#فقرة_هل_تعلم
‏أقوى عامل لبناء الذات هو :
" مراقبة الله "

و أقوى عامل لهدم الذات هو :
" مراقبة الناس "

#قصة_عراقيه

الحلقه الرابعه والعشروون



بقيت الوب بعد ماطلعو الولد بسياراتهم
افكر شلون لو خطف بنت القبرص وجابها
اكيد حياخذها للمزرعه والله اعلم ماعنده هناك هم
والا وين كان مختفي
متت الوب اروح واجي بالغرفه
حايره شسوي

ثاني يوم رجعو وياهم بنت القبرص مجتفيها ومعصبين عينها

كالهم الحجي خلوها يم مريم

- فكوها وجابوها للبيت
مبين الضرغام خاطفها لان هو فكها بيده
واخذها بااتجاه بيتي لما قرب يوصل كلت راح يجي وراح اكلمه واكله الي تقترب منك اقتلها
بس لما قرب يوصل صاح لسعدي مثل الي تذكر بيه

سعدييييي

- كول يالضرغام

- اخذها يم هاي ويأشر على البيت

- عزززه يعني حتى مايطيق يذكر اسمي لهدرجه كارهني

راح هو يم ابو غضب كعد اجت البنيه واسمع سعدي يحاجيني واني عيني على ضرغام مقهوره اباوعله بس هو حتى ولا يباوع لبيتنه
احس يدري داشوفه من شباك المطبخ

بعدين انتبهت لسعدي وهو يكلي
هييييييييي

مو داحجي وياج

- نترت شرايددد

- هاي عينج عليها

- طفرت من مكاني واجيت بااتجاهم واني نار صايره
اريد احد حتى اذب حركة گلبي بي

- واني شعليه خدامه اني هنا

هااااا

خدامه

- لج بابا هذا شغل ساعدينه

- وهي واكفه تباوع وعادي ولاخايفه عبالك معلمه على هاي الاجواء

- باوعتها حنطاويه شعر طويل سرح ناعمه عيونها كبار صفر رغم اني حلوه بس حسيتها هي اجمل وملكة جمال وغرت منها بودي احركها

صرت الوب وزادت النار الي بصدري

تكلمت

- طلعيني منا

- باوعتلها
شنو عيني

- طلعيني

- والله لو عليه اطلعج بس هاي حالي من حالج

- بابا اذا عرف مستحيل يخليكم تعيشون

- ماشي عيني عود كليله للبابا هه

مشيت وعفتها مجنت اطيق احجي وياها

للظهر جابو الغده وجابه بيده الضرغام سمعته صاح على سعدي يودي النه






طلعت اركض ردت الحك بي واكلمه لكن هو عبالك يدري راح اجي خله الاكل على عتبة باب المطبخ وراح

لحكت عليه وهو ناطي ضهره

ضرغام ضرغام

مارد كمل طريقه

اخذت الاكل جان دجاج على تمن

استغربت شعجب مو عوايد الحجي هيج

سعدي كال

لتستغربين عيني نسيتي هو والضرغام هالفتره بالمنطقه

اخذته ورحت وديته جانت هي مدده اول ماجبته خليته على الميز كالت بااسفزاز

خلي يمي

-كومي انتي اخذي

- جيبي مابيه حيل اكوم

- واني هم مابيه حيل

- كامت عليه تتنتر
للللجحجج اشو انتي شدز تحاجيني معلك

- احد كلج خدامه اشتغل

- لعد ماليش خلوني يمج وبعدين تعرفين اني منو

- منو

- اني سعااااد بنت القبرص تاج روسهم لذولي البره
الي بابا اكيد حيجي يحررني ويسحك روسهم بقن***

- ديله بيبي ديله فشي ريشاتج وروحي جيبي ماعونج وااكلي

- منو تفش ريشاتها اني

- اي انتي

- الضاهر عوزج تتربين انتي
جرتني من شعري حيل وضربتني راشدي

انتي تضربيني اليوم انيييييييييي اعلمجججججج
واني منا دمي فايررر عليها ورديتلها الضربه
وهي هم ردت
صارت وحده تضرب الثانيه تعاركنه بالاخير كامت تصرخ

الحكولييييييي هذه رااااح تموتنييييي
بابااااا

اجه حمزه يركض سحبني منها

هاي شجاي تسوون مو عيب عليجن

- هي ضربتني على شنو اسكتلها

- واالله انتي نهايتج كربت مريم

- شوف منو يحجي هذا الثاني دمشي بابا

- اشو مو بعينج احد ولج

- برجلي انت مو بعيني

- اني برجلج ياابنت الكل**
نزل عليه ضرب كمت اصرخ فات ابو غضب على صراخي وبعد حمزه عني بهل الاثناء شفت الضرغام فات

- هاي شكو شصاير ( حجاها بدون مايباوعلي موجه نضره لسعاد ولحمزه)

- سعاد اول ماشافته اجت عليه خلت ايد على ايد وعلى كتفه الايسر بدلال تتصرف

عفيه طلعوها لهاي تره مبقت حلوه مااغارت منهه وضربتها شوف شسوت بشعري شوف وجهي

هو واكف يباوعلها






سعاد:- همست يم اذنه هو انت شسمك

- باوع لبو غضب رافع تك حاحب كوه لازم ضحكته من كالت هيج وهي تتصرف بتدلع

- شسمك انت

- ضرغام

- فدوه وفداوي رحت اني

- باوع لحمزه وكاله
حمزززه صغير انت حتى جاي تتعارك وي النسوان مو عيب عليك

سعاد:- هو انت الي دزيت الولد يخطفوني مو

- مارد عليها وكمل كلامه وي حمزه

حمزه:- اجيت افكهن جانن يتعاركن نوب ابتليت
هاي
هاي مريم لسانها شطوله

كامت تغلط عليه
رغم حمزه وجه الكلام عليَّ بس ضرغام ولا باوعلي

كمل كلامه وكال
حمزه امشينه نطلع عوف النسوان وبلاويهم

طلع وراه ابو غضب
وحمزه التفت الي كالي صبريلي بهمس حتى الضرغام مانتبه

طلعو واني وسعاد ماوحده طاقت الثانيه

لليل سمعت الضرغام يحجي بصوت
طلعت اركض حتى اشوف شكو

شفته دايخابر بالتليفون والحجي يمه واكف مخلي ايداناته على خاصرته ويهز براسه وي كل كلمه يكولها الضرغام بمعنى اي
يمه ابو غضب ومناف

- الك مهله منا ليومين اذا ميرجعون الجهال بنتك تحلم تشوفها

- ايييييي هذا العندي

حسابنه ثكل يالقبرص كلش ثكل
وسده بوجه

الحجي
ها شكلك

-يكلي انتو بديتوها للنار وانتو راح تحتركون بيها

- والعمل ضرغام القبرص قوي منكدرله

- حجي نكدرلو بس وحده وحده لتنسه لمنو ماخذين احنه

- ضرغام هاي السالفه مخوفتني قبرص مينلعب ويا

- افا وانت هيج نهزيت منو

- نسيت منو فوتكم للسجن الحوت شلون تورط هااا

- لعد ليش متقصدو لازم انتقم

- م م ماعرف هاي انت حلها

-ماشي حجي خليها يمي

شويه وطلع الحجي
حسيت بخوفه القبرص يخوف شلون هيج ندكو بي
ثاني يوم الظهر

توه يطلع الضرغام صعد دراجته صاحت سعاد

ضرغام فدوه

- باوعلها من دون كلام

- عفيه اني مدااطيق ابقه وي هاي وبده ينصه صوتها
وكانت قريبه منه كلش

طلعت اني من البيت وكفت كبالهم بحيث هي ضهرها الي وهو صاير بوجهي باوعلي لثواني ورجع باوعلها
وهي تكلمه






اني كمت اتفركس مخوصره ايدي الاثنين واكفه اباوعلهم بغضب

هي تقدمت عليه طبعت قبله على خده
هو مباشرة باوعلي واني عفتهم ومشيت متحملت لان احس راح انفجر

شويه واجت

كالت اوي راح اخلص منج يمه يمه ولاتنجرعين

- اخذيلج سفن

- لا عمري راح اروح لبيته كلي تعالي عندي

- منو

- ضرغام

كمت طلعت ردت الكاه حتى صدك هالمره مااسكت بس مالكيته طلع

رجعت للبيت وصرت اروح واجي حموووت

وانتضر ماكو لليل وماكو ثاني يوم ومااجه
مرت ٣ ايام وهو ماكو

اشتفيت ب سعاد الي حولت لبيته وهو اساسا ماموجود وقافل غرفته الخاصه
سمعتها وهي تحاجي ابو غضب بصوت

ليش قافلها لغرفته وليش مااجه

- وشرايده منه يمه

- ماعليك انت

- روحي يحلوه روحي

شفتها اجت بااتجاه البيت كالت

- هذا هيج على طول يطلع؟

-منو

-هذا الي اسمه ضرغام

- لا
وهاي اول مره يسويها

- هاااا افتهمتج
ابقه هنا احسن

مابيها ساعتين وصار رمي مو طبيعي منعرف منين يجي الرصاص كمنه نصرخ
واني مخليه ايدي على اذني واصرخ

صار رمي من داخل المنطقه هم واسمع ابو غضب يكلهم لتنطوهم مجاال يولددددددد

شويه وسمعت صوت سيارات فاتت
صوت الحجي يوجه الولد
عرفت اجه من الصفحه الثانيه

صارت صياحات بالمنطقه
وهوسه فضيعه و ي هوسة الرصاص
سعاد صاحت وهي ساده اذنها

دنكي لاتجيج طلقه

- دنكنه ثنينه سويه ومنعرف بره شكو منو مات منو عايش منعرف بس صوت رمي وصياحات زلم

خفت كلش بوقتها
جسمي كله يرجف ايدي رجلي مثلجه
بالي صار يم الضرغام وليو خفت لا صار بيهم شي

شويه وهدأ صوت الرصاص

ماعرف شنو الصار

كمت بعد ماهدأ صوت الرصاص اشوف شكو

دددمم صاير بكل مكان تقريبا

٤ من زلم الحجي ميتين

طلعت ادور على ليو والضرغام

على صوتهم مشيت جانو بيت ابو غضب ملتمين وهوسه

سعدي وستار وابو راهب
جرحى
جان واحد منهم اسمه صكبان جرحى عميق بحيث ينزف من كل مكان
شفت ليو واكف يباوعلهم همست على ليو






ليوو

باوعلي

اشرت باايدي تعال

اجه كال
ها شرايده

- شصار شنو هذا الرمي

- القبرص دز رجاله

- الضرغام وين

- محد يدري الحجي كلب الدنيا

- صاح بيه الحجي واني جنت احجي

شطلعجج انتييييي

اجه عليه فاير

مو ناقصني خلكج ابددددد فوتي جوووووه ( بصياح)

ولكم خابرولي على هذا الك....

وين رااااح هذا ويييين يختفيييييييي

رجعت للبيت اركض طمنت مو ياهم وليو مابي شي

لكيت سعاده مخليه رجل على رجل وتغني وتلعب بخصلة شعرها

- باوعتلها تعجبت شنو من بشر هذه

- شبيج تباوعيلي

- اتعجب بيج

- هه لازم جديده على هيج شغلات

- ربيت وياهم مو اول مره

- لعد على شنو متأثره هيج

- بس مو شي عادي

- بالنسبه الي عادي

- شايفه هيج امور

- يوميه تقريبا هه

- جنتي عايشه ويا شنو

- غير بابا شلون ماعايشه ويا

- وشلون لعد خطفوج

- حبيبتي عايشه ويا وبقصر هم وبي حمايه
وخطفوني

- مفتهمتج

- اني عايشه وي بابا القبرص
بابا بااشاره يحجي مو بلسان
شايفه مشاهد موت هواي
جان الي يخالفه برصاصه يرد عليه
يوميه مطلعين واحد ميت وبابا الي كاتله
جنت طفله اخاف بعدين تعودت

- مكتيلي شلون لعد خطفوج اذا بيتكم بي حمايه

- نايمه ماشفت الا ضرغام فوك راسي
عرفته من عيونه هو
جان ملثم اول ماردت اصرخ
خله قطعة قماش على خشمي وماحسيت بشي
الا واني بالطريق وصوتهم وهم يحجون

-لك ذيب انت شلون هيج خطفتها

- ماتعصيني شغله لعبتي هاي

- ضرغام انت تخوف

- ههههه

سمعته ضحك عرفته هو وتأكدت من صوته

- ليش احسج مو مهتمه انه نخطفتي

- يمكن نزهه اطلع من سجن بابا

- يعني

- مريم وان كنت عايشه بقصر ومدلله بس اني مو سعيده
اني بسجن عايشه






ممنوع اطلع
ممنوع اتكلم
ممنوع اكل بالوقت الي يعجبني
او اتمشى بالحديقه الواسعه شوكت مايعجبني
بابا يطلع الغرفه تنقفل عليه
سجن ختنكت طكيت

- امج اختج اخ ماعندج

- امي ميته اخوه ثنين عندي وي بابا يشتغلون اني بنته الوحيده

- لهسبب خطفوج

- اريد اكون قريبه من الضرغام واريدج تساعديني

- فزيت من كالتلي هيج
شلون يعني
شتردين منه

- واحد مثله هو يليق يكون زوجي
شخصيته اكثر من راىعه
اني لحد الان مستغربه شلون كدر يتسلل ويفوت لغرفتي ومحد انتبه
هيج واحد يكدرله لبابا

- تردي زوج الج

- اي نزوج ونواجه بابا بالحقيقه مايهمني

- وشنو المطلوب مني

- تساعديني

- بشنو مثلا

- خليني اكون قريبه منه هو يتهرب مني

- هزيت براسي بمعنى اي
شنو كتيله من جان على دراجته قبل لايطلع

- ردت اكعد بيته ماقبل بالبدايه بعدين كتله مريم مو طايقتني وطردتني
كالي تعالي بيتي

وشلون دكليله هيج عليه هو اني طردتج

- ردت اكون قريبه منه

- ماكالج شي ثاني

- لا مكالي شي
فدوه اريدج ترتبيها انتي

كتلها اي
بس نار وشبت بيه ماعرف شسوي وشنو ارد
وهو موتني هو
ماكو

اختفاءه جان يهدلي نص حيلي خايفه لاعنده وحده بالمزرعه

شلون لو طلع يعرف وحده وهي سبب اختفاءه
حتى لمن جنه بالمزرعه جان يختفي وماعرف وين يروح
متأكده عنده غيري
ضرغام مو يمي
باله تفكيره مو وياي واني
اني تعلقت بي لاجل مصير مجهول
تذكرت مره لمن اجه للمزرعه
جان الوقت متأخر
سألته ضرغام وين جنت

باوعلي متحير سكت

عدتها للمره الثانيه

وين جنت انت ليش ماعرف وين تروح
منو عندك تروحله الحجي مصار شي من اجيت من عنده

- لاتسألين مريم ماحب هيج اسأله

- عايشه وياك من حقي

- وشفتي مني شي اذيتج انه

- بس كلي وين تروح

- باوعلي لدقاىق بعدين كال
لاتتعلقين بشي مو ألج حتى هذا گلبج مايأذيج بعدين

وعافني ومشى

شنو جان يقصد من هذا كلامه
شنو معنى مو الج
معناها هو لغيري او عنده غيري






الغريب ثاني يوم سمعت الحجي يتعارك وي ابو غضب

ولك شلون ماكلك وين هوووو

كل مره يكلك

هلمره وييييييين

- مادري حجي ماكلي

- دورتو زين بالمزرعه

- دورنه حتى الفرس ماكو مختفي

- شنو سالفته وين راح

- بس لانسجن

- والمهره تنسجن هم ويا غبي انت غبييييي

- لعد شلون فهمني

- الضرغام اذا ميكلي وين دايختفي طلقه براسه وارتاح من مصايبه
ذب البلوه وراح
هسه شحصخم وي هذا القبرص ورطني ويا

من كالو ماكو بالمزرعه وسمسمه ماكو
تساىلت وين راح
شنو ممكن صار ويا حتى هيج اختفى

ليش حسيته ورطه للحجي وعافه

غريـــــــــــــــب......

سديَم......

ادم- يااني ياصديقاتج سديم صديقاتج تتركيهم

سديم - ادم انت مو من حقك تخيرني هيج خيار

- اني لو صديقاتج

- مو من حقك

- شوفي سديَم اني اكره مااكره المره الي تعاند
وايرد اشوف بيج شي يخليني احبج مداالكه
كله عناد بعناد اذا تبقين هيج مستحيل نستمر

- تهدد لو شنو

- شتعتبري اعتبري
بنات مو زينات امنعج متماشيهن تكليلي اي

- وشلون عرفتهن بالله

- هند خانم مو ضاحك عليها هذا الولد الي وياها بالكليه

-اصفريت وتلكأت معرفت شجاوبه
كلت باارتباك

ا ا انت شلون عرفت
م م ماكو مستحيل

-خاف عبالج من تزوجت جيتت على عمى عيني لج گلبتج گلاب نبشت الماضي والحاضر انتي وصديقاتج وبيت خوالج يله تزوجتج

- بس انت مباشرة كتلي ع الزواج

- جنت مخليج بالي ك زوجه بس مااجت فرصتها
عموما هذا مو موضوعنه
الي تسلم نفسه لواحد هذه شنو
هاااا شنو ست

- بالله
وجاي تسألني إلي هذا السؤال إسأل نفسك

- شسأل

- انت من وحده لوحده

-بالتالي المن تزوجت

- وشعرفك بيه جوز عندي مااضي وي غيرك

- ماعندج شي لو مامليت ايدي منج مااخذج

-ليش سألت بيت خالي نسيت اني عايشه وي ولد خالي وثنينهم زلم يمكن عندي شي وي واحد منهم والضروف جبرتني اتزوجك






- من كتله هيج انذهل رفع ثنين حواجبه بذهول وكأنه مثل شي جان مو باله وخليته باله
ردت اوضحله شي بس گلبتها عليه
تلافيت الموضوع مباشرة وكتله
لاتحكم بكلام الناس
الي ماضيها وياك افضل من وي غيرك
هذا مبدأك غلط
هيج تتعب
بنات الناس مو لعبه

- وهو احسه راح بغير عالم صفن وسرح بتفكيره

همس
- عندج شي وي واحد منهم
كولي لاتجبرج الظروف اني هم حقي اعرف

- ارتبكت وتعركت من كثر الارتباك كتله
لا بس اضربلك مثل انه غلط هيج تفكر

- كال بتفهم
لا لا جديات سديَم اذا تحبين واحد منهم اني مستحيل اقف عارض بينكم وبالنسبه للفلوس اعتبريها ولا شي

- ادم لا صدكني جاي اضربلك مثل تره مااقصد

- والله

-والله

- حلفتي انتي بعد واني مااريد ادخل بخطيتج

وصلنه لمطعم ونزلت ويا من دون اي كلام او تعليق مني
طلب الغده صرنه نسولف بس احسه يجامل
واكو شي بداخله زعجه
ومتأكده كلامي الاخير

حاولت اطلعه من هالتفكير وصرت اسولف شغلات منا ومنا مثلا شنو احب اكلات شنو مااحبها
واسأله هو شنو يحب اكلات وهيج امور تعارف عادي كأي ثنين مخطوبين وحابين يعرفون تفاصيل عن شريك الحياة حتى يعرفون شلون يبدون حياتهم
تغديت ولما شبعت ردت اغسل كالي

- وييييين سديم شكلتي

- شبعت ادم

- لا ااكلي بعد اسمني شويه فدوه

- احب جسمي هيج مااحب اسمن

- لج افتهمي اني اتخبل من المعصعصات اسمني لخاطر الكعبه

- اشو انت عكس الشباب

- مو اقصد سمن بخربطه كرش ٤ طبكات اقصد سمن بسيط تفتهمين لو اشرحها بالقلم العريض
تره عادي عندي احجيبس مراعيج انتي ومااحب احجي فشك

- فشك!

- متعرف شنو فشك ههههه يعني طك بطك بدون رسميات

- هاا

- هسه ماعلينه شوكت يجيني الحلو لمكتبي

- قصدك اشتغل

- غمز كال اي لو هو اكو شي غير الشغل

- ارتبكت و صرت اتهرب بنظراتي
حجيت كلمه مو مكانها ابد وهو مباشرة خله جواها خط وقصد غير شي
باجر اجي

-ليش مو اليوم

- باوعتله بنظرة ترجي
ادم فدوه رباب نخطبت وراح تجي هم تاخذلها كم شغله منا لتحرجني فدوه

- انتي شلون هيج تتفقين وياها
سديم انتي بحكم رجال هسه

- عديها هالمره والجايات كله برضاك






- عجبتني هاي كله برضاك هههه يله لخاطر هاي عيونج الحلوات الي ذوبتني بنظراتها راح اخليج تروحين وهاج هاي فلوس خاف يعجبج شي
وانتو طالعات

- لا عندي شكرا

- من امد ايدي حتى انطيج لاترجعيها اخذيها رجلج اني هسه

- اخذتها بس كلش خجلت مامتعوده

- تنهد وكال
غيرج هن يطالبن بفلوس
انتي احق منهن هسه
احسن ماتستهويني وحده واروح وياها وانطيها فلوس

- ليش هم الك نيه تطلع وي بنات

- لاااا هسه خطبت اصير عاقل

- اتبسمت بمنونيه وهو تكلم

نروح؟

-اوك

- طلعنه من المطعم وصعديت ويا بسياره حتى يوصلني

- قبل. لاانزل للشقه كالي

بوستي وين

- شنو

- شبيج فزيتي نطيني بوسه قبل لاتنزلين

- لا عفيه ادم اني استحي بلا هاي السوالف وقلة الادب

- هههههههههههه ضحك بصوت عالي
هاي السوالف قليلة ادب ههههههه هو انتي شفتي ههههههه

- هاي ليش هيج تضحك

- على حجايتج

- ليش حجيت شي غلط

- مو انتي تكولين بلا قلة ادب
واني اموت على قلة الادب

- هاي شنو ادم لتزعلني منك

- يعني هسه متقبلين تبوسيني

- طبعا لا

- سديم فكري

- كتلك لاااا

- بكيفج بعد حرامات جان نطيتج الهديه بس حنطيها لغيرج لان غيرج مو بس تنطيني بوسه تدللني هم

- ادم ليش هيج تحجي شنو غيرج انت مو خطبتني بعد علاقاتك كلها تعوفها

- غير اشوفج تدلليني يله اعوفها
هن يدللني ليش اعوفهن

- خل ناخذ على بعض اكثر

- حبيت جو السبعينات هذا ايام الزمن الجميل
استمري

- تصنف

- لا وعيونج اصلا هناك الحب الحقيقي

- لعد الي بينه شنو

- الي بينه ( جر نفس عض شفته)
الي بينه بعدين تعرفي

- ادم حركاتك مو حلوه شنو هاي

- سديم بطلي تتنعوصين تره اضوج بكيفي اني

- بس انت كاعد وياي

- وان كان تصرفي مثلي اصلا افرح

- لا عيني قابل اني رجال

- حرنه وياج هسه شرايده






- ادم فدوه يعني خليني اعرفك اكثر كون جدي وياي انت كلشي ماخذه مزح وتريد ادخل وياك بالجو كبل الحياة مو هيج

- لعد شلون
نلطم بالبدايه وبعدين نكوم نضحك
سديم اعرفي طبعي اني هيج

- واني مو هيج
مافاهمتك لازم افهمك حتى نكون اسره نموذجيه

- الله يالنموذجيه حبيت

- ابقه صنف

- تعرفين انتي بمنو تذكريني
بجماعة النظارات المثقفين الي يوميه طالع برنامج ميناس السهيل ودك شكاوي من صبح
احنه الطبقه المثقفه واحنه الطبقه الراقيه مهمشه بالمجتمع
كيف حيكون مستقبل اولادنه
واطفالنه

يااخي شجبرك تزوج وتخلف بالعراق ومتكدر تعيش

- لعد انت شجبرك تزوج

- عيونج الحلوات ههههههه

- لا جد احجي جاوبني

- شوفي سديم كل لعب وراه بس
الي كدامج لعب وعرف اشكال والوان
عرفت بنات بكد شعر راسج
وعرفتهن وحده وحده
صدكيني البنيه بس اباوع بعيونها اعرفها هي شنو
اصلا مااتعب بهاي السالفه
كثر ماعرفت وعاشرت

- وحبيت؟

-سكت لثواني بعدين مارد على سؤالي كمل كلامه
كتلج اني كل لعب وراه بس
لازم اتزوج واستقر يكونون عندي اطفال وعاىله
مره تتلكاني من ارجع تعبان من الشغل
جنت مخلي بالي اتزوج بس مالكيت الي تناسبني لحد ماشفتج
من يوم الي شفتج وي سميره من اخذتها على عسل تتذكرين

- اي

- سألتج على الموبايل كلتي ماعندي موبايل تفاجأت
شلون وحده بعمرج ماعدها موبايل
لفتي انتباهي كلش بهاي السالفه
اجيتي بالي كم مره حتى مره اجيت للصالون متقصد اشوفج ماشفتج ويمكن سميره ضمتج عني صح؟

- صح

- اعرفها من حسيت هي محذرتج مني تأكدت انتي بعدج كلت هالبنيه ماعوفها
بس جان بالبدايه علاقه عابره صراحه غير مخليتج بالي زواج ردت حب وطلعات ونسه
ذبيتلج كم كلمه انتي مالكفتيها
سميره لكفتها وحجت عليه
شكلتلك

كالتلي....

سميره:- ادم عوفك من البنيه يتيمه هاي وجاي ع العيشه

- حلوه سمسم وتعرفيني اموت بالحلوات

- متفيدك البنيه خام كلشي متعرف

- مو هو اموت على هيج بنات

- عوفها ادم حرام عليك

- بداعتي سمسم عاجبتني

-كيكه هي وعاجبتك شوف ادم ثق بالله اذا تقربت منها وتحارشت بيها لاابن عمتي ولااعرفك
واخابر على ابوك واكله

- هيج صارت

- كتلك بنيه بريئه ويتيمه وماعدها عرفه بهل الامور

- خطبيليها

- اذا رضت اني اخربها عليك مو ادمي انت شرب ونسوان شلها بهيج واحد مثلك
البنيه صيام وصلاة تعوف الشغل وتوكف تصلي حتى لاتتأخر ١٠ دقايق عن الصلاة تقبل بيك انت وجهك مدايره على القبله

- ولج هي كرايبج لو اني

- ماعندي كرابه بهاي السالفه انسانه عندي ضمير وحرام عليه اورط بنيه يتيمه بواحد زير نساء

- بسيطه سميره

- ادم دااكلك اني عوفها للبنيه

- مضامنتها مو تعرفين اكدر اوكعها

- لان ماعدها سوابق لسانك المعسول هذا حتنخدع بي وحرام عليك تأذيها

- عفتها ومشيت بس كلامها اثر بيه حيل وعفتج شلتج من بالي ك علاقه
جنت متردد بين اخطب واستقر بين لا
كتلها اريد اعرفها

- كالتي خل هي تعرف حقيقتك ومااشيل ذنبها

- كتلها قابل احجيلها واكلها تزوجيني

- لحسن حظي اجت كليتج قريبه من شغلي
كتلها لسميره تشتغل يمي

- ماقبلت ابد وتعاركنه مره الثانيه من وراج لان هي دبرتلج شغل يم صالون هم وحده تعرفها هنا
بس تعاركنه وهددتها اذا تشتغل وياها احرك الصالون

- كالتلي اعقل ادم هاي مو اي وحده

- كتلها سميره احركه والله خليها تشتغل وياي
تعرفني مخبل وكلشي يطلع مني
فسكتت وكالت بكيفك
مشيناها على اساس اني دبرتلج شغل يمي واشتغلتي
اشياء حبيتها بيج واشياء لا بصراحه
حتى ترددت بين افكر بيج زواج او لا
بس ماعرف ليش بديت ابررلج عن اي تصرف ممكن تفهمي غلط
او مرات احاول اخفي امور عنج

- هذاك اليوم الي اخذت بي حبوب مانع حمل بالصيدليه

- ماجنت متوقع حتجين بهذيج اللحضه
لمن اخذته وطلعت ضجت حيل لان كدامج
حتى بيومها عفتها لصاحبتي مارحتلها

- زين ليش

- ماعرف يجوز حبيتج ويجوز لا
سديم اني ممتأكد من نفسي وماريد اوهمج بكذب
صدكيني كلامي كله بالوقت الحالي جد
اذا مكدرت احبج بالدرجه المطلوبه اعذريني
اعرف انتن البنات تدورن حب وهالامور
وخايف لا مااكدر اسعدج من صدك

- اذا تغير من نفسك اكيد حتكدر تسعدني

- ان شاء الله

ربما تعثرنا الطرق بمصلح يصلح حالنا
يلملم شتات روحنا
ينير عتمة دروبنا
فتمسك بذلك الذي اتاك منقذاً
لاتفلت يده خشية أن تعرفك الايام ماذا كان....

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنياً: تطوّرات كبيرة في حياتك المهنية، ومحطّات مهمة تساعدك على خلق فرص عمل أكبر من السابق
عاطفياً: عليك أن تصارح الشريك بكل الحقائق، لأنّ رد الفعل سيكون لمصلحتك مهما تعدّدت الآراء
صحياً: لا تتكاسل ولا تتقاعس عن القيام بما يخفف من إرهاق أعصابك ويريحك

#الثور
مهنياً: تعيش يوما متطلبا يركّز على الشؤون المهنية التي تصادف بعض التحديات
عاطفياً: تتوإلى عليك الأخبار الجميلة، وهذا يساعدك على توطيد علاقتك بالشريك بما يتناسب مع طموحاتكما
صحياً: تتمتع بصحة جيدة وبنفسية مرتاحة، ما ينعكس إيجاباً عليك وعلى المحيط

#الجوزاء
مهنياً: ما قد تقدم عليه في الأيام القليلة المقبلة تكون ثماره قد أينعت وتجني حصاداً كبيراً
عاطفياً: مهما ساءت الأحوال يبقى الشريك إلى جانبك، وستثبت لك الأيام المقبلة حقيقة مشاعره تجاهك
صحياً: من المستحسن توفير جهدك للقيام بالعمل المطلوب منك، وعدم التفريط فيه لأعمال سطحية

#السرطان
مهنياً: لا تتراجع أمام بعض العقبات الصغيرة التي يضعها الخصوم في وجهك، واجههم وتغلب على نياتهم السيئة
عاطفياً: اندفاع الشريك لإرضائك يورّطه في بعض المشكلات، لكنّ ذيول هذه المشكلات تكون عرضية
صحياً: لا ترهق نظرك في كثرة المطالعة، وخصوصاً في المساء، بل خذ قسطاً من الراحة

#الاسد
مهنياً: يخدمك الحدس الذي لن يخدعك، وتستفيد منه في العمل كما في الشؤون المادية، ويساعدك على اكتشاف أسباب بعض القلق أو الإحباط
عاطفياً: لا تدع الارتباك يسيطر عليك، لأنّ ذلك يدفعك إلى ارتكاب هفوات وأخطاء قد تكون مكلفة وغير مبرَّرة
صحياً: قم بخطوات حاسمة بشأن التقيد بالإرشادات الصحية المطلوب منك تطبيقها

#العذراء
مهنياً: الانطباع الذي كوّنته عن أحد الزملاء يكون ظالماً بحقه، وتكشف لك الأيّام مدى الخطأ الذي ارتكبته بحقه
عاطفياً: لا تضغط على الشريك فهو يبحث عن مبرّر، لذلك يستحسن استيعابه سريعاً
صحياً: لا تتردد في الاتصال بطبيب الأسنان وتحديد موعد معه للكشف على أسنانك

#الميزان
مهنياً: مؤشرات إيجابية كبيرة في عدد من المجالات، وهذا يكون لمصلحتك لتحسّن أوضاعك المالية والمهنية
عاطفياً: غيوم بسيطة تهدّد العلاقة بالشريك، لكنّ بعض الصبر يؤدّي حتماً إلى تصويب البوصلة مجدداً
صحياً: حاول التوفيق بين فترات العمل والفترات الضرورية للراحة والقيام بالتمارين الرياضية

#العقرب
مهنياً: قد تشكك في نيات بعض الزملاء، وتتخذ بعض الأمور أهمية كبرى بعدما أهملتها في السابق أو تجاهلتها وخصوصاً إذا تعلقت بشراكة معينة
عاطفياً: كن حاسماً في بعض الأمور ومتفهماً في بعضها الآخر، وخصوصاً أن الشريك لا يملك القدرة على مواجهتك بكل الوسائل
صحياً: إنتبه إلى ضغطك نتيجة العمل المرهق الذي تقوم به يومياً حتى وقت متأخر

#القوس
مهنياً: يوم واعد شرط التحرك باتجاه التسوية، تأكد من أوضاعك المالية، إدفع ما عليك ولا تتأخر، إذ قد تجد نفسك في نزاع بين الأرقام والتقارير التي يجب أن تقدمها
عاطفياً: قرارات حاسمة اتجاه الشريك، وتجد نفسك مضطراً إلى تحديد مسار الأمور في المستقبل القريب
صحياً: تباشر قريباً المشي مدة ساعة يومياً بعدما أدركت أنك بحاجة إلى ذلك

#الجدي
مهنياً: مهنياً: لا تتردّد في التعبير عن رأيك الصريح مهما يكن الثمن، فالقضية أصبحت معروفة وتحتاج إلى حل جذري
عاطفياً: حاول أن تعيش واقع الأمور مع الشريك كما هو، ولا تتردد في التعبير عن مشاعرك بصراحة
صحياً: بين التردد عن القيام بكل ما يعود على الصحة بالخير والكسل، الخيار لك وعليك وحدك تحمل النتائج

#الدلو
مهنياً: حين تعترضك المصاعب الكبيرة، فإنك تظهر قدرة فائقة وخارقة على التعامل مع الظروف كافة للخروج بأفضل النتائج
عاطفياً: تتلقى هدية ثمينة ورائعة من الشريك تسعدك وتشعرك بالحب الكبير الذي يكنه لك
صحياً: لا تدع الخمول يسيطر عليك، وكن حريصاً على صحتك هذه الفترة

#الحوت
مهنياً: يتحدث هذا اليوم عن فرص جديدة في المجال المهني، وقد يحمل اليك أخباراً تكون مشوّقة
عاطفياً: لا تخشَ مصارحة الشريك، وخصوصاً أنك تملك القدرة على المواجهة تحت أيّ ظرف من الظروف، وتكون النتيجة رائعة
صحياً: جدد نشاطك، واطرح على المقربين فكرة القيام برحلات ونزهات في الطبيعة للترفي

#فقرة_شعر
وكل صحاري الشوگ بية
تصير ديرة من الورد بـ شمة منك !

كون أول حياتي
الكبر والشيب.. !
واخر لحظه من عمري الطفوله..!!

🌸💛
.
هوه وين الگه مثلهم ، يا حسنهم
يا طبعهم
يا بخت ذيج الليالي الماتت بديرة فرعهم
.
.

#يسعد_اوقاتكم_بكل_خير
#توقعات_الابراج_ليوم_الاثنين_والله_اعلم

#الحمل
مهنياً: تمتاز بأفكار خلاقة جداً، وتكثّف اتصالاتك، وتكرّر المحاولات وتمارس جميع صلاحياتك
عاطفياً: يوم خالِ من الظروف الضاغطة، وتسود سماءك مع الشريك أجواء لطيفة ومشجّعة على التعبير عن عواطفك الدفينة
صحياً: قراراتك الصائبة صحياً تكون دافعاً إلى حث الآخرين على مجاراتك في كل ما تقوم به رياضياً

#الثور
مهنياً: إياك والتسرع في اتخاذ قرارات مصيرية، ولا سيما في هذا اليوم العصيب الذي تمر به، بل راجع حساباتك على الصعد كافة
عاطفياً: ما تقدم عليه اليوم يحفّزك جدًا ويجعل نجمك ساطعاً في نظر الحبيب، فيتحدث عنك أمام الناس مفاخراً بك
صحياً: حاول ألا تفقد السيطرة على الأمور، وهذا يفيدك في المحافظة على وضعك الصحي

#الجوزاء
مهنياً: تخوض تجربة مالية أو تكتشف شيئاً وتلتقي أفرقاء للمرة الأولى وتربح أموالاً وتنفتح أمامك آفاق، لذلك تشعر بالأمان
عاطفياً: لا تكن كثير العتاب والا ابتعد الحبيب عنك، الظروف متاحة امامك لتخطي الكثير من الحواجز التي أعاقت ملاقاته أو مصالحته
صحياً: يوم مهمّ للمشاركة في مختلف الأنشطة وعدم رفض تلبية الدعوات بغضّ النظر عن مضمونها

#السرطان
مهنياً: يحمل هذا اليوم فرصة مالية معينة ويشير إلى تحسن في أوضاعك المهنية مهم جداً
عاطفياً: أطلق العنان لتصرفات الحسنة لتحافظ على استقرار العلاقة واهتمام الحبيب أو مودته لك
صحياً: اندفاعك وحماستك يدفعانك إلى الطلب من الآخرين مشاركتك في ممارستك الرياضة اقتناعاً منك أنها خير علاج

#الاسد
مهنياً: مستقبل جيد يلوح في الأفق، لكن هنالك خطوات مهمة لم تكتمل بعد
عاطفياً: يفرض عليك الوضع تحفّظاً شديداً في حياتك العاطفية، كما يطلب منك احاطة نفسك بالأمان والشريك
صحياً: الضحك والمرح هما من أهم وسائل العيش لحياة أطول وأكثر إستقراراً

#العذراء
مهنياً: قد تبحث أوضاعاً مالية دقيقة، إحذر الغيرة الشديدة والتملكية، ولا تنقل هواجسك وشكوكك إلى الزملاء حتى لو تفاقم الوضع
عاطفياً: لا تحاول أن تبقي العلاقة سطحية او تكون عابرة وتصطدم بلقاءات أخرى وارتباطات ثابتة، فتعيش اضطراباً وصراعاً داخلياً
صحياً: لا تضخم المشكلات الصحية التي تعانيها، باستطاعتك التخلص منها إذا واظبت على ممارسة الرياضة

#الميزان
مهنياً: يبدو أن مزاجك مرتاح بعد النجاح الذي حققته في آخر مشاريعك، وأبعدك عمّن كنت على علاقة صداقة جيدة بهم
عاطفياً: تشتد حدة النقاش بينك وبين الشريك ثم تجدان مخرجاً لائقاً من الأوضاع التي تمران بها
صحياً: معدتك الحساسة توجب عليك الانتباه إلى نوعية الطعام والتخفيف من تلك التي تسبب لك مشكلات صحية

#العقرب
مهنياً: تستوعب ما حصل معك في الماضي، وتحافظ على مشاعر سريّة لا تبوح بها إلاّ لأحد الذين تثق بهم ثقة عمياء
عاطفياً: إحذر الانجرار وراء الأحاسيس والأفكار السلبية حتّى لو شعرت بتحدّيات، ولا تتسرّع في القاء اللوم على الحبيب
صحياً: لا تكن من أصحاب القرارات الضعيفة، ولا سيما حين يتعلق الأمر بوضعك الصحي

#القوس
مهنياً: قد تتحقق من أمر ما وتبحث عن حقيقة وتراقب ما يجري أو تقوم بمهمة معينة تتخذ بعداً كبيراً
عاطفياً: عليك تقديم بعض التنازلات أو إعادة النظر في بعض المواقف التي أثارت تحفّظ الحبيب أو استياءه
صحياً: الأجواء السلبية المحيطة بك تكون عاملاً أساسياً في تزايد الضغوط على حياتك

#الجدي
مهنياً: تتركز الأنظار على قدراتك الإبداعية في مجالك المهني، وتفوز بجوائز تقديراً لجهودك
عاطفياً: يوم ملائم لإعادة النظر في استمرارية عزوبيتك، وبانتظارك مرحلة مهمّة وديناميكة من حياتك العاطفية
صحياً: لا تضعف أمام المشكلات المهنية والعاطفية لئلا تؤثر سلباً في وضعك الصحي

#الدلو
مهنياً: تحاشَ التسرّع في الدفاع عن نفسك، فقد تتعرّض لظلم او قمع، لكنّ الجوّ السائد يسمح لك بمواجهة المسؤولين أو المنافسين
عاطفياً: حان الوقت للانفتاح على الشريك، فأنت تحظى بإعجابه وتلفت أنظاره وتعرف مكانتك في قلبه
صحياً: التقلبات التي قد تطرأ عليك قد تصيبك بخيبة أمل، وتبقيك في وضع صحي غير مطمئن بعض الشيء

#الحوت
مهنياً: قد تُتاح لك فرصة النجاح في مجال الإعلام والسياسة والكتابة والصحافة، وتحظى بمفاجأة سارّة وغير متوقّعة
عاطفياً: قد تتركز عليك أنظار الشريك بسبب غضب تظهره او استياء او عدم رضى عمّا يحصل معك، ثم تهدأ الأمور وتصبح على خير ما يرام
صحياً: مهما بلغ حجم المشاغل اليومية، يبقى أمامك بعض الوقت لممارسة الرياضة

#فقرة_شعر
فطر بالحايط وكل يوم .
بيه بخور ..
بس رغم الوجع شم
ريحتي اتخبل .

بعد ماحلف بعينك .
ولا اميزك بعد ع ناس
حالك حالهم ..
مايختلف طينك .

صار الليل ..
كلش مو حلو الليل
بعد ما چان وياك شحلاته

#فقرة_هل_تعلم
‏"لا شيء يبقى للأبد، هذا درس الحياة الأول."

#قصة_عراقيه


الحلقه الخامسه والعشرووون


سديم.....

صرت اركض هالمره فستاني نفسه بني بس ورداته اكبر نفس الطريق ونفس الخوف وماكو احد
غير الكلاب الي كل شويه تعترض طريقي واركض
هاجمني كلب كبير راد يعضني لكن رجل ضربه
لما ابوعله ردت اعرفه منو معرفته
مثل الظل الاسود صاير بهيئة رجل
مامبين شي غير منه لما خلصني مشى حتى يروح هو
صحت عليه
لاتروح
لاتعوفني
ابقه
بقيت بمكاني كاعده ماعرف ليش مكدرت اكوم
ايدي مادتها بااتجاها اريده يرجع وهو يمشي مايرد عليه
صرت اصيح
لاتروح
احتاجك اني
لتعوفني بهذا الدرب اظلم وموحش يخوف
حسيت على روحي
متعركه ورافعه ايدي اصيح نفس الي بالحلم
لاتروح
فزيت
باوعت اني بالغرفه بالشقه مو بدرب ولاحلم
ياربي هم رجعتلي هذه الكوابيس
صرت امسح بعركي
شربت مي خفت بوقتها كلش حتى الشقه صرت احسها مرعبه رحت لفراشي احاول اهدأ من نفسي
كلش اخاف من هذا الكابوس
زين شلون
ابقه هيج احلم
ليش هيج احلم معقوله يفسر زواجي
ليش رجعت لمن نخطبت لاادم
افكار مزعجه صارت تراودني

بقيت كاعده للصبح صليت الفجر ورجعت نمت الصبح الي المفروض اكعد
حسيت على ساعه ١١
كعدت بملل جان الحلم خانكني وخربلي واهسي لليوم
لفيت شعري بشكل كره صغيره ظهرت منه شعيرات صغيره نطتني مظهر عفوي
خلتني ابتسم رغم الكآبه الي تركها الي الحلم غسلت وجهي وسويت ريوك خفيف عباره عن جاي وقطعة كيكه ورحت للحمام سبحت وبدلت خليت ميك اب خفيف و رحت للشركه
كالعاده ادم اجه بعدي
ولااول مره سلامه يختلف عن كل مره
بااعتبار اول مره نلتقي بالشركه بعد مانخطبنه رسمي

- اول ماشافني تنهد بفرحه وكف
ااااالله شهل الكيك اويلي
شلون الحلو مالي

- اتبسمت بخجل ودنكت كتله بهمس يصاحبه صوت بسيط
ادم لتحجي هيج

- شحجيت شداكلج

- احنه بالشغل

- وان كان وشنو يعني

- عفيه ادم

- ههههه اويلي اموت عليج من تستحين

- دروح عاد مو والله مداعرف حتى شحجي

- اتبسم وراح للمكتب

جريت نفس بأريحيه
خجلت كلش

كعدت اكمل شغلي
سمعت صوت الموبايل نغمة رساله رن رنتين قصيره
فتحتها لكيت ادم دازلي مسج

- تخجلين؟
هيج وتصير خدودج عليها لون رمان
وشحلاتك لو تنقطف بوكتك يرمان
احمر يريان.... معذب قلبي الولهان

- ابتسمت بخجل كلت بيني وبين نفسي اني استحي
ارد عليه بوجه خل ادزله مسج

( احبك ياأنت. أحبك يامن ملكت قلبي احبك يامن أسرت روحي بعشقك احبك يامن اذبت فؤادي بسحرك
اسيرة هواك انا اتيتك راجيةً منك ان تعتقني من لهيب حبك) ....






مااشوفه الا وره دقاىق طلع من مكتبه والضحكه على وجها

هاي شنووووو
واني اكول كلشي ميطلع منج

استحيت كتله من دون مااباوعله
ها هاي بالغلط دادزها لرباب

- ههههههه ولج ليش تستحين
اجه يمي ودنك صار بمستوايه اني وكاعده على الميز بحيث اتكأ على الميز بعكس ايده وجه الي كال بهمس

زوجج اني تره

- دنكت اكثر وصرت اكل باضافيري

وخر ايدي باوعتله لان هيج تصرف
صارت عيني بعينه همس
هالشفايف مو حتى تتعبيها وانتي تعضين ايدج خجل
هالشفايف تنباس

غطيت وجهي بيدي الاثنين حمريت
عزه هذا شيحجي

وخر ايدي

ليش هيج تستحين
تدرين اول مره بحياتي اشوف بنيه تستحي هيج

- ادم حاجيني عادي كلامك جريء واني مامتعوده

- اعودج وعيونج

- هسه شلون مااكمل شغلي عندي شغل

- انعل ابو الشغل خلينه كاعدين
اكلج اريد اشوف شعرج بخطوبتنه ولا ركزت بس طويل مو

- اي شعري طويل بس مو كلش

- خل اشوفه

- لا احنه بالشركه

- لعد يله وره الشغل نروح للبيت نتعشه واشوف شعرج

- هاا لا مو

- سديم نروح كتلج كافي بالاماكن العامه نلتقي شنو اني عشيقج لو زوجج

- بس بعدنه ممتزوجين كدام الناس

- وكدام الله احنه رجال ومرته وشنو يعني
قابل اني شراح اسويلج ها شدعوه هيج رافضه

- ادم والله مو حلوه نكون وحدنه

- زوجج اني حتى لو يصير بينه شي مو حرام واني مراح اسوي شي انتي متقبلين بي
لو ماعندج ثقه بيه

- لا مو هذا قصدي بس

- بلا بس
يخلص الدوام ونروح

ساعه ونرجع

- ماشي

راح هو لمكتبه واني طار كل واهسي من الشغل حرت بهل الورطه هسه لو مشوفتله شعري ولا هالورطه هاي
شلون بله
خاله خلود لو عرفت شحيخلصني منها
مااكلها احسن

خلص دوامي وطلع كال يلا نروح

- رحت ويا للبيت
نزل فتح الباب ودخل السياره جوه واني نزلت مباشرة بكراج البيت

كال

مو احسن متنزلين والعالم تشوفج هاي شفتي محد يعرف جايب وحده

- جايب وحده؟!!!

- ا ا ا اقصد يعني انتي عود الناس عبالها وحده جايب تدرين شاب عزابي

- اي صح

- بالنهايه يحجون عليج شكو عليه اني رجال محد يحجي

- هزيت براسي بمعنى اي

حقه يفكر هيج
بالنهايه احنه بحكم مجتمع يحكمنه على حسب ماهو يراه معقول وكأنه خلقت النار للنساء فقط حتى يبررون بعملتهم للرجال
ادم وامثاله اشكال سوو بحجة العذر هو رجال

لهسبب مايأنبه ضميره بأي فعل سوء تسوله نفسه عليه

دخلت البيت كان مرتب تفاجأت شلون هيج نضيف وهو ولد عزابي عايش وحده

كعدت على التخم بالصاله
اجه هو كعد يمي

كال يله هسه اريد اشوف شعرج

- دنكت ماحجيت شي

اقترب اكثر وراد هو ينزعلي حجابي
باوعتله بفزه

هاي شجاي تسوي

-شنووو اريد اشوف شعرج

- اني انزع الشال

- يله

- نزعت الشال وبقيت مدنكه وهو فتحلي القراصه نزل شعري على ضهري وخصلات على وجهي من ارتباكي خليت الخصله وره اذني وبلعت ريكي اقترب اكثر ورجع الخصله لوجهي ارتبكت اكثر
احس حراره سرت بجسمي واحس بلعت لساني حتى ماعرفت اكله ابتعد شويه
همس يم اذني جنت اسمع صوت نفسه قريب

احبج

- باوعتله جان صارت عيني بعينه نزلتها مباشرة وباوعت للارض

رفع وجهي من حنكي بطارف اصبعه كال
واحبج اكثر من تخجلين
نظرات الخجل بعيونج هاي موتتني
هي عيونج وحدها تسبي
شلون بيه اني

- صرت احوص اريد اكوم اريد اكله كافي ماعرف دنكت اكثر كالي فدوه باوعيلي

- همست ادم استحي

- همس قريب على اذني كلش
زوجج اني

- وان كان استحي

- همس نفس الموضع
رجالج اني

- ادم فدوه

- لج اموت على الفدوه

- باوعتله جان قريب مني هوايه وضعه ماعجبني ويحجي بهمس
كمت مباشرة وهو فز وي فزتي

كتله باارتباك وخوف مكابر
جنت افرك ايد بأيد من شدة توتري
وديني للشقه

- وين تروحين اليوم تباتين هنا

- باوعتله متعجبه
ابات شنو وديني

- سديم تباتين هو مابقه شي هي سواد الليل

- ادم والله اذا متوديني اني اروح وحدي

- شبيج قابل حاكلج

- مو حلوه قبل الزواج

- سديم كافي انتي مو ك*** جايبج هنا انتي مرتي

- وديني

- استغفر الله هم كالت وديني
اشو متروحين
والي حكم عليج شرعا وقانونا وهسه اكدر اخذج واكلهم لبيت خالج مرتي وبعد متجيكم ومااسوي لاحنه ولازفه اخذها هيج






-هيج صارت ادم تستفرد بيه

- ليش هيج تفسريها اني مستحيل استقوى عليج

- لعد والي تسوي هذا شيسمو

- حب

- الحب هيج برأيك

- سديم احبج اريدج اليوم قبل باجر

- دراستي حتبدي ماكدر اوفق هسه ولازم نتعرف اكثر

-لعد هاهيه لتبقين تعاندين
تجين هنا ونكعد سويه وشماا اطلب تقبلين مثل ما قبلت مااخذج هسه علمود دراستج

- ادم اي شي بيناتنه قبل مايزفوني عليك كدام خلق الله لتفكر بي وغير هالامور اني وياك

- اروح وي غيرج يعني

- ليش تخيرني هيج خيار

- دااكلج سالتج وجاوبي

- لااني ولا غيري

- تنهد باوعلي لثواني بعدين كال
اكعدي خل نسولف متروحين هسه

توصلني ماابات

متباتين

كعدت وهو كعد على التخم الي مقابيلي

بقه يباوعلي من دون مايتكلم

لما شفته هيج بعد مامر تقريب ال عشر دقاىق
هزيت براسي مستفهمه بمعنى حنبقه هيج بس تباوعلي

كالي

- شبيج

- شلون نبقه هيج واحد يباوع بوجه الثاني

- مكتيلي سديم شنو رأيج بالبيت

- كلش حلو

-مفكر اغير اثاث البيت كله

- بكيفك بس هو هم حلو هذا وبعده جديد

- حنزوج لازم كلشي اجيبه جديد

- ان شاء الله
البيت نضيف انت تنضفه لو شنو

- لا شنضفه هو اني وين اعرف
هاي بنيه تجي بالاسبوع مرتين تنضف البيت وتطبخ وتروح

- حلوو ولااجه بالي منو يطبخلك وانت عايش وحدك

- هي من تجي تطبخلي كم طبخه تقسمها وتخليها بالمجمده واني اطلع الاكل واحمي على النار واكل

- شلك بهل العذاب هو اكو اطيب من طبخ التازه

-شسوي عندي مرتي حتطبخلي وتدللني
خبصوني تزوج وتزوج هاي اني تزوجت بس تدلل عليه

- بعد ماعشت وياك

- عبالي جايه فاله شعرج على طوله ولابسه دشداشه المخصره الكصيره ججل برجلج مخليه مكياج خفيف وحمره حمره من هاي الي يسموها دم الغزال ماعرف كعب الغزال انت تعرفن هالسوالف

-لا والله على مايبدو انت اكثر الك عرفه بهذه الامور

- شمدريني غير هاي تقى صدقه الله جانت هي...






- ليش سكتت

- لا هيج

- قصدك تقى جانت هيج تسوي

- لا سديم اني ماكلت هيج بعدين تقى تصير
تصير
تقى تصير بنت عمي اي واتزوجها اخويه وادري بيها

هااا

اي

- اخوك ليش وين عايش

- مسافر مو بالعراق

- تروحلهم يعني انت

- يمكن مرتين رحتلهم مااروحلهم

- ليش

- جر نفس كال
ابويه متزوج مستقر وي مرته واخوتي موظفين ومستقرين ابقه بس اني اروحلهم ليش ماهم يجون قابل بس اني هنا بالعراق
كرايبنه واصدقاىنه هنا

ليش مسافرت ويياهم

- سافرت وبقيت بره سنين بعدين مليت ضجت رجعت

- اكو واحد يضوج يسافر

-الغربه متنراد

- صحيح...
باوعت للساعه شفتها ال ١ بعد منتصف الليل
ادم توديني للبيت

-والله مابيها داعي ترحين هو شبقه

- لا اريد اروح

- صار كام وبنتره كال مأشؤ بااتجاه الباب
يله امشي

- كمت وطلعنه حتى نروح

صعدي خل اطلع السياره

صعدت وهو فتح الباب ونفس مافتنه طلعنه
بالطريق...

سديم:- نلتقي بالبيت منا وجاي

- لو عرفت مرت خالي تره متسكت

- وهي وينها مرت خالج رحمه لهلج

- كتلك لو عرفت

- راح تعرف منج بعدين هو احنه شدانسوي

- مو احنه اذا تكثر روحاتنه راح يصير ثالثنه الشيطان

- لا ثالثنه ولارابعنه احنه مو صغار سديم

- ليش شنو الي دايزعجك بالاماكن العامه

- ليش شنو اليزعجني بين الناس اشوف خطيبتي ناقص بس المهم واكلهم اسمعونه شنحجي

- ههههههه

- تضحك
ابقي هيج سديم

- من ارجع لبيت خالي تعالي هناك عدهم هم تتعرف عليهم اكثر

- بالله ومنا حيبدي الدوام لا عمري
تجين ونتشاوف بيتنه نكعد نسولف

- اوك بس مو يوميه

- لا

وصلني للشقه فتت جوه جان الوقت متأخر
اويلي عليك ادم بالله هسه شيكولون عليه البنات الي وياي بالشقه
فتت جانو كلهم نايمين
مددت مباشرة بفراشي توني اغفى اجت رساله






( ارسلت لك فراشة الحب والغرام
همست بأذنيها قبليها لمعشوقتي
برقة ارق من جناحيكِ فشفاها
ارق من الهواء والماء
قبلة لشفاهك ذات اللون الكرزي
قبلة حب اولى
وقبلة شوق حارة ثانيه
وقبلة انوثة مثيره
وقبلات لك سيدتي في كل وقت ومكان... احبكِ.. ادم)........

حافظ على ذلك الشخص الذي اتاك فغير حياتك ولو جزء منها للافضل.....

مــــــــريم......

اعتدنا على ذوق المرار حتى شعرنا بأن طعم الحلو غريبا.....

مرت ايام والحجي يلوب على الضرغام لان ماكو
صكبان ضمدوله جرحه بس تعبان على عكس الي ويا تصوبو احسن حالتهم منه

كلما يجي الحجي ويسأل على الضرغام يلكاه ماكو يزداد غضب والياكلها ابو غضب الحجي جان يطلع حركته بي

القبرص رجع تعرضلهم بس الحجي بعد مايأس من الضرغام ورجعته قرر يتفاوض وي القبرص
سمعتهم للما كله لبو غضب رايحله وامشو انتو وياي

الحجي - يولللددد اسمعوني زين
هذا القبرص رايد بنته واحنه مانبقه هيج يوميه صاير تعرض ومتصوب واحد منه
اسمعوني واحفظو كل كلمه اكولها

راح اروح لبيته انه وابو غضب وحمزه والبقيه يتجهزون ويتسلحون بسياراتهم
اشاره وحده انطيها معناها احنه بخطر تطبون انتو
كبل تهجمون عليهم
سامعين

-صار حجي

التفت لبو غضب ولحمزه

يله انتو تحضرو نروحله

- جانو متسلحين وراحو وياه بالسياره

والشباب لحكتهم هم بالسياره وراهم بقو ثنين بالقطاع وليو وصكبان المتصوب
اول مره اشوفها هيج فارغه المنطقه
لهدرجه القبرص مرعب

جاوبت سعاد جانت وراي ومامنتبه

- اي مرعب بابا عنده معارف بالدوله مسنود ماعليه شي

- احس ضد ابوج انتي

- ماكو وحده توكف ضد ابوها بالنهايه هو بابا بس الي يسوي مو صحيح عيشتنه مو مثل الناس

- علساس احنه عيشتنه مثل الناس

- الضرغام ماهو شعجب

- محد يدري بي وين

- معقوله راح ارجع لسجني وماشوفه

- ليش هيج مصره عليه هو مثلهم بالنهايه

- احسه يختلف عنهم كلهم شي جذبني ناحيته
مريم تدرين
الوحده منعدنا شنو الي تريده بهذه الحياة
غير وطن دافي تحتمي بي
والوطن هو رجال بس مو كل رجال رجال
اكو رجال عون
واكو رجال فرعون
واني خايفه لااتزوج فرعون

گلبي هواي ارتاحله
لو رجعت لبابا معناها رجعت لسجني اريدج تبلغي رسالتي اله

-رساله






- اي
كليله سعاد تحبك وتتمنى تتزوجك
اني دائما جنت اتفرج على قصص الاميرات وشلون الامير يجي ينقذ الاميره من القصر الي بي الوحش او زوجة الاب الشريره
يمكن تضحكين عليه بس حسيته هو الامير واني الاميره السجينه

- اني مجاي افهم اي كلمه من الي تحجيها بس ترديني هيج اكله

- كليله سعاد تحبك
اريده يجي يخلصني من بابا يساعدني واني هم اساعده اخذ فلوس من بابا بدون ميدري وننهزم نسافر بلاد بره ونعيش هناك محد يدري بينه
اعرضي عليه هالشي كليله سعاد تريد سعادتتك وسعادتها
اكيد هو حيتمنى يسافر
ويتمنى يخلص من هذا الجحيم
مو

- اكيد

- نسافر ونعيش احلى عيشه الله يخليج كليله
خاف مااشوفه بعد

- اكله بس اشوفه

مرت ساعات رجعو جماعة الحجي ونزل ابو غضب صاح سعاااااااااد

مريمم وينج مريم

- كول ابو غضب

- صيحي سعاد كليلها يله حنرجعها لبوها

- رحت بسرعتي كتلها حزنت على عكس ماجنت متوقعه تفرح

بقت بمكانها لدقاىق بعدين صاح ابو غضب
يلااااااااا

وينهااااااا

رديت بسرعه
اجت اجت دقيقه

همستلها يلا كومييييي

كامت وحضنتني جانت مخنوكه كالت مريم فدوه كليله

- بعيوني

- راحت وصعدت بالسياره وهي تباوعلي مخنوكه وترد تباوع للمنطقه صارت عينها على بيت الضرغام
وهم باوعت لبيته احسه مهجور لان هو ماكو
بقت عينها على البيت لحد ماطلعت السياره من الفرع

صار عندي فضول اروح لبيت الضرغام
رحت بسرعتي للبيت فتحت الباب هي اساسا بسرعه تنفتح لان مربوط الكيلون بثقب للباب بحيث تسحب السيم تنفتح الباب

فتت جان البيت صب كونكريت عادي مثل بيتنه
بي مطبخ وغرفه بس جانت مقفوله الغرفه
تمشيت بالبيت اباوع لكل زاويه ولكل ناحيه بالبيت
احس اثره او هو هنا
اول مره بحياتي اشتاق لشخص
او بالاحرى اجرب شعور الاشتياق والغيره بنفس الوقت
غرت هواي لما كانت سعاد تحجيلي عن الضرغام وتريد ترتبط بي

تمشيت حتى اروح
شفت قميصه على الحبل اخذته وشميته جان بي عطر مميز رغم مغسول بس ريحته طيبه
حظنته بقوه واشتمه
همست بحسره وكسره بخاطري
احس خاطري مكسور ومخنوك

اشتاقيتلك هواي
ليش هيج عايفني
ليش تروح
اول مره اعرف شعور الحب
وشعور الاشتياق وشعور الم البعد
ول مره احب بشر حتى امي ابويه ماحبيتهم ولااعرفهم
انت صرت كل اهلي وكل حبي ليش تروح






ليش تعذبني هيج
گبال عيني
گبال عيني جنت اشوفك كل يوم بس بعيد عني
ابتعدت اما ردت قربك
لما تمنيت تمتزج روحي بروحك
ليش
ارجع
اريد اشوفك ولو مره
ليش احسك رحت هالمره مراح تجي
ليش احس بعد مااشوفك

جنت مغطيه وجهي بالقميص حاضنته واحجي بخنكه
بعدين اتذكرت اني بيته وخاف احد يجي
باوعت ماحد اكو بيته مديت راسي من الباب
شفت ماكو احد
اخذت القميص ورجعت للبيت ركض
ردت اخلي يمي كلما اضوج اشكيله
حتى لو هو ماموجود
ضميته بسلة ملابسي اخر شي وخليت فوكاه ملابسي حتى محد يشوفه

طولو الولد هواي يله رجعو وسعاد مو وياهم
عرفت رجعت

سمعتهم يحجون

الحجي- هو وجماعته اصلا ميخوفون جلبي

ابو غضب- وداعتك حجي هم من شافونه طبينالهم فد طبه باكو طن هوى

- الحجي:- شعبالكم الحجي هين لعد

-ابو غضب:- والنعم منك حجي الخير والبركه انت

-الحجي:- اسمعوني يولد الجهال مامن وراهم رده
بعد اعتمادنه مخدرات والنوادي الليليه
وبالنسبه للنسوان حنستوردهم منا وجاي
اكو تجار يبيعون بنات
منا وجاي تفتحون عشر عيون مو ثنين
تره الخساره الي خسرناها مو گليله

ابو غضب:- شلون نستوردهم حجي

- اني اعرف ناس شغلها هذا يجيبوهم من دول واكو بنات عوائل فقره ماعدها تاكل تكيف على هيج شغل

- خوش هذا الحچي الزين

- عبالكم انه هين ولكم لاتكولون كبر الحجي ولكم بعدني اگوه واحد بيكم

- كلهم ضحكو
على كلام الحجي دائما يتحداهم وهم ابد ميحسسو كبر
حتى يخافون عليه لان هو جبيرهم

يومين مرت اجت شاحنه جبيره محمله فواكه لكن تحت كل صندوك فاكهه مخدرات وحبوب ومشروب
بدو ينزلون بالبضاعه
جان صاعد على الشاحنه وينطيهم الصناديك واحد يصيحوله السفاح الاحمر
وهذا لان اختصاصه بالتفجير خبير بهذه الشغله
داىما يكلفه الحجي يذب مفخخات لو يزرع عبوات
الولد كلها تشتغل بهمه وتودي الصناديك المشروب بيت الاكل والمخدرات بالمخزن

الحجي كاعد على قنفه يباوعلهم
توه يسأل ابو غضب

شنو سالفة الضرغام وين راح

- حجي الا مايبين طرف يجي ونفتهم منه

-بهل الاثناء وكع من الشاحنه للكاع السفاح الاحمر
من راحوله جانت طلقه براسه جايه
من شافو هيج كلها سحبت سلاح
صاح الحجي قنااااص يولدددد قناااااااص
الي ختل ختل والي نام نهزم لبيته نهزم
شويه وطفت الكهرباء بالمنطقه صارر مينشاف شي

الحجي صاح

لحد يتحررررك

قناااااص






ابو غضب صاح والعمل حجي شنسوي

الحجي:- انتضروووو لحد يتحرك

صار يضوي ليزر على الحياطين وكأنما يريد يحدد هم وين بقه تقريب ال ٣ دقايق وبعدها

اختفى الليزر

نص ساعه ماكو شي

الحجي رفع عوده مغطيه بجرجف جبير داخله ضوه خفيف من ضوه الموبايل بده وكأنه احد وكف للناظر البعيد هيج يبين ماصار شي ولا اجت اي طلقه

صاح يولللللد فتحو الاضويه

- فتحو الاضويه وماصار اي شي
ولا احد منهم نضرب صار واحد يباوع بوجه الثاني كلها مستفهمه بمعنى شنو الموضوع وترجع عيونهم على الحجي

الحجي جان يباوعلهم بعدين صاح بيهم بفتح ايده الاثنين

شكوووو تباوعولييييي

الي ضرب السفاح جبااااااان
لو يكدرلنه جان واجنه
هذاااااااااااا يرييييييد يحذررررر يهدددددد
بس انه ماااتهدددددد
لكم انه الذييييييب
والي نساني اذكره
ذيب ومااخاف

- ابو غضب:- والنعم منك حجي
لتهتم الا منعرف منو هذا الناقص الي قتل السفاح

- صاح بيهم:- شيلوووووو دفنوووو يله

- شالو للسفاح الاحمر راحو يدفنو شويه وطلع ليو يبجي صاح

حجيييييي ابو غضببببب ولكم الحكوووو

- ركضو كلهم ها شكوووو

مات صكباااان
صكبان مدايرد عليه يمكن مااااااات

راحو عليه يركضون فاتو جوه

طلعت شويه من البيت وفجأه. صار بوجهي حمزه من بعيد

بقه يباوعلي اني من شفته هيج مباشرة طبيت للبيت جوه
اباوع من شباك المطبخ

شويه وطلعو صكبان والحجي مخلي ايده الاثنين على راسه
مثل واحد الي مابي حيل يتلكه مصايب
او يأس من القهر الي يشوفه
اخذو صكبان يدفنو والحجي صعد سيارته وراح

الولد كلمن فات لبيته

اني هم فتت للبيت ردت انام تعب نفسي قبل الجسدي

صرت اختنك من عيشتي
جيت الضرغام للحي دمرني كلب كل كياني
خلاني احب الحياة
واحب ان استقر واصير بضل رجال يحبني ويدللني
بس ياحسافه

حتى هو راح وهاي صار كم يوم ماندري عنه شي

ياترى انت وين عايش ميت وينك ضرغام

اجر نفسي بحسره مثل كل يوم

لحد ماغفيت

حسيت بأصابع تدلك راسي برقه وبيناتهن خصلات شعري وكانما يمشط شعري بيده بين اصابعه

مدد يمي وحضني شميت عطره نفس عطره الي مره شميته واحنه بالسياره
حضني بقوه

همست

لتعوفني

همس بطمأنينه:- مااعوفج

- اخاف

- تخافين وانه موجود لعد انه وين رحت

- شديت ايدي وجنت حاضنته هم
قبلني من جبيني

مااشووف الا الباب نفتحت والحجي وجماعته
بالباب ساحبين سلاح ومباشرة رمو على الضرغام
قتلو بس ماطلع دم
والضرغام مات
صرخت من رعبي وفجعتي بالضرغام

وحسيت على نفسي دااصرخ

كعدت

حلم

امسح بجبيني حلم ياربي حلم
الحمد لله مامات
طلع حلم

بس خاف بي شي

خاف كتلو

خاف ميت منعرف بي وين

- مااشوف الا الباب نفتحت وحمزه الي فتحها

تفززت

- شبيج تفززتي يحلوه

- انت شجابك هنا

- نسيتي عدنه تصفية حساب قديم

- ياحساب مشي اطلع بره

- لا مااطلع واريد اشوفج شتسوين

- اطبع داكلك

- حسابج ثكل يمي واجيت بعدين انه هم الي نصيب بيج

-نصيب

- قابل بس ابن الحجي وضرغام الهم حقوق اني هم الي حقي

وفتح دكم القميص صرخت نص صرخه وركض خله ايده على حلكي يسده

#يسعد_اوقاتكم_بكل_خير
#توقعات_الابراج_ليوم_الثلاثاء_والله_اعلم

#الحمل
مهنياً: يحالفك الحظ في  هذا اليوم الواعد بالفرص وتحقق مشروعاً كبيراً منتظر ولو انك كنت تميل إلى العمل خلف الستار
عاطفياً: تحظى بلقاء أحد الأشخاص المميزين ولا تواجه معه مشاكل الغيرة وتحاول أن تتخطى الماضي
صحياً: تعتقد أن كل ما تقوم به رياضياً غير مفيد، ثم تغير رأيك بسرعة بعدما بدأت تتلمس النتائج

#الثور
مهنياً: يسمح لك هذا اليوم بأحلام كثيرة، ويتحدث عن آفاق جيدة ويحرّرك من بعض القيود
عاطفياً: قد تولد ظروف جديدة اكثر انسجاماً مع ميولك، وتشعر بالارتياح وتتخلص من المشاكل المتراكمة
صحياً: مهما كثرة المشاغل لإلهائك عن ممارسة الرياضة، حاول إيجاد وقت قليل للقيام بما يفيدك صحياً

#الجوزاء
مهنياً: تأكد من أوضاعك المالية، إدفع ما عليك ولا تتأخر، وقد تجد نفسك في نزاع بين الأرقام والتقارير التي يجب أن تقدمها
عاطفياً: لا تضغط على الشريك أكثر من اللزوم، فهذا قد يخلق عنده حالاً من التمرد
صحياً: حاول القيام برحلة إلى المناطق الجبلية وممارسة هواية التزلج، فهي مفيدة للصحة

#السرطان
مهنياً: تنكّب هذا اليوم على تنفيذ أعمالك واثقاً بالحظ والدعم الكبير الذي تحظى به، وتجد حلولاً لبعض المشاكل
عاطفياً: يبتسم الحب وتشرق الشمس في قلبك، وتعيش أجمل أيام حياتك برفقة شريك يفهم عليك بمجرد النظر إليه
صحياً: تتخّذ قرارات تتعلق بنظامك الغذائي أو بصحتك، بعدما أدركت أن الأمور بدأت تتفاقم

#الاسد
مهنياً: تعمل لمشروع جديد وضخم، يتطلب عملاً جماعياً، وربما تستعين بأصحاب الاختصاص المقربين منك لإنجازه
عاطفياً: تعيش يوما متقلبا يولد دورة عاطفية مربكة أو غير واضحة تتميز بالضبابية  والغموض، وربما بالميل إلى حب قديم
صحياً: كُن حذراً وانتبه لصحتك وصحة المحيطين بك، وقد تقلق بسبب ما يتعلق بأحد المقرّبين منك

#العذراء
مهنيا: لديك طاقة كبيرة للعمل والابداع، ما يجعلك تسير بسرعة أكبر وتحتوي الأمور وتتخذ قرارات استثنائية
عاطفياً: تتغلب على كل المصاعب التي تواجه علاقتك بالشريك، وتنجح في المحافظة على الرابط العاطفي القوي الذي يجمعكما
صحياً: انتبه لصحتك، وخذ الأمور بروية وهدوء وحكمة لئلا تتعرض لأي وعكة صحية

#الميزان
مهنياً: يثير هذا اليوم قضية شراكة ورداً لا يأتي، لكن لن تعترضك معاكسة ما واحتجاج أو استمهال يربكك
عاطفياً: تجد الاستقرار في حياتك العاطفية الحالية، ولا تؤذي مشاعر الحبيب بل تعامله بلطف ولين
صحياً: تبدو في حالة من السعادة الدائمة والنشاط غير المعهود منك، بسبب ممارسة الرياضة اليومية والانتباه إلى نوعية طعامك

#العقرب
مهنياً: يوم جيد يشكل محطة انتقالية إلى مشروع جديد ودورة فلكية أخرى من حياتك وتحاول توضيح مسار قضية شغلت المحيطين بك
عاطفياً: يتصرّف الشريك معك بطريقة سلسلة ولا تواجه معه أي أزمة، وتتغلبان معاً على المصاعب
صحياً: عليك القيام بكل ما يبعد عنك المشكلات الصحية أو يصيبك بعوارض مزعجة

#القوس
مهنياً: مسؤولياتك كبيرة وتزداد يوماً بعد يوم، فحاول ألا تتسرع لئلا تقع في المحظور
عاطفياً: تعبر عن مشاعرك للشريك،  ويسهل الإحساس المتبادل التفاهم والتوصل إلى نقاط مشتركة كثيرة
صحياً: تحرّك بعض الشيء ومارس نشاطك المعهود ونظّم بعض الرحلات الترفيهية

#الجدي
مهنياً: يحمل هذا اليوم تغييراً ايجابياً، ومن الممكن أن تتوصل إلى اتفاق سري وتوقع عقداً بعيداً عن العيون
عاطفياً: اذا لم تكن صادقاً مع الشريك خسرت كل شيء، بادر إلى مصارحته بمشاعرك تجاهه
صحياً: لا تتردد في تنفيذ تمارينك الرياضية، فهي تفيدك كثيراً من اجل المستقبل

#الدلو
مهنياً: يتحدث هذا اليوم عن شؤون مالية ومهنية طارئة، وأخبار تخصّ أحد الأشخاص الذي يشغل مركزاً مهمّاً، فيؤثر الأمر فيك
عاطفياً: تشعر بأنّك مسيطر على الأوضاع العاطفية وعلى مشاعرك، فتتقدّم بخطى ثابتة أكثر من السابق
صحياً: التمارين الصباحية مفيدة قبل تناول الطعام أو أي مشروب منبه ثم الانطلاق إلى العمل بنشاط

#الحوت
مهنياً: يخف الوهج الذي رافقك منذ بداية الشهر، لكن هذا اليوم يسلط الضوء على شؤون مالية
عاطفياً: تختلط الأمور عليك ولا تعرف ماذا تريد من الحبيب، لكنك لا تترك الغضب يسيطر عليك
صحياً: مراقبة وضعك الصحي بين الحين والآخر من قبل طبيبك مهم، ولا سيما إذا واجهتك تحديات أرهقت أعصاب