- الف درب اطبلج بي ابسط شي هنده
وادريها متورطه ومضحوك عليها
هنده فريسه سهله
ابسط شي اكلها اساعدج بس شي مقابل شي
حتى اجيبلج حبيبج انتي هم لازم تجيبيلي فيدوهات او صور لسديم
او اخليها تخليلج منوم بعصير بأي شي وتنيمج وتفرغلي الشقه اجيج واسوي الي اريده وانتي متدرين بروحج اصورج واخليج تحت رحمتي واهدد بيج

- عزه
انت منين تجيب هالافكار الشيطانيه

- هاي مو افكار هاي دنيتنا صارت هيجي

- بس هم مستحيل هيج يسوون صديقاتي

- اعرف واحد جان مخلي عينه على وحده
صارحها بحبه فشلته كدام الدفعه مالتهم
تدرين عقده النفسيه وصلته ينتقم منها
عن طريق صديقتها وصللها

هي جانت شايله خشمها للفلك ماتكله ولك
محد يندك بيها
خلاها تلسح حذائه وصورها وشوفها لطلاب القسم
خزاها هاي من عده شرفها الي اخذه

- عزه كل هذا لان رفضته

- اي
هي هانته مو بس رفضته وهو رد عليها

- مادري شكلك

- هو تصرف زباله من عنده والا ماارد عليها
بنجاحي ارد عليها بس هو تسرع

- بس مو معناها هند ورباب هيج
اني اعرفهن بنات محترمات وماعدهن هيج شغلات

- الدنيا تخوف سديم لهسبب اخاف عليج

- حقك بس اخفف علاقتي بيهم اوك اما اكطعها صعبه

- خففيها لحد ماتكطعيها للاخير

اوك

- حبيبي والله من تسمعين كلامي تخليني اموت عليج
كليلي احبك

- اكولها لما يجي وقتها
وهسه توصلني؟

- باتي اليوم عندي

- لا ياشاطر ماابات عندك

- لج لو تشوفين صديقاتي وحدتهن اول مااكلها ابقي تخابر امها تكلها حبات يم ضلعتي اسو
ونسهر اليل كله ونسه وضحك

- باوعت محجيت شي داىما يستفزني بهذا كلامه ويقارنهم بيه
كمل كلامه واندفع اكثر لما سألته

- وجانو حلوات

- يخبلن وحدتهن تكله للكمر غيب واني اطلع بدالك
لج اوووووف انتن النسوان ليش هيج حلوات






- اي احنه حلوات

- اموت عليجن كلجن والله

- زين هم شجانو يسوون لما يجون هنا

- ضحك بشقاوه عاليه باوعلي بمكر كال
يعني رجال ومره يجون بيت ويباتون سوه شيسون

- يعني اقصد هي شلون هيج عادي تقبل

- حب احبها وتحبني واكو لا ونسه وضحك هيج

- هاي شلون وهاي شلون

- اكو تكلي احبك واموت عليك واني هم اكلها احبج

- وانت صدك تحبها

- اي احبهن مو كتلج احبهن للنسوان كلهن قابل اكرهجن

- اقصد حب عشق يعني

- هي تفهمه عشق بس اني عندي حب عادي

-وليش هيج توهمها خو كللها مافيدج

- واذا هي تحبني وتريدني اسمعها كلام حلو اتغزل بيها شسوي نعيش حب ونغير جو احسن من الماكو

- هيج بهل السهوله

- لج بابا هن مو عكره مثلج عادي يومين احاجيها اكلها احبج تكلي احبك ونبقه شهرين تلاثه وننفصل عادي

- اطول مدخ شكد بقيت وي بنيه

- من صديقاتي؟

- اي

- سنه

- وحبيتها

- لا

- ليش

- ماكدرت احبها هو الحب اجبار

- لا طبعا

- المهم جانت اكثر وحده دوخني تقى اني اسميها توتو شحجيلج عليها يبووووو

- شبيها

- امراءه مكتمله بأنوثتها من كلشي سبحان الله
تحس هيج مرسومه رسم من الخلقه للشعر للجسم

-- اممم وليش متزوجتها

- هم كالت ليش متزوجتها يبووووو الطم يعني

- لا بس اسالك

- بابا ونسه مو زواج
بعدين هي ٤ جهال عدها شصخم بيها

- عزه العزاك يعني متزوجه

- لا عيني تطلكت

- مطلقه

-اي

- ليش تطلكت اذا هيج حلوه

- انتي ليش تسألين هواي حاسس روحي كاعد كدام محقق

- لا جديات ليش لعد تطلكت

- شمدريني هي خلعته لرجلها

- احسن

-ههههههه

- وينها هاي تقى

- هااا ( ارتبك)
ا ا ا ا سافرت
اي سافرت وراحت






- هاااا وهسه عندك صديقات

- لا توبنا الى الله

- ولو ممصدكتك بس حسوي نفسي مصدكتك

- اكلج حبيبي سديم اريد من نزوج تترسيلي البيت جهال

- احد كلك اني بزونه ( قطه)

- لج يابزونة قلبي انتي طبعا بزونه

- اني بزونه ادم

- اي بگتي كلبي ونهزمتي

-باوعتله بمكر ماعرف شرد على لسانه

- حبيبي من اروح فدوه لهل العيون الي دكول عيون بقره

- اني عيوني عيون بقره ادم

- لج عيني جبيره

- بس مو تشبهني على البقره

- يله لتزعلين عيون البومه

- نوب بومه ادم ازعل منك والله كمت وكفت نطيته ظهري زعلت منه

- ماشفته الا لف ايده الاثنين حول خصري بسرعه نطيت وبتعدت عنه كتله شجاي تسوي

- اراضيج غير

- ( بعصبيه) لاتقترب مني ادم

- اعصابج شبيج

- ادم بلا هذه حركاتك

- اقترب مني اكثر وهمس
محتاجج

- وخرت عنه ونترت
وديني

- سديم شبيج تره زوجج اني

- ادم توديني لو اروح وحدي

- اوديج امشي يله

صعدت ويا بالسياره وجنت حيل ضايجه منه وهو اكثر عاقد حاجبه وضايج بس مااهتميتله
وصلت للشقه نزلت وسديت الباب بقوه ورحت عنه
حقير
يريد يعيدها مره ثانيه مايجوز
عباله سلعه رخيصه عنده
يشتريني بفلوسه
بحجة الخطوبه يلعب شاطي باطي
وراها باي
وصرت احجي وي نفسي بحركه
لاكتني على الدرج سندس
ويانه بالشقه

شبيج سديم تحجين وي نفسج صاير شي

- نترت
لاااا

- اشو هسه جايه ليش وين جنتي

- مارديت عليها صرت اكمل طريقي وهي وراي تصعد

هذه شنو السياره الفخمه الوصلتج منو هذا

- انتي شعليج شدخلج

- فوك ماخايفه عليج

- خطيبي هذا خلي خوفج بمحله

رحت للغرفه وسديت الباب
دزلي مسج
يااني ياالقسم الداخلي مالتج وصديقاتج السا*** تعوفيهن

- نطيت من فراشي بعد ماتوني جنت مدده
وااتصلت
جاوب

خير شتردين

- شنو هاي الرساله مالتك بأي حق تمنعني من سكن الاقسام

- اي من حقي زوجتي وبكيفي ومااقبل تبقين بالاقسام






-ليش بله

-شكولات اشكال تلفي مااقبل تبقين

- وشلون ادرس

- تعالي عندي بيتي

- ادم بعدنه مخطوبين

- نتزوج

- شنو

- مثل مسمعتي نتزوج هالفتره

- ماصار شهر مخطوبين هو اني شفتهمت منك

- احسن لاتفهميني ولاافهمج نتزوج هيجي

- لا ٤ اشهر خطوبه غلى الاقل يله نتزوج مستحيل اقبل نتزوج واحنه هيج ماكو اي انسجام بينانته

- وره الزواج نستقر

- ادم مستحيل افسخ ومااتزوج هيج زواج

-هيج صارت

- اي

- يصير خير سديم وانتي الي ردتيها ننفصل.......

مالي ارى فيك عناد اليهود
اتيتك فاتحا ذراعي محباً
فتقبلني وامضني في طريقك
أنا ياحبيبي قد تعبت من الهوى
ومن الشوق ومنك انت
عنادي. ٌ مزاجيٌ انت
وانــــــــــا
أنا ذلك النرجسي الذي
امضى على خطاك
لايبالي لايكابر لايشكي
ايمضي راجيا منك الحب.
ايمضي بعد. كل هذا العشق
ايمضي عاشقا نرجسيا
طالباً منك الاحتواء بعد كل هذا الشتات....

مـــــريم.....

صار يفتح حمزه بدكم قميصه
صرخت نص صرخه ركض خله ايده على حلكي
همس بحديه

شششششششش
والله اذا طلعلج حس لااقتلج وادفنج واكلهم انهزمت

تحجين عليه مو
عبالج ناسيها الج
طلعتي وبوجهج استندي بهذا الضرغام ومنو هو
يله خل يطلعلج اليوم
المحتميه بي
ارافس اريد اوخر ايده بس جان اقوه مني

صيري حبابه وطيعيني حالي حال القبلي
لو صرتي خاصه اله

هسه راح اوخر ايدي بس صوتج اذا عله اقتلج

اتفقنه

خزرني اتفقنه كولي اييييييييييي

- هزيت براسي بمعنى اي

وخرها بهدوء عني
ونترت بي

جباااان

انت لو متخاف منه متنتظر يغيب
ويروح وبظهره تستقوه عليه
تعرفه لو موجوده يكسرك يانذل

كل هالمده منتظر طلعت الضرغام وتتهجم عليه
تفوووو

لج هاي عليه وضربني راشدي
عيطت سد حلكي مره ثاني وصار فوكاي رافست اريد اوخره بس مدااكدرله ثكيل

دموعي نزلت لوحدها من دون ماابجي
جنت اصرخ رغم ضاغط على حلكي

صار يهمس يم اذني






احبج اني

ولج ليش متفهمين مشاعري ضرغام
ضرغام مو يمج ولايحبح ولج كل يوم وي وحده
حتى
حتى عندي صوره اله هو ولؤلؤ
انتي عايشه بأوهام

مريم طاوعيني وخل ننهزم منا نتزوج بره
واني
اني
اني اسعدج

بس اني ولاصاغيه لكلامه ارافس اريده يوخر
همس

بعدج رافضه
ولج شمسويلج وتحبي هيج
والله لااخلي يشوفج بس وانتي بحضني وبرضاتج هم والله لااكسرله؟گلبه اذا جان بي ذرة محبه تجاهج

هو الي بداها
وهو الي اخذج وانتي مالتي
رجع خزرني

حوخر عنج وشأكلج سوي

تسوين لو ترجعين تعاندين تره هو ينقتل
اذا مااقتلج اقتل الضرغام بدالج

تردي يعيش طاوعيني

هزيت براسي بمعنى اي وخر عني

جنت احس نفسي مخنوكه من الضغط

وخر عني همس

يله ثوبج ذبي

باوعت متوتره ماعرف شسوي
بس عيني تنتقل يمنه ويسره اريد فد شي حتى اضربه
جان هو مخلي سجين تركيب برجله
نفس الي جانت عند الضرغام ومره علمني عليها

معقوله صدفه
لو هو ماخذها منه

شلون اخذها صرت افكر بس هو نتر بيه
يلاااااا

اجيت كعدت يمه وكلمته بشقاوه

حمزه اني اريد منك شغله

- شنو هي

- اني اعرف ضرغام يوميه وي وحده ومامهتملي ومايحبني اصلا
بس اريد منك شغله

- شنو هي

- تقتله

- باوعلي مستغرب متعجب من كلامي

- اقتله

- اي تقتله واني اصير الك وبس اقبل ننهزم ونتزوج هم

- يعني انتي متحبي

لا

- اريدك تقتله بهذه السجينه الي برجلك
طلعها من رجله

هذه

اي
بس هاي كلش حلوه اشوفها
واخذتها منه بسرعه حتى ماانتظرته ينطينياها او لا

اخذتها وكمت بسرعتي رحت عنه شويه فتحتها
كتله
اذا تقترب اضربك بيها اطلع منا يله

- مااطلع

- حمزه اطلع منا اضربك بيها تره

يله شو دشوف كام على حيله صار يتمشى على البطيء بااتجاهي مستهزأ بيه وعباله ماعرف
نيشنت مثل ماعلمني الضرغام مره وشمرتها عليه

اجت بصدره

لزم مكان جرحه لان اذته على اثرها صاح اااااخ

بده الدم ينزل واني
اني من خوفي طلعت اركض جنت دالتفت كل شويه على حمزه
ولسوء حضي اصطدمت بالحجي






باوعلي بمكر

وين رايحه بنصاص الليالي

بلعت ريكي بخوف حسيته نشف صرت انهت

- ها شبيج اكلت البزونه لسانج

- حمزه
حمزه

- شبي حمزه

واشرت جوه
حمزه

باوع لجهة البيت راح عليه يركض شويه وطلع
وصرخ
ولج منو قتله

يولددددد
وضرب نار بالجو
طلعو الولد على اثرها صاح
ولكم خابرو المضمد حمزه نقتل

ناس صارت تخابر على المضمد وناس تصيح منو قتله ونخبصو وصارت هوسه

اجه عليه الحجي جرني من زيك دشداشتي

منو قتل حمزه شجابه بيتج؟

- تلكأت وعيني صارت على ابو غضب بخوف وكأني اترجه منه يشفعلي

ابو غضب مباشرة اجه كال حجي
على كيفك

- غير دكول منو ولج منو قتل حمززززه

- ابو غضب كالي بطمىنينه حتى ماخاف
اهدأي مريم
كولي منو ضربه

كلت بخوف واني ارجف

اأ. أ أ أ أ اني

باوعلي الحجي بغضب رافع حاجبه الاثنين
شنوووو

- و و و و و و والله ح ح ح ح ح حجي

وصرخ بيه

اااااششششششش وضربني بكف وكعت بالكاع

اجه دايضربني راد يرفعني من الكاع

ابو غضب كال

حجي على كيفك لاتضربها

- اسكت انننننتتتتتت

حاول يخلصني بس الحجي سحب سلاحه وضرب بالجو طلقه صاح ولا واحد يتقرب
والي يشفعلها لمريم اقتله

اريد افتهم سالفتها اااااا هاااااااي شنووووو

رفعني وضربني رجعت وكعت بالكاع

صاح على سمير

سمييييييرررر

تاامر حجي

الزمهااااا والله لاانبش اهلج من الكبور اليوم
ولج انتي طيحتيهم لزلمي كلهمممم
بسببج يوميه فتنه واحد ضارب الثانييييي

خربتيلي شغل يابو شغل

سنييييييييين

سنييييييين

اربي بيج تالي تصيريلي عدووووووو

مريم والله لااحرك اهلج

وصار يضرب بيه واني اصرخ
ابو غضب متحمل كال
حجي عوفها

حجي حتموت

وهو مايرد

لحد ماصاح

حجي هاي امانة الضررغااااام عوفهااااا






توقف عن ضربي وباوعله مستغرب

شنووو

شنو امانة الضرغام

- الضرغام وصاني عليها قبل لايروح

ولك وشلون دكلي مادري عنه وين

حجي طلع عبالي ميطول بس مادري هيج حيختفي

صرخ بي
وين راااااااح

- لمرته
مرته داتجيب

- من يمته الضرغام متزوج

- مادري خابرو كالوله مرتك داتولد وراح

- منو خابره منو مرته منو اهله

- انصدمت واني اسمع ابو غضب هيج يكول
مرته؟!
يعني متزوج
- مستحيل معقوله لو فلم منه

- باوعت لبو غضب مستفهمه هو تجاهل نظرتي وكلم الحجي

- صارله سبوعين ولادتيش ابو غضب ليش ماكال متزوج وين مخليها

- ماعرف

- كذااااب انت تكذب وتضمله

-لا حجي كتلك اجاه ولد متزوج وميريد يدخلها بشغلنه ولا مدريها شنو يشتغل حتى البنيه مسكنها بشقه هذا الي ادري بي

- تدري اذا طلع كلامك هذا مو صحيح شأسوي بيك

وصاح بعلو صوته
ضرغاااااام اختفائه وراه بلوه
اذا طلعتو داتسون شي من وره ظهري
لو داتتصرفون بكيفكم
ثنينكم تنطردون

- لا حجي اطمأن

- ورجع باوعلي
وانتي ياوجه النحس
حتى لأسدي معرفتي تجري انه مو كتلج تلبيله طلباته
ولج انتي مامحصل من وراج بس شلعان الگلب

-باوعتله خايفه

بهل الاثناء طلع ستار صاح
حجيييييي حمزه مات

باوعلي بغضب عيونه گلبت حمره وجها صار دممم

صرخ بيه
ولللللج تقتليييييي
اليوووووووم لااطلع بروحجججججج
ولزمني صار يضرب بيه
وابو غضب دايخلصني لزموه وهو يصيح

حجيييييي

عوفهااااااااا

حجي عوفها حجي امانة الاسد هاي عوفهااااا

ويرد يصيح على الولد

ولكم فكونييييييي
هدونيييييي

صار يكفر ويفشر ويغلط عليهم

واني الحجي نهى عليه اخر شي سحب سلاحه دايضربني
واني وكعت بالكاع مابقه بيه حيل
روحي راحت
صرت كوه افتح بعيوني
جسمي احسه جمره صار من الضرب

وكع على رجله ليوو
صار يبجي

حجي لاتقتلها

ابوس رجلك حجي عوفها






دفره ليو وسعدي لزم ايد الحجي رفعها فوك
صارت الطلقه بالهوى

باوعلهم

ولكم هاي كلكم عليييييييه

تدافعولهاااااااااا

ولكم كتلت صاحبكم هذا

سعدي:- حجي هي هم منا وبينا ربت ويانه حجي
نفتهم منها ليش كتلته

- ليش مالييييييييششششش
شسوالها هااااااا
فرضا تحارش بيها واذا شنو يعنيييي
حضرتها هنا شنو لعد الاميره المدلله
هاهيه منا وجاي الي تعجبه يروحلها طبها طوب

- حجي بس....

مكدرت اسمع بعد بقية الكلام غابت روحي مادري بشي بعد

حسيت على روحي واني بغرفه ونايمه على فراش دوشك بالكاع مفروش ومخده ومغطيني

ماكو احد وين اني

ماادري

شويه واجه ليو فرح كلش من شافني مفتحه عيوني

- مريم هاي كعدتي انتي

- اني وين ليو

- بيتنه بغرفتي مريم

- شلون خلصتوني من الحجي

- ماخلاه سعدي وستار الولد كلهم ماقبلو يقتلج
عافج وكال الكم حالها حال ال

- حالها حال الجلب مو
كمل ليش سكتت

- كالهم من تملون منها طلقه براسها واخلصو منها

- ضرغام جا

- ماندري عنه وين

- وين راح

- مريم عوفي ضرغام ولاعبالك منه رجعه

- ابو غضب كال متزوج

- هسه انتي تفكرين بي باوعي لروحج شوفي شصاير بحالج

- صدك ليو هاي عيني احسها منفوخه

- هي بس عينج
ولج شمسوي بيج

- جيبلي مرايه خل اشوف

راح جابلي مرايه واجه من خلاها على وجهي
باوعت انصدمت هاي اني شصاير بيه

وجهي مطعون
داير مداير عيني ازرك على بنفسجي لونه ومنفوخ عيني حتى شويه مفتوحه جفوني مورمات

شفتي جزء منها مورم وعليه اثر ضربه يمكن طالع الدم وماسحي واني مااعرف لان مبينه شفتي نازفه دم كلي طعنات بوجهي

هواي نقهرت من منظري

ليو جسمي احسه مكسر ليش

- مريم فوتي سبحي بمي حار هسه ترتاحين
اثر الضرب هيج يوجععج

سندني حتى اكوم بس احس كل جسمي مكسر
حتى نفسي نكتم كمت ماكدر اتنفس
اشرت ليو. يرجعني لمكاني لان مكدرت اكوم






لما رجعني لمكاني ارتحت بس جسمي موجوع

بقيت حايره الوب اريد اروح للحمام
لازم
بعد وقت قصير استجمعت قوتي وسندني ليو لحد.ماوكفت واستندت عليه وفتت للحمام
مكدرت ابقه واكفه

جانت اكو طبلة حمام كعدت عليها حتى اسبح
من اباوع لنفسي
ايدي طعنات
رجلي طعنات كل جسمي اثار ضرب وكدمات

ذبيت المي عليه نوبه صار يحرك بيه
بصعوبه حتى سبحت
اخذتني الذكرى بهذا الموقف كنت صغيره ومااعرف اسبح بدريه جانت تخلينه احنه نسبح

لما فتت مره للحمام والحجي جان جاويها لرجلي صرخت من الوجع المي اذاني بوكتها
تنكعت وطلعت
وبدريه ضربتني لاني وسخه ومبين الوسخ بيه بعده
جنت صغيره اخاف من الحجي هواي

جريت نفس بصعوبه وكسره مخنوكه والي زيد ألمي ضرغام

طلعت من الحمام اتكأ على الحايط لحد ماوصلت لغرفة ليو

جان ليو محضرلي اكل

اول ماشافني كام وكف مبتسم تعالي مريم ناكل

- ليو حمزه صدك مات

- اي

- نزلت دمعتي
ماجنت قاصده يموت ليو

- شنو الصار مريم

- تحارش بيه

- يستاهل لعد لتبجين تعاي ناكل

- مكدرت اكل صرت ابجي

ولج كافي ليش تبجين مريم
عوفي

انتي دافعتي عن نفسج

هو راد يجبرج على شي انتي متقبلين بي

كافي تبجين عاد

اهووووو

مريم كافي

-صار يحاول يسكتني لو يحجيلي شغلات تضحك
بس اني جنت حتى الابتسامه ناسيتها

اكلنه ومشى الوقت

ليو وصلني لبيتي

- ابقي هنا

- لا الولد هسه يجون وديني ماكدر امشي اني

- اشوف الحجي اذا هنا لو لا حاولي لاتخلي يشوفج

- ماشي

راح ليو تفحص المكان واجه هو وابو غضب
سندوني وصلوني لبيتي
فرشلي بسرعه ليو
وسندوني لحد مانمت بفراشي وتغطيت
كفو الضوه وطلعو

الليل حط بسماء تل الذهب
بس اني مااجاني نوم بليلتها جنت شبعانه نوم

هدوء وضلمه نفتحت الباب على الكيف جمدت واني بمكاني اباوع رجال طويل وضخم

فات وسد الباب بهدوء بخوف تكلمت

م م م منو انت

- علك ضوه للسكف مباشرة همس






انه لتخافين

- اول ماشفته تفجرت بدموعي

اريد اسكت مااكدر

احس حركه بصدري بگلبي واريد اطلعها

ماعرف شنو من احساس داهمني وليش كل هذا البجي

ابجي وامسح بدموعي وتلاشى كل الكلام

اجه اقترب وقرفص كدامي

لاحضته عاقد حاجبه يباوعلي بتمعن

توه يلمس مكان الالم والورم بطارف اصبعه شاغت روحي وفزيت عنه

وخرها بسرعه وكام بسرعته علك الضوه

شافني نذهل

فز بخرعه
هاي شمسوين بيج

- مكدرت احجي اي شي ختنكت احس رگبتي حتطك من الخنكه الي رافقتها

- مريم شصاير بيج هاي بس وجهج هيج وخر الغطى حتى يشوفني لزمت ايده احاول امنعه

- يحاجيني بخرعه
ولج شلون هيج

مريم اوديج للمستشفى
رفع الغطى ودايشيلني حتى يوديني
نترت

لا

ماروح

عوفني

- جنت مقهوره منه حيل

- مارد عليه بس كشف ثوبي شاف ايدي
رجلي كلها كدمات وحده من ايدناتي مورمات

جانت ملامحه تفسر شكد هو تألم عليه

اختنك لدرجة عيونه خطت بدمعه
لمعت عيونه وعرفته كابر

همس

سامحيني

-روح منا

- ابو غضب وين عنج ليش ماخلصج

- اطلع ماعليك بيه
مارد عليه وخر الغطى بسرعه وشالني

واني احجي بتعب
عوفنييي

صعدني بالسياره توه يصعد طلع الحجي

نورت يالذيب وين كل هالغيبه

- مارد عليه صعد بالسياره دايشغلها
نضربت التايرات بطلقتين كعدت
بحيث متمشي

نزل الضرغام من السياره بغضب

مشى بغضب بسرعته للحجي

والحجي جان واكف بزوده مخوصر ايده الاثنين
نتر الضرغام

شمسوي بيهاااااا

- جاي عليها

- ( ويصيح) شلون تمد ايدك عليها

- ضحك الحجي بااستفزاز
ولك عليه تصيح وتحاسب

- ايييييي اصيح واحاسب اكبر راس بأي حق تمد ايدك عليها

- انا المربيها انت بأي حق تجي تكلي ليش تضربها
بعدين غيباتك وين هاي
ضرغام تلعب بذيلك

- نطيني السويج اودي مريم

- متطلع وتنكبر هنا السنيوره مالتك

- كتلك نطيني السويييييج

- ضرغام طلعه من المنطقه متطلع افتهم غيباتك هاي وين

- اوديها ومن نرجع نتفاهم

- خايف عليها

- كتلك انطيني السويج

-باوع للسياره اول مااباوع عليه ذب روحه ضرغام فوك الحجي وكعه بالكاع ونفر سلاحه من ايده بعيد

استغربت ليش هيج سوه

الحجي بقه جواه يرافس طلعو الولد بسرعتهم

شافو الضرغام يريد يقتل الحجي

ضرغام فقد اعصابه وضربه بوكس للحجي
ونطاه الثاني ضربه كله

والتمو الولد عليه جرو للضرغام من الحجي وصارو عليه داىره
وبنصهم ضرغام

الحجي وكف يمسح الدم من حلكه گلهم
للحراس يلزمون ابو غضب
جتفو بحيث ايده وره
واستفردو بالضرغام

لاتأسفن على غدر الزمان
لطالما رقصت فوق جثث الاسود كلاب

#يسعد_اوقاتكم_بكل_خير
#توقعات_الابراج_ليوم_الاربعاء_والله_اعلم

#الحمل
مهنياً: تمتاز بأفكار خلاقة جداً، وتكثّف اتصالاتك، وتكرّر المحاولات وتمارس جميع صلاحياتك
عاطفياً: يوم خالِ من الظروف الضاغطة، وتسود سماءك مع الشريك أجواء لطيفة ومشجّعة على التعبير عن عواطفك الدفينة
صحياً: قراراتك الصائبة صحياً تكون دافعاً إلى حث الآخرين على مجاراتك في كل ما تقوم به رياضياً

#الثور
مهنياً: تخوض تجربة مالية أو تكتشف شيئاً وتلتقي أفرقاء للمرة الأولى وتربح أموالاً وتنفتح أمامك آفاق، لذلك تشعر بالأمان
عاطفياً: لا تكن كثير العتاب والا ابتعد الحبيب عنك، الظروف متاحة امامك لتخطي الكثير من الحواجز التي أعاقت ملاقاته أو مصالحته
صحياً: يوم مهمّ للمشاركة في مختلف الأنشطة وعدم رفض تلبية الدعوات بغضّ النظر عن مضمونها

#الجوزاء
مهنياً: إحذر الجو المتوتر والعدائية فهذا اليوم دقيق جداً وربما ينذر بقطيعة وشعور بالوحدة
عاطفياً: قد يعلوالصوت إذا تصرفت بشراسة مع الشريك ولن تتوصلا إلى حلّ إذا لم تقدّما تنازلات
صحياً: تفرح لما تحصل عليه من تفهّم ودعم لتحرّكاتك على الصعيد الصحي

#السرطان
مهنياً: تستوعب ما حصل معك في الماضي، وتحافظ على مشاعر سريّة لا تبوح بها إلاّ لأحد الذين تثق بهم ثقة عمياء
عاطفياً: إحذر الانجرار وراء الأحاسيس والأفكار السلبية حتّى لو شعرت بتحدّيات، ولا تتسرّع في القاء اللوم على الحبيب
صحياً: لا تكن من أصحاب القرارات الضعيفة، ولا سيما حين يتعلق الأمر بوضعك الصحي

#الاسد
مهنياً: وجود القمر في العذراء في البيت الثاني يحمل فرصة مالية معينة ويشير إلى تحسن في أوضاعك المهنية مهم جداً
عاطفياً: أطلق العنان لتصرفات الحسنة لتحافظ على استقرار العلاقة واهتمام الحبيب أو مودته لك
صحياً: اندفاعك وحماستك يدفعانك إلى الطلب من الآخرين مشاركتك في ممارستك الرياضة اقتناعاً منك أنها خير علاج

#العذراء
مهنياً: يبدو أن مزاجك مرتاح بعد النجاح الذي حققته في آخر مشاريعك، وأبعدك عمّن كنت على علاقة صداقة جيدة بهم
عاطفياً: تشتد حدة النقاش بينك وبين الشريك ثم تجدان مخرجاً لائقاً من الأوضاع التي تمران بها
صحياً: معدتك الحساسة توجب عليك الانتباه إلى نوعية الطعام والتخفيف من تلك التي تسبب لك مشكلات صحية

#الميزان
مهنياً: إياك والتسرع في اتخاذ قرارات مصيرية، ولا سيما في هذا اليوم العصيب الذي تمر به، بل راجع حساباتك على الصعد كافة
عاطفياً: ما تقدم عليه اليوم يحفّزك جدًا ويجعل نجمك ساطعاً في نظر الحبيب، فيتحدث عنك أمام الناس مفاخراً بك
صحياً: حاول ألا تفقد السيطرة على الأمور، وهذا يفيدك في المحافظة على وضعك الصحي

#العقرب
مهنياً: مستقبل جيد يلوح في الأفق، لكن هنالك خطوات مهمة لم تكتمل بعد
عاطفياً: يفرض عليك الوضع تحفّظاً شديداً في حياتك العاطفية، كما يطلب منك احاطة نفسك بالأمان والشريك
صحياً: الضحك والمرح هما من أهم وسائل العيش لحياة أطول وأكثر إستقراراً

#القوس
مهنياً: قد تبحث أوضاعاً مالية دقيقة، إحذر الغيرة الشديدة والتملكية، ولا تنقل هواجسك وشكوكك إلى الزملاء حتى لو تفاقم الوضع
عاطفياً: لا تحاول أن تبقي العلاقة سطحية او تكون عابرة وتصطدم بلقاءات أخرى وارتباطات ثابتة، فتعيش اضطراباً وصراعاً داخلياً
صحياً: لا تضخم المشكلات الصحية التي تعانيها، باستطاعتك التخلص منها إذا واظبت على ممارسة الرياضة

#الجدي
مهنياً: قد تتحقق من أمر ما وتبحث عن حقيقة وتراقب ما يجري أو تقوم بمهمة معينة تتخذ بعداً كبيراً
عاطفياً: عليك تقديم بعض التنازلات أو إعادة النظر في بعض المواقف التي أثارت تحفّظ الحبيب أو استياءه
صحياً: الأجواء السلبية المحيطة بك تكون عاملاً أساسياً في تزايد الضغوط على حياتك

#الدلو
مهنياً: تتركز الأنظار على قدراتك الإبداعية في مجالك المهني، وتفوز بجوائز تقديراً لجهودك
عاطفياً: يوم ملائم لإعادة النظر في استمرارية عزوبيتك، وبانتظارك مرحلة مهمّة وديناميكة من حياتك العاطفية
صحياً: لا تضعف أمام المشكلات المهنية والعاطفية لئلا تؤثر سلباً في وضعك الصحي

#الحوت
مهنياً: تحاشَ التسرّع في الدفاع عن نفسك، فقد تتعرّض لظلم او قمع، لكنّ الجوّ السائد يسمح لك بمواجهة المسؤولين أو المنافسين
عاطفياً: حان الوقت للانفتاح على الشريك، فأنت تحظى بإعجابه وتلفت أنظاره وتعرف مكانتك في قلبه
صحياً: التقلبات التي قد تطرأ عليك قد تصيبك بخيبة أمل، وتبقيك في وضع صحي غير مطمئن بعض الشيء.

#فقرة_شعر

طَيّر آنه و إنتَ جَنح
و تخَيل بدونَك !
و سألوني يا هو الـ أعَز
روحَك بوَكت الحَرُب
لو ماي وَكت العَطَش ؟
گلتلهم : عيونَــك .

ذِب حِزنَك
برُوحي و نآم
نآم و خَل ألوليّلَك
ذِب شما ثِگَل حِزنَك
أحِبًّك .
و أبقى أغنيّلَك

شبر عَن الكرامة !
ودست راس الشوگ
مو اني التذلني الدنيا بغيابة
عكازة مصَوّب بس
اطيب انساه .
من اولها چنت ماحاسب
حسابهَ .

#فقرة_هل_تعلم
‏لا تُبالغ بالعزلة ولا تُهلك نفسك بالمخالطة الزّائدة
أختر معارفك بعناية
لايهمّ كم شخص تعرف
المهمّ كم شخص يستحقّ المعرفة ...اختر خليلا صالحا

#قصة_عراقيه

الحلقه السابعه والعشرون

طفلتي أنتي
صغيرتي التي لاأمل من الاعتناء بها
شفافة رقيقة رغم الاذى
رغم المشقة رغم التعب

مريم....

التمو الولد على الضرغام

صاح الحجي

تمد ايدك عليه ولك كللللب

من وره وحده

صاح بي

اذا انت رجال واجهني وحدك مو انت وزلمك

-لك ضرغااااااام
انا الي كل ثقتي ذبيتها بييييييك

- وانه كد الثقه بس مو تحركلي گلبييييييييي
عرفتك نويت تصوب البنزين وتحركها هي والسياره
عرفتتتتتك

- سكت الحجي دقايق
صرخ بالولد
عوفووووووووو
ولكم هذا بلووووه عفووووو

راحو عنه الولد وبقه هو واكف
شلون عرفت انا حتى ما رفعت سلاحي

- سكت الضرغام مارد على جوابه
كمل كلامه الحجي كال

وين جنت
وين داتروووووح

- اعرفك بعدين

- اذا مادكلي مالك مكان بيناتنه ضرغاااااام

- فتح سحاب سترته وطلع اوراق

كاله هاك شوف هاي الاوراق

شنو هاي

اوراق تثبت متاجرة القبرص بالمخدرات والاسحله
توكع القبرص بالعداله هو والي وراه

شنو انت شتحجي منين جبتها

- تريدها لو لا

- صاح بي
ضرغاااااااام
اندهش شلون هيج كدر

- رفع طارف حاجبه وكأنه يكله ادوخك

همس نطيني السويج

الحجي فاتح حلكه يباوع للاوراق كلهم
نطو السويج

شمره ابو غضب اله وهو تلكاه منه السويج اخذه
وراح شغل سيارة الحجي
يمشي بأنتصار بزوده وهم كلهم خنسو

شالني صعدني بسيارة الحجي

توه يصعد صاح الحجي

ضرغام وشحنسوي

لتسوي شي هسه خلها يمك تفيد وضحك بصوت عالي شغل السياره وطلع

بالطريق طلع جهاز غير الجهاز الي بالعاده يخابر بي
اتصل على رقم

- شوفولي دكتور كسور ومفاصل هالامور
وسده
لا كال الو ولا كال ثيمالا لمنو خابر

- هاي منو تخابر

- باوعلي ورد باوع للشارع هو ويسوق تنهد
وصلنه للمزرعه الي جابني بيها سابقا

- نفسها

- مريم ارتاحي لاتعبين نفسج بالاسئله

دنيه على وشك الشروق صارت تبين السماء شي خفيف خلاني على السرير وطلع
ينتظر الدكتور الي خابر علموده






سمعته وهو ينتر

وينــــــــــــك

بسرعه يلااااااااااا

عشر دقايق واجه الطبيب واحد ويا ماشفت شكله بس سمعته وهو يكلم الضرغام

- نفسها

- اي

- شبيها

- ضربوها

- ديربالك لاتروح بعيد......... !!

شويه وفات هو والدكتور

بده الدكتور يتفحصني

- هاي متعرضه لضرب عنيف شنو مخطوفه

- عركة نسوان بيناتهم وجبتها لهنا علمود تهدأ الامور

- معقوله شنو من ضرب هذا مو ضرب مره

- تعالجها لو شووووون
دكتور لو محقق انت

- صار صار

فحصني شاف نفسي جيك وضعي كال
عدها رضات قويه اثر ركلات
يرادلها فتره وتطيب

حضربها هسه ابره وباجر هم ابره

- وشنو هاي الابره وريد

لا

لعد...... شكرا منريدها اذا عندك علا ج انطيني

باوعت عليه عاقد حاجبه ضايج
الدكتور كتب العلا ج
وطلع

ماكدر يروح لان اساسا فجر وماكو صيدليه هنا
بقه يمي كاعد

كام طلع شويه ورجع جايب ثلج وقطعة قماش

كال

خليني اسويلها كمادات تخف هاي الكدمات

مااريد منك شي

- همس
مريم وخزرني

- وخله قطعة القماش على خدي وتغطت عيني الي كوه فاتحتها دلكها بحركه خفيفه بشكل دائري
حسيت براحه خفيفه جانت تأذيني

نسدت عين ونص وجهي بقطعة القماش ونص عادي بس غمضتها بروده جانت على وجهي بس هو يحركها كل ثانيه
حسيت لزم ايدي برقه فتحت عيني
صار هو يدلك بإيدي بخفه ايده بحيث مايألمني الورم اني ابجي كل شويه اختنك وابجي
هو ساكت مايحجي شي
لكن كلما بشوفني ابجي
يمسحلي دمعتي

على التدليك حسيت رجع يسري الدم بجسمي
دلك ايدي ورجلي
حسيت بنعاس جنت ماكدر انام من الالم
توني اغفى حسيت طبع قبله على جبيني
لما فتحت عيني
همس

شونج هسه

- زينه

- باجر اجيبلج العلاج هسه تاخذي ترتاحين
حاولي تنامين هسه

وهو راح كعد على كرسي بعد ماقربه يم سريري
مدد رجله على سريري ونام من جلوس على الكرسي
مبين عليه تعبان






كعدت على صوته وهو يخابر بره الغرفه

- هاهيه صارت بعد

- مو بيدي

- لا كدها

ماشي....... ماشي..... ونتر... افتهمتتت
كله افتهم

شويه وفات للغرفه اول ماشافني ابتسم

صباح الخير

-صباح النور

- كومي يله نتريك جبت ريوك وانتضرتج حد ما تكعدين

- مااشتهي

- لازم تاكلين حتى تاخذين علاجج

نزلت دمعتي

عقد حاجيه مستغرب
همس

شبيج ليش تبجين

- متزوج انت مو

باوعلي صفن لثواني عليه بعدين همس لا

- ابو غضب كال

- مريم ناكل وبعدين افهمج

- مااريد كتلك

- ومالج كلام يمي لاتخليني أگلب على وجهي الثاني

- سوالي لفه وقدمها الي اخذتها منه اعرفه من يعاند
اكلتها وهو هم كعد ياكل
واحنه ناكل تكلم

مامتزوج

-ابو غضب كله للحجي

- ابو غضب حسابه ثكل كلش يمي

-ليش لان عرفني الحقيقه

- حقيقتيش هاي كتلج مامتزوج بعدين ليش تردين تعرفين شعليج انتي متزوج او لا شيخصج

- بجيت

- ليش البجي غير افتهم شبيج
منو وياج

- انت

- انه

- اي انت

- شلون شسويتلج

- باوعتله ماعرفت شكله اعرفه راح يحجي عليه لو كتله سكتت عن الكلام بس عيوني مابطلت دموع

نتر بيه
كتلج لا تتعلقين بشي مو الج كتلج لو ماكتلللللج

- بس

- بس شنو هااااااااا
خربتي الاول والتالي جان المفروض مااجيهم واجييييت

-شنو
شنو يعني ليش متجيهم

- رن تليفونه بهل الاثناء الجديد الي شفته
طلعه باوع للشاشه
اخذه وطلع مباشرة من الغرفه
شويه ورد رجع اعصاب اكثر

همس بتعب

مريم الله يخليج مو ناقص انه
لاتعبيني فوك تعبي

- ليش شسويت ها شسويت

- ماسويتي شي ابتعدي مريم

- منك

- باوعلي وسكت ماحجه اي شي

واني فزيت بعصبيه
تقترب مني لهل الدرجه وتكلي بالاخير ابتعدي
تعلقني بيك وتكلي لاتتعلقين بشي مو الج
صرتلي ام واب واهل وتكلي ابتعدي
شلون هاااا
كلي شلون
انت ليش متفهمني
ليش متحس
شنو تقصد بمو الج
معناها متزوج مو






- نتر لاااااا

- لعد شنو معناها

- مااتزوج وحده ربت بنص زلم غربه وصارت لهذا وهذاك

- من كالي هيج احس صاعقه ونزلت على راسي
نصدمت وكلامه جان مثل خنجر بقه يحز بيه ذبحني ذبح

وهاي دموعي
دموعي الي مخربه الاول والتالي امسح بيها وهي تنزل وحدها
من كد ماخاطري مكسور وكسره اكثر

حجيت واني امسح بدمعي
صحيح
صحيح انه ربيت بنصهم وصحيح اعتدى عليه ابن الحجي بس مو معناها اصير لهذا وهذاك
اني هذا حالي لان قتلت حمزه

- وليش بله

- لان تحارش بيه راد يعتدي عليه

باوعلي مندهش

شنو

- لاتشوفني ردت قربك معناها رايده الكل
اني ردتك انت بس
ميزتك عنهم كلهم
شفتك اهل بعيوني

بس انت

بس انت مو يمي وحقك ماالومك

باوعلي شويه وطلع ماحجه اي شي

واني فوك ألامي يزيدني الم
فكرة انه هو مو ألي تجرحني
لا تقتلني

جيت سعاد للمنطقه نبهتني على هواي شغلات من ضمنهم
الزواج

ليش ماافكر مثلها نزوج ونروح بعيد نعيش

بقيت بمكاني شويه واجه خلى العلاج يمي كال
اخذي علاجج

- مارديت عليه
هو طلع من الغرفه بقت حسبه توديني وحسبه تجيبني
مرات تجيني ذكريات احسهابالطفوله
مثل الخيال

اشوف اختي لمن جنه نلعب بس ماادري اذا حقيقه او خيال
كلشي مااتذكر الا هذاك اليوم الي خطفوني بي
بس الوجوه مو كلش اتذكرها

صرت اغني بهمس رغم موجوعه
اغنيه جانت تغنيها بدريه

مرينه بيكم حمد
واحنا بقطار الليل
واسمعنه دك كهوه
شمينه ريحة هيل

ياريـــــــــــــل صيح بقهـــــــــــــر
صيحة عشــــــــــك ياريـــــــــــل

بقيت ارددها للاغنيه جنت كلش احبها

شويه وفات الضرغام

باوعلي واني مباشرة سكتت

همس مبتسم
كمليها

- مارديت عليه

اجه كعد يمي على الكرسي
تعرفين قصة هذه الاغنيه

ماريد اعرفها

لعد ليش تغنيها ومبين تحبيها

شرايد كاعد يمي

- لتزعلين مني

- مزعلانه

- لعد باوعيلي






- جنت دايره وجهي على الصفحه الثانيه ماقبلت اباوعله

- مريم باوعيلي

- روح الله يخليك
لاتقترب
لاتعبني اكثر

- انه تعبان اكثر منج مريم

- باوعتله

- وكمل كلامه
اسف

- وين حتوديني

- ترجعين لتل الذهب

- مااريد ارجع

- مريم اسمعيني

- انت اسمعني

- مااسمع ترجعين واليندك بيج انه اعلمو
مراح اعوف حقج

ضربني ضرغام
خلاني بنص الولد كلها وصار يضرب بيه

ليو يبجي يريد يخلني منه بس هو فقد عليه

-وعيونج لا ادمره ومااعوف حقج بس صبرج عليه

- انت ايده اليمنه

- بس ندك بيج واليندك بيج معناهابيه انه ومراح اسكت

- ضرغام هم تعوفني بيوم

- هز راسه بالرفض لا بس عيونه لمعت بدمعه احسه اختنك

- شفتك بالحلم كتلي ماعوفج

- وانه عفتج

- بس اذوني وانت ماكو وين جنت انت

- مجبور

- ردتك بلحضتها يمي
شكد احتاجيتك ضرغام اني ادري لو انت يمي متخليهم يضربوني مو

- والله جان كسرتهم شلون اقبل يضربوج
ولج يضربوج واني موجود وسفه
مااطلع رجال لعد

- كتلي بالحلم تخافين وانه موجود لعد انه وين رحت

- واكولها الج بالحقيقه
تخافين وانه موجود لعد انه وين رحت

ومسح على راسي برقه همس
لتخافين طول ماانه يمج
طول ماهذا خشمي يشم الهوى انه ماعوفج موجود ويمج

- بالصغر ضربني جاب حديده حاميه هواي
وجواني بيها هنا
بينتله اثر الجويه شوفها
جنت صغيره ضرغام وبجيت
جنت صغيره متحملت هذا الالم ومحد دافعلي ولا عالجني
دموعي صارت تنزل بغزاره
جنت اصرخ من الوجع بس مو كدامهم ضرغام
يضربني لو بجيت
ألمها اموت وماانساه
واني احجيله ماحسيت الا قبلها لاثر الجويه

واجه على دموعي مسحها همس

لاتبجين والله گطعتيلي گلبي

موجوعه ضرغام هذا هذا گلبي يأذيني

- اريدج توعديني وعد

- شنو هو

- ماتزعلين مني بيوم

- ليش

- كليلي وعد ماازعل مريم لتكليلي ليش

- لو اكدر ازعل جان زعلت بس مااكدر






- انتي غاليه على گلبي هواي
كالها بحب احسها
هواي غاليه على گلبي

- مديت ايدي ردت احضنه ودموعي تنزل
هو حضني من جلوس
صرت ابجي وحضنته بقوه
ماريده يروح

ماريده يبتعد

ابجي وااهمس

لاتروح

لاتعوفني وحدي يمهم

هو ماريدلي من اكلمه

جان حاضني بعدين وخر عني وقبل باطن كفي
جان مختنك عيونه خطت بحمار

همس مااعوفج ابويه

وكام من الكرسي طلع بره الغرفه

بقيت وحدي بالغرفه وجهي للسكف

مليت من كثر النوم على السرير
وطول هو بره
كمت بصعوبه
طلعت جان ماكو يم الغرفه
رحت للحمام وبعدها تمشيت لمكان الفرس توقعته هناك
وطلع فعلا هناك ويمه الفرس هو كاعد ويدخن مرجي راسه للحايط عينه للسماء
اول ماباوعتله انتبه لوجودي وجه سلاحه عليه

كتله
هاي اني

- نزل سلاحه وكام وكف خلاه بخصره

شكومج

- اجيت اشوفك ليش طلعت وكعدت وحدك

- عقد حاجبه ضايج تنهد كال
مريم شتردين

- ماكتلي شنو قصة الاغنيه

- يااغنيه

- الي جنت اغنيها

- نسيتها

- اذكرك بيها

- وتروحين

- ضايجه

- مريم ابتعدي مريم

- اني اريدك تبتعد. عني
لاتقترب
عالمي غير عالمك اني ربيت بنص مجرمين
تعلمت اشتم ريحة الموت والدم اكثر من الورد
تعلمت الكره قبل الحب
ضرغام انت حتى مو من ربع الحجي
باوعلي بخرعه

شتقصدين

- ماعرف بس مااحسك تشبهلهم انت مو مثلهم ضرغام مو
حتى احسك انقى مني
مرات تحجيلي على جراىمك مااقتنع
احساسي يكلي جذب
اني عمري ماحسيت الا لما انت دخلت حياتي وبديت اتبع احساسي بيك

مو مثلهم انت صح

- انكس منهم انه

- لا
كلبي يكلي لا
لهسبب اني مااريد اقترب منك اني مااشبهلك

رجع لنفس الكعده الي جان كاعدها
صفن بعدين كال

لهدرجه واثقه من احساسج

- ضرغام خل ننهزم ونعيش حتى لو متزوجني اني قابله بس مهم اكون وياك هنا لو نبقه يكتلونه

- مااكدر

- ليش
ها ليش انت اخذت حكمك يعني مامطلوب هسه بسهوله ننهزم ضرغام

- مااكدر كتلج






- نعيش بره بلاد بره يكولون العيشه حلوه هناك
ومو مهم نزوج
حتى لو تخليني خدامه عندك اقبل بس اكون قريبه منك اشوفك كل يوم حتى لو انت وي غيري
مهم انت سعيد ومرتاح ميخالف
حتى لو انقهر مهم اشوفك يوميه
اني
اني
اني ماريدك تعوفني
والله اموت
عليك الرب لتعوفني

تنهد همس وتعرفين الرب

- اي
اي اعرفه
مرات احجيله عنك شكدددد

- وشتكلين

- ابتسمت بخجل لا
مو هاي يكولون دعاء وخاف تقلد عليه

- تنهد وابتسم كال لا كولي

- اكله يارب تخلي يتزوجني
يارب متزوجه سعاد
هيج حجي بنات

- سعاد

- اي تريدك وتريد تنهزم وياك

- كل عقلها

- ماردت اكلك والله هي اصلا مو حلوه

- لا حلوه

- لا تلعب النفس

- حلوه

- برطمت

تنهد وابتسم لف ايده اليمنه عليه وهمس بس انتي احلى

باوعتله صارت عيني بعينه مباشرة بعدها باوع للمزرعه
كال
تردين احجيلج قصة الاغنيه
- ابتسمت كتله اي

- قصة هذه الاغنيه على ثنين يحبون بعضهم

البنيه بنت ناس عادين وحمد ابن شيخ بالريف جانو

حمد جان يحب هذه البنيه هي فلاحه وي اهلها
وهو جان يجيها للمزرعه يشوفها

مره من المرات شاوفها ولد القريه
راحو كالوله لاابوها
وابوها خاف لايطلع الحجي وناس تجيب شرفهم بالموزين كال اكتلها واتخلص من عارها

- ليش هي شمسويه

- لان تعشك

- وشكو بيها

- بالريف هذا غلط مريم وحتى بالمدينه غلط

- ليش غلط

- غلط مريم هي مو زوجته

- ليش الا بالزواج يله تصير عادي

- لان الله فرض علينه هالامور شلون لعد الانسان يجي من نطفه طاهره اذا ما زواج علني امام الله والناس

- اني مفهمت منك شي بس اذا تحبه مو غلط

- بس مو تتواعد ويا

- عادي

- لا مو عادي

- عادي تحبه

-كال وهو رافع حاجبه ترافقها ابتسامه طفيفه
لا موعادي

؛- اي كمل

-وين وصلنه

-لمن رادو اهلها يتخلصون منها






- اي ف اخذوها بالليل بالقطار وقررو يقتلوها بره القريه
فصعدت بالقطار
القطار يمر من يم مضيف اهل حمد
فبهذاك الليل جانو بالمضيف
وريحة الهيل والگهوه تفوح
مرت وفز گلبها
غنت
مرينه بيكم حمد
واحنا بقطار الليل.....
وبدت تندن هذه الكلمات

- وقتلوها

- خطيه

- شفتي تالية العشك مريم

- شتقصد

- اليعشك يتألم مريم حيل
احسله لايقترب

- خو نعتبره مات لمن نفترك عادي

- تدرين. الموت اهون تشوفي

- ليش

- روحج لما تكون معلكه بأحد وفجأه يختفي
ويروح لغيرج تموتين
تتمنين الموت لحضتها مريم

تتأذين هواي
تفضلين يموت ولاتشوفي وي غيرج

- معقوله

- اي

- مريت بهذه التجربه

- انه سكت لثواني بعدين تكلم
لا
مامريت

- كليبك هذا ماداسته وحده

- لا
انه مااحب ولااعشك لان اتعب
وماريد اتعب

- هو بيده الواحد

- اي بيدو

وماذا عن عشقك أيها الاسد الغامض
ماذا بعد...
وكأنك تبارزني بالشطرنج
كلما اقترب تبتعد
وكلما ابتعد تقترب
من أنت وماذا تريد......

سديم.....

ادم: ماشي سديم وانتي الي ردتيها ننفصل
وسده للخط

نار وشبت بيه
يوميه قرار جديد ويوميه حكم جديد
مره صديقاتج
ومره ولد خالج
ومره الاقسام

نتزوج واكمل اشرط عليه ماكو اطفال الا لما اخلص دراستي لازززم

بس لحد الان مااعرف اطباعه زين
وشلون قابل حفسخ وبيناتنه ١٥ مليون

بقيت افكر وحايره مااعرف شسوي لو لمنو احجي وينصحني
اتصلت بسميره

- هلو حبيبتي سديم اي عيني ليش لا من لكه احبابه نسه اصحابه

- هو ابن عمتج مخلي عقل براسي

- ادم ولايكعد راحه اعرفه

- مو الي بالج بس فدوه احجي ويا

- على شنو

- كلشي عنده لا
كلشي لاتسوي وبس ينطي قرارات تره تعبني والله

- شطلعلج بسالفه

-يريد مااسكن الاقسام واعيش ويا واحنه مخطوبين تقبليها

- لا طبعا
ادم اكبر متنقد شعجب يطلب منج هيج طلب

- سألي

- سديم هذا هو الي دايختبرج مو انتي تختبري
ادم واعرفه من يخلي وحده باله يدرسهاا دراسه






- واني ابقه ورقة امتحان

- عيني كليله ادم خل نتزوج نصيحه الج

- اريد اعرفه زين

- سديم سمعيني انصحج والله
زين اسألج هو اخذج لبيته

- اي

- طيح الله حظج خو ماسوالج شي

- لا منطيته مجال

- شوداج شلون ترحين

- هو كلي اني زوجج وانتي مرتي واحنه عاقدين سوه وهسه اذا اخلف منج طفل مو حرام

- وان كان بس مو ياخذج لبيته بالختلات

- مادري رحت بعد

- استعجلي وتزوجي تره اذا وكعج يگلب عليج سديم
والله لخاطر يتمج واعرفج بنيه مستوره انصحج

- ماشي هو حكله

- واني اليوم لااحرك الدنيه على راسه خل يصبرلي هالرعن هذا

بقيت افكر بكلامها
اتزوجه يعني هو شلحكت افتهم منه
شلون هيج
احنه خطوبه وهيج
شلون لو نتزوج
بقت حسبه توديني وحسبه تجيبني
افكر شلون
لو اخذت رأي عمه راح تكلي افضل تتزوجين هسه.(الناقله روعه الطائي)
لو اخذت رأي صديقاتي حيكلولي لا وخطوبه اول
لمنو اتبع
منو بيهم الصح

حييييييييييييره....
ثاني يوم بالمكتب جنت
فات ادم لاسلام ولا كلام
اني هم خليته براحته مشى اليوم على كد الشغل وبس حتى لما يكلمني من دون مايباوعلي عينه على الابتوب
يومين مرت وخابرني جان طافره اعصابه ويحاجيني بعلو صوته

- انتي متستحين تدخلين العالم بيناتنه
شنو تخابرين على سميره وتكليلها ادم يريدني اعيش ويا

- لعد تخيرني بينك وبين الاقسام

-ايييييييي هذاااا العندي والا جامعه ماكو

- شنو جامعه ماكو على شنو

- سديم لساتج متعرفيني زين اتجفي شري ولتبقين تعاندين الي اكوله كولي صار

- اترك جامعه اكلك صار؟

- كتلج اقسام متبقين بيها وهياته بيتي مفتوح تعالي لعندي

- تريد تزوجني واعيش وياك

- اي يمه وتكليلي عفيه جهال ماكو منا لما اتخرج

- ادم شنو الي تريده بالظبط

- اقسام ماكو وزواج ماتزوج هسه يله عناد بيج

- هيج صارت

- اي

- كل واحد بطريقه اني شخص نرجسي وماميمشي الا بمزاجه وماعنده ثقه بيه اني ماريده
منو كلك اني رايده اتزوجك هالفتره اني لحد الان كل يوم انصدم بيك

- اني نرجسي ويوميه تنصدمين بيه

- اي

- والله لااشوفج الصدمات على اصولها ضاهر محترمج زايد






- لاتشوفني ولااشوفك من باجر نفسخ وكل واحد يروح بطريقه

- دفكري بهاي السالفه مجرد تفكير دااشوفج منو ادم
انتي مو بكيفج تفسخين اني شوكت مااريد افسخ
وخطوبه متنفسخ واذا لعبتي بذيلج
تتندمين والله

- سديته بوجه وخليته حظر
قررت افسخ وماريده بعد
ثاني يوم نزلت لبيت خالي وكلمت زوجة خالي بهذا الموضوع

- اني راح افسخ خاله

- ليش

- يريدني اعيش ويا واحنه مخطوبين يكلي ماكو اقسام

-يحجي كل عقله

- اي

- شنو لكاج تايها يتيمه وكلك اضحك عليها واشمرها
وشكتيله

- كتله انت بدرب واني بدرب

- اي هاهيه

- مشكله المهر منين ادفعه

- الله كريم ربج ميكطع

- اريد افسخ بااقرب وقت

- هاهيه اكلم واحد من خوالج هو يتكلف بالموضوع

قبل ماافسخ اريد شغله اسويها

- وهي

- اسوي كعده زلم

- ليش

- حتى يعرف اني وراي ظهر مو كاع هشه

- الي تشوفي

- خوالي كليلهم ولدهم ولدج خاله ويصيحله خالي يكله تعال عدنه حجي وياك

- هم خوش سالفه باجر اخابرهم بالليل اردلج اعتبارج بنيتي والله لااخزي

- تسلمين خاله

ثاني يوم خالتي ماقصرت لمت خوالي ولدهم وخابرت على ادم حتى تتفاهم ويا

ادم ماكذب خبر اجه
وصارت كعده بيناتهم

خالي الجبير تكلم... انت اجيت طلبت البنيه وهسه انتو مخطوبين بيا حق تطلب منها تعيش وياك بيتك

- احسن من كعدة الاقسام

- تكعد وياك

- وشكو بيها زوجها اني

- بعدك ماصرت زوجها

- شرعا وقانونا زوجها امام الله زوجها اني

- البنيه متكعد وياك وانتو مخطوبين

- اقسام ماكو اني مااقبل

- لو بيت خالها قريب احنه مازايده علينه نخليها بااقسام بس طريق وروحه جيه

- اوديها واجيبها ومتكعد بااقسام

- يوم يومين بشنو ضارتك الاقسام

- بنات اشكال والوان تلم ماريدها تعاشرهن

- البنيه تريد تفسخ لتبقه هيج مصمم

- طلاك مااطلك والي عندي كلته وغير قابل للنقاش






- انت لاترحم ولاتخلي رحمة الله تنزل

-علمودها اني

- انت تأذيها هيج

- لا

- ابني مثل مادخلتو بالمعروف اطلعو بالمعروف لااول ثنين ولااخر ثنين

- مااطلك خال شتحجي انت

- سمعته كللها لمرت خالي صيحيلها لسديم
اجت صاحتلي وطلعت عليهم

- هاي سديم
كولي ياب الي تردي

- خالو ااااني اريد افسخ

- باوعلي وحجه بنتر
شنو بكيفج امشي اني
بابا مااطلك

- ما تطلكني اخلع

- باوع لخالي كال
داتشوف

- خالي سكت
توقعت راح يسكتهم بلسانه وبهوساته
هم اصلا خوالي واحدهم كلمتين كوه يدبر
عافهم ادم وطلع

واشتغلت ملامتهم

انتي شنو دكليله اخلع وتقررين تفسخين بكيفج

_ لعد شكله

- رجال ومن حقه يخاف عليج وميريدج تبقين بالاقسام

-ويخاف عليه يريدني اكعد ويا واحنه مخطوبين

- لا طبعا بس مو تكليله نفسخ
صارلكم بالشهرين مخطوبين طبات وطلعات شتكول الناس علينه

- تكول متكول معليه بالناس

- خطوبه متفسخين سديم

- تشوفولي حل ويا

- ميقبل ويبقه معاند ترحين وتجين ويا هو يوديج ويجيبج

- اني احلها ويا خالو شكرا مقصرتو

عفتهم وفتت جوه
حايره وماعرف شسوي
خابرت على رباب وحجيتلها بالموضوع

- اسمعي هذا النوع اعرفه هذا يحب الي تتلوكله وتجيبه بالقشمره

- شلون يعني

- حبيبتي هذا شخصيته نرجسيه فطبيعة شخصيته تفرض عليج شلون تتعاملين ويا

- قصدج بالمسايسه

- اي

- متعرفي شلون مستفز ويخليج تتندمين اساسا انه كلمتي

- سديم سايسي بالكلمه الحلوه بدلعه بضحكه رقيقه منج يجي وتاخذين التردي

- بله شوفيلج غير سالفه تره فات گلبي هسه وكوه جارعته

- ماانصحج تنفصلين منه لان ادم احسن من غيره هم كلهم شاخطين كفيلج الله
متعرفيهم شيردون
فهذا ابو نسوان يرادله شطاره منج

- هم كالت انتي لج يابه شوفيلج غير طريقه اقنعه

- يابه
وتحجي بنتره
وناشفه ويا وتريده يموت عليها دحمدي ربج مافسخ هو

- هيج صارت.

- لج حبيبتي هذا تلكي عارف بنات اشكال والوان
وكل وحده لسانها ينكط عسل وتتدلع
وانتي تجين بطارف خشمج تكلمي

- يعني شلون هسه اني ماريد اتنازل

- لا لتتنازلين راح يزيد

-ولج لعد شسوي

- خليها لسميره تهدأ الاجواء بينكم

- ميقبل ادخلها

- سوي نفسج مريضه وخل تدخل واستغلي هالامور وتدللي عليه

- ماشي رباب راح اخذ بنصايحج

قد تظن انك نجوت لكن تكتشف انك ستدخل دوامة جديده

#يسعد_اوقاتكم_بكل_خير
#توقعات_الابراج_ليوم_الخميس_والله_اعلم

#الحمل
مهنياً: أفكارك مشوشة اليوم ولا تعرف كيف تتخذ القرارات المناسبة، لكنك لن تقدم على العشوائي منها
عاطفياً: تتراجع الضغوط وتعود المياه إلى مجاريها الطبيعية لتعيش يوم عسلٍ مع الحبيب مفعماً عاطفة وسعادة
صحياً: العناية بالصحة تحتل الأهمية الكبرى في شؤونك ومشاغلك، وهذا ما يحسدك عليه الآخرون

#الثور
مهنياً: تستقطب الاهتمام والتأييد في هذا اليوم المهم جدا الذي يعدك بالنجاح والأرباح وبمعطيات جيدة وبتسهيلات لمشاريعك
عاطفياً: إذا كنت ترغب في الزواج فهنيئاً لك شرط اختيار يوم يلي تاريخ ميلادك ولا يسبقه
صحياً: تتمتع بالحيوية والنشاط ويخيفك المرض وترفض أن ترقد طويلاً في الفراش

#الجوزاء

مهنياً: وجود القمر في الميزان والشمس في الدلو يسهل عليك التواصل مع الآخرين ويفتح بعض الطرقات المسدودة، فتتحسّن الأوضاع وترتفع قدراتك للتكيف مع كل الأمور
عاطفياً: كن صبوراً وعاقلاً لأن الأجواء تتحسّن اليوم وتعود اليك الحماسة وتستعيد تفاؤلك باستمرارية العلاقة
صحياً: معروف عنك أنك تحب الرياضة وهذا اليوم تتبع الاتجاه إذ ترى نفسك تواقاً إلى الحركة والنشاط

#السرطان
مهنياً: يدعوك هذا اليوم إلى العمل بتكتّم وسرية، والاستفادة من بعض الفرص الجديدة من دون المجاهرة بشيء
عاطفياً: قد تشكو خفة مشاعر الحبيب تجاهك أو عدم اكتراثه لتلبية مطالبك، لكنه لن يستمر على هذه الحال طويلاً
صحياً: حيويتك ونشاطك يوقعانك أحياناص في توترات عصبية لن تؤثر في حياتك

#الاسد
مهنياً: تحاول الحصول على كلمة حاسمة أو توقيع معاهدة معيّنة أو بدء مشروع ما
عاطفياً: إحذر التسرع في إطلاق الاحكام على الشريك، يجب أن تأخذ بعين الاعتبار أن جوّك الخاص ليس صافياً
صحياً: نقاط ضعفك صحياً الرأس والأسنان والحساسية التي غالباً ما يكون مصدرها التوترات العصبية

#العذراء
مهنياً: القمر في البيت الثاني يحمل ارباحا مالية ويحمل ذكريات وحنيناً ولقاءات مؤثرة أو يشير إلى استرجاع الماضي ابتداء من اليوم
عاطفياً: قد تولد مشاعر حب جديدة وشديدة تتسبب ببعض التشنجات ربما او ببعض التحديات
صحياً: ارتفاع في الضغط لمن هم عرضة لذلك وفيما بعد تمدد عضلات القلب وعدم انتظام دقاته بفعل الإرهاق

#الميزان
مهنياً: انتقال القمر الى برجك يجعلك تنعم بأجواء جيدة وبشعور بالانتصار وتخوض تجارب كثيرة، وقد تحمل إليك الأيام المقبلة الأحلام والمشاعر العذبة
عاطفياً: تعيش أوقاتاً سعيدة إلى جانبه، وقد تساعده على حل مسألة تتعلّق بعائلته أو أحد أقربائه
صحياً: حذار الإرهاق! تلك هي المخاطر المتعلقة بارتجاجات اليوم

#العقرب
مهنياً: تعاكسك الأقدار وتتطلّب هدوءاً وترويّاً، بعيداً عن التحدّيات العقيمة، أنصحك بالحرص على سلامتك الشخصية والابتعاد عن العدائية
عاطفياً: تشعر بفتور الجوّ وتتسرع في إلقاء اللوم على الشريك عندما تتدهور الأمور أو تتسع الهوة بينكما
صحياً: تحب الطعام وهذا ما يسبب لك زيادة في الوزن فضلاً عن مشاكل صحية أخرى

#القوس
مهنياً: تساعدك الظروف على الاستعداد جيّداً وتوسيع مروحة البحث لتقدّم في النهاية عملاً ناجزاً ينال الإعجاب
عاطفياً: قد تعيش قصة عاطفية وتتمتع بأوقاتك، وقد تقع تحت سحر أحد الاشخاص الذي ينسيك ما حولك
صحياً: استهلاك الأدوية والمنومات والمهدئات أو المسكنات المختلفة والتدخين تشكل خطراً على صحتك

#الجدي
مهنياً: تعيش يوما متقلبا يحذّرك من ارتكاب بعض الأخطاء، ويطلب إليك التروّي وتحليل الأمور بهدوء
عاطفياً: تسلّط الضوء على قدراتك الانسانية ومدى استعدادك للتضامن مع الحبيب الذي بدوره يتجاوب معك مقدّماً الدعم والاهتمام والرعاية
صحياً: الإضطرابات الصحية التي قد تظهر اليوم يجب أخذها على محمل الجد، لأنها قد تصبح دائمة

#الدلو
مهنياً: المثلث الفلكي الهوائي يجعلك تعيش اوقاتاً مسلية وتفرح بلقاءات وجلسات مميزة، فلا تضيع فرصة التلاقي والتفاهم مع الآخرين، وخصوصاً بعدما كانت أفكارك مشوشة وغير متزنة
عاطفياً: عليك تسهيل الأمور والتخلّص من العقد بدل تأزيمها، واستدراك المواقف الحرجة والإسراع إلى المعالجة وتلطيف الأجواء بدلاً عن إثارة الفتن والخلافات
صحياً: كثرة الإرهاق تكون عواقبه وخيمة عليك، فإذا قسوت على نفسك سوف تنهار

#الحوت
مهنياً: لا أجد في سمائك تنافراً ولهذا السبب أشجعك على أخذ المبادرة والسير قدماً نحو الافضل حتى لو اصطدمت أحياناً ببعض العوائق
عاطفياً: أدعوك إلى استغلال الجوّ الهادئ لتلغي بعض الارتباطات الخارجية، ولتبقى إلى جانب الحبيب بغية تقريب المسافة بينكما
صحياً: أنت في صراع مع ذاتك وفي سباق مع الوقت، وضعت لنفسك أهدافاً عالية وتبذل كل جهدك وأقصى طاقة ممكنة لبلوغها

#فقرة_شعر
دباعوله...!!
هوى عذيبي لو طخ الجلد كزبر..🍃

هِب علية
الدنيا ماتسوالهـا ديرة وجـه
يـعذيبي هِـب 🌸💛
.
.
.

يسمر من تغث الروح
ارضه بچلمه وبشبگه ..🎵

#يسعد_اوقاتكم_بكل_خير
#توقعات_الابراج_ليوم_الجمعة_والله_اعلم

#الحمل
مهنياً: يسعى أحدهم لتوريطك في صفقات مشبوهة أو ربّما إثارة الشكوك بشأن كفاءتك، لا تقلق!
عاطفياً: تظهر بعض الغيوم الداكنة التي تستفز المواقف وتدفع إلى الخلاف ولا سيما في الأيام المقبلة
صحياً: أحذرك من الافراط في الاتكال على قوتك وطاقتك وأنصحك أن تعرف قدرتك على الاحتمال فلا تتجاوزها

#الثور
مهنياً: يتحدث هذا اليوم عن فرص جديدة في طريقها إليك، ولا سيما على الصعيد الشخصي
عاطفياً: لا ترفض التساهل أو التخلّي عن رأي معيّن لئلا تصطدم الآراء وتعلو نبرة الصوت وحدة النقاش
صحياً: عليك منح ذاتك أوقاتاً من الراحة تعيد إليك صفاء الذهن والقوة البدنية

#الجوزاء
مهنياً: يجعلك هذا اليوم أكثر تكيفاً مع الأجواء ومع تبدّل الظروف التي تحيط بك وتفرض عليك نمطاً جديداً من التصرف
عاطفياً: تكتسب جاذبية كبيرة وقد تبرع في مهمة عاطفية أو تسمع كلام الحب والغرام
صحياً: توعكات غير مؤلمة قد تتطور بشكل سلبي بدون استرعاء الانتباه لكنها لا تكون خطيرة

#السرطان
مهنياً: اعتمد الهدوء والموضوعية كأساس لأي مشروع ولا تنفعل عند أول مبادرة استفزازية
عاطفياً: قد يسامحك الحبيب على تصرّفك الطائش ولا سيّما إذا كان يدرك تمامًا طيبة قلبك ونياتك الحسنة
صحياً: إعمد إلى الابتعاد قليلاً عن محيطك المعتاد المهني والعائلي وقم بممارسة نشاطات بدنية متوسطة القوة

#الاسد
مهنياً: حتى لو عاكستك الظروف ثابر وكرّر المحاولات البنّاءة، تذكّر أنّه يوم جميل ولا يجوز ضرب طموحاتك وآمالك عرض الحائط
عاطفياً: أحزم أمرك وأقدم على مشروع الارتباط، اليوم مناسب، وأوضاعك المادية على أفضل ما يرام، والشريك بانتظار الكلمة النهائية منك
صحياً: انتفاخ في الإمعاء، عسر هضم، السبب إفراطك في تناول الطعام، لكن العلاج موجود

#العذراء
مهنياً: يوم ايجابي وناجح تلاحق فيه بعض الافكار والاهداف وربما تتعدّد الاتجاهات، انتبه لوارداتك واموالك
عاطفياً: حلم جديد يرافق السعادة مع الشريك، فحاول أن تستفيد من الفرص المتاحة للتقدم في العلاقة خطوات إضافية
صحياً: إنتبه لصحتك وتجنب التعرض للبرد أو الأضواء القوية ولا تقم بمجهود غير اعتيادي

#الميزان
مهنياً: يسود جو من الفرحة العامرة محيط العمل بعد النجاح المذهل الذي حققته في أحد المشاريع الكبيرة
عاطفياً: اسعَ وراء الافكار الخلاقة والعلاقة الواضحة، فهي وحدها تأتيك بالثمار الطيبة
صحياً: خفف من تناول المقالي بعدما تبين أنك مصاب بالكوليسترول

#العقرب
مهنياً: لا تستلم للضغوط فهي قد تكون قاسية، ولا تلجأ إلى أيّ وسيلة ملتوية لئلا تعاقب بشدّة
عاطفياً: هذا اليوم يهبك الحيوية ويزيد من جاذبيتك، إذ تسمح لك الظروف بالتمتع بلحظات سعيدة مع الحبيب، فلا تضيّع عليك فرصة التقارب
صحياً: أمراض القلب هي الخطر المحدق بك، فإذا عرفت كيف تريح نفسك أبعدت عنك هذا الشبح

#القوس
مهنياً: أمامك فرص مهنية جديدة غير معلنة، وتحتاج في هذا الوقت إلى التسامح والصبر والتروي والابتعاد عن البدء بجديد
عاطفياً: قد يطرأ عنصر من الماضي يبدّل بعض المعطيات والخطط المقررة لبناء المستقبل مع الشريك
صحياً: أبشرك بوضع صحي مستقر نتيجة الراحة التي حصلت عليها أخيراً

#الجدي
مهنياً: إحذر العناد والمواقف العدائية والخلافات، وابتعد عن فرض الرأي وتشويه السمعة
عاطفياً: عليك معاملة الشريك بالطريقة التي يستحقها، وخصوصاً إذا كنت مقتنعاً بخطواتك المستقبلية تجاهه
صحياً: توصيات الطبيب لا تزال مفروضة، سواء أكنت في عطلة أم في العمل

#الدلو
مهنياً: يفسح لك هذا اليوم في المجال أمام فرص للحل والانخراط في بعض المشاريع الواعدة والمربحة
عاطفياً: لا تثق بالشريك، لماذا؟ هل السبب هو تجاربك السابقة التي علمتك الحذر حتى من اقرب المقربين؟
صحياً: تواظب على ما بدأته على صعيد الريجيم وتتحسن تدريجياً وتستعيد رشاقتك

#الحوت
مهنياً: يزودك هذا اليوم حماسة شديدة واندفاعاً وينهي حالة من الانقباض والتعب والتكاسل
عاطفياً: التفاهم مع الشريك يشكّل ضمانا للحاضر والمستقبل ولبناء الثقة بينكما
صحياً: أنت ميّال إلى المشاريع الترفيهية التي تبعد عنك الهموم، فاختر أحدها وتشارك به مع المقربين

#فقرة_شعر
هِب علية
الدنيا ماتسوالهـا ديرة وجـه
يـعذيبي هِـب 🌸💛
.
.
.