..

وأن تؤنِس الوحشان؛ صدقة:

"‏مشى سَعيد بن العاص يومًا مع مُعاوية إلى دارِه.. فقال لَه معاوية: ما حاجتُك؟

فقال لَه سعيد: لا شئ، إلا أني رأيتُك تمشي وحدك.. فـ أحببتُ أن أصِل جناحك"

والمُراد من أَصِل جناحك: أني رأيتك تمشي وحيدًا، فأحببتُ أن أكون لك مؤنسًا."

الذِّكرياتُ.. الليلُ.. صمتٌ.. نغمةٌ لمّا تجد غير الحزينِ لِتُطربَه

کَم يا تُرى سُؤلٍ يموجُ بخاطرٍ کم يا تُرى ماتت بصدرٍ أجوبة!

للهِ.. روحٌ لم تَهُنْ لَكِنّها .. بَقيْت على قيدِ الحنينِ مُعذّبة!:'

صَباحُ الخَيْر💚

جَدِّد في قلبِكَ نيّة أنّه يومٌ مُختلف،
يومٌ للّٰهِ،عَلَّكٕ تُعِدّ فيه نَفسًا، وترى فتحًا، وتَبلُغ نَصرًا يا فَتى.

-أ. قُصيّ العُسيلي.

إزاي أكون متسامح من غير ما أسمح لحد يدوس على كرامتي؟
خليني أوضحلك الفكرة دي بأسلوب عملي، ديني، ونفسي في نفس الوقت:

1. التسامح مش معناه الاستغفال
التسامح فضيلة عظيمة:
قال تعالى: "فمن عفا وأصلح فأجره على الله"

لكن مش معنى "العفو" إنك تسمح لنفس الشخص يكرّر نفس الإهانة وتسامحه كل مرة بدون ما تتغير المعادلة.

خدها قاعدة:

التسامح الحقيقي هو لما تسامح بقلبك، بس تعيد ترتيب المسافات بعقلك.

2. العزة مش "تكبّر" ولا "غرور"
العزة = إنك عارف قيمتك وما تسمحش لحد يقلل منها.

سيدنا النبي ﷺ قال:
"المؤمن القوي خير وأحب إلى الله من المؤمن الضعيف"

فكر فيها كده:

لو شخص بيقلل منك، وبتسكت كل مرة عشان "ما تزعلوش"،
فإنت بتأذي نفسك، وبتشجعه على تكرار الأذى.
وده مش تسامح... ده تفريط في النفس.

3. "أحبوا بعضكم من بعيد"
مش لازم كل علاقة تستمر بنفس الشكل.

ممكن تسامح... لكن تقلل التواصل.

ممكن ترد السلام... بس ما تفتحش قلبك تاني لنفس الجرح.

اسمها: حدود صحية = كرامة + هدوء + احترام لنفسك.

4. علامات إن كرامتك بتتهز:
بتحس دايمًا إنك بتعتذر وانت مش غلطان

بتحس بالذنب لو قلت "لا"

بتخاف تخسر الناس أكتر من خوفك على نفسك

لو ده بيحصل، فده وقت وقفة حقيقية مع النفس.

رسالة لنفسك:
"أنا بستاهل أكون في علاقة تحترمني.
وأنا مش مضطر أتنازل عن نفسي عشان أُحَب."

أ. مُحمَّد عبد اللطيف

أحمالي..
أُلقي بِها وأُسابِق نَفسي إليْك'

«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ» .

‏"إذا أراد الله بعبده خيرًا

‏يسّر لسانَه للصّلاة على محمّد ﷺ."

‏- ابن الجوزي رحمه الله.

بفكّرك بالأذكَار عشان الحياة لوحدك قاسية؛ بينما يُمكنك الاستعانة باللّٰه عادي

مُسلِم بِدون أذكَار=مُسلِم بيضيع !

هتفضل حزين وعبادتك خافتة وصدرك موحش وترك الذنب هيثقل عليك والعلم هيتفلّت= لو مصحبتش الأذكار فيومك!
حِصنك وجُندك الذي لا يُغلب ولا يُخترق.")

من مغرب اليوم يبقى رسميًا دخلنا في أيام العشر
كل الموازين هتتغير

- اللي هم خير أيام الدنيا
- اللي النبي ﷺ قال عن العبادة فيهم أفضل من الجهاد
- اللي ابن عباس رضي الله عنه قال إنه الحسنة فيهم بتوصل ل700 ضعف
وغيره...

وأول شيء ندخل بيه الأيام دي هو " التوبة، والرجوع إلى الله"
لأنه العبد يُحرم الطاعة بسبب ذنوبه.

من دلوقت قرر وحط في نيتك إنك هتجتهد في العبادة على قد ما تقدر..
الأيام دي عظيمة، والعبادة فيها أجرها كبير جدت

تخيل لو حد بيقولك إنه كل عبادة في الأيام دي بتتضاعف!!
يبقى هل هتتكاسل؟؟

الإمام الأوزاعي بيقول :
" بلغني أنَّ العمل في اليومِ من{ أيَّام العشر -من ذي الحجَّة}
كقدر غزوة في سبيلِ اللّٰه، يُصام نهارهَا، ويحرس ليلُها، إلا أن يُختصَّ امرؤٌ بشهادةٍ".

وشيخ الإسلام ابن تيمية بيقول:
"‏واستيعاب عشر ذي الحجة بالعبادة ليلاً ونهاراً ‏أفضل من جهادٍ لم يذهب فيه نفسه وماله".

- من دلوقت عاهد الله عهدًا لا تخلفه أبدًا إنك هتجتهد.

ابدأ من المغرب ف الختمة ال هتختمها
سواء هتختم مرة/ مرتين/ أو تلاته
وكل م الشيطان يحبطك قوله "والله ليرين الله ما أصنع، ولن يسبقني أحد "
اتعلم ف الأيام دي متقومش من مكانك إلا وأنت مخلص وردك، ولو مخلصتوش مفيش نوم
اتعلم تقول لنفسك "لا"، ومتسيبش نفسك لنفسك
جاهد.. واتعب.. علشان الجنة حفت بالمكاره

كمان في الأيام دي نُكثر من الذكر
النبي ﷺ بيقول : سبق المفردون.. اللي هم الذاكرون الله كثيرًا، والذاكرات

قال الإمام ابن القيم - رحمه الله - :
(الأفضل في العشر الأولى من ذو الحجة)
"الإكثار من التعبد لا سيما التكبير والتهليل والتحميد فهو أفضل من الجهاد غير المتعين".

وبالنسبة للقيام ممكن تصلي شويه بعد العشاء، ونام بدري واصحي قبل الفجر صلي شويه، وادعِ، ووقت السحر استغفر لحد الفجر.

من بعد الفجر أذكارك / وردك/ لو عندك مذاكرة بعدين صلي الضحى ونام..
نام مثلا من 9 للظهر، وهيكون باقي اليوم عندك قسمه حسب عملك
المهم وقت بعد الفجر دا مبارك متضيعوش وتنام

وممكن نتصدق كل يوم حتى لو بجنيه / بكلمة طيبة/ بإماطة أذى عن الطريق/ بركعتي ضُحى

نخلي عندنا ورد كبير من الذكر
علشان الذكر بيعطي العبد قوة إنه يكمل الطاعات

ولو حد بيمتحن (ومش هيقدر يصوم) أو حد تعبان
احتسب الأجر = وتؤجر بالنية

وافتكر
من صدق= وصل
ومن أراد الآخرة.. سعى لها

خير أيام الدنيا فلا تضيعها

عشرُ ذي الحِجَّةِ مَوسِمُ خَيرات، ومَحفَلُ رَحَمات؛ فلنجتهدْ فيما يُحِبُّ ربُّنا عسى أنْ نفوزَ برحمته، ﴿إِنَّ رَحمَتَ اللَّهِ قَريبٌ مِنَ المُحسِنينَ﴾.

• صالح العُصيمي

بتحبّه قد ايه؟

اللي قدّم مليون برهان إنه بيحبك، قدّمت كام برهان على حبه؟ ﷺ

يا رب حب الرسول ﷺ يملي قلبي

-
قراءة الجزء الواحد
في عشر ذو الحجة بـ 25 ختمة كاملة.

- د/ حازم شومان.

جدول يوم عرفة🤍

الدعاء في اليوم العظيم!🤍

🤍.

‏﴿ وَالصُّبْحِ إِذَا تَنَفَّسَ ﴾

اللهُم صباحًا وأيامًا لايمسُّنا فيها سوء 🌿

يوم عرفة.. «أهمّ يوم في حياتك كلّها»
من فجر يوم الخميس إن شاء الله هتبدأ أهمّ ١٥ ساعة في حياتك كلها..

(➊) صيامه.. يُكفّر سنتين
من الذنوب.. سنة قبله وسنة بعده..

(➋) الدعوة فيه مُستجابة "واسألوا من جرّب".. أصحاب الحاجات والهموم والكروب والأمنيات..

▪أمامكم حوالي ١٥ ساعة ذهبية الدعوة فيها لا تُردّ.. ١٥ ساعة تقدر تصنع قدرك فيهم بإيدك.. ماذا تنتظر ؟؟

(➌) قال بعض السلف: كنّا ندّخر حاجاتنا ليوم عرفة.. ليقيننا أن الدعوة مُستجابة في هذا اليوم.. فما حجّتك ؟

(➍) قال أحد الصالحين: والله ما دعوتُ دعوة يوم عرفة وما دار عليها الحول.. إلا رأيتها مثل فلق الصبح..

(➎) أكثرُ يوم يعتق الله فيه الرقاب من النّار.. في الحديث "ما من يوم أكثر من أن يعتق الله فيه عبداً من النار من يوم عرفة"..

▪إن لم تُعتق رقبتك من النّار
في هذا اليوم فمتى تُعتق ؟؟ جاوب على نفسك..

(➏) كما هو معلوم إن ربنا ﷻ بينزل (كل ليلة) في (الثلث الأخير من الليل).. أما في يوم عرفة ينزل ﷻ من أول النّهار..

▪ليسمع شكوى المظلوم.. ويستجيب دعاء صاحب الحاجة.. ويرفع همّ المهموم.. ويجبر قلب المكسور.. ويشافي المريض..

(➐) (١٥ ساعة) فقط لو استغلّيتهم صحّ ممكن يغيّروا مجرى حياتك كلها.. وتصنع قدرك بنفسك بإلحاحك بالدعاء فيهم..

▪بس بشرط إنك تكون بتدعي من قلبك.. بقلب حيّ صادق.. وتكون منظّف طريق الدعاء من وسخ الذنوب..

▪وتدعي وانت معلق قلبك بالله (وموقن بالإجابة) وإنّ نتيجة الدعاء بتاعك أيّاً كانت.. هي الخير والمصلحة لك..

(➑) إن استطعت أن تعتكف يوم عرفة في غرفتك من صلاة الفجر حتي صلاة المغرب فلا تتردّد.. فتنزل تصلي الفرض وتطلع..

▪وإن لم تستطع فحتماً من صلاة العصر حتي آذان المغرب.. ما تخرجش من غرفتك من بعد العصر..

▪قُول له يا رب مش هخرج من غرفتي هذه في يومي هذا إلا وانت غافر ذنبي ومحققلي طلبي.. خد من العصر للمغرب ساعة قرآن وساعة دعاء..

(❾) جهزوا أمانيكم.. وحوائجكم.. فإذا كان الله ﷻ ينزل للسماء الدنيا كل ليلة (نزولاً يليق بجلاله)..

▪فإنه لاينزل في نهارٍ من أيام الدهر إلا يوم عرفة.. فعظّموا ما عظّم الله.. هات ورقة وقلم من دلوقتي..

▪واكتب فيها كل الدعوات اللي نفسك فيها.. وكل الحاجات اللي تتمنى تشوفها وتلمسها.. والذنوب اللي أرهقتك ومش عارف تبطّلها..

▪ومن بعد صلاة عصر يوم عرفة حتى آذان المغرب استقبل القبلة وارفع ايدك والهج بالدعاء.. ادعي دعاء الغريق.. ادعي ببكاء.. ادعي وكأنّه آخر يوم لك في الدنيا..

(❿) في الحديث.. "خير الدعاء دعاء يوم عرفة.. وخير ما قلتُ أنا والنّبيون من قبلي..

لا إله إلا الله وحده لا شريك له، له الملك وله الحمد، وهو على كل شيء قدير".. ردّد هذا الذكر ١٠٠٠ مرة يوم عرفة

(⓫) تصدّق بأي مبلغ في هذا اليوم..

(⓬) ما تخليش الشيطان يدخلك من باب "الذنوب اللي مغرقاك" وإن مفيش فايدة.. مهما كانت ذنوبك ومهما كان بُعدك عن الطريق بسبب أو حتى من غير سبب..

▪إياك أن تقع في هذا الفخّ.. الباب مفتوح في هذا اليوم ادخل حتى لو هتدخل بالزّق.. ادخل يمكن ما تخرجش تاني.. ادخل يمكن دي نقطة الانطلاق..

(⓭) بنفضل كل سنة في رمضان نتجادل عن ليلة القدر كانت في أي ليلة.. ومحدش بيبقى متأكد كانت إمتى بالظبط ؟ ومع ذلك بنجتهد العشر الأواخر كلهم علشان نُدركها..

▪إنما يوم عرفة معلوم ومعروف.. ومحدد.. فملكش حجّة علشان تضيعه أو يخونك التقدير...

▪خلّص أشغالك من دلوقتي وفرّغ نفسك من دلوقتي واختم كل ارتباطاتك ومشاويرك من دلوقتي.. بكرة ده.. اجتماع خاص مطوّل مُغلق بينك وبين ربنا..

(⓮) نصيحتان للبنات: يوم عرفة يوم عبادة.. يوم تحقيق المعجزات.. يوم الرحمات.. يوم النفحات.. يوم العتق من النار..

▪ليس يوم لتنظيف البيوت.. ولا يوم للتسوّق.. ولا يوم للنوم.. ولا يوم للراحة.. ما تضيعيش فرصتك في الترويق والتنفيض وترتيب البيت والإستعداد ليوم العيد..

▪فرّغي وقتك وخلّصي مهامك قبل يوم عرفة..
أو ابدأي بعد مغرب يوم عرفة..

(⓯) بالنسبه للحيّض: أخدتي الأجر بالنية إن شاء الله.. عباداتك كما هي غير منقوصة إلا الصلاة والصوم..

▪اقرأي قرآنك من هاتفك أو من المصحف بحائل.. مسبحتك معاكي أكثري من الذكر والتكبير والاستغفار..

▪خدي نصيبك من الدعاء.. تفنّني في صنوف الطاعات والقُربات.. وفضل الله واسع..

📌 وأخيراً.. التليفون والنت معانا على طول في كل وقت وكل ساعة.. ما استفدناش حاجه منهم..

📌 والنت ومواقع التواصل في يوم زيّ ده هيخسّروك حاجات كتير.. هيخسّروك تركيزك.. وخشوعك.. وحضور قلبك..

📌بلاش النت اليوم ده.. اقفل بيانات النت من الفجر للمغرب.. انقطع عن دُنيا النّاس.. جرّب العزلة لله في أهم يوم في حياتك..

▪يا ضيعة العُمر.. وخيبة الأمل.. وحسرة القلب.. إن فرّطت في دقيقة من هذا اليوم..

منقول

هذا يومك يا فَتىٰ! 🌱
#عرفة