည်လျက် ၎င်းတို့ အကြမ်းဖက်မှုများကို ထောက်ပံ့ပေးနေသည့် စီးပွားရေး နဲ့ လက်ဝေခံ ဘဏ္ဍာရေး ထောက်တိုင်များ အား တစစပြိုလဲစေရန် အလို့ငှာ ပြည်သူလူထု တိုင်းရင်းသားအပေါင်း၏ အကျိုးစီးပွားကို ရှေးရှုပြီး နွေဦးဘဏ်မှ အစွမ်းကုန်ကြိုးစားသွားပါမည်ဟု ခိုင်မာစွာ သန္နိဋ္ဌာန်ပြုပါသည်။

တန်ဖိုးမဖြတ်နိုင်သော အသက်အိုးအိမ် ဆုံးရှုံးသွားရသည့် အပြစ်မဲ့ပြည်သူများ၏ ကျန်ရစ်သူမိသားစုဝင်များ နှင့် ထိခိုက် ဒဏ်ရာရသူများအတွက် အရေးတကြီး လိုအပ်သော အရေးပေါ် ကာကွယ်စောင့်ရှောက်မှုများ၊ ပြန်လည်ကုစားနိုင်ရေးအတွက် သက်ဆိုင်ရာ အကူအညီပေးရေးအဖွဲ့အစည်းများနှင့် ချိတ်ဆက်ပြီး လူသားချင်းစာနာမှုဆိုင်ရာ ပံ့ပိုးမှုများ အလေးပေး ဆောင်ရွက်သွားမည်ဖြစ်ကြောင်းလည်း ကတိပြုပါသည်။ ✊

ပြည်သူလူထုထံ အသိပေးကြေညာချက်📢

လုံခြုံလွတ်လပ်ခြင်းကို ယုံကြည်မြတ်နိုးကြသည့် ပြည်သူလူထု၏ ကြုံတွေ့နေရသော ဘဏ္ဍာရေးဆိုင်ရာ အခက်အခဲများ ဖြေရှင်းနိုင်ရန် ၊ နိုင်ငံနှင့် လူမှု အကျိုးစီးပွားကို ကာကွယ် တည်ဆောက်နိုင်ရန် ပဓာနထား၍ ၂၀၂၃ ခုနှစ် ဇူလိုင်လ ၂၂ ရက်နေ့မှ စပြီး နွေဦးဘဏ် ရဲ့ UAT Soft Launch (Private Beta) စမ်းသပ်ကာလ ကို စမ်းသပ်အသုံးပြုသူ အကန့်သတ်ဖြင့် စတင်လည်ပတ်ခဲ့သည်မှာ ယနေ့တွင် ရက်ပေါင်း ၈၀ ခန့် ကြာမြင့်ခဲ့ပါပြီ။

အဆိုပါ စမ်းသပ်ကာလ အတွင်း အသုံးပြုသူများနှင့် RMs များ၏ အကြံပေး ကူညီဝန်းရံမှုများကြောင့် ပြင်ဆင်မွမ်းမံမှုများနှင့် အဆင့်မြှင့်တင်မှုများကို စဥ်ဆက်မပြတ် ဆောင်ရွက်နိုင်ခဲ့ပါသည်။

ထိုမှ တဆင့် တက်ပြီး လူတိုင်း သုံးနိုင်သည့် အခြေအနေ Full Launch အား စတင်တော့မှာဖြစ်ပြီး လက်ရှိ အသုံးပြုနေသော မြန်မာကျပ်၊ ထိုင်းဘတ်၊ အမေရိကန်ဒေါ်လာ၊ စက်ာပူဒေါ်လာ အပြင် အခြားသော နိုင်ငံတကာ ငွေကြေးစနစ် အသစ်များနှင့် ဘဏ်ဝန်ဆောင်မှု အသစ်များကိုလည်း တိုးချဲ့မိတ်ဆက် သွားမည် ဖြစ်ပါကြောင်း သတင်းကောင်းပါးအပ်ပါသည်။

ထို့ကြောင့် Beta ကာလ အား အောင်မြင်စွာ ပြီးဆုံးသွားပြီဖြစ်ပြီး အသုံးပြုသူအသစ်များအနေနှင့် စောင့်ဆိုင်းစရာမလိုတော့ပဲ အကန့်အသတ်မရှိ ဘဏ်စာရင်းဖွင့်ကာ ဝန်ဆောင်မှုများကို အသုံးပြုနိုင်ပြီ ဖြစ်ကြောင်း အသိပေး ကြေညာအပ်ပါသည်။

ယနေ့ လိုင်ဇာ၊ မုန်လိုင်ခက် သတင်းကဲ့သို့ ကြေကွဲရင်နင့်စရာ အဖြစ်ဆိုးမျိုးတွေကို ထပ်မဖြစ်ပေါ်လာအောင် ခိုင်မာတဲ့ သန္နိဋ္ဌာန် ခွန်အားတွေအဖြစ် ပြောင်းလဲပြီး လက်တွေ့ကျတဲ့ ဘဏ္ဍာရံပုံငွေ စုစည်းညီညွတ်မှုတွေ နှင့် တန်ပြန်ချီတက်ပြီး ဘုံရန်သူကို အမြစ် ဖြ-တ် ကြဖို့ ထပ်လောင်း တိုက်တွန်းအပ်ပါသည်။

✊နွေဦးဘဏ် အကောင့်ဖွင့်ရန်
https://bit.ly/SDBregister

✊RMs များမှ တဆင့် ငွေသွင်းငွေထုတ်ရန် -
https://bit.ly/SDB-RM

✊နွေဦးဘဏ် အသုံးပြုသူများ စုဝေးရာ
https://t.me/SpringDevBankCommunity

✊SDB Help Center မှ အကူအညီရယူရန်
https://help.springdevelopmentbank.com