#قصة_عراقية////

الحلقه_18

مخلد رد علليه دا اتأذى من كتفي حيل والله حرام عليك كولشي مسويت ومنطيته عنوانه وغلاة امي وابويه عليه..

اعرف يسمع وميرد.. مخلد باوعلي كتفي ما اكدر انام منه وديني طبيب.. والله دا اتوجع...

اخذ نفس وكام.. لبس بنطرونه.. واخذ سويج سيارته من جوه المخده.. وحجه وهو ماشي انتضرج بالسياره..

كمت على حيلي.. لبست الحذاء وتبعته..صعدت وياه بالسياره وانطلق.. وصلني للمستشفى ودوني للطوارئ

لان كان ليل ماكو اشعات ودكاتره .. بس الخفاره موجودين..ماكو استشاريه.. دخلت على الدكتور الخفر..

اني منتبهت للدكتور شنو كان شكله من الالم.. بس الدكتور لازم كتفي ويفحص.. ومخلد يكوله حولني اشعه بسرعه..

الدكتور يجاوبه انتظر افحصها. جرني مخلد من الدكتور..وكال انطيني مسكن اني باجر اخذها طبيب خاص..

هز ايده الدكتور وكتب مسكن الم وكاله احتمال عندها رض.. جيبها نسويلها اشعه باجر بالاستشاريه..اخذني مخلد.. وراح للصيدليه جاب العلاج واجه.

ورجعنا للبيت.. جان الدوه حبوب وعصاره.. اشترى مي وشربت العلاج.. والعصاره بقى يقره بيها..

كتله انطيني اشوفها.. اخذتها منها.. لازم ادهناها على مكان الالم...

مخلد:- شلابسه جوه ملابسج ماكو فانيله.. انزعي وحطي العصاره خل يخف الالم

-لابسه كيمونه تعلاكه..

-انزعي وابقي بيها.. ما راح اكلج .. واني زوجج مو حرام .. اخذي راحتج ..

حرت انزع كباله اووف صعبه.. رحت للمطبخ .. احاول ارفع ايدي اتأذى.. اجه هو وراي ونزع القميص اخذته منه خليته على جسمي..

جاب العلاج .. بعد القميص.. وعصر على ايده ودهن كتفي.. اني مغمضه عيوني خوف من الالم.. ومن الاحراج اللي اني بي..

حجه وهو يدهن بكتفي... :- ليش تجبريني ائذيج

-ما سويت شي.. انت ضربتني بدون متسمع مني.

-شلون تجرئين تردين عليه و من موبايلي..

-ما رديت عليه لان رايدته لو عندي شي.. بس هو كان ناوي يلحكنه واني بعدته وانطيته عنوان غلط

وكتله احنه على حدود ايران.. من طهران نريد نسافر للسويد.. وكتله ابتعد من عندنا اني متزوجه والله بس هذا اللي دار بيناتنا..

-وليش انطيتي عنوان غلط.. وانتي مرايدتني.. تردين اصدكج.. وانتي اللي تتمنين اللي يخلصج مني..

-ما اتمنى اللي يخلصني اني اللي اجيت وياك.. بأرادتي.. ولو ما اريدك.. كان اختاريته من زمان لما خيرني ابويه..

-ترديني.. ؟!!! انتي دتمريني..

-مدا ادمرك بس انت دتأذيني اسلوبك مو معقول اشولن اتقبلك وانت هيج حالتك..

-حالتي...؟!!! ليش حالتي بسبب من.. مو بسببج.. تردين اعاملج مثل ميعامل الزوج مرته..

وانتي ممنطيتني ذره من حقوقي.. تردين اصيرلج زوج وانتي مصايرتلي زوجه.... كل حجيج وياي من وره خشمج..

كل مره هدفي احميج تالي اللي الاكيه منج بس الذم وان اني همجي.. فد يوم شكرتيني.. فد يوم سمعت منج كلمه حلوه.. غير الهمجي والمتخلف.. ما اسمع

-اوصفك هيج لان تضرب..

-جربتي تغيرين اسلوبج ..جربتي تعامليني ك زوج مو ك سفاح جاي يقطع راسج وانتي شايله سيف بالسانج..

كلما اتقربت ذبحتيني بي.. افعالج وتصرفاتج مو معقوله.. تجبريني اطلع عن طوري

-شنو اللي سويته ممعقول.. لا غلطت عليك فد يوم ولا تجاوزت.. شسويت..

-انتي راجعي نفسج وشوفي شسويتي.. ووقت اللي تكونيلي مره.. اطلبي مني اتعامل وياج كزوج..

لكن لما تعصين وتعاندين مثل الحيوانات من تعاند.. لا تتوقعين غير الضرب وسيله للتأديب.

-اني حيوان.؟!! هيج تشوفني

-لا انتي مو حيوان وانما تتحيونين بتصرفاتج.. مرات احس دماغ ما براسج.. تصرفاتج محلوه.. قراراتج فاشله.. العناد صفه للحيوانات.. احذي تتصفين بيها حتى لتنضربين مثله..

-هزيت راسي.. ومشيت منه .. حيوان.. هو فعلا اني حيوانه قبلت بيك.. رحت للفراش اتمددت واني افكر..

ودايره وجهي منه .. وهو كعد على الفراش.. ضل يبحوش بجهاز موبايله.. اسمع بس رنة الدكم وهو يضغط بجهازه

كمل.. مد للغطه.. جره وغطاني.. درتله وجهي.. ليش تخاف من مالك..

-مخايف منه

-طيب ليش مواجهته ليش شردت منه.

-لو اعرف هو رجال يكدر يواجه جان واجهت.. بس اعرفه مخنث حتى لو كتلته بساحة المقاتل.. مجرد ما اطلع من ساحته.. يبعث عصابته يقتلوني ويرجع ياخذج

-مالك مو قاتل ولا غدار.. و لو مواجهه مستحيل يغدرك..

-دنامي نامي انتي ومعليج بهسوالف..

-درت وجهي منه شكد استحقرته.. ما يكدر لمالك كادر بس عليه يضربني..

نمت لثاني يوم.. كعدت على صوت اتصال على موبايل مخلد.. لبس هو و اخذ الجهاز وطلع بره..

رحت وراه.. خاف مالك المتصل.. دا افتح الباب مقفول.. سمعته يكلها انتي شنو متحسين.. كتلج ما اريدج ليش اتخابرين.. مزوج اني استحي وابتعدي لا تخليني افضحج بالقران..

وابتعد بعد ما سمعت شحجى.. ياربي هسه اشون ابقى بهذا البيت الفارغ.. رجعت للفراش.. بقيت افكر منا واجيبها منا..

لحد ما غفيت.. حسيت على مخلد يدخل.. كعدت.. جايب صينيه بيض وجبن وكيمر وجاي .. وعلاكة صمون حار

اخذتها من ايده وراح سد الباب وا

جه كعد وياي ياكل...

-راح يبقى البيت هيج مهجور.. محتجيب غراض

-وصيت على غرفه هسه حيجيبوها .. بس اروح اجيب نجار.. والمطبخ العصر اجيب كاونتر واشكله هو والسنك.

يبقى التلفزيون والثلاجه والغساله باجر.. اجيبهم.. بس هسه كملي ريوك وكومي لمي الفراش وغسلي الغرفه والمطبخ طلعيه الحمام وهم نضفي بس كون تنظيف تمام

حتى اجيب الغرفه والنجار .. بس همي نفسج .. لا تبقين تتماطلين

-هزيت راسي... ااا طيب ماسحه جيب..

-موجود ماسحه وادوات تنضيف بالترك اخذيهم.. بس غسليهم.. واذا ايدج توجعج اتركيهم.

-لا زينه مابيها شي..كملت ريوك.. ايدي خاف الوجع مالتها صح اذا اتحرك تأذيني.. بس اخذت عليها مسكن.. هم اختفى وجعها..

كمل واخذ الصينيه. لميت الفراش ورجع اخذهم.. وغسلت البيت والمطبخ سيراميك والحمام ..

وكعدت.. انتضر .. شوي اجه هو وولد وياه نزلو الغرفه ودخلوها.. غرفه بيضه مشتريها..

لشوي اجه النجار ينصب هو ومخلد وياه ولد.. اني كاعده بالمطبخ ساعه لحد ما كملو.. وطلعو..

نزل مخلد الجنط ودخلهن للغرفه كال رتبي الملابس على ما اجيب فراش..

مسحت الاخشاب و بقيت ارتب بملابسي وملابسه.. وعطوراتي ومكياجي على الميز تواليت..

طب هو.. جايب فراش طبي نفرين.. وديباج لو بنفسجي وردي حلو كمت افرش بالجربايه..

هو دخل التلفزيون.. وحجه جبت التلفزيون هسه كلت خاف تبقين تصفنين.. وتالي التفكير.. تشردين.. والصراحه تعبت بعد ما بيه اركض وراج..

التفتتله بطرف عيوني باوعتله.... ضحك ودنك على التلفزيون يسويه.. هزيت ايدي وضحكت.. شغله وخله الريموت عليه وطلع..

اني بقيت كاعده ع التلفزيون.. سمعته طب وورجع قفل الباب. رحت لكيت علاكه جايب ماعون كباب وصمون وبيبسي وطالع..

سويت لفه ورجعت اباوع تلفزيون.. اخذت نضره للغرفه.. هذا بيت احلامي.. وي مخلد.. يحظي..

اني اترك الاعظميه واجي اعيش بكوخ..ومقفول عليه الباب هم.. تكول مسجونه... بس اكلَ شربَ ذهب الحمام ثم نام.. هاي تاليتي هيج روتين حياتي..

بقيت افكر لهناك اجه وجايب وياه كاونتر لون ابيض واحمر.. والطباخ من ضمنه والطاوله والاضويه شكله هو ولولد .

كملو تنصيبه.. اجه اكل شوي وكال شرايج حلوات الغرفه و المطبخ.. شلون تصميمهم.

-ههه وكأن مخليلي راي حتى جاي تطلب رأيي هسه..

-هو المفروض ما اطلب بس العفو منج زلة السان.. شمر الاكل بعصبيه وطلع..

-سمعته قفل الباب .. تنرفزت كولش.. يقفل وكأني مسجونه.. اذا ما واثق بيه ليش مبقيني عنده

لا هو راحمني ولا اني متقبلته.. مو هذه الحياة اللي كنت اتمناها.. من كنت عند بيت عمي ما حسيت هلكد بالملل والضجر..

لان كنت احس روحي قريبه على اهلي وصوت الاعظميه يدك بالشوارع.. اسمع واحس..

هنا احس المكان حييييل بعيد عن اهلي و عن ناسي.. حسيت اني بغربه.. ولا كأني بشر والي رأي..

سافر بيه بدون طلب مني.. واشترى وصمم البيت كله بدون مياخذني وياه اختار تصميم بيتي..

وكأن واجبي بس اعيش وبس.... عيشه بلا لون ولا طعم ولا رائحه.. محبوسه فقط..

اني اللي اذا اتضايقت. اخذت سيارتي وفريت بغداد وي صديقاتي.. اجي انشمر بالموصل هنا وانحبس..

حتى موبايل ميخلي عندي.. اريد اطمن على اهلي ماكو .. الا اذا اتوسل بيه علمخابره ياله..

يربي شهذله ما اتحمل خلصني.. احس اختنكت فد مره..

لهناك اجه وحمل غراض موعين مطبخ.. وتحفيات وزينه.. صاح تعاي نظمي.. كرهت حتى صوته..

ما كمت.. اجه وحجه.

-شبيج مو احجي وياج..

-اي افتهمت محيطير.. هسه اكوم انظمهم..

-انتي ليش مضايقه..

-ليش تقفل الباب..

- مو امان اخاف عليج وانتي صغيره وحدج بالبيت.

-كذاب.. تخاف اهرب..

-شنو اللي ترديه لجين..

-ما اريد شي اطلع مني

-بس قفلة الباب مضايقتج. يعني اذا افتحه وانطيج القفل انتي تقفلي ..تنفك العقده..

-ما جاوبته.. احس الملل البداخلي صاير عباره عن غضب ..

-هز ايده.. وشمر المفتاح والقفل للجربايه وكال هاج بس فكيها.. وخلي شغله ابالج ممنوع اطلعين بره..

-وشنو فايدته خو اخذه.. هاك واقفل وخلصني.. ما رد عليه.. بدل ملابسه واجه نام ع السرير وياي..

كمت على حيلي .. وانت شنو تنام وياي ع السرير..

-شبيج لجين لعد وين انام .. تره خبلتيني شنو التردي

-لتنام يمي.. ما اريدك..

-واني دمي محترك من الصبح للان افتر على تكملة البيت وهاي كملته الج بيوم واحد.. ومستكثره عليه انام نومه مريحه.

-اللي يشوف حجيك.. يكول مكعدني بقصر.. ولا كأنه كوخ هلگده..

-تردين قصر.. ؟

-كولشي ما اريد منك.. عفته وكمت للمطبخ.. بقيت افور بس شنو السبب ما اعرف..

اريد حجه اتعارك عليها.. بس ما دا الكه.. الغضب يفور بداخلي بدون سبب.. او ليكن بسبب عزله الي وانتقالي هنا غصب عني وتصميم كولشي حسب مزاجه ..

ما احس الي قيمه يمه.. تبعني للمطبخ..

-لجين اذا على ضرب البارحه وكتفج يأذيج اني اسف..

-بس كتفي.. بس انفي بس روحي اللي متأذايه منك..

-وعد بعد ما امد ايدي .. بس لجين حاولي تتقبلين حياتنا..

حاولي تتقبليني كزوج الي حق تره..

-اي صح كل الحق الك بس .. اما اني ف طززز كل حق ما الي .. المفروض اتقبلك واصير خدامتك مووو

-اخذ نفس .. لج انتي بس فهميني شنو الرايدته مثل ما جاي احاول انسى كل الصار والمواقف المرينا بيها وابني النا حياة هادئه ساعديني.

بس لتسكتين واحجيلي شنو المضايقج

-انت مضايقني..

-لجين اني مشتريج والله.. واخاف عليج اكثر من روحي.. لج كلهم جمعو على قتلج واني اخذتج وضميتج واوهم نفسي ان اريد اربيج بس اني خايف عليج..

-محد جمع على قتلي غيرك.. كانو ناوين ينطوني للي تسبب بموقفي .. بس انت بأنانيتك اخذتني وخليتني جوه رحمتك..

-لجين افتهمي شغله وحده.. مالك ميناسبج والله ميناسبج.. لج مجرم قاتل يومين ويبيعج والقران..

-اي صح محد يناسبني غيرك.. وغير هلكوخ اللي اشبه بالسجن العيشتني بي..

-تره دخت والله واني تعبان شنو اللي رايدته ..

-ترجعني لبغداد نعيش مو هنا..

-اني ما عشت هنا.. بس دوامي هنا شسوي ما اكدر اتركج ابغداد 20 يوم.. واجيج اسبوع هنا اداوم يومي وارجعلج الضهر.. لهيج اجرت هنا ما اشتريت.

-عادي تعال كل 20 يوم المهم ما اريد اعيش هنا

-حتى تلعبين على حل شعرج.. تحلمين..

- اخذت نفس .. عفته وكمت من يمه.. رحت نمت ع السرير.. اجه نام.. تنرفزت منه حيل.. بقيت بمكاني اتكلب ..

اتقرب يمي واني دايره وجهي.. اخذت نفس وزفرت.. خلى ايده على خصري وحجه حبيبتي شبيج فهميني ..

گمت من يمه بسرعه.. ابتعد..

-لجين اني زوجج الى متى نبقى هيج..

-شوكت صرت زوجي .. اخذتني مثل كل ابنيه عروس من بيت اهلي بفستان ابيض.. عقدتلي محكمه.. نصيتلي مهر حالي حال البنات..

-انتي اللي منعتيني اسوي كل هذا بعمايلج.. وله نسيتي..

-شسويت مالك هو يفتر ورايه بعمري ما فكرت اروحله.. هو اللي يطلعلي بكل مكان.. شسويت

-مالك مالك مالك.. لجين كافي تجيبن اسم هلمجرم على السانج.. تره طلعت روحي.. وغصبا عليج انتي مرتي وان ما خذت حقي اليوم.. فمجبوره تنطينياه باجر..

-انت دتكول مجبوره.. اني مجبوره عليك لتفكر احبك.. مستحيل..

-ويضربج وجع عساج لا قبلتي ولا حبيتي واني صوجي انزل روحي واحجي وي وحده سز مثلج

-طلعت حقيقتك فلا تزيفها بوجه اخر فقط حتى تحصل على حقوق الزوجيه حسب قولك

-لج ادب سز حقوقي شنو جاي احاول وياج بالتي هي احسن ونقلب صفحه ونعيش مثل العالم بس انتي وحده طايحة حظ.. ما يفيد وياج غير الكتل ..

تفووو على اليوم الشفتج بيه يا بومه

-حجه ولف راسه وندار نام.. بقيت افتر بالبيت او الكوخ المسمي عليه بيت.. لحد ما تعبت من التفكير ونمت..

كعدت الصبح.. لكيته ماكو.. بس جايب الريوك والقوري على الطباخ بارد.. ما اشتهيت اكل..

بقيت كاعده للضهر بلا اكل.. لحد ما اجه من دوامه بملابسه العسكريه.. جايب وياه دجاج شوي وصمون..

حطهم وحجه حظريلي الحمام..

تنهدت وكمت طلعتله ملابس داخليه وتراكسود .. ووديتهم للحمام.. صاح

-ليش ممتريكه.

-ما اشتهيت

-براحتج..

-طب للحمام.. طلعت الدجاج والمقبلات رتبتهم ع الطاوله.. وجبت سله فرغت الصمون..

ووكفت اعزل بالغراض.. طلع من الحمام باوعتله.. هو باوع للطاوله ابتسم.. وحجه اكو ملابس بالحمام الي لتغسليهم باديج..

ارتاح واروح اجيب غساله وثلاجه.. ماشي..

-هزيت راسي..

-تعالي تغدي..

-ما اريد..

-لجين كافي رحمه لله خلينا نعيش مثل العالم.. افرديها عاد..

-ما رديت عليه.. ودرت وجهي. كعد على الاكل وحجه عود ردت احجيلج على اخبار امج حتى نسيتيني..

-اشبيها امي

-ما اتذكر الا تكعدين تاكلين..

-مخلد بلا هللغوه واحجي .. شبيها ماما

-بنت الكلب لغوه شنو اعرفي احجي عدل لا اشيل راسج اركع بالطاوله والله..

-ع فكره متجاوزت.. كلمة لغوه تطلق للكلام اللي مو ضروري ينكال..

-وانتي شاطره باللغوه واللسان الطويل..

- راح تحجي لو شلون.. امي شبيها

-كلشي مابيها .. هي امج يصير بيها شي بزونه بسبع ارواح يختفي صوت اطلع 7 اصوات.. يبتسم ويحجي

-وهسه تريدني ابتسم لو اغلس..

-اريدج تاكلين واني احجليج كلشي واخابرهم هم واخليج تحجين لما تملين بعد.. وكولي مقصر وياي

-اوي فدوه شلون مقصر وياي .. هو مخابره ومن موبايلك مان عليه بيها.. اللي يكول مشتريلي موبايل..

-اخذ نفس .. اكلي فضيني جوعان اريد اكل..

-مديت ايدي وكمت اكل مقبلت وياه بس اريده يحجي.. هو كام ياكل.. بزيته باصبعي على متنه وكتله احجي..

-لا تبزيني هيج عيب احترمي..

-يربي كله احترمي واحترمي.. تنهدت.. دفضها عاد احجي.. مو اكلت.

-لج ما بيها شي والله.. خابرت عمي اليوم يسافرون اللبنان وعمليتها هالايام. وان شاءالله تصير زينه

-من ترجع اروح لاهلي..

-اخ الله بدينه بسالفة اروح لاهلي.. واني اكول الرياجيل شبيها تتنرفز من هسالفه طلعت صدك تغث.

-اي تريدني خدامتك هنا ممنوع اطلع مووو

-اخذج والله بس خل يرجعون ..هم اليوم سافرو.. حظرتي المهد قبل الولد.. وكاعده تتناكرين على روحة اه

لج لماااااااا يرجعون..

عود من يجون اخذ اجازه.. وبلكت تموت بالعمليات يا الله ناخذ اجازه طويله من الدوام ونروح لاهلج براحتج..

-انت شمفاولها عوذه من اللسانك.. لتحجي هيج مفهوووم

-لا يابه استغفر الله هاي ام الخبزه عمتي شلون ما احبها.. بفاتحتها لعيونها الحلوه اذبح سبع خرفان

-انداريتله وخصرت اديه .. وتالي

-والقران كلنا نموت تاليتنا قابل هي بعمر نوم لا سامح الله وتعيش..

صفنت بوجهه بجديه.. كرص خدي وكال اتشاقى وياج اكلي..

-شقى ماصخ على فكره..

-هز راسه وما رد.. رحت غسلت ودخلت الغرفه.. هو غسل واجه وراي.. شمرلي الموبايل وكال خابري..

دكيت رقم امي.. مغلق.. باوعتله مغلق موبايل ماما..

-شريحه دوليه عند ابوج.. رقمها موجوده يمج كاتب عمي شاكر دولي

-دورت على رقم بابا لكيته.. خابرت.. رد ابويه.. سلمت عليه وكتله شلونها ماما كال زينه وعمليتها عكب باجر.. يمي هي تسلم عليج.. بس ما تكدر تحجي تعرفين..

بقيت ابجي... كال لا تبجين ان شاءالله تطلع بالسلامه.. سديته من بابا.. وكمت ابجي.. مخلد نايم غافي..

طلعت اغنية باسم العلي كانت جديده واحبها.. شكتبلكم مو كفايه.. عليتها شوي وبقيت استمع هلكد بجيت وياه..

وكأنها تحجي حالي هذه الاغنيه.. خاصه من يكول يا حسافه سنين عمري وياك ضاعت يا حسافه .. ضعت انته وضيعتني يا حسافه..

اوف مالك صدك ضيعتني وضيعت اسنيني.. جنونك هو السبب باللي وصلت اله اني واهلي.. فعلا ضيعتني ..

بقيت ابجي ادور طفيت التلفزيون وكملت بجي بفراشي اتذكر امي وحياتي ابيت اهلي وعزتي وكرامتي .. وحب ابويه ودفاعه عني وجمعتهم وسهرهم ويايه

كلها ضيعتها..

بجيت لحد ما نمت... كعدت على صوت مخلد وهو ينزل الثلاجه.. والغراض.. حيل شكد نمت لعد..

كمت يمه.. خزرني طبي جوه.. جان ولد وياه.. دخلت.. كمل نقل وطب يمي..

-دخلتهم تبقى يمج اشلون اتنظميها.. تعبت.. اريد ارتاح.

-كمت نظمت مكان الثلاجه .. صاح مو تشغليها هسه اتركيها فد 4 ساعات ترتاح لان تحركت. عفتها ما شغلتها .

نظمت غراض الكاونتر رتبت المطبخ وجايب سطل للحمام.. وزاويه.. وتعاليك.. وعطور اله والي وملابس اله.... صفنت .. هو جاب وياه بس الفين دولار.. معقول كل ذول بألفين

رحت يمه كان غافي.. اكووول..

-هممم

-شكد كلفك تنظيم البيت

-9 ملايين

-منيلك..

- اخذتهم من عمي.. وع الراتب ادزله واني عندي ابغداد يم امي.. ليش.

-لا هيج دا اسئل..

-جبت الي ملابس بس ما عرفت انتي شأجيبلج وما اعرف قياسج واستحيت اختار ملابس نسائيه كلت هي تجي وتختار ..

باجر اخذج اشتريلج.. بس شكد يكفيج فلوس اشتريلج ملابس

-مو مهم.. بس مخلد الى متى نبقى هنا تره العيشه هنا محلوه اريد ارجع لبغداد..

-بس احصلي نقله ابيع سيارتي والعندي والماعندي واشتري بيت ابغداد.. هسه ما اكدر..

-سكتت.. عود مالك نقله للموصل حتى يبعده عني.. واللي صار اني اجيت وياه للموصل انحبست.. وگابلته

هلولد كأنه كابوس بحياتي قدره مربوط بقدري..

مرت الايام..وعشت وياه شهر ونص..... شهر ونص وما كدرت اتقبله.. حاول يتقرب وكتله اذا فعلا انت تحبني تتحملني لحد ما اتقبلك واخليك تتقربلي واني متقبلتك متجبرني عليك..

وافق لكن تغير.. مرات يحاول يلين ومرات يصير عصبي خاصه وقت الليل.. من انام يمه ويحاول يتقرب وامتنع.

يتنرفز بزياده.. كان كل فكري ان هو اخذني غصب.. كان عقلي مكوك على سالفة ان هو ذلني وحبسني بالبيت..

خاصه لما فد يوم طلعت وهو مموجوده بالدوام ورحت للسوك تسوقت من الملل ورجعت... گلب الدنيا ورجع يقفل الباب حتى لا اطلع وحدي..

وهذا اللي زاد كرهي اله.. حسيت وياه فقدت حريتي من بنت متحرره الى محبوسه وامري بيده..

كنت اعتقد ان لازم اكون قويه وما يكسرني.. ما حبيت فكرة اتقبل ان اكون محبوسه وقابله بالامر الواقع بعد ما كنت بكامل حريتي..

اي بنت تخليها وي مخلد عادي ممكن تعيش.. الا اني لا .. لان للاسف حريتي قبل زواجي عكست عليه سلبا بعد زواجي..

شئت ام ابيت ف الرجل كالأسد ما يقبل الا ان يكون ملك بيته وكل الامور بأيده وتحت سيطرته..

هذا الشي اللي ما جنت متعوده عليه.. جنت اطلع واطب واروح واسافر وافر بكيفي.. ابويه مكان مانعني..

تعودت على عيشه تختلف عن الواقع العراقي الاصلي.. وهو ان اكثر رجال بلدنا هم عقليتهم شرقيه ميحبون المرأه تطلع بكيفها.. وان مكانها بيتها افضل..

ك عقلية مخلد.. رجل شرقي بعصبيته وتحكمه وامره..ممكن يضرب ويتجاوز ويغلط ويعتذر ويعشق ويحب يعيش حياة زوجيه هادئه

يرجع من دوامه يلكه زوجته محظرتله كولشي حتى يرتاح هو وياها..

وهذا اللي كان صعب عليه اتحمله.. ان انتضر زوجي ك ربة بيت حتى ابحث عن راحته.. ولازم اترك وسائل راحتي..

هذا اللي جنت استغرب من امي كيف ترتاح بهيج عيشه وتخدم ابويه على طول وهو يفتر ويطلع ويتونس وهي تشتغل لراحته.

كان عملي ببرنامج اجتماعي ولما كنت اطرح مواضيع اجتماعيه وان المرأه لازم تكون قويه ولازم تسعد نفسها ومو لازم تقبل

تنهان..

ومو لازم تكون آله لراحة الزوج وتنسى نفسها.. كل هذه المواضيع الاجتماعيه اللي كنت اطرحهه زادت من قوتي وقوة شخصيتي.

وصرت ما اقبل اكون اقل من الرجل.. ولازم اكون قويه مثله وما اخضع يحترم احترم..

تناسيت مجتمعنه وعاداتنا وتقاليدنه وحتى دينه ان المرأه مهما علت لازم تبقى تحت جناح الرجل..

تعلى .. لكن ما تعلى عليه.. مجتمعنه شرقي ما يتقبل افكاري وان المرأه لازم تكون قويه حتى تعيش ..

لاااا اللي عرفته ان المرأه لازم تكون قويه امام الدنيا والناس مو امام الزوج...

الزوج الشرقي يعشق بزوجته ضعفها يحب احتياجها اله.. ميحب تكون هي وياه بنفس القوى ميحب تواجهه..

لكن ينسى كل قوته وسلطته عليها وقت اللي تكون لطيفه وتدلع وتحاول تكسبه من هذا الجانب.. فجأه هذا الرجل الشرقي المتسلط يصير خاتم بأصبعها

واني نسيت ادلع على مخلد حتى افرض رأيي عليه بدلعي.. نسيت القيصر وهو ينادي ااااه من دلع النساء.. دلع المرأه اللي يتنازل الها اكبر واقوى رجل..

كنت احاول اخلي يحترم رأيي بقوتي.. نسيت اكون وياه امرأه شرقيه..

ومو ذنبي.. اكثر اللي يدخلون لعالم الفن والاعلام.. ويعيشون هذا العالم يكتسبون من قوته والامرأه الفنانه دائما تحاول تكون

هي والرجل بصف واحد.. لهيج اغلب الفنانات ينتهي زواجهم بالطلاق لان ترفض احد يتحكم بيها.. وما يحترم رأيها..

ما تقبل عقلية الرجل الشرقي وسلطته.. لازم يكون متفهم لحريتها.. واني هذا اللي كان عائق بيني و بين مخلد..

كنت رافضه يتحكم بيه ويمنعني من شغلي ويجيبني للموصل ويعيشني ابيت.. لهيج شغلي بالاعلام والفن..

عكس على حياتي سلبا.. صرت امرأة تطلب الحريه والمساواة مع الرجل.. وهذا اللي ما يتناسب مع مجتمعنا.

وهو حتى نبينا يكول لو امرت بالسجود لامرت الزوجة بالسجود لزوجها.. يعني لازم تخضعله.. لازم يكون هو صاحب امرها..

وهالشي مو غلط.. ان الرجل يكون صاحب الرأي بالمرأه.. صح لازم تكون قويه.. لكن مو عليه هو. لازم تكون قويه على الضروف..

نعم تتقوى عليه لو انهانت ومفاد وياه اي سبيل حتى يحترمها.. هنا لازم تواجه مو لازم تنهان.. وتقبل بالذل..

اني كل هذا نسيت اسوي.. وبقيت متصفه بالقوه ومنتظره منه احترامه رأيي وعدم تجاهلي..

ما اجه على بالي فد يوم اطلب منه ان يغير رأيه وياخذ برايي لكن بلطافه وتحايل عليه..

لهيج بقت حياتنا متوقفه..

فديوم.. كان نايم.. اخذت الموبايل من يم راسه اريد اتصل بأمي بعد ما كملت عمليتها والحمدلله رجع صوتها خفيف وفي تحسن..

ورجعو لبغداد ومنتظره مخلد يستلم الاجازه حتى نروح لبغداد..

خابرت ماما وحجيت وياها.. وسئلتني على جيتنا كتلها بس ياخذ اجازه واجي.. قفلت الخط منها بعد ما اطمنت عليها

واخذت جوله بموبايله.. فتحت الرسائل.. رساله من يومين جايه.. لمخلد كاله سيدي تم قتلنا اللي اسمه مالك وكّلنه جماعه سطت على شقته وقتلته ..

خليت ايدي على حلكي وصرخت.. لاااااا .. قتلته شنو لاااا كمت من مكاني اصرخ لاااااا .. فز مخلد وصرخ شبيج

لزمته من ملابسه تقتله ليش مجررررررم .. انت المجرم مو هوه... لييييييش قتلته ليييييش..

كمت اصرخ وابجي بصوت عالي.. ضربني حيل ولزمني من شعري ويصيح

- كلبببببه وتبجين علييييييه

-وخر مني الله لاينطيك قتلته ليييييش.. كمت ابجي حيل وبصريخ.. لليوم اني اشتاقله واحبه واكابر واحاول اصبر واتناساه.. واسمع وفاته انجنيت..

هو بقى يضرب لان ابجي عليه ويصرخ تردين انتظره يجي ياخذج وهو حتى مكان شغلي عرفه .. اتغديت بي قبل ما يتعشى بيه..

اني سمعت هيج كمت اشيل بروحي واركعه .. كمت اصرخ انت بس تريد تحرك كلبي بي .. تعرفنييييي لليوم احبه وكلت اقتله حتى اصفالك

ما اريييييييييدك ما اااااااحبك يا مجرررررررم.. لزمني ضرب ودفرات لحد ما تعبني كلش وهد حيلي وطلع..

بقيت بمكاني اون من الالم لحد ما فقدت الوعي..كعدت الفجر مخليني بفراشي نايمه..

كمت من مكاني جسمي كله يأذيني.. باوعتله مستحيل اعيش وي واحد مجرم مثلك.. جريت ملابس من الكنتور وفلوس ولفاف ..

رحت للحمام غيرت ملابسي ولفيت اللفاف على وجهي وطلعت على كيفي من البيت وقفلته عليه حتى لا يلحكني..

وطلعت اركض.. جان الجو بارد حيييييييل شتا شهر 12 .. يذبح بس صوت الهوى وانفاسي بالشارع اركض

وهذه كانت من اغبى خطواتي اللي هربت بيها الى الجحيم.......يتبع

☆☆☆☆☆☆☆



الحلقه_19

لجين:-ركضت للشارع العام.. اباوع يمين وشمال.. اريد سياره ماكو..

بقيت اركض ما اعرف الطريق بس اركض.. شفت سياره مرت.. وقفتها.. وقف..

ولد شاب.. بدايه خفت.. بس تقويت ودنكت.. سألته من وين اطلع لبغداد.. كال من الكراج ..

كلتله توديني الكراج.. وافق.. صعدت وياه.. كنت لافه راسي ووجهي كله باللفاف. بس خفت عيوني تبرز ويبقى يباوعلهم بالمرايا ويوزه الشيطان..

نزلت اللفاف على عيوني ودرت وجهي ما باوعتله ابد.. لحد ما وصلني الكراج.. انطيته الاجره ونزلت..

سمعت كيا ويمها ولد يصيح بغداد بغداد .. تقربت

يم الولد.. عفوا بغداد تاخذني قريب للاعظميه.. كال اوصل العلاوي..

قبلت بس خل اصعد بغداد.. دا اصعد.. شفت 5 شباب كاعدين بالسياره.. مال اكعد يمهم منا لبغداد.. الله عالم شيطلع منهم..

رجعت لابو السياره.. وسألته.. اخي اكدر احجز الكراسي الورى كلهم .. كال اي طبعا.. طلع الولد.. وصعدت ورى محد كعدته يمي..

بحجزي للخانات الورى اجو بعدي رجال ومرته..قبطت السياره وطلعت.. اطمأنيت من صعدت عائله ويانه.. احسن..

قريت الفاتحه لله.. حتى اوصل سلامات.. لان كان طريق الموصل بيجي تكريت بغداد.. صعب حيل..

الارهاب كان متواجد بكثره خاصه بهذه المناطق يتكاثرون.. ما خذت عيني نوم قهري على مالك جنني

معقوله مات.. ما اصدك. ولو فعلا مالك مات.. بعمري ما راح اباوع بوجه مخلد ومستحيل اصيرله مره..

واني اللي ضحيت بحب مالك وقبلت بيه يقتله.... بقيت افكر لحد ما وصلنا بغداد بعد 6 ساعات ونص طريق..

نزلت بالكراج وطلعت.. جانت الساعه 8 الصبح.. رحت لمحل موبايلات.. اشتريت موبايل .. وشريحه مستخدمه مقبل ينطيني جديده.. الا مستمسكات..

شغلت الجهاز.. ودكيت رقم مالك.. دك.. يارب يكون عايش.. رد.. بس مو مالك.. خفت لا فعل ميت .. انهبطت..كال الوو

-منو

-انتي اللي متصله.. مو اني

-رقم مالك

-اي نعم رقم مالك منوو

-مالك وين

-مالك تعرض لسطو مسلح وحاليا هو بالمستشفى.. وحالته احسن.. بس معرفت منو.. انتي ناديه

-بيا مستشفى

-الكاظميه

-قفلته.. نزلت دموعي.. ااااااااه الحمدلله ياااارب مميت..اخذت تكسي وطلعت لمستشفى الكاظميه..

نزلت وسئلت الاستعلامات عن المريض مالك قيس جابر.. بحثو كثير ياله عرفولي رقم الغرفه بالخاص..

صعدت لغرفته.. وصلت.. كانت الممر هادئ.. تمشيت للغرفه.. دخلت كان نايم تقربت يمه وبجيت.

هلكد مشتاقتله ومشتاقه اشوفه.. البعد ما نساني وانما زادني اشتياق اله ولكل حرف منه..

كان نايم.. وصدره بدون ملابس ملفوف بشاش الضاهر الاطلاق بصدره .. ابجي واحاول اكتم صوت شهكاتي..

بس لهدوء الغرفه.. صوت البجي مالتي طلع.... فتح عينه بثقل.. باوعلي بنعاس.. شافني فتح عيونه حيل.. وهمس..

مالك:- لجييين ..حبيبتي..

-اريد احجي الدموع تجري بحركه. احاول امسح الدموع واحجي وترجع تنزل من صدمتي بي نسيت شأحجي..

مدلي ايده تعاي.. انطيته ايدي.. باسها.. جريتها منه.. شلونك ..

لزم ايدي وصار يحجي بألم وصوت ناصي
-ميت شوك عليج .. شفتي غيابج اشسوه بيه تجننت وما عرفت طريقي وين وانتي ماكو.. لجين لا تبتعدين عني احتاجج.. حجاها وخنكته العبره..

بجيت بمكانه.. مالك طريقنا صعب.. وابويه خيرني بينك وبينه واني اختاريت ابويه بس دا اتعذب هوايه بغيابك..

ما كدرت اتأقلم ولا حتى اتقبله.. تعبت حيل..

-هششش لتبجين نبضي انتي.. منا ورايح انتي الي ومحد يكدر يمنعنا.. واللي اسمه مخلد.. صار ماضي وطويته..

-شلون يعني طويته..

-لجين مخلد هو اللي قتلني.. الكلب بعد ما عرفت مكانج .. كنت ناوي اجيج واخذج منه. بس سبقني وطبو عليه عصابجه للشقه وقتلوني

-ومنو كالك مخلد.. مخلد يمي كان معليه بقتلك .. مو ممكن مخلد يقتل.. يتبلون عليه

-ايهاب كشف واحد من افراد العصابه ولزمه واعترف ان النقيب مخلد هو وراء سالفة السطو المسلح

ف وصيت ايهاب يبعث جماعه الج للموصل يقتلوه ويجيبوج الي.. حتى نعيش اني وياج طول عمرنا..

-لحظه .. كمت من مكاني شنو يقتلو مالك شديصير اي جماعه احجيلي

-منو جابج

-اني اجيتك وحدي..

-عرفت مكانج بالقياره باجحله.. وبعثت جماعه يجيبوج..

-جماعه يقتلون مخلد..

-هذا قاتل وحاول يقتلني وان ما قتلته يرجع يقتلني..

-اياك مالك.. والله وقسم بذات الله مخلد لو صار عليه شي.. مستحيل اقبل بيك بيوم. اقتل نفسي والله..

-لجين مخلد عائق بيني وبينج..

-مو عائق بس اني اختاريته حتى ارضي ابويه.. مو ذنبه.. مالك كول ما اذيته .. احجييييي..

-ما اعرف.. يجي ايهاب وافتهم منه..

-اتصل بأيهاب فورا..

-جهاز موبايلي عنده.. ناسيه يمه.. وهو موجود بالمستشفى بس ما اعرف وين طلع يجي وافتهم..

-كمت من مكاني بسرعه. لزم ايدي

-لجين وين لا ترحين ابقي يمي ..

-اسمعني مالك لو مخلد انأذت منه شعرايه. بعمرك والله محتشوف وجهي.. مستحيل اسامحك لو اذيته

-لجين بس....

-تركت وما سمعته شحجه. طلعت بكل همه اركض بره المستشفى.. اتذكرت عندي موبايل خل اتصل بي..

دكيت رقم مخلد.. رن.. وقفت بمكاني عسى ولعل يجاوب.. رد الو.. ااااااااااه الف الحمدلله والشكر يااارب ما بي شي..

-الوووو

-اني لجين..

-بنت الكلبببببببب وين انتي..

-وصلت بغداد.. ورايحه لبيت بابا..

-اجي واعلمج بسيطه..

-انت وين

-دخلت بغداد. اصبريلي

-قفلت الخط.. وطلعت لبيت ابويه.. دكيت الباب.. الساعه 9 ونص يمكن ما اعرف اكثر.. والجو بارد ومحد يطلع.

لهناااك ياله طلعت امي.. هي شافتني وشهكت لجين ماماتي حبيبتي.. حظنتها حيل وكمت ابجي بحركه..

تبوس بوجهي من كل مكان كصتي عيوني

خدودي .. مشتاقه اليه هواي واني ميته عليها..

فدوه الصوتج يعمري واخيرا طبتي الحمدلله الله مضيع دعواتي والله جنت ادعيلج ليل نهار..

-فدوه لگلبج ماماتي.. لعد مخلد وين.

-اني اجيت وحدي بس هو جاي وراي

-شنو القصه شصاير..

-مالك ما بطل بحث وراي.. لحد ما عرف مكاني.. مخلد داز جماعه يقتلوه قبل لا يوصلنا..

-عززززا العزاج لجين.. بس كون مات..

-اسم الله يوم شمفاوله.. مميت مالك بعده عايش وداز جماعه يقتلون مخلد.. ومخلد جاي وراي وما اعرف شصار

-لج متعرفين هذا مالك شلون سبانه بيوم الرحتي.. غير اجه دك البيت طلق ويكلهم اطلعها من جوه الكاع عبالكم تضموها عليه..

اخذها اخذها.. وبيومها ابوج اتصل على مخلد يطلع بيج بسرعه.. ومخلد رايد يتقاتل وياه.. بس خفنه يقتله..

وعمامج كلها خابرت مخلد يطلع فورا بيج من بيت عمج.. لان عرف بيج هناك.. وربج طلعتو قبل لا يوصل..

واصل بيت عمج وساطين على بيته.. ولازمين مازن لان غالط عليهم مشبعي دفرات وعمتج كرجيه شامره روحها على مازن.. وتاركي وطالعين بعد ما عمج كال ما اعرف بيهم وحلفلهم..

كلب الدنيا والله يمه خفنا عليج منه.. شيلي من بالج هذا مجرم.. وحتى مخلد.. كلناله اطلع بيها من العراق

-كال اريد نسافر.. بس ممقرر.. الضاهر جانت نيته يقتل مالك مو يسافر وقتله..

-لجين اطلعو ماما مالك هذا مراح يتركمم بحالكم. مجرم يمه هذا مجرم.

-ومخلد شنو.. هم مجرم.. مو حاول يقتل مالك..

-لا بنتي اني تعرفيني مخلد اكرهه ما احبه. بس قتله مستحق.. هذا يدمركم..

-مالك يحبني ماما.. واني لليوم ما متقبله غيره.. ما اكدر انساه واطلعه من بالي ماما مو بيدي..

-يا عزا العزاج يداده شحبيتي بي ولج هذا مجرم..

-ليش تكولون مجرم ليش مو انسان يحبني ويحارب حتى ياخذني..

-يا انزول هاي انتي بيا مسلسل عايشه اصحي ماما.. شنو يحبج شنو يحارب .. احنه ناس تحكمنا عادتنا وتقاليدنا.. هذا قاتل مو مستقتل.. مو بعينه احد..

يذبح ويقتل ويسطي على بيوت العالم والله احب.. من حبته حيه ام راسين وخلصتنه منه.

تركت امي ورحت للغرفه الصغيره.. خابرت مالك. الو

-الو عيوني روحي انتي لج الهوى بلياج ما احب حتى اشمه..

-مالك اوعدني

-كولي

-متتقرب لمخلد.. واني رح اطلب الطلاق منه

-ولو ما اطلقتي غصب عنه يطلقج انتي ملكي..

-لو رايدني.. لازم توعدني ما تأذي مخلد..

-هو عايش

-اي عايش يلا اقسملي بالله مراح تأذي.. وتوعدني بهذا الشي..

-محاج اقسم اخذيها مني مراح اتقربله بس مترحين وياه.. لو مو ابوج انتي الي

-انت مفكرني ما اتمناك.. مالك الضروف تحكمني شسوي..

-الضروف كلها تهون لما الانسان يحب لازم تحاربين مثل ما اني جاي احارب علمودج..

-هو حب مو حرب.. الحب ما يجي غصب وتحكمه الضروف.. مخلد اوعدني الله عليك ما تنجن مره لخ تره تعبت من جنونك والله

-تغلطين اسمي بأسمه وتردين ما اجن..

-ليش اني شكلت.. ؟!

-كلتي مخلد اوعدني..

-اسفه .. هو من حبسني هناك ما كمت اشوف غيره كبالي فالليل والنهار مخلد مخلد لهيج طلعت تعويدة السان.

-هههه وليهمج اعرف حبيبتي عادي.. بس ليش انطيتيني العنوان غلط من رديتي عليه المره السابقه..

- مو غلط بس هو جنه ناوين نروح لطهران بس هو غير رأيه واخذني للموصل..

- رغم اعرفج تجذبين.. بس احبج مو بيدي .. ما اكدر اضوج منج..

-هههههههه

-ليش مكلتي الحقيقه..

-خفت

-تخافين مني

-لا خفت تصير مشاكل واني وافقت عليه بسبب بابا.. لهيج.... ما اعرف يعني كان لازم اسوي هيج

-احبج لجين لج امووووت عليج اعشق كولشي بيج حتى كذبج احسه ببراءه..

صدكيني ما اكدر اعيش بدونج شايفه الگلب من يدك.. ما يطلع صوت يطلع اسمج واتنفس اسمج مع كل دكه وجرة نفس..

ما اكدر اتحمل تصيرين لغيري.. لتكليلي اسكت .. اذا ما اخذج ما ارتاح لو وين ما ترحين.. لج مجنونج اني مجنووووون

- اوف يمجنوني اووووف اني هم جننتي بيك كلامك المثل سحر سحرتني بيهم. بس شسوي خل اطلق ونتفاهم بعدين..

-هههههههه احبج لج يول اعشقج اعشقج

-رح توعدني متأذي احد وتبطل جنون مووو

-لو صرتي الي اي.. اوعدج وانا بكامل قواي العقليه..

-الحمدلله ههههه.. يله اروح باي

-راح اشتاق

-ههههه

-ولو سجلت المكالمه شسوي اصبر روحي بيها لان صدك اشتاق اسمع صوتج.. وبهلتسجيل راح اغفى براحه

-مجنون..

-ليش مو وقح تره اشتاقيت لهلكلمه ههههه

-ههههههه

-********

-وقح هههههه

-اموت عليج من اجبرج تكوليها.. ووووقح

-هههههههه باي.. قفلته.. دقات قلبي نبضاته مو طبيعيه.. ارتاح وياه راحه نفسيه. وكان قلبي انخلق حتى يدك اله.

شعوري اله يتجاوز الاحاسيس .. رغم جنونه مؤذي بس الصراحه حتى جنونه اعشقه.. يفهمني ويسامحني بسرعه حتى لو كذبت..

وياه ما اكدر الا اضحك وافرح من كل گلبي.. ويمكن هذا اللي يسموه شعور الحب

ما تمنى من الدنيا غيره.. لازم اطلق من مخلد.. ما اكدر اعيش مع انسان وعقلي وقلبي مع انسان ثاني

راح ابقى خاينه الاثنين.. خا

ينه زواجي بحبي لمالك.. وخاينه حبي بزواجي من مخلد.. مراح ارتاح اذا ما اطلق.. خلاص وين اريد اوصل بزواجي الفاشل والاشبه بالسجن.

صاحتلي ماما.. رحت يمها..

:-وي منو جنت تحجين..

-مالك

-ماما اللي دتسوي غلط.. انتي متزوجه حرام..

-ماما زواجي للان مو حقيقي فقط ورق وصار لازم اشق هذه الورقه واخلص..

-هو شلونه مخلد وياج..

-طلعتلها ايدي.. هذا اشلونه يعني باعي الجروح والضرب اطلعلج ضهري شمسوي بي

-بس ماما انتي كلتي تعامله وياي زين.. شنو سبب ضربه..

-ماما قتل مالك.........قاطعتني

-لجين لجين ماما اسمعيني.. اني مو وي مخلد.. بس الحق يقال.. الرجال يحبج ولليوم مانعته منج ومتحملج .. صدوك عصبي بس ماما هذه قسمتج

لازم تعرفين تسايرين زوجج.. لازم تكسبي..

-ماما اكسب انسان مثله.. انتي تعرفين بأي سجن معيشني..

-ماما هاي الحياة الزوجيه دتشوفيني كدامج اطلع اروح.. هذا حال المرأه المتزوجه ماما..

انطيناج الحريه قبل الزواج لان نعرف بعد الزواج متلكيها ف حتى ما تنظلمين خليناج تعيشين شبابج بحريه.

هسه انتي كبرتي ووعيتي اتركج من طيش الشباب واقبلي بزوجج..

-ماما ما ادتحمل ولا دا تقبله.. شسوي ما اكدر

-لا ماما تكدرين.. انتي حتى محاولتي.. مو زين صابر للان بدون اي شي الغيره يكلب الدنيا اهم شي حاجته بس هو اثبتلج حبه ووعيه واحتواءه الج. احتوي

-يوم شأ احتوي واني ما احبه.

-ماما انتي جربتي تصيريله زوجه وما حبيتي.. العلاقه الحميميه بالزواج مهمه لربط الزوجين وتقريب قلوبهم لبعض..

انتي تقبلي وصيري بين اديه .. وحسو بمشاعر زوجيه اتجاه بعض وشوفي شلون تتغير حياتج

بالله كوليلي شلون تحبي وانتي مانعته

-ماما مختصر الكلام ما اريده.. واريد اطلق .. خلوني هنا ما اريد اتزوج هي كوه. لا اريد مالك ولا مخلد.. غصب هي..

-ابوج مراح يقبل وحيكولج طيعي زوجج

-لازم بابا يخضع.. تعبت ماما ما اكدر شتان مابين عقلي وعقله.. ماما شهر ونص تخيلي الباب ما شايفته غير مره طلعت للسوك وكلب الدنيا فوك راسي..

رح تكليلي هاي الحياة الزوجيه.. لا ماما مو هاي وممجبوره اخذ انسان ممتفهم حياتي..

من حقي اختار انسان يفهمني.. مو يفرض نفسه عليه بالقوه ويكعدني ابيت هلكده شهر ونص اني من الغرفه للمطبخ من المطبخ للغرفه

هذا موت مو حياة.. اريد ارجع لحياتي ماما. وصراحه مليت من العراق افكر اطلع برا اعيش .. لان دا اتقيد هنا كولشي عيب وحرام..

هي حياة وحده اعيشها خل اطلع برا اشوف الدنيا واعيشها .. شجابرني اتحمل هلعيشه وهلحياة هنا..

-ماما اغلب بنات بلدج هذا وضعهم وميطلعون

-واني ارفض وضعهم.. ليش مو من حقي اعيش.. من حقي اخذ الحريه اللي ماخذها الرجل..

يطلع ويتونس ويمرح وكافيهات ويلعب واني اذا طلعت شويه كالو دايحه.. شهلبلد هذه وشهلعادات الظالمه..

-ماما احنه مجتمع شرقي وهاي عادتنا.

-وهسه عاد مجتمعنا شلونه.. ع فكره المجتمع الشرقي اتصنف على ان هو من المجتمعات المتخلفه والرجعيه الغير قابله للتحظر..

يبيح للرجل كل شي .. ويتهم المرأه بكل شي..

واني اكره التخلف ماما اريد اعيش اريد اشوف العالم اريد اسافر .. اغامر فد على قمة جبال افيرست..احس بالحياة حالي حال العالم العايشه بره..

لازم اصير ربة بيت وانجبر على هلشي فقط لاني عراقيه.. هذا مو طموحي.. من حقي اعيش حياتي باجمل تفاصيلها..

مو اكعد اطبخ وانفخ لرجال خلف الله عليه اذا كال شكرا وابقى انتضرها منه مثل وحده هبله حتى يرضه عليه هه نوووو وي امباسيبل..

-ههههههه حتى لحجاياتج اشتاقيتلج فدوه الصوتج حبيبتي..

-هههه حيااااتي باع اليحب بااااع ويكولولي تعالي كعدي عند رجال حتى يحبج يشعل صفحة اهله ما اريده

-هههههههههه

-دنحجي.. اندكت الباب مال الكراج بقوه.. صحت استلمي اجه كرندايزر..

-هههههههه

-روحي فتحي الباب وكوليله لجين اجت من زمان ونايمه. ما اريد احجي وياه ابد..

-صعدي نامي وهسه اخابر ابوج يجي..

-صعدت وهي راحت تفتح الباب اله.. دخلت لغرفتي اخذت نفس.. كل شبر بغرفتي الي بيها حكايه..

كعدت ع السرير.. جسمي يأذيني من الضرب.. وما احس بالوجع بس لما ارتاح.. من خوفي ع مالك.. حتى اوجاعي نسيتها.

شمرت نفسي ليوره ونمت.. اااااا الحمدلله ربي متلاحكي وعايش لو ميت.. يمكن امووت..

صفنت..احس بحبي اله في شي خطأ بس مدا اميز الخطأ شنو.. شعور الحب البداخلي اله غالب على كلشي بيه حتى على عقلي..

سمعت مخلد يصيح جوه.. اوووف فرق بين مخلد ومالك.. مالك بقمة الوعي الحظاري.. ممقيد عقله بحدود شرقيه ..

اما مخلد مثال للرجل الشرقي المتغطرس اللي يحب كولشي تحت سيطرته وامره.. ما احبه لان ما يحترم عقلي وافكاري..

ويحب يفرض عليه عقليته وافكاره.. واني ما اتقبله .. ف ليش اكمل وياه.. دا افكر وي روحي.. طب للغرفه.. بعصبيه.. وصرخ

-لج كلبه تشردين من البييييت..

-كمت على حيلي وابتعدت بساع. راد يتقرب يضرني.. امي صارت كباله..

الام:- ما الك اي كلمه وياها..

اتركها يجي ابوها وتفاهموو

مخلد:- انتي وخريييييي زوجتي واتفاهم وياها..

لجين:- شوكت صرت زوجي بالله .. افتهم ما اريدك مليت منك كافي عوفني ما ارجع وياك لو على موتي والله. حس يا اخي حس ما احبك شلزكت..

الام:- يا ابني كتلك يجي ابوها ويتفاهم وياك.. ما اسمحلك تمد ايدك عليها ابيت ابوها

باوعلي بخزره وعصبيه وكال..
مخلد:- بسيطه اني اعلمج يا ادب سز..

تركني وطلع وطبك الاب وراه حيل.. اندارتلي امي..

-يمه ارجعي وياه .. مرته حقه يريدج..

-يوم ما احبه والله ما اريده هي كوه تركتوني بالشهرين ولا كدرت اتحمله ولا اطيقه. حرام عليكم والله..

لا الله ولا انبياءه تقبل باللي دتسووه بيه دتجبروني عليه واني ما احبه شلون يعني..

اكولها الكم واسمعوها عدل.. والله مستعده اموت ولا ارجع وياه.. حياتي وياه اشبه بالجحيم.. 24 ساعه نتناكر لا هو فاهمني ولا اني فاهمته شلون تردونه نرهم.

- والله يا ماما ما اعرف شأكولج.. هو حقه مرته يريدج وانتي حقج مجبوره عليه وما تحبي..

-ماما هو ابدا مو حقه .. هو اللي فرض نفسه على انسانه محابته ومتريده.. شيريد مثلا اسويله..

-خل يجي ابوج واحجي وياه.. اني تعبت احجي وياه يكلي لجين ما الها غير مخلد.. اذا انفصلت ترجع للمجرم مراح يتركها بحالها..

-ماما مالك ما تاركني.. هاجم على بيتنا اللي بالموصل رايد يقتل مخلد وياخذني وربج اجيت لهنا ومخلد تبعني ..

جان هسه مخلد مقتول واني يم مالك..

-ماما وشلون تأمنين لواحد يقتل زوجج في سبيل ياخذج... هذا مجرم..

-وشنو فرقه عن مخلد اللي جابريني عليه.. هم راح دز جماعه على مالك وقتلته.

الام:- لنفترض اطلقتي.. هم راح يبقى مالك يلح بالزواج

-وشبي مالك

-ياااا لجين شبيج بنتي .. هذا مجرم يخوف..ما تعرفين شسوه بينا من تزوجتي ومخلد طلع بيج للموصل..

سبانا سبايه بليلتها.. سافرنه ثاني يوم ردنه نسلم بارواحنه

-ماما مخلد هم قتل مالك وهو البده يعني اجرم منه. مالك كل اللي ديسوي يحاول ننجمع اني وياه..

-ومخلد نفس الحاله... هم ديحارب حتى تبقين وياه.

-الفرق الحب ماما.. مخلد ما احبه ومالك......سكتت

-والله يا بنتي دضيعين نفسج بهذا اللي اسمه مالك. اخذي مخلد واطلعو بره العراق واخلصو.. شتعرفين عن مالك وتردي..

ولتكولين شيفرق عن مخلد.. اني مخلد ما احبه بس واحد يحجي العليه والمو عليه يا بنتي الولد مستقتل عليج وقتل مالك لان مهدد حياته وزوجته.

شنو ينتظره يجي يقتله وياخذج.. والنعرفه احسن من اللي منعرفه.. عصبي صح ويضرب بس حباب واخلاقه حلوه..

مالك تصرفاته تصرفات عصابجي.. وليخدعج بكلام الحب.. تره حتى الحيوانات تكدر تحب وتعبر عن حبها

حكمي عقلج واختاري صاحب الاخلاق والمشتريج والمتحمل شهرين ما جابرج على المقاربه في سبيل تقبلين..

مو ابو الحب والرومانسيات.. وهدروب التعبانه.. مو كلمن كالج ما اعيش من دونج صادق تره اكثر الكالوها تركو نسوانهم واخذو عليهن يا امي

اخذي اللي بحبج مو اللي تحبي.. اقنعي بقسمتج يا ماما وارضي شتسوين..

-مو بيدي ماما.. ما اكدر.. ما اتقبله لو شيصير ما احبه.. هي كوه ماكو حب غصب.. واني ما احبه افتهموها مااااااااا احبه .. اعيدها بعد لو سمعتيها

-شكول يا امي غير الله يهديج ويصفي عقلج ويهدي قلبج..

-طلعت من عندي امي.. تمددت على السرير وبعد التفكير الكثير نمت..

كعدت العصر.. ابوي كان موجود وعمامي وعمتي التحفه كرجيه.. والعالم ما شاءالله كلها ملتمه.

نزلت ديتحاجون بصوت عالي بالصاله رحت للمطبخ نرت عمي عثمان واكفه. سلمت عليها وكالت هلا بالنايمه والدنيا كالبتها..

بوستها.. خير شكو يتصايحون..

-صدك مانعه مخلد منج لليوم.. يكول شكد حاولت وياه نصدق زواجنا ما قبلت وكلما اريدها زوجه تمنتع واني اكول ما اجبرها..

-بالله ميستحي يذكر هلشي..

-لا عمه حقه.. لو طلعن منج الحجايه مو منا يتهمو برجولته محد يكول انتي متقبلين يكولون هو مو رجال لو رجال جان كسرج واخذج

-اي والله مو هي بكيفه..

-ها ولج لعد بكيفمن

-بكيفي اني انسانه وجسمي حره بي مو من حقه يجبرني على شي ما اريده..

-غير زوجته.. لعد المن تزوجتي..

-اي وكأن كان اختياري اتزوجه غير بابا.. دنحجي صاح ابوي لجيييين..

-رحت الهم سلمت عليهم ومشيت سلمت على بابا كال هلا وبعد خده ما قبل ابوسه عرفته متضايق.. كال كعدي..

كعدت..

حجه عمو عثمان:- الله بالخير عليج بنتي

-هلا عمو تفضل

-هذا مخلد كبالنا وحجالنا على حياتكم.. يكول حاولت وياها بكل طريقه ما دا تجي للطريق.. ضربت سايست تنازلت سكتت.. وكل هذا ما فايد وياج

شنو اللي تردي منه ومانعته يصير زوجج .. شهرين رجال مماخذ مرته وين صايره .. واحنه حجينه وياه وكناله صوجك انت رجال المفروض تكسر راسها وتاخذها كال ما ردت اكسر بخاطرها..

اذا هو ما راد يكسر بخاطرج.. شنو قصوره وياج وشارده منه.. اكو بنيه محترمه تبجي على واحد سرسري شلون تقتله..

لو احنه لمكانه جان ذبحناج علقبله مو نك

تلج..

-عمو بغض النضر عن كل الكلام اللي كلته.. اتمنى تفهمون حاجه وان هي كيف اتقبل انسانه واعاشره واني ما احبه..

لو احبه من زماااااان وافقت عليه وكان هسه عندي منا 3 اطفال.. بس عمو ما اريده .. شهر كامل اني محبوسه بالبيت شارع من شوارع الموصل ما شفتها..

مره وحده طلعت سوك مليت.. اجه خبص الدنيا.. هو اخذني من بيت اهلي صيدلانيه بالنهار واعلاميه بليل واتنازلت عن الاعلام.. وكتله بعد ما اشتغل

وبقى هو حارمني من كولشي اقل شي موبايل مينطيني.. هو ما اخذني ربة بيت .. اخذني صيدلانيه

ان قطعت الشراكه بصيدلية مؤيد.. اتعين واشتغل.. هو كل هذا حرمني منه وكعدني بالبيت ويجبرني اصير ربة بيت..

ونظرية الجبر اني ما اتقبلها.. يفرض عليه افكاره واوامره وميتفهمني.. طيب شلون تردون اتقبل انسان ممتقبل شغلي ومكانتي وعقليتي..

يريد ربة بيت يروح يشوف اللي تناسبه.. تعبت واني اكولكم مااااا اريده.. ما احب الحياة الروتينيه اللي هو يحبها ويريدها..

عمران:- هو مو صوج صوج ابوج .. شفت هاي الحريه الانطيتها البنتك وتصيح واثق بيها شفت شسوت بيها

-عمو شئتم ام ابيتم اني ما خنت ثقة بابا فد يوم.. وافقت على ابنك فقط لان هو راد.. ومو غلط لو طلبت حقوقي..

ادافعون المخلد وتصيحون حقه. طيب حقي وين.. ليش تجبروني اقبل بافكاره متجبروه هو يقبل بافكاري وبعقليتي.

اريد حريتي شغلي حياتي.. ما احب اتقيد وهو منعني منها كلها...

مخلد:- لما اشوفج تستحقين الثقه انطيج كل اللي تردي... حاليا ممنوع

-وممجبور تعيش وي انسانه متثق بيها وهي متحبك.

عثمان:-ولج انتي شنو من ابنيه توكفين كبال رجلج وتكليله ما احبك.. اكوم اكسر راسج والله..

غصبا عليج ياخذج اليوم واذا رفضتي ذبح اذبحج .. ولج خاف مكسوره وتخافين يوصلج ويفضحج.

-سبق وكتلكم مستعده اخضع لفحص واني اشرف من اي بشر يتهمني بشرفي.. ومو مجبوره اقبل بانسان ما احبه. خلص ما تفاهمنه خل يطلقني شنو كوه هي..

حجيت وهد عمو عثمان وعماتي صارو كبالي ويصيح

عثمان:- اشرف منين لج ادب سز ساقطه.. غصبا عنج اليوم ياخذج واذا ما قبلتي والله اذبحج..

-اليقتلني ابويه بوجود عمامي لما يحجون ويايه يسكت.. حيييل ضعيف كدامهم ويقنعو باي كلمه..

صحت ما اريده هي كوه.. ما اريده خل يحس خل يطلقني.. شهلمصيبه يا الله انسان مجبور بانسان ولازم يقبل بي..

انا حررتكم فلا يستعبدكم احد من بعدي مو هيج يكول الرسول لو بس بالحجاب والبس تركضون عليه بالدين..

كلهم بقو يحجون ويتصايحون عليه.. اخر شي.. حجه ابوي..

:- اسمعي لجين.. انطيتج عين ازياده كل ضني ادميه.. تقبلين بزوجح لا وحق الحق .. اتبرى منج صدك واحبسج وارجع اعيد تربيتج ..

ولا تتوقعين لغير مخلد انطيج ..

-بس بابا

-ما الج نص كلمه تكومين هسه ترحين وي رجلج

عمران:- مخلد اخذها هسه وروحو لفندق وبليل نريد بياضها واذا ما انطتك معناها مكسوره.. رجعها نقتلها..

عثمان:- اخذها ومن باجر اطلع لسوريا.. لا تبقى تره هلكلب وراك مراح يتركك لحد ما يقتلك وياخذها

لا تبقى هيج..

مخلد:- طلبت حمايه وياي .. اجوي 4 شرطه وسياره لحمايتي

عثمان:- هذا مجرم كلشي يسوي اترك دوامك واطلع بيها لسوريا.. ومناك نخلي عمك يسحبك للسويد تعيشون يمه.

يتفقون ولا كأني موجوده اريد احجي كلها تسكتني ويكملون كلامهم.. دار عليه عمو عثمان وكال يله كومي وي رجلج.

عماتي كوموني.. تقربت لبابا.. بابا الله يخليك ما اريده اقتلني ولا تعيشني وي مخلد.. ما اريد اتزوج والله خليني عايشه يمك..

الاب:- اتبعي زوجج وكومي وياه

لجين:- بابا اترجاك .. انت العلمتني ما اقبل بالذل.. تذلوني هسه ليش .. ما اريده خلوني هنا ما اريد امشي وياه..

الاب- محد ذالج انتي اللي ذليتي الولد.. صابر ومتحملج وانتي اللي ذليتي بتعجرفج.. صيري خوش ابنيه وتبعي زوجح وارضي وتذكري رضاي من رضاه

-هزيت راسي.. انت اللي علمتني ما انذل لو مهما يصير بس تهون بابا.. قربت بست راسه.. ما حجه..

طلعت.. ردت اصعد.. الغضب كله يفور بداخلي ما اكدر انغصب وانذل مستحيل اقبلها هيهات.. مشيت للكاونتر.. طلعت الدله اللي انسوي بيها قهوه..

وكفت كبال الكاونتر جريت السم مال الحشرات من الجراره خليت بسرعه.. صاحت ماما لجين.. رجعته بسرعه..

وانداريتلها..

:- صبري يا ماما تهون كسبي زوجط وبالكلمه الحلوه خلي ينفذلج التردي ارضي بقسمتج ماماتي..

-ما احبه ماما ما احبه... حظنتها ابجي.. بقت تمسح على راسي وتكلي انسي البقلبج ماما وارضي بالمكتوب..

اجه مخلد للمطبخ.. يصيح استعجلي يله ما عندي وقت..

-مو انت اللي تجبرني وتتأمر عليه .. لو شتسوي ما راح انجبر بيك افتهمت.

مخلد:- بسيطه اعلمج

الام:- لجين اسكتي ماما..

-اخذت نفس.. ودرت وجهي للكاونتر حجت ماما شدسوين.. كتلها دا اسوي قهوه راسي وجعني حيل ..

-استعجلي امي وصعدي رتبي نفسج.. ملابسج هواي فوك .. وبدلي..

-هزيت راسي.. خليت قهوه.. ومي.. وخليت على النار.. دموعي كامت تجري وحده

.. ممكن اموت بس مو ممكن اقبل بمخلد..

صبيت القهوه بفنجان صغير.. وصعدت.. فوك.. كلها تصيح بسرعه استعجلي مخلد وحمايته بره كاعد ينتظر..

شربت القهوه.. صكه وحده..ودموعي كامت تجري..

بهذه الاثناء.. ماما شايفه شي متبدي ع الكاونتر والجراره مفتوحه.. فاتحه الجراره وشايفه السم اللي لافته بجيس متبدي..

عرفت شجنت اسوي وليش طلبت القهوه .. بساع صارخه وصاعده اليه كلهم صعدو على صرختها لانو هي مريضه ممنوع عليها الصريخ..

بمجرد ما شربت القهوه.. ثواني وبقت ماما ادك الباب لجين لتضيعين نفسج بنتي حرررام لتخلين الشيطان يغويج بنتي حبيبتي فدوه افتحي الباب

ولكم كسرووووو البااااب البنيه انتحرت كسروووو..

يردون يفتحون الباب واني واكفه ابجي.. جسمي اشتعل.. نفسي انقطع.. لزمت ركبتي اريد اتنفس..

احس نار شبت بجسمي.. واتنفس وانشغ مثل واحد يجالع.. كسرو عمامي الباب .. ودخل ابوي اخذني بحظنه..

ويصرخ لجين اتقيئي لا تسوي هيج بنتيييي .. يفتح بحلكي ويريدني اتقيئ واني بين اديه فاتحه عيوني واشهك..ومختنكه.. ولازمه بقميصه حيييل.

-لجين بابا لتسوين هيج برووووحج اتقيئي.... شالني بكل حيله وركض.. وماما تبجي وعماتي وعمامي ومخلد يصيح عمي انطينياها..

وابوي مثل طفله لزمني ويركض بيه.. من استعجاله.. وهو يركض على الدرج متعثر وواكع..

اني ويه وكعته وكعت منه من الدرج للكاع وفقدت عن العالم...يتبع

☆☆☆☆☆☆☆☆

#توقعات_الابراج
ابراج اليوم الجمعة, 9 اب 2019 عاطفياَ ومهنياً وصحياً
الحمل
برج الحمل
مهنياً: توقع اللا متوقع، ربما يكون خبراً جيداً يتعلق بوضع مالي أو فرصاً مهنية جديدة، فاوض وناقش أعمالك وواجباتك، وقد تحصل على مكافأة لجهودك

عاطفياً: يتعزز وضعك العاطفي وتبدو سعيداً بلقاءات وتطورات، يحالفك الحظ في نشاطات اجتماعية وشخصية، حضر نفسك للاستفادة من الفرص المقبلة إليك




صحياً: تخف الضغوط النفسية عليك هذا اليوم، فترتاح أعصابك وتبدأ برؤية الحياة من منظار إيجابي ما ينعكس إيجاباً على صحتك
الثور
برج الثور
مهنياً: تنهمك في تنظيم مصاريفك وربما تستاء من كثرة الأقساط، وتقلق بسبب مسؤولية تجاه أحد الزملاء

عاطفياً: تشعر بالرغبة في لقاء الشريك للتحدث في مختلف الأمور الخاصة بكما، للوصول إلى وضع خطة لمستقبلكما معاً

صحياً: تشعر بالطاقة والحيوية اليوم، مما يساعدك على تحقيق الكثير من الأهداف المؤجلة خلال الفترة الماضية، لذلك ينصحك الفلك الإهتمام أكثر بصحتك
الجوزاء
برج الجوزاء
مهنياً: تجنبالاستثمارات والمغامرات على الصعيد المهني، ولا ترضَ بالمجازفات بسلامتك أو باستقرارك، ولا تخالف القانون

عاطفياً: تعاني إهمالاً وفتوراً في حياتك العاطفية، لذلك الجأ إلى كل طاقاتك الذهنية ومرونتك لمعالجة الوضع ولا سيما اذا كان الحبيب من برج الثور




صحياً: لست معتاداً على كثرة المواجهات وهذا يهد من نشاطك، وإذا كنت قلقاً حاول لقاء الأصدقاء للتخفيف من هذه الضغوط
السرطان
برج السرطان
مهنياً: تفرح بخبر أو قرار إداري، وتحقق إنجازاً مهنياً تتلقى التهاني عليه، وتلاقي  بعض  الناس  في  مكان  ما  وتكون سعيد

عاطفياً: يوم مربك وغير واعد بل يحمل صعوبات ومشاكل عاطفية، إنه يوم مخيب لكل التوقعات فلا تراهن عليه

صحياً: حافظ على هدوئك ولا تسمح بإثارة غضبك، ولا داعي إلى التوتر والانفعال، وإلا ارتفع ضغطك وسبب لك مشكلة صحية أنت بغنى عنها
الاسد
برج الاسد
مهنياً: تحاش السارقين والمحتالين والمناورين وأصحاب النيات السيئة، واحمِ نفسك من الأخطار المحدقة بك

عاطفياً: خطوات مهمة وإيجابية في حياتك العاطفية، ولا سيما إذا كنت متزوجاً، فالشريك يحاول إسعادك بشتى الطرق وتظهر له بدورك الاهتمام الكافي




صحياً: تعود أن تقوم بتمارين التمدد عندما تستيقظ من النوم، فهو يعزز الدورة الدموية والهضم ويخفف من آلام الظهر إن وجدت
العذراء
برج العذراء
مهنياً: أترك قلبك وعينك مفتوحين على الاحتمالات، وحاول أن تدرس أوضاعك بعمق وأن تفهم أسباب بعض التحفظ أو البعاد

عاطفيا:ً يكون هذا اليوم مدخلاً إلى توضيح الرؤية وتثبيت الاستقرار، ويشير إلى سيناريوهات عديدة، منها عودة اللقاء والتواصل والاجتماع أو توطيد الأواصر

صحياً: تشعر بإرهاق جسدي، لكن إذا أصبت بأي عارض صحي فلا تهتم، أنت قوي البنية
الميزان
برج الميزان
مهنياً: القمر قد يكون هذا اليوم حاسمًا، لكنه يتسبّب بالتشنّج، يزعجك التعامل بمعيارين وتعبّر عن استيائك بانتفاضة ما على الأرجح

عاطفياً: القرارات العاطفية التي تتخذها حكيمة جداً، وتخطط جيداً وتنظم أمورك بشكل يتفق ومخططات الحبيب

صحياً: خذ قسطاً من الراحة والنوم فذلك ضروري لاستعادة نشاطك وعافيتك وصفاء ذهنك
العقرب
برج العقرب
مهنياً: لا تدع تحقيق الأحلام هاجسك، فالواقع يتطلب منك العمل المتواصل للوصول إلى المبتغى

عاطفياً: ثقتك العالية بالنفس تثير إعجاب الشريك بك، ويقف إلى جانبك لمؤازرتك في جميع خطواتك




صحياً: رياضة المشي يومياً من أكثر الرياضات فائدة للصحة، وعليك نوم الساعات المطلوبة ضمانة لبدء يوم جديد بنشاط وحيوية


القوس
برج القوس
مهنياً: غيوم في الأفق تدفعك إلى إعادة النظر في بعض الأمور، لكنّ الطاقة التي تمتلكها تساعدك على تجاوز أي عقبة

عاطفياً: اللعب بالنار خارج إطار علاقتك بالشريك يؤدي بك إلى مشاكل كبيرة لن تكون عابرة، والاختيار بين المتعة والعمل ليس سهلاً على الدوام، وغير آمن كذلك

صحياً: حتى لو كنت تشعر بالحيوية انبته إلى أنك قد تقع في اضطرابات صحية تضعف قواك
الجدي
برج الجدي
مهنياً: أنت توّاق للعمل ولا سيّما العمل السريع، وتميل الى اتخاذ قرارات جريئة ومتسرّعة احيانًا

عاطفياً: تبدو سعيداً في بيتك ووسط عائلتك، وتتمكن من حل كل المشاكل والنزاعات الصغيرة التي تطرأ في هذا المجال

صحياً: عليك أن تبعد الضغوط عن نفسك مهما كان مصدرها فأنت بحاجة إلى الشعور بالاستقرار
الدلو
برج الدلو
مهنياً: يحمل إليك هذا اليوم الحظوظ ويتحدث عن سفر أو عن رغبة تُنفّذ أو عن تجربة جديدة ومغامرة وتغييرات إيجابية في مسلكك وحياتك

عاطفياً: تكون بعض المناقشات مع الشريك حساسة إن لم تحاول بذل جهد كبير لتفهم ذلك

صحياً: يحاول الكثيرون دعوتك إلى العديد من السهرات، فحاول انتقاء تلك التي تناسبك أكثر صحياً
الحوت
برج الحوت
مهنياً: يوم مناسب لملاحقة بعض الأعمال والاتصالات المهنية وتظهر عن شجاعة كبيرة وقدرة على التكيف

عاطفيا

ً: تراودك مشاعر تحمل إليك الحماسة والعزيمة لإحداث تغيير كبير، أو للقاء حبيب أو للإقدام على مغامرة استثنائية

صحياً: ترتاح إلى بعض الظروف والمتغيرات التي تخفف عن كاهلك الضغط الكبير

#طبق_مجلة_حبيبتي
ميني بينزا
المقادير :
2 أكواب الحليب الدافئ
1 ملعقة صغيرة من الزيت
1 حزمة الخميرة الفورية
2 ملاعق كبيرة من السكر
1 ملح ملعقة الملح
طحين حسب الخليط
بيض

المقادير الداخلية :
لكي الختيار

#فقرة_شعر
ترفه وتحاجيني بغزل 😉

كلش حنينة اودافيه ❤

مرات اوصفهه بگمر 🌕

لا عمي جنهه العافيه 😍

غالي طبعي وسوگهم يهوة

#الرخيص 😉

أدوخن من أظُل وحدي بليــــــاك
ومصايب دهري ما تنحل بليـــــاك
شلي بدنياي يالغالي بـــــلـــيـــــاك
أموت ولا يمر بعدك عـــلــــيـــــه

#فقرة_هل_تعلم
هل تعلم 2% من سكان العالم يمتلكون العيون الخضراء

#قصة_عراقية
//

الحلقه_20

احيانا الانتحار ميكون ضعف.. وانما بلحظة ضعف لما تحس انت خسرت كولشي.. ابوك امك اهلك عمامك..

تحس كل الدنيا.. ضدك.. تريد شي .. وتنجبر على شي اخر.. ومجبر ان تعمله لان لو ما عملته ممكن تنقتل..

او ممكن يتهموك بشرفك.. او ما يرضون عنك.. في لحظه تحس انك خسرت كل شي وما بقى شي تعيش من أجله..

في لحظة غضب وانفعال تقرر تنهي حياتك بنفسك احسن من مما تخلي غيرك ينهيها..

خطوه فاشله نعم.. وحرام.. وغباء.. لكن الانسان في حالة الغضب والانفعال.. ممكن يتخذ اغبى قرار ممكن يندم عليه العمر كله..

بعمري ما فكرت فد يوم اقدم على خطوة الانتحار.. او أؤذي اهلي بهشكل .. لكن لحظة الغضب ممكن تنسى كلشي حتى نفسك..

حادثة الانتحار كان فعلا انتحار رغم عيشي وعدم موتي .. لكن هذه الحادثه غيرت مسار حياتي ..

مخلد اللي رفضته ممكن يكون اعرفه سيء.. لكن المشكله لما قلبك يتعلق بشي متعرفه.. تحس اكو شي خطأ.. بس شعور قوي مسيطر عليك ميخلي عقلك يتحكم بيك..

يخليك تشوف انسان بقمة الاخلاق والحب والروعه.. رغم ان الناس متشوف بي هيج شي.. يمكن صدق من قال الحب اعمى..

ان رفضت السيء.. لكن في قول يكول.. الشين التعرفه احسن من الزين المتعرفه..

امثال مو فقط حروف وكلمات.. لما تمر بيها تحس الها معنى كولش جبير..

القرار كان قرار قلبي.. والقلب دائما ما ياخذ خطواتك نحو الجحيم ويوهمك ان هذه مو نار الجحيم وانما نور تستنير بها حياتك...

لكن للاسف انتحاري كان بداية جحيمي...............

****

(في المشفى)

للحظه كنت اتمنى ما اصحى وارجع ويرجعون يجبروني على مخلد.. ولكن ما اخفي كنت خايفه اموت..

تمنيت لو اكعد والكى مالك.. لحتى يرتاح قلبي.. ما اريد اشوف الناس اللي تسببو بوصولي لهذه المرحله..

فتحت عيوني.. رمشه .. رمشتينين.. عرفت اني بالمستشفى.. حسيت ايد لزمت ايدي ..

ايد شعرت بحنانها من اول لمسه... عرفت هذه امي

الام:- حبيبتي ماما الحمدلله ع السلامه لج يروحي ليش اسوين بنفسج هيج ابنيتي انتي العاقله المثقفه تنتحرين .. ؟!!

-جنت تعبانه لساني ثكيل عن الرد.. اكتفت ادموعي بالتعبير عن اللي بداخلي..

بوستني براسي .. دخل الدكتور.. :- لجين اسمها مو

الام:- اي دكتور..

الدكتور:- لجين هل صحيح انتي اقدمتي على الانتحار لو في شي اخر..

-لا دكتور اني انتحرت..

-تحسين اكو شي اهم من حياتج حتى تخسريها..

-لما ما تكون لحياتك قيمه ف ليش عايش.. الموت والحياة بواقع مر .. واحد.. بنفس العذاب

-نسيتي الله .. ليش ملتجئتي لله.. دعيتي يوم وخيبج..

- تنهدت ..وغمضت عيوني.. بسرعه خطرت ابالي يا غياث المستغيثين.. لما طلبت منه ينجيني من الموت ونجاني وكان عند وعده لما قال ادعوني استجب لكم..

خجلت من ربي كثير بهذه اللحظه... فتحت عيوني للسماء وگعو دموعي اللهي حبيبي سامحني ارجوك..

-وذكر ان الذكرى تنفع المؤمنين.. بنتي الله باب الخائفين واليائسين.. ليش تخلين للشيطان عليج سلطان..

ليش تخلي يضعفج بلحضة ضعف او غضب بتالي يخليج تخسرين الحياة بالدنيا والجنه بالاخره..

المنتحر خاسر لا محاله.. محد يخسر غيره.. حرام اللي يضلمج يعيش وينعم بالحياة وانتي تموتين..

ان كان عندج رب اكبر من اللي ظالمج ف ادعي هو اقوى منهم كلهم.. لو استنقذتي بي.. راح يكون الج سندج ويكسرهم ويجبر بكسرج..

لان هو مع المظلوم على الظالم لانه الحق..

-هزيت راسي اشكرك دكتور.. وحتى امي شكرته لكلامه.. انطاني العلاج وكال بالسلامه..

لجين:-ماما شنو اللي صار

:- متتذكرين؟

-اتذكر انتحرت بس ما اتذكر شنو صار بعدها.

-اللي صار نقلناج اني و مخلد للمستشفى وابوج وعمامج تبعونه.. من وصلنه .. مخلد رمى يمين الطلاق عليج وطلع بدون ميجاوب احد.

-اخذت نفس .. وبابا

-ابوج بعده جوه.. خابرته كتله كعدت لجين.. وصاعد خسه ح يجي.. و عمامج راحو لما كالو تعدت مرحلة الخطر..

-شوكت اطلع..

-خل نشوف الدكتور اذا كتبلنا خروج نطلع..

-دخل بابا باوعلي وكال اروح اشوف الدكتور.. طلع.. حسيت الزعل بعيونه.. بقت ماما تحجي يمي ليش هيج سويتي وانتي الحبابه والعاقله ومن هلكلام..

شوي واجه بابا كال لامي يله جهزيها خل نطلع الدكتور يكول ما عليها شي.. ساعدتني ماما بلبس الجاكيت ..

سحبت شعري ولمته.. واخذت ايدي ومشت.. طلعنا من المستشفى.. اخذنا بابا..

رجعنا للبيت.. ودخلوني للصاله.. مددتني امي على التخم ونومتني.. انطتني العلاج.. ونمت..

للصبح.. فتحت عيوني على صوت دگة باب الكراج مالتنا الخارجي.. طلعت امي فتحت الباب..

دخلت خالاتي وخوالي كلهم اجو.. باسو راسي والحمدلله ع السلامه.. وما تشوفين شر..

اخذتني خالتي سعاد وخلتني بحظنها.. وتكولي

:- ليش خاله تنتحرين.. اكو واحد يستاهل تخسرين روحج عليه.. المابيهم خير عمامج يعيشون وانتي الورده تموتين.

-خاله تعبت واني اگلهم ما اريد اتزوج مخلد.. وكلهم جبروني عليه..

-وشنو هلمخلد هذا لزكه

الله ما خالق غيرج.. شكد ميستحي وبلا كرامه.. متريدك جابر روحك شكو

الام:- طلقها البارحه وراح..

سعاد:- عمى بعينه بعديش بعد ما موت البنيه .. وثبتتله الموت احسن من العيشه وياه.. شلون بشر ماكو احساس..

بحظه وابخته كل الصار وياج من وراه .. وكف قسمتج وفرض نفسه ابن گرجيه الخايبه..

الام:- لا سعاد اسم الله لا تدعين الولد جان يحبها واحد يحجي الحق

سعاد:- وحبته الگراده .. متحبه شلون يعني

الام:- والله يا سعاد.. اني خايفه نكوم نتحسر على هلزكه .. ابوها اليوم الصبح يكول راح اخابر الشيخ الاجه وي مالك واكله اخذوها..

سعاد:- يا لج عيني بس لا هذا اللي دك بيتكم بالسلاح بيوم زواجها

الام:- اي لج داده هو.. يگلون عنه مجرم ولو تشوفين شكله مال عصابچي محترف عضلاته وطبرة حاجبه والوشم اللي بأيده..

يخوف مدري هاي العوبه اشافت واشحبت بي.. دنرها الله لا ينطي..

اندارتلي خالتي.. وسألت.. :- خاله لجين انتي هذا تعرفينه واثقه منه..

-خاله هو حجالي عن اهله.. ابوه مقابل بزواجه مني لان جنت اشتغل اذاعه..

سعاد:- عوذه يعني هم عقد..

-لا مو هيج.. مالك لان مموافق على زواجنه .. طالع من ابوه ومتبري منه.

-هلفلم حقيقي لو تزوير

-هو حجالي ه الكلام..

-وانتي واثقه منه. تعرفي..

-خاله ماكو شي يكذبه.. واني اشعر باحساسه ..صادقه مشاعره.. صح هو شوي مجنون.. بس ما اعتقد يكذب..

وليش ديكذب.. سبق وتقدملي اكثر من مره واصر عليه والا لما وكعت بمشكله بسببه راح جاب شيوخ واجه على بابا

لغيره يفلت ويخليني اواجه مصيري وحدي ويخاف ينضر.. بس مالك اثبتلي حبه.. ف ليش ما اصدقه..

-زين خاله هو مو تحرش بيج بالبدايه.. شلون تأمنين بي..

-خاله هو قبلها محاول يحجي ويايه ورادته الى ان استثار.. بس اعتذرلي هوايه عن هذا التصرف..

-والله يا خاله ما اعرف اذا تحبي .. الله يسعدكم شنريد..

الام:- كومي بنتي لغرفتج ارتاحي..

لجين:- اي ماما... ساعدتني بنت خالتي ساره وصعدت لغرفتي نومتني ع السرير وبقت ترتب الغرفه وتحجي ويايه.

-من كل عقلج تنتحرين حتى لا تتزوجين مخلد.. لج اوك هو مينحب وثكيل دمه .. بس مو انتحار غبيه..

-ساره لو بعقلي هذا واني هادئه كان مستحيل افكر انتحر.. ساره متعرفين البارحه شلون استحقروني..

يحجون على ليلة الفندق وياخذني واذا مقبلت بقتلوني ويعتبروني لان عار ما خليته يتقرب وادور يتفقون شلون يطلعوني لسوريا

ومن سوريا عمي يسحبنا للسويد. لج بيناتهم ما تركولي رأي اتكلم بي. وكأني لعبه باديهم..

احااول احجي ويسكتوني.. اتفقو على كولشي واني سادين حلكي.. احس النار گبت براسي .. ع اي اساس هم يتحكمون بيه..

طفله.. مخبله.. لو حيوانه.. ما لكيت ساعتها غير الانتحار اخلص نفسي منهم واقتل روحي قبل ميقتلوني لما امنع مخلد..

- هسه خ يولي مخلد.. انطوت صفحته وطلگ عساه لا رجع .. احجيلي بمالك.

-اوووف مالك.. لج ساره فعلا احتاجه هسه.. احس داخلي محطم.. احتاج احد يفتهمني.. احتاج شخص يحتويني ويلمني.. احتاج انسان يحس شبيه..

وكل هذه عند مالك الكاها..بس..... سكتت

-انطيج موبايلي تخابري..

-ابتسمت .. طلعت جهازها وانطتيالي .. دقيت رقمه.. ضغطت اتصال.. رن .. رن.. رد...الوووو

-انطيته لساره كتلها جاوبي بسرعه .. وسحبي السانه .. هو بقى يصيح الو..

ساره:- الو

-منو

-اسمي ساره من بغداد انت من وين.. -بصوت حليمه بولند-

مالك:- وشبيج تتماوعين.. جمدي ورجعي كلميني عدل..

-هههههه انزول شكد ينحب دمك..

-ههه والمطلوب شتردين

-كالو عنك حلو كلت نجرب معك علاقه..

-شنو نوع العلاقه.. ؟!

-يعني شنو .. ليش اكو انواع..

-اكو نوع علاقة فراش وهاي مابيه حيل الها مكسر صاير تفصيخ.. واكو علاقة حب وهاي هم ما نحصليها گلبي محجوز.. واكو علاقة صداقه.. وهذه ممكنه

لجين:- اني استمع وياها واذني يم اذنها.. صمت الموبايل وكالت..

-لج عزا بعينه شلون عليه اسلوب بالكلام يقنع..

-همست وكتلها جاوبي وكليلها اريد مكان بقلبك حتى لو محجوز.. رجعت الموبايل وحجت

-العفو ماما صاحتلي اعتذر.. اي اكمل كلامي.. اني اريد علاقة حب واريد مكان بقلبك.. ولتكولي محجوز ازعل..

-الزعلتي وان رضيتي شيفرق عندي.. ما اعرفج.. وكتلج گلبي محجوز..

-طيب لمنو محجوز.. منو سعيدة الحظ..

-المشكله هي مو سعيدة حظ.. تعيسة حظ بيه بس مو بيدي احبها.. .

-ليش تعيسة حظ.. هلكد انت مو زين..

-اكثر مما تتصورين..

-اشتشتغل انت.

-شلج علاقه انتي.. واعتذر عن الكلام لان تعبان انتي حددي نوع العلاقه ورجعي حاجيني هسه اشطحي..

-اخذت الجهاز من ساره. وكتله طيب اني هم اشطح.

-منو

-معرفتني

-لجيييين..

-اممم

-حياتي انتي اخابرج على رقمج اللي اتصليتي بي البارحه مغلق ليش. سمعت ناقليج مستشفى ليش. بالي مشوش عليج.

-شربت سم ونقلوني للمستشفى والموبايل ضايع مدري بي..

-لا صدك .

-اي والله حاولت انتحر

-ليييش شنو السبب .. تأذين روحج ليش.. منو مضايقج.. نطقي