#فقرة_شعر
- ضُمني بس هَليله يَمك .
أرد اطِش روحِي أعلى صَدرك
أرد أحس بروحِي بس
- يَمك حَلال .

نِذر لُو جيت ،
أفرشلَك شواطي الروح
كُلها ورود .

تعَال تمدد بچفي
- لو بصمة ..
تعال ودّور بعمري
اخذ ليعجبك وضمّة .

#فقرة_هل_تعلم
‏إن كان لك نصيب في شيء
سيقلب الله كل الموازين لكي تحصل عليه ."

#قصة_عراقية








الحلقه الثامنه عشررر


سلام عليكم متابعين رواية تل الذهب
اعزائي الروايه قيد النشر وداانشر بين يوم ويوم مامتوقفه وان كان صورة الابطال بعد اي بارت انزله هذا مايعني انه متوقفه خطأ بتسلسل الحلقات
اليوم وبتاريخ 26 اكتوبر نشرت حلقه 18 وان شاء الله مستمره وياكم

ثانيا كل الحب الكم ولكلامكم الجميل اعذروني ماكدر ارد عليكم وحده وحده عددكم يتزايد وافضل هذا الوقت اكتبلكم بيها افضل لكن كل تعليقاتكم اقراها واشوفها واكون سعيده حقيقه كون تقدم دافع معنوي في استمرار الروايه وتشجعني اكتب

وبالنسبه للمتابعات بصمت هم جاي اتعب ولو تصويت خل تصعد الروايه هم حقي اشوف ثمرة تعبي تسجل يمي مشاهده لكن للاسف اشوفهم بس من ماانزل يحجون

في النهايه شكرا لكم من القلب 😘😘😘😘😘

رغد الموالي...........


اي حب ذاك الذي يستوطن قلبي وعقلي وكل جوارحي
اي عشق أهيم به انا فأكتمه خوفا من كل شيء خوفا منك انت
ــــــــــــــــــــــــــــــــــــــــ
بقلم رغد الموالي
ــــــــــــــــــــــــــــــــــــــــ

سديم.....
سد الموبايل بوجهي ادم
جان كلش ضايج احسه نار واشتعلت بي
بس مااهتميت بالبدايه جان همي مصيبة هنده

جانت تبجي ورباب تشرحلها وتحاول تهدأها

- كافي عاد كلنالج الولد يحلوها

- واني كتلج مراح يعوفني بحالي

- وتالي شلووووووون

- اخابره واكله شرايد

- ويطلع مسجلج ويورطج

- لعد شلووووووون

- سكتي وخلي الشباب تحلها سدي حلكج انتيييي

- سكتت بس دموعها مانشفت

باوعت بأتجاه السماء بكلبي اكول
ربي انت ارحم الراحمين
ترحم بهلانسانه وتخلصها وتنجيها من هذا الهم
ذنبها وثقت وامنت وعشكت
ذنبها حبت ورادت تفرح بدله بيضه وي الانسان الي حبه كلبها
شنو هالانسان هذا من ياطينه مخلوق
معجون بالشررررر
لدرجة انه ممكن يأذي بشر بكل سهوله
اعوذ بالله

رباب بطبعها عصبيه ومتتحمل تبقه تجامل اعرفها من تتهزم وتخصم الكلام لان اذا تبقه تجادل ماتجامل بعد تحجي

هدأت هند خليتها تمدد على سريرها ترتاح رباب راحت تحضر اكل
واني كعدت يم هند اقرالها على راسها يمكن تهدأ
تعويذات وايات قرانيه علمتها الي مرت خالي
تخلي الانسان يرتاح
وحصنتك باسم الله الواحد الاحد
الفرد الصمد
باسم الله العظيم
بااسم الله القدوس الكريم
بااسم الله الرحمن الرحيم

اللهم اني اعوذ بك من كل حاسد
وعدو حاقد كالشيطان المارد
اللهم انا نعوذ بك من الهم والغم
اللهم ياكشف الكرب وياشارح الصدور وياباعث من في القبور






اكشف عن هم وغم هند بنت حواء وفرج عنها واشرح صدرها
اشرح صدرها بالايمان والاسلام دين السلام الذي ارسلته على لسان حال انبيائك

اللهم يامن انجيت يوسف ويونس وموسى وابراهيم
ويامن شفيت يعقوب وايوب
ويامن جبرت خاطر مريم وام موسى
اجبر خاطرها بحق اسمك الاعظم يالله

هند سبحي هاي التسبيحه مجربه لاتتماهنين بيها سبحيها

( سبحانك لا إله الا انت اني كنت من الضالمين)
سبحي شكد متكدرين

- حانت تبجي بس اني واقرالها احسها ارتاحت وهدأت من البجي مسحت دموعها ولما كملت معدت وقبلتني من راسي

- اشكرج ريحني كلامج وهذه الدعوات

- كنت كلما احس بضيق تقرالي مرت خالي تعلمتها منها وحفظتها جنت اسبح هذه التسبيحه متصورين شكد جنت احس براحه

- حسبحها ادعيلي فدوه

- ان شاء الله والله بدون متكليلي بصلاتي اذكرج وادعيلج

-متقصرين

اجت رباب جايبه صينية الاكل كعدنه ناكل بس كلنه قلقين ومتوترين لايسوي شي هذا النذل

ثاني يوم رحت للشركه وداومت عادي حتى ادم الي صيح عليه بالموبايل اجه ولاكأنه صاير شي مشاها عادي لاحجه ولاكال حتى اني تفاجأت بس دام سكت اني هم مافتحت موضوع
داومنه عادي يومين مرت هدوء ماكو شي

بالليل خابرو الشباب على رباب

- ها شو هذا صاحبكم مسوه شي

- مادري

- هذا بوخه بس حجي وداعتج
مدكليلي شحيكول

- احنه هددناه اذا يلعب بذيله منسكت نطلع الاول والتالي

- عفيه بيجن

سد الخط وراح

- ها شفتي طلع بوخه

هند- راح اخابره

رباب - تخبلتي ولج

- لعد شلون

-شتكليله اذا تخابري

- اكله ليش مااجيت لو بس تحب تحجي

- يله دنشوف

اتصلت عليه فتحلها خط يحجي من وره خشمه

- خير شرايده

- اشو مابينت .....

- هه كيفتيلها للعشاير

- شتقصد

- ولج عبالج غبي اني اعرفج تردين تفريها عليه وتكليلهم جنه سوه وتثبتين تجي من يمج هاي

- شنو المطلوب شرايد انت هسه

- سمعي داكلج زين
خلقتج وصوتج لااريد اسمعه ولااشوفه من هاللحضه
لا عبالج صدكت انتي مو وره سالفة هذوله الشباب بس حسوي نفسي مصدك عركة ولد
بعد لدكين عليه






اخذته رباب منها وحجت

ـ كملت هه تدري انت واحد جبان وعار تنحسب على الزلم
متستحي تتلاعب ببنيه لمجرد انها حبتك

شسوتلك هي هااااااا شسوتلك وهيج داتسوي
شوف تحل عنها تحل ماتحل عنها اوكعك بتهلكه واكعدك عليها عشاير وقد اعذر من انذر

- يمه يمه صرت ارجف هه والله تالي وكتي يهددني بنات

- مو بعينك مو

- ولا تهزولي شعره

- شوف ابني مكالمتك هاي سجلت هسه اكدر اوصلها للامن الوطني تلعب بيك جوله
ديربالك تخابرنه ديربالك تتدكر بيها بعد
جبان عار تهددنه عشاير والله اخلي عشايرنه تلعب بيك جوله انت والوراك فوك ما تلعب بااعراض الناس
وسدته بوجها

- سديم، عفيه خوش رزلتي

- يستاهل مو

- اي.

- هند... خاف يسوي شي

-شوف هاي ابتلي بيج هسسسسسسسسه
ولج من سويتي ويا علاقه مخفتي هسه خايفه

- سكتت
كدرت ارتاح نوعا ما تقريبا بدت تنحل مشكلتها لان حبيبها طلع بوخه مامن وراه شي
بس بجبنها خلته ينفش ريشاته
مرت ايام والشغل ماشي عادي وادم سكوته جان قالقني يتصرف برسميه كلششش
مرات يجون بنات والي تجي يطلع وكتها هو وياها من الشركه
مشت الايام وعم الهدوء اكثر
بيوم جنت داسلمله اوراق فتت للمكتب جان هو دايخابر

- نعم... بلي..... صار ... صار

- هي توصل الشاحنه سلم تستلم واي خلل مرجوع

- جان يخابر ومركز وياي نظراته عليه تتفحصني بس كلت يمكن مو يمي لان دايخابر

- تمام.... الخميس يمك
الله وياك

سده
تنهد وخله ايد باايد على الميز وكال

- كملتيها

- اي

- اخذها مني وخلاها على الميز توجهت حتى اروح
كال

- اوكفي

- التفتت عليه نعم؟

- كام من كرسيه متوجه الي

وحجه بطريقه غريبه

صايره حليوه هواي
شبيه اني اعمى مااشوف الجمال الكاعد بره كل يوم

- من رخصتك توجهت دااروح

- لزمني من زندي
همس رافع حاجبه
اوكفي
همس وتقرب اكثر
اني ماخلصت كلامي

- شتريد
ليش تحاجيني هيج بطريقه غريبه

- لان... لان...
يباوعلي احس عيونه حتطلع بره
لان اني احبج

- شنو

- اني احبج
تقرب مني اكثر وحاوطني بيده ثنيناتها
همس

احبج واتمنه اكون قريب منج من روحج
صار يهمس يم اذني
حسي بيه






نفرت ايديناته ثنينهن وبعدت
تكلمت بنتره

اليحجي يحجي عدل مو هيييج

بعدين شنو احبج
شنو هالكلام هذا

- اي شكو بيها

- احترم نفسك لاعبالك سكرتيره عندك اصير لعبه باايدك نجوم السمه اقربلك

- والله هه ( ابتسم بااستهزاء)

- شوفي ثكل يمي لتبيعين من الاخير حجيبها الج

- يعني؟

- يعني شغلج من جوه لجوه كشفته واني اولى من الغريب ههههه

- باوعتله معرفت حتى ارده نزلت دموعي وحدهن

- صار يباوعلي باستهزاء
يبو عليه وضرب على خده خفيف
حتكوم تبجي

واني موهيج
واني كذا

وهي الله يعلم

دكولي احب كمال اجسام وداعتج من باجر بالجيم

- ماعندي شي وياهم والله

- ههههههههههه
هههههههههههههههههههه

سولفيها على دبه

لو ماشفتج انتي وهاي الوياج وشكد حلو انتن تلاثه والشباب تلاثه

- شوف اني مامجبوره ابرر كتلك بشغله عندي شغله وياهم

- بنيه متغربه تحجي وي شباب غربه بالليل شنو معناها

- بصوت معناها تفكيرك وسخ وكلشي يفسره عكس لان هو زباله وعباله الناس هم زباله مثله

- اني حشوفلج الزباله هذا شنو ممكن يسوي
تقدم اليي بسرعه ودفعني على الحايط

صرخت سد حلكي وحجه وهو ضاغط على حلكي
محد هنا والدنيا ليل هه قبل لاتجيبين الاوراق قفلت باب الشركه يعني محد يفوت

تخبلت هاي شوكت طلع شوكت قفل الباب شوكت راحو المحاسبين

وخرها لايده جانت نظراته الي بشيطنه مخيفه
مد ايده على قميصي ومزقه
صرخت وغطيت وجهي تقرب مني يحاول يعتدي عليه
تهسترت صرت اضربه بإيدي الاثنين وابجي واصرخ
ابتعد

كعدت بالكاع ثنيت رجلي وكورت نفسي لميت روحي واحاول استر نفسي لان قميصي تمزق

صرت ابجي اكثر واكثر بصوت وحركه
هو ماعرف وين راح بس تركني جنت ابجي ضامه وجهي
بعدين رفعته بعد مااجهشت بالبجي هواي
باوعته لكيته لازم راسه بيده الاثنين يباوع للكاع كاعد على الكرسي

لمن سكت صوت البجي مالتي رفع راسه

باوعلي ورد دنك

همست

- ليش اني شسويتلك

- رفع راسه بفزه باوعلي معرف شيجاوب
كام واجه بااتجاهي
صرخت بي






لاتقترب

كعد على بعد مسافه صغيره مني

همس

اسف

- وديني للشقه ( نترت واني امسح دموعي)
منظري مينطلع بيييييي

- هسه اجيبلج قميص بس اهدأي

- كلشي ماريد منك وصلنييييييي

-سديم اترجاج اسف مو بوعيي والله

- توصلني لو اروح اني وافضحك وافضح نفسي

- راح اروح اجيبلج قميص شلون اصعدج وياي هيج

- سكتت

- اهدأي هسه اجيب واجي مااتأخر

راح وسد باب المكتب قفلها
نص ساعه ورجع جايبلي قميص

- اطلع داالبس

- طلع وكف بره بدلت قميصي وطلعت لكيته كاعد على مكتبي
مباذرة فز اخذت الجنطه دااطلع لزم ايدي

اوكفي

- نترت
وخر ايدك

- مو بوعيي اسف

- خللللص افتهمت هسه شتريد يعني

- بس على كيفج اهدأي وكعدي خل احجي وياج

- ادددم خليني اروح لااصرخ والم العالم عليك هسه

- مااخليج تروحين ومقهوره مني ابد

- كمت اصرخ.... عوفنييييي عوفنييييييي

- اشششششش وسده لحلكه بقوه
سكتي فضحتينه

- وخر عني

- ابتعد باوعلي
راح اوصلج بس تنطيني فرصه نحجي مره ثانيه

- وجهك بعد مااريد اشوفه
مع الاسف امنت بيك وثقت هيج تغدر بيه
لييييش
شسويتلك

- متحملت.. موقف هذاك اليوم ياكل بيه اكل اموت الف موته باليوم

- كتلك ماعندي شي وياهم ماعنديييييييي شييييييي وياهممممممممممم

- بس اهدأي واسمعيني

سكتت وكعدت بس جنت ضايجه كلش نار تحس تشتعل بيه

كعد كدامي على الكرسي الثاني وتكلم

سديم اني رجال وصعبه عليه اشوفج واكفه وي تلاث زلم بنص الليل وتحجين وامررها مرور الكرام

- نترت
وانت شعليييييك
ان شاء الله وياهم على سرير واحد شعليييييك

من كلت هيج تخبل
جانت اكو منفضة جكاير على الميز شاهلها وشمرها كسرها وكام وكف على حيله
يفرك بيده متوتر احسه كوه جاي يحاول يلزم اعصابه

راح ورجع بالغرفه ويباوعلي بغضب من شفته حيل خفت بس جنت اضهر العكس وابينله عادي ومااخاف






حجه بهمس بس بغضب
وياهم على سرير واحد مو

وصرخ بيه
مووووووووو

بس فهمني انت ليش محترك دمك ليش تحاسب شعلييييييك

لربما تفضحنا افعالنا
نحن نستطيع كتم المشاعر لكن حتما ستفضحنا الافعال
ستنبهنا المواقف ان الذي امامك شخص عاشق
فتقبل شقاوته مهما كانت.....!

مريم....

واحد موجه سلاحه على الثاني واعرفهم ثنينهم مو بوعيهم بس احس ضرغام واعي مو مثكل مثل ابو غضب

طلعت وكفت بنصهم واصرخ

كاااافييييي
اصحووووو انتو متدروووون بنفسكم

- صرخ بيه ضرغام:- شطلللللللللللعج انتيييييي

- كافي اروحلكم فدوه كافي

تقرب عليه وهو عيونه تجدح نار
جرني من زيك دشداشتي ومشى طببني للغرفه وسد الباب بقوه
خفت ارجع افتحها اشوفه شيسوي وماعرف شنو حيصير

بس سمعت صوت ابو غضب عله وصاح

لتخليني اطشر راسك اليوم واكله للحجي ضامها عده

- صرخ بي ضرغام
ولللللللك تخبللللللت وضرب نار ماعرف وين
بس وراها صار هدوء

جمدت خفت لا ثنينهم ماتو فتحت الباب على الكيف شفت الضرغام خانك ابو غضب بعكسه ولازم ايده الي شايل بيها السلاح
نفرها برجله بقوه نشمر المسدس بعيد
سحبه باتجاه الحمام
ذب عليه مي بارد واصلا هو الجو حار
وهذا يصيح

- ينعل رسسسسك وخررررر
اليوم اقتلك اليوم

- ولك ثكلت مو مال ساده انت

- ضرغام وخرررررررر

- ها صحصحت ولك
ابقه بعد صحصح

- شويه وطلعو ثنينهم منكعين بالمي
صاح ضرغام

مريم سوي جاي

رحت ركض للمطبخ سويتلهم جاي وهم كعدو ولاكأنه صاير شي

جبته الهم
اشرلي بعينه وهمس

جوه

- فتت للغرفه وكعدت وهم خفت لايصير شي
بقيت كاعده وكل شويه اكول هسه يروح ابو غضب
هسه يجي ضرغام
ومشكله ماكدر امد راسي اشوف اخاف من ضرغام يصيح بيه
بقيت كاعده
وره وين حسيت بنعاس
صرت اتثاوب
مددت على السرير ونمت

غفيت وحسيت على صوت طكطكه بالغرفه فزيت لكيت ضرغام داياخذ السويج

من شافني فزيت همس

هاي اني لتخافين

- وين حتروح

- لازم اروح

-وين

- سكت بقه يباوعلي يمنه ويسره

- ليش سكتت






- حغيب كم يوم واحتمال اطول ماعرف شنو وضعي بس انتي لتخافين راح اوصي عليج

- ليش شصار

- مصار شي حروح بمهمه

- باوعتله اختنكت وبينت على ملامح وجهي

- تقرب ولزم وجهي برقه بيده الاثنين

مجبور
لازم اروح

- لتتأخر عليه

- احاول

توجه حتى يطلع ورد رجع
شكد اكدر اثق بيج

- ليش

- عموما انه ماخاطفج بس اي حركه منج نطيح بالرجلين
مريم هذا موبايل خلي يمج اخابرج بين فتره وفتره اطمن عليج اشحني هذا يخلص شحن تره شايفتني من اشحن جهازي الثاني

- اي

- اي اشحني وهم بي العاب تونسي بيها دوريها للشاحنه بارحه جنت اشحنه مادري وين خليتها
وشحني
ولتخابرين انتي حعوفو يمج لهذا جهازي واي شي يصير لاتنطي لاحد ابد مريم ابد

- حتى لو كلي ضرغام دزني

-حتى لو الا انه اكلج نطنيا يله

- ماشي

حروح انه ثيمالا

- راح هو وابو غضب بقيت بالمزرعه
شلت هم للوحده هم راح ابقه وحدي

مر يوم اعتيادي بس بالليل كالعاده اخاف
نمت وحلمت اني صغيره واختي يمي وامي وابويه بس شكلهم مو واضح مغوشين
وكأني بينهم والعب واضحك وشايله دبدوب صغير

لكن امي راحت هي وابويه بطريق
واختي بطريق وبقيت وحدي بمكاني وابجي
وعله صوت البجي بس مالتفتو الي

صيحت وهواي صيحت بس ماردولي
كعدت فازه
الدنيا حتوشك على شروق الشمس سمسمه جانت تصهل باوعت من الشباك مابيها شي ليش تصهل
هواء المبرده حار جان
طلعت بره اشوف ليش جان خلصان مي التانكي
بديت اترس مي وبين ماينترس التانكي بقيت كاعده
راحت نومه بعد
افكر
وين راح
وليش كال اتأخر
ليش گلبي هالمره نعصر

يمكن لان تعودت عليه

هو راح يمكن لتل الذهب ويمكن طلع وي الحجي
يمكن عدهم عمليه جديده يمكن صعبه
مادري

بديت اتذكر لما جنت بتل الذهب وياهم عايشه

لاصباحنا مثل البشر ولامسائنا
اساسا العيشه الاعتياديه مااعرفها شلون الواحد يعيش

بأي لحضه تكب عركه بين الولد وياخوفي لاتنتهي بقتل واحد منهم

اقمار وشرب ونسوان بتوالي الليل ومحد يكول ليش هيج تسوون

اتذكر مره تعاركو الولد بينهم على لعبة الرايسز ( اقمار)

لما حمزه غلب عريوش
ورجع غلب مناف وغلب ستار






ماتحمل عريوش وكب

- هييييييي تضحك علينه انت
داتغشششش ماكو هيج لعب

وهو يضحك برود وبحقاره

هه غلبتكم انتو متعرفون تلعبون انه شعليه

- شوف حمزه لعبك هذا والغش مايعبر علي انت مسوي ملعوبه وينك وين العب انت
عمي احنه اهلها جاي اليوم تغلبني

- مناف: كله جوكر ويكلي اعرف العب

حمزه:-رد بغضب
هييييييييييي اعرفو ويامن تحجووووووون

- استهزأ ستار
وركل مناف بضحكه وكال
هه نحجي وي الكابتن اسطورة اللعب حمزه

-تصنف عليه ولك مو
ورده بوكس

- هذاك من شاف روحه نضرب تخبل وجات عليه وصارو يتعاركون واحد يضرب الثاني
وصارت عركه نتهت لما شافو الحجي على راسهم ضارب طلقه بالجووو

وحجه...

ولكمممممم زعاطيط انتوووووو
تتعاركون من وره لعب

- حجي يوميه مخسرنه ميصير يغش هذا

- ممجبور تلعب

- صارو واحد يصيح على الثاني حمزه ومناف وعريوش وصرخ بيهم الحجي

- اذا متكبرون كلولي حتى طلقه براسكم من هسا واخلص

بوكتها جنت اتفرج عليهم من بعيد وليو واكف يمي يهمس
مريم شرايج ابوك الاوراق ونلعب اني وياج

- اسكت ولك شيخلصنه من حمزه

- ميلعبوني وياهم

- عوفك منهم شعاجبك اشو ينهوها بعركات

- رجعت لواقعي هه ذكريات للاسف ذاكرتي تحتفظ بماضي تعبان

مر يوم ولااتصل ولاابد واني ماعرفله الموبايل

لكن بالليل رن التليفون
دست بالدكمه الي علمني عليها وطلع صوته

- شلونج مريم

-اني زينه

- خو مداتخافين

- لا

- اكلتي

- اي

- محتاجه شي ادزلج احد من الولد يجيبلج

- لا ممحتاجه شي ضرغام.... بس هو انت شوكت تجي

- جر نفس..... ماعرف

- انت وين

- انه طالعه بشغل

- ليش هسه خابرت

- مكدرت مريم اخاف اخابرج ويدرون احاجيج
يأذوج لو احد عرف راجعتلي
حروح انه هسه وحخابرج كل متصيرلي فرصه
ديربالج على نفسج خوش

- خوش

- ديربالج على سمسمه

- ماشي






-يلا ثيمالا

- بيباي

سده هو الخط من يمه
بس اختنكت لمن راح

ماريده يروح حتى لو مجرد يتصل هو امان بالنسبه الي

بجيت ولاول مره ابجي من لاشيء

احس بروحي طفله صغيره لمن اشوفه او اكلمه
مثل وطن امن الي

اهل او بيت دافي يحتويني

- ضرغام صار بالنسبه الي كلشي لدرجة خفت افقده بيوم......

غفيت صح بجيت بس بجي بحب هالمره احساس دافي وحلو مرافقني
كعدت ثاني يوم الصبح وطلعت بره شفت سمسمه وتذكرت من كالي ديري بالج على سمسمه

رحت يمها وتذكرت من جان يصعدني
فكرت اليوم اصعدها وحدي وصعدتها
فتحت الباب وجنت راكبه الفرس طلعت وصارت تهرول سمسمه
تمشيت وسط المزارع جانت منطقه متشعبه بالاشجار وكلها مزارع مسيجه
مابيها بيوت
تمشيت وفرحت كلش
سمسمه احسها تفتهم لما تحسني فرحانه تهرول وتصهل ولما اكون حزينه واجي يمها ماتصدر منها اي ردة فعل بس اشوفها تباوعلي وكأنه تواسيني بنظراتها
عرفت ليش ضرغام يحب سمسمه هيج ثاري تسيلي هي مؤنس تحسها

ضرغام هواي متعلق بسمسمه وحتى وصاني عليها
لهسبب محتفظ بيها بهذه المزرعه ومخليها علمودها
ويتردد من الاول هنا تذكرت لما سولفلي مره

سمسمه لما نولدت ماتت امها وجانت مهره صغيره
ربيناها انه واخويه لحد ماكبرت

- اخوك؟
انت مو كلت ماعرف اهلي

- انتبه لكلامه بعدين كال
يعني صديقي مثل اخويه وداىما نحس اخوان مو اصدقاء

- وينه اخوك لعد

- مات

- مات؟ شلون

- قتلو.... ولمعت عيونه بدمعه التفت الي وكال
نقتل صديقي الي جان روحي من الدنيا

- منو قتله

- جانت عندي عداوه وي جماعه وقتلو حتى ينتقمون مني
قتلو وعافوني مثل طير المذبوح
جابولي بس راسو

- وشسويت

- هز براسه وهو يباوع للاشجار البعيده
قتلتهم
مسح وجهه وابتسم ابتسامه كاذبه كال
اي
هسه عرفتي ليش احب سمسمه
سمسومة روحي

- انت حبيت بحياتك

- اي

- منو

- وحده

- ايييي وشصار

- حبيتها هواي هواي حبيتها بس الي بيني وبينها صعب
مستحيل نكون لبعض

- شلون وليش

- جر نفس بحسره كال
منكدر

- ليش






-بيناتنا دم

- ثار يعني

- هي مالها ذنب بس الناس الي حواليها
لو تدري انه نتقمت من اهلها تكرهني وانه ماريدها تكرهني اريدها تبقه تحبني
ابقه احس اكو انسان بهذا العالم يحبني

- هه وشراح تستفاد

- الحب اذا يكون بي استفاده مو حب هذا مريم
انك تحب مجرد تشوف هالانسان انت ترتاح
شنو بيك من هموم تروح

تعرفين شوكت تعرفين قيمة الحب

- شوكت

- لما تكونين بلحظة خوف
مريم بالنهايه احنه بشر وتمر علينه لحضات
نكون ضعاف وخايفين بيها
تعرفين دور الحبيب شكد مهم هناا

كلش تحتاجين لطمأنينه لقلبج احتواء لروحج فتحتاجين لهيج شخص

بس وكتنا هذا مابي الحب الحقيقي كلها مصالح

- انت تحجي وكأنك واحد ثاني لاتفجر ولاتقتل

- انه بشر بالنهايه مريم

- مريت بهذه التجربه

- اي

- شوكت

- هي الفتره الي بيها صديقي وكتها تأذيت ونهاريت
ودخلت حاله نفسيه وجسديه متعبه
انطويت على نفسي
وبقيت بغرفتي وعلى طول قافل الباب وكاعد

- وشلون تعديت هذه الفتره

- هذه الفتره متتعده بسهوله تحتاج وقت
تحتاج دموع والم
تحتاج سهر وصبر
تحتاج وقت هواي كلش هواي مريم

- نوجعت من قلبك لهدرجه

- كلش

- ولاتوقعت

- ماكو انسان مابي الم مريم
كل القلوب تألمت
واذا متألمت فراح يجي اليوم الي تتألم بي

هذا الالم هو نقطة تغيير بحياته يكون

ألم يا أما يصعدج فوك

ياأما ينزلج جوه

يمكن يصنع انسان قوي
ويمكن يكون ضعيف ومنكسر
ويمكن يتولد شخص حاقد ويأذي باوعلي

هذا الشخص احذري مريم ( كالها برفع حاجبه الاثنين)
احذري كلش مريم

- وانت

- انه
هه
مالج علاقه بيه انتي

حتى لمن اطلعج منا واخلصج تمحيني لان اذا تذكرتيني أأذيج

- تأذيني

- اذا ترجعيلي بعد مااأمن عليج راح أأذيج

رجعت لواقعي
كلت خل ارجع للمزرعه خاف يصير عليها شي وضرغام مااخلص منه

رجعت وبقت بالمزرعه واني ماربطتها تركتها براحتها كلت خل تكسر شويه وحشة المزرعه عليه

غرب الغروب ودخل الليل بظلامه هدأت الاصوات اكثر الي جان اساسا بس اصوات عصافير
هدأت وصار الصوت البعييييييد تحسه قريب منك

نمت وغطيت بغفوه ماعرف شوكت وبيش الساعه مااشوف الا الضوه نفتح

فتحت عيني اباوع الحجي وجماعته على راسي.....

دائره تدور بي الحياة لاهنالك مخرج فأخرج
ولاهنالك زوايا فأهرب اليها

#يسعد_اوقاتكم_بكل_خير
#توقعات_الابراج_ليوم_الاحد_والله_اعلم

#الحمل
مهنياً: يبشّرك هذا اليوم بفرص واسفار وتجارب جديدة ومشاريع اعلانية واعلامية أو سياسية، ويؤول إلى تغييرات ايجابية
عاطفياً: تسود الرومانسية وقد يعرّفك صديق إلى شخص يثير إعجابك وتبدأ علاقة جديدة
صحياً: قد تمر بوعكة صحية عابرة بفعل الإرهاق وكثرة ساعات العمل، لكن لا تقلق، لا شيء مخيفاً

#الثور
مهنياً: تقلق أو تضطرب لبعض الأمور وتشعر بالحاجة إلى الحنان والرعاية، وترغب في الترفيه عن نفسك وممارسة هواية جديدة
عاطفياً: تحاول التهرب من بعض المسؤوليات الصعبة تجاه الشريك ولكن من دون جدوى
صحياً: تتمتع بصحة ممتازة ومعنويات عالية وتقرّب شخصيتك الجذابة إليك المحيطين بك

#الجوزاء
مهنياً: قد تظهر بعض التطوّرات اللافتة، وربّما تطرأ مسؤوليات ملحّة ومهمّة تسلّط الأضواء على مهارتك وقدرتك على تحمّل المصاعب
عاطفياً: التساهل مع الشريك في موضوعات أساسية، قد يترك آثاراً إيجابية، وهذا سيؤدّي حتماً إلى نهاية سعيدة
صحياً: إذا قمت ببعض المراجعات، تجد حلولاً لبعض لمشكلات الصحية، وتجاربك في هذا المجال خير دليل على ذلك

#السرطان
مهنياً: يتحدث هذا اليوم عن أوضاع مهنية متينة وممتازة، وما بدأت به قابل للاستمرار والتطوّر إذا واظبت عليه بجدك ونشاطك المعهودين
عاطفياً: غيمة سوداء قد تؤثر في علاقتك بالحبيب لكن سرعان ما تعود الأمور إلى طبيعتها وأفضل مما كانت سابقاً
صحياً: إذا رغبت في تحسين وضعك الصحي، عليك أن تبذل جهداً أكبر في المستقبل القريب لتقطف ثمار ذلك لاحقاً

#الاسد
مهنياً: لا تخاطر كثيراً هذا اليوم وخصوصاً في ما يتعلق بالأمور المادية، لأن النتائج قد لا تكون مضمون
عاطفياً: تسيطر عليك الرومنسية الزائدة وتبذل جهدك لإرضاء الحبيب وإسعاده، فتنجح في ذلك
صحياً: اذا رغبت في تحسين صحتك، عليك البحث عما يساعدك كثيراً لتحقيق ذلك

#العذراء
مهنياً: انتهى زمن الصعوبات والعثرات التي واجهتك، حالياً أنت ناجح جداً في عملك
عاطفياً: الحبيب بحاجة ماسة إليك، وأنت لا تمنحه الوقت الكافي ما قد يشعره بالإحباط، تدارك الأمور
صحياً: تجد أن كل الظروف مؤاتية لتحسين وضعك الصحي، وعليك الاستفادة قدر الإمكان من هذا الواقع

#الميزان
مهنياً: قد تصبح المسائل المادية من الأسس والمعطيات الرئيسة هذا اليوم، ويكون النجاح حليفك القوي
عاطفياً: تلتقي شخصاً من الجنس الآخر تجده ممتعاً للغاية وقد يكون بداية لعلاقة متينة
صحياً: لا تتأفف من كثرة التمارين الرياضية التي عليك القيام بها، فهي تفيدك كثيراً

#العقرب
مهنياً: تواجهك عراقيل لكن الحظ حليفك وتتخطاها بالصبر وهدوء الأعصاب وتلفت الأنظار
عاطفياً: لا تفكّر في الطرف الآخر هذه الأيام لأنه لا يفكر فيك، اتركه ليكتشف خطأه ويعود إلى صوابه
صحياً: الأجواء المستجدّة في العمل قد لا تكون مريحة، وتسبب لك الإرهاق، انتبه

#القوس
مهنياً: تدافع عن مواقعك وافكارك ومصالحك بطلاقة ولباقة، قبل أن تنهي دورة فلكية معينة وتبدأ جديداً وتشع ببريق وتستقطب التأييد
عاطفياً: الدعم الذي يوفره لك الشريك، يساعدك على تجاوز المصاعب التي أقلقتك ويخرجك من المأزق
صحياً: يكون هذا اليوم مناسباً للمراجعة الطبية، أو للخضوع لعملية جراحية إذا لزم الأمر

#الجدي
مهنياً: انتقال القمر الى بيت المال يحمل فرصاً مادية جديدة واحتفالاً ودعوات جيدة قد تبصر النور، وحاول أن تواجه الأحداث بشجاعة، وتجنّب اتخاذ القرارات
عاطفياً: تبحث هذا اليوم عن المتعة واللهو والجمال والتناغم، لكن عليك الحذر من بعض الأعداء
صحياً: بعض الرياضات الشتوية تنفعك، وتساعد على التخلص من بعض آلام الكتفين والعنق

#الدلو
مهنياً: يساهم الحظ في إعطائك فرصة ثمينة لتحسين مواهبك وتطويرها، تبدأ اتخاذ بعض القرارات الحاسمة وربما تقرر صقل مواهبك أملاً منك لاحقاً في تغيير مركزك
عاطفياً: طريقة التعبير التي تعتمدها أخيراً، تدفع الشريك إلى التقرب منك أكثر فأكثر، وستلاحظ ذلك قريباً
صحياً: قد تمر بيوم من الحزن والقلق، لكن لا تدع ذلك يؤثر في صحتك وعافيتك

#الحوت
مهنياً: إحذر مخالفة الآراء والقوانين واثارة العداوات، تشعر بالظلم أو الإساءة، هدّئ من روعك ولا تتهور معرّضاً نفسك للحوادث
عاطفياً: ابتعد عن الشكوك والأوهام تجاه الشريك، لأنّ أي خطوة ناقصة في هذا الإطار قد تؤدي إلى ما لا تحمد عقباه
صحياً: يوم آخر ليس على مزاجك، فأنت عصبي وعلى أقل كلمة تفتعل مشكلة، حاول الهدوء

#فقرة_شعر
ثگلت وجهَك علي ،
بس والله مو وكتك
ملتهي بعيشة هَلي
خل تگضي عيشة هلي
والتهي بسالفتك .

البارحة بس ردت اشوفك
والبرد وازاني كلش ، لا دفو
اليلزم ضلوعي ولا چفوفك .

تـرف مابيڪ لزمـة تمـوع
تتبـده من اصابيـعي شرايـط مـآي

#فقرة_هل_تعلم
‏لو غسلت الفحم الف مرة
لن يصبح أبيض .
كذالك قلوب بعض البشر
لن تصبح بيضاء مهما فعلت معها

#قصة_عراقية

الحلقه التاسعه عشرر


فتحت عيني لكيت الحجي وجماعته بالغرفه
جمدت بمكاني

حلم هذا لو حقيقه

شنو جاي اشوووووف

حجي وي نفسي احجي
فززني اكثر صوته

والله وكعتي ومحد سم عليج

صرخ بالولد

جيبوهااااااااا

- اجو عليه جروني ورجعو ايديه وره وكفوني كدام الحجي

عيونه تجدح غضب
باوعلي
وبعدين ضربني بكف

بس شنو من كف احس نااااااارررر اشتعلت بصفحة خدي اذني احسها صوفرت وشت

باوعتله ماصدرت مني اي ردة فعل

الضرغام مختلج هنا مو

- مرديت

- ركلني بقوه وصرخ
احجيييييييييييي

- لا

- منو جابج منو ساعدج

- محد

- باوع للولد بغضب صاح جيبوها وراي
مشه راح للسيارات
عيني صارت يمنه يسره وي مدايمشوني ادور على سمسمه بس مجانت اكو

قبل لااطلع لمحتها وره البنايه جان بس نص جذعها طالع

تطمنت مسوولها شي صعدوني بالسياره وي الحجي وساقها سايق
ورانه سيارات هم

مشت السيارات بقوه بحيث صار عجاج( ترابه) بالشارع

وصلنه تل الذهب

نزلو ونزلوني وياهم
جانت الولد كلها كاعده والاضويه مشتغله وكلها عبالك تعرف
باوعت بالوجوه كلهم موجودين الا الضرغام وابو غضب ماكو

نتر بيه

تدورين على منو

- بخوف... مدادور على احد

- منو منهممممممم
ضرغام
لو ابو غضب

- ولا واحد

- ولج لتكذبيييييين كالولي تابعه لواحد من رجالك
لمنو راجعه

- سكتت

ضربني بكف مره ثانيه

- مراجعه لاحد

- وبعدين تنهزميييييين هااااااااا
والله لااخليج تتمني للموت وماتنولي

والله لااسويج عبره لغيرج






تنهزمييييييييين وللللللج

منو هزمج

منو ساعددددج
احجيييييييييي

مارديت

نزل عليه ضرب
على راسي على كليتي دفرات
انتهيت جوه ايده

وكف بوجها سعدي

حجي

على كيفك حتموتها

- ولك ضيعتلي تعب السنيييين
تاكل وتشرب بلااااش تكبر براسي

تكبر عليييييييه

ولج انه ربيتج هيج تسوين بيه

صرخت

ابننننك
ابنك

شعليه انييييييي

- شعليج انتيييييييي

لو ردتي تلوفين عليه

ولجن دواهيجن اعرفنها

حيايه وتلفن على الواحد اليعجبجن

- ورجع يدفر بيه ضرب
بس سعدي سحبني وكاله

حجي على كيفك بس اهدأ

- طببوها جووووووووه

ويأشر على البيت الي مره حبسوني بي

اخذني سعدي وجان يهمس

ولج ليش نهزمتي شطلعججج

مارديت عليه بس جنت اتمنه اسأله اعرف الضرغام وين بس حيعرفون وخاف يأذو يقتلوه لو عرف الحجي هو الي جان يساعدني

طببوني جوه بالبيت جان اظلم ماشفت شي

اتكأت بحايط وجان خشمي يطلع دم
نقفلت عليه الباب وراحو

ماطول الوقت حتى حسيت الصبح صبح

دخل ضوه الشمس خفيف من الشبابيك للغرف

من التعب غفيت بعد مانكطع الدم

غفيت وكعدت ماحسيت ابد احد اجه

مر وقت هواي متت عطش وجوع بس محد اجه

حتى مي ماكو بالحنفياات الي بالبيت

بقيت كاعده على امل يجي الضرغام ويخلصني

مر وقت هواي هم يمكن صار العصر نفتحت الباب
جايبلي ليو اكل

اول ماشفته كمزت عليه وحضنته وبجيت

هو هم حضني كال

اشتاقيتلج كلت بس لا قتلوج

- ليو طلعني منا

- ماكدر

هاج جبتلج لفتين وماي اخذيها واكلي مريم الحجي كالهم لاتنطوها شي
بس اني جبتلج صارت هسه فرصه

نطانيها بسرعه وطلع وقفل الباب

كعدت اكلها جنت حيل جوعانه وشربت ماي
تذكرت الضرغام من كالي






أكلتي؟

همست وي روحي... اكلت.. اختنكت من تذكرته

هسه يمكن يخابر ويشوفني ماارد حيعرف
يمكن يدز احد من جماعته

يمكن يسوي شي ويخلصني منا

بقيت كاعده لليل هيج وي المغرب فتح الباب الحجي

ضحك بااستهزاء اول ماشافني

صاح تعالي

كمت واجيت لعنده جنت حيل خايفه ورحعت اباوع ادير بعيوني بلكت المح الضرغام.

همس

عليمن تدورين.... عيونج فاضحتج

- ولا
ولا
ولا شي حجي

- باين ذيب حيتكرر والواوي هم بس تهوووووون

- فهمت شيقصد وهو عباله ماعرف بماضييه دايحجي الغاز

- يعني مناويه تكلين منو ساعدج

:
- محد

- ضاهر بعدها مداكها الجوع زين فوتوهاااا جوه

- فوتوني جوه
وقفلو الباب وراحو

ومرت يومين ثانيه وليو جان يتختل ينطيني الاكل ويروح على السريع
وهم عبالهم لااكل ولااشرب

تخبل الحجي شلون هيج عايشه مدااشرب حتى ماي

اجه فتح الباب

انتييييي شنووووووو

مراح تكلين منو ساعدج من من رجالي

- مرديت

رجع ضربني كف
وكعت بالكاع

كله لسعدي رفعها لعندي

- رفعني وكفت

تدرين اذا متكلين منو راح اخليهم يغتصبوج هسه

- باوعت عليه

اني مخيره ياروح الضرغام يا اني

كتله بهدوء

محتكدر تحصل شي لان محد ساعدني

كفر بوجهي
ونتر راح افتر شويه ورد رجعلي

ولج شناطيج وهيج ساد حلكج

شناطيييييج

- سكتت

ضربني بكف ثاني ورجع يضرب بيه نهى عليه احسه

اجه ليو يحاول يخلصني منه

استادي على كيفك ستادي حتمووووت

وعاط
لما عاط وكف الحجي عن الضرب وباوعله
عقد حاجبه ولزمه من ياخته

كال بغضب من بين سنونه

بس لا انت

لا لا استادي والله مو انه بس خطيه حتموت

- ومن يمته عدنا خطيه احنه هنا
هااااااااا






من يمته

- هاي ربت ويانا حجي

- دايضربه جرو الولد ليو

صاح بيهم

اخذوهم عن وجهييييييي

طببوني الي جوه وليو راح لبيته وي الولد

بقيت بالبيت عده اليوم واجه الثاني بنهاية اليوم الثاني بالليل اجه ليو فتح الباب بهدوء جايبلي اكل جنت ميته جوع

همس

هاج مريم اكلي مكدرت الا هسه اجيبلج

- خو ما اذوك ليو

- لا ماسولي شي

- ليش بعدته عني

- مكدرت اشوفه يضرب بيج وابقه واكف مريم انه ماعندي خوات واعتبرج اختي صح جنه مرات نتعارك بس والله احبج من رحتي حسيت ماعندي لا اهل ولااخوات
هم يمكن اذا اموت محد يبجي عليه غيرج

- لا لدكول هيج اسم الله

دانحجي وفتح الضوه الحجي بالباب وشافنه

جمدنه ثنينه بمكانه ابتسم بحقاره الحجي كال

هه الضرغام دازك عليها مو

- لا
لا والله

- ولك اليوم اطلع بروحااااك

جان واكف باب البيت رفع ايده لفوك ضرب طلقه بالجو
شويه وطلعو الولد يشوفون شكو

كاللهم

من يمته هذا يجيبلها زقنبوت

- واحد يباوع بوجه الثاني محد يجاوب

صيح

ولكم انه شلون مأمن على حالي ومحتالي هناااااا
وبنيه بطول قندرتي مكدرتو عليهاااااااا

ولكم شلووووووووون

احركم انتو والمنطقه كلهااااااااا

جر ليو وضربه بعكس رجله على بطنه
ليو كبل اختنك ونفسه راح

وركضو عليه الولد

صرخ بيهم الحجي

ابتعدووووووووووو

ولكم اليوم اطلع بروحكممممممممم

صار يضرب بليو ويضربني وكوه خلصو ليو منه
بس بقه يضرب بيه من كد الضرب كمت مااحس بشي مجرد حراره بجسمي

انتهيت جا داينهي عليه لو ماواحد من الولد اجه يركض

كال

حجي رجعو الولد

هنا احس امل نولد عندي من جديد فرحت

صرخ بيهم الحجي

طببوهااااااااا
سدو حلكها وجتفو ايديها لاتخليهم يدرون

- طببوني جوه

جان سعدي يقوم بالمهمه كلمني

عاجبج هيج كولي منو وخلصي نفسج
مراح يهدج الحجي تره






- سمعت صوت السيارات فاتت جوه ونزلو الولد
وصوتهم على

يلااااا ياوووولد

كلها تنزل الجو حار وهي صارلها هواي بالبنيد

ماعرف شجايبين بس صوت طكطكتهم اسمعها
والحجي بصوت عالي
ردت اشوف بس مااكدر ايدي مربطه وسادين حلكي
باوعت شلون اشوف بقيت اباوع
لمحت ثقب صغير بالباب

باوعت من الثقب شفت الولد كلها ملتمه وتنزل

والضرغام هم ماكو

بقيت اباوع بلكت اشوفه

هنااك شفته واكف ومخوصر بيده الاثنين يروح ويجي يباوعلهم ويرد يباوع للكاع ويتمشى

نزلو البضاعه وحركت السيارات طلعت
والولد كلمن راح لمكانه

الضرغام كلت هسه يروح للمزرعه بس ماراح بقه بمكانه واتعجبت وانقهرت

مرت يومين
واكل وشرب ينطوني وجبه باليوم

ولما جابلي اكل سعدي

همس

حفكج بس حسج عينج يطلع صوتج

تره الي واكف بضهرج يقتله

الحجي شاك باابو غضب وبالضرغام اكثر شي
واذا طلعت اي حركه منج ينقتل

خاطره الزاد والملح داحذرج مريم وبعد بكيفج

- ليو

ليو شسووله

مكسوره ايده وبيتنه كاعد

خل اشوفه

ماكدر اطلعج

شويه اشوفه حاول

احاول

طلع سعدي

وصادفه الضرغام

الضرغام-هاي شعندك هنا

هااا ههههه جنت اسد بوري الماي

- هز براسه بمعنى اي

- كثرانه كعدتك هنا

- اي وين اروح شعندي

- القبرص داز تهديد للحجي

- شصاير

- مادري بس سمعته يخابر وكال الكلب يهدد انه اعلمه ماتعرف شي انت

- وشدراني انه

-من طلغتو مكالكم شي الحجي

- لا جان يخابر على كد الشغل

زين اروح انه اشوف ليو

راح كل واحد بجهه
جنت اباوع من الثقب
اشوف بملامح ضرغام برود مامبين عليه شي وكأنه ماعنده مزرعه او فرس او اني بيها او ماكو

ردة فعله طبيعيه لدرجة قهرتني هواي

مرت الايام جنت اشوفهم يسهرون بالليل شرب ونسوان ورايسز وحتى الضرغام وياهم






- ياحسافه متوقعتك هيج هنت عليك ضرغام
بس يله انت شعليك
مو زين منك ساعدتني بهذيج الايام
اباوعله يشرب والبنات كدامه يركصن
هواي قهرني هذا الموقف

اشوفه يضحك وياهم ويتشاقه وعادي

خابت كل امالي
كل ضنوني

توني بديت احلم بااحلام ورديه

توني بديت احس بنبض بقلبي

توني بديت اح.....

لا ياحب

شحب منك

هو انت لنفسك ماتحبها ولااني لنفسي احبها

ياحب

بس

بس انت غير ضرغام

انت ميزتك عنهم كلهم

انت صرت نور ينورلي ضلمة طريقي

ليش تطلع ليل مثلهم
ليش

هيج ماهميتك

صرت ابجي وااعاتبه من وره الباب صح هو مدايسمعني بس كبالي

دااشوفه

هيج ماهميتك ضرغام

هيج هنت عليك

حتى لو مامجبور تكتلف بيه بس

بس اني تعلقت بيك

ليش تعلقني بيك هيج

ليش تحسسني بالامان والحب

تعيشني بي لحضات وبعدين تاخذه مني

ليييييييييييششششش

ياوجعي منك

ياخيبت ضنوني

شنو الي صار وهيج تغيرت

لو جنت رايد اروح ومستحي دكولها

جنت هم وثقل عليك

ارتاحيت لان تخلصت منه

توقعت

توقعت تح..

لا

لا
اني رحت وانجرفت بعواطفي وحسيت بلي مالازم احسه

اسفه لان حبيتك...... بس اني أحبك

وتمر الايام....
لحد مابيوم اجه الحجي شفتهم كعدو هو والضرغام على قنفه لوحدهم
ويحجون مجنت اسمع شيحجون
شويه وصاح الحجي

سعديييي

سعديييييي

تامر حجي

طلعها لمريم

اجه سعدي فتح الباب وطلعني

اجه لازمني من زندي جنت لابسه دشداشه شعري معكش ومفلول وجهي مادري شصاير بي بس اباوع لايدي مطعنات

شافني ضرغام وكف على حيله انصدم من شافني

ماعرف من وجودي بالمنطقه
لو من حالي الي ماعرف شصاير بي






كاله الحجي

من تعشكها ليش ماكلت

التفت اله وحجه بهدوء

مااعاشكها انه ماتربطني بيها اي علاقه اصلا
مجرد ساعدتها

طلع الموبايل الحجي

وهذاااااا بس رقمك عليه هم حتنكر

حجي كتلك مساعده

انه مو تدري بيه دادور عليها

جانت بوضع مو مال اجيبها لعندك

- وانت بأي حق تحكم بيا وضع تجيبها ماتجيبها
صرخ

انه مو تدريييييييي دادوووور عليهااااااا

صرخ الضرغام بصوت
جانت حاملللللللل

معتدين عليهاااااا حبلوها جانت تنزف الطفل ميت بطنهاااااا
شلون اجيبهاااااا

- سكت الحجي

وشيثبت على كلامك

-اكو اوراق تثبت جانت حامل راجية الدكتوره تثبتتتتتتت

- صرخ بالولدددد

روحوووووو منااااااااااا

- راحو الولد وبقينه اني والحجي والضرغام

وين لكيتها من شوكتتتتت

بالشارع

- شوكتتتت

قبل شهر

شكد جان عليها

شهر ونص

وباوعلي مباشرة وكأنه يكلي لتحجين اي شي

يعني مو ابن ابني الي جان بطنها

لا حجي

- ضرغام اطلع بروحااااااك احجيييييي

- حجي مو ابن ابنك

- يعني البنيه متعودلك

- لا

- ماعندك علاقه بيهااااا

- لا

ماتهمك

- اي

واني اباوع للضرغام هذا شديحجي
شدايكووووووووول
جان يحجي بثبات الكلام برزانه وهو مجتف ايده لوره واكف بثبات مو هامه شي

حتى منك نخذلت ضرغام

سحب سلاحه الحجي وخلاه على جبهتي
كال اليغدر ماله مكان بينا.....

لم أبكيك اشتياقاً ولكني بكيتك خذلاناً

سديم....

ماتوقعت تدني نفسه عليه بيوم
ادم على مايبدو ذئب
يغدر بأي لحضه

بقه يتعذر ويحاول يرجع كلشي لطبيعته بلحضات بس اني جنت منهاره

ادم وخرررر عنييييي صرخت بصوت بي
كمت مااطيق اشوفه






مااطيق اسمع صوته

هدأت من نفسي وفتحت الباب حتى اطلع

همس

حتطلعين

مارديت عليه وطلعت

امشي بالشارع وكوه مصبره روحي حتى ماابجي
وصلت للشقه

تلكتني هند تبجي

- شبيج

- هذا الكلب مدايعوفني بحالي

- هنا نفجرت طلعت حركتي بيها
كاااافيييييي
انتي شنووو

ماعندج غيره سالفه

صارلج شهور ثبرتينه بيييييي

صرتيله طعمه سهله اخذي مااجااااااج

انتوووو

انتووووو كلكم اذيتونيييييي كلكممممممم

طلعت من الشقه اركض واركض وابجي

هنا ضاقت الدنيا بيه كلش
حسيت بدفو الاهل ولمتهم وشتاقيت لمرت خالي ردتها بهذه اللحضه
بس دنيا ليل وين اروح
لازم انتظر للصبح

بقيت بالشارع وقت ماعرف شكد بس خفت حركة الناس

شبه ماكو

رجعت للشقه لكيت نايمين ومطفين الضوه حضرت غراضي على ضوه الموبايل
وب 7 الصبح توجهت للكراج ارجع لبيت خالي

رجعت لبيت خالي وفرحت عمتي لما دكيت الباب وشافتني على الباب

هله
هله بسديم حبيبة كلبي

- حضنتها وبجيت لما شفتها

غابت ابتسامتها وجهها يعبر عن الحزن والفزع

شبيج شصاير

- اشتاقيتلج عمه

- شبيج بنتي كولي

- مابيه

مسحت دمعي

انتي شلونج

- تعالي فوتي خل نتريك

كعدت وخلت صينية الريوك وكعدنه نتريك وصارت تسولف

ليش هيج تكطعين بينه متجين

ارتبطت بشغل مكدرت

- وشعجب جيتي

- نطاني اجازه ادم

- اي عاشت ايده
الله يوفقه ويرزقه ويعاين حاله مثل ماسهلها عليج وعاين لحالج

- باوعتلها ضجت لان دعتله بس سكتت

- كليلي شلونج بالدراسه

- زينه عمه زينه

- وبالشغل شلونج مرتاحه ان شاء الله

- جاوبتها بخنكه بابتسامه متصنعه
اي
كلش مرتاحه






خليت راسي بحضنها احاول الم شتات روحي

صارت تمسح على راسي وتنشر( تقره)

بسم الله الرحمن الرحيم

الحمد لله رب العالمين.................... والا الضالين

بسم الله العظيم
بسم الله الرحيم
بسم الله القدوس
بسم الله الحافظ
بسم الله الرحمن الرحيم
اللهم نعوذ بك من كل حاسد
اللهم نعوذ بك من كل حاقد كالشيطان المارد
اللهم نعوذ بك من وساوس الشيطان
وعدو الرحمن
بسم الله الواحد الاحد
الفرد الصمد

صارت تقرالي على راسي واسمعها تقره ارتاحيت نفسيا

سألتها

عمه مره سولفتي الي عن النبي يوسف وكتيلي جان شاب عفيف وطاهر ف رب العالمين على شانه وقدره بين الناس

- اي
النبي يوسف عليه السلام كان طفل يتيم الام ماتت امه لما ولدت اخوه بنيامين
فكبرو وهم ايتام كان النبي يعقوب ابوه
يحبه هواي لانه يتيم ولانه فقير
صار يكبر يوم بعد يوم كان يلاحظ صفات النبوه بي هو رغم من المعتقد مفروض لااكبر اخوانه بس النبي لاحظ هالشي على يوسف
كبر يوسف وحلم بسجود الكواكب والنجوم والشمس والقمر تسجد اله هنا ماتعجب النبي ولاستغرب لان شكه طلع صحيح

- يعني الكواكب والنجوم نذكرت بالقران

- اي

- تأكيد على الفلك ووجود كواكب ودلاله على اهمية الرؤيا بالمنام

- بالظبط

- كاله النبي لازم تكتم هالشي ومتكوله لاخوتك بس اخوته عرفو عن طريق زوجة ابوهم الي كانت تسمعهم وخبرت ولدها وعمت الفتنه بين الاولاد
خططو انه هم يقتلو او يذبو بالبير

انتهى المطاف يذبو بالبير لما اقترح عليهم واحد من اخوته
وكع بالبير بس وكع بالمي ورفعته صخره ودته على اليابسه داخل البير
بعد ماافاق وراد يطلع ماكدر
وره ايام قافله اجت ونزلو الدلو وهو صعد بالدلو لما رفعو الدلو تفاجأو ولد
شافوه حسن الوجه فااشترو من اخوته لان اخوته تفاجأو من شافو عايش وكالو هذا اخونه بعد. نقاشات باعو ونباع يوسف بسوق نخاسه لعزيز مصر
تربى بقصر عزيز مصر يعني نائب رئيس جمهوريه عدنه احنه
جان هذا ماعنده اولاد فربى ليوسف على انه ولده
كبر يوسف وصار شاب حسن الوجه جميل جدا هذا الشي خله الشيطان يوسوس بقلب زوجة العزيز فبدأت تحبه ولما حبته فكرت بأقامة علاقه وياه غير شرعيه

- استغفر الله شلون وهو نبي

- مو هي متدري بي نبي
المهم النبي ماقبل ورفض وكاللها انا مكتوب بالسماوات من النبين وحاشى ان اكتب في الارض من العاصين الزناة
انا مااخون الرجال الي عشت بيته وكبرت بيته
هذه مو شيمي

بس هي ماصرفلها الحجي ضربته بكف
ولما راد يردلها الكف ويضربها بغرض تعود عن الي تسوي وتوب نزل عليه جبرائيل في هذه اللحضات
وكاله يايوسف لا تضربها
راح تفتري عليك ودكول ضربني وانت مراح تنكر انك ضربتها






- ليش خو يكلهم مضربتها

- هو نبي شلون يكذب
مو هي حتكللهم ضربني لان مقبلت

- اي صح

- ففتح الله سبحانه وتعالى الابواب المقفله عليهم حتى يهرب يوسف ونفتحت الابواب الا الباب الاخيره مانفتحت

- عزه ليش

- سبب من ربج هو بده ليوسف لغز مافهمه ليش مانفتح بالبدايه بعدين عرف لما شكت قميصه من خلف وانكشف الامر لما شهد طفل صغير

- شلون هو ماشافهم

- شهد هذا الطفل بمعجزه من رب العالمين طفل صغير ابن الاشهر مايتكلم بس تكلم حتى يبرءالنبي يوسف

- جريت نفس
الجمال مرات يصير فتنه

- اي خاصا البنيه تلكيها مترتاح
اما تنفس من كثر الي يردوها وترفض

- تنفس شنو

- يعني تصير نفس الشباب بيها مترتاح بحياتها ابد

او تلكيها تتزوج بعمر صغير وتخلف وتنذب المسؤوليات عليها فتتعب ويروح جمالها

او تحظى بزوج متعب يتعبها فتكره حياتها ونفسها

ذيج من ذيج الي تلكيها حلوه ومرتاحه وماخفي كان اعظم اكو ناس حتى على وجعها تكابر وماتحجي

- يوسف نبي وكدر يعصم نفسه من الغلط هم جان غلط لو مارحمة الله

- حياتنا هاي كلشي بيها واحنه لكل شي معرضين يابنتي
البنيه المستوره الي تبقه محافظه على نفسها لحد ماتموت
وحتى لو اكو ناس تصير بطريقنا تجرنا للغلط
فهذا اختبار من الله يشوفج شنو تسوين

- مفتهمتج

- يكولون الانسان المؤمن مبتلى مو صح

- صح

- لهسبب رب العالمين يختبر عبده المؤمن اكثر من العاصي تشوفين العاصي مو تعبان بحياته مثل المؤمن

- صدك عمه ليش

- حكلج ليش
الانسان العاصي هذا مايفيد بي للنار مصيره
اما المؤمن فرب العالمين اكيد اختارله منزلته الجنه بالنهايه
فشلون يشوفه يستحق هالمنزله يستحق انه يكون بجوار رحمته يستحق انه يكون مع الانبياء والصديقين والشهداء يستحق؟
فيختبره
يرزقه يمكن بالاولاد وياخذهم منه بعدين
يرزقه بالمال وياخذه منه بعدين
يرزقه بالجمال وياخذه منه او يجي من يتلون بلون الشيطان ويحاول يوكعه بالغلط

يعني

- يعني ممكن البنيه يجيها شاب يفوتلها بدرب العشك ويعلقها بي ويحاول بعدين يدور منها علاقه هنا هي حتستسلم لعواطفها لو لتربيتها تلحك ودينها ومبادئها

- اكيد دينها ومبادئها

- هالشي مو اني وانتي نحكم هالشي الموقف يحكم
الكلام ماكو اسهل منه بس الفعل صعب
كل البنات هسه راح يجاوبوني نفس جوابج بس يمكن يسوون عكس مايحجون
يعني وكت مايجي الدور عليها يمكن تضعف وتستسلم ويقنعها الشخص الثاني هو يحبها وهي تصدك
مرات ياسديم الحب اختبار من الله
مرات يجيك هذا الشخص الي لكيت بي كل مواصفات الانسان التتمني بس هذا الانسان مو زين الج مو صالح الج يمكن يأذيج بالغلط
لما يجرج لدروب الهاويه هنا تأكدي هذا اختبار من الله هل انتي تستسلمين لو لا






- قصدج يعني ممكن البنيه تتعرض لتحرش ويكون اختبار

- وارد جدا...

- قصدج يوسف اختبار

- كان شاب اعزب برأيج مو اختبار

- اكيد

- شوفي يابنتي كتلج الحياة كلشي بيها وخير البشر يطلع بكفن ابيض وجه ابيض امام الله عز وجل
تعرفين ياسديم شنو اجر الشاب او البنيه الي تخاف توكع بالغلط
الانسان في مرحلة العشرينات او الثلاثينات في عز شبابه وقوته يكون اجره عند رب العالمين جبير اذا ييتعد عن الشهوات ويخاف الله
الله يباهي ملائكته ويكلهم
انضرو لعبدي الذي اطاعني وخاف ان يعصيني
فيوجب الله الجنه اله
لان حتى الملائكه ماكدرت تصبر امام الغلط غلطت
قصة هاروت وماروت

- اي صح

- ديري بالج على نفسج وخلي شغلتين بالج قبل لاتسويها

- وهي

- اي شي تردين تسوي شوفي يناسب الشريعه والمنطق اذا يتناسب سوي مايتناسب لاتسوي لو تفزع عليج امه بحالها

- ان شاء الله

- روحي ارتاحي ونامي راح اسويلج اليوم دولمه لاجعه على ضلوع

- عاشت ايدج عمه
بستها وكمت ريحني كلامها هواي وذكرتني بقصة نبي يمكن تعرض مثل موقفي بس الله سبحانه وتعالى نجاه
الحمد لله الي الله نجاني من هذيج الليله
والا ادم صار شيطان بيومها مو ادم الي اعرفه
مرات احب اسمع قصص انبياء ومرسلين احفظها بالذاكره واتعلم منها وتؤنسني وكت الشده
هند صحيح عدها ام بس ماتعلمها متأكده ماوعتها مثل مرت عمي
هند لو عدها ام قريبه منها وتحذرها دائما جان صارت مثلي جان ماضعفت بالحب
صح لو كالو الام الي تربي مو الي تخلف
صرت احمد الله خلالي هيج انسانه بطرقي
هونت عليه الم شكبره

وسط هذه الافكار اتصل ادم

باوعت بمجرد شفت اسمه نغثيت
مارديت عليه
رجع اتصل مره ثانيه

مارديت جانو متصلين عليه البنات بس مجنت ادري بتليفوني وهم مارديت عليهم

- دزلي مسج

- سديم ردي
بالي يمج سديم اسف والله اسف
غلطت اعتذر الله يخليج بس اسمع صوتج
تره حجيج للكليه اذا متردين

مارديت ولااتصلت
خليت الموبايل على الميز الي يمي وخليت عكسي على عيوني ردت انام
تقريب ال نص ساعه اكثر
اتصل
مارديت
دز مسج

ليش ممداومه مو عندج امتحانات ولج سديم ردي تره قلقت

- ماهتميت ولا رديت

- نص ساعه نوب
اتصل
واتصل
وبقه يتصل يجي 4 مرات ماارد
دز مسج

ولج لابالدوام ولا بالشقه وينج سديم






لج ردي حتى البنات مايدرون وين ردي

دزلي مسج

لجججج شووووون انتي ويييين
لج لتخبلينيييي

اتصل

زهكني بالاتصالات رديت

-( كلمته بنتره) شتريد شعندك تتصل

-وين انتي

- وانت شعليك

- لتكفريني سديم وبن انتي تحجي

- مالك علاقه بيه ولاتخابر بعد

- هاي شلون حتخليني افرك حلكها واكص لسانها

-( نترت) ولك انت شعليك بيييييييييه

- وين انتي

- اني ادري هسه اذا احضرك حترجع تخابرني من خط جديد حقفل موبايلي من وراك واخلص من شكولاتك كافييييي

- اوكفي داالغي وياج لتمسلتين
انتي وين

- شعليك
بشنو يهمك
شلك دخل يااخي شعليك شعليييييييييك

- بس خل اطمأن

- عساك لاتطمنت وبعد لتتصل ولا الك علاقه بيه بعد
عوفني
عوفني بحالي

- سديم كافي كتلج مو بوعي جنت شارب

- كذاب

- داكلج سكران مادري

- والمطلوب

- انسي الي صار ارجعي للكليه ارجعي للشغل

- هه ههههه كل عقلك اشتغل وياك بعد

- مو كتلج اسف

- انت اذا هيج تشرب وكتدري بروحك شمشغلني وياك

- شتردين لعد

- ماريد شي من رخصتك
وسديته للخط
وقفلت الجهاز

ماعرفت شحجي بشاعة الموقف لو بشاعة عذره
يكلي ماادري بروحي
والله لااندمك ياادم وتحلم تسمع صوتي بعد لو تطول تنال ضفري

صاحتي عمه على الغده وكعدنه تغدينه جانت دولمه حامضه ولاجعه وعلى ضلوع وياها طرشي ولبن المنظر يموت
اجوي ولد خالي وفرحو بجيتي عبالك اول مره اجيهم او يشوفوني وتوته هم فرحت وجانو مشتاقيلي كلش
التمينه كلنه على الصينيه وكعدنه نتغده بعد الغداء
اجت عمه لابسه العبايه كالت سديم راح اطلع

- خير عمه

- اروح اجيب التحاليل هسه طلعت واداوي

- ياتحاليل خيرج

- من ارجع اكلج حروح هسه

- راحت عمه واني وتوته كعدنه نسولف ونحجي
ونشاقه جنت كلش مشتاقتلها
سوينه كيكه ورتبنه البيت بين ماتجي مرت خالي
سرحنه شعرنه
ومكيجنه خفيف سوالف بنات ومن هالامور
اجت مرت عمي جان وجهها ينطي الوان

شبيج عمه

- سكتت
بعدين جرت نفس باوعت للسماء كالت الحمد لله

- شكو عمه شكالج الدكتور

-سويت التحاليل كال لازم تسوين عمليه

- عملية شنو

- ترقيع عظم براسي صاير عندي ورم

- شنو شتحجين

- ماعرف شسوي تماهنت بهذيج الفتره راسي يوجعني ماهتميت كلت عادي بعدين اكتشفت هالشي

- وشوكت تسويها

- من باجر اكدر بس فلوسها ذلون ماادري

- شكد تكلف

- ١٥ مليون

- شهكت من سمعت المبلغ هاي شلون منين اجييييب شلون حندبرها

-بقيت متحيره شلون

كالت عمه

هي موته لو موتين

ليش عمه تحجين هيج

-خل اموت ارتاح من هالدنيا

- اسم الله عليج عمه

- تحيرت ماعرفت شلون ومنين اجيب وشلون حدبرها
ضاقت بيه الدنيا اكثر من ماضايقه
واحتاريتتت شسوي واني بطلت من الشغل
ارجع وي ادم لو شسوي
شلووون........

#يسعد_اوقاتكم_بكل_خير
#توقعات_الابراج_ليوم_الاثنين_والله_اعلم

#الحمل
مهنياً: لا تزال الحظوظ تدعم كل تطلّعاتك وتوجهّاتك، ولا بد من أن تكون قد وضعت الخطوط العريضة على الصعيد المهني
عاطفياً: تمر بيوم دقيق بعض الشيء، لكن لا تدع ذلك يؤثر في علاقتك بالشريك لأنه يسعى لمساعدتك
صحياً: لكل داء دواء، ودواء البدانة أو السمنة التخفيف من الأكل وممارسة الرياضة، ماذا تنتظر؟

#الثور

مهنياً: لا تعتمد على مساعدة زملائك، يمكنك انجاز مهامك بنفسك بشكل جيد
عاطفياً: في الحب هناك الحلو والمرّ، قد تعاكسك الظروف لتعود من ثم وتبتسم لك
صحياً: قد تشعر بألم خفيف في أطراف أصابعك أو ببعض التنميل، وهذا سببه خلل ما في العنق

#الجوزاء

مهنياً: مفاجأة مادية صغيرة تفرحك وتدفعك قدماً نحو تطوير أدائك في العمل
عاطفياً: أنت رومانسي إلى أبعد الحدود، تجذب عاطفتك الجياشة الحبيب ويتعلق بك أكثر من السابق
صحياً: إسترح هذا اليوم ولا تقم بجهود إضافية، وحاول الترفيه عن نفسك قدر الإمكان

#السرطان

مهنياً: ما تواجهه اليوم هو مجرد تراكمات قديمة لن تؤثر في محيطك المهني، وتتجاوز ذلك براحة تامة
عاطفياً: يفترض أن تفكر في الاستقرار جديّاً، وخصوصاً أن الشريك المناسب لذلك موجود إلى جانبك
صحياً: تحاش كل ما من شأنه أن يدفعك إلى تناول كميات كبيرة من الطعام، واكتف بالكمية التي يحتاج إليها جسمك

#الاسد

مهنياً: توقّع عقداً أو تفسخ عقداً كل شيء محتمل، فكّر جيداً وشغّل عقلك، وإياك إثارة الأحقاد الدفينة والعناد الفارغ
عاطفياً: الفكرة التي تكوّنت عند الشريك، قد تدفعه إلى القيام بخطوات غير مدروسة، فسارع إلى توضيح الأمور
صحياً: لا تتردد في الالتحاق بأحد الأندية للبدء بالتمارين الخاصة للتخلص من الوزن الزائد

#العذراء
مهنياً: يجعل هذا اليوم التوظيفات والاستثمارات ناجحة ومثمرة، ويكون التعامل مع الأمور الفنية أو مع البورصة ناجحاً
عاطفياً: عليك أن تمضي وقتاً أكثر مع الشريك ليجتاز المحنة التي يواجهها، ووجودك إلى جانبه يساعده كثيراً ويريحه
صحياً: قاوم شراهتك على الأكل الدسم، وحاول الاكتفاء بالتي تكثر فيها الخضراوات

#الميزان
مهنياً: فرص مناسبة تنتظرك فاعرف كيف تستغلها لتجعل مشاريعك تتحقق وتسعى للمزيد منها
عاطفياً: كن مرناً في علاقتك بالشريك فأنت لا تطيق فراقه أو الابتعاد عنه، وكذلك هو
صحياً: بعض الانزعاج في أطراف القدمين سببه كثرة الوقوف، فحاول التخفيف من ذلك

#العقرب
مهنياً: قد تكون تعبت في العمل ولكن لا تفقد العزم، فأمامك مسؤوليات يجب إتمامها
عاطفياً: تفاؤلك الدائم وثقتك بالحبيب يضفيان عليه الطمأنينة ويشعرانه بالاستقرار وبحبك الصادق له
صحياً: لا تتململ ولا تتذمر من إلحاح المقربين منك وطلبهم منك القيام بما يلزم لتخفيف وزنك، فهم يريدونك في صحة ممتازة

#القوس

مهنياً: تتحسن العلاقة بالمقربين من الزملاء، ويبدو الاتصال سهلاً مع من كنت تخشاهم في الماضي لأنك لم تتعرف إليهم كما يجب
عاطفياً: تعيش يوماً مريحاً نفسياً وجيداً لتقريب وجهات النظر اذا كنت مختلفاً مع الحبيب، وقد تسعد بلقاء الأحبّة
صحياً: لا تقل سأبدأ غداً بممارسة الرياضة، بل ابدأ منذ اليوم، خير البر عاجله

#الجدي
مهنياً: يبدو أن الجو واعد ومشرق وغني بالتطورات السعيدة والايجابية، ربما تحصل على مساعدة مالية او تشارك في ورشة عمل او مؤتمر ما، وقد تحقق أمنية
عاطفياً: البرودة بينك وبين الشريك تسبب بعض الفتور في العلاقة، إنما ليوم فقط، فلا تقلق
صحياً: تحقق من أنك تتقيد بتعليمات الطبيب المتعلقة بتمارين الظهر، للتخلص من آلامه المزعجة

#الدلو

مهنياً: تتمتع بنشاط وحيوية ولديك المقدرة لإنجاز الكثير من المهام الشاقة الملقاة على عاتقك وتنجح
عاطفياً: تلتقي شخصاً من الطرف الآخر يثير إعجابك، لكنك تبقي الأمر سراً ريثما تتعرف إليه أكثر
صحياً: إثارة عصبيتك هذا اليوم قد تسبب لك انزعاجاً كبيراً، تخلص منه بالمشي مع أحد أفراد العائلة

#الحوت
مهنياً: حافظ على صبرك وهدوئك، ولا تترك انفعالاتك تتخذ القرار عنك، تتأرجح بين الحماسة الشديدة والتردّد والشكوك
عاطفيا:ً التعابير التي يستخدمها الشريك تثير الشكوك، وهذا يترك مجالاً أكبر للشك حول حقيقة نياته تجاهك
صحياً: قد تكون صحتك عرضة لانتكاسة مفاجئة، لكنها عابرة تستعيد بعدها عافيتك ونشاطك