‏إنّ للهِ في كُلِّ شِدّةٍ رحمة."))

الذُل والهوان والإنهزام والهشاشة والقلق كلّها في العيش مع المعاصي، واتخاذ الشيطان وليًّا من دون الله، فكل من رَكن إلى المعاصي والبدع قد اتخذَ الشيطان وليًّا من دونِ الله.

وفي المقابل:
القوة والإعتزاز والرضا وحُسن سياسة النّفس والإتساق معها وفهمها يكون في العيش مع الله.

‏صلاة الوتر
‏جعلها الله في آخر الليل وكأنها رحمّة من الله لِـ تمحوا ذنوب يومك لِـ تنام مُطمّن مُرتاح قوي بِـ الله.

-قيام الليل.

إن لَم تَكُن مِنَ الصالِحين ، فَلا تُفارِق مَجالِسَهم ، لَعلك تهتدِي.')

أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ اللّـهُ الَّذِينَ جَاهَدُواْ مِنكُمْ وَيَعْلَمَ الصَّابِرِينَ "))

"وَرَبّ رَاضٍ غَير غَضْبَان"

هذه أسمى أمَانيكَ كمُسلم،
ماذا يفيدك لو حُزت الدّنيا ومَا فيها وربّ العرش عليك غضبان!

اللهُمّ إن لم يكن بكَ غضبٌ عليّ فلَا أُبالِي.

نصف شهر رجب مضى
حد خد باله الشهر بيعدي بسرعة إزاي!

ودا إن دل على شيء فإنما يدل على أد أي العمر بيجري وإحنا ف غفلة حقيقي - إلا من رحم ربي -

أوصيكم ونفسي
إنه الدنيا مش مستاهله نضيع أيام عظيمة زي دي واحنا بنجري وراها

الدنيا فانية وف الآخرة إنما هي أعمالكم

والله تقصيرنا دا هنندم عليه ف الآخرة
لسه قدامنا وقت نصلح ونبدأ من جديد

متخليش الشيطان يضحك عليك
الصادق ربنا بيعينه وبيفتح عليه
بس ابدأ

#وأعدوا_ما_استطعتم
- رفيق

مهم..

العودة إلى القرآن ومجالسة أنواره .. أشبه بالعودة من صحراء قاسية تناثرت فيها الوحشة .. وبسط عليها الظلام عباءته !

حتى إذا تفضل الرحمن سبحانه وبحمده فأجلس عبده بين يدي كلامه العظيم .. أنار قلبه فاطمأن وسكن .. وسكتت عنه الحيرة وزال القلق.

والخلاصة: يوم بلا قرآن موحش .. وقلب بغير القرآن صريع إبليس !

- الشيخ وجدان العلي.

أول طريق لحفظ القرآن هو

أن تقول يارب

لازم اي حاجه تقف قدامك أول حاجه [ يارب ] هو دا الإيمان

- اجعل دائمًا سلاحك الأول الدعاء

||•د.عبدالرحمن الصاوي.

أُوصيكَ بالقُرآنِ ..
اجعَله وظِيفَة عُمركَ ورفِيقَ دربكَ حتّى تَلقىٰ بِه ربّكَ.

السلام عليكم ورحمة الله وبركاته.

حيّاكم الله.

الفرص لن تنتظرك.

الجملة دي لأي حد متردد في خطوة مهمة في حياتك.

أنا فاهمة إن ما كتب لك لن يفوتك بس فين السعي؟
فين المحاولة فين المجاهدة؟

الإنسان اللي بيتردد ياخد ريسك في حاجة صعبة زي حد مثلًا واقف في وسط الناس وخايف يخرج ل النار تلحقه، مع إن وقوفه لوحده نفس الخطر ويمكن أكتر

ف أي فرصة قدامنا لحاجة بنتمناها وبنحلم بيها ليه منحاولش؟

ليه ما نبدأش الخطوة النهاردة🤷

النتيجة هتكون عكسية؟
فين المشكلة؟

أحسن من إننا نفضل ندمانين على إننا مبدأناش.

في النهاية ممكن دا يكون تحدي لأي حد متردد الفترة الجاية، الفرصة اللي مهمة ومحتاجين لها مش أي حاجة وخلاص
نستخير وناخد خطوة

والأهم الإستخارة ومينفعش نقف هنا الدنيا هتخلص والعمر بينتهي واحنا لسه بنفكر نحاول ولا لا؟

يوم لطيف يا كرام.

متنسوش ورد القرءان والأذكار.

إذا رأيت قلبك يُقبل على العمل الدعوي الذي يُعلن فيه اسمك، ويتثاقل عن العمل الذي تكون فيه في الظلّ، ففتّش عن وثن صغير بداخلك تعبده وأنت لا تعلم .

_الشيخ إبراهيم السكران.

بسم اللّٰه ، البوست طويل لكن كملوه للآخر ، مُهم جدا وهيفيدكم باذن اللّٰه.

الحاجات اللي لازم تكون ثابتة في أيامكم :

- صلاة الفجر
- صلاة الظهر
- صلاة العصر
- صلاة المغرب
- صلاة العشاء

- أذكار الصباح ، المساء ، النوم
- الورد اليومي
- الصدقة
- بر الوالدين
- شحن قلوبكم بدرس ديني
- المذاكرة وتخلوا نيتكم لله
- المجاهدة
- المواظبة على سورة الملك والبقرة يوميًا
- تجنبوا ذنوب السر والخلوات
- ركعتين توبة يوميًا قبل النوم
- كثرة الاستغفار والصلاة على النبي
- ادعوا للي اغتبتوهم وتجنبوا الغيبة والنميمة والكذب ( اللهم اغفر لي ولمن اغتبته وتجاوز عني وعنه )

الحاجات الفرعية اللي جاهدوا أنفسكم وحولوها لأساسية :

- قيام الليل
- صلاة الضحي
- السنن المؤكدة عمومًا
- العمل التطوعي
- حفظ القرآن
- اسمعوا أو اقرؤوا تفسير القرآن
- التفقه في الدين وتعلم أحكامه
- صيام اثنين وخميس من كل أسبوع
- صيام ١٣ - ١٤ - ١٥ من كل شهر

حطوا خطة تنفذوا فيها هذا الكلام وجاهدوا أنفسكم عشان تنفذوها ربنا هيعينكم أكيد لأن من سعى لله هرول الله إليه "!

الحاجات الفرعية تستحق المجاهدة وخذوها واحدة واحدة لحد ما تثبتوا عليها وتحولوها لأساسية إنما الحاجات الأساسية لازم ويجب لكونكم مسلمين أن تفعلوها.

ولعل الفتن كثرت في عصرك لتنال شرف الثبات .!

اتقِ النار ولو بشق تمرة ، الجنة أقسم بربي مش ببلاش أنت قدامك 8 أبواب للجنة جهز عبادتك بقى واستعد.

-خدوها خطوة للاستعداد لرمضان.

نُقل

عايز تخشع في الصلاة ومش عارف ازاى .. حد الخطوات دى منى وعن تجارب كتير ..

1) اقفل عليك أوضة ضلمة كل شهر لو يوم واحد .. اقعد و اتكلم معاه .. افتكر نعمه و أفضاله عليك و افتكر قصادها ذنوبك .. ساعتها ضميرك هيصحى و عينيك هتدمع .. و بداية التغيير .. « دمعة » ذُرِفَت لله .. واعتبر اليوم دا شحن الشهر كله ..

3) اختار آية قرآنية كل يوم و عيش معاها .. افتح تفاسير و افهمها .. ابحث عن معانيها و تدبر فيها .. صلِّ بيها قيام ( آه آية واحدة عادي ) و كررها كتير و اخشع و حاول تبكي بيها .. مع الوقت هتلاقي نفسك بتعيش بالقرآن تلقائيًّا ..

4) اتعامل مع ربنا كأنك فاتح واتس / مكالمة معاه طول اليوم .. يعني Stay Connected .. يعني اتكلم معاه بدماغك من جوة .. يا ابني ما هو بيسمع كل دا و يعلم ما في نفسك أصلا .. هديلك أمثلة عشان دي مهمة ..

5) يا رب فلان صاحبي مزعلني و أنا نفسي نتصالح .. البنت اللي هناك دي لابسة ضيق بس أنا هغض بصري عشانك .. فرَّحتك ؟ .. واحدة كمان أهي بس غضيت بصري عنها بفضل مساعدتك ليا .. أنا نفسي أرضيك ..

6) الجو زحمة قوي النهاردة يا رب .. ممكن تبعتلي مواصلة أقعد أرتاح فيها ؟ .. عبدك لايص قوي و محتاس من غيرك .. آه صحيح عايز أتأسفلك أني اتأخرت على تكبيرة الإحرام امبارح .. غفرانك ربي تُبتُ إليك و مش هكررها تاني إن شاء الله ..

7) عارف يا رب ؟ .. إيه دا معلش أنا غبي سامحني مهو أكيد أنت تعلم كل شيء .. أنا نفسي أقابل حد غلبان وأتصدق عليه بس مش لاقـ .. إيه دا ؟ :O .. أنت باعتلي واحد مخصوص ؟ .. دا أنا لسة ما كملتش كلامي .. سبحانك للدرجة دي أنا ليا قيمة عندك ؟ .. شكرا بجد ^_^ ..

8ْ) ممكن تبعتلي رسالة تعرفني أني ماشي صح ؟ .. يا رب ماما تكون طابخة فراخ النهاردة عشان أنا بحبها 😂 .. أنت عالم أني عبد طفس شوية 😁 .. يوووه هي فين القصافة ؟ .. ممكن تساعدني ألاقيها ؟ .. مهو أنا ماليش رب غيرك و كل حاجة صغيرة و كبيرة لازم أطلبها منك ..

9) اتعامل مع ربنا بقا كأنك عيل صغير كدا و كل شوية تبعت له رسايل عن يومك حتى لو حاجات بسيطة و صغيرة .. هو بيحب كدا و بيفرح .. السلف الصالح كانوا بيطلبوا من ربنا الملح و هما ساجدين في الصلاة .. فا اتعلم منهم ..

10) عبَّر عن حبك للمَلِك ..خُد نفَس عميق و قول له : أنا بحبك قوي يا رب .. و أنت ساجد أو ماشي .. فِـ أي وقت .. قولها كتير و استشعر أنه ممكن يكون في نفس الوقت بيرد عليك و بيقول لك : « و أنا أحبك يا عبدي » .. آه هنا لازم دموعك تنزل 😢 ..

11) كل يوم هات حديث أو موقف من مواقف النبي و اقراه و عيش معاه .. حاول تطلع القيم و المبادئ الصح منه و حاول تطبقها في يومك .. هيفرق معاك جامد و هيخليك تحب النبي أكتر و تشتاق له بجد ..

12) حُط الهيدفون في ودنك و انزل اتمشى في شارع مستقيم و تخيل أن النبي هناك في أول الشارع بيقود الناس و الأنبياء و الصحابة وراهم و شغَّل « يا نبي سلام عليك » بتاعة ماهر زين بدون موسيقا و اندمج .. الكلام دا هيزود حبك للنبي .. أو سورة الأحزاب أو الفتح ..


16) استخدم أسماء الرحمن فِـ حياتك .. زي .. إن شاء القدوس .. بإذن الغفور .. سبحان الجبار .. الحمد للرحمن .. التنويع دا فِـ الأذكار اللي أنت متعود تقولها من غير تركيز .. هيفرق معاك .. و الحب هيزيد و هتلاقي نفسك عايش مع أسماء الحميد ..

17) التأمل عبادة عظيمة .. بص ع الناس في الشارع .. كل دول ماشيين بيفكروا و يتكلموا .. أصوات كتير فِـ دماغهم و ربنا سامعها كلها في نفس الوقت .. كل واحد فيهم له قصة و رايح مكان و مكتوب له عُمر و رزق ..

18) و أنت ماشي بص حواليك .. حاول تسمع بقلبك صوت الكون و هو بيسبح بحمد الوهاب .. الشجرة دي بتسبح أهي .. النملة اللي قرصتك .. العصفورة اللي فوقك .. الكرسي بتاع الباص .. الكوتشي بتاعك .. حوت في قاع الأطلنطي بيسبح دلوقتي 😅 .. بتعرف تتكلم حيتاني ؟ 😁 ..

19) بص للسما و تأمل حجمها و عظمتها .. القمر و النجوم و الكواكب و السموات السبع و العرش و الملايكة .. الرمل و الحصى و الجبال و ذرات المياه و الهواء و كل المخلوقات .. Harmony مُبهر من التسبيح الكوني لله ..

20) اربط تأملاتك بالقرآن .. شوفت لما كان حد يقول حاجة فا تفتكر أغنية أو إيفيه مشهور له علاقة بالموقف على طول .. فكك مِ الحاجات دي و اربط دايما حياتك و مواقفك بالقرآن و أحاديث النبي .. واحدة واحدة هتعيش بيهم ..

21) يعني بجد بتحبهم يا رب ؟ .. طَب سبحان الله و بحمده سبحان الله العظيم ^_^ .. يعني فعلا بتحبهم ؟ .. طَب كمان مرة أهو .. سبحان الله و بحمده سبحان الله العظيم .. دوَّر ع اللي بيحبه و اعمله .. عيشها كدا ..

22) هات خاتم تسبيح و استمر فِـ الذكر و الاستغفار ( نزِّل App اسمه Latanssa ) عشان يفكرك أنت و اللي حواليك كل شوية .. ازرع أشجار و نخيل فِـ الجنة بالتسبيح و التكبير و التهليل .. كل دا مع التأمل هيعمل Mix إيمانيات عالي بفضل الله ..

23) كل يوم اقرأ عن الجنة شوية .. آه كل يوم .. و الذي نفسي بيده .. هتتنقل نقلة إيمانية تانية خالص .. أبواب الجنة هتتفتح في رمضان .. لازم تدخلها بقلبك .. هقولك إزاي ..

24) لما تاكل فراخ طعمها حلو ( معلش أصلي بحب الفراخ فا بجيب سيرتها كتير 😂 ) .. قول : الحمد لله ، يا رب ارزقني فراخ الجنة زي ما رزقتني فراخ الدنيا .. " و لحمِ طيرٍ مما يشتهون " ..

25) لما تشرب عصير بتحبه تخيل ساعتها هيبقا عامل إزاي في الجنة .. لما تشوف السما بوسعها .. افتكر : " و جنةٍ عرضُها السموات و الأرض " .. لما تشوف حبايبك و تتلموا ع الفطار .. قول لهم : عقبال ما نقعد سوا كدا " إخوانًا على سُرُرٍ متقابلين " في الجنة ..

26) لما تتمشى ع النيل .. افتكر أنهار الجنة و اسرح بخيالك و بص للنيل و قول له : بكرة أتمشى على ضفافك في الجنة ( النيل هيبقا من أنهار الجنة بس طبعا مش بمنظره بتاع دلوقتي ) ..

27) لما تلاقي واحدة حلوة قوي جاية عليك .. غض بصرك و افتكر الحور العين اللي لما مراتك تؤذيك بيقولوا : « لا تؤذيه قاتَلَكِ اللهُ فإنه عندكِ دخيلٌ يُوشِكُ أن يفارِقَكِ إلينا » .. شوفت يا عم 😉 ..

28) اقرأ كل يوم عن صحابي و اتعلم منه .. ابحث في الصحابة عن حد يكون شبه شخصيتك و اتعلق بيه و عيش معاه .. هتفرق معاك جامد .. اقرأ عن التابعين و شوف كانوا بينافسوا الصحابة إزاي .. اخلق مجتمع صحابة بينك و بين صحابك ..

29) اتجمع أنت و حبايبك في الله .. حلقات ذكر .. تدارس قرآن .. ترفيه أو خروجة حلال .. سحور و لمة .. اعتكاف .. إفطار صائمين فِـ الشوارع و المساجد .. توزيع تمر .. أبواب الخير كتير بقا دوس ..

30) كل يوم لازم يكون ليك خَلوة مع ربنا .. زي رقم 1 كدا .. اقعد اتكلم معاه .. اخشع .. عيط .. احجز مكان في ظل العرش : « و رجلٌ ذكَرَ اللهَ خاليًا ففاضت عيناه » .. راجع حديث السبعة و كن منهم ..

31) ما تخليش همك ختمة قرآن و خلاص .. عيش مع الآيات .. المهم الكَيف مش الكَم .. صفحة واحدة بخشوع و قشعرة و تدبر و بكاء .. خيرٌ لك من ألف ختمة درجن درجن درجن 😂 بس الدماغ في السحاب ..

32) السواك لازم يبقا صاحبك .. حافظ على وضوئك زي قدوتنا بلال بن رباح .. احضر دروس و اتفرج عليها ع الـ Youtube .. خلي هدفك أنك تبكي و تقشعر في الصلاة و اسجد بقلبك تحت العرش .. ما تاكلش و لا تشرب كتير عشان الأكل مفتاح الشهوات ..

33) الحاجات اللي فوق دي هتخليك تلقائيا تخشع في الصلاة و تواظب ع الفروض و تحافظ ع السنن الرواتب و القيام و الضحى و تدوس في النوافل المُطلَقَة و الصدقة و تتعلق بسنة النبي و تطبقها و تدور على الأحاديث الجديدة بشغف عشان تتعلمها ..

- د. أحمد عادل

صباح الخير يا أحباب، لا تنسوا الاغتسال والتطيّب وسورة الكهف بصوت تحبونه في الخلفية، أحيوا شعيرة الجمعة بحُب فإنه عيد المسلمين، عاهدوا أنفسكم على البسمة بنيّة الصدقة!

وللرجال.. زاحموا الملائكة على أبواب المساجد وابتدروا أقوال الإمام من فمه بالاقتراب منه، وابذلوا الوسع للحضور على يد شيخ مُجيد تقيّ؛ فإنه البذل الذي لا غنى عنه لتحقيق الإخلاص.

وللمؤنسات الغاليات، خطبة لشيخ على الشاشات المرئية تنزعين بها الغفلة الجبليّة على قلبك البشري؛ قربة عظيمة لو تعلمين!

فسارعوا وسابقوا واصبروا وصابروا.. فالفرج قريب؛ وتلك الأيام نداولها بين الناس، وليعلمنَّ الله الذين صدقوا وليعلمنَّ الكاذبين، فيهلك من هلك عن بينة ويحيى من حي عن بينة، وهو اللطيف بعباده جل شأنه.

{أم حسبتم أن تدخلوا الجنة ولمّا يعلم اللهُ الذين جاهدوا منكم ويعلم الصابرين!}

وأوصيكم بالصلاة على النبي الأكرم، فإنها عمدة الوصايا.. لنيل الكفاية في الآخرة والدنيا.. والحمد لله رب العالمين.

- عُبيد الله.

الإختلاط بالصالحين يُصلحك.

أقرأ نصيحةَ الإمام طاووس بن كيسان رحمهُ الله لابنه وتوقفتُ عندَ قولهِ:

{يا بنيَّ صاحب العُقلاء تُنسَب إليهم وإن لم تكن مِنهُم ولا تصاحب الجُهّال فتُنسَب إليهم وإن لم تكن منهم، واعلم أنَّ لكلِ شيءٍ غاية، وغايةُ المرء حسنُ الخلق.}

وعلىَ وزنِ « قُل لي مَن تُصاحب أقُل لكَ من أنتَ».

تجدُ أن للصاحب أثرٌ وبيان على صاحبه وهذه نقطةٌ جوهريةَ فطِن لضرورتها أهلُ العلمِ والصلاح وحرصوا على إنارةِ السُبل و توضيح المسالك التي يتوجبُ على المرء أن يراعيها في اختيار جُلسائه وخُلطائه.

فالبعضُ لا يقصد أن يتطبعَ بإرادته ولكن تجدهُ يقلدُ دون وعيٍ منه بعض الأفعال والأقوال التي قد اكتسبها من أقرانه وأصحابه.

ولذلكَ تجد الجاحظ رحمهُ الله قد شرحَ هذهِ المسألة قائلًا:

لا تجالسِ الحمقىٰ فإنّه يَعلقُ بِكَ من مُجالستهم من الفسادِ ما لا يعلقُ بك من مُجالسةِ العقلاءِ دهرًا من الصّلاحِ، فإنّ الفسادَ أشدُّ التحامًا بالطباع.

وأختمُ بقول بابُ مدينةِ العلم سيدنا عليّ كرَّم اللهُ وجهه:
{وَاِختَر قَرينَكَ وَاِصطَنعهُ تَفاخُراً | إِنَّ القَرينَ إِلى المُقارَنِ يُنسَبُ}

•نُقِـل

تجاوزت مخاوفي "بقيام الليل"... وتخطّيت أصاعِيبَ أيامي به.....زال همّي،وجُبر خاطري.

تهذّبتُ به، واندفرت عنّي الفِتَن، وتقرّبتُ إلى اللهِ زُلفةً فتقرّب إليَّ كُلَّ ما أُحِب.

أُتيتُ كُلَّ سُؤُلي بقنوتٍ  في خلوةٍ مع الله لا ثالثَ بيننا.......حتى عجِبتُ لمن أراد تحقيقَ المُعجزات وليس لهُ من لَيْلهِ قيام!.".

🌱 سبحان الله معناها : تنزيه الله وبراءته من كل نقص

🌱وبحمده معناها: متلبسا بحمده، أو حال كوني حامدا له

فسبحان الله وبحمده فيها زيادة الثناء بحمد الله تعالى على تنزيهه

#أذكار_الصباح 🌙

📻 t.me/Quran_Station?livestream