SDBVerse Comics (Part 3)
Special Episode – Galaxy Bonus 💫

နှစ်ပတ်တကြိမ် ပေါ့ပေါ့ပါးပါးနဲ့ သောကြာနေ့ညတိုင်းမှာ အပန်းပြေ ဖတ်ရှုနိုင်မယ့် SDBVerse Comic ကဏ္ဍသစ်လေး ပြန်လည်ရောက်ရှိလာပါပြီ။ ✨

Galaxy Bonus Mission အသစ် စတင်မှုနဲ့အတူ SDB ရဲ့ လုပ်ဖော်ကိုင်ဖက်များအတွက် မမျှော်လင့်ထားတဲ့ Tarot Session တခုက ဘယ်လို အံ့အားသင့်စရာ ကံကြမ္မာတွေကို ဖော်ထုတ်ပေးမလဲဆိုတာ ဒီတပတ် SDBVerse Comic မှာ အတူတူ ဖတ်ကြည့်လိုက်ကြရအောင်နော်။ 🔮

#SDBVerse #SDBComics #GalaxyBonus #SpringDevelopmentBank #RealBankRealFreedom #ChooseSDB

၂၀၂၆ ခုနှစ် ဇူလိုင်လ ၂၂ ရက်နေ့ သည် Spring Development Bank (SDB) တည်ထောင်ခဲ့သည်မှာ (၃) နှစ်ပြည့် မြောက်သော နေ့ထူးနေ့မြတ် ဖြစ်ပါသည်။

ဤသည်မှာ တည်ဆောက်ခဲ့သော သုံးနှစ် ၊ သက်လုံဖြင့် ရပ်တည်ခဲ့သော သုံးနှစ် နှင့် ကျွန်တော်တို့၏ တော်လှန်ရေး၏ စီးပွားရေးမျက်နှာစာတွင် မလျော့သောစိတ်ဓာတ်ဖြင့် ဆက်လက်တိုက်ပွဲဝင်ခဲ့သော သုံးနှစ်ဖြစ်ပြီး၊ အောက်ပါ ရှင်းလင်းသော ရည်မှန်းချက် (၃) ရပ်ကို အခြေခံ၍ လျှောက်လှမ်းခဲ့ခြင်း ဖြစ်ပါသည်။

▪️အာဏာရှင်၏ ဘဏ္ဍာရေးစနစ်ကို ဟန့်တားပိတ်ဆို့ရန်။

▪️တော်လှန်ရေးကို ငွေကြေးအရ ထောက်ပံ့ကူညီရန်။

▪️အနာဂတ် နိုင်ငံသစ်၏ ဘဏ္ဍာရေးအခြေခံအုတ်မြစ်ကို တည်ဆောက်ရန်။

ယနေ့ သုံးနှစ်ပြည့် အထိမ်းအမှတ်နေ့တွင် ကျွန်တော်အနေဖြင့် အထူး ပြောကြားလိုသည့် စကားတခွန်းမှာ—

"ကျေးဇူးအထူးတင်ရှိပါသည်။"

SDB ကို နက်ရှိုင်း ယုံကြည်စွာ ဝန်းရံအားပေးခဲ့ကြသော တော်လှန်ရေး အသိုက်အဝန်း အားလုံးကို အထူးကျေးဇူးတင်ရှိပါသည်။

ကျွန်တော်တို့၏ အသုံးပြုသူများ၊ Token ကိုင်ဆောင်သူများ၊ Relationship Managers များ၊ မိတ်ဖက်အဖွဲ့အစည်းများ၊ ထောက်ခံအားပေးသူများနှင့် လုပ်ဖော်ကိုင်ဖက်များ ၊ လူကြီးမင်းတို့၏ ယုံကြည်မှုနှင့် မလျော့သော အားပေးထောက်ခံမှုတို့သည် စိန်ခေါ်မှုတိုင်းကို ကျော်လွှားနိုင်ရန် ကျွန်တော်တို့အား အမြဲတမ်း အင်အား ဖြစ်စေခဲ့ပါသည်။ ၎င်းတို့မရှိဘဲ SDB သည် ယခုအဆင့်သို့ ရောက်ရှိလာနိုင်မည် မဟုတ်ပါ။

လွန်ခဲ့သော သုံးနှစ်အတွင်း ၎င်းယုံကြည်မှုကြောင့် SDB မှတဆင့် စုစုပေါင်း အမေရိကန်ဒေါ်လာ ၂.၄၅ ဘီလီယံ (မြန်မာကျပ် ၁၁,၀၂၅ ဘီလီယံနှင့် ညီမျှသော) ငွေလွှဲပြောင်းမှု ပမာဏအဖြစ် သက်သေထူလာနိုင်ခဲ့ပါသည်။ ၎င်းသည် ကျွန်တော်တို့ ဝန်ဆောင်မှုပေးနေသော အသိုက်အဝန်း၏ အင်အား၊ ယုံကြည်မှုနှင့် ကြီးမားသော ပံ့ပိုးမှုကို ထင်ဟပ်ပြသနေသည့် မှတ်တိုင်တခုလည်း ဖြစ်ပါသည်။

ယခု ကျွန်တော်တို့၏ စတုတ္ထနှစ်သို့ ဝင်ရောက်လာသည်နှင့်အမျှ လာမည့် (၁၂) လတာ ကာလသည် "အကောင်အထည်ဖော်ခြင်း (Execution) နှင့် တိုးတက်ချဲ့ထွင်ခြင်း (Growth)" ကို အဓိက ဦးတည်သည့် နှစ်တနှစ် ဖြစ်ပါလိမ့်မည်။

ကျွန်တော်တို့သည် အသုံးပြုသူများအတွက် အရေးကြီးဆုံး လုပ်ငန်းစဉ်များကို ပိုမိုကောင်းမွန်စေရန် ဆက်လက် ရင်းနှီးမြှုပ်နှံ သွားမည်ဖြစ်ပြီး ပိုမိုကောင်းမွန်သော ထုတ်ကုန် ဝန်ဆောင်မှုများ ၊ ပိုမိုလွယ်ကူ မြန်ဆန်သော ငွေလွှဲပြောင်းမှုများ ၊ ကမ္ဘာတဝန်း ချိတ်ဆက်အသုံးပြုနိုင်သော ဝန်ဆောင်မှုများ ၊​ အသုံးဝင်မှု ပိုမိုကျယ်ပြန့်သော ဘဏ္ဍာရေး ဂေဟကွင်းဆက် ၊ ပိုမို ခိုင်မာ၍ လုံခြုံ စိတ်ချရသော စနစ်များ ၊ ပိုမို ယုံကြည် စိတ်ချရသော လုပ်ငန်းလည်ပတ်မှု ၊ ယုံကြည်စွာ အသုံးပြုနေသူများအတွက် အကောင်းဆုံး ဝန်ဆောင်မှုအတွေ့အကြုံ တို့ကို ယူဆောင်ပေးသွားမည် ဖြစ်ပါသည်။

တချိန်တည်းမှာပင် ကျွန်တော်တို့သည် ရဲရင့်သော မဟာဗျူဟာမြောက် တိုးတက်မှုကို ဆက်လက် အကောင်အထည်ဖော်သွားမည်ဖြစ်ပြီး၊ ပြည်တွင်း၊ ပြည်ပ မိတ်ဖက်ပူးပေါင်းဆောင်ရွက်မှုများကို အရှိန်မြှင့်တင်ကာ Ecosystem ကို ချဲ့ထွင်၍ ရေရှည် တည်တံ့နိုင်သော၊ တိုးချဲ့နိုင်သော၊ ပိုမိုခိုင်မာသော ဘဏ္ဍာရေးအဖွဲ့အစည်းတခုအဖြစ် တည်ဆောက်သွားမည် ဖြစ်ပါသည်။ SDB ၏ မဟာဗျူဟာကို ပိုမို ရင့်သန်စေရုံသာမက Token ကိုင်ဆောင်သူများအတွက်လည်း ရေရှည် တိုးပွားသော တန်ဖိုးများကို ဖန်တီးပေးနိုင်မည် ဖြစ်ပါသည်။

ယနေ့အထိ အတူတကွ လျှောက်လှမ်းခဲ့သော ခရီးစဉ်အတွက် ကျွန်တော်အနေဖြင့် အထူးပင် ဂုဏ်ယူမိပါသည်။ သို့သော် သုံးနှစ်ဆိုသည်မှာ အစပျိုးခြင်းသာ ဖြစ်ပါသည်။

ကျွန်တော်တို့၏ ရည်မှန်းချက် မပြောင်းလဲပါ။ တော်လှန်ရေးအသိုက်အဝန်းအပေါ် ကျွန်တော်တို့၏ ကတိကဝတ်သည် မပြတ်မတောက် တည်ရှိနေပါသည်။ ကျွန်တော်တို့၏ အဖွဲ့အစည်းအနေဖြင့် ပိုမို ခိုင်မာလာသလို မျှော်မှန်းချက်များသည်လည်း ယခင်ထက် ပိုမိုကြီးမားလာပါသည်။

အတူတကွ ဆက်လက်ချီတက်ကြမည်။

တော်လှန်ရေးအတွက်။

ဘဏ္ဍာရေးနှင့် စီးပွားရေးလွတ်လပ်ခွင့်အတွက်။

ကျွန်တော်တို့ အတူတကွ တည်ဆောက်နေသော နိုင်ငံသစ်အတွက်။


ကယ်လ်ဗင်
အမှုဆောင်အရာရှိချုပ် (CEO)
နွေဦးဖွံ့ဖြိုးရေးဘဏ် (SDB)

လွတ်လပ်ဧကန် နွေဦးဘဏ်

၂၀၂၆ ခုနှစ် ဇူလိုင်လ ၂၂ ရက်