يا ربّ
ارزقنا الجنَّة وأُنس الجنَّة
تكفينا غربة الدُّنيا وعذابها.!

يا ربّ يا واسِـع
بفضلكَ وإحسانكَ لا بأعمالنا
لا بأعمالنا يا ربّ!

‏ركعات الليل اللي بتصليها مهما كانوا قليلين حتي لو ركعة الوتر بس لازم هتشوف أثرهم في حياتك بإذن الله إلي أن تموت ..هتكتشف أن النور والتيسير والرضا والتوفيق والصلاح اللي في بسبب قيام الليل..ودايما بفتكر جملة الشيخ أحمد " اللي ملوش ليل ملوش نهار " ..

‏أمورك المعقدة هتتحل بقيام الليل.. بتبقي واقف في أوضتك لوحد محدش مطلع عليك غير ربك.. أعمال السر دي هي اللي هتصلح كل شئ في حياتنا وهتعرفنا مقدار حجم الدنيا الحقيقي اللي لا يساوي جناح بعوضة..

‏يقول سيدنا الحسن البصري لما سُئل ما بال المتهجدين باللّيل من أحسن النّاس وجوهاً؟
‏ قال: لأنّهم خلوا بالرحمن فألبسهم من نوره.

‏وقال سعيد بن المسيب رحمه الله إنّ الرجل ليصلي باللّيل، فيجعل الله في وجهه نوراً يحبه عليه كل مسلم، فيراه من لم يره قط، فيقول: إنّي لأحب هذا الرجل..

‏الله يعفو عنا ويلبسنا من نوره.

طريق العربيات - خصوصًا المسافات الطويلة - هتشهد لناس مننا يوم القيامة بإن فلان قرأ عليه قرءان وفلان خلص وِرد ذكر كبير وفلان قرأ كتاب مفيد في دينه وفلان سَمع محاضرة علمته شيء جديد في دينه.

كل شيء هيشهد للمؤمن يوم القيامة بالعمل الصالح الـ عمله، والعكس بالعكس")

- أسماء المنشاوي