لا تنسوا..

"غفر الله لك يا أبا بكر، ألستَ تمرض؟ ألست تَنصَب؟ ألست تحزن؟ ألستَ تصيبك اللأواء؟

قال: بلى

قال ﷺ: فهو ما تُجزَوْنَ به"

سورة الكهف بصفحة واحدة.🤍
b5b5.com/1/

نقُومُ الليل حتى أحوز الشرف الحقيقي

عن سهل بن سعد - رضي الله عنه - أن النبي - صلى الله عليه وسلم - قال:

"أتاني جبريل فقال: يا محمد! عش ما شئت فإنك ميت، وأحبب مَن شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزَّه استغناؤه عن الناس" (صحيح الجامع: 73، الصحيحة: 831).

دا أنتَ عبد يبني..
مين قالك تِوزن !!

"استغفارك من ذنبك مئة مرةٍ في دقائقَ -نادمًا عليه، عازمًا ألَّا تعود- خيرٌ لك من ساعاتٍ تشكو فيهن قسوة قلبك إلى من لا ينفعك إلا كلامًا، ولقد شكا جماعةٌ من الناس إلى المسيح ابن مريم -عليه صلاة الله- ذنوبَهم يبكون منها؛ فقال لهم: "اتركوها؛ تُغفَر لكم"؛ ذلك فقهُ أنبياء الله كيف يُختصَر الطريق.

ش/ حمزة أبو زهرة

أستغفرك حين أنرت لي الطريق فتقاعست عن المسير، وأستغفرك حين دعوتني إليك فانشغلت بالوهم عنك، وأستغفرك حين وهبتني الزاد لأرحل إليك فاستخدمته للهروب عنك."

أبوء لك بنعمتك علي وأبوء بذنبي فاغفر لي فإنه لا يغفر الذنوب إلا أنت!

"مُتعبون..
نجرُّ العزمَ في دَمِنا
يا ربِّ، إنَّا لما أنزَلتَهُ فُقَرَا".

كلمتين بخصوص الصحبة المحيطة لك:
✓ معيارك الرئيسي: صحبة صالحة تُذكرك بالآخرة، بالجنة والنار والحلال والحرام..

خد بالك: أنا هنا بقولك (تُذكرك) بالآخرة، يعني أنت مش معتمد عليهم أنهم يعينوك/يشدوك للطاعة، لأن دي مسؤوليتك الفردية لوحدك ومش عذر لك أنك تتأخر لمجرد أن مفيش حد عامل Team معاك، ببساطة: اشتغل لوحدك لأنك هتموت لوحدك وتدفن لوحدك وتُبعث وحدك وتُحاسب لوحدك..

المهم، لازم يكون اللي حواليك في قاموسهم (حلال وحرام: عن علم وليس عن عاطفة)..
ولو محيط صحبتك مفيش فيه النوع دا، يبقى دول ينزلوا من درجة الصحبة لدرجة المعارف السطحية، ونوسع مكانهم دا علشان نوفر مساحة فكرية ونفسية لصبحة صالحة يكون فيها الشروط اللي فوق..

© صحبة بتتأفف من ذكر الله: لا، خد مسافتك منهم..

© صحبة بتجادل كتير في الحلال والحرام: لا، خد مسافتك منهم..

© صحبة بتتكبر على أمر الله أو بتسفه وتسخر: ابعد عنهم تماماً..


أنت يكفيك شخص واحد بس يقولك من حين لآخر: عامل ايه؟ قلبك أخباره ايه؟ أورادك عاملة ايه؟ وبس..
يكفيك شخص واحد بس..

لكن بقية العمل والسعي والمجاهدة عليك أنت..

والصحبة الصالحة النقية: رزق واسع ووفير من عند الله، فسل ربك وأنزل حاجتك به، لكن لا تعطي مساحة لمن حولك أن تجعلهم صحبة لك وهم ليسوا على شاكلتك في تعظيم شعائر الله.. لأنك في النهاية يا تؤثر عليهم فيهتدوا يا تتأثر بهم فتنتكس والدنيا تملىء قلبك..

انتبه، لا تهمل نفسك فتندم!

نكاد نكون في بداية الليلة الثامنة عشر.

في كثير من الأحيان بحب أعمل طفرة كبيرة في أي شيء في حياتي محاولةً مني التخلص من الفتور والكسل.

زي لو مش عارفة أجيب الورد بكسر الحاجز وأمسك المصحف وأقرأ ورد كبير أكبر من العادي ويبقى مُضاعف

ليه؟
لما ببص شوية للإنجاز اللي عملته بتشجع أكتر ويجلي حماس للعبادة.

لو عايزة ألعب رياضة وكنت مقررة هي ١٠ دقايق باخد خطوة كبيرة ألعب حوالي ساعة وأنزل أمشي شوية

نفس الفكرة تاني يوم بتشجع أكتر إني طلاما قدرت امبارح بفضل الله يبقى إيه يمنعني النهاردة؟

فبما إننا في بداية الليلة لسه.

ليه منضاعفش العمل؟

نجيب ورد ثلاثة أضعاف الورد بتاعنا؟
بدل الجزء يبقى ٣

الناس اللي عندها همة ليه منجربش نختم ختمة في يوم

مثلًا ١٠٠٠٠ تسبيحة مثلًا

نصلي تراويح ٢١ ركعة
وقيام ليل ١٠

ونجرب نترك الفون الفترة دي كلها ونستمتع بالعبادة ونستلذ بالقرب من الله سبحانه

ونشتغل على قلبنا الكم يوم دول؟

شدوا الهمة واجعلوا نيتكم لله وحده بس واستعينوا بالله وربنا هييسر لكم^

_آية

تعلمُ حاجتي فامنُنّ عليّ بها
إن لم أكُن أهلًا فإنّك أكرمُ..

ادعُوا:)
t.me/Spring255

تراهُ مُتناقض؛ وهو يُجاهِد!

لا تنسوني من دعواتكم في القيام وقبل الإفطار، الحبّ دعاء.. علّ منكم من لو أقسم على الله لأبرّه!

لو هحتاج دعوات معينة..

فـ ادعولي ربنا يقرّ عيني بما اتمنى، ويباركلي في الوقت والجُهد، ويرزقني الفردوس الأعلىٰ، ويغفر لي ذنوبي ويرضى عنّي، ويحفظ القرءان في صدري ويرزقني إجازاتٍ عديدة، ويجعل كل أعمالي خالصةً لوجهه.

وزيدوا 🤍^

الـدخول على ورد القرءان اليـومي بنفسيـة المطمئن  لإستمرارية هذا الفعل وكأنه شيء عادي، من أسباب الفتور وأحيانًا التـرك ..

قبل ما تبدأوا في وردكم اليومي خدوا دقيقتين من وقتكم تفكروا في هذا الفعل وقد إيه هو نعمة تستحق الشكر، ربنا مش محتاج مننا نقرأ وهو سبحانه غني عنا، ولكن إحنا اللي محتاجين هذا، بلاش نظرة المنّ دي اللي هو أنا بعمل وبعمل وبقيم وبصوم وبتصدق لله، فأنا كدا المفروض ربنا يكرمني في الدنيا ويعوضني عن التضحيات دي وإني تركت الحرام لأجله ..

﴿يَمُنّونَ عَلَيكَ أَن أَسلَموا قُل لا تَمُنّوا عَلَيَّ إِسلامَكُم بَلِ اللَّهُ يَمُنُّ عَلَيكُم أَن هَداكُم لِلإيمانِ إِن كُنتُم صادِقينَ﴾

لذلك ننظر لوردنـا..

- هو أنا إيه اللي عملته في حياتي علشان ربنا يمنّ عليا بلمس كتابه يوميا..

- يااه قد إيه انا محظوظ إن ربنا أذن لي بتلاوة كلامه علشان يطهر قلبي، ويزيد في درجتي إذ كل حرف بعشر حسنات أ..حرف ، ل..حرف، م..حرف، شوف أنا بقرأ كام حرف في الورد.

- هو انا عملت إيه علشان ربنا يصطفيني من بين كل عباده الغافلين وييسر لي ذكره وتلاوة كلامه في هذه الساعة.

- الحمدلله إن ربنا ميسر لي يوميًا قراءة كلامه ، معقول هيجي اليوم والكلام دا يُرفع والناس كلها تندم على التفريط فيه، قد إيه فضل ربنا عظيم عليا إن مش هبقى مع النادمين الغافلين اللي كانوا هاجرين كتابه ومابيفتحوش غير في رمضان.

-الشيمـاء إسحـٰـاق

صبّحكم الله بالخير،

أول قرار تفعله الآن تحذف الملهيات والمشتات من موبايلك
الفيس الواتساب
كل حد فينا له تطبيق بيحبه يحذفه مؤقتًا لحد العيد.

مفيش حاجة هتفوتكم.
مفيش حاجة هتضيع عليكم، كل حاجة هتفضل موجودة متقلقوش..

الأهم البعد التام عن الملهيات.

وبعدين اقعدوا اكتبوا خطتكم للباقي من رمضان
وهاتوا آخركم دا سباق الرابح فيه يدل الجنة
ألا يستحق منك الجهد؟

اعقدوا النية، وجددوا العزم، وتوبوا لله جلّ وعلا.

وأقول لكم؟

اجعلوا لكم سريرة في الأيام الأخيرة
شيء بينك وبين الله علّك تنجو به.

عايزين نوصل العيد بإذن الله
واحنا هادين مطمئنين بقضاء الله
وراضين إننا جبنا آخرنا في آخر الوقت "(

الله يعينكم بلطفه لا خيّب الله مسعاكم أبدًا.

شيء صغنون بس.

حتى لو فتحتم الفيس من متصفح فهو والله ما هياخد نفس الوقت لما يكون الأبلكيشن على الفون

بيبقى ممل فبنخرج بسرعة ..

وكذلك باقي التطبيقات اقفلوها بوقت واتحكموا في نفسكم شوية وابعدوا عن ذنوبكم.

الله يقدر لكم الخير.

إنّا لكَ يا ربّنا، وإنّا إليكَ راجعون "
لله در الموت، ولله در الميّت الحيّ، ولله در الأحياء بعد الأموات..
كلّنا نكره الموت ؛ لكنّه بُشرى ورحمة ورائحة جنة يجدها من يحبّه الودود، { إِنَّ الَّذينَ آمَنوا وَعَمِلُوا الصّالِحاتِ سَيَجعَلُ لَهُمُ الرَّحمنُ وُدًّا } ..

أذكار الصباح:)

جميل ومُهم!(:

.
Pdf جدول أعمال ليلة القدر 🌸❤️

ربنا بلغنا ليلة القدر، وارزقنا خيرها وبركتها،

اللهم لا تحرمنا خير ما عندك بسوء ما عندنا 😢