الحلقه الثاني والثلاثووون



~~~

...

اجه اقترب ادم لزم ايدي كال واخيرا صرتي الي
مرتي وحلالي وكلشي

دنكت وابتسمت بخجل

يفدوه للخجلان تعالي خل افل قيطان الفستان.........

****

ساعه ال 1:00 بعد منتصف الليل
كعدت ابجي وامسح دموعي بكلينكس ضامه روحي جوه فراشي حتى وجهي مغطيته ادم جان كاعد ع الصينيه توه طالع من الحمام لابس برنص
يتبسم ويغني واني ابجي

- تعالي حبيبي تعشي شلون عشى يخبل

- نترت ماريد

- ولج عادي شبيج تبجين زوجج اني

- مو هييييج انت
انت شسويت

- ضحك بصوت عالي شسويت ها شسويت

-مكدرت احجي بجيت اكثر

اجه كعد يمي حوطني باايده حجه بهدوء
حبيبي هاي الامور عاديه
وكل البشر هيج عادي يعني
انتي لان بعدج وهاي اول مره هيج تستصعبين الامر
بعدين تعيشين حياة طبيعيه كأي إمرأه متزوجه
لتبجين مسحي دموعج وامشي نتعشى

- رديت بهدوء... مااريد مالي نفس

- اوكلج بيدي
دشوفي شلون ردت روحج من كمت الح عليج علمود تاكلين بعد اريدج امشي

- مالي نفس ادم والله

- انتي تحبين تتدللين واني جوعان شالني من السرير حتى يوديني للصينيه ناكل

- ادم هاي شداتسوي
نزلنييي ادم نزلني

- تعالي اكعدج بحضني واوكلج لتبجين مثل الجهال

لا راح اكل هاهيه

- اي عفيه حبابه مرتي سمعي كلام

- كعدت اكل ويا

- شال قطعة صغيره لحم دجاج حبيبي اكلي هاي من ايدي

-- اكلتها من ايده

- طيبه مو

- هزيت براسي بمعنى اي

- هي لان من ايدي صارت طيبه تره هي موطيبه الدجاجه بس لمساتي خلت الها طعم خاص

- ادم دااكل

- مو متريدين وشبعانه شلج بهل الدروب ودلع النسوان يمه منجن النسوان انتن

- اليوم بالذات كارهه نفسي مره عوفني وصرت ابجي
وهو صار يضحك عليه
شوف هاي تبجي وتاكل منظرج يضحك
ذكرتيني بلوسي هم مثلج سوت مره

- ونترت
يالوسي هاي نوب انت شنو يوميه وي وحده
مامخلي بنيه تعتب عليك

- على كيفج شكلنه هاي قبل قبلل






- على شنو تحجي عليهم كدامي

- مو كل سالفه منج تذكرني بوحده منهن وبعدين احبجن كلجن والله

-- ادم بلا كلامك هذا

- اشاقه وياج وعيونج سدومتي هن يحبني اني شعليه وحدتهن تشوفني تبقه تسوي صدقه الله
ولو مرته ويبو عليه اصلا مره وحده هي رقمتني

- بطل تجذب ادم تره داتحمه زايد

- بكيفج لاتصدكين

_ عفته وكمت غسلت ورحت لسريري

_ اجه يمي كعد سدومتي ليش تزعلين من اكون صريح وياج

- لان هواي تحجي بيهم

- حبيبي اني احب احجيلج كلشي بعدين اني اكدر اكون كذاب وياج واكولج انه اني خوش ولد وعاقل من لبيت للجامع ومن الجامع للبيت واصير بعينج ماكو مثلي بس مااحب اخدعج (الناقله روعه الطائي)
خصوصا انتي زوجتي وهسه كلها منا ل9 اشهر يجيني طفل منج

- طفل شنو ادم شتفقنه بعدين مستحيل شلون هيج بسرعه

- اي شنو لعد تلكي هسه بده يتكون جنين

- ها ياجنين شلون هيج انت شتحجي

- لعد لو مادارسه علمي وماخذه احياء متفتهم

- الي درسناها انه تتحد البويضه مع النطفه لتكوين الجنين وهم مو مكتوبه هيج بس حتى اوصلك فكره

- ومفكرتي شلون تتحد

- هاااا لا ابد
بس عيب لتحجي هيج

- ليش عيب هاي ثقافه اولا
ثانيا من باب العلم والمنطق الانسان لازم يكون على علم بهيج امور

- بخجل اي صحيح

- اروح فدوه للخجلان اني
يله هسه خل نام علمود الصبح نطلع نفتر ونتونس اوديج لااماكن جنت اودي بي صديقاتي
باوعتله بغضب ضحك بصوت عالي
اشاقه وياج تره مو لهل الدرجه عاد

***

كعدت على ثاني يوم الصبح وطلعنه نغير جو بره
مابين الشلالات والمي رغم الجو بي بروده لكن ماتحس بالبرد من جمال الطبيعه
اول مره اطلع هيج اماكن

اخذني لمحلات اشترالي فساتين

- شلي بيها عندي

- حبيبي انتي عروس واريد الي يجي يباركلج كل مره فستان شكل اريدج اميريتي بالبيت

- تسلم حبيبي

- شنو عيدي بالله من صدقه لشفايفج لجنها حلقوم
دتعالي لعد اخذلج فستان وعيديلي حبيبي

- لا لا هاهيه هواي صارن عندي

- لعد تعالي نصعد بالالعاب

- رحنه بالالعاب وصعدنه بدولاب الهوى حسيت روحي داشوف اربيل كلها






كعدنه واحد يم الثاني وهو اشترالي غزل البنات
اكلنه وتونسنه ورحنه لمطعم نتعشه

جان هو بالحمامات اجاه مسج

- ادم اذا متردلي راح افضح كلشي وهاي اني حذرتك

- قريت المسج
ومسحته مباشرة صار عندي فضول اشوف شنو بجهازه بس لان اعرف بي حيجي رجعته لمكانه
وسويت نفسي طبيعي
اجه هو

- اكلج اشو المطعم هذا محبيته احسه وسخ

- بكيفك تحب نروح مطعم ثاني

- امشينه حماماتهم گلبت معدتي

- طلعنه رحنه لمطعم ثاني طول الكعده هو يسولف ومندمج واني اكتفي ب المجامله لكن بالي يودي ويجيب

معناها كاطع علاقاته اذا هيج دكله

- بهل الاثناء اجاه مسج هو غلس سوه نفسه مو يم تليفونه
واني كلش زين مركزه

بعدين طلعت التليفون مالتي

- ادم هاي خالتي متصله عليه وماعندي رصيد ممكن اخابر من عندك

اي عادي

نطاني جهازه ومباشرة فتت للرساىل وشفتها كاتبه

قبل يومين جنه سوه شبسرعه تبدلت
عموما دزلي 150 الف داودي مصطفى للطبيب

- قريت المسج واحس مي نار ونزل عليه
صرت اباوعله واباوع للجهاز بعدين انتبه الي

- ها خابرتيها

-مغلق

- يله نتصل عليها بعدين

نطيته الجهاز بدون ماامسح المسج

وكعدت من سكوت ابد ولاتكلمت اي كلمه
هو يسولف ويضحك

تمر من يمنه بنات يبقه يباوعلهم
اني مكتفيه اباوع بدون مااتكلم بعدين تكلم

- اكلج انتن البنات ليش هيج حلوات

- مااعرف من الله

- يعني وحده بيجن اريد اشوفها مو حلوه ماكو كلجن تموتن

- باوعتله مارديت

- انتي لتضوجين اذا هيج احجي بس يعني دااكون صريح وياج

- اي خليك صريح اني اريدك تكون صريح
بكلشي وياي ادم مو بس بلي انت تريده

- وعيونج كلشي احجيلج ماضميت عليج شي

- يعني كلشي ماضميت عليه

- لا
حتى هسه من شفت بنات حلوات كتلج

- انت كلهم تشوفهم حلوات

- اي كلجن حلوات حتى الضعيفونه البيجن حلوه.

_ بأنزعاج... ادم ممكن نروح للفندق تعبت

- يله نروح

رحنه للفندق والحركه الي بگلبي نار وتشتعل بيه وكاتمه هالشي حتى مااضوجه مايبقى يتذكرها انتي
خربتي علينه ايام زواجنه الحلوه
ومرات اكول من وره منو حتى اسوي هيج
من وره وحده باعتله نفسها ببلاش






اخرب اجمل لحضات زواجي بالمشاكل
وهو يكلي بكلشي مايضم عليه

اساسا مرات مااعرف ليش هيج صريح وياي ويحجيلي استفهم ليش يحب يحجيلي عن علاقاته وللان مااعرف السبب...؟؟

رجعنه من الفندق بعد اسبوع عسل مثل مايظهر للناظر كضيناه...

جانت معاملته جدا لطيفه وياي وكلامه غزلي لاابعد حد

تجي اتصالات ويتجاهلها ومن اسأله

- هاي بالشغل يتصلون عليه

- ادم اجازتي خلصت ولازم اداوم بالكليه

- عادي حبيبي اوصلج وياي كل يوم للجامعه ومن ارجع اخذج ماعندي مشكله

- تمام

صار يوصلني للجامعه كل يوم يوديني ويجيبني
مرات يتأخر بالليل يرجع اوقات متأخره ومن اسأله يكلي شغل

جانت تحز بگلبي حيل واسكت لان جهازه مابي اي شي لااتصال ولارساله

بيوم كنت بالجامعه اتصلت عليه لان تأخر عليه مااجه
اتصلت عليه والي ردتلي امرأءه

- الو وينك حبيبي

- حبيبج نايم

- شنو. انتي منو

- انتي منو

- اني زوجة ادم هذا مو رقم ادم

- اي تليفونه وادم نايم من يكعد اخلي يخابرج
وسدته....

نار واشتعلت بيه وضاقت الدنيا بعيني احسها صغرت كلشششش.....

مــــــــريـــــــــــــــم.....

ابو غضب..
بعنا للطفل اعضاء واجتنه خوش فلوس تتذكر حجي

- اي ههههه شلون مااتذكر
ايام جانت خوش فلوس تجينه بس راحت هسه صفينه على المخدرات والنوادي

ضرغام:- بس هم خوش فلوس تجيب

- اي طبعا بس محتاج اجيب بنات جدد كالو اكو بسوريا يبيعون بنات عبالك حسافر اجيب

ابو غضب:- ابو سوزان السوري خابره وخل يجيب بنات حسب الطلب

ضرغام _ مريم شلون اجت

الحجي:_ هههههه سالفتها سالفه هاي ابو غضب خطفها
شهكت وخليت ايدي على حلكي من عرفته هو خطفني اتبسم ابو غضب كله

جنه ماريين للمنطقه مالتهم نسيت وين حجي

- جانو هم جيران لواء سعد بمنطقة ال....

- اي اي تذكرت جان دازنه الحجي نخطف بنت اللواء
هي مريم جانت تلعب بالشارع عبالي بنت اللواء
جان اخطفها واخذها ومن شافها الحجي كام يحجي علينه

ثول ولكم مو هاااي واحنه بعد خذناها كلنه نخليها وي الجهال وشافها الحجي حلوه هم كال تفيد






مريم من جانت صغيره فقيره بس فضوليه يايابه شفضوليه تكعد وره براميل النفط تباوعلنه شنسوي جواها الحجي ومتابت

الحجي... وعود بوكتها متحزم بيكم جايبيلي جيرانهم

ضرغام: وخطفتوها لبنت اللواء

- لا اللواء عرف قاصدين بنته وتحذر

- ابو غضب.. عوفنه هسه من مريم شحنسوي على البنات تخابر لو تسافر

- هي مو مال واحد يجازف ويسافر يعد موت
القبرص تلكاه للخبر طاش يم الحكومه اخابر

وضرب على فخد الضرغام على الخفيف

اي يلضرغام بداياتك بشغل الحوت شلون جانت

سكت ثواني وبعدين تكلم
نفسكم هم علمني على قتل الحيوانات

- وبعد

- تعلمت التفجير وشلون افجر واقتل بلا رحمه

- تعرف للقناص ضرغام

- مو كلش جان الاحمر هو ابو القناص

- الاحمر وين صفى بي الدهر

- قتلوه ليش متدري

- ضحك بمجامله حك ذقنه وكال
اي ادري بوكتها تلاكو هم وابو المنشار

- اي

- بس مكتلي الحوت منين جان يستورد

- جان يستورد من تجار من السودان

- الحوت رجال سبع اااخ لو مالزمته الشرطه
محد منكم نهزم

- لا اكثرهم بسجون جبيره الي يفوتها ميطلع
ومنهم اخءو فترة حكم

- متفاجىء انت شلون طلعت وانت جنت على التفجير

- ماكو شي يثبت جنت افجر

- صحيح ذكي انت ضرغام وجنت اكول ليش الحوت دوم يمدح بيك

- كلش وااعجبك هم

-الحوت جان عنده بيت ونسيت وين مره اخذني عليه

- اي بيت سري عنده بمنطقة ال.....

- صح تذكرت
جان هم متزوج يمكن

- وعنده بنات

- شغلهم ويا

- خارج العراق اصلا

- تعرف كلشي عنه

- نسيت ايدو اليمنه انه

- معلوماتك جدا دقيقه

- مو كلتك اعجبك

-هز راسه ب معنى نعم ومتحير من الضرغام
تصرفاته شي وكلامه شي

-بهل الاثناء اجاه اتصال للحجي

الحجي بس سمعله بعدين سده وكام على حيله ونتر

- يقتلو ويبلونااااا احنا ناقصييييين

ابو غضب - شكو حجي

- خابرني الجبير كلي اذا تبقه تتمادى راح نزيحك من الشطرنج وسده






- وشيقصد

- يقصد القبرصصص ذبوها براسيييي

- والعمل

- فتره لازم هدوء محد لايطلع ولايروح ولايجي واحتى انه حروح يم ولدي اشوفهم الدكتور جاي هم مشتاگله

- وشلون لو هجمو علينه جماعة القبرص

- ميهجمووون تدخلو بيها الكبار
طالع انه

وطلع وتبعه ابو غضب مباشرة الضرغام رفع تليفونه
وكال كلمتين وسده

- راح لولد و توهم طلعو ...

وصاح عليه بغضب

مريييييمممممم

-بلي

- شكايلج انه

-شنو

- شعلمتج

على شنو

انه مو كتلج على حجابجججج مو نبهتجججج انتي شنووووووو متسمعييييييييين

- ها
نسيت

- طلعي بره ماريد اشوف خلقتج

وطلعت بره اختنكت من كلي هيج

شفته طلع من غرفته راح للحمام سبح وطلع
باوعلي بغضب وراح للمطبخ يسوي جاي
اجه جايب بكلاص توه يشربه وماكدر يكمله (الناقله روعه الطائي)
خلاه على صفحه طلع جكاره يشرب
عرفته هم مخربه للجاي وميعرف يسوي كمت من حالي سويتله جاي وجبته اله

اخذه بدون ميباوعلي وصار يشرب بالجاي

اجاه اتصال

رد.... اي... ونتر

لعد الله يقبلهاااااااااا شلووووون

- باوعلي وتكلم
صار

وره ماخلص المكالمه شمر التليفون بالكاع بقوه تكسر جهازه وصار يروح ويجي والجكاره بيده يدخن ومتوتر
اخر شي ضرب بيده جامه بوكس فلشها وتجرحت ايده

شهكت
هاي شسويت

- روحي عني

- شبيك ضرغام

- صرخ روحييييييييي

- رحت جوه بالغرفه بس بقيت الوب لايصير بي شي
باوعت بعين وحده شويه مديت راسي شفته كاعد
مرتجي بالحايط وماد ايده على عكس رجله نفسها ايده الي ضربها طلقه وتذب دم بالكاع يباوعلها وكاعد ولامهتم للدم الي يطلع من ايده

انتبه اني دااباوعله فتح ايده السليمه ونظرلي بحب بمعنى تعالي
اجيت لعنده حضني
هذه اللحضه بالذات حسيت بيها طفله

مثل طفله صغيره وابوها فتحله ذراعه يتلكاها بحضنه

همس
خو ماخفتي من صرخت

- هزيت براسي بمعنى لا
جرحك دااينزف

هز براسه بمعنى اي
رحت بسرعه جبت قطعة قماش وكلينكس حتى انذفها واضمدها
يباوعلي يبتسم بتعب لما جنت الفها وتكلم






- من تشوفيني ضايج ابتعدي عني

- ليش هيج ضجت

- باوعلي بتمعن لدقائق بعدين وجه نظره بتلاشي بدون ماينظرلي
مريم مرات تصير ويانه شغلات احنه منعرف ليش صارت
لاتسألين مريم
لأن اساسا انه مو فاهم شنو دايصير

- ضرغام نسيت اكلك
هذاك اليوم من طلعت الحجي دز وراك ثنين يراقبوك

- اعرف

- تعرف.! شلون منين عرفت

- رفع حاجبه الاثنين كال بثقه
انه ماكو شي ينظم عليه مريم

- بس شلون عرفت

- جماعة الحجي اغبياء وينلكفون بسرعه

- انت ذكي مو هم اغبياء
وثبتت هالشي

- شلون

- لحد الان اسأل نفسي شلون عرفت حيفجر السياره واني بيها
شلون عرفت حيضرب البانزين ويحركني

- عرفت

- شلون هو حتى ماوجه السلاح عليه

- بس باوعلج عرفت نيتو
يعني شتردين ابقه انتظر لحد مايضرب

- يعني شلون هيج اجه بالك

اجه مريم

- ليش قتلت القبرص

باوعلي وسكت مارد

- هو قتل اليا

- مو شرط

- ليش قتلته

- ليش تسألين

- اريد اعرف ليش قتلته

- رفع حاجبه الاثنين كال

لان اخطر بشر ممكن تشوفه عيونج

- شلون

- القبرص هذا يشتري بنات بعمر ال 11 سنه الى 16 سنه كاأقصى حد يغتصبهم وبعدها يقتلهم باابشع الطرق

- بخوف... شنو انت شتحجي

- عدا الجرائم والاسلحه والقتل والتفجيرات الي يسويها من جوه لجوه قتلتو وخلصت العالم من شروو

- زين انت شلون عرفت

- عرفت مريم كتلج ماكو شي ينظم عليه

- شلوون

- هسه عوفي لشلون
ضماد مالتج غلط ايدي بيها كزاز

- معرفت اطلعه ناعم

- حروح اضمدها بره

كام طلع كمت بسرعه وراه مسحت الدم الي صار بالكاع وبقيت انتظره لحد مااجه
جان مضمدها لاايده اجه مدد على سريره
عكس ايده السليمه على عيونه

اطفي الضوه

- لا

- تاكل

-لا






- بيك شيى

- لا

روحي ارتاحي ونامي مريم

انت نايم بفراشي

انتبه لمكانه توه يكوم
اجيت يمه همست

لاتروح خليك

باوعلي بدون مايتكلم

مددت يمه وخليت راسي على ايده السليمه بس جانت عضلة ايده قويه

همست قويه ايدك

هز براسه بمعنى اي

- شلون هيج

- ابتسم بتعب همس وهو يشدد بيده على راسي
بحيث ايده صارت زاويه وراسي بين عكس ايده

نامي مريمي نامي

حضنته وغمرت وجهي بي بحيث اشتم عطره جانت شكد طيبه ريحته

غفيت حسيت بي يمي بعده ونايم ماكمت بقيت على نومتي اباوعله

كان يغط بنومه عميقه كان كثيف الرمش وطويله بعيون واسعه مسحوبه نوعا ما
انف مستقيم ولحيه متوسطه الكثافه

تذكرت لمن كلي لاتتعلقين بيه مريم

جان گلبي ينعصر لمن اتذكر كلامه هذا واكول ليش هيج يكلي يعني راح يعوفني؟

-بس اني مستحيل اعوفه ابد

تناسيت كلامه وكمت اسويله ريوك
سويت وحضرته ورحت كعدته

- ضرغام.... ضرغام

- كعد باوعلي من دون مايرد

- سويت ريوك تعال نتريك

- هز براسه بمعنى اي
ورجع غمض عيونه وانگلب للصفحه الثانيه

كعدت على الصينه انتظره كل شويه اكول هسه يكعد

كمت باوعته بعده نايم توني اكعده انتبهت لروحي بالمرايه شكلي مو مرتب تعبان وشعري مو كلش مرتب

وكفت كدام المرايه سرحت شعري وخليته مفلول
جان لنص ظهري طوله
وكرصت خدي حتى تصير لونهن ورديات
فتحت كنتوره على كيف واخذت من عطره
جانت دشداشتي حلوه لونها زيتوني ومرتبه عليه

باوعت لنفسي هسه من كلشي تمام رحت كعدته

باوعلي بتك عين

- ضرغام والله جوعانه كوم عاد

- باوعلي وكال
امري لله

كام من نومه راح غسل وجهه واجه ينشف جان بالخاولي وجهه

باوعلي جنت واكفه انتظر ينطي رأيه بس بدون ماابين اله هل الشي

كعد يتريك

صب الجاي توه يشرب

مريم الجاي بارد

هسه احمي انت تأخرت بقيت نايم






-اخذته ورحت احمي وجبته اله بسرعه

كعد يتريك وكمل ولاتكلم بشي
كام حتى يبدل ضماد جرح ايده
شفته يريد يبدلها بس جانت بقوه لافيها وهو ايد وحده سليمه مدايكدر

اساعدك تبدلها

- اذا تكدرين

- اي اكدر اجيت يمه كعدت فليتها اله وعقمتها ورديت لفيت ضماد جديد وهو مكتفي يباوعلي حتى مباوع شلون داشتغله او شلون صارت ايده

-ها شلونها هسه

-همس.... عاشت ايدج

وايدك

مريمي حليوه طالعه اليوم

- دنكت بخجل

-مرتاحه مريم يمي

- ابتسمت جاوبته اكيد

- جروحج طابت خو مداتأذيج

- يعني

- تحبني ضرغام

- انتي غاليه عليه

- يعني شنو

- يعني انتي كلي

- مفتهمت

- لوتيه لتحجيني

- اكو سؤال اريد اسأله الك

-وهو

- الطفل الي جان بطني جان صدك ميت

- اي مريم جان ميت

- شلون مات يعني مدااصدك من الانفجار (الناقله روعه الطائي)

- العصف شمرج على وجهج وكعتي واكيد بطنج هم تأذت والطفل مات من اثر الضربه

- ماصدكتك

- ماالومج ماجنتي تعرفيني

- كلت دزك الحجي او تريد تنتقم مني

- انتقم من مره ضعيفه بلا جناح مو من شيم الرجوله هاي مريم هاي مو شيم الضررغام

- جنت حابه يجيني هذا الطفل

- ليش هيج جنتي رايدتو

- ماعرف بس حبيت يكون عندي احد من اهلي مني وبيه

- حتى لو من شخص غلط

- هسه اتمنه يكون الي طفل منك

- ابتسم بتعب وطبطب على خدي
صيري عاقله وحبابه

- هو انت هم مردت اجيب طفل

- احمدي ربج مات لو عايش جان بهذلتي تحيرين وين يروح بهذه الدنيا ويلزموه نقطة ضعف والحجي ذا عرف حفيدو هذا مستحيل يخلي عندج جان اخذو منج واول ماتطالبين بي يقتلج ساعتها مريم يتبهذل

- كلت مااكول ابنه شمدري هو

- جان دايدور عليج واكيد اول شغله حيكول عليها الطفل اذا شافج حامل او بيدج

- وانت شلون اجيت

- جر نفس باوع للغرفه كال اجيت لاتكليلي شلون

- انت جنت داتفجر مو

- هز براسه بمعنى لا

- همست مستغربه شنو مو انت. لعد منو
زين شمدريك اني هناك

- الي كدامج مو مثل متشوفه عيونج
لاتسألين

- ليش ساعدتني لعد

- نقهرت عليج

- جنت ضاربتك

- طالعه من اعتداء طبيعي ردة فعلج

- ليش ساعدتني وليش خليتني كل هالمده بالمزرعه

- باوعلي متحير
اخذ جكاره وصار يشعلها تكلم همس
انتي ليش تسألين

- لان من حقي اعرف

- طبطب على خدي برقه وكال
هذه الامور مال كبار بعدج صغيره عليها بنيتي

- انت ليش متحب تحجيلي

- وانتي ليش فضوليه

- لان اريد كلشي اعرف عنك او اي لحضه تجمعني بيك
سكت وماتكلم اخذ نفس من الجكاره بحركه وزفر دخانه
دنك راسه بعدين رفعه و تكلم بتهرب

اريد اكلج بموضوع بس اريدج تتفهمين وتصيرين عاقله

- شنو

مريم راح اروح كم يوم بشغل

- تلاشت ابتسامتي وهمست شنو

- اعرف هالشي راح يضوجج بس مجبور اروح

- ليش وين وشوكت تجي

- راجع لتخافين

_ بس كلي وين حتروح

- مو مهم تعرفين

- واني زين اني شلون ابقه هنا ولزمته بيدي الاثنين وعيوني تروح عليه يمنه يسره
ضرغام لو رحت يأذوني يضربني الحجي

- والله اليلمس منج شعرايه وحده امحي يضربج شنو

- انت ماموجود

- محد يكدر يوصل عتبة الباب واخذيها مني وعد بس انتي هم صيري عاقله

- ضرغام لتعوفني لتروح

- مريم مااكدر لازم اروح مجبور مريم

- واأهون عليك

- وعيونج ماتهونين عليه بس مو بيدي

- شلون موبيدك منو عندك بره اهم مني
انت مو كلت كلهم جماعتي بالسجن

- اي

- لعد على منو حتروح

- باوعلي وسكت نطاني ظهره واخذ يشرب بجكارته

جاوبني وين حتروح

- شمر جكارته بالكاع بعد ماخلصت كال (الناقله روعه الطائي)
شغل انه عندي شغل بره مو بس هنا
لهسبب رااح اروح وراح اوصي عليج

- لتعوفني

-مريم مااكدر

- اخذني وياك






- مااكدر

سكتت ونقهرت معرفت شسوي

رفع راسي بطارف اصبعه باوعلي بشفقه
مريمي

فدوه والله مجبور

- همست خلص براحتك

-حضني...... احاول مااطول وان طولت معناها صارلي بعد شغل
لتخافين وصيت عليج

- راح اشتاقلك

ا: انه هم حشتاقلج
قبلني بجبيني وتكلم وعينه بعيني

مريمي ديري بالج على نفسج

هزيت راسي بمعنى اي تخاف عليه؟

- باوعلي لثواني بعدين تكلم

وحدو الله عالم غلاتج بگلبي شكبرها
واخاف عليج من الهوى لو لامس خصله من شعرج وبعثرها

- لعد ليش حتروح

- مريمي مو وكت احجيلج شي هسه يجي يوم وتعرفين كلشي
انه المهم اريد تنتبهين لنفسج اكلي زين وارتاحي لاتشيلين هم شي

- هزيت براسي بمعنى اي

توجه طلع اغراضه الي يحتاجهن وتوجه حتى يطلع

- مسح على راسي وكال يله طالع انه

- باي

مشى حتى يروح قبل لايفتح الباب كال

مريم بغلاتي عندج لاتبجين

- مداابجي

- اعرف بيج حتبقين وحدج وحتتذكريني وحتبجين

- غوركت عيني بسرعه مسحتها

مو اكلج حتبجين انه مامطول فتره وراجع
بس امانه لاتبجين

- ضرغام لتطول محد الي بهاي الدنيا غيرك

- اتبسم بتعب
يعني لو عندج احد بهاي الدنيا غيري انه مو مهم

لا لا بس ماريدك تروح وتبقه هواي
ضرغام انت كل اهلي وناسي انه لو ماانت موجود
اموت ليش ابقه عايشه

- خلص لعد انتبهي لنفسج لخاطري

هزيت براسي بمعنى اي توجه حتى يطلع وراح وسد الباب وراه

راح طلع واحس روحي اخذها وياه بقيت اباوعله من الباب جان الحجي مموجود تكلم هو وابو غضب وطلع....

متحملت اكثر اكابر بجيت واحس البيت وحشه صار عليه شلون حكضيها هيج وحدي

مرت يومين وكأنه سنتين من كثر الوحده والوحشه

ندكت الباب فتحتها جان ليو

شونج مريم

-هلو ليو

- اشتاقيتلج وكلت الضرغام طلع خل اجي اشوفج

- اي تعال ليو

- دخل للبيت وكعدنه نسولف

يعني انتي غلمود الضرغام متجي

اي مريم مو متحلف بيه

شلون

وره مكعدتي بيته اجه عليه كلي

ليو بعد مااقبل تروح على مريم

- بس انه وياها اصدقاء

خلللص بعد ماكو صداقه مرتي صارت

گلك مرتي

- اي وانتي تزوجين ومتحجين

لاممتزوجني ليو

يعني معقوله گلي هيج حتى مااجي

اكيد

- بس ااااخ مريم حيل نقهرت
بس محجيت ويا كلشي لان هذا عصبي ويروح يتخبل عليه

ضرغام حباب

- وياج عيني انتي مشايفته من يتخبل علينه
ابو غضب كلها متندك بي هو يتعارك ويا وقبل كم يوم حطه وضربه

- لان ضربني الحجي

- هي هاي الضربه مفروض للحجي

- هو شباقي بي بوكسين ينتهي

- اكلج لعد هو وين راح ضرغام صارله يومين ماكو

- باوعت للباب الخارجي وكتله
ماعرف. ماعرف وين يروح. غيباته هاي حتموتنييييي......

#يسعد_اوقاتكم_بكل_خير
#توقعات_الابراج_ليوم_السبت_والله_اعلم

#الحمل
- مهنياً: يريحك هذا اليوم من بعض الالتباس والغموض، ويزيل الالتباسات السابقة.
عاطفياً: قد تجد نفسك مجبراً على اتخاذ قرارات مهمة، لكنّ العقبة تكمن في رفض الشريك لهذه القرارات
صحياً: أمام المأكولات الشهية الكل معرّض للإغراء، لكن القليل من الإرادة يحول دون ذلك

#الثور
مهنياً: تتخلص من بعض العراقيل في حياتك المهنية، وتضاعف المسؤؤليات بسبب واجبات طارئة لم تحسب لها حساباً
عاطفياً: يمكن أن تراجع بعض العائدات الزوجية أو تتباحث مع الشريك في شأن حساس
صحياً: حافظ على استقرار معنوياتك وهدوء أعصابك. لا تكثر من الصراخ والانفعال

#الجوزاء
مهنياً: العمل المضني الذي تقوم به غير سهل على الإطلاق، لكن تكون له انعكاسات إيجابية أبرزها النجاح الذي يلوح في الأفق
عاطفياً: أن يكون الشريك من أقرب الناس إليك، فهذا من أبسط قواعد العلاقة الناجحة بينكما
صحياً: تميل إلى الإفراط في تناول الطعام، لكنك في الوقت نفسه تشعر بعقدة ذنب. أحسم أمرك

#السرطان
مهنياً: إذا كنت ترى أن وجهة نظرك هي الصائبة، لا تتردّد، وحاول أن تنظر إلى الأمور بتفاؤل
عاطفياً: تعيش سعادة هادئة بلا مفاجآت، ويبادلك الشريك أصدق المشاعر وأكثرها حميمية
صحياً: استعض عن العشاء الدسم بعشاء خفيف قوامه الخضراوات والأعشاب، وتناول الفاكهة المساعدة على التهضيم

#الاسد
مهنياً: يشعرك هذا اليوم ببعض الانقباض، لكنك لن تنسحب من اتفاق أو موعد أو استحقاق
عاطفياً: علاقة عاطفية تتخذ طابع الجدّية وتصل الى نقطة اللارجوع، فإمّا الإرتباط أو الرحيل.
صحياً: تعيش أيضاً بعض القلق والسهر وتخاف مما هو مخفي ومجهول. قد يعمل بعضهم على إيذائك وانت غير مدرك ذلك

#العذراء
مهنياً: يبشرك هذا اليوم بالتخلص من عراقيل تواجه الخطوات وتزعج بعض الأعمال، ويزول الالتباس
عاطفياً: الصراحة بينك وبين الشريك أبرز عناوين العلاقة بينكما، وهذا ما يدفعكما إلى تفعيل العلاقة على نحو أكبر
صحياً: لا تغفل أي ملاحظة توجه إليك وتتعلق بوضعك الصحي، بل تقبلها وحاول أن تتقيد بها

#الميزان
مهنياً: تبدوحيويتك قوية، كذلك الإرادة لاجتياز العقبات واختراق الحواجز السابقة، وإقامة علاقات مهنية ممتازة
عاطفياً: الرغبة في مصارحة الشريك مهمّة، لكنّها تؤدي إلى كشف الأوراق كلها، فكن مستعداً لذلك
صحياً: أنت صاحب إرادة لا تلين عندما تنوي الإقدام على أمر ما، وهذا ما تبرهنه بالنسبة إلى اتباع حمية صحية

#العقرب
مهنياً: حاول أن تكون أكثر إيجابية اذا أردت تعزيز موقعك في العمل ضمن صفوف النخبة
عاطفياً: خداع الحبيب يكون في غير مصلحتك في التعامل معه، وخصوصاً أن أسلوبك في هذا المجال لن يفيدك
صحياً: تكثر من السهر ، وغير مدرك تأثيرات ذلك على المدى المنظور

#القوس
مهنياً: حماستك للوقوف إلى جانب الآخرين قد تورّطك في بعض الأخطاء، فتمهّل قبل فوات الأوان، وهذا أفضل
عاطفياً: قد تفكر في مغازلة أو تتفق مع الشريك على تمضية نهاية أسبوع بعيداً عن روتين الحياة العملية
صحياً: لا تتعب أعصابك وتنفعل أمام أمور تافهة لا تستحق سوى أن تمر عليها مرور الكرام

#الجدي
مهنياً: يسلّط هذا اليوم الضوء على مسائل مهنية مهمة ويبثّ فيك النشاط والحيوية ويسهّل اعمالك
عاطفياً: تجد نفسك منهمكاً في حل بعض القضايا الطارئة، لكنك لا تفقد القدرة على التركيز
صحياً: تكون مشغولاً بصحة أحد الوالدين أو المقرّبين، أو تتقرّب أكثر من شخص في العائلة يحتاج إليك

#الدلو
مهنياً: اختبار جديد يتعلق بنفوذ أو بصراع على السلطة، وقد تجد نفسك امام استحقاق مهم. تمالك أعصابك ولا تشوّه سمعتك
عاطفياً: تعود إلى الوراء لكي تتذكر ما كان، وتحدث تصحيحات في أخطاء ارتكبتها
صحياً: تمالك أعصابك تجاه الضغوط، قد تواجه لاحقاً ظروفاً أصعب وأكثر تعقيداً

#الحوت
مهنياً: يوم من الطمأنينة يساعدك على تنظيم عملك على نحو أفضل، قياساً بما قد تتطلبه المرحلة المقبلة
عاطفياً: معاملة الشريك بطيقة حسنة تترك ارتياحاً عنده، وتولّد مزيداً من الأجواء الجيّدة بين الطرفين
صحياً: ضع خطة واضحة لحياتك الصحية والغذائية، ونظم أمورك الرياضية

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنياً: أنت أمام يوم جديد يطلّ عليك ويكافئ مساعيك ويتحدث عن شركات مهمّة جداً، في حياتك الشخصية والمهنية

عاطفياً: تطالب الشريك بالتعهد بإيفاء وعوده أو هو يطالبك بذلك، وتجد نفسك محرجاً أمام بعض أسئلته
صحياً: تجد نفسك قليل الحركة ويسيطر عليك الخمول، فتحاول التخلص من ذلك بأي وسيلة

#الثور
مهنياً: تعزّز موقعك وتتشجع على التقدم والمثابرة. تزدهر الآمال وترتفع معنوياتك. واصل سيرك بخطى تصاعدية، فالحظ الى جانبك
عاطفياً: تصل إلى وقت تجد نفسك عاجزاً عن تلبية طلبات الشريك، وهذا ما يصعّب الأمور بينكما
صحياً: باعد بينك وبين كل ما ينعكس سلباً على صحتك، وقارب الخطى من كل ما يفيدك

#الجوزاء
مهنياً يثير هذا اليوم بعض الحساسيات ويجعلك متأففاً بعض الشيء، لكن ذلك لن يسبب لك مشاكل مع الزملاء
عاطفياً: عليك مواكبة الشريك خطوة خطوة، فهذا يساعد على رسم الخطط المستقبلية بجدية ووضوح
صحياً: لا تنغمس في السهر الطويل والتدخين والإفراط في تناول الماكولات الدسمة

#السرطان
مهنياً: تقطف قريباً ثمار ما زرعته منذ مدة، وهذا ما يعزّز موقعك في العمل على نحو أكبر
عاطفياً: إمنح الشريك مساحات كبيرة للتعبير عن حقيقة مشاعره، وهذا يريحه كثيراً
صحياً: كن من الحرصاء على صحتهم، ولا تتشبه بكل من يستهتر بها، فهم الخاسرون

#الاسد
مهنياً: تواجه كل الاحتمالات بعزيمة ووعي وتستبق الأمور، ولا تتوّرط في مجالات عميقة، ولا تدخل في تحدّيات
عاطفياً: تعلّم كيف تنتظر الوقت المناسب وكيف تلتقط مفاتيح الحب، من دون أن تهمل ناحية أو تتخلّى عن مهمّة ودور
صحياً: الخلافات والضغوط التي تكون عرضة لها تسبب لك تعباً جسدياً ونفسياً. إنتبه لصحتك

#العذراء
مهنياً: تنعم بحس الإدراك وسرعة البديهة، ما يجعلك تنجح في مفاوضات إذا خضتها اليوم
عاطفياً: تعاطف مع الشريك وأظهر محبّتك واهتمامك والمحافظة على صبرك وهدوئك، من دون غيرة أو تملّكية
صحياً: حاول حماية نفسك من الأمراض والحوادث، والحذر من المياه والأغذية والمأكل والمشرب

#الميزان
مهنياً: التغيير الحاصل في وضعك المهني يشير الى فرص جيدة والى نجاحات تنمو وحلول وانتعاش
عاطفياً: تعيش أوقاتاً عذبة وحلوة على الصعيد العاطفي، والوعود كثيرة على هذا الصعيد
صحياً: تكون الأوضاع ملائمة جداً ويترافق النشاط مع خطواتك وتهتم بأمور جديدة

#العقرب
مهنياً: تصرفاتك تبدو مستفزه لبعض زملاء العمل. إحذر خيبة ما والضياع في التفاصيل
عاطفياً: يتحدث هذا اليوم عن رابط عاطفي متين مهما يكن عمرك ووضعك أو عن عرض مهم ورحلة سفر
صحياً: إذا أحسست بأنك تتنفس بصعوبة، سارع فوراً إلى زيارة الطبيب

#القوس
مهنياً: تتلقى رسائل تهنئة او محبة وتعاضداً وتأييداً. تسافر أو تقوم برحلة أو بزيارة وتشعر بالارتياح
عاطفياً: تبدو أكثر إيجابية في حياتك العاطفية، ما يولد ارتياحاً لدى الشريك والقضاء معه أجمل الأوقات
صحياً: تعيش في محيط يولي الاهتمام بالصحة عناية كبيرة، فلا يمكنك أن تكون بعيداً عن هذا الجو

#الجدي
مهنياً: وجود القمر في برج الثور الترابي الصديق ويتناغم مع الشمس في برج الحوت، ويجعلك متحمساً ويزداد بريقك
عاطفياً: يسلّط الضوء على علاقاتك العاطفية وصداقاتك التي تعرف تطوّراً سعيداً، ويكون لها دور فعّال في إنجاح بعض الخطط
صحياً: إحذر الأخطاء في الحكم على الأمور وانتبه لصحّتك وحسن خياراتك

#الدلو
مهنياً: لا تتورط في مسائل لا تعنيك، وخصوصاً أن رياح التغيير بدأت تعصف وهي تنذر بحسم قريب لم تكن تتوقعه
عاطفياً: تحصل على نتائج ايجابية نتيجة لمجهودك الذي بذلته. واجه الحبيب بما تعرف ولا تكن كتوماً
صحياً: تعرّض أحد أفراد الأسرة لعارض صحي قوي، يصيبك بقلق ووهن، تماسك قليلاً

#الحوت
مهنياً: الوقت مناسب جداً لتنفيذ الخطوات الضرورية والمساعي من أجل تثبيت موقعك، أو الحصول على منصب يليق بك
عاطفيا: تولّد الثقة المتبادلة في حياتك الشخصية مشاريع مشتركة مع الحبيب أو الزوج ونشاطات تترك ذكريات
صحياً: أنت أكثر من يعبأ بصحته، لذا حاول أن تجعل الآخرين يتمثلون بك

#فقرة_شعر
أنه بگلبي حچي أيبچيـك
حچي أيرخصني و أيغليـك

#طشرني_مطر_بالراس_واگعدلك_صبح

#مغسول

هضيمه عيونك الحلوات
يشوفن .
- غيري يوميه .

#فقرة_هل_تعلم
‏لا توجد ضروف تجعل الشخص يخلف في وعده إلا في حالة واحدة فقط
الا
اذا كان الوعد من البداية كذب .!

.
قصه عراقيه
_

!

فيروز: بقى الخوف ياكل بگلبي حسيت نفسي مثل المصاب بالشلل رجليه متگدر تحملني اكثر وگعت على الأرض اصوات الخطوات اقتربت وريحه جگاير وصلتني دقايق او يمكن ثواني ماعرف بالضبط صارت انفاس ساخنه تلفح بوجهي جسمي رجف لدرجه حسيت اعظامي يتضاربون مع بعض عرفته مو هَيْصَم لكن منو هذا اللي يتجرء ويدخل بيته بهاي الطريقة الأجراميه بهاي اللحظه عرفت معنى كلامه وصحته ايضاً لعد شگد جنت ظالمته اني،

بلعت ريقي وهذا الشخص بقى بمكانه حسيته يطالعني على رغم اني ما اشوف شي بسبب الكهرباء شجعت نفسي وحجيت بصوت متوتر،

انت منو وشنو اتريد من عندي؟!

التزم الصمت ومحجه شي فجأة خطر على بالي اللي خطفني جحظت اعيوني واني اتخيل راح يحاول ايسويها مره ثانيه وخاصتاً الوضع يسمح كون محد موجود غيري اهنا حاولت اقوي نفسي اكثر ولو اللي اني بيه يعدم الطاقه بالكامل مع ذلك قويت نفسي ورجعت بنفسي ليوره بس أيدة لزمتني من أيدي وسحبتني من عدها رجعني لنفس المكان انفاسه اللي ممزوجة بريحة جگاير تضرب بوجهي اتسارعت نبضات گلبي بالتزامن مع أيدة اللي ممرها على وجنتي بهدوء صعوداً ونزولاً الواضح جان لابس كفوف لأن حسيت بيهم ثبت اصبعين الأبهام والسبابه تحت حنكي ورفع راسي من عدهم اني ما اشوف شي غير النار الضاهره من جگارته بس هو امبين يشوفني بوضوح اشلون ماعرف!!!

سمعت الباب انضرب هو نهض من مكانه وصارت الخطوات تبتعد دقايق واشتغلت الكهرباء ، اني بقيت نفس مكاني واتنفس بسرعة لو مو الباب هسه اني شنو صار بيه؟!

اذاً صدگ حياتي مهدده بالخطر وعلى رغم حمايته اليه لكن بقوا يحلاقوني زين اريد احد يخبرني شنو السبب مو والله راح انجن؟؟

نهضت من مكاني وحاولت ابحث عن الموبايل اتذكرت إني مخليته بجيب البنطلون طلعته وحاولت اتصل بيه شفتها الساعه عشرة يعني صار اكثر من اربع ساعات هو مختفي اتصلت بيه اكثر من مره موبايله مغلق لو خارج نطاق التغطيه بقيت اكل بنفسي معقولة صار بيه شي ياترى اتصوب لو قتلوه يا الله نخر عقلي التفكير واني وحدي بمنطقة غريبه وبيت مهجور من منو اطلب المساعدة واني اصلاً ماعرف احد قويت نفسي ببعض الكلمات وبقيت اقرأ الأدعيه والأيات القرآنيه الحافظتها خطرت على بالي احد الأحاديث من الأئمة عليهم السلام اللي يقرأ خمس مرات أيه الكرسي يكون بحفظ رب العالمين قريتها وقريت القلاقل الأربعة ( التوحيد ، الفلق ، الناس ، الكافرون) كملتهم ورجعت اقرأ التوحيد بقيت اكرر بيها وليلتها جفاني النوم ورجعت ايضاً اتصلت بيه مع ذلك ميرد بجيت بحرگة گلب يعني شنو السبب ليش يصير ويايه هيج خلصت عمري كافيه الناس خيري شري ذنبي الوحيد مو محجبه معقولة رب العالمين ديعاقبني لهذا السبب؟

لا مستحيل هو ارحم من ايعذب وحدة يتيمه وحيدة وما عندها احد يساعدها،

رجعت گعدت على القنفه وعقلي يفكر بيه وين ياترى هسه وشنو يسوي يارب تحفظة وتبعد عنه كل شر، بقيت ادعيله داخلي حماني وخلاني بيته غلطته الوحيده هو اللي صار البارحه مع ذلك اتحمل عناء نقلي لهذا المكان و خطورة الوضع اللي تحمله مجان مجبر يسوي ويايه هيج بهذا اليوم حسيت بقيمته واهميته بحياتي لو واحد غيره مسوه هيج صحيح واجب الجندي حماية المواطن لكن مو واجبه ابداً ايضحي بحياته ويخاطر علمودي اللي سواه خلاه يكبر بعيني حيل وتتغير نظرتي اله،

بقيت للصبح بدون نوم والأفكار مفارقتني شفتها الساعه سته ولسه مجاوب على مكالماتي اتأكدت وحساس قوي داخلي صار وياه شي لأن هو خبرني ساعتين ويرجع ومن عرفته لسه مخلف بوعدة ابداً،

خلص اليوم واني على نفس الوضع أكلت فقط نص لفه وشربت بطل مي حتى اسند نفسي والا شهيتي منعدمه بسبب الوضع اللي اني بيه،

رجعت مشاعر الخوف سرت بداخلي من غابت الشمس عقلي يعيشني بأجواء البارحه فكره عابره اخذتني وهدت حيلي بالكامل ممكن يرجع نفس الشخص مره ثانيه اليوم واللي مگدر يسويه المره الماضيه يسوي اليوم ياربي شنو الحل التفكير راح يخبلني،

ثواني ، دقائق ، ساعات، مرن اسنين عليه وصارت الساعه عشره ولسه ماكو اي خبر عن هَيْصَم نزلت ادموعي والفكره الوحيده اللي احتلت عقلي هو انقتل والا ميتركني وحدي كل هذا الوقت ويعرف اني ماعرف شي عن هاي المنطقة،

ومن بين افكاري ودموعي سمعت صوت القفل انفتح گلبي صار برجليه دخل بطوله الفارع اني شفته امامي واگف على طوله والهيبه والكاريزما محاوطته مشاعر جياشه داعبت گلبي و رجليه اخذتني غصب عني ركضت ورتميت بحضنه مثل طفله اصغيرة غاب عنها والدها ورجعوا التقوا مره ثانيه ، شديت على حضنه اكثر وخليت راسي بصدره حسيت على ايدة من خلاها على شعري والأيد الثانيه قربها من وجهي ومسح ادموعي مجانت اكو كلمات(الناقله روعه الطائي)
بداخلي اگدر اعبر بيها عن سعادتي والراحه والطمأنينه اللي حسيتهم بهاي اللحظه الأمان واني بين احضانه شعور لايعبر عنه بمجلدات ، ابتعدت ومسحت ادموعي رفعت راسي والتقت اعيونه مع بعض وقبل ما انطق اي كلمه گال.

هَيْصَم: اعتذر على تركج وحيدة بأول يوم الج بهذا المكان لكن عمل ضروري منعني ارجع.

فيروز: مع ذلك متخسر شي لو اتصلت وخبرتني مفكرت شنو ممكن ايصير بيه بمنطقه غريبه وبيت مهجور يمكن انقتل او حتى انخطف بدون علم أحد لهاي الدرجه متهتم بيه انت؟!

رفع حاجبه اليه وگال وهو يمشي بأتجاة القنفه.

هَيْصَم: مو كأن عتابج غريب نوعاً ما؟!

فيروز: من اللي صار ويايه طبعاً والا ليش حتى اطالب بوجودك يمي؟؟

هَيْصَم: اهدأي وخبريني شنو صار وياج؟؟

فيروز: البارحه بالليل بلعت ريقي واني اتذكر الأحداث مجرد رجوعهم لمخيلتي يصيبني بقشعريرة قاطعني من گال.

هَيْصَم: لَّباءَة انطقي مراح اسحب من عندج الكلام احجي شنو صار وياج بغيابي؟؟

فيروز: فتحت اعيوني و الكهرباء طافيه صار صوت نهضت من مكاني حتى اشوف شنو الموضوع لكن من اقترب من عندي خفت حيل ومگدرت اوگف جلست على الأرض فجأة اقترب من عندي و انفاسه ضربت بوجهي سوه حركات غريبه وعلى رغم ماكو اضويه بالبيت مع ذلك ماعرف اشلون جان يشوفني بوضوح.

هَيْصَم: لتصفنين كملي.

فيروز: صار صوت بالباب اعتقد من الهوه او اي شي ثاني تركني وطلع بعدها اشتغلت الأضويه وتصلت بيك اكثر من مره وجهازك مغلق.

هَيْصَم: يعني اتجرأ يدخل لبيتي ويعتدي على ضيفتي بكل وقاحه هذا الحقير محتاج درس من الهَيْصَم حتى ميفكر يكرر فعلته عهد عليه اخليه يكره جنس حواء بالكامل ويقاطعهن.

فيروز: وهسه شنو انسوي خايفه حيل ليتكرر الموضوع وانخطف مره ثانيه.

هَيْصَم: راح نبقى اهنا كم يوم حتى يهدئ الوضع ببغداد و نرجع.

فيروز: اقتربت من عنده وگعدت على نفس القنفه تفصلنه مسافه قليله نظرتله وحجيت لأن عقلي راح ينفجر لازم اعرف المخبه عني شنو وليش اني وصلت لهذا الوضع الغريب؟!

خبرني شنو السبب ليش حياتي مهدده بالخطر او والدي اله ايد بالموضوع؟

رفع طرف شفته بأبتسامه وگال.

هَيْصَم: معجبج كونان غيرتي لشارلوك هولمز؟!

فيروز: لتستهزء وجاوبني لأن التفكير راح يموتني من صدگ.

هَيْصَم: التفكير افضل من الصدمه خايف عليج اني.

فيروز: موافقه حتى لو اموت بعد ما اسمع مو مشكله عادي بس خبرني ليش اني اهنا وشنو السبب اللي يخليك تنقذني؟!

هَيْصَم: ابتدت من ثلاث اشهر بيوم مشمس الساعه ثنتين اجاني رجال للمركز جان يلهث وكأنَ جان يركض انطيته كاست مي شربها بسرعة عطشان وتعبان ملامح تعب واضحه على وجناته المتجعدة جلس على الكرسي حجالي اللي بداخله ودموعه تنزل خمسة عشر سنه خدمه هاي اول مره اشوف الشجاعه بعيون شخص الموت يطرق ابوابه اعترف بكل شي يعرفه مترك شي وهو جان واثق جداً بعد هذا الكلام ايامه تكون معدودة لكن هو اختار وطنه مسمح للأرهاب والمجرمين يستغلون الشباب مفكر بمصيره وضحه بحياته وانت جنتِ امانتة لَّباءَة و محبيت ايصير بيج نفس الشي كون المعلومات اللي يمتلكها يبحثون عنها وانتِ الوحيدة الموجوده بالعائلة وبأعتقادهم كونج الوريثه الشرعيه ممكن ياخذوهن من عندج لحسن الحظ مو نيتهم قتل لأن احد اعضائهم المهمين واقع بغرامج لكن تعتبر هاي النقطة سوء حظ ايضاً لأن هو معمي على عينه لدرجه مستعد يقتل او ينقتل لخاطر اعيونج فأحتمال جبير يستخدموج وسيلة تهديد حتى يضغطون عليه من خلالج لهذا انتِ بحماية الهَيْصَم لخاطر تلك الشيبات والعيون اللي تحاوطها التجاعيد وذلك الجسم اللي انحنى بسبب التعب محبيت افرط بيج من أجله.

فيروز: نزلت دمعه من عيني تبعتها الثانيه والثالثه كلامه عادني لذلك اليوم وشلون جان مرمي على الأرض و الشمس تضرب جسمه بجيت من اعماقي وصوت شهگاتي عله خليت راسي بين أدية وتهسترت حيل اشلون تحمل من لفو على رگبته الحبل والله جان انسان بريئ وبعمره مأذه نمله خلص عمره يساعد الناس ومات بدون ذنب ليش هيج ماعندي حظ بالدنيا اول شي ماما وبعدين بابا منو الشخص اللي راح يتركني همات؟؟

حسيت ايد نحطت على كتفي فزيت ورفعت راسي اله باوعلي بنظرة غريبه بعدين اخذ نفس وگال.

هَيْصَم: صدگتي كلامي؟

فيروز: سألته بتفاجئ ، ليش كنت تكذب؟

هَيْصَم: اذاً شگد تنطيني من عشره على ابداعي؟

فيروز: شنو قصدك مفهمت؟

نهض من مكانه وكمل كلامه.

هَيْصَم: شنو رأيج اترك العمل بالسلك العسكري واصير كاتب الواضح اني مؤلف جيد للقصص وهذا العمل مبيه خطورة صحيح؟

فيروز: لتلعب بأعصابي هَيْصَم بهاي الطريقة اني مو طفله حتى تضحك عليها بهيج اشياء.

هَيْصَم: بشنو ضحكت عليج؟!

فيروز: مجانت نبرتك ادل على انك اتألف كلمات ولنظراتك همات فشنو الداعي حتى تغير اقوالك؟؟

هَيْصَم: اذا انت مقتنعه بكلماتي فهاي مشكلتج حليها لدخليني بتحقيقاتج لَّباءَة.

فيروز: ليش اختارك انت مو شخص ثاني شلون عرف راح اتكون أمين وتلقي القبض على المتهمين وتساعدة ، ليش والدي وثق بيك هَيْصَم؟!(الناقله روعه الطائي)
هَيْصَم: مجان يربطني علاقه حب حتى اسأله ليش ختاريتني من كل الضباط اعذريني والله.

فيروز: لتحجي ويايه برودة دم دا اسأل جد أني بالأضافة شلون عرف معلومات عن المجرمين وهو من الشغل للبيت و العكس وحتى مجان عنده اصدقاء هوايه ولا من الناس اللي يطلعون للگهوة جاوب على اسألتي لتخليني بنص المتاهه وتسكت.

هَيْصَم: مو واجبي اجاوب اللي ردتي تعرفيه خبرتج بيه اما الباقي اشياء تخص المركز مو من حقي انطيج اي معلومه بالأضافه لتنسين على رغم حمياتي الج دخلوا للبيت اللي انت بيه ومخافوا من شي هذا يعني يگدرون يخطفوج بأي لحظه وتحت التعذيب راح تحجين كل المعلومات اللي انطيتها الج وقتها دماء والدج وعملي يروح على الفاضي وشنو مكان السبب مستحيل اسمح يصير هيج شي انطيت هوايه شهداء من اجل هاي المهمه وصار اسنين اجمع ادله واستعد بكل قوتي وعناصري الأكفاء حتى القي القبض عليهم متلبسين تردين لخاطر فضولج اضحي بكل هذا؟!

فيروز: مگتلك انطيني اسرار الدوله كل اللي ردت اعرفه والدي شنو وصله لهاي العمليه ليش حتى رجال فقير يدخل بقضيه تخص الدوله والشرطه من وين جاب معلومات بسببها صرت يتيمه بدون مأوى؟؟؟

هَيْصَم: اهدأي لتعصبين مو زين.

فيروز: هذا اللي الله گدرك عليه اهدأي؟؟!!
ما اريد اهدئ اريد اعرف الحقيقه كامله من عندك واليوم لازم تجاوب على كل اسألتي.

هَيْصَم: ما اگدر افهمي موقفي ولتصرين عليه.

فيروز: مطلوب الكم يعني هو شخص مجرم اتعامل وياهم وبعدين ندم وحب يكفر عن اخطاءة لذلك اجه وخبرك صح؟
لو شنووو فهمني من وين جاب هيج معلومات خطيره؟!

هَيْصَم: طلعت مخيلتج الواسعه مو مخيلتي ليش متألفين كتب؟!

فيروز: اني ممعصبني غير برودة الأعصاب اللي عندك مد شوف اشلون گلبي محترگ ليش تعاملني بهاي الطريقة وكأني قاتله واحد من عائلتك؟؟

هَيْصَم: اللي عرفتيه هو الشي الوحيد الأگدر احجي الج اكثر من هيج لو تشنقين نفسج مراح تاخذين من عندي حرف واحد،

شلون ، ليش، شنو السبب ، هاي الأسئلة الها جواب لكن مو بالوقت الحالي فقط شي واحد اگدر اخبرج بيه جان طلب من والدج ويكون اهنا حققت امنيته الأخيرة.

فيروز: احجي لتوترني أكثر شنو اللي تركه والدي اليه؟

هَيْصَم: عندج خاله الأخت الوحيده الأمج الله يرحمها وصاني ابحث عنها جنت حاب اتركها مفاجأه حتى اعرف مكانها وين بس شفت الوضع الأن مناسب لهيج موضوع حتى يخف حزنج بمعرفه وحدة تحمل ريحه الوالدة وها لتسأليني ليش معرفتيها سابقاً لأن ايضاً مراح اجاوب.

فيروز: انت منو هَيْصَم؟؟

هَيْصَم: النقيب هَيْصَم المسؤول عن حماية ابناء بلدي وانت وحدة من عدهم احد الجنود اللي يخلي روحه على راحة ايدة ويدخل للمعركه ميفكر بأم دموعها هي عزائها الوحيد عليه ولا اخت تشق ثوبها من تسمع بخبر وفاته، ماعندي احد أو يمكن اني تخليت عن الجميع واللي برفقتي الأن هم اصدقاء الأسد وقبيلته على قمة الجبل اقف وانظر لأعدائي واني اتوعد للأنتقام من عدهم واحد واحد واهدي انتصاري لأبناء هذا الوطن هدفي هو توصيلهم لحبل الأعدام وفقط بهاي الحاله احقق مرادي بالأنتقام.

فيروز: واني ليش دخلت ضمن هذا المخطط؟؟

هَيْصَم: قدرج هيج كتب ومن يقرر رب الكائنات اني وانتِ ماعدنه رأي.

فيروز: تركني وحدي وصعد فوگ رجعت ابجي مره ثانيه شوكت يخلص هذا الكابوس وترجع حياتي الطبيعيه؟؟

لائِث: الو سيدي.

هَيْصَم: شنو صار لائِث؟؟

لائِث: طلعت من العنايه لكن دكتورك يزعجنه هوايه بأسئلته احجي وياه.

هَيْصَم: تمام انطي الموبايل.

أرفد: شنو هذا هَيْصَم ليش اتسوي هيج انتَ؟!

هَيْصَم: سوي اللي لازم تسويه هَيْصَم ما لازم يطلع من المستشفى قبل ميمر اسبوع فاهم؟

أرفد: اني اشوف الجميع ماعدا هذا هَيْصَم ليش ما اشوفه؟!

هَيْصَم: أرفد تعرف اني اثق بيك صح؟

أرفد: ومنو مطيح حظ أرفد غير هاي الثقه مرات اتمنى اني مو دكتور حتى ما ادخل بخططك الغريبه.

هَيْصَم: ميحتاج تتمنى الأمنيات لاتتحقق بالعادة احنه نخطط ونفذ وغيرنه يوگع بيها هذا قانون الأسود والغابه غابتي و المعركه معركتي واما النصر او النصر ماكو حل وسط.

أرفد: صحيح اللي موجود بأسمك منو هذا؟!

هَيْصَم: شخص موثوق مستعد ينطي دمه لخاطري.

أرفد: هوايه اشخاص يردون يضحون علمودك شنو الموضوع؟!

هَيْصَم: من تصير مكان الهَيْصَم تعرف الجواب.

أرفد: خليني بقلوب الناس ما اريد اكون بمكان شخص ثاني غير نفسي.

هَيْصَم: لائِث.

لائِث: سيدي.

هَيْصَم: حليتوا الموضوع؟

لائِث: اللي هجموا على البيت خمس اشخاص تم اعتقالهم جميعاً وهسه هم بالتحقيق بتهمه الأعتداء على النقيب هَيْصَم كل الأدلة تثبت جريمتهم لذلك صعب يطلعون قبل مترجع عافيتك.

هَيْصَم: و البيت؟

لائِث: بحثنه البارحه ملگينه شي مهم.

هَيْصَم: المعلومات اللي يمتلكهم وين اذاً؟!

لائِث: ممكن تركهم بحساب بالبنك؟

هَيْصَم: وبهاي الحاله لازم اكو دليل يوصلنه الهم خليني ارجع واشوف شنو لازم نسوي.

لائِث: تعرف منو صار مدير مؤقت حتى تتعافى؟؟

هَيْصَم: منو؟

لائِث: حبيبك.
هَيْصَم: خلي يستمتع بيها مصيرها اليه محد يگدر ياخذ مكان الأسد ومع الوقت يتأكد بنفسه.

لائِث: وانت شنو سويت؟؟

هَيْصَم: اللي اجيت علمودة.

لائِث: وهي؟

هَيْصَم: البارحه لّهيم زارها بالبيت وهي خايفه لدرجه مراح تفكر تهرب من عندي.

لائِث: اتمنى اشوفه وجه لوجه.

هَيْصَم: شنو تريد تسويله؟

لائِث: ابوس جبينه ساعدنه بدون ميعرف.

هَيْصَم: هو ميشكل خطر عليها ميريد ايضرها لذلك اجه وشافها خلسه.

لائِث: شلون سمحت بهذا الشي؟!

هَيْصَم: لتتغابه انت تعرف اني وين جنت لتسوي نفسك غشيم.

لائِث: الأفضل تمنعه يجي للبيت افضل متتراقب هاي المره من صدگ وتنگلب لعبتنه ضدنه.

هَيْصَم: مو من السهوله يگدرون يفكون الشيفره وبدون أذني الهوه ميمر من عدها ما بالك ب لّهيم.

لائِث: انتبه لنفسك سيدي واحنه بأنتظار طلتك البهيه تنور المركز.

هَيْصَم: مجرد اسبوع وكل واحد يرجع لمكانه المناسب خليك متحمل عزيزي.

لائِث: ما احبه مو بأيدي.

هَيْصَم: اتخيل اشلون يسلمني المنصب من ارجع هذا المشهد خليه ايكون دافع قوي للأنتظار.

لائِث: تعرف شنو اول امر النه؟

هَيْصَم: فكك الفريق وغيره.

لائِث: خله عاصم رئيس الفريق الجديد حتى يبدون بالعمليه على اساس احنه مگدرنه انقدم شي لهذا الوقت لذلك عملنه مجاب نتيجه بعد كل هاي السنين يتخلون عن جنود فدائين مثلنه وكل هذا التعب يروح هباءً منثورا.

هَيْصَم: على حزنك الحالي محضرلهم مفاجأه اتخليهم ميعرفون يفرقون بين السجود والركوع وهذا وعد من عندي.

لائِث: حسيت نفسي مرتك على هذا قلقك هَيْصَومي تره اني حيل مشتاق ياويلك تتأخر فاهم؟

هَيْصَم: ملت زايد هيج الحماس يسوي بالأنسان؟!

لائِث: ليش شنو بيه ومعجبت حضرتك؟!

هَيْصَم: تعرف ما اگدر اتجاوز اخلاقي متسمحلي.

لائِث: ماميتك متسمحلك افهم يروحي.

هَيْصَم: عندما يتحيمر الأنسان هاي العوارض اتحب اهينك حبيبي؟!

لائِث: آخر كلمه ذكرتني بواحد كلش اعزه.

هَيْصَم: اي اعرفك تعزة حيل.

لائِث: يلا حبيبي بوسلي نفسك هوايه ولتنسه العرين بأنتظار مالكه.

هَيْصَم: من انثى لرجل انت الوحيد اللي يگدر يلعب الدورين.

لائِث: اعجبك بجميع حالاتي.

فيروز: گاعدة و افكاري اخذتني لأيامي وي بابا اتذكرت آخر أيامه تغير هوايه وصار يصفن بكثره ومن اسأله يطلع حجج، ينام من وقت ويطلع الصبح معقولة منتبهت على التغيير ياترى جان يتعرض للتهديد لو اكو سر اكبر من هذا؟؟

مستحيل بما انو الموضوع يخص والدي مراح اسكت لازم ابحث عن أجوبه لأسئلتي بأي وسيله،

صحاني من تفكيري صوته رفعت راسي شفته ينزل على الدرج وهو يگول.

هَيْصَم: شنو رأيج أنظف البيت بما انو راح نبقى اهنا كم يوم ميصير نعيش وسط هاي القذارة اشغال نفسج بعمل ما ينطي للمخ راحه بعدها تگدرين تفكرين بطريقة افضل.

فيروز: تركتني بمكان ما اگدر ارجع من عنده وتريد من عندي ما افكر واريح مخي؟!

هَيْصَم: متركتج على الحدود السوريه هي كم كلمه حتى ارضي فضولج واني خبرتج سابقاً وعقدنه اتفاق انت متگدرين تسمعين شي بخصوص انقاذي الج ياترى شنو سببه مع ذلك اصريتي ودگيتي رجل هذا الفضول الزايد عن حده ينقلب ضده هاي قاعده وانت مقبلتي تقتنعين بيها.

فيروز: لو اني مأصريت عليك مجنت حجيت شي صحيح؟؟

هَيْصَم: اني انسان مليان اسرار ماكو مشكله اذا انضاف سر الى الأسرار البقيه.

فيروز: جواب خطأ انت قررت تخبرني صح؟

هَيْصَم: برأيج اني من الأشخاص اللي تحكمني الظروف لو اني اللي احكمها؟

فيروز: رفعت حاجبي بتساؤل ،

وضح.

هَيْصَم: قوانين هاي اللعبه اني اللي اتحكم بيها جميعاً كل شي يصير او حيصير ماممكن ميكون اليه أيد بيه سواء بشكل ضاهر ام خفي وضحت الفكرة؟؟

فيروز: السبب؟

هَيْصَم: احتفظ بالأجابه لنفسي وهسه يلا انهضي ويايه عندي رغبه انظف البيت.

فيروز: مراح انظف سوي اللي يعجبك البيت بيتك وانت نظفه مثل متحب اذا ناسي حابه اذكرك حضرتك منعتني ادخل بشي ميخصني واني مجرد ضيفه.

هَيْصَم: بما انو ذكرتيني انتِ ضيفتي الواضح اني مو كريم ابداً خليت ضيفتي تجوع شنو حابه تاكلين ياترى؟

فيروز: نهضت من مكاني بعصبيه وصرت مقابيله رفع حاجبه وينظرلي بترقب يريد يعرف شنو اسوي خليت عيني بعينه وحجيت بغضب،

منحط ،حقير ،سافل، انسان عديم مشاعر وغير محترم ماعندك ذرة انسانية وقليل اصل اكرررهك،

ختمت كلامي وبقيت منتظره ردت فعله الغريب بالموضوع بقى يتمعن بعيوني ثواني ومحسيت اله وساحبني من ايدي طلعني من البيت واني منطقت ولا كلمه الخوف سره بداخلي بالتزامن مع الصور اللي رسمها عقلي اليه ترك ايدي صرت مقابيله وخلفي الباب تماماً يحجي ويايه بعصبيه ونبرة غضب.

هَيْصَم: خلص اني بعد ما اگدر اتحمل اعنادج واسلوبج الغير محترم اتعامليني وكأني اصغر اطفالج ، من هذا اليوم وهاي الدقيقه اني رفعت ايدي عنج ما ألي علاقه بأي شي يصير وياج تگدرين تطلعين من هذا البيت وتبعدين عن انسان حقير ومنحط مثلي وشخص عديم الأنسانيه غير محترم ممجبرة تخلصين وقتج وي انسان مثلي.
فيروز: وسيله الدفاع هي الهجوم ، حجيت بنفس نبرته،

لتفكر ابداً تصرفك هذا ايخليني اخاف وارتعد من حضرتك بالعكس تماماً اتربيت على القوة والمواجهه بالأضافة اني مطلبت من عندك تخليني الى جنبك لتبرر تصرفاتك وتحملني نتائج قراراتك وقبل متفكر تطردني من البيت رجعني من وين مجبتني اذا انت ماعندك غيره ومتخاف شنو يصير بيه وخاصه بهيج وقت من الليل اني انسانه اخاف على نفسي.

لزمني من ايدي وسحبني اله بقوة ضربت بصدره عطرة دخل لأنفي رفع راسي بأدية ويحجي بغضب واعيونه حمر من العصبيه.

هَيْصَم: اذا عدتي هاي الكلمه مره ثانيه ثقي اسوي شي وياج اثبتلج شلون يكون الهَيْصَم بلا غيره على رغم معرفتج بالحقيقه وصار عندج علم ليش انت اهنا هسه بالأضافة الى مخاطرتي بجلبج لهذا المكان وتركت كل اعمالي ببغداد فقط حتى احافظ على سلامتج بشنو قابلتيني؟؟

سبيتي گلت مو مشكله لساتها مصدومه وحبت تعبر عن غضبها سامحها بعدها صغيره ومتفهم لتخلي عقلك وياها لكن توصل وياج تتهميني انسان عديم غيره اهنا واگفه،

لو جنت ماعندي غيره محافظت عليج من واحد مجرم مخاطرت بحياتي حتى انقذج تعرفين لو جنت بلا غيره صدگ شنو اسوي؟؟

الزمج من ايدج و اخذج الهم مقابل كم مليون مو أكثر يسوون بيج العمايل محد يگدر ينقذج غيري لأن اني الهَيْصَم صنعت لنفسي قوة ومكانه حتى محد يگدر يقترب من عندي بسهوله لذلك انت بأمان او والدج جان يعرف شنو منتظرة لهذا السبب خلاني انتبه عليج وابحث عن اقاربج ولأن الوضع ميسمح تأخير او تهاون خليتج يمي وبعد كل هذا اطلع انسان عديم غيره مو هيج ست لَّباءَة؟!

فيروز: لتاخذني بصوتك العالي و لتفكر ابداً هذا الأسلوب يخليني ارتعد من عندك واقدم اعتذارات بكل الاحوال اني مجنت اعرف عن اتفاقيتك وي والدي شي هاي اذا جانت اصلاً اكو اتفاقيه بينكم لساتك غامض نفس ما انت وهوايه اسرار محاوطتك بقائي وياك فقط لأن ما اريد اخاطر بحياتي مو اكثر وان طال الزمن لابد يجي يوم ينكشف الغطاء واعرف شنو مخبه حضرة النقيب هَيْصَم افندي.

هَيْصَم: سوي اللي يطلع بأيدج مراح تعرفين غير اللي اريدج تعرفيه اتعيشين مثل ما اني اريد حتى نلقي القبض على المتهم ومو لخاطرج كل هذا ولكن لأن قدمت وعد لوالدج ومستحيل اخلف بيه.

فيروز: ليش اختارك انت هذا الشي اللي ميدخل لمخي.

هَيْصَم: اقرأي قبل النوم سورة ( الحديد ، الحشر ،الجمعة ، الأعلى ، الصف) بنية تشوفين والدج واذا حلمتي بيه اسأليه هذا السؤال.

فيروز: تستهزء حضرتك؟!

هَيْصَم: ماعندي مزاج حتى استهزء جربيها متخسرين شي.

فيروز: تركته ودخلت للبيت تبعني وهو يحجي بصوت عالي بهدف يسمعني.

هَيْصَم: سبهان الله اشخاص بدون احساس ينطردون ويرجعون مره ثانيه امرهم غريب؟؟

فيروز: اتحمل عواقب افعالك هَيْصَم افندي.

هَيْصَم: احترمي لَّباءَة مو اصغر اطفالج اني.

فيروز: لتخليني القبك ألقاب ما انزل الله بها من سلطان.

هَيْصَم: مثل هَيْاصَم ، هَيْصَوم ، هَصَمصَم؟؟

فيروز: مجنت نايم؟!

هَيْصَم: لو نومي ثگيل لهاي الدرجه مشفتيني وصلت للي اني عليه اليوم.

فيروز: خليت اديه على خصري ونظرتله بتساؤل،

حضرتك اذا جنت گاعد ليش مجاوبتني؟

هَيْصَم: حتى اشوف شنو ممكن تسوين اذا مگعدت.

فيروز: شنو اسوي غير ابقى اصيح اسمك حتى تفتح اعيونك؟!

اتقرب من عندي حيل وصار ميفصلنه غير سانتيمات يحجي بهمس.

هَيْصَم: مثلاً يعجبج شي بوجهي وتقررين تسوين شيء ما.

فيروز: ابتعدت عنه صاير كلش سخيف بتصرفاته ويايه وغيرت الموضوع،

شنو رأيك انظف؟

هَيْصَم: مو محبيتي الفكره شنو غير رأيج؟!

فيروز: لأن ماكو شي مفيد نسويه خلال اليوم خلي نقضي وقت بالتنظيف افضل.

هَيْصَم: هسه الساعه 12ص اي وقت هذا اللي تقضيه بالتنظيف؟!

فيروز: جانت فكرتك مو فكرتي.

هَيْصَم: روحي نامي باجر الصبح ان شاء الله نطلع نشتري الأحتياجات الناقصه للبيت بالأضافة لشويه ملابس كون راح نبقى اهنا واحنه مأخذنه شي ويانه من انتقلنه لهذا البيت.

فيروز: روح وحدك ما أروح اني.

هَيْصَم: متخافين يصير بيج نفس البارحه وهاي المره تنخطفين من صدگ؟!

فيروز: تخوفني حضرتك!!

هَيْصَم: ممكن.

فيروز: شنو الفائدة؟!

هَيْصَم: لأن تضهر شجاعتج الحقيقية بوقتها ما احب لَّباءَتي اتكون ضعيفه ابداً اريدج تواجيهن الأعداء ببساله مثل الهَيْصَم حتى اكون مطمأن من اترك لبوتي بالعرين.

فيروز: مو كأن ملت زايد نقيب هَيْصَم.

هَيْصَم: اميل على الجانب الماخذ گلبي وين المشكله؟!

فيروز: سيادتك وقعت في حبي؟!!

هَيْصَم: بأحلامج مو هَيْصَم اللي يلين گلبه ويحب.

فيروز: افضل اني ما اريدك تحبني.

هَيْصَم: تقلديني لَّباءَة!!

فيروز: اسوي اللي يعجبني حضرة النقيب.

هَيْصَم: بلا نقاش ميجيب نتيجه راح اطلع اشتري شي تاكليه الواضح انت مماكله شي اليوم.(الناقله روعه الطائي)

فيروز: ميحتاج مو جوعانه لتعب نفسك.

هَيْصَم: مو لخاطرج اني ايضاً جوعان حابه تجين لو اروح وحدي؟
فيروز: ماعرف شنو اجاوبه من شافني منطيت ردة فعل اخذ نفس ودار وجهه حتى يطلع بسرعة رجعت بذاكرتي البارحه ركضت يمه صرت بصفه طالعت وجهه صارت عيني بعينه شبه ابتسامة انرسمت على شفته طلعنه مع بعض وصعدنه السياره.

هَيْصَم: اي ست شنو حابه تاكلين؟

فيروز: اي شي مو مهم هاي اذا لگيت مطعم تشتغل هسه.

هَيْصَم: اكو مطعم يفتح اربع وعشرين ساعة.

فيروز: تعرفه؟

هَيْصَم: احد اصدقاء الماضي جنت اكُل يمه احياناً.

فيروز: ما اريد انزل خلينه ناكل بالبيت افضل.

هَيْصَم: لهاي الدرجه خايفه؟

فيروز: مو خوف وانما مو حابه ادخل مطعم.

هَيْصَم: لخاطرج ناكل بالبيت مو مشكله.

فيروز: لتكذب انت مردت اصلا ندخل مطعم لكن حجيت هيج حتى متحرجني.

هَيْصَم: تعجبيني من تصيرين ذكيه.

فيروز: اني ذكيه من يوم يومي بس انت متقدر مواهبي.

هَيْصَم: نعيش ونقدرها احنه بيها.

فيروز: توقف امام مطعم اصغير نزل من عنده وقفل الأبواب جاب اكل ورجعنه للبيت اكلنه مع بعض غسلنه ورجعنه للقنفه الشي الوحيد النظيف بالطابق الأول صمتنه اثنينه لكن هو قاطع هذا الصمت من گال.

هَيْصَم: اصعدي نامي الغرفه اللي على جهة اليسار نظيفه اخذي راحتج اني موجود.

فيروز: قصده ميحتاج اخاف بوجودة و الصراحه هذا شعوري بقربه ماعرف شنو السبب!!

نهضت من مكاني وصعدت للغرفه اتذكرت السور القرآنيه اللي خبرني بيهم قريتهم وتوضيت فتحت باب الغرفه جان بيها سرير واحد بالمنتصف وكنتور اصغير بنهايه الغرفة على جهة اليمين خليت راسي على المخدة ونمت،

ما اگدر اوصف المكان لأن ممبين بيه شي مميز بس شفت احد يقترب من عندي لابس بنطلون اسود وقميص نيلي ركزت بوجهه من صار ميفصلنه شي والدي حضنته حيل واني اعبر عن اشتياقي بهذا الحضن مگدرت اسأل او املي عيني بشوفته بعد مفزيت على صوت غريب فتحت اعيوني شفت خيال يعكسه القمر من الشباك رجفت اطرافي وبقيت اصيح بصوت عالي،

هَيْصَمممم..

يتبع.

#يسعد_اوقاتكم_بكل_خير
#توقعات_الابراج_ليوم_الاثنين_والله_اعلم

#الحمل
مهنياً: تشرق قريباً شمس أحلامك، فيصبح المستقبل مثمراً، وهذا بفضل دعوات المقرّبين الراضين عليك وعلى تصرفاتك مع الآخرين
عاطفياً: اشرح وجهة نظرك للحبيب فقد يتقبل الأمر. حافظ على أسراره ولا تفشها
صحياً: قد تعجز عن مجاراة من ترافقهم في المشي في البداية، لكن مع الوقت ستكون في مستواهم

#الثور
مهنياً: تشهد أعمالك في الفترة المقبلة نجاحاً بارزاً. كن حاسماً في القرارات التى تتخذها ولا تكن كثير التردد
عاطفياً: لن تجد صعوبة في الوصول إلى قلب الحبيب. تشعر بالسعادة لمصارحته بحقيقة مشاعرك
صحياً: بسبب الوزن الزائد الذي وصلت إليه، أنت أمام قرار حاسم للتخلص منه. إفعل اللازم

#الجوزاء
مهنياً: أنت موهوب بعملك فلا تدع أحد يستغلك. عليك ان تتعلم الصبر فلا يمكن أن تصل الى النجاح من أول مرة
عاطفياً: عواطف الشريك الجياشة تترك آثرها الواضح في العلاقة بينكما، فحاول أن تستعيد المبادرة إذا كنت مهتماً
صحياً: بادر فوراً إلى الإقلاع عن السهر حتى ساعات متأخرة، واخلد إلى النوم مبكراً

#السرطان
مهنياً: لا تتدخل في العمل الآخرين واترك كل شخص يهتم بأموره الخاصة. لا تعاكس الآخرين بآرائك واستمع الى وجهة نظرهم
عاطفياً: تناقش بعض القضايا المهمة مع الحبيب وتحاول أن تجد معه حلولاً مناسبة
صحياً: حاول أن تملأ بعض أوقات فراغك بأنشطة رياضية مفيدة للصحة

#الاسد
مهنياً: أحداث سعيدة في طريقها إليك، وتظهر ملامحها في غضون أيام ولا سيما أن النيات صافية في هذا الاتجاه
عاطفياً: تندفع بمشاعرك تجاه الحبيب ولا تعرف كيف تسيطر عليها. كن صريحاً معه وتوقف عن المراوغة
صحياً: قد تقرر الانتقال إلى حياة صحية سليمة بعيداً عن كل ما يعكر صفو حياتك

#العذراء
مهنياً: تعيش يوماً متعباً فيتأثر مزاجك ببعض الأخبار التي تعثّر خطواتك المستقبلية، لكن لا شيء خطراً أو يستحق القلق
عاطفياً: لا تضغط على الحبيب وتطلب منه أموراً لا يستطيع تنفيذها. لا تتورط في مشاكل تزعجه
صحياً: اختر التوقيت الذي يناسبك للقيام بأي نشاط رياضي ينعكس إيجاباً على صحتك

#الميزان
مهنياً: يتحدث هذا اليوم عن نجاح وإشراق ونجومية وهدية غير متوقعة من أحد الزملاء في العمل
عاطفياً: لا تدع خلافك يطول مع الحبيب وبادر إلى المصالحة. تبدو اليوم نشيطاً ومندفعاً للقيام بذلك
صحياً: تشعر بأنك متعب وأن المناخ ضاغط قليلاً ويتسبب بتأخير وتسويف وعراقيل تزعجك وتبعثر طاقاتك

#العقرب
مهنياً: تحاول اليوم أن تجمع الكثير من المعلومات التى يمكنك الاستفادة منها في مشروعك الجديد. كن متواضعاً مع زملاء العمل ولا داعي للتكبر
عاطفياً: تعرف أنك لا تستطيع أن تستغني على الحبيب. لا تطل فترة الخصام
صحياً: وضعك الصحي الحساس يستوجب منك المزيد من الراحة والابتعاد عن الإرهاق

#القوس
مهنياً: القمر الجديد يجعلك محتاراً أو منتفضاً على واقع أو مضطراً لإغاثة أحدهم شئت أم أبيت
عاطفياً: أجواء رومانسية تعيشها مع الحبيب اليوم وتقربك منه أكثر. استشر أحداً بشأن ما يتعلق بمشاكلك معه
صحياً: لا تعرض نفسك للبرد كثيراً، وخذ الاحتياطات اللازمة إذا قررت التوجه إلى المناطق الجبلية

#الجدي
مهنياً: تحصل على ما كنت تبحث عنه وتتلقى أخباراً جيدة عبر اتصال يأتيك مباشرة وتستقطب الأرباح هذا اليوم
عاطفياً: بعضهم يضغط عليك لتترك الحبيب، استمع إلى نداء قلبك. لا تدع بعض الأفكار السلبية تسيطر في علاقتك بالحبيب
صحياً: واكب الأبحاث العلمية الحديثة التي تقدم أفكاراً جديدة للمحافظة على الصحة سليمة

#الدلو
مهنياً: تجد العمل الملائم لك، أو تتمتع بمهارة كبيرة، لكي تواجه أوضاعاً معقدة وتجد لها الحلول بسرعة مذهلة
عاطفياً: تصرفات الشريك الغريبة قد تكون مبرّرة، من الأفضل أن تجد الأعذار المقنعة قبل مواجهته
صحياً: المغريات كثيرة والإرادة ضعيفة. لا تستسلم لأي منهما مهما وجدت أن الأمور صعبة

#الحوت
مهنياً: أحداث غير متوقعة تثير بعض الانفعالات، لذا عليك إجراء بعض التعديلات لتلافي الموضوع لاحقاً
عاطفياً: الحبيب مسيطر عليك ولا تستطيع أن ترفض له طلباً. لا تثر القضايا الحساسة أمام الحبيب والتي تشعر أنها قد تزعجه منك
صحياً: أكبر منك بيوم أخبر منك بسنة. اسأل الكبار عن التدابير الوقائية اللازمة في أيام البرد

#فقرة_شعر
ريحة شفافچ عطر بي مشتهانة
الحُمرة الـ بحلگچ دوانة .

بَس بالليَل
يلتم كل عَتب روحَي
وأغنيلك ..
اغني وعيني تبچيلك
أغني وشوگي ياخذني بجَدم
حَافي لمواويلكْ .