ومتانيك
ومتاني المحنه البيك تچهبني
ضل ابعيد ومجافيني
بس حبني
..... .

# كبل كلفه الرسايل # بس يكتبون ..
# والعاشك ينام # وكلبه بارد ..
# جا هسه شتكلف # ما تودون ..
# لا تحتاج ساعي # ولا كواغد ..

#فقرة_هل_تعلم
لوحة من ضوء القمر مكونة باستخدام 107 الف مرآة عاكسة بصحراء موهافي!
اللوحة صنعت من شركة غوغل لتكريم مارغريت هاملتون بالذكرى الـ50 لمهمة ابولو 11 والّي من خلالها تم وصول البشر بنجاح لأول مرة الى سطح القمر

#قصة_عراقية
////

الحلقه_12

لجين:- قفلت الخط من مالك.. ورحت نمت شوي.. كعدت بعد ساعه.. سبحت وشسورت شعري.. وتركت وجهي بلا مكياج.. وطلعت..

نزلت لماما .. ماما ادعيلي هذا اول يوم الي ع الشاشه..

الام:- روحي ماما الله يوفقج ويفتحها بوجهج ويبعد عنج ولد ابليس وكل واحد حاقد..

لجين:- حبيبتي امين..بوستها وطلعت.. توجهت للقناة بسيارتي.. صفيت ونزلت.. كان معاي مقدم اخر اسمه مصطفى.. بس هلكد حلو.. اني مره وصفنت بيه استغفرك ربي..

المهم. هو اول ما دخلت.. صاح انتي لجين.. هزيت راسي اي مساء الخير

-اهلااااااا مساء النور.. ودار للقناة بربكم هاي الكيك يطلع وياي ع شاشه.. هاي تفطر الوادم تحتاج مي يلا تنبلع

-هههههههه اني.. ليش مو انته..

-لحظه لحظه يعني اني حلو.. بربج كولي

-اي والله حلو ليش مواثق بروحك....

- لعد شبي اخوي يكلي وجهك جنه سندانه..

-هههههههه احتمال يغار منك..

-والله ترفعين المعنويات انتي.. هههههه.. اهلا وسهلا بيج.. اقدملج نفسي.. مصطفى الغالب من بغداد..

-اهلا بيك.. لجين شاكر وايضا من بغداد..

- وين من بغداد..

- الاعظميه..

-حيهم والله اصل بغداد..

- محي اصلك.. انته من وين..

- شارع فلسطين..

- اهااا..

- تعرفين المسابقه اطلعتي عليها مووو..

- بلي اطلعت عليها..

-اني اكول لو تنسحبين لان مستحيل تغلبيني..

-امممم حلوه الثقه.. بس صعبه الخساره معاها

-يعني گدها

- اييييون..

-هههههه تشرفت جدا بمعرفتج .. حبيت لطافتج يارب نقدم الافضل و يكون برنامجنا الاجمل

-ياارب.. الي الشرف عزيزي...خلصنا تعارف ورحنا ع اللوكيشن.. مكيجتلي الماكيره.. وسوتلي شعري.. ومصطفى كذلك..

كملنا.. باوعنا التلفزيون اعلن ان غد اول ايام شهر رمضان المبارك.. تباركنا فيما بينا.. رمضان كريم الله يعيده عليكم بالصحه والعافيه..

طلعنا.. كادر البرنامج بالسياره.. اول محطه كانت النا هي حدائق ابو نؤاس..

البرنامج عباره عن لعبه.. فريقين.. اني ومصطفى.. نفتر اثنينه على العوائل ونختار 15 واحد نتنافس بيه ضد بعض..

والفريق الاقوى اله جوائز ماديه.. الجائزه الاولى 300 دولار .. الثانيه 200 والثالثه 100

فنزلنا بحدائق ابو نؤاس.. وكفنا قريب من النهر.. تقربنا لبعض كدام الكاميرا ووكفنا.. الماكيره معانا... عدلتلي شعري .. وشوي وجهي وكذلك مصطفى

انفتحت الكاميرا.. ابتدينا اللقاء.. كنت خايفه ارتبك كدام الكاميرا والناس ملتمه تباوع. بس بمجرد ما ابتدأ نسيت نفسي وكأن الكامره صديقتي ودا احجي وياها..

سوينا المقدمه.. واخذت مصور ورحت ابحث بين العوائل والجماعات عن متسابقين لفريقي.. ولازم اختارهم اقوياء حتى انافس مصطفى

اللي هوا هم راح يبحث عن متسابقين اله.. اول ما وكفت.. على مجموعة شباب كاعدين.. تقدمت الهم رمضان كريم..

ردو علينا وعليكم.. كتلهم المسابقه واريد اتنافس منو كدها يساندني ونفوز.. الجماعه كلها صاحت عباس عباس

حجيت هو وينه عباس.. يلا كووم.. من وين يا عباس..

-من العماره

- حي الله اهل العماره.. كدها يا عباس تكون ويايه..

-عد عيناج.

-خريج انته

-نعم خريج جامعة تكنلوجيا..

- طيب يا عباس اذا خسرتني شنو اسويلك..

-اخذيني فصليه

- هههههههههههه اني اخذك..

-جا شسوي شعدي.. تسوين علي فضل تاخذيني

-دنكت اضحك.. رفعت اوك اوك.. يلا يا عباس لازم تساعدني نلكى المتسابقين..

خطيه هذا الشاب كان اله دور بهذا اليوم.. رجل بغاية المزح واللطافه شكد ما اريد اصبر ما اضحك..

يشمرله كلمه يخلي الكادر والناس كلها تسكر ضحك.. وهو محبوب بين جماعته..

مشينا اني وياه.. اختارينه 9 شباب و 5 بنات وهو 15..

بقى يعلم بالفريق واني واكفه وسطرهم ويكولهم المايعرف الجواب يحجي اي شي في سبيل الفريق الخصم ميجاوب ابدالنا وياخذ النقطه..

بدت المسابقه.. وكلنا بدينا باللعب ونسه لدرجه كبيره نسيت اكو كاميرا او تلفزيون. تصرفت على طبيعتي وعفويتي..

انتهت المسابقه بفوز فريقي عباس هو الاخذ الجائزه.. وبنيه الثانيه وولد الجائزه الثالثه..

كملنا تصوير تقريبا الساعه 10 اجواء رمضانيه تجنن العالم كلها طالعه وتفتر واضويه و فوانيس ..

رجعت للبيت.. سولفت لامي وابويه.. وانطيتهم موعد البرنامج. كالو نشوفه..

ما عونت احجيلهم حتى اصعد انام احس رجليه موتتني من التعب.. سبحت وكبل لفيت راسي..

ساعتين وكعدت.. لكيت ماما بعدها كعدت.. تصلي اعمال اول ليله.. تركتها ورحت للمطبخ سويت سحور..

اجبان وگيمر.. لفيت الخاولي على انفي وسويت بيض لماما..اخذت الصينيه ورحت يمها.. كتلها رمضان كريم ماما..

-علينا وعليج بنيتي الله يحفظج

شغلنا قران بالتلفزيون وكعنا نتسحر..

بابا ميصوم الدكتور مانعه.. يصير عنده تيبس بالكبد.. فما كعدنا. اتسحرنا. ورحت غسلت المواعين وفرشت اسناني.

واخذت قران وكعدت اقره.. كملت جزء لحد ما صلى الصبح.. صليت وبقيت على سجادتي ختمت 3 اجزاء لنص سورة عمران وقطعت رحت نمت..

لصلاة الضهر كعدت.. صليت

ورجعت تمددت اكلب بالتلفزيون والبرامج.. رجعت نمت شوي.. ورديت طلعت للبرنامج.. وماما راحت لبيت مؤيد تشارك الحمله..

دخلت للاستوديو محجبه وبدون مكياج.. لو مصطفى خلصني تصنيف.. لحد ما دك مدفع الافطار وفطرنا الكادر كلنا مع بعض كملنا بسرعه ورحنا توجهنا للبرنامج..

ايام حيل حلوه.. ويمكن اجمل رمضان مر عليه هو هذا.. لان برنامج وناس ومسابقات واختلاط بالعوائل..

شي مختلف عن كل رمضان بالبيت واكعد اتابع مسلسلات لو نفتر اني وماما ..

رجعت بيومها سئلت ماما شلونه الشغل..

الام:- والله ماما راحه ومحسيت بالوقت وزعنا الفطور وادور فطرنا .. كولي هم حسيت بالوقت تعجبت من كالو اذن..

-الحمدلله احسن لج من كعدت البيت

-بقاطات..

-شفتي البرنامج.

- لا والله ما لحكت.

-ينعاد ب1 وشوفي..

-فتحت التلفزيون على القناة الاشتغل بيها.. طلع المسلسل اللي اشتغلت بي..

كعدت اشوفه.. اني شفته لو كمت اكمز.. المشهد مالتي مخلين لقطه مني من ضمن لقطات التايتل.. يعني بمجرد ما تشوف المقدمه تعرف اني بي..

لا يا الله دشوف الحظ.. اي المخرج مو كتله اقطع هذا شبي.. صحت ماما ماما.

اجت.. كتلها مطلعيني بالتايتل..

-شلونها اللقطه اللي مطلعيج بيها

-يوم هو مسلسل عراقي ما بي لقطات مو زينه. بس مطلعين وجهي بتايتل المسلسل شلون لو شافه مخلد..

الام:- ماما شو انتي هواي مهتمه لمخلد.. هو مشهد تمثيلي قابل حقيقي.. وابوج هسه اكوله ويفتهم التمثيل والمشاهد..

اكو فنانات كبار واخذو ادوار مو زينه. عادي الفنان كولشي يمر بي.. اسيا كمال احسن منج وتغمزلي

- حيييل ماما اسيا كمال مره وحده..

- اي وليش عادي الفن حلو المهم تكونين متمكنه وعندج موهبه ليش لا.. شنو المانع.. مثلي مابيها شي

بس لو ردتي تمثلين مره لخ.. انتقي ادوارج بعنايه..

-ان شاءالله.. يارب مخلد ميشوفه يااارب

-والله مسويلج عله هذا ..

- شسوي متعرفي شلون يتخبل ويكلبها عليه .

..........مر اكثر الشهر واني بالبرنامج.. مستمرين يوميا.. فقط بوفاة الامام علي قطعنا

لان القناة وكفت بث البرامج الترفيهيه.. وبقت بس المحاضرات والقران والبرامج السياسيه والاجتماعيه..

ف خلال الوفاة اجتمعنا الكادر كلنا مع مدير القناة.. انطلب من عدنا نتوجه للنجف لتغطية الزياره.. واجواء ليلة القدر

وتقرر نطلع باجر بعد الضهر.. لتغطية الزياره ونرجع قبل الفجر حتى ندرك الصيام بمدينتنا..

دنتفق ونحجي المدير مال القناة لعبها لنفسي.. كل تركيزه كان على رجليه رغم لابسه بنطرون كلاسك عريض كان موديله وقميص طويل فوك من الركبه بشبر

بس فصلني تفصال بنضراته.. حيل اربكني.. اخر الحديث.. شال كارت وانطاني رقمه.. اخذته وطلعت..

مشيت بالممر.. شكيت الرقم.. وشمرته بالزباله.. حسيت احد ورايه.. التفتت.. لكيته المدير

- هذا احترامج الي

- العفو شنو ؟!

- تشككين بطاقتي اللي انطيتها الج..

- سويت نفسي اباوع للزباله وصحت اوووو اعتذر جدا.. جنت افكر بالسفر الباجر وشكيته عبالي ورقه بيدي.. اسفه..

- تعالي للمكتب

- شنو

- بدون حجي..

- مشيت وراه دخلت للمكتب وكعدت كباله..

- اسمعي ست لجين.. اني من زمان معجب بيج وبحظرتج.. وحاولت تفهمين بس الضاهر انتي فهمج قليل

- المعنى ؟؟!

-المعنى فهمتي وفهمج كفايه..

-ياريت توضح..

-اذا تردين تستمرين بالبرنامج.. لازم اطيعيني.. وبتالي ارفعج واقدمج اكثر من هذا البرنامج اخليج ممثله وممكن انطيج بطولة مسلسل

-واذا ما ردت..

-اني مدير القناة وانتي مقدمه عندي .. اكدر بلحظه اوقف برنامجج..

- ووقفه منو لازمك.. تره ممشتغله للحاجه يمكن متعرفني اني خريجة صيدله والاعلام والفن موهبه وهوايه اخرى..

متفرق لو تركتها.. وممحتاجه ماده لان اني بنت عز وناس متمكنين.. ماكو برنامج او اي شي بالدنيا ممكن ارخص نفسي اله..

ومع الاسف اشتغلت معاكم. كنت اتوقع محترمين.

-اعتبره تجاوز..

- اللي يعجبك. من دق الباب لقي الجواب

-اطلعي بره

-بدون متكول اني طالعه اصلا..

دا اطلع.. صار المخرج مال البرنامج كدامي.. شكو

-ياريت تسأل المدير..

-لحظه لجين افتهم..

-تركته ومشيت.. صاح ممنوع اطلعين انتظريني .. طلعت لكيت مصطفى.. كال شنو كتله هيج وهيج.

مصطفى:- ايا خسيس كبر جان استحى بكد ابوج هو
.

-يكرم اسم ابويه منه هلخسيس.. يلا مصار شي اروح..

- انتضري المخرج واطلعي حتى اذا تنهين توقعين ..

-بقيت كاعده وي مصطفى.. لشوي نزل ايوب.. كال اترجاج ست لجين كعدي..

- اخذت نفس كعدت..

- صحيح متحارشه بالمدير ومقلله ادب..

-التفتت لمصطفى ورجعتله شتحجي ايوب هو راد مني علاقه ورفضت.. كال ابطلج كتله وبطل ما اهتم. هسه يتهمني..

اكوم اروح افضل..

-لجين اكعدي.. انتي عندج عقد.. ميصير تخلفين ويايه بالبرنامج مجبوره تكملين..

-ايوب اي عقد اي برنامج .. هذا ديطعن بيه ويتهمني

-تصير هيج شغلات بس انتي بعدج جديده.

-هااااه يعني لازم اتعود على هالقذاره مووو .. لا ايوب ما اك

در.. اسفه

-3 ملايين غرامة ترك البرنامج وكسر العقد مع القناة..

-ايوب دتهددني

- لا والله .. بس هاي الشروط ورمضان ما بقى بي غير اسبوع.. كملي البرنامج واطلعي

-هو كال راح اطردج..

-لا يكول هي تريد تطلع. بعد ما رزلتها وكلتلها هلشي عيب

-صفنت هذا شنو من داهيه اتحرش وهدد يطردني ولما ما اهتميت قلب الموضوع عليه واني المتحرشه وهو اللي ميريدني اطلع واني اخالفكم.

شنو من بشر هذا

ايوب:-احترمي لجين هذا المدير

- شحترم ايوب هو ما احترمني.. يعني الشريف ينوكل.. لو تصير سافل لو يتلاعبون عليك. ويتهموك..

ايوب:- لجين كتلج انتي جديده بهذا الوسط من راح تتعمقين يي راح تعرفين شلون تتصرفين ويه هيج مواقف

-شتصرف اوافق مثلا هههه شبيك ايوب

- مو توافقين وانما تحترمين وتتلافين الموضوع بطريقه دبلوماسيه وما تردين بهيج تصرف..

لجين:- مستحيل ايوب ما اكدر ابقى

- اذا دفعي الغرامه وطلعي..

مصطفى:- لجين الحق وياج صح موقف مينحمل. بس اصبري بس هذا الاسبوع..

-مصطفى ما اكدر افتهمني

-افتهمج والله. بس لو طلعتي راح يصير حجي وراج وممكن تكبر وتوصل للاعلام ويروجها هو لصالحه ويشوه سمعتج .. صيري ذكيه وكسري عينه وابقي

مو ميريد يبطلج. رديه وابقي بقناته كملي البرنامج واطلعي لترجعين حتى ليصير كلام ولا ابد..

تخلص المواضيع على خير محد يكول المقدمه لجين تركت البرنامج لان سوت كذا والكل راح يصير مع المدير.. لان هو الاقوى

ايوب:- بالضبط.. مصطفى ديحجي الصحيح. وامشي باللي كاله

-بقيت صافن.. هه والله كالها مخلد وسط قذر ما يناسبوج. كتله لااا ناس واعين ومثقفين.. كل ضني هشكل

ايوب:- تصير تصير .. يلا انتضرج باجر الساعه 1 حتى نطلع للنجف..بس هااا حاولي تلبسين حجاب و جبه لان هناك زيهم عبايه لزم منكون شاذين ونحترم عزائهم

- تركتهم وطلعت.. رجعت للبيت .. سولفت لماما كالت شكد قذرين تركيهم خيولون..

-كتلها بس اخلص البرنامج واتركهم

بيومها بليل طلع المشهد المصورته بالمسلسل.. من كد ما انشغلت باللي صار نسيت اهتم لهل موضوع..

تسحرت وقريت قران ونمت.. للصبح كعدت على دك باب غرفتي حيل ومخلد يصيح كعديها لا اطب اكسرها والله..

لفيت نفسي بجاكيت.. وفتحت اول ما فتحت الباب ضربني راشدي..

ودفعني للغرفه وطب.. احس اذني صفرت.. وامي تصيح عليه شنو تضربها..

وهو يصيح كلتولي بس برنامج وقبلت بي.. انوب اتمثل دور وحده ساقطه وتردووووون اسكت..

بقت ماما وهو يتحاجون.. وكل شوي يجرني من ايدي ويهزني ويغلط ويسب..

حجيت ماما.. الله يخليج اتركيني احجي وياه.. من فضلج.. اني هسه افهمه..

طلعت.. اخذت نفس وهو يصيح احجي شسويتي لج تردين تموتيني انتييييييي

-مخلد.. ارجوك اسمعني.. اني اكبر غبيه لان ممشيت بحجيك والله..

-هاااااااه هسه تعترفين...

-تقربت اخذ اديه..بس اسمعني احجيلك

-جر اديه ماكو اي حجي اتركين فوووووورا

- مو اهنا المشكله ما اكدر اترك..

- غرامه اني ادفعها بس اتركي..

-ياريت لو اكدر اترك مخلد..بس افهمني.. حجبت هيج لو عيونه وكفن بالطول .. ويكلي شمصخمه وما تكدرين اتركين احجييييييي

-توعدني متعصب

-ولجججج احجييييي

-ما احجي والله الا تكعد وتهدئ وتوعدني متعصب.. لان اعرف نفسي غلطانه

-ادور تكول غلطان جر ايدي ولج شمسويه احجي..

سكتت ما حجيت..

-انعل حتى اليوم الشفتج بيه يا كلبه وهاي كعدت تعاي احجي لا راسج اكسره

-اوعدني

-شلون راح اكسرها ومحمد.

-مراح اكدر احجي واني خايفه منك اوعدني..

-انتي تخافين يا ...اخخخ منك يلساني استغفرك ربي . ولج هديت بس احجي موتيني.

-كعدت كباله.. وحجيتله كلشي لو كام يفور ويسب ويغلط ويريد يهد على القناة..

-لزمت اديه فدوه لخاطري... بس هاي الايام والله.

-اذبحج وصل لو عديتي الباب كلببببببببه

- بس بهيج راح افضح نفسي وممكن يستغل هلشي ويكول المقدمه لجين هيج سوت وطردناها محد يكول انسحبت..

-هو كتله لو كام يشيل روحها ويصرخ ويضرب ويشيل الغراض ويشمر.. اخر شي فحط حيل شرب مي ويكلي هاي فطرت من وراج وبذمتج ان شاءالله..

-ابتسمت وكتله ماشي..

- وتضحكين.. تضحكين عليه مضحكه عندج انيييي

-لك يا عيني مو هيج بس افهم.. عمي اسفه بس اهدء.. حتى اطلب منك طلب..

-وهو

-اذا ما عندك شي تروح ويايه للنجف.. خل يعرفون عندي ابن عم ضابط حتى شوي يخافون ويحسبولي احساب

-رايحه تتباهين بيه مووو .. لج انتي بس وقت مصلحتج تجيني اكبر وحده ملعبه بالدنيا والله

-اوك ملعبه بس كولي تروح لو لا

-طبعا اروح واكسر رجلج اذا عديتي خطوه وحده وي ذوله المسقطين وحدج..

-اوك لعد اكوم اسبح حتى احظر نفسي بعد الصلاة نطلع انزل انتضرني جوه ماشي

-اي اشتغل عد الخلفوج وانتضرج.. تف عليج وعلى اليوم الشفتج بي يا كلبه ..

طلع من الغرفه والاعصاب نار ويصيح فطرت من وراها الله لا ينطيها

-هزيت راسي .. استغفرك ربي.. رحت للحمام سبحت وانتضرت الصلاة كملت لبست وطلعت نزلتله متمدد صفح على القنفه بالاستق

بال كدام المكيف.. لكيته غافي.. رحت لامي.. ها

- وجعا يا هااا شهرنا بصوته والغلط مالته لسابع جار ..

-يلا ماما اني يمكن ارجع الفجر باجر كلت البابا .. وانتي كوليله مخلد وياها

-حيروح وياج

-اي

-بعد احسن .. على الاقل وياج واحد.. هم زين يلا ماما ديري بالج على نفسج

رحت للاستقبال بعده غافي.. مديت ايدي ولزمت شعرايه على كيييف.. وجريتها كطعتها من راسه..

كمز كمزه.. هي فزه هي سحبة اسلاح بوجهي..

- بنت الكلب هو هيج اليكعدون

-انته ليش تسب ابويه غير عمك.. كام على حيله وخله اسلاحه بضهره وحجه.

-خرب عمي هو لو بي خير جان ما جاب مثلج

-ما اسمحلك تتجاوز... خاصه على بابا.. غمني 👐 ويكولي عليج وعلخلفج

-استغفر الله يربي.. طبعا هو هذا طبعه مو بس على ابويه واكع للعالم سب.. لو بزونه تفوت من يمه يسبها..

راح غسل وجهه.. ومسح شعره لوره.. واجه باوعلي من فوك لجوه يتفقد لبسي خاف بي شي وكال شعجب لابسه حجاب..

-غير رمضان.. اكول صدك انته مساعه من اجيت لغرفتي لبست كدامك لو لا.. يا بس لا نسيت خرررب صيامي..

باوعلي وهز ايده وضحك..
ويكول مقبول صيامج م **

-استغفر الله ربي .. هزيت راسي دكوم يلا.. طلعنا اني وياه.. رحت وياه للقناة.. ما قبل ندخل يكول خل هم يطلعون.

وفعلا طلعو.. صعدنا السياره كعدت يم الجام اول صف كرسي وهو يمي.. مشينا.. بالطريق اتصل مالك.. دولي..

باوع للاتصال بكل حشريه.. منو..

-ااا رقم غريب

-انطيني ارد عليه هذا دولي..

-اتركه شكو ترد.. خلص الاتصال. قفلت الجهاز حتى لا يبقى يدك ويشك..

وصلنا للنجف.. كتله بس ننزل اشتري صايه سوده البسها.. ما حجه رحنا اختارينه الصايه.. ولبستها

وعدلت الحجاب.. ودرتله.. ها شلوني..

-هيج وصيري حلوه مثل النسوان شبيج يحظييي.. فاله شعرج ومخليه الهوى يلعب بي بكيفه..

-اكولك انته حتى من الهوى تغار ..

- والله ومحمد لو بيدي اكعدج بمكان حتى الهوى ميمرج

-متشوف ما اريدك حتى لا اصير بيدك وتكطع الهوى عليه واموت.. شنو ما رايده روحي

-هز راسه ومشى ما حجه.. طلعت وراه.. ورحت وكفت وي مصطفى نحجي على البرنامج.. ومخلد واكف ويانه..

بس داير وجهه من عدنا.. الحمدلله اطمئن لمصطفى وكعد يحجي وياه ويجاري بالكلام.. لان مصطفى محبوب..

بعد الفطور..اخذت جوله بالتصوير بشارع الامام واجريت لقاءات مع عدة نساء واستقبلنا تعازيهم..

رغم السواد والحزن بس جانت اجواء حلوه.. كملنا تصوير وكعدنا نحيي ليلة القدر.. بقيت للسحور اقرى قران ومخلد تمدد ونام يمي على جنطتي..

لحد ما صار وقت السحور.. كعدته ورحنا اكلنا ما قبل اكل وي الكادر.. اشترالي لفة جبن عرب واله شوربه وكلاصين جاي..

كملنا الصلاة وطلعنا لبغداد.. لازم نوصل قبل اذان الضهر حتى لا يبطل صيامنه.. خلصت السياره بس نوم.. من التعب

وصلنا للقناة نزلنه واخذنه تكسي للبيت.. دخلت شفت ماما.. صحت وج ماما متت تعب متت

مخلد:- ماتت تعب وهي الطريق كله تشخر بأذني

-التفتتله هاي اني

-لا عظمة اذاني

-كذاب ما اشخر.. قابل مثلك اني نايم بالشارع وتشخر

-اني رجال ما عليه.. الا انتي الخليتي الكادر مالتج كله يضحك ويصنف على نغمة شخيرج

-لا لا صدك

-اي وداعتج.. ويضحك

-جذاب والله مدام ضحكت

-بكيفج بعد العليه نبهتج..

-شوكت تلتحق

-تردين تخلصين مني؟

-اي .. وعيبتله

-هز راسه وراح تمدد على القنفه ونام..

-رحت لامي اسولفلها.. كالت كون عقدها.. كتلها لا لا ابد تعجبت ما اشتغل عقده ابد. جان هادئ

-اي حقه تعب الصبح من الصياح

-ههههههه يمكن ..

-نخابر عليج ماكو ليش مغلق

-غلقت جهازي.. ذكرتيني خل افتحه ..جريت جنطتي اخذت الجهاز وفتحته

-خابر ابوج على مخلد.. كاله دتشتغل الفجر نجي ..

- اي جنت اصور .. بس يوم اشووون اجواء تخبل وليلة قدر .. بس ما دخلت زرت ازدحام..

-اني حيت ليلة القدر بوحدي والله هنا .. قريت قران وصلاة مئة ركعه.. لحد ما طلع الفجر ما حسيت نمت بساع كعدت لريوك ابوج.

-اروح ارتاح ميته.. مديت راسي للاستقبال مخلد بسابع نومه.. تركته وصعدت..

خابرت مالك.. ما رد.. تركته ورحت سبحت واجيت لكيته مخابر مرتين.. خابرت.. رد..

-الوو

-لج الو قلبي الو نبضي اوووف لج شايفه هاي الدنيا كلها .. تروح فدوه لصوتج .. امووووت عليج اعشقج

-هلله هلله هلكد مشتاقلي

-لج يوم ما سمعت صوتج احس جنيت.. اتصل وماكو ليش حبيبي .. كلبج ينطيج تعوفيني لتموتيني بتل بتل

-ههههه لا والله حبيبي مو هيج .. بس جنت مسافره للنجف.. تعرف تغطيه ليلة القدر ووفاة الامام علي كرم الله وجهه..فرحنا نصور هناك..

-هممم بس حياتي اغار تلتهين بشغلج وتنسيني

-لا حياتي والله مناسيتك اصلا هناك وتذكرتك.. اباوع بلوجوه هوايه تمنيت انته بينهم ولشوفك لان صدوك مشتاقتلك..

-لا لتشوفيني هناك.. ابد ما احب هيج اماكن

-بالعكس اجواء ايمانيه رمضانيه كولش حلوه

-امممم رأيج.. والرأي لا يفسد للود قضيه.

-ههههه صح.. اي وين انته بعدك

ابجي والدموع عشره عشره تنزل من عيوني..واكوله مو مثل مشفت والله ما الي ذنب

-وتجذبييييييييييين.. كلبه وكعني للكاع هيه وكعه وهي رفسه..وكعد على صدري يريد يخنكني يموتني..

احس روحي طلعت من بين اديه ...بس اديه تجر بفانيلته اريد اتنفس اختنكت .. اريد انطق ماكو.. حتى ما كمت اسمعه من كد الاختناق

اجت امي شمرته من فوكايه.. التفيت وراها وكمت اناشغ مثل واحد كاعد يجالع اريد اجر هوا اختنكت

اسمعه يكلها بتج اطبب رياجيل لغرفتها بنصاص اليالي..ولج نزلت راسيييييييي....

المسدس وينه اروح اجيبه واغسل عاري.. امي كامت تصرخ وتبجي.. وتجر بابويه وتتوسله يهدئ يفهمون الموضوع وهو بركان كان ما يهدئ

اني بزاوية الكنتور لامه نفسي وابجي ومختنككه الهوه كوه اجره..

اااااااه لحظات رعب بس الله يعلم بحالي بيومها.. شنو حسيت وشكد خفت...

هذه كانت اول ليلة عيد الي ومالك بحياتي..
هذه كانت اول ضربه الي من بابا بحياتي..
هذه كانت بداية خطواتي مع الجحيم......يتبع

☆☆☆☆☆☆☆


الحلقه_13

اني بزاوية الكنتور لامه نفسي وابجي ومختنككه الهوه كوه اجره.. واكحكح..

امي تبجي وتصرخ وتلزم بابويه.. رجع طب لغرفتي.. والسلاح بيده.. صرخت لا بابااااااا لا والله ممسويه شي والله هو صعد اني معليه.

الام:- يمه بنتي شاكر وخرررر حرام عليك .. ووكفت كبالي

الاب:- لج البنيه الوثقت بيهاااااا وتنكس بيتي علاجها الموووت.. وخري منيييييي خل اكتلها..

الام:- شاكر دخيلك شاكر.. بس افهمها اسمع منها حرام عليك.. دخيلك ياااااااا الله.. بنيتي.

جرتني امي ولفت نفسها عليه.. وابويه يكولها ووخري خل اذبحها.. وامي تصيح اذبحني وما انطيكياها والله..

بقى يصرخ ساقطه وثقت بيها نزلت راسي... فتح كنتوري ويشكك بلابسي ويكسر بكنتوري برجله

شال الموبايل كسره تكسر واخذ الشريحه. وامي لافه اديها عليه.. وتقره سلام قولا من رب رحيم.. وتبجي واني ارجف بين اديها ولامه نفسي..

كسر كل غراضي وغرفتي.. ورجع مد ايده على شعري. وامي تجر بيه..

-شاكر بنيتك شااااااكر ..

واني اصرخ ماما لا تعوفيني..

وهو يجر..

لواني من اذني.. وجر شعري واني اباوعله بابا حبيبي فدوه والله ما سويت شي..

الاب:- انخرررررسي..

-بابا اترجاك ابوس ايدك.. والله هو صعد...نزلني سحل للغرفه الصغيره.. شمرني بيها.. وقفل الباب..

وكعت ابجي بجي بصريخ.. اول مره ابويه يعاملني بهيج طريقه.. عمره كله مضاربني بورده..

ولو فد يوم غلطت.. يدير وجهه عني ويخليني احس بغلطي واعتذر..

هذا اقسى وجه شفته لبابا. ما ابجي لان جسمي يوجعني او لشي اخر.. ابجي بصراخ وندم لان حسيت فعلا خسرت ابويه وكسرت ثقه كانت هي سبب سعادتي بالحياة..

كسرتها بسبب شي غبي.. الحب......الحب اللي يعمي عقلك. ويخلي قلبك يتصرف بكل انانيه لحتى يرضي مشاعره واحاسيسه..

القلب اللي يتصرف بكل غباء ويرفض يسمع لعقلك لو مهما صار.. تصرخ يا گلب كافي تره تأذينا.. ويبقى متمسك بحب غامض ميعرف عنه شي..

كانت ليله.. جدا صعبه.. صعبت عليه صياح ابويه.. وقهره وخيبته بيه.. صعبت عليه امي اللي تحوم عليه مثل قطه ويأذون صغيرتها..

بجيت لحد ما غفيت من التعب ما اعرف شوكت.. كعدت على صوت امي وهي تحجي وي بابا.

الام:- شاكر اذكر الله واهدئ.. يمكن البنيه ما الها ذنب.. حرام عليك ما عدنا غيرها.. لا تسوي بيها هيج وتكسرها

الاب:- انتي بذات تسكتين لا وحق الله طلاك اطلكج.. ولج رجال صاعد على بيتي وبغرفة بتي .. وبأذني هاي سمعتها طبكت الباب عليه..

وبكل صلافه بعيني تجذب وتكول لا بابا جنت احجي بالموبايل وتالي الكى النكس يطفر من سياج بيتييي.

الله يعلم كم مره صاعد ويمكن الجيران شايفينه.. وشوف هسه الله عالم شحاجين عني..

اخخخخ اخخخ.. كالهة مخلد وما سمعته... عمي تره اتسويلك كرون هاي .. لا تثق.. الزمها.. كلت لا بنيتي واثق بيها..

اذا ما كتلتها واطلع حليب الرضعته من خشمها واخلي ولد عمها يشكون حلكها وحلك الخلفتها فلا اطلع شاكر.

الام:- يااااا شاكر تفضح بتك. على بختك. احبسها بطلها ادبها.. ولا تفضحه بنيه هيج شاكر حرام عليك..

الاب:- انتي كلمه وحده ما اسمع منج. على كولتهم كل استهتاره من تحت راسج.. اسكتي..

راد يطلع امي كامت تصيح وتلزم بي .. ما تفضحها شاكر اسمع منها.. حرام عليك.. لا تطلع.. وتجر بي وهو يصيح.

سد الباب وترك امي تصرخ وحدها واني وره الباب اسمع وابجي.. اجت تقربت للباب..

صاحت لجين.. رفعت صوت البجي مالتي ..

الام:- ولج ماما لجين ليش هيج دمرتي حياتج وي هذا الصايع.. وج يمه مو كتلج ابتعدي عنه بنيتي..

ولج وكعت وذرت الساني واني اكولج هذا ميفيدج يمه مو من مستواج ابتعدي لجين.. ليش هيج سويتي بينه يمه..

ولج احسنلج عمامج يعرفون وتصيرين علج بحلك اليسوى والمايسوى والشمات هواي ليش ماما ليش.. وكامت تبجي..

لجين:- ماما وغلاة عيونج. والقران الشريف.. هو صعد. اصلا كان مسافر طول رمضان.. وما التقي وياه ابد غير يتصل واجاوبه..

الام:- منعت

بولاية ميشيغان

-اي حبيبي ..

-شوكت ترجع

- يمكن نهاية الاسبوع ارجع خلصت شغل

-ربي يرجعك بالسلامه

-هههههه اموت عليج

-مي توو..

- هاااا بديتي تتحارشين..

-ههههه بااي..

قفلت الجهاز منه.. ونمت .. كعدت صلييت الضهر ورجعت.. للمغرب يلا كعدت.. لكيت عمامي وعوائلهم جايين ماما وماما عازميهم على الفطور ..

اول ما شافتني كرجيه.. حجت اي عيني خاتون ويه الفطور تكعد.. گرة عينك مخلد..

دا ارد ماما كالت خبطي اللبن.. جريت اللبن وحجيت.. وشبي مخلد شجابه بالطاري..

-گلبه اغم.. يودي على وين ماكو وحده فارغه وبطرانه..

-اي لعد شدي حيلج وزوجي لوحده معدله تكعد من الصبح وتطبخ وتشتغل والرجال يكفخ ويأمر وهي تكوله امرك.. سمعا وطاعه..

الام:- لجيييين.. اشتغلي بدون كلام

-لا ماما صدوك والله .. يعني دا انصح.. خزرتني بضحكه.. نزلت عيوني باللبن خليته بالخلاط.. وابتسم..

كرجيه:- هي التطلع علقنوات شتترجين منها شتحجي غير السانها بطول السماعه مالتها

-واني واكفه ضحكت وغمضت عيوني بس اكتافي تهتز من الضحكه امي تتبسم وتخوط بالكاستر وتهز براسها..

عاد حجت ناديه مرت عمو عثمان.. :- اشبيج يا ام مخلد والله ذاك اليوم رحت لاهلي كتلهم تابعو البرنامج هاي بت حماي

شكد حلو البرنامج والله متابعي تخبلون انتي وذاك المقدم الوياج هم حلو وحباب مبين

-مصطفى اي خوش ولد..

ما عجبها كرجيه الحجي كامت تهز براسها.. عاد صبينا العصاير والالبان وصفيتهم على الطاوله

عمامي واهلي عادتهم بالفطور.. اول ميأذن يفطرون تمر ولبن وعصائر ويرحون يصلون المغرب..

على ميصلون نمد السفره ياكلون.. ف من اذن.. كلهم ووكفو بالمطبخ.. اني اخذت كلاص لبن وكرة تمر واتنحيت على صفحه..

فطرت وصعدت صليت ورجعت لكيت ماما ونسوان عمي ينكلون بالاكل للصاله.. نكلت وياهم وكعدنا ناكل..

يمكن هذا اكثر رمضان.. كان حلو بحياتي لكن طعم الحلاوه يروح لو ضكت المر...

كان نهاية يوم رمضان هو مثل عروس وطعنوها سكين .. شكد ما حلوه وبيها فرحه.. بس الطعنه دمرتها.. وذوبت حلاوتها..

بليلة اللي اعلنت الهيئه المختصه برؤية هلال شوال واعلان عيد الفطر المبارك..

كان عندي استعداد لتغطية اجواء العيد بكردستان في اربيل.. وختم البرنامج مالتي هناك وعمل مسابقات للترفيه والفرحه بالعيد..

واتفقت معاهم اخلص هاي التغطيه وينتهي شغلي وياهم واطلع. وكان الاتفاق مع المخرج ايوب الطائي..

بليلتها..ليلة العيد.. كعدت احظر جنطة سفري.. ملابس 6 تبديلا على عدد ايام العيد تبديلتين باليوم..

واحذيه وشيسوار ومكياج وغيرها من هلامور.. فتأخرت واني انظم حقيبة سفري..

دا ارتب بغراضي.. حسيت الباب مال البلكون مال غرفتي اندك.. الساعه كانت يمكن 12 اكثر اقل ما تذكر بالضبط لكن بهالحدود..

هنا خليت ايدي منو صعد على بتنا وطفر لبلكون غرفتي.. اندك الشباك مره لخ.. تلث دكات

دق دق دق..

شديت حالي .. وقويت نفسي وتقربت للبرده.. فتحتها.. كان مضلل ما اشوف لان مشغله ضوه بغرفتي.

فتحت الشباك. ماكو احد.. يربي شنو هذا..

اني متأكده سمعت الشباك يندك.. معقوله حمامه..

باوعت منا منا ماكو.. سديت الشباك ودا اروح للشباك الثاني اريد اشوف خاف من ذيج الجهه..

دا اريد افتح الشباك.. اندك الشباك الوراي.

سديته.. رجعت فتحته.. جان صوت بوجهي.. صاح بوووووم.. صرخت من الخوف عاااا.. انسلبت روحي من الخوف انهبطت..

شفته مالك.. لو انجنيت.. يمعود الله لينطيك رعبتني شتسوي هنا..

-لك مشتاق كلت محد يصبح على حبيبي بالعيد غيري..

-مالك يا عيد يا دنيا .. فدوه روح مالك لا تفضحني الجيران منا

-لج اروح بس مشتاقلج شبيج بس اشوفج

-بعدين مالك بس رووووح

-دخليني شبيج 5 دقايق ما اطول وعيونج.

-شدخلك عزاااا دروح اهلي يمكن للان منايمن دوووووح فدوه..

-لج عاد بس بوسه مشتاق وعيونج ميت.

-يا مالك يا بوسه عزاااا دروح الجيران منا مااااالك .. يشوفوك صاعد على غرفتي غير يصخمون وجهي..

دا احجي.. اندكت باب غرفتي.. من الخوفه البكلبي طبكت الشباك حيل بلا وعي.. انسمع صوته .

رحت افتح الباب اريد ايدي تنمد لليده.. ترجف من الخوف.. ليله ما انساها بحياتي.. احس بطني اكلها المغص من الوجع..

فتحت الباب لكيته بابا.. روحي ماعت بجسمي من كد الخوف والرهبه لما شفت ابويه

الاب:- وي منو جنتي تحجين..

-اااااا بابا تليفون جنت احجي بي..

اصعب شي بهلحظات من تكذب.. وتثبت على نفسك الخوف وجريمة شي انته مو مسوي انجبرت عليه..

وخرني بابا وطب للغرفه.. فتح بابا البلكون وكأنه كان يعرف انو اني جنت احجي مع شخص من البلكون..

فتح الباب وباوع.. فقط شاف مالك وهو يجيت من السياج.. من شفت شافه.. خليت اديه على عيوني انتهيت

اندار عليه وعيونه مفتحهن حيل.. اول شي سوا.. لزمني من اذني حيل ولواها..حسيتها حتنگطع بأيده..

-لج هاي تالي ثقتي بيج تصعدين رجال لغرفتج لجين

-بابا حبيبي بس اسمعني

-ادوسين بيني لجين.. اطينين راسي لجين.

-كمت

ج منه لو لا .. تجاوبينه ليش فهميني..

لجين:- سكت اكتفيت بالبجي بصوت عالي لحد ما كمت اكح حيل واشرك.. حاولت اتقي اختنگت بس كمت اءءءء ارد اتنفس.. اختنگت بالبجي..

امي كامت تصيح وج شبيج لجين ماما.. احجي.. تسمعني اشرك واكح باختناق. ركضت ادور نسخه ثانيه لمفاتيح الغرفه..

واجت.. فتحت الباب وشالتني.. من الكاع واخذتني غسلتلي وجهي وشربتني مي.. وكعدتني على الكرسي وتمسح على شعري بثنين اديها وتكول

:- ليش هيج سويتي بنفسج يا بنتي ليش..

لجين:- ماما والله كتلكم ما صعدته.. بس حبيته والله مو ذنبي شسوي مو بيدي بس والله ما طلعت وياه بعد..

الام:- بالله كليلي هسه وين اوديج وين اضمج .. ابوج لا رضى يسمعج ولا رضى يهدئ .. جن اجنونه وراح العمامج وخايفه يا يمه يذبحوج وذوله ما يرحمون..

لا يرحموني ولا يرحموج بالله كليلي شسوي..

:- خابري بابا كوليله لا يحجي فدوه.. مخلد واهله ياخذوها فرصه ويذلوني والله..

-ابتعد مني جابت الموبايل وخابرت بابا. تقربت منها اسمع.. رد يكولها اني طبيت بيت عثمان.. وكلمه ما اريد اسمع منج..

امي بقت تصرخ ولك شاكر بطل وهدي حرام عليك تفضحها.. يا يمعود شجاك بس اهدى .. تحجي وياه وتبجي

ركضت صعدت لغرفتي.. كلها مكسره.. باوعت جنطت سفري.. على حطيتها يم البرده.. فتحتها كولشي بيها..

ركضت سبحت بسرعه وطلعت ملابس من الكنتور باقيه ملابس ممشككه.. لان ملابس هوايه
..مشكك بس المعلكات..

لبست ملابس ومشطت شعري.. واخذت الجنطه ومستمسكاتي ونزلت.. شافتي امي لطمت على خدها

:-يممممه عزا العزاج لجين وين

-يوم فدوه خليني اروح بابا وعمامي محيرحموني هسه... خل اسافر هسه وانتي فهمي بابا خلي يهدئ

-ياااا لجين تخبلتي ولج تثبتيها على نفسج ثوله ارجعييي

-ماما ما اكدر اواجه ابويه.. بس خل يهدئ هو يعرف اني عندي سفر.. وبابا اذا هدئ يرجع لعقله.. ونتفاهم.

-وج لجين يااا عزا بوجهج ولج تعااااي..

-طلعت...

ما اعرف شفكرت بيومها وشكلت النفسي من طلعت ما اعرف.. الخوف من غضب ابويه ام الخجل او الغباء او لعلها بوقتها فكرت لو سافرت وابتعدت ممكن الكه حل

لان اعرف عمامي عندهم النار ولا العار.. وسبق قتلو عمتي اختهم قبل 34 سنه.. لان شافوها طالعه وي واحد.. ميتفاهمون ابد بموضوع الشرف

حتى ما عندهم حريه للبنيه .. بس اني ولان وحيدة ابويه.. ومدللته من اني وصغيره.. فكان منطيني كولشي على هواي لان كان واثق بيه.

صح ابويه تفكيره مو مثل تفكير اخوته منغلق.. عنده انفتاح. لكن يبقى العرق دساس وقت الشرف حلهم الوحيد القتل..

فكان تفكيري بالسفر.. هو جس نبضهم.. لو شفتهم عازمين على قتلي .. من كردستان واطلع لتركيا وما ارجعلهم..

وان شفت ابويه هدئ .. ارجع واعتذر منه حتى لو يقاطعني المهم ارجعله..

ف طلعت.. اول شي رحت لمؤيد. دكيت الباب.. طلع..

-اهلا لجين عيدج بمبارك وايامج سعيده. ان شاءالله التوفيق..

-ابتسمت.. لا هواي عيد و هواي ايامي سعيده.. عايدته وكأن ماكو شي.. وبعدها كتله اريد منك طلب..

كال أمري..

-اريد 20 ورقه.. وبأقرب وقت ترجعلك..

-خير شنو صاير

-لا والله سفر ومحتاجه.. وبابا ما لكيته الصبح.. فلوسي عنده.. وطيارتي بعد ساعه..

خطيه ما كال راح جاب فلوس وانطيالي.. اخذت فلوس لان ما كان عندي غير 500$.. وفلوسي كلهم بخزنه الكترونيه بغرفة بابا .. بس بابا يعرف رمزها..

توجهت للمطار والتحقت بالكادر.. عايدتهم.. سألوني شبيج اكو شي..

لان عيد ووجهي قطرة مكياج مبي.. كتلهم مريضه لا اكثر.. سرى جانت من ضمن كادر البرنامج.. رغم برنامجها يختلف عني..

بس هم راح يكمل برنامجها بالعيد بكردستان.. اجت يمي شبيج شصاير.. كتلها اسولفلج بعدين..

صعدنا وطلعنا لاربيل.. ما اعرف ما حسيت بالوقت بالطياره نص ساعه اقل اكثر.. ما ادري انشغلت بالتفكير

ما رحنا سياره.. لان كان طريق بغداد اربيل صعب حيل.. والارهاب منتشر لهيج سافرنا جو.. للامان..

وصلنا ونزلنا هوتيل.. اخذنا غرفنا وكالو التصوير العصر.. رحنا اني وسرى وويانه بعد وحده.. من الكادر اسمها نغم..

كلنا بغرفه وحده 3 اسره.. كعدت اني وسرى حجيتلها كولشي.. وكلتلها لازم اخابر ماما العصر حتى اطمنها

بس لازم اشتري موبايل و شريحه.. بقت تلوم بيه سرى وكتلج ابتعدي من مالك وهذا ميفيدج وخسرتي ابوج من وراه والله عالم بعد شيخسرج..

هذا مثل النار.. تحسي نور ينور طريقج.. بس هو لهب يحرق كل اللي يتقربله.. ومالك هو النار..

بقت تحجي واني متمدده.. غفيت.. غطتني ونمت.. كعدت وره شوي.. بس نغم كاعده سرى بالحمام...

رجعت افكر باهلي شسوو هسه.. بابا هدئ لو لا.. جريت موبايل سرى جان على الميز.. صحت سرى حخابر ماما من موبايلج. صاحت براحتج حبي..

دكيت رقم امي.. وخابرت.. دك دك ما جاوبت امي.. اوووف ياربي.. رجعت خابرت هم مجاوبت .. ليش متجاوب شصاير..

خل اخابر مالك اشوف شسوه بيه.. اكو واحد يتصرف مثله.. لو يحبني صدك ما يصعد على بلكون غرفتي ويورطني

دكيت رقمه.. ودست

اتصال.. بمجرد ما دست اتصال.. طلع اسم مالك يعني رقمه محفوظ بجهات الاتصال.. ومسميته مالك..

هي منين تعرف رقمه وتسجله.. والعجبني اكثر مالك انطى رفض بمجرد اتصالي من موبايل سرى.

رجعت خابرت رفض.. صفت يعرفها لو شنو.. صحت سرى كملتي.. صاحت شتردين حبيبتي خابري امج براحتج عندي رصيد..

رجعت خابرت مالك.. رد.. بس رده فاجئني.. بسرعه جاوب..

-شرايده فضيني..

-مالك اني لجين مو سرى..

-هاا لجين.. هلا حبيبتي صار من الليل اخابرج ليش متردين..

-منين تعرف سرى..

-اووو سالفه طويله.. كوليلي شلونج

-احجي

-لج هاي لزكه.. تركض وراي بلكت اباوعلها واصاحبها.. فد وحده رخيصه.. ارخص من المي..

-شتريد منك..

-من زمان تحبني وجانت كل معلومات عنج هي توصلياها. في سبيل اباوعلها .. تتلوك

-بقيت صافنه مصدومه.

-انت متأكد

-وغلاتج انتي.. بعدين شافتني كمت احبج جن جنونها تكلي اني احسن من لجين شنو هي وتحبها ودوم تتصل حتى ابتعد عنج وارجعلها.

-اتذكرتها من تكولي ابتعدي عنه وهذا ميفيدج.. طلعت تريده الها.

-حبيبي تره مشتاق ممعقول هيج اريد اشوفج. مشتاق لنضراتج لهمساتج لكولشي بيج.. خل نلتقي اليوم بداعتي..

-اتصل بيك بعدين.. باي .. بقيت مصدومه.. سرى تبيعني ممعقول.. وليش ..؟!!!! تذكرت محمد من كان يكول تتمناني ودوم تغازلني . وا انطيها وجه

معقوله اعز صديقه تخوني.. طلعت من الحمام باوعتلها.. ابتسمتلي..وتكولي

:-لتهتمين يروحي تصير سوالف والله .. الله يهدي ابوج وما يتهورون.

- سرى منين تعرفين مالك

-عقدت حواجبها.. وبان عليها الارتباك.. وجاوبت... ليش شكو

-جاوبي..

-شصاير شبيج

-رقم مالك شيسوي بجهازج..

-اخذت نفس وتقربت يمي. وكالت اريد اعترفلج بشغله..

-اسمعج.

-قبل 4 اشهر.. ولد اسمه مالك كان يلاحقني ويحب يتعرف عليه.. اول بدايه مهتميت.. لحد ما فد يوم كاعده بمطعم جاب هديه ساعه فضيه وكعد كبالي

ويكولي اني حيل معجب بيج.. وكان اسلوبه حيل حلو.. وكلماته.. وشكله واناقته كله يجذب..

فقبلت حبه.. وبقينه نتواصل.. وحلفني محد يعرف بعلاقتنا لان اوهمني ان هو شغله صعب وممكن يأذيني وكام يصفط عليه هلحجي..

خلال علاقتنا وكلامنا.. اتصالاتنا نصها نحجي بيج وهو يسأل عنج. مرات اتضايق اكوله ليش تحجي بيها هواي.. خ نغير الموضوع..

يعصب ويكوم يغلط ويهدد.. الى ان وصلت لمرحله كام يسأل بشكو شي يخصج.. هذا ليش اتقربلها وشنو اهلها ووينهم..

والمشكله تورطت وياها بصور اذا ما نفذت يفضحني..

-شنو هي الصور

-لقطات واحنه نبوس بعض..

-بقيت مصدومه. يعني انتي خليتي يتقربلج

-مو كلش.. فقط بوسات وهيج شي..

-كملي..

-اي هو من هددني.. اضطريت احجيله عن كلشي يخصج. وميقبل احجيلج الحقيقه لان هددني..

ما بقى كدامي حل غير بس امنعج منه و اكولج ابتعدي عنه ...

-بعتيني وبعتي اسراري بس حتى تنقذين نفسج يا سرى.. ؟!!

-بجت.. جنت مجبوره لجين..

-هه اي اجبار سرى.. انتي بعتي صديقتج.. وخل يكون بعلمج.. نص كلامج ما مصدكته. هو يكول انتي تتقربيله وانتي تكولين هو يتقربلي..

وانتي صديقتي وبايعتني وبايعه اسراري.. شلون تردين اصدق كلامج..

-اقسم بالله لجين حجيتلج الصدك..

- مستعده تعترفين بهلكلام كباله.. وتقسمين

-لا .. ما اكدر اخاف

-ههههه تخافين يكشف كذبج مووو

-لجين هذا خطر ما اكدر اخاف منه والله..

-سرى تردين اصدكج ان هو لازك بيج واني اتصلت مرتين يرفض بوجهي وتالي يرد ويكولي شرايده فضيها

لعد شكد لازكتله وتردين اصدكج..

-لجين والله اكوله ابتعد عنها ما عندي شي وياه والله.. وتبجي

-لتغريني بدموهج سرى.. الصديقه الخانت وباعت اسرار صديقتها.. ما تتصدق.. انتي بايعتني وتتصلين بيه لا تأذيها لج مشيهن هلدروب على غيري..

بس يا حسافه ايامي وياج تفووو. تفلت بالكاع وعلى الصداقه الجمعتني بيها.. هي بقت تبجي وتكولي مجبوره وصدقيني

ما استمعتلها.. طلعت فاير دمي.. انضربت بنغم..

نغم:- اخ شبيج شكو شصاير

-ماكو شي.. مشيت من يمهم.. روحي تفور.. نزلت للفندق اجرت غرفه وحدي مو وياها ما اريد اشوف شكلها ..

تالي كل صداقتنا تبيعني وتبيع اسراري.. لافترض هلرجل ما حبني .. وجان ناويلي شر.. مستعده الكلبه تشمرني بالنار في سبيل تنقذ نفسها..

بس شتوقع من وحده بايعه نفسها بارخص من المي على كولة مالك.. من كد التفكير والضغط.. وقلة نوم واكل.. سببلي هبوط بالضغط..

دخت حيل اريد اشوف طريقي ماكو.. نزلت اتحظر للبرنامج.. واكفه وياهم ووكعت تخربطت.. نقلووني للمستشفى فورا..

كالو هبوط يحتاجلها راحه.. كال ايوب اخذي راحتج. لتضغطين نفسج .. راح احاول اطلع نغم بمكانج تأدي التقديم..

بتكسي رجعوني للفندق.. صعدت للغرفه .. لاكتني سرى تبجي وتريد تحظني وتكولي والله اعترف غلطانه بس سامحيني وابتعدي منه يدمرج

كتلها ابتعدي مني..

سرى:- لجين والله بعتج مجبوره.. هددني والله.. هذا مجرم..

-كتلج وخررري.. طبيت للغرفه نمت.. بس نومتيش وجع براسي

مو طبيعي اغفى لحظه.. وارجع اتوجع ساعه.

لحد ما كمت طلعت من الفندق اتمشيت بالشارع.. اشتريت موبايل.. وشريحه اسياسيل.. ركبت الشريحه بالموبايل..

واتصلت بأمي.. جاوبت.. الو..

-الو ها ماما اني لجين

-عزا العزاج لجين.. صخام بوجهج لجين. ولج كتلج لا ترحين..

-شصار يوم.

- اشصار.. الصار يمصخمه.. راح يجوج باجر عمامج وياخذوج.. لا تبقين باربيل اطلعي من باجر..

روحي دهوك.. وطلعي سافري لتركيا.. واني اخابر ابن خالج الباوكرانيا يجي ياخذج يمه. لا تبقين اطلعي ناوين يقتلوج..

-اوووف يا الله وج يمه والله ما سويت شي بالقران ما صعدته..

-ولج هم يعرفون هلحجي.. ابوج كاللهم لكيته على بلكون غرفتها.. وعمامج تخبلو..

هسه يردون يعرفون الولد منين اصله فصله حتى يرحون يحجون وي اهله.. مكاعد يعرفون اهله وين..

-زين يوم شلووون.. حاولي تهدين بابا كوليله ما صعدته وحتى ما فتحتله الباب والله الشباك طبكته السمعه مو االباب.. ما دخل الغرفه..

-وج يمه صار ساعه مذابح اني وابوج.. ولا كأنه ذاك شاكر الرزن والمثقف اخوته عمو عيونه ويصيحون العار العار .. هيبة الرجال من يغسل عاره

-هسه وين بابا

-راح طلع وي اخوته ديتفقون شلون يجيبوج.. انهزمي يمه اذا لزموج ما يرحموج

-باجر من الصبح.. اطلع من اربيل اروح دهوك.. بس انطيني رقم احمد ابن خالي حتى اتفق وياه..

-اني ادزلجياه.. وها لا تتصلين بأي وقت.. اني اخابرج ونحجي لا يشكون.. عزا بعينج يا يمه اسويتي بروحج..

-اوووف يا امي شسويت.. والله ما سويت شي. هاي البنات تحب وتعشك وتطلع.. واني الما قبلت اطلع وياه هيج صار بحالي

-وج مو كتلج حظج اغبر.. ارد اشوف هلحظ الجايف وين نايم وعايفج.. ديري بالج على نفسج ابنيتي.. مودعه بالله والرحمن.. يحميج يا يمه ويعديها. وما تنقتلين.

-بقيت ابجي وامي تحجي.. نهيته وياها.. رجعت الم الغراض.. صفيت الجنطه. وكلت الفجر اطلع اخذ سياره لسليمانيه..

بقيت الليل كله بل ااااه والتفكير.. ساعه اكول اطلب السماح من بابا.. ساعه افكر اخابر مخلد.. واعترفله واقسمله ممسويه شي..

وساعه افكر انهزم واخلص من الكل.. دا افكر بالليل.. تقريبا الساعه 4 الدنيا كانت بارده باربيل الشهر ال10.

الجو كام يرعد.. حسيت اكو مطر.. فتحت الشباك.. مطر خفيف.. الجبال بعيده اشوف منظرها يكاد يبين من الظلام..

بقيت استنشق هوا وافكر النوم ما يمر عيني من كد التفكير ..اندكت الباب فزيت.. خفت لا واحد من عمامي وصل.. بس معقوله عرفو المكان واجو بهليل

اندك مره ثانيه.. تقربت اباوع من العين السحريه.. سترة رجال بس ممبين شكله بس مكفاه . منو..

دق دق دق..

-الرجفه والخوف البيه ذبحني .. بصوت مهزوز كلت منو..

-اني مالك فتحي..

-فتحت عيوني حيل.. مالك شجابك روح الله يخليك شدلاك شوصلك درووح لا تفضحني..

-لج اجيت مشتاق صدكيني شبيج.. ما اذيج بس فتحي متعنيلج بهليل وترديني..

-روح فدوه روح ما افتح

-لجين لتجننيني دفتحي قابل راح اكلج.. الناس حتطلع من غرفها على صوت الدك وننفضح دفتحي

-فتحت.. ابتسم ودخل.

-مالك روح الله يخليك ..

-كعد علسرير لج شبيج خايفه. ما اطوّل اشوفج واروح.

-مالك انته ميهمك اني اتأذى لو شيصير بيه المهم ترضي انانيتك روح منا فدوه

-ليش شصاير

-شصاير وتسأل بعد.. تدري البارحه شسوه بيه ابويه من شافك.

-يعني شافني من اجيت؟!

-اخذت نفس.. مالك روح يرحم والديك.

- بس فهميني شصاير .. وليش هلكد وجهج تعبان..

كام ليمي ولزم وجهي.. بعدته.

-رووووح..

-احبج ومستحيل اذيج صدكيني

- بس اذيتني واهلي يدورون عليه حتى يقتلوني ويغسلون عارهم..

-لحظه يعني هسه انتي منهزمه منهم ؟؟

-هزيت راسي اي.. وكله منك.

-بس فهميني ليش منهزمه ..ما فهمت

-تسوي روحك متعرف.. ما فكرت من تصعد على بلكون غرفتي شراح يسوون اهلي لو شافوك..

مالك البارحه اول مره بحياتي انضرب بشكل مؤلم. تأذيت هوايه.. --تضع رأسها بين يديها و تبكي--

-حبيبتي صدكيني مو قصدي اذيج اسف جدا اسف

راد يتقرب يحظني.. صحت ابتعد.. واطلع واتركني.

-لجين كل نيتي اشوفج اول واحد بالعيد.. ما كان الي قصد اخر.. صدكيني

-مالك تعبت من جنونك تعبت.. تتصرف بجنون واني الادفع الثمن مفكرت بيه مكلت ح تتأذى..

-لجين مو قصدي ائذيج.. وما سمعت البارحه ابوج من اجه.. ولو سامعه ما اشرد.. كان شلحت قميصي وفتت غصبا عليج للغرفه..

-عفيييه حتى كتلتي تصير حلال موو

-انعل والديه اللي يلزمج.. لجين تعبت واني اطلبج من ابوج. 7 مرات خطبتج شكد بعد اخطبج حتى يقبل

ما بقت عندي غير اكسر عينه واخذج.. تعبت.

-تكسر عينه.. تاخذني.. مفكرت اني شنو.. مفكرت ممكن ما اقبل اخسر اهلي.. اخسر اهلي علمودك.

وبعدين تعال شنو سالفة هاي سرى .. صدك انته مصورها

-شنووو اني مصورها

- مصورها ومهددها بالصور علمود تنطيك معلوماتي..

- لا ماكو هيج شي هاي كذابه هي التركض وراي واني ما رايدها.. وجانت تنطيني كل معلوماتج فقط

جه مالك..

مالك جر اسلاحه وبوجه مخلد.. صرخت لاااااا ..

مالك:- اتركهاااااااا..

مخلد:- اقتلك انته وياها.واغسل عارنا منكم. يا سسسسسسفله.......يتبع

☆☆☆☆☆☆

حتى ترضيني..

-وليش ترضيك..

-هي رخيصه شتترجين منها.. ما متقربلها صدكيني

-صدكيني صدكيني صدكيني.. اني شلون اريد اصدكك وانته حتى الله ما تقسم بي ولا فد يوم جبته على السانك

انته انسان مجهول الله عالم تطلع من غير دين لو من غير مله.. ما اعرفك شلون اصدكك.. واني ما اعرفك للان مسلم لو لا

هز راسه.. ومد ايده بجيب الورى.. وطلع محفظته..وقدملي جنسيته..

-تفضلي تأكدي بنفسج..

-اخذت الجنسيه منه.. الاسم مالك الاب قيس والام زكيه والجد جابر.. اعزب ..درتها مسلم .. مواليد 1975/11/17

-تأكدتي اني مو كذاب ولا مخادع.. شفتي بعينج. طلبتي اهلي دليتج.. كلتي شغلك .. خبرتج.. شتردين دا اجاوبج كله في سبيل ما اخسرج..

وانتي للان مو مصدكتني.. خطبتج 7 مرات وبكل مره انطرد وما قل حبي الج وانتي للان مو مصدكتني..

لو نيتي وياج مو شريفه كان هسه جبرتج تنزعين واخذ غايتي وكان من زمان سويتها بس كل ذنبي اني احبج..

كل مره اكلج احبج ادوسين بكلبي زايد.. طلبتي ما نلتقي كتلج امرج.. طلبتي ابتعد عن ابن عمج وكتلج امرج..

وشطلبين اعتبره امر وانفذ بس لاني احبج وانتي مو واثقه بيه.. نعم غلطت فد يوم وتعديت عليج و اذيتج بطريقه جرحتج

واعتذرت الف مره وكتلج سامحيني من كد جنوني بيج گلبي حار شيسويلج..

جر ايدي.. وخلاها على مكان گلبه ويكولي هاااج.. اخذي وخلصيني واطلعي من حياتي..

كل اعتقادج بس انتي تتأذين.. وما يهمج غير روحج.. لج اني عاركت الدنيا عليج.. 7 مرات ابوي يرفض يجي يخطب وياي

ويعيرني بيج.. ويكولي تحب فنانه وتحب ساقطه.. واني معارك الامه علمودج.. وتجين انتي تكولي اهلي ما اكدر اخسرهم.

انته ما اعرفك شنو.. ما مرتاحتلك. فهميني لجين شسوي وترضين.. تصدكييييين الكل وبس اني تكذبيني ليش فهميني غلطي وياج شنو

بس لان احبج.. اخذي هلگلب هذا اخذي واطلعي انتي وياه من حياتي خلوني ارتاح

بسببه تعنيت من بغداد لاربيل بهلوقت حتى يجي يشوفج ويطمن عليج ويرتاح بشوفتج

واني حالي حال الكلب اطرديني من الباب وترفضين حتى تشوفيني لو تفتحيلي الباب.. لج اني ذايب بيج وانتي حتى تستنكفين تكوليلي احبك للان..

لليوم ماسمعت منج مشتاقتلك تعال.. ابوج يطرد بصفحه وانتي اطرديني من صفحه واني مثل المجنون اركض وراج.

بس فهميني شسوي وترضين.. تعبتيني لجين

-مالك مو هيج... صدكني احبك.. بس اخاف افهمني.. ما اكدر اكسر اهلي..

وهاي اني خسرتهم بسببك.. ما الومك لان تحبني بس جنونك تعبني..

-جنوني لان احبج مال قصد ثاني وعيونج..

-اهلك ليش رافضيني..

-ما عندي اهل غير ابويه.. مرت ابويه ما اعتبرها من اهلي ولا اخوتي ولا اخواني منها ما اريدهم..

-ليش مرت ابوك .. امك وين .. سألته وتغيرت ملامحه كام يفرك براسه وجاوب

-انقتلت

-انقتلت ..؟!! اشلون.. وما عندك اخوان منها خوات

-خواتي انقتلو وياها..

يحجي واحس اختك.. متحمل كعد ع السرير..

-لحظه ليش امك وخواتك انقتلو منو قتلهم.. كام يتنفس بعلو ويفرك بوجه يحاول يجاوب ويعجز عن الكلام..

شبيك.. وليش هيج تضايقت .. دا امد ايدي عليه ضرب ايدي وصرخ.. اسسسسسس اسسسس.. لتحجين..

اتركيهم اتركيهم.. ماتو .. وبجى بسرعه..

-بقيت مصدومه بيه.. ردت اتقرب اكوله شبيك.. تركني وراح فتح باب البلكون وطلع ..

رحت وكفت اباب البلكون.. طلع باكيت جكايره. وكام يدخن بحركه ويهز راسه ويفرك.. ما حجيت تركته

لشوي دار وجه شمر جكارته وتقرب يمي ومنزل راسه..

مالك:- اسف..

-رفعتله عيوني.. وبقيت اباوع بيه.. مد اخذ ايدي.. باسها..

-اسف تماديت وياج

جرني حيل لحظنه وحصرني بين اديه وهو يتنهد بحسره.. حاولت اوخر.. احرك بجسمي.. اريد اوخره..

متمسك حيل.. مديت ايدي على راسه.. مسحت عليه.. ابتعد..

-احبج

-ابتسمت.. اول مره اعرف انته هلكد عندك ماضي مؤلم

-ياريت ما تذكريني بيه ممكن..

-هزيت راسي اي.. رجع حظني.. بعدت نفسي منه..

مالك مالك شويه.. بس اسمعني.. اهلي وعمامي جايين الصبح يجون ياخذوني.. وح يقتلوني

-شحدهم انعل والديهم اليتقرب منج خطوه..

-لازم اسافر .. ح اطلع لدهوك ومناك احاول اطلع التركيا.. ابن خالي يجي ياخذني مناك..

-ابن خالج ليش وتسافرين ليش .. انتي دتنهزمين بسبب انهم شافوج وياي.. معناها ابقي ويايه..

-ما اكدر مالك.. شغلة انهزم وياك واتركهم صعبه..

-لجين تسافرين وحدج واني شنو.. طلبتج اكثر من مره ومحد قبل ينطيج .. نتزوج اليوم ونروح لابوج نكوله تزوجنا.. مجبور يوافق

-ما اكدر اكسر ابويه بهشكل مالك.. ما اكدر ..هسه انهزم فتره لابن خالتي وارجع بعدين انزل على راسه ابوسه واعتذر..

بس شغلة اتزوج بدون علمه مستحيل.. ما اكدر..

-طيب ابن خالتج وين.. اني اسفرج اله.. بلا دهوك وتركيا..

-بأوكرانيا..

-اي زين اني اخذج اله.. بس ارتاحي.. انتي شايفه وجهج اشصاير بي وشكد تعبان..

مد ايده لزم وجهي.. ارتاحي حياتي.. ما اطمئن الا اوصلج لابن خالج.. ومستعد انتضرج العمر كله حتى نتزوج.. ما مست

عجل اهم شي راحتج..

-اخذت نفس.. وهو لازم وجهي.. باس كصتي واخذ ايدي ومشى..... وين..

-تعالي ارتاحي..

-كعدني على السرير ورجع راسي للمخده.. وكال غمضي ونامي وارتاحي.. لحد ما يطلع الفجر.. اخذج لغير مكان على ما اكمل اجراءات السفر واطلعج

-هزيت راسي.. شال اديناتي وخلاهم على بطني.. وكعد هو على رّكبه بالكاع.. قرب راسه يم مخدتي.. وبقى يهمس بأذني..

-انتي بس ارتاحي.. احرك الدنيا لعيونج..

-غمضت.. وهزيت راسي..

-تعرفين ان الدراسات اثبتت ان الانسان لو حس بخطر يفقد شعوره بالنوم.. لكن اذا حس قلبه بالامان اول شي يصير بي.. ينعس..

نعستي مو

-ابتسمت واني مغمضه.. اممم

-ابعدي كل الافكار المحلوه من راسج.. واطلعي من الدنيا بخيالج.. وروحي للاحلام.. وتذكري اكثر شي ترتاحين اله.. وتحبين تحلمين وياه.

-هزيت راسي خفيف وفعلا كمت اتنفس بهدوء.. واروح بخيالي لعالم بعيد.. لعالم الاحلام.. لعالم الراحه والامان..

-تخيلتي..

-هزيت راسي..

-منو دتشوفي كبالج..

-انته ..

-هههه.. تقربي

-تقربت..

-شسويتي..

-كلعاده اخذتني بين اديك.. وراسي على صدرك.. وكأني دا اسمع دقات گلبك

-ههههه نامي على صدري وارتاحي.. واسترخي..

-فعلا نمت بين احضانه وكأنه حقيقه.. وهو بالاساس منوم راسه على مخدتي.. ما اعرف اذا يباوعلي او لا..

يهمس باذني بصوت ناصي.. همساته بعثت بروحي الامان والراحه.. لدرجة فعلا نمت بسرعه..

حسيت وهوى يطلع ديباج ويغطيني.. ورجعت غفيت.. رجعت حسيت عليه وهو يسد البرده لان الفجر طلع.. وشغل السبلت ..

بودي اكوم بس التعب والنعاس والراحه والهدوء.. جبروني ابقى بمكاني واكمل نومي..

فعلا حسيت براحه.. وامان رغم اني مهدده بالقتل بس هو عنده طاقه سحريه.. يهدي بيها اعصابي لو كانت نار..

هذه كانت اهدئ نومه بوقتها.. تمنيت لو الوقت عدها ويوقف ميمشي.. وابقى بهذيج الغرفه اللي يدخل الضوه خفيييف من قماش برداتها..

وصوت السبلت وهواه البارد.. على درجه خفيفه رغم برودة الجو.. والاهم وجود مالك حواليه.. جنت احس بيه الامان.. لان هو خلاني ائمن اله..

مو بس اني اي واحد بمكاني.. كان امن نفسي.. لقدرت مالك على هذا الشي.. ما كعدت غير ب9 الصبح على صوت الباب..

باوعت مالك نايم كعده على الكرسي ومتغطي بجاكيته هم كعد على صوت الباب..

مالك:-اني اطلع

لجين:- شتطلع تريد تفضحني.. اكعد..

كمت على حيلي واشرتله يفوت للحمام.. هز راسه.. باوعت من العين السحريه.. ايوب..

طلعت ..

ايوب:- ها صباح الخير

-صباح النور

-ان شاءالله اليوم زينه..

-الحمدلله..

-اجيت اخبرج حنطلع نرجع لبغداد..

-ليش مو ع اساس تبقون 3 ايام..

-لا كملنا تصوير البارحه وصار مشكله بالكادر المصور عصام والمهندس علي تعاركو وصارت هوسه.. مضطرين نرجع..

-خير ليش تعاركو

-مشاده كلاميه ع الشغل

-اهاااا

-يلا جهزي شغلاتج حتى نطلع..

-اااا ايوب

-نعم

-اني رح اطلع لدهوك عندي اقارب هناك حابه اعايدهم واشوفهم ارجعو انتو اني محأرجع..

-اوك.. ع راحتج..

-ترجعون بالسلامه..

ايوب:-شكرا.. موفقه.. مد ايده .. كنتي رائعه ست لجين.. اسعدني العمل معاج.. ان شاءالله نكرر العمل معا ببرنامج اخر

-ان شاءالله اكيد... بس مو بهذه القناة هههه

-ههههههه ان شاءالله.. مع السلامه

-الله وياك.. رجعت دخلت الغرفه لكيت مالك منتجي على الحايط ومتكتف..

-كنتي رائعه ست لجين..

-ابتسمت..

-لازم نطلع فورا..

-اوكِ

-دخلت الحمام غسلت وجهي وفرشت اسناني.. وطلعت.. هااا نروح

-بلا مكياج طالعه بريئه كأنج طفله..

-هههه يلا نطلع.. اخذت الجنطه ومشيت بيها..

-مولاتي.. حبيبتي.. اخشى على يديكِ ان تتعب من جر الحقيبه.. اليك الراحة سيدتي..

-ابتسمت للطافته.. اخذ الجنطه من عندي وطلعنا المصعد.. التفتلي

-احبج.

-ابتسمت.

-تستكثرين عليه ترجعيلياها

-لا .. بس....انفتح المصعد.. طلعنا للرسبشن.. ردت اتحاسب على حجز الغرفه.. مالك كال بعدي اني احاسب..

فتركته ودرت وجهي دا اعدل اليده مال الجنطه الاجر بيها.. رفعت راسي.. مصطفى جنبي..

مصطفى:- هلا لجين شلون صرتي

-الحمدلله.. بخير

-اكول خابر خطيبج عليه راد مكانج ضال باله عليج

-منو

-مخلد االي اجع ويانه لرحلة النجف .. هو.. انطيته العونان ما عبالي نرجع اليوم.. خابري كوليله تره رجعنا..

-اني جمد دمي وهو يحجي.. سلم وراح.. دا التفت لمالك اريد اكوله.. لمحت مخلد من بعيد.. يمه على الخوفه الصابني..

شافني .. لو مشى بكل عصبيه ومخنزر عيونه .. صرخ لجييين..

وي ما تقرب يريد يلزمني جرني مالك وره ضهره

مالك:- رجال اوكف بوجهي مو بوجهه مره

مخلد:- ابن الكلببببببببب..

راد يضرب مالك بوكس لزم ايده.. ولفاها..وتلاوى وياه.. مالك يضرب ومخلد يضرب..

لزمت جنطتي و ردت اهرب منهم واتركهم. ادارة الفندق طردتهم فورا..ويه طردتهم.. ركض مخلد وصرخ ساقطه وتنهزمييين ولزمني بالباب...

جرني حيل من شعري ورفع السلاح بو

#توقعات_الابراج
ابراج اليوم السبت, 3 اب 2019 عاطفياَ ومهنياً وصحياً
الحمل
برج الحمل
مهنياً: لا تجازف لأنك تفتقد الحصانة والحماية، ابتعد عن إثارة المشاكل وتجنب الوجود في أماكن صاخبة، واحم نفسك من الأفكار السود فأنت سريع التأثر وضعيف المعنويات

عاطفياً: تستعيد علاقتك الجيدة بالحبيب بعد زوال أسباب سوء التفاهم الأخير، لكن من المستحسن عدم إثارة المواضيع الحساسة




صحياً: قد تعاني بعض المشاكل الصحية، الأمر الذي يتطلب منك أخذ قسط من الراحة والاسترخاء، حتى يمكنك استعادة نشاطك مرة أخرى
الثور
برج الثور
مهنياً: تواجه عرقلة ومعارضة، لا تلق اللوم على زملائك ولا تتسرع في الانفعال، تجاوب مع المستجدات واهتم بشؤونك

عاطفياً: لا تتردد كثيرًا وبادر بإقامة علاقة جدية، فالحياة لا تقف على أشخاص، لذا حاول أن تسمح لمن هم أصلح فقط بالوجود في حياتك

صحياً: تعاني من بعض الاضطرابات الصحية بسبب تقلبات الجو ونقص مناعتك، فاحرص على تناول الأطعمة التي تقوي من مناعتك أكثر


الجوزاء
برج الجوزاء
مهنياً: لا تعلق آمالاً على نتائج أي جهد أوعمل، بل قد لا يقدر أحد جهدك، أنت لست على الساحة وحدك، لا تنس هذا، وبالتأكيد لا تستفز أحداً كي لا تعاقب

عاطفياً: تفاجئك تصرفات الشريك ولا تفهمه جيداً، غير أن المراقبين من الخارج واثقون أن للسبب علاقة بك كونك مشتت الذهن وتفتقد التركيز الكافي




صحياً: تتغلب على جميع المشاكل الصحية، وتزداد نشاطاً وتمارس رياضتك المفضلة، وتأخذ الأمور بخفة ومرح حتى تبقى دائماً متفائلاً
السرطان
برج السرطان
مهنياً: قد يكون توقيع العقود هوالعنوان الأبرز، فكل ما تتفق عليه اليوم يبدو ناجحاً ومثمراً، ويكون الحدس دليلك الثمين الذي يمكن أن تتكل عليه وتلجأ إليه عند الحيرة

عاطفياً: إسأل قلبك يعطك الجواب، إنه الوقت الأفضل لكي توظف كل طاقاتك باتجاه تنفيذ الأهداف العاطفية، يبدو هذا اليوم مشوقاً جداً

صحياً: امنح نفسك عطلة تبتعد خلالها عن كل ما يشغل بالك، والجأ إلى القيام بنشاط رياضي معتدل يساعدك على إبقاء توازنك الصحي والنفسي
الاسد
برج الاسد
مهنياً: بغضّ النظر عن عمرك وحقل اختصاصك، يبتسم لك الحظ، وترغب في تعلم لغة أو مهارة جديدة وتبدو سعيداً ومطمئناً

عاطفياً: يبدو الشريك أكثر تفهماً وتقرباً منك، ويساعدك على اتخاذ القرارات المناسبة في حينها، وينقذك من أي ورطة




صحياً: من الخطوات التي يجب عليك اتباعها يومياً هي ممارسة التمارين الرياضية، فهي تجعل صحتك سليمة وتشعرك بأنك في حالة افضل كل يوم
العذراء
برج العذراء
مهنياً: يدخل أورانوس برج الثور ويفتتح دورة فلكية تمتد سبع سنوات تكون أكثر وعداً لك ومناسبة للتطوير والتجديد

عاطفياً: تتسارع الأحداث وتتلاحق الأخبار، تتوافر لك فرص حسنة وتطمئن إلى وضعك العاطفي وتحصل على كل ما تحتاج اليه من الثقة ومن دعم للطموحات والأمان

صحياً: القلق يؤثر في حياتك الصحية والنفسية، وكثرة الجلوس تسبب لك آلاماً في الظهر، حاول الخروج مراراً طويلة لتتخلص من هذه الآلام
الميزان
برج الميزان
مهنياً: يبدأ مركور بالتراجع، ما قد يعني بعض التأجيل في مشاريع مالية، وإمكانية التعرّض لبعض النزاعات أو العدائية، وإيجاد نفسك أمام استحقاق مهم

عاطفياً: تتمكن من تحقيق العديد من الرغبات والآمال، كذلك تجد الشريك أو الحبيب المناسب، وتتخذ قراراً مهماً بشأن مستقبلك العاطفي

صحياً: إحذر التراجع الصحّي فأنت تبدو غير  قادر على  تحمّل الأوجاع أو الخضوع لفحوص مخبرية أو صور شعاعية
العقرب
برج العقرب
مهنياً: القمر الجديد في الحوت قد يوحي ببحل أو بنافذة جيدة تفتح في هذه الأثناء وتنعكس على الأيام المقبلة ما يؤشر إلى التشويق والحماسة ومحاصرة بعض المشاكل

عاطفياً: فتور في العلاقة مع الشريك، سببها قلة صراحة والصدق فهما مفتاح القلب، فحاول أن تستفيد منهما في العلاقة مستقبلياً




صحياً: عليك الابتعاد عن التدخين سريعاً، فالقيام بهذه الخطوة بات ضرورياً، وعليك أن تحسم أمورك الصحية، لأن المستقبل غير مطمئن في هذا المجال
القوس
برج القوس
مهنياً: تتأخر المعاملات وتستاء من تأجيل لمشروع معيّن في اللحظة الأخيرة، فتحاول أن  تسيطر على  انفعالاتك وتفقد السيطرة على أعصابك

عاطفياً: يتضح لك أنك وقعت أسير حب عاصف، مما يضطرك إلى اتخاذ قرار حاسم بشأنه، قد يكون إيجابياً

صحياً: لا تلجأ إلى الطعام كوسيلة لتخفيف الضغط عن نفسك، عليك إيجاد منفذ آخر كممارسة الرياضة والخروج إلى الهواء الطلق
الجدي
برج الجدي
مهنياً: يوم حافل بالنشاطات المتعددة يفتح أمامك الآفاق وتسجل انقلاباً لمصلحتك، لذلك تجنب الارهاق واستنفاد طاقتك ولا تستفز الآخرين وكُن متحفظاً  وحذراً

عاطفيا:ً تنظر إلى الأمور من وجهة أوسع، قد تسافر بحثاً عن علاقة جديدة أو من أجل الاستمتاع بعض الشيء

صحياً: لا تسمح للقلق بالتأثير في أدائك، ابتعد عن الانفعال والقرارات الارتجالية، إنه يوم فارغ من الآمال والتوقعات


الدلو
برج الدل

و
مهنياً: كن أكثر جدية وانفتاحاً مع الزملاء، وكثرة المزاح تترك تأثيرات سلبية إذا تخطّت الحدود

عاطفياً: سوء التفاهم مع الشريك يولد مضاعفات خطيرة، لذا، يفضل أن تأتي المعالجات هادئة وواضحة ومبنية على نقاط واضحة

صحياً: تجنب قدر الإمكان الأشخاص الذين يسعون لإلحاق الضرر بك وابتعد عن أصحاب النيات المبيتة الذين لا يريدونك أن تكون في وضع صحي جيد
الحوت
برج الحوت
مهنياً: قد تسمع كلاماً غير مقنع أو لا يتمتّع بمصداقية، إهدأ ولا تأخذ على عاتقك مسألة تصحيح مسار العالم

عاطفياً: تميل إلى شخص تعرفه يوقظ مشاعرك وتعود الى الماضي وتبحث عن حب قديم ترى أنه لن يتكرر في حياتك

صحياً: لكي يكون يومك مريحاً عليك النوم الساعات الضرورية لتستيقظ نشيطاً وقادراً على أداء المطلوب منك

#طبق_مجلة_حبيبتي
شوربة الشوفان ❤️

المكوّنات🌛
كوب شوفان
لتر ماء
كوب طماطم, مفرومه
1 بصله
ملعقتين زيت
ملعقة معجون طماطم
مكعب ماجي
فص ثوم
ملح
فلفل

الخطوات 🌸
نقطع البصل مكعبات صغيرة ناعمه.

نضع قدر على النار فيه زيت ونضيف البصل ونقلب حتى يذبل.

نضع الطماطم على البصل ونقلب حتى تتسبك. ونضيف معجون الطماطم ونقلب.

نضع البهارات والماجي والملح ونقلب وفص الثوم المهروس.

نضيف الشوفان الى المزيج ونقلبه, ثم نضيف الماء.

نتركه يغلي لمده خمس دقائق مع التحريك المستمر حتى لا يلتصق بالقاع ونرفعه عن النار.

يقدم بالف صحه وهنا.

#فقرة_شعر
#گالو تشوف احباب

من تررررف #عينك

رفت عليك #الروح

#چـا انـتـه ويـنـك💔💔