الفكرة من حبك شنو
لابي فرح ، لا شي حلو
غشيتني بكلمة دفو
وطلعت احضانك باردة

احطه بحضني ويگلي
بعد دنيني يم گلبك .

#يسعد_اوقاتكم_بكل_خير
#توقعات_الابراج_ليوم_الاثنين_والله_اعلم

#الحمل
مهنياً: يحالفك الحظ ويحيطك بهالة كبيرة ويوسع الآفاق ويسرع الخطى، قد تقوم باستثمارات جيدة ومهمة وتبدو موعوداً بجديد على الصعيد المادي
عاطفياً: قم بواجباتك تجاه الشريك على الصعيد العاطفي والاجتماعي، ولن تكون إلا سعيداً ومرتاحاً معه
صحياً: سارع إلى استشارة أخصائي التغذية ليعطيك الإرشادات الخاصة بالحمية أو بأنواع الطعام التي عليك تناولها

#الثور
مهنياً: تشعر بحماسة كبيرة، ويعود السبب إلى عدم شعورك بالاستياء أو التعب، كذلك إن بعض المشكلات لن تجعلك إنساناً قلقاً وغير متعاطف كلياً
عاطفياً: تعيش يوماً عاطفياً رائعاً جداً، وتشعر بهذه الروعة كلما حاول الشريك مفاتحتك بموضوع يتعلق بكما
صحياً: لا تكن من ذوي الاستهتار بكل شيء في الحياة، إذا ساءت صحتك فلن ينفعك الندم

#الجوزاء
مهنياً: غلطة ارتكبتها أخيراً تضعك في موقف حرج مع الزملاء، إجتهد لإعادة الأمور إلى نصابها
عاطفياً: تواصل مع الحبيب واستمع إلى مشاكله، أنت أفضل صديق له في مثل هذه الظروف
صحياً: قم بالمبادرة لدعوة الأصدقاء أو الأقرباء إلى نزهة أو الذهاب في رحلة صيد

#السرطان
مهنياً: يوم حافل بالحركة والنشاط، استعد لنجاحات قد تفتح أمامك أبواب التقدم والترقي والمكافآت
عاطفياً: لا تُشح بمشاعرك عن الحبيب، إنما صارحه بكل ما يدور في عقلك وقلبك ليكون على بيّنة مما أنت عليه
صحياً: إذا كنت تعيش تشويشاً واضطراباً مهنياً فلا تدعه يؤثر في صحتك، يكفيك ما أنت فيه

#الاسد
مهنياً: يحذّر هذا اليوم من بعض الإشكالات على الصعيد المهني، لكن عليك عدم القلق
عاطفياً: لا تقرّر ارتباطاً هذا اليوم، وكُن منتبهاً إلى أدقّ التفاصيل الشخصية
صحياً: المطلوب منك أمر واحد: الإقلاع عن التدخين نهائياً والانتباه إلى صحتك

#العذراء
مهنياً: اعتمد على ذكائك وحرفيتك، الحظ حليفك ويفتح أمامك أبواب النجاح والربح المادي
عاطفياً: شكوكك في الحبيب ليست في محلّها، إمنحه بعض الثقة لأنه أهل لها وسيفاجئك في أمور كثيرة
صحياً: قد تجد حلاً لمشكلتك الصحية إذا عرفت كيف تتقيّد بالإرشادات الطبية المطلوبة منك

#الميزان
مهنياً: يتناغم معك القمر من الثور فيعدك بحدث مميز ويساعدك على معالجة المسائل المهنية بوعي وحكمة، وتتلقى مكافأة مالية في المستقبل القريب
عاطفياً: علاقتك بالحبيب متينة جداً هذا اليوم، وتعيش معه استقراراً عاطفياً منقطع النظير
صحياً: فكّر في كل خطوة تقدم عليها على الصعيد الصحي، واستشر اصحاب الاختصاص

#العقرب
مهنياً: قد يؤدي المحيط العائلي أو الاجتماعي دوراً في شؤونك المادية، ويشتد التنافر ويولّد فراقاً أو انفصالاً
عاطفياً: أنت تعرف أكثر من غيرك أنّ الشريك لا يخطو خطوة دقيقة من دون استشارتك، عامله بالمثل
صحياً: تكثر الأنشطة الرياضية وتحتاج إلى بعض الهدوء لأنك بحاجة إلى الراحة الجسدية والفكرية

#القوس
مهنياً: تبدو سعيداً بمجرى الأمور التي بدأت تتحسن منذ أن أوضحت وجهك نظرك في سير العمل ووضعت الخطط التي تسهل التعاطي مع الزملاء
عاطفياً: إفتح قلبك للشريك، وصارحه بكل ما ينتابك من مشاعر وشكوك، فهو سيتفهم كل كلمة
صحياً: لا تدع الوزن الزائد يتغلب عليك، إن مضاعفاته مزعجة على المدى المنظور

#الجدي
مهنياً: يجعلك هذا اليوم قادراً على ضبط الايقاع، والمطلوب منك التهدئة وعدم استفزاز الزملاء بل التصرّف بليونة
عاطفياً: قد تفكر في مغازلة أو تتفق مع الشريك على تمضية نهاية أسبوع بعيداً عن روتين الحياة العملية
صحياً: لا ترهق أعصابك وتنفعل أمام أمور تافهة لا تستحق سوى أن تمر عليها مرور الكرام

#الدلو
مهنياً: تشتعل النقاشات بينك وبين الزملاء، وتسود الأجواء العدائية والمتوترة حياتكم، وتكثر الانتقادات والكلام الجارح
عاطفياً: العلاقة بينك وبين الشريك لن يستطيع المغرضون والمصطادون تعكيرها لأنها قائمة على أسس صلبة
صحياً: كن من أصحاب الأجسام الرشيقة كتلك التي تشاهدها في البرامج الخاصة بالمحافظة على صحة سليمة ورشيقة

#الحوت
مهنياً: فوائد مالية تعود عليك بربح وفير نتيجة وساطة أحد الزملاء واهتمامه
عاطفياً: وقت مناسب للقيام برحلة أو بسفر مع الحبيب لإعادة وصل ما انقطع بينكما
صحياً: تمضي يوماً سعيداً وترتاح فيه من عناء العمل الطويل، أنت تستحق الراحة

#فقرة_شعر
تره الماشوك چذابين
محد حبك بَگدي .
والبچنسَيتك الحطيتة
ما محسَوب .
إسمك ..
طابع بَزندي .

چنت من تبچي اجي .
بسدك الزمك لزمة
المَذبوح ..
اذا ما تِهدى ما هِدك .

ريحة شفافچ عطر بي مشتهانة
الحُمرة الـ بحلگچ دوانة .

#فقرة_هل_تعلم
‏إن كان لك نصيب في شيء
سيقلب الله كل الموازين لكي تحصل عليه ."

#قصة_عراقيه
#بارت٢١


سَديـــــــــَــــم....

ادم- تتزوجيني سديم

سديم- انت شتحجي

- احبج سديم

- الي مثلك ميعرفون شنو الحب

- صدكيني احبج
ولاتكولين يدور لعب ودايبيع عليه كلام اعرف عقليتج وشلون تفكرين اذا تقبلين من باجر اجي اخطبج

- يعني انت تريد تتزوجني لان مااكدر اسد فلوس العمليه

- برأيج حتكدرين تسديها

- منو يكول اداين منك

- بكيفج
كام وكف على حيله وعدل سترته
اني عرضت عليج عرض غيرج يحلم بي واساسا غيرج حتخرب علاقتي بيهم بعد موافقتج
ف فكري منا ليومين ورديلي خبر
اني رايدج ام لجهالي

بقيت صافنه شيحجي
هذا يحجي صدك لو درب من دروبه شسوي
مستحيل اوافق على واحد مثل ادم
ادم متعبببب يوميه وي وحده
جان الموضوع مفاجأه الي معرفت شسوي اتصلت مباشرة ب رباب

هلو رباب

هلو حبيبتي

- رباب ادم طلبني للزواج

- تحجين صدك

- شسوي شكله

- وافقي ولج

- اسمعي السالفه مو مثل ماانتي متصورتها
اكلج الحجي مو مال موبايل شوكت تجين

- بعد باجر اجي
بس مااتحمل احجيلي شنو

- تعالي واكلج

- يوووووو عليج سديم مااتحمل لبعد باجر باجر يمج

ثاني يوم مطلعت للشغل استحيت

اتصل ادم

- نعم استاذ

- ليش مامداومه اليوم

- تعبانه ومريضه

- سلامات عيوني انتي شبيج اوديج طبيب

- لا عادي

- شنو عادي اذا مريضه تحضري اوديج

- لا لا عادي كل مره تصير

- هاااااا
سكت ثواني
بعدين كال

تحتاجين شي

- لا شكرا






- اي شي تحتاجي بس كولي

- شكرا الك

يله عيوني اروح اشوف شغلي

سده الخط وبهذه الاثناء اجت رباب

- هلو رورو شلونج

- علمودج جيت
ها احجيلي شكو
طلبني للزواج

- ايييي وافقي

-رباب مرت خالي عدها عمليه وحرت بفلوس العمليه ولما سمع ادم كالي اني ادفعه اعتبري مهر واتزوجج

- صدك يحجي هذا
كل عقله يعني

- اي والله كالي اني احبج

- لو يحبج ميستغل الموقف

- شسوي شلون

- تقبلين يشتريج بفلوسه

- وعمه شلون

- ماوكفت عليه تدبر

- ياريت الله وايدج

- سديم لاتتزوجين هيج زواج هذا مخليج باله والفرصه اجت اله استغلها ولعبها صح

- اعرف لهسبب ردت اشوفج واحجيلج

- اني هم عبالك حنخطب وابتسمت بخجل

- اندهشت صدك

- تتذكرين الاستاذ الي كلمتج عليه مره

- الرجال الجبير الي متزوج

- لج ثول
مو هوه
الي كتلج عليه مرتب وشخصيه كاريزما واعزب

- اي شبي هو خطبج

- اي تقدملي واهلي ناس مؤيدين وناس معارضين

- ليش بله

- يكلولي بغداد احنه شنعرف عنه

- واذا كليلهم اني اعرفه

- مادري سديم حايره خاف اتزوج وتطلع اطباعهم مو مثلنه واتندم

- شتشوفي انتي

- كلشي بي عاجبني ومتأكده مايجيني الاحسن

- خلص لعد

- شنو

- واففي

- هم داافكر حايره

- لو منج اوافق

- هه بعد مااخذ. بنصايحج هو انتي ادم ومتردده بالزواج منه لو اني يساومني هيج ااااااخ جان اكلته

- الله لايخليج بموقفي رباب
صعبه من عندج عزيز بين الحياة والموت وانتي واكفه تتفرجين..

- صحيح كلامج بس تصرفه نذل

- واني مستحيل اقبل يشتريني هيج

هنده شنو اخبارها اهلها حسو بشي

- لا وهذاك هم طلع بس حجي

- اي زين الحمد لله

- اكلج اكوم ادرس اني همزين هنا هدوء وييييييين عن البيت






راحت تدرس ولفتت انتباهي على شغله مهمه وهو انه يشتريني بفلوسه
مستحيل اقبل
ثاني يوم اجاني هم جنت بالمكتب

ها شكلتي

-على ىشنو

- على موضوع الزواج

- استاذ ادم تحجي صدك انت
تقبل انباع وانشره
شلون اقبلها على نفسي

- وليش تحسبيها هيج

- شلون احسبها لعد

- كتلج اني احبج ورايدج

- اي صح بالعلامه مهري فلوس عملية عمتي

- يعني متقبلين

- باوعت ونترت
لااا

-براحتج

عافني وراح لمكتبه
كملت شغلي ورجعت للشقه وعده اسبوعين ثانيه
رحت لبيت خالي كلبي نار على عمه شفتها
ضعفانه ومبين عليها القهر بس تكابر

شلونج عمه

- هله بنتي سديم

- صحتج شلونها

- تمام

- كعدنه جاي وكعك وسوالف
عمتي رغم مابيها من الم بس تحسسك هي اكبر حتى من الالم
انتبهت عليها دوخ وتلزم راسها وتتأذه ولما تشوفنه ننتبه تكابر وتتبسم وتبين طبيعي
اي وجع هذا الي متحملته انتي
وجع المرض
وجع الفقر
اي واحد منهم بالضبط

- دبرت فلوس 5 مليون اخوتي لمولي

- وبعد 10 من غير المصاريف والعلاج هاي بس العمليه 15 عمه

- كالت ام اسعد راح تشوف الجمعيات الخيريه

- شوكت كالتلج

- مصار شي قبل شهر تقريبا

- اي منا لما يلمولج هم بلكت فد 5 تبقه 5 نداينهن

- راجعت عمتي وكاللها الطبيب تستعجل على العمليه التأخير مو بصالحها

- ضاقت بيه الدنيه واحتاريت بزماني
خصوصا لما اغمى على عمتي وحسن ومحسن ودوها للطوارئ
بليلتها قررت اقبل

اتصلت على ادم يمكن جان الوقت الوحده بالليل

- اتصلت وجان صوت اغاني عالي يمه ماعرف وين كاعد

الووو شلونك ادم

- متصله بهذا الوقت سديم خير صاير شي

- لا بس
وسكتت

اغمض بعيني اعصرها صعبببببب
منين مااباوع صعبببببب
راح ابيع نفسي اله وهو
هو هذا هو يوميه سهرات وكيف ونسه وبنات
زين شلووون

- احجي سديم بيج شي

- اني موافقه نتزوج

- ههههه توقعت حتقبلين






سديم - حروح باي

ادم - باي حبيتي

- سديته منه ونهاريت بجيت بحركه وصوت
ذبيت حركتي بالمخده الوحيده الي شهدت على دموعي وقهرتي

اني مااريده زوج الي هو مايشبهني
عالمي يختلف عن عالمه
اني بدنيا وهو بدنيا ثانيه

بجيت لحد ماحسيت عيوني دكلي خلصت دموعج كافي
كمت غسلت وجهي وباوعت بالمرايا جانت عيوني بيها حمار من البجي خدودي مورده من البجي
مددت انام وغفيت....

غرفة ادم كبيره بس كلها تراب
وصور مشمره بالكاع
هو ماكو طالع
بيتهم لابي دفىء اسري ولاشي اهله موجودين
بس ملتهين عنه
شفت ادم اجه اخذ شي من غرفته وطلع
لفت انتباهي منظر غرفته متربه وسيارته متربه
وسخه...... بس اني ماسويت شي بقيت اباوع
وهو راح طلع وفزيت

الدنيا فجر صوت الاذان يكزبر الجلد
شكد نمت ساعتين؟
بس احس روحي شبعانه نوم
طلعت بره توضيت وفرشت سجادتي وكعدت اصلي
واقرأ القرآن قريت القران بعدين تذكرت عمتي لما كنت تستخير بكل شي تنوي فعله او تريد تعرفه صالح الها او لا قررت استخير بزواجي من ادم

كانت تصل على محمد وال محمد 3 مرات
بعدين تقرأ سور قرآنيه قصيره قريت الفاتحه والتوحيد وصليت على النبي 3 مرات
واستخاريت
اللهم اني استشيرك في امري ان كان صالحا لي او سيئا اللهم نويت على...... وانت ارحم الراحمين
فتحت الكتاب
فكانت السوره طه....

سورة طه.... بسم الله الرحمن الرحيم

(فَلَمَّا أَتاها نُودِيَ يا مُوسى (11) إِنِّي أَنَا رَبُّكَ فَاخْلَعْ نَعْلَيْكَ إِنَّكَ بِالْوادِ الْمُقَدَّسِ طُوىً (12) وَأَنَا اخْتَرْتُكَ فَاسْتَمِعْ لِما يُوحى (13) إِنَّنِي أَنَا اللَّهُ لا إِلهَ إِلاَّ أَنَا فَاعْبُدْنِي وَأَقِمِ الصَّلاةَ لِذِكْرِي (14)
إِنَّ السَّاعَةَ آتِيَةٌ أَكادُ أُخْفِيها لِتُجْزى كُلُّ نَفْسٍ بِما تَسْعى (15) فَلا يَصُدَّنَّكَ عَنْها مَنْ لَا يُؤْمِنُ بِها وَاتَّبَعَ هَواهُ فَتَرْدى (16) وَما تِلْكَ بِيَمِينِكَ يَا مُوسى (17) قالَ هِيَ عَصايَ أَتَوَكَّؤُا عَلَيْها وَأَهُشُّ بِها عَلى غَنَمِي وَلِيَ فِيها مَآرِبُ أُخْرى (18) قالَ أَلْقِها يَا مُوسى (19)

فَأَلْقاها فَإِذا هِيَ حَيَّةٌ تَسْعى (20) قالَ خُذْها وَلا تَخَفْ سَنُعِيدُها سِيرَتَهَا الْأُولى (21) وَاضْمُمْ يَدَكَ إِلى جَناحِكَ تَخْرُجْ بَيْضاءَ مِنْ غَيْرِ سُوءٍ آيَةً أُخْرى (22) لِنُرِيَكَ مِنْ آياتِنَا الْكُبْرى (23)
{اذْهَبْ إِلَى فِرْعَوْنَ إِنَّهُ طَغَى (24) قَالَ رَبِّ اشْرَحْ لِي صَدْرِي (25) وَيَسِّرْ لِي أَمْرِي (26) وَاحْلُلْ عُقْدَةً مِنْ لِسَانِي (27) يَفْقَهُوا قَوْلِي (28) وَاجْعَلْ لِي وَزِيرًا مِنْ أَهْلِي (29) هَارُونَ أَخِي (30) اشْدُدْ بِهِ أَزْرِي (31) وَأَشْرِكْهُ فِي أَمْرِي (32) كَيْ نُسَبِّحَكَ كَثِيرًا (33) وَنَذْكُرَكَ كَثِيرًا (34) إِنَّكَ كُنْتَ بِنَا بَصِيرًا (35) قَالَ قَدْ أُوتِيتَ سُؤْلَكَ يَا مُوسَى (36)}






دمعت عيني واني اقراها احسها خطاب من رب العالمين إلي
خوفي منه مثل خوف موسى من فرعون
خايفه يأذيني خايفه من كلشي خايفه منه لان هو عاصي ومايشبهني ابدا

معقوله رب العالمين اختارني اكون بطريقه واصلحه
ولهسبب خايفه
يمكن هنا رب العالمين يطمني حيكون وياي

ياارب واني ادعيك مثل دعاء موسى
ربي اشرح لي صدري ويسر لي امري
الهي اعطيني القوه والصبر
اني اعرف لو ارتبطت بي حتعب

مسألة انه هو غاوي نساء متعبه هواي
هذا مايكتفي بنساء الارض
ولازم اكون قويه والصبر اهم شي

كملت صلاتي وقرآني وحضرت اموري حتى اروح للدوام بالنهايه صارلي ايام غايبه عن الشغل

جهزت اغراضي وحضرت ريوك اعرف عمه تكعد من وكت

اليوم نشطه سديم

- هههههه صباح الخير عمه

- صباح الخير بنيتي

- حضرت ريوك كلت نتريك اني وياج قبل لااروح

غابت ضحكتها

حتروحين يعني

- لازم اروح ماكدر اغيب استاذ ادم خاف يحجي

- والله اشتاق نكعد سوه صرتي كلها دوام

- ميخالف عمه تهون

تريكنه سوه رغم التفكير بخطوتي المتهوره مافاركتني كل شويه اصفن وتكلي بشنو سارحه
كملت ريوكي وطلعت
للكراج اخذت سياره ورحت للدوام

ارتاحيت شويه بالشقه سبحت وبدلت ورحت للدوام

اجه ادم جنت ملتهيه بالحاسبه

الابتسامه تارسه وجهه

ع الخير عليه وكعد

رفعت راسي من الحاسبه ادم

- حلوه بحلكج ادم

- ليش اول مره اكولها

- اول مره بعد مانخطبنه

- ههههه بهالسرعه سويتنه مخطوبين

- من اليوم خطيبتي وغمز

- لتستعجل خل يصير كلشي رسمي

- اي ليش لا باجر اجيكم مشايه واخطبج

- اليوم اجيت مو مال ارجع باجر

- براحتج مثل ماتحبين

- تمام

- لتروحين عود نتعشه سوه اليوم

- شكرا
دايت مسويه مااتعشه

- لا عيني دايتيش هذا يمه هو انتي خلصانه
اريدج تسمنين تره اتخبل من المعصعصات

- معصعصات؟!

- يعني ضعيفات ماحبهن

- بالعكس الرشاقه حلوه






- شوفي سديم الرشاقه هاي خليها لجماعة الازياء وحليب ونستله مو احنه
كفيلج الله جيبيلي عراقي يحب ضعيفه
اجيبلج نمله تسبح بالليفه
رشاقتيش يرحم اهلج

- هاي انت وكم واحد من التعرفهم يمكن

- لا كلنه هيج تره لاعبالج ندور اخلاق هاي بس بالمثليات نحجيها

- ليش يعني الاخلاق ممطلوبه

- بابا مطلوبه بس مو بكلشي
شوفي عيني ست
اليوم اوديج نتعشه مندي على لحم غنم واخليج تاكلين ليه مال طلي

- طلي

- العفو خروف يالمثقفه

- ابتسمت ودنكت

- هاي شنو تعرفين تضحكين؟

- باوعت مستغربه هذا شيحجي

- عيني ست سديم اليوم نتعشه بره يرادلج كعدات مو كعده وحده افرمت بيها عقليتج
اسويلها غسل وصيانه من جديد
اخليج ليل نهار تهزين جتف وتكليلي تامر حبيبي ادم

مو تفضل ادم من وره خشمج جنج جيرانه ام تحسين

كام راح لمكتبه بقيت صافنه هذا شنو
بعدنه ماكلنه بسم الله
واحد ثاني شفت
ادم عجيب......

مريم..........

يكولون الايام تخليك تعتاد المر والحلو
تتعود على كلشي
رجعت أتأقلم وخلص كلت هذا قدري وهذا انا هنا اعيش وهنا اموت

بيوم جان الضرغام وابو غضب بالمنطقه الولد نصهم رايحين وي الحجي وباقي كم واحد من الولد
جان الضرغام وابو غضب يحجون على كيف ماافتهم شيحجون بعدين لزمه الضرغام من زيكه لبو غضب وصاح بوجها

لتكذذذذذب

هذاك يكله
يابه شعلاي انه

- الضرغام رد عليه بوكس واجو الولد يركضون سحب سلاحه بسرعه وضرب طلقه بالجو كال

اليقترب اطشر راسو انه ويا نتفاهم

- ابو غضب كلمه وهو يمسح الدم الي طلع من حلكه اثر البوكس

كتلك مو انه مو انه

- بصياح
ولك ساق** لتكذب شدراه هو لو ماانت تكلووو

محد جان يدري بيها عندييييي
غيرك انتت

ونزل عليه ضرب ابو غضب هم رده بالضربات
صار واحد يضرب الثاني
وفكوهم الولد كوه تفل عليه ضرغام وغلط وفشر
خبلني اول مره اشوفه هيج
بس جان نار طافره اعصابه متحمل مال هالكم يوم المضت واجته الفرصه وفش غله

مااهتميت للي صار اساسا هو او غيره الي كال للحجي مو مهم
المهم كتشفت خذلانه الي


ايام تمشي كثر وجود الضرغام بالمنطقه مو مثل الاول يطلع
اشوفه على طول قريب على بيتي ولما يشوفني يبتعد عني ومايكلمني ابد






بيوم اجه الحجي صاير ناار جان يخابر بالموبايل

- ولــــــــــــــك شلون يعني لزموهم شلون عرفوهم

- هم لمنو باعو اخر مره تلكي هو مبلغ

- طيح الله حظه

- كلهمممم يعني ماعكب واحد منهم

- لا هاهيه نعتمد على الملاهي اشرف

- كله الحجي لايعرفك ولاتعرفه تره اذا يجيب اسمي خل يغتبرون اهاليهم بالرجلين صارو
انه اطلع منها مثل شعرايه من العجين
بس انتو تاكلوها

- تمااااااام متعرفوني ولااعرفكم

سده للخط سأله الضرغام خيرك حجي

- ولك لازميهم لاطباء الاعضاء

- شلون لزموهم

- ماشايفين غير جهاز مكافحة الارهاب على راسهم انه ادري منو مبلغ شلون عرفووووووو

والله لو جابو اسمي لاامسحهم من الخارطه هم وبيوتهم وعوائلهم

- اكيد حجي لعد نعوفهم يدمرون شغلنه

- ضرغام انت الوحيد الي اثق بي واشوفك انسان عاقل ورزن بتصرفاته مو مثل ابو غضب كارته احترك يمي

- اشكرك حجي

- راح للسياره الحجي فتحوله الباب وطلع قبل لايطلع كاللهم ابقو هالفتره هنا خل نشوف شيصير

مشت الايام بيوم جانت الدنيا مغيمه والولد كلها بره طالعه جو حلو

جانو يتصارعون بيناتهم ياهو اقوى يبرزون عضلاتهم

حمزه من النوع الي ميتحجه واثق من نفسه هواي
اول واحد نازع تيشيرته ويتصارع

جان اليغلب يبقه يتصارع لحد مايجي الاقوى منه

ابو غضب مشارك وياهم ويتصارعون

جنه اني وليو والاطفال كاعدين نتفرج

ليو مايشارك رغم ايده صارت زينه بس بنيته الجسميه لان ضعيف وناعم ميشارك

كلهم مشاركين الا الضرغام كاعد كبالهم وبيده الجكاره ويتفرج

سعدي وحمزه بدو يتصارعون اني جنت اشجع سعدي واخلي الجهال ويايه تصفك وتصيح سعدي وليو ويانه

سعدي...... سعدي..... سعدي.....

سعدي كل شويه ياكله لخمه

شبع ضرب من حمزه اخر شي نسحب

سعدي كبر مابقه حيله مثل الاول

نزله ستار وصارو ستار وحمزه يتصارعون

ورجعنه نشجع ستار

ستار....... ستار...... ستار.....

ستار غلب حمزه وكعه بالكاع






- باوعلي حمزه لمن ضحكت عليه وهو وكع
بغضب يريد ياكلني

ورجعو يتصارعون ستار وعريوش

ورجعنه نشجع

اخر شي كالوله للضرغام

تعال يله انزل

ماقبل وكالهم خلوني كاعد

ابو غضب- هه لازم تعرف بروحك متكدرلي

-- هه ابتسم بااستهزاء واخذ نفس من الجكاره
كمل ابو غضب

اذا كدها تعال

- بقو يستفزو الولد على ماتكدر
ومن هالكلام

جان بارد مايرد ولايعصب
كمل الجكاره شمرها جان مخلي رجل على رجل
نزع تيشيرته وكامله ابو غضب

وصارو يتصارعون

من اباوعله وشم على ايده اليمنه مكتوب عليها
وماعرفت شنو مكتوب ولاليو يعرف يقره
اساسا الولد مايعرفون يقرون يمكن بيهم واحد ثنين يعرف

تصارع هو وابو غضب لحد ماغلبه وكعه بالكاع

كاله بفخر

لتتحداني بعد خاف نسيت مال هذاك اليوم
وخر عنه

عجبتني ثقته بنفسه كلهم تحدو وهو لاعصب ولا اهتم برود يتصرف
وغلبهم يمكن برودة اعصابه مخليته هيج منتصر واثق الخطوات

بعد مالقو القبض على الاطباء هدأت حركتهم مو مثل قبل خصوصا بعد ماكلهم صارو بالمنطقه
وبس الحجي يروح ويجي وهم مو على طول يخاف لايكون مراقب

الضرغام وابو غضب علاقتهم كلش قويه دوم اشوفهم سويه والولد صار الليل عدهم نهار والنهار عدهم ليل جنت اشوف مرات الضرغام يطلع بعيد عن البيوت كلها

مره راقبته اشوفه يخابر والغريب بوكتها الحجي جان توه طالع

استفهمت لمنو يخابر

بس مااهتميت لان اساسا علاقتي بي شبه نقطعت
صار حاله حال اي واحد بالمنطقه
هو يبتعد عني دائما
خصوصا لما اكو احد موجود
يتجاهلني لابعد الحدود
على عكس من ماكو احد يبقه يباوعلي بس مايكلمني
حتى مره شفته خاتل وره متسلق ورد
ويباوعلي لمن جنت كاعده يم ليو
بوكتها عباله ماشفته بس لمحته وعرفته هو

فتره مرت هادئه كلش
نفس الروتين ونفس شغلهم بس اقل من قبل

علاقتي قوت ب ليو هواي وجان الوحيد الي يخفف عني مشقات وصعوبات الي امر بي

مره من المرات جنت كاعده بالحديقه الخارجيه
صايره وره البيوت الراجعه للحجي

حسيت بشي كرصني
لما فزيت باوعتلها حيه
صرخت وكمزت
وعلى صرختي اجه ابو راهب الحارس

- شكو شبيج

- حيه
حيه عضتنييي

- كبل بجعب السلاح ضرب الحيه على راسها لحد ماماتت و
ذب سلاحه بالكاع ونزع يشماغه وشده بقوه
من رجلي
لان الكرصه جانت برجلي






شالني وصاح على الولد

يوووولددد
وينكمممممممم

اجو يركضون شكو شصاير

- عضتها حيه
جيبو المضمد

- راح سعدي بسرعته على الدراجه
واخذوني للبيت

مددوني والتمو كلهم على راسي

هذا اليحجي
شوداج انتيييي

لك خرب خابرو الحجي كلوله لاتموت شيخلصنه

- خابرو وكلوله بلي صار

اني كمت احس بجسمي برد ثلج صار
ايدي رجلي تجمدت اطرافها

وعطشت كلش عطشت

همست اريد ماي

راح ليو بسرعته يجيب ماي

داينطي الي نتره من ايده ستار

ولك شجاي تسويييي

- انطيها ماي

- ولك ميصير مو زين
كلشي لتنطوها ياولدددد

اول مره اشوفهم هيج خايفين عليه
عبالك عائله وحده
ومن وكع بيهم واحد كلها فزت

اجه المضمد وصار يعالجني بس اني كامت تغيب روحي حسيت اخر شي كالو اجه الحجي والضرغام

شويه شويه كام يصير صوتهم صدى

لمحت الضرغام واكف فوك راسي مخوصر ايده الاثنين وبعدها ماحسيت بشي.....

قد اكابر واتصنع الا مبالاة
قد ابين انا في احسن حالاتي
رغم انني احتاجك
رغم انني اقول ابتعد عني
لكن بداخلي يقول
أسأل عني تفقدني
فربما لا أكون بخير.....

حسيت ضلمه ماينشاف شي بس جان راسي ثكيل حيييل ثكيل
وريكي ناشف عطشانه متت عطش

همست

اريد ماي

ضوه نعلك بالسكف وبعدها انفتح الضوه
شفته هو

اجه اقترب
قرفص يمي همس

شلون صرتي

- مارديت عليه جنت حيل خاطري ثكلان منه
مشكله اريد ابجي من اشوفه

ابجي عليه منه
مدااعرف ليش اني هيج ويا بالذات
مداافهم
هو حتى ماسوى شي يخليني اتعلق بي

اخذ ايدي يتفحصها
وخله ايده على جبيني وعلى خدي يتفحص حرارة جسمي

كام نهض على حيله وطلع

شويه واجه جايب جدر بي مي وخاولي

كعد يمي بلل الخاولي بالمي ودايخلي على جبيني همست
شداسوي

وخرر عني

- ماردلي خلاه على جبيني الخاولي

تفززت من البروده وبردت حيل






حس بيه بردانه

جابلي بعد غطى وغطاني

حسيت شويه بدفو بس الكمادات مخليتني احس بالبرد رغم الجو مو كلش بارد

صار يسوي كمادات يخلي على جبيني
وعلى خدي
وعلى ايدي

اني اغفى بس احس لما يخلي القماش المبلل عليه

اغفى وارد اكعد الكاه على راسي كاعد

بعدين شفته طلع سرنجه يسحبها يريد يضربني بره

همست رغم التعب

هاي شنو

- لازم تضربيها

- ماتضربني مستحيل

- كال برفع الحاجب ونتر بهمس
بلا عناد مريم

- والله لو تموت

- ماتأذي

- مستحيل

- زفر بغضب وشمر السرنجه ضاج هواي بس ماهتميت

كام مشى بالغرفه يروح ويجي وكل شويه يقرفص كدامي يتفحص حرارة جسمي ويكوم

جان متوتر حيل واعرفه ضايج بس ساكت

سكوته يقلقني اكثر من كلامه
على عكس الناس

من ساكت معناها حيل ضايج
ومن يحجي يعني بارده اعصابه

كسر الصبح ودخلت اشعة الشمس لغرفتي
والصخونه خفت شويه

كعد كدامي كال

شوداج وره البيوت

- ضجت ردت اشتم شوية هوى

- الا هناك

- لعد وين اروح

دنك وتأفف بعدين باوعلي وهمس

شعندج ليل نهار تفترين وي ليو

- باوعت صفح وسكتت مارديت عليه

- اثكلي شويه ثكلي بنيه انتي بعدين شعندج بلا حجاب مو جبتلج شالاتج

- ماالبس حجاب اني

- وانه كتلج لبسي

- جنت تعبانه مو مال اجادله
وهو مبين متحملي ولكه الفرصه

دانحجي بعدنه اجه الحجي

وكف يمي

شعندج تفرفرين ولج شكتلج انه

- اختنكت حجي

- ادعيله لضرغام شفعلج والا انه مخلص عليج

- كام ضرغام
على كيفك حجي اهدأ

- تعبتني هاي مامن وراها غير بس المصايب
وكتلكم ربولياها بس شحجي ااااااخ

- عوفها عليه

- هو اكو احد طلع عينها غيرك

- سكت مارد

همس الحجي






تحبها ضرغام

- فز باوعله كبل جاوب

طبعا لا

- لعد ليش بقيتها عندك

- جنت ناويها مزاج وانت اخذتها

- فتحت عيني بوسعها هذا شيحجي شيكووووول

- حعوفها لك هديه مني الك

راح ورد التفت اله كال

صدك ضرغام

باجر تجي وياي

خير حجي

عمليه دسمه عدنه واذا تمت هديتك اكبر من هالحشره هاي واشر عليه وطلع

باوعلي ضرغام وفر براسه مثل المتحسف على تصرفه او عليه مادري

باوعي وتكلم بنتره

مريم لاتعبيني ولاتزيديني حمل فوك حملي
الي اكلج عليه سويي
كولي ايييي

- اطلع بره لتجي لبيتي بعد

- تره هداج الي

- اخرف هذا ميدري شيحجي اطلع

- اجه برود تلمس جبيني

ورد وكف
ابتسم كال

هه فكتج الصخونه وطلع لسانج انه اريد اروح انام عاد واصفالج بعدين

- رجلك متخطي باب بيتي

- باوعلي مستهزء وطلع

راح طلع
كل مره لازم تنحرك اعصابي حتى واني بأأسوء حالاتي

جنت تعبانه حيل جسمي نحول بي
حسيت بعيوني ثكلت
غفيت

حسيت بشي يدغدغ ويزعج على وجهي
كل شويه تصير بمكان واوخرها لحد ماضربت خدي وصحيت

لكيت ليو شايل ريشه من طيوره وكاعد يمي يكعدني

ضحك لمن شافني ضربت وجهي

- ههههههه جنت اريد اكعدج

- هيج ليوووو

- كلت خاف ميتتج الحيه بس نسيت انتن ضلعات
ثنين حيايه

- اني حيه ليو

- لعد انه
اصلا انتن البنات كلجن اسميجن حيايه كولي ليش

- ليش

- لان وحدتجن من تخلي شي براسهه تبقه تلتف عليه
لحد ماتوصله

- الله شكد ذكي
دكوم جيبلي ماي موتني عطش ضرغام وماجابلي

- يكولون مو زين

- روح جيبيلي معليك اليوم البارحه من عضتني

- راح جاب مي ورجع

سد الباب ليو لايجي ضرغام

ويييين ضرغام طالع

- وين راح

- راح وي الحجي هو وابو غضب وسعدي وبقية الولد

- ليش شكو

- بيناتنه الحجي
واقترب اكثر حجه بصوت ناصي

الحجي رايح هداده على جماعه ياكاتل يامكتول

- شلون يعني

- شنو شلون يعني راحو جماعتنه مسلحين وجماعتهم مسلحين

- ليش علمود شنو

- دازله بضاعه فاسده ومن حاججه الحجي يكله انتو منكم السبب سوء تخزين
وهذاك تخبل

- اشو الحجي داتجي ضربه وره ضربه

- انه ادري

بقينه نسولف اني وليو وبعدها راح جابلي غده تغديت وكملنه شال الصينيه توه دايطلع واسمع هوسه نكلبت كلاب بره

سيارات دخلت وهوسة الولد اسمع

يولددددد سوووو مكااااان

ابو راااااهببببب خابرتتتت

- اي اي مناف

- كتله ليو شكو شصاير

بالبدايه مارد عليه بقه يباوع شويه والتفت

الولد متصوبين حالتهم حاله

- فزيت برعب وكمت رحت يمه

منو منهم متصوب

مادري هسه اشوف

بهل الاثناء ونزلو ابو غضب كله دم من البنيد مال السياره وياه سعدي ونزلو عريوش ومسعد وسعدون
بس سعدون جان زين مو هواي

خطف گلبي على ضرغام ماشفته ماكو
وينه وين راح بس لا مات

#يسعد_اوقاتكم_بكل_خير
#توقعات_الابراج_ليوم_الثلاثاء_والله_اعلم

#الحمل
مهنياً: يشير هذا اليوم إلى فرص مهمة تأتيك وذلك من أجل بلورة مشروع خلاّق
عاطفياً: الشريك هو أقرب الناس إليك، وهذا من أبسط قواعد العلاقة الناجحة بينكما
صحياً: تميل إلى الإفراط في تناول الطعام، لكنك في الوقت نفسه تشعر بعقدة ذنب، أحسم أمرك

#الثور
مهنياً: قد تحصل تغيرات على صعيد العمل، اختر الأفضل ولكن ليس الأسهل
عاطفياً: تقضي مع الحبيب أوقاتاً رومنسية تقرّبه منك وتشعل في قلبه الهيام مجدداً
صحياً: حافظ على استقرار معنوياتك وهدوء أعصابك، لا تكثر من الصراخ والانفعال

#الجوزاء
مهنياً: قد تحقق نجاحاً مميزاً في مجال عملك أو مع شخص يعمل في اختصاصك، وتحقق مشروعاً مهمّاً كنت بانتظاره منذ مدة بعيدة
عاطفياً: تعيش يوما متقلبا ليخفف من الوهج العاطفثي قليلاً أو يخلق بعض الذبذبات العاطفية فتذهب في أحلامك العاطفية بعيداً
صحياً: عليك أن تتمالك أعصابك تجاه الضغوط، فقد تواجه لاحقاً ظروفاً أصعب وأكثر تعقيداً

#السرطان
مهنياً: لا تتسرّع في خوض مغامرة مهنية قبل أن تتأكد من دقة معلوماتك ومن النتائج المتوخاة لئلا تتحمل عاقبة الأمور وحدك
عاطفياً: الحبيب ينتظر إشارة منك منذ وقت، لا تتردد في الإفصاح عن مشاعرك له
صحياً: استعض عن العشاء الدسم بعشاء خفيف قوامه الخضروات والأعشاب، وتناول الفاكهة المساعدة على التهضيم

#الاسد
مهنياً: يوفر لك هذا اليوم بعض الحلول المالية ويغيّر وضعك المتأزم ويضعك على طريق النجاح
عاطفياً: لا تدع أحد المتطفلين يتدخّل بينك وبين الشريك لأنه قد يزيد الأمور تعقيداً
صحياً: ضع روزنامة واضحة لمفكرتك الصحية والغذائية، ونظم أمورك الرياضية

#العذراء
مهنياً: قد يتسبب طارئ ما اليوم بسوء التفاهم وانفعالات شديدة أحياناً بينك وبين الزملاء، لكنك سرعان ما تستدرك الوضع وتعيد الأمور إلى مجاريها الطبيعية
عاطفياً: قدمت تضحيات كثيرة في سبيل الحبيب، حان الوقت ليقدّم التضحيات من جانبه
صحياً: أنصح لك التروي والتصرف بهدوء وبعقلانية أمام من يحاول إثارة أعصابك

#الميزان
مهنياً: يغذيك هذا اليوم بالأحلام والقوة والعزيمة، ويجعلك قادراً على المواجهات بثقة بالنفس طوال الفترة المقبلة
عاطفياً: يوم من البرودة في العلاقة بالشريك، لكن الأيام المقبلة تشهد تبدلاً سريعاً نحو مزيد من التواصل الإيجابي
صحياً: إختر ما يناسبك من الاقتراحات المطروحة أمامك لمساعدتك على تحسين وضعك الصحي

#العقرب
مهنياً: تبرهن للآخرين أنّ الاتكال عليك كان صائباً، ونتائج أعمالك تثمر قريباً نجاحاً وتقدماً على الصعيد المهني
عاطفياً: تمارس جاذبية نادرة وتتاح لك فرص كثيرة للتعبير عن نفسك من دون قيود، وتعالج المسائل بحنكة وذكاء وتفاؤل
صحياً: خفف من كسلك وتقاعسك عن القيام بكل ما يعود على صحتك بالفائدة، لا تدع القطار يفوتك

#القوس
مهنياً: احترس من بعض الزملاء الذين يحاولون إقناعك باستثمار مالك في مشروع غير مضمون لكي يبعدوك عن منافستهم
عاطفياً: ركّز على علاقتك بالحبيب ولا تفكّر في أي شيء آخر قد يؤثر فيها أو يمكن أن يوترها ويدفعها باتجاه السلبية
صحياً: يوم مناسب لممارسة نشاط رياضي يخرجك من الروتين الذي يسيطر عليك

#الجدي
مهنياً: استعدّ لإنجاز مشروع مهم قد يغير حياتك ويعود عليك بأرباح طائلة تسثمرها في المستقبل لإنشاء عمل خاص بك
عاطفياً: ينشغل الحبيب عنك هذا اليوم، لكن لا تقلق فأنت دائماً في عقله وفي قلبه
صحياً: كن من الحرصاء على صحتهم، ولا تتشبه بكل من يستهتر بها، فهم الخاسرون

#الدلو
مهنياً: تحصل على معلومات مفيدة، تدقق في بعض التفاصيل، وقد تعود لاستقصاء بعض الحقائق، قد تقود مسيرة ناجحة وترفع إلى الأعلى
عاطفياً: إتبع قلبك وحدسك ووحيك، القلب مليء بجديد هذا اليوم ويمنحك قوة وشعوراً بالنفوذ
صحياً: إنتبه لصحتك ولسلامة قلبك، وتناول أدويتك بانتظام وتقيد بإرشادات الطبيب

#الحوت
مهنياً: لا تعرّض جهودك للضياع، يجب أن تخرج من أي امتحان منتصراً، الظروف ضاغطة لكنها مهمة
عاطفياً: خفف من عصبيتك تجاه الشريك، لأن ذلك قد يولّد بعض المشكلات بينكما، فتدارك الأمور سريعاً
صحياً: لا تكن لجوجاً لكي تفقد البدانة بين ليلة وضحاها، بل كن صبوراً وواظب على اتباع الحمية

#فقرة_شعر
لا تسولفليّ إعله حِزنك .
آنه اميزكّ مِن
مكاتيبَك ، نبرتَك
و الملامّح .

بأخر فترة
كلش طبعك تغير
وبديت انسحب منك
حَتى ما اخسر
جليد انتَ
تريد شلُون اظل فوگاك؟
وآنا اسمع بگاعك
جاي تتفطر .

ضَمني مثل اول جكارة البيهة
- خايف من هلك .

#فقرة_هل_تعلم
‏“لا تصدّق كلّّ ما تسمعه عن الناّس
فالشّخص المقصود قد يكون مستقيما، لكن من يعكس صورته هو "المائل"

#قصة_عراقيه


الحلقه٢٢

ــــــــــــــــــــــــــ
مريم..... +

صرت اباوع لوني خطف على ضرغام
طلعت وبلا وعي اصرخ

ضرغام
وين ضرغام

الزم بالولد اريد احد يجاوبني بس نثبرو بالولد المتصوبين

ريكي نشف واصرخ ضرغااااام ويييييين

- جرني ليو
باوعلي مستغرب

شبيج مريم ضرغام تلكي وي الحجي

وين الحجي ليش ماجاااا

اصبري

بهل الاثناء دخل الحجي
وجايب اطباء ثنين ومبين تحت تهديد السلاح لان موجه الضرغام سلاحه على الاطباء وهذوك خايفين

بدو يعالجون المصابين

من شفت الضرغام مابي شي مي ثلج ونزل على گلبي

اباوعله جان عاكد حاجبه متوتر كلش
واكف وموجه المسدس على الاطباء وهذوك يضمدون بيهم

جان عريوش حيل متأذي وينزف دم هواي غركت ملابسه دم

صرخ بيهم الحجي

ولكم وكفووو النزف حيموووووت

- وهم يشتغلون

الضرغام يلوب فوك راس ابو غضب
جان مضروب بطنه

سعفو سعدي والولد الا عريوش

التفت الدكتور للحجي كال

هذا الولد مات

اول ماكمل الجمله ضربه بجعب السلاح الحجي على راسه للدكتور

وكع الدكتور بالكاع ماعرف مغمي عليه ماعرف مات

بسرعه الضرغام لزم الحجي
وكله

حجي على كيفك هو مالو ذنب

-وصيح الحجي بوجه الضرغام وهو مقرب وجها عليه

صار ساعه شدايسويييييييي

اكله اسعفه

دكتوووووور لو قناد*

- الضرغام يهدأ بي
على كيفك حجي

وصرخ بالولد

وخرو الاطباء منا شيلوووو لهذاااااا

اخذو الاطباء جوه بيت من البيوت وهذا المغمي عليه هم

الضرغام كعده للحجي وراح يم الولد حتى يشيلون
عريوش

اباوع عريوش خطيه مات

صرت ابجي عليه
ربيت وياهم سويه ذكرياتي السيئه والزينه وياهم

اخذو وراحو يدفنو

اباوع للحجي مخلي راسه بايده وكعد
ميعرف شيسوي

راحو الولد وطولو بروحتهم حسيت بتعب



فتت جوه ارجف من الي شفته والي عشته
لزمتني رجفه قويه وبردت كلش

لفيت روحي بالبطانيه وكعدت
وزادت رجفتي

كمت اباوع يمنه يسره ادور جواريب
اريد البسها واتدفه بس مالكيت

كورت روحي اني ومتلفله بالبطانيه غفيت

حسيت بواحد يكعدني بطبطبات خفيفه على وجهي

مريم

مريم

فتحت عيني باوعت جان هو. عاقد حاجبه يباوعلي بقلق

شبيج مريم ليش هيج نايمه

- باوعت لروحي جنت على نفس نومتي
وعركانه متبلله من عركي

همس
بيج شي

-هزيت براسي بمعنى لا وكمت رحت لفراشي جان دوشك بالكاع كعدت وأتكأت على الحايط

اجه يمي
وكف كبالي
رفعت راسي جان مرجع ابده لوره عاقد حاجبه
يباوعلي

هزيت براسي وعيوني سألت بمعنى شبيك

- جر نفس وتنهد كال

ماكو شي

انتبهي لنفسج مريم

وعافني وطلع

مفتهمت ليش اجه وليش راح

بقيت كاعده حسبه توديني وحسبه تجيبني

افكر شلون وشراح اسوي
مصيري تحدد هنا ونرسم هنا

مرت يومين وملتهين بالمصابين والضرغام يروح ويجي على ابو غضب وعليه

سألته

شلون صار ابو غضب

- احسن شويه

- ليش هيج صار

- باوعلي وسكت مارد
بعدين سأل

ولدو للحجي وين عايشين

- ماعرف اصلا مشايفتهم

- البيت الي يروح بي يعرفو يندلو

- ماعرف

سكت بعدين تكلم
اكيد يندلو
والا شلون جاج ابنو

- قصدك اعتدى عليه

- باوعلي ورد دار وجها عني

واني نزلت دمعتي

التفت الي كال

مو قصدي بس ردت اعرف ليش ولد الحجي ميشتغلون ويا

ماعرف
اساسا الحجي الي يريد ندري بي عرفناه والي مايريد ندري بي ماعرفناه

- تنهد وكال

كلتي عندي اخت تؤام

- اي

- وين يعني متذكرين وين اهلج وين جنتي عايشه

- ماتذكر
جنت صغيره اصلا مااتذكر شلون خطفوني +

- هز براسه بمعنى اي وتوجه دايطلع بعدين التفت كال
اي كلام يصير بيناتنا ماريد احد يعرف بي

- جاوبته ب اي

وطلع مرت ايام والوضع تحسن للولد

ولمن صارو ميحتاجون للاطباء طلعهم الحجي راد يضربهم بس الضرغام منعه

- حجي عوفهم مالهم ذنب

- لو طلعو يبلغون

- الي يبلغ اي واحد منهم تلاثتهم يرحون بيها هم وعوايلهم

- الحجي عاند الا يقتلهم بس الضرغام منعه

بطبع الحجي يعاند بس الضرغام اله قدرة تأثر مو طبيعيه بحيث يقنع الحجي بكم كلمه
والحجي يمشي بكلام الضرغام

حتى الولد صارو يهابون الضرغام ويحسبوله الف حساب

الايام والاسابيع والاشهر تتوالى
ماكو شي يتغير الا عمري

بيوم دز عليه الحجي ورحت

جان كاعد مخلي رجل على رجل يدخن بجكارته الجوزيه

باوعلي من فوك لجوه

كال

دنالج الضرغام

- لا

ابتسم بأستهزاء

- شنو الي بينج وبينه

- ولا شي

- مريم تحجين لو مايصير خير

- ماسوالي شي

- خلاج على سواد عيونج

- مادري روح اسأله

- مراح يجاوبني
بس راح اسمع الجواب منج واعرف شلون
ولي عن وجهي يلا

- عفته ورحت
ضايجه حيل

لليل سوه سهره يمكن اول مره اشوف هيج سهره وهيج ليله
بنات جايب ب ١٠ وكلهم حلوات
شرب وكعده ولبس مو طبيعي

جانو الولد كاعدين واجه الحجي وياه الضرغام

صوت الغناء عالي
سكتهم وكال

ياجماعه هذه الحفله وهذه الليله اريدها على شرف اسدي
ودك على جتف الضرغام بفخر

الضرغام اليوم كدر يكشف شغله جان انه هسه منتهي
لهسبب يابنات اريدجن تونسننه

عيشن الضرغام ليله ماينساها

راح كعد الحجي وكعد يمه الضرغام

والبنات الي كعدت يمه والي صارت تركص
وهو يباوعلهم ويشرب

هذه اللحضات بالذات خلتني اكرها حيل
احس خنجر يضربني بي بكل لحضه
نار وشتعلت بيه
ومن شدة حركتي
بجيت



اباوعله من بعيد وابجي
وهو يضحك مايدري بيه دااشوفه

بس الحجي جان متعمد يسوي الحفله قريب على بيتنه
عرفت متعمد يوصلي رساله انه الضرغام ماهامته انتي

والضرغام استجابله وعادي

من اشوفه شلون عيونه متركزه عليهن وهن يتمايلن كباله احس موت على البطيء

لاول مره يجيني هيج شعور

لاول مره اتأذه هيج

اخر شي متحملت طلعت وجانت نار بيه مشتعله

صيحت بعلو صوتي

كافيييي اريد انااااام شوكت تخلص حفلاتكم

- باوعلي الضرغام والحجي

كال الحجي

سكتو سكتو ويأشر بإيده

سكتو

مريم تريد تنام واحنه ازعجناها

صار يحجي وعيوني اني على الضرغام
اباوعله بغضب والدمعه متحجره بعيوني

صار يتهرب من نضراتي

باوع الحجي وباوعلي

كال

تردين تنامين لو ضجتي

- على شنو

- ضجتي لان عندج عزاز هنا متونسين وي غيرج

- ماعندي عزاز اني

- منو يكول

- ماعندييييي
وصرخت
ماعنديييييييييي

كام عليه الحجي بغضب وجرني من زيك دشداشتي دايضربني وفز ضرغام
نتر

حجي عوفها

- باوع الحجي لضرغام وباوعلي
ابتسم بلئم بوجهي بدون مايدرون البقيه

وكأنه يكلي حركتج عليه هوو

- الضرغام:- حجي خلها تروح

- صفن لثواني كال

مريم امشي ركصي وي البنات

باوعت لضرغام صار وجها احمر
وبين عصب هواي

من شفته هيج كتله صار حجي تآمر

- داروح لزمني الضرغام من زندي كال للحجي

حجي خلها لمريم بلاها مريم

- ضيق عينه الحجي بشك
بعدين هز راسه بمعنى اي وعافني

نترت بضرغام

- اريد اروح وي البنات لاتدخل

- باوعلي بغضب صاك على اسنانه
ولم قبضة ايده صارت حمره

نتر فوتي جووووه

- باوعت للحجي كال

فوتي جوه مريم وانت ياأسدي خذلك غزاله الليله بيتها بيتك

باوعتله مباشرة بفزه للحجي وباوعت لضرغام +

كله حجي انه اكول لو هاهيه السهره

- هاهيه بس خوش غزلان هنا خذلك وحده

- تكلم وهو يباوعلي
صار حجي دزلي ام الفستان الاحمر هاي التسموها لؤلؤ

- اي مو تدلل

احس تعمد يختار ويحجي كدامي دايحرگلي گلبي
متحملت عفتهم وفتت جوه للبيت
ابجي

ونوب ماكدر اذا مااشوف شراح يصير
صرت اباوعله من شباك المطبخ وابجي

جان واكف ناطي ظهره للبيت هذيج الي يسموها لؤلؤ واكفه گباله تحجي وتتشاقه وتتمضحك
وجهها جان صاير على البيت

بعدين ماعرف شنو همس بأذنها وهي طكتها بضحكها

واخذها وراح لبيته

واني متت الوب اريده وماريد يروح وي اي بنيه

مااريد يباوع لوحده ثانيه

بقيت اعد اللحضات والثواني الي شوكت اشوفه طالع من بيته بس ماكو ماطلع

عيوني مانشفت من دموعها

خلصت السهره وكلمن راح لبيته وراحو بنات وياهم ولاهمني احد ولاعيني على احد عيني عليه هو
حتى الحجي لمن فات الضرغام لبيته هو طلع من الحي وكأنه متقصد بس الضرغام

مر وقت جنت كاعده على فراشي
مااجاني نوم بليلتها

هدأت الاصوات وتقريبا كلها نامت
حتى الاضويه الي بره خافته مطفين الاغلبيه

جنت ابجي بشهكه مثل طفل ويبجي على لعبه

مكوره نفسي وضامه راسي بحضني

حسيت بواحد كعد بصفي

رفعت راسي شفته هو كاعد والجكاره بحلكه دايدخن

همس من دون مايباوعلي جان يباوع للامام

ليش البجي

- كمت على حيلي فزيت ونترت بي

اطلع بره

- مااهتم باوعلي مضيق عينه
ليش تبجين

- توني اصرخ وسد حلكي بإيده رافست دااوخره
همس
ششششششش

سكتي
اهدأي

همس مقرب شفته يم اذني

لان ماخليتج تركصين بنص الزلم تبجين مو

- رافست ااوخره وارد بس بقه ضاغط على حلكي بيده حتى مااحجي

وتكلم بهمس

انه إن ماخليتج ف بس لان رايد احميج

انه ماريدج تصيرين لهذ ولهذاك

لو الوضع عجبج من شفتي البنات

- باوعتله بغضب وهو باوعلي بااستنكار



وخر ايده عني وكام وكف

وكفت وي وكفته

- انت مامعتبرني مره اصلا
تغازل هاي وتسامر هذيج

- باوعلي بااستنكار وتكلم الجكاره بين شفايفه

ربع ايده وكال والمطلوب اعتبرج مثلهم

- وليش لا مو مره

- يعني جنتي تبجين لهسبب

- انت ماتهتم بيه مثلهم
انت اصلا متباوعلي على اساس مره
بنضرك اني شنو هاااا شنووو

- ضيق عينه
شبيج مريم

- اني
اني

- انتي شنو

- اني اريدك احتاجك اني

- وانه يمج احتاجيتيني فد يوم ورديتج

- اريد قربك اني
اقتربت منه اكثر وهمست
احبك أني ضرغام واريد حب فعلي مو بس كلام
حالي حال البنيه السهرت وياها البارحه
لو اني ماعجبك
شوفني حلوه اني ومره كامله
وراح اسعدك.....

ثم إنك كنت طريقي الذي تمشيت فيه وأحببت عثراته وكل مافيه
طريق كان الخوف والامان والحب والحرب
فيه
غامض لايعرف اين سينتهي بي
لكن رغم ذلك أحببته......

سديم.....

رحنه للمطعم وعزمني على مندي

- اريدج تاكلين زين وتربربين شويه

- باوعت مارديت

- اكلي هذه شوفيها شلون لحمه لوز

- دااكل ادم شكرا

- هاج هذه اكليها من ايد ادم فتحي حلكج

-لا ادم اني دااكل

- ولج من ايدي

- حتى مااصير نكديه مثل مدكول كتلك دااكل

- ترجعيها من ايد خطيبج

- بعد مصرت خطيبي
حرام اصلا هسه تلزم ايدي وكعدتي وياك اصلا هسه حرام

- ليش يمه شمسوين
قابل دابوس بيج

- فتحت عيني بااندهاش
هاي شنو ادم عفيه تره ماقبل تحجي هيج وياي

سكت بس ضاج مارد

كملنه اكل وطلب جاي

وتكلم

مريم لتصيرين نحيسه

- لكل شي حدود ادم

- بس مو هيج فكيها

- لااني زوجتك ولاخطيبتك

- بس رايدج على سنة الله ورسوله

- من نعقد سيد تشوف سديم ثانيه

- ابتسم بفرحه
يعني اكو سديم ثانيه

- دنكت بخجل
وكتله
ادم كتلك كلشي حدود وكلشي بوكته حلو
- ماشي بس فدوه اني تره اموت بالمره شويه مربربه دمها خفيف +

- سكتت

- يعني لاتظلميها هسه اكلج اوكلج تكليلي لا

- ادم اسألك سؤال

- جواب

- انت مسلم

- لعد يهودي

- جاوبني على كد السؤال

- اكيد

- مراح اكلك تصلي او لا ملتزم بالواجبات الدينيه او لا لان هاي انت وربك بس راح اسألك ك مسلم
التصافح وي الاجانب
والاجنبي مقصود الي غريب

- كمل كلامي كال يعني الي يجوزلج بالزواج

- تمام
اي تصافح ويا حلال لو حرام

- ضاج وجاوب حرام

- زين هسه من انت توكلني حلال لو حرام

- هاااا اشتغلت بدينه

- اسألك وجاوب

- حرام

- زين اني شون اقبلها

- مو كتلج حصير خطيبج وكتلج توني لتصيرين نحيسه
ااااااخ سديم لو تشوفين البنات شلون سبورت ويعدلن المزاج
غير وحدتهن تخليني اتخبل عليها

- روح اتزوجها ليش ماتزوجتها لعد

- جاوب بتهرب
لا يعني مو داكلج ردت اتزوجهن بس داحجيلج
شكد يونسن

- بالنهايه البنات اطباع

- وعيونج لاخليج على مايي

- هزيت براسي بمعنى اي وسكتت
شربنه الجاي وطلعنه وصلني للشقه كال

شوكت عملية مرت خالج

- بعد لازم تجهز فلوس العمليه

باجر ترحين ووتحددين موعد العمليه واعتبري الفلوس يمج

- وشلون تخطبني مهر شلون تدفع

- مو مهم
خل نخلص علمود تفرغيلي

- لا نبقه على اتفاقنه تخطبني وتدفع مهري واني اتصرف بفلوس مهري

- سديم لتعاندين اسمعي كلام

- ادم اترجاك لتحسسني جاي تتصدق عليه كتلك تدفع مهري وتصرفه يكون حر الي

- جر نفس وتنهد كال صار
انزلي باجر
وبعد باجر اجي اخطب

- زلم

- اي باجر ادزلج سميره وبعد باجر اجي اخطب

- اوك

- رجعت للشقه وتحضرت ثاني يوم ورحت لبيت خالي

تفاجأت مرت خالي من رجعت

ها يمه سديم شو راجعه

- خاله اريد افتح وياج موضوع

- كولي بنتي



كعدنه على قنفة التخم وحجيت وياها
خاله اكو واحد يريد يخطبني

- اي بيها الخير منو هذا وشيشتغل

- ادم الي وياي بالدوام

- ادم... فرحت... يالله اي بنتي شكو بيها
انتي موافقه

- اي موافقه خاله

- هاهيه بنتي الله يسعدج حبيبه

- باجر حتجي سميره تخطبني رسمي وبعد باجر مشية زلم

- ليش مو اهله
امه ابوه اهله وين

- مسافرين

- مايرجعون

- لا

- لعد شلون حتصير مشية الزلم

- ماعرف بس هو معارفه هواي

- بيها الخير
بوستني الله يسعدج بنتي

- رحت لغرفتي مددت ماعرف ليش گلبي معصور
وخوف ورهبه مادري شسوي

دزلي مسج ادم

وتاقت عيناي لرؤية خصال شعرك

- مارديت على المسج بس حسيته رومانسي ويردله گلب واني الدنيا لعبت بيه طوبه
ربع لسانه مااوصله

ثاني يوم اجت سميره

- مرحبا ام حسن شلونج

- يااهلا وسهلا كل الهلا

- بالبدايه دار كلام بينهم حول شغلي ودراستي
بعدين فتحت الموضوع

هسه اكيد دكولين شنو هالزياره المفاجأه

- لا بالعكس بيتج هذا

- تسلمين عزيزتي بس اني اليوم اجيت
بطلب من ادم

-تفضلي

- ادم طلب سديم للزواج واتمنه ماتردو

- اباوع لوجه مرت خالي صفر وتلكأت كالت
والله ماعرف شكلج يعني ولاصغرا بيج بس اهله وين

- اهله مسافرين والدته متوفيه من هو وصغير
ابوه مسافر واخوته خواته كلهم بالخارج

- يعني ميحضرون اخوهم بهيج يوم

- لا مايكدرون

- والله نشوف البنيه ونفكر يومين ونردلكم خبر

- تكلمو شويه وبعدها سلمت سميره وطلعت

عمتي جانت صايره اعصاب

شفتي ولج مكلف يدز اهله

-دز بنت عمته

- كلتيها بلسانج بنت عمته يعني عنده عمه هنا عنده اهل

- لا عمه مو اهل ماعنده بس مسافرين

- يعني افهم من كلامج انتي موافقه

- موافقه اني عمه

- باوعتلي بحيره سكتت

_ لتباعيلي هيج عمه اني اعرف سعادتي وي ادم
من كلتها اختنكت وكوه كتمت دموعي

- الله يسعدج بنتي
بس احنه هم لازم نسأل على ادم +

- لا لا عمه اعرفه اني

- بس متعرفي خارج الشغل شنو شعنده ماعنده

- عمه اعرفه وموافقه الله يخليج خليها تتسهل

- هاهيه بنتي مثل متردين

ومشت وعافتني ملتهيه بمرضها هي ورغم مرضها تريد تطمن عليه وتخليني وي رجل اكون سعيده ويا
يومين مرت واجت سميره
تعرف ردنه وكلنالها موافقين ادم ماكذب خبر
بيومها اتصل كال

باجر اجيب شيوخ واعزم العالم نجيب المهر ونعقد هم

- ادم لتستعجل على العقد

- لا حبيبي علمود اخذ راحتي اطب اطلع متضلين تسويلي لا فدوه وحرام اعرفج واعرف عقليتج

- سكتت مارديت

ثاني يوم اجوي الناس والتمت شيوخ من عشيرته ومعارفه واصدقاءه بحيث بيتنه نترس عالم
خوالي حضرو واولادهم ومعارفهم
دفعو مهر وعقدو سيد