#فقرة_شعر
ترفه وتحاجيني بغزل 😉

كلش حنينة اودافيه ❤

مرات اوصفهه بگمر 🌕

لا عمي جنهه العافيه 😍

غالي طبعي وسوگهم يهوة

#الرخيص 😉

أدوخن من أظُل وحدي بليــــــاك
ومصايب دهري ما تنحل بليـــــاك
شلي بدنياي يالغالي بـــــلـــيـــــاك
أموت ولا يمر بعدك عـــلــــيـــــه

#فقرة_هل_تعلم
هل تعلم 2% من سكان العالم يمتلكون العيون الخضراء

#قصة_عراقية
//

الحلقه_20

احيانا الانتحار ميكون ضعف.. وانما بلحظة ضعف لما تحس انت خسرت كولشي.. ابوك امك اهلك عمامك..

تحس كل الدنيا.. ضدك.. تريد شي .. وتنجبر على شي اخر.. ومجبر ان تعمله لان لو ما عملته ممكن تنقتل..

او ممكن يتهموك بشرفك.. او ما يرضون عنك.. في لحظه تحس انك خسرت كل شي وما بقى شي تعيش من أجله..

في لحظة غضب وانفعال تقرر تنهي حياتك بنفسك احسن من مما تخلي غيرك ينهيها..

خطوه فاشله نعم.. وحرام.. وغباء.. لكن الانسان في حالة الغضب والانفعال.. ممكن يتخذ اغبى قرار ممكن يندم عليه العمر كله..

بعمري ما فكرت فد يوم اقدم على خطوة الانتحار.. او أؤذي اهلي بهشكل .. لكن لحظة الغضب ممكن تنسى كلشي حتى نفسك..

حادثة الانتحار كان فعلا انتحار رغم عيشي وعدم موتي .. لكن هذه الحادثه غيرت مسار حياتي ..

مخلد اللي رفضته ممكن يكون اعرفه سيء.. لكن المشكله لما قلبك يتعلق بشي متعرفه.. تحس اكو شي خطأ.. بس شعور قوي مسيطر عليك ميخلي عقلك يتحكم بيك..

يخليك تشوف انسان بقمة الاخلاق والحب والروعه.. رغم ان الناس متشوف بي هيج شي.. يمكن صدق من قال الحب اعمى..

ان رفضت السيء.. لكن في قول يكول.. الشين التعرفه احسن من الزين المتعرفه..

امثال مو فقط حروف وكلمات.. لما تمر بيها تحس الها معنى كولش جبير..

القرار كان قرار قلبي.. والقلب دائما ما ياخذ خطواتك نحو الجحيم ويوهمك ان هذه مو نار الجحيم وانما نور تستنير بها حياتك...

لكن للاسف انتحاري كان بداية جحيمي...............

****

(في المشفى)

للحظه كنت اتمنى ما اصحى وارجع ويرجعون يجبروني على مخلد.. ولكن ما اخفي كنت خايفه اموت..

تمنيت لو اكعد والكى مالك.. لحتى يرتاح قلبي.. ما اريد اشوف الناس اللي تسببو بوصولي لهذه المرحله..

فتحت عيوني.. رمشه .. رمشتينين.. عرفت اني بالمستشفى.. حسيت ايد لزمت ايدي ..

ايد شعرت بحنانها من اول لمسه... عرفت هذه امي

الام:- حبيبتي ماما الحمدلله ع السلامه لج يروحي ليش اسوين بنفسج هيج ابنيتي انتي العاقله المثقفه تنتحرين .. ؟!!

-جنت تعبانه لساني ثكيل عن الرد.. اكتفت ادموعي بالتعبير عن اللي بداخلي..

بوستني براسي .. دخل الدكتور.. :- لجين اسمها مو

الام:- اي دكتور..

الدكتور:- لجين هل صحيح انتي اقدمتي على الانتحار لو في شي اخر..

-لا دكتور اني انتحرت..

-تحسين اكو شي اهم من حياتج حتى تخسريها..

-لما ما تكون لحياتك قيمه ف ليش عايش.. الموت والحياة بواقع مر .. واحد.. بنفس العذاب

-نسيتي الله .. ليش ملتجئتي لله.. دعيتي يوم وخيبج..

- تنهدت ..وغمضت عيوني.. بسرعه خطرت ابالي يا غياث المستغيثين.. لما طلبت منه ينجيني من الموت ونجاني وكان عند وعده لما قال ادعوني استجب لكم..

خجلت من ربي كثير بهذه اللحظه... فتحت عيوني للسماء وگعو دموعي اللهي حبيبي سامحني ارجوك..

-وذكر ان الذكرى تنفع المؤمنين.. بنتي الله باب الخائفين واليائسين.. ليش تخلين للشيطان عليج سلطان..

ليش تخلي يضعفج بلحضة ضعف او غضب بتالي يخليج تخسرين الحياة بالدنيا والجنه بالاخره..

المنتحر خاسر لا محاله.. محد يخسر غيره.. حرام اللي يضلمج يعيش وينعم بالحياة وانتي تموتين..

ان كان عندج رب اكبر من اللي ظالمج ف ادعي هو اقوى منهم كلهم.. لو استنقذتي بي.. راح يكون الج سندج ويكسرهم ويجبر بكسرج..

لان هو مع المظلوم على الظالم لانه الحق..

-هزيت راسي اشكرك دكتور.. وحتى امي شكرته لكلامه.. انطاني العلاج وكال بالسلامه..

لجين:-ماما شنو اللي صار

:- متتذكرين؟

-اتذكر انتحرت بس ما اتذكر شنو صار بعدها.

-اللي صار نقلناج اني و مخلد للمستشفى وابوج وعمامج تبعونه.. من وصلنه .. مخلد رمى يمين الطلاق عليج وطلع بدون ميجاوب احد.

-اخذت نفس .. وبابا

-ابوج بعده جوه.. خابرته كتله كعدت لجين.. وصاعد خسه ح يجي.. و عمامج راحو لما كالو تعدت مرحلة الخطر..

-شوكت اطلع..

-خل نشوف الدكتور اذا كتبلنا خروج نطلع..

-دخل بابا باوعلي وكال اروح اشوف الدكتور.. طلع.. حسيت الزعل بعيونه.. بقت ماما تحجي يمي ليش هيج سويتي وانتي الحبابه والعاقله ومن هلكلام..

شوي واجه بابا كال لامي يله جهزيها خل نطلع الدكتور يكول ما عليها شي.. ساعدتني ماما بلبس الجاكيت ..

سحبت شعري ولمته.. واخذت ايدي ومشت.. طلعنا من المستشفى.. اخذنا بابا..

رجعنا للبيت.. ودخلوني للصاله.. مددتني امي على التخم ونومتني.. انطتني العلاج.. ونمت..

للصبح.. فتحت عيوني على صوت دگة باب الكراج مالتنا الخارجي.. طلعت امي فتحت الباب..

دخلت خالاتي وخوالي كلهم اجو.. باسو راسي والحمدلله ع السلامه.. وما تشوفين شر..

اخذتني خالتي سعاد وخلتني بحظنها.. وتكولي

:- ليش خاله تنتحرين.. اكو واحد يستاهل تخسرين روحج عليه.. المابيهم خير عمامج يعيشون وانتي الورده تموتين.

-خاله تعبت واني اگلهم ما اريد اتزوج مخلد.. وكلهم جبروني عليه..

-وشنو هلمخلد هذا لزكه

الله ما خالق غيرج.. شكد ميستحي وبلا كرامه.. متريدك جابر روحك شكو

الام:- طلقها البارحه وراح..

سعاد:- عمى بعينه بعديش بعد ما موت البنيه .. وثبتتله الموت احسن من العيشه وياه.. شلون بشر ماكو احساس..

بحظه وابخته كل الصار وياج من وراه .. وكف قسمتج وفرض نفسه ابن گرجيه الخايبه..

الام:- لا سعاد اسم الله لا تدعين الولد جان يحبها واحد يحجي الحق

سعاد:- وحبته الگراده .. متحبه شلون يعني

الام:- والله يا سعاد.. اني خايفه نكوم نتحسر على هلزكه .. ابوها اليوم الصبح يكول راح اخابر الشيخ الاجه وي مالك واكله اخذوها..

سعاد:- يا لج عيني بس لا هذا اللي دك بيتكم بالسلاح بيوم زواجها

الام:- اي لج داده هو.. يگلون عنه مجرم ولو تشوفين شكله مال عصابچي محترف عضلاته وطبرة حاجبه والوشم اللي بأيده..

يخوف مدري هاي العوبه اشافت واشحبت بي.. دنرها الله لا ينطي..

اندارتلي خالتي.. وسألت.. :- خاله لجين انتي هذا تعرفينه واثقه منه..

-خاله هو حجالي عن اهله.. ابوه مقابل بزواجه مني لان جنت اشتغل اذاعه..

سعاد:- عوذه يعني هم عقد..

-لا مو هيج.. مالك لان مموافق على زواجنه .. طالع من ابوه ومتبري منه.

-هلفلم حقيقي لو تزوير

-هو حجالي ه الكلام..

-وانتي واثقه منه. تعرفي..

-خاله ماكو شي يكذبه.. واني اشعر باحساسه ..صادقه مشاعره.. صح هو شوي مجنون.. بس ما اعتقد يكذب..

وليش ديكذب.. سبق وتقدملي اكثر من مره واصر عليه والا لما وكعت بمشكله بسببه راح جاب شيوخ واجه على بابا

لغيره يفلت ويخليني اواجه مصيري وحدي ويخاف ينضر.. بس مالك اثبتلي حبه.. ف ليش ما اصدقه..

-زين خاله هو مو تحرش بيج بالبدايه.. شلون تأمنين بي..

-خاله هو قبلها محاول يحجي ويايه ورادته الى ان استثار.. بس اعتذرلي هوايه عن هذا التصرف..

-والله يا خاله ما اعرف اذا تحبي .. الله يسعدكم شنريد..

الام:- كومي بنتي لغرفتج ارتاحي..

لجين:- اي ماما... ساعدتني بنت خالتي ساره وصعدت لغرفتي نومتني ع السرير وبقت ترتب الغرفه وتحجي ويايه.

-من كل عقلج تنتحرين حتى لا تتزوجين مخلد.. لج اوك هو مينحب وثكيل دمه .. بس مو انتحار غبيه..

-ساره لو بعقلي هذا واني هادئه كان مستحيل افكر انتحر.. ساره متعرفين البارحه شلون استحقروني..

يحجون على ليلة الفندق وياخذني واذا مقبلت بقتلوني ويعتبروني لان عار ما خليته يتقرب وادور يتفقون شلون يطلعوني لسوريا

ومن سوريا عمي يسحبنا للسويد. لج بيناتهم ما تركولي رأي اتكلم بي. وكأني لعبه باديهم..

احااول احجي ويسكتوني.. اتفقو على كولشي واني سادين حلكي.. احس النار گبت براسي .. ع اي اساس هم يتحكمون بيه..

طفله.. مخبله.. لو حيوانه.. ما لكيت ساعتها غير الانتحار اخلص نفسي منهم واقتل روحي قبل ميقتلوني لما امنع مخلد..

- هسه خ يولي مخلد.. انطوت صفحته وطلگ عساه لا رجع .. احجيلي بمالك.

-اوووف مالك.. لج ساره فعلا احتاجه هسه.. احس داخلي محطم.. احتاج احد يفتهمني.. احتاج شخص يحتويني ويلمني.. احتاج انسان يحس شبيه..

وكل هذه عند مالك الكاها..بس..... سكتت

-انطيج موبايلي تخابري..

-ابتسمت .. طلعت جهازها وانطتيالي .. دقيت رقمه.. ضغطت اتصال.. رن .. رن.. رد...الوووو

-انطيته لساره كتلها جاوبي بسرعه .. وسحبي السانه .. هو بقى يصيح الو..

ساره:- الو

-منو

-اسمي ساره من بغداد انت من وين.. -بصوت حليمه بولند-

مالك:- وشبيج تتماوعين.. جمدي ورجعي كلميني عدل..

-هههههه انزول شكد ينحب دمك..

-ههه والمطلوب شتردين

-كالو عنك حلو كلت نجرب معك علاقه..

-شنو نوع العلاقه.. ؟!

-يعني شنو .. ليش اكو انواع..

-اكو نوع علاقة فراش وهاي مابيه حيل الها مكسر صاير تفصيخ.. واكو علاقة حب وهاي هم ما نحصليها گلبي محجوز.. واكو علاقة صداقه.. وهذه ممكنه

لجين:- اني استمع وياها واذني يم اذنها.. صمت الموبايل وكالت..

-لج عزا بعينه شلون عليه اسلوب بالكلام يقنع..

-همست وكتلها جاوبي وكليلها اريد مكان بقلبك حتى لو محجوز.. رجعت الموبايل وحجت

-العفو ماما صاحتلي اعتذر.. اي اكمل كلامي.. اني اريد علاقة حب واريد مكان بقلبك.. ولتكولي محجوز ازعل..

-الزعلتي وان رضيتي شيفرق عندي.. ما اعرفج.. وكتلج گلبي محجوز..

-طيب لمنو محجوز.. منو سعيدة الحظ..

-المشكله هي مو سعيدة حظ.. تعيسة حظ بيه بس مو بيدي احبها.. .

-ليش تعيسة حظ.. هلكد انت مو زين..

-اكثر مما تتصورين..

-اشتشتغل انت.

-شلج علاقه انتي.. واعتذر عن الكلام لان تعبان انتي حددي نوع العلاقه ورجعي حاجيني هسه اشطحي..

-اخذت الجهاز من ساره. وكتله طيب اني هم اشطح.

-منو

-معرفتني

-لجيييين..

-اممم

-حياتي انتي اخابرج على رقمج اللي اتصليتي بي البارحه مغلق ليش. سمعت ناقليج مستشفى ليش. بالي مشوش عليج.

-شربت سم ونقلوني للمستشفى والموبايل ضايع مدري بي..

-لا صدك .

-اي والله حاولت انتحر

-ليييش شنو السبب .. تأذين روحج ليش.. منو مضايقج.. نطقي

اسمه وثقي ابرد كلبج بي بس لتسوين هيج بنفسج لجين اجن

-ابويه وافق عليك

-يعني شنو

-وافق نتزوج

-لا صدك ؟!!!!!

-اي والله.. كان جابرني على مخلد.. وجبروني الا اروح وياه للفندق واذا متقربلي معناها اني عار وخايفه انفضح..

-لحظه يعني هو ما تقربلج لليوم من لما اتزوجج ؟!!

-طبعا

-عفيه عليج .. بس حبيبتي جبروج مو تنتحرين حتى تتخلصين منهم. جان خابرتيني احل الموضوع.

-مالك احتاجك..

حياتي مو بكدي لج متعرفين شكد مشتاق اشوفج بين اديه واشم عطرج واتنفس كلشي بيج. لج ح اجن اريدج

-قريب ان شاءالله..

-هههه حافز ممتاز للشفاء

-ههههه اي معناها طيب بسرعه وتعال اخذني..

-وتصيرين مرتي..

-ساره تسلم عليك..

-غيرتي الموضوع اوك.. شقصتها هذه ساره شو تريد علاقه

-تتشاقى

-اهااا سلميلي عليها.. وكليلها باب الصداقه مفتوح

-ساره ديطول باب الصداقه مفتوح.

-لا باب الصداقه ضايع مفتاحه خاف ادخل واتورط وهو يكول اني مؤذي... على كدج.. ههههههه

-سمعتها هههههه

-تفتهم ههههه

-اروح حبيبي..

-اخذي راحتج وديري بالج على نفسج وبطلي خبال وسوالف انتحار.. تره اذبحج..

-لا صدووووك

-هههههه اي صدووووك.. انعوج حلكي باي..

-هههه باي...

بيومها رغم الالم بس فرحت بلمة خوالي.. اجه بابا بعدين وخابر الشيخ وكال راح انطيج للي تردي وكتلتي نفسج عليه..

بس اسمعي.. تنسين عندج اب.. لو يذبحج ويشمرج ابابي ما اهتم.. هذا اختيارج انتي تتحملين نتيجته

ومن اليوم ورايح لا اني ابوج ولا انتي بنتي..

توسلت بي بقيت ابجي كتله ما اريد اتزوج اتركني عندك بس ما اتحمل زعلك..

كال بعد ما اثق بيج واتركج عندي.. ردتج لمخلد وانتي ما قبلتي باختياري ف تحملي اختيارج انتي اني ما الي شغل بيج بعد.

ما ربيت وتعبت حتى تنتحر وتسوي هلسوالف.. انتي مو بنتي لجين.. بنتي جانت اعقل منج هووواي وهسه اعتبرها ماتت

كل محاولاتي وياه بالصلح فشلت.. كان رافضني رفض قطعي.. واتصل بالشيخ انطاهم خبر واجو خطبوني من بابا ومالك وياهم

وكان قراره خلال اسبوع واحد يتم الزواج ما يريده يتأخر.. ميريد يشوفني اني ومالك كدامه.

ف فعلا عجلنه بالزواج.. ورحنا اول شي سوينه الفحص الطبي قبل الزواج.. للتأكد من الامراض الوراثيه ومطابقة الدم..

طلع دمنا ما متطابق.. اني A+ وهو O- كملنه التقرير سوه.. صح كنت حزنانه من زعل بابا بس وجود مالك بجنبي كان مالي عليه الدنيا..

بكل خطوه اخطيها يكول .. احبج .. اعشقج.. ويتغزل بغزل يذوبني بحبه..

حددنا يوم عقد المحكمه ورحنا نعقد.. لبست بيومها فستان احمر.. التور الخفيف الاحمر يغطي الصدر والاكتاف والادين

والباقي قماش ناعم.. مخصر على جسمي... وطوله وي ركبة رجليه. حيل حلو .. ولبست علي جاكيت جلد اسود.. وحذاء كعب سوده ..

برمت شعري .. ومكيجت فقط لو ضل لون اسود والحمره حمره طوخ .. مكياج جليدي بارد..

باوعت لنفسي.. حبيت نفسي.. بس بداخلي شي مكسور.. ما اعرف ليش ما داحس بالامان.. احس في شي مو ضابط

يمكن لان بابا مقابل ع الزواج.. يجوز !!

انتظرت مالك يجي ياخذني.. ب9 ونص الصبح.. دك هورن يعني وصلت.. اخذت جنطتي وبوست ماما وطلعت..

ابوي رفض امي ترافقني للمحكمه.. يكول حتى تعرف احنه مالنا شغل بزواجها هي تتحمله

طلعت لمالك.. وصعدت وياه بالسياره.. بقى صافن بيه..

-اااااه اليوم العرس

-لا عقد مو عرس

-طيب ليش هلكد حلوه متخافين عليه

-ههههههه لا ما اخاف.. امشي..

-طيب بس بوسه السياره مضلله محد يشوف

-بعد ساعه نصير متزوجين وتكدر تاخذ بوسه براحتك ام الان ف نووووو وي امباسيبل..

-ادور تحجي انكلش وتتموع واني بلياهن مضيع مستقبلي .. بهالحاله شلون اسوق

-ههههههههههههه عادي انزل اصفن بوجهي واني اسوق للمحكمه.

-ها تردين تحكميني وتسوقين بيه من هسه مو هههه .. ؟!

-لا يعني كلت اساعدك..

-كرص خدي.. ويكولي اموت عليج. كتله لا مالك فدوه لتمد ايدك.. مكياجي يخرب..

-هههههه اوك ماشي..

-رحنا للمحكمه.. كانت ايده بأيدي.. هو لابس اسود باسود بنطرون اسود والجاكيت اسود جلد.. بس القميص ابيض وممبين كان قافل القمصله لان بارده حيل.

من نحجي نطلع دخان بيومها. انفخ ع زجاج السياره وارسم قلب الحب وسهم وابدايته اكتب لجين وبنهايته مالك..

وهو يضحك ويجر بايدي يبوس بيها.. وصلنا.. نزلنه نتمشى بس احس رجليه جمدو من البرد.

رحنا وقفنا ننتظر دورنا.. وكاعدين سويه هو يباوعلي وينزل عينه واني ما شلت عيني عنه

لحد ما صاحو اسمنا دخلنا.. عقدلنه القاضي كان مهري 100 مليون.. ما قبلت يخلي هلكد.. وكتله اني احبك مو ضروري الماده تكون بيناتنا.

كال ما اقبل مو احسن منج اللي ياخذون مهر.. انتي بعيني اميرتهم..

كنت فعلا احس نفسي اميره يمه. لان معاملته اليه مثل الاميرات.. ورومانسيته مفيده جدا بالجو البارد.. هههههه يعيشني بغير عالم..

عقد القاضي وطلب قبولنه وافقنا.. وكال مبروك زوجاً وزوجه. مد ايده مالك س

لم عليه وطلع..

اني بقت ترن ابالي مبروك زوجاً و زوجه.. وكفنا بره.. كتله مبروك زوجاً وزوجه.. اخذني لحظنه حيل ويكولي احلى زوجه..

-نطقت احبك.

-اويلي گلب لج يابه امووووت عليج اعشق ترابج

اخذ ايدي وصعدت للسياره.. كال وين الوعد يا حلوه .. ضحكت.. اتقرب مني. مديت ايدي الحيته اتحسس بيها ..

كال احبج. بسته بخده .. امووت عليك.

-مكلفه نفسج.. بخدي.. (يقلد عليه)

-اممم مالك لتصير وكيح.. تلحك تشبع..

-زين خل نطلع للشقه مالتي ما اتعدى وياج صدكي..

-مستحيييل .. اطلع للبيت

-لج شبيج نص ساعه منطول لجين اريدج..

-جريت ايده وبستها واني احبك واموت عليك بس شقتك ما ادخلها الا واني عروستك.. غيرها نووووو

-اوف منج اوووف.. تنهد... ع راحتج..ساق ورحنا تغدينا بمطعم.. بعدها بقينا نفتر لحد ما رجعنا للبيت
نزلنا اثنينا

دقيت الباب طلعتلي ماما.. مبدله ملابس حلوه.. دخلت لكيت الدنيا كلها عازمتهم امي على المهر..

انصدمت.. حظنت ماما من الفرحه.. غصب عن ابويه مسويتلي العزيمه حتى لو مموافق بزواجي بس ما رادت تكسر بخاطري..

كلهم موجودين حتى عمتي كرجيه جايه عناد ما اعرف تريد تشوف منو بديل ابنها

الزينا والكيك والدي جي .. نزعت الجاكيت وعدلت شعري وكعدنه اني ومالك.. مطلعين البوم ساريه السواس بس اسمع مني..

وقفنا نقصص كيك وكلني ووكلته .. والوقح بوسني من شفتي كبالهم وكلهن ضحكن وصرخن عااا ويصورون .

رفعنا صوت ال دي جي.. ونزلت ارقص كدامه..

ويحبايبنا ويحبايبنا بطلنا ناخذ من كرايبنه..واحنه ما ناخذ الا اليعجبنه ...

ساعات.. وهو ترخص.. وصلته للباب..ورجعت طلعت.. اغير الفستان.. دا اريد ابدل اندكت الباب ..

فتحتها.. مالك.. خله ايده على حلكي وطب. رجعني للحايط وقفل الباب..

-مو رحت شرجعك .

-لك يا غزال اصيدك لو اطير

-ههههه لا صدك شدخلك خوفتني لا ادور جني

-هههه لا متفق وي ساره دخلتني من المطبخ وركض..

-اامممم. خليت اديه حول رگبته.. تتذكر هذا المكان

-هههههه لما سطيت على بيتكم بالليل

-كنت مفكرتك الجحيم

-شنو الجحيم..

-روايه رعب جنت اقرى بيها و انته اجيت بيومها من خوفي تخربطتت.. سحب خصري اله وحجه

-وهسه مناويه تتخربطين

-لاء ناويه اصير وقحه.. وابتسمت بوجهه..

صك على اسنانه وحجه..
-واني اموت على الوقاحه

-هههههههههههه مجنون....................

جنت مجنونه بي.. كان احساسي عنده يختلف جدا عن كل الاحاسيس بالدنيا..

كل بنت تحب تشعر بأن هي انثى .. وهذا الشعور مستحيل يتحقق الا مع رجل يحسسج بكل انوثتج

ما تقتصر على الرومانسيه او التقارب لا.. لكن لما تكونين جنب رجل تحسيه ملك وانتي اميرته

يتغزل باجمل الغزل.. يوصفج باروع الاوصاف .. لما تبجي يحتويها ولما تغلط يسامحها ولما تطلب ينفذلها.. والاهم من هذا لما تحس مشاعره تضعفه كدامها رغم قوة شخصيته.

هذا اللي كان يخليني اعشق مالك.. لاني بجنبه انثى كاملة المواصفات..

بيومها طول عندي نص ساعه وراح .. بعدها بدلت فستاني ومكياجي ونزلت للحفله رقصت وضحكت وحيل كنت فرحانه

بيومها ما كنت احس بنفسي بشر لااا.. فراشه ملونه بالوان الحب والسعاده ترقص بكل فرح ..

بعد ما طلعو.. بوستني ماما وباركتلي ودعت يارب يوفقني بزواجي ويكون خير وتخيب ضنونهم بي

صعدت لغرفتي سبحت ورجعت.. امشط واغني الدنيا خلوه واحلى اسنين بنعشها واحنه يا ناس عاشئين ننسى اللي فاتنى ونعش حياتنا على الحب متواعدين

واني دا اغني.. دق جهاز موبايلي.. باوعته رفم غريب.. منو هذا.. رديت الوووو

-الووو انتي لجين

-نعم عزيزتي تفضلي

-يا حرااام انتي مسكينه

-ليش

-مصدكه اليوم زواجج..

-منو حظرتج

-اني ناديه

-عذرا ولا صغر ما اعرفج..

-انتي متعرفيني بس مالك يعرفني

-وشدخل مالك.. ممكن افتهم

-انتي مصدكه يحبج

-مفتهمت.. شنو اللي تردي

-ما انتي الا ضحيه جديده للملك

-ما اعرف انتي شدتحجين.. ممكن توضحين اكثر الملك منو

-مالك.. انصحج اتركي

-وليش اتركه.. انطيني دليل على كلامج وان اني ضحيه وياريت اعرف انتي منو

-اني زوجته ومستحيل يبدلني بيج بس انتي فقط لعبه يلعبها ويربح بيها ومن ثم يرميها بالنار.

-مالك متزوج ؟!

-يا ريت تحسن على نفسج واتركي.......يتبع



الحلقه_21

ناديه:- ياريت تحسين على نفسج واتركي.. تره هو ديلعب عليج وانتي مصدگته..

راح يبينلج ان هو رومانسي ورجل تحلم فيه كل بنت.. بس هو عكس هيج تماما .. الافضل تتركيه

-انتي هسه دتكولين هو زوجج . واني ماخذته منج مو

-اي

-اني مو طبعي اخذ شي من حق احد ابدا.. واذا كان هو زوجج فعلا وكلامج صحيح.. ف اكيد عندج دليل يثبت ان هو زوجج صح..

-حاليا ما عندي لان ما متواجده بالبيت اسبوع وادزلج .

-زواجي بعد ايام.. اسبوع كثييير لو ما بعثتيلي هسه راح اعتبرج وحده غيرانه واقفل الخط..

-شوفي اني حجيت وبعد بكيفج.. محد ينضر غيرج..

-حجتج ضعيفه للاسف ما اكدر اصدگج.. مع السلامه..

-انتضري..

ف متضايقه بسبب هلشي..

لكن ما كنت اعرف ان كل انسان عنده الحاسه السادسه.. وهي الشعور بالشي قبل حدوثه من خلال نغصة بالقلب وعدم ارتياح لسبب انت متعرف بوقتها ليش ممرتاح..

لكن العقل هو مركز الاحساس بالجسم.. لما يحس ان هو في خطر يبعث ايعاز.. للقلب عبر نغزه.. حتى يحسس القلب بالخطر اللي راح نواجهه..

لكن القلب ولغباءه وعاطفته يتخيل هلشي وجع عادي او بسبب اضطراب نفسي او عدم الراحه الجسديه يحدث هكذا نغزات..

احيانا الانسان يشعر بشعور غريب.. ويكول قلبي يعصرني او يشعر بعدم ارتياح.. ف ننصدم بعد فتره قليله مات..

او الام لما ينغزها قلبها وتصيح مدري شبيه گلبي ما جاي ارتاح.. ف بعد فتره قليله تعرف ان احد ابناءها تعرض لخطر

هذا ما يسمى بالحاسه السادسه.. اللي كنت اجهلها بوقتها..

دخلت الشقه.. اخذت نفس.. وبقيت اباوع لجدرانها والالم بقلبي مستمر.. اعتقدت توتر من العرس وكذا..

اباوع لأرجاء الشقه كنت اشوفها حيطان فقط ما تعبر عن شي اخر.. لكن المشكله المجهول شضاملك بين هذه الجدران الله وحده يعلم..

انضربت الباب وراي.. التفتت.. كان صوت الباب لما مالك قفل بابا الشقه..وواگف يبتسملي ويكول نورتي بيتج..

ما اعرف ليش ما كنت مرتاحه.. بس اللي عرفته في ما بعد ان لهنا انتهت خطواتي نحو الجحيم..

مو لأن انتهت قصتي لااااا.. لاني اني خلص دخلت الجحيم......يتبع

..........

-قفلته بوجهه بس جسمي كله يرجف.. معقول متزوج صدك.. طيب اذا عنده علاقه بهذه البنت ليش ما حجه

ناديه وين سامعه هذا الاسم.. مدا اتذكر...دا افكر دك جهازي برساله مصوره MMS .. فتحت الرساله..

صورة البنت هي ومالك كاعد يمها ومخلي ايده على كتفها وثنينهم يضحكون.. فتحت عيوني حيل.. احس الحراره صعدت الراسي..

معقوله مالك كذاب.. متزوووووج؟!! يضحك عليه معقوول

سويت اعادة ارسال الرساله وبعثتها لمالك وكتله متوقعتك هلكد حيوان وبلا اخلاق.. واني صوجي صدگت واحد مثلك.. من باجر اقدم طلب طلاق وانهي المهزله السويتها اليوم..

بمجرد ما وصلت الصوره هو بقى يدك.. ما رديت عليه بقيت بس ابجي.. كام يدز رساله صدكيني مو هيج لجين بس فتحي افهمج.. قفلت الجهاز ...

يا حقير يا كلب .. اني اللي صدكتك تالي تطلع متزوج الله ليوفقك.. الله ينتقم منك.. بقيت امشي بالغرفه وابجي..

صعب لما تحب شخص لدرجه كبيره وتثق بيه والمشكله تارك كل اهلك على موده.. تالي يطلع خاينك..

أحساس مؤلم..

واني بالغرفه بهلحاله دخلت امي.. شافتني ابجي..صاحت

-هاي شبيج بنتي شصاير

-ماما مالك طلع متزوج..طلع يكذب عليه طول هالمده..الكلب الحقير الله ياخذه..

-لحظه ماما اهدئي.. وكوليلي شلون عرفتي..

-خابرتني زوجته.. وتكولي هو زوجي وانتي ضحيه لمالك .. وحذرتني ارتبط بيه..

-بس

-وبعثتلي صوره هي وياه كاعدين يضحكون هاي.. اني شلون صدكته كوليلي

-اوكفي لجين بس اهدئي واكعدي وخل نفكر بيها.. اني صح مالك ممرتاحتله.. وما استغرب منه هيج تصرف ابدا..

بس الواحد هم لازم يفكر.. يا بنتي الله شفناه بالعين لو بالعقل.. بطلي قرارات بقلبج وافتجي عقلج فكري بيه واحكمي..

انتي اطلعتي من قبل على جنسيته الشخصيه مو صح. ؟!

-اي صح

-شنو كانت حالته الاجتماعيه

-اعزب

-اااااها.. اعزب يعني لا ارمل ولا مطلق.. مو صح.. هاي اولا.. ثانيا القانون العراقي في العراق ينص على ان لا يحق للزوج بالزواج من امرأه ثانيه الا بموافقة الزوجه الاولى

مو هيج القانون صح لو مو صح ..

-اي صحيح

-اذا صحيح ليش ما طلبو موافقتها على زواجكم ولا انذكر هيج شرط بالعقد ولا انوجد.. وهياته عقدج بأيدي.. ماكو اي شي بهالخصوص..

-ما اعرف ماما.. طيب ليش تكذب.. معقوله الحجته كذب والصوره ادل على ان في شي بينهم..

-ماماتي حبيبتي بطلي عادة كل انسان يحجي تصدكي بسرعه.. انتي عاطفيه لدرجه كبيره..

والعاطفه والعقل ماما ما يلتقون بطريق واحد.. لازم تحكمين عقلج مو عاطفتج..

شغله ثانيه مالك اليوم بعد عقد الزواج سلم مهرج 100 مليون عراقي.. وانطيته لابوج قبل شويه حتى يسجله الج بالبنك رصيد الج.. وكل فلوسج العدنا تنتقل بي

طيب يا بنتي اكو رجال يلعب على ابنيه يقدملها هيج مهر ؟! 100 مليون مو شي قليل او مبلغ بالسهوله ينعطي..

اضافه الى استقتاله عليج وتعرضه للخطر والموت اكثر من مره.. ورغم مخلد قتله واحنه السمعنه عنه هو مجرم..

-ماما هو مو مجرم..

-هذا اللي عرفناه بعد الله عالم.. بس بنتي رغم قتل مخلد.. مالك ترك الموضوع وما حاول ينتقم من مخلد.. فقط حتى انتي ما تزعلين وهذا كان طلبج منه مو

زين اكو رجل يسوي كل هلاشياء ويستقتل بدون ملل او كلل.. في سبيل شي هو ميحبه بس ديلعب عليه.. ؟!

اني ما اشك بحبه الج بنتي.. اني اشك بي هو.. هو انسان ما يرتاحله القلب.. اسلوبه وكلامه وشخصيته.. مال واحد عصابجي..

لهيج احنه وكفنا بطريقج وكنالج منقبل تتزوجي لكن مع اصرارج عليه تركنا القرار الج انتي تتحملين مسؤليته.. بعد ما ابوج اتخلى عنج.

-ماما اني ما دا اشوف بي اللي انتو دتشوفوه.. دتكولون هو مجرم.. بس هو مو مجرم... هو قوي لانه يشتغل بالخضراء واكيد اله ضهر متقوي بي

تتذكرين لما سجنه مخلد وطلع بيوم واحد.. لو مجرم ما اعتقد يطلع.. بس هو اكيد اله ايد بالحكومه العراقيه لهيج حتى مخلد ما كدر يسجنه..

ما دا اشوف بيه مجرم.. لو فعلا مجرم كان قتل مخلد من زمااان.. واخذني منه.. بس هو كان يسمع للي اكوله.. لو كتله اوعدني وفى بوعده..

طيب اني شلون اكذب انسان صادق بوعده ويايه..ويحبني لهدرجه..

-والله يا بنتي اني مرتاحيتله ولا راح ارتاحله.. حتى لو يحبج اخذي حذرج منه.. الرجال ما يتأمن بنتي.. ومثل مصري يكول.. يمأمنه الرجال يمأمنه المي في الغربال

الرجال ماما عنده قدره على الكذب وتلاعب بمشاعر البنت وخاصه العطوفه مثلج.. ميتأمنون وغبيه التأمنلهم..

-يعني هسه هذه اللي اتصلت شتريد معقوله كذابه

-طبعا مبينه كذابه .. الا ما نصحتج من قبل الا اليوم بعد ما عقدتو

-زين والصوره..

- الصوره مابيها شي مجرد ديضحكون ويمكن بينهم علاقه سابقه.. الرجل يحب عشره ويتزوج وحده غير العشره اللي حبهن..

-واني رزلته ودزيتله رساله اغلط عليه..

-ديري بالج امي.. اذا هسه عداها الج من تتزوجين يقص راسج.. الرجل العراقي لو شميكون ما يقبل مره تغلط عليه .. يكوم ينتقم منج..

-يعني اتصل بي

-لا اتركي حاير هسه وخل يعرف زعلج وق

لني ورغم هلشي متضايقت المهم انتي وياي..

عندج بعد شك احجي راح اجاوب بس احجي وبطلي شك.. لان تعبت صدك.. ردتج راحه اليه بس تشوفين خبلتيني بهليل وخليتيني اجي على عمى عيني لان ما اتحمل تنامين وانتي زعلانه مني..

شسوي اكثر.. احجي..؟!

-اسفه حبيبي والله مو قصدي بس من دزتلي الصوره انجنيت وانت محاجيلي عنها خفت فعلا اكو شي..

- ما حجيت لان ماضي.. ومو طبعي اهتم لماضي احد.. والصوره مابيها شي.. دنضحك واني حتى مع صديقاتي هيج اخلي ايدي على كتفهم واتحاضن وياهم.. ونضحك وين المشكله

اني عقلي حر ما متقيد بضوابط دينيه او اجتماعيه.. عقلي اكبر من هيج قيود.. حبيبتي ياريت متعيدين هلتصرف مره لخ اوك..

اخذني لحظنه باسني بكصتي وخله راسي على صدره وحظني.. اخذت نفس..رفعتله عيني.. اسفه.. .

-عادي حياتي.. اني احبج ما اكدر ازعل منج . انتي روحي وقلبي ونبضي وامي وابويه وكل دنيتي صدكيني.

اني ما املك من الدنيا غيرج.. تبريت من الكل وقبلت بيج وحدج.. حاب نتزوج بأسرع وقت حتى نبقى سوه ومنفترق.

اني احتاجج واعرف انتي تحتاجيني مثلي..

-رفعت نفسي بسته بخده. ورجعت راسي لحظنه.. قيدني بأديه حيل واخذ نفس واحس نفسي ارتفع على صدره مع النفس الياخذه..

رفعتله عيني.. احبك.. ما حجه بس بوسني..........

ابتعد....وحجى.. :-لجين

-عيونها

-فدوه لعيونها.. هههه حبيبتي جنت دا افكر الغي العرس واكتفي بشهر العسل باي دوله انتي تختاريها.

-ما اعرف بكيفك..

-ما عندي اشكال انتي سوي حفله وروحي صالون وفستان ابيض وبينج وبين صديقاتج. واني احجز بفندق

-وليش فندق شقتك حلوه بس ترتيب..

-براحتج.. يعني ما اسوي عرس وزفه بس اني وياج اخذج بالسياره ونطلع

-اللي تشوفه حياتي

-و شهر العسل اي دوله حابه نقضي بيها..

-ما اعرف اللي تحبها

-اني زاير هواي دول ف ما اعرف كلت اشوف شنو ابالج او تتمنين نشوفها

-تركيا

-تركيا ..؟! متأكده.. ماليزيا فرنسا بيهم اماكن سياحيه حلوه .

-من خلصت جامعه سافرت هواي دول بسفرات جماعيه مع صديقاتي.. لبنان امارات فرنسا امريكا ماليزيا اذبيجان.. وحتى بريطانيا..

بس تركيا كان بنفسي ازورها واطلع رحله بالبسفور..

-انتي بنفسج تركيا لو اللي عايشين بتركيا.. ويغمزلي

-هههههههه تفهمني.. هيج واشوف اسمر لو كوسوفي يماااي افرش وانام كبالهم واشبع شوف بوجهم الحلوه

-هههههههه يلعن عقلج ... يلا اروح لا يكعد شاكر يشطحنا بهليل .. نطلع بكرامتنا احسن مو

-ههههههههههه باسني بخدي. ومشى.. رحت وراه..

- طبي لطلعين بارده..

-لا هذا المعطف مال بابا البسه.. لازم اقفل الباب وراك..

-اهااا .. بس تغطي زين مابيه تتمرضين ويتأجل العرس تره مستعجل .. يغمزلي ههههه

-طلعت وراه.. فتحت الباب ..

- تصبيره قبل لا اروح

-لك وقح منا الناس لتشوف

-اي هسه غير مرتي شعليهم.. لزمني من وجهي باسني ومشى وهو يلوح بأيده.. قفلت الباب ورجعت انتجيت عليه ياربي شكد احبه..

قلبي يمه تكول فراشه اجنحته تكوم ترف بدون توقف.. ونبضاته 100 .. 100 .. احبه حييييل اموت عليه.. هههه تركت الباب ودخلت جوه..

بعد 5 ايام.. كملنا اجراءات السفر التركيا وحظرنا شغلات العرس فستان وملابس ما كثرت لان ابالي اتسوق من تركيا مو منا..

رتبنا الشقه بغرفه جديده واثاث جديد.. وفرش وبردات اني وياه اختارينا كولشي وهو ما قيدني ابد كل الي اكوله يكولي بكيفج التحبي حياتي..

خلصنا وحجزت صالون وهو اشترى بدله رسميه سوده .. وكملنا كولشي لحد يوم العرس..

ماما عزمت خالاتي واقربائنا واني عزمت صديقاتي وسوينا حفله صغيره بالبيت.. كنت بالصالون اني وساره وندى بنات خالتي..

بدلتي كانت كبيره.. ومنفوشه.. وشعري ما سويته تسريحه فنيه.. اكتفيت بالبرم.. ورفعه خفيفه بالتاج والبرقع .. ومسكة الورد بأيدي..

بيومها اجت سرى لبيتنا وحظنتني وطلبت مني السماح واعتذرت.. سامحتها وكملت الحفل ويايه.

لليل..اجه مالك.. خالو كان موجود بابا ما قبل هو يعطيني لمالك.. خالو سلم ايدي بأيد مالك..

قبل لا اطلع حظنت ماما وبجيت حيل.. وهي كامت تبجي اكثر مني.. كتلها سامحيني على كل خطأ سويته وياج وويه بابا بدون قصد

كل عمري ما كانت نيتي اذيكم والله وانتو اغلى اثنين بحياتي .. بوستها وكتيلها اعتذريلي من بابا حاولت اعتذر وما قبل.. سلمت وما وقفت بجي وكالت الله يوفقج ابنيتي..

عمتي مرت عثمان كالت بس كون يستاهل يصير بديل لمخلد.. وترتاحين وياه .. سلمت عليهم وطلعت.....

كانت اكو اغنيه اسمها ثوب الفرح.. اللي وصلني كان مخلد بهذا اليوم معتزل الناس بغرفته وقافلها وهذه الاغنيه تشتغل بغرفته....

صعدت بسيارة مالك.. وتوجهت وياه لشقتنا.. كان مشغل اغنية بعيوني اضمك بالسياره.. بس المشكله هذا اللي قتلت روحي عليه.. ما فرحت بهذا اليوم

اكو كان وجع بقلبي ما اعرف شنو هو .. الم ونغصه مو طبيعيه.. اكو شي ما مطمنه اله شنو هو ما اعرف..

كنت اعتقد ان هذا الالم بسبب خروجي من بيت اهلي وزواجي بدون موافقة ابويه

يمتج.. والصباح رباح اذا يحبج يصبح عدنا.. قفلي الجهاز ونامي..

يلا حبيبتي لتبيقين تفكرين ولتسهرين وجهج يتعب ويصير سواد جوه عيونج.. وراج عرس ..

-اوك ماما.. طلعت مني واني بقيت بالغرفه.. بقيت افكر بكلام امي.. يمكن فعلا البنت تكذب.. بس يجي باجر واعرف شنو سالفتها..

دا اريد انام.. انضربت جام غرفتي بحصويه الا شويه رادت تنكسر.. باوعت من الشباك مالك.. اشر نزلي.

سديت البرده وضحكت.. ماما تكول اذا يحبج فراح يصبح عدنا وهلخبل ما انتضر الصبح يصير..

طلعت من الغرفه.. ماما تريد اطب لغرفتها.. صحت مامااااا..

-ها بنتي

-بابا وين؟

-نام ليش؟!

-مالك جوه وديطلب مني انزله .. ابتسمتلي

-هلخبل منتضر يصير الصبح اجه هسه..

-شسوي.. بابا نايم موو

-اي بنتي نايم.. فتحيله الباب واكعدو بالحديقه.. او بالصاله بكيفكم.. هو زوجج بعد.. مو حرام

-ماشي ماشي.. شعري حلو لو مخربط.. احجي واعدل بشعري..

-حلوه حلوه تخبلين بس نزلي لا يكسر الباب ويصعدلنه

-ههههه نازله.. نزلت ع الدرج اركض.. فتحت باب الكراج واني لابسه صيفي بالبيت يماااااي جرشت

رجعت اخذت معطف مال بابا وطلعت.. الم بي منا ومنا.. فتحت القفل هو واكف .. جريت الباب.. صاح

-مو صار ساعه اخابر ليش متردين..

-طب جوه نحجي

-طب بكل برود مو.... دمي احترك بجسمي واني اخابرج وبعدين شنو ادزين رساله تغلطين قبل لا تعرفين شنو الموضوع..

-لتصيح الجيران منا.. دنيا ليل .. وثانيا منو هاي اللي بالصوره زوجتك صح .. ؟! خصرتله اديه

-نحجي جوه بارده جرشت من وراج

-بابا موجود..

-اي وشراح اسويله لابوج اكله.. عاقد عليج وجاي احجي وياج خوما اتزوجج ابيته

حجه ودار وجهه و مشى كبالي .. واكتافه تتمايل وهو يمشي.. هزيت راسي.. قفلت الباب.. وتبعته..

دخلنا البيت دافي .. كتله ادخل الصاله.. دخل.. نزعت الجاكيت.. لابسه ثوب قصير وردي ربع ردن..

دخلت.. ابتسم وكام على حيله واجه راد يحظني.. كتله ابتعد.. واحجيلي شنو الموضوع..

-لج شبيج خبله اني ملوكي حبيبج ليش هيج وياي..

-لف ايده على خصري.. احجي مالك منو ناديه..

-بنت اتزوجتها عرفي من زمان بس طلقتها لكن للامانه للان مقاطع علاقتي بيها لان يربطني بيها عمل وهااا علاقه عمليه وصداقه مو زواج..

-شنو زوجتك شنو علاقه عمليه.. فهمني شدتلعب ..

-حبيبتي ناديه امرأه بال42 سنه اكبر مني ومنج مديرة دار ايتام ارمله وعندها ..2 ولد وابنيه وحده

بنتها وابنها طلاب جامعه.. والثاني طالب اعداديه. من زماان اول ما بديت شغل وياها.. رادت مني علاقه..ما تتعدى الفراش

لان متكدر تتزوج ولدها ميقبلون.. فتزوجنا بالسر عرفي.. فقط عقد شيخ.. وهذا الكلام قبل 4 اسنين..

وحاليا مطلقين بس هي بعدها تركض وراي.. ومن سمعا بزواجي تخبلت واجت تحجي وياي حتى ارجعلها.. و صديتها..

هددتني بيج وكتلها روحي احجي مخايف.. لان ما عندي شي اخاف منه.

واثق من اللي اكوله وواثق حبيبتي تصدقني متصدق وحده مثلها... وانتي هسه اعرف بداخلج اكو شك.. بس اسمعي بنفسج وتأكدي..

طلع الموبايل من جيبه واتصل.. ردت الو..

مالك:- الو ناديه.. انتي خابرتي لجين موو

ناديه:- مالك اسمعني بس.. اني ما اكدر اتركك احبك افهمني ارجوك..

-واني كتلج راح اتزوج .. متستحين انتي تكليلها اني زوجج.. شكد رخيصه انتي ..

مو انتي اللي طلبتي مني زواج عرفي فد يوم..

وقبلتلج وطلقت وحاليا اريد اشوف حياتي باي حق تخابرين زوجتي وتكليلها اني زوجته..

-لان اني فعلا اعتبرك زوجي لليوم لتكلي طلقتج ما اقبل بهالكلام.. مالك لا تعوفني

-شوفي احذرج توصلين لزوجتي والا كل شغل بيني وبينج ينقطع واخبارج توصل لابنج وادمر حتى عائلتج.. ف احترمي نفسج وابتعدي عن حياتي وزوجتي مفهوووم..

قفل الخط..

-صدكتي

-طيب ليش تشتغل وياها اتركها..

-مو بهالسهوله اترك الشغل.. و مو وحدي بالشغل احنه مجموعه.. ف ما اكدر

لجين:- شنو شغلك وياها .. هي مديرة دار ايتام. شيريد يكون الشغل ..

مالك:- هسه انتي تأكدتي من كلامي بيها بدا شكج ع الشغل.. اني احجيلج عنه بعدين.. ورجاءا لجين.. اي كلام يكولوه عني ما اقبل تصدكي..

تجين اليه تستفسرين واني اجاوبج وانطيج دليل على كلامي لاني واثق من اللي اسوي.. ولو عدتيها مرت اللخ. راح تشوفين مني شي ميعجبج.

لليوم تشكين بحبي الج.. لج عشتي وي رجال شهرين وكذبتي عليه بالعنوان ورحتي وياه وما اعرف شصار بينج وبينه بهلفتره..

وكل هذا ثقتي بيج ما اهتزت.. وكنت واثق انتي منطيتي بكارتج اله لان قلبج يمي وما شكيت بيج ولو للحظه.

وانتظرت التبرير منج ورغم كذبج سامحتج لان احبج .. هسه جاي تشكين بيه على علاقه عابره وامرأه ما تتقارن بيج بذره..

ما اقبل لجين. وبديت اتعب من تساؤلاتج وشكوكج بيه.. شنو اللي سألتي عني ومجاوبته .. دا اجاوب ودا اكد كلامي بدليل وانتي بعد شكوكج ادور براسج

تردين اهلي من باجر اخذج اعرفج عليهم. بس اني واثق ما راح يتقبلوج.. مثل ما ابوج مو راضي يتقب

#طبق_مجلة_حبيبتي
مقادير عجينة الكبة؛
كيلوبرغل ناعم
نصف كيلو لحمة هبرة بدون دهن
2حبة بصل حجم وسط
ملح
فلفل
دبس فليفلة
الطريقة:
نغسل البرغل جيدا ثم نصفيه من الماء ونتركه نصف ساعة حتى تنفش حبة البرغل ثم نقوم بطحنها مع اللحمة والبصل مرتين ثم ندعكها جيدا مع الملح والفلفل ودبس الفليفلةواذا لزم الأمر نضيف قليلا من الماء اثناء العجن
ملاحظة :
اذا اردنا ان نستخدم عجينة الكبة لعمل الكبة بالصينية نزيد عليها ماء حتى تصبح العجينة طرية ثم ندهن الصينية بالسمنة ثم نضع طبقة من العجين ثم طبقة من الحشوة ثم طبقة اخرى من العجين ثم نقطعها بالسكين بدون ان نصل الى الطبقة السفلى ونضع على الوجه سمنة وندخلها الفرن حتى تتحمر من الاسفل ثم من الاعلى قليلا
🌹🌹🌹🌹 حشوة (الكبة المقلية)أو(الكبة بالصينية)
المقادير:
1كيلو لحمة هبرة من دون اي دهن
تلت أرباع كيلو بصل مفروم وسط
ملح
فلفل
بهارات لحم
رشة صغيييرة قرفة
دبس فليفلة
جوز مفروم خشن
فستق حلبي مفروم خشن
صنوبر محمص
الطريقة:
نضع كمية وفيرة من السمنة ثم نضع البصل المفروم والملح والفلفل والبهارات ونقلبه حتى يذبل ثم نضع اللحمة ونقلبها حتى تنضج ونتشف من الماء ثم نضع دبس فليفلة ونقلب قليلا ثم

ثم نضع البصل المفروم والملح والفلفل والبهارات ونقلبه حتى يذبل ثم نضع اللحمة ونقلبها حتى تنضج ونتشف من الماء ثم نضع دبس فليفلة ونقلب قليلا ثم نطفىء النار ونضع عليها الجوز والفستق والصنوبر
ملاحظة:
اذا اردنا الحشوة للكبة المقلية نصفيها من السمنة حتى لاتفرط الكبة اما اذا كانت للكبة بالصينية نتركها بدون تصفية
طريقة دبس الفلفية😋😋😋😋
تجيبي الفليفلة الحمرا وبتغسليها وتقطعيها قطع كبيرة وبتفرديها على صينية حتى تدبل وتنشف من المي يلي فيها مدة يومين وبعدين بتطحنيها على مفرمة اللحمة وبتحفظيها بالفريزر مع قليل من الملح
او فينا نجيبها جاهزة موجودة بمطربانات وافضل شي النوع التركي😍

#فقرة_شعر
#گالتلي هنيال التحب مثلك #ولف

#گلتلها يعني بمختصر #هنيالچ

#گالتلي ترضى #أتغزلك

#گلتلها غير أنتي الغزل #يحلالچ

#گالتلي بس عندي #طلب

#گلتلها گولي وكلشي بي #يبرالچ

#گالتلي تنطيني #وعد

#گلتلها أوقع ع البياض #أگبالچ

#گالتلي سري #بذمتك

#گلتلها مو زلمة اليخون

•اعاتب بالوكت حسبالي
• شد وياي ياحيف العتب💔
•مو بالوكت باأحــبا💔

يالـمـخـدر بطولـك نـاس اليصـلّون

هضيمـه شفايـفك منـها العسل لـو سـال

#هيله 🍃



معليكم بالصوره بيييع بيييع

#قصة_عراقية

الحلقه_22

مالك:- نورتي بيتج ... تقرب..

-ابتسمت بوجها.. رفع وجهي.. باسني بگصتي..

-احبج

-اموت عليك حياتي.. كلتها وهو حظني ويبوس بخدي واذني.. بس ما اعرف قلق وتوتر بداخلي وكلبي يوجعني.. مالك.. بس دقيقه..

-شنو حياتي

-ما اعرف شلون اكولك.. بس صدكني تعبانه.. اعرف ليلة عرس وحقك.. بس تعبانه..

-اعرف مقهوره على اهلج هوايه..

-اخذت نفس ورجعت لصدره.. مو شوي هوايه.. مالك اني احب بابا هوايه والله ما كان نيتي اكسر ثقته بس ما اريد مخلد وهلشي مو بيدي..

--لتفكرين

-ما اكدر ما افكر .. اني طلعت وبابا مقابل ع زواجي شلون ارتاح..

-راح يقبل بمرور الوقت صدكيني يحتاجله وقت..

-واذا ما قبل

-مدام يحبج راح يتقبل فد يوم..

-خليت راسي على صدره.. مالك تعبانه.. اريد انام

-ارتاحي حياتي ..

-رفعتله عيوني.. وانت ؟!

-مو ممكن ارتاح وانتي ممرتاحه.. والحياة كدامنه.. وكل ليلة بعمرنا هي ليلة عرس اهم شي راحتج نبضي انتي..

- ابتسمت ابتسامه خفيفه بتعب.. وبوسته بخده.. ومشيت للغرفه.. طلعت روب طويل نزعت التاج والبرقع. وبدلت..

باوعت السرير نزله بيضه ضخمه.. رحت خليت راسي ع المخده.. دا انام.. چکچکتني .. سحبتها من جوايه ودا انام.. دخل مالك..

-متتعشين ويايه

-لا تعبانه ما اشتهي

-طيب بس شوي ع الواهس.. اعتقد انتي من الصبح ما ماكله شي..

-اي والله مماكله بس نعسانه..

-غسلي وجهج حياتي وصحصحي وتعالي اكلي ونامي براحتج..

-اوك.. رحت للحمام بكلنس مسحت مكياجي وغسلت وجهي وطلعت.. لكيته مبدل وديطلع من الغرفه ابتسملي..

مشينا اني وياه للمطبخ.. لكيته محظر الطاوله كلها.. حبيبي انته حظرتها.. جان كتلي..

-حبيبتي ومرتي تعبانه واتعبها.. يصير .. انتي بس ارتاحي اني ارتاح.

-بوسته بخده. وكعدت اكل كوه ثكلت عيوني وهو يوكلني.. اخر شي تركت وكمت.. غسلت.. ورحت نمت..

وره شوي اجه ورايه.. فتح اللحاف.. ونام صفح ورايه.. وايده على زندي.. ويمسح على ايدي..

-ولج هاي تاليتي عاركت وتقاتلت وتالي بليلة عرسي اتركيني وتخليني اتحسر..

-سوري حبيبي مقصدي اخرب عليك الليله.. اذا تحب هسه اكوم اتحظر واجي..

-اتشاقى وياج حياتي.. نامي..

-درت اله ونمت على صدره وهو يحك بفروة راسي ويبوسني بشعري.. لحد ما غفيت ..

الجو بارد.. وحظنه دافي.. لاول مره بحياتي احس ان اني انثى بجنب رجل.. يحبني ويحس بيه واحس بي وبقوته وبحبه.

اعشق الرجل القوي كدام الناس ضعيف كدام عواطف المرأه .. وهذه الصفات لكيتها بمالك.. شكد ما قوي مع النس بس يمي احسه مرات طفل ومرات اب.. ومحتويني..

نمت وما صحيت غير الصبح.. باوعت الساعه 7 .. بس اني بالسرير.. مالك وين.. كمت لميت شعري ولبست روب ثاني وشديته.. وطلعت ابحث عنه..

-مااالك... ماكو.. حبيبي وين انته .. فتحت الحمام .. هم ماكو.. وين راح .. طيارتنا الساعه 11 وين صار..

رحت طلعت الجنطه مالتي.. واخذت الموبايل.. وخابرت مغلق.. وينه هذا شصار بي..؟!

باوعت كثير رسائل تهنئه الي بزواجي.. بقيت اقلب بيهم.. كان لمخلد رساله من ضمنهم.. كاتب..

(حاولت اشرحلج حبي يبت عمي بكل طريقه ما فهمتيني النهيت والضربت والاعتذرت والتفهمت ما تقبلتيني وقبلتي بأنسان اتمنى يكون وياج صادق ويحمج.. اتمنالج السعاده)

دزيتله رساله.. ربي يوفقك ويسعدك.. اشكرك.. قفلت الجهاز وشمرته.. وين صار مالك..

رحت سبحت وبدلت وشسورت شعري ورتبته ومكيجت.. ومالك ماكو.. لل9 ونص يله اجه اني مجهزه كولشي للسفر..

طب.. بأيده علاكة ريوك وصمون..

لجين:- حبيبي من كل عقلك.. ؟! ساعه 9 ونص وين جنت..

-رحت اجيب ريوك..

-بس تأخرت..

-اي مو بقيت ادورلج على كاهي وكيمر عرب وجبته لاحلى لجونه..

-صراحه مطمئنيت.. ممعقول بسبب كيمر يتأخر هلكد.. هواي اللي يبيعون كيمر وكاهي الصبح ب7..

بساعتين ونص اوصل محافظه ثانيه مو كيمر.. معقوله ديكذب..

-تعالي حياتي دناكل

-ما اشتهي حبيبي بدل بسرعه لنتأخر

-تضايقتي لان تأخرت..

-لا عادي حبيبي اكيد.ازدحام..

-طيب ناكل بعد ساعتين ع الطياره

-حبيبي برمشة عين تصير ال11 .. خل نروح.

-لخاطري .. بس شوي

-اااه.. اوك.. روح بدل واني ارتب الاكل.. باسني بخدي

-اموووت عليج

-حياااتي .. بقيت احظر الطاوله شوي واجه كامل..اكلنه ولميت الاكل.. وخليته بعلاكه..

وطلعنه انطيته لحارس العماره.. ورحنا بسيارتنا.. شفت طريقه مو للمطار.. دخل مدينة المنصور وصف بكراج..

وكال لازم انطي لصديقي امانه.. انزلي ويايه شوي ونطلع حتى نسافر

-بس مالك ساعه 10 وثلث نتأخر والله..

-صدكي منتأخر بس نزلي..

-حجاها ونزل.. اضطريت انزل واتبعه.. دخلنا فندق ضخم.. وصعدنه بالمصعد.. ومشينا لغرفه. ودكينا الباب..

طلع ولد سلم على مالك ودخلو.. اني مدخلت بقيت واكفه بالباب بره الغرفه.. ثواني وطلع الولد.. كال استاذ مالك يكول خل تدخل.

كتله اوك.. دخلت.. الولد سد الباب.. بس مهتميت للباب كد متفاجئت بالغرفه..

عباره عن غرفه بأ

ضواء حمراء. وشموع بريكان الحياطين والطريق ورد احمر..

مشيت.. لكيته كاتب بالشموع احبج.. والاغنيه مشتغله (عينيه بتحبك والبي بيحبك وحظني بيضمك..)

ضحكت وفرحت من كل گلبي ومخليه اديه على حلكي واياوعله هو بنهاية السريره..

-مولاتي الاميره سعيدآ جدا بدخولك لعالمي وتزيينك لحياتي المظلمه بالوان حبك يا حبيبتي..

-فدوه لليحجي فصحى.. هههههه ركضتله بسرعه وكزت بكل حيلي اله وحظنته شالني بأديه وهو محاوطها على خصري..

ابتعدت.. اباوع لوجهه.. ووعكوس اديه على اكتافه.. وامسح بوجهه.. متصدك شكد احبك..

-مو بكدي صدكيني اعشقك كولشي بيج ..

-قريت وجهي وبسته.. بقى يبادلني المشاعر.. رجعني للسرير وونزلني على الورد الاحمر كله صار جوايه..

احس كلشي بجسمي يدك.. كلبي مدا اسيطر عليه.. ماسكه بقميصه حيل وكأني اخاف اتركه ويبتعد..

احبك حيل.. اموت عليك مالك

-اني سعيد حظ بيج.. اتمنى اكدر اسعدج وما اخذلج فد يوم.. ولو اذيج في يوم من الايام ف اتمنى منج تسامحيني لان ماكو انسان يعشقج بكدي..

-حياااتي احبك واكيد ح سامحك.. حظنته

-لحظه.. روحي للحمام حظري نفسج حتى نبدي بيوم عرسنا

-ههههه والسفر

-اجلت لباجر..

-طيب اني مجايبه شي كل غراضي بالسياره

-كولشي محظرلج بالحمام بس فوتي..

-اخ يابه شكد احبببك.. كرصت خدوده.. وكمت

-ههههههه وهاج لتنسين هذا

-شفته طلعلي كبسول شنو هذا

-صيدلانيه ومتعرفين شنو هذا

-مانع حمل ليش تريدني استخدمه. ؟!

-لان مو حاب يصيرون عندي اطفال ..

-ليش؟!

-نتفاهم عليه بعدين اليوم بس اشربي وخلينه نستمتع بيومنا..

-اخذت الحبوب منه.. شربت حبايه.. وخليته ع الميز. ورحت للحمام.. لكيته معلك روب نوم.. ابيض حرير وبيه فتحات طويل والضهر مكشوف

لبسته ونثرت شعري وعطرت.. لان كنت اممكيجه وابيض يكعد وياه كولشي..

طلعت هو كان كاعد على كرسي يدخن جكاره.. بيده ريموت مال ام بي ثري شغل .. اغنية لا وعيونك..

ضحكت يريدني ارقص.. بقيت اتمايل كدامه برقص فتياة الف ليله وليله.. هو يدخن ويباوعلي ويضحك..

تقربت ارقص يمه. راد يلزم ايدي.. التفيت وابتعدت منه وكملت رقص..

-ناويه تعذبيني يحلوه .. ويحك بسكسوكته.. هههه

-انت كلت اني اسد.. واللي كدامك غزاله.. ف يا اسدي الجميل شوفني مهاراتك وامسكني..

-تتحديني يعني

-اي ههههههههه

-اي خوش..

-شفته كام من مكانه صرخت عااااا وصعدت للسرير يجي يمنى اروح يسره .. يجي يسره اروح يمنى

اخر شي صعدلي وقل اطفر لزمني ووكعني للسرير ووكع وياي

-تتحديني يا حلوه

-هههههههههه

-وين ترحين مني .. لج اكلج اكلج...

-هههههههه امتك بين اديك.. ههههههه

-انتي مو امه ...انتي اميراتي... احبج...................

كان يوم ولا في الاحلام... رجل بغاية الروعه والتعلمل بوقتها.. حتى متضايقت او تأذيت ويمكن نسيت حتى الدنيا والعالم الخارجي وياه..

تهت بأحساسه بعالمه بمشاعره بحبه... مثل قطعة ثلج وذبت بين اديه وانفصلت عن كل العالم الا عالمه هو..

شعور كل عروس .. الخجل التوتر الخوف القلق بهذا اليوم.. لكن هذا اليوم مع مالك غيييير .. من حبي اله ولهفتي نسيت احس بكل هاي الاشياء..

كنت نايمه.. فتحت عيوني الغرفه ضواها احمر خافت مالك فاتح اديه ونايم.. واني على ايده اليسره.. ما حابه ابتعد عنه لحظه ما احب ارمش وما اشوفه..

دا اريد اكوم من مكاني.. فز.. اندار ورجعني نومني..

-ما حابت تبتعدين مني خليني مرتاح بوجودج ..

-هههه ... مالك

-عيونه وگلبه

-فديتهم.. ليش متريد اطفال

-ما احب الطفال

-ليش

-هيج ما احبهم وبس مزعجين

-والى متى هذا الشعور.. اني حابه يصير عندي طفل

-ما اعرف حاليا ممنوع تحبلين.. تاخذين الحبوب بأنتظام ولا ازعل

-تزعل ..!!! بس ليش.. كام من عندي.. اخذ الباكيت وطلع جكاره وبقى يدخن.. ويتنفس ويطرد دخان..

مالك شنو المشكله ؟!

-ماكو اي مشكله لجين شبيج ما اريد وبس ليش تلحين.. يعني هو اليوم اتزوجنا وتردين اطفال .. الحياة كدامنه خل نعيش نشوف حياتنا الطفل شنو

-طيب ليش صرت اعصاب دا اناقشك .. اخذ نفس وطفى الجكاره والتفتلي

- مو هيج حياتي بس صدكيني ما احب طفل هسه بحياتنا راح يعقدها وتصير حياتنا محلوه عباره عن بجي وصياح وحفاظات.. وانحرم منج.

-بس هي هاي الحياة الزوجيه حبيبي..

-لجين كلت ما اريد طفل .. اقفلي الموضوع

-اخذت نفس.. وكمت من يمه للحمام. قفلته وسبحت.. هو دك الباب.. كتله كملت لحظه..

لبست البرنس وطلعت..

-تضايقتي مني

-لا

-احبج لتزعلين

-مزعلانه حبيبي لتخاف احبك.................

بقينا بالفندق يوم كامل لا طلعنا ولا رحنا ابد.. اكل ونوم.. لثاني يوم.. كعدت على اتصال .. باوعته ماما.. رديت..

الام-الووو حبيبتي صباح الخير

لجين:- صباح النور حبيبتي

-اشلونج ماماتي .. شنو بعدكم ممسافرين

-اي والله اجله ع اليوم نسافر

-ليش

-مالك كان مسويلي مفاجأه بفندق واجل

-هااا ان شاءالله الامور تمام بنيتي

-الحمدل

له ماما كولشي تمام.

-الله يسعدكم بنيتي ويوفقكم ويجي على مرامج ان شاءالله.. شلونه اسلوبه وياج..

-ههههه حبيبتي اسلوبيش ماما.. غير بعدنا عرسان..

-والله يا ماما خايفه عليج منه.. كلت لا يكتلها بليلة عرسها شكله عصابجي ما يتفاهم

-بالعكس امي ورده مال الله .. كولش خوش ولد. اول ليله تركته ونمت لان كنت تعبانه بس متضايق ابد كال براحتج. والبارحه جابني هنا مفاجئه..

-الله يهدي ويضل دوم هيج.. شوكت تسافرون

-بعد شوي ان شاءالله بس اوصل هناك اخابرج. لان نسيت اخابرج البارحه.

-براحتج ماماتي توصلون بالسلامه..

-شكرا.. بابا شلونه

-زين مقهور شويه بس يتعود

-اخذت نفس ان شاءالله.. باي.. قفلته منها. وصفنت بالجهاز يارب اكدر اقنع بابا وترجع علاقتي بي..

كعدت مالك واخذته للحمام.. كملنا وخذنا غراضنا وطلعنا من الفندق.. جانت تمطر بالمضلات تراكضنا

وصلنا المطار وتفتيش وهوسه واجراءات.. طلعت ارواحنا يلا صعدنا الطياره.. شوي وقلعت. جابولنه اكل ما احب اكل الطياره ابد.. وحتى مالك ما اكل بالرغم ممتريكين..

نزلنا مطار انقره.. ومشينا دناخذ الجنط.. منتظره تطلع جنطتي ومالك واكف يمي.. جان تجي وحده حنطيه وشعرها اصفر تمد ايدها على لحيتة مالك وتحجي تركي..

مفتهمت حجيها.. اتذكر شايفتها بمكان بس وين .. باوعت لمالك ارتبك.. وبقى يباوع وراها..

لجين:-منو هايه

مالك:-الجنطه

-شنو؟

-الجنطه مالتنا شبيج سحبيها..

-اهاا.. اخذتها وطلعنا .. ما اعرف ليش ضجت. يمكن تركيه وشبهت عليها.. بس ليش الا مالك.. المطار بي كومه رياجيل.. واتراك يخبلون ليش اجت على مالك..

اخذنا تكسي ورحنا حجزنا بفندق.. صعدنا .. مالك طلب اكل فورا.. اجيت كعدت يمه.. جوعان مو

-ميت

-كتلك خل ناكل قبل لنسافر مقبلت..

-هسه حيجيبون اكل.

-شطلبت ؟!

-فطاير لحم بالجبنه..

-خليت راسي على كتفه. هو رجع للسرير نام وسحبني وياه.. نومني على ايده.

-حنبقى بأنقره..

-لا حنسافر ع اسطنبول بس الحجز كان لانقره .. وحتى انقره حلوه خليني امشيج بشوارعها ونفتر

-لا اريد اسطنبول احسن

-ذابحج الكوسوفي مووو

-ههههههه .. دك جرس الباب كمت من يمه فتحته.. دخل النادل الاكل.. خلاه ع الطاوله وطلع..

دا اسد الباب وراه.. شفت البنت اللي تحارشت بمالك. دخلت بالغرفه الكدامنه.. تأكدت شايفتها واعرفها بس وييين..

سديت الباب .. مالك منو هذه البنت اللي تحرشت بيك بالمطار..

-شلج علاقه بيها حبي تعالي اكلي..

-ناديه... اي ناديه اتذكرت نفس الشكل بس بالصوره كانت لابسه حجاب لافته على راسها وركبتها طالعه.. بس هنا نازعه الحجاب..

هي مووو

-اي هي

-وشعدها لاحكتنا..

-شعرفني

-وشلون عرفت مكانا

-تلكيها خابرت ايهاب واستفسرت منه

-وايهاب شعرفه

-غير صديقي

- ع فكره مالك اتذكرت. لما اجيتك مره للشقه هناك. اتذكر شفتها يمك.. لما شافتني زفرت وطلعت .. هي مو

-اي هي نفسها

-وشعندها وياكم بالشقه

-لجين كتلج يربطني بيها صداقه وعمل ما اكدر افسخه وياها

-وعملكم بالشقه

-هاي شبيج .. مو ايهاب جان ويانا.. شنو عملكم بالشقه

-وايهاب شنوووو .. خلك واحد سرسري

-لجييييييين صوتج لا تعلي.. كتلج ما عندي شي وياها.. وكلبي الج واحذري مره ثانيه تتجاوزين على صديقي..

-هممم صديقك.. اوك اسفه اذا ازعجت حظرتك.. حجت ومشيت للبلكون.. طلعت وضربت الباب ورايه حيل..

وبقيت اجر بالجاكيت منا ومنا وابجي.. طلع وراي..

:- لجين هيج تصرف اضوج منا

-اذا تضوج ادخل كمل اكلك واتركني هنا ..

-انتي شبيج

-اخذت نفس.. سلامتك مابيه شي..

-شنو اللي تردي فهميني لتبقين هيج مطنكره وواكفه بالبرد..

-ما رديت.. بقيت مكتفه اديه و دايره وجهي منا.. تقرب يبوس بكتفي..

-لولايتي حبيبتي انتي احجيلي شنو مضوجج حتى اراضيج .. اذا ناديه اجت ورانا اني شعليه بيها..

-نطلع لاسطنبول هسه منبقى هنا

-تعبان نرتاح وباجر نطلع.

-ونبقى مكابلين هاي..

-طيب رحنا اسطنبول ولحكتنا.. هم تعال نروح غير مكان..

-واللهي مشكلتك مو مشكلتي انته تصرف وياها وابعدها عنا. لو بس هنا سويت روحك متكدر تسوي شي.. بغير شغله يا دنيا انهدي محد بكدي

-هههههه بويه من السانج مدفع نمساوي.. صار ادللي احجي وياها وابعدها.. بعد..

-ما رديت.

-بارده لتبقين هنا. تعالي ندخل..

-جر ايدي واخذني جوه..كعدني على السرير وجاب الصينيه.. شال لقمه. وكال فتحي حلكج ..

ما اشتهي .. تقرب باسني بشفتي..

-وهسه ..

-ابتسمت.. وهزيت راسي..

-اموت على اليضحك وهو زعلان. ياااابه بودي اكله ابدال الريوك..

-شال الريوك.. يريد يوخره. صحت وين وين. جذب جوعانه والله .. بس غير ترضيني حتى اقبل اكل ..

-هههههه اويلي على دلالك اموووت بي..

-وكرص خدي حيل.. ضحكتله وكتله.. حبيبييي.. بقينا ناكل.. سوه لحد ما شبعنا..

شلت الصينيه .. خليتها على جنب.. ورحت غسلت هو هم غسل.. طلع من الحمام بقيت ابدل وغير ملابسي ومكياجي..

لبست ملا